Промени тема
Контакт
Нова вест Админ
site logo skopje1
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме

Најнови вести

2 нед.
Screenshot-2023-09-28-at-23.51.03

(Видео) Пендреци наместо дијалог, Вучиќ, ова ли е твојата демократија: Европските демократи со жесток напад врз власта

Европската демократска партија (ЕДП) упати остра осуда до српскиот претседател Александар Вучиќ по упадот на полицијата врз студентите на Медицинскиот факултет, порачувајќи му дека репресијата не е замена за демократски дијалог.Пендреци наместо аргументи не се демократија.Реакцијата на Европските демократи, објавена на социјалната мрежа „Икс“, не штедеше зборови. Тие директно го прозваа Вучиќ, посочувајќи дека сликите од Белград се доказ за „нешто длабоко скршено“ во српското општество.„Кога полицијата упаѓа на универзитет и напаѓа студенти, дијалогот е мртов. Вучиќ, дали е ова дебатата што ја сакаш? Палки на улиците наместо аргументи на бината?“, прашуваат од ЕДП.Партијата јасно стави до знаење дека Европа верува во конфронтација на идеи, а не во примена на гола сила врз младоста која се бори за своите студентски права.Покрај осудата за насилството, упадот и интервенцијата на полицијата по изборот за Студентскиот парламент на Медицинскиот факултет, Европските демократи повторно го повикаа Вучиќ на директно соочување. Објавувајќи фотографија од претседателот со натпис „Ова ли е твој дијалог Вучиќ”, тие го предизвикаа да ги соочи аргументите со генералниот секретар на партијата, Сандро Гоци.Пораката е јасна: Демократијата не е „наметната тишина“.Предизвикот е отворен: Ако Вучиќ навистина има одговори, зошто бега од отворена дебата? Поддршка за „Европска Србија“.Европските центристи не застанаа тука. Тие испратија порака на солидарност до сите граѓани кои мирно протестираат, поздравувајќи го големиот проевропски собир „За европска Србија, за Србија во ЕУ“.Според нив, за европскиот пат на Србија и демократските вредности „никогаш не може да се преговара“.

Свет | пред 2 седмици

2 нед.
media-libraryd7qenjqb96e78V5Og1M

Дефект на мамограф во Штип, прегледите се организираат во Кочани

Министерството за здравство информира дека поради дефект на мамографскиот апарат во Клиничка болница Штип е воспоставена координирана организација за непречено спроведување на мамографски прегледи за жените од источниот регион.Со договор меѓу директорите на Клиничка болница Штип и Општа болница Кочани, мамографските прегледи ќе се изведуваат во Кочани, додека снимките ќе се анализираат во Штип.Пациентките кај кои е потребен дополнителен ехо-преглед ќе бидат упатувани во Штип. Од институциите наведуваат дека се прават напори за набавка на нов мамограф за Штип, по проценка дека постојниот не може да се поправи.Од болниците истакнуваат дека со новата организација ќе се обезбеди континуитет на услугата и околу 100 пациентки месечно ќе добијат преглед. Во Кочани ќе бидат отворени повеќе термини и втора смена за да се зголеми достапноста на услугата за жените од целиот источен регион.Министерството за здравство нагласува дека останува посветено на обезбедување навремена и достапна здравствена заштита и дека институциите се координирале за да се надмине привремениот проблем.

Свет | пред 2 седмици

2 нед.
media-libraryq5stlotqneak9Msmwsr

Пукање во Киев: има загинати и повредени

Во Киев се случи вооружен инцидент во кој маж отворил оган во една градска населба, при што загинаа две лица, а уште петмина биле ранети, соопшти градоначалникот на градот Виталиј Кличко.Според неговата изјава објавена на Телеграм, инцидентот се случил во населбата Холосиевски, каде што напаѓачот најпрво пукал на улица, а потоа се повлекол и се затворил во супермаркет. Кличко наведе дека во тек е специјална полициска операција за негово приведување.Медицинските служби потврдија дека досега се регистрирани две жртви, додека пет лица се повредени. Според властите, пукањето продолжило и внатре во супермаркетот, по што безбедносните служби ја опколиле локацијата и се обидуваат да ја стават ситуацијата под контрола.

