Мојсоска: Како Мерко во мандатот на Мицкоски отвори приватна градинка?

Кандидатката за градоначалник на Струга од Левица, Јована Мојсоска, побара одговори од премиерот Христијан Мицкоски и надлежните институции околу отворањето на приватна градинка од страна на градоначалникот на заминување, Рамиз Мерко.„Како е можно токму во мандатот на владата на Мицкоски, прочуениот градоначалник од ДУИ да отвори приватна градинка во рамки на неговиот контроверзен универзитет?“, праша Мојсоска.Таа посочи дека е нејасно дали министерот за труд и социјална политика, Фатмир Лимани, издал дозвола за работа на оваа установа или таа функционира без законска основа, додека Министерството за образование и Министерството за социјална политика молчат.Мојсоска потсети дека во текот на мандатот на Мерко во Струга не била отворена ниту една нова градинка, а една од постојните била затворена, со што се продлабочил проблемот со долгите листи за чекање.„Градоначалникот кој не обезбеди простор за децата на Струга во јавни градинки, токму во време на ДПМНЕ отвора приватна градинка во рамки на универзитет за кој и ресорната министерка Јаневска утврди неправилности, но наместо санкции – сега таму се отвора воспитно-образовна установа. Додека стружани едвај можат да упишат дете во обична градинка, се создава привилегирана приватна институција“, рече Мојсоска.Таа додаде дека на граѓаните им е јасно „кој со кого се амнестирал и кој со кого се пазари изминативе 35 години“, алудирајќи на соработката меѓу ВМРО-ДПМНЕ и ДУИ.

Македонија | пред 3 месеци

(Видео) Во земјотресот на Филипини се зголемува бројот на загинатите, сцените се застрашувачки

Бројот на жртви од земјотресот со јачина од 6,9 степени што го погоди централниот дел од Филипините се искачи на 69, а владата ги мобилизираше агенциите за потрага по преживеани и враќање на снабдувањето со електрична енергија и вода.Болницата во северниот град Бого кој беше во непосредна близина на епицентарот е „преоптоварена“, изјави службеникот за цивилна заштита Рафи Алехандро.Во природната катастрофа има и повеќе од 150 лица се повредени. Претседателот Фердинанд Маркос помладиот вети брза помош, велејќи дека службениците се на терен и ги насочуваат операциите за помош и изрази сочувство до оние кои ги загубија своите најблиски.Друг тешко погоден град е Сан Ремиџо, каде што заменик-градоначалникот Алфи Рејнс апелираше за храна и вода за евакуираните, како и тешка опрема за да им помогне на спасувачите.Локалните медиуми објавија видеа од луѓе кои бегаат од своите домови додека земјата се тресеше и зградите се уриваа, вклучувајќи ја и црквата стара повеќе од 100 години.Сеизмолошките служби ја проценија длабочината на земјотресот на околу 10 км и регистрираа неколку последователни потреси, од кои најсилниот беше со магнитуда од 6 степени. Немаше закана од цунами по земјотресот.

Свет | пред 3 месеци

(Фото) „Те нема, а секаде те има, неизбежно те има, во себе си те носам“, Игор Џамбазов со емотивна објава за својата мајка Анче Џамбазова

Македонскиот актер и шоумен Игор Џамбазов уште еднаш ја потсети јавноста дека спомените и љубовта кон неговите родители никогаш не бледнеат.Вчера изминаа изминаа 28 години од смртта на неговата мајка, легендарната актерка Анче Џамбазова.На неговиот профил на Инстаграм, тој сподели стара црно-бела фотографија, под која напиша „28 години без тебе, мајчичке…“. „Те нема, а секаде те има, неизбежно те има, во себе си те носам“.Анче Џамбазова почина на 30 септември 1997 година во Скопје, на само 55 години. Таа беше ќерка на големиот Петре Прличко и, по неговите стапки, стана едно од препознатливите лица на македонската сцена.

Магазин | пред 3 месеци

Не е завршена постапката за Кочани, се води предистрага за УЈП и други институции поврзани со „Пулс“, уверува државниот обвинител Коцевски

Oбвинителство води предистрага за вработени во Управата за јавни приходи (УЈП), но и во други институции за десетина кривични дела во врска со пожарот во дискотека „Пулс“ во Кочани, изјави државниот јавен обвинител Љупчо Коцевски.Одговарајќи на новинарски прашања пред денешната седница на Советот на јавни обвинители, Коцевски рече дека со завршување на обвинението не значи дека завршила и постапката за Кочани и дека податоци што беа изнесени од страна на Истражувачката репортерска лабораторија не се ништо ново и дека сите овие пораки се испратени до одбраната и судот.-Јавното обвинителство уште од почетокот постапуваше по поднесена кривична пријава. Меѓутоа Јавното обвинителство водеше и предистражна постапка и во однос на сите останати други институции, што значи дека во моментот на подигање на обвинение, немаше докази во однос на инспектори во УЈП, меѓутоа предистражната постапка беше отворена веднаш и таа сè уште трае, со тоа што со завршување на обвинението не значи дека заврши и постапката за Кочани изјави Коцевски.Во однос на другиот предмет за пожарот во „Пулс“ што го води Основното јавно обвинителство за гонење организиран криминал и корупција (ОЈО ГОКК) против 13 полициски службеници и за кој сè уште нема обвинение, Коцевски рече дека тоа е така затоа што на предметот работи само еден јавен обвинител, но и дека се запазени сите рокови.-По другиот предмет постапува само еден јавен обвинител. Причината зошто е така, е затоа што сè уште немаме доволно јавни обвинители, односно сè уште имаме 70 јавни обвинители помалку. Наредните три и пол години така ќе биде и од тие причини, со оглед дека е еден јавен обвинител, постапката се води подолго време, меѓутоа таа ќе заврши наскоро, рече Коцевски.Истражувачката репортерска лабораторија во неделата објави документарен филм со наслов „Нашиот морален компромис“, во кој беа објавени нови снимки и сведоштва на родители на загинати и лица кои биле во објектот, како и разговори преку апликации меѓу сопствениците на дискотеката и инспектори на УЈП.

Македонија | пред 3 месеци

Филипче: Павел Иванов е симбол на храброст и чесност, Штип заслужува лидер како него

Претседателот на СДСМ, Венко Филипче, на вчерашната граѓанска трибина во Штип во своето обраќање ја истакна исклучителната посветеност на кандидатот за градоначалник, Павел Иванов, како пример за чесност, храброст и верба во социјалдемократските вредности.„Пред повеќе од една година, по тешкиот пораз на изборите, требаше да се обноват општинските организации. Првата организација што ја средувавме беше штипската. Му се обратив на Павел, го прашав дали е подготвен да ја преземе одговорноста. Тој прифати, иако знаеше дека може да ја изгуби својата работа. И навистина ја изгуби, но остана чесен, храбар и посветен. Тоа е вистинска љубов кон СДСМ и кон социјалдемократските вредности,“ изјави Филипче.Тој исто така нагласи дека токму таквиот карактер го прави Иванов најдобриот избор за Штип. Филипче воедно зборуваше и за значењето на слоганот на СДСМ „Борба за домот“, истакнувајќи дека тоа е продолжение на историските борби за слобода и правда, од Илинден, преку антифашистичката борба, до денес.„Нашиот народ точно знае кога некој сака да го угнети, да го замолчи или да го ограби токму тоа што сега го прави ВМРО-ДПМНЕ. Затоа, Штип со Павел и со сите чесни, отворени и работливи кандидати за советници, чесни отворени работливи луѓе, ќе покаже дека победата е на дофат,“ порача претседателот на СДСМ.Филипче пред штипјани зборуваше и за работата на актуелниот градоначалник Иван Јорданов кој има 90% нереализирана програма, глас за втор мандат и слабост во соочување на дебати.„Со Јорданов 4 години Штип е без реконструкција на водоводни мрежи, без проекти за заштита на животната средина. Нема гасификација, нема фотоволтаици. Ги остави граѓаните без редовно водоснабдување, да се гушат во чад и смет кој не се собира редовно. Ама затоа цените на основните услуги и даноци ги зголеми. Ете ова е сликата за вледеењето на Јорданов. 4 години загубено време. 4 години застој и разочарување наместо прогрес и развој на Штип. И затоа и бега од дебата со единствениот против-кандидат, кандидатот на СДСМ, Павел Иванов. Бега бидејќи нема како да го брани своето недомаќинско работење“, рече Филипче набројувајќи ги проектите кои остана само ветување од 2021 година на ВМРО-ДПМНЕ.

Македонија | пред 3 месеци

Милошоски зборува за две тајни коалиции: Левица со ДУИ за Струга и Тетово, во Карпош, Заев и Филипче со Јакимовски за маркици и тендери

Членот на ИК на ВМРО-ДПМНЕ, Антонијо Милошоски денеска на прес-конференција изјави дека за претстојните избори постојат две „не толку видливи, но проѕирни коалиции“, чија цел е заштита на бизнис интереси.– Овие избори ги сојузија едни од најголемите манипуланти и штетници во Македонија против ВМРО-ДПМНЕ во две не толку видливи но сепак проѕирни коалиции, коишто имаат за цел да зашитат два бизнис интереси – рече Милошоски.Тој како прва ја посочи коалицијата помеѓу ДУИ и Левица, при што, како што рече, Левица извадила „прокси кандидати“ во Струга и Тетово за да го спасат ДУИ од пораз во прв круг во овие две општини.– Тоа е истата онаа Левица и истиот Апасиев, кои го помагаа СЈО за дебели хонорари. Апасиев нема кандидат во Штип, каде што има пратеник Крмов, затоа што знае дека ќе изгуби. Апасиев нема кандидат во родниот Велес, затоа што знае дека ќе биде поразен, но во Струга и во Тетово, каде што на сите им е јасно дека немаат ниту теоретски шанси, Левица има кандидати за градоначалници коишто треба да служат како гума за спасување на кандидатите на Али Ахмети – изјави Милошоски.Тој додаде дека пратеничката Јована Мојсоска имала средба со висок претставник на коалицијата на Ахмети, неколку дена пред да ја поднесе својата кандидатура за Струга.– Дали се работи за истата Левица којашто за СЈО работеше за хонорари, и сега продолжуваат да шуруваат со Ахмети за одредени хонорари, времето набрзо ќе покаже – рече Милошоски.Тој потсети дека и поранешниот премиер Зоран Заев зборувал за заедничка цел со Левица на парламентарните избори.– И оваа коалиција е коалиција за заштита на бизнисите на ДУИ. А Левица повторно е тука за нечии туѓи интереси, за некоја позиција, и за одреден паушал – изјави Милошоски.Како втора, Милошоски ја посочи коалицијата помеѓу Венко Филипче и Стевчо Јакимовски, која, според него, ја правел лично Зоран Заев во име на Филипче.– Зоран Заев и Стевчо Јакимовски се стари другари од едни претходни локални избори, имаат добро разработена шема со градежната мафија и со доделувањето на маркици во општина Карпош. Во оваа коалиција гледаме дека кандидатката на СДСМ е кандидирана само ради реда, не се ни појавува на одредени митинзи, не се ни појавува ниту во јавност. Кандидатката на СДСМ е буквално пуштена низ вода, да фигурира на гласачкото ливче, но насоката на Заев преку Венко Филипче е членовите и симпатизерите на СДСМ во општина Карпош, да гласаат за Стевчо Јакимовски, при што ниту на Заев ниту на Венко Филипче не им пречи што Стевчо Јакимовски има првостепена осуда, ниту им пречи што е на црната листа на САД – рече Милошоски.Тој обвини дека соработката е базирана на „шема на маркици“ и поддршка од урбаната мафија.– Стевчо Јакимовски го има усовршено методот на бетонизација за профит и тоа го спојува со Заев и Филипче, она што претходно долго време го правеа на ниво на општина Струмица. Планот е во иднина Карпош да му послужи и на Заев и на Филипче, но исто така и на Стевчо Јакимовски, да биде базата од каде што ќе се финансираат овие поединци, групи и нивните политички опции – наведе Милошоски.Според него, оваа коалиција е „проѕирна“, бидејќи „маркиците за градба, тендерите и корупцијата им се побитни од владеењето на правото и почитувањето на црната листа на САД“.– Во секој случај, ВМРО-ДПМНЕ и коалицијата има доволно силен потенцијал, граѓаните на Карпош се свесни и зрели и сметам дека овие политичари, особено оние коишто се на црната листа, а и Зоран Заев којшто се обидува во Карпош да наметне и да определи кој ќе биде градоначалник, ќе ги испратиме во политичка пензија – изјави Милошоски.

Македонија | пред 3 месеци

Вкупно 17 деца и возрасни се заразиле со салмонела, јаделе сендвичи од една штипска сендвичарница

Се зголемува бројот на деца и вработени од едно штипско средно училиште кои добиле симптоми на труење по консумирање сендвичи во блиска сендвичара. Епидемиологот Светлана Живкова за МИА изјави дека до денеска се регистрирани вкупно 17 лица со симптоми, што е за двајца повеќе од вчерашниот биланс.– До сега се регистрирани 17 случаи, кај дел од нив од измет е изолирана Salmonella enteritidis. Земени се 35 примероци од храна, вработени и работни површини и испратени се на анализа во лабораторијата на Институтот за јавно здравје во Скопје – вели Живкова.Таа додаде дека резултатите од земените примероци сè уште се чекаат.Сендвичарата е затворена, а инспекторите веќе земале примероци од храната и работните површини и спровеле санитарен преглед и едукација на сите вработени.Мајка на ученик кој заврши на Инфективното одделение во Клиничката болница во Штип изјави дека нејзиното дете ги добило симптомите по јадење сендвич со пилешки стек и пржени компири.

Македонија | пред 3 месеци

Азири: Османи нека каже колку денови како министер бил со Чаирци

Бујар Османи треба да одговори колку денови вкупно поминал сограѓаните на Чаир за време на неговите мандати во владите на Груевски ина СДСМ, прашува ВЛЕН.Сабри Азири, портпарол на Локалниот штаб на коалицијата ВЛЕН во Чаир, денес го критикуваше кандидатот на опозицијата за општина Чаир, Бујар Османи, за недостаток на реален интерес кон граѓаните и за преголем фокус на прашања кои се надлежност на централната власт."Кандидатот на опозицијата за општина Чаир,Бујар Османи не гоинтересираат жителите на Чаир, нив ги доживува како алатка заостварување на личните цели. Тој ниту ги знае точните надлежности наопштината, ниту може да ги препознае вистинските потреби на граѓаните.Затоа највеќе сака да зборува за теми од надлежност на централнатавласт“, рече Азири.Како пример, тој го наведе начинот на кој Османи зборува за албанскотообединување во 90-тите години и за политичките активности во 90-тите иво 2001 година, како да бил директно вклучен, иако во 1991 година ималсамо 11 години, а во 2001 само 21 година.„За жал неговите амбиции очигледно го тераат количината на измислици штосекојдневно ги пласира да добиваат размер на епски лаги. Еден пример екога зборуваше за албанското обединување во деведесетите години наминатиот век и даваше оценки како да бил директен учесник. Бујар во 1991имал 11, а во 2001 21 година, а без никаков срам  говори како да билактивен во процесите на етаблирање на албанската политичка сила и воУЧК. Опседнатоста на Бујар себеси да си дава некакви историски улоги гизагрижува и неговите најблиски соработници кои се повеќе се сомневаат воисправноста  на неговите проценки. Вакво потценување на интелигенцијатана Албанците не е видено во поновата политичка историја “, додадепортпаролот на Локалниот штаб на ВЛЕН во Чаир.Азири предупреди дека нема да биде изненадување ако Османи тврди декабил дел од претседателскиот кабинет на Ибрахим Руговa во Косово."Нема да не зачуди ако следно каже дека бил и во претседателскиоткабинет на Ибрахим Ругова на Косово.  Затоа, ваквите интересџии какоБујар, ќе бидат збришани на локалните избори. Конечно, нека одговориБујар Османи колку дена вкупно поминал со граѓаните во Чаир за време нанеговите мандати во владите на Груевски и СДСМ за да има образ сега даја бара нивната доверба?“ зaклучи Азири.

Скопје | пред 3 месеци

Да го спасиме животот на студентот по медицина Спасение Анчески, се бори со најтешката леукемија!

Студентот по медицина Спасение Анчески од Скопје води борба со акутна миелоидна леукемија и единствена надеж му е лекувањето во Загреб.Апел за помош за негово лекување упати и гинекологот Ненад Лазаревски, кој во објава на ФБ вели:Ја повикувам цела медицинска заедница ИТНО да помогнеме на овој млад иден колега, воедно и апел до цела држава, да се обединиме да се спаси уште еден млад животНашиот студент по медицина Спасение Анчески од Скопје се соочува со најтешката битка – акутна миелоидна леукемија (АМЛ).Првата хемотерапија во Македонија не даде резултати. Сега неговата надеж е лекување во Загреб, каде што постојат поголеми шанси за закрепнување.https://ecrowd.mk/projects/0f60f701-de12-470e-8440-2dd5f1da4470Времето е клучно – потребна е финансиска помош за да продолжи со третманот.Секој ваш придонес значи чекор поблиску до животот што Спасение го заслужува.Да бидеме заедно, да подадеме рака и да му дадеме сила!

Македонија | пред 3 месеци

(ФОТО) „Вардариште ќе стане современа претоварна станица, а не дива депонија“, вети Шукова

Кандидатката за градоначалник на Скопје од СДСМ, Каја Шукова, денеска изјави дека Вардариште ќе добие конечно и трајно решение како дел од планот за Скопје без диви депонии.„Вардариште мора да се затвори како дива депонија и да се уреди како претоварна станица по европски стандарди,“ истакна Шукова.Таа нагласи дека изминатите четири години на оваа локација не биле преземени никакви интервенции, што резултирало со сериозни еколошки и здравствени последици за граѓаните.Во нејзината програма е предвидено Вардариште: да се огради и обезбеди со 24/7 чуварска служба, да се исчисти и уреди, да функционира како регуларна претоварна станица со селекција на отпад и да биде дел од интегриран систем за управување со отпадот во Скопје.„Не смееме повеќе да дозволиме самозапалувања, ниту пристап на лица кои не се надлежни. Вардариште ќе стане функционално, чисто и безбедно,“ додаде Шукова.

Скопје | пред 3 месеци

Коста Костадинов: „На Филипче ќе му простам и сè кажано ќе го примам како вид политичко неискуство“

Oстри критики упати струмишкиот градоначалник Костадинов кон лидерот на СДСМ  Венко Филипче по неговото вчерашно интервју.Во објава на ФБ, Костадинов вели дека Филипче искажал низа невистини за неговото однесување кон сопартијците и дека тоа воопшто не е негов сти.„Во едно скорешно интервју на МТВ во емисијата „360 степени“ со реномираниот новинар Васко Попетревски, претседателот на СДСМ, г. Венко Филипче, посочи дека наводно јас „сум плукал по партиските другари” и уште низа други нејасни ставови, кои практично ме натераа дури и со замрзнато членство во мојата партија, да одговорам со намера да останам доблесен кон моите партиски другари, луѓе до кои сум растел, сум се развивал и луѓе кои од душа ги почитувам и сакам.Веднаш сакам јасно да кажам, тоа е целосна бесмислица и измислица. Такво нешто никогаш не било мој стил, ниту моја практика. Но, јас нема да одговорам во ист тон и со ист наратив. Не сакам, дури ни несвесно, да направам штета на изборниот процес или на било кој кандидат на СДСМ.Иако ова, за секој политичар, претставува класичен „пенал“ момент можност да нападне и да извлече поени – јас ќе направам нешто друго: ќе простам. На претседателот ќе му простам и сè кажано ќе го примам како вид политичко неискуство кое е нормално на почеток на секоја кариера.Лесно е да се биде во СДСМ. Но, многу потешко е да го носиш СДСМ во себе – особено кога изворно не си дел од неговите темели, туку си дојденец во него.Затоа овде ќе застанам. Ќе останам доследен на мојот принцип дека својот конечен став за визијата за СДСМ ќе го кажам по завршувањето на локалните избори.

Македонија | пред 3 месеци

(Видео) Д-р Софијанова: Бобан е мојот човек, за Гази Баба!

Професор Софијанова му дацде силна поддршка на актуелниот градоначалник на Гази Баба, Бобан Стефковки во новата кампања за локалните избори што ќе се одржат на 19 октомври.-Јас сум професор Аспазија Софијанова, иначе началник на одделот за неонатална педијатериска интензивна, цел живот го посветив на децата на нивното здравје и грижа. Едноставно видовме вистински грижа од градоначалникот на Гази Баба, од изградба на градинки тоа е нешто неопходно, создавање на една инфраструктура која е важна, за посигурна и поубава општина, која ќе ги згрижи, бидејќи се занимавам со децата, им помага на децата.Бобан е градоначалник кој не ветува, тој вистински реализира, тоа јас сум го почувстувала, сум го видела затоа со целото мое срце му ја давам мојата поддршка за втор мандат.Бобан е мојот човек, за Гази Баба!

Скопје | пред 3 месеци

Бугарски полицајци со Google Translate изнудиле мито од возачите на камионите за турнејата на Роби Вилијамс

Агенцијата за сообраќаен надзор во Бугарија суспендираше двајца свои вработени откако побарале мито од возачи на камиони кои превезувале опрема за концерт на британскиот пејач Роби Вилијамс, ја пренесува Reuters вест на бугарската новинска агенција БТА.Вилијамс настапи во главниот град Софија во неделата навечер, во рамки на неговата турнеја „Britpop“.Двајца возачи платиле по 200 лева (околу 130 долари), еден возач дал 300 евра (околу 352 долари), додека останатите одбиле. Шефот на Софиската дирекција за внатрешни работи, Љубомир Николов, изјави дека службениците дури користеле алатка „Google Translate“ за да го побараат митото. При претресите во нивните автомобили, канцеларии и домови биле пронајдени околу 43.000 евра и повеќе од 5.000 лева, дел од парите скриени во пакувања од цигари.Обвинителството во Софија им поднесе обвинение на двајцата службеници, а сообраќајната агенција ги суспендираше и покрена внатрешна истрага, пренесе БТА.

Свет | пред 3 месеци

Имам во Шведска повика на тепање на жени – владата со остри реакции

Проповед во џамија во Кристијанштад, јужна Шведска, во која имамот Салех Абуеленен говорел дека „непослушните жени“ треба да се дисциплинираат со удари, предизвика жестока реакција во јавноста и во политиката.Во говорот од јули, за кој јавноста дозна дури откако весникот Expressen го објави во понеделник, Абуеленен пред преполна џамија изјавил дека мажот има право да ја „опомене, избегнува во кревет и на крај да ја удри“ својата сопруга ако таа е „бунтовна“ и не го слуша. Тој нагласил дека удирањето не треба да биде со „прекумерна сила“, туку како знак дека се прекршени граници.Имамот дополнително истакнал дека овие правила важат за муслиманските жени, „одгледани според Божјата книга“, и дека жените се виновни за повеќето брачни проблеми. „Мажот има право да ја дисциплинира својата жена, но таа нема право да го опоменува него“, рекол Абуеленен.Изјавите предизвикаа осуда од други верски лица. Имамот Шабан Абу Зур, кој исто така проповеда во Кристијанштад, посочи дека постојат повеќе толкувања и дека самиот Пророк никогаш не удрил жена.По објавата, следуваше брза политичка реакција. Министерот за социјални работи Јакоб Форсмед ја нарече проповедта „ужасна и целосно неприфатлива“ и најави итна проверка дали џамијата добива државна поддршка. Министерот за миграција Јохан Форсел зборуваше за „одвратна култура на чест“ и побара построги правила за државјанство.Шефицата на дипломатијата Марија Малмер Стенергард оцени дека ставовите на Абуеленен „припаѓаат на средниот век“, а министерката за интеграција Симона Мохамсон му порача дека е најдобро да ја напушти Шведска „ако не разбира дека тука постои нулта толеранција за семејно насилство“.Абуеленен подоцна изјави дека бил „погрешно разбран“ и дека зборовите биле „извадени од контекст“.

Свет | пред 3 месеци

Уапсени двајца турски државјани за „изнуда“, следува соодветна пријава

На 29.09.2025 во 18:40 часот на подрачјето на Центар во Скопје, полициски службеници од Единицата за насилен криминал и Единицата за интервентна полиција при СВР Скопје, во координација со јавен обвинител, ги лишија од слобода Е.О.(29) и Е.А.(22), двајцата од Република Турција. Тие се затекнати при примање 40.000 евра од Х.Џ.Ч.(26) од Република Турција, со привремен престој во Скопје, кои претходно се кримтехнички обработени.Имено, претходно во полициска станица Х.Џ.Ч. пријавил дека неколку дена лицето Б.О. од Република Туција, кој живеее во Обединетите Арапски Емирати, постојано му се заканувал дека ќе го убие ако не му дава пари. Според пријавеното, пред да го пријави настанот во полиција, му се јавил Е.О. и го известил дека парите треба му ги даде нему и дека на договореното место ќе дојде со уште едно лице.Двајцата се задржани во полициска станица и по целосно документирање на случајот, против нив ќе биде подмесена соодветна пријава.

Скопје | пред 3 месеци

(Видео) Орце Ѓорѓиевски им ветува „скопско“ Скопје на сограѓаните

Кандидатот за градоначалник на Град Скопје од ВМРО-ДПМНЕ, Орце Ѓорѓиевски, објави видео порака до сограѓаните, во која вели дека Скопје ќе биде уредено по скопски.Подоброто реално ќе го живееме, вели тој обраќајќи им се на скопјани.

Скопје | пред 3 месеци

(Видео) Мијовска Мојсова: Нема да дозволам Карпош да стане заложник на големи бизнис интереси

Кандидатката за градоначалник на општина Карпош од СДСМ, Маја Мијовска Мојсова, на почетокот на изборната кампања ѝ се обрати на јавноста и на граѓаните на општината, истакнувајќи дека нејзината кампања ќе биде „едноставна, без навреди и без материјални оптоварувања“.Таа нагласи дека нема да се обидува да ја добие поддршката преку поткуп со кафе, сендвичи или мали пакетчиња, туку преку директна средба и комуникација со граѓаните.„Од мене треба да очекувате да бидам присутна во сите месни заедници, во секое маало, на сите места каде што се дружите, работите и го поминувате секојдневието. Ќе се видам со секој еден од вас, ќе го слушнам вашиот глас, вашите потреби и маки, а ќе ви ја претставам и мојата визија за Карпош“, изјави Мијовска Мојсова.Во своето обраќање таа ги истакна инфраструктурните проекти, одржувањето на зелените површини, спортските терени и детските игралишта, како и редовното чистење и миење на улиците, дезинфекција на контејнерите и собирање на отпадот како основни приоритети.„Како лекар, во мојата визија здравјето на граѓаните е најважно“, рече таа, додавајќи дека нема намера да дозволи големите бизнис интереси да надвладеат над хуманите потреби на жителите на општината.Осврнувајќи се на анкети што биле објавени во изминатиот период, Мијовска Мојсова оцени дека тие се обидуваат да создадат впечаток дека изборите се непотребни, а истовремено ја критикуваше нивната тенденција да ја исклучат жената-кандидатка од изборната трка.„Со самото тоа што се обидуваат да ме маргинализираат, овие ‘гладијатори’ само покажуваат колку е голем нивниот страв од мене“, истакна таа.Мијовска Мојсова заклучи дека како кандидатка за градоначалничка на Карпош ќе се води од принципи на чесност, транспарентност и блискост со граѓаните.

Скопје | пред 3 месеци

Филипче: Пад на инвестициите од 600 на 200 милиони евра,  лошите политики на власта ја кочат економијата

Претседателот на СДСМ, Венко Филипче, во интервју за „360 степени“ предупреди на сериозен пад на економските показатели и целосно погрешни политики на власта.-Кога граѓаните не можат да врзат крај со крај поради тоа што власта води лоши економски политики, кога цените не се под контрола, кога има пад на странските инвестиции тогаш тоа е јасен доказ дека економијата тоне. Минатата година, како резултат на нашите политики, странските инвестиции во првите шест месеци изнесуваа 600 милиони евра. Годинава, под оваа влада, таа бројка падна на само 200 милиони. Што може да очекуваме? Само дополнителен пад, намалување на извозот, посебно со Германија, и стагнација на индустриското производство,“ изјави Филипче.Во однос на унгарскиот кредит, тој беше дециден:„Едноставно, никој не знае каде се една милијарда евра. Од најавени 350 милиони евра за општините, реализирани се помалку од 10 проценти. Па каде се парите? Нашите информации се дека тие се веќе потрошени, а компаниите кои аплицираат сведочат дека средства нема,“ нагласи Филипче.Тој потсети дека Владата дури ги сменила процедурите за Македонската банка за развој, која за прв пат зема пари директно од буџетот наместо од меѓународни финансиски институции.„Зошто граѓаните да враќаат милијарди евра кредити за нешто што не носи капитален развој? Капитален објект е оној што носи додадена вредност и раст. Бехатон плочки во Штип тоа нема да го направат ова се погубни економски политики на власта,  политики кои ја задолжуваат државата, ја кочат економијата и ја загрозуваат иднината на граѓаните" потенцираше председателот на СДСМ, Венко Филипче.

Македонија | пред 3 месеци

Герасимовски го отвори штабот во Дебар Маало: Реализиравме над 90 отсто од програмата, одиме на победа

Синоќа во Дебар Маало беше отворен централниот промотивен штаб на кандидатот за градоначалник на Општина Центар од редовите на СДСМ, Горан Герасимовски. Настанот го посетија голем број граѓани и поддржувачи кои со своето присуство ја потврдија довербата и поддршката за неговата кандидатура за втор мандат.Во своето обраќање пред присутните, Герасимовски истакна дека ќе продолжи да работи посветено за Општина Центар и за подобар квалитет на живот на сите жители. Тој потенцираше дека заедно со тимот на најдобар покажале како треба да се води Центар.„Со гордост и со факти кажавме дека во над 90 проценти ја исполнивме нашата програма. Денеска Центар, по мислење на многумина е најдобрата општина во државата. Воведовме нов начин на управување. Слушаме, се консултираме, не има секогаш и насекаде на терен помеѓу граѓаните. Сè што правевме беше единствено за граѓаните на нашиот Центар што го сакаме. Затоа и решив да продолжиме заедно, за да Центар биде уште подобар“, рече Герасимовски.Герасимовски, изјави дека ги има резултатите, програмата, но и енергијата и емоцијата. Тој ги повика сите центарци да продолжи новата испишана приказна во Центар.„Од срце ве повикувам на целосна мобилизација. Ве повикувам на заедничка работа со добра мисла. Ве повикувам да бидеме дел од заедничкиот успех, од заедничката победа за Центар што го сакаме. Да живее Центар, за победа!“, порача Герасимовски.Денеска, кандидатот за градоначалник Горан Герасимовски ќе биде со жителите на Кале, каде што ќе разговара за нивните потреби, предлози и идеи за идниот развој на општината.

Скопје | пред 3 месеци

Свински глави пред муслимански објекти: Србија уапси група осомничена за злосторства од омраза во Берлин и Париз

Српското Министерство за внатрешни работи соопшти дека 11 лица се приведени под сомнение дека учествувале во серија злосторства од омраза во главните градови на Германија и Франција. Осомничените, сите државјани на Србија, делувале во периодот од април до септември 2025 година, а акциите ги изведувале во Париз и Берлин.Според информациите, нивните активности вклучувале фрлање зелена боја на Споменикот на Холокаустот во Париз, неколку синагоги и еврејски ресторан. Дополнително, биле поставувани свински глави во близина на муслимански верски објекти во париската област, како и пред Бранденбуршката порта во Берлин.Министерството наведува дека групата броела 14 членови, од кои 11 се приведени и се наоѓаат во притвор во Смедерево, во близина на Белград. Тие ќе бидат испрашани во следните 48 часа. Главниот организатор, идентификуван со иницијали М.Г., е сè уште во бегство и, според истрагата, дејствувал по инструкции на „странска разузнавачка служба“. Не е наведено која служба стои зад тоа.Француските власти уште во 2023 година предупредија дека Русија се обидува да предизвика нестабилност во Европа, по појавата на Давидови ѕвезди на повеќе локации низ Париз. Српското министерство не потврди дали и во актуелните инциденти е вклучена Москва, но нагласи дека групата имала за цел да шири идеи што поттикнуваат омраза, дискриминација и насилство врз основа на вера, раса, етничка припадност или националност.Веста доаѓа во контекст на силните односи меѓу Белград и Кремљ. Владата на Српската напредна партија неодамна промовираше документ на Руската служба за надворешно разузнавање (СВР), во кој се обвинува ЕУ дека поддржува „шарена револуција“ во Србија преку антивладини протести. Србија остана меѓу ретките европски земји што не се приклучија на санкциите против Русија по инвазијата на Украина во 2022 година, а редовни авионски линии и понатаму ја поврзуваат со Москва и Санкт Петербург.

Свет | пред 3 месеци

Шукова: Оние кои четири години го блокираа БРТ, сега го нудат како решение

Кандидатката за градоначалник на Скопје од СДСМ, Каја Шукова, реагира на најавата за воведување на системот БРТ (Bus Rapid Transit) од страна на нејзиниот противкандидат Орце Ѓорѓиевски, кој синоќа беше претставен од лидерот на ВМРО-ДПМНЕ, Христијан Мицкоски.„Оние што четири години го блокираа БРТ денес го нудат како свое решение. Тоа не е визија. Тоа е лицемерие“, изјави Шукова.Таа потсети дека во својата програма за Град Скопје јавно и транспарентно ги претставила проектите, меѓу кои и враќањето и модернизацијата на БРТ системот како брз, ефикасен и одржлив јавен превоз. Според неа, скопјани добро знаат кому можат да му веруваат.„Добро е што конечно ВМРО-ДПМНЕ разбираат дека Скопје има потреба од реални решенија. Но граѓаните нема да заборават кој ги кочеше проектите“, рече таа.Шукова нагласи дека сите идеи може да се копираат, но „капацитетот, кредибилитетот и чесноста не се копираат“. Според неа, Скопје заслужува лидер со визија, а не „маркетиншки кампањи без покритие“.

Скопје | пред 3 месеци

Мојсоска поднесе ургенција до МВР и Обвинителство – дивоградба во Струга доби нов кат

Пратеничката и кандидатка за градоначалник на Струга од Левица, Јована Мојсоска, поднела ургенција за итно постапување до Министерството за внатрешни работи, Основното јавно обвинителство во Струга и овластениот градежен инспектор во општината, поради надградба на објект во центарот на градот за кој претходно биле констатирани неправилности во градењето.„И покрај констатирани неправилности во градењето – дивоградбата во струшката чаршија си крена уште еден спрат“, објави Мојсоска на социјалните мрежи, нагласувајќи дека случајот е „олицетворение на комплетниот колапс и коруптивност на системот“.Таа посочува дека во градот се јавува феномен на узурпација на државно земјиште и незаконска градба сред бел ден, при што ниту МВР, ниту обвинителството, ниту општината не преземаат мерки за спречување на бесправната изградба.Во ургенцијата, Мојсоска бара продолжување на постапката за бесправно градење и узурпација на државно земјиште, потенцирајќи дека и покрај започнатите управни и кривични постапки, работите на терен не запираат.„Проблемот не е во една изолирана институција, туку во комплетна спрега на непостапување на низа институции: јавното обвинителство во Струга, државните правобранители, општината, вишото јавно обвинителство, МВР итн.“, наведува таа.Мојсоска ја поврза оваа состојба со пошироката ситуација во земјата, оценувајќи дека „во Македонија во секоја сфера е метастазирана корупцијата и безаконието – а за тоа се виновни сите партии кои биле дел од власта досега“.

Македонија | пред 3 месеци

НАТО со порака до Москва: „Никој нема да остане сам“

Германскиот министер за надворешни работи Јохан Вадефул изјави дека ниту една држава-членка на НАТО нема да биде оставена сама да се соочува со, како што ги нарече, руските провокации во форма на бран хибридни напади.„Русија сака да ја тестира нашата решителност и да предизвика немири. Тоа е опасно и мора да добие јасен и единствен одговор“, рече Вадефул на прес-конференција во Варшава, каде настапи заедно со полскиот министер Радослав Сикорски и францускиот колега Жан-Ноел Баро, пренесе „Ројтерс“. Тој додаде дека „НАТО ќе го штити секој педа од територијата на сојузот“ и дека „никоја членка нема да биде препуштена сама на заканите“.Алијансата во септември ја активираше мисијата „Источна стража“ за зајакнување на одбраната на источниот фронт на Европа, по упадите на руски дронови во полскиот воздушен простор. Минатата недела, во Данска беа забележани неколку беспилотни летала во близина на аеродромот и клучна инфраструктура во Копенхаген, поради што најпрометниот аеродром во нордискиот регион беше затворен неколку часа.Русија ги негира наводите дека нејзини дронови и борбени авиони го прекршиле воздушниот простор на земји членки на НАТО.

Свет | пред 3 месеци

Герасимовски: Кампањата ја стартуваме со садење дрвја, како симболика за развој и долгорочна грижа за Центар

Кандидатот за градоначалник од редовите на СДСМ и актуелен градоначалник на Општина Центар Горан Герасимовски, заедно со носителот на советничката листа Александар Савевски и сите кандидати за советници, кампањата за локалните избори ја почнаа со работа, со садење дрвја во Паркот на Франкофонијата како симболика за развој, за одржливост, за иднина, за долгорочна грижа за Центар.Герасимовски, потенцираше дека во изминатите четири години со доверба од граѓаните се создаде нова приказна во Центар. Со многу работа, со многу љубов, знаење и верба, се развиваше Центар што го сакаме.„Со Вас граѓаните испишавме одлична Програма и конкретни планови. За сите маала, улици и граѓани. Бидејќи за нас најважен е граѓанинот. Со Вас, ја правиме најсилната коалиција, најсилното движење и најдоброто решение за Центар што го сакаме. Како и досега, и во овие денови, со нашиот центарски и најголем тим од 600тини волонтери и поддржувачи ќе влеземе во над 15 илјади домаќинства. Лично и со мојот одличен тим, сакаме да ви ги понудиме најдобрите решенија за сите барања и потреби. Директно и јасно, чесно и одговорно, со план и со највисока почит. Верувам во Вашата мудрост и желба да продолжиме да го градиме Центар што го сакаме. Безбеден. Чист. Зелен. Хуман. Солидарен. Достоинствен. Отворен и модерен. Центар на културата, најдоброто образование и спокојното живеење. Посакувам и ветувам мирна и позитивна кампања. На останатите кандидати им посакувам среќа и желба да бидат дел од новата центарска култура која ја креиравме. Преку позитивна кампања да се натпреваруваме со идеи и проекти. Во Центар немало и не смее да има место за навреди и омаловажувања. Веруваме дека граѓаните повторно ќе го изберат Центар што го сакаме“, рече Герасимовски.Носителот на советничка листа Александар Савевски, истакна дека Герасимовски покажал како најдобро се води општина и како жител на Центар одлучил да ги предводи одличните кандидати за советници, со целосна доверба и поддршка за Горан Герасимовски.„Застанувам зад Герасимовски, затоа што тој и тимот работат за сите, не ги делат луѓето и нудат решенија преку чесна и одговорна работа. Застанувам со него, затоа што тој предводи вистинско граѓанско движење, нова енергија во Центар! Решив да бидам со Горан затоа што како и за мене, и за него, граѓанинот е во центарот, затоа што знае да слуша, да исполнува, знае да обединува и знае да води општина со сите и за сите, без политика и интереси. Центар што го сакаме е за сите, без делби и кавги, со вистинска култура и разбирање. И како доктор и како иден советник, за мене луѓето се најважни. За Центар, за граѓаните, целосно ќе работам. И затоа ја барам подршката да сработиме за Центар што го сакаме“, изјави Савевски.

Скопје | пред 3 месеци

Цената на бензините и на дизелот останува иста, но поскапува нафтата за греење

Нафтата за греење и мазутот од полноќ поскапуваат, а цената на бензините и дизелот остануваат исти, одлучи Регулаторната комисија за енергетика(РКЕ). Според оваа одлука, малопродажните цени на нафтените деривати во просек за 0,49 % во однос на одлуката од 22.09.2025 година.Малопродажната цена на Екстра лесното масло за домаќинство (нафта за греење) се зголемува за 0,50 ден/лит. и таа ќе се продава по цена од 69,50 денари за литар, а цената на Мазутот М-1 НС се зголемува за 0,64 ден/кг и сега ќе изнесува 37,59 денари за килограм.Цената на бензинот „еуросупер-95“, останува 75 денари за литар, на бензинот „еуросупер-98“, 77 денари, а дизелот ќе се продава по цена од 69,50 денари за литар.

Македонија | пред 3 месеци