ВМРО-ДПМНЕ со реакција на ставовите на Љупчо Николовски: „Владата успешно ги реализира реформите во шумарството“

ВМРО-ДПМНЕ денеска излезе со реакција на ставовите на ексминистерот за земјоделство Љупчо Николовски, околу реформите во шумарскиот сектор.„Николовски да не манипулира, граѓаните ги видоа ‘реформите’ на СДСМ и ДУИ кои ги осиромашија и уназадија. Владата предводена од ВМРО-ДПМНЕ успешно ги реализира реформите во шумскиот сектор“, велат од партијата.Во реакцијата се наведува дека законот за шуми, кој во времето на Николовски бил предмет на бројни критики од експерти, е преработен и усогласен со европските регулативи, а новиот текст е поставен на ЕНЕР и закажана е јавна расправа за 15 октомври.„За период август 2024 – април 2025 над 106.000 хектари шуми управувани од државата се сертифицирани, што претставува значајна пресвртница во усогласувањето со глобалните стандарди за одржливост. Македонија доби PEFC признавање на својата национална сертификација на шуми, иако до август 2024 процесот воопшто не беше започнат“, стои во соопштението.Од ВМРО-ДПМНЕ посочуваат дека е воспоставен нов веб-базиран Интегриран информациски систем за шуми (ИФИС), со кој ќе се спречува нелегалната сеча, а ЈП „Национални шуми“ е во завршна фаза на набавка на техничка опрема за електронска испратница.„Проектот за шумарство успешно беше затворен на 24 јуни 2025 година. Реформите во секторот успешно се реализираат и наскоро јавноста ќе биде запознаена со сите резултати. Сите лаги на СДС се распаѓаат како кула од карти“, додаваат од партијата.Тие порачаа дека „Љупчо Николовски и Венко Филипче треба да си ги спакуваат коферите за длабока политичка пензија“.

Македонија | пред 3 месеци

Физички напади врз деца во Аеродром и Карпош – полицијата истражува

Министерството за внатрешни работи регистрирало два одделни случаи на физички напади врз малолетници во Скопје.Во првиот случај, на 21.09.2025 во 02:40 часот, 47-годишната В.Н. од Скопје пријавила во СВР Скопје дека претходната вечер, околу 22:30 часот, нејзиниот малолетен син бил физички нападнат од друг малолетник на игралиште на подрачјето на општина Аеродром.Во вториот случај, на 20.09.2025 во 23:30 часот, 18-годишниот А.З. пријавил дека околу 19:50 часот на подрачјето на општина Карпош, тој и неговата 15-годишна другарка биле нападнати од три лица, од кои едниот го познавал.Од МВР информираат дека се преземаат мерки за целосно расчистување на двата случаи.

Скопје | пред 3 месеци

Ограбена келнерка во угостителски објект во Центар

Денеска (21.09.2025) во 06:20 часот, во СВР Скопје 23-годишната Е.Р. од Скопје пријавила дека околу 02:35 часот, додека била на работа во угостителски објект на подрачјето на општина Центар, едно лице ѝ одзело пари и работна облека.Од Министерството за внатрешни работи информираат дека се преземаат мерки за целосно расчистување на случајот.

Скопје | пред 3 месеци

Мајка и едногодишно дете нападнати во Аеродром

На 20 септември 2025 година, во 21:00 часот, во СВР Скопје 33-годишниот Г.С. од Скопје пријавил дека неговата сопруга В.А. (23) и нивната едногодишна ќерка биле физички нападнати на подрачјето на општина Аеродром.Според пријавата, нападот го извршило женско лице кое најпрво употребило тврд предмет, а потоа и со остар предмет им упатило закани. Кога сопругот се обидел да интервенира и да ги заштити, бил нападнат од машко лице кое исто така користело тврд предмет.Од Министерството за внатрешни работи соопштија дека се преземаат мерки за целосно расчистување на случајот.

Скопје | пред 3 месеци

Ситните трикови на грофот од Зајас не минуваат ниту во детска градинка, му врати ВМРО-ДПМНЕ на Османи

ВМРО-ДПМНЕ остро реагираше на изјавата на кандидатот на ДУИ за градоначалник на Чаир, Бујар Османи, , оценувајќи дека неговите наводи за „емисари“ од опозицијата се „измислици и сценарија што постојат само во неговата фантазија“.„Со вакви изјави, Османи се обидува да ја прикрие паниката во која се наоѓаат ДУИ и СДС пред сигурниот изборен пораз. Ситните трикови на грофот од Зајас не минуваат ниту во детска градинка“, велат од ВМРО-ДПМНЕ.Од партијата нагласуваат дека единствената порака што ја носат нивните претставници е повикот за одговорност за, како што ги нарекоа, „криминалниот картел ДУИ – СДС“.„Османи денес е ништо друго освен последниот портпарол на картелот кој граѓаните одамна го препознаа. Но, неговата одбрана е залудна – нема повеќе политичко мешетарење и пазари зад грбот на народот“, додаваат од опозициската партија.Според ВМРО-ДПМНЕ, локалните избори во октомври ќе бидат „јасна пресуда на граѓаните“ кои ќе ги испратат ДУИ и СДСМ во „политичка пензија“.

Македонија | пред 3 месеци

(Видео) Кочани и скршено срце на бимот – Дино Мерлин потсети на најголемата трагедија во нашата понова историја

Со потсетување на најголемата трагедија од понавата историја која се случи во Кочани, Дино Мерлин започна со изведување на неговиот хит „Да је туга снјег“ во Штип.Додека тој стоеше на сцената и чекаше да започнат првите стихови, зад него, на видео бимот, пишуваше „Кочани“, а имаше и скршено срце.Чинот беше поздравен од публиката со аплауз, а меѓу присутните имаше и солзи.Во Штип, на овој настап, се проценува дека вчера имало над 100.000 посетители.

Македонија | пред 3 месеци

Млечните производи скапи – Мицкоски очекува пад на цените наредните месеци

Млечните производи се скапи, се жалат граѓаните, а премиерот Христијан Мицкоски вели дека очекува во наредните месеци ќе има намалување.„Мерките се во тек, тоа што ние не правиме естрада од политиките кои ги водиме, не значи дека не се грижиме. Државниот пазарен инспекторат секој ден е на терен. Има покренати постапки. Имавме акција и за ученичката кошница. Очекувам во наредниот период намалување на инфлацијата. Ако ја споредите со дел од земјите на ЕУ, кај нас има тренд на намалување. И базичната инфлација, но и цените на прехрабните производи имаат негативен параметар, тоа значи дека се намалуваат“, вели Мицкоски.Тој посочи дека за следната година се очекува инфлација од 2 до 3 проценти.

Македонија | пред 3 месеци

Мицкоски: Победникот е јасен, правиме план за денот потоа

Премиерот Христијан Мицкоски изјави дека исходот од претстојните избори е веќе јасен и дека ВМРО-ДПМНЕ прави планови за периодот по нивното одржување.„Јасен е победникот на овие избори, правиме ние план за денот потоа. Размислуваме за денот после изборите,“ рече Мицкоски.Тој додаде дека е логично во изборниот процес да се појават искри на тензија во одредени општини низ државата, но дека по завршувањето ќе следи стабилност.„Избори се, логично е да има некоја искра во одредени општини низ Македонија. Денот потоа ќе значи силна Влада предводена од ВМРО-ДПМНЕ и огромен број општини предводени од нас,“ изјави премиерот.

Македонија | пред 3 месеци

Љупчо Николовски: Скандалозно, ЕУ потврди дека Министерството за земјодели ги напуштило реформите во шумарството

По вчерашната изјава на премиерот Мицкоски дека „интензивно се работи на ЕУ агендата“, реагираше поранешниот министер за земјоделство, шумарство и водостопанство Љупчо Николовски, кој на својот Фејсбук профил напиша дека  “фактите го покажуваат спротивното и дека ЕУ Делегацијата во Скопје официјално потврди оти Министерството за земјоделство ги напуштило реформите во шумарството“.„Не опозицијата, не некој друг – туку самата ЕУ го вели тоа,“ истакна поранешниот министер за земјоделство Љупчо Николовски.Тој во својата објава потсети дека во неговиот мандат, на негово барање, преку ЕУ беа обезбедени 1,5 милиони евра и поддршка за целосна трансформација на секторот. Како резултат на тоа, беа изработени нов европски Закон за шумите, Закон за формирање Агенција за шумите и шумската полиција, Закон за трансформација на ЈП „Македонски шуми“ и интегриран ИТ-систем за контрола на дрвната маса и шумските пожари.„Но, за жал, ДПМНЕ ги повлече законите и реформите ги напушти, а софтверите за следење на дрвната маса се нефункционални – бидејќи некому очигледно му одговара хаосот, а не европски стандарди и контрола,“ потенцира  Николовски.Поранешниот министер во својата Фејсбук објава посочува и дека зад ваквите одлуки стојат „антиЕУ центри на моќ кои прават сѐ да не се успее“.

Македонија | пред 3 месеци

Брнабиќ: Вучиќ направи за Србија во 10 години она што други градат со генерации

„Покажавме сила на единството. Капацитетот да ја заштитите својата земја е еден од основните предуслови за нејзино градење и развој. Александар Вучиќ за 11 години на чело на Србија успеа да ги постави сите темели за понатамошен развој, кои до 2012 година, од различни причини, беа целосно разурнати,“ изјави Ана Брнабиќ.Таа нагласи дека Србија денес е стабилна држава, додека, како што рече, пред 2012 година многумина се труделе таа да живее „во некаков привремен режим, сè додека самата не се угаси“.„Денес претседателот Вучиќ продолжува со работа. Имаме нови мерки за граѓаните, решаваме проблеми од клучно значење кои досега не успеавме да ги решиме. Веќе утре претседателот ќе биде во Њујорк, на Генералното собрание на ОН, каде што ќе продолжи да се бори за Србија,“ истакна Брнабиќ.Таа додаде дека, и покрај критиките кон Вучиќ, неговата „неуморна борба за Србија, постојаната работа и натчовечката посветеност никој не може да му ги оспори“.„Таа енергија за само 10 години создаде од Србија она што во други земји генерации го граделе. Му благодарам за сета борба. Само напред,“ порача Брнабиќ.

Свет | пред 3 месеци

Песков: Путин и Трамп имаат интерес за мирно решение на украинското прашање

Портпаролот на Кремљ, Дмитриј Песков, изјави дека рускиот претседател Владимир Путин, како и американскиот претседател Доналд Трамп, задржува интерес и отвореност за насочување на целата украинска ситуација кон мирно решение.„Русија очекува дека САД и претседателот Трамп лично ќе вложат напори за да помогнат во ова прашање. Потоа ќе видиме што ќе произлезе од тоа,“ рече Песков во интервју за телевизијата Русија 1, пренесува ТАСС.Тој додаде дека за време на официјалната посета на Трамп во Велика Британија оваа недела, Лондон детално го информирал за своите планови да продолжи со притисокот врз Русија и дополнително да ги заостри санкциите.„Тоа не е нешто што ќе придонесе за решение,“ оцени Песков, кој ја нарече Велика Британија еден од лидерите на „проратниот табор“.Според него, претседателот Трамп во Британија веројатно слушнал многу за плановите за продолжување на притисокот врз Русија, за зајакнување на, како што ги нарече, „незаконските санкции“ и за обиди да се спречи Русија на секој можен начин, пренесува РИА Новости.

Свет | пред 3 месеци

Манасиевски: Левица призна дека податоците се точни, Мојсоска како сметководител делувала противзаконски

Членот на Централниот комитет на ВМРО-ДПМНЕ, Валентин Манасиевски, денеска изјави дека Левица индиректно признала дека податоците кои излегоа во јавноста за финансиското работење на партијата се точни, и посочи дека Јована Мојсоска како пратеник не смеела да врши сметководствени услуги.„Левица призна дека податоците кои излегоа во јавноста се точни. Вчера на прес-конференција се излетаа и потврдија дека информациите кои ги добивме од свиркачи во Левица за средствата што раководството си ги подигнувало од партиската сметка се вистинити. Денес сакаме да ја прашаме Јована Мојсоска, која исто така призна дека била сметководител на Левица, дали знае дека доколку тоа е вистина, се работи за противзаконски акт,“ рече Манасиевски.Тој се повика и на одредбите од Законот за пратеници, каде јасно е наведено дека функцијата пратеник е професионална и неспојлива со други јавни функции или дејности со профитна цел.„Мојсоска како пратеник не смеела да остварува профит и да врши сметководствени услуги за Левица,“ додаде тој.Според Манасиевски, Левица и Мојсоска „пред јавноста продаваат приказни за чесност и скромност, а зад завесата инкасирале пари од партиска сметка која се полни од Буџетот на граѓаните“.„Ова е вистината од која Левица бега. Вакви луѓе како Мојсоска и Левица не смеат да бидат дел од иднината и нема место за нив во политиката. Мојсоска и Левица се прочитани,“ изјави Манасиевски.

Македонија | пред 3 месеци

Лубеницата – симбол на палестинската борба и глобален знак на отпор

На пропалестинските демонстрации ширум светот, лубеницата станува сè почест симбол. Нејзиното политичко значење потекнува од 80-тите години и, според сведочења на уметници, инспирирано е од изјава на израелски офицер.Лубеницата ги содржи истите бои како и палестинското знаме: зелената и белата кора, црвената внатрешност и црните семки. Во време кога палестинската знаме било забрането во окупираните територии, секое користење на овие бои можело да биде санкционирано. Палестинскиот уметник Сулејман Мансур во интервју за „Ал Џезира“ во 2021 година раскажа дека израелски војник јасно кажал: „Дури и ако насликате лубеница, ќе биде проблематично.“Така лубеницата станала знак на тивок отпор и симбол на идентитет.Денес таа се појавува на маици, плакати, графити и во уметнички галерии во палестинските подрачја, но и на глобално ниво. На социјалните мрежи, многумина ја користат како емотикон наместо палестинско знаме за да избегнат бришење на политички содржини. Уметникот Халид Хурани редовно слика лубеници, а негово дело беше продадено на аукција за фонд кој им помага на Палестинците во здравствениот сектор.Симболиката на лубеницата, сепак, не е едноставна. Во САД таа долго време имала расистичка конотација: по укинувањето на ропството, многу црнци одгледувале и продавале лубеници, а белите расисти ја користеле таа слика за да шират стереотипи за наводна мрзеливост и примитивност. Илустрации со црнци со карикатурално нагласени усни кои лакомо јадат лубеница биле честа алатка за нивно понижување.Денес, и покрај тоа контроверзно наследство, лубеницата е пред сè глобален симбол на отпорот и солидарноста со Палестина. Како што забележуваат аналитичарите, токму израелската цензура и забраната на палестинското знаме ѝ дале ново значење – претворајќи го едно обично овошје во политичка икона.

Свет | пред 3 месеци

Османи: Во Чаир има општонароден отпор кон Мицкоски, по изборите ќе преговараме за заедничко владеење

Кандидатот за градпначалник на Чаир, Бујар Османи, самиот најави преговори за влез на ДУИ во Влада, иако власта е децидна дека за нив нема место на „Илинденска“. Османи го нападна премиерот Христијан Мицкоски, обвинувајќи дека испраќал пораки преку посредници, а друго зборел во јавност, но и дека Албанците имале општонароден отпор кон него.„Веднаш по изборите, победниците кај Албанците ќе седнат да преговараат, никој нема да ги земе. Ќе седнеме да преогвараме за заедничко владеење, за да се откочат преговорите со ЕУ...“, рече Османи.Тој посочи дека гледал фрустрации кај Албанците, нагласувајќи дека Мицкоски им допира по нервите.„Ја слушнав изјавата на владините претставници кои рекоа дека нема да има парламентарни избори. Тоа е знак на страв и паника, обид да се плашат луѓето со 'еве остануваме во Влада, ќе имате проблеми ако не гласате за нас'. Премиерот знае дека соодносот е 3:1, ги правем анкетите. Меѓутоа тоа што ми пречи е што премиерот продолжува да дава двојни пораки, едни за јавност, други преку посредници. Со порака до нас, дека по изборите треба Владата да се реконфигурира. Ние враќаме и јавно и преку посредниците дека ја поминува црвената линија. Нема поголема навреда од тоа да му кажете на албанскиот народ 'едни ќе земам, други ќе оставам'. Не знам дали тоа го прави свесно или не е свесен кој нерв го допира кај Албанците. Таква навреда дека премиерот ќе земе некои Албанци, ќе извади некои Албанци, има допрено до сржта на достинството. Јас ја гледам фрустрацијата. Во Чаир има општонароден отпор кон него“, рече Бујар Османи.„Сме му кажале дека веднаш по изборите, победниците кај Албанците ќе седнат и ќе преговараат, никој нема да ги земе. Ова не е ничија држава и Влада, за некој да ги земе, а некој да ги извади Албанците“, додаде тојк

Македонија | пред 3 месеци

Филипче: ВМРО-ДПМНЕ понуди само ароганција и лаги, ние нудиме чесни и компетентни кандидати на изборите

Претседателот на СДСМ, Венко Филипче, на средби со граѓаните на Струга порача дека власта на ВМРО-ДПМНЕ нуди само ароганција и лаги, додека СДСМ настапува со чесни и компетентни кандидати на овие избори.„Оваа власт е се подалечна од народот. Арогантна и самозадоволна, додека семејствата бројат денови до следната плата и ги кратат основните трошоци.  Работниците чекаат повисоки плати, а тие се расфрлаат со нивните пари. Додека платите стагнираа, инфлацијата го јаде секој заработен денар.“ рече Филипче.„Имаме највисоки цени за храна, а власта не прави ништо да ги ограничи додека ни продаваат приказни дека сме на врвот во Европа во економија. Сите изборни ветувања им беа една голема лага, а лажниот патриотизам превез за осиромашување на луѓето,“ посочи тој.Филипче порача дека СДСМ нуди вистинска алтернатива, чесна понуда со остварливи програми:„СДСМ на овие избори оди со чесна понуда, остварливи програми и компетентни луѓе со интегритет. Граѓаните ќе бираат помеѓу докажани луѓе во општините кои ги предлага СДСМ и гол ПР на ВМРО-ДПМНЕ без никакви резултати.“„Ние сме подготвени да работиме сериозно, транспарентно и секогаш со слух и емпатија за граѓаните. Тоа го докажавме во минатото, ќе го докажеме и сега. Државата и општините може да се вратат на вистински пат само со луѓе кои си стојат на зборот и не бегаат како кукавици при првата криза,“ рече претседателот на СДСМ, д-р Венко Филипче.

Македонија | пред 3 месеци

(Видео) Трамп и републиканскиот врв на комеморација за убиениот Чарли Кирк во Аризона

Целиот трампистички естаблишмент, предводен од американскиот претседател Доналд Трамп и неговиот потпретседател Џ. Д. Венс, денес ќе се собере во Аризона за да му оддаде почит на убиениот ултраконзервативен инфлуенсер Чарли Кирк. Настанот ќе се одржи на стадионот „Стејт Фарм“ во Глендејл со капацитет од повеќе од 60.000 места.Кирк (31) беше застрелан на 10 септември, додека модерираше дебата на универзитетски кампус во Јута. Смртта на истакнатиот поддржувач на движењето MAGA („Make America Great Again“) ги продлабочи политичките поделби во земјата. Со милиони следбеници на социјалните мрежи, Кирк беше гласен бранител на Трамп и промотор на националистичките, христијански и традиционалистички идеи кај младите, а многумина му припишуваат заслуги за вториот избор на Трамп за претседател.Покрај Трамп и Венс, говори ќе одржат и државниот секретар Марко Рубио, министерот за одбрана Пит Хегсет, синот на претседателот Доналд Трамп Џуниор, како и конзервативниот коментатор Такер Карлсон. Ќе зборува и вдовицата на Кирк, Ерика Кирк, која ја презема водечката улога во неговата младинска организација Turning Point USA.„Ќе имаме два авиони полни со персонал од Белата куќа, што покажува колку високи луѓе во владата беа допрени од Чарли Кирк,“ истакна портпаролката на Белата куќа, Каролин Левит.Во Феникс, во саботата стотици луѓе се собраа пред седиштето на Turning Point USA за да положат цвеќе и балони во боите на американското знаме. Речиси цели тротоари беа исполнети со фотографии, слогани и пораки во чест на 31-годишниот активист, меѓу кои и „Вера, семејство, слобода“.„Беше извонреден млад човек, прерано ни беше одземен,“ изјави за АФП Пати Петеке, која патувала повеќе од пет часа од Лос Анџелес за да му оддаде почит.Настанот ќе се одржи под високи безбедносни мерки. Организаторите најавија дека учесниците нема да можат да внесуваат торби и апелираа да бидат облечени во една од трите бои на американското знаме – црвена, бела или сина.

Свет | пред 3 месеци

Лишен од слобода маж од Струмичко поради подметнување пожар

Полициски службеници од СВР Струмица вчера го лишиле од слобода 42-годишниот Е.А. од селото Василево, поради сомнение дека предизвикал пожар во атарот на истото село.Според информациите од МВР, на 20 септември околу 12:00 часот, осомничениот подметнал оган на место викано „Џидет“, при што била зафатена нива со сува вегетација. Пожарот бил навремено изгаснат од Територијалната противпожарна единица – Струмица, а повредени лица нема.Увид на местото извршиле увидна екипа на СВР Струмица и инспектор за пожари. Е.А. е задржан во Полициската станица Струмица, а за настанот е известен јавен обвинител од Основното јавно обвинителство во Струмица.„По целосно документирање на случајот, против лицето ќе биде поднесена соодветна пријава,“ соопштија од МВР.

Македонија | пред 3 месеци

YouTube со нова AI револуција: асистент за креатори, автоматски преводи и A/B тестирања

На настанот „Made on YouTube“, компанијата најави пакет иновации кои ветуваат револуција во начинот на кој креаторите креираат содржини, ја анализираат публиката и ги надминуваат јазичните бариери.Најзначајната новина е „Ask Studio“, конверзациски AI асистент интегриран директно во YouTube Studio. Наместо сами да пребаруваат низ комплексната аналитика, креаторите ќе можат да постават прашања како:„Како помина моето последно видео?“„Што мисли мојата заедница за стилот на монтажа?“Асистентот веднаш ќе дава клучни увиди и совети, значително скратувајќи го времето потребно за анализа на податоци.YouTube ја проширува функцијата за AI автоматско синхронизирање (dubbing) и ја прави достапна за сите креатори. Оваа алатка овозможува автоматски превод на видеа на повеќе јазици, при што се задржува тонот и емоцијата на гласот.Пилот програмата со имиња како MrBeast и Џејми Оливер покажа дека повеќе од 25% од гледаноста доаѓа од публика која не го зборува примарниот јазик на видеото. Во иднина, YouTube планира да ја подобри функцијата со технологија за синхронизација на усните со преведениот текст.Меѓу останатите новини се и:A/B тестирање на наслови и минијатури – можност за тестирање до три различни комбинации со цел да се утврди која најмногу привлекува публика.AI алати за Shorts – автоматско генерирање кратки видеа од текст или претворање дијалог во музика.Со овие новитети, YouTube испраќа јасна порака: платформата сѐ повеќе инвестира во вештачка интелигенција за да им обезбеди на креаторите напредни алати кои ќе им помогнат да се издвојат во морето од содржини и да изградат глобална публика.

Магазин | пред 3 месеци

САД ќе имаат контрола врз ТикТок: шест од седум директори Американци

Белата куќа соопшти дека тековните преговори со Пекинг предвидуваат во управниот одбор на TikTok во САД да има седум членови, од кои шест ќе бидат Американци.„TikTok ќе биде во мнозинско американско сопствеништво. Во одборот ќе бидат седум членови, од кои шест Американци,“ изјави портпаролката на претседателот, Каролин Левит, за Fox News.Таа додаде дека податоците и приватноста на корисниците ќе ги надгледува американската технолошка компанија Oracle, а алгоритмот исто така ќе биде под контрола на САД.„Сите овие елементи се веќе договорени меѓу странките и останува само формализација,“ рече Левит, истакнувајќи дека тоа се очекува „во наредните денови“.Американскиот претседател Доналд Трамп изјави дека договорот ќе го финализираат „големи американски домољуби, луѓе кои ја сакаат својата земја и се технолошки потковани“. Ден претходно, по телефонски разговор со кинескиот претседател Си Џинпинг, Трамп порача дека потпишувањето на договорот може да биде „пука формалност“.Од кинеска страна, нема официјални коментари по разговорите на двајцата претседатели. Си Џинпинг само апелирал САД да обезбедат „отворена, фер и недискриминирачка бизнис средина за кинеските компании што инвестираат во Америка“.Преговорите се водат во контекст на американскиот закон што предвидуваше забрана за TikTok во САД поради наводни ризици за националната безбедност. Од враќањето на власт, Трамп бара начин апликацијата да остане активна, но со тоа што американските операции би се продале на конзорциум од инвеститори, меѓу кои и неговиот сојузник, Лери Елисон од Oracle.Според пишувањето на Wall Street Journal, американската влада очекува провизија од неколку милијарди долари за нејзината улога како посредник во преговорите.

Свет | пред 3 месеци

Дали НАТО е подготвен за модерната ера на војување?

Речиси две недели по ноќта кога сирените за воздушна опасност и бучавата на НАТО-авионите ја прекинаа тишината на истокот од Полска, клучното прашање во Европа не е само дали Москва намерно испрати повеќе од 20 дронови во воздушниот простор на НАТО, туку и што воениот одговор открива за долгорочната способност на Алијансата да се справи со ваквата закана.Според полските власти, остатоците од дроновите што паднале се евтини модели „Гербер“, изработени од шперплоча и стиропор, со цена околу 8.500 евра по парче. Истовремено, НАТО реагирал со авиони Ф-16 и Ф-35 вредни милиони, што значи дека акцијата чинела десетици илјади евра само за гориво и одржување.„Асиметријата на трошоците едноставно не функционира,“ предупредува Роберт Толаст од британскиот тинк-тенк RUSI.Иако НАТО покажа ефикасност против масовниот напад со ирански дронови врз Израел во април, експертите предупредуваат дека долгорочната цена на ваквата одбрана е неодржлива.„Повеќето западни армии пред Украина воопшто не ја разгледуваа асиметричната закана од дронови,“ вели Толаст.Дека технологијата постои сведочи британската компанија MARSS, која веќе произведува пресретнувачки дронови управувани со вештачка интелигенција. Но, директорот Јоханес Пинл тврди дека НАТО системите за набавка се „заглавени во осумдесеттите“.„Во Европа сè уште пишуваат спецификации за систем кој ние веќе со години го користиме во операции,“ нагласува тој.Војната во Украина создаде забрзани процедури за набавка, кои им овозможуваат на државите директно да купуваат опрема за Киев.„Ако опремата е за Украина – добивате веднаш. Ако е за вашата армија – ќе чекате процедура,“ објаснува Сијете Хаминга од Robin Radar Systems, чија технологија детектира ирански „Шахед“ дронови на 12 километри.Пример за ваква трансформација е португалскиот стартап Tekever. Од 2022 година, британската влада инвестираше речиси 300 милиони евра во нивните извидувачки дронови AR3 за Украина. Почетоков на годината, RAF најави дека ќе ги интегрира во својот нов електронски систем StormShroud – за само шест месеци од тестирањето до оперативна употреба.Текевер неодамна отвори нова фабрика со илјада работни места во Велика Британија, четврта по ред, најавувајќи масовно производство на дронови.„Ризикот мора да се дели меѓу индустријата и владата,“ вели Карл Бру од одделот за одбрана на компанијата.Со оглед на тоа што Украина стана вистинско тестно поле за нови технологии, јасно е дека НАТО мора да се приспособи многу побрзо отколку досега. Прашањето што останува е: ќе успее ли Алијансата да го направи тој чекор пред да биде предоцна?

Свет | пред 3 месеци

(Видео) Снимка од скопско Кондово: Жител уапсен за палење на автомобил

Полициски службеници од СВР Скопје на 20 септември го лишија од слобода А.Г. (35) од селото Кондово, скопско, поради сомнение дека истото утро околу 09:00 часот во Кондово со бензин го запалил патничко возило „Мерцедес“ со скопски регистарски ознаки, сопственост на Ш.Ѓ. (51) од истото село.СВР Скопје против осомничениот поднесе кривична пријава за кривично дело „предизвикување општа опасност“ по член 288 од Кривичниот законик. По предлог на Обвинителството, судија на претходна постапка при Основниот кривичен суд Скопје му определи мерка притвор во траење од осум дена.

Скопје | пред 3 месеци

(Видео) Ѓорѓиевски бара дебата 15 на 1 на Бихаќка: Мицкоски го почитувам како родител, со Мијалков и Груевски немам контакт

Гостувајќи во „Претрес со Ландов“, кандидатот за градоначалник на Скопје и актуелен градоначалник на Кисела Вода, Орце Ѓорѓиевски, зборуваше за својата партиска припадност и односите со поранешни функционери на ВМРО-ДПМНЕ.„Орце е ВМРОвец. Јас, ако така гледаме, сум од Љупчо Ѓорѓиевски. И, сега што правиме? Јас сум ВМРОвец и секогаш ќе бидам ВМРОвец“, рече Ѓорѓиевски.Тој истакна дека со актуелниот лидер на партијата има блиски пријателски односи:„Христијан ми е многу близок личен пријател. Го почитувам... Го почитувам како родител, како родител го почитувам, но јас сум ВМРО-ДПМНЕ и никогаш не менувам дрес во животот.“На прашање за наводни контакти со Никола Груевски и Сашо Мијалков, Ѓорѓиевски беше дециден:„Сашо Мијалков и јас немаме никаква комуникација. Ниту пак имам некаков контакт со Никола Груевски. Јас прво не сум имал близок контакт со Никола Груевски, но бил претседател на мојата политичка партија. Со Христијан Мицкоски, да, сум близок пријател и човек кој што го познавам најдолго од сите претседатели на ВМРО-ДПМНЕ.“Тој упати критики и кон политичките противници: „Цела Бихаќка нека постави петнаесет столчиња, толку им останаа од активно членство. Јас сам ќе застанам пред сите медиуми да направиме дебата, ама сите таму. Сам по сам не можам. Многу ми се едноставни.“

Настани | пред 3 месеци

Трамп му се закани на Авганистан доколку не ја врати базата Баграм

Американскиот претседател Доналд Трамп синоќа јавно му се закани на Авганистан, барајќи враќање на контролата врз воената база Баграм, која со години ја користеше американската армија по нападите од 11 септември 2001 година.„Доколку Авганистан не ја врати базата Баграм на оние кои ја изградија – на САД – ЌЕ СЕ СЛУЧАТ ЛОШИ РАБОТИ!“, напиша Трамп на социјалната мрежа Truth Social.Тој потврди дека Вашингтон веќе разговара со властите во Кабул за можноста базата повторно да премине под американска контрола. Авганистанските функционери, сепак, јасно изразија противење за ново присуство на американската војска во земјата.Според извори на Ројтерс, сегашни и поранешни американски официјални лица предупредуваат дека евентуално повторно заземање на Баграм би изгледало како нова инвазија и би барало над 10.000 војници, како и распоредување на напредни противвоздушни системи.Запрашан од новинарите дали би испратил трупи за повторно преземање на базата, Трамп не одговори директно: „Не сакаме сега да зборуваме за тоа. Разговараме со Авганистан и сакаме базата назад, веднаш. Ако тоа не се случи, ќе дознаете што ќе преземам“, рече тој.Базата Баграм, со огромно пистиште и инфраструктура, беше главен центар на американските сили за време на 20-годишната војна во Авганистан. Таму имаше ресторани за брза храна, продавници, како и голем затворски комплекс.Воените експерти оценуваат дека, дури и ако Талибанците прифатат ново американско присуство, обезбедувањето на базата би било исклучително тешко. Таа би била под постојана закана од борци на Исламска држава и Ал-Каеда во земјата, како и од можни ирански напади со ракети, слични на оние врз американската база во Катар ова лето.

Свет | пред 3 месеци

(Видео) Кинеска компанија претстави робот со лице што изразува емоции – интернетот во шок

Кинеската компанија AheadForm од Хангжу ја шокираше јавноста со демонстрација на роботска глава која изгледа застрашувачки реалистично и може да изразува емоции преку суптилни движења на лицето. Видеото кое се прошири на социјалните мрежи покажува лице што љубопитно ја набљудува просторијата, со трепкање и микроизрази кои создаваат убедлива илузија дека станува збор за вистинска личност.Од компанијата велат дека користат „самонадгледувачки АИ алгоритми“ и широк спектар на „бионичка активација“ за да се добие впечаток на автентични емоции и реалистични мимики. Демонстрацијата предизвика дискусии околу т.н. „долина на морнилата“ (uncanny valley), кога хуманоидните роботи се доволно слични на луѓето за да предизвикаат непријатност.„Па… Westworld е поблиску отколку што мислев,“ прокоментира еден корисник на Reddit, поврзувајќи ја демонстрацијата со познатата научно-фантастична серија за андроиди во забавен парк.AheadForm веќе развива серија „ултра-реалистични“ хуманоидни модели кои, според тврдењата, можат да го перципираат светот, да комуницираат, учат и интелигентно да интерагираат со околината. Основачот Ху Јуханг пред „South China Morning Post“ минатата година изјави дека во наредната деценија границата меѓу човекот и роботот ќе се замаглува сѐ повеќе. „Можеби за десет години ќе комуницираме со роботи и ќе чувствуваме дека се речиси човечки. А за дваесет години, тие можеби ќе можат нормално да одат и да извршуваат задачи како луѓе,“ рече тој.Иако фокусот на индустријата за хуманоидни роботи засега е на продуктивноста, сѐ повеќе компании, вклучително и Tesla, развиваат модели што би можеле да го заменат човечкиот труд. Сепак, дел од експертите сметаат дека специјализираните индустриски машини и натаму ќе бидат поисплатлива и поефикасна опција.AheadForm, пак, се обидува да ја подготви јавноста за иднина во која андроидите ќе бидат секојдневие.„Нашата цел е интеракцијата меѓу луѓето и роботите да биде што поприродна и поатрактивна,“ велат од компанијата. Но со оглед на вознемирувачки реалистичните погледи на нивните роботи, предизвикот ќе биде голем.

Магазин | пред 3 месеци

Еуфорија и критики: „На Дино Мерлин му дадовме една пожарна за саат и пол пеење“

Голема посетеност и вистински спектакл ја одбележаа годинашната „Пастрмајлијада“ во Штип. Според проценките, концертот на Дино Мерлин, на кој пред него настапија Владо Јаневски и Елена Ристевска, собрал околу 100.000 посетители. Вчера, автопатот Скопје–Штип беше речиси во целосен колапс поради големиот број возила што се движеа кон градот.На социјалните мрежи се појавија бројни снимки и фотографии од атмосферата, но и критики за организацијата и приоритетите.„На Дино Мерлин му дадовме една пожарна за саат и пол пеење, а после кравите ќе ни се криви што се шират пожарите. Ама тоа е кога ќе си имаш работа со волови заседнати по фотелји...“, напиша корисникот Иљче Затаракоски.

Коментари | пред 3 месеци