АЕРОДРОМ

(Фото) Непрописно паркирање блокира сообраќај во Аеродром, жителите алармираат дека ова е ризик и за децата

Сообраќаен хаос, блокирани ленти и зголемен ризик за безбедноста – ваква е секојдневната состојба на улицата „Франјо Клуз“ во скопската населба Аеродром, реагираат жители преку социјалните мрежи односно групата „Аеродромци“.Според нив, една од сообраќајните ленти речиси постојано е зафатена од непрописно паркирани возила, најчесто од посетители на локалите во околните згради, кои ја користат коловозната лента како паркинг.„Со часови не може да се помине. Две возила не можат да се разминат, а при поголем метеж настанува целосен застој“, велат револтирани жители.Проблемот е дополнително сериозен поради близината на основното училиште „Блаже Конески“, каде во периодите кога учениците доаѓаат и си заминуваат од настава, метежот е најизразен.Жителите предупредуваат дека ваквата состојба претставува и безбедносен ризик, особено во случај на итни интервенции. „Доколку дојде возило на брза помош или пожарна, тешко дека ќе може да помине“, посочуваат тие.И покрај бројните поплаки, засега нема конкретна реакција од надлежните. Граѓаните бараат засилени контроли, санкции за несовесните возачи и трајно решение за нормализирање на сообраќајот.

Скопје | пред 17 часа

Николоски: Скопскиот и охридскиот аеродром лидери во регионот, раст на патници и нови линии

Македонските аеродроми бележат значителен раст и остануваат меѓу водечките во регионот, тврди министерот за транспорт Александар Николоски, повикувајќи се на податоци и анализи од меѓународни извори.Според него, Меѓународниот аеродром Скопје има раст од 32 проценти во однос на истиот период лани, што го позиционира како лидер во регионот, оценка која, како што посочува, ја пренесува и специјализираниот авио-портал „Екс-Ју авиејшн њуз“.Во првите месеци од годинава, двата аеродроми – во Скопје и Охрид – бележат зголемување од околу 30 проценти на бројот на патници и околу 20 проценти по број на операции, што, според Николоски, е резултат на владините политики за развој на авиосообраќајот.Министерот посочува дека од почетокот на годината се воведени нови авиолинии од Скопје кон Неапол и Будимпешта, како и од Охрид кон Милано и Братислава. Во јули се очекува старт на нови линии од Охрид кон Катовице и Вроцлав, како и од Скопје кон Палермо и Алгеро.„За речиси две години воведовме 24 нови авиолинии кон европските центри, што е рекордна бројка“, вели Николоски.Тој најавува и продолжување на инвестициите, со проект за реконструкција, надградба и проширување на аеродромот „Св. Апостол Павле“ во Охрид, со цел зголемување на капацитетите.Според проекциите на Министерството, годинава се очекува бројот на патници да надмине 3,5 милиони, а следната година да достигне до 4 милиони.И покрај глобалните предизвици, особено конфликтот на Блискиот Исток кој довел до намалување на околу 6.000 седишта од планираните, Николоски уверува дека авиосообраќајот во земјава се одвива стабилно и без прекини.

Македонија | пред 4 дена

Долги редици и до три часа на европските аеродроми поради новиот систем на ЕУ за влез и излез

Патниците на повеќе европски аеродроми се соочуваат со чекање и до три часа на граничните контроли поради новиот Систем за влез и излез (EES) на Европската Унија, при што претставници на аеродромите предупредуваат дека ситуацијата може да стане неодржлива со приближувањето на летната сезона.Според Меѓународниот совет на аеродроми (ACI Europe), до значителни доцнења веќе доаѓа во Франција, Германија, Белгија, Италија, Шпанија и Грција. Од организацијата предупредуваат дека во периодите на најголем сообраќај може да се создадат уште поголеми застои.Системот EES е во целосна примена од 10 април и се однесува на земјите од Шенген-зоната, при што од патниците надвор од Европската Унија се бара да даваат биометриски и лични податоци при влез и излез.Иако Европската комисија тврди дека системот функционира стабилно и дека просечната регистрација трае околу 70 секунди, од аеродромските здруженија наведуваат дека во пракса процесот може да трае и до пет минути по патник, што создава значителни гужви.Во некои случаи веќе се забележани пропуштени летови поради застои на пасошките контроли, додека аеродромските власти бараат можност за привремено суспендирање на системот при преголеми гужви.Европската комисија признава дека имало одредени технички проблеми во дел од земјите членки, но наведува дека тие се во процес на решавање и дека одговорноста за имплементацијата е на националните власти.

