МВР

Уапсен турски државјанин на Деве Баир со фалсификувана зелена карта

Турски државјанин е лишен од слобода на граничниот премин Деве Баир откако бил фатен со фалсификувана документација.При гранична контрола на автобус со турски национални ознаки, кој го управувал 57-годишникот, полициските службеници утврдиле дека тој приложил фалсификувана меѓународна зелена карта.По приведувањето, лицето е предадено на полициски службеници од Одделението за внатрешни работи Крива Паланка за понатамошна постапка.

Македонија | пред 4 седмици

Судир меѓу мотоцикл и автомобил во струмичко, двајца повредени

Тешко повреден мотоциклист и повреден сопатник е билансот од сообраќајна несреќа што се случила во струмичкото село Василево.Несреќата се случила помеѓу мотоцикл „хонда“, управуван од 22-годишен жител на Василево, и патничко возило „фолксваген“ со германски регистарски ознаки, управувано од 30-годишник од селото Владевци.Во судирот, возачот на мотоциклот се здобил со тешки телесни повреди, додека неговиот сопатник, 21-годишен жител на Василево, се здобил со полесни повреди.Повредите биле констатирани во Медицинскиот центар во Струмица, а увид на местото на несреќата извршила екипа од Полициската станица Струмица.

Македонија | пред 4 седмици

Малолетник тешко повреден во сообраќајка во Штип, возел мотоцикл под дејство на алкохол

Малолетник се здобил со тешки телесни повреди во сообраќајна несреќа што се случила во Штип.Несреќата се случила на крстосницата од улиците „Борис Крајгер“ и „Анте Банина“, помеѓу патничко возило „БМВ“, управувано од 64-годишен штипјанец, и мотоцикл „априлија“ управуван од малолетник од Штип.Во судирот, возачот на мотоциклот се здобил со тешки телесни повреди, додека неговиот малолетен сопатник поминал со полесни повреди. Двајцата се пренесени во Клиничката болница во Штип, каде им била укажана медицинска помош.По извршените проверки, било утврдено дека и двајцата малолетници биле под дејство на алкохол. Кај возачот биле измерени 0,27 промили, а кај сопатникот 0,16 промили алкохол во крвта.По наредба на јавен обвинител, увид на местото на несреќата извршила екипа на СВР Штип.

Македонија | пред 4 седмици

Возел без дозвола, друг со забрана – полицијата приведе две лица

Во одделни сообраќајни контроли на подрачјето на Кичево и Дебар, полицијата лишила од слобода две лица поради безобѕирно управување моторно возило.На локален пат во кичевското село Кнежино, приведено е 16-годишно момче од селото Зајас, кое управувало патнички автомобил „Алфа Ромео“ без да поседува возачка дозвола.Во друг случај, кај „Бошков мост“ во близина на Дебар, приведен е 50-годишен дебранец кој управувал патничко возило „рено“ и покрај тоа што имал активна забрана за управување моторно возило од „Б“ категорија. По насоки на јавен обвинител, возилото е одземено.По целосно документирање на настаните, против двајцата ќе бидат поднесени кривични пријави за „безобѕирно управување моторно возило“.

Македонија | пред 4 седмици

Напад со нож пред угостителски објект во Кичево

Полициски службеници од ОВР Кичево лишиле од слобода 24-годишен жител на селото Преглово, осомничен за напад со нож.Според информациите, тој претходно пред угостителски објект на улицата „Рудничка“ во Кичево со нож нападнал две лица, по што се оддалечил од местото на настанот.По преземени мерки и активности, осомничениот е пронајден и приведен.По целосно документирање на случајот, против него ќе биде поднесена соодветна пријава.

Македонија | пред 4 седмици

Напад врз сопруга и агресивно однесување кон семејство – две лица уапсени

Полицијата привела две лица во одделни случаи на семејно насилство во Охрид и кичевско.Во Охрид, на булеварот „Македонски Просветители“, лишен од слобода е 48-годишен државјанин на Словенија, по пријава дека по вербална расправија физички ја нападнал својата сопруга во стан.Во кичевското село Челопеци, приведен е 48-годишен маж кој, според пријавата, бил агресивен кон членови на своето семејство. При интервенција на полицијата, тој се обидел да ги нападне службениците најпрво со лопата, а потоа и со нож.По целосно документирање на двата случаи, против лицата ќе бидат поднесени соодветни пријави.

