МВР

Кривична пријава против поранешен градоначалник и службено лице за злоупотреба на службена положба

МВР информира дека на 17.04.2026 година Единицата за корупција при Секторот за криминалистички истраги во Одделот за сузбивање на организиран и сериозен криминал поднела кривична пријава против две лица од Скопје за злоупотреба на службена положба и овластување.Се наведува дека З.Д. (61), во својство на овластено службено лице, со овластување од градоначалник на Град Скопје да потпишува акти, овозможил на правен субјект од село Крушопек да се стекне со противправна имотна корист од 3.224.064 денари. Тој, иако знаел дека надлежноста за издавање на соодветното решение е кај Општина Сарај, издал решение за режим на сообраќај, врз основа на кое била овозможена и активност на правниот субјект.Во вториот случај, Б.Б. (49), во својство на градоначалник на Општина Сарај, е пријавен дека во периодот од октомври 2022 до март 2023 година донел решенија поврзани со режим на сообраќај без соодветна проверка на усогласеноста со урбанистичкиот план. Со тоа, како што се наведува, му овозможил на истиот правен субјект да се стекне со противправна имотна корист од 42.851.205 денари.Од МВР информираат дека против пријавените се поднесени кривични пријави и се преземаат понатамошни мерки по случајот.

Македонија | пред 1 месец

Тетово: Повеќе лица закачиле знаме на странска држава пред воен објект

СВР Тетово информира дека на 16.04.2026 во Тетово е пријавен инцидент пред касарната „Кузман Јосифовски Питу“.Како што се наведува, повеќе лица закачиле знаме на странска држава на заштитната ограда на објектот и притоа снимале со мобилни телефони.По интервенција на одговорното лице од касарната, знамето било отстрането, по што лицата го напуштиле местото.Од полицијата информираат дека се преземаат мерки за расчистување на случајот.

Македонија | пред 1 месец

Две приведувања во Тетово и Гостивар: брзо возење и управување без возачка дозвола

СВР Тетово информира дека во два одделни случаи во Тетово и Гостивар биле лишени од слобода две лица поради сообраќајни прекршоци.Во првиот случај, во Тетово, на булевар „Маршал Тито“, бил приведен А.Р. (29) од село Ларце, откако било констатирано дека управувал возило со 63 километри на час во населено место, каде што дозволената брзина изнесува 50 километри на час. По известувањето дека ќе му биде изречен прекршочен платен налог, тој се однесувал агресивно кон полициските службеници и бил лишен од слобода.Во вториот случај, во Гостивар, на улица „Илинденска“, бил приведен Б.Е. (26) од село Врапчиште, кој управувал возило без положен возачки испит. Возилото му е одземено, а по документирање на случајот ќе следува соодветна пријава.

Македонија | пред 1 месец

Приведен државјанин на Албанија во Тетово поради непријавен престој

СВР Тетово информира дека на 16.04.2026 во Тетово било приведено едно лице при полициска контрола во спортска обложувалница.Како што наведуваат од полицијата, при легитимирање на А.М. (52), државјанин на Албанија, било констатирано дека има непријавен престој во државата.Лицето е задржано во полициска станица за понатамошна постапка.

Македонија | пред 1 месец

Приведувања по агресивно однесување, едно лице со 2,08 промили алкохол

СВР Тетово информира дека во два одделни случаи во Гостивар биле приведени две лица поради нарушување на јавниот ред и мир.Во првиот случај, на ул. „Фазанерија“, полициски службеници го лишиле од слобода И.Х. (56) од Гостивар поради агресивно однесување.Во вториот случај, на ул. „Илинденска“, бил приведен К.Џ. (62) од село Добридол, кој агресивно се однесувал кон случајни минувачи. При проверка било утврдено дека е под дејство на алкохол со 2,08 промили во крвта.Двете лица се задржани во полициска станица, а по документирање на случаите ќе следуваат соодветни поднесоци.

Македонија | пред 1 месец

Полициски пријави за измами во Тетово и Гостивар, штета од 13.500 евра

СВР Тетово информира дека се пријавени два одделни случаи на измама во Тетово и Гостивар, при што граѓани биле доведени во заблуда и оштетени за значителни суми пари.Во првиот случај, 54-годишен маж од тетовско пријавил дека бил измамен од А.Г. од Тетово, кој во октомври 2025 година купил возило „ауди“ за 8.500 евра со ветување дека ќе го исплати до декември. Според пријавата, по повеќекратни одложувања, билo предадено и друго возило „јагуар“ како замена, но подоцна било однесено наводно на поправка и не било вратено.Во вториот случај, 56-годишен маж од Гостивар пријавил дека бил измамен за 5.000 евра при наводна купопродажба на стадо овци, преку контакт воспоставен на социјални мрежи. Според пријавеното, по уплатата на капарот, комуникацијата била прекината, а лицето го исклучило телефонот.Од полицијата наведуваат дека се преземаат мерки за целосно расчистување на двата случаи.

Македонија | пред 1 месец

Две лица уапсени во Гостивар и Тетово, пронајдена дрога

СВР Тетово информира дека во две одделни полициски акции во Гостивар и Тетово биле лишени од слобода две лица, кај кои била пронајдена дрога.Во првиот случај, во Гостивар, полициски службеници на 16.04.2026 во вечерните часови го лишиле од слобода В.Н. (39), кај кого била пронајдена бела прашкаста материја. Подоцна, со судска наредба бил извршен претрес во неговиот дом, при што била пронајдена и одземена марихуана.Во вториот случај, на 17.04.2026 во Тетово, полициски службеници го лишиле од слобода А.А. (43) од село Шипковица, кај кого била пронајдена и одземена марихуана.Двете лица биле задржани во полициска станица, а по целосно документирање на случаите ќе следуваат соодветни поднесоци.

Македонија | пред 1 месец

Кривична пријава против поранешна директорка и раководителка во битолска болница

СВР Битола поднела кривична пријава против две лица од Битола, поради сомнение за злоупотреба на службена положба и овластување во ЈЗУ Клиничка болница „Д-р Трифун Пановски“.Според надлежните, првопријавената во својство на директор, а потоа и медицински директор, заедно со раководителка на оддел, ги пречекориле своите овластувања со цел да овозможат противправна имотна корист за себе и за други лица.Од СВР Битола информираат дека во период од ноември 2023 до јуни 2024 година биле потпишувани листи за исплата на прекувремени часови за 12 вработени доктори, спротивно на одлука на Управниот одбор.На тој начин, како што се наведува, била овозможена неоснована исплата во износ од 494.933 денари, со што е оштетен буџетот на државата.По целосно документирање на случајот ќе следуваат понатамошни постапки.

Македонија | пред 1 месец

Две лица приведени по нарушување на јавниот ред и мир

Во Прилеп, полициски службеници од ОВР Прилеп лишиле од слобода две лица поради нарушување на јавниот ред и мир.Според информациите, лицата се однесувале агресивно и непристојно на јавен простор, по што интервенирала полицијата и ги привела.По документирање на настанот, против нив ќе биде поднесена соодветна пријава.

Македонија | пред 1 месец

Уапсен 28-годишник, пронајдена прашкаста материја

Во Прилеп, полициски службеници од ОВР Прилеп лишиле од слобода 28-годишен маж откако кај него била пронајдена прашкаста материја.Лицето било приведено на 16.04.2026 година, по што биле преземени мерки за документирање на случајот.По целосно расчистување на настанот, против него ќе биде поднесена соодветна пријава.

Македонија | пред 1 месец

Пешак тешко повреден по удар од возило на крстосница

Во Битола, на крстосница од неколку улици, патничко возило „хјундаи“ со битолски регистарски ознаки, управувано од 68-годишен возач, удрило во пешак.Во несреќата 50-годишниот пешак се здобил со тешки телесни повреди, кои биле констатирани во Клиничката болница во Битола.Увид на местото на настанот извршила увидна екипа од СВР Битола.

Македонија | пред 1 месец

Битолчанец уапсен по пријава за семејно насилство врз неговата мајка

Во Битола, полициски службеници од СВР Битола лишиле од слобода 43-годишен маж поради пријава дека физички ја нападнал својата мајка.Настанот бил пријавен на 16.04.2026 година, по што лицето било приведено, а од полицијата информираат дека се преземаат мерки за целосно расчистување на случајот.По завршување на постапката, против него ќе биде поднесена соодветна пријава.

Македонија | пред 1 месец

Запленета дрога во локал во Тетово, уапсено 16-годишно лице

Во Тетово, полициски службеници од СВР Тетово лишиле од слобода 16-годишник поради сомнение за сторено кривично дело по член 215 од Кривичниот законик.При претрес во локал во градот, извршен со согласност од сопственикот, а кој малолетникот го користел под наем, биле пронајдени и одземени повеќе пакувања со марихуана, како и една кутија и ќеса со марихуана и едно пакување со прашкаста материја.Лицето е задржано во полициска станица, а во присуство на родител ќе биде извршен службен разговор.По целосно документирање на случајот ќе следува соодветна пријава.

Македонија | пред 1 месец

Кривична пријава против вработен во Управа за имотно-правни работи за злоупотреба и фалсификати

МВР соопшти дека СВР Куманово поднело кривична пријава против Р.А. (45) од Куманово, вработен во Министерството за финансии – Управа за имотно-правни работи, Подрачно одделение Куманово, поради постоење основи на сомнение за повеќе кривични дела, меѓу кои „злоупотреба на службена положба и овластување“, „фалсификување или уништување деловни книги“ и „фалсификување исправа“.Според МВР, пријавениот овозможил донесување и спроведување на решенија за приватизација на градежно земјиште во државна сопственост во корист на Д.Б. и Н.А.А., со што, како што се наведува, било нарушено работењето на управната постапка и овозможено стекнување државен имот без правен основ.Во предметите, како што се посочува, била утврдена недозволена промена на идентитетот на подносителите, при што решенијата биле издадени на лица различни од оние заведени во службените евиденции.Дополнително се наведува дека документацијата не била соодветно евидентирана, содржела контрадикторни податоци, а дел од неа не била достапна, што создава сомнежи за нејзино прикривање или уништување.Според МВР, во решенијата биле внесувани невистинити податоци и наведени непостоечки записници, а не било известено ниту Државното правобранителство, иако тоа е законска обврска.Се додава дека со ваквото постапување е овозможено противправно стекнување на државен имот и е нарушена законитоста на управната постапка.

Македонија | пред 1 месец

Оружје и куршуми пронајдени во дом во кичевско, приведен 66-годишник

МВР соопшти дека на 16.04.2026 во 16:15 часот, во с. Горно Душогубица, кичевско, полициски службеници од Надворешната канцеларија за криминалистички работи Кичево лишиле од слобода 66-годишен Г.С. од Кичево, поради постоење основи на сомнение за сторено кривично дело по член 396 од Кривичниот законик.При претрес во неговиот дом и помошни простории, извршен со судска наредба од Основен суд Кичево, биле пронајдени и одземени ловечки карабин „Маузер“ калибар 7,9 мм, ловечка пушка „Застава“ М75 калибар 12 мм, пиштол „Застава“ М57 калибар 7,62 мм со празна рамка, како и 23 ловечки патрони, 18 куршуми за пиштол калибар 7,62 мм, 10 куршуми за карабин 9 мм и други предмети.Лицето е задржано во полициска станица, а по целосно документирање на случајот ќе биде поднесена соодветна пријава.

Македонија | пред 1 месец

Две лица уапсени по пријави за семејно насилство – регистрирани повеќе случаи

Во последното деноноќие во повеќе градови во државата се пријавени шест случаи на семејно насилство, информира МВР.Во Куманово, 23-годишна жена пријавила дека била физички нападната од својот невенчан сопруг.Во Велес, полициски службеници лишиле од слобода 44-годишен маж кој, според пријавата, физички ја нападнал сопругата во семејниот дом. Во друг случај во истиот град, 28-годишник им се заканувал на своите родители.Во Кавадарци, 42-годишна жена пријавила закани од поранешен партнер по телефон.Во Скопје се пријавени два одделни случаи – во Карпош, жена била физички нападната од сопругот со употреба на тврд предмет, а во Гази Баба малолетничка била нападната од двајцата родители во различни денови.Од МВР информираат дека се преземаат мерки за целосно расчистување на случаите, по што ќе следуваат соодветни пријави против сторителите.

Македонија | пред 1 месец

Полициска акција во Скопје: пронајдена дрога кај повеќе лица

Во Скопје на 15 и 16.04.2026 година, на повеќе локации, полициски службеници од СВР Скопје лишија од слобода повеќе лица, кај кои била пронајдена дрога.Како што информира МВР, станува збор за Д.М. (42), Е.А. (49), М.Т. (44), Џ.И. (47), М.Б. (22), А.С. (21) и еден малолетник од Скопје, како и малолетник од општина Вевчани.При извршените проверки кај нив биле пронајдени и одземени марихуана, бела прашкаста материја и бела материја.По целосно документирање на случаите, против сите ќе бидат поднесени соодветни пријави.

Македонија | пред 1 месец

Вработен задржан на работа по пензија за да прима плата , пријава за злоупотреба на службената положба и овластување

Надворешната канцеларија за криминалистички работи Делчево поднесе кривична пријава против 63-годишниот Д.Ј. од Делчево, поради сомнение за злоупотреба на службената положба и овластување.Според МВР, пријавениот, во својство на директор на јавно претпријатие во Македонска Каменица, овозможил вработен референт-инкасант да продолжи да извршува работни задачи и по исполнување услов за старосна пензија. Со тоа, тој бил задржан на работа уште еден месец над законски предвидениот стаж.На овој начин, како што се наведува, на вработениот му била овозможена противправна имотна корист во висина на една дополнителна бруто плата од 52.591 денар.

Македонија | пред 1 месец

Кривична пријава за жител на Форино – пронајдени дроги при претрес

Надворешната канцеларија за криминалистички работи Гостивар поднесе кривична пријава против 56-годишниот У.И. од село Форино, поради постоење основи на сомнение за сторено кривично дело „неовластено производство и пуштање во промет на наркотични дроги и психотропни супстанци и прекурзори“.Како што информира МВР, на 10/11.04.2026 година полициски службеници извршиле претрес во домот на пријавениот, при што била пронајдена и одземена бела прашкаста материја.По целосно документирање на случајот, против лицето ќе биде поднесена соодветна пријава.

Македонија | пред 1 месец

Низа инциденти на насилство во Гостивар и Скопје – пријавени повеќе напади

Во текот на 15.04.2026 година во Гостивар и Скопје се пријавени неколку случаи на физички напади, информира МВР.Во Гостивар, надворешната канцеларија за криминалистички работи поднела кривична пријава против 43-годишен маж кој во семејниот дом физички ја нападнал својата сопруга.Исто така, е поднесена пријава против 21-годишник од Гостивар кој ја нападнал својата 53-годишна мајка.Во Скопје, во училиште на подрачјето на општина Аеродром, мајка на ученик физички нападнала наставничка за време на родителска средба, по што се преземаат мерки за расчистување на случајот.Дополнително, во Карпош, 21-годишен маж пријавил дека бил физички нападнат од неколку малолетници, додека во Центар е пријавен случај во кој малолетник бил нападнат од свој соученик во парк.Од МВР информираат дека за сите случаи се преземаат мерки за нивно целосно расчистување.

Македонија | пред 1 месец

Скопско: Пријава за вознемирување на малолетничка од 69-годишен сосед

Во СВР Скопје е пријавен случај на вознемирување на малолетно лице во скопско, соопшти МВР.Според пријавата од 42-годишна жена, во неколку наврати нејзината малолетна ќерка била вознемирувана од нивен 69-годишен сосед.Од МВР информираат дека се преземаат мерки за целосно расчистување на случајот.

Македонија | пред 1 месец

Серија сообраќајни несреќи во Скопје – неколку лица тешко повредени

Во текот на 15.04.2026 година на повеќе локации во Скопје се случиле неколку сообраќајни несреќи во кои има повредени лица, соопшти МВР.Во првиот случај, околу 14:30 часот на крстосницата од ул. „Благоја Стефковски“ и ул. „102“, се судриле патничко возило „цитроен“ и мопед, при што мотоциклистот се здобил со тешки телесни повреди.Во вториот случај, околу 18:00 часот на ул. „Шабан Рамети“, возач изгубил контрола над возилото и удрил во бетонска бандера, при што тешко повредена е сопатничка, а повеќе лица се здобиле со телесни повреди.Во третиот случај, во 11:00 часот на крстосницата од бул. „Мито Хаџивасилев – Јасмин“ и бул. „Св. Климент Охридски“, патничко возило удрило во пешак кој се здобил со тешки повреди.Во четвртиот случај, околу 17:30 часот на крстосницата од ул. „Ленинова“ и ул. „Митрополит Теодосиј Гологанов“, се случила сообраќајна несреќа меѓу автомобил и мотоцикл, при што мотоциклистот е тешко повреден.Од МВР информираат дека на сите локации е извршен увид и се преземаат мерки за целосно расчистување на случаите.

Македонија | пред 1 месец

Инцидент во скопско Кондово: струен удар повреди 48-годишна жена

Во инцидент во скопското село Кондово, жена се здобила со повреди од струен удар додека престојувала во штала.На 15.04.2026 околу 19:00 часот во СВР Скопје, А.А. од с.Кондово пријавил дека околу 16:00 часот во штала во селото, неговата сопруга Ш.А.Е. (48) од с.Грачани се здобила со повреди од струен удар.Повредената била пренесена во Градската општа болница „8 Септември“ за укажување на лекарска помош.Од МВР информираат дека во инцидентот угинало и домашно животно, а се преземаат мерки за расчистување на случајот.

Македонија | пред 1 месец

Две лица уапсени во Кочани по пронајдена дрога во дом

Во полициска акција во Кочани приведени се две лица откако при претрес во дом била пронајдена дрога, информираат од МВР.На 15 април вечерта, при претрес извршен со судска наредба, полицијата во објект каде престојувала 21-годишна девојка од Кавадарци, а бил затекнат и 47-годишник од Кочани, пронашла марихуана, бела и кафеава прашкаста материја, како и предмети со остатоци од дрога.Од МВР велат дека двете лица се лишени од слобода и по целосно документирање на случајот ќе следуваат соодветни пријави.

Македонија | пред 1 месец

Тетовец приведен по напад, утврдено 0,89 промили алкохол

СВР Тетово соопшти дека е приведен 26-годишниот Р.И. од село Требош, по пријава дека физички ја нападнал 25-годишната А.Г. во Тетово.Инцидентот се случил на улицата „29 Ноември“, а по преземени мерки и извршено алкотестирање било утврдено дека лицето било под дејство на алкохол, со 0,89 промили во крвта.Р.И. е задржан во полициска станица за понатамошна постапка, а против него ќе следува соодветен поднесок.

Македонија | пред 1 месец