Бугарија се повлече од изградбата на Коридор 8

Нашиот сосед Бугарија, донесе одлука да ги повлече парите што беа планирани за реконструкција на делот од пругата Софија – Ѓуешево.На ова реагираше министерот за транспорт, Александар Николоски. Тој посочи дека со жалење ја примил информацијата, која е официјален документ од бугарската Влада со кој одлучиле да ги тргнат средствата што биле претходно предвидени за реконструкција на пругата.,,Остануваме силно посветени на изградбата на железничкиот Коридор 8. Во овој момент, активно се работи на втората секција, во должина од 34 километри, која оди од Бељаковце до градот Крива Паланка. Во јануари ја пуштивме првата секција од Куманово до Бељаковце и остануваме посветени на дијалогот со Бугарија со цел на изнаоѓање заеднички прифатливо техничко решение во однос на тунелот што треба да ги спојува двете држави, изградба на третата секција, затоа што сметаме дека Коридорот 8 е од исклучително значење не само за Македонија туку и за целиот регион и за цела Европа. Тоа е НАТО коридор, втор по значење коридор за НАТО и нашата посветеност останув”, изјави министерот Николовски.Министерот за транспорт пренамената на парите ја оцени како политичка пропаганда против македонската влада.,,Донесоа одлука парите да ги пренасочат, со што испраќаат политичка порака за нивната посветеност односно непосветеност за изградбата на железничкиот Коридор 8 и исто така паѓа во вода целата пропаганда која беше водена во изминативе седум месеци против пртеседателот на Владата, првенствено против премиерот Мицкоски и против мене дека имаме нешто проитв Бугарија, дека не сакаме да се поврзуваме, дека имаме некаква оска Атина Белград и слични глупости кои беа дел од пропагандата. Но, на крај вистината излезе а тоа е дека било залажување и пред јавноста и пред европските институции, а намерите биле сосема различни”, изјави Николовски.Тој соопшти дека утрово испратил писма до европската делегација, европската транспортна заедница и до двете банки – Европската инвестициска банка и Европската банка за обнова и развој.,,Македонија има потпишани договори за кредит за Коридорот 8 во висина од 350 милиони евра и за истите доколку не се користат, ќе треба да плаќа резервација. А во овој случај, користењето нема да се паузира поради нас, туку поради соседната држава. Затоа, на овој начин ќе се обидеме да го заштитиме финансискиот интерес на државата”, рече Николоски.

Македонија | пред 1 година

Калајџиев: Кој само ја даде таа идеја владата да организира протести против судството?!

Професорот по кривично право, Гордан Калајџиев, се огласи со став по најавата на Христијан Мицкоски дека ќе има протести ако членовите на судскиот совет не си поднесат оставки:„Кој само ја даде таа идеја владата да организира протести против судството?! Абе уште 100 години нема да влеземе во ЕУ“, гласи неговата реакција.

Македонија | пред 1 година

Јахоски од “Пуцко петрол” однесен во затворот во Шутка

Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење организиран криминал и корупција, изјавена против решение на судија на претходна постапка против А.Ј. , а поврзано со истрагата за набавка на мазут во ТЕЦ Неготино, по одржана јавна седница како и ценење на наводите во жалбата и одговорот на жалба донесе решение со кое:Мерката куќен притвор , определена со решение на судија на претходна постапка се преиначува и се определува мерка притвор во траење од 30 дена заради постоење на основите од чл. 165. ст.1 т. 1 и 2 односно Опасност од бегство и Околности кои укажуваат дека истиот може да ја попречи истрагата со влијание врз сведоци.Донесеното решени е доставно до странките во постапката и добиено е известие од надлежната полициска станица дека лицето е обезбедено и спроведено во Истражниот затвор Скопје.

Македонија | пред 1 година

Костадиновски: Подготвителната седница за Законот за јазиците ќе се емитува во живо, секој граѓанин ќе гледа и слуша како ја водиме постапката

