ФИЛИПЧЕ

Филипче: Земјоделството е пред колапс а власта нема ниту една антикризна мерка

Кризата ќе станува се потешка, состојбата во земјоделството е алармантна, а владата нема донесено ниту една антикризна мерка за помош на земјоделците, нагласи претседателот на СДСМ, д-р Венко Филипче, на денешната средба со земјоделци во неготинско Криволак. Филипче посочи дека поради високите цени на нафтата, драстично се зголемени цените на вештачките ѓубрива и сите трошоци што ги имаат земјоделците, што сериозно ја доведува во прашање одржливоста на земјоделското производство и егзистенцијата на земјоделците.„Ситуацијата е навистина алармантна. Во овој период кога растат цените на нафтата, земјоделците се соочуваат со сериозни предизвици. Прво, по прашање на нивната егзистенција, како земјоделци и семејствата кои што преку земјоделството ги издржуваат. И второ, поради негрижата на власта за овој сектор мора да знаеме дека може да се соочиме со сериозен недостаток на производство на одредени земјоделски култури, посебно житарици. Тоа значи дека во следниот период може да се соочуваме со дополнителен раст и на цената на лебот до крајот на годината“, рече Филипче.На средбата на која што се разговараше за актуелната состојба во земјоделството и проблемите, Филипче посочи дека секој сектор е погоден од промашените политики на власта, и најави дека СДСМ во следниот период ќе  предложи законски решенија за помош на земјоделците.„Ниски субвенции, ниска откупна цена на килограм произведено грозје. Сега нема никаква најава дека црните грозја, од сортите на црните грозја, ќе се откупуваат. Ниска субвенција и неисплатена за сточарите, висока производна цена поради висока цена на работната рака, водата, ѓубривата. Сѐ на се сметам дека оваа ситуација треба да биде сериозен аларм. Ние во следниот период, имајќи ги предвид нивните барања ќе предложиме неколку предлог закони, како што тоа го направивме лани, што за жал власта го одбија,а тоа беше за зголемена откупна цена по килограм грозје“, рече Филипче.

Македонија | пред 8 часа

Филипче: Мерките на Мицкоски се задоцнети и недоволни, сè е поскапено

Претседателот на СДСМ, Венко Филипче оцени дека мерките на Владата на Христијан Мицкоски се „задоцнети, недоволни и нема да имаат апсолутно никаков ефект“, бидејќи спиралата на поскапувања веќе започнала.„Кога ние предупредувавме дека мерките треба да се воведат навремено, како што тоа го направија многу земји во регионот, власта не нѐ послуша. Сега кризата ќе станува се потешка, а граѓаните ќе ја чувствуваат на својот грб. За жал, власта е тотално неодговорна и заинтересирана само за себе и своите бизниси“, рече Филипче.

Македонија | пред 8 часа

Филипче: Владата на Мицкоски ја загрози егзистенцијата на земјоделците

Претседателот на СДСМ, Венко Филипче, денеска го посети Криволак и разговараше со земјоделци, лозари и производители на житарици, констатирајќи дека ситуацијата е сериозно алармантна.„Во оваа временска ситуација, кога растат цените на нафтата, земјоделците се соочуваат со сериозни предизвици за својата егзистенција и за семејствата кои ги издржуваат преку земјоделството. Постојат ризици од недостаток на одредени култури, особено житарици, што може да предизвика дополнителен раст на цената на лебот до крајот на годината“, изјави Филипче.Тој посочи дека недоволното одржување на системите за наводнување, нечистите канали и неадекватната откупна политика создаваат тешкотии за земјоделците. „Ниска откупна цена, ниски субвенции и високи трошоци за работна сила, вода и ѓубрива – оваа ситуација треба да биде сериозен аларм“, рече Филипче.Тој додаде дека недостасуваат и средства од ИПАРД-програмата, што дополнително ги оптоварува земјоделците, и најави дека СДСМ ќе предложи законски решенија за поддршка на земјоделците, како што беше направено и лани со зголемување на откупната цена на грозјето, но што власта тогаш го одби.„Искрено се надевам, иако не верувам, дека од оваа власт ќе наидеме на разбирање и ќе се обезбеди помош за земјоделците“, заклучи Филипче.

Македонија | пред 8 часа

Филипче побара итно зголемување на државните резерви на нафта

Претседателот на СДСМ, Венко Филипче, побара итно зголемување на државните резерви на нафта, како клучен чекор за заштита на граѓаните од ценовни шокови.„Значи не само високи цените на светските берзи, туку и недостаток на количини на горива. Оттука апелирам на две работи. Апелирам владата да се свести, премиерот да почне да живее во реалноста тука кај нас, да престане вака дилетантски да ја води владата, да барем малку се замисли, помисли како живеат граѓаните и да ги прифати нашите предлог-мерки, пакет на мерки, сега, иако е касно, колку толку ќе имаат некој ефект. Да ги прифатеше пред неколку недели, немаше да има вакви ценовни шокови за граѓаните, ниту пак други продукти и други сегменти ќе беа во ризик да поскапат цените, како што е тоа случај сега. Освен ДДВ-то за храна, за горива, акцизите за горива треба и преполовување на цените на патарините. И второ, владата сериозно да ги разгледа опциите за зголемување на државните резерви на нафта“ рече Филипче.Претседателот Филипче додаде дека цените на горивата, како што се двата главни типа на нафта – Brent Crude и WTI, во периодот од 27 февруари до денес, пораснале драстично. Цените се пораснати за 50,72%, односно 63,67%“ и ова е директна причина за растот на цените на дизелот, кој кај нас пораснал за 34,5%, од 71 до 95,5 денари.„Предупредувавме, ќе повторам, од самиот почеток дека растот на цените ќе повлече раст на сè друго во државата. Од транспорт, бизнисот на компаниите, најмногу тоа што граѓаните веќе го чувствуваат, растот на основните прехранбени продукти. Тие беа и така високи, сега се дополнително се вивнаа нагоре, и со тоа, кај нас храната“, истакна ФилипчеПретседателот на СДСМ ја обвини Владата дека  не се справува со ситуацијата на време додека дилетантски да ја води државата.

Македонија | пред 1 ден

Филипче: Кошничката е 68.000 денари, ниту 600 евра плата не би ја ублажила кризата

Граѓаните се оставени сами да се справуваат со кризата, ниту премиерот, ниту било кој во владата има желба и капацитет да им помогнат, нагласи  на претседателот на СДСМ, д-р Венко Филипче, на денешната прес-конференција. Филипче посочи дека со потрошувачка кошничка која достигна скоро 68.000 денари сега и 600 евра минимална плата не е доволно за заштита на стандардот на граѓаните.„Има зголемување, на минималната плата од 1.667 денари. Ништо со ова не се постигнува. Скоро 68.000 денари е потрошувачката кошничка. Ако имаме предвид дека претходно порасна цената на струјата, понатаму на парното, со ова зголемување ништо не се постигнува, сега ни она минимална плата која што ние ја предлагавме, а која власта ја одби од 600 евра, нема да им помогне на граѓаните“, рече Филипче.На прес-конференцијата, Филипче презентираше дел од движењата на цените пред кризата и сега, кои покажуваат драстичен раст.„Пред кризата, белиот сечкан леб од 500 грама беше 34, сега 47,5 денари во некои маркети. Зејтинот од 77,5 на 110 денари. Јајцата од 220 на 290 денари, брашното од 40 на 52,5 денари, млекото со 3,2% масленост од 67,5 на 82,5 денари. Драстичен раст на цените има на зеленчукот и овошјето. Доматите од 130 на 235 денари, домашните јаболка од 45 на 70 денари. Ова е доказ дека граѓаните се оставени сами да се справуваат“, рече Филипче.Тој додаде дека доколку владата ги прифатеше предлог- мерките на СДСМ навреме, немаше да дојде до вакво поскапување на горивата и на храната.„Да ги прифатеше пред неколку недели, немаше да има вакви ценовни шокови за граѓаните, ниту пак други продукти и други сегменти ќе беа во ризик да поскапат цените, како што е тоа случај сега. Освен ДДВ-то за храна, за горива, акцизите за горива треба и преполовување на цените на патарините“, рече Филипче.Притоа, Филипче посочи дека владата дополнително треба да ги разгледа опциите за зголемување на државните резерви на нафта.„Да не се соочиме во следните месеци, имајќи ги предвид укажувањата на светските експерти во оваа област, со недостаток на горива. Гледаме дека во Европската Унија се препорачуваат мерки за намалено користење на возилата, за работа од дома, така што апелирам владата сериозно да си ја фати работата, освен тендерите партиски што си ги делат, зашто видовме дека се експерти, нека се посветат малку и на тоа што има вистинска работа. Знам дека е тешко, не е едноставно, мислат дека треба да се грижат само за себе и тука се маестрални, но граѓаните имаат реални, вистински потреби“, рече Филипче.

Македонија | пред 1 ден

Филипче: Владата да престане со криминалните тендери и да почне да работи за граѓаните

Владата да престане со криминалните тендери и да почне да работи за граѓаните, апелираше претседателот на СДСМ, Венко Филипче, на денешната прес-конференција.„Гледаме дека во Европската Унија се препорачуваат мерки за намалено користење на возилата, за работа од дома, така што апелирам владата сериозно да си ја фати работата, освен тендерите партиски што си ги делат, зашто видовме се експерти, нека се посветат малку и на тоа што има вистинска работа. Знам дека е тешко, не е едноставно, мислат дека треба да се грижат само за себе и тука се маестрални, но граѓаните имаат реални, вистински потреби,“ нагласи Филипче.Претседателот на СДСМ, ја обвини власта дека ги остави граѓаните сами да се справуваат со економските проблеми, без желба и капацитет да им помогне.„Ниту премиерот, ниту кој било во владата има желба, а јас сум сигурен дека нема ни капацитет да им помогнат на граѓаните, да конструираат мерки, да ги имплементираат за да се ублажат овие ценовни шокови. Повторувам, кризата ќе трае, допрва доаѓаат лошите ефекти од кризата, експертите предупредуваат и утре да заврши војната, кризата нема да заврши,“ рече Филипче.Тој предупреди дека ситуацијата е уште посериозна со недостигот на горива, што ќе доведе до уште поголеми проблеми.„Значи не само високи цени, туку недостаток на количини на горива. Оттука апелирам на две работи. Апелирам владата да се свести, премиерот да почне да живее во реалноста тука кај нас, да престане вака дилетантски да ја води владата, да барем малку се замисли, помисли како живеат граѓаните и да ги прифати нашите предлог-мерки, пакет на мерки, сега, иако е доцна, колку толку ќе имаат некој ефект. И второ, владата сериозно да ги разгледа опциите за зголемување на државните резерви на нафта,“ потенцираше Филипче.

