СВР Тетово соопшти дека е приведен 26-годишниот Р.И. од село Требош, по пријава дека физички ја нападнал 25-годишната А.Г. во Тетово.Инцидентот се случил на улицата „29 Ноември“, а по преземени мерки и извршено алкотестирање било утврдено дека лицето било под дејство на алкохол, со 0,89 промили во крвта.Р.И. е задржан во полициска станица за понатамошна постапка, а против него ќе следува соодветен поднесок.
Македонија | пред 1 месец
СВР Тетово соопшти дека е пријавен случај на вознемирување и недозволиво допирање на малолетно лице, во кој, според наводите, е инволвиран Х.И.Според пријавата од 22-годишна жителка на тетовско, во повеќе наврати тој ја вознемирувал нејзината малолетна сестра, а во еден случај ја навел да влезе во неговото возило и ја однел во шумски предел, каде што ја допирал по телото.Подоцна, како што е пријавено, во парк во Тетово се обидел со сила да ја внесе во возило, но бил спречен од нејзини пријатели.За случајот е известен јавен обвинител и се преземаат мерки за целосно расчистување.
Македонија | пред 1 месец
СВР Тетово соопшти дека во ОВР Гостивар 52-годишник од Гостивар пријавил измама поврзана со индустриски трифазен агрегат.Според пријавата, пред околу една година тој му го предал агрегатот на В.Н. наводно за поправка, но уредот не му бил вратен, а подоцна престанале и контактите, по што пријавителот сфатил дека бил измамен.Се преземаат мерки за целосно расчистување на случајот.
Македонија | пред 1 месец
СВР Тетово соопшти дека на автопатот Тетово–Скопје е лишен од слобода 21-годишниот Е.Х. од Прилеп, откако бил затекнат како управува возило со значително поголема брзина од дозволената.При сообраќајна контрола, полициските службеници сопреле „фолксваген голф“ со прилепски регистарски ознаки, при што било утврдено дека возилото се движело со 182 километри на час на дел од патот каде што дозволената брзина е ограничена на 100 км/час.По документирање на случајот, против возачот ќе биде поднесена соодветна пријава.
Македонија | пред 1 месец
СВР Тетово соопшти дека е лишен од слобода 21-годишниот С.А. од село Голема Речица, откако при сообраќајна контрола било утврдено дека управувал мотоцикл без положен возачки испит.Инцидентот се случил на улицата „Борис Кидрич“ во Тетово, каде што полициските службеници го сопреле мотоциклот со тетовски регистарски ознаки. По извршените проверки било констатирано дека возачот нема возачка дозвола, по што бил задржан во полициска станица, а мотоциклот е одземен.По целосно документирање на случајот, ќе следува соодветна пријава.
Македонија | пред 1 месец
МВР поднесе кривична пријава против поранешен градоначалник на Делчево, Горан Трајковски (54), поради сомнение за злоупотреба на службена положба и овластување.Според пријавата, тој во 2023 и 2024 година, во својство на градоначалник, склучил два договори за јавни набавки со економски оператор од Кочани, во вкупна вредност од по 236.000 денари, со важност од една година.Во постапките, како што наведува МВР, биле прифатени понуди со невообичаено ниски цени за одредени производи, без да се побара дополнително појаснување, при што постои сомнение дека бил фаворизиран одреден оператор, со што му била овозможена имотна корист.
Македонија | пред 1 месец
Полициски службеници од ОВР Делчево, во соработка со инспектори од Министерството за земјоделство, шумарство и водостопанство и Шумската полиција, запленија вкупно 19 кубни метри нелегално исечени дрва на подрачјето на Делчево и селото Бигла.Акцијата била спроведена на 14 и 15 април 2026 година на повеќе локации, при што се одземени 5,19 кубни метри борови и 13,86 кубни метри дабови дрва. По целосно документирање на случајот, ќе следуваат соодветни поднесоци согласно Законот за шуми.
Македонија | пред 1 месец
Иако системот „Сејф сити“ веќе изрекува автоматски казни за сообраќајни прекршоци, Министерството за внатрешни работи сè уште нема соодветен софтвер преку кој ќе се евидентира нивната наплата, па граѓаните се приморани доказот за платена казна сами да го доставуваат во полициска станица. Со најавеното ново решение, МВР треба конечно да го затвори процесот на дигитализација – од автоматско казнување до електронска наплата, без административни чекори за граѓанитестемот „Безбеден град“, без потреба од физичко доставување на потврдата.До тогаш, процедурата останува непроменета – по добивање на казна, граѓаните треба да извршат уплата и потоа сами да ја однесат уплатницата како доказ во најблиската полициска станица.Ваквиот модел на потврдување на плаќањето важеше и досега, и во случаите кога казната била изречена од полициски службеник, при што плаќањето можело да се изврши преку пост-терминал или банкарска трансакција, но доказот повторно се доставувал физички.Со најавеното ново решение, МВР треба конечно да го затвори процесот на дигитализација – од автоматско казнување до електронска наплата, без административни чекори за граѓаните.
Македонија | пред 1 месец
Основното јавно обвинителство во Битола отвори истражна постапка против 54-годишен маж, осомничен за продолжени кривични дела поврзани со сексуална злоупотреба на дете.Според Основно јавно обвинителство Битола, постои основано сомнение дека осомничениот во текот на 2025 и 2026 година, во семејна викенд-куќа во селото Облаково, прикажувал порнографски содржини и се самозадоволувал пред својот 10-годишен син.Дополнително, според наводите, го наведувал и детето да гледа такви содржини и да се самозадоволува.Против него се води постапка за кривични дела „задоволување полови страсти пред друг“ и „прикажување порнографски материјал на дете“, согласно Кривичниот законик.Надлежниот јавен обвинител до судијата на претходна постапка при Основниот суд во Битола доставил предлог за определување мерка привор.
Македонија | пред 1 месец
Полициски службеници од СВР Куманово лишиле од слобода 26-годишен жител на градот поради закани кон вработени и оштетување на продажен објект.Инцидентот се случил на 14 април 2026 година во 11:30 часот во продажен објект на улицата „Иво Лола Рибар“ во Куманово, при што Е.И.(26) од Куманово упатувал закани кон вработените и со тврд предмет го оштетил објектот, сопственост на В.М.(40). По приведувањето, тој бил задржан во полициска станица, а по целосно документирање на случајот ќе следува соодветна пријава.
Македонија | пред 1 месец
Полицијата во текот на изминатото деноноќие лишила од слобода шест возачи поради безобѕирно управување со моторно возило, при што дел од нив управувале без возачка дозвола, а дел под дејство на алкохол.Од МВР информираат дека четворица од приведените возеле без возачка дозвола – двајца во Битола, еден во Скопје и еден во Гевгелија. Еден од возачите во Битола претходно предизвикал сообраќајна незгода, откако удрил во паркирано возило.Двајца возачи биле лишени од слобода поради управување возило под дејство на алкохол – еден во Струга и еден во Струмица. Возачот во Струмица притоа излетал од коловоз и предизвикал сообраќајна незгода.По целосно документирање на случаите ќе бидат поднесени соодветни кривични пријави.
Македонија | пред 1 месец
Полицијата интервенирала во повеќе случаи на нарушување на јавниот ред и мир, при што се приведени лица поради агресивно однесување и физичка пресметка.На 15 април 2026 година во 06:00 часот, полициски службеници од СВР Тетово ги привеле Ц.М.(38) и Б.А.(40) поради агресивно однесување на улицата „Браќа Миладинови“. При проверка било утврдено дека за Б.А. има активна централна потерница за издржување казна затвор во траење од шест месеци за кривично дело по член 235 од Кривичниот законик, по што тој бил спроведен во Казнено-поправната установа Затвор Идризово во Скопје.Претходно, на 14 април во 07:30 часот, во СВР Скопје било пријавено дека во двор на здравствен објект во Кисела Вода бил нарушен јавниот ред и мир со физичка пресметка помеѓу А.Т.(46) и И.С.(46), двајцата од Скопје. Се преземаат мерки за расчистување на случајот.
Македонија | пред 1 месец
Пожар избувнал во спортска обложувалница во скопската населба Кисела Вода, при што нема повредени лица.Настанот бил пријавен на 15 април 2026 година околу 00:20 часот во СВР Скопје, по што интервенирала Бригадата за противпожарна заштита Скопје и го изгаснала огнот.Извршен е увид за утврдување на причините за пожарот.
Македонија | пред 1 месец
Во Скопје се пријавени неколку одделни случаи на физички напади и разбојништва, за кои полицијата презема мерки за расчистување.Во првиот случај, Е.М. (40) од Скопје пријавила дека на 13 април 2026 година во населбата Илинден, едно лице ѝ побарало пари, по што физички ја нападнало.Во втор случај, М.Б. (46) од Скопје пријавил дека на подрачјето на Бутел, додека се движел со возило, друго возило му го попречило патот, по што од него излегле две лица и физички го нападнале.Третиот случај се однесува на пријава од Џ.С. (66) од село Копаница, кој навел дека во село Љубин бил физички нападнат од О.К. (64), исто од тоа село.Четвртиот случај е пријавен од Н.Д. (53) од Гостивар, кој навел дека на подрачјето на Карпош едно лице со употреба на физичка сила му одзело чанта со документи и други предмети.Во сите случаи се преземаат мерки за нивно целосно расчистување.
Македонија | пред 1 месец
Во сообраќајна несреќа што се случила на 14 април 2026 година во Кочани, тешко е повредено седумгодишно дете.Околу 17:30 часот на улицата „Стамен Манов“ во Кочани, патничко возило „цитроен“ со кочански регистарски ознаки, управувано од Ј.М. (40) од Кочани, удрило во малолетник од истиот град.Детето се здобило со тешки телесни повреди, констатирани во Јавна здравствена установа Кочани. По наредба на јавен обвинител, извршен е увид од надлежни служби.
Македонија | пред 1 месец
Во раните утрински часови на 15 април 2026 година, полицијата во Скопје лишила од слобода едно лице кај кое била пронајдена дрога.На подрачјето на Кисела Вода, околу 00:30 часот, полициски службеници од СВР Скопје го привеле А.Б. (33) од Радовиш, откако кај него била пронајдена и одземена марихуана.По целосно документирање на случајот ќе биде поднесена соодветна пријава.
Македонија | пред 1 месец
Две одделни сообраќајни несреќи се случиле на 14 април 2026 година во Скопје и Струмичко, при што во двата случаи има лица со тешки телесни повреди.Во првиот случај, околу 15:45 часот на улицата „Скупи“ во Скопје се судриле патничко возило „шкода“ управувано од А.Р. (55) од Тетово и мотоцикл „бмв“ управуван од А.А. (30) од Скопје. Мотоциклистот се здобил со тешки повреди, констатирани во Градската општа болница „8 Септември“.Во вториот случај, во 15:50 часот на магистралниот пат Струмица – граничен премин Ново Село, во село Дабиље, се судриле „бмв“ управувано од Ј.Ѓ. (21) од село Пиперево и „цитроен“ управуван од А.С. (25) од село Смолари. Возачката Ј.Ѓ. се здобила со тешки повреди и била пренесена во Медицински центар Струмица.Во двата случаи извршен е увид од надлежни екипи на СВР Скопје и СВР Струмица.
Македонија | пред 1 месец
Шеесет и четиригодишен маж е пронајден починат на свињарска фарма во светиниколското село Амзабегово, информираат од полицијата.Случајот бил пријавен на 14 април 2026 година во 22:57 часот во СВР Штип – ОВР Свети Николе, по што полициски екипи излегле на терен.Според информациите, починатиот К.П. (64) од Свети Николе бил вработен на фармата. Лекар од Итната медицинска помош констатирал смрт без видливи траги на насилство.По наредба на јавен обвинител, телото на починатиот е дадено на обдукција, а надлежните институции работат на расчистување на околностите под кои настапила смртта, информираат од СВР Штип.
Македонија | пред 1 месец
Од 13 до 19 април низ државата ќе се спроведуваат засилени радарски контроли на брзината, како дел од европската акциска операција на Мрежата на сообраќајни полиции – РОАДПОЛ. Министерството за внатрешни работи најави и 24-часовен „радарски маратон“ кој ќе започне вечерва на полноќ.Како што информираат од МВР, македонската сообраќајна полиција се приклучува на европската акција насочена кон контрола на брзото возење, при што ќе има засилени активности на терен во текот на целата недела.„Од 13 до 19 април стартува европската акциска контрола на брзина на патиштата. Македонската сообраќајна полиција како членка на Европската мрежа на сообраќајни полиции – РОАДПОЛ се приклучува на акциската контрола со зголемени контроли за возење над дозволената брзина“, соопштија од Министерството.Посебен акцент ќе биде 24-часовниот „маратон на брзина“, кој ќе се реализира од среда (15 април) во 00:00 часот до четврток (16 април) во 00:00 часот, со непрекинати контроли на целата територија на државата.Од МВР посочуваат дека дел од локациите на контролите се однапред познати за возачите, со цел да се зајакне превентивниот ефект.„Целта не е казнување, туку безбеден сообраќај. Целта е движење во рамки на пропишаните брзини, сообраќај кој спасува животи“, велат од Министерството.РОАДПОЛ маратонот претставува заедничка акција на европските сообраќајни полиции која истовремено се спроведува на сите патишта низ Европа.
Македонија | пред 1 месец
Повеќе кривични пријави, приведувања и инциденти се евидентирани во изминатиот период низ државата, информира Министерството за внатрешни работи.СВР Куманово поднесе кривична пријава против 31-годишен кумановец, кај кого при претрес биле пронајдени кокаин и амфетамин. Кривична пријава за „насилство врз дете“ поднесе и СВР Штип против 19-годишник од Штип, кој физички нападнал малолетник.На граничниот премин Табановце, приведен е 74-годишен германски државјанин, кај кого во возило била пронајдена марихуана, додека во Скопје биле лишени од слобода две лица поради поседување дрога.Во Охрид, 71-годишен маж се здобил со тешки повреди откако изгубил контрола над мопед и паднал на коловоз, а во Боговиње било опожарено возило, при што нема повредени.Полицијата регистрирала и повеќе случаи на насилство и нарушување на јавниот ред. Во Скопје, едно лице било приведено поради закани со оружје, а две лица биле лишени од слобода поради напад врз малолетник. Пријавени се и физички напади во Бит Пазар и во скопско село.Во Гевгелија, 12-годишно девојче се здобило со тешки повреди при пад од електричен тротинет, додека во Јегуновце е пријавено оштетување на партиски објект.Дополнително, СВР Штип поднесе кривични пријави против две лица за трговија со дрога во затвор, додека во Струмица е поведена постапка против полициски службеник осомничен за злоупотреба на службената должност, кој незаконски присвоил дел од парични средства.Од МВР информираат дека по целосно документирање на сите случаи ќе следуваат соодветни поднесоци.
Македонија | пред 1 месец
Во текот на изминатото деноноќие на целата територија на државата, полициските службеници лишија од слобода 10 возачи за безобѕирно управување возило. Од нив петмина (тројца во Гостивар и по еден во Прилеп и кратовско) управувале возило без возачка дозвола, четворица возеле под дејство на алкохол (двајца во Прилеп и по еден во Демир Хисар и Охрид) и еден возач во Кавадарци со впишана активна забрана за управување на возило. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.
Македонија | пред 1 месец
Во текот на продолжениот празничен викенд (10–13.04.2026), полициските службеници спровеле засилени сообраќајни контроли на патиштата низ државата, при што се евидентирани вкупно 1303 сообраќајни прекршоци.Од нив, 488 се однесуваат на непочитување на пропишаната брзина на движење.Во рамки на контролите, 57 лица се лишени од слобода за безобѕирно управување со возило, меѓу кои шестмина возеле под дејство на алкохол, 23 без возачка дозвола, а четворица со претходно изречена забрана за управување.Во истиот период од сообраќај се одземени 22 возила согласно Кривичниот законик.Евидентирани се и 164 прекршоци за неправилно паркирање и 26 санкции за возење под дејство на алкохол.Покрај тоа, 19 возачи на мотоцикли се санкционирани за неносење заштитен шлем, а 119 учесници во сообраќајот за некористење сигурносен појас.Согласно Законот за возила, 20 возила се отстранети од сообраќај поради нерегистрација, пет поради техничка неисправност, а 10 возачи се санкционирани поради неправилно затемнување на стаклата.Од МВР информираат дека контролите продолжуваат и во наредниот период, со апел до учесниците во сообраќајот да ги почитуваат правилата за зголемување на безбедноста на патиштата.
Македонија | пред 1 месец
Возач кој удрил пешак и побегнал од местото на несреќата во Охрид е пронајден и лишен од слобода, при што е констатирано дека управувал возило под дејство на алкохол.На 13.04.2026 во 16:05 часот во Охрид, на улицата „Кленоец“, патничко возило „опел“ со охридски регистарски ознаки, управувано од З.Ј.(52) од село Горно Лакочереј, удрило во пешакот А.Н.(55) од село Свиништа и го напуштило местото на несреќата.Во несреќата пешакот се здобил со тешки телесни повреди, констатирани во Специјалната болница „Св. Еразмо“ во Охрид.По преземени мерки од полициски службеници од СВР Охрид, возачот бил пронајден и по наредба на јавен обвинител лишен од слобода, а возилото е одземено.При проверките е утврдено дека З.Ј. имал 2,78 промили алкохол во крвта. Кај повредениот пешак А.Н. е констатирано присуство од 1,34 промили алкохол.Извршен е увид од увидна екипа на СВР Охрид, а по целосно документирање на случајот ќе биде поднесена соодветна пријава.
Македонија | пред 1 месец
Во Пепелиште, неготинско, полицијата лишила од слобода 55-годишен маж по сообраќајна незгода во која бил повреден пешак.Според информациите од Министерството за внатрешни работи, на 12 април 2026 година околу 14:00 часот, полициски службеници од ОВР Неготино го лишиле од слобода Л.Д. од селото Пепелиште, кој управувал патничко возило „југо“ со неготински регистарски ознаки и удрил во 62-годишен пешак од истото село. Пешакот се здобил со телесни повреди, констатирани во Итната медицинска помош во Неготино.По извршените проверки било утврдено дека возачот бил под дејство на алкохол, со измерени 2,76 промили во крвта, а исто така управувал возило за време на активна забрана за возење.По насоки на јавен обвинител, лицето било задржано во полициска станица, возилото е одземено, а по целосно документирање на случајот ќе биде поднесена соодветна пријава.
Македонија | пред 1 месец
Во текот на изминатото деноноќие на територијата на државата се регистрирани седум случаи на семејно насилство, при што шест лица се лишени од слобода, информираат од МВР.Во Скопје, на подрачјето на Карпош, бил лишен од слобода Б.Ѓ. (41), откако физички ја нападнал својата сопруга и ѝ упатувал закани. Во друг случај во скопско, Н.Д. (45) ја нападнал сопругата, искршил дел од покуќнината и со остри предмети упатувал закани, при што во инцидентот биле повредени и нивните деца.Во Центар, бил лишен од слобода државјанин на Хрватска, по пријава дека физички ја нападнал својата партнерка и нејзината сестра, при што биле упатени и закани, а бил оштетен и дел од покуќнината. Подоцна и тој пријавил дека бил нападнат од партнерката.Во Куманово, малолетник од 13 години бил згрижен во згрижувачко семејство по пријава дека бил психички малтретиран и избркан од домот од страна на неговиот татко. За случајот е известен јавен обвинител.Во Кичево, бил лишен од слобода 26-годишен маж по пријава од неговата поранешна сопруга дека била физички нападната од него и друго лице.Во Богданци, 37-годишен маж бил лишен од слобода по пријава дека физички ја нападнал својата сопруга во семејниот дом. За случајот е известен јавен обвинител.По целосно документирање на сите случаи ќе бидат поднесени соодветни пријави.
Македонија | пред 1 месец
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