Претседателот на Уставниот суд, д-р Дарко Костадиновски денеска одржа брифинг со новинарите на кој информираше за одржување на претстојната Подготвителна седница за Законот за употреба на јазиците.Костадиновски соопшти дека присуство на седницата која ќе се пренесува во живо, потврдиле 13 домашни експерти од областа на уставното право и судовите, како и двајца надворешни експерти. Тие ќе одговараат на шест правни прашања на судиите.Најавено е пристуство на Мартин Кауер, потпретседател на Венецијанската комисија, судијата Артурс Кучс, судија на Европскиот суд за човекови права со експертиза за малцинските права и употребата на малцинските јазици, кој ќе ја образложи праксата на ЕСЧП во слични случаи и ќе ги презентира европските стандарди за употребата на јазиците. Од домашните експерти присуство потврдија Маргарита Цаца Николовска, поранешен судија на ЕСЧП, Рената Дескоска, професор по уставно право и член на Венецијанската комисија, професoрите од правниот факултет „Јустинијан I", Борче Давитковски, професор по административно право и јавна администрација, Гордана Лажетиќ, професор по казнено процесно право, Денис Прешова, професор по уставно право, Јетон Шасивари, професор по уставно право на Универзитетот за Jугоисточна Европа, Мерсељ Билали, професор по меѓународно право, професор Мерсим Максути од Државниот универзитет во Тетово, Абдул Меџит Нуредин професор од Меѓународниот универзитет Визион од Гостивар, доц. д-р Азам Кор Бајрам од Универзитетот Визион Гостивар, Жаклина Доведен, претседател на Апелационен суд Битола, Иван Џолев, претседател на Кривичен суд Скопје, Бурим Сејдини, претседател на Управен суд.Костадиновски даде појаснување за значењето на подготвителната седница, фазите на постапката потенцирајќи дека одржување на таква седница значи собирање на експертски мислења, но не и дека Судот ќе донесе конечна одлука на 20 март, со што ги демантираше изјавите на одредени политички субјекти дека Судот ќе укинува права уредени со Уставот.„На седницата ќе се дискутира за материјалниот аспект, бидејќи за формалната страна веќе е исцрпена дискусијата со одржување на подготвителна седница на 18 март 2021 година за Указот за прогласување на Законот за употреба на јазиците. Да појаснам, материјалниот аспект се однесува на содржината на одредбите, додека формалниот е начинот на донесување на законот. Согласно членот 40 од Актот на Судот, подготвителна седница се организира заради разјаснување на фактичката и правната состојба по одделни предмети, на седницата судиите поставуваат прашања во врска со спорните правни и фактички прашања кои се битни за одлучувањето на Судот. ”, кажа Костадиновски.Претседателот на Уставниот суд најави дека за прв пат подготвителната седница не само што ќе се овозможи снимање во живо, туку и ќе се емитува на неколку платформи паралелно со симултан превод и на англиски и на албански јазик, за што Судот ќе објави дополнително упатство следната недела, според кое секој граѓанин со едноставен пристап до интернет ќе може во реално време да ги слушне сите аргументи и стојалишта на експертите.„Со оглед на сензитивноста на овој предмет, Судот ќе обезбеди транспарентно и отворено водење на постапката, за секој граѓанин во државата да може да види и слушне како се водат седниците. Целта е да допреме до јавноста и да се сузбијат сите дезинформации и манипулации кои се врзани со овој предмет, бидејќи сме свесни дека се користи за лични политички и други цели на начин што се злоупотребуваат чувствата на граѓаните”, рече Костадиновски.Одговарајќи на прашања од новинарите околу политичкиот фокус за предметот, Костадиновски изјави дека политичарите имаат ппредметот се злоупотребува за дневни политички теми.– Не е мојата цел да ги разубедувам политичарите, нема да престанат, нивните манипулации ќе продолжат. Ако успееме ние како суд да ги убедиме граѓаните да не бидат манипулирани, тоа е успех, изјави претседателот Костадиновски.Претседателот апелираше да се внимава на терминологијата и информациите кои се пласираат во јавноста поврзани со овој предмет и ги отфрли сите обвинувања упатени кон Уставниот суд кои се во насока на одлучувањето по овој предмет.„Со индигнација ги отфрлам сите лаги, тешки манипулации кои веќе преминуваат во сферата на опасни манипулации. Што треба ние да направиме со таа иницијатива? Да ја земеме да ја искинеме, да ја чуваме во фиока до 2030 година, до 2040, 2050 година? Што треба да направиме кога имаме јасно определени надлежности и должности. Ние сме должни да одговориме на прашањето. Но, сега да се употребуваат такви тешки зборови, да се игра на чувствата на граѓаните, да се манипулира е навистина брутално, ова е политички примитивизам, политичко дивјаштво. Ова се лаги, невистини. Од каде знаат каква ќе биде одлуката на Судот? Кој може да ја предвиди одлуката? Уште отсега знаат каква е одлуката? Што ако Судот рече дека нема никаков проблем со Законот, ќе се извинат ли тогаш за ваквите тешки лаги? Дали е нормално целото општество да се чува во заложништво заради политички амбиции на некого, кој било и да е,”кажа претседателот Костадиновски.На прашањето за најавена интерпелација на уставни судии токму поради овој предмет, Костадиновски го повтори ставот кој Судот го објави во текот на вчерашниот ден, односно дека Собранието нема овластување или можност за разрешување на уставните судии.„Овластувањето на Законодавецот завршува со моментот на избор на уставните судии. Од тој момент Уставниот суд е тој што прави контрола на уставноста на актите, постапките и дејствијата на Собранието.Секој, вклучително и Законодавецот е должен да ги почитува и унапредува императивните одредби за самостојност и независност на Уставниот суд. Оттука, институтот „интерпелација” предвиден со членот 72 во никој случај не се однесува и не може да се примени за уставните судии. Во спротивно се губи смислата на постоењето на орган на Републиката како што е Уставниот суд и се прави тешка повреда на Уставот, односно упад во четврата т.н. уставно-судска власт, самостојноста и независноста на Уставниот суд, изјави претседателот Дарко Костадиновски на брифингот со новинарите.

Македонија | пред 1 година

Мицкоски го предупреди Судскиот совет: Зоврива работата, може да има масовни протести, со самороганизација

Премиерот Христијан Мицкоски, смета дека граѓаните може да се самоорганизираат против членовите на Судскиот совет и правосудството.„Па очигледно граѓаните, се додека не заминат од тоа место, уште некое време ќе треба од буџетот да ги плаќаат тие високи плати. Тие се вознемирени, ја чувствувам негативната виврација кај граѓаните, гледам дека работата зоврива и може да се самоорганизираат, а тоа да бидат масовни протести“, рече Мицкоски.Тој додаде дека е загрижен, бидејќи оваја доведува во прашање безбедноста на државата.

