На 06.04.2026 во 18:58 часот во СВР Битола, М.В.(46) од Битола пријавил дека на ул.„Пожаревачка” во Битола, задното стакло од неговото патничко возило „опел” со битолски регистарски ознаки било оштетено од огнено оружје.Увид извршила увидна екипа на СВР Битола и се преземаат мерки за расчистување на настанот.
Македонија | пред 1 месец
На 06.04.2026 во 22.30 часот на ул.„Смилевски конгрес“ во Битола, полициски службеници од СВР Битола лишиле од слобода 40-годишен маж од Битола затоа што упатувал закани кон неговата сопруга со која се во бракоразводна постапка.Се преземаат мерки за расчистување на настанот.
Македонија | пред 1 месец
На 06.04.2026 во Полициско одделение Ропотово било пријавено дека во с.Житоше, општина Долнени, Е.Ф.(27) од с.Лисичани, општина Пласница, при изведување на градежни активности се лизнал и паднал од скеле и се здобил со повреди констатирани од лекар од Здравствен дом Кичево.Увидот го извршила увидната екипа на ОВР Прилеп.
Македонија | пред 1 месец
Полицијата приведе 22-годишен скопјанец осомничен за криумчарење, откако кај него била пронајдена поголема количина производи без соодветна документација.Како што информира МВР, приведувањето се случило околу 01:10 часот на улицата „Јадранска магистрала“ во Скопје, при контрола на товарно возило „мерцедес“ со скопски регистарски таблички, управувано од А.И.По документирање на случајот, против него ќе биде поднесена кривична пријава за „криумчарење“.
Скопје | пред 1 месец
Силно полициско присуство и координирана акција против нарко-криминал утринава беше спроведена на повеќе локации низ државата.Неофицијално, МВР преку Бирото за јавна безбедност и Одделот за организиран криминал, во координација со Обвинителството за гонење организиран криминал и корупција, спроведува акција во Скопје, Штип, Струмица и во скопското село Грчец.Цел на акцијата е криминална мрежа поврзана со трговија со кокаин, при што се вршат претреси на околу 15 локации и се опфатени повеќе лица.Според неофицијални информации, меѓу приведените се споменуваат и имиња познати во криминалните кругови.Од институциите засега нема официјална потврда. Според безбедносни извори, станува збор за поширока и неселективна акција насочена кон структури кои подолг период оперирале во сенка.
Македонија | пред 1 месец
На 05.04.2026 во 13:30 часот во Тетово, полициски службеници го лишија од слобода О.С. (47) од Тетово. Претходно, во 12:40 часот во ПС Тетово, неговиот 76-годишен татко, пријавил дека подолг временски период тој и неговата сопруга се жртви на семејно насилство од страна на нивниот син. Според пријавата, О.С. во алкохолизирана состојба секојдневно кршел предмети во домот и упатувал сериозни закани по нивниот живот. По лишувањето од слобода, кај О.С. биле измерени 2,14 промили алкохол во крвта и тој е задржан во полициска станица за понатамошна постапка, а по документирање на случајот ќе биде поднесена соодветна пријава.На 05.04.2026 во 15:30 часот во гостиварско село, полициски службеници го лишија од слобода Р.А. (27), кој бил пријавен од страна на неговата поранешна вонбрачна партнерка дека откако ја прекинала врската, Р.А. дошол пред домот на нејзините родители со патничко моторно возило „бмв“ и им упатил сериозни закани по животот. По документирање на случајот ќе следува соодветен поднесок.На 05.04.2026 во 15:40 часот во ПС Тетово, 30-годишен маж од Тетово пријави дека на улица „Илинденска“, додека се движел со својата сопруга, бил физички нападнат од неговиот брат Р.З. (26). По целосно документирање на настанот ќе биде поднесен соодветен поднесок.На 05.04.2026 во 19:40 часот, полициски службеници го лишија од слобода Џ.М. (49) од село во општина Брвеница, по пријава од неговата сопруга со која се во бракоразводна постапка, дека ѝ упатил закани по животот. Џ.М. е задржан во полициска станица за понатамошна постапка и по документирање на случајот ќе следува соодветен поднесок.На 06.04.2026 околу 01:30 часот, во ПС Тетово, Ќ.Б. (31) од Тетово пријави дека била физички нападната од нејзиниот брат Ќ.Б. (26), во близина на рекреативниот центар „Бањиче“. Ќ.Б. е лишен од слобода, а при преглед кај него е пронајдена марихуана. Тој е задржан во полициска станица и по документирање на случајот, против него ќе бидат следува соодветен поднесок.На 05.04.2026 во 01:30 часот во ОВР Прилеп, 34 -годишна прилепчанка пријави дека во семејниот дом во Прилеп била физички нападната од сопругот. Се преземаат мерки за расчистување на настанот.На 05.04.2026 во 03:15 часот во ОВР Прилеп, 25- годишен прилепчанец пријави дека во семејниот дом во Прилеп бил физички нападнат од неговиот татко. Се преземаат мерки за расчистување на настанот.На 05.04.2026 во 20:10 часот во Кавадарци, полициски службеници од ОВР Кавадарци лишија од слобода 36-годишен кавадарчанец, постапувајќи по претходна пријава дека по вербална расправија, физички ја нападнал и и се заканувал на неговата 31-годишна поранешна сопруга. Тој бил приведен во полициска станица, известен бил јавен обвинител и по документирање на настанот против него ќе биде поднесена соодветна пријава.На 05.04.2026 во 13:10 часот во Велес, полициски службеници од СВР Велес лишија од слобода 65-годишен велешанец, постапувајќи по претходна пријава дека на Градски пазар во Велес, агресивно се однесувал кон неговата 62-годишна сопруга и оштетил предмети. Тој бил приведен во полициска станица, известен бил јавен обвинител и по документирање на настанот ќе биде поднесена соодветна пријава.На 05.04.2026 во 19:45 часот во Полициската станица Радовиш 65-годишна жителка на Радовиш пријави дека околу 14:30 часот во нејзиниот дом била физички нападната од нејзиниот поранешен сопруг И.М.(59).. Се преземаат мерки за расчистување на случајот.На 05.04.2026 во 12:36 часот во ОВР Виница, 28-годишна жена пријави дека околу 12:00 часот во семејниот дом во Виница, била физички нападната од нејзиниот брат Е.С.(26), а нејзиниот татко Е.С.(48) и упатувал закани. За настанот е известен јавен обвинител и се преземаат мерки за расчистување на случајот.На 06.04.2026 во 08:20 часот во Скопје, на подрачјето на Шуто Оризари полициски службеници од СВР Скопје го лишија од слобода И.Р.(35) од Скопје, по претходна пријава дека во семејниот дом физички ја нападнал неговата вонбрачна 40-годишна партнерка. По целосно документирање на случајот ќе следува соодветен поднесок.На 05.04.2026 во 22:30 часот во СВР Скопје, 36-годишна жена од Скопје пријави дека во семејниот дом на подрачјето на Центар била физички нападната од нејзиниот сопруг Б.К.(38) од Скопје, кој агресивно се однесувал и оштетил дел од инвентарот. Се преземаат мерки за расчистување на случајот.На 05.04.2026 во 19:30 часот, на автопатот Градско-Велес, полициски службеници од СВР Велес лишија од слобода 48-годишник од Скопје, постапувајќи по пријава дека во своето возило физички ја нападнал неговата 29-годишна партнерка. Известен е јавен обвинител и Центар за социјални работи Велес и по документирање на настанот ќе биде поднесена соодветна пријава.
