(Видео) Винчини полека се консолидира и продолжува со работа, а целиот тим веќе е прилагоден во фабриките

Винчини полека се консолидира и продолжува со работа, а целиот тим веќе е прилагоден во фабриките, соопштија од Макпрогрес груп.На 6 септември во вечерните часови во пожар изгоре еден производен погон и два магацина на компанијата од Виница, еден од најголемите произведувачи на кондиторски производи во земјава.–Целиот наш тим е вратен и целосно прилагоден во фабриките „Винчини“, „Сончева долина“, „Фантазија“, „Натура“, „Дони“, а и „Винчини чоколадна фабрика“. Навистина сме горди што ги презедоа сите предизвици како вистински шампиони – рекоа од Макпрогрес груп.Тие, како што наведуваат, искрено и од срце се благодарни за огромната поддршка што ја добиле од граѓаните и од бизнис заедницата.– Ова е феномен, да се види како цела Македонија застана зад еден домашен бренд и зад еден мал град како Виница. Тоа отсега натаму ќе го дефинира нашиот бренд и нашата приказна – потенцираат од Макпрогрес груп.

Македонија | пред 3 месеци

(Видео) Празнична вечерна богослужба и литија во Скопје во пресрет на Рождеството на Пресвета Богородица

Во пресрет на големиот православен празник Рождество на Пресвета Богородица, денеска со почеток во 17 часот ќе биде отслужена Празнична вечерна богослужба во храмот посветен на Богородичното рождество во центарот на Скопје.По богослужбата ќе следува свечена литија со иконата на Пресвета Богородица – Троеручица низ централното градско подрачје.Од Скопската епархија при МПЦ-ОА упатуваат покана до сите верници да земат молитвено учество и да го споделат духовното празнување.

Скопје | пред 3 месеци

Додик веќе не е претседател на Република Српска

Потпретседателот на Република Српска од хрватскиот народ, Давор Прањиќ, потпиша указ за прогласување на Законот за измени и дополнувања на Законот за полиција и внатрешни работи, со што официјално јасно се стави до знаење дека Милорад Додик му ги префрлил своите овластувања, јавија регионалните медиуми.Централната изборна комисија на Босна и Херцеговина му го одзеде мандатот на Додик како претседател на РС врз основа на конечна пресуда на Судот на БиХ. Указот за прогласување на законот со целиот текст на законот е објавен во денешниот Службен весник на РС.Иако Додик и владејачката коалиција ја отфрлија одлуката на ЦИК да му го одземе претседателскиот мандат и да распише предвремени избори за претседател на РС на 23 ноември, фактот што потпретседателот Прањиќ го потпиша указот за прогласување на законот значи дека Додик ја признал и одлуката на Судот на БиХ и одлуката на ЦИК дека тој повеќе не е претседател на РС.Владејачкото мнозинство во Народното собрание на РС донесе заклучоци со кои не ја признава одлуката на Судот на БиХ, кој го осуди Додик на една година затвор и шестгодишна забрана за вршење јавна функција поради неспроведување на одлуките на високиот претставник во БиХ.

Свет | пред 3 месеци

ChatGPT воведува построги мерки за заштита на малолетници

Компанијата OpenAI воведува нови правила за користење на ChatGPT кај малолетници, со цел да ја зголеми безбедноста на младите корисници. Извршниот директор Сем Алтман изјави дека „безбедноста е поважна од приватноста и слободата за тинејџерите“ и дека тие мора да бидат дополнително заштитени.Алтман најави развој на долгорочен систем за разликување помеѓу корисници постари и помлади од 18 години, при што во сите нејасни случаи ќе се применуваат построги правила.Со новите мерки, ChatGPT повеќе нема да учествува во „флерт разговори“ со тинејџери, а се воведуваат и дополнителни заштитни механизми при разговори за сценарија поврзани со самоубиство. Доколку малолетник користи ChatGPT за да замислува такви ситуации, системот ќе се обиде да стапи во контакт со неговите родители, а во особено сериозни случаи и со локалната полиција, пренесе TechCrunch.Родителите кои ќе го поврзат својот профил со профилот на своето дете ќе имаат можност да поставуваат „време на блокада“ кога ChatGPT нема да биде достапен, како и да добиваат известувања ако системот процени дека тинејџерот е во опасност.Новите мерки доаѓаат по серија тужби поврзани со случај на самоубиство на малолетник, кој повеќе месеци комуницирал со овој четбот.

Магазин | пред 3 месеци

„Дукати“ го претстави новиот електричен прототип со батерии од QuantumScape

Иако електричната технологија сè уште нема оставено значаен белег во светот на мотоциклите, тоа не ја спречува групацијата „Фолксваген“ да ја тестира батериската технологија и во двоточкашите.„Дукати“, кој е дел од VW групацијата, беше единствениот снабдувач на мотори за Светското првенство во MotoE – шампионат кој оваа година беше згаснат. Во Германија деновиве беше претставена обновена верзија на прототипот Ducati V21L, овојпат опремен со 980 QSE-5 ќелии на компанијата „КвантумСкејп“ (QuantumScape), објави Revijahak.Новите батериски ќелии користат литиум-метална анода и керамички сепаратор, што ветува значителни подобрувања во густината на енергијата, можноста за брзо полнење и безбедноста во споредба со класичните литиум-јонски батерии.Целта е технологијата најпрвин да се тестира во прототипови, со надеж дека еден ден ќе се премине во сериско производство. Соработката меѓу VW и QuantumScape трае веќе една деценија, но конкретни резултати со батерии со цврст електролит сè уште недостигаат – како и кај повеќето други производители.

Магазин | пред 3 месеци

Закани со убиство и палење куќа за 1.000 евра: три апсења за изнуда правена во Скопје

Основното јавно обвинителство Скопје отвори истрага против тројца осомничени за кривично дело изнуда, по член 258 од Кривичниот законик.Според обвинителството, во периодот од 16 до 18 септември, првоосомничениот, претставувајќи се како припадник на криминална група, со сериозни закани присилил оштетено лице да му исплати 60.000 денари. Од него побарал 1.000 евра со образложение дека ќе го „заштити“ од други луѓе кои наводно претходно му барале пари, заканувајќи се дека ќе го убие и ќе му ја запали куќата ако пријави во полиција.Оштетениот првиот ден предал 30.000 денари, откако толку можел да подигне од банкомат, но потоа сепак пријавил во полиција. Два дена подоцна, при договор за предавање на остатокот од парите, банкнотите биле крим-технички обработени. Веднаш по примопредавањето, осомничениот бил уапсен на лице место, а кај него биле пронајдени парите.Истрагата опфаќа уште две лица за кои постои сомнение дека во август и септември, во повеќе наврати изнудувале пари од истото лице. Тие го убедувале дека парите се наменети за други лица за да му го заштитат семејството, со што оштетениот бил присилен да исплати вкупно 27.000 евра.Обвинителството до судијата на претходна постапка поднесе предлог за притвор на првоосомничениот, кој беше фатен на лице место, додека за другите двајца побара мерки на претпазливост – задолжително јавување во суд и забрана за приближување до оштетениот и неговото семејство.

Скопје | пред 3 месеци

Нотр Дам повторно со отворени кули – туристите веќе прави редици

Посетителите повторно можат да ги разгледаат кулите на катедралата Нотр Дам во Париз, преку 45-минутна тура која започнува со искачување во јужната кула до камбанаријата. Новиот обиколен пат е унапреден во однос на состојбата пред пожарот, со нови видиковци и дополнителни простори за туристите.Влезниците чинат 16 евра и можат да се купат исклучиво онлајн, а дозволен е влез за само 19 лица истовремено. Карти за првите два дена беа распродадени за само 24 минути.Отворањето на обновените кули доаѓа во согласност со ветувањето на францускиот претседател Емануел Макрон дека реставрацијата ќе биде завршена за пет години.Од повторното отворање на катедралата во декември 2024 година, речиси 30.000 посетители дневно го посетуваат обновеното готско архитектонско ремек-дело. На церемонијата на отворањето, Макрон беше домаќин на светски лидери и познати личности, меѓу кои и украинскиот претседател Володимир Зеленски, британскиот принц Вилијам и тогашниот американски претседател-избран Доналд Трамп.Вредноста на целата реставрација изнесува околу 930 милиони евра. Во работите беа вклучени стотици работници кои користеа современи технологии како дронови и компјутерска анимација за прецизна реконструкција на катедралата. Дополнително, воведени се и нови мерки за заштита од пожар, вклучувајќи метални носачи што го делат покривот во три дела за да се намали ризикот од ширење на огнот.

Магазин | пред 3 месеци

Москва: Нашите авиони не го нарушија естонскиот воздушен простор

Руските борбени авиони не го нарушиле естонскиот воздушен простор и летале над неутралните води на Балтичкото Море, соопшти руското Министерство за одбрана во раните утрински часови на Телеграм.„Летот беше изведен во целосна согласност со меѓународните правила за воздушен сообраќај, без какво било нарушување на границите на други држави, што го потврдија независни проверки“, стои во соопштението за трите авиони МиГ-31.Талин, пак, тврди спротивното. Естонија вчера соопшти дека трите руски авиони без дозвола влегле во нејзиниот воздушен простор и таму останале вкупно 12 минути.„Русија годинава веќе четири пати го прекрши нашиот воздушен простор, што само по себе е неприфатливо, но најновото нарушување, при кое три борбени авиони навлегоа во нашата територија, е невидена дрскост“, изјави министерот за надворешни работи Маргус Цахкна.Естонската армија објасни дека руските авиони биле пресретнати од италијански ловци Ф-35, стационирани во базата во Естонија во рамките на мисијата за воздушен надзор над Балтикот.Поради инцидентот, премиерот Кристан Михаел објави дека Естонија го активира Член 4 од НАТО, кој ѝ овозможува на секоја земја-членка да побара консултации доколку смета дека нејзиниот територијален интегритет или безбедност се загрозени. За разлика од Членот 5, кој предвидува колективна воена одбрана, Членот 4 подразбира дипломатски консултации и координација.Случајот доаѓа нешто повеќе од една седмица откако повеќе од 20 руски дронови влегоа во полскиот воздушен простор, дел од кои беа соборени од НАТО авиони. И НАТО и Европската Унија остро го осудија најновиот упад, оценувајќи го како „екстремно опасна провокација“ и изразувајќи целосна поддршка за Естонија.Американскиот претседател Доналд Трамп, запрашан од новинарите во Белата куќа, кусо изјави:„Не ми се допаѓа тоа. Не сакам кога се случува вакво нешто. Може да предизвика големи проблеми, но ќе ве информирам подоцна.“

Свет | пред 3 месеци

Путин: Производството на оружје во Русија зголемено и до 30 пати за две години

Рускиот претседател Владимир Путин ја посети фабриката за оружје „Мотовилиха“ во Перм, каде што зборуваше за драматичното зголемување на производството на вооружување во последните две години.„Не се сомневам дека во овој период, кој е релативно краток од перспектива на вашата историја, беше произведено многу во одредени видови оружје и производи. Како што веќе знаете, зголемувањето на производството не беше во проценти, туку повеќекратно – двојно, тројно, десеткратно, петнаесеткратно, а за некои производи речиси триесетпати, буквално за година и пол до две години“, изјави Путин, пренесува РИА Новости.Тој истакна дека побарувачката за модерни вооружени сили нема да престане ниту со завршувањето на, како што ја нарече, „специјалната воена операција“ во Украина. Според него, Русија ќе продолжи да ги развива и модернизира своите вооружени сили, „правејќи ги модерни, компактни и моќни“.„Се надевам и очекувам дека овие настани поврзани со специјалната воена операција ќе поминат“, додаде Путин во разговор со вработените во фабриката.Посетата на фабриката „Мотовилиха“ е дел од неговата работна тура во Пермската област, регион кој се наоѓа на границата меѓу Европа и Азија

Свет | пред 3 месеци

(Фото) Шестгодишно дете нападнато од куче скитник во Кочани – мајката бара одговорност

Во Кочани шестгодишно дете било нападнато и каснато од улично куче, при што добило повреди во пределот на горниот дел од устата и отечено непце. За инцидентот на социјалните мрежи информираше неговата мајка, Ана Симонова, која сподели и фотографија од повредите.„Во саботата на 12.09 детето (6 години) е нападнато и каснато од куче скитник на горниот дел од устата. Детето е со отечено горно непце! Кој треба да одговара за уличните кучиња кои ги има во сè поголем број? Кoja институција е одговорна? Дали некое дете треба да биде распарчено за конечно да почнат да си ја вршат работата?“, напиша Симонова.Таа предупреди дека во дворот на ОУ „Малина Поп Иванова“ има цел чопор кучиња, поради што децата, како што вели, не можат да бидат безбедни за време на одморите. „Не можеш да излезеш да прошеташ како човек. Не е само во посоченото училиште – во трговскиот, во паркот тоа е чудо од кучиња скитници, а институциите не си ја вршат работата. Да се срамиш да кажеш дека живееш во Кочани... Страшна работа“, додаде таа.Граѓаните сè почесто алармираат на социјалните мрежи за проблемот со зголемениот број улични кучиња, барајќи од институциите системски и трајни решенија за нивното згрижување и контрола.

Македонија | пред 3 месеци

ВМРО-ДПМНЕ: Мојсоска трипати земала по 54.000 денари од партиската сметка

ВМРО-ДПМНЕ обвини дека делата на пратеничката Јована Мојсоска и Левица ја демантираат нивната јавна реторика за чесност и скромност. Според соопштението на партијата, иако Мојсоска е пратеник во Собранието, годинава трипати инкасирала по 54.000 денари од партиската сметка.„Мојсоска и Левица едно зборуваат пред јавност, на собраниска говорница или пред камери, а сосема спротивно од тоа прават. Нивните дела зад завесата далеку од очите на јавноста целосно ја демантираат нивната реторика. Тие се разобличени и демаскирани“, велат од ВМРО-ДПМНЕ.Според нив, документи доставени од „свиркачи“ од внатре во партијата покажуваат дека Мојсоска на 26 април 2024 година подигнала 123.000 денари, а на 3 февруари 2023 година 96.862 денари. Дополнително, во јуни и јули 2025 година трипати земала по 54.000 денари, иако веќе добива пратеничка плата.„И Мојсоска не е изолиран случај. Целото раководство на президиумот на Левица го покажа своето вистинско лице и лицемерие. Пред граѓаните се претставуваат како скромни луѓе од народот, а зад грб инкасираат пари од сопствената партија налик на патни трошоци“, додаваат од ВМРО-ДПМНЕ.Од таму прашуваат зошто, доколку веќе зема пратеничка плата, Мојсоска и нејзините сопартијци посегнуваат по дополнителни средства од партиската каса. „Нели е лицемерно да глумите аскети, а во исто време да ја цедите сопствената партија?“, стои во реакцијата на ВМРО-ДПМНЕ.

Македонија | пред 3 месеци

(Видео) На депонија со метан да никне парк: Ѓорѓиевски раскажа за планот и уверува „Ќе шетам таму со моето дете“

Кандидатот за градоначалник на Скопје и актуелен градоначалник на Кисела Вода, Орце Ѓорѓиевски, во гостувањето во „Претрес со Ландов“ зборуваше за својата идеја на местото на депонијата Вардариште да изгради голем парк, кој, како што рече, ќе стане „новите бели дробови на Скопје“.„Откако ќе го направам паркот, да, јас ќе застанам таму лично со моето дете. Ќе отидеме и нема да ми смета почесто за викенди да одам таму“, изјави Ѓорѓиевски.Тој објасни дека првиот чекор е целосно одгаснување на депонијата, за што веќе бил во контакт со специјализирани странски компании, бидејќи во Македонија такви нема.„Прво треба Вардариште да се одгаси. Има метан таму. Но, одгасувањето не го попречува процесот да се започне со деконтаминација на просторот, односно чистење на депонијата“, рече тој.„Кога ќе влезам во градот Скопје, првите неколку дена ќе започнам со соодветен третман на Вардариште. Потоа ќе следи повеќеслојно поставување земја, а најгоре ќе биде хумус. Садиме трева“, додаде Ѓорѓиевски, притоа нагласувајќи дека претоварната станица не претставува пречка.„Триста илјади квадрати површина од која што се труделе и јас, и ти, и нашите родители. Одговорно тврдам дека на Вардариште ќе никне нов парк – новите бели дробови на Скопје“, истакна кандидатот.На прашањето од новинарот Ландов дали би ја повлекол идејата и извинил на граѓаните доколку експертите проценат дека теренот останува опасен за деца и рекреација, Ѓорѓиевски одговори:„Откако ќе исчистам депонијата? Да. Но не постои простор да не биде така. Јас ќе го завршам. Не сум спремен после мојот четиригодишен мандат граѓаните пак да се гушат со тоа што се случуваше на Вардариште повеќе од триесет години. Не може цело време да одбегнуваме од проблемот.“

Скопје | пред 3 месеци

Трамп: Си Џинпинг даде зелено светло за продажба на Тикток

Американскиот претседател Доналд Трамп изјави дека кинескиот претседател Си Џинпинг дал зелено светло за продажбата на Тикток на американски купувачи.„Кинескиот претседател го одобри договорот за Тикток“, изјави Трамп пред новинарите во Овалната сала, додавајќи дека „тоа може да биде само формалност“ пред потпишување на конечниот договор.Wall Street Journal објави дека договорот би можел да ѝ донесе на американската влада приход од неколку милијарди долари. Според нивните извори, инвеститорите кои учествуваат во зделката ќе уплатат милијарди во државната благајна како надомест за посредувањето на Вашингтон во преговорите со Пекинг.Reuters засега не успеа да ја потврди веродостојноста на овие информации.

Свет | пред 3 месеци

Русија со масовен напад врз Украина: едно загинато лице, 13 повредени

Русија изминатата ноќ изврши масовен напад со ракети и дронови врз украински градови, при што загина едно лице, а најмалку 13 беа повредени.Експлозии се слушнале во Павлоград и Миколаев околу 4:40 часот наутро по локално време, соопштија локалните власти. Дополнителни детонации одекнале во Днипро нешто по 6 часот.Гувернерот на Днепропетровската област, Сергеј Лисак, информираше дека едно лице загинало, а 13 други се повредени во нападите во регионот. Во Днипро биле оштетени повеќе станбени згради, куќи и гаражи, а пожари биле пријавени и во Павлоград и Никопол.Во Киевската област, регионалната воена управа потврди напади во заедниците Буча, Бориспол и Обухив. Оштетени се една куќа, десет гаражи и пет паркирани автомобили.Градоначалникот на Миколаев, Олександар Сенкевич, соопшти дека штета е нанесена во станбен дел на градот, но жртви засега нема.Воздушна опасност беше прогласена во сите региони на Украина околу 5:45 часот, а траеше до нешто по 7 часот. Украинското воено воздухопловство информираше дека биле користени десетици дронови, како и крстосувачки и балистички ракети.Гувернерот на Лавовската област, Максим Козицки, изјави дека две крстосувачки ракети биле соборени над регионот без жртви или материјална штета. Во текот на нападот, полските воздухопловни сили подигнале борбени авиони за заштита на воздушниот простор на Полска.Нападите доаѓаат нешто повеќе од една недела откако руски дронови го нарушија полскиот воздушен простор, по што полското воздухопловство собори повеќе беспилотни летала над територија на НАТО – првпат од почетокот на руската инвазија врз Украина.

Свет | пред 3 месеци

Сè повеќе мистериозни смртни случаи меѓу руски олигарси и директори

На периферијата на Москва е пронајдено телото на 50-годишниот Александар Тјунин, генерален директор на компанијата „НПК Химпроминжинеринг“, подружница на државниот нуклеарен гигант „Росатом“. Тјунин лежел покрај својот автомобил на пат во близина на шума, а крај него биле најдени ловечка пушка и проштално писмо, јавува United24 Media.Според пишувањата на The Moscow Times од 19 септември, во писмото тој навел дека решил да си го одземе животот поради депресија која ја чувствувал последните пет години и која, како што запишал, станувала „сè потешка со секоја измината година“. Иако руските државни медиуми, меѓу кои и ТАСС, брзо го класифицираа случајот како самоубиство, смртта на Тјунин го продолжува загрижувачкиот низ мистериозни и неразјаснети смртни случаи меѓу високи раководители во енергетскиот, нуклеарниот и индустрискиот сектор во Русија од почетокот на инвазијата врз Украина.Тјунин ја водеше компанијата од април 2016 година, управувајќи со производството на јаглеродни композити за авионска, енергетска и индустриска примена. Подоцна фирмата беше припоена кон „Уматекс“, дивизија на „Росатом“ специјализирана за напредни материјали, која во февруари 2023 година беше ставена под американски санкции.Ова е само последен случај во серијата сомнителни смртни случаи на влијателни директори во Русија. На 8 септември во Калининградската област властите пронајдоа обезглавено тело на Алексеј Синицин, директор на рударска компанија. Во август јавноста ја потресоа и ненадејните смртни случаи на Дмитриј Осипов, претседател на „Уралкалиј“, како и на Михаил Кенин, основач на градежниот гигант „Самолет“.Овие случаи се случуваат во период кога руската економија бележи сериозно забавување. Извршниот директор на „Сбербанк“, Херман Греф, неодамна предупреди на „техничка стагнација“ и раст на БДП кој се движи кон нула, што дополнително го зголемува притисокот врз индустријата и домаќинствата.

Свет | пред 3 месеци

(Фото) Монструозен чин во Скопје: фрлено куче од железничка станица, Нори почина

ЈП „Лајка“ соопшти за уште еден шокантен случај на суровост врз животните, откако непознат сторител фрлил куче од железничката станица во Скопје.„Вознемирувачка содржина. Утрово добивме повик за крајно вознемирувачка случка која повторно не потсетува до каде може да оди човечката суровост. Непознат сторител извршил монструозен чин и фрлил куче од железничката станица во Скопје“, објавија од ЈП „Лајка“.Тие информираат дека нивниот тим веднаш интервенирал и го префрлил кучето во амбуланта, каде што биле вложени максимални напори од страна на докторите.„За жал, и покрај сета борба, Нори – куче кое уште во 2023 година помина третман кај нас – денес го изгуби животот поради силно внатрешно крварење“, наведуваат од таму.Според информациите, Нори често била забележувана на повеќе локации низ градот, а станувало збор за питомо и мирно куче кое никому не пречело.„Овој бесправно и сурово одземен живот нема да остане незабележан. Настанот веднаш ќе биде пријавен до надлежните институции, до кои апелираме да ги искористат сите механизми за пронаоѓање и санкционирање на сторителот на ова тешко кривично дело. Апелираме и до граѓаните – доколку сте сведоци на вакви дела, пријавете ги веднаш. Само со заедничка реакција можеме да ставиме крај на ваквото насилство и да изградиме општество во кое животите на животните се почитуваат“, стои во соопштението на ЈП „Лајка“.

Скопје | пред 3 месеци

Додека тие што се виновни се кријат зад оправдувања, јас тука сум — со раце полни цвеќе, ќе се борам за твојата правда, напиша мајката на загинатата Ивона

Стојка Иванова-Антова, мајка на Ивона Антова која загина во трагедијата во клубот „Пулс“ заедно со уште 61 лице, на социјалните мрежи објави потресна порака за својата ќерка и повика на правда.„Ивонче моја, ангеле мој... Секој цвет што го носам, секоја свеќа што ја палам — е дадена од моето скршено срце за тебе. Сè тука е подредено за твојот мир: светлина, мирис на цвеќе, мала небесна куќичка што ја направив за тебе со свои раце“, напиша таа.Во објавата таа вели дека „домот не можам да го средам — не можам да се вратам на обичноста додека ти не си тука — но за тебе можев и правам сè“.Иванова-Антова ја опиша болката за изгубеното дете: „Ти беше мојата радост, мојата насмевка, мојот живот. И она што ми го земаа — ми го зедоа без да ми дадат причини, без да ги платат со срце. Им го гледам нивното избегнување, нивните шепотења, ‘не знаевме’, ‘случајно’ — но не е случајно кога млади животи се скратени и кога некој мисли дека може да си замине без одговор. Јас нема да замолчам. Не за тебе, не за нас.“„Ако имаше барем капка совест, ќе се приближеа и ќе побараа прошка. Но прошката не ја барам затоа што ја сакам нив — ја барам за правда за тебе, за да не им се повтори на други деца, други мајки, други семејства“, продолжи таа во својата порака.„И додека тие што се виновни се кријат зад оправдувања, јас тука сум — со раце полни цвеќе, со очи полни солзи и со срце кое не може да престане да те вика. Ги редам твоите слики, го чистам твоето мало небо, иако дома не можам да најдам сила да почистам ништо друго — затоа што секое мое битие е посветено само на тебе. Твојата фотка, твојата насмевка — тоа е мојата сила да станам и да бидам тука за тебе“, напиша Иванова-Антова.Во објавата заврши со зборовите: „Ти благодарам што постоеше во мојот живот, Ивонче. Беше премногу кратко, но беше совршено по своја убавина. Ќе продолжам да те чувам, да те украсувам, да те носам во секој здив и во секоја молитва. И нема да молчам за вистината — за тебе, за сите што те сакаа, за секое малечко срце што заслужува да живее и да се смее. Каде и да си сега — гледај, јас ти средив убаво. Ти имаш небо од свеќи и ангели, а јас ќе се борам со сите сили за твојата правда. До денот кога ќе те прегрнам повторно — ти си мојата вечна љубов. Те сака мамичка највеќе од сè.“

Коментари | пред 3 месеци

Наместо со докази, вина се докажува со импровизирани методи непознати во правната наука, никој не понесе одговорност за ништо, вели екссудијата Туфегџиќ

Адвокатот и поранешен судија во Кривичниот суд, Владимир Туфегџиќ, остро ја критикува состојбата во правосудството и институциите, предупредувајќи дека ниската доверба на граѓаните е последица на отсуство на одговорност и одлучност.„Секоја влада ќе го користи аргументот за 2% доверба во судството за да не ја исполни законската обврска за исплата на плати на судиите согласно законот. Постои генерална недоверба во институциите и тоа е реалност и клучен фактор на нестабилно општество. Никој не понесе одговорност за ништо, напротив функционерите, вклучително и во правосудството, рефлексно ја отфрлаат својата одговорност која е клучна за довербата и ефикасноста на институциите,“ вели Туфегџиќ.Тој додава дека ниту е намален криминалот, ниту трагедиите во сообраќајот, ниту корупцијата, а секојдневно се појавуваат нови скандали и случаи без последици за одговорните. Според него, правосудството не покажало одлучност да се справи со мал број судии и обвинители кои директно придонеле довербата да падне на само 2%.„Се дозволи пар обвинители и судии да експериментираат со правната наука, обвинители кои не го почитуваат принципот на хиерархија и субординација, кои редовно поднесуваат проблематични обвиненија што судиите мораат да ги влечат на сила. Наместо со докази, вина се докажува со импровизирани методи и стандарди непознати во правната наука. Тие станаа најопасни поради својата суета и лични фрустрации. Кога одлуката произлегува од суета, тоа не е правда, туку силување на правда од позиција на моќ,“ нагласува Туфегџиќ.Тој заклучува дека мал број подпросечни судии и обвинители биле оставени надвор од зоната на одговорност, а државата предолго толерирала вакви појави. „Се дозволи… премногу се дозволи… толку многу се дозволи што нема оправање,“ предупредува Туфегџиќ.

Коментари | пред 3 месеци

Овој хороскопски знак жртвува сѐ за љубов

Рибите важат за најромантичниот и најемотивниот знак во хороскопот, а нивните амбиции и потреба за љубов ги издвојуваат од сите други.Жените родени во овој знак се вистински заводнички.За нив најголемата вредност е љубовта – не можат да бидат целосно среќни доколку не се заљубени. Подготвени се на големи жртви и откажувања, но често се врзуваат за партнери кои ја искористуваат нивната емотивност.Во такви врски многу даваат, а малку добиваат, па понекогаш утехата ја бараат во туѓa прегратка или во храната. Вистинската среќа ја наоѓаат тогаш кога покрај себе имаат маж кој безусловно ги сака и им дава чувство на сигурност.Мажите Риби, пак, се сметаат за идеални романтичари. Тие се нежни, грижливи и полни со внимание, а во младоста често се големи заводници кои ретко остануваат без обожавателки. Причината е што умеат да слушаат и да ја натераат секоја жена покрај нив да се чувствува посебна. Кога се заљубени, кон партнерката се целосно посветени и се трудат да ѝ ја исполнат секоја желба. Во врска бараат почитување и верност, но доколку наидат на несогласувања, знаат да побараат утеха надвор од брачната заедница. Сепак, со вистинска поддршка и разбирање, мажот Риби станува најодан и најверен сопатник што може да се посака.

Магазин | пред 3 месеци

Британка откри ресторан во Турција со оброк од три јадења за само 4 евра

Британска туристка на социјалните мрежи сподели пријатно изненадување од цените на храната во Турција. Таа во популарното летувалиште Мармарис пронашла ресторан во кој целиот оброк од три јадења чинел само 3,50 фунти (околу 4 евра).Во својата објава на TikTok таа наведе дека, и покрај приказните за инфлација, сè уште може да се најдат исклучително поволни понуди.„Доколку престојувате во областа Армуталан во Мармарис, можете да добиете оброк од три јадења за 3,50 фунти. Ако сакате да пробате традиционална турска кујна, навистина ви препорачувам да дојдете овде,“ порача туристката.Нејзината објава предизвика голем интерес и бројни коментари, а на љубопитните патници им откри дека ресторанот се вика Anadolu Yemek Evi. Многумина потврдија дека имаат позитивни искуства таму. „Го обожавам ова место, мојот сопруг постојано оди таму по храна за нас. Одлично е,“ напиша една корисничка, додека друга додаде: „Неверојатно е евтино.“Ресторанот има и одлични оценки на платформата TripAdvisor, со просек од пет ѕвезди, а еден посетител го опишал како „место со најдобра храна во Мармарис“.

Магазин | пред 3 месеци

Човек на Трамп: Путин сака да го обнови Руското Царство – мора да го запреме

Генерал-полковник Кит Келог, ветеран од Виетнамската и Заливската војна, денес е помошник на американскиот претседател Доналд Трамп и специјален претседателски изасланик за Украина. Во интервју за The Telegraph, Келог изнесе остри оценки за Владимир Путин и предупреди на опасностите од руската експанзија.„Путин е агент на КГБ. Никогаш не престана да биде еден од нив. Тој е манипулатор. Се прави дека не зборува англиски, а ние го фативме неколку пати дека всушност зборува. Единствено оружје против ваков човек е силата,“ изјави Келог.На прашањето дали Русија, доколку ја освои Украина, би нападнала земја-членка на НАТО, Келог одговори без двоумење:„Апсолутно. Путин сака да го обнови Руското Царство. Историјата е јасна – тоа ме потсетува на Хитлер во 1938 година кога бараше Судети, па Порајне, Полска, а потоа почна Втората светска војна. Историјата не се повторува, но се римува. Затоа мора да го запреме – сега.“Келог го опиша Путин и како „реалист“ кој, ако се зголеми улогот, ќе отстапи.„Путин е во заблуда дека победува во оваа војна. Трамп му дава време и простор за преговори, но картите се сè уште во наши раце,“ нагласи тој.Според него, приоритетот е прекин на огнот:„Трамп претпочита мировни преговори, јас прво прекин на огнот – затоа што еднаш кога ќе застане, тешко е повторно да започне.“81-годишниот генерал оцени дека руските загуби во Украина – мртви и ранети – веќе надминуваат еден милион. Тој и порача на Европа дека мора да се подготви за поддршка на Украина и без американска помош, додавајќи дека тоа не значи целосно повлекување на САД, туку потреба Европа да „стои на свои нозе“.

Свет | пред 3 месеци

Суд во САД ја отфрли тужбата на Трамп против New York Times: „85 страници се премногу“

Сојузен суд во САД ја отфрли тужбата за клевета што претседателот Доналд Трамп ја поднесе против New York Times, оценувајќи дека е „непотребно долга и детална“.Судијата Стивен Меридеј од окружниот суд на Флорида му даде на Трамп рок од 28 дена да ја преработи тужбата, која во моменталната форма има 85 страници иако се однесува само на два случаи на наводна клевета.„Тужбата мора да биде правична, прецизна, директна и економична,“ наведе судијата во образложението. Тој додаде дека „тужбата не е мегафон за односи со јавноста“ и препорача новата верзија да не надминува 40 страници.Трамп ја најави тужбата во понеделник, тврдејќи дека весникот со години го клевети и бара отштета од 15 милијарди долари. „New York Times со години лаже и ме оцрнува, и тоа мора веднаш да запре,“ објави Трамп на својата мрежа Truth Social.Од New York Times ја отфрлија тужбата како неоснована, наведувајќи дека „нема правна тежина“ и претставува обид да се обесхрабри независното новинарство. „New York Times нема да биде заплашен со закани. Ќе продолжиме да известуваме за фактите без страв и фаворизирање, бранејќи го правото на новинарите да поставуваат прашања во име на американската јавност,“ соопшти редакцијата.Случајот е еден од неколкуте што повторно ја отворија дебатата во САД за слободата на говор и односот меѓу политичарите и медиумите.

Свет | пред 3 месеци

Американска армија: Убиен висок лидер на ИСИС во Сирија, планирал напади врз САД

Американската армија денеска соопшти дека во рација во Сирија е убиен висок припадник на Исламската држава, кој, според информациите, планирал напади врз САД.Ирачката антитерористичка служба претходно информираше дека во координација со меѓународната коалиција предводена од САД, во Сирија е ликвидиран високорангиран лидер на организацијата.Според соопштението на американската војска, убиен е Омар Абдул Кадер, познат и како Абдул Рахман ал-Халаби, кој бил одговорен за надворешни операции и безбедност на групата. Тој бил обвинет за организирање и надгледување напади во повеќе земји, вклучително и бомбашкиот напад врз иранската амбасада во Либан, како и за планирање операции во Европа и САД кои биле спречени со разузнавачки активности.Не е познато дали во акцијата имало цивилни жртви.Американското Централно командување (CENTCOM) изврши неколку напади врз припадници на Исламската држава во Сирија, а американски официјални лица предупредија дека групата се надева на враќање во земјата по падот на сирискиот претседател Башар ал-Асад во декември минатата година.

Свет | пред 3 месеци

Израел најави напад врз Газа со „невидена сила“, жителите во очај

Израелската армија во петокот соопшти дека ќе го нападне градот Газа со „невидена сила“, повикувајќи ги жителите на евакуација од подрачјето каде што се води голема офанзива, остро критикувана од меѓународната заедница.Со поддршка од САД, Израел во вторникот ја започна својата копнена и воздушна кампања на северот од енклавата, со цел уништување на палестинското исламистичко движење Хамас, чиј напад на 7 октомври 2023 година во Израел го поттикна сегашниот конфликт во Појасот Газа.„Израелските сили ќе продолжат со операциите со невидена сила против Хамас и другите терористички организации,“ изјави портпаролот на израелската армија, полковник Авихај Адрае, повикувајќи на евакуација на градот.Сепак, сведоштвата од терен зборуваат за хаос и очај.„Немаме каде да одиме,“ изјави за АФП Ум Мохамед ал-Хатаб, Палестинка од бегалскиот камп Шати во западниот дел на Газа. Таа додаде дека по бомбардирањето на нивната куќа со седумте деца живеат во шатор.„Не се плашам од смртта, се плашам за моите деца,“ вели 34-годишната Лејла Азам од Тел ал-Хава, која со своите три деца нема ни шатор за засолниште.Според проценките на ОН, до крајот на август околу еден милион луѓе живееле во Газа и околните области. Израелската војска во петокот соопшти дека околу 480.000 луѓе веќе го напуштиле подрачјето.

Свет | пред 3 месеци

Кремљ: Трамп е емотивен околу Украина – и тоа е разбирливо

Кремљ соопшти дека претпоставува оти американскиот претседател Доналд Трамп и понатаму вложува напори за изнаоѓање решение за конфликтот во Украина, и покрај неговата изјава дека рускиот претседател Владимир Путин го „изневерил“ со своите постапки.Трамп неколку пати досега изрази разочараност поради продолжените руски напади врз украински цели, иако, како што тврди, се обидувал да посредува во пронаоѓање мирно решение. Во четвртокот, на заедничка прес-конференција со британскиот премиер Киер Стармер, Трамп изјави дека се чувствува „изневерен“ од Путин.„Претседателот Трамп е, да речеме, прилично емотивен околу оваа тема. Тоа е сосема разбирливо,“ изјави портпаролот на Кремљ, Дмитриј Песков, цитиран од руската новинска агенција РИА.Тој додаде дека Москва претпоставува оти и понатаму постои политичка волја и намера од страна на Трамп и на САД да се вложат напори за олеснување на решението за Украина.Рускиот претседател Владимир Путин и други високи функционери во повеќе наврати ги пофалија обидите на Трамп да најде решение за украинското прашање и да организира средби на високо

Свет | пред 3 месеци