АВИОНИ

Аналитичарка предупредува: Авионските билети ќе поскапат поради кризата во Ормускиот теснец

Патниците во авионскиот сообраќај треба да се подготват за повисоки цени на билетите во наредните месеци поради војната меѓу САД и Израел од една страна и Иран од друга, предупреди Амрита Сен, основач и директор на аналитичката компанија „Енерџи аспектс“.Говорејќи пред буџетскиот одбор на британскиот парламент, таа оцени дека станува збор за „најголемото нарушување во историјата на енергетските пазари“, пренесе „Скај њуз“.Иако ценовните шокови засега не достигнале нивоа какви што беа забележани по руската инвазија врз Украина, Сен нагласи дека најсилно погоден е пазарот на авионско, односно млазно гориво.„Навистина е лудо што се случува на пазарот на гориво“, изјави таа, појаснувајќи дека голем дел од производството се одвива на Блискиот Исток и во Азија, а побарувачката тешко може да се задоволи од други извори.Според неа, поради тоа што суровата нафта не може нормално да се транспортира преку Ормускиот теснец, кој во моментот е премногу опасен за пловидба, се намалува и производството на авионско гориво што зависи од тие испораки.Поради ваквите околности, таа очекува значително зголемување на цените на авионските карти во наредниот период.„Апсолутно треба да очекуваме повисоки цени на авионските билети барем во следните неколку месеци“, предупреди Сен.

Свет | пред 1 седмица

Авионските летови помеѓу Азија и Европа драстично поскапени по нападот врз Иран

Цените на авионските карти помеѓу Азија и Европа нагло пораснале поради затворањето на клучните блискоисточни јазли поради воената операција на САД и Израел против Иран. На многу рути картите се распродадени со денови однапред.Дубаи и други големи аеродроми останаа затворени четврти ден по ред, што го намали капацитетот на линии како оние помеѓу Австралија и Европа.Патниците се пренасочуваат преку Кина, Сингапур и Северна Америка, при што алтернативните рути ја продолжуваат должината на летовите и ги зголемуваат трошоците за гориво.Авионските компании надвор од погодената регија, како што се Cathay Pacific, Singapore Airlines и Turkish Airlines, бележат зголемена побарувачка.Летовите кон Лондон брзо се распродадени или се нудат по значително повисоки цени, а сличен тренд се забележува и кај кинеските и азиските превозници.

Свет | пред 2 седмици

Американски авиони масовно го напуштаат југот на Шпанија

Петнаесет американски авиони ги напуштиле базите Рота и Морон на југот на Шпанија откако САД и Израел преку викендот започнаа напади врз Иран, покажуваат податоците и картите на страницата за следење летови FlightRadar24.Шпанскиот министер за надворешни работи, Хозе Мануел Албарес, изјави дека Шпанија нема да дозволи користење на своите воени бази за напади врз Иран. Базите се под заедничка управа на САД и Шпанија, но се наоѓаат под шпански суверенитет.Велика Британија исто така првично одбила дозвола за користење на своите бази за напад врз Иран, но вчера премиерот Кир Стармер ги одобрил за операции во рамки на „колективна самоодбрана“.Ова може дополнително да ги оптерети односите меѓу Мадрид и Вашингтон. Ставот на Шпанија, како и силната осуда на американско-израелските акции во Иран од страна на социјалистичкиот премиер Педро Санчез, ја издвојува земјата од другите во регионот.Шпанските бази не се користат за оваа операција и нема да се користат за ништо што не е опфатено со договорот со Соединетите Држави или што не е во согласност со Повелбата на Обединетите нации“, изјави Албарес за шпанската телевизија Telecinco.Министерката за одбрана, Маргарита Роблес, додаде дека авиони, главно резервоари за гориво во воздух, вклучувајќи Boeing KC-135 Stratotanker, постојано се стационирани во Шпанија.Според податоците од FlightRadar24, девет танкери вчера полетале од базата Морон и се упатиле кон Германија. Два лета полетале од Рота кон југот на Франција, додека патот на уште четири лета од Рота не бил прикажан.

