„Душата ми е распарчена стари, мислев нема да се дадеш“, шок и тага по смртта на Панчо

Панчо беше симбол на урбаната музика и еден од најхаризматичните артисти на домашната сцена. Неговата енергија, искреност и љубов кон публиката ја оставија групата ДНК како едно од најпопуларните имиња на новата генерација македонски изведувачи.Во јавноста се споделуваат бројни пораки на сочувство од пријатели, колеги и познати јавни личности кои се простуваат од него.Социјалните мрежи се преплавени со фотографии и спомени од настапите и приватните моменти со Панчо.Коментираат: „Уште една голема душа ја напушти македонската сцена“.Смртта на Владимир Блажев – Панчо означува уште една длабока рана во најтешката трагедија што ја погоди Македонија во последната деценија.

Македонија | пред 7 месеци

Родителите на загинатите со потресна порака за смртта на Панчо: Почивај во мир, пренеси им поздрав на нашите ангели

Здружението „16-ти март“, кое е формирано од дел од родителите и семејствата на загинатите деца во пожарот во дискотеката „Пулс“ во Кочани, упати емотивна порака по смртта на пејачот Владимир Блажев – Панчо, деветтиот член на групата ДНК кој го загуби животот по трагедијата.„Изразуваме најдлабоко сочувство до семејството на Владимир Блажев – Панчо. Бог да ви даде сила. Со длабока тага и солзи во очите ја примивме веста за загубата на уште еден млад живот – талентиран пејач, полн со енергија и музика што допираше до срцата. Замина прерано, оставајќи празнина која не може да се пополни“, стои во објавата.Од здружението потсетуваат дека Панчо е 63-та жртва на пожарот во „Пулс“, трагедија која остави длабоки последици и траума кај семејствата на настраданите.„Како родители што ја почувствувавме најголемата болка – губење на дете – ја знаеме бездната на оваа тага. Вашата болка е наша болка, вашата загуба е наша загуба. Ги чувствуваме секоја солза, секој празен момент што го остава оваа трагедија“, напишаа од здружението.Во објавата тие испратија и порака за правда: „Ова не е број – ова е живот што носеше радост и надеж. Колку уште срца ќе бидат скршени? Колку уште семејства ќе страдаат? Правдата мора да се извојува – за Панчо, за секоја жртва, за секој млад живот што беше одземен. Ние нема да молчиме!“Здружението завршува со емотивна порака: „Почивај во мир, Панчо. Нека ти е светол патот до Царството Небесно. Пренеси им поздрав на нашите ангели – засекогаш ќе останете во нашите срца.“

Македонија | пред 7 месеци

Обвинителството издаде наредба за обдукција на телото од Панчо од ДНК

Јавното обвинителство потврди дека ќе биде издадена наредба за обдукција на пејачот Владимир Блажев – Панчо од групата ДНК, кој почина по речиси седум месеци болничко лекување.„Информацијата е точна, Јавното обвинителство ќе издаде наредба за обдукција на лицето за кое постапката беше времено прекината токму поради здравствената состојба“, соопштија од Обвинителството.Панчо изминатите месеци се лекуваше во приватната болница „Систина“ поради тешките изгореници што ги задоби во трагичниот пожар во дискотеката „Пулс“ во Кочани, каде загинаа 62 лица, меѓу кои и осум членови на бендот ДНК. Тој беше деветтиот член на групата кој го изгуби животот, а воедно и 63-та жртва на катастрофата.Докторски тимови со месеци се бореа за животот на Панчо, а тој беше со тешки повреди и влошена психичка состојба. И покрај долготрајното лекување и интензивната медицинска грижа, тој не успеа да се избори.Против него претходно беше покрената постапка под сомнение дека ги внел пиротехничките средства во дискотеката. Обвинителството ја стави постапката во мирување поради неговата хоспитализација.

Македонија | пред 7 месеци

Почина Панчо од ДНК, тој е 63 директна жртва од пожарот во „Пулс“

По речиси седум месеци во болница, почина Владимир Блажев-Панчо од ДНК. Тој изминатиот период го помина на лекување во „Систина“ каде се бореа со повредите со кои се здоби откако се случи пожарот во дискотеката „Пулс“ каде загинаа 62 лица, меѓу кои и осум членови на бендот ДНК.Познато беше дека Панчо имал тешки изгореници на рацете и главата, но и влошена психичка состојба со која се борел заедно со еминентни докторски имиња. И покрај напорите, тој не успеал да се спаси. Официјални информации за тоа како се влошила здравствената состојба засега нема.Панчо е деветтиот член на ДНК кој го изгуби животот. Тој е 63 жртва на страотниот пожар. Животот го загубија и пејачот на бендот, Андреј Ѓорѓиески, придружниот вокал Сара Пројковска, која беше и професорка на Факултетот за музичка уметност, тапанарот на бендот, Ѓорѓи Ѓорѓиев, клавијатуристот Филип Стевановски, гитаристот Александар Коларов, официјалниот фотограф на групата, Александар Ефремов, тонецот на групата ДНК, Игор Велков и битбоксерот Мартин Атанасовски Буцо.Последно, за него беше покрената постапка од Обвинителството која беше ставена во мирување поради неговото болничко лекување. Со сомничеа дека ги внел пиротехничките средства во дискотеката.