Свет | пред 1 седмица

Кои градови се најлоши во авиосообраќајот по времето на доцнење за полетување

Европските аеродроми и понатаму се соочуваат со значителни доцнења на летовите, иако во последниот период се забележува благо подобрување на точноста, покажуваат најновите податоци на Евроконтрол.Најлошо рангиран според точноста на поаѓањата е Лисабон, каде само 49 проценти од летовите полетуваат навреме. Меѓу аеродромите со најмногу доцнења се и Цирих и Ница, што ги става на врвот на негативната листа во Европа.Експертите како главни причини ги посочуваат зголемениот обем на воздушен сообраќај, ограничувањата на одредени рути, неповолните временски услови, како и фактот дека дел од аеродромите функционираат речиси на максимален капацитет.Спротивно на тоа, најдобри резултати бележат аеродромите во северна Европа. Берген, Осло, Стокхолм, Копенхаген и Лајпциг имаат стапка на точност над 80 проценти, што ги прави меѓу најсигурните кога станува збор за навремено полетување.Во извештајот се наведува и дека најпрометни европски воздухопловни јазли се Истанбул, Амстердам Схипхол, Лондон Хитроу и парискиот Шарл де Гол. Вкупниот воздушен сообраќај расте, со просек од околу 30.000 летови дневно, додека во летните месеци бројката достигнува и до 35.000.Кога станува збор за авиокомпаниите, најголем обем на летови има „Рајанер“ со околу 3.192 летови дневно, пред „Изиџет“ со 1.611 и „Туркиш ерлајнс“ со 1.559 летови. Следуваат „Луфтханза“ и „Ер Франс“ со нешто над илјада летови дневно.

Свет | пред 1 седмица

Аеродром добива нова урбана оаза за рекреација и дружење

Создаваме ново, современо и функционално катче за сите жители на Аеродром – вистинска урбана оаза.Градоначалникот на Општина Аеродром, Дејан Митески и сопственикот на Трговскиот центар „Капитол Мол“, Ајдован Адемоски, извршија увид во градежните активности за уредување на просторот во непосредна близина на трговскиот центар, каде се оформува модерна јавна зона – наменета за дружење, рекреација и квалитетно поминување на слободното време.Во рамките на уредувањето се поставува современо детско игралиште од отворен тип, со безбедни и квалитетни реквизити кои ќе донесат радост за најмладите.Просторот се збогатува и со фитнес справи на отворено, урбана опрема (клупи, маси и столчиња), корпи за отпадоци, како и целосно партерно и хортикултурно уредување, со што создаваме пријатна и уредена околина за одмор и дружење за сите генерации.Благодарност до компанијата „Сити Плаза ДОО Скопје“, која е сопственик на Капитол Мол Скопје за нивната благородна донација, високата општествена одговорност и значајната поддршка во реализацијата на овој проект, што директно го унапредува квалитетот на живот во нашата општина.Продолжуваме посветено да го градиме Аеродром по мерка на граѓаните – модерна, зелена и урбана општина во која секој има свое место.

Скопје | пред 1 седмица

Двајца уапсени во Аеродром: нападнале пејачка во локал

Двајца мажи се лишени од слобода по инцидент во угостителски објект на подрачјето на општина Аеродром, каде што, според пријавата, физички нападнале пејачка и упатувале закани, соопшти Министерството за внатрешни работи.„На 09.04.2026 во 02:13 часот во СВР Скопје С.К. пријави дека во угостителски објект на подрачјето на општина Аеродром имало нарушување на јавниот ред и мир од страна на две лица“, соопшти МВР.По пријавата, полициски службеници излегле на местото на настанот, каде биле утврдени дополнителни детали.„Од страна на полициски службеници излезено е на местото на настанот, каде што пријавителот појаснил дека двајца мажи ја спречувале пејачката во локалот да работи, а едниот од нив кој се претставувал дека е од полиција, и физички ја нападнал“, соопшти МВР.Во инцидентот, според пријавата, биле упатени закани и кон пријавителот.„Исто така, лицата упатувале закани и кон пријавителот“, соопшти МВР.Полицијата презела мерки и ги привела осомничените лица.„Од страна на полициските службеници од слобода се лишени Љ.А.(35) и Н.Д.(40) двајцата од Скопје и се преземаат мерки за расчистување на случајот“, соопшти МВР.

Македонија | пред 1 седмица

Контролорите на летови во Шпанија стапуваат во штрајк од 17 април на неопределено време

Контролорите на летање на 14 аеродроми во Шпанија, кои се под управување на SAERCO, најавија дека на 17 април на полноќ ќе започнат штрајк на неопределено време.Со штрајкот ќе бидат опфатени аеродромите Ланзароте, Фуертевентура, Ла Палма, Ел Јеро и Ла Гомера на Канарските Острови, како и Севиља и Херез во Андалузија, Кватро Вјентос во Мадрид, Виго и Коруња во Галиција, Кастељон-Коста Асахар во Валенсија, како и аеродромите во Бургос, Уеска и Сиудад Реал.Се очекува штрајкот да предизвика доцнења и измени во распоредот на летовите, поради што на патниците им се препорачува навреме да го проверат статусот на своите летови.На штрајк повикаа Синдикатот на контролори на летање и Работничките комисии, наведувајќи управни проблеми како главна причина, меѓу кои недостиг на кадар, преоптовареност со работа и нередовни распореди. Според синдикатите, условите за работа довеле до натрупан замор и стрес, што негативно влијае врз ефикасноста и безбедноста.Тие посочуваат дека често биле принудени да импровизираат во организацијата на работата, што се одразило и врз приватниот живот на вработените. Дополнително, наведуваат дека одобрените одмори биле откажувани, дежурствата продолжувани, а распоредите менувани во последен момент.Синдикатите бараат зголемување на бројот на вработени, укинување на прекумерните дежурства и ненадејните измени во распоредот, гарантирање на годишните одмори и обезбедување услови за работа што ќе бидат усогласени со безбедносните стандарди и професионалното достоинство.

Свет | пред 1 седмица

Oпштина Aеродром со 138 милиони денари инвестиција за реконструкција на 5.4 километри улици

Со силна динамика и јасна визија за модерен и функционален урбан простор, започна целосната реконструкција на една од најзначајните улици во Мичурин – „Симеон Кавракиров“ во населбата Мичурин во Општина Аеродром.Градоначалникот на Општина Аеродром, Дејан Митески и претседателот на Владата, Христијан Мицкоски, извршија увид во стартот на градежните активности, со што официјално започна реализацијата на проект кој долго време беше неопходен и очекуван.Оваа интервенција претставува значајна инвестиција во безбедноста, мобилноста и квалитетот на животот на граѓаните. Улицата со должина од 485 метри претставува важна сообраќајна врска низ која секојдневно се движат голем број жители.Проектот за „Симеон Кавракиров“ опфаќа целосна обнова на коловозната конструкција, изградба на современи и безбедни тротоари, како и поставување нова асфалтна конструкција. Во рамките на зафатот се предвидени 3950 м² асфалт и 2305 м² тротоарски површини со бехатон.Вкупната вредност на оваа инвестиција изнесува 22 милиони и 630 илјади денари.Со реализацијата на овој проект, „Симеон Кавракиров“ добива современ изглед и значително подобрени услови за одвивање на сообраќајот, што директно придонесува за поголема безбедност и ефикасност.Реконструкцијата е дел од поширок инфраструктурен зафат на Општина Аеродром кој опфаќа 18 улици, во вкупна должина од 5.4 километри и вкупна вредност од 138 милиони денари, средства обезбедени од македонската Влада преку Министерството за транспорт и врски.Општина Аеродром продолжува со интензивна реализација на инфраструктурни проекти, со цел унапредување на урбаната инфраструктура и подобрување на условите за живеење на граѓаните.

Скопје | пред 2 седмици

Контролите даваат резултати: Изминатите неколку месеци до Општина Аеродром нема поплаки за бучава

Градоначалникот на општина Аеродром, Дејан Митески, денеска беше запрашан за проблемот со бучавата од угостителските објекти во општината и за тоа колку реакции од граѓаните пристигнале во последниот период.„Во периодот пред новогодишните празници имаше навистина многу реакции од граѓани во однос на бучави. Општина Аеродром излезе со ригорозни мерки, затвори два угостителски локали коишто ја надминуваа бучавата, изрече повеќе од 7 глоби за угостителски објекти коишто ја надминуваат бучавата и во изминативе неколку месеци до Општина Аеродром нема поплаки за бучава, а инспекциските служби постојано се на терен и вршат редовни контроли“, вели Митески.

Скопје | пред 2 седмици

Мицкоски и градоначалникот на Аеродром го означија почетокот на реконструкцијата на 19 улици

Градоначалникот на Општина Аеродром, заедно со лидерот на ВМРО-ДПМНЕ, Христијан Мицкоски, денеска ја означија почетокот на реконструкцијата на 19 улици во општината. Проектот, финансиран од страна на Владата, вклучува уредување на улиците и придружна инфраструктура во вредност од над 130 милиони денари, со цел подобрување на квалитетот на животот на граѓаните. „Уште неколку проекти коишто се финансирани од страна на Владата во општините. Од тоа коешто можев да го слушнам од градоначалникот станува збор за вкупен обем на улици и придружна инфраструктура, во вредност поголема од 130 милиони денари, меѓу другото тоа се неколку проекти коишто покрај коишто веќе се реализираат од страна на програмата на Владата за финансирање на проекти во општините. Општина Аеродром на овој начин добива додадена вредност и тоа е многу важно затоа што се подобрува квалитетот на животот на граѓаните.Јас би сакал да се заблагодарам на градоначалникот, на советниците, на пратениците, на сите оние коишто учествуваат во реализацијата на овие проекти бидејќи само на овој начин можеме да покажеме дека тоа што го ветуваме тоа и го испорачуваме за граѓаните. Јас сум задоволен кога гледам со каква динамика се работат проектите, еве се запролети и веќе наеднаш повторно сите градилишта се рестартираат, така што очекуваме оваа година сето она коешто беше почнато со првиот и вториот повик преку Министерството за локална самоуправа да биде завршено, а следната година да имаме одреден буџет за да објавиме нов повик и нови проекти да реализираме во општините. Така што еве уште еднаш благодарен сум на сите оние коишто учествуваат во реализацијата на овој проект. Благодарам до градоначалникот, до советниците, до администрацијата, до пратениците коишто се борат за проект повеќе за својата општина и очекувам така да продолжиме и во периодот којшто следува“, изјави Мицкоски

Скопје | пред 2 седмици

Митески за настршницата на кафеаната „Трокадеро“: Ќе постапиме по завршување на жалбената постапка

Градоначалникот на Аеродром, Дејан Митески денеска беше прашан за најавата дека ќе урне настршница од гипс на кафеана лоцирана во општината. Иако најавата беше дадена претходно, сè уште не е спроведено урнувањето, а новинарите го прашаа кога точно ќе се реализира.„Како општина можеби сме една од ретките којашто острани неколку објекти за коишто беа создадени комплетни услови за отстранување. Ако вашето прашање за угостителскиот објект Трокадеро кој што се наоѓа во населбата Острово, таму е во фаза на решавање односно одлучување по жалби, не би сакале да избрзаме. Во тој дел таму го реконструираме комплетно плочникот, така што кога ќе се создадат услови, Општина Аеродром ќе постапи како што постапуваше и во минатото во однос на на дивоградбите, изјави Митески.На прашањето дали ќе чекаат да се заврши жалбената постапка, бидејќи во решението стои во еден дел дека и покрај тоа што е во жалба треба да се отстрани, тој одговор дека такви се решенијата, но не би сакал да ја доведе општината во ризик.„Да, такви се решенијата во однос на инспекциските постапки, меѓутоа, не би сакале да ја доведеме во ризик Општина Аеродром во случај да се поништи решението од второстепен орган, па да плаќаме штети и повторно да поведуваме нова постапка“, вели Митески.

Скопје | пред 2 седмици

По булевар, Трамп доби и аеродром, Демократите реагираат: „Пак ќе профитира“

Преименувањето на аеродромот „Палм Бич“ во „Меѓународен аеродром претседател Доналд Џ. Трамп“ предизвика загриженост кај Демократите, кои сметаат дека „претседателот на САД и неговото семејство би можеле да остварат голема корист“.Гувернерот на Флорида, Рон Десантис, го потпиша законот со кој аеродромот ќе го добие новото име, откако Претставничкиот дом и Сенатот го усвоија предлог-законот минатиот месец.Законот ќе стапи на сила на 1 јули, по одобрување од Федералната администрација за авијација (FAA), а официјалните владини записи и мапи ќе бидат ажурирани со новото име. Аеродромот исто така ќе добие нов код: „DJT“.Предлог-законот го иницираше пратеничката Мег Вајнбергер, која годинава учествуваше во отворањето на „Булеварот претседател Доналд Џ. Трамп“, делница која го поврзува аеродромот со приватниот клуб на Трамп, Мара-Лаго.Иако Демократите изразија загриженост дека Трамповото семејство би можело да профитира од промената на името, портпаролот на организацијата на Трамп нагласи дека претседателот и неговото семејство нема да примаат авторски хонорари, надоместоци за лиценцирање или било каква финансиска надокнада.„Да биде јасно, претседателот и неговото семејство нема да примаат никакви авторски хонорари, надоместоци за лиценцирање или било каква финансиска надокнада од предложеното преименување на аеродромот“, изјави директорката за извршни операции во организацијата на Трамп, Кимберли Бенза.

Свет | пред 3 седмици

(Видео) Дива депонија среде Аеродром, жителите бараат итна реакција од инспекциите

Жители на скопската населба Аеродром алармираат за сериозен еколошки проблем на улицата „Вангел Тодоровски“ бр. 2, каде, како што велат, се создава дива депонија.„Во срцето на центарот на стар Аеродром, ул. „Вангел Тодоровски“ бр. 2, карши месарница „Гарче“, се создава депонија, ова е полошо од Дрисла. Се молат инспекциите да преземат нешто, да ги задолжат сопствениците на бараките да го исчистат просторот, а уште и кровот на бараките е искршен и е од азбестни плочи. Градежната компанија што ја гради зградата целиот шут секојдневно го фрла одозгора врз бараката, не може од прашина да се дише. Ве молиме инспекциите кои се надлежни да преземат нешто конкретно“, стои во објавата.

Скопје | пред 3 седмици

(Видео) Се појави видео од скопјанецот кој со „БМВ“ удри во возач на тротинет, па го натепа

Минатата недела триесет и двегодишен скопјанец беше уапсен откако со автомобил удрил во лице кое управувало тротинет, а сега искочи и видео од нападот.На видеото се гледа како возачот на тротинет лежи на среде улицата, додека над него стои возачот на „БМВ“. Во позадина се слуша гласно викање и вознемирени реакции од присутните.Според информациите, на 26 март 2026 година околу 11:10 часот на подрачјето на општина Аеродром, по претходно недоразбирање во сообраќајот, А.С.(32) од Скопје, управувајќи патничко возило „БМВ“, удрил во тротинет кој го управувал З.И.(41) од Скопје. По судирот, осомничениот излегол од возилото и физички го нападнал другото лице.Подоцна, во 16:00 часот, полициски службеници од СВР Скопје го лишиле од слобода и го привеле во Полициската станица Кисела Вода.Од МВР соопштија дека по целосно документирање на случајот ќе биде поднесена кривична пријава по брза постапка поради постоење основи на сомнение за сторено кривично дело „насилство“ согласно член 386 од Кривичниот законик.

Скопје | пред 3 седмици

Ѓорѓиевски по реакциите од Ново Лисиче: Бесплатно паркирање за резиденти во цел Аеродром

Градоначалникот на Скопје Орце Ѓорѓиевски најави дека по реакциите на граѓаните се задржува старото правило за паркирање во Општина Аеродром, според кое сите резиденти – физички и правни лица – ќе можат да паркираат на сите зони на територијата на општината без да плаќаат надоместок.„Како човек кој ја добил најголемата доверба од граѓаните и кој секогаш се води од нивниот глас, чувствувам обврска јасно и транспарентно да ве информирам за одлуките што ги носиме, заедно. Дадена е насока до директорот на ЈП ,,Градски паркинг”, во општина Аеродром, во Реонскиот центар каде се воведува зоната D12, останува да важи старото правило: секој резидент - физички и правни лица, ќе може да се паркира на сите зони на територијата на општината без да плаќа надоместок, како што беше најавено претходно. И ова правило останува да важи за цел Аеродром! Ова е директен одговор на барањата и реакциите на граѓаните и доказ дека нивниот глас не само што се слуша, туку и се почитува. Нашиот народ е секогаш во право! Паралелно, во тек е подготовка за воведување нова зона за паркирање во Ново Лисиче“, напиша Ѓорѓиевски.Тој додава: Веќе се поставува соодветна хоризонтална и вертикална сигнализација, по што ќе следува и поставување информативни табли. Со ова, ќе се обезбедат вкупно 2719 паркинг места кои ќе бидат конкретно решение за реалниот проблем. Истовремено, правиме чекор напред и во дигитализацијата. Од 01.04.2026 година, граѓаните ќе можат електронски да поднесуваат барања за дозволи преку платформата „moj.parking.mk“, за сите паркиралишта под надлежност на „Градски паркинг“ - зонско паркирање, паркиралишта со рампа и катни гаражи. Дополнително, овозможено е и онлајн плаќање на месечни и годишни дозволи, со што процесот станува побрз, поедноставен и достапен за сите. Почитувани, за разлика од минатото, денес вашиот глас е слушнат и уважен. Одлуките ги носиме заедно, за подобро секојдневие, повеќе ред и достоинствено, уредено Скопје“, додаде тој.

Скопје | пред 3 седмици

Апел до градоначалниците од жителите на Ново Лисиче: Без селективно паркирање, или ќе има протести

Жителите на Ново Лисиче преку Фејсбук страницата „Ново Лисиче“ упатија јавен апел до надлежните институции, барајќи одложување на воведувањето на зонското паркирање во Реонски центар сè додека не се спроведе паралелно и во нивната населба.Во реакцијата тие потсетуваат дека било ветено истовремено воведување на зонско паркирање на двете локации, но дека тоа не е реализирано. Според нив, селективната имплементација ќе го продлабочи проблемот со паркирањето и дополнително ќе го префрли хаосот во Ново Лисиче.„Граѓаните не го бараат ова од политички причини, туку поради реалните проблеми со кои секојдневно се соочуваат. Селективниот модел што се најавува ќе ја влоши состојбата“, наведуваат тие.Жителите бараат надлежните да започнат со подготовка на теренот во Ново Лисиче, да достават конкретен термински план за обележување и имплементација на зоните, како и да понудат јасно решение кое ќе важи за двете населби истовремено.Во спротивно, предупредуваат дека ќе бидат принудени да излезат на блокади и протести уште од денот на евентуалното селективно воведување на зонското паркирање.

Скопје | пред 3 седмици

Селективното зонско паркирање во Аеродром носи најави за блокади, жителите гневни: Ќе има хаос ако зонското важи само за Реонски центар

По најавите за воведување зонско паркирање, градоначалникот на Скопје, Орце Ѓорѓиевски, потврди дека од 1 април наплатата ќе започне, но само во Реонски центар, што предизвика реакции кај жителите на Ново Лисиче.Граѓаните предупредуваат дека ваквата селективна примена ќе го влоши и онака сериозниот проблем со паркирањето во нивната населба. Според нив, веќе сега е речиси невозможно да се најде слободно место, а воведувањето наплата во соседниот реон ќе го пренасочи дополнителниот притисок кон Ново Лисиче.Жителите посочуваат дека со месеци наназад бараат истовремено воведување на зонско паркирање и во нивната населба, но без резултат. Тврдат дека паркиралиштата се узурпирани, а институциите не презеле конкретни чекори и покрај претходните ветувања.Во реакции објавени на социјалните мрежи, дел од граѓаните најавуваат и можни блокади доколку одлуката не се преиспита.„Ако се воведе зонско само во Реонски центар, ќе бидеме принудени да излеземе на блокади уште истиот ден“, предупредуваат тие, барајќи одложување на мерката сè додека не се спроведе паралелно решение и за Ново Лисиче.Останува неизвесно дали надлежните ќе одговорат на барањата на жителите или од 1 април зонското паркирање ќе стартува само во една од двете локации, што дополнително може да ги зголеми тензиите на терен.

Скопје | пред 3 седмици

(Видео) Мицкоски најавува 2.000 гости дневно во Охрид, надвор од сезоната

Премиерот Христијан Мицкоски најави дека Владата е во напредна фаза на разговори со тур-оператори за значително зголемување на бројот на туристи на охридското крајбрежје, особено надвор од главната туристичка сезона.Според него, се работи на договор кој треба да донесе околу половина милион ноќевања во вонсезонскиот период, што би значело просечно околу 2.000 гости дневно.Анализите, како што посочи, покажуваат дека овие туристи трошат во просек по 170 евра дневно, вклучително и за сместување, што би генерирало приближно 85 милиони евра приходи надвор од сезоната.„Ова е сериозен економски импакт, но и можност за хотелиерите да го задржат персоналот во текот на целата година, наместо да се соочуваат со сезонски отпуштања“, изјави Мицкоски.Тој додаде дека во наредниот период ќе се работи и на унапредување на сместувачките капацитети, со цел да се одговори на очекуваниот раст на побарувачката.Најавите доаѓаат паралелно со инвестициите во Аеродром Свети Апостол Павле Охрид, што треба дополнително да ја зајакне туристичката понуда и поврзаноста на регионот.

Настани | пред 3 седмици

(Видео) Николоски: Следната година таргет – 4 милиони патници од двата аеродрома

Заменик-претседателот на Владата Александар Николоски најави сериозна надградба и реконструкција на Аеродром Свети Апостол Павле Охрид, оценувајќи дека станува збор за значаен чекор кон зголемување на туристичкиот и транспортниот капацитет на земјата.Тој посочи дека по претходната модернизација на пистата по доделувањето на концесијата на ТАВ Македонија, сега следува нова фаза на развој со проширување од околу 2.500 квадратни метри.„Ова ќе значи повеќе патници, подобра поврзаност и директен поттик за туризмот“, истакна Николоски, додавајќи дека паралелно се реализираат и други инфраструктурни и безбедносни проекти.Во таа насока, ги посочи активностите на М-НАВ во делот на воздушната безбедност, како и изградбата на патниот правец Охрид–Кичево, со што се подобрува пристапноста до аеродромот.Според него, целта е веќе следната година двата македонски аеродроми да достигнат над 4 милиони патници, што би претставувало значителен раст на воздушниот сообраќај.Николоски најави дека реконструкцијата треба да заврши во текот на летото, со очекување во јули да биде организирано и свечено отворање, по што охридскиот аеродром ќе функционира со „комплетно нова приказна“.

Настани | пред 3 седмици

Голема реконструкција во Охрид која завршува пред јуни: Нов изглед и поголем капацитет на аеродромот

ТАВ Македонија инвестира 2,7 милиони евра во неколку клучни подобрувања на Аеродром Свети Апостол Павле Охрид, со цел зголемување на капацитетите и подобрување на условите за патниците и вработените.Како што соопшти генералниот директор Неџат Курт на ТАВ Македонија, проектот предвидува проширување на патничкиот капацитет, зголемување на просторот за безбедносна контрола на патници и багаж, како и проширување на административната зграда.Во рамки на инвестицијата ќе бидат изградени нови канцеларии за граничната полиција, паркинг за вработените и кафетерија, со што значително ќе се подобрат условите за работа и престој на аеродромот.„Оперативноста на аеродромот ќе продолжи додека се изведуваат градежните работи, а се очекува тие да завршат кон крајот на мај. Овој проект ќе му даде сосема нов лик на охридскиот аеродром и ќе овозможи подобро секојдневие за сите што се дел од воздушниот сообраќај“, изјави Курт.Дополнително, беше најавено дека Визер започнува со нова авиолинија од Охрид до Милано, што го означува почетокот на летната сезона. Со ова се надополнуваат постојните линии кон европските дестинации, меѓу кои и Братислава и Виена.Инвестицијата доаѓа во период кога се очекува зголемен број патници во текот на летната туристичка сезона, при што модернизацијата на инфраструктурата треба да одговори на растечките потреби на воздушниот сообраќај.

Настани | пред 3 седмици

Ѓорѓиевски: Нова зона со над 1.300 паркинг-места и дигитални услуги за „Градски паркинг“ во Аеродром

Орце Ѓорѓиевски, информира дека е означен почетокот на нова зона за паркирање и воведување дигитални услуги за корисниците на ЈП „Градски паркинг“ во Општина Аеродром.Како што објави Ѓорѓиевски, заедно со градоначалникот на Аеродром, Дејан Митески, и директорот на претпријатието, Владимир Кроневски, бил означен стартот на зоната Д12, која се наоѓа во Реонскиот центар во Аеродром.„Станува збор за простор кој се уредуваше во повеќе фази, поради неговата големина и значење. По добивањето на сообраќајното решение, пристапивме кон целосно уредување на јавната површина со поставување вертикална и хоризонтална сигнализација“, наведува Ѓорѓиевски.Во рамки на зоната се обезбедени 1.302 паркинг-места, од кои 32 се наменети за лица со попреченост, односно вкупно 1.334 уредени позиции. Зоната ги опфаќа улиците 1612 и 1613, односно целиот Реонски центар.Од 1 април, станарите и правните и физичките лица со дозвола ќе можат да паркираат исклучиво во зоната за која ја поседуваат дозволата. Станарите ќе имаат можност за две бесплатни дозволи за возила, додека за останатите корисници цената ќе изнесува 25 денари за час.Канцеларијата за аплицирање ќе се наоѓа во зградата на Рударскиот институт на булеварот „Јане Сандански“.Паралелно, како што посочува Ѓорѓиевски, се воведуваат и нови дигитални услуги. Од 1 април 2026 година, граѓаните ќе можат електронски да поднесуваат барања за дозволи преку платформата „moj.parking.mk“, како и да вршат онлајн плаќање на месечни и годишни дозволи.Дополнително, во тек е подготовка и на нова зона за паркирање во Ново Лисиче, која ќе обезбеди 2.719 нови паркинг-места.„Посветено работиме на воведување ред во паркирањето, намалување на сообраќајниот хаос и создавање фер и функционален систем кој ќе им служи на граѓаните“, истакнува Ѓорѓиевски.

Скопје | пред 3 седмици

Ристески: Општина Аеродром незаконски ги скрати за 50% надоместоците за избирачките одбори

Спротивно на Изборниот законик и Правилникот на Државната изборна комисија, Советот на Општина Аеродром на вчерашната седница одлучи да ги намали за 50% надоместоците на членовите на избирачките одбори.Со оваа одлука 930 членови на избирачки одбори ќе добијат за 50% помали надоместоци од тоа што ги следува согласно Изборниот законик.„Висината на овие надоместоци е експлицитно утврдена во Правилник на ДИК и се движи од минимум 12.000 денари за член и заменик на избирачки одбори кои имаат до 300 гласачи, се до 22.000 дена за претседателот на избирачките одбори кои имаат над 901 гласач. Советот на Општина Аеродром нема право произволно да го менува овој износ“ – изјави координаторот на советничката група на СДСМ во Советот на Општина Аеродром, Милутин Ристески.„Друго прашање е дали и со колкав удел треба да учествува Град Скопје во сумата. Тоа е проблем што треба да си го решат Дејан Митески и Орце Ѓорѓиевски, но не на штета на овие луѓе кои ја имаа најодговорната задача на изборниот ден. Оттука оваа одлука е една најобична кражба буквално на половина од чесно заработените пари на овие 930 луѓе“ – нагласи Ристески.„Во Изборниот законик јасно е наведено дека избирачките одбори ги формира Општинската изборна комисија и тоа е она што градоначалникот одбива да го види, а средствата за овие луѓе во целост треба да ги исплати Општина Аеродром“ – додаде членот на Советот на Општина Аеродром, Марко Данилоски.„Предлагам Општина Аеродром да ги исплати сега средствата во целост и потоа таа да ги чека средствата од Град Скопје, ако некогаш воопшто Градот ги префрли овие средства. А не членовите на избирачките одбори да чекаат, тие доволно чекаа и до сега. Не е во ред чесно заработените пари да им им се исплатат преполовени или на рати“ – предложи членот на Советот на Општина Аеродром, Марјан Јовановски.Предлогот на советничката група на СДСМ во Советот на Општина Аеродром да се донесе одлука со која ќе се овозможи исплата на целиот износ на надоместоците за избирачките одбори беше одбиен од страна на градоначалникот Дејан Митески и мнозинството на ВМРО-ДПМНЕ, со образложение дека Град Скопје на сметката на општината се уште ги нема уплатено останатите 50% од потребните средства.

Скопје | пред 4 седмици

Запалено такси „ауди А6“ во Аеродром

Патничко возило „ауди А6“, кое било користено како такси, изгоре во пожар што избувнал синоќа во скопската општина Аеродром, информира Министерството за внатрешни работи.Според МВР, настанот бил пријавен на 19 март во 22:10 часот. Возилото било сопственост на правно лице од Скопје.Пожарот бил изгаснат од екипа на Бригадата за противпожарна заштита Скопје, а во инцидентот нема повредени лица.На местото бил извршен увид, а причините за избувнување на пожарот се утврдуваат.

Македонија | пред 1 месец

(Видео) Хаос на аеродромот во Дубаи: илјадници патници заглавени, летови се откажуваат и доцнат поради ескалација на судирот со Иран

Масовни гужви и часови неизвесност ги одбележаа терминалите на меѓународниот аеродром во Дубаи, откако голем број летови почнаа да доцнат или да се откажуваат поради безбедносни ограничувања и затворање делови од воздушниот простор во регионот. Илјадници патници останале збиени во халите, со багаж во раце, обидувајќи се да најдат алтернатива за продолжување на патувањето или за напуштање на Обединетите Арапски Емирати.Нарушувањето на авио-сообраќајот доаѓа во момент на зголемени тензии во Западна Азија, по ескалација на судирот меѓу САД, Израел и Иран. Поради ризици и нови безбедносни мерки, авиокомпаниите и надлежните служби воведуваат промени во маршрутите, дополнителни проверки и привремени прекини на сообраќајот, што директно ги погодува транзитните патници во Дубаи – еден од најпрометните светски авио-јазли.Патници, кои своите искуства ги споделиле на социјалните мрежи и на интернет-заедници, опишувале дека биле задржувани во терминалите и добивале препораки да се држат подалеку од прозорците и да ги следат насоките на персоналот и безбедносните служби, поради можни закани во околината на аеродромот.Нарушувањето, се наведува, се продлабочило по удари врз Иран и последователни контра-напади, што поттикнало поширок регионален одговор со ограничувања во воздушниот простор. Како резултат на тоа, Дубаи се соочува со значајни оперативни застои, додека патниците се обидуваат да го пренасочат патувањето, да ги променат билетите или да обезбедат сместување додека чекаат нови информации за летовите.

Свет | пред 1 месец

Се реконструираат јавните пешачки површини кај ТЦ „Три бисери“ во Аеродром

Општина Аеродром започна со реализација на уште еден значаен и капитален инфраструктурен проект – целосна реконструкција на пешачките површини кај ТЦ „Три бисери“, простор што секојдневно го користат голем број наши сограѓани.Со овој проект ќе се уредат околу 4.000 квадратни метри јавен простор, на потегот покрај бул. „Јане Сандански“ – од зграда број 7 до зграда број 11.При тоа, старите и дотраени павер-елементи се заменуваат со нови и современи, со што овој фреквентен дел од Аеродром ќе добие модерен и уреден изглед. По неколку децении, конечно се создаваат услови за поголема безбедност и поквалитетен јавен простор за жителите, но и за сите посетители на трговскиот центар.Инвестицијата во вредност од 17,2 милиони денари се реализира со поддршка од Владата и претставува уште еден чекор кон системско подобрување на инфраструктурата и урбаниот изглед на нашата општина.Продолжуваме посветено да инвестираме во проекти што го подобруваат секојдневието на граѓаните и го разубавуваат Аеродром.

Скопје | пред 1 месец