На 04.03.2026 во 00:40 часот, полициски службеници од СВР Велес го лишија од слобода М.Р.(22) од Велес. Тој се сомничи дека со употреба на подесен алат влегол во домот на 35-годишна велешанка и одзел разни предмети.Дел од одземеното било пронајдено и вратено на сопственичката и по целосно документирање на настанот ќе биде поднесена соодветна пријава.
Македонија | пред 2 седмици
На 02.03.2026 во 17:30 часот во ОВР Кавадарци, Л.Е.(68) од село Ваташа, кавадаречко, пријави дека во двор од викенд куќа во селото била пронајдена експлозивна направа.Пиротехничар од Дирекција за заштита и спасување Битола ја подигнал експлозивната направа и констатирал дека се работи за рачна бомба која потекнувала од Првата светска војна.
Македонија | пред 2 седмици
На 03.03.2026 во 11:41 часот во СВР Скопје е пријавено дека во домот на подрачјето на Ѓорче Петров во Скопје бил пронајден починат В.С.(72) од Скопје.Од страна на лекар констатирана била смрт. Извршен е увид, а по насоки на јавен обвинител телото на починатиот е дадено на обдукција.
Скопје | пред 2 седмици
На 04.03.2026 во 09:00 часот во Полициската станица Кисела Вода, полициски службеници од СВР Скопје извршија службен разговор со И.Б.(49) од Скопје, постапувајќи по претходна пријава дека на 01.03.2026 околу 19:30 часот во домот во скопско физички ја нападнал неговата 40-годишна поранешна сопруга.По целосно документирање на случајот ќе следува соодветна пријава.
Скопје | пред 2 седмици
На 03.03.2026 во 13:00 часот во СВР Скопје, С.С.(66) од Скопје пријави дека на автобуска постојка на подрачјето на Ѓорче Петров, едно лице ѝ одзело чанта со пари, лични документи и други предмети.Се преземаат мерки за расчистување на случајот.
Скопје | пред 2 седмици
На 03.03.2026 во 23:00 часот во СВР Скопје, З.Г.(42) од Скопје пријави дека на 27.02.2026 околу 11:00 часот на своето работно место во продажен објект во трговски центар на подрачјето на Карпош, бил физички нападнат од едно лице.Се преземаат мерки за расчистување на случајот.
Скопје | пред 2 седмици
Во Ростовската област на Руската Федерација, противвоздушната одбрана соборила руски воен хеликоптер Ми-8, при што загинале тројца членови на екипажот, пишува независниот руски медиум Астра, повикувајќи се на информации од локални жители и извор во Министерството за вонредни ситуации.Астра наведува дека хеликоптерот се урнал врз штала на локален земјоделец во Милеровскиот округ. По падот, Ми-8 се запалил, а пожар избувнал и во шталата. Земјоделецот за порталот изјавил дека „сè е во ред“, по што ја прекинал врската и одбил понатамошен коментар.Тројцата членови на екипажот загинале на местото на несреќата. Цивили не се повредени, додале извори од руското Министерство за вонредни ситуации.Претходно, локални жители во разговори на социјалните мрежи, без да наведат детали, објавиле дека рускиот хеликоптер бил соборен за време на операции на противвоздушната одбрана против беспилотни летала. Гувернерот не се изјаснил за соборувањето на хеликоптерот и за смртта на тројцата војници, туку соопштил дека „никој не е повреден“.Телеграм-каналот „Spy Dossier“ на 22 февруари објави дека Одбранбените сили, користејќи беспилотни летала, уништиле два руски хеликоптери – повеќенаменскиот Ми-8 и јуришниот хеликоптер Ка-52 – во воздухопловна база во Орловската област на Русија.
