МВР

Кривична за струмичка фирма и управител за даночно затајување од над 1,7 милиони денари

Министерството за внатрешни работи соопшти дека СВР Струмица поднел кривична пријава против правно лице од Струмица и против 50-годишниот Н.Б. поради сомнение за сторено кривично дело „даночно затајување“.Според полицијата, пријавениот правен субјект како даночен обврзник, заедно со управителот Н.Б., во повеќе наврати избегнувале целосно или делумно плаќање на даноци преку неевидентирање на промет, неточно утврдување на даночната основа, прикажување помали приходи и поголеми расходи.Од МВР информираат дека во периодот од 2022 до 2025 година не биле пресметани и уплатени даноци по основа на ДДВ, данок на добивка и персонален данок на доход.Според пријавата, во 2022 година неплатените даноци изнесувале 357.288 денари, во 2023 година 355.371 денари, во 2024 година 760.763 денари, а во 2025 година 247.080 денари.Со овие дејствија, како што наведуваат од полицијата, пријавените се стекнале со противправна имотна корист и предизвикале штета на државниот буџет во вкупен износ од 1.720.502 денари.

Македонија | пред 3 седмици

Тетовец приведен откако пијан агресивно се однесувал кон родителите

Полициски службеници од СВР Тетово вчера вечер привеле 44-годишен тетовец, по пријава од неговиот татко дека агресивно се однесувал во семејниот дом.Според информациите од МВР, станува збор за Б.И.(44) од Тетово, кој бил приведен околу 20:50 часот на улицата „Јован Ончески“.„Постапувајќи по претходна пријава од неговиот 68-годишен татко дека во семејниот дом агресивно се однесувал кон него и неговата сопруга, лицето е приведено“, велат од МВР.При извршените проверки било утврдено дека мажот бил под дејство на алкохол, при што му биле измерени 1,26 промили алкохол во крвта.Од полицијата додаваат дека тој е задржан во полициска станица и дека по целосно документирање на случајот ќе следува соодветна пријава.

Македонија | пред 3 седмици

Маж пронајден мртов во Гостивар, телото дадено на обдукција

Седумдесет и седумгодишен маж од Скопје бил пронајден починат во куќа во Гостивар, информира МВР.Според полицијата, случајот бил пријавен вчера околу 16:30 часот од страна на Итната медицинска помош.„Во куќа на улицата ‘Никола Тесла’ во Гостивар е пронајден починат Д.А.(77) од Скопје, кој живеел сам. Лекар констатирал смрт“, велат од МВР.На местото извршен бил увид од увидна екипа на ОВР Гостивар, а по наредба на јавен обвинител, телото било предадено на Судска медицина за обдукција.

Македонија | пред 3 седмици

Гостиварец уапсен по пријава дека ја нападнал сопругата

Полициски службеници од ОВР Гостивар вчера попладне лишиле од слобода 39-годишен гостиварец, осомничен за семејно насилство врз неговата сопруга.Според информациите од СВР Тетово, станува збор за А.С.(39) од Гостивар, кој се сомничи дека околу 01:00 часот, по претходна расправија во семејниот дом, физички ја нападнал својата 30-годишна сопруга.„Тој е задржан во полициска станица за понатамошна постапка и по документирање на случајот ќе следува соодветна пријава“, велат од СВР Тетово.

Македонија | пред 3 седмици

Скопјанец уапсен во Тетово: Ја следел поранешната партнерка и ѝ се заканувал

Полициски службеници од СВР Тетово вчера попладне лишиле од слобода 30-годишен маж од Скопје, по пријава од неговата поранешна партнерка дека подолг период ја следел и ѝ упатувал закани.Според информациите од полицијата, станува збор за С.К.(30) од Скопје, кој бил приведен на улицата „Маршал Тито“ во Тетово околу 14:45 часот.„Постапувајќи по претходна пријава од неговата поранешна 33-годишна партнерка дека подолг период ја следи, а околу 08:00 часот на нејзиното работно место ѝ упатил закани на неа и нејзиното семејство, лицето е лишено од слобода“, велат од СВР Тетово.Од полицијата додаваат дека мажот е задржан во полициска станица и дека по целосно документирање на случајот ќе следува соодветна пријава.

Македонија | пред 3 седмици

Уапсен маж од Кичево: пронајдени пушки и куршуми

Министерство за внатрешни работи соопшти дека полициски службеници од ОВР Кичево вчера лишиле од слобода 65-годишен жител на Кичево.При претреси извршени со судска наредба во неговиот дом и помошни простории во Кичево, како и во селото Попоец, полицијата пронашла и одзела две пушки и куршуми од различен калибар.Од МВР информираат дека лицето било задржано во полициска станица, а по целосно документирање на случајот против него ќе биде поднесена соодветна пријава.

Македонија | пред 3 седмици

Тело на 20-годишна девојка пронајдено во стан во Штип

Дваесетгодишна државјанка на Република Турција била пронајдена почината во стан во Штип, соопшти Министерството за внатрешни работи.Случајот бил пријавен денеска во 14:48 часот во СВР Штип, по што полициски службеници веднаш излегле на местото.„Во стан во Штип било пронајдено починато женско лице. Полициски службеници излегле на местото и било констатирано дека се работи за У.Е.(20), државјанка на Република Турција“, велат од МВР.На местото увид врши екипа на СВР Штип, а се преземаат мерки за расчистување на случајот и утврдување на причините за смртта.

Македонија | пред 3 седмици

Пронајденo младо момче од Кочани со повреда на главата во речен канал кај Виница

Деветнаесетгодишно момче од Кочани било пронајдено со повреда на главата во речен канал во село Лески, виничко, соопшти МВР.Случајот бил пријавен на 6 мај околу 23:30 часот во ОВР Виница, по што полициски службеници веднаш излегле на местото.„Во речен канал во с. Лески, виничко, било пронајдено машко лице со повреда на главата. Полициски службеници излегле на местото и било констатирано дека се работи за П.А.(19) од Кочани“, велат од МВР.На момчето му била укажана прва помош од екипа на Итната медицинска помош, по што било пренесено во Комплексот клиники „Мајка Тереза“ во Скопје за понатамошно лекување.Од полицијата велат дека се преземаат мерки за расчистување на случајот и утврдување на околностите под кои 19-годишникот завршил во каналот со повреда на главата.

Македонија | пред 3 седмици

16 без возачка дозвола и 2 со забрана за возење – масовни контроли на сообраќајната полиција

Во текот на изминатото деноноќие, на територијата на државата, полициските службеници лишиле од слобода 18 возачи за безобѕирно управување со возило. Од нив, 16 возеле без возачка дозвола, а двајца со активна забрана за управување.Во Скопје се лишени од слобода осум возачи (од кои двајца малолетници), во Гевгелија тројца, во Кичево двајца, а по еден во Тетово, Радовиш и Дебар. Кај еден возач во Скопје била пронајдена марихуана, додека кај возач во Тетово биле измерени 1,46 промили алкохол во крвта. Еден возач во Скопје и еден во Кичево управувале возило со активна забрана.По целосно документирање на случаите ќе бидат поднесени соодветни пријави. Од МВР апелираат до сите учесници во сообраќајот да ги почитуваат правилата и прописите, да не управуваат возило без дозвола, под дејство на алкохол или со изречена забрана, со цел зголемување на безбедноста во сообраќајот.

Македонија | пред 3 седмици

Пукање при разминување со возило во Липково - едно лице уапсено

Од МВР информираат дека на 06.05.2026 во 16:30 часот, полициски службеници од СВР Куманово го лишиле од слобода А.А. (34) од село Отља, општина Липково. Тој се сомничи дека во селото Отља, при разминување со патничко возило „мерцедес“ управувано од Е.Ш., пукал со огнено оружје.Лицето е приведено во полициска станица, а по целосно документирање на случајот ќе следува соодветна пријава.

Македонија | пред 3 седмици

Малолетник нападнат во училиште

Од МВР информираат дека во СВР Скопје на 06.05.2026 во 14:30 часот, И.Џ. (33) од село Арачиново, скопско, пријавил дека на 29.04.2026 околу 12:45 часот во основно училиште во Арачиново неговиот малолетен син бил физички нападнат од Н.З.Надлежните служби преземаат мерки за целосно расчистување на случајот.

Македонија | пред 3 седмици

Жена од скопско пријавила насилство од сопругот по расправија

Од МВР информираат дека во СВР Скопје на 06.05.2026 во 17:50 часот, 18-годишна жена од скопско пријавила дека на 03.05.2026 околу 23:30 часот, во семејниот дом, по претходна расправија, била физички нападната од нејзиниот 25-годишен сопруг.Надлежните служби преземаат мерки за целосно расчистување на случајот.

Македонија | пред 3 седмици

Се договориле да се сретнат во нејзиниот стан преку мобилна апликација па кога дошол и се заканувал со остар предмет

Од МВР информираат дека во Скопје, на подрачјето на Центар, жена пријавила дека во нејзиниот стан, по претходно договорена средба преку мобилна апликација, дошол М.Ф. (27) од село Кондово и ѝ упатувал закани со остар предмет, по што се оддалечил од местото.Се преземаат мерки за целосно расчистување на случајот.

Македонија | пред 3 седмици

Во станбена зграда ги вознемирувале станарите и им ја краделе поштата, па предизвикале пожар позади зградата - осомничени 2 лица

Од МВР информираат дека на 06.05.2026 година во 06:40 часот во СВР Скопје е пријавен пожар во двор зад станбена зграда на ул. „11 Октомври“ во Скопје. Според пријавата, пожарот бил предизвикан од две лица кои претходно ги вознемирувале станарите, тропајќи им на врати и одземајќи пошта од поштенските сандачиња.Во инцидентот нема повредени лица, но биле опожарени дрвени предмети поставени пред и во влезот на зградата. Надлежните служби преземаат мерки за целосно расчистување на случајот.

Македонија | пред 3 седмици

Татко го нападнал својот син во семејниот дом

Надворешната канцеларија за криминалистички работи во Гостивар поднесе кривична пријава против С.Ш. (46) од Гостивар, поради основано сомнение за сторено кривично дело „телесна повреда“.Според пријавата, на 25.02.2026 година, во семејниот дом, пријавениот физички го нападнал својот син. Случајот е документиран и против него ќе следува соодветна постапка.

Македонија | пред 3 седмици

Две возила опожарени во Скопје во рок од неколку часа

На 7 мај 2026 година во 02:10 часот во СВР Скопје е пријавено дека во село Орланци, скопско, во дворно место било опожарено паркирано патничко возило „фолксваген голф“ со скопски регистарски ознаки, сопственост на Р.А. (39) од селото.Од екипа на Бригадата за противпожарна заштита Скопје пожарот бил изгаснат, а повредени лица нема. Увид извршила екипа од СВР Скопје.Подоцна, во 04:00 часот, во СВР Скопје било пријавено дека околу 03:20 часот на подрачјето на Карпош во Скопје било опожарено уште едно патничко возило „фолксваген голф“ со скопски регистарски ознаки, сопственост на Ќ.Р. (62) од Скопје.И во овој случај интервенирала Бригадата за противпожарна заштита Скопје, а пожарот бил изгаснат без повредени лица. Увид извршила екипа од СВР Скопје.

Македонија | пред 3 седмици

Ја продал колата , но не му биле исплатени парите - измама од речиси 1,9 милиони денари

СВР Куманово поднесе кривична пријава против С.Ѓ.(61) од Скопје и против правен субјект од Скопје поради постоење основи на сомнение за сторено кривично дело „измама“.Според МВР, првопријавениот со лажно прикажување на факти довел во заблуда едно лице и не му исплатил 1.840.815 денари за патничко возило „мерцедес вито“.

Македонија | пред 3 седмици

Кривична пријава против 52-годишник од Струшко за насилство врз дете

Надворешната канцеларија за криминалистички работи Струга поднесе кривична пријава против К.А.(52) од село Радолишта, струшко, поради постоење основи на сомнение за сторено кривично дело „насилство врз дете“.Според информациите од МВР, на 1 април 2026 година во основно општинско училиште во село Радолишта, пријавениот физички нападнал малолетен ученик, кој бил соученик на неговата ќерка.

Македонија | пред 3 седмици

(Фото) Кривична за незаконско поседување и продажба на оружје за стрелачки клуб од Прилеп, одземени околу 80 парчиња оружје

ОВР Прилеп, во координација со Одделот за криминалистичка полиција – Единица за недозволена трговија со оружје, опасни материи и радиоактивен материјал, реализираше случај поврзан со недозволена трговија со оружје сторена од стрелачки клуб од Прилеп.На 6 мај 2026 година до Основното јавно обвинителство Прилеп е поднесена кривична пријава против управителот К.Ч.(43) од Прилеп, ракувачот со оружје Т.Д.(73) од Прилеп, како и против стрелачкиот клуб, поради сомнение за сторено кривично дело „неовластено изработување, држење, посредување и тргување со оружје или распрскувачки материи“ по член 396 од Кривичниот законик.Според МВР, во периодот од 26 до 29 јануари 2026 година бил извршен увид по наредба на јавен обвинител, при што во просториите на стрелачкиот клуб биле пронајдени пет малокалибарски пушки за кои не постоела соодветна дозвола.Истрагата утврдила и дека управителот и ракувачот со оружје, како членови на управниот одбор, вршеле продажба на огнено оружје сопственост на клубот на лица кои немале дозвола за поседување оружје.Во рамки на акцијата, на 6 мај од стрелачкиот клуб биле одземени околу 70 малокалибарски пушки, 10 малокалибарски пиштоли, како и поголема количина пневматско оружје, со цел поведување управна постапка пред надлежен орган.

