ФИЛИПЧЕ

Филипче на X: Со Мицкоски Македонија падна за 3 места во Индексот за слобода на медиуми

Претседателот на СДСМ, Венко Филипче, реагираше на социјалната мрежа X по објавениот нов Индекс за слобода на медиуми, наведувајќи дека Македонија бележи пад од три места.Тој посочи дека земјата сега се наоѓа во групата држави со „проблематична состојба“, според оценките на меѓународните извештаи за медиумски слободи.Во својата објава, Филипче оцени дека ваквиот резултат е показател за, како што наведе, влијанија врз медиумската сцена и начинот на кој се спроведуваат реформските процеси поврзани со слободата на медиумите.Тој додаде дека ваквите трендови се спротивни на европските стандарди и на реформските обврски на земјата во процесот на евроинтеграции.

Македонија | пред 1 месец

Филипче: Пензионерите се оштетени, власта ги „краде“ со линеарни мерки

Претседателот на СДСМ, Венко Филипче, во интервју за Алсат М телевизија изјави дека Владата направила, како што рече, сериозен упад во пензискиот систем со примената на линеарни мерки за зголемување на пензиите, при што, според него, пензионерите се финансиски оштетени.Филипче оцени дека ваквиот пристап го нарушува претходно воспоставениот модел за усогласување на пензиите и дека со него, наместо системски пораст на примањата, се добива намалена реална корист за дел од пензионерите. Тој посочи дека доколку се применувал претходниот модел, зголемувањата би биле повисоки за одредени категории пензионери.Според него, економските политики на актуелната власт се неповолни за граѓаните и доведуваат до дополнителен притисок врз буџетот. Филипче наведе дека државните финансии се под зголемен дефицит и дека наплатата на приходи е слаба, што, како што рече, влијае врз целокупната економска стабилност.Во своето обраќање, тој додаде дека Владата нема јасен економски правец и дека наместо конкретни решенија, јавноста добива, како што оцени, неодлучен пристап во справувањето со кризите.

Македонија | пред 1 месец

Филипче: Наместо да преземе мерки во кризата Мицкоски се однесува како аналитичар

Претседателот на СДСМ, Венко Филипче, во интервју за Алсат М телевизија изјави дека премиерот Христијан Мицкоски, наместо да презема конкретни мерки во услови на криза, се однесува како аналитичар.Филипче оцени дека ваквиот пристап покажува недостиг на волја за решавање на проблемите на граѓаните и дека власта, како што рече, не сака државата да напредува.Тој наведе дека СДСМ понудил конкретни економски мерки, меѓу кои зголемување на минималната плата на 600 евра, ограничување на цените на основните прехранбени производи и регулирање на цените на горивата, но дека, според него, тие предлози не биле прифатени од актуелната власт.Филипче додаде дека Владата не дава одговори на клучните прашања поврзани со економијата, стандардот и европската перспектива, туку, како што рече, се занимава со дефокус и навреди, наместо со решавање на проблемите на граѓаните.

Македонија | пред 1 месец

СДСМ: Мицкоски внесува Бугари во Уставот

Во своето соопштение, СДСМ, бара јасен став од Владата и премиерот Христијан Мицкоски во однос на можни уставни измени поврзани со европските интеграции.Во соопштението следува по изјавите на европратеникот Томас Вајц, кој посочил дека внесувањето на Бугарите во Уставот останува клучен услов за напредок во преговорите со Европската Унија.Од СДСМ наведуваат дека јавноста има право да знае дали Владата се подготвува за ваков чекор, имајќи предвид дека, според нив, тоа е прашање од суштинско значење за евроинтегративниот процес, стои во соопштението.Партијата во соопштението оценува дека ова прашање е важно за идниот тек на преговорите и бара транспарентност од страна на извршната власт.Воедно, од СДСМ повторуваат дека европската иднина на државата треба да се темели на реформи и почитување на националниот идентитет, а не на условувања, стои во соопштението.

Македонија | пред 1 месец

Филипче: Со укинување на техничката влада власта подготвува изборна кражба

Претседателот на СДСМ Венко Филипче во интервју за Алсат М Телевизија предупреди дека со укинување на техничката влада, се загрозуваат фер и демократските изборни процеси во државата, а власта се подготвува за изборна кражба.„Техничка влада мора да остане затоа што на маса се фер и демократски избори. Без техничка влада нема гаранција дека тоа ќе се случи. Всушност нема да се случат фер и демократски избори. Се спрема изборна кражба.“, рече Филипче.Тој посочи дека системот на техничка влада е воспоставен како гаранција за фер изборен процес и дека неговата промена повторно отвора прашања за изборните услови во државата.„Затоа е донесена техничка влада. Тогаш важела за изборите 2016 така е донесен законот да важи само за тие избори. Меѓутоа на барање Христијан Мицковски во 2018 година, повторно е донесена таа измена и тогаш е ставено во законот техничката влада да важи до влезот на Македонија во Европската унија. Зошто сега му се брза? Зошто сега сака тоа да се тргне. Тоа е единствената гаранција дека во земјава ќе има фер и демократски избори.“, потенцираше Филипче.Ваквите најави за промени не се изолирани, туку има за цел да ја намали контролата врз институциите и кражба на изборниот процес.„Вистинското прашање е зошто сега сакаат да го сменат законот за влада? Зошто нив не им одговара технички министри од опозицијата, тоа е вистинското прашање? И јас еве веќе ви одговорив, целосно затоа што не сакаат контрола зашто ќе им ги фатиме и сите престапи и криминалите тоа не сакаат. Затоа не сакаат да дозволат. Е тоа сака да го направи оваа власт зошто затоа што бегаат од контрола и вистината.“, потенцираше Филипче.Во однос на можните политички чекори, Филипче најави повлекување од работната група за Изборниот законик доколку се продолжи со измените.„Да ако овој закон се донесе нови начини ќе ја напуштаме работната група за носење на изборниот закон поради тоа што не може да се однесува вака насилнички. Ако оваа влада е донесена со консензус и договор со четирите најголеми политички партии и гарант дури биле САД и ЕУ во 2016 година тогаш апсолутно на овој шверцерски начин нема да дозволиме носење на закон за влада“, рече претседателот на СДСМ Венко Филипче.

Македонија | пред 1 месец

Филипче: Власта на Мицкоски го тероризира народот

„Власта на Мицкоски го тероризира народот. ВМРО и ЗНАМ едноставно ја тероризира државата, го тероризира правосудството, ставаат свои партиски луѓе, а премиерот од партиска и собраниска говорница или во јавноста им дава наредби како да работат“, обвини претседателот на СДСМ Венко Филипче во гостување во вестите на Алсат M Телевизија.Филипче посочи дека, ваквиот пристап на власта има сериозни последици врз демократските процеси и општествените односи во државата.„Се тероризира демократијата. Владејачкото мнозинство гласаа декларација во собранието, со којшто и забранува на опозицијата да говори на одредена тема, се тероризираат меѓуетничките односи, се загрозува и еден од постулатите на државата. Ова го нема никаде во Европа, ова е антидржавно, антинародно и антиевропско однесување. Оваа влада е таква“, обвини Филипче.Притисокот, како што посочи, се рефлектира и врз економските текови и буџетската состојба во државата.„Се тероризира економијата, дефицитот којшто е предвиден за оваа година веќе сега овој месец достигна 60 и кусур проценти од 650 милиони, околу 400 милиони веќе е дефицитот во буџетот. Наплатата на приходите е само 20 проценти“, рече Филипче.

Македонија | пред 1 месец

СДСМ: ЗНАМ е само платеничка алатка на ВМРО-ОКГ

Во соопштение од СДСМ, партијата реагира на обвинувањата на ЗНАМ за наводен раскол во СДСМ поврзан со Законот за Влада.Од СДСМ во соопштението наведуваат дека вистинскиот раскол во партијата се случил во периодот кога, како што тврдат, дел од луѓето под влијание на ЗНАМ се обиделе да ја ослабат организацијата одвнатре.Во соопштението се тврди дека ЗНАМ не претставува независен политички субјект, туку група создадена со цел да влијае врз опозицијата и да ја ослабне.Од СДСМ додаваат дека граѓаните веќе ги препознаваат овие политички процеси и дека, како што велат, нема да бидат повторно доведени во заблуда.

Македонија | пред 1 месец

Филипче: Ја напуштаме работата за Изборниот закон, спремни сме да ги искористиме сите демократски методи

Пратеничката група на СДСМ ќе ја напушти работата во работната група за Изборниот закон, но ќе продолжи да дејствува со сите демократски механизми, изјави лидерот на партијата, Венко Филипче на денешната прес конференција.Тој на прес конференцијата појасни дека одлуката се однесува исклучиво на учеството во оваа работна група и е поврзана со, како што рече, начинот на кој се носи новиот Закон за влада. Според него, укинувањето на техничката влада во овој момент би значело нарушување на демократските процеси, бидејќи, како што истакна, не се исполнети условите за таков чекор.Филипче на прес конференцијата потсети дека техничката влада е воспоставена со политички консензус во 2016 година и повторно активирана во 2018 година, со јасна одредба дека ќе функционира до влезот на државата во Европската Унија. Тој нагласи дека овој модел, според СДСМ, претставува клучен механизам за обезбедување фер и демократски избори.Во таа насока, најави дека партијата ќе ги искористи сите демократски средства за да се спротивстави на предложените измени.Во изјавата, Филипче упати и критики кон Владата, оценувајќи дека начинот на владеење потсетува на претходни периоди, со, како што рече, засилена контрола и политизација на институциите, правосудството, медиумите и економијата.

Македонија | пред 1 месец

Филипче: ЗНАМ се привезок на ВМРО за лични интереси и затоа не постојат на анкетите

Претседателот на СДСМ, Венко Филипче, на денешната прес-конференција остро го критикуваше движењето ЗНАМ, оценувајќи дека станува збор за политички субјект кој делува како привезок на ВМРО-ДПМНЕ и работи исклучиво во сопствен интерес.Одговарајќи на новинарско прашање, Филипче ги отфрли тврдењата на ЗНАМ за наводна некоординираност во СДСМ околу измените на Законот за Влада, нагласувајќи дека станува збор за „сервирани информации“ со цел политички профит.„Станува збор за група поранешни членови на СДСМ кои, за жал, поради лични финансиски интереси ја разединија партијата. Имаа лажни ветувања дека ќе бидат патриоти и контролори на власта, но не направија ништо. Денес се само привезок на ВМРО и ги остваруваат своите интереси“, изјави Филипче.Тој додаде дека, според анкетите, ЗНАМ практично нема политичка тежина, а нивното делување, како што рече, било разобличено и преку наоди на антикорупцискиот тим на СДСМ, кој укажал на поврзаност со тендери и финансиски скандали.Филипче потенцираше дека во СДСМ нема разединетост и дека партијата функционира координирано и единствено.„Нема никаква разединетост, ниту во пратеничката група, ниту во партијата. Разговараме за сите опции, но во овој момент ја напуштаме работата во групата за Изборниот закон. Ќе ги искористиме сите демократски механизми во политичката борба“, порача Филипче.

Македонија | пред 1 месец

Филипче: Мицкоски ги навредува граѓаните и создава поделби

Претседателот на СДСМ, Венко Филипче, на денешната прес-конференција изјави дека премиерот Христијан Мицкоски наместо да работи во интерес на граѓаните, поттикнува поделби, конфликти и користи навредлива реторика кон оние што размислуваат поинаку.„Наместо реформи, гледаме создавање меѓунационални тензии и навреди кон граѓаните. Со таков пристап се продлабочуваат поделбите во општеството“, рече Филипче, посочувајќи дека ваквата реторика не придонесува за напредок на државата.Тој додаде дека, според него, Владата ја оттурнува земјата од европскиот пат и ја става во застој во однос на регионот, повикувајќи се и на оценките на Томас Вајц.„Критиките од европските претставници го потврдуваат она што граѓаните го чувствуваат – дека нема доволна посветеност на реформите и европската интеграција“, истакна Филипче.Во обраќањето, тој нагласи дека последиците од ваквите политики се чувствуваат и економски, преку пропуштени можности за користење европски фондови.„Граѓаните ја плаќаат цената – се губат средства за инфраструктура, образование, здравство и земјоделство. Тоа значи помалку развој и помалку можности за подобар животен стандард“, рече Филипче.Тој потенцираше дека европската перспектива останува клучна за развојот на државата.„Европската интеграција не е само политичка цел, туку предуслов за економски напредок, подобри јавни услуги и стабилност во општеството“, додаде Филипче.

Македонија | пред 1 месец

Филипче: Поради Мицкоски македонските граѓани губат европски пари и фондови

Претседателот на СДСМ, Венко Филипче, на денешната прес конференција изјави дека поради, како што оцени, блокираниот европски пат, државата губи значајни финансиски средства и фондови од Европската Унија, што директно се одразува врз развојот и животниот стандард.„Се губат европските пари, фондовите и грантовите, како и структурните средства што во други земји донесоа подобра инфраструктура – патишта, железници, болници, училишта и градинки“, рече Филипче на прес-конференција.Тој додаде дека, според него, негативните последици од ваквите политики ги чувствуваат граѓаните, посочувајќи и на состојбата со програмите за поддршка на земјоделството.„Се изгубија и фондовите за поддршка на земјоделството. Тоа се средства кои требаше да помогнат во развојот на овој сектор, а нивното отсуство значи дополнителен товар за земјоделците“, истакна Филипче.Според него, застојот во евроинтеграциите ја става државата во неповолна позиција во однос на земјите од регионот.„Додека соседите напредуваат кон членство во Европската Унија, ние стоиме во место. Прашањето е кој губи – губат граѓаните и државата“, рече Филипче.Тој нагласи дека европската перспектива носи конкретни придобивки, не само во економијата, туку и во квалитетот на живот.„Европската интеграција значи подобро образование, здравство и социјална сигурност. Тоа е предуслов за напредок и развој на општеството“, додаде Филипче.

Македонија | пред 1 месец

Филипче: Младите се иселуваат, не гледаат перспектива со Мицкоски

Претседателот на СДСМ, Венко Филипче, на денешната прес конференција изјави дека младите сè почесто ја напуштаат државата бидејќи не гледаат перспектива во актуелните политики на Владата, оценувајќи дека земјата стагнира во однос на евроинтеграциите.Според него, додека државите од регионот напредуваат кон членство во Европската Унија, Македонија останува во застој.„Додека регионот се движи напред кон ЕУ, ние стоиме во место. Црна Гора веќе е во напредна фаза од пристапниот процес, а веднаш зад неа е и Албанија. Прашањето е кој ја плаќа цената – тоа се граѓаните и државата“, рече Филипче.Тој оцени дека Владата не се фокусира на реформите, туку на, како што наведе, создавање тензии и поделби во општеството.„Наместо конкретни резултати, сведоци сме на реторика што создава конфликти и продлабочува поделби. Со такви политики не се гради иднина“, истакна Филипче.Во обраќањето, тој додаде дека СДСМ останува посветен на европската интеграција и дека нема да дозволи, како што рече, отстапување од тој курс.„Нашата определба е јасна – европски пат, реформи и институционален развој. Граѓаните заслужуваат перспектива и стабилност“, порача Филипче.

Македонија | пред 1 месец

Филипче: Мицкоски повеќе не може да ги лаже граѓаните, свесно го блoкираше европскиот пат

Претседателот на СДСМ, Венко Филипче, на денешната прес-конференција изјави дека премиерот Христијан Мицкоски повеќе не може да ги доведува во заблуда ниту граѓаните, ниту европските партнери, оценувајќи дека свесно се блокира европскиот пат на државата.Според него, Владата не спроведува клучни реформи и со тоа директно ја загрозува европската перспектива на земјата.„Наместо да работи на реформи, оваа власт се занимава со создавање конфликти со соседите, анти-европска пропаганда и туркање на државата во изолација. Во исто време, дел од ВМРО-ДПМНЕ, вклучително и блиски соработници на премиерот, поседуваат бугарски пасоши. Тоа е нивниот лажен патриотизам“, рече Филипче.Тој се осврна и на критиките од европратеникот и известувач за земјата, Томас Вајц, посочувајќи дека тие јасно укажуваат на застој во реформите.„Вајц недвосмислено ја критикува Владата поради недостаток на напредок во евроинтеграциите. Наместо да се прифатат овие пораки и да се работи на подобрување, премиерот продолжува со негирање“, додаде тој.Филипче оцени дека ваквиот пристап покажува отстапување од европскиот курс и дека, според него, се фаворизира партиска контрола врз институциите.„Оваа власт не сака европска интеграција, туку сака контрола врз институциите, медиумите и правосудството, како и користење на државните ресурси за партиски цели“, истакна Филипче.

Македонија | пред 1 месец

Филипче: Вајц го демантира Мицкоски, нема никаков напредок

Лидерот на СДСМ, Венко Филипче, изјави дека европскиот известувач Томас Вајц јасно ги демантира тврдењата на премиерот Христијан Мицкоски за наводен напредок во евроинтегративниот процес на земјата, стои во партиското соопштение.Филипче посочи дека, според изјавите на Вајц, во изминатиот период не е забележан сериозен напредок во реформите, особено во областа на владеењето на правото и приближувањето кон Европската Унија. Тој нагласи дека европските оценки се спротивни на, како што рече, „оптимистичките пораки“ на Владата, стои во соопштението.Во својата реакција, Филипче оцени дека наместо реформи, актуелната власт се фокусира на политички конфликти и блокирање на европскиот пат, што, според него, негативно се одразува врз економијата и младите, кои сè почесто ја напуштаат државата, стои во соопштението.Тој додаде дека земјите од регионот веќе напредуваат во процесот на пристапување кон ЕУ, додека Македонија, како што рече, заостанува и губи пристап до европски фондови и инвестиции, стои во партиското соопштение.Филипче обвини дека блокадите и одложувањата на реформите придонесуваат за губење на развојни можности, особено во инфраструктурата, образованието и земјоделството, стои во соопштението.На крајот, тој порача дека СДСМ останува посветен на евроинтеграциите и дека, како што рече, „Македонија мора да го продолжи европскиот пат без застој и политички калкулации“, стои во соопштението.

Македонија | пред 1 месец

СДСМ: Тероризмот е во крвта на ВМРО

На годишнината од нападот врз Собранието на 27 април 2017 година, СДСМ упати остро соопштение во кое повторно го квалификува настанот како насилен и антидемократски чин, поврзувајќи го со поширок историски и политички контекст.Од партијата во соопштението наведуваат дека „тероризмот е во крвта на ВМРО“, алудирајќи и на историски настани и на настаните од 2017 година, кога беше упаднато во Собранието за време на изборот на новото парламентарно мнозинство.Во соопштението се прави паралела меѓу нападот врз Собранието и други историски настани, при што се тврди дека насилните методи и антидржавното дејствување се дел од континуитет на одредени политички структури.СДСМ посочува дека насилниците од 27 април не се лица со различни политички ставови, туку учесници во сериозен напад врз уставниот поредок и институциите на државата, стои во соопштението.Во соопштението се упатуваат критики и кон актуелното политичко раководство на ВМРО-ДПМНЕ, при што се тврди дека со одредени изјави се врши релативизирање на настаните од 2017 година и се рехабилитираат лица поврзани со тој настан.СДСМ истакнува дека ваквите политики претставуваат закана за демократијата, правосудниот систем и европската перспектива на државата, стои во соопштението.Од партијата во соопштението порачуваат дека нема да дозволат враќање на, како што го нарекуваат, „насилен модел на политичко делување“ и дека ќе продолжат да се залагаат за заштита на демократските вредности и уставниот поредок.

Македонија | пред 1 месец

СДСМ: Снемува пари во Буџетот, дефицитот за три месеци изнесува 408 милиони евра

Опозициската СДСМ излезе со соопштение со оценка дека состојбата во државниот Буџет е сериозна и загрижувачка, посочувајќи на висок дефицит и ниска реализација на приходите.Според партијата, последните официјални податоци покажуваат дека буџетскиот дефицит достигнал 408 милиони евра, што, како што наведуваат, претставува 63% од вкупно планираниот дефицит за целата година, и тоа само во првите три месеци, стои во соопштението.СДСМ во соопштението тврди и дека реализацијата на приходната страна е околу 20%, што според нив е доказ за сериозни слабости во економските политики.Во соопштението се наведува дека ваквите бројки ја демантираат власта и нејзините тврдења за економски напредок, при што се посочува дека наместо раст и развој, државата се соочува со зголемување на буџетската дупка и ново задолжување.СДСМ обвинува дека нема мерки за зголемување на платите и пензиите, ниту за заштита на животниот стандард, како и дека се игнорираат барањата за повисока минимална плата, стои во соопштението.Дополнително во соопштението, опозицијата наведува дека странските инвестиции се намалени, дека има отпуштања на работници и дека државата има обврски за поврат на ДДВ кон компании.Во заклучокот, СДСМ оценува дека економските политики на премиерот Христијан Мицкоски се „неспособни и дилетантски“ и дека ја водат државата кон финансиска нестабилност и неизвесност, стои во соопштението

Македонија | пред 1 месец

Филипче: Оризот се откупува по мизени 20 денари а производната цена е 32 ден, оризопроизводителите се на раб на егзистенција

Жално и трагично ова што го слушам откако дојде оваа власт, никако и со ниту еден чекор не се направи нешто да им се помогне на овие луѓе, вели лидерот на СДСМ, Венко Филипче.„Замислете, годинава, производната цена е поголема од продажната. Со растот на трошоците на ѓубривото, на водата, на работната рака, сега еден килограм ориз се произведува за некаде околу 30 денари или 32 денари, а откупната цена е околу 20 денари. Никој не го откупува оризот повеќе. Луѓето се соочуваат со сериозни егзистенцијални проблеми.Освен што им се и намалени дополнително субвенциите по декар земја за  300 денари, од 2.100 на 1.800 денари. Дополнително на тоа, каналите за вода не се исчистени. Вода од Калиманското езеро не е пуштена. Значи, се поставува прашањето дали некој од министерството  воопшто води сметка за секторот. Најлошиот ресор во оваа влада, овие луѓе, овие министри, како да се натпреваруваат, кој од кој ќе биде полош. Нема да има род на ориз оваа сезона. Министерот, премиерот, луѓето кои што  се заинтересирани само за својот комодитет, и ништо друго. Треба да дојдат и да ги слушнат овие луѓе. Да дадат најмалку 20 денари по килограм дополнителна субвенција, за да може да преживеат луѓето, за да може насад да има оваа сезона, а понатаму да се зборува и како да се зголеми дополнително и откупната цена. Ваква незаинтересираност, вакво дилетантско водење на влада, оваа држава не видела. Овие граѓани, овие луѓе кои ќе работат, кои живеат од земјоделството, тоа едноставно не го заслужуваат“, вели Филипче.

Македонија | пред 1 месец

Филипче: Според Мицкоски, испаѓа дека и Вајц и медиумите лажат

Венко Филипче реагираше на изјавите на премиерот Христијан Мицкоски поврзани со европратеникот Вајц и медиумските објави за извештајот на Европската унија на социјалната мрежа Икс.Според Филипче, Мицкоски ги оспорува и интерпретациите на медиумите и ставовите на европските претставници, поставувајќи прашање дали тоа значи дека сите кои известуваат или критикуваат се неточни.Во објавата, Филипче наведува дека ваквиот пристап не е нов и дека, како што вели, се користи модел на дискредитација кон сите кои имаат различно мислење или критички став.Тој посочува и дека во политичката реторика често се користат квалификации за медиуми и јавни личности кога нивните ставови не се во согласност со владејачките позиции.Филипче додава дека јавната дебата треба да се води врз основа на факти и извештаи, а не преку лични напади и дискредитации.

Македонија | пред 1 месец

Филипче: Кога граѓаните ги отворат празните фрижидери и паричници знаат колку сме „трета економија“ во Европа

Лидерот на СДСМ, Венко Филипче, преку објава на социјалната мрежа Икс упати критики до Владата, оценувајќи дека економската состојба на граѓаните е далеку од она што се прикажува во јавноста.Според него, граѓаните најдобро ја чувствуваат реалноста преку сопствениот животен стандард.„Граѓаните знаат дека во времето на СДСМ имаше постојано зголемување на платите и пензиите. Минималната плата ја зголемивме за 150%, просечната плата за 75%, социјалната помош за 300%, пензиите за 40%. Парите завршуваа кај граѓаните“, наведува Филипче.Тој додава дека сегашната економска состојба е значително полоша и дека тоа, како што вели, секојдневно го чувствуваат граѓаните.„Но сега, кога граѓаните ќе го отворат фрижидерот дома и кога ќе погледнат во паричникот, јасно гледаат каков е вистинскиот стандард со оваа власт. Народот никогаш не живеел полошо“, посочува Филипче.Во објавата, тој се осврнува и на изјавите на премиерот, според кои Македонија е „трета економија во Европа“, оценувајќи дека таквите тврдења не се совпаѓаат со реалноста.„Мицкоски сака да нè убеди дека сме ‘трета економија во Европа’… па тоа баш го гледаат граѓаните“, наведува Филипче.

Македонија | пред 1 месец

Филипче: Мицкоски повторно зборуваш за името, па што не го враќаш

Лидерот на СДСМ, Венко Филипче, преку објава на социјалната мрежа X упати критики до премиерот Христијан Мицкоски, обвинувајќи го за недоследност во ставовите околу прашањето за името.Филипче посочи дека Мицкоски повторно ја отвора темата за името, иако, како што наведува, во минатото ветувал дека ќе го врати старото уставно име и ќе го поништи Преспански договор.„Кога клечеше и молеше за власт, ветуваше дека ќе го врати името и ќе го поништи Преспанскиот договор, а нас нè нарекуваше предавници“, наведува Филипче.Тој прашува зошто тоа ветување не се реализира, оценувајќи дека причината е јасна – можните последици по членството во НАТО и европската интеграција на земјата.„Па зошто не го враќаш името, БЈРМ? Затоа што знаеш дека тоа значи излез од НАТО и крај на европскиот пат“, додава Филипче.Во објавата, лидерот на СДСМ го обвинува Мицкоски за, како што вели, лажен патриотизам и недоследност, порачувајќи дека „доаѓа времето на вистината“.

Македонија | пред 1 месец

СДСМ: Влада на Мицкоски - лажни патриоти со бугарски пасоши

Од СДСМ обвинуваат дека во редовите на власта има функционери со бугарско државјанство, наведувајќи дека меѓу нив има министри, пратеници, градоначалници и директори, стои во партиското соопштение.Во соопштението партијата ја нарекуваат Владата „влада на лажни патриоти“, оценувајќи дека, како што велат, јавно се претставуваат како заштитници на македонскиот идентитет, додека во исто време дел од нив поседуваат странско државјанство.СДСМ во соопштението прашува чии интереси ги застапува актуелната власт и дали станува збор за македонски или други интереси, нагласувајќи дека јавноста заслужува јасни одговори.Во соопштението се наведува дека по барањето на СДСМ законските одредби за двојно државјанство да се однесуваат и на членовите на Владата и сите именувани функционери, премиерот Христијан Мицкоски, како што тврдат од опозицијата, се повлекол од првичниот став.Од СДСМ во соопштението додаваат дека, според нив, постои несогласување меѓу декларативните заложби и реалното политичко делување, посочувајќи и критики за, како што велат, блокирање на европските процеси.Во соопштението се оценува и дека владејачката коалиција е изградена врз политички договори кои не ја одразуваат довербата на граѓаните.

Македонија | пред 1 месец

СДСМ: Сѐ уште нема мерки – граѓаните скапо плаќаат за економското дилетанство на Христијан Мицкоски

Од СДСМ реагираат дека граѓаните, „скапо ја плаќаат економската политика на Христијан Мицкоски“, оценувајќи дека Владата не презема доволно мерки за справување со економските предизвици, стои во партиското соопштение.Од партијата во соопштението посочуваат дека додека, како што велат, европските држави воведуваат антикризни пакети, македонската Влада не реагира со соодветни политики за заштита на животниот стандард.СДСМ во своето соопштение наведува дека веќе два месеци предлага пакет-мерки за економска поддршка, но дека досега бил прифатен само мал дел од нив, без суштински ефект.Според нив, цените се на историски високо ниво, а најавите за нови поскапувања во мај дополнително ја зголемуваат неизвесноста кај граѓаните. Од СДСМ додаваат дека растот на трошоците веќе значително го оптоварува животниот стандард, стои во соопштението.Во соопштението се посочува и дека минималната плата не е зголемена, додека инфлацијата, како што велат, го намалува реалниот приход на домаќинствата.Од партијата во соопштението наведуваат дека земјоделството е оставено без доволна поддршка, со доцнење на субвенции и проблеми со имплементацијата на ИПАРД програмата, што, според нив, може да влијае врз домашното производство и цените на храната.СДСМ во соопштението оценува дека наместо економски мерки, власта нуди „медиумска пропаганда“, и предупредува на нови предизвици за граѓаните во претстојниот период.

Македонија | пред 1 месец

Филипче: Младите се иселуваат и вадат бугарски пасоши, тоа е националната политика на ВМРО!

