Најнови вести

1 мес.

Оставете ги обвинителите да одлучуваат, вели Здружението откако политичари коментираа за куќниот притвор на Груби

Здружение на јавни обвинители на Република Северна Македонија апелира до сите политички партии и функционери да го почитуваат начелото на поделба на власта и да се воздржат од јавна реторика со која, како што наведуваат, се нарушува самостојноста на јавните обвинители во одлучувањето.Во соопштението се наведува дека во изминатите денови јавноста била сведок на, како што ги оценуваат, неодговорни изјави со кои одредени политичари селектираат и прозиваат поединечни јавни обвинители, коментирајќи јавнообвинителски одлуки без да бидат запознаени со конкретниот предмет и доказите.„Ова кулминираше со политичките коментари во однос на определена мерка куќен притвор за еден од осомничените во предметот ‘Државна лотарија’. Ваквата јавна реторика мора да престане, а останатите институции да дозволат обвинителите непречено да постапуваат и да одлучуваат“, се наведува во реакцијата.Од Здружението посочуваат дека како професионална организација немаат овластувања да интервенираат или да ги коментираат одлуките на јавните обвинители во конкретни предмети. Сепак, истакнуваат дека имаат право и обврска да ја заштитат самостојноста на обвинителите кои, како што велат, стручно и одговорно ја вршат својата функција и да се борат за соодветни услови за нивната работа.

Македонија | пред 1 месец

1 мес.

ЗНАМ: Зоки, Венко - нема потреба од драматизација, ниту од паника, правдата сигурно ќе ве стигне

Секојдневните заложби на функционерите од редовите на Движењето ЗНАМ се во насока на почитување на Уставот и законите, истите да важат и да се спроведуваат еднакво за сите. Принципиелноста и владеењето на правото не се само апстрактни идеали, тие се темелот врз кој е изградено Движењето ЗНАМ за Наша Македонија, темелот врз кој стои целата наша политичка борба. Ниту денес, ниту утре, нема да отстапиме од тие идеали, велат од ЗНАМ како реакција на соопштенијата на СДСМ и ДУИ.„Кога министерот за правда, Игор Филков, бара одговорност со име и презиме, не станува збор за мешање во правосудството, туку обид да се врати довербата што беше разнишана во годините кога СДСМ и ДУИ создаваа механизми на селективна правда, кога институциите беа алатки на партиски интереси, а не на граѓаните.Имено, кога СДСМ се дрзнува да зборува за „сценарија“ и „дилови“, тие всушност се обидуваат да избегаат од сопственото политичко минато. Лесно е да се фрли сомнеж, но тешко е да се одговори за сопствените одлуки.Велат дека постои сценарио за враќање на Груби и некаков договор меѓу други политички субјекти. Но ако во оваа држава некој има историја на политички сценарија, договори зад затворени врати и обиди за контролирани враќања - тоа е токму коалицијата СДСМ/ДУИ.Да се потсетиме: бегството на Никола Груевски се случи во време кога СДСМ/ДУИ ја водеа Владата. Институциите беа под нивна надлежност. Системот беше под нивна одговорност.Токму во нивниот мандат почнаа и разговорите за можни „решенија“, за начини на негово враќање, за политички формули со кои ќе се затвори едно прашање што тежеше врз системот.Нивното владеење се одбележа и со укинување на член 353 од Кривичниот законик, под изговор на усогласување и реформи, клучната одредба за гонење злоупотреба на службена положба, интервенција директно под покровителство на СДСМ/ДУИ, со која се релативизираше одговорноста на функционери.Со едно гласање се затворија или се доведоа до застарување повеќе предмети, спроведоа одлука со длабоки последици, направија амнестија спакувана како европска реформа.Кога зборуваат за морал и правда, нека одговорат и за скандалот со вакцините - за доцнењата, за сомнителните договори, за посредниците и милионските обврски во време кога граѓаните се бореа за здравје и живот. Нека одговорат за аферата со марихуаната, каде што лиценци се делеа во сенка на политички врски.Нека одговорат за ТЕЦ Неготино, за притворите и сомнежите за штетни договори. Нека одговорат и зошто во кривичната пријава против Артан Груби се споменува и поранешниот премиер и тогашен претседател на СДСМ, Димитар Ковачевски?! Дали можеби токму таму лежи вистинската причина за нервозата што ја гледаме?!Поранешниот вицепремиер Артан Груби беше главниот благајник на коалицијата СДСМ–ДУИ, човек преку кого поминуваа кадровските поделби, крупните инфраструктурни договори и политичките компромиси. Во негово време и директно под негова контрола се туркаше договорот со Бехтел и Енка за Коридор 8 со специјален закон и авансни исплати, штоотвори сериозни сомнежи за провизии и нетранспарентност. Лице осомничено за проневера од над осум милиони евра во случајот со Државна лотарија.И кога се отвора прашањето за негово расчистување, наместо со факти, раководството на ДУИ одговара со драматизација, но во суштина стравуваат од целосно и неселективно расчистување.Од една страна, разбирлива е чувствителноста и нервозата кога станува збор за поранешни високи функционери што со години биле во самиот врв на одлучувањето.Главниот оперативец на коалицијата СДСМ/ДУИ, Груби, е жива архива на политички и финансиски шеми што долго беа скриени од јавноста.Дали ДУИ се загрижени дека доколку Груби проговори ќе се отвори пандорината кутија?Дали стравуваат дека тој може да стане заштитен сведок и да ги открие сите шеми, договори и улоги што го одржуваа нивниот систем на моќ?Затоа инсистираме, институциите мораат да ја завршат својата работа темелно, транспарентно и без селекција. Правдата не смее да биде алатка на партиите, ниту законите да се кршат за политички потреби. Ако некој мисли дека може да создава магла и сцени пред да се појават фактите, тогаш не го разбира времето во кое живееме. Времето на тајни договори, контролирани институции и политички заштити заврши!Али, Зоки, Венко - нема потреба од драматизација, ниту од паника. Без разлика колку ќе се препелкате со соопштенија, обвинувања и конструкции - правдата сигурно ќе ве стигне. Исходот сите го знаете. На крајот, правдата секогаш наоѓа пат…“, се вели во соопштението.

