На 15.03.2026 во 17:40 часот, полициски службеници од СВР Тетово го лишија од слобода Б.С.(65) од тетовско село, постапувајќи по претходна пријава дека во домот физички ја нападнал неговата ќерка и нејзиниот малолетен син.По целосно документирање на случајот, ќе следува соодветна пријава.
Македонија | пред 4 дена
На 15.03.2026 во 19:40 часот во с.Желино, тетовско, полициски службеници од СВР Тетово го лишија од слобода Н.К.(54) од с.Желино, постапувајќи по претходна пријава дека во автобус соостар предмет се заканувал на Н.Ќ. од с.Желино.По целосно документирање на случајот, ќе следува соодветна пријава.
Македонија | пред 4 дена
На 15.03.2026 во 14:18 часот во СВР Тетово е пријавено дека на регионалниот пат Тетово-Пирок, кај с.Долно Палчиште, се случила сообраќајна несреќа помеѓу патничко возило „бмв“ со тетовски регистарски ознаки, управувано од Џ.Р.(50) од с.Горно Палчиште, тетовско и мотоцикл со тетовски регистарски ознаки, управуван од А.И.(22) од с.Долно Палчиште.Во несреќата со тешки телесни повреди се здобил мотоциклистот, додека со телесни повреди се здобил неговиот деветгодишен сопатник од с.Долно Палчиште, констатирани во Клиничка болница Тетово.Извршен е увид од увидна екипа од СВР Тетово.
Македонија | пред 4 дена
На 16.03.2026 околу 01:25 часот во СВР Тетово сами се пријавиле Б.М.(21) и Б.М.(19), двајцата од с.Требош, тетовско.Имено, според пријавеното, претходно, поради меѓусебни недоразбирања, тие со уште неколку лица физички го нападнале Е.Б.(31) од Тетово, по што му одзеле торба со пари, лични документи и други лични предмети.Се преземаат мерки за расчистување на случајот.
Македонија | пред 4 дена
На 16.03.2026 околу 03:30 часот на бул.„Браќа Ѓиноски“ во Гостивар, полициски службеници од ОВР Гостивар ја лишиле од слобода Д.Ј.(35) од Гостивар.При контрола во патниот сообраќај, полициските службеници сопреле патничко возило „опел“ со тетовски регистерски ознаки, кое го управувала, по што почнала агресивно да се однесува и физички нападнала полициски службеници кои преземале службени дејствија.Таа е задржана во полициска станица и по целосно документирање на случајот, против неа ќе следува соодветна пријава.
Македонија | пред 4 дена
Во текот на последните два дена на територијата на Национален парк Шар Планина се регистрирани два шумски пожари, и тоа во селото Печково – Гостивар и во селото Вешала-Тетово.„Благодарение на брзата реакција на службите на паркот, пожарите се локализирани и е спречено нивното проширување на поголема површина.Апелираме до граѓаните, посетителите и сточарите да покажат максимална внимателност за време на престојот во природа и да не палат оган на отворен простор, бидејќи температури и ветерот го зголемуваат ризикот од шумски пожари.Доколку забележите оган или чад на територијата на паркот, ве молиме веднаш да пријавите на бројот за итни случаи 112 или до надлежните служби“, информираат од НП Шар Планина.
Македонија | пред 4 дена
Лидерот на СДСМ, Венко Филипче, преку емотивна објава оддаде почит на жртвите од трагедијата во Кочани, потсетувајќи дека помина една година исполнета со огромна тага и празнина.„Алексова Стефанија, Атанасовски Мартин, Јорданова Сара, Стојанов Александар, Петров Александар, Минова Драгана, Алексова Сара, Џамов Јорданчо, Трајчев Иван, Ѓоргиев Џоко, Стевановски Филип, Коларов Александар, Величков Иван, Стојанов Андреј, Антова Ивона, Христовски Павел, Димитријев Диме, Насевски Никола, Наунова Надица, Јорданов Виктор, Тасева Стојковска Лепа, Алексов Александар, Минов Божидар, Милковска Кети, Златков Томас, Богданов Тоше, Тодоровски Тоше, Коцева Ана, Живков Адријан, Петрушов Гордан, Горгиев Игорче, Стојанов Томче, Стоименова Моника, Стојанов Стојанчо, Пројковска Николовска Сара, Шопова Марија, Ивановски Петар, Ѓорѓиев Александар, Марковски Матеј, Закова Бојана, Василков Ѓорѓи, Ѓорѓиески Андреја, Ивановски Филип, Стрезоска Марија, Ефремов Александар, Велков Игор, Соколова Стефанија, Велков Леонид, Панов Андреј, Иванов Димитар, Стоименов Спиро, Владимиров Јове, Андонов Ице, Тасевски Стефан, Величков Ѓорѓи, Христова Сања, Танески Дамјан, Спасова Моника, Лазаров Андреј, Карадакоски Александар, Гавриловски Александар, Стефанов Стојанче, Блажев Владимир Панчо.Вечна им слава.Нека почиваат во мир. Сочувство до семејствата“, напиша Филипче.