Свет | пред 2 седмици
Американскиот претседател Доналд Трамп издал конечна наредба за воздушен напад врз Техеран откако израелскиот премиер Бенјамин Нетанјаху го известил дека убиениот ирански врховен водач, ајатолахот Али Хамнеи, ќе се наоѓа на одредена локација, пишува Аксиос.Според тие наводи, Нетанјаху на 23 февруари, за време на телефонски разговор, го информирал Трамп дека израелските разузнавачки служби располагаат со податок дека Хамнеи и неговиот најтесен круг ќе одржат состанок во Техеран во сабота наутро, што било оценето како единствена можност за напад.Американската Централна разузнавачка агенција (ЦИА), по налог на Трамп, ги проверила информациите што ги прибрала израелската воена разузнавачка служба и ја потврдила нивната веродостојност.Иако Трамп, според изворите, и претходно бил наклонет кон напад врз Иран, дилемата се однесувала на времето на неговото извршување. По дополнителните разузнавачки потврди и проценката дека дипломатските напори не даваат резултати, претседателот на Соединетите Американски Држави во петок попладне, по источноамериканско време, дал конечно одобрување за операцијата.Аксиос наведува дека САД и Израел со месеци интензивно ги координирале активностите, вклучително и повеќе средби и телефонски разговори меѓу двајцата лидери, како и заедничко воено планирање, додека паралелно се воделе дипломатски контакти со Техеран.Израелскиот амбасадор во Вашингтон, Јехиел Лајтер, ги отфрлил тврдењата дека Нетанјаху вршел притисок за забрзување на нападот, нагласувајќи дека САД и Израел тесно соработувале во однос на Иран и дека американскиот претседател носи самостојни одлуки.Трамп ги негирал наводите дека Израел го „вовлекол“ во војна, наведувајќи дека проценил оти Иран би можел прв да нападне и дека одлуката била донесена во интерес на безбедноста на САД.
Свет | пред 2 седмици
Иранската новинска агенција Тасним објави дека погребот на врховниот водач ајатолахот Али Хамнеи, кој требаше да се одржи вечерва во Техеран, е одложен.Агенцијата пренесува соопштение на Советот за координација на исламската пропаганда на покраината Техеран, во кое се наведува дека церемонијата е одложена поради исклучително големиот интерес на граѓаните и потребата од дополнителни организациски подготовки.Во соопштението се посочува дека Големата џамија во Техеран требало од вечерва да прима граѓани кои сакале да му оддадат почит на телото на убиениот верски водач.Сепак, поради големиот интерес од целата земја и желбата на граѓаните во голем број да присуствуваат на церемонијата, како и поради потребата да се обезбедат неопходните логистички услови, донесена е одлука настанот да се одложи и да се одржи во посоодветен термин.
Свет | пред 2 седмици
Унгарскиот министер за надворешни работи и трговија, Петер Сијарто, денес изјави дека не се очекува напредок во врска со блокадата на нафтоводот „Дружба“ пред априлските избори во Унгарија.Тој оцени дека доколку актуелната власт во Будимпешта остане на позиција и по изборите, Украина ќе мора да постигне договор, бидејќи, како што нагласи, поголема е веројатноста Киев да остане без пари отколку Унгарија без нафта. Истовремено, украинскиот министер за енергетика Денис Шмигал соопшти дека сè уште не е донесена одлука за продолжување на работата на тој нафтовод кон Унгарија и Словачка.Сијарто, како што пренесува МТИ, рече дека не очекува поместувања во врска со прекинот на испораките на руска нафта преку нафтоводот „Дружба“ до одржувањето на парламентарните избори, бидејќи, како што наведе, Украина се обидува да влијае врз нивниот исход со запирање на транспортот.Според неговите зборови, украинската компанија што управува со нафтоводот во повеќе наврати ја известила унгарската државна нафтена компанија МОЛ дека нафтоводот е во исправна состојба и дека се чека политичка одлука за обновување на транспортот.Ситуацијата е јасна. Ако победиме на изборите, што е многу веројатно, и продолжиме да ја водиме земјата, Украинците ќе мора да соработуваат со нас. Нивните пари ќе исчезнат пред нашата нафта“, истакна Сијарто.Тој оцени дека војната денес е „деловен модел“ во Украина, тврдејќи дека таа земја во последните четири години од Европската унија добила 193 милијарди евра, што, според него, е повеќе отколку што нејзината економија би можела да произведе во мирнодопски услови.Живеат од средствата што ги добиваат од ЕУ. Затоа им е важен и овој заем од 90 милијарди евра, бидејќи им недостигаат средства. Ако стане јасно дека во наредните четири години ќе мора да соработуваат со нас, веднаш по изборите ќе мора да постигнат договор“, рече Сијарто.Од друга страна, украинскиот министер за енергетика Денис Шмигал изјави дека сè уште не е донесена одлука за времето на продолжување на работата на нафтоводот „Дружба“, преку кој руската нафта се транспортираше кон Унгарија и Словачка.Тој наведе дека украинската енергетска компанија Нафтогаз ја привршува анализата на хаваријата на постројката, по што ќе бидат утврдени трошоците, роковите и ресурсите потребни за санација и обновување на контролата на системот.Според неговите зборови, незгодата на еден од резервоарите предизвикала значителни внатрешни оштетувања на нафтоводот, кои не се видливи од површината.
Свет | пред 2 седмици
Турција тврди дека системот за противракетна одбрана на НАТО пресретнал балистичка ракета лансирана од Иран пред да влезе во турскиот воздушен простор.Детали за ракетата и местото на пресретнување засега не се објавени. Нема информации ниту за евентуални штети или повредени. Овие информации ги објавува Al Jazeera.Турција е дел од интегрираниот систем за противракетна одбрана на НАТО, наменет за заштита на територијата на земјите членки од балистички проектили.Засега нема официјален коментар од Иран.
Свет | пред 2 седмици
Министерот за локална самоуправа, Златко Перински, имаше обраќање во Струмица на првата прес-конференција на проектот „Зелено за добро“, кофинансиран од Европската Унија и националните фондови на земјите учеснички преку Интеррег ИПА Програмата за прекугранична соработка со Грција 2021–2027.Особено ми е драго што повторно за релативно краток период зборуваме за проект кој директно придонесува за заштита на животната средина — тема што е од исклучителна важност, особено во зимските месеци кога предизвиците со квалитетот на воздухот се најизразени“, истакна министерот Перински. Проектот „Зелено за добро“ има за цел намалување на загадувањето и подобрување на квалитетот на воздухот преку чиста енергија и одржлива мобилност, промоција на обновливи извори на енергија и паметно управување со енергијата, развој на зелена урбана инфраструктура и зајакнување на прекуграничната соработка.Вредноста на проектот за македонските партнери изнесува 673.228 евра, при што Министерството за локална самоуправа обезбедува национално кофинансирање од 134.646 евра.Министерот нагласи дека потребите на граѓаните од двете страни на границата се слични и дека токму ваквите партнерства овозможуваат подготовка и реализација на заеднички проекти кои одговараат на реалните предизвици на терен.На првиот повик на Програмата Интеррег VI-A ИПА за прекугранична соработка со Грција беа одобрени вкупно 19 проекти. Во Македонија има 36 корисници кои учествуваат во нивната реализација, со вкупен буџет од 8.661.751 евра, од кои 6.929.401 евра се финансирани од Европската Унија, додека пак 1.732.350 евра се национално кофинансирање.Перински го спомена и стратешкиот проект BorPres2 имплементиран во рамки на оваа Програма, поврзан со граничниот премин Маркова Нога, оценувајќи го како иницијатива од исклучително значење за подобрување на поврзаноста, мобилноста и економската соработка меѓу двете држави.Министерството за локална самоуправа останува силно посветено на поддршка на зелената транзиција, јакнење на локалните капацитети и максимално искористување на можностите што ги нудат европските програми.
Македонија | пред 2 седмици
Три месеци по пожарот во Вјесниковиот небодер, утрово стигнаа багери и започнаа првите работи на рушење на овој објект.Околу небодерот уништен во пожарот и околните анекси е поставена ограда, а работниците на фирмата Eurco почнаа со чистење, по што следува подготовка за негово отстранување.Загрепскиот весник Jutarnji list пишува дека сè уште не е познато со која метода ќе се изврши уривањето на небодерот.Солитерот во Загреб, зградата на некогашниот весник Vjesnik, целосно изгоре во пожарот средината на ноември. Пожарот го гасеа близу 100 пожарникари, нема загинати, а штетата е целосна.По истрагата беше утврдено дека пожарот го предизвикале двајца млади кои запалиле картонски кутии.
Свет | пред 2 седмици
Што ако „моето сонце“ не е личност, туку музика што те крева на нозе? Калина Велковска – Kaly го прави токму тоа со својот нов поп‑денс сингл „Моето Сонце“ – песна што носи енергија и ритам што не можеш да го игнорираш. Со „Моето Сонце“, Kaly не раскажува љубовна приказна. Таа ја дефинира својата.Музиката, аранжманот и аудио продукцијата се дело на Роберт Билбилов, додека текстот е заедничко авторство на Роберт и Kaly. Комбинацијата создава мелодичен поп‑денс звук со свежи енергични линии, совршено место за вокалот на Kaly да блесне.Видеото е визуелна експлозија: Ѓорги Вацев ја потпишува продукцијата, а за сценариото се грижат Ѓорги Вацев, Андреј Папаз и Бобан Русески. Кореографијата на Бобан Русески додава динамика и ритам, додека стајлингот на Андреј Папаз го комплетира сето тоа со стил.Песната и видеото се достапни на сите музички платформи.Со „Моето Сонце“, Kaly продолжува да го гради својот авторски и изведувачки идентитет, задржувајќи ја искреноста како основа на својата музичка насока.
