Промени тема
Контакт
Нова вест Админ
site logo skopje1
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме

Најнови вести

3 нед.
Screenshot-2025-01-21-at-14.36.37

Трамп: Во следните два дена би можеле да се одржат разговори со Иран

Американскиот претседател Доналд Трамп изјави дека разговори меѓу САД и Иран би можеле да се одржат во следните два дена.Во изјава за New York Post, Трамп рече дека „нешто би можело да се случи во следните два дена“, најавувајќи можен нов дипломатски развој.Тој додаде и порака до новинар, советувајќи го да остане во Пакистан, со објаснување дека таму се „посклони кон заминување“, алудирајќи на можни преговори што би се одржале во регионот.

Свет | пред 3 седмици

3 нед.
media-library06n17o41rd039MbAVnX

Цените на нафтата паднаа под 96 долари

Цените на нафтата денеска паднаа на меѓународните пазари под 96 долари по барел, откако инвеститорите беа смирени од сигналите за нова рунда преговори меѓу Иран и САД.На лондонскиот пазар барелот се тргуваше по цена пониска за 3,67 долари во однос на вчерашното затворање, односно 95,69 долари, додека на американскиот пазар цената изнесуваше 93,19 долари.Претходно, пазарите беа вознемирени поради најавата за американска поморска блокада на Ормускиот теснец, што ги зголеми стравувањата од нарушување на снабдувањето.Во меѓувреме, сигналите дека преговарачките тимови би можеле повторно да се состанат во Исламабад придонесоа за смирување на ситуацијата, иако тензиите во регионот сè уште остануваат високи.Податоците покажуваат и дека дел од танкерите продолжиле да пловат низ Ормускиот теснец, што дополнително влијае на стабилизацијата на пазарот, додека ОПЕК објави и раст на цената на својата нафтена кошничка.

Свет | пред 3 седмици

3 нед.
media-libraryd9eo1lt3cbkf0VtbIgs

Американска војска: Ниту еден брод не ја проби блокадата

Американската војска соопшти дека во првите 24 часа од почетокот на поморската блокада на иранските пристаништа, ниту еден брод не успеал да ја пробие блокадата.Командата на американските сили ЦЕНТКОМ наведе дека во операцијата учествуваат повеќе од 10.000 припадници на морнарицата, маринците и воздухопловните сили, како и повеќе од десет воени бродови и десетици авиони.Според нивните податоци, шест трговски бродови се повлекле по американските наредби и се вратиле кон иранските пристаништа.Вашингтон тврди дека блокадата се спроведува еднакво врз сите бродови што се обидуваат да влезат или да излезат од иранските пристаништа и крајбрежни води.Американската страна додава дека истовремено се обезбедува слободна пловидба низ Ормускиот теснец за бродовите што се движат кон пристаништа надвор од Иран, додека тензиите во регионот дополнително растат поради ескалацијата на конфликтот.

Свет | пред 3 седмици

3 нед.
media-libraryga4gm9argg72e5IqloG

(Видео) Ауди, мазда и камион се судрија, има повредени: тешка сообраќајка во Скопје, едно возило превртено

Тешка сообраќајна незгода со три возила се случи попладнево на булеварот „Словенија“ во Скопје, при што две лица се здобиле со повреди и се пренесени во болница.Од Министерството за внатрешни работи информираат дека незгодата била пријавена денеска во 15:30 часот во СВР Скопје. Во судирот учествувале патничко возило „ауди“ со скопски регистарски ознаки, управувано од И.И. (45), патничко возило „мазда“ со пробни таблички, управувано од С.А. (31), како и товарно возило со кумановски регистарски ознаки, управувано од И.К. (37) од Куманово.Во незгодата со повреди се здобиле две лица, кои со возила на Итната медицинска помош биле пренесени во здравствена установа за укажување помош.Надлежните служби вршат увид на местото на настанот, по што се очекуваат повеќе детали за причините за сообраќајката.

Скопје | пред 3 седмици

3 нед.
media-libraryb4pgv2eeu4u32CwrZBr

Израел: Одлуката на Италија нема да влијае врз нашата безбедност

Израел соопшти дека одлуката на Италија да го суспендира обновувањето на одбранбениот договор нема да има влијание врз безбедноста на земјата.Од Министерството за надворешни работи на Израел наведуваат дека не станува збор за класичен безбедносен договор, туку за меморандум за разбирање од пред многу години, кој, како што тврдат, никогаш немал суштинска оперативна содржина.„Немаме безбедносен договор со Италија“, изјави портпарол на министерството, додавајќи дека оваа одлука нема да влијае на безбедноста на Израел.Претходно, италијанската премиерка Џорџа Мелони соопшти дека Рим ја суспендира автоматската обнова на одбранбениот договор со Израел, што се толкува како значаен политички пресврт во односите меѓу двете земји.Одлуката доаѓа во услови на засилени тензии на Блискиот Исток, особено поради конфликтите во Либан.Реакција пристигна и од израелската опозиција. Лидерот Јаир Лапид ја оцени одлуката како „срамен неуспех“ на премиерот Бенјамин Нетанјаху и министерот за надворешни работи Гидеон Саар, обвинувајќи ја владата дека не успеала да ги заштити интересите на Израел дури ни кај традиционалните сојузници.

Свет | пред 3 седмици

3 нед.
media-library7cu7671uq944fC3vkXf

Сахарска прашина се движи кон Македонија

Сахарскиот бран на прашина што деновиве ја зафати Грција се проширува и кон Македонија, каде што од денес веќе е регистрирано зголемено присуство на прашина и песок во атмосферата.Метеоролозите од Грција и Македонија најавуваат дека оваа појава ќе трае најмалку до петок, 17 април, при што во одредени делови од Грција и јужните региони на Македонија се очекуваат и повремени калливи врнежи. Истовремено се предупредува дека и во северните делови од земјата атмосферата ќе остане заматена поради јужните воздушни струења што носат честички од Сахара.Според прогнозите, освен променливото и нестабилно време, граѓаните може да почувствуваат потежок и посув воздух, намалена видливост, како и наслаги од прашина на автомобилите и прозорците по врнежите.Најзагрозени од ваквите услови се хронично болните лица, лицата со астма, постарите граѓани и малите деца, кај кои зголемената концентрација на честички во воздухот може да предизвика или да ги влоши респираторните тегоби. Се препорачува да се избегнува подолг престој на отворено, особено во попладневните часови и при засилен ветер.

Македонија | пред 3 седмици

3 нед.
media-librarya5arflbe25bpfPF3qwb

Трамп: На Европа очајнички ѝ треба енергија

Доналд Трамп остро ја критикуваше енергетската политика на Обединетото Кралство, обвинувајќи ја дека со одбивањето да ја експлоатира нафтата од Северното Море ја остава Европа без клучен енергетски извор.Во објава на својата платформа Truth Social, Трамп порача дека Европа очајнички има потреба од енергија, додека Велика Британија не ги користи сопствените ресурси. Тој посочи дека градот Абердин би требало да доживее економски бум, додека Норвешка, според него, профитира продавајќи нафта од Северното Море по повисоки цени.„Треба да бушат, а не да градат ветерници“, напиша Трамп, критикувајќи ја и ориентацијата кон обновливи извори на енергија.Неговите изјави доаѓаат во време на зголемени тензии на глобалните енергетски пазари, поттикнати од конфликтите на Блискиот Исток и американската поморска блокада на Иран, што дополнително ја зголемува неизвесноста околу снабдувањето со нафта.Во меѓувреме, цените на нафтата растат поради стравувањата од нарушувања во Ормускиот теснец, преку кој минува значителен дел од светската трговија со енергенси, додека европските земји се обидуваат да најдат стабилни алтернативи по намалувањето на зависноста од руски енергенси.