Македонија | пред 1 ден

Филипче: Мицкоски дилетантски ја води владата– граѓаните се оставени сами

Апелирам владата да се свести, премиерот Мицкоски да почне да живее во реалноста тука кај нас, да престане вака дилетантски да ја води владата, нагласи претседателот на СДСМ, д-р Венко Филипче, на денешната прес-конференција. Филипче посочи дека граѓаните очекуваат помош, и потребен е сет мерки за да можат да се справат со оваа криза и ценовни шокови.„Апелирам владата да се свести, премиерот да почне да живее во реалноста тука кај нас, да престане вака дилетантски да ја води владата, да барем малку се замисли, помисли како живеат граѓаните и да ги прифати нашите предлог-мерки, пакет на мерки, сега, иако е касно, колку толку ќе имаат некој ефект. Да ги прифатеше пред неколку недели, немаше да има вакви ценовни шокови за граѓаните, ниту пак други продукти и други сегменти ќе беа во ризик да поскапат цените, како што е тоа случај сега“, рече Филипче.Притоа тој додаде дека меѓународните организации веќе регистрираат раст на цените на храната во сите категории,  што ќе се прелее и во Македонија.„Организацијата за храна и земјоделство на Обединетите нации, ФАО, излезе со податоци за раст на цените на храната втор месец по ред. Ако имаме предвид дека поради проблемот со транспорт преку Ормутскиот теснец и транспортот е загрозен на вештачките ѓубрива за земјоделството, тоа значи дека во следниот период, тоа е дополнителен фактор, а сега е период на сеидба, кој што ќе влијае на зголемување на цените на храната. Индексот на цените на житарките се зголемил за 1,5%, во споредба со февруари,на растителни масла за 5,1%, најголем раст има кај шеќерот, чии цени се зголемени за 7,2%. Пораст на индексот на цени ФАО регистрира и кај месото и кај млечните производи“, рече Филипче.Воедно, Филипче укажа дека Европската Унија најаваува продолжен енергетски шок и можен недостиг на горива, а нашата влада се фали дека странски граѓани точат гориво во Македонија.„Нашата влада седи и чека, Мицкоски се фали дека странски граѓани точеле гориво кај нас, во ситуација кога Комесарот за енергетика на Европската Унија, Ден Јургенсен, најавува продолжен енергетски шок и можен недостаток на количини на горива насекаде во Европа. Значи не само високи цени, туку недостаток на количини на горива“, рече Филипче.

Македонија | пред 1 ден

Филипче: Нема храброст кај Мицкоски да признае дека погрешил

Христијан Мицкоски нема храброст да признае дека погрешил, дека мерките кои ги предложивме се добри и дека требаше да се имплементираат веднаш, за да не се создаде спиралата на покачување на цените како резултат на растот на горивата, рече претседателот на СДСМ, Венко Филипче, на денешната прес-конференција.Филипче укажа дека само дел од мерките допрва ќе ги разгледуваат на владина седница, иако со недели беше укажувано на потребата од навремено делување.„Повторно го слушнавме денеска премиерот како доаѓа на нашето, тоа што го зборуваме повеќе недели, и од оваа партиска говорница, и насекаде по нашите канали за комуникација. Еве сега, допрва ќе ги разгледувале, дел од мерките коишто ги предлагавме во изминатиот период да се олесни економската и финансиската состојба на граѓаните“, истакна Филипче.Филипче нагласи дека Владата доцни со реакцијата и разгледува само дел од предложените мерки.„Како што укажувавме изминатите недели што треба да се направи, гледаме сега дека делумно премиерот допрва ќе разгледувал. Да ги прифатеше пред неколку недели, немаше да има вакви ценовни шокови за граѓаните, ниту пак други продукти и други сегменти ќе беа во ризик да поскапат цените, како што е тоа случај сега‘.“, потенцираше претседателот на СДСМ, Венко Филипче.

Македонија | пред 1 ден

ВМРО-ДПМНЕ: Кризата на Блискиот Исток најмногу го погоди Венко Филипче, не можејќи да тера луди журки во Дубаи, изигрува партиски портпарол

ВМРО-ДПМНЕ реагира на прес-конференцијата на Венко Филипче, оценувајќи дека „глуми партиски портпарол“ и покрај конфликтот во Блискиот Исток. Од партијата посочуваат дека во земјата има посветена и одговорна Влада предводена од ВМРО-ДПМНЕ која активно ги следи состојбите и презема мерки за граѓаните.Според соопштението, намалувањето на ДДВ за нафтените деривати од 18 на 10% резултира со најниски цени на горивата во регионот, а инфлацијата се очекува да се движи меѓу 4 и 5 проценти. Од утре се очекува и намалување на акцизите за дизел за 4 денари, а за бензин за 2 денари по литар, а Министерството за финансии анализира и укинување на ДДВ за основните прехранбени производи.Од ВМРО-ДПМНЕ истакнуваат дека минималната плата продолжува да расте согласно законот и дека Владата е подготвена да преземе таргетирани и навремени мерки во предизвикувачкиот период.

Македонија | пред 1 ден

Филипче: Мицкоски доцна ги прифаќа мерките на СДСМ – граѓаните веќе ја платија цената

Венко Филипче денеска ја критикуваше Владата и премиерот Христијан Мицкоски за бавната имплементација на економските мерки кои би ја олесниле финансиската состојба на граѓаните. Според него, мерките кои неговиот тим ги предложил порано, допрва ќе се разгледуваат, а граѓаните веќе ја почувствувале ценовната спирала предизвикана од растот на цените на горивата и основните продукти.Филипче истакна дека од 27 февруари цените на нафтата Brent Crude и WTI се зголемиле за 50,72% и 63,67%, додека дизелот во земјата поскапел за 34,5%, од 71 на 95,5 денари. Тој предупреди на драстичен пораст на цените на храната: бел леб од 34 на 47,5 денари, зејтин од 77,5 на 110, јајца од 220 на 290, брашно од 40 на 52,5, млеко од 67,5 на 82,5 денари, домати од 130 на 235 денари и домашни јаболка од 45 на 70 денари.Тој оцени дека минималното зголемување на платата од 1.667 денари не е доволно за да го ублажи ударот врз потрошувачката кошничка, која изнесува околу 68.000 денари. Исто така предупреди дека кризата ќе продолжи, со раст на цените на храната и можен недостаток на горива, повикувајќи ја Владата итно да ги прифати предложените мерки, како намалување на ДДВ-то за храна и гориво, преполовување на патарините и зголемување на државните резерви на нафта.Филипче оцени дека сегашното владеење е дилетантско и дека Владата треба да се посвети на реалните потреби на граѓаните, наместо на партиски тендери.

Македонија | пред 1 ден

Филипче: Со Мицкоски ЕСМ има 100 милиони евра загуба годишно

Претседателот на СДСМ д-р Венко Филипче, во вечерашното интервју во централниот дневник на МТВ 1, предупреди дека втора година по ред државната енергетска компанија ЕСМ бележи огромни финансиски загуби, за што директно е одговорен премиерот Христијан Мицкоски.„Втора година по ред ЕСМ раководена од страна на премиерот директно, кој што пазете е енергетичар по струка, има 100 милиони евра загуба, што прават тие луѓе“, рече Филипче.Тој додаде дека со вакво темпо на работа и генерирање загуби, загрозено е работењето на ЕСМ.„Тоа претпријатие во 2027 година ќе биде знак прашање дали воопшто ќе работи.Планот за производство на струја не се исполнува. Планот за 2025 година на владата бил да се произведат 5.100 гигават часови струја, произведени се 2.400, точно половина. Како целокупниот хидроенергетски потенцијал во 2025 година на државата да не работел. Ете така се менаџира енергетскиот систем“, рече ФилипчеВо интервјуто Филипче посочи дека наместо домашно производство, власта  создава зависност од увоз на струја и мрежа на компании поврзани со министерката за енергетика Сања Божиновска.„Што е целта? Да се увезува струја преку фирми, мрежа на фирми во кои што главна е министерката за енергетика. Она работела во тие фирми, српските фирми кои што ги објавуваме ние секојдневно, на Адамовиќ, тоа се случува, граѓаните мора да знаат. Огромен грабеж на народни пари под превезот на една лажна патриотска политика, тоа се случува во државата“, нагласи Филипче.

Македонија | пред 3 дена

Филипче: Мицкоски нема капацитет да води држава!

Мицкоски нема капацитет, желба ниту знаење како се води држава, нагласи претседателот на СДСМ, д-р Венко Филипче, во вечерашното гостување во централниот дневник на МТВ 1.Филипче посочи дека наместо мерки и помош за граѓаните, јавноста го слуша навредливиот речник на Мицкоски и дефокус од реалните проблеми во државата.„Што прави премиерот кога вие новинарите ќе прашате за нашите мерки? Не навредува со погрдни зборови. Опозицијата СДСМ и јас лично бевме нарекувани мекотели и талог на општеството. Срамота е да се користи таков речник. Човекот нема капацитет, ниту желба, ниту знаење како се води држава. Знае само да купува и продава струја, и тоа го прави се“, рече Филипче.Во интервјуто, Филипче посочи дека додека граѓаните едвај преживуваат, премиерот Мицкоски се уште не презема конкретни мерки.„До пред почетокот на кризата една минимална, две минимални плати не беа доволни за потрошувачка кошничка, сега три минимлани плати не се доволни. Луѓето имаат реален проблем, владата ништо не прави.Кога ќе преземе акција владата? Што треба да се случи? Повеќе од 40% има зголемување на цените на горивата, 10% поскапување на основните прехранбени продукти како леб, зејтин, овошјето и зеленчукот се поскапени  дури и до 200%,  зголемување на цената има на брашното и шеќерот, сè е поскапено во маркетите. Што треба повеќе да се случи?“ потенцираше Филипче.Притоа, тој додаде дека кризата допрва ќе се продлабочува, а товарот ќе падне врз грбот на граѓаните.„Ќе кажам една објективна анализа која што излезе пред два дена од состанокот на 27 министри за енергетика на Европска унија. Кризата допрва доаѓа. Ако утре запре војната во Иран, во летните месеци ќе има криза како што досега не сме виделе, не го кажувам јас тоа. Тоа го кажа после тој состанок еврокомесарот за енергетика. А владата повторно не прави ништо. Што прави? Посматра. Што посматра? Немаат капацитет луѓето не сакаат да ги слушнат нашите предлози“, посочи Филипче.

Македонија | пред 3 дена

Филипче: Во регионот само Владата на Мицкоски нема вистински мерки за граѓаните

Ние сме единствена земја во регионот, со влада  која што нема донесено директни мерки кон граѓаните, за да им помогне во оваа криза,  нагласи претседателот на СДСМ, д-р Венко Филипче, во вечерашното интервју во централниот дневник на МТВ 1. Филипче посочи дека владата и покрај енормниот раст на основните производи и енергенсите, не презема конкретни мерки за помош на граѓаните.„Кога ќе преземе акција владата? Што треба да се случи, повеќе од 40% има зголемување на цените на горивата, од 10% поскапување на цената на основните прехранбени продукти леб, зејтин, цените на овошјето и зеленчукот и до 200% се зголемени,  брашно, шеќер се е поскапено во маркетите. Што треба повеќе да се случи.Со нецелосна мерка, со намалување само на ДДВ-то, граѓаните ништо не видоа. Повторно порасна цената на дизелот и на безоловниот бензин“, рече Филипче.Во споредба со регионот, Филипче посочи дека другите држави веќе имаат конкретни мерки за поддршка на ранливите категории.„Сите околни земји преземаа мерки. Хрватска донесе посебни мерки за луѓето кои што се приматели на социјална помош, кон земјоделците, рибарите итн. И ние сме единствена земја во регионот која што нема директни мерки кон граѓаните ниту ограничување на цената на горивата“, рече ФилипчеВо интервјуто Филипче потсети на мерките што СДСМ ги спроведуваше во време на криза, со директна финансиска поддршка за граѓаните. „Ние спроведувавме мерки, пакети на мерки, директна финансиска помош за време на ковид кризата. Кога почна енергетската криза, кога почна војната во Украина, директна помош добиваа граѓаните, 90% од сметката за струја беше субвенционирана на 660.000 семејства, директна помош добиваа студенти, пензионери, луѓе со посебни потреби, луѓе од загрозени социјални слоеви во државата. Тоа се вистински мерки, што сега кажува владата? Ништо -гледаме, посматраме, ќе видиме што ќе се случи“, рече Филипче.Притоа, Филипче нагласи дека СДСМ понуди конкретни решенија кои ќе дадат реален ефект за намалување на цените и заштита на стандардот на граѓаните, но владата не ги прифати.„На време ги предложивме мерките, и тоа се  мерки со кои што навистина ќе се намалеше цената на горивата, притоа ако се воведеа на време немаше да пораснат цените на основните прехранбени продукти. Предложивме да се намали ДДВ-то на горивата на 5%, да се намали ДДВ-то на нула проценти за основните прехранбени производи, да се намали акцизата за 4 денари и да се преполови цената на патарините. Тие луѓе што патуваат знаат колкав трошок е тоа, ние имаме најскапи патарини во Европа. Ете таков пакет помош од граѓаните навистина почувствуваат дека владата нешто работи за нивно добро. Вака ништо“, нагласи Филипче.

Македонија | пред 3 дена

Филипче: Горд сум на Антикорупцискиот тим на СДСМ, откривме грабеж од 100 милиони евра

Горд сум на Антикорупцискиот тим на СДСМ, со кој откривме криминални тендери, скандалозни тендерски постапки, грабеж од 100 милиони евра, рече претседателот на СДСМ, Венко Филипче, во интервју во централниот Дневник на МТВ.Филипче се осврна на активностите на СДСМ, внатрепартиските процеси за зајакнување на тимот и програмата, при што ја нагласи важноста на Антикорупцискиот тим.„Посебно сум горд на Антикорупцискиот тим на партијата, којшто интензивно работи изминатите месеци. Ја разобличуваме оваа криминална власт, ги објавуваме сите нивни скандалозни тендерски постапки коишто се местени и за луѓе блиски на ВМРО-ДПМНЕ. Тие суми се приближно 100 милиони евра само досега, за овој нецелосен половина мандат, коишто се отидени во џебови на функционери или нивни блиски на ВМРО-ДПМНЕ“, рече претседателот на СДСМ, Венко Филипче.

Македонија | пред 3 дена

Филипче: Во СДСМ се приклучуваат млади и експерти

Јас сум тимски играч и верувам дека само со добар тим од квалитетни луѓе може да се стигне до подобри резултати, подобра програма и до подобра партиска структура во СДСМ, порача претседателот на Социјалдемократскиот сојуз на Македонија, д-р Венко Филипче, во вечерашното интервју во централниот дневник на МТВ 1.Филипче посочи дека по објавувањето на предлог-програмата, има зголемен интерес од  млади луѓе и експерти кои сакаат да се приклучат и да придонесат во креирањето на политики и развојот на партијата.„Има огромен интерес од кога се објави предлог-програмата која е работна верзија и која што ќе ја усвоиме како дефинитивна на Конгресот кој што треба да се одржи на 7 јуни. Секојдневно во последниот период се повеќе се приклучуваат млади луѓе, искусни луѓе кои што имаат и партиско искуство, се приклучуваат и луѓе од експертските сфери, разни професори, интелектуалци, луѓе кои што имаат искуства и кои што навистина сакаат да придонесат ова да биде една добра партија“, рече Филипче.Тој додаде дека интересот за поддршка и приклучување кон СДСМ и нејзините политики е зголемен поради три клучни основи, пред се поради економските предизвици со кои се соочуваат секојдневно, борбата против корупцијата и евроинтеграциите.„Луѓето сакаат подобар стандард, зборуваат за предлози за подобри плати. Има пензионери кои што се свесни дека оваа власт практично ги опљачка. Сега им нуди некое линеарно зголемување од 1.000 денари, иако сега доколку се останеше на нашиот систем за зголемување на платите најниската категорија ќе добиеше најмалку 1.500 денари и до 3.000 денари покачување на пензиите. Но еве успеаја да ги прелажат, ама пензионерите веќе се свесни. Тука се работниците кои што бараат поголеми плати, никој нема слух за нив не може да преживеат во овој период“, рече Филипче.Притоа, Филипче додаде дека значаен мотив за граѓаните е и потребата од силна борба против корупцијата и криминалот, како и продолжување на европскиот пат на државата, што е особено важно за младите.„Понатаму втората линија борба со корупција криминал и затоа ставаме акцент на антикорупцискиот тим на партијата и третата линија желбата да продолжи евроинтегративниот пат на земјата. Тоа е нешто што посебно ги интересира младите. Свесни се дека во оваа ситуација нема да има апсолутно никаков прогрес“, рече Филипче.Во интервјуто, Филипче најави дека СДСМ ќе продолжи со интензивни активности на терен и директна комуникација со граѓаните.„После велигденските празници веќе имаме разработено агенда, сите партиски членови посебно раководството тргнуваме во интензивни средби со граѓаните ширум државата, правиме договори со граѓаните за граѓаните“, рече Филипче.

Македонија | пред 3 дена

Филипче: Обвинителот работи под диктат на Мицкоски

Претседателот на СДСМ, Венко Филипче, вели дека јавниот обвинител работи под диктат на лидерот на ВМРО-ДПМНЕ, Христијан Мицкоски.„Вие ме прашавте пред некое време зошто ние не гласавме во парламентот, некој од вашите колеги еве зошто не гласавме и не му дадовме поддршка. Затоа што работи по диктат на Христијан Мицкоски. Има ли поголем доказ од ова да се спасат предметите предметите во коишто ВМРО-ДПМНЕ е предмет на истражување и судски процеси. Па има ли поголем доказ? Ова е само дел од востановената пракса уште од почеток од на владата кога се инсталираа и членови од судски совет судии и обвинители итн. Тогаш укажувавме дека се партизира судството, укажувавме дека не се спроведува реформската агенда со законите од правосудството. Ова не не изненадува, обивинителот е под директна контрола на премиерот тоа е знак, и ништо друго.“ рече претседателот на СДСМ, Венко Филипче.

Македонија | пред 4 дена

Филипче: Мицкоски денеска го потврди предавството на македонските национални интереси

Премиерот Христијан Мицкоски денеска го потврди предавството на македонските национални интереси, нагласи претседателот на СДСМ, д-р Венко Филипче, на денешниот брифинг со новинари. Филипче посочи дека политиките на власта јасно укажуваат на тоа дека владата на ВМРО-ДПМНЕ не сака Македонија да биде членка на Европската Унија. „Мицкоски денеска го потврди предавството на македонските национални интереси. Денеска потврди дека не сака земјата да влезе во Европската Унија и дека ќе ја држи во изолација далеку од Европа“, рече Филипче. Тој додаде дека ваквите политики  значат дека нема да се спроведат потребните реформи и дека нема да има контрола на грабежот што власта го прави. „Тоа значи дека нема никакви реформи, тоа значи дека нема никаква контрола од Европа и тоа според него ќе трае, ако треба и децении. Ова е потврда за сè тоа што го зборувавме изминатиот период. Тој сака да ги држи како заложници идните генерации, децата, сите граѓани. Зошто? За да без контрола, преку тендерите прават грабеж на народните пари“, рече Филипче.

Македонија | пред 4 дена

Филипче: Со Мицкоски нема ЕУ – следуваат децении сиромаштија и иселување

Претседателот на СДСМ, Венко Филипче, на прес-конференција упати остри критики кон премиерот Христијан Мицкоски, обвинувајќи го дека ги предал македонските национални интереси и ја турка земјата кон изолација.Филипче оцени дека изјавите на Мицкоски за можноста Македонија да чека со децении за членство во Европската Унија се доказ за, како што рече, погрешна и штетна политика.„Со Мицкоски и неговата организирана криминална група нема членство во ЕУ. Тоа значи децении сиромаштија, засилено иселување на младите и загубени генерации“, изјави Филипче.Тој обвини дека власта работи во интерес на странски центри, наведувајќи дека, според него, државата се оттурнува од европскиот пат.„Мицкоски ја турка земјата во изолација и работи за странски интереси – од српски, унгарски, па сè до руски“, рече Филипче, додавајќи дека власта создава услови за, како што наведе, криминал и корупција без контрола.Во обраќањето, лидерот на СДСМ потенцираше дека членството во Европската Унија значи економски напредок, повисок животен стандард и пристап до значајни финансиски средства.„Немаме децении за губење. Тоа се нашите животи и иднината на нашите деца. Македонија е создадена да оди напред, а не да чека и да тоне во неизвесност“, изјави тој.Филипче најави дека СДСМ и коалициските партнери ќе се спротивстават на, како што рече, ваквите политики и ќе ја водат борбата за европска Македонија.„Ќе ја вратиме државата на европскиот колосек. Како што ја внесовме во НАТО, така ќе ја внесеме и во Европската Унија“, порача Филипче.

Македонија | пред 6 дена

Дончиќ: Нема подобра асоцијата од ЕУ за народи како македонскиот и хрватскиот

Претседателот на Социјалдемократската партија на Хрватска, Синиша Хајдаш Дончиќ, на денешната заедничка прес-конференција со претседателот на СДСМ, Венко Филипче, нагласи дека европската интеграција е од клучно значење за продлабочување на односите меѓу Македонија и Хрватска. Тој порача дека не постои подобра асоцијација од Европската Унија за народи како македонскиот и хрватскиот.„ЕУ ќе нè зближи уште повеќе и ќе овозможи во депопулациските региони, каде што луѓето за жал заминуваат и во Македонија и во Хрватска, одредени работи да се финансираат со европски средства. И тоа е важно. Но јас Европа не ја гледам исклучиво низ призмата на парите, туку и низ призмата на тоа зошто и како е создадена, а таа е создадена од хумани идеи. По векови војни, Европа всушност живее во мир“, рече Хајдаш Дончиќ.Воедно, на прес-конференцијата Хајдаш Дончиќ потенцираше дека суштината на социјалдемократските политики е праведната распределба на создадената вредност уште во примарната фаза.„Сакаме примарната распределба сликовито кажано, во фабриката, помеѓу работниците и сопствениците на капитал да биде праведна, не секундарната преку даноци, такси, субвенции и социјална помош, туку примарната. За тоа речиси никој не зборува ниту во Македонија освен СДСМ, ниту во Хрватска освен СДП. Социјалдемократијата не исчезнала и не пропаднала ниту во Македонија ниту во Хрватска бидејќи социјалдемократите единствени даваат одговор на две прашања, ние се залагаме за додадена вредност и сме против доминација на капиталот“, рече  Хајдаш Дончиќ.Во своето обраќање,  Хајдаш Дончиќ ја истакна и важноста од заедничката визија и соработка меѓу социјалдемократските партии во двете земји.„Тука сум кристално јасен. И она што денес ми е освежување е што со моите луѓе, пријатели и другари, со кои делиме иста визија, исти стравови, но и иста надеж дека во Македонија и во Хрватска може да биде подобро со силна социјалдемократска партија.Затоа јас и мојот колега претседателот Филипче се договоривме градовите во Македонија, односно општините каде што градоначалниците се од СДСМ, уште повеќе да се поврзат со хрватските градови и општини каде што градоначалниците се од СДП но не само поради политика, туку и за заедничка подготовка за Европската Унија и за средствата што доаѓаат, со цел што подобро да се искористат“, рече Хајдаш Дончиќ.

Македонија | пред 1 седмица

Филипче: Понижувачки „фингерпринт“ за докторите наместо владата да им ги покачи платите

Претседателот на СДСМ, Венко Филипче, обвини дека најновата мерка за воведување „фингерпринт“ како начин на мерење на работното време за докторите е понижувачка и несоодветна, а оваа оваа мерка доаѓа од министерот за здравство, кој нема никакво познавање на здравствениот сектор.„Ова е една страшно понижувачка мерка од еден човек којшто моментално е министер за здравство, а со здравството и медицината нема никаква врска. Човекот доаѓа одИТ сектор и не знае што е здравствениот сектор, па медицината воопшто не ја познава“, рече Филипче во одговор на новинарско прашање.Тој додаде дека таквата мерка ја сведува медицинската професија на ниво на работници кои се задолжени да се  отчитаат на почетокот и крајот на работниот ден, што не се случува никаде во светот.„Се поставува прашање: што кога некој доктор ќе дојде попладне и ќе биде повикан од помлад колега за консултација? Ќе се остави „фингер принт“ тогаш? Ќе го плати министерот дополнително?“, дополни Филипче.Тој исто така истакна дека мерката не го зема предвид квалитетот на медицинските интервенции, кои можат да траат и до неколку часа, и кои се од клучна важност за спасување на човечки животи.„Каква е таа мерка со мерење на работното време, односно како се мери работното време кога имате некоја оперативна интервенција која трае час, два или три и се спасува човечки живот, а кога немате? Како се мери квалитативно тоа време? Да го прашаме министерот“, запраша Филипче.Филипче нагласи дека наместо воведување понижувачки мерки, Владата треба сериозно да ги зголеми платите на докторите, како единствен начин да се задржат во јавното здравство.„Наместо вакви понижувачки мерки, треба да се зголемат платите. Треба сериозно да се зголемат платите на докторите, затоа што со вакви мерки и без зголемување на платите, единствено што се прави е дека се бркаат докторите од јавното здравство и се бркаат да одат во приватните болници“, нагласи претседателот на СДСМ, Венко Филипче.

Македонија | пред 1 седмица

Дончиќ: Силна поддршка од СДП Хрватска за СДСМ и Филипче

Социјалдемократската партија на Хрватска силно ја поддржува СДСМ и европската перспектива на Македонија, порача претседателот на СДП, Синиша Хајдаш Дончиќ, на денешната заедничка прес-конференција со претседателот на СДСМ, Венко Филипче.„СДП на Хрватска силно ја поддржува европската перспектива на Македонија, а силно ја поддржуваме и нашата партнерска партија во Македонија СДСМ. Треба да знаете дека Европската Унија е само средство за остварување на вашите национални цели, а тоа е благосостојба, односно полна вработеност и пријатен живот за сите граѓани на Македонија. На тој пат имате искрен пријател во СДП на Хрватска, искрен пријател и во мене. “, рече Хајдаш Дончиќ.Тој посочи дека Европската Унија носи огромни придобивки за напредокот на државата.„Тој пат е трновит и можеби Европската Унија не е идеална, но за мали народи како хрватскиот и македонскиот, во ова глобално опкружување, јас не гледам подобра асоцијација во моментов“, рече Хајдаш Дончиќ.

Македонија | пред 1 седмица

Филипче: Предавничката ЗНАМ која е подизведувач на ВМРО се распаѓа!

Претседателот на СДСМ, Венко Филипче, во одговор на новинарско прашање истакна дека владината коалиција е нестабилна и дека движењето ЗНАМ постепено се распаѓа.„Очигледно е дека партијата ЗНАМ, коешто е предавничко движење, луѓе коишто ја предадоа партијата за свои сопствени финансиски интереси, неколку луѓе на врвот на партијата, и се подизведувачи на ВМРО-ДПМНЕ во овие антинародни и спротивно на националните интереси политики, постепено се распаѓа“, рече Филипче.Тој посочи дека граѓаните веќе ја препознаваат вистината и дека се чувствуваат изневерени.„Луѓето очигледно мислеле едно дека ќе биде, но се покажало дека е друго. Ние на тоа предупредивме уште за време на кампањата во 2024 година, но имаше голем број на луѓе коишто тогаш беа разочарани од СДСМ, го дадоа гласот за ЗНАМ и сфатија дека биле прелажени“, истакна Филипче.Претседателот на СДСМ нагласи дека вратите на партијата се отворени за сите.„Затоа на тие луѓе сега им е отворена вратата, не само сега, туку и во изминатиот период и ќе биде и понатаму, да знаат дека ова им е матичната партија којашто никогаш не отстапила од главните идеолошки вредносни политики коишто се тука градени и имплементирани со децении“, порача Филипче.Тој додаде дека актуелната власт го блокира развојот на државата и носи штетни политики.„Не може да мислат луѓето како Христијан Мицкоски и Максим Димитриевски дека некој само ќе седи во Собрание и ќе дига рака додека тие тераат бизниси. А блокиран е европскиот пат. Не се гласаат закони за раст на минималната плата. Не се гласаат закони за повеќе пари во земјоделството. Се носи страшен дискриминирачки, противуставен закон за високото образование. Ништо не се случува во здравството. Луѓето не се најадени“, нагласи Филипче.

Македонија | пред 1 седмица

Филипче: Цените растат - наместо мерки, Мицкоски им се потсмева на граѓаните

Мерките на владата се задоцнети и нецелосни, а премиерот Мицкоски наместо конкретни мерки се потсмева на потребите на граѓаните, нагласи претседателот на СДСМ, д-р Венко Филипче, во одговор на новинарско прашање на денешната прес-конференција.„Мерките се апсолутно задоцнети и не само што се задоцнети туку се и нецелосни и тоа што примерот го кажува на некој начин е потсмевање, со потсмев се однесува кон вистинските потреби на граѓаните. Тие бараат помош, а нема ништо од владата.За какви мерки зборува премиерот? Треба граѓаните да видат нешто навистина што ќе почувствуваат во смисла на бенефит, намалување или ако ништо друго ограничување на цените“, рече Филипче.Тој додаде дека поради ненавремени и задоцнети мерки, цените на храната веќе се енормно пораснати.„Дека мерките се задоцнети тоа е факт. Започна спиралата на покачување на цените на храната. Сè е поскапено, сите основни прехранбени продукти се поскапени, од млечни производи, производи од јајца, зејтин, месни производи, производи, овошје, зеленчук, сè е поскапено за 10, 20, 30%. И да почне да се намалува цената на нафтата, тие цени нема да се вратат назад“, рече Филипче.Притоа, Филипче посочи дека премиерот Мицкоски манипулира со цените на горивата и прави несоодветни споредби со другите земји.„Не гледам што објаснува премиерот кога кажува дека ќе има само мало зголемување на цената на дизелот. Мерките се да има намалување или да има зголемување? Ние сме очигледно единствена земја во регионот и веројатно во Европа што воведува мерки, а цените на горивата растат. Таква земја едноставно нема. Гледаме дека слична цена на горивата има во Хрватска, има во Словенија, но таму минималната плата е од 1.000 до 1.500 евра, а кај нас минималната плата е околу 400 евра“, рече Филипче.

Македонија | пред 1 седмица

Филипче: Членството во ЕУ е инструмент за подобар живот

Членството во ЕУ е инструмент за подобар живот, порача претседателот на СДСМ, Венко Филипче, на денешната заедничка прес-конференција со претседателот на СДП Хрватска, Синиша Хајдаш Дончиќ.Филипче посочи дека Европската унија не треба да се гледа како крајна цел, туку како средство за подобрување на квалитетот на живот.„Практично Европската унија да не ја гледаме како наша стратешка цел, туку како инструмент да стигнеме до нашата стратешка цел, а наша стратешка цел е да живееме подобро, поквалитетно, во добри, средени, урбани средини, да има можности за младите, да има високи плати, да има квалитетен живот, младите да не заминуваат од земјата, а старите да имаат достоинствени пензионерски денови“, рече Филипче.Во таа насока, тој истакна дека придобивките од членството во ЕУ се клучни за развојот.„Колку сте помалку развиени, толку имате поголем процент од европските фондови. И тоа што сега ние не можеме да го направиме,  празни места, празни локации, поранешни фабрики – во Хрватска прераснуваат во културни центри, спортски сали, сали за концерти, сали за соодветни активности за деца, за кино-проекции за возрасни и пензионери, луѓе коишто благодарение на европските фондови се платени да се грижат за пензионерите. И тоа е тоа што Европската унија вистински квалитативно го нуди, да го подобриме нашиот живот, поради тоа што, немајќи ги тие кохезиски фондови, ние практично сме оставени на немилост. Значи, ја гледаме Европската унија како инструмент да стигнеме до нашата стратешка цел“, порача Филипче.Претседателот на СДСМ оцени дека за жал во Македонија има влада која ништо не прави за членство во ЕУ.„Жал ми е што имаме влада којашто ништо не прави на таа тема. Сметам дека тоа што сме некако поданички наместени во односите со Србија, Унгарија и практично Русија, не нѐ води никаде. Оваа стагнација, немањето развој, не му носи добро на никого.“ рече претседателот на СДСМ, Венко Филипче.

Македонија | пред 1 седмица

Филипче: Недозволиво е премиер да нарачува работа на јавен обвинител од собраниска говорница

Недозволиво е премиер од собраниска говорница да нарачува што треба да работи јавниот обвинител, нагласи претседателот на СДСМ, д-р Венко Филипче, во одговор на новинарско прашање на денешниот брифинг со медиуми посочи дека однесувањето на власта претставува сериозно отстапување од демократските принципи и ја покажува концентрацијата на моќ во рацете на еден човек.„Единствена партија која што има вистински автократски манири е ВМРО-ДПМНЕ, единствена партија што нема потпретседатели и тоа е сериозен проблем. Не може сè да зависи од еден човек, не може еден човек да кажува и да нарачува што јавниот обвинител треба да работи и тоа да го прави од партиска говорница. Тоа е недозволиво во една демократија. Јасни се автократските манири и тенденции, а ние ги најавивме одамна, има повеќе од година дена кога најавивме како ќе се движи оваа држава“, рече Филипче.Тој додаде дека владината коалиција со недемократското владеење ја води државата во погрешна насока.„Сега ја води државата една целосно недемократска власт, една коалиција на ВМРО-ДПМНЕ и ЗНАМ чии што лидери имаат многу слични карактеристики, едниот ја предаде партијата, Максим Димитриевски, а Мицковски ја предаде државата“, нагласи Филипче.

Македонија | пред 1 седмица