Македонија | пред 1 месец
Надворешната канцеларија за криминалистички работи при ОВР Кичево до ОЈО Кичево поднесе кривична пријава против Ф.Д.(51) од Кичево заради постоење основано сомнение дека сторил продолжено кривично дело „злоупотреба на службена положба“ (по чл. 353 став 5 во врска со став 1, во врска со чл. 45 од КЗ на РСМ), како и против лицето Б.К.(46) од Кичево а заради постоење основано сомнение дека сторил кривично дело „несовесно работење во службата“ (по чл. 353 в, став 1 во врска со чл. 45 од КЗ на РСМ).Според документираните сознанија од истрагата првопријавениот во својство на градоначалник на општина Кичево, односно како службено и одговорно лице, свесно и со умисла, извршил повеќе временски поврзани дејствија. Притоа во периодот од април 2021 година до ноември 2025 година во рамки на подготвувањето, распишувањето и спроведувањето на Договорот за јавно приватно партнерство за модернизација на системот за јавно улично осветлување на ЕЛС Општина Кичево, склучен на ден 08.11.2021 со конзорциум од три правни лица две од Кичево и едно од Гостивар прекршил законски одредби содржани во Законот за концесии и Јавно приватно партнерство, како и одредби содржани во Законот за јавни набавки. И на тој начин како договорен орган практично преземал противправни дејствија со цел Договорот за модернизација на уличното осветлување во град Кичево да го додели на нему блиски лица, а со намера за стекнување на противправна имотна корист од големи размери.На тој начин, првопријавениот Ф.Д. нанел материјална штета на буџетот на ЕЛС општина Кичево, од околу 1.621.013,00 евра (или 99.692.345,оо денари), еднаков на износот на исплатените месечни ануитети на конзорциумот приватни фирми до поднесувањето на пријавата.Второпријавениот пак Б.К. пак, во својство на службено лице, вработен во општинската администрација како раководител на Сектор за финансии, воедно и именуван како претседател на Комисијата за спроведување на постапката за Јавно приватно партнерство и именуван втор член на Комисијата за следење, верификување и исполнување на Договорот за ЈПП, во истиот временски период од 2021 до 2025 година, пропуштил должен надзор и несовесно постапил во вршењето на своите овластувања и должности. Така што на тој начин дозволил од своја страна да биде прибавена корист од големи размери на штета на буџетот на Општина Кичево.
Македонија | пред 1 месец
Во текот на изминатото деноноќие на целата територија на државата, полициските службеници лишија од слобода 12 возачи за безобѕирно управување возило. Од нив седуммина возеле без возачка дозвола, од кои двајца во Скопје и по еден во Кичево, Росоман, ГП Табановце, Чашка и Ранковце, а возачот во Ранковце возел и со поголема брзина од дозволената. За пречекорување на максимално дозволената брзина санкционирани се возачи во тетовско, кумановско и Свети Николе, а еден возач во скопско управувал возило со изминат рок на важност на сообраќајната дозвола. Еден возач во Прилеп возел под дејство на алкохол. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да ја прилагодат брзината според условите на патот, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.
Македонија | пред 1 месец
Три лица се лишени од слобода, а четири возила се одземени во засилена акциска контрола што ја спроведе Министерството за внатрешни работи, со фокус на санкционирање на возачи кои ја надминуваат дозволената брзина.Контролата, спроведена на 5 април во периодот од 13 до 19 часот, опфати повеќе патни правци, при што биле регистрирани сериозни прекршоци.На автопатот Скопје–Штип, со специјално возило „пресретнувач“, измерена е брзина од 212 километри на час кај патничко возило „ауди“, што значи надминување на дозволената брзина за повеќе од 80 километри на час.На регионалниот пат Куманово–Крива Паланка, пак, евидентирана е брзина од 182 километри на час, на делница каде ограничувањето е 80 километри на час.Дополнително, на патот Арнакија–Глумово одземено е товарно возило „мерцедес“, откако било утврдено дека возачот управувал со истечена сообраќајна дозвола, која важела до 2010 година.Во рамки на акцијата изречени се 14 мерки за пречекорување на брзината надвор од населено место, како и уште четири други сообраќајни прекршоци.Од МВР информираат дека три лица се лишени од слобода по член 297-а од Кривичниот законик – две поради екстремно пречекорување на брзината, а едно лице поради управување возило без важечка возачка дозвола.По целосно документирање на случаите, против сите сторители ќе бидат поднесени соодветни прекршочни и кривични пријави.Од полицијата апелираат до возачите да ги почитуваат сообраќајните правила, потенцирајќи дека брзото возење е една од главните причини за тешки сообраќајни незгоди со сериозни последици.
Македонија | пред 1 месец
Надворешната канцеларија за криминалистички работи Берово поднесе кривична пријава против Т.С. (43), Д.Р. (34) и В.Р. (37), сите од Берово поради постоење основи на сомнение за сторено кривично дело „тешка телесна повреда“.На 14.02.2026 пред казино во Берово, пријавените физички го нападнале С.В. од Берово, нанесувајќи му повреди.
Македонија | пред 1 месец
На 05.04.2026 во 23:05 часот во Скопје, поточно во близина на касарна Илинден, од страната на Аквадуктот, полициски службеници од СВР Скопје ги лишија од слобода А.В.Д.Б.(50) и Ј.Л.(63), двајцата од Холандија, по претходна пријава дека неовластено извршиле снимање со дрон, кој им бил одземен заедно со други предмети.По целосно документирање на случајот ќе следува соодветен поднесок.
Скопје | пред 1 месец
На 05.04.2026 во 18:33 часот во Полициската станица Гевгелија е пријавено дека во Гевгелија, на место викано „Подвозник“, 30- годишен мигрант од Алжир додека се обидувал да се качи во возот кој се движел, паднал и возот поминал преку неговата десна нога. Лицето било пренесено во Медицински центар Гевгелија, каде му се констатирано тешки телесни повреди.Запознаен е јавен обвинител од Основното јавно обвинителство Гевгелија, а увид на местото изврши екипа на ОВР Гевгелија.
Македонија | пред 1 месец
На 05.04.2026 во 13:20 часот во Полициската станица Кисела Вода полициски службеници од СВР Скопје го лишија од слобода Љ.Н.(63) од Скопје, по претходна пријава дека на 03.04.2026 преку социјална мрежа ѝ испраќал вознемирувачки пораки и експлицитни фотографии на 36-годишна жена од Скопје.По целосно документирање на случајот ќе следува соодветен поднесок
Скопје | пред 1 месец
Педесет и шестгодишен жител на Скопје е лишен од слобода во прилепското село Слепче, општина Долнени, поради сомнение дека допирал по телото малолетничка од Прилеп, информираат од Министерството за внатрешни работи.Според информациите, приведувањето било извршено на 5 април 2026 година во 22:10 часот од страна на полициски службеници од ОВР Прилеп.Од МВР наведуваат дека се преземаат мерки за целосно расчистување на случајот, по што ќе следуваат соодветни поднесоци.
Македонија | пред 1 месец
Триесет и четиригодишен жител на селото Воѓани, општина Кривогаштани, е лишен од слобода откако под дејство на алкохол предизвикал инцидент во спортска обложувалница и физички нападнал полициски службеник.Од Министерството за внатрешни работи информираат дека настанот се случил на 5 април 2026 година во 17:30 часот, а лицето било приведено во Полициското одделение Кривогаштани.Според информациите, тој го нарушувал јавниот ред и мир, по што дошло и до физички напад врз полициски службеник.По целосно документирање на случајот, против него ќе биде поднесен соодветен поднесок.
Македонија | пред 1 месец
Министерството за внатрешни работи ги известува граѓаните дека од 10.04.2026 започнува со целосната имплементација на системот за влез во ЕУ (EES – Entry/Exit System), со што на надворешните граници на Европската унија се воведува нов, дигитализиран начин на евиденција и контрола на државјани кои патуваат за краткорочен престој а се од држави кои не се членки на ЕУ.Со воведувањето на ЕЕС, влезовите и излезите ќе се евидентираат електронски, а системот ќе овозможи обработка на основни биометриски податоци (отпечатоци од прсти и фотографија), со цел побрза идентификација и поефикасно следење на дозволениот престој согласно правилото „90 дена во период од 180 дена“ со што времето на задржување на граничните премини за влез во ЕУ би се зголемило.Воедно Ве известуваме дека од страна на Граничната полиција на нашата држава се преземени сите потребни мерки и активности, односно ставени се во функција сите расположливи материјално-технички и човечки ресурси, со цел обезбедување брз и непречен проток на патници на нашите гранични премини.Граничната полиција ќе постапува со засилена ангажираност на терен, континуирано ќе ја следи состојбата, ќе презема соодветни мерки за одржување на проточноста на сообраќајот и ќе ги информира граѓаните за сите важни информации поврзани со примената на системот.
Македонија | пред 1 месец
Според информациите од МВР, при акциска контрола спроведена на 4 април во угостителски објекти во Охрид, полициски службеници затекнале малолетници во локал на улицата „Партизанска“, при што било утврдено дека тројца од нив консумирале алкохол.При преземањето на мерките, полициските службеници биле вербално нападнати од А.Н. и М.Н., двајцата од Охрид. Од МВР велат дека по целосно документирање на случајот ќе бидат поднесени соодветни поднесоци.Во меѓувреме, во ноќта меѓу 4 и 5 април, полициски службеници од СВР Скопје спровеле акциска контрола на подрачјето на ЕВР Центар и Бит Пазар. При контролата бил проверен идентитетот на 45 лица и биле извршени 39 прегледи на лица и возила.Притоа, биле констатирани пет прекршоци по Законот за безбедност на сообраќајот на патиштата, а во една обложувалница биле затекнати тројца малолетници.Дополнително, во ноќта меѓу 3 и 4 април бил констатиран прекршок поради пуштање гласна музика во угостителски објект на подрачјето на Центар.