Свет | пред 2 седмици

2 нед.
media-libraryeda27hubepi17n5vpvf

(Фото) МВР и ТАВ Македонија: Успешно спроведена вежбата „Сигурен хоризонт 2026“ – тестирана подготвеноста за одговор на сложени безбедносни закани

Денеска на аеродромот „Свети Апостол Павле“ во Охрид успешно беше реализирана симулациската вежба „Сигурен хоризонт 2026 – двојна закана“, во организација на Секторот за полициски работи од општа надлежност при Бирото за јавна безбедност, во соработка со ТАВ Македонија.На вежбата присуствуваа директорот на Бирото за јавна безбедност, Александaр Јанев и заменик генералниот директор за операции на ТАВ Македонија, Перо Лупевски, како и претставници од повеќе институции вклучени во системот за безбедност и управување со кризни состојби.Симулациската вежба се спроведе согласно Националниот план за постапување во вонредни состојби предизвикани од незаконско постапување против безбедноста на цивилното воздухопловство и имаше за цел тестирање на подготвеноста и координацијата на сите надлежни служби во услови на сложени безбедносни закани.Сценариото на вежбата опфати повеќе фази, вклучително и диверзија со импровизирана експлозивна направа во ВИП зоната, координиран терористички напад со заложничка криза во терминалната зграда, активирање на кризен штаб, како и синхронизиран одговор на специјалните единици, евакуација, преговори и неутрализација на сторителите, проследени со медицинска интервенција и стабилизација на состојбата.Директорот на Бирото за јавна безбедност, Александaр Јанев истакна дека ваквите вежби се од исклучително значење за безбедносниот систем.„Целта на оваа вежба е сеопфатно тестирање на системот за одговор во услови на сложени безбедносни закани, преку симулација на реални сценарија. Преку вакви активности ја проверуваме оперативната подготвеност на полициските службеници, нивната способност за брза и ефикасна реакција, како и нивото на координација и комуникација меѓу сите инволвирани субјекти“, потенцираше Јанев.Заменик генералниот директор за операции на ТАВ Македонија, Перо Лупевски, нагласи дека безбедноста на патниците и персоналот е врвен приоритет.„Денешната симулациска вежба на Аеродромот „Св. Апостол Павле“ ја потврди високата подготвеност на безбедносните служби на ТАВ Македонија и одличната координација со Министерството за внатрешни работи.Преку вакви вежби ја зајакнуваме способноста за брза и ефикасна реакција во услови на сложени безбедносни предизвици.“, изјави Лупевски.Со реализацијата на вежбата беа тестирани капацитетите за брза реакција, интер-институционалната координација и комуникација, како и способноста за ефикасно управување со кризни ситуации, со посебен акцент на заштита на патниците, персоналот и аеродромската инфраструктура.МВР се заблагодарува на сите учесници кои учествуваа во подготовката и реализацијата на вежбата, ТАВ Македонија, Противпожарната служба и службата за итна медицинска помош при ТАВ Македонија.Министерството за внатрешни работи и ТАВ Македонија и во иднина ќе продолжат со заеднички активности и вежби, со цел континуирано унапредување на безбедноста и подготвеноста за справување со сите видови закани.

Македонија | пред 2 седмици

2 нед.
media-librarya3tj8nogcos33PEf3BB

Папата Лав XIV: Не ми е во интерес конфликт со Трамп

Папата Лав XIV се обиде да ги намали тензиите со американскиот претседател Доналд Трамп, по нивната неодамнешна јавна размена на критики. Тој изјави дека дел од медиумските извештаи за неговите изјави за време на африканската турнеја не биле целосно точни и дека не му е во интерес да влегува во политички конфликт со Трамп.Зборувајќи со новинарите на лет кон Ангола, папата нагласи дека неговиот говор во Камерун, каде што зборувал за „шака тирани кои го разоруваат светот“, бил подготвен многу порано и не бил директно насочен кон американскиот претседател. Според него, дел од толкувањата во јавноста погрешно ја претставиле неговата порака.Напнатоста се зголеми откако Трамп го нарече папата „слаб во однос на криминалот“ и го критикуваше неговиот став за надворешната политика, по што следеа и остри реакции од двете страни.И покрај тоа, папата Лав XIV најави дека ќе продолжи јавно да зборува за војните и глобалните конфликти, но без намера да влегува во директен судир со политички лидери.

Свет | пред 2 седмици

2 нед.
media-libraryp6rje5uv3ftnfCezgky

Демократите бараат проверка на способноста на Трамп за вршење на функцијата

Во САД се појавија нови политички повици за активирање на 25-тиот амандман од Уставот, со цел евентуално отстранување на претседателот Доналд Трамп од функцијата, откако тој упати остри закани кон Иран и изјави дека „целата цивилизација би можела да исчезне“ доколку Техеран не се повлече.Според извештаи, дел од демократите во Конгресот сметаат дека ваквите изјави, заедно со контроверзните постапки околу досиејата поврзани со Епстин и јавните напади кон папата Лав XIV, укажуваат на неспособност за нормално извршување на функцијата. Поради тоа, тие се повикуваат на 25-тиот амандман, кој овозможува смена на претседател ако не е способен да ги извршува своите должности.Актуелната дебата е дополнително засилена од изјави на поранешни политички сојузници на Трамп и дел од јавноста, како и од анкети кои покажуваат намалена доверба во неговата ментална стабилност и способност за управување со државата.Сепак, експерти и поранешни високи функционери оценуваат дека шансите за активирање на 25-тиот амандман се мали, бидејќи за тоа е потребна широка политичка поддршка во Конгресот, која во моментов не постои.

