МВР

Свеченост во МВР по повод 7 Мај – Денот на македонската полиција

Македонија денеска го одбележува 7 Мај – Денот на македонската полиција, празник посветен на полициските службеници и безбедносните структури во државата.По тој повод, во кругот на Министерството за внатрешни работи во Скопје ќе се одржи централна свеченост, на која обраќања ќе имаат министерот за внатрешни работи Панче Тошковски и директорот на Бирото за јавна безбедност, Александар Јанев.На настанот е најавено присуство на министри, претставници на институции и членови на дипломатскиот кор во земјава.Одбележувањето на Денот на македонската полиција продолжува и попладнево, кога од 17:30 часот на паркингот пред Градското собрание ќе биде организирана презентација на опрема и возила од различни полициски единици. Граѓаните ќе имаат можност одблиску да се запознаат со работата на полицијата и да се дружат со полициските службеници.Во 18:00 часот, на „Школка“ во Градскиот парк ќе се одржи музичко-забавен настан со настап на познати музички имиња.Датумот 7 Мај официјално е востановен како Ден на македонската полиција со одлука на Владата од 20 април 1993 година, кога го заменил дотогашниот датум 13 Мај.Изборот на датумот е поврзан со Смилевскиот конгрес од 1903 година, кој се смета за почеток на организираниот безбедносен систем во Македонија. Конгресот се одржал од 2 до 7 мај во демирхисарското село Смилево, родното место на Даме Груев, каде била воспоставена организација за заштита и безбедност во пресрет на Илинденското востание.Во тој период, вооружени жители на Смилево ја обезбедувале околината, додека низ соседните села функционирала мрежа на стражари и известувачи, позната како „жив телеграф“, за навремено предупредување од опасности.

Македонија | пред 3 седмици

Девет возачи уапсени – дел возеле без дозвола и под дејство на алкохол

Во текот на изминатото деноноќие, на територијата на целата држава, полициските службеници лишиле од слобода девет возачи поради безобѕирно управување моторни возила, информира Министерството за внатрешни работи.Од нив, седум возачи управувале возило без возачка дозвола, еден возел под дејство на алкохол, а еден со активна забрана за управување, исто така под дејство на алкохол.Случаи на возење без дозвола се регистрирани кај двајца возачи во Скопје, како и по еден во тетовско, Куманово, Гевгелија, Прилеп и Валандово. Во Валандово е затекнат и возач кој управувал возило под дејство на алкохол, додека во Свети Николе еден возач бил фатен како вози со активна забрана и под дејство на алкохол.По целосно документирање на случаите, против сите ќе бидат поднесени соодветни пријави.Од МВР упатуваат апел до сите учесници во сообраќајот да ги почитуваат правилата и прописите, да не управуваат возило без положен возачки испит, под дејство на алкохол или со изречена забрана за возење, со цел зголемување на безбедноста на патиштата.

Македонија | пред 3 седмици

(Видео) Апсење за криумчарење филери: сопственичка на салон користела непроверени препарати врз клиенти

Три лица, меѓу кои и сопственичка на салон за убавина, се лишени од слобода во акција поврзана со криумчарење и употреба на медицински препарати штетни по здравјето на граѓаните.„Секторот за контрола и истраги лиши од слобода три лица, меѓу кои и сопственичка на салон за убавина, осомничени за криумчарење на медицински препарати штетни по здравјето на граѓаните. Извршен е и претрес во салон за убавина, каде се пронајдени криумчарени непроверени дермални филери и други медицински производи кои се користат за убавина, но и за редуцирање маснотии, кои сопственичката на салонот ги користела врз клиенти“, соопштија од Царинската управа.Криминалната шема била разоткриена на влез во државата на граничниот премин Табановце, каде при детална контрола на комбе биле пронајдени 535 вијали со средство за слабеење и 7.400 етикети со натпис TIRZ 2.5 мг и TIRZ 5 мг, скриени во чаршави за постелнина.„Возилото, под постојан надзор на мобилен царински тим, го продолжило патот до местото каде што било договорено преземање на пратката од страна на сопственичката на салонот. Во моментот на исплатата, инспектори од Одделението за истраги ја лишија од слобода“, информираат од Царинската управа.По налог на јавен обвинител, извршен е претрес во салонот, при што биле пронајдени дополнителни криумчарени медицински препарати – дермални филери, средства за нивно разградување, производи за редуцирање маснотии, контурирање на лице, отстранување брчки и подмладување.„За пронајдените производи не била обезбедена документација за нивната безбедност, исправност и законит увоз, а според сомненијата, истите ги рекламирала и ги употребувала врз клиенти“, додаваат од Царинската управа.Против осомничените е поднесена кривична пријава до надлежното јавно обвинителство за криумчарење и производство и пуштање во промет штетни средства за лекување.Од Царинската управа најавуваат дека ќе продолжат со засилените контроли, со цел заштита на здравјето на граѓаните и санкционирање на сите незаконски активности.