Магазин | пред 2 седмици
Безбедноста на македонските граѓани е највисок приоритет на Владата, соопшти Министерството за надворешни работи и надворешна трговија, информирајќи дека се преземаат конкретни чекори за евакуација на државјани од погодените подрачја на Блискиот Исток.Како што наведуваат од Министерството, согласно заклучок на Владата е започната постапка за јавна набавка за организација на чартер-летови со цел обезбедување безбедна евакуација.Поради итноста и променливата безбедносна состојба, постапката ќе се спроведе согласно Законот за јавни набавки со примена на скратени рокови.За реализација на услугата се предвидени средства до 60 милиони денари, обезбедени во Буџетот на Министерството за надворешни работи и надворешна трговија. Од Министерството појаснуваат дека, во зависност од бројот на пријавени македонски државјани и бројот на реализирани чартер-летови, можно е да биде искористен само дел од предвидените средства.
Македонија | пред 2 седмици
Властите на Шри Ланка објавија нови информации за иранскиот брод Iris Dena кој потона покрај брегот на таа земја.Морнарицата пронашла неколку тела за кои се верува дека припаѓаат на членови на екипажот, изјави портпаролот.Тој додаде дека инцидентот се случил надвор од територијалните води на Шри Ланка, но дека земјата е посветена на обезбедување помош.Откако претходно извори од Шри Ланка тврдеа дека бродот бил потопен при напад со подморница, портпаролот изјави дека ги отфрла таквите тврдења, додавајќи дека во тој регион не е забележан никаков друг брод.Портпаролот на воздухопловството на Шри Ланка исто така рече дека не е забележано ниту едно летало во моментот кога бродот, на кој имало околу 180 лица, испратил повик за помош.Од морнарицата соопштија дека спасувањето на луѓето е моментално приоритет, додека причините за несреќата ќе се истражат подоцна.Како што претходно беше објавено, најмалку 32 лица се спасени, меѓу кои и еден морнар во критична состојба.
Свет | пред 2 седмици
Пратеникот на СДСМ, Димитар Ковачевски, на денешната собраниска седница посветена на пратенички прашања упати прашања до министерот за економија Бесар Дурмиши кои се однесуваа на примената на Законот за забрана на нефер трговски практики. Тој посочи дека и покрај донесениот закон, цените на храната бележат двоцифрен раст, а на терен се забележуваат сериозни отстапувања и драстични разлики во цените на идентични производи. Ковачевски побара конкретни мерки со утврден рок за доследна примена на законот, како и одговор дали Комисијата за заштита на конкуренцијата е кадровски и технички екипирана за да се справи со нефер трговските практики на големите супермаркети. Според него, без ефективна контрола, законот останува само формална алатка, додека товарот од зголемените цени го плаќаат граѓаните.Во продолжение, интегрален текст од прашањето:Почитувани колеги, почитуван претседател на Владата, почитувани членови на Владата, прашањето е до министерот за економија и труд, Бесар Дурмиши, а се однесува на примената и ефектите од Законот за забрана на нефер трговски практики во синџирот на снабдување со земјоделски и прехранбени производи, закон кој беше донесен во 2024 година со цел да спречи злоупотреба на пазарната моќ во синџирот на снабдување со земјоделски и прехранбени производи, да обезбеди фер услови за добавувачите и да спречи злоупотреба на пазарната моќ во синџирот на снабдување со овие производи.Овој закон во неколку наврати беше оценет како потребен и целисходен од страна на сите присутни во Собранието и за него во неколку наврати и од различни аспекти се дискутираше афирмативно од страна на сите пратенички групи во оваа собраниска сала.За да биде појасно за јавноста, согласно овој закон кој е усогласен со европските директиви и кој во иста или слична форма се применува во голем број развиени западноевропски држави, нефер трговски практики се договорни одредби и деловни практики кои еднострано се наметнуваат од купувачот кон добавувачот во врска со продажбата на земјоделските и прехранбените производи, спротивно на принципот на добра волја и чесност.Да биде уште појасно, законот се однесува на практиките на големите трговски ланци, односно супермаркети, во кои граѓаните секојдневно ги купуваат своите неопходни животни намирници, прехранбени производи, производи за широка потрошувачка.Согласно одредбите наведени во законот, меѓу другите одредби како нефер трговски практики се наведени случаите кога трговскиот малопродажен ланец, колоквијално или народски кажано супермаркет или ланец на супермаркети, бара надомест за внесување нов земјоделски и прехранбен производ во продажната мрежа и за проширување на продажната мрежа на купувачот, бара надомест за уредување нови и преуредување на постојните продажни места на купувачот, како и и проширување на капацитетот за складирање кај купувачот, бара од добавувачот да се договорат фиктивни услуги кои нема да се извршат, а за кои единствена причина е одложување на рокот за плаќање кој веќе е договорен.Бара надомест од добавувачот за склучување на самиот договор, бара од добавувачите да не продаваат земјоделски и прехранбени производи на други купувачи по пониски цени, бара надомест од добавувачот поради намалена продажба кај купувачот, бара надомест од добавувачот за маркетинг-истражување на пазарот, ги враќа на добавувачот непродадените земјоделски и прехранбени производи кои се испорачани без да плати, бара надомест од добавувачот за прикажување или ставање на производите на полиците на продажното место на купувачот, бара од добавувачот во целост или делумно да ги сноси трошоците за попусти на производите кои се продаваат како дел од промоција, бара добавувачот да плати за рекламирање на производите кои тој ги рекламира, бара добавувачот да плати за маркетинг на производите кои тој ги спроведува и бара надомест од добавувачот за маркетинг-трошоци за персоналот.Сите овие практики значат зголемување на трошоците на добавувачите, зголемување на малопродажната цена на прехранбените производи, зголемување на апсолутниот износ на малопродажната маржа. На ваков начин зголемената цена на прехранбените производи и на крајот сево ова го плаќаат крајните купувачи, односно граѓаните на Македонија.Дополнителен негативен ефект е што со тоа се демотивираат домашните производители на храна и сè повеќе на рафтовите гледаме увезени производи, што се гледа од зголемениот увоз на храна од година во година. На таков начин граѓаните плаќаат двојно , повисоки цени на прехранбени производи од увоз и субвенции преку Буџетот во износ од четврт милијарда евра на производителите на земјоделски и прехранбени производи.Надзор на спроведувањето на одредбите од овој закон врши Комисијата за заштита на конкуренцијата, која треба да ја контролира примената на одредбите од овој закон и истовремено да изрекува прекршочни казни.Како Комисијата ја извршува оваа функција? Преку проверка на договорите за снабдување помеѓу добавувачот и купувачот, кои мора да бидат склучени во писмена форма со одредби и услови кои се неопходни за регулирање на деловниот однос помеѓу договорувачот и купувачот.Но постои уште една посложена активност која стои на располагање на Комисијата, а во услови кога договорите се согласно закон во најголем број случаи, но сепак на терен се забележуваат нефер трговски практики.Доколку постои основано сомнение дека е определен прекршок за нефер практики, Комисијата може да му наложи на тоа претпријатие да им овозможи непречено да влезат во неговите деловни простории, да им овозможи непречено да ги испитуваат книгите или друга документација која има значење за утврдување на постоење прекршок или да овозможи непречено да земаат или задржат во која било форма копии или извадоци од тие книги или документација.За ова, за разлика од проверката на договорите, Комисијата треба да располага со соодветни човечки и технички капацитети.Сепак, две години по стапувањето на законот во сила, вклучително и периодот на прилагодување, на терен се забележуваат сериозни отстапувања. Според Државниот завод за статистика, во 2024–2025 година цените на храната бележат двоцифрен пораст, при што индексот на трошоци на живот во делот храна и безалкохолни пијалаци во одредени месеци надминуваше 10% на годишно ниво. Ова се гледа од зголемената висина на потрошувачката кошница, која надмина 1.000 евра месечно по семејство.Истовремено, домашните производители укажуваат на притисоци врз откупните цени и дополнителни трошоци. Особено загрижува фактот што идентичен производ од ист производител со иста грамажа и декларација во различни трговски ланци се продава со ценовна разлика што достигнува и до 50%.Бевме сведоци дека имаше дополнителна акција од страна на државните институции за објавување на цените на супермаркетите, која заврши без успех, со оглед на тоа дека на веб-страниците осамнаа ПДФ-фајлови во кои буквално ниеден граѓанин не можеше да се снајде или да направи каква било проверка и споредба.Исто така, јавноста сè уште нема податоци за бројот на спроведени инспекциски контроли, поведени постапки и изречени санкции, освен едно санкционирано здружување, што дополнително ја доведе во прашање ефикасноста на примената на законот.Ваквите резултати отвораат оправдано прашање за недоволната контрола на трговските маржини, нефер практики и отсуство на ефективен надзор согласно законот.Моите прашања се многу конкретни и не се однесуваат на тоа дали ќе се менува законот во делот на зголемување на казните, како што министерот најави пред неколку дена, бидејќи за да се пропише казна, колку и да е таа висока, прво треба да има ефективна контрола.Прашањето не се однесува на општата или на базичната инфлација на цените, туку конкретно на законот кој ги регулира прехранбените и земјоделските производи, нивната трговија и соодветно цените кои во најголем дел го сочинуваат буџетот на граѓаните.Оттука прашувам кои конкретни мерки со утврден рок ќе ги преземе Владата за да обезбеди доследна примена на Законот за нефер трговски практики и да спречи неоправдани и драстични ценовни разлики на идентични производи на пазарот и зголемување на цените на малопродажбата која на крај ја плаќаат граѓаните?Дали Комисијата за заштита на конкуренцијата е кадровски и технички екипирана за ефикасно извршување на оваа своја законска функција?Дали има вработени кои поседуваат искуство и знаење за спроведување на законот, односно дали во Комисијата за заштита на конкуренцијата се ангажирани соодветни кадри организирани согласно принципите на стручност, ефикасност и ефективност во работењето, кои ќе можат да се носат со идентификување на трговски практики кои ги прават големите ланци на супермаркети, а кои за тоа вработуваат обучен кадар чија основна работа е зголемување на продажбата и зголемување на профитот во интерес на нивниот работодавец?
Македонија | пред 2 седмици
Министерството за надворешни работи и надворешна трговија информира дека заклучно со денес, вкупно 632 македонски државјани побарале информации за евакуација од погодените региони на Блискиот Исток.„Од нив, 136 лица се пријавени во Доха, додека бројката во Абу Даби континуирано се зголемува и во моментов изнесува околу 477 лица.Во однос на македонските државјани во Израел, бројката останува непроменета. За дел од нив (вкупно 6 лица), со посредство на Министерството е завршена евакуацијата и тие одлучиле на сопствен трошок со комерцијални летови да заминат кон Скопје. Останатите шест лица, кои изразиле подготвеност за евакуација, во текот на денот ќе бидаѕ транспортирани по копнен пат од Израел во Египет, со асистенција на дипломатско-конзуларните претставништва. Тие ќе бидат сместени на безбедна локација, во хотел на товар на државата, а се очекува во текот на утрешниот ден со владиниот авион безбедно да полетаат кон Скопје.Во делот на македонските државјани во Обединетите Арапски Емирати и Катар, дипломатско-конзуларното претставништво во Абу Даби, во координација со надлежните институции, е во фаза на финализирање на техничките и логистичките детали за организација на чартер-летови. Целта на Министерството е, во координација со властите во Обединетите Арапски Емирати и Катар, да обезбеди неколку чартер-летови за евакуација на пријавените лица.Истовремено, нашите дкп-а прават и посебен план за евакуација на граѓаните кои се во Бахраин и Кувајт.Министерството за надворешни работи и надворешна трговија останува во постојан контакт и целосно на располагање на македонските граѓани, како и во редовна координација со надлежните локални власти, со цел безбедно и навремено спроведување на евакуацијата.Министерството за надворешни работи и надворешна трговија уште еднаш апелира до сите македонски државјани кои се наоѓаат во погодените региони (Обединетите Арапаски Емирати, Катар, Бахреин и Кувајт), доколку сè уште не го сториле тоа, веднаш да контактираат со надлежното дипломатско-конзуларно претставништво или со СОС бројот на Министерството“, се вели во соопштението.
Македонија | пред 2 седмици
Утре, владинот авион кој има капацитет со седум седиште патува за Шарм ел-Шеик во Египет.Според МНР, од таму треба да бидат евакуирани лица кои од Израел по копнен пат стигнале до Египет.„Шест лица кои побарале евакуација ќе бидат транспортирани по копнен пат од Израел во Египет со асистенција на дипломатско-конзуларните претставништва, по што ќе бидат сместени во хотел на трошок на државата и се очекува утре со владиниот авион да заминат кон Скопје“, велат од МНР.Паралелно се подготвува и план за евакуација на македонските граѓани кои се наоѓаат во Бахреин и Кувајт.
Македонија | пред 2 седмици
Саудиското Министерство за одбрана соопшти дека бил извршен обид за напад со дрон врз големата нафтена рафинерија Рас Танура, која се смета за една од најголемите во Саудиска Арабија.Според првичните информации, нападот бил изведен со беспилотно летало, но не предизвикал штета на објектот.Властите наведуваат дека станува збор за обид за напад врз клучна енергетска инфраструктура. Рафинеријата Рас Танура и претходно била цел на напади поврзани со конфликтите во регионот.
Свет | пред 2 седмици
Министерот за локална самоуправа, Златко Перински, заедно со градоначалникот на Василево, Славе Андонов, изврши увид во реализацијата на инфраструктурниот проект „Creative DG EcoTour“, кој се спроведува во рамки на Програмата INTERREG VI-A IPA со Бугарија 2021–2027.Проектот предвидува реконструкција и опремување на Домот на културата во село Градошорци, со цел постигнување висока енергетска ефикасност и примена на обновливи извори на енергија, како дел од пошироките напори за одржлив и нискојаглероден локален развој.Благодарение на долгогодишната и успешна соработка со Министерството за локална самоуправа и со нашата партнерска општина Кресна, обновуваме руиниран објект што ќе прерасне во гордост на регионот, а во негови рамки ќе биде изградена и спомен-соба посветена на Мис Стон, што значително ќе придонесе за збогатување на туристичката понуда на општината и целиот прекуграничен регион“ во своето обраќање наведе градоначалникот Андонов.Преку проектот, Министерството за локална самоуправа обезбедува национално кофинансирање во висина од 15% од вредноста на проектот, додека вкупниот буџет за Општина Василево за овој проект изнесува 302.357 евра.Ниту една општина не смее да остане на маргините на развојот. Токму тука во Василево има потенцијал. Како Влада, од самиот почеток на мандатот преземавме обврска да обезбедиме поддршка, знаење и финансиски механизми за тие потенцијали да станат реални проекти и реални резултати и тоа веќе се гледа на терен“, истакна министерот Перински. Преку двата јавни повика за инфраструктурни проекти во општините, за Општина Василево кумулативно беа одобрени 6 проекти во вредност од 115.680.175 денари.Во рамки на посетата, министерот оствари и работна средба со членовите на Советот на Општина Василево и општинската администрација, со цел директна координација за понатамошниот развој на општината.Преку овие директни средби го унапредивме нивото на непосредна комуникација и политиките ги креираме согласно реалните потреби од терен, а не од канцеларија“, наведе Перински.
Македонија | пред 2 седмици
Порталот „International Living“ објави анализа за земјите во светот каде странци можат да добијат државјанство, односно пасош, преку инвестиција, а на листата се споменува и Македонија.Станува збор за таканаречени програми „државјанство преку инвестиција“ (Citizenship by Investment – CBI), кои им овозможуваат на странски државјани да станат граѓани на одредена земја доколку инвестираат средства или донираат во економијата на таа држава.Според анализата, интересот за вакви програми значително се зголемил во последните години, особено кај богатите поединци кои бараат „план Б“ – можност за слободно патување, преселување или заштита од политички и економски ризици.Авторите објаснуваат дека за да се добие пасош од друга држава, најпрво мора да се стекне државјанство. Иако повеќето држави не ја поддржуваат продажбата на државјанство, одредени земји сепак нудат вакви програми како начин за привлекување инвестиции.Првата ваква програма била воведена во 1984 година во карипската држава Сент Китс и Невис, по што слични шеми почнале да применуваат и други земји, главно како начин за обезбедување приходи без зголемување на даноците.Денес, пазарот на „пасоши преку инвестиција“ е глобална индустрија вредна милијарди долари, а најчести причини за интерес се поголема слобода на патување, безбедност и можност за диверзификација на имотот.Во анализата се наведува дека овие програми обично бараат инвестиција во недвижности, бизнис или директна донација во државен фонд, а повеќето земји спроведуваат строги проверки за потеклото на средствата на апликантите.
Магазин | пред 2 седмици
Портпаролот на Министерството за надворешни работи на Иран, Есмаил Багеи, денес предупреди дека Европската Унија не смее да „се лизга“ кон „историски, нацистички начини на размислување“, со што, според него, би се поддржале американско-израелските напади врз Иран.Во објава на социјалната мрежа X, Багеи го осуди ставот на Германија и предупреди европските држави да не станат соучесници во воени злосторства.ЕУ/Е3 некогаш играше клучна улога во меѓународната дипломатија, помагајќи во создавањето на JCPOA во 2015 година – пресвртно достигнување на европската надворешна политика, кое беше торпедирано од оваа американска администрација“, напиша Багеи, alудирајќи на нуклеарниот договор со Иран од 2015 година.Багеи додаде дека денес, под притисок на германскиот канцелар, некои членки на ЕУ ризикуваат да се најдат на погрешната страна на историјата, станувајќи соучесници во американско-израелските напади врз Иран.Унијата мора да се спротивстави на секој потег што потсетува на историски нацистички начин на размислување и наместо тоа да ја одржи својата посветеност на меѓународното право и правдата“, нагласи Багеи.
Свет | пред 2 седмици
iPhone е уред со кој повеќето корисници се добро запознаени, а неговиот развој низ годините донесе бројни напредни функции. Една од нив се и копчињата за јачина на звук, кои денес не служат само за намалување или зголемување на звукот, туку можат да извршуваат и други корисни задачи.Копчињата за звук може да се користат и како копче за фотографирање или снимање видео. Со притискање на било кое од нив може да се направи фотографија во различни режими на камерата, а истото важи и за почеток и запирање на снимањето видео. Кај поновите модели, задржувањето на копчето за зголемување на звук овозможува и сериско фотографирање.Овие копчиња можат да помогнат и при скенирање документи во апликации како што се „Files“, „Mail“, „Notes“ или „Reminders“, каде што служат како брза опција за снимање на документот без користење на контролите на екранот.Корисни се и при управување со аларми, бидејќи со притискање на копчето може да се одложи или исклучи алармот. Исто така, со притискање на било кое копче за звук може брзо да се замолчи дојдовен повик или FaceTime разговор.Во итни ситуации, со задржување на страничното копче за заклучување заедно со едно од копчињата за звук се активира SOS функцијата за повик кон итните служби, дури и кога телефонот е заклучен.Копчињата можат да помогнат и кога телефонот ќе „заглави“. За присилно рестартирање се притиска копчето за зголемување на звук, потоа копчето за намалување, а на крај се задржува страничното копче за заклучување.Со истата комбинација – страничното копче и едно од копчињата за звук – може привремено да се оневозможи и Face ID или Touch ID, што обезбедува дополнителна безбедност кога е потребно.
Магазин | пред 2 седмици
Денес зборуваме со бројки, а бројките се најсилниот аргумент. Според официјалните податоци на Државниот завод за статистика, економијата во четвртиот квартал од 2025 година порасна за 3,8 проценти. Тоа значи дека веќе шест квартали по ред имаме стабилен и континуиран економски раст, вели Бојан Стојаноски, пратеник на ВМРО-ДПМНЕ.„Кумулативно, во 2025 година растот изнесува 3,5 проценти.Тоа не е случајност. Тоа е резултат на внимателна економска политика, фискална дисциплина и поддршка на стопанството.Што значи ова на поедноставен јазик?Тоа значи повеќе економска активност. Повеќе изградени патишта, објекти, инфраструктура. Повеќе работа за компаниите. Повеќе извоз.Само во последниот квартал, извозот порасна за речиси 10 проценти. Градежништвото порасна за над 14 проценти.Ова не е раст само на хартија. Ова е раст кој се гледа на терен.Истовремено, буџетскиот дефицит го задржавме на проектираните 4 проценти, а јавниот долг е намален и изнесува 59,3 проценти од БДП.Тоа значи дека растеме, но одговорно. Не со задолжување без контрола, туку со стабилна политика.Дополнително, во првите два месеци од 2026 година капиталните инвестиции бележат трицифрен раст во однос на истиот период лани.Тоа е јасен сигнал дека темпото не запира, туку се засилува.Свесни сме дека граѓаните чувствуваат притисок од трошоците за живот. Но растот на економијата е предуслов за повисоки плати, нови работни места и подобар стандард.Нашата порака е јасна: економијата расте, стабилно и одржливо.И ќе продолжиме со политики што создаваат вредност, инвестиции и сигурност за граѓаните и стопанството“, вели Стојаноски.
Македонија | пред 2 седмици
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
