ФИЛИПЧЕ

Филипче: Народот го праќаат на езера, тие да летаат на море со владин авион

Оваа влада народот го праќа на езера, за тие да летаат на море со владин авион, нагласи претседателот на СДСМ, Венко Филипче, на денешната прес-конференција. Филипче посочи дека на Владата на ВМРО со погубните политики се повеќе ја изолира државата,  граѓаните од ден во ден живеат потешко, додека власта се луксузира.„Од Македонија прават слепо црево на Балканот и не изолираат секојдневно. На граница не може нормално да поминете. На лето ќе се чека меѓу осум и десет часови. На родителите со мали деца им велат - „Што ви треба море? Одете на езера и планини", додека тие со државниот владин авион одат на море и живеат во луксуз. Затоа, мора да застанеме на патот на оваа криминална организација“, рече Филипче.Тој додаде дека Владата на ВМРО ги уништува соништата на младите и достоинството на повозрасните генерации.„Им ги зедоа соништата на младите луѓе кои само гледаат како да избегаат од тука. А на старите им ги земаа достоинствените години во пензија. На родителите им ја зедоа можноста за нормално воспитување и школување на децата.Народот да гладува, а тие да носат часовници од 60 илјади евра, да купуваат нов авион додека некој нема за леб. Банда обична. Собир на криминалци кои ве лажат“, рече Филиче.На прес-конференцијата Филипче порача дека Владата на ВМРО нема право да ја жртвува иднината на државата, Македонија и Европа се нашиот идентитет, и следуваат промени.„Јас ви ветувам, поради се ова, тие ќе одговараат. Реформи, правда и Европа. Нема враќање назад. Сакаме во Европа. Сакаме успешна и богата Македонија, а не европска Венецуела. Сакаме светла иднина за нашите деца. Сакаме достоинствена Македонија и тоа да биде за сите граѓани на земјава.Европа е нашиот национален интерес. Македонија треба да биде во Европа. Македонија и Европа се нашиот идентитет“, рече Филипче.

Македонија | пред 3 седмици

Филипче: Народот гладува, тие носат часовници од 65.000 евра

Претседателот на СДСМ, Венко Филипче, на денешната прес-конференција, укажа дека политиките на ВМРО се засноваат на опасни наративи кои не носат напредок, туку изолација и стагнација на државата. Филипче посочи дека на Мицкоски и неговата влада, не им се важни граѓаните, важен им е само нивниот луксуз.„Она на што игра ВМРО е приказна на предавници и странски платеници. Иста реторика од деведесеттите години во минатиот век, која донесе единствено до конфликт и изолација. Е, тоа е тоа што тие го сакаат. Народот да гладува, а тие да носат часовници од 60 илјади евра, да купуваат нов авион додека некој нема за леб. Банда обична. Собир на криминалци кои ве лажат“, рече Филипче.Тој додаде дека на владата ВМРО и се проблем реформите затоа што тоа значи продолжување на интеграциите во Европската Унија, европска контрола, одговорност, а тоа тие не го сакаат.„Реформите се проблем за нив, затоа што реформите значат продолжување на интеграциите во Европската Унија. Реформите значат демократско и праведно општество. Реформите значат независно судство, европско јавно обвинителство и одговорност. Некој мора да одговара за кражбата. А тие тоа не го сакаат. Затоа ги држат сите граѓани како заложници со лаги, со предавници, со лажни вести, со лажни афери, Харис Џиновиќ, Дубаи, згради и со цела таа пропаганда, која што секојдневно ја гледаме - орбановата медиумска машинерија, која работи деноноќно и го труе јавниот простор“, рече Филипче.Притоа, Филипче посочи дека проблемот не се малцинствата, туку криминалот на власта која е подготвена да ја жртвува иднината на граѓаните.„Не се проблем малцинствата. Проблемот е криминалот и корупцијата на оваа банда на власт. Затоа се подготвени да ја жртвуваат вашата иднина и иднината на вашите деца. Затоа имаме вака голем број граѓани кои живеат во сиромаштија. Затоа платите не се зголемуваат. Затоа луѓето немаат за леб, за патување, немаат за нормален живот, каков што имаат граѓаните на Европа“, рече Филипче.

Македонија | пред 3 седмици

Филипче: Мицкоски ја жртвува европската иднина за да го спаси криминалот

„Мицкоски ја жртвува европската иднина за да го спаси криминалот“, обвини претседателот на СДСМ, Венко Филипче, на денешната прес-конференција, потенцирајќи дека власта ја блокира европската перспектива на државата.„Малцинствата не се некакви нови луѓе кои што треба да дојдат тука кај нас. Тоа се наши граѓани, граѓани на Македонија, наши комшии, пријатели, сограѓани. Како не разбираат? Не се проблем малцинствата. Проблемот е криминалот и корупцијата на оваа банда на власт. Затоа се подготвени да ја жртвуваат вашата иднина и иднината на вашите деца. Затоа имаме вака голем број граѓани кои живеат во сиромаштија. Затоа платите не се зголемуваат. Затоа луѓето немаат за леб, за патување, немаат за нормален живот, каков што имаат граѓаните на Европа. Ние не преговараме со Бугарија. Ние преговараме со Европската Унија“, потенцираше Филипче.Претседателот на СДСМ појасни дека прашањето за малцинствата се злоупотребува и се користи за политички манипулации од страна на ВМРО-ОКГ.„Прашањето за малцинства не е прашање на Бугарија. Тоа е прашање за кое што разговараме со Европската Унија. Она на што игра ВМРО е приказна на предавници и странски платеници. Иста реторика од деведесеттите години во минатиот век, која донесе единствено до конфликт и изолација. Е, тоа е тоа што тие го сакаат. Народот да гладува, а тие да носат часовници од 60 илјади евра, да купуваат нов авион додека некој нема за леб. Банда обична. Собир на криминалци кои ве лажат. Реформите се проблем за нив, затоа што реформите значат продолжување на интеграциите во Европската Унија. Реформите значат демократско и праведно општество“, потенцираше Филипче.

Македонија | пред 3 седмици

Пропагандата на ВМРО ја обвинува ЕУ за сопствениот дебакл со реформите, вели Филипче

Претседателот на СДСМ, Венко Филипче, денеска на прес-конференција изјави дека владејачката ВМРО-ДПМНЕ преку, како што рече, сопствената медиумска пропаганда се обидува вината за застојот на реформите да ја префрли врз Европска Унија.Филипче оцени дека наместо резултати и исполнување на реформската агенда, јавноста е сведок на политички спинови и манипулации.„Муцунски грмнал во Брисел, Тимчо. Ова веќе звучи смешно само по себе. Но, она што воопшто не е смешно е дека криминалната група на ВМРО преку нивните медиуми ја обвинува Европската Унија дека не се спроведуваат реформите тука кај нас“, рече Филипче.Тој додаде дека власта се обидува да создаде впечаток дека Брисел е виновен за неисполнетите обврски на државата во евроинтегративниот процес.„Кој е овде луд? Тие ништо не работат на реформите, па им е виновна Европската Унија? До вчера ние бевме виновни за сè. Денес е виновен Брисел и целата Европска Унија“, изјави Филипче.Според него, министерот за надворешни работи Тимчо Муцунски и премиерот Христијан Мицкоски различно комуницираат пред домашната јавност и пред европските институции.„Муцунски, исто како и Мицкоски дома, пред македонските граѓани зборуваат едно, но во Брисел зборуваат друго. Не ги исполниле реформите и немаат што да бараат во Брисел“, рече Филипче.Тој оцени дека информациите кои, како што наведе, излегуваат „од кујната на ВМРО“ служат за создавање поделби и манипулација на јавноста.

Македонија | пред 3 седмици

ВМРО-ДПМНЕ: Ги слуша ли Филипче реакциите од народот или е премногу зафатен со фантазирање за премиерска фотелја?

ВМРО-ДПМНЕ денес преку соопштение остро го критикуваше лидерот на СДСМ, Венко Филипче, по неговата прес-конференција на која говореше за уставните измени и европските интеграции.Од партијата обвинија дека Филипче повторно се обидува да ги релативизира македонскиот идентитет и националните интереси, тврдејќи дека уставните измени се во интерес на Македонија.„Филипче јасно кажа дека за него националниот идентитет е застарен концепт, па сега секојдневно го повторува тој став и се врти околу својата замислена оска и фантазира за премиерска фотелја“, наведуваат од ВМРО-ДПМНЕ.Од партијата додаваат дека, според нив, СДСМ во минатото „распродавала историја, позиции и достоинство“, а сега се обидува да ги убеди граѓаните дека уставните измени се во интерес на државата.„Филипче се однесува како проблемот да е во народот, а не во неговите ставови, склони кон национални предавства“, се наведува во реакцијата на ВМРО-ДПМНЕ.Партијата прашува и дали Филипче навистина очекува поддршка од граѓаните со вакви ставови за националните прашања.

Македонија | пред 3 седмици

Филипче: Мицкоски лаже, македонскиот јазик е признаен во ЕУ

Лидерот на СДСМ, Венко Филипче, денеска на прес-конференција го обвини премиерот и лидер на ВМРО-ДПМНЕ, Христијан Мицкоски, дека лаже кога тврди дека македонскиот јазик е загрозен.Филипче изјави дека македонскиот јазик е јасно признаен во Европската Унија и дека тоа е наведено во преговарачката рамка.„Премиерот го спомнува идентитетот, јазикот и така натаму, а тоа е само уште една тема на којашто гледаме дека човекот е лажго. Премиерот лаже“, рече Филипче.Тој потсети дека Мицкоски претходно тврдеше дека Македонија нема да добие датум за преговори со владата на Зоран Заев, а потоа, според него, лажно зборувал и за Преспанскиот договор и за наводна загрозеност на македонскиот јазик.„Во Францускиот предлог, односно во Преговарачката рамка, јасно стои македонски јазик. Не стои ниту со фуснота, ниту како што е цитиран во Уставот. Стои чист македонски јазик“, нагласи Филипче.Тој додаде дека граѓаните треба да ја знаат вистината и оцени дека премиерот се претставува како голем патриот, додека, според него, манипулира со темата за идентитетот и јазикот.