Македонија | пред 7 месеци

Боки 13 за пресудата: Ременски ја ослободиле по јавување од Ковачевски, имам пораки дека Заев учествуваше во Меѓународен сојуз

Бојан Јовановски – Боки 13, во својата најнова епизода од подкастот, говореше за повторната постапка и новата пресуда поврзана со случајот „Меѓународен сојуз“.„Пресудата беше укината и требаше да се суди повторно. Таа е манлива по многу основи – од погрешно утврдена фактичка состојба до суштински повреди на постапката. Сепак, повторно се враќа кај истиот судија. И тука настанува конфликтот – судијата што еднаш те осудил, поради суета, нема да се предомисли, без разлика што можеш да му докажеш сè, како што направив јас“, изјави Јовановски.Тој тврди дека во повторената постапка доставил нови докази, меѓу кои и вештачење изготвено од професорот Орце Симов. Според Боки 13, анализата на телефонот покажала комуникација со поранешниот премиер Зоран Заев, за кој, како што вели, „директно учествувал во разговори и активности поврзани со Меѓународниот сојуз и проектот за старечки домови“.„Овие кои наводно се оштетени, ми ги донесе Александар Кирацовски, а и Сиљан Мицевски беше вклучен во целиот процес“, изјави Јовановски, додавајќи дека „од Заев, преку Стефан Богоев, Наташа Петровска, па сè до Горан Сугаревски – сите биле вклучени во идејата и подготовките за проектот со старечките домови“.Тој остро ја коментираше и ослободителната пресуда на поранешната пратеничка Фросина Ременски, за која рече дека „била директно вклучена“ во проектот.„Фросина Ременски која активно учествуваше во сето ова, беше ослободена по јавување на Ковачевски. Замислете – ако таа беше мој помагач и влијаеше на луѓето да влезат во проектите, а сега ја нема, тогаш кој влијаел? На крај, сè се става на мој грб – како јас да сум бил премиер, пратеник, министер и перач на пари во едно“, рече Јовановски.Тој додаде дека други обвинети кои признале вина за перење пари добиле условни казни, додека тој добил драстична затворска пресуда рамна на тоа како да убил човек.„Јас не молчев, и нема да молчам. Ова е борба против неправдата“, порача Јовановски-Боки 13 во својот подкаст.

Македонија | пред 7 месеци

Пентагон сака да одредува што смеат да објавуваат новинарите, медиумите во шок

Бројни водечки американски медиуми одбија да ја прифатат новата политика на Министерството за одбрана на САД, со која се ограничува што акредитираните новинари смеат да објавуваат, пренесе германската агенција ДПА.Новинарите имаат рок до денес во 17 часот да се согласат со новите правила, кои беа изменети откако првиот нацрт — според кој информациите „наменети за јавноста мора најпрво да ги одобри надлежен службеник, дури и кога не се доверливи“ — наиде на остри реакции во јавноста, објавија американските медиуми.Здружението што ги претставува новинарите кои известуваат од Пентагон (PPA) во соопштение наведе дека новите правила и понатаму „делуваат како обид да се задуши слободата на печатот и потенцијално да нè изложат на кривичен прогон само затоа што ја вршиме својата работа“.Медиуми како „Њујорк тајмс“ (The New York Times), „Вашингтон пост“ (The Washington Post), „Атлантик“ (The Atlantic) и Си-Ен-Ен (CNN) соопштија дека нема да ја потпишат ревидираната политика на Пентагон, наведувајќи дека таа го прекршува Првиот амандман на американскиот устав, кој го гарантира правото на слобода на говор.„Кршење на Првиот амандман“Извршниот уредник на „Вашингтон пост“, Мет Мари, изјави:„Предложените ограничувања ги поткопуваат заштитите на Првиот амандман, поставувајќи непотребни пречки во собирањето и објавувањето информации.“Главниот уредник на „Атлантик“, Џефри Голдберг, исто така рече дека „овие услови ги нарушуваат нашите права загарантирани со Првиот амандман, како и правата на Американците да знаат како се распределуваат воените ресурси и персоналот финансирани со пари од даночните обврзници“.Ричард Стивенсон, раководител на вашингтонскиот уред на „Њујорк тајмс“, во петокот предупреди дека новата политика „претставува закана за казнување на новинарите за вообичаено собирање информации што е заштитено со Првиот амандман“.Министерот за одбрана Пит Хегсет, во објава на социјалните мрежи, тврди дека новите правила само пропишуваат „новинарите повеќе да не можат слободно да се движат без контрола“, дека „мора да носат видлива идентификациска ознака“ и дека „акредитираните новинари не смеат да поттикнуваат на извршување кривични дела“.

Свет | пред 7 месеци

Левица бара Обвинителството итно да постапи по кривичната пријава против Орце Ѓорѓиевски

Партијата Левица побара од Основното јавно обвинителство итно да постапи по кривичната пријава поднесена против актуелниот градоначалник на Кисела Вода и кандидат за градоначалник на Скопје од ВМРО-ДПМНЕ, Орце Ѓорѓиевски.Како што наведуваат од партијата, пријавата, објавена во „Слободен печат“, се однесува на непостапување по службена должност и толерирање дивоградби во скопската населба Драчево.„Овој случај е уште една потврда за тесната поврзаност меѓу власта, бизнис интересите и урбанистичката мафија која со години го уништува Скопје“, стои во соопштението на Левица.Од партијата обвинуваат дека додека граѓаните плаќаат даноци и чекаат решавање на основни инфраструктурни проблеми, „бизнисмени од ДПМНЕ градат дивоградби на државно земјиште и ги легализираат преку промена на урбанистички планови – што е класичен пример за злоупотреба на функцијата за лична и партиска корист“.Левица бара Обвинителството да отвори истрага не само против Ѓорѓиевски, туку и против сите лица инволвирани во случајот. „Нема да има правда додека функционерите не почнат да одговараат за своите постапки“, порачуваат од партијата.Во соопштението дополнително се наведува дека толерирањето и легализирањето на бесправни градби не се изолирани случаи, туку дел од „систем што со децении го воспоставиле ДПМНЕ и СДС заедно со ДУИ, а сега и ВРЕДИ“.„Истите тие, кои во опозиција се колнат во правна држава, од позиција на власт ги кршат законите за да спасат приватни бизниси и свои финансиери,“ велат од Левица, нагласувајќи дека е потребна строга контрола над урбанистичките планови и ревизија на сите сомнителни дозволи за градба.„Скопје мора конечно да стане град на закон, а не на лични привилегии и договори под маса,“ се додава во реакцијата на Левица.