Свет | пред 3 седмици

3 нед.
alkaraz-1

Алкарас со мотив за враќање на првото место на АТП листата во Барселона

Карлос Алкарас има дополнителна мотивација да го освои турнирот во Барселона, бидејќи со евентуален триумф би можел да се врати на првото место на АТП листата само една седмица по неговото губење на врвната позиција.Шпанскиот тенисер во недела беше поразен од Јаник Синер во финалето на турнирот во Монте Карло, што дополнително ја зголеми неговата желба за брз одговор на следниот турнир.Алкарас истакна дека можноста да се врати на првото место во Барселона претставува голема мотивација и дека е целосно фокусиран на напредокот во својата игра. Тој нагласи дека ривалството со Синер е исклучително квалитетно и дека му помага да ги согледа сопствените слабости и да се усоврши на тренинзите и натпреварите.Тенисерот додаде дека меѓусебното ривалство со Синер ги прави двајцата подобри играчи и претставува силен поттик за постојано подобрување. Во првото коло на турнирот во Барселона, Алкарас ќе се соочи со Отo Виртанен.

Спорт | пред 3 седмици

3 нед.
netanjahu

Италија го стопира обновувањето на одбранбениот договор со Израел

Италија ја суспендираше автоматската обнова на одбранбениот договор со Израел поради тековниот конфликт на Блискиот Исток, соопшти премиерката Џорџа Мелони.„Со оглед на актуелната ситуација, владата одлучи да ја запре автоматската обнова на договорот“, изјави Мелони за време на посетата на Верона. Договорот, кој е во сила од 2006 година, овозможуваше соработка во областа на одбраната преку набавки, обука и размена на воена опрема, а се обновуваше на секои пет години доколку ниту една страна не се повлече.Одлуката доаѓа во време на засилени критики од европските земји кон израелските воени операции, особено во Либан. Минатата недела, лидерите на Обединетото Кралство, Франција, Германија и Италија повикаа прекинот на огнот да се прошири и на Либан.Дополнителни тензии предизвика инцидентот во кој израелски сили испукале предупредувачки истрели кон италијански војници во рамки на мисија на Обединетите нации во Либан, при што било оштетено нивно возило.Одлуката на Рим беше остро критикувана од лидерот на израелската опозиција Јаир Лапид, кој ја оцени како „срамен неуспех“ на премиерот Бенјамин Нетанјаху и на министерот за надворешни работи Гидеон Саар.Лапид порача дека владата не успеала да ги заштити интересите на Израел дури ни кај традиционалните сојузници, нагласувајќи дека Мелони припаѓа на конзервативниот политички блок кој, според него, има разбирање за безбедносните предизвици на Израел.

Свет | пред 3 седмици

3 нед.
media-libraryb4ml8tdovj2sb020wOI

Русија го ограничува извозот на хелиум

Русија објави дека привремено ќе ја заостри контролата врз извозот на хелиум, воведувајќи обврска за извозниците да обезбедат посебни дозволи за испораки надвор од Евроазиската економска унија, со цел да се обезбеди стабилно снабдување на домашниот пазар.Одлуката доаѓа во услови на нарушувања на глобалниот пазар, поттикнати од конфликтите на Блискиот Исток, кои значително ја намалија достапноста на хелиум – гас клучен за производството на полупроводници, медицинска опрема и напредни технологии.Рускиот премиер Михаил Мишустин изјави дека светската понуда на хелиум е намалена за речиси една третина, нагласувајќи дека приоритет е заштитата на домашните потрошувачи од надворешни ценовни шокови. Како дел од мерките, хелиумот е додаден на листата на суровини чиј извоз ќе биде строго регулиран, а новиот режим ќе важи до крајот на 2027 година.Покрај Русија, членки на Евроазиската економска унија се и Казахстан, Белорусија, Ерменија и Киргистан.Според податоците, Русија е трет најголем производител на хелиум во светот, зад САД и Катар, со удел од околу осум проценти во глобалното производство.Во меѓувреме, индустријата за полупроводници веќе ги чувствува последиците од намалената понуда. Француската компанија Air Liquide прераспределува резерви од други региони за да ја одржи испораката, особено за клучни клиенти како TSMC.Експертите предупредуваат дека доколку нарушувањата продолжат, тоа може да доведе до зголемени трошоци и намалено производство на чипови, со пошироки последици за глобалната технолошка индустрија.