Македонија | пред 1 месец

1 мес.

Кузеска: Обвинителството се заплетка со притворот за Груби, се покажа дилот, сè е договорено

Политичкиот дил ВМРО-ДУИ со Груби веќе на сите им è јасен, граѓаните знаат што се случува. Разоткриенo е секое делче од ова договорено сценарио. Од режираната претстава на границата, со наочари и насмевка. Преку пречекот со камери, со медиумска поддршка на 40% од медиумите под контрола ВМРО преку Орбан, па се до одредувањето на куќен притвор од обвинителството и сдуството под контрола на ВМРО-ОКГ, вели Богданка Кузеска - портпаролка на СДСМ„Сакајќи да се исперат од скандалозна одлука за одредување куќен притвор Обвинителството директно го закопа Христијан Мицкоски.Вчера, Обвинителството соопшти дека МВР на Тошковски и АНБ на Христовски дале проценка дека Груби „не бил безбеден“ во „Шутка“, па затоа предложиле куќен притвор.Истиот ден, излезе директорот на затворот Шутка, Бобан Утковски, го демантираше Обвинителството и рече дека ниту МВР ниту АНБ „не се обратиле ниту усно ниту писмено до затворот за да побараат мислење за безбедноста“.Епа како донеле одлука во Обвинителството?Има ли подобра потврда од ова тврдење дека сè е договорено и дека јавноста само се лаже и се замајува?Сè е јасно.Затоа обвинителството и судството беа ставени под директна контрола на Мицкоски и ВМРО-ОКГ, за што СДСМ со месеци говори.Тоа го имаме како потврда и за овој случај. Кои обвинители постапуваа во предметот и кој го предложи куќниот притвор за Груби? Предметен обвинител е Даниел Коцев, а негов шеф на Скопското Обвинителство е Анел Фидоски, кој беше избран на оваа функција на 20 јануари 2026 година.Сè е јасно, сè е договорено, смислено сценарио.Можеби ваквите сценарија им поминуваа со години наназад, но повеќе не поминуваат – разоткриени се.Граѓаните гледаат и знаат сè. Одговорност ќе има“, вели Кузеска.

Македонија | пред 1 месец

1 мес.

Посета на претседателот на Албанија Бајрам Бегај – посебен режим на сообраќај во Скопје

На 26, 27 и 28.02.2026 година (четврток, петок и сабота), во официјална посета на Република Северна Македонија ќе престојува г-дин Бајрам Бегај, претседател на Република Албанија.„Поради посетата, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на градот Скопје.СВР Скопје апелира до сите учесници во сообраќајот да ги почитуваат наредбите и упатствата што ќе ги даваат униформираните полициски службеници, со цел непречено и безбедно одвивање на сообраќајот“, велат од МВР.

Скопје | пред 1 месец

1 мес.

Вчера за првпат „Сејф сити“ не регистрирл прекршок за минување на црвено светло

Вчера, од системот „Безбеден град“ регистрирани се вкупно 526 прекршоци, првпат не е регистриран ниту еден за минување на црвено светлоПрвпат откако функциниора системот „Безбеден град“, на 24.02.2026 не е регистриран ниту еден прекршок за минување на затворен семафор - црвено светло. На подрачјата на градовите и коридорите каде се поставени камери, регистрирани се вкупно 526 прекршоци, од кои 84 се сторени од возачи кои управувале возило со странски регистарски таблички.За управување на возило со брзина поголема од дозволената регистрирани се 504 прекршоци и 22 за управување со возило со измината важност на сообраќајната дозвола. Исто така, изречени се вкупно 17 мерки „забрана за управување со возило“ - сите за управување возило со поголема брзина од дозволената, од кои 13 за брзина поголема од 80 км на час во населено место и четири мерки за брзина поголема од 10 км на час сопствено ограничување на возило.Во рамки на предвиденото дозволено отстапување во брзината на движење толерирани се 3.336 возачи.

Македонија | пред 1 месец

1 мес.

Трамп: Меланија е филмска ѕвезда

Доналд Трамп за време на обемното обраќање за состојбата во нацијата накратко се одвои од теми како економијата и криминалот и посебно се осврна на сопругата Меланија Трамп.Пред присутните, Трамп ја претстави Меланија како „филмска ѕвезда“ и додаде дека таа ужива поголема поддршка отколку тој.Никој не се грижи повеќе за заштитата на американската младина од нашата прва дама. Сега е и филмска ѕвезда, можете ли да верувате? Кој би помислил? Во изминатата година таа имаше неверојатно влијание – помогна да се промовира законот за вештачка интелигенција, ја унапреди претседателската наредба за старателство и обезбеди 30 милиони долари за започнување на Иницијативата на Меланија Трамп за осамостојување на млади кои излегуваат од системот на старателство. Тоа е огромна работа.“– рече Трамп, обраќајќи се на политичарите во салата.Потоа, на шега, и рече на сопругата дека нејзините напори добиваат многу поголема поддршка отколку неговите:Тоа е навистина голема работа – доби силна поддршка од двете страни. Таа добива многу поголема поддршка од мене. Јас не добивам никаква, а таа добива голема. Еден ден ќе мора да ми откриеш како ти успева тоа!“ – рече Трамп.

Свет | пред 1 месец

1 мес.

Кекеновски: Не постои законска забрана судија да одреди притвор ако обвинителот бара куќен притвор

Проф. д-р Јове Кекеновски реагираше на изјавата на Сузана Јошевска-Анастасовска, член на Судскиот совет на Република Македонија, која тврди дека судија „не смее“ да определи ефективен притвор доколку обвинителот предложил куќен притвор. Кекеновски оценува дека таквата формулација е неточна, го игнорира процесниот контекст и создава погрешна перцепција за основните принципи на кривичната постапка.Во својата јавна Фејсбук-објава, г-ѓа Сузана Јошевска Анастасовска, како член на Судскиот совет, тврди дека судија на претходна постапка „НЕ СМЕЕ“ да изрече притвор ако обвинителот предложил куќен притвор, додавајќи дека „нема потреба од итна седница на Судски совет за да се расправа основно правило во кривичнапостапка“.Доколку ваквиот став се темели на член 144 став (2) од ЗКП, тогаш станува збор за погрешно толкување на начелото на пропорционалност и редукција на основни процесни принципи. Имено, одредбата од законот гласи: „При одлучувањето која од наведените мерки ќе ја примени, надлежниот орган ќе се придржува кон условите определени за примена на одделни мерки, водејќи сметка да не се применува потешка мерка ако истата цел може да се постигне со поблага мерка. Судот спрема обвинетиот истовремено може да определи повеќе мерки од ставот (1) на овој член, освен кога ќе ја определи мерката притвор.“Оваа одредба не воспоставува забрана за определување притвор ако обвинителот предложил куќен притвор, туку обврска за внимателна проценка дали поблагата мерка ја постигнува истата цел. Клучниот елемент е „ако истата цел може да се постигне“, што претставува прашање на конкретна судска оценка врз основа на утврдени околности, а не автоматска врзаност со предлогот на обвинителот.Во конкретниот случај, за Артан Груби претходно беше определен притвор од 30 дена и распишана меѓународна потерница поради недостапност. Тоа значи дека судот веќе утврдил ризик од бегство како законски основ за притвор (декември 2024 година).По завчерашното приведување, таа мерка требало да започне да се извршува, освен ако не се утврдени нови околности што убедливо го елиминираат тој ризик. Доколку обвинителството сметало дека се изменети околностите, можело да предложи (или пак предложило иако за тоа немам инфо) замена на претходно изречената мерка, но судот повторно е должен самостојно да ја оцени исполнетоста на законските основи и тоа да го образложи.Игнорирањето на овој процесен контекст ја прави тезата за „неможност“ (судија на претходна постапка „НЕ СМЕЕ“ да изрече притвор ако обвинителот предложил куќен притвор) правно неодржлива. Апсолутната формулација „НЕ СМЕЕ“ нема експлицитна законска поткрепа.Кога ваква поедноставена и неточна правна интерпретација се изнесува од член на Судскиот совет (орган што ја гарантира независноста и стручноста на судството) тоа не е само прашање на институционална воздржаност, туку и на лична одговорност за јавно изнесен правен став што создава погрешна перцепција за основни правила накривичната постапка“, вели Проф. д-р Јове Кекеновски.

Македонија | пред 1 месец

1 мес.

Жичницата на Водно денес не работи поради силен ветер

Јавното сообраќајно претпријатие - ЈСП Скопје ги известува своите корисници дека денес, жичницата на Водно нема да биде во функција поради засилен ветер.„Јачината на ветерот ги надминува дозволените граници како објектот би функционирал непречено и безбедно.Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците.Ви благодариме на разбирањето“, велат од ЈСП.

Скопје | пред 1 месец

1 мес.

Герасимовски: Салата Работнички ќе го носи името на легендарниот Лазар Лечиќ

Градоначалникот на Општина Центар, Горан Герасимовски, информираше дека целосно реконструираната спортска сала „Работнички“ ќе го носи името на легендарниот тренер Лазар Лечиќ.Во интервју за „Тема на денот” на Сител телевизија, Герасимовски посочи дека на следната седница на Советот ќе ја предложи точката салата официјално да биде именувана „Лазар Лечиќ“. Предлогот произлегол од иницијатива на ветераните на КК „Работнички“ и спортската јавност, кои инсистирале името на салата да го продолжи духот и традицијата на клубот.Герасимовски нагласи дека е особено горд како е реализиран проектот и се заблагодари на претходната и на актуелната Влада за финансиската поддршка што овозможила салата темелно да се реконструира.„Имаме целосно нова сала, од кровот, ново осветлување и вентилација, до нов модерен паркет, нови санитарии, средени канцеларии за спортските федерции. Буквално од корен е реконструирана. За мене ова има посебно значење, а верувам и за сите центарци и скопјани“, посочи тој.Герасимовски потсети дека првиот офиицијален натпревар во салата е планиран во петок, кога македонската кошаркарска репрезентација ќе одигра меч против селекцијата на Луксембург.

Скопје | пред 1 месец

1 мес.

Сè повеќе лекари од странство во Германија

Во Германија работат сè повеќе лекари од странство. Во 2024 година, 64.000 лекари немале германско државјанство, што е 13 отсто од сите лекари, наведува Федералниот завод за статистика.Десет години претходно, бројот на странски лекари бил 30.000, односно седум отсто.Во општа и стоматолошка медицина, во 2024 година работеле 121.000 лекари од странство, што претставува речиси четвртина од сите лекари. Дел од нив во меѓувреме стекнале германско државјанство.Меѓу оние кои добиле пасош, 42 отсто поминале помалку од десет години во Германија.Во 2024 година биле признати 7.000 странски дипломи. Меѓу нив, 21 отсто биле дипломи на Германци кои студирале медицина во странство – главно за да ги заобиколат германските ограничувања за упис.Најмногу од нив студирале во Австрија или Унгарија.Втората најголема група со признати странски дипломи биле Сиријците. Во 2024 година биле признати 800 сиријски дипломи од општа медицина и 100 од стоматологија.

Свет | пред 1 месец

1 мес.

СДСМ: Одлуката за домашен притвор за Груби не е правна, туку политичка

Одлуката за домашен притвор за Груби не е правна, туку политичка. Таа е директна последица на политички дил и целосно контролирано судство и обвинителство од страна на ВМРО-ОКГ, велат од опозициската СДСМ.„Со месеци СДСМ предупредува дека судството и обвинителството се ставени под директна контрола на Мицкоски и ВМРО-ОКГ.Се менува јавен обвинител за да се стави обвинител под контрола на власта, се елиминираа независни кандидати, се инсталираа партиски кадри.Сопруга на екс градоначалник на ВМРО ја назначија за член на Судскиот совет.Советник на Мицкоски беше избран во Уставниот суд.Портпаролката на Владата ги знае судските пресуди за случаи во тек.Шефот на Обвинителот кој побара куќен притвор за Груби беше избран на оваа функција во Скопското јавно обвинителство пред еден месец.На кого веќе не му е јасно?Домашниот притвор за Груби е доказ дека правдата е погребана, правда нема, има контролирано обвинителство и судство кое одлучува под диктат на Мицкоски и ВМРО-ОКГ.Правна држава нема – има дил за политички цели и кампања на власта“, се вели во соопштението.

Македонија | пред 1 месец

1 мес.

Австралискиот премиер Ентони Албанез евакуиран поради закана за бомба

Австралискиот премиер Ентони Албанез изјави денес дека не ја зема својата безбедност „здраво за готово“, откако во вторник беше евакуиран од својата резиденција на неколку часа поради наводна закана со бомба.Албанез беше евакуиран од својата резиденција во Канбера во вторник доцна навечер по локално време поради безбедносна закана, а се врати неколку часа подоцна откако не беше пронајдено ништо сомнително, пренесува Ројтерс и наведува дека полицијата соопшти дека нема постојана закана.„Мислам дека ова е само потсетник, искористете ја секоја прилика да ги предупредите луѓето и да ја намалите напнатоста. Не можеме овие работи да ги земаме здраво за готово“, рече денес Албанез на настан во Мелбурн.Заканата со бомба била испратена до претставникот на Шен Јун, класична кинеска танцова трупа забранета во Кина, која требало да настапи во Австралија овој месец.Во е-пошта напишана на кинески јазик и испратена до локалните организатори на групата, било наведено дека експлозив бил поставен околу резиденцијата на Албанез и дека ќе биде активиран ако таа танцова група настапи во земјата.„Сите закани се пријавени кај австралиските безбедносни служби и органи за спроведување на законот. Го цениме преземеното за обезбедување на јавната безбедност и заштита на избраните функционери, вклучително и на премиерот“, соопшти кинеската танцова група.

Свет | пред 1 месец

1 мес.

Обвинителите реагираат оти пратениците им ги чепкаат платите: Ова е спротивно на Устав и спротивно на закон

Здружението на јавните обвинители на Република Северна Македонија побара од Собранието да ја повлече од дневен ред точката за изменување на Законот за платите на јавните обвинители, која се разгледува на 89-тата седница одржана на 25 февруари 2026 година.Во итната јавна реакција испратена до претседателот на Собранието и до пратениците, здружението оценува дека предложените измени треба темелно да се преиспитаат, наведувајќи повеќе објективни причини за ваквото барање.Обвинителите посочуваат дека се свесни за сложената економска состојба во државата и потребата од мерки за штедење, но потсетуваат дека согласно Законот за платите на јавните обвинители, платата на јавен обвинител не може да биде намалена со закон или со одлука на државен орган, освен во случај на утврдена дисциплинска одговорност.Во реакцијата се нагласува дека јавните обвинители извршуваат сложена и одговорна функција, носејќи го товарот на кривичниот прогон без соодветни материјални услови и доволна стручна поддршка. Дополнително, законски предвидените додатоци за сложеност на трудот со години не им се исплаќаат поради недостиг на средства во Буџетот.Здружението укажува и дека функцијата јавен обвинител е неспојлива со вршење друга дејност, што значи дека платата претставува единствен приход. Според нивните наводи, платите се движат од помалку од 90.000 до 130.000 денари, што ги прави најниски во регионот. Во споредбата што ја доставуваат, во Србија платите се движат од 1.600 до 4.000 евра, во Црна Гора од 1.600 до 4.700 евра, во Албанија од 1.600 до 3.000 евра, додека во Бугарија просекот изнесува околу 3.000 евра плус годишен бонус. Во Македонија, според нив, износот е од 1.500 до 2.100 евра.Во реакцијата се повикуваат и на решение на Уставниот суд од 24 декември 2025 година, со кое е поведена постапка за оценка на уставноста на претходните измени на Законот, кога биле намалени коефициентите и ограничен порастот на платите. Иако конечната одлука сѐ уште не е донесена, од здружението предупредуваат дека дополнително намалување на коефициентите би ги продлабочило веќе оспорените законски недоследности.Според нив, ваквото законско решение е противуставно и незаконито и претставува економски притисок врз јавните обвинители, со што директно се загрозува нивната независност. Здружението повторно апелира точката да биде повлечена од дневниот ред, а потребата од измени да биде детално и внимателно преиспитана.

Македонија | пред 1 месец

1 мес.

Николоски: Отворени 22 нови рути кои ја поврзуваат Македонија со цела Европа

Министерот за транспорт, Александар Николоски, истакна дека авиосообраќајот во Македонија бележи силен раст, со отворање на 22 нови линии кои ја поврзуваат земјата со Европа. Според него, аеродромите стануваат регионални лидери, а во наредниот период се планирани дополнителни активности за унапредување на транспортната инфраструктура.„Силно се развива авиосообраќајот во МакедонијаОтворени се 22 нови рути кои ја поврзуваат Македонија со цела Европа.Аеродромите во државата со се поголем број на патници стануваат лидери во регионот.Продолжуваме во период кој следи со уште повеќе активности со цел зајакнување на авиосообраќајот“, вели Александар Николоски.

Македонија | пред 1 месец

1 мес.

234001336_371435821012609_5349251136558521544_n

Вреди: Стравот во Мала Речица е страв од моментот кога сенката на Али Ахмети ќе почне да зборува

Артан Груби е црната кутија на ДУИ. Не е обичен поранешен функционер во куќен притвор, туку човекот што ги знае сите влезови и излези на системот што ДУИ го градеше со години. Тој е живата архива на една партиска шема што со години се штитела од јавноста. Кога црната кутија еднаш ќе падне во рацете на институциите, нема веќе простор за глума, ниту за митови. Почнува расплетот, велат од „Вреди“.Според нив, куќниот притвор не е олеснување. Тоа е, како што велат, знак дека приказната влегува во фаза во која зборовите на ДУИ повеќе не важат, туку фактите.„Институциите почнаа да ја копаат вистината што ДУИ со години ја закопуваше, како се кроеше моќта зад грбот на граѓаните и каде исчезнуваа парите. И токму затоа ДУИ денес е во паника.Додека Артан Груби гледа телевизија дома, во ДУИ преовладува паничен напад од прв до последен. Тие не се плашат од мерката, туку од тежината на она што Груби го носи со себе. Бидејќи тој беше таму каде што се решаваше сè. Таму каде што се договараа работите „под маса“. Таму каде што се кроеше моќта и се делеа интересите.Затоа стравот во Мала Речица не е случаен. Тоа е страв од моментот кога сенката на Али Ахмети ќе почне да зборува. Кога ќе почнат да излегуваат имиња, шеми и улоги. И кога ќе стане јасно дека Груби не е само товар за ДУИ, туку потенцијална искра што може да ја запали целата нивна конструкција“.Ова, додаваат од коалицијата, не е крај. Според нив, ова е почеток на процес што може темелно да ја разниша конструкцијата изградена околу Али Ахмети.

Македонија | пред 1 месец

1 мес.

Маж во Осиек ја избодел сопругата, делови од нејзиното тело пронајдени во дворот на семејната куќа

Окружното јавно обвинителство во Осиек, по спроведена истрага, поднесе обвинение против 53-годишен хрватски државјанин за убиство на неговата сопруга. Злосторството се случило минатата година во населбата Тења во Осиек (Хрватска), а обвинението е поднесено пред Окружниот суд во Осиек, пишува DORH.Обвинението го товари 53-годишниот маж дека ја избодел својата сопруга со остар предмет по целото тело во периодот од 2 август до 2 септември 2025 година во Тења, поради нарушени брачни односи и со намера да ја убие својата сопруга, која претходно ја злоставувал.Жената починала од повредите, а делови од нејзиното тело биле пронајдени во дворот на нивната семејна куќа.Во обвинението, државното обвинителство му предложило на судот продолжување на притворот против обвинетиот.Како што се наведува, причините се опасноста од повторување на кривично дело и фактот дека притворот е неопходен за непречено водење на постапката.Обвинителството истакнува дека станува збор за кривично дело за кое е пропишана долгогодишна затворска казна и кое е сторено под особено тешки околности.

Свет | пред 1 месец

1 мес.

„Војната не ја осакатува Русија, туку Европа“ – Орбан критики кон Брисел

Унгарскиот премиер Виктор Орбан денес ги обвини европските лидери предводени од Урсула фон дер Лајен дека се согласиле со претседателот на Украина – Володимир Зеленски за продолжување на војната.„Ова се лоши вести за Европа. Војна за која очигледно нема решение на фронтот, но која подразбира ужасно уништување, се продолжува. Околу 35.000 луѓе умираат или се осакатуваат секој месец, додека линиите на фронтот едвај се движат, оставајќи стотици илјади вдовици, сирачиња, мајки кои тагуваат по своите синови. Ова е она што Брисел го поддржува“, се наведува во објавата на Орбан на Фејсбук.Орбан изјави дека стотици милијарди евра се горат „залудно“ и додаде дека војната во Украина не ја осакатува Русија, туку Европа, како и дека создава ризик од нуклеарен конфликт и конфронтација на Европа со нуклеарна сила, пренесува МТИ.

Свет | пред 1 месец

1 мес.

Адвокатот Димоски до Филков за притворот на Груби: Неспорна е одговорноста само на извршната власт

Министерот за правда, Игор Филков јавно ги повика сите инволвирани во постапката за поранешниот вицепремиер Артан Груби да дадат детално и транспарентно образложение за своите одлуки, потенцирајќи дека одговорноста мора да биде лоцирана со име и презиме.Адвокатот Војо Димоски на социјалните мрежи упати остри критики кон Филков, оценувајќи дека неговите изјави во врска со определувањето на мерката притвор покажуваат „тотално непознавање на работите“.„Министерот за правда демонстрира тотално непознавање на работите со барањето да се испита работењето на судијата кој не определил ефективен притвор. Како да определи притвор кога Обвинителството предложило куќен притвор?Дискутабилна е и одговорноста на обвинителот во светло на постоење на мислење од АНБ и МВР дека притворот не бил безбеден за Груби.Неспорна е одговорноста само на извршната власт во случајов претставена преку МВР и АНБ.За поздравување е што фризурата на Министерот за правда е секогаш уредна, ама уште поважно е да си ги среди мислите“, вели Димоски.

Коментари | пред 1 месец

1 мес.

Трамп одржа рекордно долг говор за состојбата на нацијата: Нема да дозволам најголемиот спонзор на тероризмот да има нуклеарно оружје

Претседателот на САД, Доналд Трамп, го одржа обраќањето за состојбата на нацијата пред Конгресот на САД, прво во неговиот втор претседателски мандат.Во рекордно долгиот говор од 107 минути во вторник вечерта, тој ги пофали своите антиимиграциски политики, намалувањето на федералната влада, напорите за одржување на новите тарифи што неодамна ги оспори Врховниот суд на САД и способноста на неговата администрација да управува со брзи воени акции низ целиот свет, вклучително и во Иран и Венецуела, објавува АП.Пред Трамп, рекордот за најдолго обраќање за состојбата на нацијата го држеше поранешниот американски претседател Бил Клинтон, објавува Си-Ен-Ен. Клинтон го одржа својот последен говор пред Конгресот како претседател на САД на 27 јануари 2000 година, а траеше еден час и 28 минути.Поранешниот американски претседател Ричард Никсон сè уште го држи рекордот за најкратко обраќање за состојбата на нацијата – неговото обраќање пред Конгресот во 1972 година траеше помалку од 30 минути.Трамп го започна својот говор велејќи дека неговата администрација направила „историски пресврт“ и дека ова е „златно доба за Соединетите Американски Држави“.„Нашата нација сега е поголема, подобра, побогата и посилна од кога било досега“, рече Трамп.Тој ги нарече царините што ги воведе „зачудувачки економски пресврт за САД“, а пресудата на Врховниот суд со која поништи многу од нив – „многу несреќна“.Осум месеци по нападот на САД врз нуклеарните постројки на Иран, претседателот Трамп зборуваше за можни нови напади врз Иран во случај да не се постигне договор со иранското раководство, објавува CNN.Трамп рече дека Иран и неговите сојузници „убиле и осакатиле илјадници американски војници“ и ги обвини иранските власти дека се одговорни за смртта на речиси 32.000 луѓе за време на бранот масовни протести.Сепак, најзначајниот дел од неговиот говор за Иран беше посветен на иранската нуклеарна закана.„Тие беа предупредени да не се обидуваат да ја обноват својата нуклеарна програма во иднина, особено не развојот на нуклеарно оружје. Сепак, тие продолжуваат да ја рестартираат. Ние ја избришавме и тие сакаат да почнат одново. Во моментов тие повторно ги следат своите злокобни амбиции“, рече Трамп и рече дека сè уште сака да постигне договор.Тој предупреди дека нема да дозволи Иран никогаш да има нуклеарно оружје.„Едно е сигурно: никогаш нема да дозволам најголемиот спонзор на тероризмот во светот, што тие секако се, да има нуклеарно оружје. Не можам да дозволам тоа да се случи“, рече американскиот претседател.Тој рече дека, пред новата рунда разговори со Техеран и во услови на зголемување на американските сили на Блискиот Исток, Иран сака да постигне договор повеќе од САД.

Свет | пред 1 месец

1 мес.

(Видео) Се урна турски борбен авион F-16 – пилотот загина

Турски воен авион F-16 се урна рано утрово за време на лет во западната провинција Баликесир, а во несреќата загина пилотот, соопшти Министерството за национална одбрана на Турција.Според соопштението, инцидентот се случил на автопатот Измир-Истанбул, а авионот се урнал кратко по полетувањето.„Во 00:56 часот по локално време, беше изгубен радио-контакт и локација на нашиот ловец F-16, кој полетал од 9-та воздухопловна база во Баликесир. Како резултат на веднаш започнатите операции за пребарување и спасување, утврдено е дека нашиот авион се урнал, а неговите остатоци се пронајдени. Нашиот пилот загина“, се наведува во соопштението на турското министерство, пренесува Анадолија.Истрагата за причините за несреќата е во тек.

Свет | пред 1 месец

1 мес.

(Фото) Трагедија во Вашингтон: Четири лица убиени во напад со нож

Четири лица загинаа во напад со нож извршен во вторник од страна на маж во сојузната држава Вашингтон, соопштија локалните власти и потврдија дека напаѓачот бил смртно застрелан.Канцеларијата на шерифот на округот Пирс соопшти дека заменик-шерифовите во 08:40 часот по локално време реагирале на првата пријава дека 32-годишен маж го прекршил налогот за забрана на контакт, во куќата на полуостровот Ки, северозападно од Такома.Додека патувале кон местото, околу 09:30 часот, добиле дополнителни пријави дека мажот ги прободел луѓето со нож пред куќата.„Првиот заменик-шериф стигна на местото на настанот за околу три минути и пукал во осомничениот, кој потоа бил прогласен за мртов“, изјави полицајката Шелби Боуд, портпаролка на Истражниот тим на округот Пирс.Три жртви на нападот со нож биле мртви на лице место, а една починала за време на транспортот до болницата. Судската евиденција на округот Пирс покажува дека жената што живеела на таа адреса, во мај минатата година побарала и добила едногодишна забрана за пристап за својот 32-годишен син.Во барањето напишала дека нејзиниот син има проблеми со менталното здравје и злоупотреба на недозволени супстанции, дека веќе физички ја нападнал неа, а неодамна ѝ се заканувал кажувајќи ѝ дека нејзиниот „гроб веќе е ископан“.

Свет | пред 1 месец

1 мес.

ВМРО-ДПМНЕ: Дали СДС стравува од сведочењето на Груби

Очигледна е паниката во редовите на СДС по апсењето на екс вицепремиерот Артан Груби. Институциите си ја завршија работата и го доведоа Груби пред лицето на правдата. Криминалецот Груби беше во бегство година дена, откако се отвори постапка за негова вина во случајот со Државната лотарија за проневера на државни пари во вредност од над 8 милиони евра, велат од политичката партија ВМРО-ДПМНЕ.„Милионските криминали во Државна лотарија се случувале под покровителство на СДС и ДУИ. Додека се злоупотребувале парите на граѓаните СДС знаеле, молчеле и не реагирале поради коалициски мир со ДУИ, за да не им се распадне коалицијата и да останат ден повеќе на власт.Дали денес нервозата кај Филипче, Заев и СДС доаѓа од можноста вистината да излезе на виделина? Дали во СДС има паника поради евентуалните искази што би можеле да допрат и до поранешни високи функционери на СДС помеѓу кои и Заев, Филипче, Спасовски, Зечевиќ?Институциите мора да постапуваат без селективност и без политички притисоци. Секој кој го прекршил законот мора да одговара.Времето на неказнивост заврши, Македонија мора да биде држава во која правдата е еднаква за сите. Владеење на правото и правдата мора да има“, велат од партијата.

Македонија | пред 1 месец

1 мес.

(Видео) „Кој знае – прави, кој не знае – брои“: Јакимовски објави кои проекти ќе беа готови за 100 дена

Ексградоначалникот на Карпош, Стевчо Јакимовски објави видео на Фејсбук во кое вели дека доколку победел на локалните избори, немало да брои 100 дена, туку завршени проекти.„Градинката „Мајски Цвет“ во Тафталиџе 1 веќе ќе беше вселена.„Пролет“ кај Канела ќе беше во завршна фаза – а децата на 1 мај ќе влегуваа во нов простор, не во ветувања.Спортската сала во ООУ „Димов Хаџи Димов“? На 8 март ќе сечевме лента.Улиците Петар Чаулев, Козле 3, Софиска, Џумајска, Јуриј Гагарин, Загребска, Атинска, Бранислав Нушиќ, Трифун Бузев – ќе беа завршени.Канализациите во Бардовци и на Ловќенска ќе беа решени.Потпорниот ѕид на Загребска ќе беше безбеден, а не тема за оправдувања.Проектите за катни гаражи во Карпош 1 и Карпош 2 ќе беа готови, со распишани тендери.Значи, не е прашањето во деновите. Прашањето е во посветеноста.Кој знае – прави. Кој не знае – брои.А денот се познава по утрото.Како што почнаа овие 100 дена – така ќе изгледаат и следните 1.000. – вели Јакимовски.

Скопје | пред 1 месец

1 мес.

Русија обвинува дека Лондон и Париз планираат да ја снабдат Украина со нуклеарно оружје

Лондон и Париз, кои според тврдењата на руската надворешна разузнавачка служба планираат да ја снабдат Украина со нуклеарно оружје, „се поигруваат“ со тоа прашање заедно со Киев, изјави денеска портпаролката на Министерството за надворешни работи на Русија, Марија Захарова.Таа додаде дека повеќе не станува збор само за закани и изјави, туку, според нејзините зборови, се преземаат конкретни активности.Велика Британија и Франција се подготвуваат и веќе се во процес на манипулирање, не реторички, туку практично, со прашањето за нуклеарно оружје“, изјави Захарова, пренесува РИА Новости.Според тврдењата на руската Надворешна разузнавачка служба, поради „тешката ситуација“ во Северноатлантската алијанса, Лондон и Париз планираат да префрлат нуклеарна бомба или барем „валкана“ бомба во Киев.Француската бојева глава со мала големина ТН75 од балистичката ракета М51, која се лансира од подморници, се разгледува како опција, наведува агенцијата.Како што соопшти руската служба, бидејќи плановите на западните земји грубо го кршат меѓународното право, тие сакаат тоа да го прикажат како Украина сама да го развила оружјето.Портпаролот на Кремљ, Дмитриј Песков, изјави дека добиените податоци ќе бидат земени предвид, меѓу другото, и во преговорите за решавање на конфликтот. Помошникот на рускиот претседател, Јуриј Ушаков, најави дека властите ќе ги споделат сите информации со САД, пренесува РИА Новости.

Свет | пред 1 месец

1 мес.

Рокас во посета на Прилеп

Амбасадорот на Европска Унија во земјава, Михалис Рокас, денеска ќе престојува во Прилеп, во рамки на иницијатива насочена кон подобро информирање на јавноста и приближување на европските политики и интегративниот процес до локалните заедници.Агендата предвидува средба со градоначалникот Дејан Проданоски, по што ќе се одржи состанок и со членовите на Општинскиот совет. Разговорите ќе се фокусираат на придобивките од членството во ЕУ и на конкретните ефекти од европската поддршка врз секојдневието на граѓаните во регионот.За време на посетата, амбасадорот ќе се сретне и со претставници на граѓанскиот сектор, како и со Младинскиот совет при Општина Прилеп.

Македонија | пред 1 месец