Скопје | пред 7 месеци

Шукова: Време е јавните претпријатија да им служат на граѓаните, а не на партиите

Кандидатката за Градоначалничка на Град Скопје, Каја Шукова, денеска од седиштето на СДСМ изјави дека реформата на јавните претпријатија ќе биде нејзин врвен приоритет, затоа што токму тие се основата за функционален, уреден и хуман град. Таа оцени дека Скопје денес изгледа запуштено, нечисто и хаотично затоа што јавните претпријатија се заробени од партиски интереси, долгови и неспособно раководство. „Граѓаните плаќаат за услуги, а добиваат несобран смет, нефункционален јавен превоз и хаотична инфраструктура“, истакна Шукова.Таа најави дека во администрацијата на Град Скопје ќе спроведе вистинска реформа, со цел јавните претпријатија конечно да им служат на луѓето, а не на партиите. Според неа, ЈСП ќе се модернизира со нови еколошки автобуси, електронски систем за наплата и воспоставување на брз автобуски транзит, со што ќе се врати довербата во јавниот превоз. Комунална хигиена, рече таа, ќе се ревитализира со современ центар за селекција и рециклажа, редовно собирање отпад и конечно решавање на Вардариште.„Во Паркови и зеленило ќе започне нова ера – ќе засадиме 10.000 дрвја и ќе изградиме 15 нови паркови во 15 месеци, со редовно одржување и враќање на зеленилото во маалата. Водоводот ќе го насочиме кон стабилно снабдување, модерна опрема и намалени загуби на вода, а ЈП Лајка ќе го развиеме во вистински хуман систем за згрижување и грижа за уличните животни“, додаде Шукова.Таа порача дека Скопје мора повторно да стане град што работи и се грижи за своите жители. „Време е институциите да му служат на граѓанинот, а не на партијата,“ нагласи Шукова.

Скопје | пред 7 месеци

Татко-инспектор му бришел докази од мобилниот телефон на синот осомничен за дрога, заработи кривична пријава

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластувања и припадници на затворската полиција, поднесе кривична пријава против Џ.Н. на работно место Виш инспектор за недозволена трговија со оружје во Отсек за недозволена трговија со дрога и оружје, Одделение за криминалистичка полиција при СВР Тетово и против О.С. на работно место Самостоен инспектор за недозволена трговија со дрога во Отсек за недозвоилена трговија со дрога и оружје, Одделение за криминалистичка полиција при СВР Тетово, поради постоење основи на сомнение за сторено кривично дело „попречување на правдата“ по член 368-а од Кривичниот законик, извести Министерството за внатрешни работи.„Првопријавениот, кој бил задолжен да постапува по предмет во кој две лица биле лишени од слобода поради основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“ по член 215,  му овозможил на второпријавениот, кој не бил работно ангажиран и е родител на едно од лицата лишени од слобода, да има целосен увид во службената документација, да располага и да ја пренесува од една во друга просторија, да ги придружува лицата лишени од слобода, да дава насоки при постапувањето и да биде присутен и да учествува во разговорот со лицата лишени од слобода. Исто така, овозможил привремено одземениот мобилен телефон од едно од лицата лишени од слобода, кај кого била пронајдена поголема количина на дрога, да располага со телефонот и да избрише и уништи докази од телефонот важни за истрагата“, соопшти МВР.Втoропријавениот, иако не бил работно ангажиран, активно се вклучил во преземање на службените дејствија во предметот во кој неговиот син бил лишен од слобода поради основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“ по член 215 од Кривичниот законик, при што му било овозможено да располага со телефонот и да избрише и уништи докази од телефонот важни за истрагата.Одделот за внатрешна контрола, криминалистички истраги и професионални стандарди против Џ.Н. и О.С. ќе поднесе предлог за поведување на постапка за утврдување на дисциплинска одговорност и ќе изрече задолжителна мерка отстранување од работното место.

Македонија | пред 7 месеци

Ќе го отстрани пешачкиот надвозник и ќе направи пешачки премин со семафори, Меџити го обелодени планот за Бит Пазар

За планот за решавање на едно од најпроблематичните прашања на Бит Пазар, пешачкиот надвозник, вчера во емисијата на ТВ 21 зборуваше кандидатот за градоначалник на Општина Чаир на ВРЕДИ, Изет Меџити.„Сè уште не сум го промовирал јавно, но го кажувам ексклузивно тука. Претходниот проект со мостот не ги даде очекуваните резултати, бидејќи граѓаните не го користат. Човечката психологија е таква што не сака ниту надвозник ниту подвозник. Дури и еснафите од Чаршија велат дека продавниците со неколку скалила не вредат за оние што се на рамно ниво“, рече Меџити.Конечното решение, како што вели е да се отстрани постоечкиот надвозник и да се изгради официјален пешачки премин со семафори.

Скопје | пред 7 месеци

„Трагедијата во 'Пулс' ѝ го одзеде животот брутално и прерано“, но Сања Христова од Облешево живее во спомените на сите

Поминаа седум месеци од трагедијата во кочанската дискотека „Пулс“, но спомените за Сања Христова од Облешево не избледуваат.Сања, која беше жртва на фаталниот пожар, имаше само 25 години. Таа беше дипломиран психолог на Славјанскиот факултет, со искрена желба да им помогне на луѓето. Нејзината мајка, Ангелина Христова, во изјава за Канал 77 вели дека Сања имала неверојатна способност да ги разбира луѓето тивко и без осуда.„Таа ги разбираше луѓето со зборови што лечеа. Секогаш стоеше на страната на најранливите – осамените, отфрлените, најмалите,“ вели Ангелина.Во нејзините зборови се чувствува и болка и гордост: „Покрај хуманоста, Сања беше љубопитна и отворена кон светот. Работеше и во странство, сакаше да научи, да види нови нешта. Имаше соништа исполнети со љубов, надеж и желба за подобар свет.“Особено ја обожуваше природата и животните, а кучињата беа нејзина најголема љубов. „Секое напуштено или изгубено куче за Сања беше повик за акција, за грижа и љубов,“ раскажува нејзината мајка.Трагедијата што се случи во Кочани ѝ го одзеде животот брутално, неправедно и прерано. Но нејзиниот дух не може да се избрише. Сања живее понатаму – во секое спасено куче, во секој топол збор што некогаш го кажала, во секој спомен што ги грее срцата на оние што ја познаваа.„Сања не е само жртва. Таа е симбол на добрината што светот ја бара. Љубовта што ја ширеше нема крај. Таа е жива – во сите нас,“ додава Ангелина Христова за Канал 77.

