Промени тема
За нас
Нова вест Админ
site logo skopje1
иран
„Претрес“ на Жерновски: Поскапувања, политиката, лицемерието, Филипче, СДСМ...
„Претрес“ на Жерновски: Поскапувања, политиката, лицемерието, Филипче, СДСМ...

Најнови вести

1 мес.
media-library21ne0clt6jlld6V02AZ

Петрушевски: Обвинителите наместо да работат на зголемување на онаа 2% доверба од граѓаните, тие мислат само на плати

На новинарско прашање кој е ставот на ВМРО-ДПМНЕ за тоа дека обвинителите бараат да не им се чепка во платите, пратеникот Бране Петрушевски изјави дека наместо да работат на зголемување на онаа 2% доверба од граѓаните, тие исклучиво мислат само на плати.„Она коешто долго време го говориме на темава дека оттаму доаѓаат барања за промени само во делот на финансиите, добиваме и потврда. И наместо да земат и да работат на зголемување на онаа 2% доверба од граѓаните, тие исклучиво мислат само на плати. Но, ќе повторам се работи за мала група на луѓе коишто се под контрола на СДС и ДУИ, инаку и таму има многу чесни луѓе коишто за жал не можат да дојдат до израз од овие“, вели Петрушевски.

Македонија | пред 1 месец

1 мес.
media-library6ut0bt9ff6789DkwvlH

Тошковски: Едукацијата на најмладите претставува еден од најважните сегменти во градењето сообраќајна култура

Министерот за внатрешни работи Панче Тошковски денеска присуствуваше на интерактивната куклена претстава што се одржа во Дом на култура „Билјана Белочанец“ во општина Кисела Вода, во организација на Републички совет за безбедност на сообраќајот на патиштата и Театар Провокација, како дел од кампањата „Да ги заштитиме децата во сообраќајот“.Претставата, наменета за учениците од основното училиште од општината, им овозможи на децата преку интерактивен и едукативен пристап да се запознаат со основните правила за безбедно однесување во сообраќајот, безбедниот пат од и до училиште, како и со значењето на внимателноста и одговорноста во улога на пешаци и велосипедисти.Министерот Тошковски потенцираше дека едукацијата на најмладите претставува еден од најважните сегменти во градењето сообраќајна култура и во заштитата на човечките животи.„Безбедноста на децата е наш врвен приоритет. Преку вакви активности, кои на децата им се блиски и разбирливи, создаваме генерации што ќе ги почитуваат сообраќајните правила и ќе придонесуваат за побезбедни патишта. Министерството за внатрешни работи ќе продолжи активно да ги поддржува и да учествува во сите проекти насочени кон подигнување на свеста за сообраќајната безбедност“, истакна министерот Тошковски.Министерството за внатрешни работи и во иднина ќе продолжи со активности и кампањи насочени кон едукација на децата и младите како една од најранливите категории учесници во сообраќајот, со цел создавање побезбедна сообраќајна средина за сите граѓани.

Македонија | пред 1 месец

1 мес.
media-librarynp21li3797sf1qLqw5Z

Петрушевски: Дали Тренчевска и СДС го бранат Груби и дали доброволно се пријавуваат заедно со сите свои колеги да седнат до Груби на обвинителната клупа

Партнерството на СДС со бегалецот од правдата Артан Груби и ДУИ излегува на површина. Откако со години замижуваа и го одобруваа милионскиот криминал на тогашниот прв вицепремиер Артан Груби, сега кога треба да се соочи со правдата, се ставаат во негова заштита, па дури и ќе се жртвуваат и ќе тонат заедно со него, вели Бране Петрушевски, пратеник на ВМРО-ДПМНЕ„Имено, потпретседателката на СДС и поранешна министерка, Јованка Тренческа во однос на кривичната пријава за Груби вели дека одлуките на Владата биле колективни и дека ако се докаже дека има вина во случајот, треба сите заедно да одговараат.Еве ја целосната изјава.Почитувани,Дали потпретседателката на СДС го брани Груби за криминалот со кој државниот буџет го оштети за над 8 милиони евра? Или, пак, доброволно се пријавува заедно со сите свои колеги од тогашната влада да седнат на обвинителна клупа заедно со Артан Груби? Дали затоа нервозата во СДС и ДУИ е голема? Дали стравот им е толку голем од тоа што дополнително има да каже Груби?СДС и ДУИ во паника и страв сменија 10 тези откако Груби беше уапсен. Како тргнале до крајот ќе си признаат се“, додава тој.

