МВР

Приведен 33-годишен маж во Тетово по пријава за семејно насилство

МВР информира дека на 28.04.2026 година во 16:20 часот во Тетово, полициски службеници од СВР Тетово го лишиле од слобода Ф.А. (33) од Тетово.Според пријавата, тој бил пријавен од неговата 33-годишна сопруга, која навела дека по вербална расправија во нивниот семеен дом, истиот физички ја нападнал.Лицето е задржано во полициска станица, а по целосно документирање на случајот против него ќе биде поднесена соодветна пријава.

Македонија | пред 1 месец

Во Гостивар пријавен инцидент: 17-годишник тврди дека бил следен и загрозен со нож

МВР информира дека на 28.04.2026 година во 21:00 часот во ОВР Гостивар, 17-годишник, во присуство на родител, пријавил дека истиот ден околу 13:00 часот бил следен од две лица во близина на градската болница во Гостивар.Според пријавата, едно од лицата му се заканило со нож, по што малолетникот успеал да побегне и да се спаси од понатамошна опасност.Полицијата презема мерки и активности за целосно расчистување на случајот.

Македонија | пред 1 месец

Тешки повреди во Тетово: автомобил удрил во пешак, четирицикл излетал од патот

СВР Тетово информира дека на 28.04.2026 година се случиле две одделни сообраќајни несреќи на подрачјето на Тетово, при што има повредени лица.Во првиот случај, во 08:55 часот на булеварот „Илинденска“ во Тетово, патничко возило „фолксваген пасат“ со тетовски регистарски ознаки, управувано од Б.Р. (54) од Тетово, удрило во пешакот А.К. (29) од Тетово. Пешакот се здобил со тешки телесни повреди, кои биле констатирани во Клиничката болница Тетово. По насока на јавен обвинител, бил извршен увид од увидна екипа на СВР Тетово.Во вториот случај, во 16:10 часот на локалниот пат Шипковица–Бозовце, А.В. (20) од Тетово, управувајќи четирицикл со тетовски регистарски ознаки, изгубил контрола и излетал од патот. Во несреќата, возачот се здобил со тешки телесни повреди, додека неговиот сопатник А.А. (18) од село Ларце, тетовско, се здобил со телесни повреди. Повредите се констатирани во Ургентниот центар во Тетово. И во овој случај бил извршен увид од надлежните служби.

Македонија | пред 1 месец

Уапсено 19-годишно лице поради дрога

СВР Битола соопшти дека на 28.04.2026 година во угостителски објект на улицата „Св. Кирил и Методиј“ во Битола, полициски службеници го лишиле од слобода Л.Г. (19) од Битола.При извршена контрола кај лицето била пронајдена марихуана, по што тој бил приведен во полициска станица.По целосно документирање на случајот, против него ќе биде поднесен соодветен поднесок.

Македонија | пред 1 месец

МВР со повеќе интервенции – возење без возачки дозволи и со забрана за возење

СВР Битола и ОВР Прилеп соопштија дека на 28.04.2026 година се лишени од слобода три лица во одделни случаи поради сообраќајни прекршоци.Во Битола, во 23:50 часот на улицата „Климент Охридски“, полициски службеници од СВР Битола го лишиле од слобода Ѓ.М. (24) од Битола. При контрола во сообраќајот било запрено патничко возило „Фолксваген“ со битолски регистарски ознаки, кое го управувал, при што е констатирано дека управувал возило за време на изречена мерка – забрана за управување со моторно возило. По целосно документирање на случајот, против него ќе биде поднесена соодветна пријава.Во посебен случај, во 11:50 часот во село Канатларци, прилепско, полициски службеници од ОВР Прилеп го лишиле од слобода Г.С. (55) од село Ерековци. При сообраќајна контрола било запрено возило „Киа“ со битолски регистарски ознаки, при што е утврдено дека возачот не поседува возачка дозвола. Против него ќе следува соодветна пријава по целосно расчистување на случајот.Исто така, во 14:10 часот во село Канатларци, прилепско, лишен од слобода е и И.М. (48) од истото село. При контрола е запрено возило „Фолксваген Поло“ со прилепски регистарски ознаки, при што било утврдено дека возачот исто така не поседува возачка дозвола. И во овој случај, по документирање на настанот ќе следува соодветна пријава.