Македонија | пред 1 година

Мицкоски: На Врховен суд си ставија човек од кожната фотелја од штабот на ДУИ

Претседателот на Владата на Република Северна Македонија, Христијан Мицкоски денес одговарајќи на новинарско прашање во однос најавените протести доколку членовите на Судски совет на коишто им беше изгласана недоверба во Собранието, не си поднесат оставка, изјави:„Па видете, јасно е декa мал дел од обвинителите и судиите се последниот браник на Владата на СДСМ и ДУИ, јасно е од нивното однесување. И јасно е, тоа што го прават дел од членовите на Судскиот совет, дека практично тие ги поддржуваат тие политики и тоа однесување.Исто така е недвосмислено и јасна е одликата на тие коишто ги гласале, а тоа се пратениците во македонското Собрание. Кога тие коишто претходно ви ја дале довербата, ви гласаат интерпелација, односно ви гласаат недоверба, доблесно, чесно е да не правите трикови, да не барате дупки во законите, да си заминете. Многу едноставно е.И гледаме дека поединци од таму тераат инает. Мислат дека со инает ќе успеат нешто да направат. Јас сум постојано со народот. И го слушам народот како реагира. И јас само сакам да кажам дека, доколку не постапат соодветно на одлуката на тие коишто ги бираат, тоа се парламентарците, се плашам дека може да им се случи народ. Да се самоорганизираа и да протестира, затоа што народот е желен за правда.Ние излеговме на избори, освоивме пола милион гласови. Нас ни беше важно и многу важен дел од нашата кампања и програма беше правдата. Правда за сите. Не само за поединци, туку правда за сите, дециден е Мицкоски.И во име на тоа, имам чувство, дека доколку дојде до ваква ескалација и излезе народ да протестира, дека тој може да биде многуброен и нормално поддржан лично од мене. Така што, јас само сакав тоа да го кажам, дека ако се служат со трикови, водат инает, дека може да се самоорганизира народ и да им се случи народ.“А во однос на обвинувањата дека ваквата најава е преседан и дека се врши директно класичен упад врз судската власт, премиерот Мицкоски додаде:„Видете, јас не мислам дека ова е преседан. Не мислам дека вршам упад. Јас само како претседател на Владата предупредувам на последиците од однесувањето на членовите на Судскиот совет, дека може да се случи народ.Тоа е моја должност. Да не биде после не сум предупредил, да не биде после не сум кажал. Затоа што, ако нè фатат во спиење и ни се случи народ, тогаш се плашам дека може да има поголеми последици како во минатото, се сеќавате имаше и други претседатели на Влада коишто буквално ги користеа заканите за да партизираат во судството.Ќе ве потсетам, за мене крајно дрски и разочарувачка одликата на Судскиот совет, за вршител на должноста, претседател на Врховниот суд, да постави човек којшто доаѓа буквално од кожната фотелја во салонот во Речица.И сега што зборуваме ние, и како тоа да не го иритира народот? Па нормално е дека ќе народот биде иритиран. Јас не знам зошто сме изненадени и кој е изненаден? Јас воопшто не сум изненаден, јас само пренесувам тоа што го слушам. Бидејќи сум секој ден со народот, помеѓу граѓаните разговарам и гледам дека навистина се луѓето вознемирени. И загрижени. Затоа што децата си одат, не си одат поради економски причини. Сега за волја на вистината процесот и е обратен. Но до скоро си одеа затоа што чувствуваа дека нема правда. И тоа е суштината. Јас сум само должен да предупредам, да не биде потоа не сме знаеле и не сме кажале.“Потоа премиерот Мицкоски на прашањето за Извештајот за напредок од страна на Европската комисија и критиката од известувачот Томас Бајц, како ќе влијае на текстот и на заклучоците, потенцираше:„Ние имавме со известувачот многу плоден и корисен состанок, кога беше тука. Дали ќе влијае, тоа е одлука на известувачот и на Комисијата. Но мене ме радува фактот што после многу години, не сме повеќе хибриден режим, според Економист.На 27-ми февруари излезе податок, чекав да видам дека тој податок да се пренесе, ама очигледно се пренесуваат веднаш овие вести, ама овие добрите не се пренесуваат. Македонија напредува 10 места на скалата. И сега веќе не сме хибриден режим, сега сме малку погоре, за разлика од другите земји во соседството коишто бележат опаѓање. Ај да се радуваме на овој успех. Да кажеме на граѓаните дека не сме повеќе хибриден режим според Економист, туку дека сме ја унапредиле демократијата. И мислам дека тоа треба и самата Европска Унија и известувачот да го забележат и да го стават во својот извештај.“Во однос на членовите на Судскиот совет, на коишто им е изгласана интерпелација и платите кои ги земаат како функционери со највисок коефициент, Претседателот на Владата, потенцираше:„Па очигледно граѓаните, сè додека не заминат од тоа место каде што се, уште некое време, ќе треба да ги плаќаат преку Буџетот, нивните високи плати и затоа тие се вознемирени. И затоа јас го чувствувам, ја чувствувам таа негативна вибрација кај граѓаните, гледам дека работата зоврива и дека можно е да се самоорганизираат. И тоа може да бидат масовни протести. И тука сум веќе и јас загрижен, бидејќи логично е да се грижиме за безбедноста на државата.“, одговори Мицкоски.

Македонија | пред 1 година

Николоски: Падна пропагандата на Софија, се откажаа од изградба на пругата и поврзување на коридор 8

Бугарија за жал испрати јасна политичка порака за непосветеност околу изградбата на пругата и поврзување на коридор 8. Конечно во вода им падна пропагандата која седум месеци ја водеа против мене и против премиерот Мицкоски. Но ние не се откажуваме од изгардбата на пругата, дали со оваа влада или некоја идна бугарска влада ќе преговараме и ќе се стремиме да ја изгардиме пругата и да ги поврземе Скопје и Софија, бидејќи ова е многу значаен коридор за регионот и за НАТО, изјави вицепремиерот и министер за транспoрт Александар Николоски кој денеска заедно со премиерот Христијан Мицкоски и министерот за локална самоупорава Златко Пeрински, извршијa увид во реконструцкија на локални улици во општина Ѓорче Петров.Во продложение интегралната изјава на вицепремиерот Николоски:“ Ние остануваме силно посветени на железничкиот коридор 8 . Во овој момент активно се работи на втората секција во должина од 34 километри која оди од Бељаковце до Крива Паланка. Во месец јануари ја пуштивме во функција првата секција од Куманово до Бељаковце и остануваме посветени на дијалог со Бугарија со цел изнаоѓање на заедничко прифатливо техничко решение во однос на тунел кој што треба да ги спојува двете држави и изградбата на третата секција затоа што сметаме дека Коридор 8 е исклучително значаен не само за Македонија туку за целиот регион и за цела Европа. Тоа е НАТО коридор, тој е втор најзначен коридор значаен за НАТО и нашата посветеност останува.Со жалење ја примаме информацијата која што вчера пристигна, а која е официјален документ усвоен од бугарската влада, со кој Бугарија одлучи да ги тргне средствата кои претходно беа предвидени за реконструкција на делот од Софија до Ѓуешево, имајќи предвид дека пруга има но таа е во очјана состојба и не може да се користи и не треба само да се изгради тунелот и спојка со Ѓуешево, туку многу поважно е да се напрви реконструкција од Ѓуешево до Софија со цел Скопје и Софија да се поврзат.Имајќи превид дека донесоа одлука средствата за изградба од Софија до Перник и до Радомир да ги пренасочат за изградба за пруга од Софија до Бургас, мислам дека јасно испраќаат политичка порака во однос на нивната посветеност односно непосветеност за изградбата на железничкиот коридор 8 и исто така паѓа во вода целата пропаганда која беше водена во изминативе седум месеци против пртеседателот на Владата, првенствено против премиерот Мицкоски и против мене дека имаме нешто проитв Бугарија, дека не сакаме да се поврзуваме, дека имаме некаква оска Атина Белград и слични глупости кои беа дел од пропагандата. Но, на крај вистината излезе а тоа е дека било залажување и пред јавноста и пред европските институции, а намерите биле сосема различни.Јас сакам да Ве инфомрирам дека утрово испратив писма до Европската делегација, до Европската Транспортна Заедница, но исто така и до двете банки ЕИБ и ЕБРД имајќи предвид дека Македонија има потпишано договори за кредит за коридор 8 во висниа од 350 милиони евра и за истите доколку не се користат треба да плаќа резервации, а во овој случај не би се користеле не поради наша вина, туку по вина на соседната држава и мора да го заштитиме и финансискиот интерес на државата.Ние се надеваме дека дијалотогот ке продолжи, последниот обид го направивме на 7 март кога јас испратив писмо преку МНР до бугарската влада до бугарското министерство за транспорт и до сите одговорни. Од наша страна е формирана работна група на највискоот можно ниво, покрај мене министерот за надворешни работи и трговија, министерката за финансии и директорот на Железница Инфраструктура . Очекуваме иста посветеност и од страна на Република Бугарија со цел да можеме да ја изградиме и да ги поврземе Софија и Скопје и на крај одлуката да е на двете страни. Но влади се менуваат, посветеноста останува, јас се надевам дека со оваа или следна бугарска влада ќе успееме да го изградиме коридор 8 затоа што тој е клучна артерија не само за Македонија туку за целиот регион”-изјави вицепремиерот Николоски.