Свет | пред 2 седмици

2 нед.
media-libraryruovfnki3sidcnU0sCq

Тренчевска: Цените растат, наместо за народот власта работи за богатите

Потпретседателката на СДСМ, Јована Тренчевска, во дебатната емисија „Бизнис 21“ посочи дека најновите податоци за инфлацијата потврдуваат континуиран раст на цените на основните прехранбени производи и сериозно влошување на животниот стандард на граѓаните, обвинувајќи ја Владата дека не презема соодветни мерки за помош на граѓаните.„Тоа што го зборувавме, излезе дека е така. Според последните извештаи од Парламентарниот институт, инфлацијата особено кај храната бележи раст и таа спирала за која зборувавме, за постојано покачување на цените на основните прехранбени производи, се случи и се случува. Кај месото е 12,8%, кај лебот и житата 3,7%, кај овошјето 12,8%, кај млекото, сирењето и јајцата 8,1%, кај маслата и мастите 6,9%, кај кондиторските производи 10%. Тоа покажува дека Владата не презема никакви мерки за да го заштити животниот стандард на граѓаните. Тие анализи кои се направени, со кои излегоа пред некој ден да кажат дека маржите самите трговци ги намалиле, затоа нема притисок врз животниот стандард на граѓаните, навистина се небулоза. И очигледно власта живее во некој друг свет во кој не е обичниот граѓанин, сите ние останатите, кои секојдневно се соочуваме со повисоки цени во маркетите, односно со послаба куповна моќ на граѓаните“, истакна Тренчевска.Таа посочи дека граѓаните беа оставени без поддршка во пресрет на Велигден, нагласувајќи дека цените на основните производи се значително зголемени, при што јагнешкото месо достигнало цена од 700 денари, маслото 100 денари, а табла јајца 309 денари, во услови кога минималната плата од 26.000 денари не овозможува достоинствен животен стандард.Тренчевска рече дека двете мерки кои ги донела Владата во овие 50 дена не донеле никаков резултат, ниту пак им помогнале на граѓаните.„И сега, два месеци скоро, граѓаните се соочуваат со инфлација, со намалување на животниот стандард, со намалување на куповната моќ. Она што можеле да го купат за 1.000 денари претходно, сега им се потребни 1.500 денари, можеби и повеќе, кога станува збор за храна, за основните прехранбени производи. Освен две мерки на Владата, кои не дадоа резултат, затоа што и пред две недели мисијата на ММФ беше во Собранието, ги слушнавме нивните забелешки и многу јасно и децидно рекоа: намалување на ДДВ и намалување на акцизата, да, се вредни, меѓутоа се мерки кои им помагаат и на богатите. Не се мерки кои го заштитуваат животниот стандард на ранливите категории на граѓани. И затоа препорачаа Владата, а не само кај нас, секаде каде што мисијата препорачува, да оди со таргетирани мерки со кои ќе ги допре најранливите граѓани во државата“, посочи Тренчевска.Таа потсети дека во 2022 година во времето на СДСМ, бил донесен пакет антикризни мерки вреден 409 милиони евра, нагласувајќи дека тие дале конкретни резултати во намалувањето на цените на горивата и храната, како и преку директна поддршка за граѓаните.Тренчевска нагласи дека секоја одговорна влада во вакви кризни услови мора да се грижи за граѓаните кои се најпогодени, додавајќи дека СДСМ предложил конкретни мерки, меѓу кои намалување на ДДВ на дериватите на 5% и на храната на 0%, намалување на патарините.„ВМРО не носи мери во интерес на народот. Најверојатно газдата на ДПМНЕ, тоа се коморите, не им дозволуваат, затоа што тие ги донеле на власт, не им дозволуваат да се намали маржата и да се намали ДДВ-то на основните прехранбени производи. Како што ќе им кажат коморите, така Владата постапува“, обвини Тренчевска.

Македонија | пред 2 седмици

2 нед.
media-librarym4c83rpodqf60ZHuLLp

Горивата поевтинуваат од следната недела

Цените на горивата од следната недела би требало да се намалат, според неофицијални информации објавени од HRT. Се очекува цената на еуросупер да се намали за еден цент, додека еуродизелот и плавиот дизел би поевтиниле за пет центи.Владата во понеделник треба да одржи седница на која официјално ќе бидат објавени новите, пониски цени на горивата.Премиерот Андреј Пленковиќ уште претходно најави дека ќе дојде до поевтинување, оценувајќи дека тоа е позитивен сигнал за економијата и инфлацијата. Тој посочи дека намалувањето на цените е поврзано со состојбата на светските берзи и можноста за отворање на Ормускиот теснец, што би влијаело на стабилизација и пад на цените на нафтата и нафтените деривати.

Свет | пред 2 седмици

2 нед.
kurti

Премиер со „празни џебови”: Курти пријавил 16 евра и 41 цент на сметката, сопругата стан од 530.000 евра

Додека политичката сцена во регионот често се поврзува со луксуз и неброено богатство, последниот извештај на Агенцијата за спречување корупција на Косово донесе вистинско изненадување. Косовскиот премиер Албин Курти пријавил дека на неговата банкарска сметка има симболични 16 евра и 41 цент.Според официјалните податоци, првиот човек на приштинската влада живее како под кирија во стан за кој месечно издвојува 350 евра. Овој износ бележи пораст во однос на минатата година, кога за истиот закупец плаќал 250 евра.Семејното богатство е во рацете на сопругатаИако неговата лична сметка е речиси празна, имотната состојба на неговото семејство изгледа значително поинаку. Најголемиот дел од имотот и заштедите се во сопственост на неговата сопруга:Стан во вредност од 530.000 евра, сметка со 19.500 евра, кредит во износ од 160.000 евра.Извештајот открива и интересна динамика во домашниот буџет на семејството Курти. Премиерот пријавил годишна плата од 21.315 евра, додека неговата сопруга заработува повеќе од двојно, нејзините годишни приходи изнесуваат 51.000 евра.Дури и неговата ќерка има поголема заштеда од него. Пријавени се 2.000 евра на име заштеда и дополнителни 50 евра на посебна сметка.Овој извештај веднаш предизвика бројни реакции во јавноста, отворајќи дебата за тоа дали се работи за екстремна скромност на косовскиот лидер или пак за вешто менаџирање со семејните финансии каде главниот и имот е на името на сопругата.

Свет | пред 2 седмици

2 нед.
media-library1t41dhskauv96tipxic

Синот на Теута Арифи приведен под сомнение за продажба на дрога

Според соопштението на полицијата, на 16 април 2026 година во 22:05 часот полициски службеници од СВР Тетово лишиле од слобода 16-годишник од Тетово, поради сомнение дека сторил кривично дело поврзано со недозволена трговија со наркотични средства според член 215 од Кривичниот законик.Во рамки на постапката бил извршен претрес на објект во Тетово, кој малолетникот го изнајмил и го користел со согласност на сопственикот. При претресот биле пронајдени и запленети 34 пакувања марихуана, како и кутија и кеса со марихуана, а дополнително било пронајдено и едно пакување бела прашкаста материја.Малолетникот бил веднаш приведен во полициска станица, каде е задржан за понатамошна постапка. Во присуство на родител ќе биде извршен службен разговор со него, а полицијата најавува дека по целосното документирање на случајот ќе биде поднесена соодветна кривична пријава.Случајот доаѓа по претходни медиумски информации за полициски активности во Тетово поврзани со истрага за наводна вклученост на малолетник во продажба на наркотични средства, како и претреси на повеќе локации, кои биле предмет на проверка од надлежните институции.

Македонија | пред 2 седмици

2 нед.
media-librarypg94154cgf3k5IwBqcu

Нервозата го остави Меџедовиќ без најголемиот успех во кариерата

Српскиот тенисер Хамад Меџедовиќ е поразен од Андреј Рубљов во полуфиналето на турнирот од серијата 500 во Барселона, со резултат 3:6, 6:2, 6:2, по речиси два часа игра.Иако не влезе во мечот како фаворит, Меџедовиќ го започна натпреварот одлично и го доби првиот сет, покажувајќи сигурна игра и контрола на теренот. Во тој период, со исклучок на еден гем во кој се соочи со повеќе брејк топки, српскиот тенисер делуваше доминантно.Сепак, по првиот сет следеше целосен пресврт. Рубљов ја подигна играта, додека Меџедовиќ почна да прави повеќе грешки, да ризикува во неправилни моменти и да влегува во нервоза. Дополнително, имаше и вербален конфликт со судијата, по што неговата игра забележително опадна.Во третиот сет Меџедовиќ имаше уште една шанса за враќање кога стигна до две брејк топки на стартот, но не успеа да ги искористи. Потоа повторно падна во ритам и Рубљов сигурно го затвори мечот.Рускиот тенисер ќе игра во финалето против подобриот од дуелот меѓу Рафаел Ходар и Артур Фис.

Спорт | пред 2 седмици

2 нед.
media-libraryrhfnvbj6ievfeNpGhYp

Трамп: Ситуацијата е добра и покрај „игрите“ на Иран

Американскиот претседател Доналд Трамп се осврна на најновиот развој на настаните во односите со Иран, откако Техеран ја повлече одлуката за повторно отворање на Ормускиот теснец.Трамп ја минимизираше ситуацијата, наведувајќи дека тековните разговори се „многу добри“.„Ситуацијата се развива многу добро. Малку си поиграа, како што прават веќе 47 години“, изјави американскиот претседател.

Свет | пред 2 седмици

2 нед.
media-library63rv5a6pvferacc9uZB

Трипуновски до Николовски: Интерпелацијата за мене е нелегитимна, како што си ти во СДСМ

Министерот за земјоделство, шумарство и водостопанство, Цветан Трипуновски денеска преку објава на неговиот фејсбук-профил реагираше на поднесената интерпелација за неговата работа, упатувајќи критики кон екс министерот и актуелен пратеник Љупчо Николовски.„Љупчо Николовски се јави,навистина се јави. Кој за што, Љупчо за мене!Нејсе, да му одговорам. Политички не постоиш, а партија во која си само обичен инвентар, полека ја снемува. Рејтингот ви паѓа толку ниско што го пробивте секое дно!Интерпелацијата за мене што си ја поднел е толку нелегитимна, како што ти си нелегитимен во СДС.Интерпелацијата ќе биде исто толку неуспешна како твојот мандат како министер за земјоделство и како антикорупционер!Толку безначајна како што беше безначајна и твојата заплената на ДУРИ 30 килограми путер”, напиша Трипуновски.

Македонија | пред 2 седмици

2 нед.
Dragan-Kovacki-23.06.2022

Ковачки: Македонија постојано покажува дека е сигурен и одговорен европски партнер, пристапувањето мора да засновано на заслуги, владеење на правото и економско усогласување

Генералниот секретар на ВМРО-ДПМНЕ, Драган Ковачки, имаше свое обраќање на денешниот настан кој беше во организација на Унијата на жени на ВМРО-ДПМНЕ ,,Женско лидерство-Европската интеграција на Западен Балкан во светлината на безбедносните и технолошките предизвици на Европа“.,,Во име на ВМРО-ДПМНЕ, чест  ми е да ве поздравам во Скопје, главниот град на земја мала по територија, но голема по решителност. Земја која го носела товарот на историјата на своите рамена и се уште стои, гради и, што е најважно, се уште верува во европските вредности“, рече Ковачки.,,Членството во Европската унија и НАТО не се политички слогани за ВМРО-ДПМНЕ, туку се статутарни обврски, вградени во нашите основачки принципи од првиот ден на независноста на нашата земја. Македонија постојано покажува дека е сигурен и одговорен европски партнер. За време на миграциската криза стоевме на првата линија, дејствувајќи како чувар на портата за Европа, управувајќи со тековите и тесно соработувајќи за европскиот партнер кога единството беше најпотребно“, кажа Ковачки и додаде:,,Денес, како членка на НАТО, продолжуваме да придонесуваме за европската безбедност преку нашето учество во сојузничките мисии во Бугарија, Романија и Латвија, стоејќи рамо до рамо со нашите сојузници во заштитата на континентот. Ова не се симболични придонеси, тие одразуваат стратешки сојузи и докажана посветеност на европската стабилност и безбедност. Во тој контекст, разумно е да се очекува од истите сојузници на кои пристапуваме кон нашиот европски пат со иста јасност и конзистентност“.Тој рече дека Македонија активно напредува во реформите, како и зајакнувањето на демократските иституции и усогласување на законодавството со ЕУ.,,Ова е тековна работа што се спроведува со решителност и добра волја и ние остануваме целосно посветени на тоа“, вели тој и додава:,,Сепак, процесот понекогаш се развиваше на начини што покренуваат легитимни прашања за предвидливоста и насоките. Оваа изјава не е покрената како критика, туку како повик за кохерентност во интерес и на нашите граѓани и на кредибилитетот на самиот процес на проширување. Нашата позиција е јасна, пристапувањето мора да биде водено од објективни критериуми засновани на заслуги, демократски стандарди за владеење на правото и економско усогласување“.

Македонија | пред 2 седмици

2 нед.
media-libraryoop8gvjbr0hf7v7qDXK

Нападнат брод во близина на Ормускиот теснец

Теретен брод беше нападнат во близина на Ормускиот теснец, при што беа оштетени контејнери на пловилото, соопшти британската војска.Центарот за поморска трговија на британската војска (UK Maritime Trade Operations) наведе дека непознат проектил го погодил бродот околу 25 наутички милји (46 километри) североисточно од Оман.Инцидентот се случува во период на зголемени тензии во регионот, откако Иран ја повлече својата краткотрајна одлука за повторно отворање на Ормускиот теснец, обвинувајќи ги САД дека не ги исполниле своите обврски.

Свет | пред 2 седмици

2 нед.
media-library1ve5ufdd63v50gpMbd8

Трамп: Шпанија има ужасни економски резултати, „тажно е“

Американскиот претседател Доналд Трамп повторно упати јавни критики кон Шпанија, овојпат преку својата социјална мрежа Truth Social, каде што остро ги доведе во прашање економските резултати на земјата и нејзиниот придонес кон НАТО.„Дали некој видел колку лошо стои државата Шпанија? Нивните финансиски показатели, и покрај тоа што речиси ништо не придонесуваат во НАТО и за сопствената одбрана, се апсолутно ужасни. Тажно за гледање!!!“, напиша Трамп.Шпанија во последниот период беше меѓу најгласните критичари на американската одлука за напади врз Иран, иако засега не е јасно што точно ја поттикнало најновата реакција на Трамп.Во меѓувреме, шпанската влада овој викенд во Барселона организира самит „Global Progressive Mobilisation“, на кој учествуваат левичарски политички лидери од Европа и Латинска Америка.Иако Трамп не беше директно спомнат, шпанскиот премиер Педро Санчес порача дека се гледаат „напади врз мултилатералниот систем, обиди за поткопување на меѓународното право и опасна нормализација на употребата на сила“. Неговата изјава е протолкувана како индиректна критика на американскиот претседател.

Свет | пред 2 седмици

2 нед.
media-library79fpk2vphpuh1yJHObt

Нападнати француски војници во Либан: Еден убиен, тројца ранети

Француски војник кој учествувал во меѓународната мировна мисија во Либан е убиен утринава на југот од земјата, соопшти францускиот претседател Емануел Макрон.Според објавата на платформата X, станува збор за штабниот наредник Флоријан Монторио од 17. падобрански инженериски полк од Монтабан. Во нападот биле ранети уште тројца француски војници, кои подоцна биле евакуирани.Макрон изјави дека сè укажува оти за нападот е одговорен Хезболах и побара либанските власти веднаш да ги приведат одговорните.Либанскиот премиер Наваф Салам остро го осуди нападот и најави итна истрага.„Ваквото неодговорно однесување му нанесува голема штета на Либан и на односите со пријателските земји кои го поддржуваат“, порача Салам, без да посочи конкретен виновник.Од УНИФИЛ соопштија дека нивна патрола, која отстранувала неексплодирани убојни средства во селото Гандурија, била изложена на оган од лесно оружје отворен од недржавни актери.УНИФИЛ ја повика либанската влада итно да спроведе истрага и да ги идентификува и казни напаѓачите.

Свет | пред 2 седмици

2 нед.
media-libraryv1n486efir4e7kImuCO

Слободна волја или илузија: Научниците открија како мозокот одлучува

Ново научно истражување покажува дека мозокот започнува да носи одлуки пред човекот свесно да почувствува дека избрал нешто, а притоа користи ист механизам без разлика дали станува збор за слободен избор или за ситуација во која нема друга опција.Студијата објавена во списанието Imaging Neuroscience открива дека мозокот во двата случаи функционира преку процес наречен „акумулација на докази“. Тоа значи дека мозокот постепено собира информации за достапните опции сѐ додека една од нив не достигне праг по кој следува одлука.Научниците со помош на ЕЕГ ја следеле електричната активност на мозокот кај 50 испитаници. Тие имале задача или да изберат балон со одредена боја меѓу повеќе понудени, или да ја изберат единствената достапна боја.Резултатите покажале дека мозочниот сигнал се однесувал речиси идентично во двата случаи – постепено растел до моментот на одлука. Тоа укажува дека мозокот не користи различен систем за „слободни“ и „присилни“ избори, туку ист основен механизам.Овие сознанија потсетуваат на познатите експерименти на Бенџамин Либет од 1980-тите, според кои мозочната активност поврзана со одлука започнува стотици милисекунди пред човекот да стане свесен за намерата да дејствува.Сепак, дел од научниците сметаат дека тоа не ја поништува слободната волја, туку само покажува како таа физички се реализира во мозокот. Според нив, иако процесот е автоматски, содржината на одлуките произлегува од нашите искуства, вредности, цели и лични преференции.Новото истражување повторно ја отвора дебатата: ако мозокот одлучува пред свеста, што навистина значи дека некоја одлука е „наша“?

Свет | пред 2 седмици

2 нед.
media-librarymv789oodgeuf0DwPytV

(Видео)Украински дронови нападнаа руски нафтени постројки и рафинерии

Украински дронови во текот на ноќта нападнале неколку руски нафтени постројки, меѓу кои две рафинерии во Самарската област и балтичко пристаниште за извоз на нафтени деривати, соопштија руски регионални власти и украински воени претставници.Во Ленинградската област бил изгаснат пожар во пристаништето Висоцк, каде што се наоѓа терминал за извоз на мазут, нафта и дизел гориво управуван од компанијата Лукоил.Командантот на украинските сили за дронови, Роберт Бровди, потврди дека биле нападнати и рафинериите во Новокујбишевск и Сизран во Самарската област. Тој саркастично порача: „Да ја направиме руската нафта повторно голема“.Гувернерот на Самарската област, Вјачеслав Федоришчев, потврди напад врз индустриски цели, без да наведе детали.Според украинската страна, серија неодамнешни напади врз руската нафтена логистика во Приморск, Уст-Луга, Шешарис и Туапсе ги намалиле дневните испораки за околу 880.000 барели, иако оваа бројка не е независно потврдена.Украинските сили соопштија дека било погодено и складиште за нафта во Севастопол на окупираниот Крим. Во меѓувреме, руските власти јавија дека се изгаснати пожари во Тихорецк и на терминал во црноморското пристаниште Туапсе, кои, според нив, биле предизвикани од украински напади со дронови.

Свет | пред 2 седмици

2 нед.
media-libraryiieqmn39godf3RAet0G

Полицијата приведе 15 возачи за безобѕирно возење – 12 без дозвола

Петнаесет возачи се лишени од слобода во текот на изминатото деноноќие на територија на целата држава поради безобѕирно управување со возило, информираат од Министерството за внатрешни работи.Од нив, 12 управувале возило без возачка дозвола, двајца возеле со активна забрана, а еден бил под дејство на алкохол.Најмногу прекршоци се евидентирани во Скопје, каде што четворица возачи управувале без дозвола. По двајца такви случаи се регистрирани во Куманово, додека по еден во Тетово, Гостивар, Велес, Дебар и Битола. Во еден случај, возач управувал без дозвола и истовремено бил под дејство на алкохол.Дополнително, по еден возач во Скопје и Неготино управувале возило и покрај активна забрана, додека во Струмица бил санкциониран возач кој возел под дејство на алкохол.Од МВР информираат дека по целосно документирање на случаите ќе бидат поднесени соодветни кривични пријави.Полицијата апелира до сите учесници во сообраќајот да ги почитуваат правилата и прописите, да не управуваат возило без возачка дозвола, со изречена забрана или под дејство на алкохол, со цел зголемување на безбедноста на патиштата.

Македонија | пред 2 седмици

2 нед.
media-librarykfgunneirrgm5Leocfh

СДСМ: Мицкоски да им се извини на културните работници за навредите

Членката на Извршниот одбор на СДСМ, Наташа Петровиќ, побара премиерот Христијан Мицкоски јавно да им се извини на уметниците и културните работници за, како што рече, навредливите изјави упатени кон нив.Според неа, состојбата во културата е хаотична, а последните изјави на премиерот дополнително ја влошуваат ситуацијата.„Мицкоски ги навреди и дискредитираше луѓето кои ја создаваат културната вредност на државата, нарекувајќи ги ‘вулгарни и агресивни’“, изјави Петровиќ.Таа оцени дека ваквите ставови се обид за замолчување на културните работници, кои, како што посочи, бараат почитување на Колективниот договор и подобрување на платите.Петровиќ нагласи дека Колективниот договор е легитимен и институционално потврден, додавајќи дека проблемот не е во правната рамка, туку во, како што рече, недостигот на политичка волја.Дополнително, таа посочи на, како што го нарече, лицемерие кај дел од носителите на функции, вклучително и министерот за култура Зоран Љутков, кој, според неа, во минатото го поддржувал истиот договор.„Културата не е трошок, таа е темел на идентитетот. Без достоинствени уметници нема држава, нема нација, нема иднина“, изјави Петровиќ.Од СДСМ порачаа дека ќе продолжат да ги поддржуваат културните работници и нивните барања, нагласувајќи дека ова е борба за достоинство и права.

Македонија | пред 2 седмици

2 нед.
granica-srbija

Новите проверки на границите на ЕУ ја зголемуваат гужвата: Електронската дозвола за Шенген ќе се плаќа и се најавува за крајот на 2026

Гужвите на европските аеродроми и на патните гранични премини, кои се засилија од 10 април, според најавите допрва ќе се чувствуваат уште поостро како што се приближува летната сезона. Причината е построгата и подетална контрола на влезот во Шенген-зоната и Европската унија за државјани на „трети земји“, меѓу кои спаѓаат и граѓаните на Србија.Во фокусот е примената на системот за евиденција на влез и излез (EES), кој подразбира подетална проверка и регистрирање на патниците при преминување на граница, што веќе создава забавувања во одредени периоди. Надлежните најавуваат дека со зголемениот број патувања во текот на летото, оптоварувањето на пасошките контроли може да стане уште поизразено, особено на најпрометните гранични точки.Покрај EES, за последниот квартал од 2026 година се најавува уште една новина: електронска патна дозвола на ЕУ, позната како ETIAS. Според најавите, ETIAS би требало да се поднесува онлајн пред патување и да важи за влез во земјите од Шенген-просторот, при што дозволата не претставува виза, туку дополнителен безбедносен филтер и проверка на патниците.Се посочува дека со важечка ETIAS дозвола ќе може да се патува во повеќе европски земји со престој до 90 дена во рамки на секој период од 180 дена, но дека самото одобрение не е апсолутна гаранција за влез. Конечната одлука и натаму ја носи граничниот службеник, кој може да побара дополнителни документи и појаснувања.Во делот за трошоците, се наведува дека онлајн пријавата за ETIAS ќе чини 20 евра, а од плаќањето ќе бидат ослободени лица под 18 години и постари од 70 години, како и одредени категории членови на семејства со права на слободно движење. Дозволата, според најавите, ќе важи три години или до истекот на патната исправа – што и да настапи порано.Дополнителна практична околност е и тоа што обработката на барањето може да биде одобрена за неколку минути, но во одредени случаи може да трае до 14 дена, а ако се побараат дополнителни проверки и интервју – и подолго. Затоа, на патниците им се препорачува да аплицираат значително пред планираното патување, за да избегнат непријатни изненадувања на граница.Со оглед на тоа што EES и ETIAS се два различни механизми, во јавноста се отвора и прашањето дали нивната паралелна примена ќе донесе нови „тесни грла“ во периоди на масовни патувања, како летните одмори или новогодишните празници кон крајот на 2026 година.