Македонија | пред 4 дена
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) ја информира јавноста дека со нејзините Одлуки се регулираат максималните цени на нафтените деривати и трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.Денешната одлука за максималните цени на нафтените деривати е резултат на растот на берзанските цени на нафтените производи, како и континуираниот раст на доларот во однос на денарот во изминатиот петдневен период.Од 17.3.2026 година од 00:01 часот максималните малопродажни цени на нафтените деривати ќе изнесуваат:Моторен бензин ЕУРОСУПЕР БС - 95 86,50 (денари/литар)Моторен бензин ЕУРОСУПЕР БС - 98 88,50 (денари/литар)Дизел гориво ЕУРОДИЗЕЛ БС (Д-Е V) 92,00 (денари/литар)Масло за горење Екстра лесно 1 (ЕЛ-1) 89,50 (денари/литар)Мазут М-1 НС 47,453 (денари/килограм)Истовремено РКЕ им укажува на нафтените компании да ги намалат малопродажните цени за 2 денари по литар, согласно договорениот попуст од страна на Владата со главниот добавувач ОКТА, со што ќе овозможат бенефитот од ова намалување директно да го почувствуваат граѓаните.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 16,964%, кај дизелот за 11,714%, кај екстра лесното масло за 13,059% и кај мазутот зголемувањето е за 14,591%.Курсот на денарот во однос на доларот во изминатиот период по кој беа формирани цените со претходната пресметка е повисок за 0,8453%.Максималните малопродажни цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1) се зголемуваат за 7,00 ден/лит.Максималната малопродажна цена на ЕУРОДИЗЕЛ (Д-Е V) се зголемува за 6,50 ден/лит.Максималната малопродажна цена на Мазутот М-1 НС се зголемува за 4,867 ден/кг и сега ќе изнесува 47,453 ден/кг.Со оваа одлука со која се врши зголемување на малопродажните цени на нафтените деривати во просек за 8,98% во однос на одлуката од 9.3.2026 година, цените на нафтените деривати остануваат најниски во регионот и Европа.
Македонија | пред 4 дена
На 15.03.2026 во 15:10 часот, полициски службеници од СВР Велес го лишиле од слобода Ж.Ј.(36) од Чашка.Тој се сомничи дека околу 12:00 часот на место викано „Оризи“ во атар на село Еловец, општина Чашка, запалил стрништа во неговиот блок и предизвикал пожар кој се проширил и зафатил сува трева на соседниот блок.Повредени лица, а пожарот сам се изгаснал. Увид извршила увидна екипа од СВР Велес, известен бил јавен обвинител и по документирање на настанот против него ќе биде поднесена соодветна пријава.