Македонија | пред 7 месеци

ВМРО-ДПМНЕ бара ЈО и Коцевски да одговорат дали дискотеката „Пулс“ платила казна од 40.000 евра

ВМРО-ДПМНЕ бара одговори од ЈО и Коцевски за случајот со дискотеката „Пулс“ВМРО-ДПМНЕ денеска побара од Јавното обвинителство и министерот Љупчо Коцевски да одговорат дали дискотеката „Пулс“ платила казна од 40.000 евра или, како што се тврди во телефонска комуникација објавена во јавноста, поранешниот министер Оливер Спасовски интервенирал за да се избегне плаќањето.„ЈО и Коцевски да не молчат и да кажат на јавноста дали дискотеката ‘Пулс’ платила казна или Спасовски интервенирал за да се избегне плаќање. Доколку казната не е платена, Спасовски итно треба да биде повикан на одговорност и целата постапка да се истражи до крај“, стои во соопштението на владејачката партија.Од ВМРО-ДПМНЕ велат дека е потребно да се стави крај на „калкулациите и заштитата на моќниците блиски до СДС“, нагласувајќи дека политичките влијанија во судството мора да престанат.„Дали Спасовски ја спасил ‘Пулс’ од казна и која е неговата улога во аферата? До кога ќе молчи ЈО и Коцевски? Дали Љупчо Коцевски има задача да ги штити функционерите од СДС?“, прашуваат од партијата, додавајќи дека одговорност мора да има за сите инволвирани во случајот.„Овој случај не смее дополнително да ја поткопа довербата во институциите и судството. Секој сомнеж мора да биде расчистен, а секој кој е вмешан треба да се санкционира. Време е за владеење на правото и правдата“, се наведува во соопштението од ВМРО-ДПМНЕ.

Македонија | пред 7 месеци

„Срамна пресуда за Мерко“, за професорката Најчевска ова е возможно само во држава каде судтвото е лесно поткупливо

За професорката Мирјана Најчевска, условната казна изречена за Рамиз Мерко е срамна пресуда.Ова е срамна пресуда. Пресуда која индицира длабока корупција во судството.Да осудиш на условна казна човек кој е на функција и од позиција на функција го направил кривичното дело и за кој паралелно се водат уште 5 судски постапки е навистина возможно само во држава во која судството е слуга на политичките партии, лесно купливо и потполно неморално“, напиша таа на ФБ.

Коментари | пред 7 месеци

Милевски: Виница заслужува ред и напредок, да не ја препуштиме повторно на локалните шерифи

Кандидатот за Градоначалник на СДСМ, Гоце Милевски, од трибината во Виница побара поддршка од граѓаните, потенцирајќи дека ова не е само кампања, туку борба за иднината на Виница. Тој повика на заедничка акција, јасно нагласувајќи дека промената е можна„Денес не сум само кандидат за градоначалник, денес сум човек со мисија: да ја вратиме Виница таму каде што припаѓа“, порача Милевски.Милевски остро се осврна на досегашното локално владеење и политичката клима, повикувајќи на одговорност и нов почеток.„Сакаме ли Виница повторно да ја препуштиме во рацете на локалните ’шерифи‘ кои мислат дека сè им е дозволено и дека градот им припаѓа само на нив? Јас не верувам дека тоа е Виница што ја сакаме“, истакна тој, додавајќи: „Верувам дека можеме подобро, дека можеме да изградиме град со ред, закон, човечност и почит.“Милевски  ја побара поддршката од граѓаните и го претстави неговиот план за конкретни, реални и остварливи проекти, кои, како што рече, не се празни ветувања, туку патоказ за развој: Изградба на дом за стари лица, грижа со достоинство за повозрасните, нов булевар на влезот во Виница, решавање на атмосферската канализација, спортска сала за ООУ „Гоце Делчев“, велосипедски патеки, зелена и чиста Виница, ред во сообраќајот и паркирањето, улично осветлување и поддршка за културата и уметниците.„Ова не се ветувања, туку планови што ќе ги реализираме, чекор по чекор, проект по проект. На 19 октомври, излезете масовно. Заокружете го бројот 5, затоа што е глас за нашата иднина“, порача од Виница, Гоце Милевски, кандидат за градоначалник на СДСМ.

Македонија | пред 7 месеци

Цветковски: Лозово ќе добие нов инфраструктурен лик и повеќе зелени површини

Кандидатот за градоначалник на општина Лозово, од редовите на ВМРО-ДПМНЕ, Бошко Цветковски, на денешниот митинг во рамките на изборната кампања под слоганот Вистинскиот избор! Твојот човек! Твоето место! За твојата иднина!, истакна дека ќе продолжи транспарентно и одговорно да работи преку реализација на се она што е предвидено во програмата, како вложувањето во инфраструктурата, градење на нови паркови, за почиста општина и  промоција на индустриската зона за подобар економски стандард на жителите во Лозово.„Се обврзувам дека ќе работам на квалитетно инфраструктурно уредување на општината, зголемување на зелените површини, градење на нови паркови, континуирано и темелно чистење на сите јавни простори, како и посоодветно управување со ѓубрето и отпадот, вклучувајќи го поттикнувањето  за унапредување на процесите на собирање, сортирање и отстранување на неговите остатоци. Ветувам дека ќе работиме на промоција на индустриската зона со цел да создадеме адекватни услови за отворање на работни места, како и развивање и спроведување на редица економски трансформативни иницијативи и активности, кои ќе значат дополнително привлекување на странски инвеститори и унапредување на квалитетот на нашиот економски стандард и живот“, вели Цветковски.Кандидатот за градоначалник на општина Лозово Бошко Цветковски, истакна дека ќе вложува во зголемување на сообраќајната безбедност, во образованието, но посочи дека ќе вложи напори и во унапредување на социјалните услуги за мирна, безбедна и просперитетна општина Лозово.„Подготвен сум да вложам максимални напори на планот на зголемување на јавната безбедност и безбедноста во сообраќајот, да ја поттикнам заедничката и координирана соработка и ангажман на граѓаните и полицијата, да предложам активности и мерки во насока на намалување на девијантните појави. Ќе дадам силна поддршка на проектите кои се насочени кон дополнителни вложувања во јавното образование, подобрувањето на образовната инфраструктура, унапредување на образовниот процес, што истовремено ќе значат унапредување на севкупните услови, знаења и вештини на учениците. Ќе се залагам за унапредување на социјалните услуги за семејствата и посебно поддршката на родители, жените и децата кои се дел од социјално ранливата категорија. Заеднички посакуваме Лозово да биде модерно, забавно, мирно, безбедно, економски просперитетно и атрактивно катче за живеење и стопанисување“, рече Цветковски.

Македонија | пред 7 месеци

Свеќаровска: Градот не се улиците и зградите, градот сме ние, луѓето!

Средбата со граѓани во Кочани, на која присуствуваше лидерот на Левица, Димитар Апасиев, кандидатката за градоначалник, Жаклина Свеќаровска и кандидатите за советничка листа започна со едноминутен молк во чест на жртвите во дискотеката „Пулс“ од 16 март годинава. Свеќаровска, на почетокот на средбата, истакна дека и била потребна голема сила за да се кандидира за градоначалник на овие локални избори за да не ги изневери, како што вели, „очекувањата на нашиот град со нож во срцето“. „Ја најдов во гневот што децении пламти и во мене, како во секој чесен човек што ниту прекршок во сообраќајот нема направено, а сме казнети да живееме во беззаконие и безредие. Да, точно е дека револтот е голем а довербата речиси ја нема, но, гневот е загушен. Од стотици луѓе на вчерашниот марш бевме неколку десетици. Половина од родителите и роднините не учествуваат. Ги замолчаа со вработувања на атрактивни, добро платени работни места. Тажно, претажно. И животите на децата имале цена“, рече Свеќаровска.Зборувајќи за состојбите во Кочани, денес, беше истакнато дека младината е побегната, градот е затрупан во ѓубре, по улиците се движат глутници бездомни кучиња, а сообраќајот е во хаос. „За сето тоа има решение и ќе биде решено. Но, најважно е на народните изесници да им ставиме на знаење дека градот не се улиците и зградите, туку градот сме ние, луѓето“, рече Свеќаровска и додаде дека ќе го вложи секој атом енергија да си го вратат градот, да си го вратат достоинството и човечноста. „Не постои ништо што би ме поколебало. Одговорност мора да има! Правда мора да има! Време е не профитот, туку благосостојбата на граѓаните да биде на прво место. На 19 октомври да излеземе и да си дадеме поддршка, да гласаме за бројот шест. Нека проговори народот“, заврши таа.

Македонија | пред 7 месеци

Филипче: Македонија е претпоследна во Европа по минималната плата

„Владата на ВМРО-ДПМНЕ брутално ги измами и излажа граѓаните, ниту се горди, ниту имаат повеќе пари, ниту подобро живеат, оваа влада за година и пол  донесе хаос и сиромаштија“, нагласи Претседателот на Социјалдемократскиот сојуз на Македонија, д-р Венко Филипче, на граѓанската трибина „Се бориме за нашиот дом“, што се одржа во Виница.Филипче посочи дека најголемата измама им се случи на граѓаните на парламентарните избори лани.„ВМРО-ДПМНЕ ветуваше гордост и достоинство, донесоа сиромаштија, хаос и неизвесност. ВМРО-ДПМНЕ се фали со „стабилност“, а народот не може да го помине месецот. Државата е во стагнација, нема економски раст, инфлацијата го слабее стандардот, а платите не се зголемуваат. Се доцни со исплата на ДДВ, субвенциите за земјоделците каснат, инвестициите на рекордно ниско ниво“, рече Филипче.Говорејќи за животниот стандард, Филипче укажа дека со сегашните ниски плати, високи стапки на инфлација, младите не гледаат перспектива во својата татковина.„Нема достоен живот кога Македонија е претпоследна во Европа според висина на минимална плата со многу ниска куповна моќ. Младите заминуваат – не затоа што не ја сакаат Македонија, туку затоа што таа не им нуди перспектива. Со оваа ненародна власт животот е сè потежок за сите“, рече Филипче.Сите ние како што кажа Филипче ја чувствуваме раката на погрешна државна политика, каде кадрите на ВМРО-ДПМНЕ низ локалните и централните нивоа создаваат синџир на неспособност и безредие.