Свет | пред 2 седмици

Авиокомпаниите масовно откажуваат летови

Воените напади низ Блискиот исток предизвикаа големи нарушувања во воздушниот сообраќај, а бројни авиокомпании продолжуваат со одложување и откажување на летови.Авиокомпанијата EasyJet ги откажа сите летови кон и од Кипар, по нападите со ирански дронови врз британската воена база на островот. Air India ги откажа летовите помеѓу Индија и Цирих, Копенхаген и Бирмингем, како и летовите кон Обединетите Арапски Емирати, Саудиска Арабија, Израел и Катар.Etihad Airways најави суспензија на летовите кон и од Абу Даби до 14 часот по локално време, но дел од летовите во меѓувреме се продолжени, покажуваат податоците на аеродромот Зајед и сервисите за следење летови. Аеродромот Бен Гурион кај Тел Авив објави дека израелските превозници постепено ќе ги обновуваат летовите од утре, во зависност од безбедносната ситуација.Јордан најави делумно затворање на воздушниот простор како привремена мерка додека траат нападите. Според одлуката на јорданската агенција за цивилно воздухопловство, воздушниот простор ќе биде затворен секојдневно од 18 до 7 часот до понатамошно известување.Катар, Иран и Ирак веќе го затвориле својот воздушен простор, а Qatar Airways потврди дека ја прекинал авијацијата, со план за продолжување на летовите утре наутро.Поради овие мерки, илјадници патници останаа блокирани во регионот, додека летовите се откажуваат, а аеродромите се затвораат.

Свет | пред 2 седмици

Над 49 илјади доцнења за три дена: воената ескалација го парализира светското небо

Последиците од воената ескалација на Блискиот Исток веќе трет ден се чувствуваат и на глобалното небо. Светскиот авиосообраќај бележи сериозни нарушувања, со вкупно 49.154 доцнења и 8.080 откажани летови во изминатите три дена, покажуваат дневните статистики на платформата „Флајт Авеар“.Ескалацијата на конфликтот по нападот на Соединетите Американски Држави и Израел врз Иран, што започна во текот на саботата, доведе до затворање и ограничување на дел од воздушниот простор во регионот. Ова предизвика синџирна реакција на доцнења, пренасочувања и суспендирање на летови на глобално ниво.Во саботата биле регистрирани 21.071 доцнење на летови ширум светот, со 2.758 откажувања. Во неделата бројот на доцнења изнесувал 19.415, додека биле откажани 3.229 летови. Денеска се евидентирани 8.668 доцнења и 2.093 откажани летови.Најголем број доцнења биле забележани токму во саботата, денот кога започнаа нападите и кога дел од авиокомпаниите итно ги пренасочуваа или целосно ги суспендираа летовите кон Блискиот Исток. Во неделата дојде до благо намалување на доцнењата, но порастот на откажувањата упатува на подолгорочно оперативно прилагодување на авиопревозниците.Иако денеска се забележува намалување на бројот на доцнења, бројот на откажани летови и натаму останува висок, што укажува дека дел од рутите сѐ уште не функционираат нормално.Експертите предупредуваат дека секое затворање на клучните воздушни коридори меѓу Европа, Азија и Блискиот Исток создава домино-ефект во глобалната мрежа на летови, со пренатрупување на алтернативните рути и дополнителен притисок врз системите за контрола на летање.Патниците се повикуваат редовно да го следат статусот на своите летови и официјалните известувања од авиокомпаниите, со оглед на тоа што состојбата и натаму е динамична и подложна на брзи промени.