Македонија | пред 4 дена
Дејан Јанков од Свети Николе, сопруг на Злата Јанкова – жената која исчезна на 16 јуни 2024 година – утрово започна штрајк со глад пред полициската станица во Свети Николе. Тој вели дека ќе остане таму и ќе гладува сè додека институциите не преземат конкретни чекори и не добие одговори за судбината на неговата сопруга.„Не знам повеќе како да го свртам вниманието кон нашиот случај. Времето минува, а настанот паѓа во заборав. Што ѝ се случило на жена ми, жива ли е, кој стои зад нејзиното исчезнување? Ова не е игра, ова не е небитен случај за да биде оставен без решение“, вели Дејан.Тој додава дека ако домашните институции не можат да ги пронајдат исчезнатите лица, треба да побараат помош и од странство.„Ако нашите служби не можат да пронаоѓаат исчезнати лица, нека бараат помош од страна. Не е само Злата исчезната во Македонија, на стотици луѓе не им се знае судбината“, вели тој.Злата Јанкова, 45-годишна жена од Свети Николе, исчезна на 16 јуни минатата година. Последен пат била видена во селото Орел, на неколку километри од Свети Николе, каде што со сопругот работеле на нивниот земјоделски имот.Тој ден, во недела, Злата и Дејан биле на нивниот имот извршувајќи земјоделски работи. Злата подготвила јадење, а потоа решила да се врати во семејната куќа во Свети Николе. Облекла тренерки и излегла од викенд-куќата, додека Дејан работел во повисокиот дел од имотот.Од тој момент ѝ се губи секоја трага.Злата му кажала на сопругот дека ќе се врати во градот со такси, но никогаш не влегла во такво возило. Нејзиниот мобилен телефон ѕвонел со часови, но никој не се јавувал. По извесно време, Дејан го пријавил исчезнувањето во полиција.Оттогаш, потрагата трае, но без конкретни резултати.
Македонија | пред 4 дена
На 18 март (среда) во 11 часот на големата сцена во Македонскиот народен театар ќе се одржи комеморација во спомен на истакнатиот актер Кирил Поп Христов – Кили.„На комеморацијата, семејството, колегите, пријателите и почитувачите на неговото дело ќе имаат можност да се простат и да му оддадат почит на уметникот, кој со својата силна сценска појава, искреност, духовитост и препознатлив актерски дух остави длабока трага во македонската театарска уметност и култура.Кирил Поп Христов – Кили ќе остане запаметен како актер со автентична енергија, ведар дух и големо срце, како колега кој несебично ја споделуваше љубовта кон театарот.Неговиот уметнички придонес и човечност ќе останат трајно врежани во културната меморија“, врлат од МНТ.
Македонија | пред 4 дена
Помина една година, а раните не само што не се затвораат туку стануваат подлабоки и пострашни. Годината што измина само успеа да го соочи Кочани со страшната вистина дека засекогаш ги нема. Не можевме да ги заштитиме од смртта, но можеме да го зачуваме споменот за нив, да споменуваме дека имаме чета ангели на небото, кои се молат за нас, и да се гордееме што ги имавме со нас на земјата како наши чеда, браќа и сестри, роднини, пријатели. Ова беше пораката од денешниот комеморативен настан „Ден на сеќавање - 16 март 2025“ во Центарот за култура „Бели мугри“ во Кочани на одбележувањето на годишнината од трагичниот настан.„Бројката просто убива, но да се потсетиме, тие загинаа со песна во грлата и во срцата, загинаа пеејќи, славејќи во животот. Затоа сметаме дека песната сепак е најсоодветниот начин да го испочитуваме споменот за нив. Таа зборува на јазик со кој се пренесува и радоста, но во овој момент и болката и тагата.Недостасуваат секако и на секој начин. Во училишните клупи, на клупите во паркот, (0:31) недостасуваат во трапезариите, детските соби, на таблоата, во утрата кога се излегува од дома, во вечерите кога се прибира дома, недостасуваат во секој дел од домот, во секој дел од градот, на секоја улица.Недостасуваат во прегратките на љубените, пријателите, родителите. Недостасуваат на сите можни начини. Просто, тие многу недостасуваат“, беше посочено на комеморацијата.На комеморацијата во Кочани, по азбучен ред се читаа имиња на жртвите, но и нивните соништа кои завршија во пожарот во „Пулс“ пред точно една година.„Панчо беше голем другар, добар човек, кој бескомпромисно помагаше на сите, без да бара ништо за возврат. Постојано беше достапен, ако ти треба нешто, а на прво место му беше работата, најблиските, пријателите. Обожаваше да твори, да создава нешто од ништо. И ниедна препрека не беше толку голема, за да не може да ја надмине. Така го живееше својот живот, а тие околу него ги научи на лојалност, другарство, работливост и посветеност. Остави голема трага на музичката сцена. Во Скопје, но и сите градови од Македонија и пошироко. И ќе го паметиме по се, ќе го паметиме после тоа што има направено за музиката, културата, но и за нас, луѓето кои беа дел од неговиот живот.
Настани | пред 4 дена
На 15.03.2026 во 21:00 часот на улица „Партизанска“ во Охрид, полициски службеници од СВР Охрид го лишија од слобода е Д.Г.(49) од Република Србија, постапувајќи по претходна пријава дека во угостителски објект а потоа и во апартман во Охрид, во кој се сместени, физички ја нападнал неговата сопруга.По целосно документирање на настанот, против него ќе биде поднесена соодветна пријава.
Македонија | пред 4 дена
Нашата позната пејачка Елена Ристеска со емотивни зборови по повод годишнината од трагедијата во кочанската дискотека во која ги изгуби драгите колеги и пријатели...„Година дена после најголемата трагедија во Македонија и сѐ уште не научив како да живеам со овие длабоки лузни, со остра болка во градите и со оваа вечна тага?Сите починати дечиња, сите повредени и живи а со уништени животи, ахх Панчо, Сара, Андреј, Филип, Александар, Жути простете ни на сите што на време не се изборивме да промениме еден систем и дозволивме да нѐ згази и уништи сите: вас како жртви, нас како сведоци. Почивајте во мир! “, напиша Елена.
Македонија | пред 4 дена
На 15.03.2026 во Кавадарци, полициски службеници од ОВР Кавадарци го лишиле од слобода К.М.(34) од Кавадарци. При сообраќајна контрола во 12:30 на улица „Дисанска“ во Кавадарци, полициските службеници запреле мопед со кавадаречки регистарски ознаки, кој го управувал, при што констатирале дека го управувал без положен возачки испит.По насоки од јавен обвинител тој бил приведен во полициска станица, а мопедот бил одземен.Откако бил ослободен, истиот ден во 20:10 часот на улица „Љубљанска“ во Кавадарци, полициските службеници повторно го лишиле од слобода К.М.. овој бил затекнат како управувал патничко возило „фолксваген голф“ со кавадаречки регистарски ознаки без возачка дозвола, односно без положен возачки испит.По насоки од јавен обвинител тој бил приведен во полициска станица, а возилото било привремено одземено.По документирање на настаните, против него ќе бидат поднесени соодветни пријави.
Македонија | пред 4 дена
Една година по трагедијата во дискотеката „Пулс“ во Кочани, на социјалните мрежи емотивно се огласи таткото на Надица Наунова, Александар Наунов, кој истакна дека времето не ја лекува раната кога родител го изгубил своето дете, и дека Надица ќе живее засекогаш во неговото срце и душа.„Ќерко моја, ѕвездо моја која сјае на небото…Денес помина точно една година откако те нема, а болката е иста како првиот ден. Времето не ја лекува раната кога родител го изгубил своето дете. Таа рана само учи како да живее со солзите.Ќерко моја, куќата без тебе не е куќа. Тишината без твојата смеа е потешка од секој крик. Секое утро се будам со надеж дека ќе те видам, дека ќе го слушнам твојот глас… но наместо тоа, ја гушкам празнината што остана зад тебе.Една година те барам во соништата, во ѕвездите, во секој ветер што ќе помине. Една година срцето на татко ти плаче за тебе, за твојата насмевка, за твоите чекори што никогаш повеќе нема да се слушнат.Но знај едно, керко моја…Ти не си само спомен.Ти си моето срце.Ти си мојата душа.И додека јас дишам – ќе живее и твоето име.Почивај мирно, ѕвездо на татко ти.Ќе те сакам до последниот мој здив“, напиша Наунов.
Коментари | пред 4 дена
Во рамки на одбележувањето на годишнината од трагедијата во дискотеката „Пулс“, во Паркот на Револуцијата во Кочани беа поставени 63 бели столчиња како симболичен спомен на загинатите.За време на настанот, со трепет во гласот, водителите ги прочитаа имињата на сите загинати, потсетувајќи дека нивниот спомен никогаш нема да се заборави.Нивните имиња остануваат врежани во душата на Кочани и цела Македонија:Диме Димитријев, Сара Алексова, Моника Спасова, Тоше Тодоровски, Александар Коларов, Адријан Живков, Александар Алексов, Горги Величков, Јорданчо Џамов, Иван Трајчев, Џоко Горгиев, Александар Глигоровски, Иван Величков, Андреј Стојанов, Ивона Антова, Павел Христовски, Никола Насевски, Тоше Богданов, Ана Коцева, Гордан Петрушов, Игорче Горгиев, Филип Стевановски, Томче Стојанов, Моника Стоименова, Стојанчо Стојанов, Сара Пројковска Николовска, Марија Шопова, Александар Горгиев, Петар Ивановски, Бојана Закова, Матеј Марковски, Горѓи Василков, Александар Петров, Андреја Горѓиевски, Марија Стрезоска, Александар Ефремов, Лепа Тасева Стојковска, Игор Велков, Божидар Минов, Мартин Атанасовски, Стефанија Соколова, Томас Златков, Кети Милковска, Виктор Јорданов, Андреј Панов, Спиро Стоименов, Јове Владимитов, Стефан Тасевски, Ице Андонов, Александар Стојанов, Сања Христова, Дамјан Танески, Андреј Лазаров, Драгана Минова, Филип Ивановски, Сара Јорданова, Леонид Велков, Надица Наунова, Димитар Иванов и Владимир Блажев.
Македонија | пред 4 дена
По повод годишнината од трагедијата во дискотеката „Пулс“ во Кочани, претседателот на Владата, Христијан Мицкоски присуствуваше на комеморативниот настан „Ден на сеќавање – 16 март 2025“ во Центарот за култура „Бели мугри“, каде се потпиша и во книгата на жалост.Тој истакна дека болката и празнината од загубата на 63 млади животи се уште се чувствуваат.„Денес во Кочани оддаваме тивка, но длабока почит кон невините животи што прерано згаснаа. Една година подоцна, болката и празнината се уште се чувствуваат во секое срце, но заедно со нив живее и сеќавањето на недовршените соништа.Со голема почит се потпишав во книгата на жалост како искрен чин на почит кон настраданите и како израз на солидарност со нивните семејства и присуствував на комеморативниот настан „Ден на сеќавање -16 март 2025“ во Центарот за култура „Бели мугри“.Нека споменот за нив остане вечен, а нашата заедничка човечност и единство нека бидат сила што ќе не води напред.Со длабоко сочувство кон семејствата, Кочани памети, Македонија памети“, напиша Мицкоски.
Македонија | пред 4 дена
На 15.03.2026 во 12:55 часот, полициски службеници од СВР Куманово го лишиле од слобода Д.П. од село Алгуња, општина Старо Нагоричане.Тој се сомничи дека во село Челопек, општина Старо Нагоричане, запалил сува трева и стрниште и предизвикал пожар во имот сопственост на Г.С.(60) од Куманово, при што биле опожарени дрва.Пожарот бил изгаснат од екипа на Територијалната противпожарна единица Старо Нагоричане, а повредени лица нема.Д.П. бил приведен во полициска станица и по целосно документирање на случајот против него ќе следува соодветна пријава.
Македонија | пред 4 дена
Во следните неколку денови времето ќе биде променливо облачно со повремени локални врнежи од дожд, кои во западните делови ќе бидат пообилни. Поради спуштање на ладна воздушна маса на некои од повисоките места ќе има услови врнежите да поминуваат во дожд и снег, а на планините од снег.Во среда во источните делови ќе дува умерен ветер претежно од јужен правец, а во западните делови од западен правец. Од четврток ветерот ќе го смени правецот во северен. Дневната температура ќе има тенденција на опаѓање.Во Скопје, во следните денови времето ќе биде променливо облачно и посвежо со повремени врнежи од дожд. До среда ќе дува јужен, а во четврток и петок умерен до засилен северен ветер.
Македонија | пред 4 дена
По повод годишнината од трагедијата во дискотеката „Пулс“, на социјалните мрежи се огласи докторот Андон Чибишев кој изрази благодарност кон целиот медицински персонал и институциите кои помогнале, а истовремено упати сочувство до семејствата на загинатите.„Денес се навршува една година од трагедијата во дискотеката „Пулс“ во која згаснаа многу млади животи а голем број присутни таму таа вечер беа повредени.Тој и наредните триесетина дена беа еден од најтешките периоди од мојата докторска кариера. На Универзитетската клиника за токсикологија беа хоспитализирани дваесетина тешки пациенти заради акутно труење со отровни гасови а во периодот кој следеше поминаа и голем број на пациенти кои таа вечер биле присутни во дискотеката.Со крајно професионална, стручна и посветена работа и грижа целокупниот персонал на Клинката успеа да ги стабилизира овие млади пациенти и тие сите денес се со своите семејства.Упатувам искрена благодарност до целокупниот персонал на Универзитетската Клиника за токсикологија и сите сродни клиники и институции кои во тој тежок период ни даваа логистика и несебична помош во справување со оваа трагична ситуација.Бог да ги прости сите кои ги изгубија животите.Господ да им даде сила на сите кои изгубија блиски во несреќата да продолжат понатаму.Никогаш повеќе да не се повтори“, вели Чибишев.
Коментари | пред 4 дена
Во текот на две одделни акции одземени се три моторни возила, поголема количина дрва и поднесени пријави за повеќе лица, вели заменик директорот на ЈП Национални шуми, Кире Михаилов.„Шумската полиција со службите на ПШС "Беласица" Струмица одземаа едно моторно возило и поголема количина складирани бесправно посечени огревни дрва.На Скопска Црна Гора, службите на полициска станица Мирковци одземаа едно моторно возило со кое се превезуваа бесправно посечени дрвни сортименти.Покрај овие акции, активности имаме на територијата на цела Македонија.Покрај пошумувањата и заштитата, во моментов се бориме да го ставиме под контрола пожарот на планината Јабланица во близина на градот Струга, пожар на чие гаснење дејствуваа и хеликоптери од воздух“, вели Михаилов.
Македонија | пред 4 дена
Претседателот на Владата, Христијан Мицкоски, денес присуствуваше на Молитвата за упокоените жртви од трагедијата во дискотеката Пулс, која се одржа во Паркот на Револуцијата во Кочани.По завршувањето на молитвата, Мицкоски се потпиша во книгата на жалост и се поздрави со родителите и семејствата на загинатите.Мајката на Надица Наунова, Габриела Наунова, му закачи на реверот беџ со скршено срце на кое пишуваше „Кочани 16.03.2025“.Настанот беше дел од програмата на одбележување на годишнината од трагедијата, со цел да се оддаде спомен и сеќавање на 63-те изгубени животи и да се изрази поддршка кон семејствата на жртвите.
Македонија | пред 4 дена
Во Паркот на Револуцијата во Кочани се одржа Молитва за упокоените жртви од трагедијата во дискотеката Пулс. Овој настан е како дел од програмата пред централниот комеморативен настан што треба да се одржи во НУЦК „Бели мугри“.На молитвата присуствуваа претседателката Гордана Сиљановска Дафкова, претседателот на Владата Христијан Мицкоски, Миле Лефков од ВМРО-ДПМНЕ, градоначалникот на Кочани, како и родителите на загинатите.
Македонија | пред 4 дена
Министерот за надворешни работи и надворешна трговија, Тимчо Муцунски, утрово оствари телефонски разговор со министерот за Европа и надворешни работи на Република Албанија, Ферит Хоџа. Двајцата министри го потврдија заедничкото задоволство од одличните билатерални односи меѓу двете земји, нагласувајќи ја подготвеноста за нивно натамошно унапредување. Во разговорот стана збор и за европската перспектива на двете држави, како и за заедничките активности на патот кон Европската Унија. Воедно беше истакната и важноста на проектот Коридор 8, кој претставува заеднички приоритет од значење за двете земји, како и за унапредување на регионалната поврзаност и развој.Министерот Муцунски ја истакна важноста на македонското национално малцинство во Албанија, кое претставува значаен мост на пријателство и дополнително придонесува за продлабочување на односите меѓу двете држави. Воедно, министрите разговараа и за Охридското Езеро, обврските што произлегуваат од УНЕСКО, како и за заедничката одговорност за неговата заштита и одржливо управување со регионот.Двајцата министри разменија мислења и за актуелните прашања од регионалната соработка, при што ја нагласија важноста од негувањето на добрососедските односи и заедничкиот придонес на двете земји кон стабилноста и безбедноста во регионот.
Македонија | пред 4 дена
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