Свет | пред 3 седмици

3 нед.
media-libraryapn3sue4kmql3YvYIoX

Хезболах тврди дека извршил напади врз северен Израел

Хезболах соопшти дека денеска извршил серија напади врз израелски воени позиции и населени места на северот на Израел.Според соопштенијата на нивното воено крило, групата претходно во текот на денот истрелала ракетни салви кон Киријат Шмона и Мисгав Ам.Дополнително, тие тврдат дека вчера испукале ракета кон израелски борбен авион над западниот дел на долината Бекаа, наведувајќи дека тоа е одговор на, како што велат, континуираните прекршувања на примирјето од страна на Израел.Овие информации доаѓаат исклучиво од Хезболах и засега нема независна потврда од израелска страна.

Свет | пред 3 седмици

3 нед.
departmentofstate

Израел и Либан ги продолжуваат преговорите во Вашингтон

Преговорите меѓу Израел и Либан продолжуваат денеска во Вашингтон, со почеток закажан во 17 часот по македонско време.На состанокот ќе присуствува и американскиот државен секретар Марко Рубио, според соопштение од Стејт департментот.Во разговорите учествуваат и амбасадорите на двете земји во САД – израелскиот амбасадор Јехиел Лајтер и либанската амбасадорка Нада Хамаде Моавад.Според најавите, учесниците кратко ќе се обратат пред медиумите пред продолжувањето на преговорите зад затворени врати.

Свет | пред 3 седмици

3 нед.
media-library8dj04sgisio52NpdMMr

ЕУ пред ризик од недостиг на авионско гориво

Во моментов нема докази за недостиг на гориво во Европската Унија, но во блиска иднина може да се појават проблеми со снабдувањето, особено со авионско гориво, соопшти денеска портпаролката на Европската комисија, Ана Каиса Итконен.Таа истакна дека рафинериите во ЕУ покриваат околу 70 проценти од потребите за авионско гориво, додека остатокот се обезбедува преку увоз, што ја прави Унијата ранлива на надворешни шокови.Ескалацијата на конфликтот на Блискиот Исток и затворањето на Ормускиот теснец доведоа до значителен раст на цените на нафтените деривати, особено на керозинот, кој е клучен за авионскиот сообраќај.Минатата недела, Асоцијацијата на европски аеродроми во писмо до Европската комисија предупреди дека постои ризик од недостиг на авионско гориво во Европа доколку пловидбата низ Ормускиот теснец не се нормализира во наредните три недели.Од Европската комисија нагласуваат дека се во постојана координација со земјите членки, со цел да имаат целосен увид во резервите на гориво, капацитетите на рафинериите и можните алтернативни увозни рути, што е клучно за навремено преземање мерки доколку состојбата се влоши.

Свет | пред 3 седмици

3 нед.
media-library8p1l5u9oighe78qAFuD

Инциденти во Битолско: малолетник нападнат, повеќе возачи пијани зад волан

Во текот на изминатото деноноќие на подрачјето на СВР Битола регистрирани се повеќе инциденти, меѓу кои физички напади и случаи на безобѕирно управување со возило под дејство на алкохол.На 14 април околу полноќ, во Битола, 51-годишен жител пријавил дека неговиот малолетен син бил физички нападнат од четворица малолетници на улицата „Партизанска“, додека бил со свој другар. Се преземаат мерки за расчистување на случајот.Во Прилеп, пак, околу 02:00 часот, полициски службеници лишиле од слобода 47-годишен битолчанец кој управувал возило „хонда“ под дејство на алкохол, при што му биле измерени 1,93 промили алкохол во крвта. Против него ќе следува соодветна пријава.Сличен случај бил евидентиран и во Демир Хисар, каде 47-годишен возач од Битола бил приведен откако управувал возило „поло“ со 2,76 промили алкохол во крвта.Во друг инцидент, 40-годишен битолчанец пријавил дека бил нападнат со дрвен предмет во населбата Стрчин од 18-годишно лице од село Лера.Во Прилеп, пак, при увид на сообраќајна несреќа, бил приведен 73-годишен возач кај кого биле измерени 1,91 промили алкохол во крвта, додека вториот учесник управувал возило без возачка дозвола.По целосно документирање на сите случаи, против инволвираните ќе бидат поднесени соодветни пријави.

Македонија | пред 3 седмици

3 нед.
media-librarymc1ksp3enni63wwGx7x

Отстранети диви тезги на влезот во Старата скопска чаршија

Општина Центар ги отстрани бесправно поставените објекти на влезот во Старата скопска чаршија, со што е ослободен еден од најфреквентните делови во овој дел од градот.Акцијата била спроведена во текот на ноќта по наредба на овластен градежен инспектор од Секторот за инспекциски работи, по претходно извршен вонреден надзор. По донесеното решение, лицата самостојно ги демонтирале тезгите во доцните вечерни часови.Со интервенцијата е расчистен просторот кој подолг период бил исполнет со импровизирани штандови за продажба на бижутерија и сувенири, што го нарушувале изгледот и го отежнувале движењето на пешаците.Градоначалникот Горан Герасимовски изјави дека ќе продолжат контролите и постапувањето против бесправно поставени објекти, со цел заштита на јавниот простор и културно-историското наследство.Акцијата е реализирана со поддршка на Град Скопје и јавните претпријатија, а од Општината најавуваат засилени инспекциски контроли и во наредниот период.

Скопје | пред 3 седмици

3 нед.
media-library18adn6diad8uaCs1p6L

Василевска на франкофонска конференција во Варшава

Пратеничката Иванка Василевска учествуваше на Конференцијата на претседатели на секциите на националните парламенти од европскиот регион на Парламентарното собрание на Франкофонијата, што се одржа на 13 април во Варшава.На конференцијата присуствуваа делегации од повеќе европски земји, а во фокусот беа прашања поврзани со улогата на националните парламенти во Европската Унија, реформските процеси и безбедносните политики, вклучително и предизвиците од зголемените воени трошоци.Во своето обраќање, Василевска истакна дека Собранието на Северна Македонија останува посветено на реформите и покрај застојот во евроинтеграциите, нагласувајќи дека тие се важни за развој на одржливо и просперитетно општество.Таа посочи дека, и покрај напредокот, останува впечатокот дека евроинтеграцискиот процес е блокиран, поради што побара информации за можни механизми преку кои би се спречило билатералните прашања да влијаат врз пристапниот процес во Европската Унија.

Македонија | пред 3 седмици

3 нед.
Screenshot-2025-02-14-at-08.12.19

Венс се врати без резултат: неуспех и во Пакистан и во Унгарија

Американскиот потпретседател Џеј Ди Венс се врати во Вашингтон без конкретни резултати по неуспешните преговори со Иран во Исламабад и по изборниот пораз на унгарскиот премиер Виктор Орбан.По повеќечасовните разговори со иранските претставници, Венс изјави дека не бил постигнат договор за долгорочно решение на конфликтот поради сериозни несогласувања меѓу двете страни.Неговата посета на Унгарија, која се одржа неколку дена претходно со цел да обезбеди поддршка за Орбан, исто така не донесе резултат, откако владејачката партија Фидес беше поразена на парламентарните избори.На изборите одржани на 12 април победи опозициската партија Тиса, предводена од Петер Маѓар, која освои убедливо мнозинство во парламентот, по што Орбан го призна поразот.Овие случувања се оценуваат како сериозен политички удар за Венс, кој во дел од јавноста се смета за можен наследник на Доналд Трамп.

Свет | пред 3 седмици

3 нед.
kina-sad

Кина се закани со контрамерки поради најавените американски царини

Кина предупреди дека ќе преземе „контрамерки“ доколку САД продолжат со зголемување на царините, оценувајќи дека ваквите потези се темелат на „измислени медиумски извештаи“ за наводна кинеска воена помош за Иран.Портпарол на кинеското Министерство за надворешни работи изјави дека обвинувањата за испорака на воена опрема се целосно неосновани и не одговараат на реалноста. „Медиумските написи кои ја обвинуваат Кина за воена поддршка на Иран се целосно измислени“, порачаа од Пекинг.Во пораката беше нагласено дека доколку САД продолжат со воведување дополнителни царини врз основа на вакви тврдења, Кина ќе одговори со соодветни контрамерки.Кинеските власти истакнаа дека земјата постапува внимателно и одговорно кога станува збор за извоз на воена опрема, додавајќи дека се применуваат строги контроли во согласност со националните закони и меѓународните обврски.

Свет | пред 3 седмици

3 нед.
media-libraryp6rje5uv3ftnfCezgky

(Видео) Трамп најави вклучување на други држави во блокадата на Иран

Американскиот претседател Доналд Трамп изјави дека и други држави ќе се приклучат на поморската блокада на Иран, но не откри за кои земји станува збор. Одговарајќи на новинарско прашање дали очекува поддршка од сојузници, Трамп рече дека постои интерес за учество, но додаде дека САД можат да ја спроведат операцијата и самостојно.„Да, и други земји ќе учествуваат“, изјави Трамп, посочувајќи дека повеќе детали за тоа кои држави се вклучени би можеле да бидат објавени наскоро. Воедно нагласи дека, иако понудената помош е добредојдена, Вашингтон не е зависен од поддршката на партнери за спроведување на мерките.Поморската блокада на иранските пристаништа стапи во сила вчера попладне и се однесува на целиот бродски сообраќај поврзан со Иран. Американските власти предупредија дека секое пловило што ќе влезе во зоната без дозвола може да биде пресретнато или запленето.Овој потег дополнително ги зголемува тензиите во Ормуски теснец, една од најважните глобални рути за транспорт на нафта, каде и претходно имаше зголемено воено присуство и ризик од ескалација.

Свет | пред 3 седмици

3 нед.
media-libraryns6bvf54ri3s5Dnmckx

Кривични пријави за дрога и насилство, приведени повеќе лица

Повеќе кривични пријави, приведувања и инциденти се евидентирани во изминатиот период низ државата, информира Министерството за внатрешни работи.СВР Куманово поднесе кривична пријава против 31-годишен кумановец, кај кого при претрес биле пронајдени кокаин и амфетамин. Кривична пријава за „насилство врз дете“ поднесе и СВР Штип против 19-годишник од Штип, кој физички нападнал малолетник.На граничниот премин Табановце, приведен е 74-годишен германски државјанин, кај кого во возило била пронајдена марихуана, додека во Скопје биле лишени од слобода две лица поради поседување дрога.Во Охрид, 71-годишен маж се здобил со тешки повреди откако изгубил контрола над мопед и паднал на коловоз, а во Боговиње било опожарено возило, при што нема повредени.Полицијата регистрирала и повеќе случаи на насилство и нарушување на јавниот ред. Во Скопје, едно лице било приведено поради закани со оружје, а две лица биле лишени од слобода поради напад врз малолетник. Пријавени се и физички напади во Бит Пазар и во скопско село.Во Гевгелија, 12-годишно девојче се здобило со тешки повреди при пад од електричен тротинет, додека во Јегуновце е пријавено оштетување на партиски објект.Дополнително, СВР Штип поднесе кривични пријави против две лица за трговија со дрога во затвор, додека во Струмица е поведена постапка против полициски службеник осомничен за злоупотреба на службената должност, кој незаконски присвоил дел од парични средства.Од МВР информираат дека по целосно документирање на сите случаи ќе следуваат соодветни поднесоци.

Македонија | пред 3 седмици

3 нед.
media-librarynm6fihfidd9k8fw2jaK

Левица: При неспособност да го испорача ветеното - Ѓорѓиевски почна да ги обвинува и работниците во ЈСП бидејќи ги барале своите права

Градоначалникот на Град Скопје, Орце Ѓорѓиевски, демонстрира недозволиво ниво на ароганција и неодговорност, сега обвинувајќи ги вработените во ЈСП Скопје дека со своите тужби го ʼблокираатʼ претпријатието. Со тоа, Ѓорѓиевски не само што ги дискредитира работниците кои се принудени по судски пат да ги бараат своите загарантирани права, туку директно ја префрла вината за катастрофалната состојба во ЈСП врз оние што се најмалку одговорни за неа, велат од политичката партија Левица.„Ваквиот пристап претставува опасен обид да се криминализира легитимното барање на работнички права и да се наметне наратив во кој жртвата се претставува како виновник.Наместо јавно извинување за состојбата во која се доведени вработените, градоначалникот избра јавно да ги прозива и да ги изложува на нетрпеливост, создавајќи атмосфера на притисок и стигматизација. Дали според Ѓорѓиевски работниците треба да молчат, трпат и да се откажат од своите права за да не ѝ пречат на неспособноста на раководството? Овој однос јасно ја разоткрива перцепцијата на функционерите од ДПМНЕ - дека работниците не се носители на права, туку пречка што треба да се замолчи кога бара правда.Дополнително, оваа реторика претставува очигледен дефокус од клучниот неуспех - четири години блокирање на Советот од страна на ДПМНЕ, што директно придонесе за тоа Скопје и денес да нема нови автобуси и да функционира со деградиран јавен превоз. Наместо одговори за ветените инвестиции, за нефункционалниот систем и за секојдневниот колапс, јавноста добива обиди за префрлање вина кон опозицијата, а сега и кон самите работници.Особено интересен е фактот што ваквите напади доаѓаат во момент кога се отвораат прашања за скандалозни и штетни договори во ЈСП, вклучително и оној на Игор Јанушев со „Маратон“ и приватни агенции за привремени вработувања, кои генерираат милионски загуби за претпријатието.Наместо транспарентност и одговорност за овие практики, сведочиме на агресивна комуникација и обид за замолчување на секој што укажува на проблемите.Работниците во ЈСП не се непријатели, ниту виновници, тие се луѓе што го одржуваат системот во живот и кои, со право, бараат заштита на своите права. Нападите врз нив не се само политички некоректни, туку и морално недозволиви. Обидите за префрлање вина нема да поминат. Одговорноста за состојбата во ЈСП е кај оние што управуваат, а не кај оние што ја плаќаат цената на тоа управување“, се вели во соопштението.

Скопје | пред 3 седмици

3 нед.
media-library0av8mg16bvh6dVzxC7V

Нови цени на горивата: Дизелот намален за 2,5 денари, бензините за 1,5

Регулаторната комисија за енергетика донесе одлука за намалување на малопродажните цени на нафтените деривати во просек за 2,73 проценти, во однос на претходната одлука од 6 април.Според новата пресметка, од ноќеска на полноќ, односно од 00:01 часот, ќе важат нови пониски цени на горивата. Еуросупер БС-95 ќе се продава по 82 денари за литар, додека Еуросупер БС-98 ќе чини 84 денари за литар. Цената на Еуродизелот ќе изнесува 95,5 денари за литар, а екстра лесното масло за домаќинство ќе се продава по 96,5 денари за литар. Цената на мазутот е утврдена на 49,227 денари за килограм.Со новата одлука, бензините поевтинуваат за 1,5 денар по литар, дизелот за 2,5 денари, екстра лесното масло за 3,5 денари, додека мазутот се намалува за 2,084 денари по килограм.Од РКЕ посочуваат дека референтните цени на светските пазари бележат пад кај сите деривати, при што најголемо намалување има кај мазутот. Дополнително, курсот на денарот во однос на доларот бележи благо намалување, што исто така влијае врз конечната пресметка.Регулаторот нагласува дека станува збор за максимално дозволени цени, а трговците имаат можност да ги формираат и пониско.