Македонија | пред 1 месец

1 мес.
media-librarya57tddfivqoo8D2DNf7

Издадена осмата поштенска марка посветена на децата со ретки болести

Денес, македонската поштенска историја испиша уште една златна страница. Од печат официјално излезе осмата поштенска марка посветена на децата со Спинална мускулна атрофија (СМА). Ова не е само филателистички успех, туку симбол на една долгогодишна, нескршлива борба за живот и гласно препознавање на реткоста, информираа денеска од здружението „Ретко е да си редок“ од Охрид.Како што наведуваат од здружението, Македонија, преку овој проект, веќе осум години по ред во месецот на ретките болести, го потврдува својот статус како прва и единствена земја во светот која преку поштенските марки ја пренесува пораката на овие храбри дечиња.Иницијативата е на Гордана Лолеска, која како вработена во АД Пошта и претседател на здружението „Ретко е да си редок“ од Охрид, својата професија ја претвори во најсилна алатка за општествена одговорност.Секоја марка што ја издаваме е ветување дека овие деца нема да бидат заборавени. Како вработена во Пошта, гордa сум што мојот професионален дом стана засолниште на хуманоста. Овие 8 марки се нашиот заеднички крик дека ‘Ретко е да си редок’, но токму во таа реткост лежи најголемата сила. Македонија денес повторно е пример за целиот свет,“ изјави Лолеска.Од здружението потенцираат дека оваа серија поштенски марки низ годините стана мост меѓу институциите и граѓаните, докажувајќи дека секоја испратена пратка со оваа марка е глас за поддршка, надеж и подобра иднина за децата со СМА.Свечената промоција на поштенската марка ќе ја одржи здружението „СТОП СМА Македонија“ во сабота (28 февруари) во EU House (ЕУ Куќа) во Скопје, со почеток во 16:30 часот.

Македонија | пред 1 месец

1 мес.
media-libraryievp6a7arjsjcA2G6nZ

Сијарто: МОЛ го купува НИС поради нафтоводот

Штом унгарската нафтена компанија МОЛ го финализира договорот за купување на српската нафтена компанија, нафтените пазари на трите земји без излез на море, Словачка, Унгарија и Србија, ќе функционираат на координиран начин, што ќе ги направи поотпорни на политички уцени, како оние од Украина, изјави синоќа унгарскиот министер за надворешни работи и трговија, Петер Сијарто.Кога МОЛ ќе го заврши преземањето на српската нафтена компанија, нафтените пазари на трите земји без излез на море, Словачка, Унгарија и Србија, ќе функционираат на координиран начин, а ние ќе станеме уште поотпорни на политички уцени од Украина. Секако, ќе му ја обезбедиме на МОЛ целата потребна поддршка за да го постигне ова“, напиша унгарскиот министер за надворешни работи на Фејсбук по средбата со српската министерка за енергетика Дубравка Ѓедовиќ-Хандановиќ во Вашингтон.Тој истакна дека Унгарија и Србија се согласиле да ги забрзаат подготвителните работи за изградба на нафтовод меѓу двете земји, со цел да се подобри безбедноста на снабдувањето со нафта.Сијарто нагласи дека новиот цевковод значително ќе ја подобри безбедноста на снабдувањето со нафта и дека забрзувањето на подготвителните работи ќе овозможи побрзо решавање на ова прашање, според објавата на унгарскиот министер на Фејсбук.Се договоривме дополнително да ги забрзаме подготвителните работи за изградба на нафтовод меѓу двете земји. Новата транспортна рута значително ќе ја подобри безбедноста на снабдувањето со нафта на нашите земји“, напиша Сијарто.Изградбата на нафтоводот, како што изјави унгарскиот министер, има за цел да обезбеди стабилно снабдување со нафта за Србија и Унгарија, како и да ја зајакне енергетската безбедност во регионот.Сијарто рече дека оваа транспортна рута ќе им помогне не само на двете земји, туку и на цела Централна Европа во однос на подобра интеграција и безбедност на снабдувањето со нафта.Сијарто и Џедовиќ-Хандановиќ се сретнаа во Вашингтон, каде што учествуваа на меѓународна конференција за енергетска соработка меѓу Соединетите Американски Држави и земјите од Источна Европа.Сијарто најави дека за време на ова патување ќе ја информира администрацијата на американскиот претседател Доналд Трамп за обидите за уцена на Украина, која ја блокираше испораката на руска нафта преку гасоводот „Дружба“, пренесува „Танјуг“.

Свет | пред 1 месец

1 мес.
media-library17cmrulfmv80flLPSNQ

Поради оштетен мост во Албанија, камионите наместо на Ќафасан, се пренасочуваат на Блато

Од денес со почеток од 12:00 часот до 22:00 часот и секој нареден ден до надминување на проблемот (затворен патен правец во Албанија поради оштетување на мост) ќе бидат пропуштани товарни моторни возила (празни и полни) од албанска страна на граничниот премин Блато, притоа напоменуваме дека сите ТМВ кои што се за фитосанитарен преглед – прегледот ќе може да се направи до 18:00 часот, соопшти Макам Транс.Од Макам Транс напоменуваат:1. Товарените возила со себе да имаат кантарски белешки од местото на утовар или при влез во Албанија да имаат нивна кантарска белешка (на Блато нема вага).2. Сите кои ќе влезат со полни возила, претходно да побараат од назначената шпедитерска куќа да ги внесат податоците во царинскиот систем за да може цариникот да ги спореди податоците, затоа што на Блато нема шпедитери кои би ги изработувале документите.3. За сите кои превезуваат производи кои подлежат на ветеринарен преглед или се работи за акцизна стока ќе мора да го користите граничниот премин Блаце како премин за влез во државата.

Македонија | пред 1 месец

1 мес.
media-libraryau5m35dn1qmn1O9waO7

Стојаноски: Законското решение за намалување на коефициентите на избраните и именуваните функционери е согласно Устав, платите се намалуваат за над 10.000 денари

„Поднесовме предлог на измена на шест закони, со овој пакет на закони се опфаќаат Законот за пратениците, Законот за плата и други надоместоци на избрани и именувани лица во Република Македонија, Законот за платите на јавните обвинители, Законот за платите на членовите на Советот на јавните обвинители на Република Македонија, Законот за платите на судиите, Законот за платите на членовите на судскиот Совет, со коешто се воспоставуваат реални висини на плати“, истакна Бојан Стојаноски, пратеник од редовите на ВМРО-ДПМНЕ на денешната седница во Собранието.Стојаноски објасни дека со овие предложени решенија се врши интервенција во коефициентите и дека ова законско решение е во согласност со Устав и не може да биде обжалено пред Уставниот суд.„Со овие предложени решенија се врши интервенција во коефициентите, со што се обезбедува национално користење на средствата од Буџетот на Република Македонија. Ова законско решение е во согласност со Уставот, и е единствено законско решение коешто може да влезе во уставната рамка и потоа да не биде обжалено на Уставниот суд“, рече Стојаноски и додаде:„Со овие измени одредени позиции се намалуваат коишто се во следниов правец. За пратениците и функционерите во извршната власт ги намалуваме коефициентите со што директно го кратиме буџетскиот товар, за судиите и јавните обвинители предвидуваме усогласување на коефициентите со цел нивните плати да бидат во корелација со реалните економски можности на државата, додека за градоначалниците предлагаме нова скала на коефициенти, зависно од бројот на жители во општините. Доколку овие измени денеска бидат усвоени во Собранието, платите ќе се нивелираат со што значи на сите овие функционери коишто се под овие шест закони, платата ќе се намали од 10 до 13.000 денари“.

Македонија | пред 1 месец

1 мес.
media-libraryccu8ujngcvjpbPTx5m8

Вчера уапсени осум возачи без возачка дозвола, со активна забрана и под дејство на алкохол

Во текот на вчерашниот ден, полициски службеници на целата територија на државата лишија од слобода осум возачи, од кои шест за возење без возачка дозвола и по еден со забрана за управување возило од Б категорија и под дејство на алкохол.Тројца возачи од Тетово, од кои еден малолетник, и по еден во Куманово, Струмица и Прилеп управувале возило без возачка дозвола. Еден возач во Струга управувал возило иако имал мерка забрана за управување моторно возило од Б категорија и еден возач во општина Илинден управувал возило под дејство на алкохол. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 1 месец

1 мес.
bakaprase-2-620x350-1

Поднесена кривична пријава против Бака Прасе

Управата за игри на среќа започна постапка против популарниот јутјубер Бакa Прасe поради сомневање дека неовластено организирал наградни игри и делел награди без потребни дозволи.Според информациите на Република.рс, Управата за игри на среќа поднела кривична пријава против познатиот јутјубер Богдан Илиќ, познат како Бакa Прасe, поради сомневање дека организирал наградни игри без законско одобрување и без уплата на потребните надоместоци за распределување на парични и стоковни награди.Бакa Прасe, чиј контент го следат голем број млади, исто така промовирал и платформа за онлајн обложување Вавада, против која како што пишуваат е исто така поднесена кривична пријава до Одделот за високотехнолошки криминал поради сомневање за неовластено организирање игри на среќа преку средства за електронска комуникација.

Магазин | пред 1 месец

1 мес.
media-libraryn0n3c9d5rmf72hqziMf

„Бев најдолу во стампедото, ногата ми беше заглавена, мирисот тераше на спиење“, потресно сведоштво на преживеаниот вокал од ДНК

Професорката Ана Костадиновска, која беше придружна пејачка на некогашната група ДНК, чии главни вокали починаа во катастрофалниот пожар во Кочани, прва сведочеше на денешното рочиште за пожарот вo дискотеката „Пулс“. Таа е сведок на Обвинителството.Костадовска појасни дека не била постојан член на бендот, туку била ангажирана по потреба, зависно од настапите. Заедно со неа настапувала и Сара Пројковска, со која, како што рече, има блиска пријателска и професионална соработка.Сведокот посочи дека за техничката поддршка бил задолжен Мартин Атанасов, додавајќи дека лично никогаш не видела кој ги поставува прскалките на сцената, иако тие со години се користеле без да предизвикаат проблемВо последните 4-5 години ДНК беше многу баран бенд и настапуваше често. На сите настапи во последните години имаше прскалки и никогаш немаше проблем. Стоеја до нас, до опремата, прскаа во мене, никогаш немало проблем“, одговараше Ана на прашањата.Пред настапот, членовите на бендот чекале во канцеларија – импровизирана просторија до дискотеката. За да стигнат до бината, изведувачите морале да се пробиваат низ публиката.На четвртата песна избил пожарот.Ја изведувавме песната ‘Што сака нека биде’, на рефренот беа пуштени прскалките. Јас погледнав инстинктивно нагоре и видов искри. Панчо на микрофон рече да излеземе. Бевме бавни, не ја сфативме сериозно ситуацијата. Видов врата до бината, беше затворена со катанец и не можевме да излеземе. Но, сè се случи брзо. Почувствував топлина, пукање и удар во грбот од пластика. Настана стампедо. Сара тргна со мене. Го поминавме шанкот, но тука се разделивме. Паднав најдолу во стампедото, пред самиот излез. Настана страшна паника и хаос. Се чувствуваше мирис кој тераше на спиење. Во стапицата со мене беше еден дечко кој сите нè држеше будни. Ногата ми беше фатена на друга страна. Беше хорор, не можам да опишам“, сведочеше Ана.Потоа, преживеаните во толпата почувствувале свеж воздух. Се намалил притисокот и почнале да ги извлекуваат натрупаните луѓе.„Не се сеќавам кое беше момчето што ми помогна, но ми го спаси животот“, рече Костадовска во сведочењето.

Македонија | пред 1 месец

1 мес.
media-librarys3droijois4v65fZo5A

Газда Деко да биде однесен од затворот во Куманово во Идризово: адвокатката бара преместување оти “нечовечки” бил третиран

Адвокатката Ивана Коцевска, бранителка на сопственикот на „Пулс“, Дејан Јованов, на денешното рочиште побара судот да донесе решение за пренесување на Јованов во затворот во Идризово бидејќи затворскиот персонал од затворот во Куманово, како што рече, се однесува „деградичарки нечовечки и понижувачки кон обвинетиот“.Судот веќе има на увид обемен медицински материјал за првообвинетиот, кому му беше направена сериозна хируршка интервенција на три нивоа на ‘рбетниот столб и беше вратен во притвор. Одбраната три месеци бара да му се овозможи контрола за совет за натамошно лекување. Судот даваше наредба за спровод на осомничениот, истиот не беше спроведуван, сѐ до 23.02.2026 година, пред два дена. Исто и поради причини за економичност на постапката и потребата Јованов да се спроведува на Клиниката за неврохирургија, го молам судот да донесе одлука да го премести Јованов во КПУ Скопје – рече Коцевска.Претходно, адвокатот Петре Шилегов, бранител на Шефкет Хазари од Министерството за економија, на почетокот од денешното судење побара да се преиспита обвинението за да се види кој бил директно инволвиран, а кој не, и да се направи издвојување на постапките. Воедно, побара да се одложи денешното рочиште.Судот го одби ова барање со образложение дека не може да му наложи на ЈО како да постапува. Јавното обвинителство е самостоен орган и судот не може да му наложи како ќе постапува и дали ќе се консолидира со ОЈО ГОКК, а особено што судот секогаш мора да постапува само по поднесеното обвинение не мешајќи се во работата на ЈО, како и од причини што нема увид во другото обвинение и во овој момент и да го има, не може да врши споредба – рече судијката Дијана Груевска-Илиевска.Според Шилегов, обвинението против дел од обвинетите, вклучително и Шефкет Хазари, е правно неодржливо бидејќи тие немале законска надлежност за инспекциски надзор нагласувајќи дека „правдата не смее да се гради врз неправда“.Судењето продолжи со сведочење на Ана Костадиновска, придружен вокал на групата ДНК. По нејзиното сведочење, предвидено е да се сослушаат уште четворица други сведоци.

Македонија | пред 1 месец

1 мес.
media-library1jgnkh3tcp9s7Vg7k8T

(Видео) Неочекувана потера: Маж се криеше од полицијата во канта за ѓубре, декадека бегаше ги загуби чевлите

Општински работник во Охајо останал шокиран кога пронашол човек како се крие во корпа за отпадоци додека си ја вршел работата. Набрзо се покажало дека станува збор за осомничен кој бегал од полицијата откако не застанал на нивниот сигнал за време на сообраќајна контрола, објавува „Еуроњуз“.Видео снимено од полициска камера на автомобилот го покажува човекот како скока од корпата и бега.Полицајците веднаш тргнале за потера, а бегалецот ги изгубил чевлите додека бегал.„Благодарение на импресивните атлетски способности и брзата реакција на нашиот полицаец Перез, осомничениот е безбедно уапсен“, се вели во соопштението на полицијата, пренесуваат локалните медиуми.

Свет | пред 1 месец

1 мес.
media-librarycaup5jpnn8js23ZrSQl

Оставете ги обвинителите да одлучуваат, вели Здружението откако политичари коментираа за куќниот притвор на Груби

Здружение на јавни обвинители на Република Северна Македонија апелира до сите политички партии и функционери да го почитуваат начелото на поделба на власта и да се воздржат од јавна реторика со која, како што наведуваат, се нарушува самостојноста на јавните обвинители во одлучувањето.Во соопштението се наведува дека во изминатите денови јавноста била сведок на, како што ги оценуваат, неодговорни изјави со кои одредени политичари селектираат и прозиваат поединечни јавни обвинители, коментирајќи јавнообвинителски одлуки без да бидат запознаени со конкретниот предмет и доказите.„Ова кулминираше со политичките коментари во однос на определена мерка куќен притвор за еден од осомничените во предметот ‘Државна лотарија’. Ваквата јавна реторика мора да престане, а останатите институции да дозволат обвинителите непречено да постапуваат и да одлучуваат“, се наведува во реакцијата.Од Здружението посочуваат дека како професионална организација немаат овластувања да интервенираат или да ги коментираат одлуките на јавните обвинители во конкретни предмети. Сепак, истакнуваат дека имаат право и обврска да ја заштитат самостојноста на обвинителите кои, како што велат, стручно и одговорно ја вршат својата функција и да се борат за соодветни услови за нивната работа.

Македонија | пред 1 месец

1 мес.
maksim-dimitrievski-03-696x465

ЗНАМ: Зоки, Венко - нема потреба од драматизација, ниту од паника, правдата сигурно ќе ве стигне

Секојдневните заложби на функционерите од редовите на Движењето ЗНАМ се во насока на почитување на Уставот и законите, истите да важат и да се спроведуваат еднакво за сите. Принципиелноста и владеењето на правото не се само апстрактни идеали, тие се темелот врз кој е изградено Движењето ЗНАМ за Наша Македонија, темелот врз кој стои целата наша политичка борба. Ниту денес, ниту утре, нема да отстапиме од тие идеали, велат од ЗНАМ како реакција на соопштенијата на СДСМ и ДУИ.„Кога министерот за правда, Игор Филков, бара одговорност со име и презиме, не станува збор за мешање во правосудството, туку обид да се врати довербата што беше разнишана во годините кога СДСМ и ДУИ создаваа механизми на селективна правда, кога институциите беа алатки на партиски интереси, а не на граѓаните.Имено, кога СДСМ се дрзнува да зборува за „сценарија“ и „дилови“, тие всушност се обидуваат да избегаат од сопственото политичко минато. Лесно е да се фрли сомнеж, но тешко е да се одговори за сопствените одлуки.Велат дека постои сценарио за враќање на Груби и некаков договор меѓу други политички субјекти. Но ако во оваа држава некој има историја на политички сценарија, договори зад затворени врати и обиди за контролирани враќања - тоа е токму коалицијата СДСМ/ДУИ.Да се потсетиме: бегството на Никола Груевски се случи во време кога СДСМ/ДУИ ја водеа Владата. Институциите беа под нивна надлежност. Системот беше под нивна одговорност.Токму во нивниот мандат почнаа и разговорите за можни „решенија“, за начини на негово враќање, за политички формули со кои ќе се затвори едно прашање што тежеше врз системот.Нивното владеење се одбележа и со укинување на член 353 од Кривичниот законик, под изговор на усогласување и реформи, клучната одредба за гонење злоупотреба на службена положба, интервенција директно под покровителство на СДСМ/ДУИ, со која се релативизираше одговорноста на функционери.Со едно гласање се затворија или се доведоа до застарување повеќе предмети, спроведоа одлука со длабоки последици, направија амнестија спакувана како европска реформа.Кога зборуваат за морал и правда, нека одговорат и за скандалот со вакцините - за доцнењата, за сомнителните договори, за посредниците и милионските обврски во време кога граѓаните се бореа за здравје и живот. Нека одговорат за аферата со марихуаната, каде што лиценци се делеа во сенка на политички врски.Нека одговорат за ТЕЦ Неготино, за притворите и сомнежите за штетни договори. Нека одговорат и зошто во кривичната пријава против Артан Груби се споменува и поранешниот премиер и тогашен претседател на СДСМ, Димитар Ковачевски?! Дали можеби токму таму лежи вистинската причина за нервозата што ја гледаме?!Поранешниот вицепремиер Артан Груби беше главниот благајник на коалицијата СДСМ–ДУИ, човек преку кого поминуваа кадровските поделби, крупните инфраструктурни договори и политичките компромиси. Во негово време и директно под негова контрола се туркаше договорот со Бехтел и Енка за Коридор 8 со специјален закон и авансни исплати, штоотвори сериозни сомнежи за провизии и нетранспарентност. Лице осомничено за проневера од над осум милиони евра во случајот со Државна лотарија.И кога се отвора прашањето за негово расчистување, наместо со факти, раководството на ДУИ одговара со драматизација, но во суштина стравуваат од целосно и неселективно расчистување.Од една страна, разбирлива е чувствителноста и нервозата кога станува збор за поранешни високи функционери што со години биле во самиот врв на одлучувањето.Главниот оперативец на коалицијата СДСМ/ДУИ, Груби, е жива архива на политички и финансиски шеми што долго беа скриени од јавноста.Дали ДУИ се загрижени дека доколку Груби проговори ќе се отвори пандорината кутија?Дали стравуваат дека тој може да стане заштитен сведок и да ги открие сите шеми, договори и улоги што го одржуваа нивниот систем на моќ?Затоа инсистираме, институциите мораат да ја завршат својата работа темелно, транспарентно и без селекција. Правдата не смее да биде алатка на партиите, ниту законите да се кршат за политички потреби. Ако некој мисли дека може да создава магла и сцени пред да се појават фактите, тогаш не го разбира времето во кое живееме. Времето на тајни договори, контролирани институции и политички заштити заврши!Али, Зоки, Венко - нема потреба од драматизација, ниту од паника. Без разлика колку ќе се препелкате со соопштенија, обвинувања и конструкции - правдата сигурно ќе ве стигне. Исходот сите го знаете. На крајот, правдата секогаш наоѓа пат…“, се вели во соопштението.

Македонија | пред 1 месец

1 мес.
media-librarybungj1i5d2e86ughnyJ

Кузеска: Обвинителството се заплетка со притворот за Груби, се покажа дилот, сè е договорено

Политичкиот дил ВМРО-ДУИ со Груби веќе на сите им è јасен, граѓаните знаат што се случува. Разоткриенo е секое делче од ова договорено сценарио. Од режираната претстава на границата, со наочари и насмевка. Преку пречекот со камери, со медиумска поддршка на 40% од медиумите под контрола ВМРО преку Орбан, па се до одредувањето на куќен притвор од обвинителството и сдуството под контрола на ВМРО-ОКГ, вели Богданка Кузеска - портпаролка на СДСМ„Сакајќи да се исперат од скандалозна одлука за одредување куќен притвор Обвинителството директно го закопа Христијан Мицкоски.Вчера, Обвинителството соопшти дека МВР на Тошковски и АНБ на Христовски дале проценка дека Груби „не бил безбеден“ во „Шутка“, па затоа предложиле куќен притвор.Истиот ден, излезе директорот на затворот Шутка, Бобан Утковски, го демантираше Обвинителството и рече дека ниту МВР ниту АНБ „не се обратиле ниту усно ниту писмено до затворот за да побараат мислење за безбедноста“.Епа како донеле одлука во Обвинителството?Има ли подобра потврда од ова тврдење дека сè е договорено и дека јавноста само се лаже и се замајува?Сè е јасно.Затоа обвинителството и судството беа ставени под директна контрола на Мицкоски и ВМРО-ОКГ, за што СДСМ со месеци говори.Тоа го имаме како потврда и за овој случај. Кои обвинители постапуваа во предметот и кој го предложи куќниот притвор за Груби?  Предметен обвинител е Даниел Коцев, а негов шеф на Скопското Обвинителство е Анел Фидоски, кој беше избран на оваа функција на 20 јануари 2026 година.Сè е јасно, сè е договорено, смислено сценарио.Можеби ваквите сценарија им поминуваа со години наназад, но повеќе не поминуваат – разоткриени се.Граѓаните гледаат и знаат сè. Одговорност ќе има“, вели Кузеска.

Македонија | пред 1 месец

1 мес.
media-library6r80frn02ofj8DAiXVM

Посета на претседателот на Албанија Бајрам Бегај – посебен режим на сообраќај во Скопје

На 26, 27 и 28.02.2026 година (четврток, петок и сабота), во официјална посета на Република Северна Македонија ќе престојува г-дин Бајрам Бегај, претседател на Република Албанија.„Поради посетата, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на градот Скопје.СВР Скопје апелира до сите учесници во сообраќајот да ги почитуваат наредбите и упатствата што ќе ги даваат униформираните полициски службеници, со цел непречено и безбедно одвивање на сообраќајот“, велат од МВР.

Скопје | пред 1 месец

1 мес.
20180506_040611-1

Вчера за првпат „Сејф сити“ не регистрирл прекршок за минување на црвено светло

Вчера, од системот „Безбеден град“ регистрирани се вкупно 526 прекршоци, првпат не е регистриран ниту еден за минување на црвено светлоПрвпат откако функциниора системот „Безбеден град“, на 24.02.2026 не е регистриран ниту еден прекршок за минување на затворен семафор - црвено светло. На подрачјата на градовите и коридорите каде се поставени камери, регистрирани се вкупно 526 прекршоци, од кои 84 се сторени од возачи кои управувале возило со странски регистарски таблички.За управување на возило со брзина поголема од дозволената регистрирани се 504 прекршоци и 22 за управување со возило со измината важност на сообраќајната дозвола. Исто така, изречени се вкупно 17 мерки „забрана за управување со возило“ - сите за управување возило со поголема брзина од дозволената, од кои 13 за брзина поголема од 80 км на час во населено место и четири мерки за брзина поголема од 10 км на час сопствено ограничување на возило.Во рамки на предвиденото дозволено отстапување во брзината на движење толерирани се 3.336 возачи.

Македонија | пред 1 месец

1 мес.
Screenshot-2025-01-21-at-14.35.00

Трамп: Меланија е филмска ѕвезда

Доналд Трамп за време на обемното обраќање за состојбата во нацијата накратко се одвои од теми како економијата и криминалот и посебно се осврна на сопругата Меланија Трамп.Пред присутните, Трамп ја претстави Меланија како „филмска ѕвезда“ и додаде дека таа ужива поголема поддршка отколку тој.Никој не се грижи повеќе за заштитата на американската младина од нашата прва дама. Сега е и филмска ѕвезда, можете ли да верувате? Кој би помислил? Во изминатата година таа имаше неверојатно влијание – помогна да се промовира законот за вештачка интелигенција, ја унапреди претседателската наредба за старателство и обезбеди 30 милиони долари за започнување на Иницијативата на Меланија Трамп за осамостојување на млади кои излегуваат од системот на старателство. Тоа е огромна работа.“– рече Трамп, обраќајќи се на политичарите во салата.Потоа, на шега, и рече на сопругата дека нејзините напори добиваат многу поголема поддршка отколку неговите:Тоа е навистина голема работа – доби силна поддршка од двете страни. Таа добива многу поголема поддршка од мене. Јас не добивам никаква, а таа добива голема. Еден ден ќе мора да ми откриеш како ти успева тоа!“ – рече Трамп.

Свет | пред 1 месец

1 мес.
media-libraryps2vog28oh380bZoWfx

Кекеновски: Не постои законска забрана судија да одреди притвор ако обвинителот бара куќен притвор

Проф. д-р Јове Кекеновски реагираше на изјавата на Сузана Јошевска-Анастасовска, член на Судскиот совет на Република Македонија, која тврди дека судија „не смее“ да определи ефективен притвор доколку обвинителот предложил куќен притвор. Кекеновски оценува дека таквата формулација е неточна, го игнорира процесниот контекст и создава погрешна перцепција за основните принципи на кривичната постапка.Во својата јавна Фејсбук-објава, г-ѓа Сузана Јошевска Анастасовска, како член на Судскиот совет, тврди дека судија на претходна постапка „НЕ СМЕЕ“ да изрече притвор ако обвинителот предложил куќен притвор, додавајќи дека „нема потреба од итна седница на Судски совет за да се расправа основно правило во кривичнапостапка“.Доколку ваквиот став се темели на член 144 став (2) од ЗКП, тогаш станува збор за погрешно толкување на начелото на пропорционалност и редукција на основни процесни принципи. Имено, одредбата од законот гласи: „При одлучувањето која од наведените мерки ќе ја примени, надлежниот орган ќе се придржува кон условите определени за примена на одделни мерки, водејќи сметка да не се применува потешка мерка ако истата цел може да се постигне со поблага мерка. Судот спрема обвинетиот истовремено може да определи повеќе мерки од ставот (1) на овој член, освен кога ќе ја определи мерката притвор.“Оваа одредба не воспоставува забрана за определување притвор ако обвинителот предложил куќен притвор, туку обврска за внимателна проценка дали поблагата мерка ја постигнува истата цел. Клучниот елемент е „ако истата цел може да се постигне“, што претставува прашање на конкретна судска оценка врз основа на утврдени околности, а не автоматска врзаност со предлогот на обвинителот.Во конкретниот случај, за Артан Груби претходно беше определен притвор од 30 дена и распишана меѓународна потерница поради недостапност. Тоа значи дека судот веќе утврдил ризик од бегство како законски основ за притвор (декември 2024 година).По завчерашното приведување, таа мерка требало да започне да се извршува, освен ако не се утврдени нови околности што убедливо го елиминираат тој ризик. Доколку обвинителството сметало дека се изменети околностите, можело да предложи (или пак предложило иако за тоа немам инфо) замена на претходно изречената мерка, но судот повторно е должен самостојно да ја оцени исполнетоста на законските основи и тоа да го образложи.Игнорирањето на овој процесен контекст ја прави тезата за „неможност“ (судија на претходна постапка „НЕ СМЕЕ“ да изрече притвор ако обвинителот предложил куќен притвор) правно неодржлива. Апсолутната формулација „НЕ СМЕЕ“ нема експлицитна законска поткрепа.Кога ваква поедноставена и неточна правна интерпретација се изнесува од член на Судскиот совет (орган што ја гарантира независноста и стручноста на судството) тоа не е само прашање на институционална воздржаност, туку и на лична одговорност за јавно изнесен правен став што создава погрешна перцепција за основни правила накривичната постапка“, вели Проф. д-р Јове Кекеновски.

Македонија | пред 1 месец

1 мес.
media-libraryreve2k9tqeu94s2EZ3Y

Жичницата на Водно денес не работи поради силен ветер

Јавното сообраќајно претпријатие - ЈСП Скопје ги известува своите корисници дека денес, жичницата на Водно нема да биде во функција поради засилен ветер.„Јачината на ветерот ги надминува дозволените граници како објектот би функционирал непречено и безбедно.Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците.Ви благодариме на разбирањето“, велат од ЈСП.

Скопје | пред 1 месец

1 мес.
media-library4n3r99gqskc8d7Lz4L9

Герасимовски: Салата Работнички ќе го носи името на легендарниот Лазар Лечиќ

Градоначалникот на Општина Центар, Горан Герасимовски, информираше дека целосно реконструираната спортска сала „Работнички“ ќе го носи името на легендарниот тренер Лазар Лечиќ.Во интервју за „Тема на денот” на Сител телевизија, Герасимовски посочи дека на следната седница на Советот ќе ја предложи точката салата официјално да биде именувана „Лазар Лечиќ“. Предлогот произлегол од иницијатива на ветераните на КК „Работнички“ и спортската јавност, кои инсистирале името на салата да го продолжи духот и традицијата на клубот.Герасимовски нагласи дека е особено горд како е реализиран проектот и се заблагодари на претходната и на актуелната Влада за финансиската поддршка што овозможила салата темелно да се реконструира.„Имаме целосно нова сала, од кровот, ново осветлување и вентилација, до нов модерен паркет, нови санитарии, средени канцеларии за спортските федерции. Буквално од корен е реконструирана. За мене ова има посебно значење, а верувам и за сите центарци и скопјани“, посочи тој.Герасимовски потсети дека првиот офиицијален натпревар во салата е планиран во петок, кога македонската кошаркарска репрезентација ќе одигра меч против селекцијата на Луксембург.

Скопје | пред 1 месец

1 мес.
doktor

Сè повеќе лекари од странство во Германија

Во Германија работат сè повеќе лекари од странство. Во 2024 година, 64.000 лекари немале германско државјанство, што е 13 отсто од сите лекари, наведува Федералниот завод за статистика.Десет години претходно, бројот на странски лекари бил 30.000, односно седум отсто.Во општа и стоматолошка медицина, во 2024 година работеле 121.000 лекари од странство, што претставува речиси четвртина од сите лекари. Дел од нив во меѓувреме стекнале германско државјанство.Меѓу оние кои добиле пасош, 42 отсто поминале помалку од десет години во Германија.Во 2024 година биле признати 7.000 странски дипломи. Меѓу нив, 21 отсто биле дипломи на Германци кои студирале медицина во странство – главно за да ги заобиколат германските ограничувања за упис.Најмногу од нив студирале во Австрија или Унгарија.Втората најголема група со признати странски дипломи биле Сиријците. Во 2024 година биле признати 800 сиријски дипломи од општа медицина и 100 од стоматологија.

Свет | пред 1 месец

1 мес.
media-librarysif786ucg7iadex4LE9

СДСМ: Одлуката за домашен притвор за Груби не е правна, туку политичка

Одлуката за домашен притвор за Груби не е правна, туку политичка. Таа е директна последица на политички дил и целосно контролирано судство и обвинителство од страна на ВМРО-ОКГ, велат од опозициската СДСМ.„Со месеци СДСМ предупредува дека судството и обвинителството се ставени под директна контрола на Мицкоски и ВМРО-ОКГ.Се менува јавен обвинител за да се стави обвинител под контрола на власта, се елиминираа независни кандидати, се инсталираа партиски кадри.Сопруга на екс градоначалник на ВМРО ја назначија за член на Судскиот совет.Советник на Мицкоски беше избран во Уставниот суд.Портпаролката на Владата ги знае судските пресуди за случаи во тек.Шефот на Обвинителот кој побара куќен притвор за Груби беше избран на оваа функција во Скопското јавно обвинителство пред еден месец.На кого веќе не му е јасно?Домашниот притвор за Груби е доказ дека правдата е погребана, правда нема, има контролирано обвинителство и судство кое одлучува под диктат на Мицкоски и ВМРО-ОКГ.Правна држава нема – има дил за политички цели и кампања на власта“, се вели во соопштението.

Македонија | пред 1 месец

1 мес.
media-library84gmk1d1cvb319qDuNS

Австралискиот премиер Ентони Албанез евакуиран поради закана за бомба

Австралискиот премиер Ентони Албанез изјави денес дека не ја зема својата безбедност „здраво за готово“, откако во вторник беше евакуиран од својата резиденција на неколку часа поради наводна закана со бомба.Албанез беше евакуиран од својата резиденција во Канбера во вторник доцна навечер по локално време поради безбедносна закана, а се врати неколку часа подоцна откако не беше пронајдено ништо сомнително, пренесува Ројтерс и наведува дека полицијата соопшти дека нема постојана закана.„Мислам дека ова е само потсетник, искористете ја секоја прилика да ги предупредите луѓето и да ја намалите напнатоста. Не можеме овие работи да ги земаме здраво за готово“, рече денес Албанез на настан во Мелбурн.Заканата со бомба била испратена до претставникот на Шен Јун, класична кинеска танцова трупа забранета во Кина, која требало да настапи во Австралија овој месец.Во е-пошта напишана на кинески јазик и испратена до локалните организатори на групата, било наведено дека експлозив бил поставен околу резиденцијата на Албанез и дека ќе биде активиран ако таа танцова група настапи во земјата.„Сите закани се пријавени кај австралиските безбедносни служби и органи за спроведување на законот. Го цениме преземеното за обезбедување на јавната безбедност и заштита на избраните функционери, вклучително и на премиерот“, соопшти кинеската танцова група.

Свет | пред 1 месец

1 мес.
media-librarysipimrtq1ei5f99Qylw

Обвинителите реагираат оти пратениците им ги чепкаат платите: Ова е спротивно на Устав и спротивно на закон

Здружението на јавните обвинители на Република Северна Македонија побара од Собранието да ја повлече од дневен ред точката за изменување на Законот за платите на јавните обвинители, која се разгледува на 89-тата седница одржана на 25 февруари 2026 година.Во итната јавна реакција испратена до претседателот на Собранието и до пратениците, здружението оценува дека предложените измени треба темелно да се преиспитаат, наведувајќи повеќе објективни причини за ваквото барање.Обвинителите посочуваат дека се свесни за сложената економска состојба во државата и потребата од мерки за штедење, но потсетуваат дека согласно Законот за платите на јавните обвинители, платата на јавен обвинител не може да биде намалена со закон или со одлука на државен орган, освен во случај на утврдена дисциплинска одговорност.Во реакцијата се нагласува дека јавните обвинители извршуваат сложена и одговорна функција, носејќи го товарот на кривичниот прогон без соодветни материјални услови и доволна стручна поддршка. Дополнително, законски предвидените додатоци за сложеност на трудот со години не им се исплаќаат поради недостиг на средства во Буџетот.Здружението укажува и дека функцијата јавен обвинител е неспојлива со вршење друга дејност, што значи дека платата претставува единствен приход. Според нивните наводи, платите се движат од помалку од 90.000 до 130.000 денари, што ги прави најниски во регионот. Во споредбата што ја доставуваат, во Србија платите се движат од 1.600 до 4.000 евра, во Црна Гора од 1.600 до 4.700 евра, во Албанија од 1.600 до 3.000 евра, додека во Бугарија просекот изнесува околу 3.000 евра плус годишен бонус. Во Македонија, според нив, износот е од 1.500 до 2.100 евра.Во реакцијата се повикуваат и на решение на Уставниот суд од 24 декември 2025 година, со кое е поведена постапка за оценка на уставноста на претходните измени на Законот, кога биле намалени коефициентите и ограничен порастот на платите. Иако конечната одлука сѐ уште не е донесена, од здружението предупредуваат дека дополнително намалување на коефициентите би ги продлабочило веќе оспорените законски недоследности.Според нив, ваквото законско решение е противуставно и незаконито и претставува економски притисок врз јавните обвинители, со што директно се загрозува нивната независност. Здружението повторно апелира точката да биде повлечена од дневниот ред, а потребата од измени да биде детално и внимателно преиспитана.

Македонија | пред 1 месец

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања