Скелет од македонски државјанин пронајден во подрум во Брисел

Скелет пронајден минатиот јули во подрум на куќа во бриселската општина Форест е идентификуван како Реџеп Рахмановски, македонски државјанин кој исчезнал во 2003 година, соопшти Федералната полиција на Белгија.Човечките остатоци биле откриени на 16 јули минатата година од работници за време на реновирање на објект во улицата „Капорал Трезињи“. По пронаоѓањето, Јавното обвинителство во Брисел веднаш отворило истрага и ангажирало форензичари, лабораторија на федералната полиција, експерти за идентификација на жртви, како и антрополог, со цел расветлување на случајот.Со форензичка анализа е утврдено дека станува збор за Реџеп Рахмановски, роден на 25 јули 1976 година. Тој последен пат бил виден во ноќта меѓу 16 и 17 јули 2003 година, кога го напуштил своето работно место во ресторан во централното подрачје на Брисел, по што бил пријавен за исчезнат.Надлежните институции упатија јавен повик до сите граѓани кои располагаат со информации поврзани со Рахмановски или со околностите на неговото исчезнување да се јават кај полицијата, при што, како што е наведено, целосна дискреција ќе биде загарантирана.Од полицијата информираат дека, врз основа на форензичките наоди, издаден е и налог за претрес на куќата каде што биле пронајдени остатоците, со надеж дека ќе се обезбедат дополнителни сознанија за тоа што му се случило на жртвата.

Свет | пред 3 месеци

14 приведени во Тузла по нападот на навивачи на Црвена звезда

Портпаролот на Јавното обвинителство на Тузланскиот кантон, Адмир Арнаутовиќ, изјави дека 14 лица, уапсени по нападот врз навивачи на Црвена звезда во Тузла, се предадени на надлежност на Јавното обвинителство на кантоналното ниво.Арнаутовиќ појасни дека меѓу приведените има 11 државјани на Хрватска и три државјани на Босна и Херцеговина, осомничени за кривично дело учество во група што извршува кривично дело.Според неговите зборови, нападот се случил во саботата околу 22 часот во Горни Дубрави, во близина на Меѓународниот аеродром во Тузла, кога група навивачи што се враќала од Малме во Шведска била нападната со дрвени и метални шипки, при што повеќе од 20 лица се повредени, од кои четири со тешки телесни повреди, една со животно загрозувачки повреди, а 17 со полесни повреди, вклучително и еден полицаец.Обвинителството денеска треба да донесе наредба за спроведување истрага, а приведените ќе бидат испитани за околностите и дејствата за кои се товарат. По тоа ќе биде поднесен предлог за одредување притвор пред надлежен суд во Живинице.Арнаутовиќ истакна дека повредените се исклучиво учесници од навивачките групи „Торцида“ и „Делије“, додека цивилни граѓани не се повредени, освен еден полицаец кој интервенирал.Според оперативните информации, членовите на „Торцида“ организирано ги чекале навивачите на Црвена звезда по нивното пристигнување во Босна и Херцеговина. Полицијата на Тузланскиот кантон реагирала брзо и одговорно, при што првично биле задржани 93 лица, од кои 14 останале во притвор.

Спорт | пред 3 месеци

МВР ги објави казните што се изрекуваат преку системот „Безбеден град“

Во насока на зголемување на безбедноста во сообраќајот и доследна примена на законите, Министерството за внатрешни работи ги информира граѓаните за прекршоците што се санкционираат преку системот „Безбеден град“ и предвидените глоби.Пречекорување на брзина во населено место(дозволена брзина до 50 km/h, по исклучок до 70 km/h со знак)• до 10 km/h над дозволеното – 15 €• од 10 до 30 km/h – 50 €• од 30 до 50 km/h – 300 € + забрана за управување 3–12 месециПречекорување на брзина надвор од населено место(130 km/h автопат • 110 km/h пат за моторни возила • 90 km/h други патишта)• до 30 km/h над дозволеното – 20 €• од 30 до 50 km/h – 50 €• од 50 до 70 km/h – 300 € + забрана за управување 3–12 месециПоминување на црвено светло• 250 € глоба• забрана за управување 3–12 месециНепрописно запирање и паркирање(пешачки премини, крстосници, мостови, зелени површини, места за лица со попреченост, велосипедски патеки, тротоари, автобуски постојки и други критични локации)• глоби од 25 €, 40 €, 150 € и 180 €(во зависност од видот и тежината на прекршокот) Учество во сообраќај со нерегистрирано возило(без важечка сообраќајна дозвола или без регистарски таблици)• 500 € глоба• ако истекот на сообраќајната дозвола е до 30 дена – 100 €Намалување на санкциите• Плаќање во рок од 8 дена → се плаќа 50% од глобата• Ако има и забрана за управување → се изрекува во половина од пропишаниот рок

Македонија | пред 3 месеци

Бунт на камионџиите: Без нас продавниците ќе бидат празни, ако ЕУ не го смени правилото, од април камионите ќе стојат, ќе нема кој да ги вози

Ако ЕУ не го смени правилото, од април камионите ќе стојат, ќе нема кој да ги вози. Со оваа порака македонските превозници денеска напладне започнаа со блокада на излезниот сообраќај за тешки товарни возила на граничните премини Стар Дојран, Богородица и Меџитлија, во знак на протест против ограничувањето на престојот на професионалните возачи на 90 дена во период од 180 дена во земјите од Шенген зоната.Превозниците бараат одложување или измена на правилото кое од 10 април ќе почне да се применува со електронско броење на деновите на престој во Шенген просторот. Како што посочуваат, возачите при секое излегување од Македонија практично влегуваат во Шенген зоната, а нивната професија не може да се третира како туристичко или миграциско движење, туку како работен ангажман.„Се надевам дека во Европската унија ќе имаат разбирање, затоа што станува збор за четири земји од Западен Балкан. Не е возможно сите фабрики и увозно-извозни компании да запрат со работа. Турските превозници ни се приклучуваат така што нема да одат по алтернативни правци, туку ќе застанат на границите и ќе чекаат додека не заврши протестот“, изјави Биљана Муратовска, генерален секретар на здружението на превозници „Макам-транс“.На граничниот премин Блаце денеска беше присутен и заменик-претседателот на Владата и министер за транспорт, Александар Николоски, кој изрази поддршка за протестот на превозниците и укажа дека станува збор за сериозен економски проблем што може да има далекусежни последици врз македонското и регионалното стопанство.

Македонија | пред 3 месеци

Сведок на пожарот во „Пулс“: паднав, ме газеа, па ја изгубив свеста - полицајците не ми пружија помош

Густ црн чад и жештина што не се издржува — вака сведокот Тоше Трендафилов ги опиша првите секунди по избувнувањето на пожарот во дискотеката „Пулс“. Тој наведе и дека во објектот не забележал противпожарни апарати. Кобната вечер, како што изјави, го видел и сопственикот Дејан Јованов-Деко како учествува во гаснењето на пожарот. Сакал да бега преку тоалетите каде што отишле повеќе негови познаници, но пријател кој го придружувал го убедил да си излезат преку главниот влез.„Се спушташе густ црн чад од плафонот, не се издржуваше од жештината. Имаше деца едни врз други. Се обидував да излезам, но беше невозможно. Луѓето лежеа едни врз други, кога паднав ме турнаа и ме газеа, повраќав. Ја ставив маицата на уста, по што изгубив свест, некој ме извлекол надвор“, рече преживеаниот Трендафилов.Тој додаде дека барал помош од полицајци кои биле пред објектот, но тие му кажале да се тргне од местото и според неговото сведочење, не била укажана помош.„Не ми пружија помош“, рече тој.Претходно:

Македонија | пред 3 месеци

Кина ги предупреди своите државјани да избегнуваат патувања во Јапонија

Кинеското Министерство за надворешни работи, заедно со амбасадата и конзулатите во Јапонија, денеска упати официјално предупредување до кинеските државјани да избегнуваат патувања во Јапонија во наредниот период, особено со приближувањето на прославите за кинеската Нова година.Во соопштението објавено од Одделението за конзуларни работи на Министерството за надворешни работи на Кина на официјалниот профил на платформата „ВиЧет“, се наведува дека предупредувањето е издадено поради влошената безбедносна состојба во Јапонија, зголемувањето на криминални дела насочени кон кинески државјани, како и серијата земјотреси што во изминатиот период погодија одредени региони во земјата.Кинеските граѓани кои веќе престојуваат во Јапонија се повикани внимателно да ја следат локалната безбедносна состојба, навремено да се информираат за предупредувањата поврзани со земјотреси и можни секундарни катастрофи, како и да ја зголемат личната претпазливост и мерките за самозаштита.Во соопштението се истакнува и дека, во случај на вонредни ситуации, граѓаните треба веднаш да ја контактираат локалната полиција и да се обратат до кинеските дипломатски претставништва во Јапонија за помош и поддршка.

Свет | пред 3 месеци

На денешен ден загина кошаркарската легенда Коби Брајант

Легендарниот американски кошаркар Коби Брајант загина на 26 јануари 2020 година во хеликоптерска несреќа што ја потресе светската спортска јавност. Во трагедијата животот го загубија и неговата ќерка Џијана, како и уште неколку лица, додека патуваа кон тренинг на младински женски кошаркарски тим во Калифорнија.Несреќата се случила кога хеликоптерот, летајќи низ густа магла, удрил во ридски предел. Американските истражни органи утврдија дека леталото во моментот на ударот имало активни мотори и ротор, а сведоци изјавиле дека хеликоптерот нагло се спуштал пред да се сруши. Пилотот, искусниот Ара Зобајан, имал повеќе од 8.200 часа лет и важел за еден од најдобрите во својата професија.Истрагата посочи и на фактот дека хеликоптерот немал систем за предупредување при опасно приближување до теренот, уред кој во тоа време не бил задолжителен за ваков тип летала. Иако подоцна беше препорачано негово задолжително воведување, не е со сигурност утврдено дали тоа би ја спречило трагедијата.Коби Брајант зад себе остави неизбришлива трага во светот на кошарката. Во НБА-лигата пристигна во 1996 година, кога од средношколските клупи директно влезе во професионалната кошарка и стана дел од Лос Анџелес Лејкерс, клуб со кој ја врза целата своја кариера. Со Лејкерс освои пет шампионски титули и стана симбол на посветеност, дисциплина и победнички менталитет.Во текот на кариерата беше 18 пати учесник на Ол-стар натпреварите, еднаш МВП на лигата, двапати МВП на НБА-финалињата и еден од најдобрите стрелци во историјата на натпреварувањето. Постигна вкупно 33.463 поени, а дресовите со броевите 8 и 24 беа свечено повлечени од употреба во чест на неговиот придонес.Од активното играње се прости во 2016 година со легендарните зборови „Mamba out“, оставајќи зад себе наследство што и денес инспирира генерации кошаркари и љубители на спортот ширум светот.

Спорт | пред 3 месеци

Македонија и Обединетото Кралство со нов чекор кон зајакнување на трговската соработка

 Министерот за надворешни работи и надворешна трговија, Тимчо Муцунски, и амбасадорот на Обединетото Кралство на Велика Британија и Северна Ирска, Метју Лосон, денеска го потпишаа Протоколот за правила за потекло, кој претставува интегрален дел од Спогодбата за партнерство, трговија и соработка меѓу Република Северна Македонија и Обединетото Кралство. Протоколот за правила за потекло овозможува практична и правна примена на проширената кумулација со материјали со потекло од Европската унија, земјите на ЕФТА, како и од другите земји опфатени со ПЕМ-конвенцијата, со кои двете држави применуваат преференцијална трговија. Проширената кумулација на потекло на стоките директно ќе придонесе за унапредување на можностите на македонските извозници за користење преференцијален третман при утврдување на потеклото на стоката во трговијата со Обединетото Кралство. Ова е особено значајно за секторите со сложени производни ланци и висок удел на материјали од Европската унија и другите земји опфатени со ПЕМ-конвенцијата, како и во контекст на усогласувањето со новите трговски односи на Обединетото Кралство по излегувањето од Европската унија. Со потпишувањето на овој Протокол се создаваат услови за зголемен извоз, отворање нови работни места, зајакнување на економијата и поголема економска сигурност за граѓаните, преку подобро позиционирање на македонската економија на еден од најзначајните европски пазари.

Македонија | пред 3 месеци

Државјанин на Камерун фатен со француска лична карта барана од Интерпол, ја купил од скопјанец

На 25 јануари 2026 година, во 18:12 часот, на Граничниот премин Табановце, на излез од државата, полициски службеници го лишиле од слобода П.М.Ф.Б. (29) од Камерун. При извршената гранична контрола било констатирано дека тој на увид приложил туѓа француска лична карта, која била евидентирана како предмет на потрага од Интерпол.По дополнителната проверка, утврдено е дека лицето било регистрирано во Прифатниот центар „Визбегово“, а при службениот разговор изјавило дека француската лична карта ја набавил од лице од Скопје за сума од 1.000 евра.Приведениот е предаден на полициски службеници од СВР Куманово за понатамошна постапка, а по целосно документирање на случајот против него ќе биде поднесена соодветна пријава.

Македонија | пред 3 месеци

Малолетници запалиле автобус во училишен двор во Радовиш

На 25 јануари 2026 година, во 20:30 часот, во Полициската станица Радовиш е пријавено дека избувнал пожар на автобус паркиран во дворното место на Основното училиште „Крсте Петков Мисирков“ во Радовиш.На местото веднаш интервенирала екипа на Територијалната противпожарна единица Радовиш, која успешно го изгаснала пожарот. Во инцидентот нема повредени лица.По преземените мерки и активности, полициските службеници утврдиле дека пожарот бил предизвикан од две малолетни лица од Радовиш. Со нив биле извршени службени разговори во присуство на нивните родители, при што малолетниците го признале делото. Воедно, од нив била одземена и запалката со која го предизвикале пожарот.За настанот е известен јавен обвинител од Основното јавно обвинителство Струмица, а по целосно документирање на случајот ќе биде поднесена соодветна пријава.

Македонија | пред 3 месеци

Штипјанец злоупотебил туѓа картичка и подигнал над 31 илјада денари од банкомати

СВР Штип поднесе кривична пријава против Џ.К. (24) од Штип поради основано сомнение дека сторил кривично дело „оштетување и неовластено навлегување во компјутерски систем“.Според пријавата, на 20 октомври 2025 година, осомничениот без согласност и дозвола од женско лице од Штип неовластено ја прибавил и ја употребил нејзината банкарска картичка. Со картичката извршил четири успешни трансакции на два банкомати во Штип, при што одзел вкупно 31.300 денари.Против него е поднесена соодветна кривична пријава, а случајот се процесуира согласно законските прописи.

Македонија | пред 3 месеци

Кичевчанец нападнал 28-годишник со стаклен предмет во угоститлески објект

На 25.01.2026 година, во 14:00 часот, во ОВР Кичево е пријавено дека во угостителски објект во Кичево, Д.С. (30) со стаклен предмет го нападнал Д.Б. (28), двајцата од Кичево.По целосно документирање на настанот, против напаѓачот ќе биде поднесена соодветна пријава.

Македонија | пред 3 месеци

Жена од Кичево нападнала малолетник на улица

На 25.01.2026 во 12:50 часот во ОВР Кичево е пријавено дека Б.Б.(49) од Кичево, на улица „Влашки пат“ физички нападнала малолетник.По целосно документирање на настанот, против неа ќе биде поднесена соодветна пријава.

Македонија | пред 3 месеци

Се зголемуваат цените на бензините

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,52% во однос на одлуката од 20.1.2026 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,721%, кај дизелот за 2,341%, кај екстра лесното масло зголемувањето е за 2,433% и кај мазутот зголемувањето е за 0,569%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,0343%.Од 27.1.2026 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 72,00 (денари/литар)Моторен бензин ЕУРОСУПЕР БС - 98 74,00 (денари/литар)Дизел гориво ЕУРОДИЗЕЛ БС (Д-Е V) 67,50 (денари/литар)Масло за горење Екстра лесно 1 (ЕЛ-1) 66,50 (денари/литар)Мазут М-1 НС 33,099 (денари/килограм)Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат.Малопродажната цена на ЕУРОДИЗЕЛ (Д-Е V) се зголемува за 1,00 ден/лит.Малопродажната цена на Екстра лесното масло за домаќинство на (ЕЛ-1) се зголемува за 0,50 ден/лит.Малопродажната цена на Мазутот М-1 НС се зголемува за 0,112 ден/кг и сега ќе изнесува 33,099 ден/кг.Напоменуваме дека ова се максималните цени на нафтените деривати од 00:01 часот на 27.1.2025 година.Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 месеци

Магла и влажни коловози на патиштата – намалена видливост до 30 метри на П.Шапка – Лисец

Сообраќајот на државните патишта во Македонија се одвива непречено, но возачите треба да бидат внимателни поради влажните коловози. Намалена видливост поради магла до 30 метри е регистрирана на патниот правец П.Шапка – с. Лисец.Автомобилската федерација на Македонија (АМСМ) апелира возачите да ја прилагодат брзината на условите на патот, да ги почитуваат сообраќајните знаци и да возат внимателно, особено на делниците низ котлините, речните долини и клисурите, каде постои можност за одрони. Посебно внимание се препорачува на патиштата Катланово – Велес, Маврово – Дебар – Струга, Виница – Берово и Кочани – Делчево.Од 15 ноември 2025 година започна законската обврска за задолжително поседување на зимска опрема во возилата, која ќе трае до 15 март 2026 година, без оглед на моменталната временска состојба.Интензитетот на сообраќајот надвор од градските средини е умерен, а на граничните премини од македонска страна нема подолги задржувања. Патниот правец Охрид – Ресен преку Националниот парк Галичица е затворен за сообраќај до 31 март 2026 година.

Македонија | пред 3 месеци

Скопје добива 500 нови паркинг места: Почнува изградбата на две катни гаражи кај Клиничкиот центар

Градоначалникот на Град Скопје, Орце Ѓорѓиевски денеска заедно со министерот за здравство, Азир Алиу, како и со стручните тимови од ЈП „Градски паркинг“ и Град Скопје, одржаа координациски состанок со кој официјално се отпочнува процесот за изградба на две монтажни катни гаражи во рамки на Клиничкиот центар.– Со реализацијата на овој проект кој ќе го изведува градот Скопје, ќе се обезбедат околу 500 нови паркинг места, со што конечно се става крај на долгогодишниот хаос со паркирањето во и околу Клиничкиот центар.  Ова е конкретно, функционално и трајно решение кое директно ќе го олесни секојдневието и работата на здравствените работници, но и пристапот на пациентите од целата држава кои секојдневно доаѓаат на лекување.Изградбата на монтажните гаражи ќе овозможи подобра организација на сообраќајот, слободен и непречен пристап за итната медицинска помош и поголема безбедност за сите учесници во сообраќајот, со почитување на јавниот простор и современите урбанистички стандарди, објави Ѓорѓиевски.Посочува дека овој важен инфраструктурен зафат е во координација со премиерот Христијан Мицкоски и претставува јасен сигнал за заедничка посветеност кон решавање на реалните проблеми на граѓаните и унапредување на здравствениот систем.-Со заедничка работа, координација и јасна визија, чекор по чекор градиме функционални и одржливи решенија во интерес на граѓаните. Ова е само дел од она што следува. Скопје ја живее новата ера, нагласува градоначалникот на Град Скопје.

Скопје | пред 3 месеци

СДС си најде нова опсесија, сега им сметаат Унгарија и Виктор Орбан на кои Заев јавно им се заблагодаруваше, вели ВМРО-ДПМНЕ

Заврши опседнатоста на СДС со Александар Вучиќ и соседна Србија, сега си најдоа нова опсесија, вели ВМРО-ДПМНЕ во реакција на соопштението на СДСМ„Откако со недели и недели ја труеја македонската јавност со соседната земја, до степен човек да не можел да ги разликува дали биле опозиција во Србија или пак во Македонија, сега отидоа малку по на север и се фатија со Унгарија.СДС на чело со Венко Филипче, очигледно, живее во некој паралелен, измислен, универзум штом со ништо друго не се занимаваат освен со теории на заговор, дека се е против нив, небаре се центар на светот.Ваквите состојби кај луѓето бараат професионален третман од стручни медицински лица, за што се надеваме дека ќе се обратат кај лекари и побрзо ќе ја надминат ситуацијата.Или пак, ваквата нивна илузија е нивен свесен чекор, за да избегаат од реалните проблеми и состојби во самата СДС, само и само да не му се загрози претседателското столче на Филипче, за што има се погласни повици да си замине од партијата, која ја имаат заробено со кланот Дубаи.Кога сме кај кланот Дубаи и Зоран Заев, ги прашуваме СДС добри ли му беа Виктор Орбан и Унгарија за време на седумгодишното владеење кога реализираа бројни средби во Македонија и Унгарија со високи делегации, кога лично Заев изразуваше голема благодарност кон унгарската Влада за соработка и помошта која му ја даваа на нашата држава.Наместо да лутаат како безидејни, што и се, им препорачуваме што побрзо да си погледнат во сопствениот двор и да се зафатат со решавање на внатрешните проблеми, зошто никој на СДС и Венко Филипче не им е крив за проблемите во партија, освен тие самите кои не слушаат никого, ни членство, ни поддржувачи, туку си тераат по свое.Дополнително прашуваме, каде во свет лице фатено на дело да шмрка кокаин, дели лекции за морал“, се вели во реакцијата.

Македонија | пред 3 месеци

Стојаноски: Заеднички именител за Филипче и Ахмети е криминалот, сега во опозиција се здружени и против граѓаните и нивната безбедност

Ако се погледнат активностите на Венко Филипче и Али Ахмети и кога беа на власт а и сега, заеднички им се две работи, криминални шеми и негрижа за граѓаните, вели Бојан Стојаноски, пратеник на ВМРО-ДПМНЕ„Филипче стана препознатлив по случајот кога изгоре модуларната болница во Тетово, несреќите како онаа во Бугарија и онаа кај Ласкарци. Несреќи во кои поради неодговорноста и пропуста на Филипче загинаа 75 лица.Али Ахмети пак освен криминални шеми нема ништо позади себе. Тука се случаите со внук му Дрин Ахмети, како купување на трговскиот центар Соравија, концесијата добиена од државната ЕСМ за ископ на варовник и многу други.Како и да е пред десеттина дена, Филипче возеше до Мала Речица да се види со Ахмети, за што зборувале секој го кажа своето, ама ете во петокот излегоа координирани нивните пратеници и гласаа против безбедноста на граѓаните во сообраќајот и нивните животи.Тоа замислете координирани за системот безбеден град, поточно за последниот закон кој овозможува негово ставање во функција од први февруари. Да, координирани со ист став за систем којшто ги штити граѓаните, нивната безбедност и животот во сообраќајот.Истите тие здружено молчеа на оваа тема седум години, не направија ништо.Дека Филипче не се грижи за никој, односно се грижи за себе и своите покажа на саботниот Конгрес кога ги нападна сите освен своите. И да, зошто Филипче би се грижел за безбедноста и животот на граѓаните.Има Филипче и свои грижи на Конгресот не му присуствувале една третина од делегатите доволно да покренат барање за нов конгрес. Но, ваквите грижи во кои се најде Филипче се поради неговите деструктивни политики, но тоа не значи дека треба да не се грижи за граѓаните. Тоа треба да е приоритет!Сепак, очигледно е дека ликови како Филипче и Ахмети со толкаво криминално минато не им паѓа на памет да работат за доброто на граѓаните.Затоа тука е ВМРО-ДПМНЕ, кое работи и креира политики корисни за секој еден граѓанин“, додава тој.

Македонија | пред 3 месеци

Петрушевски: Дали Филипче имал за цел со преземање на болницата Жан Митрев да си приватизира за лична корист пари од народот

Венко Филипче за седум години власт на СДС очигледно во фокусот му биле само работи од негов личен интерес и интерес на неколумина негови другари, а главните зделки ги планирал со менторот Заев, вели Бране Петрушевски, пратеник на ВМРО-ДПМНЕ„Една од нив е и идејата, поточно планот да ја преземат Клиничката болница Жан Митрев. Случај кој се актуелизираше по неодамнешната изјава и потврда за ова од доктор Жан Митрев.Шемата како во сите случаи, така и во овој се користење на исти нивни техники, изнуда, притисоци, влијание во судски постапки како што и му нуделе на Митрев.Очигледно планот за преземање на приватна болница не им поминал, што е добро затоа што практично тоа ќе значело да си ги приватизираат парите на граѓаните за нивни цели.Филипче дека имал добро подготвен план говори еден клучен факт, а тоа е зголемувањето на сумата од ФЗО која се префрла на Болницата. Сумата во 2020 година достигнала околу 11 милиони евра, што е скоро дупла за разлика од сумата одвоена за болницата во 2015 година.Тоа е класичен план за присвојување на пари на граѓаните за лична корист или приватизирање на народни пари.Филипче е должен на граѓаните да им одговори дали навистина имал за цел со преземање на Клиничката болница Жан Митрев да си приватизира за лична корист, пари од народот.Исто така, јавното обвинителство несомнено да го истражи случајот со Клиничката болница Жан Митрев.Граѓаните заслужуваат одговори, а ВМРО-ДПМНЕ продолжува посветено да работи за интересите на народот“, додава тој.

Македонија | пред 3 месеци

(Видео) Градоначалник од Филипини преживеа четврти обид за атентат – погоден со противтенковска граната

Градоначалникот на Шариф Агуак, Акрад Митра Ампатуан, преживеа атентат кога неговото оклопно возило беше погодено со противтенковска граната во неделата, 25 јануари 2026 година. Инцидентот се случил во централното подрачје на градот, а градоначалникот беше неповреден.Ампатуан изјави на прес-конференција дека верува оти четирите одвоени обиди за атентат можеби имаат исти мотиви, но дека засега не знае кој стои зад нападите. Првиот обид се случил во 2010 година во Гуиндулунган, додека следните биле во 2014 и 2019 година, а последниот е токму нападот во неделата.„Можеби се поврзани, но ни јас не знам кој стои зад тоа“, рече градоначалникот.Ампатуан исто така понуди помош на семејствата на тројцата осомничени кои беа убиени за време на потерата по нападот.Бригадниот генерал Јајсен Де Гузман, директор на Регионалната полициска канцеларија во Автономниот регион Бангсаморо, истакна дека властите сè уште работат на идентификување и профилирање на тројцата осомничени. Градоначалникот, кој моментално го извршува својот втор мандат, ги повика надлежните институции да го утврдат мотивот и деталите околу нападот.

Свет | пред 3 месеци

Филипче: Оваа власт не сака Европа – сака контрола, капитал и изолација

Дозволете да изразам голема загриженост за ситуацијата во земјата за немањето никаков прогрес на европскиот пат за практично антиевропските манири кои што сметам дека ги гледаме во веќе половина од мандатот, скоро и поминат на оваа влада. Освен што не се работи ништо по забелешките коишто ги добиваме од извештаите од Европа, не повикани од тоа се практикуваат антиевропски манири, изјави претседателот на СДСМ, Венко Филипче на Националниот совет за евроинтеграции.„Ситуацијата во светот драстично е сменета геополитичката ситуација се менува, напред кон Европа во едни други околности оди Украина, Молдавија. Го слушаме премиерот на Хрватска Андреј Пленковиќ,  како повикува на политички одлуки за прием во Европската Унија, меѓутоа дури и тоа да се случи не ја спомнува Северна Македонија се осврнува на Босна и Херцеговина. Што значи дека, никаква задача домашна не ја завршена, не сме го зајакнале системот не можеме да бидеме спремни ниту за некаква политичка одлука доколку дојде до такво нешто во рамките на Европската Унија. На неколку нивоа сметам дека е проблемот, прво немањето политичка волја да се спроведат Уставните измени којшто се очигледно единствениот начин да се продолжат преговорите, да се отворат кластерите. Покрај најавите на владата дека нешто ќе се репреговара ќе се менува очигледно дека тоа не се случува. Дали беа свесни кога тоа го ветуваа или не тоа останува голема дилема.Мислам дека беа свесни дека ова е едно намерно запирање на европскиот пат на земја. Не се спроведува реформската агенда ама буквално никако.Од законите коишто требаше да се донесат лани се донесе само еден, набрзина еден од 12, којшто не беше целосно имплементација на препораките на Оценската мисија. Тоа се законот од областа на правосудството конкретно Законот за судскиот совет, само парцијално имплементација на тие препораки. Повторно еден обид да нешто се прикаже дека се работи, а во суштина ништо од тоа не е сработено. Понатаму, отворено изразување на проруските ставови, на внимавајте, вицепремиерот на нашата влада којшто присуствува на состаноци со луѓе блиски до Путин тоа не го крие, тие ставови не се не се кријат. Дали во тој контекст може или не да се носи и неговата изјава дека Европа треба да размислува да ние влеземе заедно со замислете Србија како е тоа спарување и врз која основа тоа го кажува вицепремиерот Стоиљковиќ е една голема дилема. Нешто што навистина сметам дека веќе не допира само во аспектите на проширувањето на Европската Унија, во политичките контексти но и во безбедносните контексти на целиот овој регион. Намерно, сме ставени на маргините на Европската Унија, отворено проруско влијание. Сомнителниот капитал којшто влегол во земјава, којшто е одбиен од земји членки на Европската Унија, големо прашање, зошто е дозволен таков влез од страна на гувернерот на владата, на Алта банка од Србија, сомнителен капитал со сомнително потекло. Се обиделе да влезат во земја членка на Европска Унија и биле одбиени, а оваа власт тука широко им ги отвори вратите. Дали тоа на нешто укажува? Понатаму, антиевропските манири повторно не повикани, ниту пак испровоцирани од никого. Слободата на говор, замислете се носи резолуција во Собранието со коешто се забранува, со ограничува слободата на говор на политички субјекти на опозицијата. Кои се тоа манири коишто ги практикува оваа власт? Понатаму, влошувањето на односите со соседите, во ниту еден контекст на добрососедски односи, провокацијата кон Грција од страна на премиерот дека го вратил старото име, влошувањето на односите со Бугарија. Наместо да се работи за тие односи се подобруваат, да се развиваат, ние влегуваме во ситуација кога затворени прашања повторно се отвораат за некаква националистичка, популистичка политика, последниот аспект на ова, слободата на медиумите. Огромен процент од медиумите, тука, телевизии, портали итн, практично се во директна сопственост на луѓе блиски на премиерот Орбан од Унгарија, господинот Петар Шатц, Адрија медија група итн. Тоа се медиуми кои промовираат антиевропски ставови, не сега, со години наназад и ги поддржуваат политиките на оваа влада. Така да, во тој дел на неспроведувањето на реформите, не правењето никаков чекор кон спроведувањето на уставните измени, ограничувањето на слободата на говор, сомнителниот капитал кој доаѓа од други земји, флертувањето и отворената соработка со луѓе блиски на рускиот претседател Путин, контролата на медиумите од страна на луѓе блиски на Орбан, сериозно го поставува прашањето дали оваа влада воопшто, ја мислам дека не, сака да направи чекор кон Европската Унија. И на крајот ќе завршам со нешто што утре нашите граѓани и економија конкретно ќе го почувствуваат, ограничувањето на движењето на нашите превозници со воведувањето новиот електронски систем од Европска Унија. Ќе крахира економијата, што би рекол еден независен аналитичар и со тоа упатува сериозна порака до еден министер вицепремиер во владата којшто треба да се занима со тоа и којшто не требал да доведе или требал да направи нешто да тоа не се случи, а тој независен аналитичар се вика Александар Николоски. Предупредува дека ќе крахира економијата, внимавајте кога над 60, 70% од нашата економија, извозот и увозот, посебно, поединечно се врзани со земји членки на Европската Унија. Граѓаните по којзнае кој пат ќе го платат цехот и цената на овие лоши владини политики“; изјави Филипче.

Македонија | пред 3 месеци

Членовите на изборните одбори сѐ уште без пари - ДИК и општините молчат, реагира Левица

Политичката партија Левица најостро го осудува недозволивото доцнење со исплатата на надоместоците за лицата ангажирани во спроведувањето на двата круга од локалните избори во октомври, односно ноември 2025 година. „Иако од изборниот процес поминаа речиси три месеци, голем број ангажирани лица сè уште не ги добиле заработените средства, а процесот на исплата кој се врши преку единиците на локалната самоуправа во повеќе општини не е ни блиску до завршен.Левица укажува дека и Државната изборна комисија и локалните администрации покажуваат крајна нетранспарентност во однос на реализацијата на исплатите во многу општини каде постојат задоцнувања, како и во врска со причините за ваквата состојба. Со ова однесување, ДИК демонстрира не само административна неодговорност, туку и дрско непочитување на трудот на илјадници лица кои професионално и одговорно го спроведоа изборниот процес.Да потсетиме дека висината на надоместоците за изборни ангажмани остана иста како при претседателските и парламентарните избори во мај 2024 година, без никакво усогласување со инфлаторниот раст на животните трошоци во меѓувреме. Тоа значи дека ангажираните лица реално работеа за помал износ, што ја покажува системската негрижа кон оние што го обезбедуваат изборниот процес.Левица бара итна и целосна исплата на сите средства што ДИК им ги должи на лицата ангажирани во спроведувањето на локалните избори, јавно објавување на податоците за реализираните и нереализираните исплати во секоја општина, како и ревидирање на сегашната пракса на исплата преку локалната самоуправа, која се покажува како исклучително неефикасна и нетранспарентна. Партијата ќе продолжи да се залага за професионализација, отчетност и правична компензација на сите кои непосредно учествуваат во изборните процеси во државата“, се вели во соопштението.

Македонија | пред 3 месеци

Се бара заштита на Шар Планина од пустошење, но таа не е под надлежност на Македонски шуми, вели заменик-директорот

Во последните денови, голем број граѓани изразија загриженост за заштитата на шумите, особено на Шар Планина, повикувајќи на поголема активност од страна на ЈП „Македонски Шуми“. Заменик директорот Кире Михаилов преку својата Фејсбук страница појасни дека како заменик генерален директор нема ингеренции во рамките на Националниот Парк Шар Планина, кој од 30 јуни 2021 година функционира како посебен правен субјект со свое раководство, шумочуварска служба и ренџери.„Почитувани, овие денови видов доста реакции на загрижени граѓани кои ме повикуваа лично да се заангажирам повеќе во Западна Македонија и конкретно на Шар Планина, а не како што повеќето коментиравте, само на истокот.Морам да Ви објаснам дека Шар Планина од 30 јуни 2021 е Национален Парк, односно посебен правен субјект со свое раководство, своја шумочуварска служба, ренџери и незнам кои други структури.Јас лично како Заменик Генерален Директор на ЈП "Македонски Шуми" таму НЕМАМ НИКАКВИ ИНГЕРЕНЦИИ ниту во однос на заштитата на шумата, ниту на било што останато во однос на таа територија ниту пак на останатите територии на националните паркови Пелистер, Галичица и Маврово.Во однос на останатото и за тоа дека ме повикувате да делувам и на запад, да ви појаснам дека како во текот целиот период откако сум именувам, така и во изминативе денови имавме акции не само во радовишко струмичкиот регион, туку на целата територија на Македонија.Вчера, недела, конфискации и пријави имаше не само во струмичко, туку и во кумановско липковскиот регион.На територијата на општина Велес и општина Градско исто така вчера имавме големи акции.Тоа што секојдневно и од секаде не излегуваме со информации не значи дека некаде или некогаш не работиме, напротив, постојано сме на терен со своите обврски.Остануваме посветени кон исполнување на нашите законски обврски, а во интерес на граѓаните на целата територија на Република Македонија.Не постои, барем за мене лично, педа на територијата на Република Македонија на која што јас имам ингеренции на која би замижал пред евентуални криминогени дејства поврзани со шумарството.Добрата координација во изминатиов период помеѓу ЈП "Македонски Шуми" МВР, БЈБ, Граничната Полиција и сите останати структури во службите на полицијата, Шумската Полиција, ДИШЛ (Државниот Инспекторат за Шумарство и Ловство) при МЗШВ и сите останати служби кои имаат допирни точки со шумите и воопшто природата, дава огромни резултати, а така и ќе продолжиме.“

Македонија | пред 3 месеци

Младо момче од кавадаречко пронајдено мртво во својот дом во кавадаречко

Дваесет и четиригодишно момче почина во селото Возарци, кавадаречко, а телото е предадено на обдукција со цел да се утврди точната причина за смртта, информираа од Секторот за внатрешни работи – Велес.Според официјалните информации, синоќа околу 22:30 часот во Одделението за внатрешни работи Кавадарци било пријавено дека во семејниот дом во селото Возарци починал С.П. (24), жител на истото село. На местото пристигнал лекар од Итната медицинска помош – Кавадарци, кој констатирал смрт, при што не биле забележани видливи траги на насилство.По насоки на дежурен јавен обвинител, телото на починатиот е дадено на обдукција, а надлежните институции продолжуваат со постапките за целосно расветлување на случајот. Од СВР – Велес посочуваат дека повеќе информации ќе бидат соопштени по добивањето на резултатите од обдукцијата.

Македонија | пред 3 месеци

Кисела Вода и „Паркови и зеленило“ стартуваат со голема еко-акција

Градоначалничката на Општина Кисела Вода, Бети Стаменкоска Трајкоска, оствари работна средба со Муамер Сефери, директор на ЈП „Паркови и зеленило“. Средбата се одржа во просториите на општината, при што беше договорена зајакната и интензивирана соработка во периодот што следи, со фокус на унапредување и одржување на јавните зелени површини.Во рамки на договореното, доколку дозволат временските услови, од понеделник Општина Кисела Вода, преку Секторот за месни заедници, заедно со ЈП „Паркови и зеленило“, ќе започнат еднонеделна интензивна акција за чистење и уредување на парковите и јавните зелени површини на целата територија на општината.Акцијата ќе се реализира со целата расположлива механизација и теренски екипи, а ќе опфати собирање на лисна маса, расчистување на паднати гранки и отпадоци, поткастрување на дрвја, сечење суви гранки, како и уредување на јавните тревници. Активностите ќе се одвиваат низ парковите и сите јавни зелени површини во Кисела Вода, а вакви акции, ќе бидат чести и во иднина.-Со директорот на ЈП “Паркови и зеленило”, Муамер Сефери, договоривме засилена соработка и конкретни чекори за подобрување на изгледот на нашата општина. Доколку временските услови дозволат, од понеделник започнуваме еднонеделна интензивна акција за чистење и уредување на парковите и јавните зелени површини, со целата расположлива механизација. Нашата цел е Кисела Вода да биде почиста, поуредена и попријатна за живеење, а ваквите акции ќе продолжат и во наредниот период. Воедно, ги повикувам и граѓаните заеднички да придонесеме кон почиста животна средина, со одговорно однесување и грижа за заедничките јавни простори-изјави градоначалничката Бети Стаменкоска Трајкоска.

Скопје | пред 3 месеци