ВМРО-ДПМНЕ

Николоски: Од следниот месец пензиите ги зголемуваме за 2,500 денари, а до март за дополнителни 2,500 денари

„Во мојот ресор за жал проблеми колку сакате, но ќе гледам да имам многу проекти, да излегувам со позитивни вести а проблемите да ги решавам и да давам информации кога ќе бидат решени“, истакна потпретседателот на ВМРО-ДПМНЕ Александар Николоски на одбележувањето на 34 години од основањето на општинскиот комитет на ВМРО-ДПМНЕ во Струмица.Николоски во однос на состојбата за неговиот ресор истакна дека таа е финансиски катастрофална и додаде:„Сакам да споделам неколку податоци за да ги знаете и вие. Буџетската дупка е огромна, трошоците се огромни, но тоа не значи дека нема да го реализираме она што го ветуваме и веќе со ребалансот на буџетот кој би требало да биде усвоен во Собранието до крајот на месец јули, а да биде поднесе веќе следната недела, планираме да доделиме 100 милиони евра помош за општините со пакетот за поддршка на општините кој што го ветивме кој што в година ќе биде 250 милиони евра затоа што ќе е цела година, а пензиите се зголемуваат за 5,000 денари како што ветивме и почнуваат од следниот месец со 2,500 денари и до март месец уште 2,500 денари така што 5,000 денари во една година како што ветивме“, посочи Николоски.Николоски заклучи дека граѓаните очекуваат решенија а во исто време мора да имаме и нови проекти.

Македонија | пред 1 година

Митева: Во изминатиот период ВМРО-ДПМНЕ активно работеше на привлекување на инвеститори и за тоа како да имаме брзи резултати во интерес на граѓаните

„Ние како опозиција зборувавме дека активно работиме на привлекување на инвеститори, дека сме свесни за тоа каков ќе е исходот од изборите, ги покажувавме нашите анкети со кои ги гледавме резултатите во која насока се движат. Размислувавме за тоа како да имаме брзи резултати свесни за тоа во каква кондиција е буџетот и сите останати институциите“, истакна пратеничката, член на ИК и портпарол на ВМРО-ДМНЕ Марија Митева во гостување во поткаст „На кавга со Иван / На кавга со Мирчевски“ на Канал 5 ТВ.Таа укажа дека не е погрешно да се направи одбележување на почеток на градба на градинката во Бутел.„Не сметам дека е погрешно да се направи одбележување на почеток на градба на градинка во Бутел која била од граѓаните на Бутел чекана со години. Секој проект има почеток и крај, почеток е поставувањето на камен темелникот, а крајот е конечната изградба на градинката“, вели Митева.Таа посочи дека состојбите ќе почнат да се помрднуваат кога јавноста ќе ја види разликата на вистинско делување со брзи резултати.Митева во однос на разрешувањето на Советот на јавни обвинители и Судски совет истакна:„Зошто наместо да се одговори со не се согласуваме со мерката која вие ја ставивте во предизборието во програмата за што добивте поддршка од граѓаните и за што многу ја зборувавме и сега наеднаш да се каже не се согласуваме со тоа. Зошто не излезе препорака од таа јавна дебата во која ќе се рече дека цениме дека ваквиот начин можеби е погрешен затоа што се задира во автономноста на одлучување, но како луѓе кои сакаме да ги промениме околностите во рамки на обвинителството ние изнајдовме предлог решение кое ќе го доставиме до Влада и цениме дека со должно внимание треба да го разгледаат“, децидна е Митева.

Македонија | пред 1 година

Нема фотографија

ВМРО-ДПМНЕ: Тоа што токму сега одлучуваат компаниите да инвестираат е доказ дека тие немале таква одлука затоа што си имале работа во минатото со корумпирана и криминална влада

,,Од време на СДС државата наследи јавен долг за 2023, 62 отсто од БДП, буџетскиот дефицит 4,9 отсто, има пад на индустриско производство, распаднато здравство и образование, операциони сали надвор од функција, сиромаштија највисока во Европа. Инфлација највисока во регионот и Европа, 600 илјади луѓе живеат со 160 денари дневно.Тоа од СДС наследивме. Тоа што токму сега одлучуваат компаниите да инвестираат е доказ дека и покрај нивното подолго испитување на пазарот и можностите за инвестиција тие сепак во време на СДС и ДУИ, а што ВМРО-ДПМНЕ и неговата коалиција е најдобар одговор на овие трагични соопштенија на СДС пишувани неписмено од лица кои се на платен список на двоецот Заев – Филипче.Компанијата „Wabtek“ никој не кажа дека не инвестирале до сега, но воедно неспорна е новата инвестиција. Во продолжение СДС нека си ја погледнат изјавата на извршниот директор на компанијата. Знаеме дека СДС мисли дека светот почнува од нив, но реалноста е дека ова не е непостоечка инвестиција како таа за автомобили во Тетово.”, велат од ВМРО-ДПМНЕ.

Македонија | пред 1 година

Николоски: Нема да дозволам 4,400 семејства од Пошта и Железници да останат без плата, но мора да се знае дека претходната власт ги потрошила сите пари за плати

„Во мојот воведен говор искористив да кажам каква е состојбата во моментов во државата. Сакам да споделам неколку податоци за да ги знаете и вие. Буџетската дупка е огромна, трошоците се огромни, но тоа не значи дека нема да го реализираме она што го ветуваме и веќе со ребалансот на буџетот кој би требало да биде усвоен во Собранието до крајот на месец јули, а да биде поднесе веќе следната недела, планираме да доделиме 100 милиони евра помош за општините со пакетот за поддршка на општините кој што го ветивме кој што в година ќе биде 250 милиони евра затоа што ќе е цела година, а пензиите се зголемуваат за 5,000 денари како што ветивме и почнуваат од следниот месец со 2,500 денари и до март месец уште 2,500 денари така што 5,000 денари во една година како што ветивме“ кажа потпретседателот на ВМРО-ДПМНЕ, Александар Николоски на одбележувањето 34 години од основањето на општинскиот комитет на ВМРО-ДПМНЕ во Струмица и додаде:„Во однос на состојбата можам само да кажам за мојот ресор, таа е финансиски катастрофална. Во моментов се бориме 4400 луѓе воопшто дали ќе можат да земат плата до крајот на годината. Се работи за вработените во Пошта, во Македонски железници Транспорт и Македонски железници Инфраструктура. За жал досегашните раководства ги потрошиле средствата за работа кои што требало да им бидат за 12 месеци, тие ги потрошиле за 6 месеци и во останатите 6 месеци се бориме дали воопшто овие вработени ќе земат плата. Навистина правиме над човечки напори со вработените во министерството за транспорт за да успееме да обезбедиме плата за овие вработени“ истакна Николоски.Во однос на тоа дали вработените ќе земат плата и дали има некое решение Николоски кажа дека нема да дозволи 4,400 семејства да останат без приходи.„Работиме со вработените во министерството за транспорт интензивно, но мора луѓето да ја знаат вистината а тоа е дека буџетите кои што ги добиле овие три јавни претпријатие досегашните раководства ги потрошиле за шест месеци, тоа е вистината. А секако јас нема да дозволам 4,400 семејства да останат без приходи но мора да ја знаат вистината“ истакна Николоски.

Македонија | пред 1 година

Нема фотографија

ВМРО-ДПМНЕ: Грдото лице на СДС и ДУИ, Филипче и Фрчкоски, арамии на државната каса

,,Грдото лице на СДС и ДУИ, Филипче и Фрчкоски, арамии на државната каса.Љубомир Фрчкоски како претставник на Македонија во Њујорк не дал отчет како ги трошел народните пари.Венко Филипче како министер за здравство нема тендер кој не проба да го протне со сомнителни ликови од жути@јаху, до провизијата со вакцините во ек на Ковид.Филипче пред заминување од позиција гласно пропагираше приватизација на јавното здравство.Филипче јавно тврдеше дека државата не треба да гради болници, туку тоа да го прават фирми, а државата да изнајмува услуги од нив.Филипче се враќа во политиката од две причини, првата да се обиде да се спаси од одговорност, за кога ќе биде гонет да алудира на политички притисок и втората, со желба некогаш да дојде во позиција да ги реализира своите мрачни идеи за здравството, кои ќе значат крах за пациентите, а добивка за поединци блиски нему.”, велат од ВМРО-ДПМНЕ.

Македонија | пред 1 година

ВМРО-ДПМНЕ: Венко Филипче сигурно не е Чак Норис, но е лопов ископиран со индиго на Заев, 7 години на власт 0 инвестиции

Ја разбираме фрустрацијата на СДС и Венко Филипче кои се китат со перјата на оваа влада. Но нивното време заврши. За само две недели, две големи инвестиции. Инвестицијата од 500 милиони долари на Алказар Енерџи во ветерен парк е најголема во регионот. И инвестицијата на германско белгиската компанија Епсотех Аим во Петровец од 20 милиони евра. Се потврди по којзнае кој пат и дека за СДСМ само ВМРО-ДПМНЕ може да донесе нови инвестиции во државата, што зборува за недостатокот на елементарна работливост од страна на СДС кои 7 години здружно крадеа со ДУИ, па затоа за нив посветеноста на оваа влада е недостижна цел на која ѝ придаваат супер моќи.Венко Филипче сигурно не е Чак Норис, но е лопов ископиран со индиго на Заев, 7 години на власт 0 инвестиции. Од друга страна додека Владата предводена од ВМРО-ДПМНЕ работи СДСМ повторно прави очајнички обиди да го минимизира успехот на новата влада на ВМРО-ДПМНЕ.Очигледно е дека реалноста и напорната работа на ВМРО-ДПМНЕ ги надминуваат нивните способности. Но, ние ќе продолжиме да работиме напорно и да ги постигнуваме нашите цели, без оглед на саркастичните и несериозни коментари од СДСМ, партијата која ја урниса државата претворајќи ја во срамна филијала на белосветскиот и домашниот криминал. Венко Филипче и Зоран Заев се лошото лице на власта на СДС и ДУИ. Нашата посветеност кон привлекување инвеститори е јасна и недвосмислена. Преку промовирање на Македонија како стабилна и атрактивна дестинација за инвестирање, ние ќе продолжиме да ги реализираме нашите ветувања и да ја подобруваме економската состојба на сите граѓани.

Македонија | пред 1 година

Нема фотографија

Лефков: Филипче, брат по криминал на Заев, во Ковид криза преку Стабри од Хонг Конг преговараше вакцини двојно поскапи од вообичаеното

,,Венко Филипче е брат по криминал и корупција на Зоран Заев. Тој заедно со Заев бркаа дебели провизии за кинеските вакцини во ек на Ковид.Филипче преку фирмата Стабри Интернешенал од Хонг Конг формирана само три месеци откако СДС дошле на власт во 2017-тата година сакаа да купат вакцини повеќе од 100% поскапо од тоа што го плаќаа другите држави.Додека другите држави купуваа кинески вакцини по најмногу 30 долари, Филипче сакаше преку посредничка фирма да плати 62 долари, што е најмалку 100% повеќе.Овој скандал го обелодени ВМРО-ДПМНЕ, а обвинителството на Заев го заташка и не го истражи.Од 200.000 вакцини, Филипче и Заев на фирмата посредник и местеле над 6 милиони евра провизија.Каде требало да завршат овие 6 милиони евра?Дали Заев и Филипче се тие кои стоеле на крајот на криминалната шема?Колку матни тендери се изреализирани и колку милиони испумпани од државата?Филипче доаѓа за претседател на СДС поставен од Заев, со цел и двајцата да го притискаат Обвинителството да не отвора постапки против нив, а ако во тоа не успеат, да се жалат дека се гонети како последица на политички притисок.Филипче кој сакаше да го краде својот народ во ек на Ковид додека илјадници умираа и страдаа, нема најпрвин морална величина да биде претседател на партија, а потоа наместо во партија, треба да се најде пред суд.Филипче само сака да се заштити себе, а потоа и повторно некогаш да дојде во позиција за да го краде народот.Филипче и Заев се прочитана книга, со нив СДС на следните избори е многу блиску да стане вонпарламентарна партија.”, изјави Миле Лефков, член на ИК на ВМРО-ДПМНЕ и пратеник.

Македонија | пред 1 година

Нема фотографија

ВМРО-ДПМНЕ: Заев и Филипче се браќа по криминал и корупција, заедно правеа матни тендери, додека луѓе страдаа и умираа

,,Заев и Филипче беа рака под рака заедно кога Македонија ја тресеа најтешките коруптивни скандали и трагедии. Од крвавиот тендер, преку криминалот на Онкологија, тендерот за стерилизација, пожарот во модуларната болница, набавката на вакцини, рекордниот број настрадани од Ковид и десетици други.Филипче е продолжена рака на Заев, браќа по криминал и корупција, заедно правеа матни тендери во здравството, додека луѓе страдаа и умираа.Во секоја европска држава вакви ликови после таков мандат не би ни помирисале политика, а не пак да водат партија. Но овој двоец Заев-Филипче нема ни срам ни перде. Нив ги води поривот за пари и желбата преку политика да се амнестираат.Ортаци во бизнисот, а последната зделка им беше впишување на целосна сопственост над СДС. Партијата ја претворија во приватна фирма, што е врв на нивната коруптивна дејност.Ако мислат дека СДС ќе им служи за пазарење со правдата тогаш се лажат. Тоа што ја земале во заложништво и ја држат заробена партијата е работа на членството на СДС, но никој друг нема да дозволи една крими група да ја уценува државата и политичките процеси во неа.Со вакво темпо, СДС е многу близу на следните избори да биде вонпарламентарна партија.”, велат од ВМРО-ДПМНЕ.

Македонија | пред 1 година

ВМРО-ДПМНЕ: СДС и Филипче да се позанимаваат дали воопшто на следни избори ќе освојат пратеничко место

,,Партијата на гробарите на Македонија тандемот и браќата по корупција Зоран Заев и Венко Филипче наместо да се сокрие, некако крева галама за нешто што е одмината работа и кое имаа 7 години време да го анализираат како власт.Ако мислат дека се уште им проаѓаат таквите трикови и дека народот ги заборави кои се, се излажале. Тоа се истите кои:1. Бараа провизија на вакцини;2. Крадеа на цитостатици;3. Испумпуваа милиони од РЕК;4. Кои наместо цврста градба градеа модуларни болници од кои една се запали и изгоре и во смрт однесе 14 луѓе кои живи изгореа;5. 7 години не направија километар пат;6. Го зголемија долгот на државата скоро двојно, а ништо не направија како проект или дело.Списокот е долг, а причините поради кои СДС е тешка опозиција им се јасни во таа партија, а особено на Филипче.Наместо да коментираат колку да се коментира, нека се позанимаваат со тоа дали на следни избори ќе имаат гласачи за еден пратеник, зошто Филипче им стана претседател со 9.000 гласа од цела Македонија, нешто што дава индикации дека на парламентарните избори 2028 година нема да може да биде изберен ниту за пратеник.”, велат од ВМРО-ДПМНЕ.

Македонија | пред 1 година

Мизрахи: Фактите што ги увидуваме покажуваат дека целта на претходната власт била целосно разорување на државата

„Ова е 10-ти ден од формирање на Владата каде Владата најави ветерници и подобрување на енергетскиот баланс на државата, 250 милиони кои ќе се дадат на општините, нови градини, измена на законот за здравствена заштита, измена на кадровски решенија апропо законот за здравствена заштита, односно елиминирање на административните кадри кои тежеа на здравствениот систем“, истакна пратеничката од ВМРО-ДПМНЕ Рашела Мизрахи во гостување во емисијата „Заспиј ако можеш“ на ТВ Алфа.Таа продолжи и додаде дека преку фактите што го увидуваат покажуваат дека целта на минатата власт била целосно разорување на државата.„Тенденцијата на претходната власт е да го покраде буџетот и државата да колабира за да нема докази за кражбата. ВМРО-ДПМНЕ беше многу децидна дека приматот на оваа власт е борба со криминалот и корупцијата, зошто? Заради тоа што ситниот криминал и корупција е една работа, а крупниот криминал и корупција согласно сите научни трудови поминуваат над 80% со амин од државата што значи дека Владата мора да аминува криминал и корупција и заради тоа тенденцијата и првата примарна цел на новата власт е борба со криминал и корупцијата“, вели Мизрахи.Таа продолжи и додаде:„Институциите ќе се вратат во погон, нормално ќе функционираат и полиција и судство. Системот да функционира и да гони криминал и корупција согласно докази, а не согласно измислени и монтирани докази“, посочи Мизрахи.

Македонија | пред 1 година

Нема фотографија

ВМРО-ДПМНЕ: Владата ги укина економските директори во здравствените установи, парите ќе одат кон подобрување на здравствените услуги

,,Владата ги укина економските директори во здравствените установи, парите ќе одат кон подобрување на здравствените услуги.На вчерашната седница владата пристапи кон предлог измени на Законот за здравствена заштита, со цел укинување на институцијата економски директор во јавните здравствени установи.Со укинувањето на економските директори, се укинува дуализмот во здравството, но и се подобрува ефикасноста.Со воведување на систем на еден директор, се намалуваат административните трошоци, а средствата ќе се пренасочат во подобрување на здравствената инфраструктура, зголемување на транспарентноста и отчетноста.Исполнуваме. За тебе.”, велат од ВМРО-ДПМНЕ.

Македонија | пред 1 година

Митева: МОН на над 100.000 основци и средношколци ќе им исплати парична помош за 4 месеци

,,Владата предводена од ВМРО – ДПМНЕ од денеска започнува со исплата на неисплатената финансиска поддршка за учениците од основните и средните училишта во износ од 1200 и 1800 денари месечно, за преостанатите 4 месеци во кои граѓаните не ги видоа ветените пари од претходната Влада.Станува збор за паричен надоместок кој како и се друго, остана не реализиран иако за регулирањето на оваа мерка беше донесено и законско решение. Закон кој самите не го испочитуваа.Информирам дека уште на првиот работен ден од мандатот, министерката за образование и наука, Весна Јаневска ги задолжи надлежните сектори да направат детален преглед на нереализираните финансиски обврски за секој еден ученик чие семејство ги исполнува условите и има поднесено апликација за остварување на ова право. Врз основа на доставениот извештај, се направи план со динамика на исплата којa започнува од денес.Согласно анализата, се работи за над 100 илјади ученици, од кои 70 илјади основци и 30 илјади средношколци. Најголем дел од нив, имаат добиено паричен надоместок за еден, односно два месеци, поточно за декември 2023 година и за јануари годинава.Преостаната е исплата за четири месеци и како што посочивме, започнуваме етапно од денес. Општина по општина, се подготвуваат налози за плаќање и ги замолуваме граѓаните за трпение, додека целиот износ биде надоместен. Најпрво ќе ги исплатиме надоместоците за февруари и март, а потоа за април и мај, со што целосно ќе го завршиме тоа што им следува на граѓаните, но за жал, останува само една од низата на манипулации заради кои и катастрофално власта замина и беа поразени.Почитувани,Наместо краткорочни неквалитетни решенија, сакам да најавам дека новата Влада предводена од ВМРО – ДПМНЕ ќе обезбеди континуирана и системска поддршка за олеснување на воспитно – образовниот процес и на учениците и на родителите и старателите. А квалитетот на образованието ќе биде меѓу врвните приоритети на кои силно ќе се посветиме.”, изјави Марија Митева, портпарол, пратеник и член на ИК на ВМРО-ДПМНЕ.

Македонија | пред 1 година

Нема фотографија

ВМРО-ДПМНЕ: Филипче е чувар на фотелјата на Заев, и самите членови и функционери на СДС не го признаваат

,,Венко Филипче е чуварот на фотелјата на Зоран Заев во СДС. Тоа е општ впечаток во јавноста, па дури и во самиот СДС.И членовите и функционерите на партијата кажуваат дека СДС е заробена партија, дека изборите за претседател биле компромитирани и не биле демократски, со бројни забелешки и злоупотреби.Самите членови и функционери на СДС кажуваат дека фантоми биле на избирачкиот список, дека на членови не им било дозволувано да гласат, за на крајот Филипче да биде избран со 9.000 гласови од 80.000 членови.Филипче и Заев треба да знаат дека ниту една лидерска позиција нема да ги спаси од одговорност за злоупотребите кои се случија во нивниот мандат.Јавноста уште ги памети скандалот со набавката на вакцини, крвавиот тендер, обидите да се приватизира јавното здравство и на крајот катастрофата со модуларната болницаОвие скандали кои чинеа не само милиони евра, туку и човечки животи се резултат на двоецот Заев – Филипче, кој сега покажа дека ја имаат киднапирано партијата за да биде нивна маша.Жалиме што СДС пропушти шанса да се справи со криминалците во своите редови, но казната порано или подоцна ќе ги стигне, како што беа казнети од страна на граѓаните на последните избори.”, изјавија од ВМРО-ДПМНЕ.

Македонија | пред 1 година

Нема фотографија

ВМРО-ДПМНЕ: 250 милиони евра за капитални проекти за општините од септември, владата се грижи за рамномерен регионален развој

250 милиони евра за капитални проекти за општините од септември, владата се грижи за рамномерен регионален развој.Во септември градоначалниците од цела држава ќе можат на аплицираат на јавниот повик на Министерството за Локална самоуправа за добивање средства за проекти во нивните општини.,,Градоначалниците од цела држава да направат и довршат што е можно повеќе проектна документација, со цел да аплицираат за повеќе проекти.Ова е прва година за проектот 250 милиони евра за општински проекти, ист ваков повик ќе има секоја година, а вториот ќе се случи веќе за неколку месеци од сегаВреме е за реален раст и развој. Време е за рамнорен развој.Исполнуваме. За тебе!”, велат од ВМРО-ДПМНЕ.

Македонија | пред 1 година

ВМРО-ДПМНЕ: Во СДС, како до сега, и по Заев, Заев

,,Венко Филипче со 9 илјади гласови, колку се потребни за советник во општина стана лидер на СДС.Еден Заев се замени со друг Филипче.Тажен завршеток на сагата за нов лидер, со стари навики.Филипче не е нов лидер, туку чувар на фотелјата на Зоран Заев. Човекот е одговорен за погромот со Ковидот, каде десетици илјади луѓе ги загубија животите, директно одговорен за матните тендери каде референцата за избор емаил контакт на Жути кој доби милиони од стерилизацијата, или неговата хациенда на Водно веднаш до директорот на Клинички или пак модуларната болница за која Филипче не убедуваше дека кабелот е виновен.Филипче е најдобрата маска на Заев. Исти луѓе исти вредности.Ако мисли дека Филипче дека ќе се спаси, и кога ќе одговара за криминалите ќе вика дека е политички реваншизам овој пат тоа е најпогрешниот начин да избега од одговорност. Одговорност ќе има.”, изјавија од ВМРО-ДПМНЕ.

Македонија | пред 1 година

ВМРО-ДПМНЕ: Ќе го спречиме зголемувањето на цената на струјата, ценовен шок кој СДС и ДУИ го оставија

,,Владата на ВМРО-ДПМНЕ спречи зголемување на цената на струјата ценовен шок кој СДС и ДУИ го оставија.Владата предложи, а парламентарното мнозинство го донесе Законот за дополнување на Законот за енергетика со што се спречи зголемување на цената на струјата од 1 јули за домаќинствата и малите потрошувачи кои се на регулираниот пазар.Со СДС и ДУИ цената на струјата во изминатите 7 години се покачи и за 50%. Секоја година имаше зголемување. Таа пракса ја спречи владата на ВМРО-ДПМНЕ.Нема повеќе галопирачко зголемување на цената на струјата. Граѓаните можат да бидат спокојни, владата на ВМРО-ДПМНЕ работи за енергетска стабилност на државата.”, велат од ВМРО-ДПМНЕ.

Македонија | пред 1 година

Нема фотографија

ВМРО-ДПМНЕ: 24 милиони евра за километар железница која завршува во тунел кој не води никаде, на тоа СДС и ДУИ трошеле пари

,,24 милиони евра за километар железница која завршува во тунел кој не води никаде, на тоа СДС и ДУИ трошеле пари.24 милиони за километар железница е најверојатно новиот рекорд во светот, а го држи најкорумпираната влада на планетата кока некогаш постоела, таа на СДС и ДУИ, говори најновиот извештај на ДЗР.Имено 560 милиони евра е целата проекција за 23.4 километри железница од Крива Паланка до границата со Бугарија, која треба да дислоцира стотина куќи и која завршува во тунел кој не води никаде.За цената по километар да стигне 24 милиони евра, се погрижила владата на СДС и ДУИ кои цената на проектот ја дигнале од 340 милиони евра на 560 милиони.Фрапантно и без одговорност се трошени народни пари и на автопатот Кичево - Охрид кој едвај е помрднат од состојбата во која е оставен од ВМРО-ДПМНЕ, а за кој финансиската конструкција е проширена за нови над 180 милиони евра. Пари се трошени, а резултат нема.Нема проект за кој СДС и ДУИ не додавале милиони, а истиот да е реализиран. Каде оделе десетици и стотици милиони евра е работа со која треба да се занимава ЈО и која не смее да остане не истражена.”, велат од ВМРО-ДПМНЕ.

Македонија | пред 1 година

Пренџов: Новата Влада се базира на борба против криминалот и корупцијата

Во гостување во емисијата „24 Анализа” пратеникот од ВМРО-ДПМНЕ Љупчо Пренџов истакна дека новата Влада ќе се базира на четири клучни столба и додаде:„Новата владина коалиција има четири клучни столба. Првиот клучен столб е борба против криминалот и корупцијата во оваа држава кој завзема огромни размери. Вториот клучен столб е подобрување на економијата и благосостојбата на граѓаните. Третиот столб е забрзани европски интеграции и четвриот столб е рамномерен регионален развој на Македонија”, истакна Пренџов.Тој продолжи и додаде:„Владата како што кажа и мандатарот основен значај ќе и се про македонски ставови, односно сите без оглед на етничка припадност”, рече Пренџов.Тој додаде дека идат подобри денови за Македонија.„Идат подобри денови доаѓа економска обнова на државава, доаѓа силен удар на криминалците на криминалот и корупцијата и тоа е она убаво кое ќе се случува во Македонија во наредните години”, дециден е Пренџов.

Македонија | пред 1 година

ВМРО-ДПМНЕ: Ќе работиме на поевтинување на струјата после јануари

,,На заминувањето на власта на СДСМ и ДУИ, се случува повторно ново поскапување на електричната енергија, со што директно се удира по стопанството и по буџетот на домаќинствата.ВМРО-ДПМНЕ се грижи за стандардот на граѓаните и затоа поднесе Предлог закон за дополнување на законот за енергетика по скратена постапка, со кој ќе се спречи поскапувањето на цената на електричната енергија за најголем дел од домаќинствата сега на почетокот на јули.Со оглед на тоа што универзалниот снабдувач од порано продолжува да ја врши истата услуга и во иднина, Регулаторна со измените треба само да му ја продолжи лиценцата, без да има дополнителни бирокартски процедури кои чинат пари и време и во исто време ќе се намали маржата од 11,5% на 9,9%. Овие промени но и оптимизацијата во работата на универзалниот снабдувач би ги заштитило граѓаните од поскапувања и со тоа дополнително загрозување на стандардот на граѓаните.Овие мерки кои сега ги предлага ВМРО-ДПМНЕ, пред формирањето на владата се во насока на заштита на интересите на граѓаните. По формирањето на владата ќе следи силна и посветена работа во областа на енергетиката, што би требало да резултира со намалување на цената на електричната енергија во следниот регулационен период од јануари 2025, како за домаќинството така и за стопанството.”, велат од ВМРО-ДПМНЕ.

Македонија | пред 1 година

Мицкоски: Нема да дозволиме стандардот на граѓаните да биде загрозен

,,Изминатите денови во јавноста една тема ги разбранува страстите и оправдано, тоа беше цената на електричната енергија која што ќе биде практично регулирана од страна на Регулаторна комисија за енергетика на Македонија во неделите кои што следат, а која што ќе биде апликативна односно важечка од први јули заклучно со 31 декември 2024 година.Во јавноста проструи информација дека истата ќе претрпи значителни корекции во негативен тренд за граѓаните, односно истата ќе биде зголемена.Како идна Влада не сакаме да се мешаме во работата на независните регулаторни тела. Но, исто така како идна Влада имаме одговорност, а тоа го ветивме пред граѓаните за време на кампањата за време на претседателските и парламентарните избори дека тие ќе бидат нашиот приоритет, стандардот на граѓаните ќе биде наш приоритет и како такви и како идна Влада имаме намера сериозно да се грижиме за стандардот на граѓаните.И да не дозволиме истиот тој стандард поради ситни интереси на поединци да биде начнат односно загрозен.Во таа смисла група пратеници од Коалицијата „Твоја Македонија“ предводена од ВМРО-ДПМНЕ денеска прво потпишан сум јас, доставивме до Архивата на македонското Собрание предлог закон за дополнување на Законот за енергетика по скратена постапка. Што е всушност овој предлог закон за дополнување на Законот за енергетика? Тоа е всушност предлог закон со кој нема да има зголемување на цената на електричната енергија за домаќинството односно стандардот на граѓаните ќе биде заштитен.А, со овој предлог закон нема да се дозволи она кое што проструи изминативе денови во јавноста како информација да биде драматично зголемена цената на електричната енергија.Цениме дека со овој предлог закон за дополнување на Законот за енергетика по скратена постапка посебно домаќинствата кои што се во првата и втората група нема да добијат зголемени сметки за електрична енергија. А, исто така очекуваме и оние кои што влегуваат и во третата и во четвртата група зголемувањето на цената на електричната енергија да не биде значително односно да се движи помеѓу 1 и 2%.Тоа е она што ние како идна Влада можеме да го направиме.Со други зборови нема да има зголемување на цената на електричната енергија за домаќинствата кои добиваат електрична енергија од универзалниот снабдувач. Сега би навлегол малку и во суштината, ќе ми треба и стручно објаснување, ќе се обидам на едноставен начин да сето тоа го доближам до вас, за да може на македонската јавност, на граѓаните да им биде појасно.Како се формира цената на електричната енергија? Цената се формира како збир од четири собирока. Тоа е цената која за своите услуги ја наплаќа МЕПСО, цената која за своите услуги ја наплаќа ЕВН Дистрибуција, цената која за своите услуги ја наплаќа ги наплаќа операторот на пазар МЕМО, плус цената на самата електрична енергија.Вие слушнавте во јавноста дека самата цена на електричната енергија која што ЕСМ поранешно ЕЛЕМ ќе ја доставува до компанијата која што е универзален снабдувач, официјално се уште таа цена не сме ја виделе, но слушнавме дека владата донесла одлука на една од седниците таа цена да се зголеми. Од тоа што можевме во јавноста да го слушнеме цената од 57 донеле одлука да ја зголемат на 60 евра за мегават час, ќе видиме дали е тоа така.Но, бидејќи ние сме внимателни рековме дека наш приоритет претставуваат граѓаните и нивниот стандард, затоа предвреме преземаме мерки со кои не би се случил овој ценовен шок, за потоа да имаме инфлаторна спирала која што ќе го начне стандардот на нашите граѓани.Да се вратам сега на формирањето на цената. Сите овие 4 собирока се множеа со коефициентот 1,115. Зошто со овој коефициент, затоа што тоа беше старата маржа која што универзалниот снабдувач ја наплаќаше од домаќинствата или тоа е 11,5%.Откако истече тој рок односно од како истече лиценцата со старата маржа за стариот универзален снабдувач се распиша нов јавен оглас, нов тендер и најповолната понуда ја намали таа маржа од 11,5 на 9,9 проценти. Што правиме ние со овој закон, со овој закон всушност односно дополнување на законот за енергетика всушност велиме дека не е потребно бидејќи станува збор за исто правно лице повторно формирање на ново правно лице, нова структура нови трошоци за банкарски сметки нови процедури и така натаму нешто што ќе трае со месеци туку велиме дека бидејќи станува збор за старо нов бидејќи истиот кој што и порано бил универзален снабдувач како правно лице ќе продолжи да биде универзален снабдувач како правно лице и во иднина, нема потреба да регистрира ново правно лице, бидејќи станува збор за истото, само му ја продолжува регулаторната комисија, по основ на овој предлог закон кој што ние го доставуваме за дополнување на законот за енергетика важноста на лиценцата и тоа значи дека наместо маржа од 11,5 проценти која што до сега им беше наплаќана на граѓаните, ќе биде наплаќана маржа од 9,9 проценти.И истовремено упатувам порака до универзалниот снабдувач да врши многу внимателно оптимизација на своите потреби односно при набавката на електричната енергија да се води најпрво од интересите на граѓаните а потоа да направи вистинска оптимизација на своето портфолио кое што понатаму ќе го испорача кон граѓаните да не набавува количини на електрична енергија кои што нема да бидат потребни, туку да се држи до пристапот кој што ќе биде чесен, одговорен и пред се инспиративен за граѓаните, односно да направи оптимизација за својата набавка на електрична енергија.Доколку овие две работи се случат, односно овој Закон за дополнување на законот за енергетика се донесе, ќе биде намалена маржата од 11,5% на 9,9 проценти и доколку универзалниот снабдувач направи оптимизација на своето портфолио, односно оптимизација на количините на електрична енергија, тогаш јас ве уверувам дека граѓаните нема да добијат повисоки сметки за електрична енергија.Ние сме влада која што е одговорна, ние сакаме да бидеме влада која што главен интерес ќе биде интересот на граѓаните, така во овој период додека сеуште не сме официјално влада се однесуваме, така ќе продолжиме во иднина.А, ќе сториме се што е во наша моќ, во овие шест месеци да го реорганизираме енергетскиот сектор во Македонија и веќе во следниот регулационен период од први јануари 2025 до 30 јуни 2025 година граѓаните да добијат поевтини сметки за електрична енергија, индустријата да добие, онаа која што е на регулираниот пазар, поевтини сметки за електрична енергија.На тој начин инфлацијата ќе биде задушена, односно цените наместо да се качуваат, ќе се намалуваат, граѓаните се нашиот приоритет и како идна влада имаме намера да ни бидат исклучиво важни граѓаните.Граѓаните направија тоа што требаше да направат сега, идната влада предводена од ВМРО-ДПМНЕ треба да направи за граѓаните.”, изјави Христијан Мицкоски, претседател на ВМРО-ДПМНЕ.

Македонија | пред 1 година

Мицкоски: Главен интерес и фокус на идната влада ќе претставува креирање на нови и добро платени работни места

,,За мене претставува посебна чест еве што сум денеска поканет на овој преубав настан кој што го организира компанијата Киел која што го проширува своето производно портфолио на нови повеќе од 7.000 метри квадратни, овдека во индустриската зона овде во близина на Тетово.Од тоа што можев да слушнам дека се подготвуваат уште нови два плаца за уште едно дополнително проширување на производното портфолио на компанијата. Ние како идна влада имаме намера сите инвеститори да ги подржуваме на рамноправна основа и странските и домашните, да се бориме за секое едно ново работно место. Главен интерес и главен фокус на работењето на идната влада ќе претставува креирање на нови работни места, на добро платени нови работни места, понатаму зголемување на извозот, зголемување на бруто домашниот производ, а со тоа нормално и покренување на домашната економија. Мислам дека и самите бевте сведоци на пораките кои што беа упатени од овој настан.Јас нема што повеќе да додадам, компанијата се занимава со производство на седишта кои што можете да ги најдете во возовите кои што се обраќаат ширум Сојузна Република Германија, од тоа што разбрав и од пораките кои што стигнаа можам да заклучам дека овој производен капацитет ќе произведува за потребите на уште еден странски инвеститор, тоа е фабриката Ван Хол односно автобусите кои што фабриката Ван Хол ќе ги произведува за пазарот во САД, така што еве како идна влада би сакале да упатиме порака на соработка, поддршка, се бориме за македонската економија, за секое ново работно место да ги задржиме нашите граѓани овде во Македонија.”, вели Христијан Мицкоски, претседател на ВМРО-ДПМНЕ.

Македонија | пред 1 година

Мицкоски: Една од првите мерки во првите 100 дена од новата влада ќе биде намалувањето на даноците на профит

,,Задоволството е големо што имам можност да присуствувам на стартот на една нова и надоградена приказна изразена во новата инвестиција на компанијата Киел.Во едни вакви тешки времиња би рекол дека не само што е мудра, туку и навистина смела одлука да се инвестира во државата.И во таа смисла јас како човек кој за скоро очекувам да ја добијам парламентарната поддршка за водење на идната влада имам изразена намера да придонесам и активно поддржам секаков процес кој ќе значи нови работни места, повеќе пари во македонската економиjа, успешни бизнис приказни кои ќе ја потврдат мојата искрена намера преку инвестиции, преку развој и технолошки прогрес да ја враќаме државата на народот, контролата во негови раце и да создаваме среќна иднина за сите.Целосно сум свесен за предизвиците кои престојат и реформите кои мора да се преземат.Корупцијата и борбата против криминалот ќе биде нашиот примат и секој инвеститор мора да биде стопроцентно уверен дека државата ја гарантира заштитата од неморални и коруптивни притисоци и настојувања.Никој не смее да биде над законот, исто како што никој не смее да помисли да ја одземе иднината и работите кои ја создаваат иднината.Новата влада ќе биде партнер на стопанствениците.Заедно да создаваме и да придонесуваме за подобар живот.Јас сум за што повеќе инвестиции кои го зголемуваат животниот стандард, а ова е борбата за подобар живот на сите граѓани.Македонија се сака со дела и тоа е најдобриот одговор за сите кои во политиката прават етнички поделби, креваат ѕидови и создаваат омраза.Да имаме натпревар на идеи, наместо натпревар во шовинизам и радикализам.Со работа, со решенија и креирање конкретни работи се сакаат и се бори за благосостојбата на Македонците, Албанците, Турците, Ромите, Србите, Власите, Бошњаците и сите останати.Една од првите мерки во првите 100 дена од новата влада ќе биде намалувањето на даноците на профит. На тој начин ќе се помогне на бизнисот и ќе се обезбедат повеќе пари во економијата.Ќе има кратење на административните процедури и отстранување на бариерите кои го попречуваат бизнисот.На крајот дозволете ми да им честитам на инвеститорите за храбрата одлука, во мене гледате човек кој сака да ви помогне и заедно да направиме Македонија да биде подобро место за живеење. За сите вас.”, изјави Христијан Мицкоски, претседател на ВМРО-ДПМНЕ.

Македонија | пред 1 година

Јаневска: Наставните планови и програми ќе мора да се променат затоа што очигледно не даваат ефект

„Оваа Национална стратегија повеќе пати сум кажала дека сметам дека е многу потребна, тоа би биле принципите на кои ние би го воспоставиле образовниот систем со политички консензус во Македонија. Се разбира тоа би било со консултација на стручните тела и стручната фела“, истакна Весна Јаневска, предлог министер за образование и наука во утринска емисија на „Слободен печат“.„Сметам дека е многу потребно сите политички релевантни субјекти да се согласат на тие принципи за да може да обезбедиме континуитет во образованието на младите“, заклучи таа.Јаневска потсети дека во минатото многу често се менуваа министрите и многу често се доаѓаше во ситуација да се почнува постојано од почеток со некакви неефикасни промени.„Па, така ќе го предложиме ова и јас се надевам дека ќе дојдеме до тој консензус“, нагласи таа.„Наставните планови и програми навистина ќе мора да се променат затоа што очигледно дека не даваат ефект. Јас велам дека според принципот кој јас го посакувам да има континуитет сега во моментов се прават анализи и се правеа и претходно, она што наставниците, родителите и повозрасните ученици ги сметаат дека е добро во тие програми, ние ќе го задржиме како Влада“, појасни Јаневска.Таа посочи дека критиките од ЕУ и меѓународните тестирања покажуваат дека нашите деца со своето знаење се на некое незавидно ниво и тоа мора да се промени.„Ќе се водиме по тоа – добро образование, добра држава“, нагласи таа.

Македонија | пред 1 година

Лично ќе се залагам сомневањата за злоупотреби да се расчистат, младите да останат дома, да немаме егзодус на доктори, најави Мицкоски

Мандатарот Христијан Мицкоски даде изјава откако го достави својот предлог за состав на Владата. Најави дека озбилно планира да се расчисти со сомневањата за злоупотреби кои се случувале изминатите седум години. Тој кажа дека за ова лично ќе се залага.„Очекувам дека секој од нив максимално ќе се заложи и ќе даде повеќе од својот капацитет за своите граѓани. Граѓаните своето го направија, сега е ред ние да направиме нешто за нашите граѓани“, рече Мицкоски.Според него, бизнисот треба да се чувствува сигурно. Рече дека Владата ќе биде сервис за остварување на нивните права.„Владата е цврста и стабилна“, додаде Мицкоски.Се осврна и на младите кои рече дека ќе бидат нивни акцент.„Имаме класичен егзодус, младите ја напуштаат Македонија и ја бараат иднината надвор од тука. Осум од десет студенти кај мене ми велат дека планираат по студирањето да ја напуштат Македонија. Перцепцијата треба да ја променат“, додаде Мицкоски.Најави дека целта ќе биде да нема граѓани од втор или трет ред.„Тоа нема да се случува, лично го гарантирам“, посочи Мицкоски.Посочи дека верува во секој еден од предложените министри. И на пензионерите им вети зголемување на пензиите, уште во првата година за 5.000 денари.

Македонија | пред 1 година

Милошоски: СДСМ и ДУИ оставија буџет со критично ниско ниво

Државата е навистина доведена во незавидна ситуација каде нема луксуз да се делиме, поларизираме, пребројуваме на ваши, наши, нивни, треба сите можни ресурси да се ангажираат за да може да постигнеме одредени цели и затоа е таа подадена рака и кон тие кои се претставници и симпатизери на СДСМ. Но тоа не значи дека некој што се огрешил пред законот ќе биде заштитен од одговорност. Ако некој бил директор, министер, функционер од СДСМ и ДУИ и според материјални докази се докаже дека го прекршил законот ќе си одговара согласно законските одредби, истакна пратеникот и член на ИК на ВМРО-ДПМНЕ Антонијо Милошоски во гостување во емисијата „Заспиј ако можеш“ на ТВ Алфа.Милошоски продолжи и додаде:„Ќе треба да се направи силна динамика на работа на извршната власт и Собранието заеднички бидејќи тоа што најмногу загрижува од податоците кои ги добивме од техничката влада од министерството за финансии преку претставникот на ВМРО-ДПМНЕ, заменичкиот министер за финансии дека државниот буџет и приходите во државниот буџет се на критично ниско ниво. Во најголемиот дел од министерствата и институциите доведено е сервисирањето на основните услуги кои овие институции ги даваат. Тоа ќе биде најголемиот предизвик на новата влада како да се покрие финансиската штета која беше направена од СДСМ и ДУИ за да може буџетот да се врати во кондиција“, рече Милошоски.Тој потенцираше дека секој министер и директор на поголемо државно претпријатие откако ќе влезе во институцијата треба да си направи основна ревизија на буџетската состојба на институцијата што ќе ја раководи и актуелната финансиска состојба без разлика колку таа да е лоша да ја сподели со јавноста.„На сите овие номинирани кандидати за министерски позиции треба да им се честита за тоа што прифатиле ваков предизвик секој еден од нив е свесен дека влегува во тешка ситуација во сите министерства. Токму тоа е предизвикот полошо од ова не може да биде мора да направиме Македонија да ја искористи оваа шанса да ги врати министерствата во вистински колосек да ја подобри ситуацијата и стандардот во државата“, вели Милошоски.Милошоски укажа на тоа дека Владата на ВМРО-ДПМНЕ предвидува да одвои добар дел од буџетот кон општините со однапред подготвена проектна документација.

Македонија | пред 1 година