Македонија | пред 3 седмици

3 нед.
media-library52ut6bais8dgdX4Quku

Уапсени 10 возачи: петмина возеле без дозвола, четворица под дејство на алкохол

Во текот на изминатото деноноќие на целата територија на државата, полициските службеници лишија од слобода 10 возачи за безобѕирно управување возило. Од нив петмина (тројца во Гостивар и по еден во Прилеп и кратовско) управувале возило без возачка дозвола, четворица возеле под дејство на алкохол (двајца во Прилеп и по еден во Демир Хисар и Охрид) и еден возач во Кавадарци со впишана активна забрана за управување на возило. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 3 седмици

3 нед.
media-librarya8tbjjkn7geo2sQip2v

Петрушевски: СДС и Филипче наместо да ликуваат на резултати од избори во други држави, нека си се посветат на партијата која е распадната на парчиња

СДС и Филипче наместо да ликуваат на резултати од избори во други држави, нека си се посветат на партијата која е распадната на парчиња, вели Бране Петрушевски, пратеник на ВМРО-ДПМНЕ.„СДС којашто некогаш беше релевантна и кредибилна, Филипче ја доведе во комбинација со Заев, да тоне се повеќе и повеќе во жива кал и да нема како да излезе од неа.СДС којашто треба да биде главна опозиција и коректив на власта, се занимава со се, само со себе не. Се занимаваат со избори во други држави, а не си ги гледаат своите редови кои им се рушат се повеќе како кула од карти.СДС ликува на победа на партија која е член на Европската народна партија или попозната како ЕПП, партијата Тиса, каде што е член и ВМРО-ДПМНЕ. Од друга страна пак, сестринската партија на СДС и член на Партијата на Европски Социјалисти од Унгарија освои 1,18% од гласовите. Тоа е нешто слично со рејтингот кој СДС го има во Македонија, и е многу близок до рејтингот на Филипче.СДС и Филипче прават се, само не си го гледаат сопствениот двор. Наместо да се дистанцираат од политиките на аболицираниот криминалец Зоран Заев кои ги доведоа до ова дереџе, тие продолжуваат по неговите стапки и го величаат како да е најголем светец.Ако СДС продолжи да се однесува вака, им се заканува бришење од политичката сцена.Воедно, ВМРО-ДПМНЕ ја честита победата на партијата Тиса и господинот Петер Маѓар, со кои очекуваме да ја продолжиме нашата билатерална соработкаи на државно ниво да работиме на нашата интеграција во ЕУ“, вели Петрушевски

Македонија | пред 3 седмици

3 нед.
media-library3mgkdd61d9p08Raeibd

Дали Словенија ќе излезе од НАТО , СЗО и ЕУ

Лидерот на словенечката партија Ресница, Зоран Стевановиќ, изјави дека партијата поддржува распишување референдуми за излегување од НАТО, Светската здравствена организација и Европската Унија, но додаде дека верува оти граѓаните во Словенија најверојатно не би ги поддржале таквите одлуки.Tој истакна дека Словенија има значително повеќе придобивки од членството во Европската Унија отколку загуби, но нагласи дека центарот на одлучување мора да се врати во Љубљана, а не во Брисел.Излегувањето од Светската здравствена организација, како што наведе, било едно од предизборните ветувања на партијата, при што Стевановиќ порача дека Ресница ќе се обиде да ги исполни сите дадени ветувања.Тој ги демантираше медиумските наводи дека неговиот избор бил прославен со руски знамиња пред зградата на парламентот, нагласувајќи дека тоа не е поврзано со неговата партија и дека станува збор за редовни собири на кои Ресница не учествува.Стевановиќ изјави дека не должи ништо на Социјалдемократската партија, која го поддржала во парламентот, и порача дека ќе поддржи кандидат за премиер кој прв ќе обезбеди доволен број гласови и ќе го усогласи својот програм со програмата на неговата партија.Тој додаде дека при формирање влада нема да гледа политичка ориентација, туку исклучиво содржина, нагласувајќи дека поддршка ќе добие само влада која ќе ги намали даноците, ќе го подобри животниот стандард и ќе се обврзе на конкретна борба против корупцијата.

Свет | пред 3 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања