МВР

Малолетници нападнати во училишта во Чаир и Ѓорче Петров

Во изминатите два дена во Скопје биле пријавени три одвоени случаи на насилство меѓу ученици во основни училишта, информираат од полицијата. Надлежните служби преземаат мерки за целосно расчистување на сите настани.На 02.03.2026 во 12:10 часот во СВР Скопје, Д.Р. (47) од Скопје пријавил дека околу 09:30 часот во двор на основно училиште на подрачјето на Чаир, неговиот 15-годишен син бил физички нападнат од неколку малолетници од друго училиште.Истиот ден, во 15:00 часот, Б.Р. (51) од Скопје пријавил дека на 27.02.2026 околу 08:15 часот во основно училиште на подрачјето на Ѓорче Петров, неговиот 13-годишен син бил физички нападнат од друг ученик, при што му биле нанесени тешки телесни повреди.На 03.03.2026 во 03:30 часот во СВР Скопје, Ј.П. (43) од Скопје пријавила дека на 02.03.2026 околу 11:30 часот во основно училиште на подрачјето на Чаир, нејзината 14-годишна ќерка била физички нападната од нејзина соученичка.Полицијата работи на утврдување на сите околности поврзани со пријавените случаи на насилство.

Скопје | пред 4 седмици

Уапсени девет возачи поради возење без дозвола, алкохол и забрани

Во текот на вчерашниот ден, полициски службеници на целата територија на државата лишија од слобода девет возачи, од кои шест за возење без возачка дозвола, еден за возење нерегистрирано возило без возачка дозвола, еден за управување на возило под дејство на алкохол и еден за управување возило и покрај тоа што имал активна забрана за управување возило од Б категорија.Двајца возачи во Неготино (од кои еден малолетник), и по еден во Тетово, Кочани, Гевгелија и Скопје (исто така малолетник) управувале возило без возачка дозвола. Еден возач во Кавадарци управувал нерегистрирано возило без возачка дозвола. Додека, еден возач во Велес управувал возило под дејство на алкохол, а еден возач во Кочани управувал возило и покрај тоа што имал забрана. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 4 седмици

„Мерцедес“ удри жена во Злетово – починала на лице место

Тешка сообраќајна несреќа со смртни последици се случила на 02.03.2026 во Злетово, при што животот го загубила 59-годишна жена.Според информациите од полицијата, во 15:33 часот во ОВР Пробиштип било пријавено дека на улицата „Пониква“, на место викано „Клапчово маало“, Р.З. (50) од село Неокази, управувајќи патничко возило „мерцедес“ со пробиштипски регистарски ознаки, удрил во пешакот З.А. (59) од село Злетово.Од здобиените повреди, пешакот починала на местото на несреќата, а лекар од Итната медицинска помош констатирал смрт. По наредба на јавен обвинител, телото на починатата е предадено на обдукција во Судска медицина. Увид на местото извршила увидна екипа на ОВР Пробиштип.

Македонија | пред 4 седмици

Делчевец објавил туѓи податоци и фотографија на интернет страница без согласност

СВР Штип поднесе кривична пријава против 38-годишниот Е.К. од Делчево поради постоење основи на сомнение за сторено кривично дело „злоупотреба на лични податоци“.Според информациите, на 27.01.2026 година, пријавениот без знаење и согласност на женско лице од Штип ги презел нејзините лични податоци заедно со фотографија од интернет-апликација, по што ги објавил на друга интернет-страница што ја администрирал.Надлежните институции преземаат мерки за понатамошно постапување по случајот.

Македонија | пред 4 седмици

Бесправно сечеле и продавале дрва со таблички од друго возило

Надворешната канцеларија за криминалистички работи Гостивар поднесе кривична пријава против Џ.Н. (64) и М.Н. (41), двајцата од село Речане, гостиварско, поради постоење основи на сомнение за сторени кривични дела „кражба“, „пустошење на шума“ и „фалсификување на исправа“.Според информациите, првопријавениот во атарот на село Речане, на место викано „Краста“, континуирано вршел бесправна сеча на дрва без одобрение од надлежен орган. Исечените дрва ги превезувал со патничко возило „опел фронтера“, на кое биле поставени регистарски ознаки од друго возило, а потоа ги продавал во Речане и околните села.Второпријавениот му помагал со тоа што ги поставил регистарските ознаки од друго возило. Со ваквите дејствија било оштетено Јавното претпријатие „Национални шуми“ – Гостивар за вкупен износ од 144.372 денари.

Македонија | пред 4 седмици

Војник фатен со марихуана во ранец

СВР Скопје поднесе кривична пријава против 30-годишниот И.Р. од Прилеп, припадник на Армијата, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.Според информациите, на 12.02.2026 година во касарна во Петровец била извршена контрола на неговиот ранец, при што била пронајдена и одземена марихуана.По документирање на случајот, против пријавениот ќе следува соодветна постапка.

Скопје | пред 4 седмици

Татко и ќерка со спротивставени тврдења за семеен инцидент во Скопје

Семејна расправија со елементи на насилство била пријавена на 02.03.2026 во СВР Скопје, по што полицијата презема мерки за расчистување на случајот.Според информациите, во 18:45 часот 48-годишна жена од Скопје пријавила дека околу 15:00 часот во семејниот дом на подрачјето на општина Аеродром била физички нападната од нејзиниот 79-годишен татко, кој со остар предмет ѝ упатувал закани, при што самиот се повредил од невнимание.Подоцна, во 20:00 часот, 79-годишниот маж пријавил дека во истото време неговата ќерка насилно му го одзела мобилниот телефон, по што започнала меѓусебна турканица, а неговиот зет физички го нападнал.Полицијата работи на целосно утврдување на околностите и одговорноста на инволвираните лица.

Скопје | пред 4 седмици

Жени се тепале во Драчево

На 02.03.2026 во 18:30 часот во СВР Скопје е пријавено дека на подрачјето на Драчево бил нарушен јавниот ред и мир со физичка пресметка помеѓу С.Ѓ.С.(57) и К.Н.(36), двете од Скопје.По целосно документирање на случајот ќе следува соодветен поднесок.

Скопје | пред 4 седмици

Тинејџер тешко повреден по напад од соученик

Вчера во 15:00 часот во СВР Скопје, Б.Р.(51)  од Скопје пријави дека на 27.02.2026 околу 08:15 часот во основно училиште на подрачјето на Ѓорче Петров, неговиот 13-годишен син бил физички нападнат од друг ученик во училиштето, при што му нанел тешки телесни повреди.Се преземаат мерки за расчистување на случајот.

Скопје | пред 4 седмици

(Видео) „Родителите дознале од сосед дека детето во Тетово паднало од тераса“, СВР Тетово со детали за трагедијата

Десетгодишно момче од Тетово го загуби животот по пад од тераса во станот во кој живеело, информираат од СВР Тетово.Според полициските информации, денеска во 09:25 часот во СВР Тетово било пријавено дека во Клиничката болница во Тетово било донесено дете без знаци на живот. Станува збор за 10-годишно момче од Тетово.Според првичните сознанија, детето, кое имало здравствени проблеми, паднало од терасата на станот. За настанот родителите биле известени од сосед, по што веднаш го однеле детето во болница. Лекар констатирал смрт.По наредба на јавен обвинител, телото на починатото дете е предадено на обдукција. Надлежните институции преземаат мерки за целосно расчистување на случајот.

Македонија | пред 4 седмици

Нова трагедија: Загина 10-годишно момче по пад од балкон во Тетово

Тежок инцидент го потресе Тетово денес, каде што 10-годишно момче трагично го загуби животот откако падна од балконот на стан на Индустриска улица.Според првичните информации, детето паднало од значителна висина, а повредите биле фатални. Медицинските екипи веднаш пристигнале на местото на настанот, но успеале само да констатираат смрт.Полицијата и обвинителството се на терен за да спроведат истраги и да ги разјаснат сите околности за тоа како се случила оваа фатална несреќа.МВР најави повеќе детали штом заврши увидот.

Македонија | пред 4 седмици

(Фото) Сообраќајка на Илинденска: Се судрија мотоцикл и џип

Сообраќајка се случи на булеварот Илинденска, каде се судрија џип и мотоцикл. Засега нема информации дали има повредени лица, како и детали за состојбата на мотоциклистот чија кацига е среде булеварот. Повеќе детали подоцна од МВР.

Скопје | пред 4 седмици

Измамен 75-годишник од Тетово: Платил 2.000 евра за собни врати, но никогаш не ги добил

На 02.03.2026 во 15:10 часот во СВР Тетово, 75-годишник од тетовско пријавил дека бил измамен од едно лице од Тетово за сума од 2.000 евра.Според пријавеното, во текот на октомври 2025 година, тој се договорил со лицето да му изработи собни врати, а парите му ги дал како капар. Како што е пријавено, услугата не била извршена, а кога пријавителот му јавил и му ги побарал вратите му кажал дека ќе бидат изработени, а после тоа бил недостапен на телефон.Се преземаат мерки за расчистување и документирање на случајот.

Македонија | пред 4 седмици

Кратовец вознемирувал малолетничка: Ја следел и и ѕвонел од различни телефонски броеви

На 02.03.2026 во 19:10 часот во СВР Тетово, 49-годишник од тетовско пријавил дека неговата малолетна ќерка била вознемирувана од 23-годишник од кратовско, со кого се познавале од претходно.Според пријавеното, одреден период лицето ја вознемирувало од различни телфонски броеви и од лажни профили на социјални мрежи, а истиот ден околу 16:50 часот, по завршување на наставата, ја следел од средното училиште во кое учела до автобуската постојка.Се преземаат мерки за расчистување на случајот.

Македонија | пред 4 седмици

Инцидент на фудбалски натпревар: Навивачи на ФК „Шкендија“ фрлале предмети кон судии

На 02.03.2026 во 14:00 часот на Градскиот стадион во Тетово, за време на второто полувреме од фудбалскиот натпревар помеѓу екипите на ФК „Шкендија“ од Тетово и ФК „Пелистер” од Битола, како и по завршување на натпреварот, навивачите на ФК „Шкендија” од јужната трибина на теренот и кон судиите фрлаа разни предмети.Се преземаат мерки за расчистување на случајот.

Спорт | пред 4 седмици

Одземен трактор во Тетово: 18-годишна девојка го управувала без возачка дозвола

На 02.03.2026 во 21:20 часот во Тетово, полициски службеници од СВР Тетово ја лишија од слобода А.Љ.(18) од Тетово.При контрола во патниот сообраќај на ул.„Маршал Тито“, полициски службеници сопреле трактор со тетовски регистарски ознаки, кој таа го управувала и по преземени мерки било констатирано дека А.Љ. нема возачка дозвола.Тракторот е одземен и по целосно документирање на случајот, против неа ќе следува соодветна пријава.

Македонија | пред 4 седмици

Гостиварка крадела во маркет

На 02.03.2026 во 09:00 часот во Гостивар, полициски службеници од ОВР Гостивар ја лишија од слобода Х.М.(31) од с.Добри дол, гостиварско.Таа била затекната од вработен во обезбедувањето при извршување кражба во маркет на ул.„ЈНА“ во Гостивар.Одземените предмети се пронајдени и вратени на сопственикот, а по целосно документирање на случајот против Х.М. ќе биде поднесена соодветна пријава.

Македонија | пред 4 седмици

Прилепчанка физички нападната од снаата

На 02.03.2026 во 15:00 часот во ОВР Прилеп, 57 - годишна прилепчанка пријавила дека  во семејниот дом била физички нападната од нејзината снаа.Се преземаат мерки за расчистување на настанот.

Македонија | пред 4 седмици

Фатен Турчин кој превезувал пет мигранти

На 02.03.2026 во 23:00 часот на локалниот пат Гевгелија-Граничен премин Богородица, полициски службеници од Полициското одделение за безбедност на патниот сообраќај Гевгелија го лишија од слобода Ф.С.(46) од Република Турција.При сообраќајна контрола, полициските службеници запреле патничко возило „дачија“ со албански национални ознаки, кое го управувал, при што во возилото биле затекнати пет лица мигранти, од кои четири лица од Авганистан и едно лице од Турција.Лицето е приведено изадржано во Полициската станица Гевгелија, а по целосно расчистување и документирање на случајот против него ќе биде поднесена соодветна пријава.

Македонија | пред 4 седмици

Главниот пилот во МВР летал со валидна дозвола, се гони за лажно инструкторско овластување кое го добил

Не е точно дека главниот пилот во МВР добил кривична пријава бидејќи претходно летал со хеликоптер без валидна дозвола. Тој се гони оти се стекнал со инструкторско звање без соодветна постапка, соопшти МВР.Оттаму поднесоа кривична пријава против Н.А. поради сомневање дека тој сторил фалсификување на исправа. Според ова, тој има дозвола за управување со воздухоплов, но му го спорат овластувањето за обучување на други пилоти.„Одделот за внатрешна контрола при МВР поднесе кривична пријава против Н.А., главен пилот во Одделот за воздухопловни единици, поради сомнение за кривично дело „Фалсификување исправа“ по член 378 став 3 од Кривичниот законик. Според пријавата, тој незаконски впишал овластување TRI BELL 206 во својата дозвола и истото го употребил како вистинито во постапки пред надлежни институции во земјава и странство“, велат од МВР.Станува збор за овластување за инструктор за конкретен тип хеликоптер – „Бел 206“. Ознаката TRI (Type Rating Instructor) значи дека лицето има право да обучува и проверува други пилоти за управување со конкретниот тип воздухоплов, како и да заверува обука и летачки часови.Такво овластување се стекнува по спроведена специјализирана обука и одобрение од надлежна воздухопловна власт, по што се впишува во пилотската дозвола како официјален податок. Но, МВР има свои правилници, па според неофицијални сознанија на „Скопје1“, пилотот добил звање со министерски потпис согласно интерен акт. Сепак, според поред пријавата, впишувањето во конкретниот случај било извршено незаконски.Кривичното дело „Фалсификување исправа“ опфаќа внесување невистинити податоци во службен документ или употреба на таков документ како вистинит. Во овој случај, според МВР, спорното овластување било користено во постапки пред институции во државата и надвор од неа, што му дава дополнителна тежина на сомнежот.

Македонија | пред 4 седмици

Посебен сообраќаен режим во Скопје поради посетата на Марк Руте

Министерство за внатрешни работи на Република Македонија информира дека на 3 март 2026 година (вторник), поради официјалната посета на генералниот секретар на НАТО, Марк Руте, во Скопје ќе биде воспоставен посебен режим на сообраќај.Поради посетата, Единицата за безбедност на патниот сообраќај ќе преземе мерки за регулирање на сообраќајот во централното градско подрачје на главниот град, со цел обезбедување непречено и безбедно движење.Од СВР Скопје апелираат до сите учесници во сообраќајот да ги почитуваат наредбите и насоките на полициските службеници, со цел нормално одвивање на сообраќајот за време на посетата.

Скопје | пред 4 седмици

Во пратка за осуденик пронајден кокаин

ОВР Прилеп поднесе кривична пријава против К.Н.(65) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.На 15.03.2025 во Казнено - поправна установа Прилеп, затворската полиција извршила претрес на пратка наменета за еден осуденик , при што пронашле и одзеле кокаин.

Македонија | пред 4 седмици

Уапсен возач во Кавадарци: Превезувал дрва без документација и направил повеќе сообраќајни прекршоци

На 01.03.2026 во 22:10 часот, полициски службеници од ОВР Кавадарци го лишиле од слобода В.Ј.(38) од село Дреново, кавадаречко.Претходно, тој управувајќи патничко возило „лада“ со кавадаречки регистарски ознаки, во кое сопатник бил М.И.(25) од село Возарци и уште едно лице, а во кое превезувал и огревно дрво, на крстосница од булевар „Македонија“ и „Никола Минчев“ во Кавадарци, не застанал на знак за запирање, продолжил со движење и на крстосница од улиците „Гоце Делчев“ и „Цветан Димов“ во Кавадарци поминал на црвено светло на семафор.По преземени мерки, полициските службеници ги пронашле возачот и возилото во село Возарци и по извршена контрола било констатирано дека возилото било нерегистрирано, В.Ј. го управувал пред да се стекне со право за управување од „Б“ категорија и поминал на црвено светло на семафор.Дрвата, кои биле без соодветна документација, со потврда биле одземени и предадени на шумска полиција.Со сопатникот М.И. бил извршен службен разговор, а по насоки на јавен обвинител В.Ј. бил приведен во полициска станица, возилото било привремено одземено и по документирање на настаните ќе бидат поднесени соодветни пријави.

Македонија | пред 4 седмици

Ја тепал, ја удирал со тврд предмет и и се заканувал со оружје, жена со тешки повреди примена на клиника

На 01.03.2026 во 21:20 часот, полициски службеници од СВР Скопје лишија од слобода 40-годишниот Ц.Н. од скопско село, по претходна пријава за семејно насилство.Според пријавата, тој во текот на претходната недела физички ја нападнал неговата 35-годишна сопруга, при што употребил и тврд предмет, нанесувајќи ѝ тешки телесни повреди, констатирани во Комплекс клиники „Мајка Тереза“ во Скопје, а ѝ се заканувал и со огнено оружје.По целосно документирање на случајот, против Ц.Н. ќе следува соодветна кривична пријава.

Скопје | пред 4 седмици

28-годишник ja следел и и се заканувал на поранешната девојка и нејзиното семејство

На 01.03.2026 во 20:50 часот, СВР Скопје регистрираше пријава за вознемирување и закани. 23-годишна девојка од Скопје пријавила дека во периодот од октомври 2025 година до 01.03.2026 била следена и вознемирувана на различни локации од нејзиниот поранешен партнер, 28-годишниот С.Н.Според пријавата, тој ѝ упатувал закани и кон неа, но и кон нејзиното семејство. Полицијата презема мерки за расчистување на случајот и обезбедување заштита за пријавителката.

Скопје | пред 4 седмици