Свет | пред 2 седмици

2 нед.
lavrov-

Лавров со обвинување кон Западот: „Планираат Украина да стане искра за глобална закана“

Рускиот министер за надворешни работи Сергеј Лавров изјави дека Западот настојува Украина да стане „искра“ за глобална закана, оценувајќи дека актуелните војни во светот не биле дел од плановите на Русија, туку дека биле подготвувани од оние што Москва претходно ги нарекувала „западни партнери“.Говорејќи на Дипломатскиот форум во Анталија, Лавров тврдеше дека по распадот на Советскиот Сојуз Русија сфатила оти не е третирана како рамноправен соговорник и дека западните ветувања често не се исполнуваат. Како пример ги наведе уверувањата за неширење на НАТО кон исток, поврзувајќи ги со периодот на повлекување на советските трупи од Источна Германија.Тој посочи и на разликите во политичката култура, наведувајќи дека во руската традиција ракувањето се смета за доволна потврда на договор, додека отстапувањето од таков договор, според него, се доживува како нечесно.Лавров, исто така, изнесе тврдење дека Западот водел кампања за подготовка на Украина за војна против Русија, наведувајќи дека таа, според неговите зборови, започнала кон крајот на 2021 година. Во тој контекст се осврна и на документите од периодот по формирањето на Советот Русија–НАТО во 2002 година, во кои, според него, било нагласено дека безбедноста на една страна не треба да се јакне на штета на безбедноста на друга.На форумот во Анталија, Лавров учествува како почесен гостин, а претходно одржал затворени разговори со турскиот министер за надворешни работи Хакан Фидан. На настанот присуствувале бројни дипломати и официјални претставници од голем број држави и меѓународни организации.

Свет | пред 2 седмици

2 нед.
media-library3b651hlbrs9u6sf7rRv

Поразително: Нови приведувања за семејно насилство – случаи во Кисела Вода, Карпош, Драчево и Шуто Оризари

Полицијата приведе повеќе лица во Скопје, Охрид и гостиварско по пријави за семејно насилство, закани и физички напади, информираат од Министерството за внатрешни работи.Во Кисела Вода, утрото на 17 април, бил приведен 22-годишник од Скопје, кој според пријавата му упатувал закани на својот 64-годишен татко, а користел и нож. При преглед кај него биле пронајдени нож и дробилка со остатоци од марихуана.Во друг случај, полицијата ја лишила од слобода 44-годишна скопјанка, која, според пријавата, му се заканувала на поранешниот сопруг и на нивните деца, при што во изминатиот период вршела и психичко и физичко насилство. Кај неа била пронајдена бела прашкаста материја.Жена од Скопје пријавила дека била физички нападната од нејзиниот брат во семејниот дом во Шуто Оризари, додека 76-годишен маж од Драчево пријавил дека бил нападнат од својот син и ќерка по претходна расправија. Со нив бил извршен службен разговор.Во Охрид, 46-годишен маж бил повикан на разговор по пријава од поранешната сопруга дека физички го напаѓал нивниот малолетен син за време на викендите кога бил кај него.Дополнително, во гостиварско, полицијата привела лице кое упатувало закани кон својата поранешна партнерка и нејзиното семејство.Од МВР информираат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.

Македонија | пред 2 седмици

2 нед.
media-libraryeqmlbmv0tkm0ed3mRIH

Водовод Скопје со акција: Плаќање долгови без камата до 5 јуни

ЈП Водовод и канализација – Скопје започнува акција за отплата на заостанатите долгови без пресметка на камата, информираат од претпријатието.Акцијата ќе трае од 20 април до 5 јуни 2026 година, период во кој граѓаните ќе можат да ги подмират долговите за потрошена вода, и тужени и редовни, на рати и без дополнителни трошоци за камата за задоцнето плаќање.Од претпријатието ги повикуваат сите корисници со заостанати обврски да ја искористат оваа можност и да ги регулираат долговите под поволни услови.Акцијата, сепак, не се однесува на органите на државната и локалната власт, како и на институции од јавен интерес, вклучително агенции, фондови, јавни установи и јавни претпријатија основани од државата или општините.По истекот на рокот, односно по 5 јуни, одлуката престанува да важи.За дополнителни информации, граѓаните можат да се обратат во Дежурно-информативниот центар на телефон 02 3073 010 или во Дирекцијата на 02 3240 300, како и преку електронската пошта kontakt@vodovod-skopje.com.mk или веб-страницата на претпријатието.

Скопје | пред 2 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања