МВР

Автобус со скопски таблички одземен кај Велес, родител пријавил дека повеќепати се расипувал

По претходна пријава во СВР Велес од страна на граѓанин чие малолетно дете било во автобус со скопски регистарски ознаки, сопственост на правно лице од Скопје, кој се враќал од екскурзија, дека автобусот неколку пати останувал дефект по пат, на 08.05.2026 во 22:50 часот, на наплатна станица „Отовица“, на автопатот Велес-Скопје, од страна на полициски службеници од СВР Велес, бил сопрен автобус „сетра“ со скопски регистарски ознаки управуван од А.Ѓ.(43) од Скопје.Автобусот е одземен и пренесен во станица за технички преглед за утврдување на техничка исправност. Патниците со друг автобус се безбедно пренесени до крајната дестинација.По целосно комплетирање на случајот и по завршување на вонредниот технички преглед ќе бидат поднесени соодветни поднесоци.

Македонија | пред 3 седмици

Пијан скопјанец уринирал врз службено возило на Град Скопје, па му искршил нос на комунален редар – интервенирала и полиција

Комунален редар од Град Скопје завршил со скршеници на носот по инцидент што се случил ноќеска пред бараките на Град Скопје, откако алкохолизирано лице уринирало врз службено возило, а потоа физички нападнало инспектор.Од МВР информираат дека случајот бил пријавен во 00:10 часот во СВР Скопје.„На булеварот ‘Илинден’ пред Град Скопје едно лице нападнало инспектор од Град Скопје. Тројца комунални инспектори забележале три лица, од кои едното уринирало врз нивното службено возило, по што веднаш го напуштило местото“, велат од полицијата.Според пријавата, откако неговите другари го повикале назад, било утврдено дека станува збор за Д.Т. (24) од скопското село Љубанци.„По кратка расправија помеѓу него и вработениот И.С. (51) од Скопје, настанала физичка пресметка, при што двајцата се здобиле со телесни повреди“, додаваат од МВР.Градоначалникот на Скопје, Орце Ѓорѓиевски, за „Скопје1“ изјави дека тројца мажи во алкохолизирана состојба претходно уништувале јавен имот и уринирале врз автомобили на градскиот паркинг.„Комуналниот редар кој тогаш пристигнал да преземе смена, ги запишал, едниот од нив правел проблеми, но другите двајца го однеле. Брзо потоа, истиот се вратил пред чуварската канцеларија во Град Скопје и ги навредувал, при што имало обид за насилство од негова страна“, вели Ѓорѓиевски.Тој додава дека редарот И.С. бил нападнат од алкохолизираното лице и притоа се здобил со скршеници на носот.„Редарот бил пренесен во болница каде му е извршена интервенција, а полицијата го завела случајот“, додава градоначалникот.Од МВР велат дека по целосно документирање на случајот ќе следува соодветна пријава.

Скопје | пред 3 седмици

Уапсени девет возачи: дел без возачка, еден со 1,77 промили алкохол

Во текот на изминатото деноноќие на целата територија на државата, полициските службеници лишија од слобода девет возачи за безобѕирно управување возило, од кои осум возеле без дозвола, а еден со активна забрана.Пет возачи во Скопје (од кои двајца малолетници), и по еден во Штип, Струга и Македонски Брод управувале возило без возачка дозвола. Кај возачот во Македонски Брод било констатирано дека е под дејство на алкохол, односно му биле измерени 1,77 промили алкохол во крвта. Додека, еден возач во Свети Николе управувал возило со активна забрана. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 3 седмици

Средношколец од Прилеп со лажен профил добил пристап до е-дневникот во цела држава и бришел податоци

