Таравари останува со Вреди, ама под негови правила - кои се спротивни на коалицијата

Арбен Таравари и неговото крило од Алијансата на Албанците останува во коалиција со Вреди, одлучиле на вчерашниот состанок. Тој рече дека нема да се тргнат од оваа колаиција, како и дека ќе излезат со нивни листи за советници.„АА одлучи дека во сите општини каде што се кандидираат Албанци, ќе настапи со посебни листи за општински советници. Не може од коалицијата Вреди да очекуваат за кандидати градоначалници без одржани анкети за јавно мислење“, рече Таравари.Ваквата одлука може да ги наруши односите со останатите партии во коалицијата, бидејќи претходно Изет Меџити од Демократското движење кажа дека одлуките за настап на претстојните избори се клучни за тоа кој останува, а кој си оди. Притоа, потенцираше дека планот е сите партии да се спојат во еден субјект.„Ако нѐ исклучат, ќе постапиме соодветно“, рече Таравари.Засега нема реакција од Меџити. Претходно, Таравари беше обвинет дека кокетира со ДУИ.

Македонија | пред 11 месец

ЕУ му се закани на Вучиќ дека оди на парадата во Москва; Захарова: Ова е евронацизам

Србија би можела да биде блокирана во процесот на пристапување во Европската унија доколку нејзиниот претседател Александар Вучиќ следниот месец отпатува во Русија на парадата за Денот на победата, објави вчера Телеграф.Портпаролката на руското Министерство за надворешни работи, Марија Захарова, овие предупредувања од Европската унија ги нарече „евронацизам“.„Ако ова е вистина, тогаш евронацизмот се оживува пред нашите очи“, рече Захарова.„Пред 80 години, фашистите на ист начин ги принудија оние што ги сметаа за „граѓани од втор ред“ да се откажат од својата татковина, народ и религија“, објави таа на нејзиниот канал Телеграм.Руските државни медиуми објавија дека Александар Вучиќ ќе биде еден од странските великодостојници на настанот, како и дека Србија ќе учествува со воени единици и опрема на спектаклот на 9 мај. Како одговор, европските претставници го предупредија Вучиќ дека неговата посета ќе ги прекрши критериумите за членство во ЕУ и со тоа ќе ги загрози европските амбиции на Србија.„Мораме јасно да им ставиме до знаење дека одредени одлуки имаат цена. Последицата е тоа што нема да влезе во Европската унија. Русите многу се трудат да доведат странски гости... Ова ќе биде важен тест за нас. Во суштина, бараме да видиме дали тие се на наша страна или играат за друг тим“, рече Џонатан Всевиов, генерален секретар на естонското Министерство за надворешни работи.Каја Калас, највисокиот дипломат на Европската унија, рече дека министрите за надворешни работи на ЕУ на вчерашната средба разговарале за учеството на земјите кандидати на церемонијата во Москва.„Се разговараше многу јасно и неколку земји-членки рекоа дека секое учество на паради или прослави на 9 мај во Москва нема да биде сфатено лесно од европската страна, имајќи предвид дека Русија води вистинска, сеопфатна војна во Европа“, изјави таа за новинарите по состанокот.Србија долго време се обидува да одржи добри односи и со Брисел и со Москва во исто време.Таа аплицираше за членство во ЕУ во 2009 година и доби статус на кандидат во 2012 година. Пристапните преговори на Србија беа закочени во последниве години поради нејзината очигледна поддршка за илегалната инвазија на Русија на Украина.Белград одби да воведе западни санкции кон Русија како одговор на војната, која повеќето земји-членки на ЕУ ја бараат како услов за членство. Русија е сопственик на единствената нафтена рафинерија во Србија и одбива да ја продаде, со што Србија економски зависи од Москва.Каја Калас беше принудена да ги предупреди другите членки на ЕУ да не учествуваат на парадата на Денот на победата на Путин, која оваа година ја одбележува 80-годишнината од поразот на нацистичка Германија во Втората светска војна.Словачка, членка на ЕУ со блиски врски со Москва, исто така е поканета на настанот следниот месец.Роберт Фицо, премиерот на Словачка, минатата година рече дека ќе присуствува и е еден од ретките лидери на ЕУ кои се сретнале со Путин во повеќе од три години откако Русија ја нападна Украина.Унгарскиот премиер Виктор Орбан, кој се смета за најблизок сојузник на Путин во Европа, нема да присуствува.„Ги поканив сите членки, како и претставниците на институциите, да го посетуваат Киев што е можно почесто за да ја покажеме нашата солидарност и дека стоиме покрај Украина“, рече Калас.

Скопје | пред 11 месец

Хонда префрла дел од производството во Америка, по тарифите на Трамп

Јапонскиот автомобилски гигант Хонда објави дека ќе го премести производството на својот хибриден модел со пет врати Civic за американскиот пазар од Јапонија во САД.Според портпаролот на компанијата, производството на моделот во фабриката Yorii, во близина на Токио, најверојатно ќе заврши во јуни или јули.Одлуката доаѓа во контекст на тарифата од 25 отсто воведена од администрацијата на Доналд Трамп за возила произведени надвор од САД и наменети за американскиот пазар, давачка што тешко ја погоди Хонда, како и други производители на автомобили надвор од САД.

Магазин | пред 11 месец

Кина: Трговското насилство на Трамп сериозно го нарушува глобалниот поредок

Кинеските власти сè повеќе ја кажуваат својата позиција за состојбата на глобалната економија додека Пекинг се подготвува за целосното влијание на американските царини. Економскиот раст во првите три месеци од годината ги надмина очекувањата, поттикнат од посилната продажба на мало и индустриското производство.Заменик-директорот на кинеското Национално биро за статистика, коментирајќи ги штотуку објавените податоци за БДП, рече дека кинеската влада силно ги осудува „американските царински бариери и трговското насилство“. Шенг Лајјун тврди дека таквите мерки ги прекршуваат меѓународните закони и принципи на Светската трговска организација (СТО) и имаат сериозен ефект врз глобалниот економски поредок.Тој додаде дека објавените податоци ја покажуваат отпорноста на кинеската економија во кризни услови, но дека „високите царини наметнати од САД ќе донесат одреден притисок врз надворешната трговија и пошироката економија на Кина“.Сепак, тој вели дека царините нема да го запрат кинескиот раст на долг рок и дека Кина ќе реагира проактивно: „Пекинг има богат арсенал на мерки за стимулирање на растот и е подготвен да преземе конкретни чекори за поддршка на економијата“, рече Шенг.

Свет | пред 11 месец

Ред солзи, ред аплауз на вчерашната изведба на „Бог на колежот“, каде во публика беа гимназијалци од Кочани

Ред солзи, ред аплауз. Вака изгледаше атмосферата на претставата „Бог на колежот“ во МНТ, чија публика беа гимназијалци од Кочани, градот кој е завиен во црно. Тие купија 250 карти за да ја гледаат претставата на 19 март, но по трагедијата, изведбата се откажа. Режисерката на претставата, Весна Петрушевска, фотографиите ги објави на социјалните мрежи.„Беше убаво, емотивно, нешто што не се опишува со зборови. Директорот на МНТ, Никола Кимовски е дел од оваа приказна и на чело на оваа приказна. Ние како МНТ, како глумци, професионалци ја прифативме приказната. Благој Веселинов и Наталија Теодосиевa се од Кочани, играат и Дарија Ризова и Ѓорѓи Јолевски.“, рече Петрушевска, режисер на претставата.На крајот од претставата, тинејџерот Максим Арсов кој бил во публиката запеал, а актерите и публиката имаа простор да се запознаат и разговараат. Оваа изведба на „Бог на колежот“ ја обележаа и транспарентите на кои пишуваше „Благодариме МНТ“ и „Кочани“.

Магазин | пред 11 месец

Се проширува истрагата за пожарот во Кочани: се приведуваат полицајци, меѓу кои и пензионирани

Истрагата за пожарот во Кочани се проширува на уште седум полициски службеници, откри јавниот обвинител Љупчо Коцевски на Телма. Тие ќе бидат приведени. Според извори на „Скопје1“ дел од лицата кои се приведуваат, се и пензионирани лица, а се поврзуваат со издавањето на дозволи кои помогнале да се издаде лиценца за дискотеката „Пулс“ да работи.Со ова, бројот на осомничени полициски службеници се искачува на 14 лица, бидејќи пред скоро месец беа приведени други седум полицајци. Засега, истрагата се води за едно кривично дело, а тоа е предизвикување опасност за животот и телото на луѓето.Акцијата за овие седум полицајци е во тек. За полициските службеници и лицата кои се пензионирани полицајци, истрагата се води во Обвинителството за гонење организиран криминал и корупција.

Македонија | пред 11 месец

(Видео) Тешка сообраќајка во Аеродром, возило превртено на кров, едно лице повредено

Тешка сообраќајка се случи во Аеродром, близу маркетот „Веро“, на булеварот „Јане Сандански“. Според првичните информации, се судриле два автомобили. Едниот, од силината на ударот, се превртен на кров, а возачот бил изваден од внатре. Засега е познато дека едно лице е повредено, но надвор од животна опасностЗасега, не е позната состојбата на возачите. На лице место може да се види дека е причинета голема материјална штета, а на булеварот се и лични предмети на сопственикот на превртениот автомобил.Повеќе детали се очекуваат од МВР.

Скопје | пред 11 месец

(Видео) Пратениците се состанаа за надзорна расправа за Кочани, па двајца се испокараа

Не успеа обидот на ДУИ да се изгласа организирање на надзорна расправа за трагедијата во Кочани, бидејќи влајачкото мнозинство смета дека е рано за тоа. На говорницата предлогот го бранеше Блерим Беџети од ДУИ, кој се скара со претседателот на Комисијата и пратеник, Љупчо Пренџов.„Очекував да ми се извините“, рече Пренџов, а Беџети со кренат крст му мавташе и реплицираше: „Ти да се извиниш“. По ова Пренџов му рече да си ја собере раката, а Беџети му врати: „И устата таму“.Пред ова, имаше неколку остри реплики.„Ова е сведоштво на продолжувањата на ‘мојот закон’ и ‘ќе ве влечеме за уши’. Ова е отсуство на сведоштво и сите тие кои се одговорни и се оди на ретроактивност да се направи една толку голема магла“ рече Беџети.Му врати Пренџов: „Не само за Кочани ќе се разговара и за „кабелот е крив“ кога „живи луѓе ни гореа“, ќе се разговара и за Ласкарци, ќе се разговара и за сообраќајката во Бугарија каде „живи луѓе гореа“. Ова парламентарно мнозинство нема да стави ништо под тепих.Од ДУИ најавија дека нивни 15 пратеници во писмена форма ќе побараат од претседателот на Собранието да се одржи расправата.

Македонија | пред 11 месец

(Видео) Шахтата во Аеродром доби поклопец!

Опасноста од отворената шахта спроти ТЦ Скопјанка е отстранета и ставен е поклопец на истата.„Голема благодарност до службите во општина Аеродром кои иако не е во нивна надлежност го решија овој проблем во интерес на безбедноста на граѓаните“, велат од ЦУК.Директорот на ЦУК, Стојанче Ангелов од терен уште упати апел до ЈП Водовод и канализација на Град Скопје за итно преземање на соодветни мерки во врска со отворената шахта спроти ТЦ Скопјанка, која претставуваше опасност и ризик од загрозување на безбедното движење на граѓаните.

Скопје | пред 11 месец

Молк, цвеќе и свеќи, без говори и политичари, студентите одаваат почит на загинатите во пожарот во Кочани

Студентите од неколку градови се собираат за да одадат почит за жртвите кои настрадаа во страотниот пожар во дискотеката „Пулс“ во Кочани. Собирите се без политичари и говори.Студентите на техничките факултети во Скопје, со цвеќе и запалени свеќи, во тишина и со седумминутен молк се простија од загинатите.Млади од Средното медицинско училиште „Јане Сандански“, во Штип, од каде починаа тројца нивни соученици, двајца матуранти од Штип и една ученичка од втора година, оддадоа почит со едноминутен молк а потоа протестираа со едночасовни маршеви по штипските улици, под сслоганот „Секој еден може да е следен“.Едноминутен молк и цвеќе пред споменикот на Свети Климент Охридски, како почит за загинатите од студентите од Битолскиот универзитетНа студентите им се придружи и Ректорската управа и професорите.Молк, солзи, цвеќе и запалени свеќи, вака охридските стредношколци одадоа почит на 59 жртви, во дискотеката „Пулс“ во Кочани. Добија поддршка и им се придружија и нивните родители и граѓани. 

Македонија | пред 11 месец

Нема фотографија

Курти поднесе оставка од премиерската функција во Косово

Косовскиот прмеиер Албин Курти денеска писмено поднесе оставка од функцијата, пишува Клан Косова. Курти испратил писмо до Секретаријатот на косовското Собрание. Согласно законот, оние кои добиваат мандат за пратеници и истовремено имаат функции во Владата на Косово, како премиер, вицепремиер, министер или заменик министер, мора да поднесат оставка од владината функција.„Од 23 март, кога истече полниот четиригодишен мандат на нашата влада, таа функционираше како техничка или во оставка. Заради полагање заклетва за пратеник во деветтиот состав на парламентот на Косово, со ова и официјално ја доставувам мојата оставка“, стои во писмото што Курти го испрати до спикерот на парламентот.Конститутивната седница на косовското Собрание денеска беше прекината откако не беше усвоен извештајот на комисијата за верификација на пратеничките мандати. Неизвесно е дали на денешната седница ќе биде избран претседател на Собранието.

Свет | пред 11 месец

Паничните испади на Тошковски на Фејсбук само ја потврдуваат неговата одговорност за Кочани, вели СДСМ

„Паничните постови во кои Тошковски ѝ држи лекции на опозицијата да не го критикува, се ништо друго туку доказ за одговорноста што тој и неговите началници ја имаат за Кочани. Тошковски многу добро знае дека, покрај моралната, постои и кривична одговорност кај неговите началници против кои не се водат постапки. Добро знае дека има одговорност и кај низа други актуелни функционери против кои, исто така, воопшто не се водат постапки“, вели СДСМ и додава:Тошковски стигна до 2012 година барајќи виновници, но никако не сака да ги види одговорните кои му се пред носот. Правда за Кочани нема да има ако оние кои вечерта можеле да ја спречат трагедијата, а не го направиле тоа, не одговараат.Патетични се изјавите на Тошковски кој прашува каде биле Артан Груби и Перпарим Бајрами. Па токму тој ги пушти да избегаат. До кога ќе глуми опозиција? Откако е на власт повеќе од една година, Тошковски има само скандали – со избегани терористи и челници на ДУИ.Тошковски имаше шанса да биде херој, да го смени системот со тоа што ќе обезбедеше неселективна правда. Но, наместо тоа, реши да биде трагичар и да долее сол на раната на луѓето и семејствата од Кочани.Бркање вештерки од минатото и селективна истрага не е правда за Кочани. Со ова, Тошковски докажа дека тој е системот против кој се борат граѓаните.

Македонија | пред 11 месец

Лавров: Трамп се води од здравиот разум, но не сакаме САД да не воведат во стапица

Рускиот министер за надворешни работи Сергеј Лавров изјави дека не е лесно да се договорат со САД за клучните делови од можниот мировен договор за ставање крај на војната во Украина, и дека Русија никогаш повеќе нема да дозволи да биде економски зависна од Западот.Американскиот претседател Доналд Трамп, кој вели дека сака да биде запаметен како миротворец, постојано повторува дека сака да стави крај на „крвопролевањето“ од тригодишната војна во Украина, иако допрва треба да се постигне договор.„Не е лесно да се договорат клучните компоненти на решение. За нив се разговара“, одговори Лавров во интервју за весникот „Комерсант“ на новинарско прашање дали Москва и Вашингтон постигнале договор за некои аспекти од можниот мировен договор.„Ние многу добро знаеме како изгледа заемно корисен договор, кој никогаш не сме го отфрлиле и како изгледа договор што може да не одведе во друга замка“, рече Лавров во интервјуто објавено во вторник.Кремљ во неделата објави дека е премногу рано да се очекуваат резултати од обновувањето на понормалните односи со Вашингтон.Лавров рече дека претседателот Владимир Путин јасно ја кажал позицијата на Русија во јуни 2024 година, кога побарал Украина официјално да се откаже од амбициите за НАТО и да ги повлече своите трупи од целата територија на четирите украински региони за кои има право на Русија.„Зборуваме за правата на луѓето кои живеат на овие простори, на оваа земја. Затоа ни се драги и не можеме да се откажеме од нив, дозволувајќи луѓето да бидат протерани од таму“, рече Лавров.Русија моментално контролира нешто помалку од една петтина од Украина, вклучувајќи го и Крим, кој го анектираше во 2014 година, како и делови од четири региони за кои Москва сега тврди дека се дел од Русија - тврдење што повеќето земји не го признаваат.Лавров го пофали „здравиот разум“ и мислењето на Трамп дека претходната поддршка на САД за обидот на Украина да се приклучи на воената алијанса на НАТО е главната причина за војната во Украина.Тој, исто така, рече дека руската политичка елита нема да прифати никакви потези што ќе ја вратат Русија кон економска, воена, технолошка или земјоделска зависност од Западот.Глобализацијата на светската економија, рече Лавров, е уништена со санкциите што администрацијата на поранешниот американски претседател Џо Бајден ги воведе на Русија, Кина и Иран.Путин ја толкува војната во Украина како дел од битката со Западот, за кој верува дека ја понижи Русија по падот на Берлинскиот ѕид во 1989 година и НАТО се прошири и навлегува во она што тој го смета за сфера на влијание на Москва.

Свет | пред 11 месец

Српскиот парламент денеска избира нова влада

Српскиот парламент денеска ќе одржи седница на која ќе се избере нова влада.Ендокринологот Ѓуро Мацут кој го доби мандатот од претседателот Вучиќ, ќе го образложи предлогот за членовите на неговиот кабинет и ќе го презентира планот и програмата на новата влада, по што ќе се отвори дебата за кандидатот, програмата и кандидатите за членови на Владата.За прв потпретседател и министер за финансии е предложен досегашниот Синиша Мали, а заменик премиер и министер за внатрешни работи останува Ивица Дачиќ. Трет вицепремиер е Андријана Месаровиќ, која ќе го задржи и ресорот економија.Според предлогот, Братислав Гашиќ треба да раководи со одбрана а други предлози се Марко Ѓуриќ (министер за надворешни работи), Дубравка Ѓедовиќ Хандановиќ (министер за рударство и енергетика), Златибор Лончар (министер за здравство), Никола Селаковиќ (министер за култура) и Милан Кркобачиќ треба да ги задржат ресорите.За нов министер за образование е предложен Дејан Вук Станковиќ. Овој предлог предизвика и најмногу негативни реакции во јавноста.Ресорот евроинтеграции треба да го води Немања Старовиќ, кој во претходната влада раководеше со Министерството за труд. За овој ресор во новата влада е предложена Милица Ѓурѓевиќ-Стаменковиќ, која беше министерка за семејна грижа и демографија во претходната влада.Драган Гламочиќ е предложен за министер за земјоделство, шумарство и водостопанство, Сара Павков за министерка за заштита на животната средина, Јагода Лазаревиќ за министер за внатрешна и надворешна трговија, Ненад Вујиќ за министер за правда, Снежана Пауновиќ за министерка за државна администрација и локална самоуправа, Демо Бериш за министер за човекови, малцински права и социјален дијалог.За министри без ресор се предложени Новица Тончев, Ѓорѓе Миличевиќ, Усаме Зукорлиќ, Ненад Поповиќ и Татјана Мацура.Владата се избира доколку за нејзиниот избор гласало мнозинството од вкупниот број пратеници, односно најмалку 126 пратеници.

Свет | пред 11 месец

Тошковски: Левица се храни со народниот гнев, СДСМ при три трагедии имаат 0 кривични, а каде е Груби кој одговараше само пред Ахмети сега да одговара пред законите?

Министерот за внатрешни работи, Панче Тошковски одговори на нападите кон него, а п поднесената интерпелација од Левица, поддржана од СДСМ.Неговата објава во целост:„Поттикнат од вчерашните координирани напади од ДУИ, СДСМ и нивниот нов партнер Левица, кои синхронизирано и оркестрирано ги насочија кон мене сите свои расположливи сили, а дополнети и со нови, очекувано продолжени удари од страна на СДСМ утрово, чувствувам обврска пред јавноста да укажам на суштината на оваа невообичаена и сè поочигледна алијанса. Три партии, различни во својата форма, а слични во својата природа, вчера се здружија во обидот да фрлат сенка над она што три децении го чека македонскиот народ – расчистување со корупцијата и ставање крај на политиката на неказнивост. Три партии, кои наводно се борат една против друга, вчера покажаа дека нивниот заеднички интерес е посилен од сите нивни привидни разлики.ДУИ – партијата која во долгите години на владеење заедно со СДСМ создаде заробена држава, со систем во кој криминалот не беше исклучок, туку правило. Партијата која остави зад себе пустош од корумпирано судство, нефункционално образование без учебници, здравство кое наместо лекови произведуваше трагедии, загаден воздух кој го труе секој граѓанин и институции заробени од партиски војници наместо од професионалци. Истите тие функционери на ДУИ кои некогаш со ароганција велеја дека не одговараат пред законот, туку само пред Али Ахмети, а кога некој ќе им спомнеше одговорност за криминал, одговараа со закани со чизмите од таванот, денес панично се разбегаа бидејќи за првпат почувствуваа дека законот е над партијата. Па би сакал вака јавно да ги прашам:Каде е денес Артан Груби? Каде е денес Прпарим Бајрами? Зарем не беа токму тие најгласните борци за правата на Албанците, кои наместо права, си обезбедија само привилегии за себе и своите семејства? ДУИ никогаш не се бореше за Албанците, се бореше само за позиции од кои можеше да го ограбува и албанскиот и македонскиот народ.И сега, кога за првпат по 30 години владеењето на правото не е само празна флоскула, туку реалност, кога институциите конечно почнаа да функционираат и правдата пристигнува до оние кои мислеа дека засекогаш ќе бидат недопирливи, ДУИ без срам зборува за одговорност.СДСМ пак, кои зборуваат за селективност и неправда, треба да се присетат дека за време на нивното седумгодишно владеење со ДУИ, државата ја потресоа три големи трагедии во кои животот го загубија над 70 луѓе. И сега добро запомнете: за сите тие загубени животи, СДСМ не поднесе НИЕДНА кривична пријава. Ниедна! Истите тие денес велат дека истрагата за Кочани е фарса, а во оваа наводна „фарса“ веќе имаме над 50 осомничени. Зборуваат за морален пораз, привезоците на ДУИ кои седум години беа тивките соучесници во распаѓањето на државата, а денес, без грам срам, се обидуваат да се претстават како глас на совеста. Лицемерието нема граница, а СДСМ треба да знае дека меморијата на македонските граѓани не е толку кратка како што би посакувале.Но најинтересна е улогата на Левица, политичките паразити кои живеат и се хранат од народниот гнев создаден токму од нивните денешни партнери, ДУИ и СДСМ. Левица, која со години не пропушта можност да се претстави како алтернатива, всушност е само уште една алатка на истите структури кои на Македонија ѝ ја одземаа иднината. Денес, кога конечно системот се чисти, Левица ги напушти своите наводни принципи и застана во одбрана на токму оние кои ги обвинуваше до вчера. И не е тоа затоа што тие се нова партија со визија, туку затоа што најдобро опстојуваат во времиња кога системот е разнишан, а довербата на граѓаните во институциите е убиена од нивните некогаш прикриени, а денес очигледни сојузници.Вчерашниот ден најдобро покажа каде сме и зошто толку силно удираат. Не се напаѓа оној што не претставува закана, се напаѓа оној што навистина менува нешто. Оној што не прифаќа да биде дел од нивниот удобен систем на молк, неказнивост и меѓусебна заштита. Токму затоа, јас овие напади не ги гледам како закана, туку како комплимент дека конечно правдата ги допре оние кои мислеа дека засекогаш ќе останат недопирливи.Ова не е само моја битка, ова е наша битка. Ова е битка на сите граѓани кои 30 години живеат во држава во која политичката елита си играше фудбал по канцеларии и ја шутираше Македонија како топка. Денес, наместо тие да ја шутираат државата како што сакаат, законот почна да ги удира токму таму каде што најмногу ги боли.Затоа продолжуваме напред, со јасна визија, со уште поголема одлучност. Правдата почна да тропа на вратата на секој оној кој мислеше дека таа никогаш нема да го посети. И таа правда нема да се врати назад без резултати.Ако нападите се цена што мора да ја платиме за ова, тогаш јас сум подготвен секој ден да ја плаќам, затоа што ова не е само политичка битка. Ова е враќање на Македонија таму каде што и е местото, во рацете на граѓаните, а не во рацете на криминалците. Македонија мора да биде држава каде што одговорноста нема партиска боја, а правдата нема цена. Токму таа Македонија е целта за која вреди да се издржат сите овие напади. И таа Македонија, заедно со граѓаните, конечно ќе ја изградиме“.

Македонија | пред 11 месец

Маркетите и аптеките од петок мораат да ги објавуваат цените онлајн

Од петок, 18 април, поради зголемена транспарентност, споредување и стабилизирање на пазарот, сите маркети, аптеки и продавници за техника и мебел имаат обврска да ги објавуваат цените на своите производи на официјална веб-страница. Доколку цените се објават на социјални мрежи, тоа нема да се смета дека ја исполниле законската обврска.Трговците ќе мора да ги прикажуваат своите цени во реално време, со редовно ажурирање.Цените треба да се ажурираат најдоцна во текот на истиот календарски ден. Целта е на потрошувачите да им се овозможи јасен и точен преглед на понудата.Обврската не важи за микротрговци кои имаат до 10 вработени и годишен приход помал од 50.000 евра.Државниот пазарен инспекторат ќе врши контроли, ќе проверува дали се почитува прописот и ќе изрекува соодветни санкции.Секој производ треба да биде објавен со следниве податоци:-Име на производот,-Редовна продажна цена со вклучен ДДВ-Цена по единица мерка (килограм, литар, метар)-Опис на производот и моментална достапност-Цена со попуст, ако е активна промоција како и времетраење на попустот или акцијата

Македонија | пред 11 месец

Се бараат пропусти во лекувањето на пациентот кој почина чекајќи операција на Кардиохирургија

Министерот за здравство, Арбен Таравари, се уште го нема видено извештајот за пациентот Тони Ангеловски, кој почина чекајќи операција на Клиниката за кардиохирургија. Тој побара време да се запознае со случајот, но најави и одговорност.„Тоа е сериозна дијагноза, сега одам во Минситерството. Ќе го видам извештајот. Ќе треба да има веднаш и стручна комисија. Според моите информации, едната сала работела. Но дајте ми време да го видам извештајот“, рече Таравари.Прашан како е можно, единствената сала на Клинички за едноскопска операција да не работи, а пак во салата на Торакална хирургија да нема стентграфтови, но и дали ако денеска дојде пак пациент со пукната орта, е му се случи истото, тој одговори: „Во Македонија имаме три клиники каде се работат вакви операции. Државна и две клиники. Дајте ми да го видам извештајот од ДСЗИ. Ќе има одговорност ако има пропусти“.Претходно објавивме дека 59-годишниот Тони Ангеловски со пукната аорта отишол да го излекуваат, но не дочека ни операција на Клиниката за кардиохирургија и почина. Неговиот роднина, Ацо Николовски алармираше дека Ангеловски не е опериран оти им кажале дека нема слободни сали. Николовски за „Скопје1“ вели „го оставија како згазено куче покрај улица“.Од Клиниката за кардиохирургија кажаа дека пациентот немало да преживее операција. Ова бил ставот на лекарскиот конзилиум, каде се лекувал пациентот. Но, и покрај ова, а со оглед на тешката состојба на Ангеловски, барале сала да се направи операција. Се обратиле до Клиниката за торакална на васкуларна хирургија, но и таму не можело оти се поправал еден од апаратите. Тие и сами поосочуваат дека работата во една сала, бидејќи другата е надвор од функција веќе еден месец поради поставување на нов апарат кој бара реадаптација на прсторот. Таа која е надвор до функција е опремена за ваква операција.Според сведочењето на роднините на починатиот пациент, тие биле пратени да бараат решение во Клиниката „Жан Митрев“, за која им посочиле дека е болница која треба да го оперира на државна сметка. Но, според нивното сведоштво, оттаму биле известени дека квотата за лекување на државен трошок е потрошена, па дека ќе мораат да плаќаат 1.000 евра од ден при хоспитализација, плус додатни трошоци. Таравари не одговори конкретно дали ќе пратат инспекции и таму.

Македонија | пред 11 месец

Првпат во историјата на САД: Трамп „замрзна“ 2 милијарди долари за Харвард, најпрестижниот универзитет влегува во отворен бунт

Администрацијата на Доналд Трамп објави дека замрзнува повеќе од 2 милијарди долари (1,5 милијарди фунти) федерално финансирање за Универзитетот Харвард, само неколку часа откако елитниот универзитет ја отфрли листата на барања од Белата куќа, јавува Би-Би-Си.„Денешната изјава на Харвард го потврдува вознемирувачкиот менталитет на привилегии што е ендемичен на најпрестижните американски универзитети“, соопшти Министерството за образование. Белата куќа минатата недела испрати список со барања на Универзитетот Харвард, за кои вели дека се дизајнирани да го спречат антисемитизмот во кампусот, вклучувајќи промени во управувањето, вработување и критериуми за прием.Харвард силно ги отфрли овие барања во понеделникот, велејќи дека Белата куќа се обидува да ја „контролира“ академската заедница.Така, Харвард стана првиот голем американски универзитет кој го отфрли притисокот од администрацијата на Трамп да ги промени своите политики.Во писмото до заедницата на Харвард во понеделникот, претседателот на универзитетот Алан Гарбер рече дека Белата куќа испратила „ажурирана и проширена листа на барања“ во петокот, предупредувајќи дека универзитетот „мора да се усогласи“ ако сака да ги задржи своите „финансиски односи“ со владата.Преку правно застапување ја известивме администрацијата дека нема да го прифатиме нивниот предлог договор. Универзитетот нема да ја предаде својата независност или да се откаже од своите уставни права“, напиша претседателот на универзитетот Алан Гарбер.Гарбер додаде дека универзитетот не ја сфаќа лесно својата обврска да се бори против антисемитизмот, но дека владата ги пречекорила своите овластувања.„Иако некои од барањата се насочени кон борба против антисемитизмот, повеќето претставуваат директно владино регулирање на „интелектуалните околности“ на Харвард“, рече тој.Набргу по испраќањето на тоа писмо, Министерството за образование објави дека веднаш замрзнува 2,2 милијарди долари грантови и 60 милиони долари договори со Харвард.„Нарушувањето на учењето што ги погоди универзитетските кампуси во последниве години е неприфатливо“, соопшти Министерството.„Злоупотребата на еврејските студенти е неприфатлива. Време е елитните универзитети сериозно да го сфатат проблемот и да се посветат на вистинска промена доколку сакаат да продолжат да добиваат средства од даночните обврзници“, се додава во соопштението.

Свет | пред 11 месец

БиБиСи: Кина тргна во офанзива

Кина започна дипломатска офанзива во Југоисточна Азија во екот на трговската војна со САД, анализира Би-Би-Си.Кинескиот претседател Си Џинпинг пристигна во Виетнам, каде што се состана со највисоките државни функционери, вклучувајќи го и лидерот на Комунистичката партија То Лам и премиерот Фам Мин Чин.Во разговорите со виетнамското раководство, Кси повика на заедничко противење на „едностраното малтретирање“ со цел, како што рече, да се зачува глобалниот систем за слободна трговија, пренесува кинеската државна новинска агенција Ксинхуа.За време на посетата, двете земји потпишаа дури 45 договори, кои опфаќаат широк опсег на области, вклучувајќи синџири на снабдување, изградба на инфраструктура и вештачка интелигенција. Кси наскоро заминува од Виетнам за Малезија, а во текот на неделата ќе ја посети и Камбоџа.Посетата доаѓа во чувствителен период за целиот регион на Југоисточна Азија, кој е под зголемен трговски притисок од Вашингтон. Пред само неколку дена, САД објавија 90-дневна пауза во воведувањето на новите царини, кои дотогаш достигнуваа и до 49 отсто на извозот од некои земји во регионот. Во исто време, царини од дури 145% веќе се воведени за повеќето кинески извози во САД.Патувањето на Кси Џинпинг во Југоисточна Азија е дел од пошироката стратегија на Пекинг за консолидирање на своето влијание во регионот во време кога трговските и политичките односи меѓу Кина и САД се сè позатегнати. Кина традиционално има силни економски врски со земјите од АСЕАН, регионален сојуз на десет земји од Југоисточна Азија, и токму тие сега се под зголемен притисок да застанат на страната на САД.Американскиот претседател Доналд Трамп, кој се врати на чело на САД, ја интензивираше тарифната политика што започна за време на неговиот прв мандат. Во овој период, бројни кинески компании го префрлија производството во земји како Виетнам и Камбоџа за да ги заобиколат американските царини. Денеска се проценува дека четвртина од кинескиот извоз поминува низ трети земји.Но, тие земји сега влегуваат во свои трговски разговори со Вашингтон, а Пекинг стравува дека САД би можеле да ги искористат тие разговори за да ги натераат или да ги натераат, како што го нарекува Кина, да ги „малтретираат“ да се согласат со услови што ќе ја исклучат Кина од синџирите на снабдување.За многу земји во регионот ова би било тежок удар. На пример, извозот во САД сочинува околу 30% од БДП на Виетнам. Губењето на пристапот до американскиот пазар би било сериозен економски проблем.Затоа Кси започна дипломатска офанзива, сакајќи да излезе пред Америка и да ги убеди соседите дека Кина е стабилен и вреден економски партнер. За време на неодамнешната конференција за надворешната политика на Кина кон соседните земји, тој истакна дека односите со Југоисточна Азија се „клучна основа за развојот и просперитетот на Кина“.Се активираше и кинеското Министерство за надворешни работи. Портпаролот Лин Џијан минатата недела рече дека Кина и земјите од Југоисточна Азија се „добри соседи, пријатели и партнери кои делат заедничка судбина“, објави Ксинхуа.Друг адут во рацете на Кси се кинеските инвестиции во регионалната инфраструктура, особено во железничките проекти. За разлика од САД, кои неодамна го намалија буџетот на Агенцијата за меѓународен развој (УСАИД), Кина го истакнува својот финансиски и инфраструктурен придонес во регионот.Во овој сè поотворен економски натпревар меѓу Пекинг и Вашингтон, Кси Џинпинг сака земјите од регионот јасно да препознаат која страна ќе ја изберат и колку тој избор би можел да ги чини.

Свет | пред 11 месец

(Видео) Студентите во Белград ја блокираа зградата на РТС, ги обвиинуваат дека „киднапираат вработени“ и прават „тероризам“

Студентите од универзитетите во Белград и Нови Сад вчера вечерта организираа блокади на Радио Телевизија Србија и Радио Телевизија Војводина, незадоволни од известувањето на двата јавен сервис за студентските протести и општествено-политичката криза во земјата, а во исто време најавија протести „до дополнително известување“.Студенти од Белград и Нови Сад координираа акции за блокирање на РТС, РТВ во новосадски Мишелук и студиото на РТС во белградската населба Кошутњак, што РТС го нарече „незаконска блокада“.Насловната вест на порталот на РТС е дека студентите „незаконски ги блокираат“ зградите на РТС во Белград и зградата на РТВ во Нови Сад. Во веста за блокадата, РТС наведува дека во пресрет на собирот, студентите во блокадата на белградските факултети на својот Инстаграм објавиле: „Јавниот медиумски сервис работи против сите нас“.„Студентите во блокадата вечерва се собраа пред двата јавни медиумски сервиси. Во протестна прошетка стигнаа до РТВ и ги блокираа влезовите во зградата. Студентите од Нови Сад најавија 24-часовна блокада. Пред РТС на улица Таковска и во Кошутњак, белградските студенти бараат да се распише конкурс за членови на советот на Регулаторното тело за Елект“, стои во известувањето на РТС. Директорот на РТВ Горан Караџиќ излезе со соопштение во кое се наведува дека вработените во РТВ биле „киднапирани“ и студентската акција ја нарече „тероризам“. Протестите и блокадите се одвиваат без инциденти.Студентското движење излезе од бранот протести предизвикани од смртта на 16 лица во урнатата настрешница на железничката станица во Нови Сад на 1 ноември минатата година, а од властите бараат кривична и политичка одговорност за трагедијата и бараат борба против корупцијата и непристрасно дејствување на институциите без политички притисок и влијание.Во тек е и велосипедската „Тура до Стразбур“ чија цел е да ги информира лидерите на Европската унија за состојбите во земјата која веќе неколку месеци се соочува со социјална и политичка криза. Во вторник попладне се очекува студентите-велосипедисти да пристигнат во Стразбур. 

Свет | пред 11 месец

Палевски го спори времето на убиството на Жежовски, а тврди дека не бил таму кога е ликвидиран велешанецот

Љупчо Палевски-Палчо, обвинет за убиствата на Вања Ѓорчевска и Панче Жежовски, упати обвинување дека Кривичен суд, дека бил киднапиран од нив. Тој рече дека шест дена бил во притвор без никакво решение, а потоа, бил однесен во судот пред судија на претходна постапка и обвинителката која го застапува предметот. Пред судијата Ивица Стефановски, Палевски објаснуваше што правел на 22 ноември, денот кога е убиен Панче Жежовски. Тој го спореше времето кога е убиен велешанецот, посочувајќи дека во кривичната пријава на МВР стои 21:30, а во обвинението стои 09:30 минути.„Бев со кучето Хера во дворот, разговарав со член на оградата. На тој ден сум немал состанок со Манев и Видевски бидејќи од причина што, во посоченото време кога се тврди дека стигнале од месноста Рудник во штабот, јас разговарам со Миле, секретар на партијата. Моментот на смрт на Панче Жежовски до денеска не е утврден, докажано е дека поминуваат возилата кај ‘Ромакнтик’, но како пресметале кога е убиен? Не дадоа докази. Она што е сигурно е дека Кешишев во 10:30 минути поминал покрај ‘Романтик’, како успеале, според тврдењата на Обвинителството, да го убијат Панче и да се возат во шок и бессознание до Маџари, да се претовараат во „Реното кангу“ и во 11:47 да разговараат на телефон? Физички е невозможно. Затоа на 24 ноември се враќаат во Рудник, според исказот на Манев, да затрупуваат. Дали е тоа грижа на совест, не знам, но постои можност и тогаш да е убиен Панче. Според камерите од ‘Романтик’, ‘цитроенот’ во 10:30 минути се уште е во Велес“, рече Палевски.Во неговиот исказ тврди дека моторолите кои се гледаа на камерите од дворот на обвинетиот Велибор Манев, биле употребени кога барале злато кај Демир Капија. И според него, ова е последен пат кога ги видел.„Целата организација на тој настан е од Велибор Манев, инсистираше јас и Влатко Кешишев да бидеме присутни, а тој и Боре Видевски проверуваа во пештерата во близина на Вардар. Тогаш за прв и последен пат видов моторола која од автомобилот ја извади Манев. Ми даде мене, на Влатко и другата ја понесоа со себе. Времето на тргнување од Демир Капија кон Велес е истото со времето на видеото кое Обвинителството незаконски го приложи како доказ. Задржувањето во Демир Капија и потпишувањето на записникот за одземање на оружјето, идентично одговара – 07:10 кога се гледа на видеото од Обвинителството.  Со настанот се утврдуваат три важни работи – пиштолот, времето и моторолите, а до Демир Капија отидовме со возилото на Велибор Манев“, посочи Палевски.Рочиштето заврши, следното е закажано за во среда, кога Палевски ќе продолжи со давање исказ. Според обвинението, Палевски е планер и реализатор на двете убиства, како на Панче Жежовски, така и на Вања Ѓорчевска. Досега беа презентирани снимки од видео надзори, беа сослушани сведоци, беа предочени материјални докази.ПРЕТХОДНО:

Македонија | пред 11 месец

Тошковски: Обвинителството и МВР не може да ги претвориме во „преки суд“ за политички поени на некои недобронамерници

Министерот за внатрешни работи, Панче Тошковски изјави дека СДСМ, ДУИ и Левица со обвинувањата кои ги шират за трагедијата во Кочани се обидуваат да ја манипулираат јавноста. Посочува дека се постапува за над 50 осомничени, но истрагата не е завршена, сѐ уште трае, а обвинителите, според него покажале дека навистина можело да се работи и поинаку.Тошковски повтори дека против секој еден за кој има докази е поднесена пријава од страна на МВР, како и дека ќе биде соодветно процесуиран секој за кој ќе се најде доказ дека е причинско-последично поврзан со предметниот кривично-правен настан од аспект на исполнување елементи на конкретно кривично дело.„Истрагата не е завршена. Ние не можеме, Обвинителството и МВР да ги претвориме во „преки суд“ (Одлука по кратка постапка без докази, итна постапка) зашто некои политички недобронамерници сакаат на гневот на македонскиот народ кој самите го предизвикале уште толку повеќе да го искористат во насока на крадење, манипулирање и стекнување политички поени. Тоа нема никогаш да го дозволам како министер. Јас работам во интерес на граѓаните и до сега од сработеното на јавните обвинители гледам посветеност, гледам како 11 обвинители се фокусирани на целосно расчистување на овој случај, заедно со истражителските тимови на МВР, нешто што во минатото било незамислива именка”, рече истакна Тошковски.Тој повтори дека никој нема да биде толериран или изземен од истрагата.

Македонија | пред 11 месец

(Галерија) Охрид се подготвува за велигденските празници

Јавното претпријатие „Охридски комуналец“ започна со уредувањето на зелените површини.„Пролетта е годишно време кога парковите зрачат со својата убавина и впечатливи бои. Природата се буди, семињата никнуваат, тревата ја добива онаа впечатлива зелена боја, цвеќињата цветаат во своето изобилство од бои, а дрвјата полека, но сигурно ја кројат својата крошна. Нашите екипи на терен на многу локации за хортикултурно средување на зелените површини: се косат тревниците, се садат нови дрвја во градски парк и ул.,,7-ми Ноември", се спроведуваат припремени активности за садење на трева на ул.,,7-ми Ноември", хортикултурно одржување кај црквата Св. Никола во с.Љубаништа и околу детското игралиште во с. Рача“, стои во објавата.Во текот на велигденските празници, се очекува градот да биде полн.

Охрид | пред 11 месец

Нема фотографија

Таравари: Утре одлука или во коалиција со Вреди или сами на избори, со ДУИ не преговараме

Алијанса за Албанците на Таравари утре ќе донесе одлука дали на престојните локални избори ќе настапат како дел од коалицијата ВЛЕН или на избори одат самостојно.Според Таравари во некои општини во кои доминира албанското население, неговата партија може да добие повеќе гласови ако настапи сама, отколку како дел од коалицијата ВЛЕН.„Имаме две опции, една да продолжиме со ВЛЕН и второ да излеземе сами. Изборот е меѓу овие две опции, нема трета опција. Имаме одредени општини каде што сметаме дека и сами би направиле добар резултат како што се Гостивар, Врапчиште, Дебар, Боговиње, Теарце, Сарај. Не мислиме дека ќе победиме туку дека може да направиме добар резултат. Меѓутоа ајде да видиме, на крај граѓаните одлучуваат“, изјави Таравари.Таравари демантираше дека се сретнал со Али Ахмети и дека неговата партија преговара со ДУИ за евентуална соработка.Со ВЛЕН рече, нема договор.Не сакаше да ја коментира изјавата на Касами, кој рече дека тој што ќе се оддели од групата ќе го јаде волкот.„За Билал Касами не би сакал да коментирам, тоа е негов став. Мислам дека избрзува кога дава изјави, меѓутоа тоа е негова работа“ рече Таравари.

Македонија | пред 11 месец

Венко Крстевски е в.д. градоначалник на Кочани

Независниот советник Венко Крстевски е избран за вршител на должноста Градоначалник на Кочани.За Крстевски гласаа девет од присутните советници, додека еден советник беше воздржан.Тој е избран во вториот круг на поединечно изјаснување на советниците, откако во првиот круг ниту еден од двајцата кандидати не освоија мнозинство од вкупниот број советници.Во вториот круг, повеќе гласови освои Венко Крстевски, 9 гласови наспроти Гоце Марков од ВМРО-ДПМНЕ кој освои 8 гласови.Новиот градоначалник ќе ја води општината до локалните изборите во месец октомври. По трагедијата во дискотеката „Пулс“, Љупчо Папазов во која загинаа 61 лице и многу беа повредени, си поднесе оставка.

Македонија | пред 11 месец