Македонија | пред 3 седмици

Нов бран семејно насилство низ државата: повеќе лица приведени поради закани со нож, физички напади и агресија

Во изминатото деноноќие регистрирани се повеќе случаи на семејно насилство низ државата, при што полицијата лишила од слобода повеќе лица поради физички напади, закани и агресивно однесување во семејните домови.Во Штип, 38-годишен маж бил приведен откако, и покрај судска забрана да ѝ се доближува на сопругата, отишол пред нејзиниот дом и по расправија физички ја нападнал.Во Скопје, полицијата привела 55-годишен маж кој му се заканувал на својот син со остар предмет, додека во друг случај 40-годишник агресивно се однесувал во домот, оштетил покуќнина и им упатил закани на своите родители.Пријавен е и случај во општина Сарај, каде 18-годишник бил физички нападнат од својот брат по расправија. Со напаѓачот бил извршен службен разговор.Во Охрид, по пријава од сопруга за закани, кај 46-годишен маж полицијата пронашла и одзела пиштол, автоматска пушка и муниција.Во Дебар, 45-годишен маж бил лишен од слобода поради физички напад врз сопругата, додека во Прилеп жена пријавила дека нејзиниот сопруг ја нападнал со тврд предмет и ѝ нанел повреди.Од МВР информираат дека се преземаат мерки за целосно расчистување на случаите, по што против сторителите ќе бидат поднесени соодветни пријави.

Македонија | пред 3 седмици

Тошковски: Новата шалтер сала во МТВ – побрзи услуги и подобри услови за граѓаните и вработените

Министерот за внатрешни работи Панче Тошковски денеска ја пушти во употреба новата шалтер сала во Одделението за управни работи – Скопје, сместено во зградата на МТВ, со што, како што рече, се овозможуваат побрзи и поефикасни услуги за граѓаните.Со завршувањето на втората фаза од реконструкцијата, целосно е ставен во функција модерно уреден простор со над 10 шалтерски позиции, како и дополнителни канцеларии, санитарни простории, кујна и простор за архивирање на документација.Во новата сала, во почетната фаза, ќе се обезбедуваат услуги поврзани со постапки од областа на возилата, како и шалтерот „Безбеден град“, наменет за проверка и ажурирање на контакт-податоци на граѓаните, со најави за проширување на услугите во иднина.Тошковски истакна дека целта е модернизација на услугите и подобрување на условите за работа, нагласувајќи дека Министерството продолжува со инвестиции во инфраструктурата и јакнење на капацитетите.Според податоците од МВР, во изминатата година се пуштени во употреба и осум нови канцеларии за управни услуги низ државата, со што, како што се наведува, значително е олеснет пристапот на граѓаните до административни услуги.

Македонија | пред 3 седмици

Ја нападнал со тврд предмет и ѝ нанел повреди на својата сопруга

Од МВР информираат дека жена од Прилеп пријавила во ОВР Прилеп дека била физички нападната во семејниот дом од страна на нејзиниот сопруг.Според МВР, на 5 мај во 14:00 часот, таа пријавила дека сопругот С.К. употребил тврд предмет при нападот и ѝ нанел повреди.По пријавата се преземаат мерки за целосно документирање на случајот, по што ќе следува соодветна пријава против сторителот.

Македонија | пред 3 седмици

Сомнеж за хемиско загадување - граѓани пријавиле непријатна миризба во Карпош, Ѓорче Петров и Сарај

Повеќе граѓани пријавиле необична и непријатна миризба покрај кејот на реката Вардар во Скопје, што предизвика реакција од надлежните институции.Од МВР информираат дека во периодот од 21:00 до 00:30 часот на 5 кон 6 мај, биле примени пријави од жители на подрачјата на Карпош, Ѓорче Петров и Сарај, кои забележале миризба налик на хемиски агенси во воздухот.За случајот биле известени јавен обвинител, како и комунални инспектори и инспектор за животна средина од Град Скопје. Во тек се мерки за утврдување на изворот и причините за појавата.

Македонија | пред 3 седмици

Фатен како се обидува да запали трева покрај Охридското Езеро - уапсен 52 годишен стружанец

Надворешната канцеларија за криминалистички работи Струга поднесе кривична пријава против 52-годишен жител на селото Калишта, поради сомнение за сторено кривично дело „предизвикување општа опасност“.Според информациите од МВР, на 26 март годинава, на регионалниот пат Струга–Калишта, покрај Охридското Езеро, полициски службеници го затекнале осомничениот при обид да предизвика пожар, односно да запали трева и грмушки.Со случајот се постапува понатаму, а против пријавениот ќе се води соодветна постапка.

Македонија | пред 3 седмици

Тешко повреден мотоциклист во судир со автомобил во Скопје

Сообраќајна несреќа меѓу автомобил и мотоцикл се случила вчера попладне во Скопје, при што тешко е повреден мотоциклист.Од МВР информираат дека инцидентот бил пријавен околу 15:00 часот на сервисната улица што ги поврзува булеварот „Христијан Тодоровски-Карпош“ и улицата „Бутелска“. Во несреќата учествувале патничко возило „смарт“, управувано од 32-годишен скопјанец, и мотоцикл кој го управувал 29-годишник од Радишани.Во судирот, мотоциклистот се здобил со тешки телесни повреди, кои му биле констатирани во ЈЗУ „Св. Наум Охридски“ во Скопје.Увид на местото на несреќата извршила увидна екипа на СВР Скопје, а се преземаат мерки за утврдување на причините за сообраќајката.

Македонија | пред 3 седмици

Починал зад волан: 62-годишник најден починат во возило во Маџари

Од СВР Скопје информираат дека утрово во 09:03 часот било пријавено дека на улицата „Перо Наков“ во Скопје, во патничко возило „пежо“ со скопски регистарски ознаки, бил пронајден починат 62-годишен скопјанец.Според првичните информации, мажот починал додека го управувал возилото. Смртта ја констатирал лекар, а по наредба на јавен обвинител, телото е предадено на обдукција.Надлежните институции преземаат мерки за утврдување на точните околности за настанот.

Македонија | пред 3 седмици

Малолетник без дозвола фатен зад волан во тетовско, возилото одземено

СВР Тетово информира дека ноќеска, околу 01:30 часот, во селото Долно Палчиште, полициски службеници од Полициското одделение Камењане запреле патничко возило „фиат пунто“ со тетовски регистарски ознаки.При контролата било утврдено дека возилото го управувал 19-годишен жител на селото Боговиње, кој не поседувал возачка дозвола. Лицето било приведено, а возилото одземено.Од полицијата информираат дека по целосно документирање на случајот ќе следува соодветна пријава.

Македонија | пред 3 седмици

Од расправија на социјални мрежи до тепачка и пукање во двор во тетовско

СВР Тетово информира за серија поврзани инциденти што започнале со физички напад, а ескалирале со употреба на огнено оружје во тетовско.Според пријавата, на 5 мај околу пладне, на регионалниот пат Тетово–Јажинце, 31-годишен жител на село Стримница бил физички нападнат од три лица, по претходно недоразбирање на социјални мрежи. Нападнатиот се здобил со повреди кои му биле констатирани во Клиничкиот центар во Тетово.Двајца од осомничените, меѓу кои и едно малолетно лице, подоцна сами се пријавиле во полициска станица. По разговор во присуство на родител и адвокат, малолетникот бил пуштен, додека 25-годишниот напаѓач бил лишен од слобода и задржан во полициска станица. За третото лице се преземаат мерки.Инцидентот добил дополнителна тежина неколку часа подоцна, кога сопругата на нападнатиот пријавила дека во нивниот двор во Стримница дошле две маскирани лица со мотоцикл и испукале истрели од огнено оружје, по што избегале.Полицијата работи на идентификување и пронаоѓање на сторителите, како и на целосно расчистување на сите околности поврзани со случајот.

Македонија | пред 3 седмици

Префрлил 175 илјади денари на лажна сметка мислејќи дека комуницира со деловен партнер

СВР Тетово информира дека 32-годишен жител на тетовско село, управител на правно лице, пријавил измама извршена преку електронска пошта, при што бил оштетен за 175.275 денари.Според пријавата, на 6 март годинава добил електронска порака од адреса што наликувала на адреса на негов деловен соработник од странство. Во пораката била доставена про-фактура, по што пријавителот извршил уплата, не сомневајќи се дека станува збор за лажна комуникација.Измамата ја открил на 5 мај, откако остварил телефонски контакт со вистинскиот соработник и утврдил дека парите биле префрлени на погрешна сметка.Од полицијата соопштуваат дека се преземаат мерки за целосно расчистување на случајот.

Македонија | пред 3 седмици

Пет пријави за семејно насилство во едно деноноќие, две лица уапсени

Во последното деноноќие во земјава се регистрирани пет одделни случаи на семејно насилство, пријавени во Скопје, Тетово и Гостивар, информираат од Министерството за внатрешни работи. Две лица се лишени од слобода и приведени во полициска станица.Во првиот случај во Скопје, 75-годишна жена пријавила дека била физички нападната од својот син и неговата сопруга, при што бил оштетен и дел од покуќнината. Во вториот случај, 19-годишна девојка пријавила дека таа и нејзината мајка биле нападнати од нејзиниот татко во семејниот дом.Во Тетово, 30-годишна жена пријавила дека нејзиниот поранешен партнер ја следел и вознемирувал. Во Гостивар се регистрирани два случаи – во едниот сопруг ја нападнал сопругата и упатил закани кон неа и нејзиното семејство, додека во другиот случај маж бил приведен по пријава дека агресивно се однесувал кон својата мајка, а потоа и кон полициските службеници.Од МВР информираат дека по целосно документирање на случаите ќе бидат поднесени соодветни пријави против сторителите.

Македонија | пред 3 седмици

Опожарени земјоделски фолии во Идризово

Од МВР информираат дека на 4 мај 2026 година во 09:00 часот во СВР Скопје, Б.Д. (28) од село Идризово, скопско, пријавил дека му биле опожарени две земјоделски најлонски фолии со засадени градинарски култури.Од МВР информираат дека се преземаат мерки за целосно расчистување на случајот.

Македонија | пред 3 седмици

Тројца Непалци и двајца Индијци одгледувале и продавале марихуана во Кавадарци

ОВР Кавадарци поднесе кривична пријава против пет лица, државјани на Непал и Индија, кои престојувале во Кавадарци, поради сомнение за неовластено производство и пуштање во промет на наркотични дроги, психотропни супстанци и прекурзори.Станува збор за Б.K.Д. (27), С.М.П. (40) и Т.С.Д. (44) од Непал, како и Р.К. (33) и J.A. (27) од Индија.Според МВР, во просторот каде што престојувале, пријавените неовластено држеле и одгледувале марихуана, која била пронајдена во текот на јуни 2025 година

Македонија | пред 3 седмици

Малолетник фатен со кокаин, марихуана, амфетамин и дигитална вага

СВР Велес поднесе известување против малолетник од Неготино поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.На 02.02.2026 во Неготино, полициски службеници во два наврати затекнале како малолетникот на улица фрла марихуана, амфетамин и дигитална вага, а на 27.03.2026 на влез пред основно училиште, полициски службеници извршиле преглед над малолетникот, при што биле пронајдени и одземени кокаин, марихуана и амфетамин.

Македонија | пред 3 седмици

Со лажно одобрение за градба, продавал станови во Охрид

СВР Охрид поднесе кривична пријава против правно лице од Охрид и против О.Ф. (43) од Охрид, сопственик и управител на фирмата, поради сомнение за сторени кривични дела „измама“ и „фалсификување исправа“.Според МВР, во периодот 2024 и 2025 година, пријавениот свесно и со намера за прибавување имотна корист фалсификувал и прикажувал лажно одобрение за градење од општина Охрид, поврзано со надградба на станбена зграда.Тој, како што се наведува, преку веб-страница за продажба се рекламирал со огласи за станови и земал пари од повеќе лица.

Македонија | пред 3 седмици

Инцидент со огнено оружје во тетовско: Пукање од возило по договорена средба за „разрешување односи“

СВР Тетово поднесе кривична пријава против А.Ј.(23) од с.Одри, тетовско, за сторени кривични дела „загрозување на сигурноста“ и „предизвикување општа опасност“.На 22.05.2025, пријавениот се договорил со шест лица да се сретнат во с.Доброште за расчистување на меѓусебните односи, а откако пристигнал на договореното место со патничко возило го отворил прозорот и испукал неколку куршуми кон нив и продолжил да се движи со возилото, при што бил следен од возила во кои биле лицата, а во с. Пршовце и во с.Џепчиште А.Ј. повторно од возилото пукал со пиштол кон возилата на оштетените лица и продолжил да се движи кон Тетово.

Македонија | пред 3 седмици

Со оружје влегле во кладилница во Струга и ја ограбиле

Од МВР информираат дека надворешната канцеларија за криминалистички работи Струга поднесе кривична пријава против Т.Б. (29) и О.Ц. (22), двајцата од село Велешта, струшко, поради сомнение за сторено кривично дело „разбојништво“.Според МВР, на 16 јануари 2026 година во спортска обложувалница во Струга, пријавените со закана со огнено оружје кон вработениот го одзеле дневниот промет.

Македонија | пред 3 седмици

Возач на комбе за ученици тепал малолетник - таткото пријавил во полиција

На 04.05.2026 во 17:00 часот во СВР Скопје, Р.Ш.(47) од с.Елово, скопско, пријави дека во комбе во с. Елово, околу 11:00 часот, неговиот малолетен син бил физички нападнат од Н.Б. кој го возел комбето (организиран превоз за ученици), а наводно поради тоа што го валкал комбето.Се преземаат мерки за расчистување на случајот.

Скопје | пред 3 седмици

Четири лица уапсени во Скопје, одземена марихуана

Во текот на 4 и 5 мај 2026 година во Скопје, на повеќе различни локации, полициски службеници од СВР Скопје лишија од слобода четири лица поради пронајдена марихуана.Станува збор за Б.С. (22) и С.И. (35), двајцата од Скопје, како и Ф.И. (18) од село Петровец и С.Б. (35) од село Трубарево, скопско.Кај лицата, според МВР, била пронајдена и одземена марихуана, а по целосно документирање на случаите ќе следуваат соодветни поднесоци.

Македонија | пред 3 седмици

Претрес во Тополница: Одземена дрога и семки од канабис

ОВР Радовиш поднесе кривична пријава против Е.У. (38) од село Тополница, радовишко, поради сомнение за неовластено производство и пуштање во промет на наркотични дроги, психотропни супстанци и прекурзори.Според МВР, на 30 јули 2025 година полициски службеници извршиле претрес во домот и други простории на пријавениот, при што биле пронајдени и одземени марихуана, засадени стебла канабис и семки од истото растение.По документирање на случајот, против лицето е поднесена соодветна кривична пријава.

Македонија | пред 3 седмици

Уапсен обезбедувачот на премиерот Мицкоски поради напад на сопругата

Единицата за насилен криминал при СВР Скопје до ОЈО ГОКК поднесе кривична пријава по итна постапка против Раде Ристовски (39), вработен како полициски службеник во ОЗОЛО-ЕОПРСМ при Министерството за внатрешни работи, поради основано сомнение за сторено кривично дело „телесна повреда” по член 130 став 2 од КЗ, односно затоа што на 02.05.2026 физички ја нападнал неговата 37-годишна сопруга.Ристовски е лишен од слобода и изведен пред судија на претходна постапка, кој му одредил мерка притвор во траење од осум дена.Одделот за внатрешна контрола криминалистички истраги и професионални стандарди при МВР против полицискиот службеник ќе поднесе предлог за поведување на постапка за кршење на работниот ред и дисциплина и ќе изрече задолжителни мерки за отстранување од работното место.

Македонија | пред 3 седмици

Девојка повредена при бегство од кучиња скитници

Во ОВР Гостивар, на 04.05.2026 година во 08:50 часот, од Медицинскиот центар во Гостивар било пријавено дека кај нив со тешки телесни повреди била примена 19-годишна девојка од Гостивар.Според пријавеното, инцидентот се случил додека таа се движела по улицата „101“, кога била нападната од кучиња скитници. Во обид да побегне, паднала и се здобила со повреди.На местото на настанот бил извршен увид од увидна екипа на ОВР Гостивар.

Македонија | пред 3 седмици