Македонија | пред 1 месец

Претрес во дом во Аеродром, одземени нож и дрога

Во рамки на засилените полициски активности, полициски службеници од СВР Скопје спровеле акција на подрачјето на Аеродром, при што е лишено од слобода едно лице.На 28.04.2026 година во 20:00 часот, полициски службеници го лишиле од слобода А.Е. (49) од Скопје.При преглед над лицето и претрес во неговиот дом и други простории, извршен со судска наредба, биле пронајдени и одземени нож и марихуана.Лицето е задржано во полициска станица, а по целосно документирање на случајот против него ќе биде поднесена соодветна пријава.

Македонија | пред 1 месец

МВР со акција во Тетово: пронајдена дрога, едно лице лишено од слобода

Во рамки на засилените полициски активности за сузбивање на недозволена трговија со дрога, полициски службеници од СВР Тетово спровеле акција при која е лишено од слобода едно лице.На 28.04.2026 година во 20:10 часот, полициски службеници од СВР Тетово го лишиле од слобода С.С. (26) од село Мала Речица, тетовско.При претрес извршен со судска наредба во куќа во Тетово, каде што лицето престојувало, била пронајдена и одземена марихуана.Лицето е задржано во полициска станица, а по целосно документирање на случајот против него ќе биде поднесена соодветна пријава.

Македонија | пред 1 месец

Уапсен скопјанецот кој силувал дете и го снимал, па му се заканувал дека ќе ги покаже снимките

Во текот на вчерашниот ден (27.04.2026) полициски службеници од СВР Скопје го лишија од слобода С.Ш. (68) од Скопје, поради основи на сомнение за сторено кривично дело „силување на дете кое не наполнило 15 години" по чл. 188 од КЗ, односно затоа што од 2023 година принудувал на сексуални односи малолетник од Скопје, а го злоупотребувал и за снимање видео материјал со порнографска содржина.По обезбедување на целокупниот доказен материјал, од страна на Единицата за насилен криминал- Одделение за крвни и сексуални деликти против С.Ш. поднесена е кривична пријава по итна постапка, а од страна на судија на претходна постапка на осомничениот му е изречена мерка притвор во траење од 30 дена.

Скопје | пред 1 месец

(Видео) По реакциите на Левица, МВР со објаснување: МВР: Куцуловски приведен поради палестинско знаме, ќе одговара за прекршок

Министерството за внатрешни работи со официјални детали за приведувањето на Андреј Куцуловски на ракометниот натпревар меѓу Македонија и Израел во СЦ „Јане Сандански“, потврдувајќи дека станува збор за прекршок.„Денеска (28.04.2026) во 17:20 часот во СВР Скопје е пријавено дека во СЦ „Јане Сандански“, каде се одржувал финалниот натпревар од Светско училишно првенство во ракомет помеѓу Р.С.Македонија и Израел, А.К.(28) истакнал знаме од Палестина. Лицето е приведено во Полициска станица за сторен прекршок по член 3 од Законот за спречување на насилство и недостојно однесување на спортски натпревари и по целосно документирање на случајот ќе биде поднесен соодветен поднесок“, информираат од МВР.Претходно, од Левица соопштија дека нивниот член бил оттурнат и приведен без образложение, обвинувајќи за непропорционална употреба на сила и најавувајќи правна постапка.Од партијата тврдеа и дека полициските службеници не се легитимирале, како и дека не било наведено конкретно дело поради кое е лишен од слобода.Натпреварот, инаку, заврши со победа на македонската кадетска репрезентација, која го освои златниот медал со резултат 38-32.

Македонија | пред 1 месец

Се претставиле за лекари и измамиле жена за наводна итна операција, земале 150.000 денари и злато

Полициски службеници од Секторот за внатрешни работи Битола и Одделот за криминалистичка полиција лишија од слобода Е. Ј. (46) од Скопје, Д. Т. (48) од Свети Николе и А. Т. (45) од Дојран, поради сомнение за сторено кривично дело измама, соопшти Министерството за внатрешни работи.Според полициските информации, на 9 март 2026 година осомничените, заедно со уште едно лице, со лажно прикажување на факти довеле во заблуда жена од Битола дека нејзината ќерка доживеала тешка повреда и дека е неопходна итна хируршка интервенција. Во таа насока, од неа побарале пари за наводно лекување.Жената, верувајќи во приказната, од својот дом подигнала околу 150.000 денари, 150 евра, 1.300 австралиски долари, како и златен накит, кои потоа им ги предала на осомничените.Од МВР наведуваат дека по преземените мерки и активности лицата се пронајдени и лишени од слобода, а против нив е поднесена кривична пријава. Истрагата за случајот продолжува со цел целосно расчистување на настанот и утврдување на улогата на сите инволвирани лица.

Македонија | пред 1 месец

Насилство во семејства низ повеќе градови – полицијата презема мерки

Според информации од МВР, во последното деноноќие се евидентирани вкупно седум пријави за семејно насилство, при што две лица се лишени од слобода, а со неколку други се извршени службени разговори.На 27.04.2026 во 22:10 часот во Струмица, полициски службеници од СВР Струмица го лишиле од слобода Н.А.(38) од Струмица, постапувајќи по пријава дека околу 20:00 часот агресивно се однесувал кон неговата 36-годишна сопруга. Лицето е задржано во Полициската станица Струмица, а за случајот е известен јавен обвинител.На 28.04.2026 во 03:45 часот во Крива Паланка, полициски службеници го лишиле од слобода С.Ц.(34) кој физички ја нападнал сопругата и ѝ се заканувал.Во Велес, на 27.04.2026 во 20:30 часот, 30-годишна жена пријавила закани од својот невенчан сопруг.Во Скопје се евидентирани неколку случаи: во Ѓорче Петров, по претходна пријава, А.Ј.(30) е повикан на службен разговор поради напад врз сопругата; во Шуто Оризари М.А.(26) е повикан по пријава за физички напад врз сопругата; во Кисела Вода е извршен службен разговор со Ј.Ф.(83) по пријава дека упатувал закани кон својот син.Во Штип е пријавен случај на закани од поранешен партнер упатени преку телефон и социјални мрежи.Од МВР информираат дека се преземаат мерки за целосно расчистување на сите случаи и по нивно документирање ќе бидат поднесени соодветни пријави.

Македонија | пред 1 месец

Пожар во куќа во населба Јака, нема повредени

Според информации од МВР, на 27.04.2026 во 18:10 часот во СВР Скопје е пријавено дека во населба Јака, општина Илинден, настанал пожар во куќа сопственост на Е.В.(47) од Скопје.На местото интервенирала Бригадата за противпожарна заштита Скопје, која го изгаснала пожарот. Повредени лица нема, а извршен е увид.

Македонија | пред 1 месец

Физички напад врз сопруга во тетовско – поднесена кривична пријава

Според информации од МВР, СВР Тетово поднесе кривична пријава против И.И.(46) од тетовско поради сомнение за сторено кривично дело „телесна повреда“.На 16.03.2026 пријавениот физички ја нападнал неговата сопруга.

Македонија | пред 1 месец

Испратени закани преку социјална мрежа – поднесена пријава во Кочани

Според информации од МВР, ОВР Кочани поднесе кривична пријава против П.П.(26) од Кочани поради сомнение за сторено кривично дело „загрозување на сигурноста“.На 07.03.2026, пријавениот преку социјална мрежа испратил пораки со навредувачка и заканувачка содржина до 18-годишна девојка од Кочани.

Македонија | пред 1 месец

Серија случаи на насилство врз деца во неколку градови

Според информации од МВР, во повеќе градови низ земјата се пријавени одделни случаи на насилство и малтретирање врз малолетници, при што полицијата презема мерки за нивно целосно расчистување.СВР Охрид поднесе кривична пријава против Ј.Д.(31) и А.Ц.(25) од Охрид за кривично дело „насилство врз дете“. На 15.03.2026 на ул. „Абас Емин“ во Охрид тие физички нападнале малолетник и му упатиле закани.Во Скопје се евидентирани неколку одделни случаи на насилство врз малолетници. На 27.04.2026 во 22:15 часот, Н.С.К.(40) пријавила дека околу 16:00 часот во Драчево нејзиниот малолетен син бил физички нападнат од друг малолетник.Истиот ден во 18:10 часот, 47-годишна жена пријавила дека нејзиниот малолетен син во повеќе наврати бил вербално малтретиран од група од четворица малолетници додека се возел во автобус.Дополнително, на 27.04.2026 околу 17:00 часот, Н.Б.(48) пријавил дека на 26.04.2026 во с. Зелениково неговиот малолетен син бил физички нападнат од едно лице.Од МВР информираат дека за сите случаи се преземаат мерки за нивно целосно расчистување.

