(Видео) Дојавата за бомба во парламентот на Република Српска, каде се дискутираше за референдумот за Додик

Седницата на Народното собрание на Република Српска, закажана за изјаснување околу предлогот за организирање референдум, беше одложена поради дојава за бомба. Заседанието, кое требаше да почне во 10 часот, беше прекинато додека специјализирани полициски тимови го проверуваа просторот.„Во 10:07 стигна известување до службите на Народното собрание дека е поставена експлозивна направа и моравме да извршиме целосна евакуација“, изјави генералниот секретар на парламентот, Борана Босанчиќ.Владејачката коалиција, предводена од Сојузот на независни социјалдемократи (СНСД) на Милорад Додик, предложи Собранието да ја усвои оставката на премиерот Радован Вишковиќ, поднесена оваа недела, како и да донесе одлука за распишување референдум. На референдумот, граѓаните би се изјасниле дали треба да се почитува пресудата на Судот на БиХ со која Додик беше осуден на една година затвор, како и одлуката на Државната изборна комисија за одземање на неговиот мандат како претседател на РС.Хрватскиот европратеник Давор Иво Штир, известувач за БиХ во Европскиот парламент, оцени дека ваквите маневри на Додик се одамна видена тактика.„Додик повеќепати најавуваше референдуми и непризнавање на институциите на БиХ, за потоа сепак да ги признае. Ако продолжи да ја оспорува државноста, тоа не може добро да заврши – ни за него, ни за оние што го следат. Ако мислеше дека по победата на Доналд Трамп во САД ќе има простор за таква политика, се прецени. Тоа веќе се покажа неколку пати и ако продолжи, ќе ја влоши ситуацијата“, изјави Штир за сараевското „Ослобоѓење“.Во Република Српска досега е одржан само еден референдум – во септември 2016 година, за тоа дали 9 јануари ќе продолжи да се одбележува како „ден на РС“, и покрај одлуката на Уставниот суд на БиХ кој тоа го забрани. На тој референдум, кој беше оценет како нелегитимен, излегле околу 55% од регистрираните гласачи, а речиси сите што гласале, одговориле потврдно.

Свет | пред 8 месеци

Османи со националистички пораки во Чаир: „Не е лапсус – сакаат укинување на Рамковниот договор“

Кандидатот за градоначалник на Чаир од ДУИ, Бујар Османи, промовирајќи што ќе прави со општината, повторно се осврна на националистички прашања. Тој промовира теза дека се спрема укинување на Рамковниот договор. Ова доаѓа откако министерот за правда, Игор Филков рече „Бадентеровото мнозинство се злоупотребува, можеби е дојдено време да се ревидира“, а премиерот Христијан Мицкоски возврати: „Рамковниот договор е исполнет во целост и тоа е завршена тема“. Османи најави мобилизација, обвинувајќи дека „Македонија станува дел од српскиот свет“.„Јас мислам дека тоа не е лапсус и не е случајно, дека е дел од стратегијата на премиерот да бара од министрите да најават теми кои се многу проблематични, за потоа со празни деманти да балансира. Целта е во јавност да се пушти пробен балон, да се релативизира темата, да се навикне увото на граѓаните на таквата тема и еден ден како што направија со многу столбови на Рамковниот како јазикот, правото на одлучување на Албанците - да го поништат. Едно да кажам, нема да дозволат Албанците поништување на Рамковниот договор. Ова ќе нѐ најде мобизирани“, рече Османи.Според Османи, 461 пратеник од Европскиот парламент изгласале извештај според кој Македонија станува дел од српскиот свет.„Елементите на српскиот свет го фаќаат системот. Ова е изолација од ЕУ, станување дел од српскиот свет, кој е прокси на рускиот свет. Иднината на државата е загрозена“, рече Османи.

Македонија | пред 8 месеци

Амар Мециновиќ е кандидат за градоначалник на Скопје од Левица, Апасиев најави рекорден број кандидати на локалните избори

Претседателот на Левица, Димитар Апасиев соопшти дека кандидатот за градоначалник за Град Скопје од нивната партија ќе биде Амар Мециновиќ.„Левица ќе настапи со рекорден број на кандидати. На минатите избори имавме осум кандидати, оваа година ќе одиме со преку 20. Претходно имавме 38 советнички листи, а оваа година ќе одиме над 62. Ова покажува дека Левица прераснува од мала во средно-голема политичка партија. Почнуваме со претставување на кандидатот на градоначалник за Град Скопје, место кое ќе биде за најглавен мегдан“, рече Апасиев.Мециновиќ кажа кои ќе бидат негови приоритети, потсети дека бил и советник во Градот. Посебен фокус стави на јавниот транспорт, градската чистота, Генералниот урбанистички план, борбата со загадениот воздух.„Левица сака да ги обедини сите кои се против ВМРО-ДПМНЕ и СДСМ. Јавниот превоз ќе ни биде првиот примарен приоритет за кој ќе се залагаме. На нивна страна се парите и моќта, а за она што ние го нудиме тие немаат одговор. Ова е наша борба и наша приказна, за нашето Скопје. За граѓаните треба да биде јасно дека гласаат за политичка волја, која ни пресуди ние сега да немаме автобуси“, рече Амар Мециновиќ, кандидат за градоначалник на Центар.Мециновиќ влезе во трката со Орце Ѓорѓиевски кандидат на ВМРО-ДПМНЕ и Каја Шукова кандидатка на СДСМ.

Скопје | пред 8 месеци

(Видео) Украинците повторно нападнаа клучен руски нафтовод, Унгарија бесна: „Немаме нафта“

Украина изведат нов напад врз најголемата руска пумпна станица за нафта – дел од системот на нафтоводот „Дружба“, лоцирана во градот Унеча, Брјанска област. Информацијата ја потврди Роберт Бровди, познат како „Маѓар“, командант на украинските Сили за беспилотни системи, објави „Кијив Пост“.Според него, нападот бил изведен со дронови од 14. полк на украинските беспилотни сили. „UNECHA NPS – заврши во пепел“, напиша Бровди на „Телеграм“, објавувајќи и видео со пожарот по експлозиите. Постројката Унеча, сместена четириесетина километри од украинската граница е систем долг 9.000 километри снабдува со нафта руски воено-индустриски капацитети и претставува клучна извозна рута за Москва.На нападот веднаш реагираше унгарскиот министер за надворешни работи Петер Сијарто, кој соопшти дека „снабдувањето на Унгарија со сурова нафта повторно е запрено“. Тој го нарече ударот „нов напад врз енергетската безбедност на Унгарија“ и предупреди на „уште еден обид земјата да се вовлече во војната“.Ова не е прв случај на напад врз истата станица. На 13 август украински дронови исто така погодија дел од постројката, по што беа пријавени повеќекратни експлозии и голем пожар.Според податоците на Генералштабот на Украина, нападите врз руските компании и инфраструктура во 2025 година предизвикале штети од 74,11 милијарди долари, што е околу 4% од рускиот БДП. Речиси 80% од метите биле нафтени и гасни капацитети – рафинерии, складишта и логистички центри како што е Унеча.

Свет | пред 8 месеци

Ова се воените опции на Западот за Украина: „Европа ќе го даде лавовскиот дел од силите“

Војните команданти на САД и повеќе европски земји изминатите денови им претставија опции на своите советници за национална безбедност за тоа како да ѝ се обезбедат безбедносни гаранции на Украина, потврдија американски и европски функционери за „Ројтерс“.Средбата следеше откако американскиот претседател Доналд Трамп вети дека ќе помогне во заштитата на Украина како дел од секој можен договор за завршување на руската војна, која трае веќе три и пол години.На состанокот што се одржа од вторник до четврток во Вашингтон учествуваа началниците на генералштабовите на САД, Финска, Франција, Германија, Италија, Обединетото Кралство и Украина.Американскиот државен секретар Марко Рубио, кој воедно е и советник на Трамп за национална безбедност, одржал видео-конференција со своите европски колеги – меѓу нив британскиот советник за безбедност Џонатан Пауел, шефот на кабинетот на претседателката на Европската комисија Бјорн Сајберт и претставници од НАТО, Франција, Германија, Италија и Финска.Конечните детали допрва треба да се доработат, но според изворите, европските земји би дале „лавовски дел“ од силите во рамките на безбедносните гаранции за Украина. Тоа го потврди и американскиот потпретседател Џеј Ди Венс.Трамп изјави дека нема да распоредува американски копнени сили во Украина, но остави отворена можност за други форми на воен ангажман – како воздушна поддршка или дополнителни системи за противвоздушна одбрана.Меѓу разгледуваните опции е и испраќање европски сили во Украина под американско командување. Американската воздушна поддршка би можела да вклучува воведување зона на забрането летање, која би ја спроведувале американски борбени авиони.Францускиот претседател Емануел Макрон и британскиот премиер Кеир Стармер изразија подготвеност за учество во ваква „коалиција на подготвените“, а и германскиот канцелар Фридрих Мерц сигнализираше отвореност. Во Германија, претставници на воениот синдикат предупредија дека за долгорочни мировни сили во Украина ќе бидат потребни „десетици илјади војници“.Во меѓувреме, извори од Кремљ тврдат дека рускиот претседател Владимир Путин бара Украина да се откаже од амбициите за НАТО и да се повлече од целокупниот Донбас. Москва, според наводите, би прифатила замрзнување на фронтовите во Запорожје и Херсон, а дури и предавање на мали делови од регионите Харков, Суми и Дњепропетровск кои ги контролира.Путин останува цврст во барањето западните сили да не бидат распоредени во Украина – дури ни како мировни сили.

Свет | пред 8 месеци

Трамп со нова географска „лекција“: Крим е „среде океан“ и „голем колку Тексас“

Американскиот претседател Доналд Трамп повторно ја изненади јавноста со своите изјави за Украина. Во интервју за конзервативниот радио-водител Марк Левин, Трамп изјави дека Крим е „парче земја среде океан“ и „голем колку Тексас“.„Прекрасен е. Знаете, тој огромен дел земја што вирее среде океан, среде Црното Море. Толку е убав, навистина прекрасен,“ рече Трамп, додавајќи дека поранешниот претседател Барак Обама наводно ѝ порачил на Украина „да го препушти Крим на Русија“.Фактите се сосема поинакви. Крим не е „среде океан“, туку полуостров во Црното Море, кој со копното е поврзан преку украинската област Херсон. Со Русија е споен единствено преку 19-километарскиот Керчки мост, изграден по руската незаконска анексија во 2014 година – мост кој редовно е цел на украинските напади.Површината на полуостровот изнесува околу 27.000 квадратни километри, што е приближно еднакво на американската сојузна држава Масачусетс или на Хаити. Тексас, пак, е 26 пати поголем и дури нешто поширок од цела Украина.Во февруари 2014 година Русија распореди околу 30.000 војници на Крим, во време кога во Киев траеја крвавите денови на Евромајдан. За кратко време Москва ја презеде контролата и организираше нелегитимен референдум, без меѓународни набљудувачи и со вооружени војници на избирачките места. Кремљ тогаш објави дека 97% од гласачите наводно поддржале припојување кон Русија. Анексијата на Крим претставуваше најголемо насилно прекројување на границите во Европа по Втората светска војна – сè до целосната руска инвазија врз Украина во 2022 година.Ова не е првпат Трамп да даде конфузни изјави за Крим. Во април годинава тој на сопствената мрежа Truth Social напиша: „Зошто не се бореа за него пред 11 години, кога беше предаден на Русија без испукан куршум?“Фактите, сепак, јасно покажуваат дека Москва со години пред анексијата ја зголемуваше својата воена присутност на полуостровот преку договори со прорускиот претседател Виктор Јанукович. Русија тајно внесуваше ново оружје на Крим, а потоа го искористи политичкиот хаос во Киев за да ја преземе територијата.Со последната изјава, Трамп уште еднаш демонстрираше површно разбирање на географијата и на историјата на конфликтот. За Москва, пак, ваквите зборови од американски лидер се дипломатски подарок – бидејќи индиректно ја релативизираат најголемата повреда на меѓународното право во современа Европа.

Свет | пред 8 месеци

Раководител во Шуто Оризари украл 58.000 евра општински пари и си префрлил на своја фирма

Единицата за економски и компјутерски криминал при СВР Скопје поднесе кривична пријава против раководител на сектор во општина Шуто Оризари, кој со лажни налози за исплата и злоупотреба на печат и потпис успеал да присвои 58.000 евра. Дел од парите ги префрлил кон фирма од Скопје, а остатокот кон фирма што самиот ја основал и во која бил сопственик.Единицата за економски и компјутерски криминал при СВР Скопје, постапувајќи по претходно добиени оперативни сознанија, расчисти случај во врска со кривичното дело Измама во службата, при што против лицето Д.А. (51) вработен како раководител на сектор во општината Шуто Оризари до ОЈО Скопје поднесе кривична пријава по член 355 став 3 од Кривичниот законик. Имено, според сознанија од истрагата, осомничениот при крајот на 2023 година како раководител на сектор во општина Шуто Оризари со цел да прибави противправна имотна корист – од буџетската сметка на општината, по основ на одржување на училишни објекти, во пет наврати изготвил лажни налози за исплата на парични средства, злоупотребувајќи печат на општината како и скратен потпис на актуелен градоначалник на истата. Притоа откако ги пуштил паричните средства од трезорска сметка парите биле префрлени по основ на три налози кон правно лице од Скопје, а дополнително осомничениот формирал уште едно правно лице во кое тој бил сопственик каде што исто така пуштил уште два парични налози. На тој начин осомничениот Д.А. го оштетил буџетот на општина Шуто Оризари за 3.600.000 денари (58.000 евра)“, соопшти полицијата.

Скопје | пред 8 месеци

Познатиот грчки политичар Апостолос Везиропулос почина по срцев удар на Халкидики

Поранешниот пратеник и висок функционер на Нова демократија, Апостолос Везиропулос, почина на 59-годишна возраст, откако доживеа срцев удар за време на престој на плажа во Ситонија, Халкидики. Веста ја објави грчката телевизија „Скај“.Како што пишуваат грчките медиуми, несреќата се случила вчера попладне на плажата Калогрија, каде поранешниот заменик-министер за финансии и актуелен секретар на пратеничката група на Нова демократија се почувствувал лошо додека бил во еден од баровите на плажата. Итна помош го пренела во Здравствениот дом „Агиос Николаос“, каде лекарите и спасувачите се обидувале да го реанимираат.Тој бил префрлен во болницата „Папагеоргиу“ во Солун, каде за жал била констатирана смрт.Подоцна бил транспортиран во болницата „Папагеоргиу“ во Солун, каде лекарите ја констатирале неговата смрт.Апостолос Везиропулос е роден на 29 мај 1966 година.Сочувство за неговата смрт изразија европратеникот од ПАСОК, Никос Папандреу, и портпаролот на СИРИЗА, Костас Захаријадес.фото: ФБ

Свет | пред 8 месеци

(Видео) Ким плаче и ги прегрнува војниците, прв пат ги признава загубите кај Курск: „Простете ми“

Севернокорејскиот лидер Ким Џонг Ун им оддаде почит на војниците кои загинаа борејќи се на страната на Русија во војната против Украина, велејќи дека „му се крши срцето“, во ретко признание за воените загуби на Пјонгјанг, објави Си-Ен-Ен.Ким ги даде овие коментари на церемонија во Пјонгјанг, каде што се сретна со командантите на единица која се бореше во западниот руски регион Курск, објави севернокорејскиот државен медиум КЦНА. Тој ги пофали како „херојска армија“, а фотографиите се гледа како закачува медали на нивните униформи. Фотографиите објавени од КЦНА, исто така, покажуваат како Ким става значки на врамени фотографии од загинатите војници, чии имиња беа напишани со златна боја под сликите.„Срцето ме боли и огорчен сум додека се соочувам со реалноста дека благородните личности кои ги дадоа своите скапоцени животи за големата победа и слава можат да се сретнат само преку фотографии на спомен-ѕидот“, рече Ким во својот говор. „Додека стојам пред ожалостените семејства на паднатите војници, не знам како да го изразам моето жалење и извинување што не успеавме да ги заштитиме нашите драгоцени синови.“Според објавените снимки, церемонијата била исклучително емотивна. Ким се сретнал со ожалостените членови на семејството кои плачеле и им оддале почит на сликите од војниците. На неколку фотографии се гледа како Ким ги прегрнува расплаканите деца и војници. По церемонијата, властите одржаа банкет во чест на единицата што се вратила.

Свет | пред 8 месеци

(Видео) Хиперсоничните ракети – „супероружје“ што може да ја смени војната

Хиперсоничните ракети, новата генерација на офанзивни оружја што летаат со брзини повеќекратно поголеми од звукот и можат да маневрираат во лет, стануваат централна точка на глобалната трка во вооружувањето. Русија и Кина предничат во развојот, додека САД и сојузниците настојуваат да ја достигнат технолошката рамнотежа.Кина уште во 2019 година на парадата во Пекинг ја претстави ракетата DF-17, додека Русија се фали со системите „Авангард“ и „Орешник“. Вашингтон последниве години инвестира во сопствени програми како „Dark Eagle“, но заостанува поради деценискиот фокус врз антитерористички операции.Хиперсоничните ракети летаат најмалку пет пати побрзо од звукот (Mach 5), на ниски височини и со можност за нагли промени на насоката, што ги прави речиси невидливи за радарите. За разлика од класичните балистички проектили, овие оружја се појавуваат на сензорите дури во последната фаза на летот, оставајќи многу малку време за одбрана и пресретнување.Постојат два вида:Хиперсонични „glide“ проектили, кои се истрелуваат и потоа клизаат кон целта.Хиперсонични крстосувачки ракети, што користат scramjet мотори и летаат блиску до земјата.Според експерти, нивната најголема закана не е само разорната моќ, туку фактот што е речиси невозможно навреме да се откријат.Рускиот претседател Владимир Путин редовно ја истакнува оваа предност, со тврдења дека „можат да претворат градови во прашина“. Минатата година Москва тестираше нов модел „Орешник“ над украинскиот град Днипро, кој достигнал брзина од Mach 11 и се распаднал во повеќе боеви глави што погодија различни цели. Стратезите предупредуваат дека вакво оружје може за неколку минути да стигне до било кој европски град.Покрај Русија, Кина и САД, и други држави вложуваат во оваа технологија: Иран тврди дека располага со хиперсонични ракети, Израел развива системи за пресретнување, а Северна Кореја демонстрира редовни тестирања. Франција и Јапонија, исто така, инвестираат во истражувања.Иако експертите предупредуваат на потенцијалот за стратешка надмоќ, дел од воените аналитичари сметаат дека заканата е делумно пренагласена. „Нападот и одбраната уште немаат совршено решение,“ вели поранешниот британски адмирал Том Шарп.Едно е сигурно – кој прв ќе успее да создаде ефикасен хиперсоничен арсенал, ќе стекне клучна предност во геополитичките судири на иднината.

Свет | пред 8 месеци

Сиљановска-Давкова: Струга е поетска република што гради мостови и го менува светот

Претседателката Гордана Сиљановска-Давкова синоќа го отвори 64. издание на Струшките вечери на поезијата, каде што во рамки на свеченото отворање се одржа и Меѓународното поетско читање „Поетски меридијани“.Во своето обраќање, Сиљановска-Давкова потсети дека фестивалот започнал во 1961 година, по повод стогодишнината од издавањето на Зборникот на браќата Миладиновци, и оцени дека Струга прераснала во „поетска република“ која обединува творци од целиот свет.„Најважните белези на струшкиот поетски републиканизам се универзалноста, отвореноста, инклузивноста, рамноправноста, талентираноста и слободољубивоста. Струга е место што ги спојува поетите без разлика на политичките или идеолошките поделби“, рече претседателката.Таа предупреди на предизвиците од дигиталната зависност, сензационализмот и брзиот развој на технологијата, нагласувајќи дека и покрај вештачката интелигенција, „само поетите се господари на чувствата и волшебници на зборот“.Сиљановска-Давкова потсети на судбината на забранети книги, меѓу кои и АБЕЦЕДАРОТ, и истакна дека „живиот збор е делотворно оружје што може да ја разбуди совеста, да поттикне активност и да ја промени реалноста“.Таа го поздрави враќањето на традиционалните белези на фестивалот – читањата кај Св. Климент во Охрид, поетското пловење до Св. Наум и матинето во дворот на „Св. Богородица Перивлепта“, и ги прогласи овогодинешните Струшки вечери за отворени.„Од тука, од Струга, вие сте го менувале и сѐ уште можете да го менувате светот, градејќи вечни поетски мостови од мислата и зборот, проткаени со ум и чувства“, порача Сиљановска-Давкова.

Македонија | пред 8 месеци

(Видео) Џамбазов е репер за преживување, нема човек што е позлоупотребуван од него, раскажа Михајловски

Актерот Тони Михајловски во втората сезона на подкастот „Претрес со Ландов“ проговори за својот колега Игор Џамбазов, опишувајќи го како човек кој успеал да преживее најтешки животни премрежја, а притоа никогаш не злоупотребил никого – иако самиот многу пати бил злоупотребен од луѓето околу него.„Игор Џамбазов сам по себе е репер за тоа како се преживува на оваа сцена и што сè може човек да поднесе. Нема човек што толку сака да помогне на друг, а истовремено нема човек што е повеќе злоупотребуван од него“, изјави Михајловски.Михајловски раскажа и сцена од минатото, кога Џамбазов престојувал во Неготино, без средства за живот.„Седиме, има пари за една паштета и четврт лепче, и во тој момент му се јавува човек од Скопје. Игор мислеше дека конечно добива спас, излез од блатото. Но човекот дојде единствено за да му потпише авторски права за некоја песна. Го злоупотреби тоа што го познава“, рече Михајловски.Според него, токму во тие моменти Џамбазов ја сфатил суровата вистина – дека многу од луѓето што ги сметал за блиски гледаат само свои интереси.И покрај сите падови, Михајловски истакнува дека Џамбазов секогаш успевал да се врати.„Успеал да излезе од најтемните улички на својот живот, од најподрумските простории, па да стане синоним и препознатлив симбол за мултиталентираност во државата. И потоа ќе се појави некој новокомпониран и ќе рече – не може тој да ми биде репер. Како не може?“, праша Михајловски.На крајот заклучи: „Џамбазов најмногу се повредил себеси и оние најблиски околу него. Но за другите – секогаш бил само од корист. Никогаш никого не искористил, а него – предолго и премногу“.Михајловски за првпат раскажа во детали за неговиот живот, но и за односот со политиката, колеги...Погледнете:

Магазин | пред 8 месеци

Десетдневниот пожар во „Јасен“ конечно изгаснат со помош на дождот

Дождот кој утрово заврна на подрачјето на ловиштето „Јасен“ и траеше нешто повеќе од два часа помогна да се изгасне пожарот што повеќе од десетина дена пустошеше во регионот.И покрај обилните врнежи, на одредени делови од пожарната линија и понатаму има чадење.„По кревањето на маглата и чадот ќе продолжиме со пешадиско дејствување врз жешките точки кои покажуваат знаци на горење. Овој терен ќе биде пребаран и со дронови со термални камери“, изјави директорот на ЦУК, Стојанче Ангелов.Екипи на ЈП „Јасен“ продолжуваат со патролирање се додека не се потврди дека пожарот е целосно изгаснат.Дожд денес падна претежно во северните и северозападните делови на државата, додека во источните, југоисточните, централните и југозападните региони засега немаше врнежи.Според прогнозите на УХМР, денес се очекува силен ветер со брзина до 60 км/час, што значително го зголемува ризикот од нови пожари на отворен простор.„Апелирам до граѓаните да бидат исклучително внимателни за да не предизвикаат пожар, но и да пријават секое сомнително однесување. Доколку забележат електрични жици кои се допираат или искрат, веднаш да пријават во ЕВН или на бројот 112“, порача Ангелов.

Скопје | пред 8 месеци

(Видео) Дури за неверување: Вака изгледа едно игралиште во Шутка

И покрај бројните реакции на жителите и јавноста, состојбата со дивата депонија спроти Општина Шуто Оризари останува непроменета. Наместо простор за одмор и забава на најмладите, детското игралиште и понатаму е опкружено со купишта отпад – кеси, стари предмети и разнолик ѓубретарник кој секојдневно се зголемува.Дел од граѓаните реагираат дека местото станува жариште од каде потенцијано може да се шират зарази, па гледаат опасност по нивното здравје.Несоодветното управување со јавните простори во оваа општина повторно ја става под прашање одговорноста на надлежните, но и свеста на дел од граѓаните за сопствената околина.