Македонија | пред 1 година

(Видео) За долг од 170 денари, платени 7.206 преку извршител: Граѓаните и да сакаат да си го платат долгот, со сите натрупани трошоци, губи желба и начин да го направи тоа

За долг од 170 денари, граѓанин платил 7.206 денари. Ова го покажува документацијата која беше испратена до редакцијата на „Претрес“, а во поткастот гостинка беше претседателката на Комората на извршители, Весна Деловска. Долгот настанал поради трошоците за адвокат, камати, нотар, извршител. Ова пак остава впечаток дека дури и должник да има желба да го плати долгот, со трупањето на трошоци - тоа е невозможно.Во поткастот брутално ги ставивме на маса сите проблеми на граѓаните, ги отворивме сите случаи до кои дојде нашата редакција, ги споменавме најозогласените извршители, но и најбогатите.

Македонија | пред 1 година

(Видео) Студент пред масовните протести во Белград: Се подготвуваме за најлошото сценарио, знаеме со кого си имаме работа

Утре голем протест во Белград ќе одржат студентите кои пеш доаѓаат во главниот град на Србија. Тензиите во Србија се очигледни. На едната страна се студентите во блокада, на другата студентите кои изјавуваат дека сакаат да студираат и имаат поддршка од локалните власти на чело со Александар Вучиќ. Студентот Вук Вучиќ за N1 изјави дека се подготвуваат за најлошото сценарио.Во Паркот Пионер има студенти кои се претставуваат како „оние кои сакаат да учат“. Студентот Вучиќ наведува дека побарале или да се преселат или да им се обезбеди дополнително обезбедување.„Сакам да спречам какво било насилство да се случи и доколку тие останат таму каде што се сега, ризикот би бил зголемен. Опасноста би била преголема. Знаете како кога има големи протести, потребни се само неколку луѓе да предизвикаат цела толпа. Постои голема шанса за конфликт и ние сакавме да го спречиме тоа“, рече студентот Вучиќ.Се што гледаме од актуелната власт во Србија е копирање, вели Вучиќ.Српското народно собрание е затворено пред утрешните протести, зголемена е безбедноста, а Вучиќ наведува што подготвиле студентите за своја заштита.„Се очекува огромен број луѓе и прашање е колку сме способни да спречиме поголеми инциденти доколку се случат. Што се однесува до подготовките, се набавуваат маски. Верувале или не, нарачав одело што го користат моторџиите и кое е целосно во оклоп и треба да пристигне денес. Добиваме различни информации; Од една страна, ќе има многу големи инциденти, а полициската акција ќе биде брутална. Од друга страна, Н1 најави и дека нема сите полицајци да одговорат со тоа дека нема да ги тепаат своите деца и ученици. Има информации дека САЈ одбил да реагира. Се подготвуваме за најлошото сценарио бидејќи знаеме со кого си имаме работа“, вели Вучиќ.https://cdn-uc.brid.tv/live/partners/26829/sd/2039304.mp4 

Свет | пред 1 година

(Видео) Се „вжештува“ во Белград: пристигнаa куп трактори, вреќи со камења насекаде, почнаа заканите со бомби, Вучиќ се заканува: „Кучињата се силни во глутницата...“

Најмасовниот студентски протест во Белград, на кој ќе му се придружат и граѓани од цела Србија, е најавен за утре како кулминација на незадоволството од српскиот претседател Александар Вучиќ.Да потсетиме дека протестите беа започнати откако се урна настрешница на Железничката станица во Нови Сад, при што загинаа 15 лица. Во протестите што избувнаа по споменатата трагедија, студентите и значителен број српски граѓани, меѓу другото, бараат пристап до целата документација за реконструкција на зградата на станицата бидејќи се убедени дека властите ја кријат вистината.Вучиќ и неговите следбеници, меѓу кои се и владејачката СНС, медиумите, па дури и Српската православна црква, ги обвинуваат студентите за уништување на Србија и ги нарекуваат со погрдни имиња. Тамошните медиуми утрово пишуваат за неколку примери како се подготвуваат за утрешниот протест.Во текот на ноќта трактори се паркираат во Паркот на Пионер, каде со денови престојуваат студенти. Нова.рс пренесува дека голем број од овие трактори немаат регистрација или е скриена. Според експертите, овие возила служат само за зголемување на притисокот, поттикнување страв од радикализација на протестите и остри судири, за да се намали бројот на луѓе на утрешниот протест.Тракторите биле донесени на видно место, спроти Собранието на Србија. Голем број од овие возила се во сопственост на компании кои претседателот Александар Вучиќ ги посетил за време на една од неговите турнеи, пренесува Нова.рс.Во рамките на подготовките за утрешниот протест, граѓаните поставија вреќи со камења по улиците. Активистите претходно апелираа до градските власти да ги отстранат бетонските блокови од плоштадот Никола Пашиќ поради загриженоста за безбедноста на граѓаните за време на протестите. На социјалните мрежи се објавени неколку видеа на кои се гледа како некои луѓе носат цигли до Паркот на Пионер.Блиц.рс пренесува и дека синоќа компанијата „Србијавоз“ добила повик со анонимна дојава дека во меѓуградските возови се поставени експлозивни направи: - Моравме привремено да го прекинеме сообраќајот на сите меѓуградски возови за да ги заштитиме животите на патниците и екипажот на возовите, објави Србјавоз.

Свет | пред 1 година

Кремљ: Путин му испрати порака на Трамп во врска со прекинот на огнот

Кремљ денеска објави дека рускиот претседател Владимир Путин преку специјален пратеник му испратил порака на американскиот колега Доналд Трамп во врска со неговиот предлог за прекин на огнот во Украина и рече дека има причини за „внимателен оптимизам“.„Путин доцна во ноќта имаше разговори во Москва со пратеникот на Трамп, Стив Виткоф, за предлогот за 30-дневен прекин на огнот во Украина“, изјави портпаролот на Кремљ, Дмитриј Песков. Киев претходно ја прифати идејата.Песков рече дека Путин испратил „сигнали“ до Трамп преку Виткоф и дека рускиот лидер бил свесен за американските размислувања за Украина.„Постојат одредени причини за внимателен оптимизам. Вчера слушнавте многу важна изјава на претседателот Путин, кој одговараше на прашање на новинар. Тој рече дека ја поддржува позицијата на претседателот Трамп за договорот, но покрена неколку прашања на кои треба заеднички да се одговори“, рече портпаролот на Кремљ.„Значи, сигурно има уште многу работа да се заврши, но генерално, претседателот изрази солидарност со позицијата на г-дин Трамп“, додаде тој. Песков најави дека Русија и САД ќе работат на организирање телефонски разговор меѓу двајцата претседатели, откако Виткоф го информирал Трамп за разговорот со Путин.

Свет | пред 1 година

Нема фотографија

Кремљ: Путин ќе разговара со Трамп

Кремљ потврди дека специјалниот пратеник на американскиот претседател Доналд Трамп, Стив Виткоф, се сретнал со рускиот претседател Владимир Путин за време на неговата вчерашна посета на Москва.Портпаролот на Кремљ Дмитриј Песков рече дека Путин и Виткоф се согласиле за потребата од разговор меѓу Трамп и Путин, иако точниот датум се уште не е договорен.„Точното време на разговорот меѓу двајцата претседатели се уште не е одредено“, изјави Песков за новинарите.„Но, во исто време, откако господинот Виткоф ќе му ги пренесе на својот претседател сите информации што ги добил во Москва, тогаш ќе одредиме време за разговор.Песков додаде за новинската агенција ТАСС дека двете страни имаат „разбирање“ дека „неопходен е разговор меѓу претседателите“.

Свет | пред 1 година

Зеленски: Путин е манипулатор

Украинскиот претседател Володимир Зеленски го обвини рускиот претседател Владимир Путин за манипулативен одговор на американскиот предлог за прекин на огнот, тврдејќи дека Путин само глуми дека го прифаќа, додека всушност се подготвува да го одбие.„Затоа во Москва ја опкружуваат идејата за прекин на огнот со такви услови што или ќе пропадне или ќе се одолговлекува што е можно подолго. Путин често го прави тоа - тој не вели целосно „не“, но ги комплицира работите и ги прави разумните решенија невозможни“, рече Зеленски.Американскиот претседател Доналд Трамп, исто така, призна дека одговорот на Путин е „ветувачки“, но и „нецелосен“.

Свет | пред 1 година

Левица предложи 18 месеци породилно отсуство

„Во време кога Македонија се соочува со сериозна демографска криза, Левица предложи нов закон за 18 месеци платено породилно отсуство, кој е директен одговор на потребите на младите родители и семејства. Овој закон не само што ќе ја подобри положбата на мајките и семејството, туку ќе создаде темели за решавање на најголемите демографски проблеми кои го засегаат општеството. Во светот и Европа, долгото платено породилно отсуство е веќе утврдена практика, а Македонија има можност да го следи примерот на успешните земји и да инвестира во иднината на своите најмлади“, велат од Левица и додаваат:Историските податоци за наталитетот во Македонија покажуваат алармантен пад на бројот на новороденчиња во последните три децении. Според податоците од Заводот за статистика на Македонија, бројот на новороденчиња постојано опаѓа, а во 2023 година беше забележан пад на бројот на новороденчиња на 22.759, што е значителен пад во споредба со 35.000 новороденчиња во 1991 година. Овој пад не е само бројка на хартија – тоа е аларм за општеството и за Владата, кој бара сериозни интервенции и стратегии. Овој пад кој изнесува над 30% за нецели 30 години е сериозен показател за демографските промени кои се случуваат во земјата.Дополнително, ако се погледне индексот на природен прираст, во последните години, Македонија се соочува со негативен природен прираст, што значи дека бројот на смртни случаи ја надминува бројката на новороденчиња. Во 2022 година, бројот на смртни случаи бил 32.700, што доведува до значителен пад на вкупното население. Овој тренд е загрижувачки и ја нагласува потребата од сериозни мерки за поддршка на семејствата и мајките.Земјите со успешни демографски политики, како што се Шведска и Финска, веќе долго време применуваат долготрајно породилно отсуство, а Македонија има можност да го следи нивниот пример. Примената на 18 месеци платено породилно отсуство во овие земји има позитивни ефекти не само на здравјето на мајките и децата, туку и на економската стабилност на семејствата, што е суштински фактор за раст на наталитетот.Жените во Македонија сочинуваат 40% од вкупното население, но поради семејните обврски се подложени на дискриминација. Младите жени често се соочуваат со одбивање од страна на работодавачот поради страв од трошоци за породилно отсуство. Мајките, пак, кои не се вработени или работат неформално немаат право на финансиска поддршка и породилно отсуство. Македонија дури и заостанува зад Србија и Бугарија во времетрање на породилното отсуство. Ова е суштинско право кое државата мора да го оствари.Мајките и децата не се само статистика или бројки во економските извештаи. Левица со овој законски предлог покажува дека разбирањето на потребите на мајките е клучно за една држава. Предлог-законот на Левица за продолжување на породилното отсуство на 18 месеци носи важна социјална реформа, која има за цел да обезбеди поголема поддршка за родителите и да им помогне да се посветат на воспитувањето на своето дете.Македонија може да стане модел на поддршка на мајките и младите семејства, следејќи го примерот на европските земји кои веќе го применуваат долготрајното породилно и родителско отсуство. Со усвојување на предлог - законот на Левица државата ќе покаже дека вложувањето во демографијата и родителството е клучно за создавање на здраво и перспективно општество. Поддршката за овој предлог од пратениците во Собранието на Република Македонија би била важен чекор кон поголема социјална правичност и еднаквост, како и поддршка за семејствата.

Македонија | пред 1 година

Се влече случајот за Лидија Димова - рочиштата постојано се одложуваат

Речиси две ипол години и се суди на Лидија Димова, ексдиректорка на Националната агенција за европски образовни програми и мобилност. Постапката ја одолговлекуваат низа одложени рочишта, а од јули минатата година, до март годинава – не се одржаа пет главни расправи. Секогаш, причините се различни. Некогаш поради болест на обвинетата, другпат поради барања за нови вештачења, но и поради барање на обвинителката. Минатата година, двапати постапката почнуваше од почеток поради истек на 90 дена, па доказите се изведуваат одново со читање.Спроед календарот за рочишта, судијката Фанка Јанчулева Михаиловска, закажува судења по еднаш месечно. Од октомври до декември – сите пропаднаа, бидејќи се чекаше новото вештачење, кое го побара обвинителката. Откако стигна во декември, може да се увиди дека вештакот Урош Ташев констатирал дека Агенцијата која ја предводела Димова е оштетена за 23.668.947 денари. Но и по ова, рочиштата се одлагаат.Од јануари до март, се одложени три рочишта. Првото требаше да се одржи на 17 јануари, кога Димова бараше да се изработи супер вештачење. Ново рочиште имаше на 21 февруари, но и тоа не се одржа – овој пат поради болест на вештакот. Рочиште требаше да се одржи и денеска, но судот донесе одлука да се одложи овојпат по барање на обвинителката.На следното рочиште, судијката ќе треба да се изјасни дали ќе дозволи да се изработи супервештачење по барање на Лидија Димова.Екс- директорката се гони направена штета од 20 милиони денари со злоупотреби на средства на европската заедница. Второобвинет беше  Александар Гочев за подигнување на авансни пари од Агенцијата без соодветна документација кој призна вина и ги врати парите, како и благајничката Ана Павлиду која му ги давала парите, а не смеела.

Македонија | пред 1 година

Вучиќ за подкастот на синот на Трамп: Истата игра се игра против Орбан, Фичо и мене

Доналд Трамп Јуниор, најстариот син на американскиот претседател, синоќа објави подкаст на платформата Rumble во кој го угости Александар Вучиќ. Српскиот претседател зборуваше за протестите кои со месеци траат низ Србија. Тој посочи дека зад нив стојат невладини организации кои се финансирани од странство.„Можете ли да замислите дека сите невладини организации кои учествуваа во организирањето на овие настани во Србија беа платени однадвор, од САД, од УСАИД, Националната фондација за демократија и некои други организации“, рече тој.„И не велам дека ги користеа овие пари само за тоа. Тие ги користеа парите за сè. Но, и за тоа“, додаде тој. Тој предупреди дека САД трошат стотици милиони долари на работи кои немаат можна корист за американските граѓани.Синот на Трамп рече дека УСАИД потрошила 14 милиони долари за јавни набавки, а Вучиќ одговори дека агенцијата потрошила уште повеќе пари за финансирање невладини организации кои станале инструменти во секаков вид на политичка криза.„И тие секогаш избираа страна која беше анархо-либерална, која беше таканаречена зелена, но само таканаречена, и секогаш против лидерите кои ќе го зачуваат суверенитетот и независноста на земјата и нацијата“, се пожали тој. На прашањето дали српската влада се обидела да открие каде одат парите, Вучиќ рече дека тие сакаат да го сторат тоа, но дека се соочуваат со „лавина критики, дури и од некои извори во американската длабока држава“.„Можете да прашате што било, било кој во светот, освен невладините организации кои се благословени од некого и заштитени од либералниот свет, бидејќи ако ги допрете, ако ги прашате - „дождлив или сончев ден“, сте ја направиле најстрашната грешка и ќе бидете распнати од нив. И тоа е нешто што ни се случува сега, но ние ќе си ја завршиме работата“, рече тој. Тој му рекол на синот на Трамп дека ќе биде многу изненаден. резултатите од истрагата.Ќе бидете многу, многу изненадени.Синот на Трамп тврдеше дека тие го напаѓаат секој што го поддржува суверенитетот, било да е тоа Вучиќ, унгарскиот претседател Виктор Орбан или американскиот претседател. Вучиќ одговори дека земјите надвор од САД каде што дејствува американската левица, или УСАИД, некако се поврзуваат и го губат сопствениот идентитет.„Вистинскиот проблем е што одвреме-навреме очекуваат од нас да бидеме 100 отсто послушни во се. А моето прашање до нив отсекогаш било: „Тогаш зошто ви е потребна нашата влада? Зошто ви е потребна каква било влада во регионот?“, истакна Вучиќ.

Свет | пред 1 година

(Видео) Од авион излегуваше чад, патниците бегаат: Невидена драма во Денвер, авион принудно слета

Млазен мотор на Американ ерлајнс се запалил откако авионот принудно слетал во Денвер, принудувајќи ги патниците да се евакуираат користејќи тобогани, соопшти Федералната управа за авијација (ФАА).Авиокомпанијата потврди дека сите 172 патници и шесте членови на екипажот можеле безбедно да го напуштат авионот, иако шест патници потоа биле префрлени во локална болница за дополнителни проверки, пренесува Index.hr. На социјалните мрежи е објавена драматична снимка на која се гледаат патници како стојат на крилото на авионот пред евакуација, додека од моторот излегува густ чад.

Свет | пред 1 година

Венс: Би бил шокиран доколку Трамп премести нуклеарно оружје во источна Европа

Американскиот потпретседател Џеј-Ди Венс во четвртокот изјави дека би бил шокиран доколку претседателот Доналд Трамп сака нуклеарното оружје да се пресели уште на исток во Европа.Венс одговараше на прашање во врска со изјавата на полскиот претседател дека САД треба да пренесат нуклеарно оружје на своја територија како пречка против идната руска агресија.„Не сум разговарал со претседателот за тоа конкретно прашање, но би бил шокиран ако тој го поддржи ширењето на нуклеарното оружје понатаму на исток во Европа“, рече тој за време на интервјуто за Фокс њуз.Анджеј Дуда ги повика САД да пренесат нуклеарно оружје на полска територија како одвраќање против идната руска агресија, прашање за кое неодамна разговараше со специјалниот пратеник на американскиот претседател Доналд Трамп за Украина и Русија, Кит Келог, објави во четвртокот Financial Times.- Границите на НАТО се поместија на исток во 1999 година, така што 26 години подоцна, инфраструктурата на НАТО исто така треба да се движи кон исток. За мене тоа е очигледно – ги цитира ФТ зборовите на Анджеј Дуда во едно интервју.Побезбедно би било ова оружје да биде веќе во земјата, изјави Дуда.

Свет | пред 1 година

Русија: Украина ја погоди рафинеријата за нафта, пожарникарите го гаснат пожарот

Извештај за нов напад на украинските сили доаѓа од јужниот регион Краснодар, чиј гувернер, Вениамин Кондратиев, откри дека рафинеријата за нафта Туапсе била погодена во текот на ноќта.Се запали голема цистерна за бензин, а на терен се 121 пожарникари кои го гаснат пожарот. Нема извештаи за жртви. Според Ројтерс, погодената рафинерија ги снабдува клиентите од Кина, Малезија, Сингапур и Турција.Украинската војска исто така објави дека нејзини беспилотни летала погодиле и гасни објекти во регионите Тамбов и Саратов.

Свет | пред 1 година

Зеленски ги коментира изјавите на Трамп и Путин за прекинот на огнот

Откако Владимир Путин попладнево даде комплексен одговор на американско-украинскиот предлог за прекин на огнот, реагираше украинскиот претседател Володимир Зеленски.Во вечерната изјава, Зеленски ги опиша зборовите на Путин како „многу предвидливи“ и „многу манипулативни“, велејќи дека рускиот претседател се подготвува да го отфрли предлогот за прекин на огнот. Потсетиме, Путин рече дека сака мирно решавање на конфликтот, но со одредени услови, кои најверојатно ќе вклучуваат територијални отстапки.„Путин, се разбира, се плаши директно да му каже на претседателот Трамп дека сака да ја продолжи оваа војна, дека сака да убива Украинци. Затоа Москва ги поставува условите за молк на тој начин што ништо нема да се случи или дека ќе се одложи што е можно подолго“, рече Зеленски.Тој изјавите на Путин ги нарече „уште една руска манипулација“.Зеленски истакна дека Украина не поставува услови кои ги отежнуваат преговорите, додека Русија тоа го прави.„Како што секогаш велевме, единствените кои ќе одложат и ќе бидат деструктивни се Русите“, додаде тој.„Тие сакаат војна. Путин украде години мир и ја продолжува оваа војна - ден за ден“, рече Зеленски.Украинскиот претседател на крајот ги повика сојузниците да го зголемат притисокот врз Путин и да воведат дополнителни санкции.

Свет | пред 1 година

Девојче уценувано со порно-материјал од дечкото во Скопје

Во текот на вчерашниот ден, татко на возраст од 50 години пријавил во СВР Скопје дека партнерот на неговата 15-годишна ќерка снимил видео материјал од нивен полов однос без нејзино знаење, по што ја уценувал дека ќе ги објави. Ова го објавија од МВР.„На 12.03.2025 во 20.00 часот во СВР Скопје, 50-годишен маж од Скопје пријавил дека неговата 15-годишна ќерка подолго од една година била во врска со лицето Ј.Н, кој без нејзино знаење снимил видео материјал од нивен полов однос. Според пријавеното, откако таа го известила дека сака да ја прекине врската, лицето ѝ упатувало закани и ја уценувало да не ја прекинува врската доколку сака видеото да не го објави на социјални мрежи“, стои во соопштението.Се преземаат мерки за расчистување на случајот, доаваат од МВР.

Скопје | пред 1 година

Мицкоски со најава: Ќе протестираме и ќе им се случи народ ако корумпираните судии со изгласана недоверба не си дадат оставка, ќе бидам во првите редови

Претседателот на Владата, Христијан Мицкоски во своето гостување во „Само интервју“ на Канал 5 телевизија најави дека ќе се случат протести ако корумпираните судии за кои беше изгласана недоверба во Собранието не си дадат оставки, а на тие протести тој ќе биде во првите редови.„Ќе им се случи народ, ќе излезе народ на улица и ќе протестира, народот е гладен и жеден за правда. Замислете имате кај граѓаните помала доверба од 2 или 3%, ве разрешуваат и вие не си заминувате, водите инает. Ќе им се случи народ, прв ќе застанам кој ќе го води народот, ветувам дека тоа ќе се случи.“, истакна премиерот Мицкоски,За тоа кој ќе ги замени, премиерот Мицкоски нагласи дека ќе се разговара, но едно е сигурно дека нема да биде исто, нема да има вакви луѓе за кои има докази, затоа што како што рече, правда не може да има како сега со судии или обвинители или пак членови на Судски совет и Совет на јавни обвинители кои се од партиски штабови.„Тука има луѓе за кои има докази кои се или како се. На крајот на денот ние сите овие процеси кои ги водиме, не ги водиме за да биде исто, немам причина за да биде исто, само со нови луѓе. Имаме извештај од Оценската мисија кој јасно дава насоки како да се движат реформите и истите ќе ги имплементираме. Ќе се држиме до извештајот, само нешто да смени, затоа што не оди вака, ако сакаме да имаме држава. Сакам да имаме држава и моите деца да растат во оваа држава и да основаат семејства во оваа држава, јас ќе се борам за таква држава.“

Македонија | пред 1 година

Мицкоски: Не гласам уставни измени под притисок, со лигавење како полжави како што прави опозицијата не се стига далеку

„Се додека не покажете карактер и вредности во кои што верувате, нема да ве ценат. Ја знаете онаа приказната со полжавот, ако мислете дека со лигавење ќе стигнете до врвот се лажете, барем јас така не мислам. Јас сум застапник на тезата подобро тешко, отколку срамно. И тоа се принципите и вредностите во кои што верувам.“, вели претседателот на Владата на Република Северна Македонија Христијан Мицкоски во вечерашното гостување во емисијата „Само интервју“ на Канал 5 телевизија.Претседателот Мицкоски вели дека членството на Македонија во ЕУ не зависи од ниту една резолуција, туку од билатералните односи кои што за жал рече тоа го дозволи Европската унија.„Нашата близина и далечината со ЕУ не зависи од тоа дали ние сме ко-спонзори на оваа или онаа резолуција, туку зависи исклучиво од билатерални прашања, кои што за жал истата таа ЕУ дозволи да се случат. Дали јас грешам не знам, дали ќе успеам во ова не знам, јас сум го добил легитимитетот од граѓаните пред 9 месеци, пола милион луѓе излегле и гласале.“, рече Мицкоски.„Јас немам намера да бакнувам пенкала, да се смешкам додека ме навредуваат, понижуваат и омаловажуваат, тоа што го мислам и моите аргументи што ги имам, не велам дека се најисправните и најточните, но јас сум ја добил довербата на граѓаните да ги презентирам тие аргументи кои што ги бранат интересите на оваа држава, на сите граѓани.“, нагласи Мицкоски.На прашањата доколку Вашингтон рече тоа е тоа, дека треба да се гласаат уставните измени, Мицкоски нагласи:„Нема да ги гласам, тоа нема да се случи. Нема да ги гласам се додека Бугарија исто така не ги заврши своите обврски кои што ги има преземено, а тоа е да ги почитува правата на сите малцинства.“

Македонија | пред 1 година

Трамп: Говорот на Путин беше нецелосен, треба брзо да го решиме ова

Американскиот претседател Доналд Трамп даде изјава во Белата куќа во која ги коментираше преговорите со Русија за ставање крај на војната во Украина.„Ќе се погрижиме Русија да не ги напаѓа американските сојузници“, рече Трамп, додавајќи дека не верува дека ќе има напад врз членките на НАТО. „Тоа нема да се случи. Ќе се погрижиме да не се случи“, рече тој.Трамп го отвори состанокот во Белата куќа со добредојде на генералниот секретар на НАТО Марк Руте, кого го нарече пријател. Тој рече дека ќе разговара за ситуацијата во Украина и Русија, нагласувајќи дека „во овој момент имаме луѓе кои разговараат во Русија“, „во сериозни преговори“.„Како што знаете, Украина се согласи, под услов она што се случува денес, на целосен прекин на огнот и се надеваме дека Русија ќе го стори истото“, рече тој.Руте одговори дека Европејците „се обврзуваат на значително повисоки трошоци за одбраната“, но додаде дека „мораме да направиме повеќе“, вклучително и „производство на повеќе оружје“.Трамп ја искористи можноста да го пофали Руте за зајакнувањето на НАТО.„НАТО се подобрува благодарение на овој човек. Овој човек знае како да ги подигне работите на следното ниво. Ние ја имаме истата цел. Сакаме војната да заврши, а тој си ја врши работата. Тој знае како добро да ја заврши работата, тоа е сигурно. Затоа се борев за тој да ја добие работата, бидејќи имаа некои други кандидати кои, верувајте ми, не би завршиле добро.Трамп потоа повтори дека САД трошат премногу за одбрана, иако се „од другата страна на океанот“. Но, тој додаде дека новиот договор за минерали со Украина „ќе донесе нешто за возврат, и многу“, иако се пожали дека Европејците „се однесуваат многу неправедно со САД“.Трамп откри повеќе за разговорите за прекин на огнот, велејќи дека „се разговарало за многу индивидуални теми“.„Сакаме да видиме прекин на огнот од Русија. И, знаете, не работевме во мракот. Разговаравме за украинската територија и делови од земјата што ќе се задржат и за оние што ќе бидат изгубени, како и за сите други елементи од конечниот договор. Вклучена е електрана. Знаете, многу голема централа пожар“, рече тој.Тој продолжи: „Разговаравме за концептите на територија затоа што не сакате да губите време на прекин на огнот, ако тоа нема да значи ништо. Значи, ние велиме: погледнете, можете да го добиете ова, не можете да го добиете ова. Разговаравме за НАТО, за членството во НАТО и секој го знае одговорот на тоа ќе биде дел од него, ако не, тоа ќе биде многу разочарувачки момент за светот“.Зборувајќи за првичната реакција на Путин, Трамп рече дека тоа е „многу ветувачка изјава, но не беше целосна“, додавајќи: „Би сакал да се сретнам со него или да разговарам, но мораме брзо да го решиме ова“.Трамп зборуваше за НАТО и за тоа како земјите треба да преземат одговорност и да го платат својот фер дел (повторно, конкретно пофалувајќи ја Полска за трошоците над нејзините цели).Тој рече дека неговите изјави „Нема да те заштитам ако не платиш“ предизвикаа критики, но додаде: „Да не го кажев тоа, никој немаше да плати“.Тој потоа се врати на ситуацијата во Украина и Русија и рече: „Добиваме информации дека работите се одвиваат добро во Русија, но тоа не значи ништо додека не го видиме конечниот исход.„Во моментов се водат многу сериозни преговори со претседателот Путин и другите, и се надеваме дека сите сакаат да се стави крај на овој кошмар. Се надеваме дека денес ќе бидеме во добра позиција да добиеме појасна слика.Знаеме каде сме со Украина, а од Русија доаѓаат добри сигнали за тоа каде сме со нив и се надеваме дека ќе донесат правилна одлука“.

Свет | пред 1 година

Нема фотографија

Путин: Ние сме за прекин на огнот, но прво треба да се одговори на многу прашања

„Во врска со подготвеноста на Украина за прекин на огнот, ќе ви ја дадам мојата оценка. Прво, благодарам на американскиот претседател за неговото учество во решавањето на конфликтот. Второ, ние се согласуваме со предлозите за прекин на огнот, но нашиот став е дека прекинот на огнот треба да се води кон долгорочен мир и причините за конфликтот треба да се елиминираат“, рече Путин.„Сите тие се прашања кои мора добро да се проучат од двете страни. Идејата како таква е добра, но мора да се разговара. Треба да разговараме за тоа со нашите американски партнери, можеби да имаме повик со претседателот Трамп. Но, ние поддржуваме мирно решавање на конфликтот“, нагласи рускиот претседател.„Ги знаеме нашите интереси и нашите цели, разговаравме со Трамп. Видовме дека Зеленски беше понижуван во Белата куќа и секаде на друго место. Сега треба да размислува за мир. Не се зборуваше за договор за минерали, сега се согласуваат со тоа“, рече тој.„Доколку Русија и САД се согласат да соработуваат за енергетското прашање, тогаш цевките кон Европа можат да бидат ставени во функција, тие ќе добијат евтин гас“, рече тој.

Свет | пред 1 година