Македонија | пред 7 месеци

Костовски: Бутел добива нова поликлиника, Љуботен добива водовод

Дарко Костовски, кандидат за градоначалник за општина Бутел до редовите на ВМРО-ДПМНЕ, денес гостуваше во дебатната емисија „Локални избори 2025 - изборни соочувања“ на МРТ1, при што го изрази задоволството за реализација на 404 проекти во општина Бутел во текот на неговиот четиригодишен мандат како градоначалник, и напомена дека околу 70 од реализираните проекти не беа дел од предизборната програма, и наведе дел од реализираните проекти.„Целосно коритото на реката Серава го изградивме во должина од 1500 метри, во потегот на Радишани, направивме трим патика, 5000м2 додадовме зеленило, целосно го осветливме тој потег и поставивме клупи. Нов мега парк во Радишани од 10.000м2, две градинките една е целосно завршена, а другата е во една сериозна фаза. Училиштето во Визбегово започна да се гради за време на мојот мандат и се заврши. Направивме револуција во спортот, изградивме 5 спортско рекреативни центри иако најавивме само два, изградивме 13 спортски терени, изградивме плоштад, изградивме 10 детски игралишта. Поликлиниката, историскиот момент за Бутел, е распишан тендерот и водоводот во Љуботен, едно историско барање на граѓаните, го започнуваме за два дена од сега ќе ги поврземе на градски водовод“, објасни Костовски.Во однос на проектите содржани во програмата за наредниот мандатен период од четири години, Костовски посочи дека се предвидени изградба на три нови градинки, нов културен дом и плоштад во Бутел 1, два паркови на Христијан Тодоровски Карпош и во Радишани.„Во новата програма предвидовме 3 нови градинки во населеното место Радишани, Визбегово и Бутел 1. Ќе имаме нов базен во Бутел 1, носечка работа за општина Бутел, а тоа е нов културен дом и плоштад во Бутел 1, за неколку дена ќе има и 3Д анимација. Два нови паркови најавувам едниот на Христијан Тодоровски Карпош кадешто заедно со Градот Скопје ќе мора да го направиме и еден ќе го направивме сами во Радишани“, рече Костовски.Тој додаде дека со оглед на фактот дека во мандатот што следи најголемиот дел од капиталните проекти се завршени или во фаза на правење, ќе се работи и на атмосферската и на фекална канализација во општината.Костовски посочи дека општина Бутел во текот на неговиот мандат не издала дозвола за ниту една изградба за зграда, иако притисоци постоеле, а сето тоа во насока на спречување на урбаниот хаос во општината и рече:„Одолеав на секој притисок на урбаната мафија за општина Бутел да остане мирна општина и да продолжи да владее маалскиот тип на живот и цврсто стојам зад барањето на граѓаните општина Бутел да не е бетонизирана во ниедна смисла на зборот“, заклучи Костовски.

Македонија | пред 7 месеци

По дописот за случајот ‘Пулс’: Комората обвинува за притисок врз адвокатите, а на судењето гледаат како тест за прсвосудниот систем

Адвокатската комора на Република Македонија реагираше остро на дописот на јавниот обвинител Љупчо Коцевски во врска со предметот за пожарот во дискотеката „Пулс“ во Кочани. Во своето соопштение, Комората порача дека тврдењата на обвинителството се неосновани, неточни и претставуваат мешање во независноста на адвокатската професија.Од Комората наведуваат дека адвокатите биле целосно запознаени со обвинението и доказниот материјал, спротивно на тврдењата на обвинителот дека даваат коментари „без да ја знаат содржината на обвинението“. Според нив, со поднесувањето на обвинението тоа станало достапно за јавноста, а со тоа и за сите правни застапници.Во однос на наводите дека адвокатите го нарушиле угледот на судот, Комората нагласува дека ниту еден адвокат не постапувал спротивно на Кодексот за професионална етика. „Адвокатите имаат уставно и законско право на слобода на изразување, да даваат правни мислења и критички осврти во предмети од јавен интерес,“ се наведува во реакцијата. Тие додаваат дека досега нема забелешки од ниту еден суд дека бил нарушен неговиот углед, и оттука не е јасно зошто Јавното обвинителство се впушта во проценки кои не се во негова надлежност.Комората потсетува дека досега повеќе експерти и правни аналитичари укажале дека, со оглед на бројот на обвинети и оштетени лица, процесот реално ќе трае подолго. Затоа, реакцијата на обвинителството на ваквите забелешки ја сметаат за неразбирлива.„До сега не е утврдено дека ниту еден адвокат на кој било начин ја одолговлекувал или оневозможувал постапката. Напротив, истрагата во целост ја водеше Јавното обвинителство,“ се наведува во соопштението. Од таму потсетуваат дека токму обвинителството во изминатиот период јавно изнесувало детали за обвинетите и нивните дејствија, пред обвинителниот акт формално да стапи на сила.Комората потсетува дека во случајот има повеќе од 60 загинати и над 200 оштетени лица, а адвокатите настапуваат и како бранители на обвинетите и како полномошници на оштетените, што, како што велат, ја исклучува можноста за намерно одолговлекување на постапката.„Судот вложи максимални напори за обезбедување услови за почеток на процесот, и тоа го цениме,“ стои во реакцијата.Во завршницата, Адвокатската комора порача дека обвинителството не е суд, туку странка во постапката, и дека со вакви дописи се повредува независноста на адвокатите и се создава впечаток дека се врши притисок врз одбраната.„Ова судење ќе биде тест за ефикасноста и правичноста на целиот правосуден систем. Сите страни мора да постапуваат професионално и со взаемна почит, водејќи се од принципите на владеењето на правото,“ завршува соопштението на Адвокатската комора.

Македонија | пред 7 месеци

Филипче: Со Горанчо Крстев, Чешиново Облешево повторно ќе биде посакувано место за живеење

Претседателот на СДСМ, д-р Венко Филипче од граѓанскиот собир „Се бориме за нашиот дом“ во Чешиново Облешево испрати јасна порака до граѓаните дека на 19 октомври следува важна одлука за иднината на секоја општина, за секое маало и за цела Македонија.„Ова не се обични избори. Сега е моментот да се собереме, да ја обединиме силата на сите разочарани, на сите што замолкнале, на сите што сè уште веруваат дека оваа држава може да се гради поинаку“, рече Филипче.Тој нагласи дека СДСМ се бори за поголеми плати, за држава што работи за своите граѓани, а не за партиските елити на власта.„Се бориме за минимална плата од 500 евра, за ред и правда, за држава што работи за своите граѓани, а не за партиските елити. Народот не живее од статистички бројки – тој знае колку чини лебот, млекото, колку тешко се живее“, порача Филипче.Во своето обраќање, Филипче, посебен акцент стави и на состојбата во земјоделството, каде што, власта на ВМРО-ДПМНЕ ги укина најдобрите мерки и го обезвредни трудот на земјоделците.„Овде во Чешиново-Облешево да продолжиме  да градиме, да носиме решенија и да обезбедуваме напредок за секој човек. Со Горанчо Крстев, општината ќе се развива, вие тоа го видовте. Тој знае дека политиката не е театар, туку служба. Знае дека местото на градоначалник не е позиција за моќ, туку обврска за резултати“, истакна Филипче.Тој нагласи дека општина Чешиново Облешево, со кандидатот за градоначалник од СДСМ, Горанчо Крстев и советничката листа на СДСМ и Коалицијата повторно ќе биде посакувано место за живеење.„Чешиново Облешево со Горанчо Крстев – Грга ќе биде општина на задоволни граѓани, без корупција, уредена и чиста, со целосно подобра инфраструктурата, социјална сигурност на граѓаните, поддршка на младите, развој на туризмот и грижа за секое населено место“, рече Филипче.Од програмата на Крстев, која предвидува реални проекти, Филипче издвои изградба на крак од канализација со пречистителна станица во Соколарци, систем за техничка вода во Чешиново, Облешево, Чифлик и Уларци, повеќенаменско игралиште во Спанчево, реконструкција на улици и изградба на паркови и пешачки зони.„ВМРО-ДПМНЕ во последните четири години не реализира ниту еден капитален проект во општината, не покажа ниту волја, ниту капацитет за одговорно управување. Се што Горанчо Крстев им остави, го запреа. Сè што требаше да продолжи – го уназадија. Нема ништо од ветувањата за патот Соколарци–Чешиново, ниту од најавената бања во Баер, спортски сали и пречистителни станици. Локалната власт не покажа ниту волја, ниту капацитет за работа“, рече Филипче и ги повика граѓаните на 19 октомври да гласаат за бројот 5, за СДСМ и Коалицијата.

Македонија | пред 7 месеци

Мицкоски: Филипче зборува дека инфлацијата е висока, а до пред година и пол во време на СДСМ рушеше рекорди во Европа со над 20%

Овие избори се одлука за вашата иднина и за иднината на вашите деца. Вие го одбирате човекот кој ќе се грижи за вашето маало, за вашата улица, за вашата општина. Со тој избор вие сакате да имате човек кој ќе биде вашиот глас во општината, човек на кој можете да се потпрете кога ви треба помош, човек кој ќе ве сослуша кога имате што да кажете, кој ќе работи и ќе решава проблеми, рече претседателот на ВМРО-ДПМНЕ, Христијан Мицкоски на денешниот народен митинг во општина Чашка во рамките на кампањата за локалните избори закажани за во недела на 19 октомври, под слоган „Вистинскиот избор! Со твојот човек! За твоето место! За твојата иднина!“.Мицкоски порача дека со еден избор, кој е ВМРО-ДПМНЕ и коалицијата, на овие избори се оди напред, а со друг избор, СДСМ и нивната некаде формална, некаде неформална коалиција, граѓаните и државата се враќаат назад.„Досегашната кампања покажа дека изборот е лесно препознатлив. Но одлуката да излезете и да гласате е пресудно важна за да обезбедите иднина. Ние излегуваме со план, програма и визија зад која стојат внимателно одбрани проекти и решенија кои се одговор на вашите потреби. Не ветуваме чуда, чуда се невозможни, ние не сме чудотворци, а секој кој ветува чуда не ја говори вистината, ние ветуваме многу напорна, чесна и посветена работа“, рече Мицкоски.Од друга страна, додаде Мицкоски, нашите конкуренти ниту имаат програма, ниту имаат знаење, имаат само конструкции, фабрикувани лаги и многу омраза.„Поминавме седум тешки години кога претходната влада на СДСМ и ДУИ создаваше хаос, уривања, поделби и многу криминал и тие години на апатија и безнадежност народот не ги заборава, колку и денес да се трудат ова време да се заборави. Пред само 15 месеци истите тие луѓе беа причината за сите неправди и неуспеси. Сега истите тие не може да бидат алтернативата која ќе донесе резултати. И така безобразно продолжуваат и оваа кампања да не ја говорат вистината“, рече Мицкоски.Мицкоски ја прокоментира вчерашната изјава на претседателот на СДСМ, Венко Филипче кој рече дека инфлацијата е висока, потенцирајќи дека во време на власт на СДСМ, инфлацијата изнесувала и високи над 20%.Тој зборуваше за инфлацијата, стандардот на граѓаните и за тешкиот живот. Во прво време не го сфаќав сериозно и мислев дека тоа што го говори е практично нешто коешто му е кажано да го каже, па потоа ќе каже дека ја научиле грешката од минатото, дека еве сега врз основа ан таа грешка нема повеќе да грешеле, ако ја добијат довербата. Но во суштина сфатив дека тоа е нивната стратегија на овие избори да кажуваат нешто коешто воопшто и не го разбрале. Сфатив дека тие на оваа кампања, во овие избори, не само што не ја научиле лекцијата од минатото, туку продолжуваат истата грешка да ја прават. И кога не води црна кампања, тогаш не ја говори вистината и како што вели народот, лаже, па ќе зборува дека имало сега рекордно високо ниво на инфлација. До само пред година и половина, две години, Македонија беше рекордер во стапката на инфлација во Европа, којашто на моменти изнесуваше и повеќе од 20%“, посочи Мицкоски.

Македонија | пред 7 месеци

Полицијата во Гевгелија спречи обид за убиство на поранешен партнер врз девојка, лишени од слобода две лица

Денеска (13.10.2025) во Гевгелија, полициски службеници од ОВР Гевгелија ги лишиле од слобода Ј.Г. и Л.Г. од Гевгелија. Имено, во 14:42 часот, М.П.(25) од Гевгелија пријавила дека влезната врата од  нејзиниот дом тропале нејзиниот поранешен партнер Ј.Г., кој користел отсуство од Казнено-поправна установа, заедно со Л.Г., и се заканувале и притоа слушнала репетирање на огнено оружје. Набргу, полициски службеници пристигнале на местото, извршен е преглед на лицата, а во ормарот за чевли пронашле пиштол без рамка.Извршено било и алкотестирање и кај Л.Г. биле измерени 3,3 промили алкохол во крвта, по што двајцата се лишени од слобода.По целосно документирање на случајот, против нив ќе биде поднесена пријава по член 386 од Кривичниот законик, велат од МВР.

Македонија | пред 7 месеци

Андоновски: Реконструкција на градинката во Мелница и патот кон Врановци во општина Чашка

Кандидатот за градоначалник на општина Чашка, од редовите на ВМРО-ДПМНЕ, Дејан Андоновски, на денешниот митинг во рамките на изборната кампања под слоганот Вистинскиот избор! Твојот човек! Твоето место! За твојата иднина!, истакна дека ќе работи одговорно и чесно за да општината има подобри патишта, водоснабдување, чисти и осветлени улици и реконструирани градинки за подобра просперитетна општина Чашка.„Сите овие денови бевме меѓу вас — на вашите улици, во вашите домови, во секое маало и населено место, во секое село. Нашата цел е јасна: Чашка да живее подобро! Да има подобри патишта кои ќе ги поврзуваат селата, сигурно водоснабдување во секој дом, подобра канализација и уредена околина, чисти улици, осветлени населби, и услови кои ќе ги задржат младите тука, да создаваат, да работат и да градат иднина во своето место. Ќе се реконструира градинка во село Мелница, реконструкција на патот кон село Врановци, реконструкција на патишта во село Богомила и село Ореше, водоснабдување на жителите во село Лисиче, изградба на културен дом во општина Чашка итн“, рече Андоновски.Кандидатот за градоначалник на општина Чашка истакна дека доаѓа нов почеток за општината, со конкретни дела и проекти кои ќе се реализираат и општина без поделби, без разлика на верска и национална определба.„Градиме општина во која луѓето се сплотени, поддржани и еднакви. Општина во која нема поделби, туку рамо до рамо стоиме сите — земјоделци, работници, пензионери, млади, стоиме сите без разлика на верска и национална определба. Единството е нашата најголема сила! Кога сме обединети, ниту една пречка не е преголема. Кога сме заедно, секој проект е остварлив, секоја идеја станува реалност. Денес Чашка е на прагот на нова страница. Страница која ќе ја испишеме со работа, одговорност и љубов кон нашето место. Ние не ветуваме празни зборови — ние ветуваме дела. Ветуваме дека секое ветување ќе стане проект“, вели Андоновски.

Македонија | пред 7 месеци

Филипче: Со Вачно Митев да го вратиме Зрновци на патот на развојот!

„Да ја одбраниме куќата што ја градиме со децении, да се избориме за иднината на нашите деца и да го вратиме Зрновци на патот на развојот“, порача Претседателот на СДСМ, д-р Венко Филипче од граѓанскиот собир „Се бориме за нашиот дом“ во Зрновци.Филипче нагласи дека Зрновци заслужува повеќе и подобро, СДСМ и кандидатот за градоначалник, Ванчо Митев, нудат план за реален развој на општината, со подобар квалитет на водата за пиење, изградба на мини брана на реката Зрновка, стационар за кучиња, уредување на кејот и пешачки зони, мерки за младите и инвестиции во образованието.„Локалната власт на ВМРО-ДПМНЕ во Зрновци, предводена од Борчо Коцев, четири години ветуваше многу, а не реализира ниту еден значаен проект. Нема подобрување на социјалната инфраструктура, нема развој на туризмот, водоводната мрежа е дотраена, го нема ветениот комплекс за млади, ниту пречистителна станица“, рече Филипче, додавајќи дека Ванчо влезе во борбата за Зрновци, затоа што знае дека заедно со советниците од СДСМ, може да ја промени оваа тажна слика.Филипче нагласи дека СДСМ е подготвен е да го прекине уништувањето на општините и државата, да го зачува сработеното и да продолжи со создавање услови за достоинствен живот за сите.„Ние се бориме за локална власт што ќе биде сервис, а не трофеј. За глас што штити, а не што се злоупотребува. На претстојните избори на 19 октомври, граѓаните имаат можност да ја испратат пораката доста е! – државата мора повторно да се врати во рацете на луѓето“, порача Претседателот на СДСМ, д-р Венко Филипче од граѓанскиот собир во Зрновци.

Македонија | пред 7 месеци

Ќе има тестови за дрога за сите лекари, ако се прифатат измените на законот предложени од Алиу

Министерот за здравство Азир Алиу изјави дека лично смета оти треба да се воведе законска обврска за редовни токсиколошки анализи кај сите лекари, по објавата на скандалозната снимка на која поранешниот директор на Клиниката за неврологија, Игор Кузмановски, меша бела прашкаста материја и вели дека користи „само чисто бело“. Алиу, сепак, призна дека не е сигурен дали таквата обврска може веднаш да се вметне во некој од 12 здравствени закони што моментално се менуваат.„Правно не знам дали тоа може да се дефинира. Јас би сакал, како министер за здравство, да има таков член во законот, но да ви кажам во кој закон и дали тоа може да се формулира, не би сакал кога не сум сигурен. Јас лично би сакал да имаме уште една институција која ќе го проверува и тој момент, покрај стручноста“, рече министерот Алиу.Тој потврди дека сега веќе разрешениот директор Кузмановски од март годинава работел со истечена лиценца. Во моментот, неколку комисии — меѓу кои и Лекарската комора и Државниот санитарен и здравствен инспекторат — спроведуваат проверки за да утврдат дали и какви прегледи извршувал Кузмановски во периодот додека немал важечка лиценца.Министерот најави дека, иако не е сигурно дали може да се воведе законска обврска за токсиколошки тестови, ќе побара во системот „Мој термин“ да се вгради рокот на лиценцата на секој лекар, со автоматска забрана за логирање кога ќе истече нејзината важност.Алиу информираше и дека на местото на разрешениот Кузмановски е назначен нов вршител на должност — Јован Божиновски, специјалист невролог и асистент на Медицинскиот факултет во Скопје. Тој најави формирање две интерни комисии кои ќе спроведат стручен надзор врз работата на Клиниката и активностите на Кузмановски во изминатите 12 месеци.

Македонија | пред 7 месеци