БИХ

Кошта во Сараево: „БиХ мора побрзо кон ЕУ, политичарите да ги забрзаат реформите“

Претседавачот на Европскиот совет Антонио Кошта при посетата на Сараево порача дека Босна и Херцеговина е на добар европски пат, но дека домашните политичари мора значително да го забрзаат темпото на реформи за земјата да напредува кон членство во Европската Унија.Кошта оцени дека БиХ се наоѓа на само неколку чекори од следната фаза на пристапните преговори, но дека клучен услов е усогласување на законодавството со ЕУ и усвојување на преостанатите реформски закони, особено во областа на правосудството. Тој исто така нагласи потреба од итно именување главен преговарач и спроведување на реформската агенда, со цел пристап до европските фондови за развој.За време на политичките средби во Сараево, претставници во БиХ изнесоа различни ставови за тековната состојба на европскиот пат на земјата. Претседавачот на Претседателството на БиХ Денис Беќировиќ оцени дека блокадите во процесот се последица на проруската и антиевропската политика на властите во Република Српска, тврдејќи дека дел од политичките центри во регионот следат влијание од Москва наместо од Брисел.Од друга страна, членката на Претседателството на БиХ Жељка Цвијановиќ порача дека Република Српска поддржува укинување на влијанието на меѓународните институции кои, како што наведе, донесуваат одлуки наместо домашните органи, истакнувајќи дека само внатрешниот дијалог може да гарантира стабилност на Босна и Херцеговина.Кошта по посетата на Сараево најави продолжување на турнејата низ земјите од Западен Балкан, која ќе заврши со самит во Тиват.

Свет | пред 2 дена

Во БиХ запленети 40 килограми дрога пристигната преку пристаништето Плоче

Државната агенција за истраги и заштита на Босна и Херцеговина (СИПА) соопшти дека во координирана акција со Министерството за внатрешни работи на Хрватска биле запленети 40 килограми дрога, која во Босна и Херцеговина пристигнала преку пристаништето Плоче.Полициската операција била спроведена во вторник по наредба на Судот на БиХ, а во акцијата биле уапсени девет лица.При претресите на станбени и помошни објекти, како и на возила, полициските службеници пронашле и привремено одзеле 40 килограми опојна дрога „канабис сатива“. Според информациите од СИПА, дрогата од пристаништето Плоче била транспортирана во Босна и Херцеговина со товарно возило што го користело едно од приведените лица.Од СИПА посочија дека, иако во операцијата учествувале повеќе безбедносни агенции од БиХ, акцијата претставува пример за успешна регионална соработка во борбата против транснационалниот организиран криминал.Претреси и апсења биле извршени во Чапљина, Кнежево, Теслиќ, Лакташи, Бања Лука, Зворник и на подрачјето на Брчко Дистрикт.

Балкан | пред 1 седмица

Тело на жена извлечено од река во БиХ, полицијата врши увид

Тело на жена утрово било извлечено од реката Спреча во Лукавац, пренесуваат медиумите во Босна и Херцеговина.Од Оперативниот центар на Министерството за внатрешни работи на Тузланскиот кантон потврдиле дека добиле пријава за случајот.„На подрачјето на Полициската управа Лукавац во утринските часови е забележано тело. Во тек се увидни дејствија“, соопштиле од полицијата.Засега не се познати повеќе детали за идентитетот на жената и околностите под кои дошло до трагедијата.

Балкан | пред 1 седмица

Белгија истражува учество на свои државјани во „човечки сафари“ за време на опсадата на Сараево

Белгиското обвинителство потврди дека започнало истрага за можно учество на белгиски државјани во таканаречени „човечки сафари“ за време на војната во Босна и Херцеговина во 90-тите години.Истрагата следува по италијанско новинарско истражување според кое, за време на опсадата на Сараево, странски „воени туристи“ им плаќале на босанските Срби за да пукаат врз цивили.Поранешниот италијански магистрат Гвидо Салвини, кој учествувал во истражувањето, изјавил дека меѓу осомничените имало државјани од Белгија, Франција, Германија и други земји.Според весникот „Ил Џорнале“, дел од таканаречените „воени туристи“ плаќале и до 100.000 евра дневно за да учествуваат во нападите.Опсадата на Сараево траеше од април 1992 до декември 1995 година и се смета за најдолга опсада во современата историја. Во тој период во градот биле убиени околу 11.500 лица, додека вкупниот број жртви од војната во Босна и Херцеговина достигнал близу 100.000 луѓе, од кои голем дел цивили.

Балкан | пред 1 седмица

Отворен нов мост меѓу БиХ и Хрватска по уривањето на мостот кај Градишка

По уривањето на дел од мостот на реката Сава кај граничниот премин Градишка, сообраќајот меѓу Босна и Херцеговина и Хрватска привремено се пренасочува преку новоотворениот мост кај граничниот премин Горња Варош.Новиот мост бил отворен синоќа околу 19 часот како итна мерка за намалување на метежот што се создаде по целосниот прекин на сообраќајот на преминот Градишка.Станува збор за привремено решение кое ќе важи три месеци, а одлуката ја донело Министерството за безбедност на Босна и Херцеговина, откако пред два дена се урнале пешачката патека и дел од заштитната ограда на мостот преку Сава.Според хрватските медиуми, отворањето на мостот во Горња Варош претходно било одложувано поради административни процедури, но сега ќе служи како алтернативна рута додека трае санацијата на оштетениот мост.Со оваа мерка се очекува да се намалат гужвите и застојот за патниците и превозниците, бидејќи преминот Градишка претставува една од најважните сообраќајни врски меѓу БиХ и Хрватска.

Балкан | пред 2 седмици

Дел од мост се сруши на границата меѓу Хрватска и БиХ

Се урна дел од мостот кон граничниот премин Градишка на босанскохерцеговската страна од границата, поради што во моментов е затворен сообраќајот за сите возила кон граничниот премин.Хрватскиот автоклуб соопшти дека поради оштетување на мостот меѓу граничните премини Стара Градишка во Хрватска и Градишка во Босна и Херцеговина, сообраќајот е прекинат во двата правци.Според првичните неофицијални информации, нема повредени лица, а повеќе детали за инцидентот се очекуваат во текот на денот.Во моментов не е познато ниту како дошло до уривањето на дел од мостот.

Балкан | пред 2 седмици

Над 2.000 платежни картички на граѓани од БиХ завршиле на црниот пазар на дарк-веб

Над 2.000 податоци од платежни картички на граѓани на Босна и Херцеговина, прибрани преку лажни интернет-страници и измамнички кампањи, се појавиле во понуда на црниот пазар на дарк-веб.Ова го посочува анализа на тимот „СајберВингс“, кој преку системско следење и собирање разузнавачки информации за сајбер закани (Cyber Threat Intelligence – CTI) идентификувал поголем обем компромитирани податоци поврзани со клиенти на домашни банки.Според наводите, најголемиот дел од картичките не биле компромитирани со директен упад во банкарски системи, туку преку фишинг-напади и лажни страници каде што корисниците, уверени дека плаќаат царина или поштенска услуга, несвесно ги внесуваат своите податоци и ги предаваат на криминалците.Во „СајберВингс“ предупредуваат дека ваквите случаи укажуваат и на можност граѓаните да станале жртви на лажни е-трговски платформи или да ги изложиле податоците на небезбедни места, дозволувајќи трети лица да дојдат до нив.„Зад секој број на дарк-веб стои конкретен граѓанин кој во одреден момент оставил податоци таму каде што не треба или неговите податоци биле собрани без знаење и согласност. Секој податок што намерно или ненамерно ќе го споделите – било на лажна страница, било на рецепција во хотел – може да заврши на место на кое не сакате да биде.“Дополнително, се наведува дека раното откривање на компромитирани картички им овозможува на банките да реагираат навреме – да ја блокираат картичката, да го контактираат корисникот и да издадат нова, пред криминалците да ја злоупотребат.Како што објаснуваат, со ваквите податоци се тргува во делови од мрежата што не се достапни преку стандардни пребарувачи и до кои се пристапува преку посебни интернет-прелистувачи.

Балкан | пред 2 седмици

Македонски и турски војници херои во БиХ: Извлекле две лица од потопено возило

Патрола на силите на Европската Унија во Босна и Херцеговина (ЕУФОР), составена од припадници на армиите на Македонија и Турција, вчера попладне спасила две лица од возило што излетало од патот Грачаница-Тузла.Како што соопштува ЕУФОР БиХ, несреќата се случила околу 14 часот, кога возило „фолксваген голф“ изгубило контрола меѓу 24-от и 25-от километар од патниот правец, излетало од коловозот и удрило во дрвја во близина на провалија. Возилото завршило во дијагонална положба, а двете лица во него останале делумно потопени во вода.„Припадниците на патролата на ЕУФОР брзо реагираа на местото на настанот. Двете лица се обидуваа да се извлечат од пропустот, стравувајќи дека возилото може дополнително да пролизга или да се преврти. Група цивили, исто така, реагираше, обидувајќи се да го стабилизира возилото, држејќи го за тркалата за да спречи натамошно движење“, се наведува во соопштението.Поради можни повреди, особено кај жената за која постоело сомнение за скршеници, спасувачкиот тим постапувал внимателно. Со користење скала како импровизирана носилка, жената била обезбедена и извлечена од пропустот, со цел да се избегнат дополнителни повреди.Од ЕУФОР посочуваат дека остануваат посветени на безбедноста на сите граѓани на патиштата и ја поздравуваат брзата реакција и тимската работа на припадниците ангажирани во спасувачката операција.

Свет | пред 3 седмици

Ја убил поранешната сопруга и избегал со детето, пронајден додека јадел ќебапи - трагедија во Сараево

Во Сараево се случи тешко убиство во населбата Добриња, каде маж ја лишил од живот својата поранешна сопруга, по што побегнал од местото на настанот заедно со нивната петгодишна ќерка.Според информациите од истрагата, осомничениот Тарик Прусац бил лоциран и лишен од слобода истиот ден околу 19:15 часот во областа на Стари Град. И покрај полициската блокада и пребарувањето на поширокото подрачје, тој успеал да стигне до центарот на Башчаршија, каде што бил пронајден во угостителски објект додека јадел со детето.Петгодишната ќерка е пронајдена неповредена и веднаш е згрижена од надлежните служби.Обвинителството потврди дека телото на 41-годишната жртва, која била новинарка, ќе биде предадено на обдукција.Според првичните информации, осомничениот работел како припадник на обезбедување и наводно го користел службениот пиштол за извршување на делото, иако не смеел да го носи надвор од работното време.Адвокатката на жртвата изјавила дека таа подолг период живеела во страв, пријавувала вознемирување и била под заштитни мерки со забрана за приближување, но осомничениот и натаму ја следел и демнел.Осомничениот ќе биде предаден на надлежното кантонално обвинителство во Сараево, по што ќе следува понатамошна постапка за кривично дело тешко убиство.

Балкан | пред 1 месец

БиХ упати протестна нота до Хрватска поради собир за воспоставување „трет ентитет“ во Босна

Министерството за надворешни работи на Босна и Херцеговина упати протестна нота до Министерството за надворешни и европски работи на Хрватска, изразувајќи незадоволство поради собирот што се одржал во Загреб, на кој била претставена идејата за воспоставување „трет ентитет“ во БиХ, пишува Хина.Во нотата, во која увид имала Хина, се наведува дека МНР на БиХ изразува сериозна загриженост поради изјавите и пораките на ТрадиФест одржан на 25 април во Загреб, организиран под покровителство на цивилниот сектор, „но со присуство на претставници на властите“.Се истакнува дека на тој собир биле изнесени ставови кои имплицираат стремежи кон промени на уставниот поредок на Босна и Херцеговина, што МНР на БиХ го смета за недозволиво и спротивно на нејзиниот уставен поредок.Се наведува дека Босна и Херцеговина останува цврсто определена за заштита на својот суверенитет и територијален интегритет и дека ваквите пораки не придонесуваат за добрососедски односи ниту за меѓусебна доверба.Додадено е дека граѓаните на БиХ се „вознемирени и загрижени“ од таквите изјави и дека тие можат негативно да влијаат врз состојбата во земјата.Во министерството на чело со Елмедин Конaковиќ тие изјави ги оценуваат како штетни за регионалната стабилност и билатералните односи со Хрватска.МНР на БиХ очекува официјална реакција од надлежните тела на Република Хрватска и „јасно оградување од изнесените ставови“.Се наведува и дека Босна и Херцеговина останува посветена на европските и евроатлантските интеграции, при што потенцира дека евентуалните уставни реформи можат да ги водат исклучиво нејзините институции, во согласност со пресудите на Европскиот суд за човекови права, препораките на Венецијанската комисија и стандардите на Европската конвенција за човекови права.

Свет | пред 1 месец

Доктор од Брчко закопал коски на жртви од Сребреница во дворот, нема да има истрага

Приказната за брчанскиот лекар Небојша Мраовиќ, во чиј двор беа пронајдени посмртни остатоци на цивилни жртви од Сребреница, доби неочекуван правен епилог. Истражна постапка нема да се спроведува поради настапување на апсолутна застареност, заклучија надлежните обвинителства, пишува federalna.ba.Коските пронајдени во дворот на Небојша Мраовиќ припаѓаат на жртви на геноцидот во Сребреница. Иако за случајот било надлежно Обвинителството на БиХ, се чини дека никој нема да одговара за ова злосторство.„Обвинителството на БиХ донело наредба дека истражната постапка нема да се спроведува поради настапување на апсолутната застареност. Предметот потоа бил препуштен на Обвинителството на Брчко, кое по анализа на својата локална надлежност и времетраење на законот донело ист заклучок и одлука“, се наведува во образложението.Во Здружението на семејства на исчезнати, насилно одведени и убиени Бошњаци од Брчко ваквата одлука на Обвинителството ја сметаат за срамна. Претседателот на здружението Сеад Голиќ изјави дека смета дека се работи за сериозна пропуст во правосудството.„Мислам дека ова за Обвинителството на БиХ е непростливо. Нека им служи на чест! Повеќе не заслужуваат да водат вакви постапки. Според Законот за воени злосторства, таквите случаи не застаруваат. Ова исто така е воен злостор“, изјави Голиќ.Против одлуката на обвинителството жалба поднела и поранешната сопруга на Небојша Мраовиќ. За неа би требало да одлучува главниот обвинител на Обвинителството на Дистриктот, кој сè уште не е избран, што значи дека одлуката за овој правен лек веројатно ќе се чека уште долго.Адвокатот Дарко Милиќевиќ ги појасни причините за жалбата:„Само со поднесување на жалбата јасно е дека сметаме дека одлуката од првостепеното обвинителство, односно наредбата за прекин на истрагата, не е правилна. Бараме второстепеното тело во Обвинителството да ја преиспита правилноста и законитоста на таквата одлука“, рече Милиќевиќ.И покрај сè, Небојша Мраовиќ никогаш не престанал да работи во друга брчанска ординација. Лекарската комора на Република Српска во декември 2024 година му издаде лиценца на пет години за вршење на дејноста специјалист ортопедија. Судската одлука му овозможи и враќање на деловниот простор на ординацијата во која работел пред пронаоѓањето на коските, која е во сопственост на неговата поранешна сопруга.Мраовиќ порано изјави за медиумите дека не гледа ништо спорно во целиот случај и се брани дека коските биле користени за „планирање операции“.„Јас ги користев во болницата за планирање операции, беа корисни за стотици луѓе“, рече тој, без да прецизира на кој начин ги користел.

Свет | пред 1 месец

Пронајдени двете исчезнати Словенки на планина во БиХ

Две државјанки на Словенија, Елда Пугелј (1956) и Манде Јеловчиќ (1970), кои неколку дена се водеа како исчезнати, се пронајдени живи и здрави на планината Зеленгора во Босна и Херцеговина.Според првичните информации, двете жени се изгубиле откако следеле насоки од навигациски уред кој ги одвел во погрешен правец. Ситуацијата дополнително се влошила поради снежно невреме што ги затекнало на планината, по што биле принудени да побараат засолниште во викендичка.Поради слаб сигнал на мобилната мрежа во регионот, тие не можеле да стапат во контакт со семејствата, што предизвикало загриженост и покренување потрага.Исчезнувањето било пријавено во полициската станица во Нов Травник на 29 март, откако блиските не можеле да стапат во контакт со нив неколку дена. Последниот пат биле видени на 23 март во локален хостел.Нивното пронаоѓање донесе олеснување по неколкудневната неизвесност, а се очекуваат дополнителни информации за околностите под кои преживеале во тешките временски услови

Свет | пред 2 месеци

(Видео) Инцидент во Мостар: пет маскирани навивачи запалија автомобил

Во раните утрински часови во Мостар се случила тепачка помеѓу навивачите на Зрински и Вележ.Пет маскирани навивачи на Зрински, со бакљи пресретнале едно возило каде се наоѓале навивачи на тимот Вележ, познати под името „Red Armi“. Потоа во автомобилот фрлиле бакља и побегнале.Според порталот hercegovacki.ba, нема лица со сериозни повреди, а дополнителни информации се очекуваат во текот на денот.Се сомнева дека навивачите на Вележ се упатиле кон Сараево, со цел да ја поддржат фудбалската репрезентација на Босна и Херцеговина, која игра натпревар бараж за пласман на Светското првенство против Велс.

Настани | пред 2 месеци

(Видео) Нова снимка од трамвајската несреќа во Сараево

Сè уште трае истрагата на Обвинителството на Кантонот Сараево за тешката сообраќајна несреќа што се случи на 12 февруари кога трамвај излета од шините при што загина студент на Академијата за ликовни уметности во Сараево, Ердоан Моранкиќ, а со тешки повреди здоби ученичката, Ела Јовановиќ. Во несреќата три лица добија полесни телесни повреди.Вчера „Аваз“ објави нова снимка од надзорни камери на Земјишниот музеј во Сараево, на која се гледа како трамвајот со голема брзина влегува во раскрсницата.„Кликс“ доби потврда дека минатата недела американската амбасада им ги предала снимките од своите надзорни камери на надлежните институции во Сараево. Наведените камери го покриваат целиот правец на трамвајската линија од Железничката станица до музејот каде се случила несреќата.Истрагата ја отежнува фактот што надзорната камера во трамвајот не работела, па сега е тешко да се утврди што точно се случило и дали однесувањето на возачот било соодветно. По форензичката обработка на хард диск од трамвајот, утврдено е дека последната снимка од кабината на трамвајот е забележана на 29 ноември минатата година.Возачот на трамвајот, Аднан Касаповиќ, беше уапсен по несреќата, но подоцна е пуштен да се брани од слобода. Според официјалните информации, тој засега е единствениот осомничен во овој случај.

Свет | пред 2 месеци

(Фото) „Ела издржи“: Осамна транспарент за поддршка на девојчето на кое му беше ампутирана ногата по несреќата во Сараево

Цело Сараево е во шок по трагичната смрт на 23-годишниот млад човек, младиот уметник Ердоан Моранкиќ, кој загина во четвртокот во трамвајска несреќа во Сараево. Во истата несреќа тешко е повредена и 17-годишната Ела Ј., на која лекарите морале да ѝ ја ампутираат ногата.Според последните информации, Ела и натаму е во тешка состојба, на одделението за интензивна нега.Целиот регион се надева дека Ела ќе успее да излезе како победник од оваа тешка битка, а особено жителите на Сараево кои отворено ѝ дадоа поддршка. Во текот на ноќта осамна транспарент: „Борба за правда, Ела издржи“.Да потсетиме, во несреќата се повредени уште три лица, кои се во стабилна состојба и се пуштени на домашно лекување.Несреќата се случила во четврток, на 12 февруари, околу пладне, кога трамвај, од правец на Железничката станица, со голема брзина влегол во раскрсницата кај Техничкото училиште, излетал од шините и на трамвајската станица повредил четири, а усмртил едно лице.

Свет | пред 3 месеци

(Видео) Трагедија во Сараево: Трамвај излета од шини, една жена загина

Една личност загина, а повеќе се повредени денеска во Сараево кога градскиот трамвај излетал од шините и завршил на една од најфреквентните улици во близина на Земјишниот музеј на БиХ и Амбасадата на САД.„Една личност смртно настрадала. Според моменталните податоци, две лица се повредени. Јавниот обвинител е известен, а полициските службеници се на терен“, соопштија од жупаниската МУП.Според достапните информации, трамвајот излетал од шините околу пладне, пробивајќи ја заштитната ограда и лизгајќи околу десетина метри по коловозот. Целиот преден дел од трамвајот е уништен.Во оваа несреќа загинала жена која била стисната од трамвајот при излетувањето, а за да дојдат до нејзиното тело, пожарникарите морале да ја сечат оштетената конструкција на возилото.Станува збор за еден од старите трамваи чешко производство, кои постепено се повлекуваат од употреба откако минатата година започна нивна замена со нови возила, чиј производител е швајцарскиот Stadler. Досега жупаниската влада набавила 25 нови трамваи, но некои од старите, купени пред повеќе од 40 години, сè уште се во употреба.

Свет | пред 3 месеци

Масовно труење со олово меѓу жителите на Вареш во БиХ

Во општина Вареш во Босна и Херцеговина продолжува сериозна здравствена криза предизвикана од масовно труење на населението со олово. Најновите резултати од тестирања на повеќе од 100 жители потврдија дека труењето со тешки метали е значително пошироко отколку што првично се претпоставуваше, пишува N1 BiH.Присуството на олово во крвта овој пат е утврдено не само кај жителите кои живеат во близина на депонијата на рудникот на компанијата DPM Метали, во населбите Пржиќи и Даштaнско, туку и кај граѓаните од самиот центар на Вареш. Претходните испитувања од декември минатата година покажаа присуство на олово во крвта кај сите 44 тестирани лица од различни возрасти.Во меѓувреме, во приватен аранжман беа тестирани уште девет лица, а наодите само ги потврдија алармантните показатели. Особено загрижувачко е што олово е пронајдено и кај пет деца помлади од шест години.Последните тестирања покажуваат дека кај некои лица се забележани исклучително високи концентрации на олово во крвта, во некои случаи и десет пати, па дури и сто пати поголеми од референтните вредности.„Присуството на олово во крвта претставува исклучително сложен здравствен проблем, бидејќи во човечкиот организам не постои физиолошка потреба за олово. Современата медицина застапува став дека не постои ‘безбедна’ доза олово во организмот“, истакнуваат експертите од Институтот за здравје и безбедност на храна Зеница.Во интервју за локална радио станица, вршителот на должноста градоначалник на општина Вареш, Малик Ризвановиќ, изјави дека, доколку го добие мандатот, здравјето на граѓаните ќе биде негов приоритет. Сепак, информацијата дека непосредно пред објавувањето на новите резултати за труењето, компанијата ДПМ Метали испратила до Владата на Зеничко-добојскиот кантон барање за зголемување на надоместокот за концесија предизвикува загриженост.„Официјално е дека во петокот ДПМ Метали поднесе иницијатива за зголемување на концесискиот надомест до Министерството за економија на Зеничко-добојскиот кантон. Во наредните месеци ќе има зголемување на концесијата. Она што успеав да го договорам со компанијата е дека, кога ќе се потпише концесијата, таа ќе се плаќа ретроактивно од 1 јануари 2026 година“, рече Ризвановиќ.Фактот дека самата рударска компанија бара од властите да ја зголемат концесијата што треба да ја плати изгледа неверојатно и покренува сериозни прашања за тоа кој управува со природните ресурси во Зеничко-добојскиот кантон.„Ако компанијата се обидува да купи социјален мир со овој потег, јасно велиме дека здравјето на граѓаните нема цена и дека е крајно несоодветно да се зборува за концесиски надоместоци во време кога животите на луѓето во Вареш се сериозно загрозени“, истакнуваат жителите на Пржиќ и Даштански.Властите на Зеничко-добојскиот кантон и Федерацијата БиХ сè уште немаат јасен одговор за ситуацијата во Вареш. Иако условите се исполнети, сè уште не е прогласена вонредна состојба. Исто така, не е познато дали Обвинителството на Зеничко-добојскиот кантон започнало истрага за труењето.И покрај противењето на локалните заедници и граѓанското општество, надлежните кантонални власти продолжуваат да поддржуваат нови, потенцијално опасни рударски проекти во Вареш, вклучувајќи го и планираното рударство на хром во сливот на реката Криваја.

Свет | пред 3 месеци

Пети ден блокади на граничните премини: Превозниците од Србија и БиХ не отстапуваат

Протестите на превозниците на товарни возила и блокадите на граничните премини во Србија и БиХ влегуваат во петти ден. Теретните терминали се блокирани на 22 излези и 19 влезови, поради процедурите за влез во Шенген зоната.Превозниците од Србија и Босна и Херцеговина продолжуваат со блокадите, соопшти босанско-херцеговачкиот Конзорциум „Логистика“ по состанок во Белград.Претходно, превозниците од Македонија и Црна Гора го прекинаа протестот откако Европската комисија ја претстави новата визна стратегија, која содржи предлог за решавање на проблемот со ограничувањето на престојот на професионалните возачи во Шенген зоната.Извршната потпретседателка на ЕК, Хена Виркунен, наведува дека возачите на камиони ќе имаат посебен лимит на престој во Шенген.

Свет | пред 4 месеци

Хрватска одлучи радиоактивниот отпад од „Кршко“ да го складира крај границата со БиХ: Сараево најавува тужба

Хрватска, по четири децении барање локација, донесе одлука својот дел од радиоактивниот отпад од нуклеарната електрана „Кршко“ да го складира на Трговска Гора, во непосредна близина на границата со Босна и Херцеговина. Станува збор за околу 1.200 кубни метри отпад што Хрватска треба да го преземе до 2028 година.Законот за складирање радиоактивен отпад е усвоен по итна постапка, иако Студијата за влијание врз животната средина сè уште не е завршена.Одлуката на Загреб предизвика обединет отпор во Република Српска и Федерацијата БиХ. Претставници на институциите, граѓани и еколошки организации оценуваат дека локацијата е неприфатлива и спротивна на европските конвенции.Координаторот на експертскиот и правниот тим за случајот Трговска Гора, Борислав Боиќ, изјави дека Босна и Херцеговина ќе покрене меѓународен спор доколку Хрватска продолжи со реализацијата на проектот.Еколошките организации укажуваат дека Босна и Херцеговина немала никаква корист од работата на нуклеарната електрана „Кршко“, а сега се соочува со потенцијални последици. Според нив, радиоактивниот и институционалниот отпад се лоцира на простор кој е директно поврзан со територијата на БиХ.Во општината Двор, каде што касарната Черкезовац е планирана како локација за складиште, живеат помалку од три илјади жители, од кои околу 70 проценти се Срби. Мештаните велат дека нивниот глас не бил земен предвид, а одлуката ја оценуваат како политичка.Локацијата Черкезовац е оддалечена воздушно околу два километри од Нови Град и Националниот парк Уна, што предизвикува загриженост за животната средина и туризмот. Локалните власти сметаат дека сè уште има простор проектот да не се реализира еднострано.Босна и Херцеговина ангажирала правен тим од Франција и случајот го подигнала на меѓународно ниво. Во мај, во Женева, пред Секретаријатот на ЕСПОО конвенцијата ќе се соочат аргументите на Хрватска и БиХ за и против изградбата на складиштето за радиоактивен отпад.

Свет | пред 4 месеци

Обилни дождови и снег во БИХ, опасност од поплави и сообраќаен хаос

Федералната управа за цивилна заштита на БИХ, излезе со предупредување за опасност од последици предизвикани од најавените силни дождови во наредните четири дена.Според метеоролошките прогнози, на југот на БиХ се очекуваат обилни врнежи од дожд, локално и над 200 литри на метар квадратен, со реален ризик од поплави, свлечишта и излевање на водотеците.Во останатите делови од БиХ се очекуваат интензивни снежни врнежи, кои можат да предизвикаат сообраќаен хаос, прекини во снабдувањето со електрична енергија, отежнат пристап до населени места, како и загрозување на животот и здравјето на населението.

Свет | пред 4 месеци

(Видео) Делови од Хрватска, Словенија и БиХ под снежна покривка

Снежна покривка го означи доаѓањето на зимата во регионот.Снег паѓаше во Хрватска, БИХ и Словенија.Во Хрватска, првиот снег за оваа сезона падна во Лика, Горски Котар и Сљеме.Хрватскиот автоклуб објави дека патиштата што минуваат низ планинските подрачја се под снег и ги повика возачите да бидат повнимателни и да го прилагодат возењето на условите на патот.Во БиХ снег паѓа во Бјелашница, Јахорина и Влашиќ.Снег има и во делови од Словенија.

Свет | пред 6 месеци

(Видео) „Ја замолувам колешката да не седи во скутот на министерот“ - Во БиХ прекината седницата за буџетот

Пратениците во Претставничкиот дом на Парламентот на БиХ расправаат за буџетот, но седницата беше прекината откако реагираше пратеникот од Демократскиот фронт (ДФ), Златан Бегиќ.Имено додека тој ја критикуваше работата на владата, пратеничката од СНСД, Сања Вулиќ, му се приближи на министерот за финансии Срѓан Амиџиќ, го прегрна и предизвика жестоки реакции во салата со своите гестови.-Ова навистина никаква смисла, ја замолувам колешката да не седи во скутот на министерот за финасии додека ние разговараме за буџетот.

Свет | пред 7 месеци

(Вознемирувачко видео) Странски турист во Мостар скокна од Стариот мост и падна неколку метри од чамец – луѓето го претепаа

Странски турист беше физички нападнат во Мостар откако самостојно скокна од Стариот мост во реката Неретва. Според локалните медиуми, група Мостарци му забележале дека скокот бил „нестручен“, што, според нив, претставувало опасност и непочитување на локалната традиција.Како што пренесува Avaz, туристот паднал само неколку метри од гумен чамец во кој се наоѓале луѓе. По излегувањето од водата, неколку луѓе скокнале по него и почнале физички да го напаѓаат. Ситуацијата ескалирала и на брегот, каде што, покрај навредите и пцовките, дошло до отворен конфликт, пренесува Слободна Далмација. Скокот е снимен со мобилен телефон, а видеото прво беше објавено од порталот Crna-Hronika, по што брзо се прошири на социјалните мрежи и предизвика бурни реакции.Скокањето од Стариот мост е една од најпрепознатливите традиции во Босна и Херцеговина и претставува симбол на градот Мостар. Секоја година, обично кон крајот на јули, се одржува официјално натпреварување кое собира професионални скокачи, локални ентузијасти и илјадници гледачи од целиот свет.Поради големата височина на мостот и студената вода на Неретва, скоковите се исклучително ризични. Организаторите често нагласуваат дека вакви подвизи бараат долгогодишна подготовка и се препорачуваат само под стручна контрола.

Македонија | пред 11 месец

Обвинителството на БиХ нареди приведување на Додик

Обвинителството на БиХ издаде налог со кој се наредува приведување на претседателот на Република Српска, Милорад Додик, потоа премиерот на Република Српска, Радован Вишковиќ и претседателот на Народното собрание, Ненад Стевандиќ, заради сослушување.Додик, Вишковиќ и Стевандиќ треба да бидат приведени од правосудната полиција.Обвинителството ги товари за сторено кривично дело нарушување на уставниот поредок.Бидејќи тројцатс не одговориле на претходната покана за распит, ако не бидат приведени, ќе биде издадена внатрешна потерница според која секоја полициска агенција во БиХ може да ги приведе, вклучително и Граничната полиција.Додик беше осуден во прв степен пред Судот на БиХ на една година затвор и шестгодишна забрана за политичка активност поради непочитување на одлуките на високиот претставник, властите на ентитетот усвоија низа неуставни закони.Упорноста на неуставните одлуки во РС е напад врз уставниот и правниот поредок на БиХ.На 27 февруари Националното собрание на РС усвои, а на 5 март Додик го потпиша указот за прогласување на законот, кој се однесува на забраната на активностите на судските и истражните институции на Босна и Херцеговина на територијата на РС.Додик рече дека законите ќе се спроведуваат.Последните закони наидоа на целосна осуда ширум светот, од американскиот државен секретар Марко Рубио, до генералниот секретар на НАТО Марк Руте.

Македонија | пред 1 година

Страшно злосторство во Босна и Херцеговина: По неколкудневна забава, млад човек убил врсник и пробал да му го распарчи телото, пишуваат медиумите

Тешко убиство извршил во неделата млад човек во градот Високо кај Сараево, кој потоа се обидел да ја распарчи својата жртва и на тој начин да ги прикрие трагите на злосторството, објавија во понеделник локалната полиција и медиумите.Младиот човек идентификуван од медиумите како Дино Бахтовиќ (24) е уапсен откако полицијата добила информација дека е извршено убиство во стан во населбата Високо, Лука.-Полициски службеници го лишиле од слобода лицето Д.Б., роден 2001 година од Високо, поради сомнение дека сторил кривично дело убиство, изјави портпаролот на полицијата Самир Валентиќ, додавајќи дека се прибираат потребните докази.Осомничениот, како што појаснија истражните органи, по кривична постапка ќе биде предаден на Зеничко-добојското обвинителство, кое ќе ја продолжи истрагата.Според достапните информации, убиецот и жртвата се познавале, а убиството е извршено по неколкудневна „журка“ во која учествувале и двајцата. Порталот „Дневни аваз“ како можна причина за конфликтот кој заврши со брутално убиство ја наведува кавгата за девојка.Убиецот, наводно, се обидел да го распарчи телото на жртвата по злосторството, а деловите од телото планирал да ги отстрани така што ги спакувал во куфер за потоа да ги фрла.Тој беше повреден во процесот и мораше да добие лекарска помош по неговото апсење.

Свет | пред 1 година