Македонија | пред 3 седмици

Филипче: Мицкоски намерно ја турка Македонија во изолација за да ја заштити криминалната банда

Претседателот на СДСМ, Венко Филипче, на денешната прес-конференција обвини дека власта предводена од Христијан Мицкоски свесно ја турка државата во изолација за да ја заштити криминалната банда и да го закочи европскиот пат на државата.„Македонскиот национален идентитет не го загрозуваат малцинствата во Уставот. Македонскиот национален идентитет го загрозуваат криминалот и корупцијата. Христијан Мицкоски и неговата криминална група ВМРО мора да разберат дека граѓаните многу јасно гледаат што прават. Намерно сакаат да изолираат земјава од Европа за да сочуваат својата криминална банда на власт. Вметнувањето на малцинствата во Уставот со цел да се почитуваат нивните права не е загрозување на македонскиот национален идентитет. Напротив, тоа е зацврстување на нашиот национален идентитет“, рече Филипче.Филипче појасни дека продолжувањето на европскиот пат ќе значи примена на европските стандарди и правда.„Затоа што продолжувањето на европскиот пат значи примена на европски закони и правда. Значи европско јавно обвинителство пред кое нема да можат да командуваат ниту од собраниска говорница, ниту пак преку нивните јавни телевизиски настапи. Значи крај на наместените тендери, на партиски вработувања, на државни, народни, граѓански пари. Мицкоски и неговата група свесно ја блокираат европската иднина на Македонија за да ја продолжат кражбата на народните пари. И токму затоа националниот идентитет им служи само како изговор за да ја зачуваат власта и да продолжат со своите криминални интереси“, рече Филипче.

Македонија | пред 3 седмици

Филипче: Криминалот и корупцијата го загрозуваат идентитетот, не малцинствата

Претседателот на СДСМ, Венко Филипче, порача дека националниот идентитет не го загрозуваат малцинствата, туку криминалот и корупцијата, обвинувајќи ја ВМРО-ДПМНЕ и нејзиниот лидер, Христијан Мицкоски, за, како што наведе, обид за изолација на земјата од Европа.Филипче истакна дека, според него, дел од политичките структури свесно ја кочат европската интеграција на Македонија со цел да ги зачуваат сопствените интереси и да избегнат одговорност пред институциите.Тој нагласи дека вклучувањето на правата на малцинствата во Уставот не претставува закана за македонскиот идентитет, туку, напротив, го зајакнува и придонесува за поголема општествена кохезија.Според него, силна држава се гради преку инклузија, а не преку исклучување, додека европскиот пат значи воспоставување на владеење на правото и поголема институционална одговорност.Филипче посочи дека интеграцијата во Европската Унија би донела поголема контрола врз јавните финансии и крај на, како што рече, злоупотребите, партиските влијанија и коруптивните практики.Тој оцени дека обвинувањата за загрозување на идентитетот се користат како политички изговор за одржување на моќ и блокирање на европските реформи.На крајот, Филипче порача дека СДСМ ќе продолжи да се залага за европска Македонија, оценувајќи дека вистинскиот избор за државата е меѓу европска иднина и, како што рече, изолација и корупција.

Македонија | пред 3 седмици

Филипче му честиташе на Маѓар: Слободна Унгарија дава надеж за слободна Македонија!

Претседателот на Социјалдемократскиот сојуз на Македонија, Венко Филипче, му упати честитка на новоизбраниот унгарски премиер Петер Маѓар, кој денеска положи заклетва и официјално ја презеде функцијата, ставајќи крај на повеќедецениското владеење на Виктор Орбан.Филипче оцени дека Унгарија добива нова демократска влада, нагласувајќи дека со тоа завршува, како што наведе, период на корупција, авторитарно владеење и ограничување на слободите.Во својата порака, тој истакна дека иако неговата политичка партија не споделува иста идеологија со политичкото движење на Маѓар, ги обединува борбата за демократија и против авторитарни режими.Филипче порача дека политичките промени во Унгарија претставуваат инспирација и за Северна Македонија, наведувајќи дека и во земјата постои борба против корумпиран и авторитарен модел на владеење. Според него, заедничка вредност е верувањето дека никој не смее да биде над законот и дека институциите мора да работат во интерес на граѓаните.Тој изрази надеж дека и Македонија ќе доживее период на политичка промена, во кој, како што рече, ќе има одговорност за злоупотребите на власта и за корупцијата.Во пораката, Филипче нагласи дека неговата визија е општество со слободни медиуми, слобода на говор, почитување на човековите права и европски вредности, додавајќи дека вистината мора да надвладее над пропагандата и дезинформациите.На крајот, тој му посака успех на новиот унгарски премиер и порача дека се надева на подобри односи и соработка меѓу двете држави, завршувајќи со порака за „слободна Унгарија и слободна Македонија“ и „да живее Европа“.

Македонија | пред 3 седмици

Филипче: Ќе извојуваме нова победа над фашизмот — победа над ВМРО-ОКГ

Претседателот на СДСМ, Венко Филипче, денеска по повод 9 Мај – Денот на Европа и Денот на победата над фашизмот, порача дека Македонија повторно се соочува со политики на изолација, лаги и пропаганда, зад кои стои ВМРО организираната криминална група.Филипче истакна дека СДСМ своите корени ги влече од антифашистичката борба, додека ВМРО соработуваше со фашистите а денес користи методи на пропаганда и манипулација.„Социјалдемократскиот сојуз на Македонија ги влече своите корени во антифашистичката борба преку борбата на партизаните, дадените животи, изградбата на државата.  ВМРО соработуваше со фашистите и сега користи гебелсови методи за комуникација, ширење лажни вести, оцрнување луѓе, идентификување на лажни внатрешни предавници и надворешни непријатели“. рече Филипче.Во таа насока, тој порача дека Македонија ќе извојува нова победа над политиките на изолација и криминал, нова победа над фашизмот а тоа е победа над ВМРО-ОКГ.„Очигледно е дека се отвара простор, дека ќе извојуваме уште една победа над фашизмот, а во нашите услови тоа е победа врз ВМРО организираната криминална група којашто не ја сака Европа, којашто сака да не држи изолирани и сиромашни“, порача Филипче.

Македонија | пред 3 седмици

Филипче: Мицкоски треба да биде персона нон грата на Денот на Европа

На днешниот Ден на Европа, Христијан Мицкоски треба да биде персона нон грата, порача претседателот на СДСМ, д-р Венко Филипче,  изјавата по повод одбележувањето на Денот на Европа и Денот на победата над фашизмот. Филипче посочи дека организираната криминална група на чело со Мицкоски, ја држи дравата изолирана, додека земјите од регионот забрзано напредуваат со евроинтеграцискиот процес.„На ваков настан на Денот на Европа, Христијан Мицкоски треба да биде персона нон грата. И на Денот на Европа можевме да имаме многу повеќе причини да славиме, еве на пример како Црна Гора која што оди напред, која што ги затвора поглавјата и догодина ќе стане земја членка на Европската Унија. За жал не води организирана криминална група на чело со Христијан Мицкоски, која што сака земјава да биде во изолација, да биде слепо црево во Европа, да нема реформи, да нема европско правосудство, да нема европски судии и обвинители, да нема богати и среќни граѓани“, рече Филипче.Во изјавата, Филипче посочи дека СДСМ своите корени ги влече од антифашистичката борба и вредностите врз кои е изградена македонската држава, додека ВМРО и денес користи методи на пропаганда и манипулација.„Од друга страна ја прославуваме и борбата против фашизмот, победата над фашизмот. Социјалдемократскиот сојуз на Македонија ги влече своите корени во антифашистичката борба, преку борбата на партизаните, дадените животи, изградбата на државата, после тоа крупните државнички одлуки кои што се направени. А ВМРО соработуваше со фашистите и сега користи гебелсови методи за комуникација, ширење лажни вести, оцрнување луѓе, идентификување на лажни внатрешни предавници и надворешни непријатели“, рече Филипче.

Македонија | пред 3 седмици

Остра изјава на Филипче: Земјата е претворена во Венецуела на Балканот

Претседателот на СДСМ, д-р Венко Филипче, по повод Денот на победата над фашизмот и Денот на Европа, положи цвеќе пред споменикот „Ослободителите на Скопје“.Во изјавата за медиуми, Филипче порача дека денеска, на Денот на Европа и Денот на победата над фашизмот, Македонија можеше да има многу повеќе причини за славење, но за жал државата ја води Мицкоски и неговата организирана криминална.„Денес го славиме денот на Европа и Денот на победата над фашизмот. И на Денот на Европа можевме да имаме многу повеќе причини да славиме. Еве на пример како Црна Гора која што оди напред, која што ги затвора поглавјата, преговорите и која што догодина ќе стане земја членка на Европската Унија“, рече Филипче.Тој додаде организираната криминална група на чело со Христијан Мицкоски, ја држи државата изолирана и далеку од европските вредности и реформи.„За жал не води организирана криминална група на чело со Христијан Мицкоски, која што сака земјава да биде во изолација, да биде слепо црево во Европа, да нема реформи, да нема европско правосудство, да нема европски судии и обвинители, да нема богати и среќни граѓани. За жал, земјава ја претворија во Венецуела на Балканот“, рече Филипче.

Македонија | пред 3 седмици

Филипче на X: СДСМ му честита на Радев, со почитување на нашиот идентитет и на европските принципи, можеме да ги надминеме сите отворени прашања

Венко Филипче преку објава на социјалната мрежа X му честита на Румен Радев за изборот за премиер на Бугарија и изрази надеж дека новата бугарска влада ќе има конструктивен пристап кон Македонија.Во објавата се наведува дека добрососедските односи треба да се градат во интерес на граѓаните на двете држави, без загрозување на македонскиот национален идентитет, јазик и култура.Од СДСМ потенцираат дека државата останува цврсто определена кон европската интеграција и дека членството во Европска Унија е единствениот пат за иднината на земјата.Во реакцијата се упатуваат и критики кон Христијан Мицкоски, за кого од СДСМ тврдат дека создава вештачки конфликти со соседите и го блокира европскиот процес на државата.„Веруваме дека преку конструктивен дијалог, без прекршување на црвените линии и со почитување на нашиот национален идентитет и европските принципи, можеме да ги надминеме сите отворени прашања“, наведува ФилипчеВо објавата се додава дека добрососедските односи се клучни за заеднички живот во европското семејство и за подобар животен стандард на граѓаните.

Македонија | пред 3 седмици

Филипче: Првиот премиерски потпис ќе го ставам на закон против корупција

Претседателот на СДСМ, Венко Филипче, во гостувањето на поткастот „Риштази“ на Коха, најави дека првиот закон што ќе го потпише како премиер ќе биде закон за борба против корупцијата, изработен според естонски модел и заснован на дигитализација. Филипче рече дека реформите во правосудството и воспоставувањето неселективна правда се клучни за враќање на довербата кај граѓаните и за напредокот на државата.„Мора да се направат реформи во системот, пред сè во правосудството, затоа што тоа го бараат граѓаните. Тие реформи не можат да се спроведат без пристапните преговори со Европската Унија“, изјави Филипче.Тој ја обвини актуелната власт дека намерно избегнува вистински реформи и дозволува институциите да останат без соодветна контрола.„Гледаме колку коруптивни тендери и постапки се објавуваат во изминатиот период. Прашањето е како реагираат правосудните органи и Обвинителството“, рече Филипче.Лидерот на СДСМ најави дека следната недела партијата ќе го презентира новиот концепт за борба против корупцијата, како и предлог-законот што, според него, ќе биде темел на идните реформи.Тој посочи дека законот ќе се базира на искуствата на Естонија, која, како што рече, успеала значително да ја намали корупцијата преку европски стандарди и дигитализација на институциите.„Тоа ќе биде првиот закон што ќе го потпишам како премиер по следните избори“, истакна Филипче.Според него, со промена на власта ќе следуваат реформи во правосудството, имплементација на новиот антикорупциски закон и воспоставување неселективна правда.

Македонија | пред 4 седмици

Филипче: ВМРО изгуби над 150.000 гласови, затоа се обидуваат да го делат СДСМ

Претседателот на СДСМ, Венко Филипче, во вчерашниот поткаст „Риштази“ на Коха, изјави дека ВМРО-ДПМНЕ изгубила повеќе од 150.000 гласови и дека поради тоа се обидува да предизвика поделби во СДСМ преку различни платформи и поединци.Филипче рече дека владејачката партија се соочува со пад на поддршката, а обидите за внатрешни поделби во СДСМ нема да успеат.„Поддршката на ВМРО сериозно паѓа. Тие веќе изгубија над 150.000 гласови. И затоа сега дополнително се обидуваат преку некакви платформи и поединци да се занимаваат со СДСМ. Сакам јавно и јасно да порачам – нема да им успее. Нема да дозволам да се формира нов ЗНАМ“, изјави Филипче.Тој додаде дека станува збор за, како што рече, „уценети луѓе“ кои ги следат директивите од „Белата палата“.Филипче посочи и дека поддршката за СДСМ расте и дека сè повеќе млади луѓе, интелектуалци и граѓани повторно се вклучуваат во партиските активности.Според него, интересот за новата програмска платформа на партијата е сè поголем, а програмата ќе биде промовирана на 7 јуни.„Не само што СДСМ нема да исчезне, туку повторно ќе ја освои власта и ќе ја врати во рацете на граѓаните“, рече Филипче, додавајќи дека, според него, актуелната власт ќе мора да одговара за своето работење.

Македонија | пред 4 седмици

Споменот на Гешовски потсетува колку скапо чини политиката на омраза, поделби и националистичка пропаганда, вели Филипче

Во Кавадарци денеска претседателот на СДСМ, Венко Филипче, положи цвеќе и оддаде почит на Сашко Гешовски, кој пред 35 години, како припадник на тогашната ЈНА, го загуби животот и важи за прва жртва од Македонија во конфликтот поврзан со распадот на Југославија.Во објава на социјалните мрежи, Филипче порача дека настаните од деведесеттите години не смеат да се повторат и дека тие претставуваат силно предупредување за цената што ја носат политиките засновани на омраза, поделби и националистичка пропаганда.„Тогаш, политиките на омраза, националистичката пропаганда и вештачки создадените поделби ја вовлекоа целата земја во воен конфликт и крвопролевање. Овој конфликт не смее никогаш да се повтори и треба да биде постојан потсетник за тоа колку скапо може да чини ваквиот пристап“, наведе Филипче, додавајќи дека во тој период претседателот Киро Глигоров со, како што рече, мудри политики ја обезбедил независноста на Македонија.Тој оцени дека и денес постојат слични опасни појави, посочувајќи на, како што рече, реторики на омраза, поделби и националистичка пропаганда.„Денес повторно сме сведоци на вакви опасни тенденции. Христијан Мицкоски систематски го дели општеството, поттикнува тензии, создава конфликти со соседите и шири дезинформации, со што ја загрозува иднината на државата“, истакна Филипче.Во објавата тој порача и дека СДСМ нема да дозволи, како што наведе, враќање во период на изолација, сиромаштија и поделби.„Ќе останеме на страната на мирот, единството и европската иднина на државата“, порача лидерот на СДСМ.

Македонија | пред 4 седмици

Филипче: Инфлацијата забрзува, Македонија поскапа од Европа

Претстедателот на СДСМ, Венко Филипче, на денешната пре-конференција посочии дека во првата година од владеењето на актуелната влада, инфлацијата забрзала и достигнала 4,9% во март 2026 година, што е значително повисоко од просекот во еврозоната од околу 3% во април.Тој оцени дека во земјата се случува влошување на животниот стандард и раст на сиромаштијата, при што граѓаните, како што рече, „сè повеќе тонат во економска несигурност“.Според него, економските индикатори покажуваат сериозни проблеми, а стапката на сиромаштија изнесува 21,9%, што значи дека секој петти граѓанин живее под прагот на сиромаштија.Филипче додаде дека се забележува и значителен раст на јавниот долг. Според податоци што ги посочи од Министерството за финансии, јавниот долг во текот на последниот квартал се зголемил за околу 700 милиони евра, а вкупно достигнал 10,7 милијарди евра до крајот на март.Тој истакна дека во период од две години, нето-зголемувањето на долгот изнесува 2,3 милијарди евра, што, како што рече, претставува зголемување од околу 26% од почетокот на мандатот.Филипче предупреди дека ваквите трендови ја водат државата во сериозна економска нестабилност и побара одговорност од надлежните институции.

Македонија | пред 4 седмици

Филипче: 700 милиони евра нов долг за три месеци – Македонија оди во бездна

„Според официјален податок од 30.04 на Министерство за финансии, покажува дека само овој квартал Мицкоски има креирано екстра нов долг од 700 милиони евра што покажува дека Македонија оди во финансиска бездна“, обвини претседателот на СДСМ, Венко Филипче на денешната прес конференција.Филипче посочи дека состојбата со буџетот е сериозна и дека дефицитот веќе достигнал 408 милиони евра за само три месеци, што е 63% од вкупниот планиран дефицит а приходите во буџетот едвај 20%.„Тој го почна мандатот со настанат долг од 8,4 милијарди евра, а на крајот на март долгот е 10,7 милијарди евра. Значи, Христијан Мицкоски, како премиер го зголемил долгот за 26% за само две години владеење. За само три месеци се реализираа дури и 63% од вкупно планираниот дефицит за цела година. Приходната страна едвај околу 20% од реализација“, потенцираше претседателот на СДСМ.Филипче обвини дека Владата ги манипулира граѓаните со податоците за задолжувањето.„Лагите дека оваа влада се задолжила само за да враќа стари долгови се демантирани со овој податок. Лажната бројка дека овој долг е под 60%, тоа е некаков замислен бруто домашен производ е само манипулација. Сите тие коишто се во оваа сфера, професионалци, експерти, оперираат со процент од 63. И што е пострашно во овој долг досега што го соопштив не влегуваат новите кредити од скоро 200 милиони евра за ЈПДП и за EЛЕМ. Мицкоски го менаџира буџетот како купи ден продај. Се задолжува без стратегија, без план и без грижа за граѓаните. Вистината е дека само за овие две години расипничко владеење, јавниот долг во нето износ или после враќањето на доспеаните стари кредити, Мицкоски акумулирал нов долг од цели 2,3 милијарди евра. Мицкоски ја води владава како дилетант, во економска, финансиска и социјална бездна.“, рече Филипче.

Македонија | пред 4 седмици

Филипче: Мицкоски ветуваше поевтини горива, се случи нов бран поскапувања

Претседателот на СДСМ, Венко Филипче, на прес-конференција оцени дека наместо најавеното поевтинување, граѓаните се соочуваат со нов бран поскапувања на горивата, што, според него, дополнително го оптоварува семејниот буџет.Тој истакна дека зголемувањето на цените претставува уште еден удар врз животниот стандард, нагласувајќи дека Владата не презема конкретни чекори за негово ублажување.„Од денеска повторно поскапеа горивата, иако премиерот ветуваше дека тоа нема да се случи. Тоа значи ново покачување на цените и дополнителен товар за граѓаните“, изјави Филипче, додавајќи дека СДСМ предложиле укинување на ДДВ за храна со цел намалување на цените.Филипче рече дека предложиле и намалување на ДДВ за горивата на пет проценти, како и намалување на патарините, но дека Владата не ги прифатила овие мерки.Тој посочи дека, според СДСМ, со прифаќање на предложените решенија ќе се ублажел растот на цените и ќе се заштител стандардот на граѓаните, оценувајќи дека изостануваат политики за поддршка на ранливите категории, пензионерите, студентите и земјоделците.

Македонија | пред 4 седмици

Филипче: Мицкоски не сака во ЕУ, се плаши од европско судство

Во СДСМ, лидерот Венко Филипче изјави дека премиерот Христијан Мицкоски не ја води државата кон Европската Унија и дека, според него, не е подготвен за вистински реформи и европска интеграција.Филипче нагласи дека, како што рече, Мицкоски не поддржува пристигнување на европски институции во земјата, вклучително и европско обвинителство, бидејќи тоа би значело поголема независност на правосудството и одговорност на политичките структури. Според него, тоа е поврзано со намера за контрола врз институциите и избегнување одговорност.„Мицкоски не сака земјава да оди напред во Европа, не сака вистински реформи, сака да го контролира судството и институциите“, рече Филипче, додавајќи дека актуелната власт, наместо реформи, создава политички поделби и дефокус од суштинските проблеми.Тој го обвини премиерот дека, како што наведе, преку политички наративи и конфликти се обидува да го пренасочи вниманието од економските и институционалните предизвици, оценувајќи дека тоа е дел од начин на владеење кој не носи напредок кон ЕУ.Филипче истакна и дека, според него, владата нема капацитет за сериозно водење на државата и дека граѓаните веќе ги чувствуваат последиците од тоа.

Македонија | пред 1 месец

Филипче: Мицкоски две години ништо не прави, сега зборува за реформи, а уставни имени ќе направи ли

Претседателот на СДСМ, Венко Филипче, изјави дека премиерот Христијан Мицкоски, иако две години не покажал конкретни резултати, сега најавува забрзани реформи и можен напредок до јуни.Филипче реагираше на изјавите на Мицкоски за очекуван прогрес во реформските процеси, оценувајќи дека станува збор за нереални најави од страна на влада која, како што рече, досега не испорачала суштински резултати.Тој посочи дека клучното прашање останува спроведувањето на уставните измени, кои, според него, се неопходен чекор за продолжување на европскиот интегративен процес.Според Филипче, во уставот треба да бидат внесени одредени заедници, при што нагласи дека тоа не претставува закана за државата, туку исполнување на европските обврски. Тој оцени дека тврдењата на ВМРО-ДПМНЕ дека со тоа се загрозува идентитетот се неточни.Во својата изјава, Филипче ја обвини власта дека наместо да се фокусира на реформи, се занимава со политички дефокус и кампањи, без одговори на, како што рече, клучните прашања за граѓаните.Тој наведе дека остануваат отворени прашањата за растот на јавниот долг, кој според него е зголемен за околу две милијарди евра во последните две години, како и за недоволниот раст на платите и зголемувањето на цените.Филипче постави и прашања за состојбите во правосудството, независноста на обвинителството и, како што рече, политичкото влијание врз институциите.Тој исто така го повика Мицкоски да даде јасни одговори за евроинтеграциите, уставните измени и за, како што наведе, отсуството на напредок во клучните реформи.Според него, власта нема конкретен план за европскиот пат, туку се фокусира на други приоритети кои не носат придобивки за граѓаните.

Македонија | пред 1 месец

Филипче: Гоце Делчев би се срамел од Мицкоски и би се борел против криминалната ВМРО-ОКГ

Претседателот на СДСМ, Венко Филипче, по повод одбележувањето на годишнината од смртта на Гоце Делчев, изјави дека големиот револуционер се борел за слобода, правда и рамноправност.Тој оцени дека денес ликот и делото на Делчев се злоупотребуваат од политички структури, кои, како што наведе, се претставуваат како негови наследници.„Гоце Делчев се бореше против неправда и туѓинска власт, за слободна и праведна Македонија. Денес, неговото име се користи од политички структури кои ја претворија државата во плен на корупција и лични интереси“, порача Филипче.Тој додаде дека, според негов став, ако Делчев денес беше жив, би се спротивставил на ваквите појави и на политичките состојби во државата.Филипче нагласи дека СДСМ останува посветен на идејата за слободна, демократска и европска Македонија, во духот на вредностите за кои, како што рече, се борел Гоце Делчев.

Македонија | пред 1 месец

Мицкоски за СДСМ: Тие не се борат за победа на наредните избори, туку за опстанок на раководството во партијата

Во врска со обвинувањата од страна на опозицијата дека нема напредок во исполнување на реформската агенда премиерот Хирстијан Мицкоски ги замоли граѓаните пораките кои доаѓаат од СДСМ да ги прифааќаат со резерва.„Би ги замолил граѓаните сите оние пораки што доаѓаат од страна на опозицијата да ги прифаќаат со резерва, бидејќи целта на оваа опозиција не е да испрати точна порака или да биде конструктивна и да понуди решение, туку целта е со лаги и шпекулации да привлече внимание. Тие не се борат на следните избори да победат, туку се борат ова раководство и понатаму да остане раководство во опозицијата.Во смисла на тоа што го зборувам, а и во таа насока, е и шпекулацијата поврзана со застој во реализирањето на реформската агенда. Вчера имавме долг состанок со ресорните министри во Владата, кои треба до крајот на јуни да ги доиспорачаат веќе започнатите чекори. Можам да кажам дека сите оние 10 што се заостанати, со исклучок на 2, ќе бидат испорачани.Првиот е оној дел во кој се бара од државата да не обезбедува 100% електрична енергија за домаќинствата и за сите корисници на електрична енергија од снабдувачот, бидејќи цениме дека тоа што го прифатила претходната Влада, ако ние го продолжиме и го прифатиме, тогаш сметките за електрична енергија на домаќинствата ќе бидат за 25% до 30%, па и повеќе, поскапи. Тука свесно нема да одиме во реализација на тој чекор, бидејќи сакаме да го заштитиме стандардот на граѓаните.Вториот чекор е Изборниот законик. Знаете дека тој се носи со консензус. СДСМ ја напушти работата на групата што работи на Изборниот законик и, сè додека е таа одлука, ние Изборниот законик не можеме да го донесеме.Сè останато ќе биде завршено и сè останато ќе биде уште еден демант на лагите што ги испраќа СДСМ на тие дневни прес-конференции“, изјави Мицкоски.

Македонија | пред 1 месец

Филипче по одлуката на Цеков: Сите кои сакаат да се оградат од оваа криминална група – вратата на СДСМ е отворена за соработка

Претседателот на Социјалдемократскиот сојуз на Македонија, д-р Венко Филипче, во објава на социјалната мрежа Х, по веста дека пратеникот Цеков ја напушти пратеничката група на ЗНАМ и од денеска е независен пратеник, порача дека тендер-коалицијата на ВМРО и ЗНАМ почнува да се распаѓа.Во продолжение е целосната објава на Филипче:"Тендер-коалицијата почнува да се распаѓа!Пратеникот Цеков ја напушти пратеничката група на ЗНАМ и од денеска е независен пратеник.Добро е што внатре во ВМРО-ЗНАМ се наоѓаат луѓе кои ја гледаат вистината – дека оваа власт е чиста криминална организација која ја уништува државата.На сите кои сакаат да се оградат од оваа криминална група и да не бидат запаметени како соучесници во пропаста на Македонија – вратата на СДСМ е отворена за соработка.Доаѓа времето на вистината, правдата и одговорноста!", напиша Филипче.

Македонија | пред 1 месец

Мицкоски бара лекарско уверение за раководството на СДСМ

Премиерот Христијан Мицкоски од собраниската говорници подели остри забелешки на сметка на СДСМ. Обвини дека опозициската партија во јавниот простор настапува со збунувачки пораки и тенденциозни тврдења чија цел, рече, не е политичка дебата туку одржување на внатрешна кохезија пред изборен пораз.Наведе примери со кои СДСМ ја лажеле јавноста, рече дека ширеле паника оти буџетот е празен и ќе нема плати и пензии, дека е зголемен долгот и буџетскиот дефицит и државата ќе банктотира.,,Не само што не банкротираше, туку според сите параметри е држава за пример во регионот”, рече Мицкоски.Мицкоски се осврна и на, како што рече, „токсичниот политички речник“ кој доаѓа од опозицијата, изразувајќи загриженост за нивото на јавна комуникација. Со иронија, тој дури предложи воведување лекарски прегледи за партиски функционери, алудирајќи на, како што го нарече, „психолошкиот притисок и состојба“ во која се наоѓа раководството на СДСМ.Премиерот предупреди и на можни идни политички потези од страна на опозицијата, тврдејќи дека би можеле да се обидат да го оспорат изборниот процес или да создадат оправдувања за резултатите на следните избори. Не ја исклучи ниту можноста за нивно дистанцирање од изборниот процес.

Македонија | пред 1 месец