Свет | пред 2 седмици

Стотици илјади патници заглавени ширум светот

Стотици илјади патници останаа заглавени ширум светот откако клучните воздушни јазли на Блискиот Исток беа затворени поради последиците од американско-израелските напади врз Иран. Во понеделникот беа откажани уште стотици летови, што го продолжи хаосот во глобалниот воздушен сообраќај и дополнително ја влоши ситуацијата за патниците. Станува збор за најтежок удар врз воздухопловството од пандемијата на ковид-19, пишува The Guardian.Илјадници откажани летовиГлавните аеродроми на Блискиот Исток, вклучително и Дубаи, најпрометниот во светот, се затворени трет ден по ред. Според податоците на платформата за следење летови FlightAware, во саботата биле откажани речиси 2800 летови, во неделата 3156. Само во понеделникот рано наутро веќе биле откажани 1239 летови. Авиокомпаниите Emirates од Дубаи, Etihad Airways од Абу Даби и Qatar Airways од Доха заедно откажаа стотици летови, а и други превозници, како Air India, ги суспендираа своите услуги во регионот.„За патниците нема разубавување на ситуацијата“, изјави Хенри Хартевелд, аналитичар во воздухопловната индустрија и претседател на Atmosphere Research Group. „Треба да се подготват за доцнења или откажувања во следните неколку дена, додека нападите траат и, се надеваме, не завршат.“Глобални последици од судиротСпоред страницата за следење летови Flightradar24, воздушниот простор над Иран, Ирак, Кувајт, Израел, Бахреин, ОАЕ и Катар и понатаму е речиси празен.Последиците се чувствуваат далеку надвор од Блискиот Исток, а патници останаа заглавени на дестинации од Бали до Франкфурт. Судирот се прошири и на Либан, каде што Израел изведе воздушни напади откако Хезболах испали ракети, поради што поголем дел од воздушниот простор во регионот остана затворен. Дополнителен проблем е што екипажите и пилотите сега се распрснати ширум светот, што ќе го усложни повторното воспоставување на летовите по отворањето на воздушниот простор.Додека повеќето патници се борат да дојдат до информации, исклучително богатите наоѓаат алтернатива. „Саудиска Арабија моментално е единствената вистинска опција за луѓето кои сакаат да го напуштат регионот“, изјави за Semafor Амер Наран, извршен директор на компанијата за посредување со приватни авиони Vimana Private, проценувајќи дека цената на лет со приватен авион од Ријад до Европа достигнува и до 350.000 долари.Економски ударАкциите на водечките авиокомпании паднаа бидејќи инвеститорите стравуваат од последиците од војната. Акциите на Japan Airlines паднаа за 5,6%, на Singapore Airlines за 4,5%, на Qantas за 5,4%, а на Cathay Pacific за 2,9%. Превозниците се соочуваат и со повисоки цени на горивото откако цената на суровата нафта Брент скокна за дури 13% на 80 долари по барел, а аналитичарите предвидуваат дека може да достигне и 100 долари.„Главното влијание за сите ќе се почувствува преку цените на нафтата, кои очигледно нагло ќе пораснат“, изјави воздухопловниот советник Бертран Грабовски.Притисок врз алтернативните коридориАналитичарите истакнуваат дека ваквото долготрајно затворање на небото и на сите три главни транзитни чворишта во Заливот е ситуација без преседан. Преостанатите летови се пренасочуваат за да го избегнат затворениот воздушен простор. Рутите преку Иран и Ирак станаа поважни откако војната во Украина ги принуди авиокомпаниите да го избегнуваат воздушниот простор на Русија и Украина.Затворањето на блискоисточниот воздушен простор сега ги турка авиокомпаниите во уште потесни коридори, а судирите меѓу Пакистан и Авганистан создаваат дополнителен ризик, посочи Иан Петченик, директор за комуникации во Flightradar24. „Долготрајните нарушувања претставуваат најголема грижа за комерцијалното воздухопловство“, рече тој.

Свет | пред 2 седмици

Воздушниот сообраќај во колапс: Патници заглавени по ескалацијата на кризата

Судирот доведе до затворање на клучните аеродроми во Дубаи, Абу Даби и Доха и до откажување на повеќе од 1.800 летови на големите блискоисточни авиопревозници, според податоците на аналитичката компанија Cirium. Од околу 4.218 планирани летови за сабота, откажани се 966, односно 22,9 проценти.За недела се откажани 716 од вкупно 4.329 планирани летови. Во меѓувреме, платформата за следење летови FlightAware објави дека до недела во 3:30 часот по средноевропско време, глобално биле одложени повеќе од 19.000 летови, а над 2.600 целосно откажани.Неизвесноста за патниците расте, бидејќи засега не е јасно колку долго ќе траат прекините во воздушниот сообраќај. Џонатан Ескот и неговата свршеница во саботата пристигнале на аеродромот во Њукасл во Англија, за да дознаат дека нивниот директен лет за Дубаи со „Емирати“ е откажан. Ескот се вратил кај семејството, кое живее на околу еден час од аеродромот, но не знае кога ќе може да отпатува.„Никој не знае“, изјавил Ескот. „Никој навистина не знае што се случува со судирот. Дури ни ‘Емирати’, ни тие немаат одговор. Никој нема јасна слика.“Како одмазда за нападите на САД и Израел, Иран започна серија напади врз Израел и врз заливските држави во кои се наоѓаат американски воени бази – Бахреин, Кувајт, Катар и Обединетите Арапски Емирати. Трите главни заливски авиопревозници – „Емирати“, „Етихад“ и „Катар ервејс“ – вообичаено превезуваат околу 90.000 патници дневно преку своите центри.Два аеродрома во Обединетите Арапски Емирати пријавиле инциденти. Властите во Дубаи соопштија дека четири лица се повредени, додека од Меѓународниот аеродром „Зајед“ во Абу Даби информираа дека едно лице загинало, а седум се повредени во напад со беспилотно летало. Напади биле регистрирани и на Меѓународниот аеродром во Кувајт.Иако Иран официјално не презеде одговорност, обемот на нападите, кои заливските држави му ги припишуваат, се прошири и надвор од американските бази што претходно беа посочени како цели.Аналитичарот за воздухопловство Хенри Хартевелд предупредува дека ситуацијата нема да се нормализира веднаш. „Патниците треба да се подготват за доцнења и откажувања во следните неколку дена, сè додека нападите траат и, се надеваме, не завршат“, изјавил тој.Аеродромите низ Блискиот Исток останаа затворени и во неделата, втор ден по ред. Управата на аеродромите во Дубаи потврди дека операциите на „Дубаи интернешнл“ и „Дубаи ворлд сентрал“ се суспендирани до понатамошно известување. „Емирати“ привремено ги прекина сите летови до и од Дубаи до недела во 15 часот по локално време.Летовите на Меѓународниот аеродром „Хамад“ во Катар исто така беа суспендирани, а „Катар ервејс“ најави дека ќе продолжи со работа откако катарските воздухопловни власти ќе го прогласат воздушниот простор за безбеден.Според FlightAware, најмалку 145 авиони што во саботата летале кон Тел Авив и Дубаи биле пренасочени кон Атина, Истанбул или Рим, додека дел се вратиле на полетната точка. Еден авион поминал речиси 15 часа во воздух откако полетал од Филаделфија, стигнал до Шпанија, па се вратил назад.Картата на FlightRadar24 покажува дека главниот воздушен коридор исток–запад над Ирак, еден од најпрометните што ја поврзува Азија со Европа, е речиси целосно празен, што ја нагласува сериозноста на нарушувањата.Заливските превозници „Емирати“ и „Етихад“ во саботата откажале 38, односно 30 проценти од своите летови, додека „Катар ервејс“ суспендирал 41 процент од летовите од Доха. Голем број европски и светски авиокомпании исто така ги прекинаа летовите кон и од регионот.Поради вонредните околности, патниците нема да имаат право на класична финансиска отштета за доцнењата, но авиокомпаниите се должни да обезбедат грижа – храна, пијалаци и, доколку е потребно, сместување. Во случај на откажан лет, патниците имаат право на целосен поврат на средствата.Експертите предупредуваат дека доколку кризата продолжи, летовите ќе мора да се пренасочуваат околу зоните на судир, што ќе го продолжи времетраењето на патувањата, ќе ги зголеми трошоците за гориво и можно е да доведе до поскапување на авионските билети.

Свет | пред 2 седмици

Се запали авион со повеќе од 400 патници во него: Лет за Париз прекинат по експлозии на моторот

Авион на Ер Франс, кој сообраќал на линијата од Фор-де-Франс кон Париз, бил принуден да се врати на аеродромот само неколку минути по полетувањето, откако се запалил десниот мотор, јавуваат француските медиуми.Инцидентот се случил во ноќта на 21 февруари, кога авионот „боинг“ на летот АФ895, по само една минута во воздух, пријавил проблем со десниот мотор. Според информациите, моторот почнал да вовлекува течност, што предизвикало нарушена циркулација на воздухот, неправилно согорување и видливи експлозии.Сведоци од земја изјавиле дека слушнале детонации веднаш по полетувањето. Сепак, во инцидентот нема повредени лица.Како што пренесуваат локалните медиуми на Мартиник, екипажот на леталото, во кое се наоѓале 469 патници, го забележал проблемот во фазата на почетно искачување. Пилотот Ришар Рекли изјавил дека веднаш бил активиран протоколот за итно враќање, по што авионот безбедно слетал на истиот аеродром од кој полетал.Патниците биле пренасочени на друг лет, а надлежните служби започнале постапка за утврдување на причините за техничкиот дефект.

