Интервјуто на Ордановски говорејќи за Трамп направи „бура“: Реакции од Талевска од МАН и Мирчевски од Канал 5

Интервјуто на новинарот Сашо Ордановски во „Само вистина“ на „Канал 5“ донесе бурни реакции во јавноста. Ордановски говореше за американскиот претседател Доналд Трамп и неговата администрација.„Тој е лошо образован човек. Има мали широки културолошки познавања има од светот, од историјата. Исклучително е нарцисоиден. Трамп мисли дека тоа е шоу програма во која тој тресе глупости, лаже и дека тоа нема последици“, се дел од речениците кои Ордановски ги кажал во емисијата, на што следуваа реакции.Први се јавија од ВМРО-ДПМНЕ, кои Ордановски го поврзуваат со СДСМ и прашаа: „Ги напаѓа ли Филипче САД преку Сашо Орданоски, и менува ли курс по паметот на Левица?“.„Сашо Орданоски, кој важи за советник на Венко Филипче и СДС и сива еминенција во таа партија вчера во телевизиско интервју со најбрутални навреди го нападна претседателот на САД, Доналд Трамп, нарекувајќи го лажго и необразован. Дали Венко Филипче преку Сашо Орданоски ја нарече политиката на САД како неонацистичка? Се крие ли Венко Филипче зад Сашо Орданоски, и го напаѓа ли претседателот Трамп со навреди преку своите истурени играчи како Сашо Орданоски?“, рече пратеникот Бране Петрушевски.СДСМ пак, смета дека е комедија реакцијата на ВМРО-ДПМНЕ.„ВМРО-ДПМНЕ во недостаток на идеи и резултати во политиката започна со комични соопштенија да манипулира и извлекува смешни тези, реагира СДСМ од каде што велат дека поврзувањето на изјавите на новинарот Ордановски со политиките на СДСМ во однос на прозападниот курс на државата се очаен обид да ги скријат сопствените неуспеси. Ова е уште една потврда дека освен манипулации, друга политика немаат да понудат. СДСМ е единствена партија која во континуитет ги негува прозападните вредности, која го изгради стратешкото партнерство со САД и ги реализираше евроинтегративните аспирации на земјата“, велат од СДСМ.Регираше Канал 5 ТВ преку директорот Иван Мирчевски.„Вчудоневидени сме од вчерашниот настап на г-динот Сашо Орданоски кој со неопислива леснотија ја таргетираше новата аминистрација на нашиот најголем стратешки партнер – САД. Исто така, ги осудуваме искажаните навреди, клевети и шпекулации од страна на Сашо Орданоски кои не би сакале да веруваме дека беа малеволентни вербални стрели при неговото опишување на карактерот, образованието и општествено-политичкото дејствување како на американскиот претседател Трамп така и на неговото потесно семејство и соработници“, стои во реакцијата.Остра реакција имаше и од Македонската асоцијација на новинари (МАН) искажана преку претседателката Ивона Талевска.„Македонската асоцијација на новинари (МАН) го дели згрозувањето, шокот и гневот на јавноста во однос на изречените зборови на „новинарот“ Сашо Орданоски со експлицитен говор на омраза и навреди кон странски државници, што е повреда и на домашниот Кривичен законик, и на меѓународното право кое го штити угледот и честа на државниците од вакви напади, а особено штетно и опасно за Република Македонија, нејзиниот статус во меѓународните односи и во крајна линија на нејзината безбедност како членка на НАТО. Со ова јавно ширење на говор на омраза, навреди и уривање на чест и углед на Трамп, Венс, Маск и американската држава, Сашо Орданоски ја вовлече македонската држава и македонските државни интереси во проблем да се бранат од ваквиот говор на омраза пред домашната и меѓународна јавност со последици кои се исклучително сериозни. Македонската асоцијација на новинари (МАН) овој протест против ваков, најопасен говор на омраза со висок ризик за последици по државата и нејзиниот статус, ќе го испрати освен до јавноста, и до Амбасадата на САД во Македонија, до Кабинетот на претседателот на САД Доналд Трамп, до кабинетот на потпретседарелот на САД Џеј Ди Венс, како и до кабинетот на Шефот на одделот за владина ефикасност Елон Маск“ вели Талевска од МАН.

Македонија | пред 1 година

Министерката за финансии: Ако постои 'картелско' здружување на маркетите, цените ќе беа тука некаде, не е така!

Министерката за финансии, Гордана Димитриеска-Кочоска, изјави дека Владата водела долга дискусија за цените на производите и заклучила дека се потребни долгорочни решенија, а не краткорочни мерки како замрзнување на цените.„Ако постои 'картелско' здружување на маркетите, цените ќе беа тука некаде, но и сами знаеме дека не е така. Секој има можност и опција да пазари каде сака“, рече денеска министерката Димитриеска-Кочоска.Таа нагласи дека одлуките се носат врз основа на податоците од Државниот завод за статистика и повика на поширок пристап при анализите. Според неа, базичната инфлација е ниска, а најголем придонес за растот на цените имаат угостителските услуги.Претседателот на ССК, Трајан Ангелоски, истакна дека ограничувањата во цените можат да имаат негативни последици и дека е потребно да се поттикне домашното производство и конкуренцијата за да се стабилизира пазарот.

Македонија | пред 1 година

Имало неуспешен обид за грабнување на Вања: на снимките се гледаат лопати и вреќа за спиење, како и движењето на обвинетите

Обвинителството пред судот низ снимки докажуваше како обвинетите за грабнувањето и убивањето на Вања Ѓорчевска, имале неуспешен обид за делото да го сторат на 24 ноември, а тоа е три дена пред девојчето да биде ликвидирано. Според обвинителите, во куќата на Велибор Манев се подготвувал грозоморниот чин.Прв кај Манев доаѓа Велибор Видевски со возило „Шкода“, во 3:47 минути. Обвинителите посочуваат дека се гледа дека е облечен со истата јакна и капа кои ги носел денот кога бил убиен Панче Жежовски. Презентирајќи ги снимките, обвинителите рекоа дека Манев и Видевски разменуваат ракавици, а Видевски, ги навлекува на рацете. Оттука, одат пеш во правец кон Велес, а на која страна се наоѓа и домот на веќе убиениот Жежовски (на соседна улица).Назад кон куќата на Манев се враќаат во 4:28 минути, се враќаат назад. Манев го зема „Реното кангу“ кое е паркирано во куќата, Боре Видевски седнува на совозачко седиште и заминуваат во правец кон Велес.Според Обвинителството, ова се моментите кога обвинетите неуспешно се обиделе да ја грабнат Вања Ѓорчевска.Утрото, на 24.11 во 10:08 минути, „Реното кангу“, се враќа.„По неуспешниот обид за грабнување на Вања, утрото на 24.11.2023 година“, рече обвинителката.Боре Видевски излегува од совозачкото седиште, а возел Велибор Манев. Видевски замнува со автомобилот „шкода“ со кој претходно дојде.„Од гепекот на „реното“ вади вреќа за спиење, темно сина боја, ја дипли и ја враќа. На снимка од 25.11 пред куќата се паркирани ‘Mерцеседот’ и ‘Реното кангу’. Манев излегува од ‘мерцедесот’ и оди кон ‘шкодата’, двајцата стојат на улицата. Потоа, Боре Видевски се упатува кон ’Рено кангу’ и седнува на возачкото место, а Манев влегува во ‘Mерцедесот’. Во 16:41 тргнуваат двете возила кон Велес. Во 19:30 доаѓа ‘Мерцедесот’, Боре излегува, ја отвара капијата и паркира. Боре Видевски се упатува кон ‘Шкодата’ и заминува. Заклучуваме дека возилото ‘Рено кангу’ се движи кон Скопје за да биде искристено за настанот од 27.11.2023 година, а ‘Mерцедесот’ на Манев се враќа за да може да се искористи за планираните активности на 26.11 и на 27.11.2023“, рече обвинителката Ана Стојновиќ-Димитриевска.Обвинетите се среќавале и по убиството на Вања Ѓорчевска.

Македонија | пред 1 година

Министерот Минчев му се спротистави на вицепремиерот Меџити: Да не се однесува како Алиса во Земјата на чудата

Министерот за јавна администрација, Горан Минчев, му се спротистави на вицепремиерот Изет Меџити кој најави вработувања на Албанци во јавниот сектор и рече дека тој продава предизборен популизам.„Изјавата на вицепремиерот Меџити на партиски настан за масовни вработувања во јавната администрација во период од една година е класичен пример на предизборен популизам, без никаква правна или институционална основа. Оттука, би го замолил г-динот Меџити да не се однесува како Алиса во Земјата на чудата, ветувајќи нешто што ниту е реално, ниту е возможно без кршење на законските процедури и принципите на доброто управување.Јасно и недвосмислено потенцирам дека сите вработувања во јавниот сектор во моментов се одвиваат исклучиво според потребите на институциите, врз основа на претходно добиени согласности од релевантните институции и во согласност со Законот за вработени во јавниот сектор и Законот за административни службеници. Секое вработување се заснова на принципите на компетентност, стручност и професионална подготвеност на кандидатите, а не на партиски ветувања или политички притисоци. Министерството за јавна администрација е цврсто посветено на почитувањето на мерит системот, што значи дека вработувањата и унапредувањата во јавниот сектор мора да се темелат исклучиво на квалитетот и способностите на кандидатите, а не на нивната етничка или политичка припадност.Политиката на популистички вработувања не само што би го нарушила интегритетот на администрацијата, туку и би ги загрозила реформите кои имаат за цел создавање ефикасна, професионална и деполитизирана јавна администрација. Јавниот сектор не е предизборен пазар каде што се раздаваат работни места во замена за политичка поддршка. Граѓаните на Република Македонија заслужуваат институции кои работат професионално и транспарентно, а не администрација изградена врз база на популистички ветувања. Затоа, апелирам на одговорност и реален пристап кон јавните политики, а не на нереални ветувања кои служат само за собирање политички поени во пресрет на изборите“, вели Минчев.На партискиот настан по повод основањето на огранокот на Демократското движење во Шуто Оризари, Меџити истакна дека за една година Владата ќе реализира повеќе вработувања отколку што се направени во двата претходни мандати од другите албански политички субјекти.„За прашањето на вработувањата, за една година ќе направиме онолку вработувања колку што тие направија за два мандати, осум години во Владата. Значи, ќе бидат стотици, ако не и 2-3 илјади Албанци во државната и јавната администрација и насекаде каде што има потреба од обновување на тие работни места, со што ќе се елиминира една пречка и проблем на нашите граѓани, за да не заминуваат во странство и да не ја гледаат својата перспектива надвор од државата“, изјави Меџити.

Македонија | пред 1 година

Менувањето на грбот може да донесе нови конфликти, а химната нема потреба да ја менуваме оти ја одразува историјата, вели претседателката Давкова

Претседателката Гордана Сиљановска-Давкова смета дека химната нема потреба да се менува, додека за грбот, смета дека сега не е време. Шефицата на државата се плаши да не се влезе во нови конфикти.„Точно е дека тој има симболи кои укажуваат повеќе на географијата отколку што на нешто што е белег на историјата. Имам само дилема околу отворањето на прашањето. Не негирам дека низ историјата најприсутен бил лавот на златна позадина. Но, мојата е дилема е следната – секогаш кога почнуваме да разговараме за вакви етнички прашања, симболи итн, со таква страст тоа го правиме, што не ни останува време за соочување со вистинските дилеми. Ако денеска зборуваме за драматични промени, треба да се адаптираме на драматичните промени. Се плашам да не влеземе во нови страсни конфликти“, рече Сиљановска.Според неа, химната ја одразува историјата на Македонија и нема што да се менува.„Ако ме прашувате за химната, апсолутно мислам дека нема потреба од промена на химната. Таа не одразува сегашност, секогаш изразува историска меморија, генеза и немаме ние право да менуваме. Не сум чула да менуваат луѓе, дури и во рамките на Европската Унија, во обидот да се донесе Уставот во 2005 година во ЕУ, беше предвидена химна, ама не дојде до тоа. Сите народи низ историјата креирале песни или химни кои се најважниот државен симбол и затоа не знам колку знаете – текстовите во химните, најголемиот број се во Уставот. Описот на знамето е во Уставот. Грбот е опишан во Уставот. Значи во законот врз законите“, рече Сиљановска-Давкова.

Македонија | пред 1 година

КАРИЛ се подготвува за реновирање – пациентите ќе се упатуваат на други клиники

Министерот за здравство, д-р Арбен Таравари денеска ја посети УК за ТОАРИЛУЦ и оствари средба со директорката д-р Марија Срцева Јовановски по повод подготвителните активности, кои се во завршна фаза за отпочнување на темелна реконструкција на просториите на КАРИЛ, која се реализира за првпат.„Заради внимателно и безбедно пристапување кон реконструкција на КАРИЛ, информираме дека оваа установа во наредниот период ќе функционира со намален капацитет, за што се известени сите јавни здравствени установи во државата. Дел од пациентите ќе преземат ГОБ „8 Септември“, Хируршката клиника „Св. Наум Охридски“ и Клиниката за неврохирургија, согласно изготвениот интерклинички план, во соработка со Министерството за здравство.Согласно планот, овие јавни здравствени установи ќе преземат точно утврден број пациенти, со заеднички договор со јавните здравствени установи. Оваа капитална инвестиција е од национален интерес и првпат од основањето на клинички центар се пристапува кон темелна реконструкција на КАРИЛ“, вели Министерството за здравство.

Свет | пред 1 година

Снимки пред убиството на Жежовски: Палевски со слушалка, другите со мотороли - се собрале во домот на Велибор Манев

Снимки од домот на обвинетиот Велибор Манев во Велес, покажуваат што правеле тој, заедно со Љупчо Палевски-Палчо и Влатко Кешишов, вечерта на 21.11, односно ден пред да биде киднапиран и убиен Панче Жежовски. Според Обвинителството, ова се моментите кога се планирала реализацијата на грозоморниот чин.20:57 минутиВелибор Манев пристигнува пред неговиот двор. Од возилото излегува лице и влегува во куќата. Обвинителката тврди дека тоа е обвинетиот Боре Видески со неговото возило „шкода“.По неколку минути, од возилото „Рено кангу“, од совозачката врата излегол обвинетиот Влатко Кешишов кој исто така влегол во куќата. По него и обвинетиот Љупчо Палевски-Палчо.22:26 минутиИзлегува Влатко Кешишов во дворот од куќата на Манев и се прекрстува држејќи ранец во раката, а потоа става нешто во возилото. Потоа, со „Реното кангу“ излегува на улица, а Манев со возило „мерцедес“.По 20-тина минути...Велибор Манев се враќа со „мерцедесот“ од местото каде што бил и повторно заминува. Во 22 часот и 43 минути Манев ги носи двете туби кон „кангуто“, кое во тој момент е паркирано на улицата.22:40Обвинителката посочува дека се гледа Палевски со црна слушалка во увото, како со Боре Видески излегуваат на улица. Кешишев се упатува кон „Реното кангу“, другите чекаат. Видески во раката држи радиостаница, односно „моторола“ и ја тестира. Радиостаница имаат и Велибор Манев и Влатко Кешишев. Од снимките, обвинителката вели дека се гледаат и микрофони закачени на Палевски, Манев и Видески.Велибор Манев и Жежовски се соседиЧетворицата тргнуваат пешки, токму во правецот на куќата каде живеел Жежовски, тврди обвинителката презентирајќи ги снимките.22:56 минути Обвинителката презентирајќи снимки вели дека се гледа како Кешишев се враќа пешки од правецот од кој претходно замина пешки. Две минути подоцна „Реното кангу“ оди кон останатите обвинети.По околу 30-40 минути...Се забележува како „Реното кангу“ се паркира пред „Шкодата”. Од него излегуваат Кешишев и Палевски, кој зборува на микрофон што го држи во десната рака. Потоа од правецот од Велес, доаѓаат Велибор Манев и Боре Видески.  Тројца влегуваат внатре додека Кешишев се упатува кон „Рено кангуто“, зема кеса и туба и влегува во домот на Манев.На следна снимка се гледа како сите четворица излегуваат од куќата на Велибор Манев и се качуваат во „Реното кангу“. Се враќаат, па пак излегуваат утрото на 22.11 во 06:33 минути. Ова е денот кога е убиен Жежовски.Панче Жежовски првично се водеше како исчезнат, додека неговото запалено возило „Цитроен“ беше пронајдено кај Бразда, близу местото каде била закопана Вања. Жежовски беше пронајден закопан кај Рудник, на патот Велес–Скопје, убиен со пиштол.

Македонија | пред 1 година

Уапсен уште еден малолетник во Скопје, полицијата врши проверки насекаде

Се почето во билтените на МВР се нотираат апсења на малолетници, фатени со марихуана. И во текот на вчерашниот дел, 17-годишник завршил во полициска станица.На 20.02.2025 во 14.20 часот во Скопје, на подрачјето на Карпош, полициски службеници од СВР Скопје лишиле од слобода 17-годишник од Скопје затоа што кај него била пронајдена и одземена марихуана. По целосно документирање на случајот ќе следува соодветен поднесок.Еве ги другите настани:На 20.02.2025 во 22.50 часот во Скопје, на подрачјето на Центар, полициски службеници од СВР Скопје го лишиле од слобода Д.Т.(49) од Скопје затоа што кај него биле пронајдени и одземени марихуана и бела прашкаста материја. По целосно документирање на случајот ќе следува соодветен поднесок.На 20.02.2025 во 19.35 часот во Скопје, на подрачјето на Центар, полициски службеници од СВР Скопје го лишиле од слобода П.Б.(28) од Скопје затоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.На 20.02.2025 во 18.10 часот во Скопје, на подрачјето на општина Аеродром, полициски службеници од СВР Скопје го лишиле од слобода М.С.(23) од Скопје затоа што кај него била пронајдена и одземена марихуана. По целосно документирање на случајот ќе следува соодветен поднесок.На 20.02.2025 во 20.40 часот во с.Трубарево, скопско, полициски службеници од СВР Скопје го лишиле од слобода А.К.(20) од с.Идризово, скопско, затоа што кај него била пронајдена и одземена марихуана. По целосно документирање на случајот ќе следува соодветен поднесок.

Скопје | пред 1 година

Проектот „Безбеден град“ е почеток на ефикасност и правд

„Претставници на Министерството за правда учествуваа на јавната трибина за измените на Законот за безбедност во сообраќајот на патиштата и Законот за прекршоците“, вели Министерството и додава:Проектот „Безбеден град“ започна во октомври 2024 година со една едноставна, но силна идеја: да ги обединиме капацитетите на Министерството за правда и Министерството за внатрешни работи, да ги надминеме старите системски бариери и да креираме ефикасен и транспарентен правен процесФормиравме меѓуресорска работна група предводена од Министерството за правда која имаше обврска да ги подготви измените и дополнувањата на Законот за безбедност на сообраќајот на патиштата, Законот за прекршоци и измени на Кривичниот законик со цел да се обезбеди имплементација на проектот ,,Безбеден град”.Со цел да се подобри безбедноста во сообраќајот, започнaвме со нови измени во Законот за прекршоците. Предвидена е посебна постапка за прекршоците од областа на безбедноста на сообраќајот на патиштата, која се однесува на прекршоците утврдени со помош на електронски системи за детектирање, како што е системот „безбеден град“. Воведуваме скратени постапки со кратки рокови за судење и засилени казни за рецидивистите, вклучувајќи забрана за управување со возило по третиот прекршок. Прекршочните налози ќе се доставуваат брзо и ефективно преку СМС и е-пошта. Сторителите ќе имаат право на судска заштита ако не ја прифаќаат одговорноста. Овие промени ќе ја подобрат брзината и ефикасноста на постапките.Како дел од нашите стратешки приоритети, во соработка со Министерството за внатрешни работи во декември 2024 година го отворивме процесот на интероперабилност кој долго време беше задржан само на хартија. Со директно учество започнавме пат на поврзување на судовите и ЈО со МВР, нешто што беше неопходно, но не беше функционално. Ние како министерство овозможивме поврзување помеѓу МВР ,судовите и ЈО со цел да се потпишат директни меморандуми за соработка и договори за размена на податоци во електронска форма, преку Националната платформа за интероперабилност, која ќе овозможи пристап до бази на податоци на институциите, што ќе се користат во судските постапки. Ова значи дека сите релевантни институции имаат пристап до најактуелните и точни информации. Брзо и ефикасно. Без губење време. Без можности за манипулации. Без можност за корупција.Проектот е почеток на ефикасност и правда. Систем кој не само што ќе се справува со постоечките проблеми, туку ќе ги спречува новите.

Македонија | пред 1 година

И автомобили со паметни камери на МВР ќе казнуваат низ улиците

Освен фиксните камери на сообраќајниците кои ќе регистрираат прекршоци кај возачите, ќе има и возила опремени со паметни камери. Ова го откри министерот за внатрешни работи, Панче Тошковски. Тоа значи дека овие возила ќе кружат низ улиците и ќе регистрираат дури и погрешно паркирани возила.„Дел од имплементацијата на 'Сејф сити' ќе бидат и возила опремени со паметни камери. При движење на улици, ќе ги констатираат сите погрешно паркирани возила и веднаш ќе бидат процесуирани“, рече Тошковски.Тој додаде дека работат на повеќе работи освен имплементација на „Сејф сити“.

Македонија | пред 1 година

Хезболах подготвува голем погреб за убиениот лидер, најавува стотици илјади луѓе

Либанското движење Хезболах ќе го погреба својот лидер Хасан Насрала на голема церемонија во недела, речиси пет месеци откако беше убиен во израелски воздушен напад.Насралах беше убиен на 27 септември во израелски воздушен напад за време на неговиот состанок со командантите во бункер во јужните предградија на Бејрут. Тоа беше фатален удар за Хезболах во раните фази на израелската офанзива што го десеткуваше либанското милитантно движење.Хезболах сега сака да се обиде да демонстрира политичка сила со голем погреб, откако беше значително ослабен во војната против својот јужен сосед.Насрала ја предводеше шиитската група низ деценискиот конфликт со Израел, трансформирајќи ја во воена сила со регионално влијание. Тој беше еден од најистакнатите арапски личности од неговата генерација.На погребот во јужните предградија на либанската престолнина ќе му се оддаде чест и на Хашем Сафиедин, лидерот на Хезболах во неделата по смртта на Насрала, кој подоцна исто така беше убиен во израелски напад. Ќе биде погребан ден потоа.„Погребот е отскочна штица кон следната фаза. Величенствениот погреб со стотици илјади луѓе е начин да им се покаже на сите дека Хезболах сè уште постои, дека тој сè уште е главниот шиитски актер во Либан“, рече Моханад Хејге Али од Центарот за Блискиот Исток Карнеги.Израел уби илјадници борци на Хезболах и значително ги уништи јужните предградија на Бејрут, упориштето на движењето, како и други места каде што има присуство. Дополнителен удар за движењето беше соборувањето на неговиот сојузник Башар ал-Асад во Сирија, кој му ја прекина рутата за снабдување од Иран.Слабоста на Хезболах беше очигледна и на политичкиот фронт, бидејќи групата не успеа да ја наметне својата волја при назначувањето на новата влада.

Свет | пред 1 година

Македонскиот јазик е длабока емоција, да го чуваме, напиша Мицкоски на Меѓународниот ден на мајчиниот јазик

Денес, на Меѓународниот ден на мајчин јазик, да му оддадеме почит на јазикот што нè обликува, нè учи да сакаме, да се бориме и да мечтаеме.“Јазикот е наш долг и наше право – Крсте П. Мисирков. Македонскиот јазик не е само средство за комуникација, туку жива историја, длабока емоција и идентитет што го носиме во секој збор. Да го чуваме, негуваме и гордо пренесуваме на идните генерации, бидејќи секоја изговорена реченица е сведоштво за нашата култура, традиција и непокор. Среќен нека е денот на сите што зборуваат од срце, на јазикот на своите корени!“, напиша Мицкоски.

Македонија | пред 1 година

Четири маркети си се договарале за колку да зголемуваат и намалуваат цени на производи, поведена постапка

Поведена е прекршочна постапка против неколку ланци маркети кои се договарале за цени на производи, соопштија од Комисијата за заштита на конкуренцијата. На удар биле четири големи маркети и една стопанска комора, во која тие се здружени. Како што се наведува во соопштението на Комисијата, трговските ланци се договориле да не набавуваат стоки од добавувачи кои ќе достават нови ценовници.„Контролираните субјекти, спротивно на Законот за заштита на конкуренцијата донеле забрана, односно се договориле дека ќе делуваат усогласено и нема да набавуваат стоки од добавувачи кои ќе достават нови ценовници за нивните производи, поради што е поведена прекршочна пријава против нив“, велат од Антимонополската комисија.Од Комисијата за заштита на конкуренцијата велат дека интензивно вршат контроли кај повеќе правни субјекти кои имаат свој удел во синџирот на снабдување со земјоделски и прехрамбени производи и ќе бидат преземени најригорозни мерки и санкции на секое нарушување на конкуренцијата на пазарот и нема да се дозволи никакво изигрување на законите на штета на граѓаните.

Македонија | пред 1 година

Над 18.000 казни за 21 ден - над 4.000 возачи биле без возачка

Од почетоков на месецов заклучно со вчерашниот ден (20.02.) полициските службеници од сите осум сектори за внатрешни работи при БЈБ на МВР издале 18.132 платни налози на граѓани-учесници во сообраќајот за сторени прекршоци по основ на Законот за безбедност на сообраќајот на патиштата и Законот за возила. Најголем дел од тие непочитувања на сообраќајните правила и прописи се однесуваат на пречекорување на брзината на движење – 6.056, потоа непрописно паркирање - 4.213 инепоседување на возачка дозвола – 1.510.Инаку, во рамки на вчерашните активности на полициските службеници во поглед на постојаните сообраќајни контроли низ патиштата во земјава, според статистичките показатели, беа издадени 864 платни налози. Притоа по основ на непочитување на брзината на движење и непрописното паркирање евидентирани се – 273, односно 270 прекршоци.Исто така, по основ на управувањето на возило без возачка дозвола вчера беа детектирани 58 прекршоци, потоа следат 33 случаи на некористење сигурносен појас и 28 случаи на зборување со мобилен телефон при управување со возило. Покрај ова евидентирани се 14 прекршоци кај пешаци, седум лица управувале возило со недозволено ниво на алкохол во крвта, и три минувања на црвено светло. Во 21 случај, согласно Законот за возила, од сообраќај се отсранети нерегистрирани возила.

Македонија | пред 1 година

Нов тип на коронавирус откриен во Кина

Тим кинески научници откри нов коронавирус кај лилјаци со потенцијален ризик од пренос од животни на луѓе, но засега не треба да се стравува од ризикот од негова појава кај човечката популација, објави хонгконгскиот весник „Саут Чајна Морнинг пост“.Студијата беше спроведена од научници од Академијата на науките во Гуангжу, Универзитетот Вухан и Институтот за вирологија Вухан, предводени од вирологот Ши Женгли, во лабораторија во градот Гуангжу, во јужната кинеска провинција Гуангдонг.Научниците идентификуваа нова варијанта на вирусот HKU5 во јапонски лилјак во Хонг Конг, член на видот меркадовируси, како вирусот што предизвикува блискоисточен респираторен синдром (МЕРС).Според истражувачите, идентификуваниот вирус може да се поврзе со човечкиот ензим за конвертирање на ангиотензин (ACE2), истиот рецептор што го користи вирусот Сарс-КоВ-2 што предизвикува Ковид-19 и ги инфицира клетките.„Ние известуваме за откривање и изолација на посебна лоза (лоза два) на HKU5-CoV што може да користи не само ACE2 на лилјак, туку и човечки ACE2 и разни ортолози ACE2 од цицачи“, напишаа научниците во трудот објавен во списанието Cell.Истражувачите исто така изјавија дека „мербековирусите на лилјаците… претставуваат висок ризик од ширење на луѓето или со директен пренос или преку посредни домаќини“.Тие веруваат дека HKU5-CoV-2 се врзува за ACE2 рецепторите не само кај луѓето, туку и кај многу други видови, од кои сите можат да дејствуваат како посредни домаќини и подоцна да го пренесат вирусот на луѓето.Научниците додадоа дека е потребно повнимателно следење на вирусот, имајќи предвид дека неговата моќ е „значително помала“ од онаа на вирусот „Ковид-19“ и „не треба да се преувеличува ризикот од појава на HKU5-CoV-2 кај човечката популација“.

Свет | пред 1 година

Судиите и обвинителите се назначени од оние кои станале политички криминалци, вели Мицкоски

Премиерот Христијан Мицкоски преку „Фејсбук“ статус се обрати за да посочи дека отпатувал за Вашингтон за да се бори за Македонија.„Кога луѓето ме прашуваат: Што правите? Што можете да кажете за ова? Што точно правите во моментов? – мојот одговор е секогаш ист: Ние се бориме против нив, и тоа одлучно.Имаме одлични закони напишани на хартија, но проблемот е во нивната примена. А кој е одговорен за спроведувањето? Обвинителите и судиите. Како тие стануваат обвинители и судии? За жал, тие се назначени од оние кои самите станале политички криминалци.Нашиот прв приоритет е да го смениме начинот на размислување на обвинителите и судиите, за да носат одлуки врз основа на законите и Уставот – а не според барањата на политичарите што ги избрале“, пишува Мицкоски.

Македонија | пред 1 година

Од дипломатската офанзива на Владата и премиерот Мицкоски единствени добитници се граѓаните, рече Лефков

Пратеникот и член на ИК на ВМРО-ДПМНЕ Миле Лефков, кој дискутираше за актуелни теми, за посетата на премиерот Мицкоски и бенефитите од неа како и актуелната тема за менување на грбот и химната.Уште на самиот почеток Лефков потенцираше дека посетата на премиерот Мицкоски поттикнува меѓународна поддршка и претставува историски момент за Македонија која гради одлични релации со администрацијата на претседателот Трамп и единствени добитници на ваквата дипломатска офанзива се граѓаните.„Посетата не чини меѓународна поддршка и не чини живеење на едни историски моменти кога премиерот на Македонија, гледате во еден краток период беше единствен лидер од балканот кој што беше гостин на инаугурација, светот гледате дека брзо се менува, се менува глобалната сцена со преземањето на власта на администрацијата на Трамп и гледате дека Македонија за среќа гради и има одлични релации со неговата администрација, со највисоките ешалони, сега е интересно да гледаме како овие од опозицијата успеаваат да ја минимизираат, сакаат да ја релативизираат таа улога, единствени добитници на ваквата дипломатска офанзива можат да бидат само нашите граѓани“, рече Лефков.Лефков ги потенцираше бенефитите од посетата и истакна дека сето ова коешто се прави од страна на Владата е само на добробид на граѓаните кое резултира со одлично лобирање и обезбедување на меѓународна поддршка кај сите пријатели од Европа.„Сето ова кое што се прави може да биде само на добробид на граѓаните, односно во светот којшто брзо се менува имаме лидер кој навистина гради историја и е во чекор со она коешто се случува во светот и впрочем тоа ни треба одлично лобирање, одлично обезбедување на меѓународна поддршка кај сите пријатели во Европа, токму тоа што ни требаше, токму тоа што се најавуваше оди онака како што е најавено се со цел да не влеземе во ќор сокак како што многу пати до сега тоа го направивме“, објасни Лефков.Во врска со актуелното прашање за промената на грбот и химната Лефков беше дециден и одговори дека нема и ќе нема разговор за менување, и потенцираше дека СДС имаат најмалку кредибилитет за коментирање било што во врска со Уставот.„Нема разговор за менување на химната, нема да има, ниту било кога ќе дозволиме, разговори за менување на грбот се стари и потекнуваат уште пред една декада, во ниту еден случај не се за да се оттргне вниманието од актуелните теми. Меѓутоа ќе ве потсетам на една работа, на еден поразителен факт што дозволи власта на СДС и ДУИ да биде отворен Уставот, практично и да му дозволиме на Талат Џафери да не го почитува, една цела глава во Деловникот кога требаше да го стави на гласање и да го стави во фиока практично да каже дека тој сам ќе го одреди денот кога да се гласа, ние дозволивме отворен Устав, постапка од отворен Устав да биде ставена во фиоката на Талат Џафери така да сметам дека од денешната опозиција коишто функционираа заедно, коишто заедно дозволија отворен Устав да биде ставен во фиоката на една човек не можат да имаат ниту еден коментар дека се заговара вакво или такво отварање на Уставот. Оние коишто дозволија да се прекрши една цела глава од деловникот за да му се дозволи на Талат Џафери да има вонуставни ограничувања тие денеска немаат кредибилитет да зборуваат за евентуално отворање на Уставот“, дециден е Лефков.

Македонија | пред 1 година

Какво време ќе имаме до крајот на денов

Територијата на Македонија се наоѓа во поле на висок воздушен притисок (Антициклон), но и на многу ладна воздушна маса која доаѓа од Русија кон нашата територија, и истата ја чувствуваме многу повеќе во ноќните и во утринските часови, кога температурите се исклучителни ниски.До крајот на денешниот ден ќе имаме сончево време и без облачност. Ќе дува слаб до умерен ветер од источен и од североисточен правец.Што се однесува до скопскиот регион, исто така времето ќе биде сончево со слаб до умерен ветер од северен и од североисточен правец.Температурите денес ќе се искачуваат во интервалот од 1 до 8 степени. Во Скопје и околината температурата денес ќе се искачи до околу 8 степени.Исклучително ладно и ведро време имаме ова утро, па така најладно со -14 степени ова утро е во Берово. Инаку, буквално насекаде во нашата Македонија ова утро се мерат температури под нулата.

Македонија | пред 1 година

Ватикан: Папата Франциско мирно ја помина ноќта, стана и појадуваше

Папата Фрањо, кој веќе една недела е во болница поради билатерална пневмонија, добро спиел и утрово станал и појадувал, соопшти денеска Ватикан.88-годишниот папа се наоѓа на лекување во римската болница „Гемели“, каде што беше примен на 14 февруари откако имаше неколкудневно отежнато дишење.Ватикан во четвртокот објави втор ден по ред дека состојбата на Франциско благо се подобрува, додавајќи дека „хемодинамичките параметри остануваат стабилни“.Хемодинамските параметри се однесуваат на способноста на телото да го регулира протокот на крв низ органите и ткивата.Ватикан претходно соопшти дека папата има полимикробна инфекција, додавајќи дека тој ќе остане во болница онолку долго колку што е потребно за да се справи со комплексната клиничка ситуација.Неименуван официјален претставник на Ватикан рече дека Френсис не е на респиратор и дека дише самостојно.

Свет | пред 1 година

Администрацијата на Трамп и понуди на Украина нов нацрт-договор за минерали

Администрацијата на Трамп и понуди на Украина нов нацрт-договор за минерали. Да потсетиме дека украинскиот претседател Володимир Зеленски ја одби првата понуда, а сега е поверојатен договор, пишува Аксиос, повикувајќи се на информирани извори од двете страни.Според Аксиос, неколку соработници на Зеленски го охрабриле да го потпише ажурираниот предлог за да избегне понатамошен конфликт со Трамп и да му дозволи на американскиот претседател да ја оправда американската поддршка за Украина.„Има значително подобрување во неодамнешниот нацрт и тој е во согласност со украинскиот закон“, рече еден од изворите.Советникот за национална безбедност на САД, Мајк Волц, во четвртокот им рече на новинарите дека Зеленски мора да се врати на преговорите за минерали.- Ова се преговори. Украина сака да преговара за минерали, така што ние зборуваме за тоа, изјави претставник на Белата куќа.

Свет | пред 1 година

Зеленски се обрати: Деталите од договорот се важни

Украинскиот претседател Володимир Зеленски изјави дека Украина е подготвена да работи брзо за да постигне силен договор за инвестиции и безбедност со Соединетите држави, велејќи дека средбата со американскиот претставник Кит Келог ја враќа надежта за успех.„Генерал Келог, средба што ја враќа надежта. Потребни ни се силни договори кои навистина ќе функционираат. Не наложив да работиме брзо и на многу, многу еднаков начин. Деталите од договорот се важни. Колку подобро се разработени деталите, толку подобар е резултатот“, рече Зеленски во своето ноќно видео обраќање.Средбата со Келог се одржа еден ден откако Зеленски и американскиот претседател Доналд Трамп разменија остри зборови и кога почнаа американско-руските преговори за ставање крај на тригодишната војна во Украина. Украина не беше поканета на преговорите.По средбата со Келог, Зеленски на социјалната медиумска платформа Х рече дека Украина мора да се погрижи мирот да биде цврст и траен - за Русија никогаш да не може да се врати со војна.„Украина е подготвена за силен, ефективен договор за инвестиции и безбедност со американскиот претседател. Ние го предложивме најбрзиот и најконструктивен начин за постигнување резултати. Нашиот тим е подготвен да работи 24/7“, изјави тој.Разговорите со Келог следеа по отфрлањето на Украина на првичниот предлог на САД во врска со извозот на украински ретки метали. Во коментарите на X, Зеленски исто така рече дека неговиот разговор со Келог се фокусирал на ситуацијата на бојното поле, безбедносните гаранции што Украина ги бара и враќањето на воените заробеници.„Важно е за нас - и за целиот слободен свет - да се почувствува американската сила“, напиша тој.

Свет | пред 1 година

Нетанјаху бесен на Хамас, се заканува со одмазда

Израелскиот премиер Бенјамин Нетанјаху во петокот изјави дека Израел ќе го натера Хамас да плати за неуспехот на групата да го предаде телото на заложничката Шира Бибас при првото пренесување на посмртните останки, како што беше договорено, пренесоа агенциите.„Ќе дејствуваме решително за да ја вратиме Шира дома заедно со сите наши заложници - живи и мртви - и ќе се погрижиме Хамас да ја плати целата цена за ова сурово и злобно прекршување на договорот“, рече премиерот во видео изјавата.Израелската војска соопшти дека го потврдила идентитетот на две деца чии останки ги предаде Хамас заедно со уште две тела, но додаде дека нивната мајка не е меѓу вратените, што е „исклучително сериозно прекршување“ на договорот.„За време на процесот на идентификација, беше утврдено дека третото тело што е примено не е на Шири Бибас, а не е пронајден ќибрит со ниту еден друг заложник“, соопшти израелската војска.Хамас објави дека посмртните останки на жената ќе бидат меѓу оние што ќе бидат вратени во Израел во четврток.Двете тела извлечени се на браќата Ариел Бибас, четири години во моментот на нападот, и на Кфир, кој имал 9 месеци. Нивниот татко, Јарден, исто така беше однесен на 7-ми октомври, но беше пуштен жив на почетокот на овој месец.Ова е првпат посмртните останки на израелските жртви да бидат предадени од почетокот на војната во Газа како дел од договорот за прекин на огнот меѓу Хамас и Израел. Израелската војска извади неколку тела на заложници од Појасот Газа и ги врати во Израел.Хамас тврди дека тројца членови на семејството Бибас биле убиени во израелските воздушни напади во текот на првите месеци од војната, а меѓу предадените тела се и трите.Во замена за заложниците, Израел ќе ги предаде сите жени и малолетници приведени од почетокот на војната во Појасот Газа кои не биле директно вклучени во вооружениот конфликт против Израел.Хамас ќе ослободи уште шест живи заложници во сабота, во последната рунда ослободувања според почетната шестнеделна фаза од договорот за прекин на огнот што стапи на сила на 19 јануари.Договорот за прекин на огнот во повеќе фази предвидува дека во текот на првата шестнеделна фаза, постепено ќе бидат ослободени вкупно 33 заложници во замена за 1.904 палестински затвореници.Хамас досега ослободи 19 израелски заложници, како и пет тајландски заложници кои не беа опфатени со договорот за прекин на огнот.

Свет | пред 1 година

Односот меѓу САД и Европа е завршен, тврди германски пратеник

Вербалниот напад на Доналд Трамп врз Украина е „целосен неуспех“ за трансатлантската алијанса, тврди висок германски пратеник.„Ова е чист говор на Кремљ - и на Путин -“, рече Мајкл Рот, претседател на комисијата за надворешни работи на германскиот парламент, откако американскиот претседател го нарече украинскиот лидер Володимир Зеленски „диктатор“ и застана на страната на рускиот наратив за тоа зошто започна војната, пренесува Политико.Во утринската емисија на германскиот ЗДФ, Рот денеска изјави дека е изненаден што „ја слушна оваа пропаганда од Белата куќа“.Рот, член на Социјалдемократската партија, која заостанува зад конзервативните демохристијани во анкетите пред националните избори во недела, исто така го опиша новиот тон на американската влада како „најлошото можно сценарио“.„Трансатлантската врска е завршена“, додаде Рот, нагласувајќи дека зголеменото усогласување на Трамп со Путин ја остава Европа „сама дома“ и ја спречува да ги бара „најдобрите опции“ - сега има само најлошото од најлошото.Острите зборови на Трамп кон Зеленски предизвикаа бранови на бес кај европските политичари.Клучните европски лидери побрзаа да го уверат украинскиот претседател за нивната континуирана поддршка, а германскиот канцелар Олаф Шолц рече дека Зеленски е избран за претседател на Украина. „Володимир Зеленски е избран за шеф на државата на Украина. Неможноста да се одржат регуларни избори среде војна е во согласност со украинскиот устав и изборните закони. Никој не треба да расправа поинаку“.

Свет | пред 1 година

Русија го негира украинскиот идентитет, исто како што Бугарија прави со македонскиот - што со нас?!, ги праша Мицкоски во Вашинготн

Премиерот Христијан Мицкоски застана на страната на ставот на ЕУ кои останаа на ставот дека Украина е нападната од Русија, со цел да го негираат нивниот идентитет и јазик. Но во исто време ја потсети ЕУ дека во Унијата, Бугарија како земја членка го негира македонскиот идентитет и јазик. Им порача, дека мора да имаат исти пристап до двата слуачи.„Оваа војна и агресија на Русија кон Украина е нешто ужасно. Ние мора да и помогнеме на Украина и луѓето таму. Бидејќи Русија има за цел да го негира украинскиот идентитет и јазик. Тоа е ужасно, страшно. Но во исто време, Парламентот на една од земјите во ЕУ, го негираше македонскиот идентитет и македонскиот јазик кој е мој мајчин јазик, кодифициран од 1977 година. Ние мора да имаме исти пристап во двата случаи“, рече Мицкоски.Тој продолжи: „Таму има инвазија, ужасно е, луѓе умираат. Ние им помагаме, ние сме во првите пет земји кои донираме муниција и оружје на Украина. Но што со Македонија?“.

Македонија | пред 1 година

Вината за корупцијата во Македонија е кај обвинителите и судиите, не ги применуваат законите, порача Мицкоски

Премиерот Христијан Мицкоски за „Atlantic Council“ во Вашинготн, отворено порача дека нема што да се менува во законите, бидејќи тие се добри, а вината за корупцијата ја префрли кај судиите и обвинителите. Посочи дека одлучно како Влада, девет месеци работат на реформи, за да се применуваат законите.„Борбата со корупција е нешто на што особено работиме, на борбата со корумпирани со политичари. Одлучно се бориме со нив. Имаме одлични закони, но неговата примена недостасува. Кој е одговорен за тоа? Судиите и обвинителите. Прво мора да го промениме менталитетот на судиите и обвинителите. Ние преземаме реформи. Се е напишано, мора да се примени“, рече Мицкоски.

Македонија | пред 1 година