Македонија | пред 4 седмици

Пронајден починат 76-годишен маж во стан во Охрид, телото дадено на обдукција

Во СВР Охрид било пријавено дека во стан во Охрид починал 76-годишен маж од Ресен.При извршениот увид, лекар од Итната медицинска помош констатирал смрт без видливи траги на насилство.По насоки на јавен обвинител, телото на починатиот е предадено на обдукција, со цел утврдување на причините за смртта.

Македонија | пред 4 седмици

(Видео) Приведен осомничен за измама од над 88.000 евра

Од Министерството за внатрешни работи информираат дека денеска (30.04.2026) на граничниот премин Табановце е лишен од слобода Б.К. (44) од Прилеп, осомничен за сторено кривично дело „измама“.По претходно добиени сознанија, Одделот за криминалистичка полиција во координација со СВР Струмица – ОВР Валандово и Одделот за специјални полициски операции презел координирани активности за расчистување на случајот.Според информациите, во периодот од јули до ноември 2025 година, осомничениот, со намера да прибави противправна имотна корист, довел во заблуда лице од Валандово, лажно прикажувајќи дека ќе посредува во организирање лекување во странство за неговата сопруга. Во неколку наврати оштетениот уплатил вкупно околу 88.300 евра, односно 5.549.200 денари, а во меѓувреме сопругата починала.Осомничениот е изведен пред судија на претходна постапка во Основниот суд во Гевгелија, кој му изрекол мерка за претпазливост.

Македонија | пред 4 седмици

Уапсени седум возачи: петмина возеле без возачка дозвола

Во текот на изминатото деноноќие на целата територија на државата, полициските службеници лишија од слобода седум возачи за безобѕирно управување возило. Од нив, петмина (двајца во Кичево и тројца во Скопје) управувале возило без возачка дозвола, а двајца ( по еден во Неготино и Кичево) управувале возило под дејство на алкохол. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 4 седмици

Четири лица уапсени во струмичко, пронајдена марихуана при претрес

На 29.04.2026 во 23:15 часот во село Муртино, струмичко, полициски службеници од СВР Струмица ги лишија од слобода С.З.(36), Д.В.(21), Б.М.(20) и С.А.(40), сите од село Муртино, струмичко. При претрес во домот на С.З. извршен со судска наредба, во кој биле затекнати и Д.В., Б.М. и С.А. била пронајдена марихуана.Лицата се задржани во Полициската станица Струмица, а за настанот е запознаен јавен обвинител од Основното јавно обвинителство Струмица. По документирање на настанот ќе биде поднесена соодветна пријава.

Македонија | пред 4 седмици

Нападнале 36 годишен маж па му го украле телефонот - приведени две лица во Струмица

Секторот за внатрешни работи Струмица поднесе кривична пријава до Основното јавно обвинителство Струмица против две лица од Струмица, поради сомнение за сторени кривични дела „разбојништво“ и „прикривање“.Првопријавениот С.Х. (27) се сомничи дека на 21 април 2026 година околу 18 часот, на улицата „Маршал Тито“ во Струмица, физички нападнал 36-годишен жител од село Мокрино, при што му одзел мобилен телефон и избегал.Второпријавениот А.Х. (25) се товари за кривично дело „прикривање“, откако украдениот мобилен телефон бил пронајден кај него.Од МВР информираат дека телефонот е одземен и вратен на сопственикот, а по целосно документирање на случајот, против осомничените е поднесена соодветна кривична пријава.

Македонија | пред 4 седмици

Запленети автоматска пушка, пиштол, револвер и дрога при претрес во дом во Велешта

СВР Охрид поднесе кривична пријава против Б.Х.(51) од с.Велешта поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“ и „неовластено производство и пуштање во промет на наркотични дроги, психотропни супстанци и прекурзори“.Полициски службеници извршиле претрес во домот на пријавениот, при што биле пронајдени и одземени автоматска пушка со рамка и куршуми, пиштол со рамка и куршуми, револвер, додека при преглед над пријавениот била пронајдена и одземена бела грутчеста материја.

Македонија | пред 4 седмици

74-годишен маж тепал дете во маркет во Штип

СВР Штип поднесе кривична пријава против Ѓ.Б.(74) од Штип поради постоење основи на сомнение за сторено кривично дело „насилство врз дете“.На 21.03.2026 во маркет во Штип, пријавениот физички нападнал дете.

Македонија | пред 4 седмици

Пронајдена граната од прва светска војна во Преспанско езеро

На 30.04.2026 во 10:00 часот во СВР Битола е пријавено дека во туристичката населба во с.Отешево, ресенско, во водите на Преспанското езеро била пронајдена граната.Од страна на пиротехничар од Дирекцијата за заштита и спасување Битола, гранатата е безбедно подигната и утврдено е дека се работи за минофрлачка граната 75 мм од Првата светска војна.

Македонија | пред 4 седмици

Познаничка го натепала, па му ја украла торбата со пари и други предмети

На 01.05.2026 во 01:30 часот во СВР Скопје Д.К.(40) пријави дека на 30.04.2026 на подрачјето на Центар, бил физички нападнат од женско лице, со која се познавале, а при тоа од неговото возило таа му одзело торбичка во која имало пари и други предмети.Се преземаат мерки за расчистување на случајот.

Скопје | пред 4 седмици

Уапсени три лица: вкупно четири пријави за семејно насилство во последното деноноќие

Министерството за внатрешни работи информира дека во изминатото деноноќие се евидентирани четири одделни случаи на семејно насилство во повеќе градови во земјата, при што три лица се лишени од слобода.Во Велес, на 30 април 2026 година, полициски службеници од СВР Велес привеле 36-годишен маж по пријава дека упатувал закани кон својата 33-годишна вонбрачна партнерка. Случајот бил повторување на слично однесување од претходни денови.Во Охрид, исто така на 30 април, е пријавено агресивно однесување на Х.В. кон членови на неговото семејство во семејниот дом, по што е најавена соодветна постапка по целосно документирање на случајот.Во Свети Николе, на 1 мај 2026 година, полицијата го лишила од слобода Н.И. (27) по пријава дека физички ја нападнал својата мајка во семејниот дом.Во Тетово, исто така е приведен Н.К. (39) од село во општина Боговиње, по пријава од неговата сопруга дека физички ја нападнал во нивниот стан.Од МВР информираат дека по целосно документирање на сите случаи ќе следуваат соодветни поднесоци до надлежните обвинителства.

Македонија | пред 4 седмици

43-годишен маж сам се повредил со воздушна пушка, итно пренесен во болница

На 30.04.2026 во 08:55 часот во ОВР Кочани од Итната медицинска помош било пријавено дека кај нив со повреди од огнено оружје бил донесен А.Г.(43) од Кочани, кој, според пријавеното, самиот се повредил со воздушна пушка.Тој бил препратен во Клиничкиот центар Штип, а извршен е увид и се преземаат мерки за расчистување на случајот.

Македонија | пред 4 седмици

Скопјанка добивала закани од жена од декември минатата година, а пред две недели била и нападната

На 30.04.2026 во 14:00 во СВР Скопје Х.Т.(54) од Скопје пријави дека од месец декември 2025 до 30.04.2026 преку социјална мрежа и биле упатувани закани од Т.А. (женско лице), а пред две недели била и физички нападната од неа, но не го пријавила настанот.Според пријавеното, Т.А. преку социјални мрежи ги вознемирувала и сопругот и синот на пријавителката. Се преземаат мерки за расчистување на случајот.

Скопје | пред 4 седмици

Кривична пријава за ексградоначалникот на Струмица, Костадин Костадинов и четири лица: Не смеело да постои градба, а дозволиле реконструкција

Секторот за внатрешни работи Струмица поднел кривична пријава до Основното јавно обвинителство Струмица против пет лица од Струмица, меѓу кои поранешен градоначалник, поради сомнежи за „несовесно работење во службата“, „злоупотреба на службена положба и овластување“ и „бесправно градење“.Пријавата се однесува на К.К. (36), С.Р. (38), М.Т. (42), С.О. (61) и Ѓ.М. (54), при што според МВР, тројца од нив се товарат за несовесно работење, едно лице за злоупотреба на службена положба, а едно за бесправно градење.Според наводите, М.Т., како службено лице во општинскиот сектор за урбанизам, изготвила одобрение за реконструкција спротивно на деталниот урбанистички план, иако на локацијата не била дозволена градба, а фактички се работело за нов објект.Раководителката С.Р. е осомничена дека не извршила соодветен надзор и го одобрила документот и покрај тоа што требало да знае дека станува збор за нова градба.Поранешниот градоначалник К.К. е осомничен дека го потпишал одобрението без да обезбеди соодветна контрола во постапката.Лицето Ѓ.М. започнало со изградба пред правосилно завршување на постапката, при што, според МВР, на локација каде не е дозволена градба, изградил објект од втора категорија.Инспекторката С.О. е осомничена дека во надзорната постапка не констатирала бесправна градба и ја третирала како прекршок, иако според документите требало да утврди кривично дело.Постапката продолжува пред надлежното обвинителство.

Македонија | пред 4 седмици

Претрес во Боговиње, пронајдена дрога, уапсено едно лице

На 01.05.2026 во 06:00 часот, полициски службеници од СВР Тетово и ПО Камењане, врз основа на судска наредба, извршија претрес во домот на Б.З. (41) во с. Боговиње.При претресот е пронајдена бела прашкаста материја и алат за кој постои сомнение дека потекнува од кривично дело. Б.З. е лишен од слобода и по документирање на случајот ќе следува соодветен поднесок.

Македонија | пред 4 седмици

Наместо во затвор, си се шетал: полицијата фати осуденик баран со потерница

Денеска (01.05.2026) во 10:40 часот, полициски службеници од Секторот за меѓународна полициска соработка - Одделение за потраги/Отсек за потрага по цел, по претходно добиено оперативно сознание, а во содејство со СВР Битола, го приведоа лицето Р.З.(57) од Битола.Лицето е барано со централна потерница по член 353 став 3 осуден на казна затвор.

Македонија | пред 4 седмици

(Видео) Уапсен 57-годишник во Катланово, пронајдена дрога и вага

На 1 мај 2026 година, во раните утрински часови, полициски службеници од Единицата за недозволена трговија при СВР Скопје извршиле акција во скопското село Катланово, при што лишиле од слобода лице на возраст од 57 години.При претрес во домот на осомничениот, извршен врз основа на судска наредба, била пронајдена марихуана, како и дигитална вага, информираат од МВР.Лицето е приведено во полициска станица, а по целосно документирање на случајот против него ќе биде поднесен соодветен поднесок.

Македонија | пред 4 седмици

(Видео) Го лажел дека ќе и помогне на жена му за лекување во странство, па му земал над 88.000 евра, а таа починала

Денеска (30.04.2026), на Граничниот премин Табановце, лишен од слобода е Б.К. (44) од Прилеп.По претходно добиени информации за сторено кривично дело „измама“, Одделот за криминалистичка полиција, во содејство со СВР Струмица – ОВР Валандово, презеде координирани мерки и активности за расчистување на случајот.Според досегашните сознанија, во периодот од јули до ноември 2025 година, осомничениот, со намера да прибави противправна имотна корист, довел во заблуда лице од Валандово, прикажувајќи лажни факти дека ќе помогне во организирање лекување во странство за неговата сопруга.На тој начин, оштетениот во повеќе наврати уплатил вкупно околу 88.300 евра (5.549.200 денари), во меѓувреме, неговата сопруга починала.Осомничениот е изведен пред судија на претходна постапка во Основниот суд Гевгелија, при што му е изречена мерка за претпазливост.

Македонија | пред 1 месец

(Фото) Автомобил излета од автопатот Скопје-Велес

Денеска (30.04.2026) во Дежурната служба на Мобилна единица за безбедност на сообраќајот на патиштата при Сектор за сообраќајни работи пријавено е дека на автопатот Скопје-Велес кај м.в „Манастири“ има излетано возило од автопат.На лице место на настанот веднаш се упатени служби од Мобилната единица на МВР, кои на тешко достапен терен, пронајдоа излетано патничко возило „Сеат" кое што било управувано од К.С (68) од Велес и во истото имало пет сопатници.На место на настанот се упатени и една екипа на Територијална противпожарна бригада на град Скопје, три екипи на Итна медицинска помош од Скопје и една екипа на ЈП Македонија Пат.Возачот и лицата сопатници се успешно извлечени и истите се пренесени во Ургентен Центар во Велес и се наоѓаат вон животна опасност, благодарение на брзата и ефикасна реакција на надлежните служби.Увид на местото на настанот изврши увидна екипа од Сектор за внатрешни работи Скопје.Апелираме до сите возачи за почитување на сообраќајна сигнализација, прилагодување на брзината према ограничувањето и условите на патот.

Македонија | пред 1 месец

Уапсен Турчин кој се барал со потерница

На 29.04.2026 во 15:30 часот во с.Визбегово, скопско полициски службеници од Секторот за меѓународна полициска соработка - Отсек за меѓународни потраги, во координација со ОЈО Скопје, го лишија од слобода А.Џ.А.(26) од Турција, баран со потерница распишана од страна на Турција. Тој е предаден на ОЈО Скопје, а потоа спроведен до Основен кривичен суд - Скопје.На лицето му е одреден екстрадициски притвор во редовна постапка и истиот е спроведен во КПУ затвор Скопје.

Скопје | пред 1 месец