Скопје | пред 8 месеци

Првпат во историјата на Блискиот исток: ОН официјално прогласуваат глад во Газа – Израел очекувано бесен

Обединетите нации преку Integrated Food Security Phase Classification (IPC) денеска ќе објават дека во градот Газа настапил глад – првпат во историјата на Блискиот исток. Станува збор за административната единица „Gaza Governorate“, во која живеат околу половина милион луѓе, опфатени со градот Газа, три околни населби и неколку бегалски кампови.IPC, кој постои од 2004 година и досега прогласил глад само четири пати во светот (последен пат во Судан 2024), сега утврдува дека повеќе од 20% домаќинства се соочени со екстремен недостиг на храна, најмалку 30% деца се акутно потхранети, а над 2 лица на секои 10.000 дневно умираат од директна глад.„По 22 месеци војна, повеќе од половина милион луѓе живеат во услови на глад, беда и смрт“, стои во извештајот на IPC. Организацијата предупредува дека состојбата до крајот на септември ќе се прошири и во покраините Деир ал-Балах и Кан Јунис.Веќе сега 1,07 милион луѓе – повеќе од половина од населението на Појасот Газа – живеат во услови на „извонредна несигурност со храна“, втората највисока категорија на IPC скалата. До крај на септември се очекува бројот на луѓе во „катастрофална состојба“ да достигне 641.000, а оние со екстремна несигурност да надминат 1,14 милиони.Израелската влада веднаш ќе ја оспори оваа објава. Премиерот Бенјамин Нетанјаху тврди дека „стотици камиони со помош секојдневно влегуваат во Газа“ и дека, доколку навистина се спроведувала политика на изгладнување, „никој таму не би бил жив по две години војна“. Како аргумент, Нетанјаху наведе и видеоснимка на еден од израелските заложници во рацете на Хамас, додавајќи: „Единствените кои намерно се изгладнуваат во Газа се нашите таоци.“Во исто време, израелската армија мобилизира 60.000 резервисти и подготвува голема копнена офанзива за „преземање контрола над градот и уништување на Хамас“.Ова е првпат IPC официјално да прогласи глад на Блискиот исток и само петти пат во светски рамки од основањето на механизмот. Тоа претставува тежок удар за имиџот на Израел на меѓународната сцена, во момент кога Тел Авив е под растечки притисок заради хуманитарната катастрофа.

Свет | пред 8 месеци

Научници: Недоволниот внес на вода ја зголемува реакцијата на стрес

Луѓето кои не пијат доволно вода имаат посилна биолошка реакција на стрес, покажува ново истражување на Универзитетот „Џон Мурс“ во Ливерпул (LJMU).Студијата опфатила 32 испитаници – половина кои пиеле помалку од 1,5 литри вода дневно и половина кои ги исполнувале препораките за дневен внес на течности. Според Европската агенција за безбедност на храна (EFSA), мажите треба да внесуваат околу 2,5 литри вода, а жените најмалку 2 литри.Во период од седум дена научниците ја следеле хидратацијата на испитаниците преку примероци од урина и крв, а потоа тие биле подложени на „стрес тест“ во лабораториски услови – лажен интервју разговор за работа и задача со ментална аритметика пред панел од тројца „испитувачи“ во бели мантили.Професорот Нил Волш го опиша тестот како „навистина вознемирувачки“. Иако и двете групи покажале слични реакции како зголемен пулс, суви усти и тремор, клучната разлика била во биохемиските показатели. Кај оние со низок дневен внес на вода, нивото на кортизол – примарниот хормон на стрес – било значително повисоко.„Знаевме дека луѓето кои не внесуваат доволно течности се веројатно лошо хидрирани. Но, не беше познато дали нивната реакција на стрес ќе биде поразлична. Сега видовме дека тие навистина имаат многу повисок одговор на хормонот на стрес,“ објасни Волш.Прекумерното лачење на кортизол е поврзано со зголемен ризик од срцеви заболувања, дијабетес и депресија. Научниците заклучуваат дека одржувањето на соодветна хидратација може да помогне за подобра контрола на стресот и да има долгорочни придобивки за здравјето.„Држењето шише вода во близина, особено во стресни периоди, е мала навика што може да донесе голема корист,“ препорачуваат авторите на студијата.

Магазин | пред 8 месеци

Истрага против скопјанец за поседување детска порнографија

Против 27-годишен скопјанец се води истрага за производство и дистрибуција на детска порнографија, откако на негови уреди биле пронајдени фотографии и видеа со таква содржина.-Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило продолжено кривично дело – Производство и дистрибуција на детска порнографија согласно член 193-а став 3 во врска со став 2 од Кривичниот законик.Осомничениот, сега на возраст од 27 години, одреден период набавувал и поседувал фотографии и видео записи детска порнографија кои ги зачувал на својот мобилен телефон и таблет. Материјалите во форма на фотографии и видеа на кои биле прикажани очигледни полови дејствија со деца ги прибавувал од други лица преку различни интернет апликации, веб страници и форуми.Со цел негово обезбедување во текот на постапката, јавниот обвинител предложи да му бидат определени повеќе мерки на претпазливост, кои вклучуваат забрана за напуштање на живеалиште/престојувалиште, одземање на патна исправа, повремено јавување во Судот, но и забрана да користи какви било интернет апликации на мобилни телефони и други уреди, како и забрана да одржува какви било контакти со лицата со кои преку интернет профили во странство разменувал детска порнографија, се вели во соопштението на ОЈО.

Македонија | пред 8 месеци

Германска истрага откри скопјанец кој дистрибуирал детска порнографија преку „Телеграм“

Секторот за компјутерски криминал при МВР поднесе кривична пријава до Основното јавно обвинителство Скопје против 27-годишниот Ф.М. од Скопје, поради основано сомнение за сторено кривично дело „Производство и дистрибуција на детска порнографија“ предвидено по член 193-а став 3 од Кривичниот законик.Акцијата била спроведена по добиена информација од германската полиција за меѓународна истрага во врска со сексуална злоупотреба на деца, поседување и дистрибуција на материјали со таква содржина. Германските органи доставиле податоци за кориснички профил на апликацијата „Telegram“, со телефонски број и ИП-адреса регистрирани во Македонија.Врз основа на тие сознанија, Секторот за компјутерски криминал презел мерки за прибирање на докази. На 20 август 2025 година, по наредба на Основниот кривичен суд Скопје, бил извршен претрес во домот на Ф.М. и неговите помошни простории, како и пребарување на компјутерски системи и податоци. При претресот биле пронајдени и одземени предмети поврзани со случајот, кои ќе бидат предмет на понатамошна анализа.Ф.М. бил лишен од слобода и приведен во Полициската станица Гази Баба, а за случајот е известен надлежен јавен обвинител кој ќе ја води понатамошната постапка.

Македонија | пред 8 месеци

Трамп со нов ултиматум, Путин има две недели рок за мир во Украина

Американскиот претседател Доналд Трамп изјави дека неговата администрација ќе знае во рок од две недели дали ќе се постигне мир во Украина, предупредувајќи дека ако не, тој ќе „заземе поинаков пристап“. Оваа изјава е последна во низата рокови што Трамп ги постави за завршување на војната, кои досега поминаа без конкретни акции, пишува The Kyiv Independent.„Во рок од две недели ќе знаеме дали ќе има мир во Украина. После тоа, можеби ќе мора да заземе поинаков пристап“, рече Трамп. Неговите коментари следеа по средбата со украинскиот претседател Володимир Зеленски, која се одржа само неколку дена по средбата на Трамп со рускиот претседател Владимир Путин, но без никаков напредок во преговорите.Владимир Путин бара Украина да се откаже од целиот источен регион Донбас, да се откаже од амбициите за членство во НАТО, да остане неутрална и да ги држи западните трупи надвор од земјата, изјавија за Ројтерс извори запознаени со размислувањата на високо ниво на Кремљ.Рускиот претседател кој се сретна со Трамп во Алјаска минатата недела дека се надева дека средбата ќе го отвори патот кон мир во Украина – но ниту еден лидер не даде детали за тоа што разговарале.Во суштина, руските извори велат дека Путин направил компромис во врска со територијалните барања што ги изложи во јуни 2024 година, а кои бараа од Кијив да ги отстапи сите четири провинции што Москва ги смета за дел од Русија: Донецк и Луганск во источна Украина – кои го сочинуваат Донбас – плус Херсон и Запорожје на југ.Путин, исто така, се држи до своите претходни барања Украина да се откаже од своите амбиции за НАТО и за правно обврзувачка обврска од воениот сојуз предводен од САД дека нема да се шири понатаму кон исток, како и за ограничувања на украинската армија и договор дека нема да бидат распоредени западни трупи на теренот во Украина како дел од мировните сили.

Свет | пред 8 месеци

(Видео) Албанија по примерот на Рио, има нова туристичка атракција – поставена првата статуа на Исус Христос

Во северниот дел на Албанија, во регионот Никај-Мертур кај планинскиот град Тропоја, е откриена првата статуа на Исус Христос во земјата. Споменикот, кој го прикажува Христос со раширени раце, потсетува на светски познатата статуа „Христос Спасителот“ во Рио де Жанеиро.Автор на делото е локалниот жител Сокол Ндуе Прогни, кој успеал да ја долови сличноста со оригиналниот бразилски монумент. На свеченото откривање присуствуваа претставници на црквата, жители на Тропоја, како и гости од други делови на Албанија и од дијаспората. Поставувањето на статуата е резултат на иницијативата на верници и локални организации, со намера да се создаде нова туристичка атракција во северниот дел на земјата. Организаторите очекуваат споменикот да стане препознатлива туристичка дестинација и да привлече посетители и од Албанија и од странство.

Свет | пред 8 месеци

Македонскиот бокс во жалост: Загина 19-годишниот Еди Насуфи

Македонскиот бокс е завиен во црно по трагичната вест за смртта на младиот боксер Еди Насуфи, кој загина во сообраќајна несреќа во изминатите денови. Тој имаше само 19 години.Насуфи беше редовен репрезентативец на Македонија во повеќе возрасни категории и важеше за еден од најголемите таленти на македонскиот младински бокс. Своите спортски вештини ги развиваше во струшкиот клуб „Синди“, каде остави силен впечаток со својот талент и посветеност.Големата загуба ја потврдија и бројни спортски колективи, меѓу кои и македонскиот фудбалски прволигаш Струга Трим Лум, кој преку соопштение изрази искрено сочувство до семејството на младиот спортист.Еди Насуфи е роден во струшкото село Велешта. Неговиот предвремено прекинат живот остави длабока трага кај спортската јавност и кај сите кои го познаваа како млад боксер со огромен потенцијал и светла иднина пред себе.

Спорт | пред 8 месеци

Шумската полиција ќе има бенефициран стаж

Вработените во Шумската полиција добиваат бенефициран стаж, соопшти заменик генералниот директор на ЈП „Национални шуми“ Кире Михаилов, оценувајќи дека прашањето „со години стоело на маса“. Веста ја сподели и претседателот на НСП, Мартин Ефремов, со честитка за „израмнување на правата со колегите од МВР“.„Преубава вест е што бработените во Шумската полиција конечно добија бенефициран стаж. Шумската Полиција од самото нејзино формирање го заслужуваше ова, но, во изминатиов период ниту едно раководство не сакаше ова битно прашање да го реши иако истото стоеше на масата на сите“, напиша Михаилов.Истата информација ја сподели и Мартин Ефремов претседател на Независниот синдикат на полицијата - НСП.„Честитки за големиот успех на колегите од шумската полиција кои останаа доследни на Независниот синдикат на полицијата. Опстоија храбро во идејата за израмнување на правата и должностите со колегите од МВР, за денес конечно тоа да се оствари.Покрај сите кочничари на процесите, таканаречени синдикалци и не искрени политичари кои не можат да се помират со статусот кои НСП го има денес, цврсто газиме напред. Многу скоро и со нов колективен договор во МВР и нов Закон за судска служба.Она што некој не знаеше или немаше храброст да го направи за да не ги изгуби личните привилегии, во последната година дена решително НСП го прави не како поединци туку како тим, а резултатите се евидентни“, напиша тој.

Македонија | пред 8 месеци

Пожар пред зграда на „Кочо Рацин“ – изгоре „опел“, оштетен и џип

Две возила беа зафатени од пожар што ноќеска околу 2:40 часот избувна на паркинг пред зграда на булевар „Кочо Рацин“ во Скопје. Повредени лица нема, а огнот бил изгаснат од екипите на Бригадата за противпожарна заштита.Денеска (21.08.2025) во 02:42 часот во СВР Скопје било пријавено дека на паркинг пред зграда на бул.„Кочо Рацин“ во Скопје било опожарено патничко возило „опел инсигниа“ со скопски регистарски ознаки, сопственост на А.Л.(32) од Скопје.Од пожарот било зафатено и патничко моторно возило „тојота лендкрузер“ со скопски регистарски ознаки, сопственост на В.А. (68) од Скопје. Бригадата за противпожарна заштита Скопје го изгаснала пожарот, а повредени лица нема. Увид на местото бил извршен од увидна екипа од СВР Скопје, информира МВР.

Скопје | пред 8 месеци

Млад возач загина во уште една сообаќајна несреќа, излетал со мерцедесот на патот Струга-Дебар

Уште една жртва на сообраќајна несреќа во земјава. 19-годишен возач од Велешта загина синоќа откако неговиот „мерцедес“ излетал од патот на регионалниот пат Струга – Дебар.На 20.08.2025 околу 23:30 часот во ОВР Струга било пријавено дека на регионалниот пат Струга-Дебар, во с.Велешта, струшко, патничко возило „мерцедес“ со струшки регистарски ознаки, управувано од Е.Н.(19) од с.Велешта, излетало од коловозот. Од здобиените повреди на местото на несреќата починал возачот Е.Н., а лекар од Итна медицинска помош констатирал смрт. Увид на местото на несреќата извршила увидна екипа на ОВР Струга, а по наредба на јавен обвинител телото на починатиот било дадено на обдукција, соопшти МВР.

Македонија | пред 8 месеци

ЦУК: Пожарот е во објект на „Макотекст“ во Карпош 4, интервенираат пожарникари и хеликоптер

Директорот на Центарот за управување со кризи (ЦУК), Мухамед Али, соопшти дека пожарот што избувна во Скопје е настанал во поранешниот објект на „Макотекст“ на улица Никола Парапунов во Карпош 4. Вели дека го гаснат десетина пожарникари со пет противпожарни возила, а во акцијата учествува и воздухоплов на ДЗС кој исфрли вода врз објектот.Гори поранешен објект на Макотекст фирмата на улица Никола Парапунов покрај Кеј на Вардар кај мостот Обединети Нации. Се работи за стар објект кој повеќето од објектот нема функционалност, но во еден дел има отворено сервис за возила, барака, која има бои и лакови и други хемикалии. Еден воздухоплов на ДЗС враќајки се полн со вода од извршување на задачата за подршка во гаснење на пожарот во Маврово-Ростуше го забележал густиот дим од пожарот на објектот во Карпош и исфрлил вода над пожарот на објектот. Пожарот го гаснат неколку екипи (10 пожарникара) на Бригадата со повеќе (5 ПП) противпожарни возила, соопшти Али.

Скопје | пред 8 месеци