Македонија | пред 1 месец

Приведен кинески државјанин на аеродром во Скопје поради фалсификувана патна исправа

Според информации од МВР, на 27.04.2026 во 16:45 часот на Граничниот премин „Меѓународен аеродром Скопје“, на влез во државата, полициски службеници го лишиле од слобода Ј.С.В.(48) од Народна Република Кина.При гранична контрола било утврдено дека приложил фалсификувана патна исправа. Тој е предаден на полициски службеници од СВР Скопје за понатамошна постапка.

Македонија | пред 1 месец

Во подрум од куќа во Штип откриена минофрлачка граната стара од Првата светска војна

Според информации од МВР, на 27.04.2026 во 09:20 часот во СВР Штип, В.А.(43) од Штип пријавил дека во подрумскиот дел од неговата куќа пронашол неактивирана експлозивна направа.Пиротехничар од Дирекцијата за заштита и спасување безбедно ја подигнал експлозивната направа и констатирал дека се работи за неексплодирана минофрлачка граната калибар 82 мм, која потекнува од Првата светска војна. Извршен бил увид.

Македонија | пред 1 месец

И покрај одземена лиценца, наплатувале средства од станари и се стекнале со 208.500 денари.

Според информации од МВР, за имотни деликти и измами СВР Тетово поднесе кривична пријава против правен субјект од Гостивар и В.Д.(44), кои во текот на 2025 година, и покрај одземена лиценца, наплатувале средства од станари и се стекнале со 208.500 денари.Во одделен случај, СВР Штип поднесе кривична пријава против Т.С.(31) за разбојничка и тешка кражба извршени на 19.04.2026 и 21.04.2026 во две куќи, при што биле одземени пари. При обид да биде спречен, тој упатил закани.

Македонија | пред 1 месец

Кривична против двајца од Битола за трговија со оружје

Според информации од МВР, СВР Битола поднесе кривична пријава против Д.Ш.(21) и Д.Ш.(28) од Битола поради сомнение за неовластено постапување со оружје.Првопријавениот неовластено поседувал пушка „ТОЗ-63“ калибар 16 мм и ја продал на второпријавениот, кој исто така немал дозвола за поседување оружје.

Македонија | пред 1 месец

Полицијата откри марихуана и кокаин во неколку градови, следуваат кривични пријави

Според информации од МВР, регистрирани се неколку случаи поврзани со недозволена трговија и поседување наркотични средства, при што се поднесени кривични пријави и извршени приведувања.На 17.04.2026 во атарот на с.Сенокос, гостиварско, при претрес во домот на Ј.А.(38) од с.Сенокос била пронајдена и одземена марихуана, по што е поднесена кривична пријава.Во Струмица, кривична пријава е поднесена против Б.П.(68), откако на 01.02.2026 при контрола кај друго лице биле пронајдени кокаин и марихуана, кои ги набавило од пријавениот.Во Куманово, против Џ.Џ. од с.Лопате е поднесена пријава откако при извршен преглед била пронајдена марихуана.На 27.04.2026 во Скопје, на подрачјето на Центар, полициски службеници го лишиле од слобода М.К.(21), кај кого била пронајдена марихуана, а по целосно документирање на случајот ќе следува соодветен поднесок.

Македонија | пред 1 месец

Приведени двајца мажи во Тетово, пронајдена дрога

Две лица се лишени од слобода на Градскиот стадион во Тетово, откако кај нив била пронајдена дрога, информираат од СВР Тетово.На 27.04.2026 година во 17:10 часот, полициски службеници од СВР Тетово ги привеле Б.Ш. (23) од село Лешок и Г.М. (19) од Куманово.При извршен преглед кај нив била пронајдена и одземена марихуана, како и кафеава грутчеста материја.По целосно документирање на случајот, против двете лица ќе биде поднесен соодветен поднесок.

Македонија | пред 1 месец

Без возачка и агресивно однесување кон полиција во Тетово, приведе повеќе лица

Две одделни интервенции на тетовската полиција резултирале со лишување од слобода на повеќе лица поради сообраќајни прекршоци и нарушување на јавниот ред, информираат од МВР.Во првиот случај, на 27.04.2026 година во 13:45 часот на булеварот „Благоја Тоска“ во Тетово, полициски службеници од СВР Тетово го лишиле од слобода А.С. (20) од село Добарце, тетовско. При сообраќајна контрола било сопрено мотоцикл со тетовски регистарски ознаки, кој го управувал без да поседува возачка дозвола. Мотоциклот е одземен, а по целосно документирање на случајот против него ќе биде поднесена соодветна пријава.Во вториот случај, истиот ден околу 20:30 часот на булеварот „Маршал Тито“ во Тетово, полициски службеници ги привеле Ш.Х. (31) од село Мала Речица и С.Х. (27) од Тетово.При контрола на патничко возило „ауди“ со тетовски регистарски ознаки, управувано од Ш.Х., биле констатирани повеќе сообраќајни прекршоци. Според полицијата, возачот потоа се однесувал агресивно и упатувал навреди кон полициските службеници, додека сопатникот одбил да се легитимира.По целосно расчистување на случајот ќе следуваат соодветни поднесоци.

Македонија | пред 1 месец

Пронајдена почината жена во викенд-куќа во Маврови Анови

Во викенд-куќа во мавровското село Маврови Анови била пронајдена почината жена, информираат од СВР Тетово.Според пријавата, на 27.04.2026 година во 14:10 часот во Полициското одделение Маврово било пријавено дека во објектот е пронајдена починатата Д.Ѓ. (58) од село Леуново, општина Маврово и Ростуше.Лекар од Итната медицинска помош констатирал смрт без видливи траги на насилство. По наредба на јавен обвинител, телото на починатата е предадено на обдукција.

Македонија | пред 1 месец

ФБИ дојави доведоа до акција во Тетово – откриен нелегален онлајн пазар , две лица уапсени

Секторот за компјутерски криминал при Министерството за внатрешни работи спроведе акција во тетовското село Голема Речица, при што се лишени од слобода две лица осомничени за администрирање на нелегален онлајн пазар.Акцијата е реализирана по првични информации добиени од ФБИ, а во рамки на заедничка и координирана истрага поврзана со платформата „OLVX“, која функционирала преку повеќе интернет домени.Според досегашните сознанија, платформата била активна од јули 2023 година и содржела база на компромитирани лични податоци користени за регистрација на кориснички и продавачки сметки. Во системот биле евидентирани над 2.600 кориснички и повеќе од 1.500 продавачки сметки, а вкупниот промет надминал 500.000 американски долари.Врз основа на судска наредба од Основниот суд во Тетово, извршен е претрес кај лицата А.Е. (20) и А.И. (23) од Голема Речица, за кои постојат сомнежи дека биле администратори на платформата.За време на претресот тие биле затекнати на лице место во момент на извршување на дејствија поврзани со кривичното дело за кое се сомничат. Притоа биле одземени десктоп и лаптоп компјутери, како и мобилни телефони, кои ќе бидат предмет на понатамошна форензичка анализа.Лицата се лишени од слобода, а од МВР информираат дека истрагата продолжува со цел целосна идентификација на сите инволвирани и обезбедување на дополнителни докази, согласно законските процедури.

Македонија | пред 1 месец

Посебен сообраќаен режим денеска во Скопје

Денеска во центарот на Скопје ќе биде воведен посебен сообраќаен режим поради најавен граѓански протест.Денеска (28.04.2026) со почеток во 12:00 часот пред Собранието на Република Северна Македонија на улица „11-ти Октомври“, група граѓани ќе организира протест како израз на незадоволство поради постапувањето на Управата за јавни приходи (УЈП) во врска со барање данок за приходи остварени во странство. Доколку има потреба, сообраќајот ќе биде пренасочуван по околните сообраќајници.Од тие причини, СВР Скопје – Единицата за безбедност на патниот сообраќај ќе преземе мерки за посебен режим на сообраќајот.Од МВР апелираат до граѓаните учесници во сообраќајот да ги почитуваат наредбите што ќе ги даваат униформираните полициски службеници.

Македонија | пред 1 месец