Свет | пред 3 седмици

Американски авиони слетаа во Обединетото Кралство пред можен напад врз Иран

Два клучни американски авиони за рано предупредување и командување, што се користат за управување со бојното поле, слетаа во Обединетото Кралство во услови на засилено распоредување на американски воени сили кои би можеле да бидат искористени за евентуални напади врз Иран, објави Би-би-си.Станува збор за авиони од типот Боеинг Е-3 Сентри, познати како АВАКС, кои утринава слетале во воздухопловната база РАФ Милденхол во Сафолк. Нивното пристигнување било забележано и фотографирано од воздухопловен ентузијаст, а според податоците од следење на летови, леталата полетале од Енкориџ на Алјаска.Натамошното движење на овие стратешки значајни авиони внимателно ќе се следи, бидејќи дел од аналитичарите нивното пристигнување го сметаат за еден од последните „делови од мозаикот“ потребни за можен американски удар врз Иран.Истражувачот Стефан Воткинс, кој со користење јавно достапни информации ги следи движењата на бродови и авиони, претходно за Би-би-си Verify изјави дека доколку настаните се одвиваат по истиот образец како операцијата „Миднајт Хамер“, кодното име за американските напади врз ирански нуклеарни постројки во јуни 2025 година, тоа би значело дека ударот е неизбежен.

Свет | пред 1 месец

Скопје и Белград лидери во авијацискиот бум: Над 200.000 нови седишта во првиот квартал од 2026

Како што се приближува крајот на 2025 година, авијацискиот сектор во регионот влегува во една од најдинамичните фази во последната деценија. Првиот квартал од 2026 година носи значително зголемување на капацитетите на речиси сите аеродроми во поранешна Југославија, а апсолутни лидери во овој раст се Скопје и Белград, кои ќе додадат по повеќе од 200.000 нови седишта во однос на истиот период лани.Најголемиот двигател на експанзијата е нискобуџетниот авиопревозник „Виз Ер“, кој по период на реструктурирање агресивно ги враќа и проширува своите операции. Во Скопје, компанијата ќе додаде дури 286.124 нови седишта, што претставува најсилен индивидуален раст на еден аеродром во регионот. Во Белград, „Виз Ер“ ќе ја зголеми понудата за дополнителни 141.905 седишта, со што двата главни града стануваат клучни точки на регионалната авијациска карта.Растот не е ограничен само на најголемите центри. Зголемени капацитети ќе има и на аеродромите во Охрид, Тузла, Ниш и Бања Лука, што укажува на поширока регионална консолидација и враќање на патничката побарувачка.Загреб го зазема третото место по раст, но со поинаква структура. Таму приматот го презема националниот превозник Croatia Airlines, кој е во фаза на модернизација и проширување на мрежата и ќе додаде 65.678 седишта. За разлика од претходните години, Ryanair бележи поскромен раст од 11.960 седишта, додека Turkish Airlines ќе додаде 13.006 седишта, надминувајќи го ирскиот нискобуџетен превозник.На регионално ниво, во првиот квартал од 2026 година ќе бидат понудени вкупно 7.514.798 седишта на редовни летови, распоредени на 48.428 операции, што претставува раст од 20,9 проценти. Кога се гледаат дестинациите, Истанбул е апсолутен лидер, со најмногу седишта кон аеродромот Истанбул (IST), по што следуваат Цирих и аеродромот „Сабиха Гокчен“.Воедно, патниците ќе добијат пристап и до нови авиолинии. Од Скопје ќе се лета кон Ларнака и Прага, од Белград кон Тбилиси, Астана и Гренобл, а од Љубљана кон Гран Канарија, што дополнително го проширува изборот и ја зацврстува позицијата на регионот на европската авијациска мапа.

Македонија | пред 3 месеци

Снежна бура и софтверски дефект парализираа летови низ САД

Поради силна снежна бура и проблеми со авионски софтвер, низ Соединетите Американски Држави вчера биле пријавени 1.815 доцнења на пристигнувања и поаѓања, како и 490 откажани летови, соопшти компанијата „Флајт Авеар“, која во реално време обезбедува податоци за движењето на авионите.Најголеми пореметувања се забележани на аеродромите во Чикаго, Њујорк, Бостон, Минеаполис и Детроит, пренесе „Си-Би-Ес“.Авионските компании дополнително се соочија со проблеми за време на викендот откако Федералната управа за воздухопловство на САД (FAA) наложи илјадници авиони од типот „Ербас А320“ ширум светот да извршат неопходно софтверско ажурирање.

Свет | пред 3 месеци

Јапонската ANA откажа 65 летови поради глобалниот проблем со софтверот на Ербас

Најголемата јапонска авиокомпанија All Nippon Airways (ANA) денеска соопшти дека е принудена да откаже 65 домашни летови поради проблем со софтверот кој ги погоди илјадници авиони на Ербас ширум светот. Според информациите, кај 34 авиони на ANA е неопходна итна софтверска поправка, што предизвика сериозни нарушувања во сообраќајот и влијаеше врз околу 9.400 патници.Откажувањата најмногу го погодија токискиот аеродром Ханеда, но последици има и на летовите кон Тотори, Сага и повеќе други префектури. Компанијата извести дека работи на тоа да им обезбеди алтернативни решенија на патниците и да го нормализира распоредот на летови во најкус можен рок.Втората најголема јапонска авиокомпанија, Japan Airlines, соопшти дека нејзината флота не е засегната од софтверскиот проблем и дека сообраќајот се одвива редовно.Проблемот со Ербас предизвика глобални последици, а повеќе авиокомпании најавуваат можни кашнења и откажувања сè додека трае ажурирањето на софтверот.

Свет | пред 3 месеци

Ryanair го укинува Prime Club – патниците земале повеќе отколку што плаќале

Ryanair ja укинува својата лојална програма Prime Club само осум месеци по нејзиното воведување, откако компанијата пресметала дека патниците ги искористиле поволностите многу повеќе отколку што авиокомпанијата заработила од членарините. Програмата нудеше попусти на летови, бесплатно резервирање седишта за до 12 летови годишно и патничко осигурување, но наместо планираниот профит, резултирала со финансиски минус.Според компанијата, во Prime се зачлениле околу 55.000 патници, кои донеле 4,4 милиони евра приходи од членарини, но за возврат добиле поволности вредни над шест милиони евра. Маркетинг-директорот Дара Брејди изјави дека тест-програмата „чини повеќе отколку што носи“ и дека со ова ниво на членство не се оправдува времето и ресурсите потребни за редовни ексклузивни понуди.Ryanair соопшти дека програмата официјално се гаси и дека компанијата ќе се фокусира на други модели на лојалност и попусти кои ќе бидат одржливи на долг рок.

Свет | пред 3 месеци

Турција ги приземји сите 18 авиони Ц-130 по трагедијата во Грузија

Турција донесе одлука привремено да ги запре сите летови на своите воени транспортни авиони Ц-130, по трагичната несреќа што се случи во Грузија, при која загинаа сите 20 турски војници што биле во леталото. Од Министерството за одбрана соопштија дека летовите ќе останат суспендирани сè додека не се заврши целосната истрага и не се утврдат причините за падот, јавува „Си-ен-ен Турк“.Во известувањето се наведува дека сите 18 авиони од овој модел се повлечени од употреба и подложени на детални технички проверки. Во меѓувреме, експертски тимови во Анкара ја анализираат црната кутија на авионот со цел да се открие што точно довело до катастрофата.Министерството нагласува дека во оваа фаза е прерано да се изведуваат заклучоци за причините за падот, но потсетува дека авионот бил купен од Саудиска Арабија во 2012 година и редовно одржуван, при што последниот сервис бил извршен пред само еден месец.Исто така, е потврдено дека авионот немал превоз на муниција во моментот на несреќата.Несреќата се случила во вторникот, кога леталото тргнало од Азербејџан кон Турција и се урнало на територијата на Грузија, оставајќи зад себе дваесет загинати припадници на турските вооружени сили.

Свет | пред 4 месеци

Густ чад и силен ветер го отежнуваат гаснењето на пожарот во Јасен! „Пожарите се подметнати“

Густ чад го оневозможува гаснењето од воздух на пожарот во ловиштето „Јасен“, кој четврти ден се обидуваат да го стават под контрола екипи со хеликоптери, ер трактори и припадници на Армијата и МВР. Во текот на ноќта успеаја да изгаснат една од линиите над патот и да спречат огнот да навлезе во боровата шума.Според директорот на Дирекцијата за заштита и спасување, Стојанче Ангелов, пламените јазици зафаќаат стрмни и тешко пристапни делови, каде што на одредени места човечкиот пристап е невозможен. Утрово повторно се активира дел од пожарот на сртот, каде што се испратени екипи за да го запрат ширењето.„Од долната страна на патот, од капијата на ‘Јасен’ кон езерото Козјак, состојбата е многу лоша. Има густ чад и видливоста е мала, особено за леталата, па затоа не можеме да дејствуваме од воздух. На терен, покрај екипите на АРМ и МВР, има и тимови од ‘Јасен’ и ‘Национални шуми’, повеќе специјални возила и цистерни, а од вчера помагаат и пожарникари од Кавадарци со две возила,“ изјави Ангелов.Освен во „Јасен“, активен пожар има и во општина Сарај, од селото Радуша кон Дворце, каде што гори ниска вегетација. Во моментот не е закана, но може да се прошири кон планината Жеден. Во атарот на селото Крапа, во Македонски Брод, гори ниска вегетација и нискостеблеста шума.Во последните 24 часа се регистрирани 33 пожари на отворен простор, од кои три сè уште се активни, два се под контрола, а 28 се изгаснати. Ангелов посочува дека дел од пожарите се подметнати, бидејќи бројот од вчера повторно е многу висок, а дополнителен проблем претставува и силниот ветер.

Македонија | пред 7 месеци

Крај по 62 години: Полетаа последните авиони

Дојче пост ги суспендираше летовите за испорака на домашни писма по повеќе од 62 години.Последниот авион со пошта тргна рано утринава од Берлин за Штутгарт.Непосредно пред тоа полетаа авиони од Хановер, Минхен и Штутгарт. Вкупно превезле 1,5 милиони писма со тежина од 53 тони.Авионите повеќе нема да се користат за доставување писма бидејќи поштата сака да ги намали трошоците и јаглеродот.Авионите со букви првпат полетаа во 1961 година.Германската пошта со децении се потпираше на летовите бидејќи со закон беше обврзана да испорача најмалку 80 отсто од поштата следниот работен ден, но владејачката коалиција предводена од канцеларот Олаф Шолц го промени Законот за пошти и ги продолжи роковите за испорака.Авионите со букви првпат полетаа во септември 1961 година, а врвот беше во 1996 година, кога во 45 ноќни летови во просек беа транспортирани 430 тони писма.

Магазин | пред 1 година

Нема фотографија

Аеродромот во Брисел парализиран: Откажани повеќе од 30 летови

Повеќе од 30 летови на германската авиокомпанија Луфтханза до и од аеродромот Завентем во Брисел меѓу средата навечер и саботата наутро беа откажани поради штрајк на персоналот на Луфтханза.Откажани се летовите меѓу бриселскиот аеродром и германските градови Франкфурт и Минхен, пишува „Brussels Times“.„Има шест лета до и од Минхен и 11 лета до и од Франкфурт. Ќе бидат откажани вкупно 34 летови. Не очекуваме да следат дополнителни откажувања“, изјавија за новинската агенција Белга на аеродромот во Брисел.Протестот најверојатно нема да има последици за филијалата на Луфтханза, Брисел ерлајнс, бидејќи летовите на компанијата до и од Франкфурт и Минхен ќе продолжат според планираното.На иницијатива на синдикатот Верди, персоналот на Луфтханза денеска во 20 часот ќе започне 60-часовен штрајк.Луфтханза претходно соопшти дека протестот ќе ги наруши плановите за патување за повеќе од 200.000 патници, на кои ќе им бидат понудени алтернативи или рефундирање.

Свет | пред 2 години