Македонија | пред 3 седмици

Побарал снимка од „Безбеден град“, па агресивно се однесувал во полициска станица

На 6 мај 2026 година во 11:10 часот во Скопје, пред објектот на Полициската станица Аеродром, полициски службеници го привеле Х.А. (32) од Берово поради нарушување на јавниот ред и мир.Според информациите од МВР, претходно тој побарал од полициски инспектор да му биде доставена снимка од системот „Безбеден град“ поврзана со сообраќајна незгода во која учествувал. Откако му било објаснето дека видео записот не може да му биде предаден без соодветно пополнето барање, Х.А. почнал агресивно да се однесува.Тој во неколку наврати се обидел да влезе во службените простории на полициската станица и снимал со мобилен телефон, иако му било укажано дека тоа не е дозволено.По целосно документирање на случајот, против него ќе биде поднесен соодветен поднесок.

Македонија | пред 3 седмици

Автомобил удри пешак на крстосница во Скопје, тешко повредена жена пренесена на Клинички

Шеесет и деветгодишна жена од Скопје е тешко повредена во сообраќајна несреќа што се случила вчера попладне на крстосница во главниот град.Како што соопшти МВР, несреќата била пријавена на 6 мај околу 14 часот во СВР Скопје, а се случила на крстосницата меѓу улиците „Вера Јоциќ“ и „Народни Херои“.Во жената, идентификувана како М.Д. (69) од Скопје, удрило патничко возило „опел зафира“ со велешки регистарски ознаки, управувано од И.А. (55) од Велес.Во несреќата, пешакот се здобил со тешки телесни повреди, констатирани во Комплексот клиники „Мајка Тереза“ во Скопје.Увид на местото извршила екипа од СВР Скопје.

Македонија | пред 3 седмици

Уапсен маж за кражба на електричен тротинет

СВР Тетово информира дека на 06.05.2026 година во 18:30 часот, полициски службеници го лишиле од слобода Б.И. (44) од Тетово, поради основано сомнение за извршена кражба.Претходно истиот ден, во 14:30 часот, А.Љ. (44) од Тетово пријавил дека околу 08:30 часот пред влезот на Општина Тетово му бил одземен електричен тротинет.По преземени мерки од страна на полицијата, сторителот бил идентификуван и приведен, а по целосно документирање на случајот против него ќе биде поднесена соодветна пријава.

Македонија | пред 3 седмици

Возач без дозвола со 1,46 промили предизвикал сообраќајка и побегнал

СВР Тетово информира дека на 07.05.2026 година во 01:30 часот, на регионалниот пат Тетово – с. Јажинце, кај с. Лешок, тетовско, полициски службеници од Полициското одделение Теарце го лишиле од слобода Б.К. (31) од с. Жилче.Според информациите, тој управувал патничко возило „фолксваген пасат“ со тетовски регистарски ознаки без да поседува возачка дозвола, при што предизвикал сообраќајна незгода и го напуштил местото на настанот.По неговото пронаоѓање, било извршено алкотестирање, при што му биле измерени 1,46 промили алкохол во крвта. Возилото било одземено, а лицето било задржано во полициска станица.По целосно документирање на случајот, против него ќе биде поднесена соодветна пријава.

Македонија | пред 3 седмици

Сопруг пријавен за закани кон сопругата и децата - имал забрана за приближување и контакти

СВР Тетово информира дека на 07.05.2026 година во 01:20 часот, 34-годишна жена од Тетово пријавила случај на семејно насилство и прекршување на судска забрана.Според пријавата, нејзиниот сопруг Н.Д., со кого е во бракоразводна постапка, ѝ се јавувал телефонски и упатувал закани кон неа и нивните малолетни деца. Со тоа, како што се наведува, тој го прекршил решението на Основниот суд Тетово донесено во ноември 2025 година, со кое му е изречена забрана за приближување и контакти.Од СВР Тетово информираат дека се преземаат мерки за расчистување и целосно документирање на случајот.

Македонија | пред 3 седмици

Одземена марихуана и пари, две лица уапсени во Гостивар

На 6 мај 2026 година, во 13:30 часот во Гостивар, полициски службеници од Надворешната канцеларија за криминалистички работи го лишиле од слобода Е.И. (37) од Гостивар, по извршен претрес во неговиот дом и помошни простории, спроведен со судска наредба. При претресот биле пронајдени и одземени повеќе пакувања со марихуана, дигитална вага и 68.500 денари.Подоцна истиот ден, во 21:40 часот, во рамки на истата постапка, полициските службеници го лишиле од слобода и Џ.М. (38) од село Здуње, гостиварско, поради сомнение за сторено кривично дело „недозволено производство и пуштање во промет на наркотични дроги, психотропни супстанции и прекурсори“ по член 215 од Кривичниот законик.Двете лица биле задржани во полициска станица, а по целосно документирање на случајот против нив ќе биде поднесена соодветна кривична пријава.

Македонија | пред 3 седмици