СДСМ

(Видео) Филипче ги избрка од СДСМ тие кои „седат на две столчиња“

Претседателот на СДСМ, Венко Филипче, порача дека партијата влегува во фаза на целосна внатрешна консолидација и дека повеќе нема да толерира членови кои, како што рече, „седат на две столчиња“ и истовремено работат за други политички опции.Филипче јасно стави до знаење дека СДСМ ќе биде отворена за сите кои искрено сакаат да се борат заедно со партијата, но дека нема место за оние кои ја поткопуваат одвнатре. Тој упати директна порака до, како што ги нарече, „тројанските коњи“, потенцирајќи дека таквото однесување повеќе нема да биде дозволено.„Кој сака да се бори рамо до рамо со нас, добредојден е – вистински, искрено, братски. Но кој планира да нѐ поткопува одвнатре, да биде тројански коњ на ВМРО или на други интересни групи, нека си замине веднаш. Немаме време за предавства. Немаме луксуз за суети. Или сме заедно во оваа битка за живот и смрт на демократијата или не сме ништо. Јас бирам да бидеме сѐ“, изјави Филипче.Тој нагласи дека партијата нема да функционира од „удобни фотељи“ и преку објави на социјалните мрежи, туку дека СДСМ се враќа на терен, меѓу граѓаните. Според него, активностите на партијата ќе бидат насочени кон директен контакт со луѓето, но не со цел да се моли за поддршка, туку да се разбуди јавната свест и политичката енергија во државата.„Нема пишување статуси од удобни фотељи. СДСМ е на терен, ќе чукаме на секоја врата, но не за да молиме за гласови, туку да ја разбудиме Македонија“, порача лидерот на СДСМ.Со овие пораки, Филипче испраќа сигнал дека во периодот што следува СДСМ ќе инсистира на лојалност, јасна политичка определба и активна вклученост на членството, во обид да се зацврсти партијата пред идните политички предизвици.Ова доаѓа откако челници на партијата помеѓу кои се Петре Шилегов и Јован Деспотовски, јавно го критикуваа Филипче.

Македонија | пред 4 месеци

(Видео) Филипче на конгресот: Ние сме лекот, ние сме гласот што грми - државотворноста ни тече низ вените

Претседателот на СДСМ, Венко Филипче, на 31. Конгрес на партијата упати остар и симболичен говор, во кој СДСМ ја позиционираше како државотворна и заштитничка сила во македонското општество, спротивставена на, како што рече, обидите за поделба, пљачка и изолација на државата.„Ние сме директни наследници на тие кои во 1944 година имаа храброст да кажат дека тука ќе има држава. Таа државотворност тече низ вените на секој еден од нас. Црвената боја на знамињата не е декор, туку потсетник да ја чуваме републиката тогаш кога другите сакаат да ја поделат, пљачкаат и изолираат“, изјави Филипче.Во говор исполнет со силна реторика, тој ја опиша СДСМ како клучен коректив и заштитен механизам во општеството.„СДСМ е имунолошкиот одбранбен систем. Ние сме лекот, ние сме гласот што грми“, порача претседателот на партијата, нагласувајќи дека улогата на СДСМ не е само политичка, туку и историска и општествена.Филипче направи и историска паралела, истакнувајќи дека во најтешките моменти за државата, СДСМ била таа што го осветлувала патот.„Кога ѝ се спуштал мрак на државата, СДСМ била факелот кој го покажувал патот“, рече тој.Во завршниот дел од обраќањето, лидерот на СДСМ упати жестока критика кон актуелната власт, оценувајќи дека состојбите во државата претставуваат „брутално отрезнување“ за граѓаните.„Ова е собир за спас на македонското достоинство. Погледнете што се случува надвор. Што ни донесоа овие на власт – тоа е брутално отрезнување. Ни ветија гордост, а нѐ донесоа до питачки спас“, изјави Филипче, завршувајќи со порака дека СДСМ останува подготвена за, како што рече, борба за државата и за граѓаните.

Македонија | пред 4 месеци

СДСМ одржува конгрес: Филипче очекува дебата без тензии, Шилегов не е поканет, а Заев - да

Денеска од 11 часот, во хотелот „Александар Палас“ во Скопје, се одржува 31. Конгрес на Социјалдемократски сојуз на Македонија, на кој делегатите ќе расправаат за изборниот резултат од последните локални избори, за внатрепартиските состојби и за идните политички насоки на партијата. Конгресот ќе има отворен и работен, затворен дел, а централно обраќање во јавниот дел ќе има претседателот на СДСМ, Венко Филипче, кое медиумите ќе можат да го проследат во целост.Во затворениот дел, според партиски извори, генералниот секретар и шеф на изборниот штаб, Александар Саша Димитријевиќ, ќе го презентира извештајот за изборниот процес, по што е предвидено гласање за доверба на Централниот и на Надзорниот одбор. Делегатите ќе разгледуваат и статутарни измени, меѓу кои и предлози за воведување нови дигитални платформи за комуникација со членството и со гласачите.Конгресот се одржува во период на засилени внатрепартиски превирања и јавни критики кон актуелното раководство, кои се интензивираа по слабите изборни резултати. Филипче, кој изминативе денови е под притисок од поранешни високи функционери, меѓу кои Петре Шилегов и Јован Деспотовски, изјави дека не очекува тензиите да кулминираат на самиот конгрес.„Очекувам дебата и јавување на делегатите за дискусија. Конгресот е вистинскиот форум за критики. Не очекувам тензии, туку реални и аргументирани забелешки“, изјави Филипче, најавувајќи дека по завршувањето на конгресот ќе следуваат интензивни активности на терен, особено во општинските организации, со цел поголема партиска мобилизација.Во пресрет на конгресот, Филипче јавно порача дека нема намера да се повлече од лидерската функција и дека негов приоритет остануваат борбата против корупцијата, економскиот и социјалниот развој и враќањето на државата на европскиот пат. Тој критиките од дел од поранешните функционери ги оцени како обиди за ослабување на партијата, тврдејќи дека вистинското членство ги препознава тие процеси.Потпретседателката на СДСМ, Јована Тренчевска, во јавни настапи изрази уверување дека конгресот ќе биде успешен и дека мнозинството делегати ќе присуствуваат, што, според неа, е доказ за внатрешното единство и желбата за континуитет во работењето на партијата.Главните критичари на раководството, Шилегов и Деспотовски, не се меѓу 740-те поканети делегати на конгресот. Шилегов претходно обвини дека не биле испочитувани процедурите за негово свикување и дека до делегатите не биле доставени конгресни материјали, извештаи и предлог-заклучоци, што, според него, ја оневозможува суштинската расправа за причините за изборниот пораз и за мерките што треба да се преземат.На конгресот се поканети и поранешните лидери на СДСМ, Зоран Заев и Владо Бучковски, додека покана не добил Бранко Црвенковски, кој претходно го замрзна своето членство во партијата.Денешниот конгрес се оценува како клучен момент за идната насока на СДСМ, бидејќи треба да покаже дали партијата ќе успее да ги надмине внатрешните поделби и да изгради јасна политичка стратегија по изборните неуспеси и критиките што со месеци се слушаат во јавноста.

Македонија | пред 4 месеци

СДСМ: Орбан преку Мицкоски го шири влијанието на Балканот

СДСМ со длабока загриженост ги следи најновите случувања во регионот, кои откриваат како унгарскиот премиер Виктор Орбан го шири своето влијание врз клучните економски и енергетски сектори на Балканот. Во Давос, премиерот Мицкоски немаше средба со ниту еден висок европски или светски лидер. Видеата кои сам си ги снимаше се гледа дека имал само неколку средби со негови партнери меѓу кои и сопственикот на унгарската 4iG, велат од опозициската СДСМ.„Политичката и бизнис спрега на релација Орбан-Мицкоски влијае и врз Македонија.Според најновите информации, унгарската енергетска компанија MOL, блиска до Орбан, потпишала прелиминарен договор во обид за купување на 56,15% од акциите во српската нафтена индустрија (НИС), која досега беше под контрола на рускиот Газпром.Овој обид не е само бизнис потег, таа е дел од Орбановиот план за контрола врз енергетските ресурси во регионот, вклучувајќи го и главниот енергетски систем на Србија, кој НИС го доминира како единствен рафинерија за нафта во земјата.Покрај ова, Орбан преку унгарски компании веќе инвестира во банкарскиот сектор во Србија, како што е случајот со OTP банка, која има значително присуство и аквизиции во регионот, како и во различни сфери на бизнисот.Ова ширење на влијанието сега го опфаќа и енергетскиот сектор, со планови за нафтовод меѓу Србија и Унгарија и зголемени испораки на нафта од MOL кон Србија поради санкциите.Двете земји и понатаму одржуваат блиски односи со Русија иако тоа е спротивно на политиката на ЕУ која бара и воведување на санкции.Во исто време и Мицкоски најавува интерес за енергетски проекти во Македонија.Овие чекори се дел од затворениот круг Фидес-СНС-ВМРО, каде што Орбан, Вучиќ и Мицкоски соработуваат за да ги зајакнат своите позиции на штета на европските интеграции и демократијата.Ова не е изолиран случај, потсетува на веќе видените врски, како што е влезот на 4iG во македонскиот телеком сектор, која е блиска до Орбан и добива масивна државна поддршка во Унгарија.Таквите инвестиции служат за зголемување на контролата врз стратешки сектори, медиуми и информации, создавајќи мрежа на авторитарни влијанија што ја изолираат регионот од ЕУ.СДСМ веќе неколку месеци предупредува за овие планови на ВМРО, кои копираат модели од Фидес и СНС, злоупотребувајќи ја власта за лични и партиски интереси.СДСМ повикува на будност и заштита на националните интереси од странски влијанија што ја загрозуваат независноста и европската иднина на Северна Македонија.Не смее да се дозволи нашата земја да стане дел од овој круг на корупција и авторитарност.Борбата за праведна и европска Македонија продолжува“, се вели во соопштението.

Македонија | пред 4 месеци

Тренчевска: ВМРО-ЗНАМ ги одби сите амандмани за Кривичниот законик, членот 353 остана избришан

Потпретседателката и пратеничка на СДСМ, Јована Тренчевска, обвини дека коалицијата ВМРО-ЗНАМ на денешната комисиска расправа ги одбила сите амандмани поднесени од СДСМ за Кривичниот законик, вклучително и предлогот за враќање на членот 353 – злоупотреба на службената положба и овластување, во формата пред измените од 2023 година.Според Тренчевска, причината за ваквата одлука е јасна – со сегашните законски решенија, како што рече, не постои вистинска одговорност во најкритичната област, а тоа се тендерите. Таа оцени дека без силен и ефикасен член 353, владејачката коалиција си остава простор државните пари да се распределуваат кон блиски фирми, без страв од санкции.Тренчевска информираше дека бил одбиен и амандманот со кој СДСМ барало бришење на рокот од пет години за конфискација на имот стекнат со криминал, посочувајќи дека е недозволиво украдениот имот од граѓаните да не може да се конфискува без оглед на времето кога е стекнато. „Правда со рок на траење не е правда“, порача таа.Како трет спорен момент, Тренчевска наведе дека владејачкото мнозинство одбило да воведе строги и јасни правила за функционирањето на системот „Safe City“, со кои дигиталните податоци и снимки би се бришеле во рок од 48 часа, а пристап до нив би бил можен исклучиво со судски налог. Според неа, со ваквото решение се остава простор за злоупотреби и за претворање на Министерството за внатрешни работи во партиски инструмент за следење, притисоци и уцени врз граѓаните.Дополнително, таа посочи дека биле одбиени и амандманите за драстично зголемување на казните за организиран криминал, како и за проширување на условите за конфискација, со цел криминалниот имот да не може да се сокрива зад туѓи имиња, параван-фирми и фиктивни сопственици. Тренчевска истакна дека не поминале ниту предлозите за зајакната кривично-правна заштита на децата од најтешките форми на експлоатација.„Ова е уште еден доказ за она што СДСМ подолго време го говори – се случува грабеж на државните пари преку криминални тендери, а наместо правда, гледаме обид за спас од одговорност“, изјави Тренчевска.Таа порача дека, и покрај актуелните одлуки, одговорност за криминал ќе има. „Кога-тогаш, никој нема да се спаси. Сите ќе одговарате“, порача потпретседателката на СДСМ.

Македонија | пред 4 месеци

ДУИ нудела влез во Владата по секоја цена, Ахмети прифатил помалку министерства и без претседател на Собрание, вели Стојаноска

Пратеничката на ВМРО-ДПМНЕ, Дафина Стојаноска, изјави дека лидерот на ДУИ, Али Ахмети, бил подготвен на значајни отстапки само за да стане дел од новата влада, вклучително и прифаќање помал број министерства од коалицијата ВЛЕН и откажување од барањето Албанец да биде претседател на Собранието.Стојаноска посочи дека Ахмети во јавноста тврди оти пред една година со претседателот на Владата, Христијан Мицкоски, договорил предвремени избори, но, како што нагласи, не ја кажува целосната вистина за средбата што се одржала во нејзината канцеларија. Според неа, на таа средба Ахмети нудел влез во Владата без барање за претседателско место во Собранието и со прифаќање едно министерско место помалку од она што го барала коалицијата ВЛЕН, само за да биде дел од истата влада.„Ние останавме истрајни во она што беше јасна порака од народот – дека ДУИ мора да оди во опозиција. Затоа, пред да кажува невистини, нека размисли добро и нека биде подготвен дека ние ќе кажуваме вистини“, изјави Стојаноска.Таа додаде дека останува отворено прашањето дали ваквите јавни изјави на Ахмети имаат за цел да ја спречат ерозијата во сопственото членство и кај досегашните поддржувачи на ДУИ.

Македонија | пред 4 месеци

СДСМ: Додека работниците немаат за леб се делат милионски тендери во Пошта.

Вработените во Пошта од целата земја денеска протестираат затоа што сè уште не земале плата. Доцни платата на 1.700 работници, и тоа со месеци. Тендер коалицијата ВМРО-ЗНАМ нема пари за плати ама има за криминални тендери, велат од СДСМ.„Додека работниците немаат за леб се делат милионски тендери во Пошта.СДСМ веќе го објави скандалот, како фирма на советникот од ЗНАМ, основана на 10 јули 2024 година, добила тендер од Пошта во вредност од 1,2 милиони евра за чистење.Но за овој сканадал со тендерот во Пошта нема никаква реакција од ниту една институција досега.Што се чека?Корупцијата и криминалот на ВМРО-ЗНАМ ја загрозува егзистензијата на работниците.Не може да нема пари за плати на работниците. За ова мора да има одговорност.АКТ продолжува борбата против криминалот и корупцијата ќе продолжи.Сите ќе одговарате!Работата не е завршена“, се вели во соопштението.

Македонија | пред 4 месеци

СДСМ со амандмани бара измени на КЗК и враќање на 353 од пред 2023 година

Пратениците на СДСМ поднесоа повеќе амандмани на Предлог на Закон за изменување и дополнување на Кривичниот законик.„Во нив се земени предвид аргументите на експертите и невладините организации изнесени на јавната расправа како и заложбите на СДСМ за прецизни законски решенија кои ќе обезбедат услови за борба притив криминалот и корупцијата.СДСМ бара менување на членот 353 Злоупотреба на службената положба и овластување и враќање на решението пред измените на Кривичниот законик од 2023 година.Сегашните измени кај челнот 353 ја намалуваат одговорноста кај најважното – тендерите.Ова мора да се промени.Тендерската коалиција ВМРО-ЗНАМ е позната по начинот на којшто ги дели тендерите на свои фирми и без оваа промена нема никаква борба против криминалот и корупцијата.СДСМ бара и целосно бришење на рокот од 5 години. Имотот стекнат со криминал мора да се конфискува без разлика кога е украден. Правдата и украдените пари на граѓаните не смеат да имаат рок на траење!Дигиталните податоци и снимки од системот „Safe City“ мора да се бришат во рок од 48 часа! Пристап до нив може да има само и исклучиво со судски налог. Не може да се дозволи МВР да го злоупотребува, да бидат партиски инструмент за следење и уцена на граѓаните.Бараме драстично зголемување на казнената политика за секој кој се организира во група за вршење тешки кривични дела. Мора да има јасно разграничување и максимални казни за мафијашките структури.Бараме зајакнување на кривично-правната заштита на децата од најтешките форми на експлоатација. Тука нема место за компромис или благи казни.Покрај овие клучни столбови, СДСМ со амандмани бара и проширување на условите за конфискација: за имотот да не може да се сокрие зад туѓи имиња и параван-фирми.Додека ВМРО-ДПМНЕ и ЗНАМ го подготвуваат теренот за легален грабеж на парите на граѓаните, СДСМ поднесе амандмани кои значат само едно – одговорност и казна“, информираат до партијата.

Македонија | пред 4 месеци

СДСМ обвинува: ВМРО со кривични предмети врши притисок врз Деспотовски и Шилегов

Како СДСМ со сета сила го објавува криминалот на тендер коалицијата ВМРО-ЗНАМ така се засилуваат хајките, црните кампањи и обидите за рушење на СДСМ одвнатре. Сите диригирани и координирани од еден центар - ВМРО, велат од СДСМ.„ВМРО најде двајца слаби од нашите редови за ова предавството.  Прашањето е зошто? Зошто токму Деспотовски и Шилегов се одбрани за напад врз СДСМ?Кои се причинско последичните факти?Против Јово Деспотовски е поднесена Кривична пријава од Управата за финансиска полиција со сомневање за злоупотреба на службената положба и овластување.Осомничен е дека како службено лице – директор на Дирекцијата за технолошки индустриски развојни зони во Скопје во 2022 година, заедно со други службени лица му овозможиле на едно правно лице да прибави противправна имотна корист која надминува значителна вредност од  10 милиони евра.  Постапката сè уште е во тек.Сега дали е појасно?По неуспешните првични обиди, Деспотовски ги продолжи нападите кон СДСМ, во директна координација со Геро и објави на неговиот портал.Дури се користи и иста реторика и истите теми како ВМРО. од страна на Деспотовски, но и од страна на Шилегов.Предавството на Шилегов можеби е очекувано поради пороците, приватните слабости и долгови. Но, според информации со кои располагаме, Основното јавно обвинителство во 2024 година доставило барање за доставување податоци и за оформен предмет за јавна набавка на Град Скопје од 2021 година.Овој предмет се уште е во истражна постапка но се однесува на времето на времето кога Петре Шилегов ја извршуваше функцијата Градоначалник на Скопје.ВМРО ги уценува со кривични пријави или други процеси.СДСМ уште еднаш порачува дека обидите за рушење на СДСМ од внатре нема да успеат.Ќе се избориме со сите напади.Нема неколку вакви слаби обиди да нè поколебаат во нашата борба против криминалот и корупцијата на ВМРО“, стои во соопштението.

Македонија | пред 4 месеци

СДСМ обвинува: Орбановата 4iG со политичка поддршка на ВМРО влегува на македонскиот пазар

Мицкоски во Давос ја покажа изолацијата, немаше средба со високи европски и светски лидери. Во видеа кои сам си ги снимаше видовме само средби со неколку негови партнери меѓу кои и со сопственикот на унгарската 4iG, вели опозициската партија СДСМ.„Ова уште еднаш го потврдува она што СДСМ цело време го говори, за политичката и бизнис спрега Орбан-Мицкоски и како влијае врз Македонија.4iG е унгарска ИТ и телекомуникациска компанија која прерасна во голем играч во телекомуникацискиот сектор, вклучително и во мобилните оператори. Таа е сопственик на Vodafone Hungary (денес под брендот One Hungary), кој беше купен во 2023 година во партнерство со унгарската држава. 4iG поседува 51%, а државата 49%. Компанијата стана „национален шампион“ во Унгарија, со ширење и во други држави.4iG е длабоко поврзана со Виктор Орбан и неговата бизнис-империја. Тој лично интервенирал во преговорите за аквизиции, како на пример при купувањето на Invitech во 2021 година, кога во Лондон ги убедил кинеските сопственици да ја продадат компанијата на 4iG, со поддршка на унгарската дипломатија.Унгарската влада обезбеди масивна поддршка: повеќе од 189 милиони евра тајни државни инвестиции преку фондови како iG COM, олеснувања во регулаторните постапки (на пример изземање од антимонополски контроли) и финансирање преку државни банки за купувањето на Vodafone.Компанијата е дел од планот на Орбан за изградба на провладин бизнис во стратешки сектори, како што се телекомуникациите, со цел да се намали влијанието на странските компании и да се зголеми контролата врз информативните мрежи.Оваа поддршка ѝ овозможи на 4iG брз раст – од мала ИТ фирма до конгломерат со интереси во одбраната (партнерство со Rheinmetall и купување државни удели во воената индустрија во 2025 година).Медиумите во ЕУ ова го гледаат како начин Орбан да пренасочува државни средства кон своите сојузници, во согласност со неговата политика од 2010 година наваму.Сега е појасно зошто оваа врска потсетува на врските на Мицкоски и неговите ортаци кои добиваат тендери.Исто така, појасна е и бизнис позадината на „тендер коалицијата““, се вели во соопштението.

Македонија | пред 4 месеци

Филипче: Лажните вести се дефокус, во позадина се краде и се договараат мигранти за пари

Претседателот на Социјалдемократскиот сојуз на Македонија, д-р Венко Филипче, на денешната прес-конференција предупреди дека додека ВМРО-ДПМНЕ објавува лажни вести, во позадина под диригентство на премиерот Мицкоски се спроведува кражба и договор за мигранти.„Она што е важно граѓаните да го знаат, додека се објавува лажна вест, во позадина се одвива кражба. Додека ние се занимаваме со лажни вести, измислени афери Жан, кули итн, притоа паралелно на тоа Мицкоски на средба во Давос преку посредничка компанија договара мигранти. Така тоа оди - кучињата си лаат, караванот си врви“, рече Филипче.Притоа, Филипче посочи дека она што секојдневно го прави ВМРО е дефокус преку лажни вести и медиумски напади кон него лично и кон СДСМ, со единствена цел да ги прикријат нивните криминали.„Погледнете ги овие токсични, ужасни наслови, тие зборови, тие изрази. Можете ли да замислите како ние се чувствуваме? Дали ние некогаш сме изјавиле, рекле или напишале нешто вакво? Не, никогаш. Со ова се бориме секојдневно, невистини, лаги, навреди, хајки, линч. Во ова се вложени милиони евра. Ова е нивното разоткривање. Зошто власта го прави ова – за дефокус од вистинските, реални проблеми“, нагласи Филипче.Тој додаде дека интензитетот на нападите кон него и кон СДСМ почна по договорот „мигранти за пари“ и разоткривањето на корупциските скандали на власта.„Кога започна да се зголемува интензитетот на нападите врз мене и врз СДСМ? Кога откривме дека постои договор ‘мигранти за пари’, кога почнавме да објавуваме ‘бомби’ – 161 тендер за една фирма, 52 милиони евра преку општините, 9 милиони евра за фирма со двајца вработени, 1,2 милиони евра преку Пошта, сè за ортаците на Мицкоски. Кога кажавме дека недостига една милијарда евра, а сега, за жал, веќе недостигаат две милијарди, а јануари сè уште не е ни завршен“, потенцираше Филипче.

Македонија | пред 4 месеци

Филипче: Најавата на мојот линч е од 19 ти декември

Претседателот на Социјалдемократскиот сојуз на Македонија, д-р Венко Филипче, на денешната прес-конференција презентираше дел од илјада токсични и навредливи медиумски наслови, кои се производ на „медиумскиот октопод на ВМРО“.Филипче посочи дека со вакви напади секојдневно се соочува и лично тој и СДСМ. Филипче потсети  дека најавата за неговиот линч се случи на 19-ти декември минатата година, со што стана јасно дека се работи за смислено и координирано сценарио од ВМРО-ДПМНЕ.„Дозволете да ја цитирам, најавата за мојот линч, повторно, уште на 19 ти декември минатата година - “Венко Филипче којшто треба да одговара за криминали од набавката на вакцини до клинички центри “. И ова е најава ако сакате така да ја наречам на една ваша колешка, претседателка на едно од таканаречените независни здруженија на новинари. Дали е сега појасно кога велиме дека е сценарио, смислено и координирано?“, изјави Филипче.Притоа, Филипче нагласи дека од здруженијата на новинари очекува да застанат на страната на вистината.„Во Здруженијата на новинарите, гледавме последен зрак надеж дека ќе можат да се одбранат од притисоците на ВМРО и да застанат на страната на вистината. Се уште чекаме одговор за поднесените осум претставки за навреди од страна на Геровски. Тој ме споредува со убиец на деца, замислете убиец на 300 деца. И никој не реагира“, рече Филипче.На прес-конференцијата, Филипче нагласи дека целта на ваквата кампања на ВМРО е дефокусирање од реалните проблеми со кои се соочуваат граѓаните.Тој најави дека СДСМ ќе се обрати до Европската Унија, до  нејзините институции, како и до сите меѓународни организации за заштита на слободата на говор и слобода на медиумите.„Ова нема да нè запре. Сега сме посилни, затоа што ова е јасен показател дека сме на вистинскиот пат, на патот на вистината и правдата. А правдата ќе победи“, порача Филипче.

Македонија | пред 4 месеци

ВМРО-ДПМНЕ: Филипче глуми жртва и плаче за „медиумски октоподи“, проблемот на СДС е криминалот

Очигледно портпаролката Боданка Кузеска кога е на зимување, ја заменува Венко Филипче. Од пресот на Филипче може да се заклучи дека СДС е партија на многу интриги и проблеми, се велли во реакцијата на политичката партија ВМРО-ДПМНЕ.„На Филипче, крив му е народот и секој што мисли дека е криминалец, само не се тој и Заев, кои што правеле криминал заради што секој мисли дека се криминалци.Венко Филипче треба да знае дека проблемот не е во медиумите, новинарите, бизнис заедницата, синдикатите кои ги злоупотребува, ниту во ВМРО-ДПМНЕ, туку проблемот на СДС е криминалот, корупцијата и нечесните политики на Венко Филипче и менторот Заев, кои ја доведоа СДС на вака ниски гранки.Жална е епизодата кога лидер на некогаш големата СДС, ќе го гледате како се жали како тетка на чешма, за тешката судбина во која тој и менторот од Дубаи, Зоран Заев, сами се доведоа. Кога одговорите на дилемите ќе ги побара во своите редови, тогаш ќе ја сфати и сериозноста на проблемите.Досега го јадеа шлагот на тендерите, бизнисите на Вицето, зделките и куферчињата на Заев, зделките и профитите од модуларната болница, хациендите кои си ги градеа, проблемот е што стигнаа сега до фекалиите кои се излеаа врз СДС и народот сето тоа го гледа.Од тој аспект Венко Филипче е штетен за државата и граѓаните, а ВМРО-ДПМНЕ секогаш се водела од државните и национални интереси.Наместо факти, Филипче глуми жртва и плаче за „медиумски октоподи“. Тие „октоподи“ седум години му служеа на СДС како портпароли, додека се пљачкаше државата. Денес, кога никој не му ги прикрива лагите, одеднаш сите му се виновни: медиуми, новинари, институции, па дури и реалноста.Филипче колку повеќе зборува, толку појасно е дека нема ниту факти, ниту политика. Има само паника и обид со врева да се покрие празнината“, се вели во соопштението.

Македонија | пред 4 месеци

АВМУ со жестока реакција до СДСМ: Политичките напади врз новинарите ја загрозуваат медиумската слобода

Агенцијата за аудио и аудиовизуелни медиумски услуги изразува сериозна загриженост за континуираните етикетирања и јавни напади од страна на политичката партија СДСМ, насочени кон одделни новинари и медиуми.„Агенцијата потсетува дека слободата на изразување, медиумскиот плурализам и уредувачката независност се темелни демократски вредности. Јавната комуникација, особено кога доаѓа од политички субјекти, мора да биде одговорна и да ја почитува улогата и автономијата на медиумите. Јавното дискредитирање или етикетирање на новинари и медиуми создава атмосфера на притисок, го поткопува јавниот дијалог и може директно да влијае врз безбедноста и професионалниот интегритет на новинарите.Медиумите не смеат да бидат третирани како политички противници, ниту да бидат вовлекувани во партиски или политички конфронтации. Напротив, тие треба да имаат можност непречено, слободно и без притисоци да ја извршуваат својата професионална улога, во интерес на јавноста и демократските процеси.Агенцијата ги повикува сите политички субјекти да се воздржат од реторика која придонесува за поларизација, притисок или дискредитација на медиумите и новинарите и да ја почитуваат нивната уставна и професионална улога во демократското општество“, се вели во соопштението.

Македонија | пред 4 месеци

СДСМ: Шилегов и ја напаѓа СДСМ за лидерската средба со иста реторика на Мицкоски

ВМРО, Шилегов, Деспотовски, сите користат иста реторика, исти техники од кујните и пораките ги шират преку истите провладини портали, вели СДСМ.„Координацијата на нападите врз СДСМ веќе на сите им е јасна.1.ВМРО ја напаѓа СДСМ за лидерската средба. Излегува Шилегов и ја напаѓа СДСМ за лидерската средба, дури употребува „изолирана партија“ односно со иста реторика на Мицкоски.Денеска Депостовски исто така ја напаѓа СДСМ за “неучеството на средба на лидерите на најголемите партии”.2.ВМРО ја напаѓа СДСМ затоа што бара законска заштита на податоците од системот „Сејф сити“.Деспотовски денеска за истата тема ја напаѓа СДСМ дека се инаети за „клучни законски проекти од значење за безбедноста на граѓаните”.Шилегов во емисија ја напаѓа СДСМ како била донесена одлуката да не се поддржи законското решение за истата тема.3.ВМРО бара оставка од претседателот Филипче. Шилегов и Деспотовски исто така.4.Деспотовски и Шилегов немаат ниту еден единствен критички збор упатено за Мицкоски и ВМРО, за нивните криминални тендери, за изолацијата на земјата, ниту пак за некоја владина политика. Ништо.Дали сега има некој што не му е јасно?Кога СДСМ вели дека сè е договорено, координирано и синхронизирано со ВМРО, нивните кујни и медиумскиот октопод Алфа-Алта, ова е нивното разоткривање“, се вели во соопштението.

Македонија | пред 4 месеци

Деспотовски: Доста е од лаги и манипулации, одговорноста за кризата во СДСМ е кај раководството

Поранешниот функционер на СДСМ, Јован Деспотовски, со остар фејсбук статус реагира на, како што наведува, лагите, манипулациите и внатрепартиските пресметки на актуелното раководство на партијата, предупредувајќи дека ќе преземе и правни чекори доколку не следи јавно извинување.„Мене, но и на секој социјалдемократ кој се вградил во темелите на најстарата партија во Македонија, ни е доста од лагите, конструкциите и манипулациите на сегашното раководство на СДСМ.Единствен одговорен за незадоволство помеѓу членовите на СДСМ е сегашното раководство на партијата. Ниту сметам, а најмалку чувствувам лична одговорност за тоа што поранешни, а и сегашни функционери на партијата веќе јавно коментираат за состојбите во СДСМ и за политиките и одлуките на сегашниот партиски врв.Никој друг освен сегашното раководство нема одговорност за исклучувањето на партијата од клучните процеси во државата. Од неучеството на средба на лидерите на најголемите партии, што е само дистанцирање од сопствената земја и граѓани. Од инаетењето со клучни законски проекти од значење за безбедноста на граѓаните.Ова што се случува одамна ја помина секоја границата на внатрепартиска дебата. Станува збор за свесна клевета и политичка хајка, која нанесува штета не само на моето име и интегритет, туку се гази и угледот на партијата. Партија што низ децениите ја градеа илјадници другари, кои сигурно не сонувале дека нашата СДСМ ќе води дневна борба со медиуми и медиумски работници.Отворањето на внатрешни битки и поделби е политика на сегашното раководство на партијата, кое го применува како метод за опстојување и преживување.Доколку веднаш не следи јавно извинување и повлекување на сите лажни и навредливи наводи во серијата соопштенија, ќе бидам принуден да преземам правни чекори за клевета и лична, а потоа и за континуирано нарушување на угледот на СДСМ.Никој нема право со валкани игри да руши нешто што е создавано со жртва, верба и идеали“, вели Деспотовски.

Македонија | пред 4 месеци

ВМРО-ДПМНЕ: Кога Венко на нареден прес ќе ја менува Богданка, да одговори зошто би го рушеле преку Шилегов

Околу внатрешните проблеми на СДС, кланот Дубаи, Венко и Заев, ВМРО-ДПМНЕ нема да се меша, велат од владејачката ВМРО-ДПМНЕ„Но, бидејќи СДС и Венко по секоја цена сакаат со сила да го вмешаат ВМРО-ДПМНЕ би поставиле неколку логични прашања:Прво, Венко на наредната прес-конференција кога ќе ја заменува портпаролката Богданка Кузевска треба да одговори како Шилегов е на ВМРО ДПМНЕ, а Филипче беше советник на министер од ВМРО ДПМНЕ.Второ, како за кус период сите кои не мислат како Филипче, за Филипче станаа ВМРО-ДПМНЕ преку ноќ?Трето, зошто воопшто ВМРО-ДПМНЕ би го рушела Филипче, преку Шилегов, кој СДС како најголем конкурент на ВМРО-ДПМНЕ ја направи трета партија во земјава, а петта во Скопје?Четврто, дали има некој поистакнат член на СДС, освен Жерновски од ЛДП, кој денес не бара оставка на Венко Филипче?Додека Филипче се кара за темата кој бил повеќе на ВМРО-ДПМНЕ, добро е да одговори на овие прашања. Се друго е бегање од реалноста и од сопствената одговорност“, се вели во соопштението.

Македонија | пред 4 месеци

ВМРО-ДПМНЕ со реакција: СДСМ го дозакопаа Филипче правдајќи го неговиот гаф со Милорад Додик

Не ја разбираме возбудата на СДС и нивните српски тутори, да шират изјава од Милорад Додик, велат од ВМРО-ДПМНЕ во реакција на соопштението на СДСМ.„Веројатно соопштението го пишувале во придружба на песната Ко то каже, ко то лаже или Над краљевом жива ватра сева..и можеби Грегоријанецот Венко кој е изгубен меѓу неколку календари, а веројатно и три четири држави, наоѓа некаква логика, но навистина не ја гледаме возбудата да одговориме на глупаво соопштение на СДС каде шират изјава на Милорад Додик.Ниту едно соопштение не може да го оправда Венко Филиповиќ, во неговите лудории и гафови“, се вели во реакцијата

Македонија | пред 4 месеци

СДСМ: Ќе одговори ли ВМРО за честитката на Додик

Да ја прашаме ВМРО што сега има да каже во врска со честитањето на нивниот Милорад Додик за Богојавление? По обидот за исмејување на претседателот на СДСМ, Венко Филипче, дури и на голем верски празник Богојавление, бидејќи за ВМРО не постои свет ден, и по соопштението со кое беше објаснето дека ВМРО воопшто не ја познава православната традиција, следеше нов напад со навреди без никаква основа, велат од СДСМ„Ова е специфично за препишувачка школа на ВМРО и за нивните црни кампањи.Дали сега може ВМРО да ни одговори дали нивниот Додик „е изгубен во простор и време“, дали е „Грегоријански Додик“?Ааа, не може.Затоа што Стоилковиќ, првиот човек на Мицкоски, слави со него и со Ноќните волци, па не им оди сега него да го напаѓаат за да докажат дека се во право.Што правиме сега?“, се додава во соопшетнието.

Македонија | пред 4 месеци

Нема доволно возила за чистење, ама има за 161 тендер за ортаците на Орце и ВМРО, вели СДСМ

Орце и ВМРО ги изненади снег во јануари. Градот е парализиран, сообраќајакот е во хаос. Службите не функционираат, не можат со малку снег да се справат. Сега скопјани треба да чекаат да се стопи снегот по улиците за да се движат нормално, велат од СДСМ.„Нема доволно возила за чистење, ама има за 161 тендер за ортаците на Орце и ВМРО.Дали ова е „Safe city“?Затоа СДСМ инсистира на закон кој, како и сè друго, нема да биде злоупотребен од страна на ВМРО.Исто како што се злоупотребува и парите на граѓаните, кои преку тендери завршуваат во приватни џебови на ортаците на Мицкоски.Како што изгледа градот денес, така ќе изгледа и цела Македонија – блокирана од сите, поради политиките што се водат. Црна точка во Европа“, се вели во соопштението.

Македонија | пред 4 месеци

СДСМ: ВМРО дури и на голем верски празник се обидува да го исмее претседателот Филипче

ВМРО дури и на голем верски празник ВМРО се обидува да го исмее претседателот на СДСМ, д-р Венко Филипче, поради неговиот поздрав на празникот Богојавление - Водици. Овој вид евтина политичка манипулација само покажува колку ВМРО е оддалечена од реалните проблеми на граѓаните и колку се подготвени да злоупотребуваат се, дури и верските традиции за политички поени, велат од СДСМ„По црковната традиција, божиќниот поздрав „Бог се роди“ се користи од Божиќ на 7 јануари па сѐ до Богојавление на 19 јануари.Значи, не е погрешно да се користи и на овој ден, заедно со вообичаениот поздрав „Бог се јави“.Дополнително, во некои локални обичаи и традиции, овој поздрав може да се користи и подолго, што го покажува богатството на православната култура.Во текстот на кујните на ВМРО стои, цитираме:„Со овој поздрав христијаните се поздравуваат по празникот Божиќ, Рождество Христово, кој се празнува на 25 декември според Грегоријанскиот, или на 7 јануари според Јулијанскиот календар.“Прво, не се поздравува по Божиќниот празник, туку од тоа утро, од тој ден на празникот!Второ, не е „7. јануари по Јулијанскиот“, по јулијанскиот календар е 25. декември, но ние денес живееме по грегоријанскиот календар, па го перципираме како 7 јануари.Трето, да поставиме прашање до ВМРО: Кој се поздравува со христијанскиот поздрав „Бог се роди“, пред сѐ застапен во православието, на 25. декември по грегоријанскиот календар?ВМРО толку ништо не знае, вистински „ќаци“. Напредна верзија 2.0, полоша од својата вмро сестринска „copy-paste“ СНС варијанта!ВМРО се обидува да се претстави како бранител на верата, додека всушност, дури и сега ненамерно (бидејќи секојдневно прават намерно) со своето незнаење, повторно шири дезинформации.СДСМ останува посветен на единството, толеранцијата и решавањето на реалните предизвици за сите граѓани на Македонија, без злоупотреба на религијата“, се вели во соопштението.

Македонија | пред 4 месеци

СДСМ: ВМРО сака да го бира претседателот на партијата

Каде се случило владејачката партија да бара оставка од претседателот на опозиционата партија? Тоа е апсолутен апсурд, достоен за сценарио од Монти Пајтон,„Но, еве, во нашата реалност, ВМРО ни дава секојдневни совети и сугестии за подобрување на СДСМ, па дури сака да го бира и претседателот на партијата.Ова го нема никаде.Добро, ајде, знаеме дека лажно се грижат за нас како многу загрижени тетки, но да бараат оставка од нашиот претседател?Па, тоа ни Монти Пајтон не би го смислил – би рекле дека е преапсурдно дури и за нивните скечеви!ВМРО, наместо да се фокусира на огромните проблеми со кои се соочуваат граѓаните, се претвори  во партија која по цел ден се занимава со криминални тендери и со напади врз СДСМ.Секој ден: „Направете вака, направете така“Како да се „консултанти“ а не партија.А сега и бараат оставка од претседателот Венко Филипче?Знаеме дека сакаат контролирала опозиција, но тоа треба на друго место да го бараат, не во СДСМ.Што очекуваат следно? СДСМ да ѝ каже на власта: „Ви благодариме што сте на власт, ве молиме останете уште!“Каде е логиката? Во циркусот на Монти Пајтон, можеби и во ВМРО, никаде на друго место.Не насмеаја, сите граѓани на Македонија, но веќе ништо не е смешно.СДСМ ќе продолжи да го разобличува криминалот на тендер коалицијата ВМРО-ЗНАМ, ќе продолжи да се бори против изолацијата на земјата и за сите наши граѓаните.Иднината на граѓаните и на Македонија е нашат водилка!Доста е со губење време, сите ќе одговарате!Туку одговорете, отиде ли Жан во обвинителство?“, стои во соопштението

Македонија | пред 4 месеци

Манасиевски: Заев и Филипче преку корупција се обиделе да ја преземат болницата на др. Жан Митрев

На телевизија Њузмакс во емисијата „Став на регионот“ гостуваше Валентин Манасиевски, член на ЦК на ВМРО-ДПМНЕ кој на самиот почеток дискутираше за скандалот и сомнежите кои се поврзуваат со претходната власт, за тоа како Венко Филипче и Зоран Заев сакале да му ја одземат болницата на др. Жан Митрев по далеку пониска цена.„Сите оние афери, сомнежи и скандали се поврзуваат со минатата власт којашто беше предводена од СДС и ДУИ, како и оваа афера којашто докторот Жан Митрев ја изнесе во јавноста, каде што вели дека минатата власт, односно еден премиер и министер за здравство, тука знаеме на кого мисли, односно на Зоран Заев и Венко Филипче, дека преку мафијашки однос се обиделе да му ја преземат болницата по далеку пониска цена. Ова е она што ние изминатите 7 години, а еве и континуирано во овие година и половина откако сме на власт, го говориме дека СДС и ДУИ кога владееја со државата тоа го правеа на криминален и коруптивен начин“, истакна Манасиевски и додаде:“Ова однесување на Зоран Заев и Венко Филипче и СДС како политичка партија, навистина не ме чуди до каде одело само за да дојдат до одредено богатство коешто ние граѓаните го трпиме и ден денес.”Манасиевски објасни дека реформите во правосудството се неопходни, а Владата предводена од ВМРО-ДПМНЕ го преземала првиот чекор со разрешувањето на државниот јавен обвинител Љупчо Коцевски.„Судството навистина не функционира и оние 2% коишто ги има доверба се потврдува, а ние како политичка партија велиме дека треба да има реформи, затоа што гледаме дека нема никаква судска разрешница. Нема разрешница по голем број на судски предмети, се чуваат предмети по фиоки но, имаме еден чекор којшто го преземавме како Влада, каде што е разрешен државниот јавен обвинител Љупчо Коцевски, за којшто имаме сомнежи дека чувал над 40тина предмети во неговите фиоки, за да не постапи за оние сомнежи кон минатата власт на СДС и ДУИ. Така да сметам, потребни се итни реформи во овој дел со цел да имаме правда во нашата држава“, дециден е Манасиевски.

Македонија | пред 4 месеци

Филипче: Владата не сака реформи за ЕУ, туку бизниси за мала група блиска до ВМРО-ДПМНЕ

Претседателот на Социјалдемократскиот сојуз на Македонија, д-р Венко Филипче, во одговор на новинарско прашање нагласи дека на владата не и се важни реформите за европската иднина на државата и нема искрена намера да ја води земјата кон Европската Унија, туку единствено се грижи за бизнис-интересите на мала група блиска до ВМРО-ДПМНЕ. „Тоа што ништо не исполнија од договореното досега и тоа што еве полека ја разоткриваме нивната власт, е дека само еден голем бизнис за една мала група на луѓе блиска до ВМРО-ДПМНЕ, значи дека немаат намера, исто како и досега, да сработат нешто од реформската агенда“, рече Филипче.Тој додаде дека на граѓаните треба да им е јасно дека со оваа влада нема реформи, туку само лажна пропаганда и спроведување на нивните бизниси.„Се е една лажна пропаганда со цел нивните бизниси во позадина да тераат. Нема збор за сомнителниот капитал од АЛТА банка, нема збор за тендерите 161 тендер милионски тендери за компании вчера регистрирани на луѓе блиски до ВМРО-ДПМНЕ, средби со луѓе на вицепремиерот, со луѓе блиски до Путин. Премиерот кажува реформската агенда. Сега требаше многу работи да се случат, за жал разоткриени се“, рече Филипче.Притоа, Филипче посочи дека владата на ВМРО-ДПМЕ целосно ја закочи европската иднина на државата.„Имаа можност, 12 закони требаше да се донесат во 2025 година. Се донесе само еден на крајот на годината и тоа парцијално донесен, без сите препораки од Европската Унија, што е доказ дека тие само сакаат нешто да направат, евентуална реформа, колку да се каже дека нешто се работи од временската агенда, но не вистински да се реформира“, рече претседателот на СДСМ, Венко Филипче.

Македонија | пред 4 месеци

СДСМ: Истата политика, друго име – по Груевски, Мицкоски ја води Македонија наназад

Социјалдемократскиот сојуз на Македонија соопшти дека овој јануари се навршуваат точно десет години од оставката на поранешниот премиер Никола Груевски во 2016 година, настан што, според партијата, го означил почетокот на крајот на еден 11-годишен режим кој ја уназадил државата на сите полиња.Од СДСМ наведуваат дека со заминувањето на Груевски завршила ера на, како што ја оценуваат, незапаметен криминал и корупција, системски грабеж на граѓаните, партизација на институциите, заробено судство и медиуми, задушена демократија и меѓународна изолација. Во тој период, потенцираат, Македонија не била членка на НАТО и била далеку од Европска Унија.Партијата оценува дека тоа било време на сиромашни и обезправени граѓани, со најниски плати во регионот, постојани црни кампањи, политички прогон, притисоци и поделби во општеството.„По десет години, со ВМРО повторно сме на исто“, наведуваат од СДСМ, оценувајќи дека во последните две години, со Владата предводена од Христијан Мицкоски, државата повторно се движи кон изолација и оддалечување од европските интеграции и стратешкото партнерство со САД.Според СДСМ, животниот стандард на граѓаните повторно опаѓа, македонските работници имаат најниски плати во регионот, а Владата не презема суштински мерки за подобрување на состојбата. Истовремено, како што тврдат, се интензивира партизацијата на институциите, се врши притисок врз судството и обвинителството, а полицијата се злоупотребува за партиски цели.Партијата обвинува дека криминалот и корупцијата повторно „цветаат“ преку, како што ги нарекуваат, криминални тендери со кои се испумпуваат јавни средства, додека нема пари за зголемување на платите, минималната плата и примањата на војниците.СДСМ наведува дека повторно се сведочи на црни кампањи против опозицијата, јавен линч, политички притисоци и загрозување на слободата на медиумите и демократијата.„На исто сме со ВМРО – само на местото на Груевски денес е Мицкоски“, порачуваат од СДСМ, додавајќи дека е време власта повторно да се врати во рацете на граѓаните.

Македонија | пред 4 месеци