Претседателот на СДСМ д-р Венко Филипче, на денешната национална дебата за улогата на Собранието во процесот на пристапување кон Европската Унија, организирана од Институтот за европска политика, изјави дека европскиот пат на државата е запрен поради актуелните политики на власта, а младите сè повеќе се иселуваат.Тој оцени дека, како што рече, со новата партиска структура во власта е создадена состојба во која граѓаните биле убедени дека европските договори претставуваат национално предавство, што според него не е точно. Филипче додаде дека на тој начин се создава страв кај граѓаните околу уставните измени и нивното влијание врз јазикот и идентитетот, и нагласи дека тие, како што рече, не носат никаква закана за националните одредници.Тој посочи дека државата има потпишано договор со Европската Унија на македонски јазик, без фусноти и дополнителни објаснувања, оценувајќи дека тврдењата за загрозеност на јазикот се неосновани. Според него, блокадата на европскиот процес произлегува од политички интереси на власта, со цел, како што рече, одржување контрола без надворешен надзор и влијание врз институциите.Филипче обвини дека постои политичко влијание врз правосудството и медиумите и додаде дека ваквата состојба ја поттикнува недовербата кај граѓаните. Тој исто така предупреди на зголемено иселување на младите, наведувајќи дека голем дел од нив се подготвуваат да заминат во странство, при што дел бараат и странски пасоши.Според него, продолжувањето на евроинтеграциите преку уставни измени е клучен чекор за отворање на преговорите со Европската Унија и користење на европските фондови за развој на државата, инфраструктурата, образованието и здравството. Филипче порача дека без политичка волја за суштински реформи, формалните институционални подготовки нема да имаат ефект.Тој истакна дека по промените на Уставот, процесот на преговори би можел да се одвива по поглавја, што, според него, би донело поголем напредок и економски придобивки за државата.

Македонија | пред 1 месец

Филипче: Со оваа антиевропска влада Националниот совет за евроинтеграции е само про-форма

Националниот совет за евроинтеграции во моментов има само протоколарна улога и нема суштинска работа бидејќи недостигаат материјали и законски решенија врз кои треба да се дебатира, изјави претседателот на СДСМ и претседател на Советот, д-р Венко Филипче, на денешната национална дебата за улогата на Собранието во процесот на пристапување во Европската Унија, организирана од Институтот за европска политика.Филипче посочи дека на состаноците најчесто присуствуваат амбасадори на европски земји кои ги презентираат приоритетите на нивните претседателства, но дека недостига конкретна реформска агенда.Тој наведе дека дури и на состаноци поврзани со клучни реформи во правосудството не се појавуваат надлежни министри, што, според него, дополнително ја намалува функционалноста на Советот.„Националниот совет за евроинтеграции, за жал, има само протоколарна улога. Немаме материјал врз основа на кој можеме да работиме, нема поднесени закони, власта не работи на реформската агенда“, рече Филипче.Тој додаде дека суштинската улога на Советот ќе започне со отворањето на преговорите со Европската Унија, кога ќе се разгледуваат конкретни закони и реформи. Како пример за добра пракса, Филипче ја посочи Хрватска, каде што, според него, Советот бил составен од сите политички партии и функционирал како стручно и аналитичко тело со затворени седници, по кои јавноста била информирана.„Така би се ставил фокус на работата, а не на партиско надмудрување“, истакна тој.Филипче оцени дека во сегашни услови Советот е само формален орган без суштинска улога, додавајќи дека вистинска дебата ќе може да се води дури кога ќе пристигнат конкретни законски решенија од Владата и кога ќе започнат преговорите со Европската Унија.

Македонија | пред 1 месец

Филипче: Изјавата на Мицкоски дека децении ќе чекаме е признание дека оваа влада не сака во ЕУ

Претседателот на СДСМ Венко Филипче оцени дека граѓаните не треба да очекуваат ништо од европскиот пат на државата, обвинувајќи ја владата дека целосно го блокира процесот на евроинтеграции.Тој посочи дека премиерот Христијан Мицкоски јавно изјавил дека земјата може да чека децении за членство во Европска Унија, што според Филипче е доказ дека актуелната власт нема намера да направи ниту еден сериозен чекор кон Европа.Како пример за застојот, Филипче наведе дека во текот на 2025 година требало да се донесат десетина закони од областа на правосудството, а усвоен бил само еден и тоа со делумна имплементација на препораките од европската оценска мисија.Тој истакна дека Собрание на Република Северна Македонија не може да работи ако Влада на Република Северна Македонија не доставува закони и реформски материјали.Филипче откри дека по пожарот во Кочани му понудил на премиерот заедничка работа на реформската агенда, била формирана работна група и биле доставени експертски мислења за законите од областа на правосудството, но одговор од Министерството за правда не добиле.Според него, дел од овие закони се директно поврзани со европски финансиски средства, а без промена на политиките – и на самата влада – државата нема да направи никаков исчекор кон ЕУ.

Македонија | пред 1 месец