ОВР Прилеп поднесе известување против ученик во средно училиште во Прилеп поради постоење основи на сомнение за сторено кривично дело „компјутерски фалсификат".Пријавениот, со лажно претставување дека е наставник по англиски јазик од основно училиште во Виница, креирал профил и стапил во контакт со вработена во Министерство за образование и наука, која му укажала дека разговорите со наставници не треба да се водат на социјални мрежи и му креирала официјална електронска адреса од Министерството за образование, му ги доделила лозинките од е-дневник како администратор од нејзината корисничка сметка, му соопштила да ги координира сите наставници.На тој начин пријавениот имал пристап до сите податоци од сите професори на ниво на државата, ги координирал и им помагал при водењето на електронскиот дневник.Во периодот од 2022 до ноември 2025 година, до моментот кога поранешната в.д. директорка го информирала пријавениот дека одредена професорка ѝ пријавила дека некој ги брише податоците од електронскиот дневник во училиштето, пријавениот ги избришал сите профили и акаунти од лажниот профил од социјалните мрежи, а исто така подоцна избришан бил и профилот oд службениот меил од МОН.

Македонија | пред 3 седмици

По алкохолизирана сообраќајка, 30-годишник нападнал полицаец и се обидел да му го земе пиштолот

СВР Битола поднесе кривична пријава против А.М.(30) од Прилеп поради постоење основи на сомнение за сторено кривично дело ,,спречување на службено лице при вршење на работи од безбедноста“.На 05.04.2026, по претходно случена сообраќајна незгода, во која учествувал под дејство на алкохол, пријавениот агресивно се однесувал и се обидел да одземе службен пиштол на полициски службеник, кој извршувал службени дејствија.

Македонија | пред 3 седмици

Го снимал со телефон, па го навредувал поради етничката припадност

СВР Велес поднесе кривична пријава против Љ.Т.(67) од Неготино поради постоење основи на сомнение за сторено кривично дело „предизвикување омраза, раздор или нетрпеливост врз национална, расна, верска и друга дискриминаторска основа“.На 26.02.2026, пријавениот снимал едно лице со телефон, а откако лицето го предупрелило да не го снима, тој го навредил поради неговата етничка припадност.

Македонија | пред 3 седмици

Ветил дека ќе му го среди дворот, му земал 50.000 денари и исчезнал

На 08.05.2026 во 09:15 часот во СВР Велес, 42-годишен велешанец пријавил дека бил измамен за сум од 50.000 денари.Според пријавеното, тој преку социјална мрежа стапил во контакт со В.Б.(31) од Скопје, по што се сретнале и се договориле В.Б. да изврши уредување на неговото дворно место, за што однапред му дал дел од договорената сума.Потоа, во неколку наврати со различни оправдувања В.Б. го избегнувал отпочнувањето на работата, а веќе извесен период воопшто не одговарал на пораките и повиците. Се преземаат мерки за расчистување на настанот.

Македонија | пред 3 седмици

Пензионери од Делчево пукале во мета покрај Брегалница – се подготвувале за натпревар

На 08.05.2026 во 10:25 часот во ОВР Делчево е пријавено дека на кеј на река Брегалница во Делчево, Н.А.(76), Ф.С.(80) и Б.П.(80), сите од Делчево, пукале во дрвена мета со две воздушни пушки со калибар 4,5 мм, сопственост на Здружението на пензионери од Делчево, каде тие биле членови.Според пријавеното и извршениот службен разговор со пријавените, тие во изминатиот период се спремале за пензионерски спортски натпревар кој треба да се одржи кон крајот на месец мај во Кочани.Метата, воздушните пушки и муницијата (дијаболи) се одземени  и по целосно документирање на случајот ќе следува соодветна пријава.

Македонија | пред 3 седмици

Жени се тепале пред влезот на гробиштата во Ѓорче: едната употребила и тврд предмет

На 08.05.2026 во 11:50 часот во СВР Скопје е пријавено дека пред влезот на гробиштата во Ѓорче Петров, по претходна расправија, бил нарушен јавниот ред и мир со физичка пресметка помеѓу 36-годишната З.К. и 55-годишната Д.З., двете од Скопје, при што бил употребен тврд предмет.По целосно документирање на случајот ќе следува соодветен поднесок.

Скопје | пред 3 седмици

Пет случаи на семејно насилство во Македонија: Полицијата приведе тројца мажи за напад врз сопругите

На 08.05.2026 во 10:30 часот во радовишко село, полициски службеници од СВР Струмица-ОВР Радовиш лишија од слобода 54-годишен жител на селото, постапувајќи по претходна пријава дека агресивно се однесувал кон неговата 78-годишна мајка. Лицето е задржано во Полициската станица Радовиш и за настанот е запознаен јавен обвинител од Основното јавно обвинителство Радовиш.На 08.05.2026 во 19:40 часот, полициски службеници од СВР Куманово го лишиле од слобода Х.С.(46) од кумановско село затоа што физички ја нападнал неговата мајка.На 08.05.2026 во 18:35 часот во Струга, полициски слуижбеници од ОВР Струга го лишија од слобода А.Б.(53) од Струга, постапувајќи по претходна пријава дека во семејниот дом физички ја нападнал неговата 50-годишна сопруга.На 08.05.2026 околу 21:30 часот во Охрид, полициски службеници од СВР Охрид го лишија од слобода Х.Р.(45) од Охрид, постапувајќи по претходна пријава дека во семејниот дом физички ја нападнал неговата 50-годишна сопруга, при што употребил тврд предмет.На 08.05.2026 во 19:30 часот, полициски службеници од СВР Тетово го лишиле од слобода Н.Д. (44) од Тетово, постапувајќи по претходна пријава дека се заканувал на неговата поранешна 34-годишна сопруга.Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.

Македонија | пред 3 седмици

Уапсени три лица: пронајдени марихуана, дигитална вага, пари и пушка

На 08.05.2026 во периодот од 14:30 до 19:00 часот во Гостивар и гостиварско, полициски службеници од Надворешната канцеларија за криминалистички работи Гостивар го лишиле од слобода Е.А.(24) и Д.Ш. (24) во Гостивар и Л.Г.(20) во с.Долна Бањица, гостиварско.При преглед кај лицето Е.А. е пронајден и одземен мобилен телефон и предмети со остатоци од наркотична дрога.Врз основа на наредба од Основен суд Гостивар, полициските службеници извршиле претрес во домот и помошните простории кај Д.Ш.. При претресот биле пронајдени и одземени повеќе пакувања со марихуана, дигитална вага и пари во различни валути и апоени.Исто така, претрес со судска наредба бил извршен и во домот на Л.Г. во с.Долна Бањица. При претресот биле пронајдени и одземени ќеса со марихуана и малокалибарска пушка со рамка од четири куршуми.Тројцата се задржани во полициска станица и по документирање на случаите против нив ќе следи соодветни пријави.

Македонија | пред 3 седмици

Дрога и дигитална вага откриени при полициски контроли, три лица приведени

Министерство за внатрешни работи соопшти дека во текот на 7 и 8 мај 2026 година, на повеќе локации во Скопје, полициски службеници од СВР Скопје ги лишиле од слобода 26-годишниот Д.Д. и 20-годишниот Ј.М., двајцата од Скопје, бидејќи кај нив била пронајдена и одземена марихуана.Од полицијата информираат дека по целосно документирање на случаите ќе следуваат соодветни поднесоци.Во одделен случај, на 7 мај во 17:30 часот во населбата Фазанерија во Гостивар, полициски службеници од ОВР Гостивар го лишиле од слобода 34-годишниот Ј.К. од Гостивар.При преглед кај него биле пронајдени и одземени марихуана и дигитална вага. Тој бил задржан во полициска станица, а по документирање на случајот ќе следува соодветен поднесок.

Македонија | пред 3 седмици

Расправија во Чаир меѓу две жени завршила со меѓусебни пријави за напад

Министерство за внатрешни работи соопшти дека на 7 мај 2026 година во СВР Скопје, 37-годишна жена од Скопје пријавила дека претходниот ден околу 18:00 часот во дом на подрачјето на Чаир, по претходна расправија, била физички нападната од 33-годишна жена од Скопје, која притоа ја снимала со мобилен телефон.Од полицијата информираат дека претходно, на 6 мај, и 33-годишната жена пријавила дека околу 18:45 часот била физички нападната од 37-годишната жена.По целосно документирање на случајот ќе следуваат соодветни поднесоци, соопшти МВР.

Македонија | пред 3 седмици

Пријава за физички напад во семејство во Кисела Вода

Министерство за внатрешни работи соопшти дека на 7 мај 2026 година во 18:20 часот во Полициска станица Кисела Вода на службен разговор бил повикан 30-годишниот А.Џ. од Скопје.Полицијата постапила по претходна пријава од неговата 29-годишна сопруга, која навела дека била физички нападната од него.Од МВР информираат дека по целосно документирање на случајот ќе следува соодветна пријава.

Македонија | пред 3 седмици

Две малолетни лица нападнале малолетно девојче на Бит Пазар

Министерство за внатрешни работи соопшти дека на 7 мај 2026 година во СВР Скопје, 53-годишниот Т.И. од Скопје пријавил дека неговата малолетна внука била физички нападната.Според пријавата, нападите се случиле на 5 и 6 мај околу 18:30 часот на подрачјето на Бит Пазар, а напаѓачи биле двајца малолетници.Од МВР информираат дека се преземаат мерки за расчистување на случајот.

Македонија | пред 3 седмици

Мајка ја нападнала својата малолетна ќерка

Министерство за внатрешни работи соопшти дека на 7 мај 2026 година во СВР Скопје, 49-годишниот С.Б. од Скопје пријавил случај на семејно насилство.Според пријавата, на 3 мај околу 23:00 часот тој добил порака на мобилниот телефон од неговата малолетна ќерка, во која таа навела дека била физички нападната од нејзината 43-годишна мајка.Откако телефонски ја контактирал, мајката му упатила и закани, се наведува во пријавата.Од МВР информираат дека се преземаат мерки за расчистување на случајот.

Македонија | пред 3 седмици

79-годишник од Скопје уапсен за вознемирување на малолетно девојче

Министерство за внатрешни работи соопшти дека на 7 мај 2026 година во 23:00 часот во Скопје, полициски службеници од СВР Скопје го лишиле од слобода 79-годишниот Д.Д. од Скопје.Полицијата постапила по претходна пријава дека околу 15:00 часот во неговиот семеен дом тој недолично допирал по телото малолетна сосетка.Од МВР информираат дека по целосно документирање на случајот ќе биде поднесена соодветна пријава.

Македонија | пред 3 седмици

Превезувал огревно дрво со истечена лиценца

Министерство за внатрешни работи соопшти дека на 7 мај 2026 година во 21:30 часот во ОВР Неготино бил извршен службен разговор со 57-годишниот Т.Л. од Демир Капија.При сообраќајна контрола на регионалниот пат Неготино – Лакавица, кај местото викано „Пепелишки мост“, полициски службеници сопреле товарно возило „мерцедес“ со демиркаписки регистарски ознаки, натоварено со огревно дрво и управувано од Т.Л.Од извршената контрола било утврдено дека дрвата биле превезувани со соодветна документација, но лиценцата за вршење јавен превоз била со измината важност.Од МВР информираат дека по целосно документирање на случајот ќе биде поднесена соодветна пријава.

Македонија | пред 3 седмици

Велешанка измамена преку лажна СМС порака за сообраќаен прекршок, оштетена за над 16.000 денари

Министерство за внатрешни работи соопшти дека на 7 мај 2026 година во СВР Велес, 43-годишна жена од Велес пријавила дека била измамена за сума од 16.592 денари.Според пријавеното, на 5 мај таа добила СМС порака за наводно сторен сообраќаен прекршок што требало да го плати.Во пораката имало линк до веб-страница со инструкции за плаќање, при што било наведено дека доколку ги следи упатствата ќе плати само половина од износот на казната.Откако ги внела податоците од својата банкарска сметка, во неколку наврати добила известување за неуспешно плаќање, а подоцна забележала дека од сметката ѝ биле повлечени пари.Од МВР информираат дека се преземаат мерки за расчистување на случајот.

Македонија | пред 3 седмици

Тешко повреден 74-годишен возач во сообраќајка кај Неготино

Министерство за внатрешни работи соопшти дека на 7 мај 2026 година во 08:20 часот во ОВР Неготино било пријавено дека на регионалниот пат Неготино – Демир Капија се случила сообраќајна несреќа меѓу две патнички возила.Во несреќата учествувале патничко возило „даеву тико“ со велешки регистарски ознаки, управувано од 74-годишниот Д.М. од Неготино, и патничко возило „рено“ со неготински регистарски ознаки, управувано од 49-годишниот Ј.Т. од Неготино.Според информациите од полицијата, возачот на „даеву тико“ се здобил со тешки телесни повреди, кои биле констатирани во Општа болница Кавадарци.Увид на местото на несреќата извршила увидна екипа на ОВР Неготино.

Македонија | пред 3 седмици

Жител на Боговиње испраќал заканувачки пораки и барал пари преку социјални мрежи

Министерство за внатрешни работи соопшти дека СВР Тетово поднел кривична пријава против 45-годишниот А.А. од Боговиње поради сомнение за сторено кривично дело „загрозување на сигурноста“.Според полицијата, пријавениот преку социјални мрежи испраќал пораки со заканувачка содржина кон едно лице, при што барал и пари.Од МВР информираат дека против него е поднесена соодветна кривична пријава.

Македонија | пред 3 седмици

Со картичка и полномошно на починат сопруг подигала пари од негова банкарска сметка

Министерство за внатрешни работи соопшти дека Надворешна канцеларија за криминалистички работи Делчево поднела кривична пријава против 54-годишната Р.С. од Делчево поради сомнение за сторено кривично дело „оштетување и неовластено навлегување во компјутерски систем“.Според полицијата, на 23 декември 2025 година пријавената ги искористила податоците и полномошното на нејзиниот починат сопруг, при што со дебитна картичка подигнала готовина од банкомат и извршила други плаќања.Следниот ден, како што наведуваат од МВР, таа ги довела во заблуда вработените во банка, не кажувајќи дека сопругот е починат, по што со полномошното подигнала дополнителни средства и на шалтер.Од полицијата информираат дека против неа е поднесена соодветна кривична пријава.

Македонија | пред 3 седмици

Кривична пријава против гостиварец за напад врз сопругата и ќерката

Министерство за внатрешни работи соопшти дека Надворешна канцеларија за криминалистички работи Гостивар поднела кривична пријава против 31-годишниот А.М. од Гостивар поради сомнение за сторени кривични дела „телесна повреда“ и „загрозување на сигурноста“.Според пријавата, на 3 мај 2026 година во семејниот дом, пријавениот физички ги нападнал неговата сопруга и нивната малолетна ќерка.Од МВР информираат дека се преземаат понатамошни мерки во врска со случајот.

Македонија | пред 3 седмици

20 годишна турска државјанка пронајдена мртва во стан во Штип

Министерство за внатрешни работи соопшти дека на 7 мај во 14:48 часот во СВР Штип било пријавено дека во стан во Штип е пронајдено починато женско лице.Полициски службеници излегле на местото, при што било утврдено дека станува збор за У.Е. (20), државјанка на Турција.Увид на местото извршила екипа на СВР Штип, а по наредба на јавен обвинител телото било предадено за обдукција.Од МВР информираат дека се преземаат мерки за целосно расчистување на случајот.

Македонија | пред 3 седмици

Во недела посебен сообраќаен режим во Скопје поради улична трка

Министерство за внатрешни работи соопшти дека вo недела, на 10 мај, во Скопје ќе биде воведен посебен режим на сообраќај поради одржување на улична трка на 10 километри.Настанот, во организација на Сојуз на спортови на Скопје, ќе се одржи во периодот од 08:00 до 11:30 часот.Стартот на трката е предвиден на булеварот „Илинден“, пред фонтаната „Лотос“, а трасата ќе се движи по булеварот „Илинден“, улицата „Никола Парапунов“ и булеварот „Партизански одреди“, со неколку кружни свртувања и враќање кон стартната позиција.Од МВР информираат дека Единица за безбедност на патниот сообраќај ќе преземе мерки за посебен режим на сообраќај, а возилата ќе бидат пренасочувани по околните улици.Полицијата апелира до граѓаните да ги почитуваат насоките и наредбите на полициските службеници на сообраќајниците каде што ќе се одвива настанот.

Македонија | пред 3 седмици