Македонија | пред 1 месец
Според информациите од МВР, во текот на изминатото деноноќие на територијата на државата биле лишени од слобода 13 возачи поради безобѕирно управување со возило.Од нив, шестмина управувале возило без возачка дозвола – по двајца биле затекнати во Скопје и Прилеп, а по еден во Битола и Свети Николе.Четири лица, по едно во Кичево, Маврови Анови, Скопје и Кочани, биле фатени како управуваат возило иако имале активна забрана за управување.Во Скопје, едно лице било лишено од слобода затоа што управувало возило под дејство на алкохол. Во Прилеп, пак, бил приведен возач кој управувал и под дејство на алкохол и покрај активната забрана за возење.Дополнително, во Кавадарци било приведено лице кое управувало возило без возачка дозвола и под дејство на алкохол.Од МВР информираат дека по целосно документирање на случаите ќе бидат поднесени соодветни кривични пријави.Воедно, Министерството апелира до сите учесници во сообраќајот да ги почитуваат сообраќајните правила и прописи и да не управуваат возило без возачка дозвола, со активна забрана или под дејство на алкохол.
Македонија | пред 1 месец
Според информациите од МВР, во текот на изминатото деноноќие во Скопје биле пријавени три случаи на семејно насилство врз жени.На 5 април 2026 година во 06:30 часот, 50-годишна жена од скопско пријавила во СВР Скопје дека околу 01:00 часот во нивниот дом била физички нападната од нејзиниот сопруг И.Б. (52). Од полицијата информираат дека се преземаат мерки за расчистување на случајот.Претходно, на 4 април во 02:40 часот, на подрачјето на Центар, полициски службеници го лишиле од слобода Д.Г. (26), откако околу 01:30 часот физички ја нападнал својата 25-годишна партнерка. По целосно документирање на случајот ќе следува соодветен поднесок.Истиот ден, во 01:00 часот, 48-годишна жена од скопско пријавила дека на 4 април нејзиниот сопруг Г.П. (52) ѝ упатувал закани. И за овој случај се преземаат мерки за расчистување.Во Штип, пак, на 4 април во 21:30 часот, полициски службеници од СВР Штип го лишиле од слобода Ѓ.Б. (35) од Штип, по пријава дека околу 14:30 часот во двор од семејна куќа физички го нападнал својот 64-годишен татко, при што му нанел тешки телесни повреди. По документирањето на случајот ќе следува соодветен поднесок.
Македонија | пред 1 месец
Според информациите од МВР, ОВР Прилеп поднесе кривична пријава против А.Н. (26) од селото Житоше, општина Долнени, поради сомнение дека сторил кривично дело „овозможување на употреба на наркотични дроги, психотропни супстанци и прекурзори“.Настанот се случил на 19 октомври 2025 година, на патниот правец меѓу селата Кривогаштани и Житоше, каде што полициски службеници извршиле преглед на патничко возило „Фолксваген Голф“, во кое се наоѓале пријавениот и уште едно лице.При контролата, кај другото лице била пронајдена и одземена марихуана, која, според МВР, претходно му ја дал пријавениот.
Македонија | пред 1 месец
На 4 април 2026 година околу 15:00 часот, во Полициското одделение Македонска Каменица е пријавено дека на крстосницата од улиците „Каменичка“ и „Александар Македонски“ патничко возило „голф“ со скопски регистарски ознаки, управувано од З.К. (66) од Скопје, удрило во бетонски столб.Во несреќата, сопатникот Ј.Н. (66) од Скопје се здобил со тешки телесни повреди, додека возачот и вториот сопатник Д.Н. (68) од Скопје добиле телесни повреди и се пренесени во Клиничката болница Штип. На лице место е извршен увид од екипа на Полициското одделение Македонска Каменица, известуваат од МВР.
Македонија | пред 1 месец
Маж од Кичево е лишен од слобода откако со возило удрил во десетгодишно дете, а дополнително било утврдено дека управувал и покрај активна забрана за возење.Според информациите од МВР, на 04.04.2026 во 20:40 часот на булеварот „Ослободување“ во Кичево, полициски службеници го привеле А.Б. од Кичево, кој со патничко возило „опел вектра“ со кичевски регистарски ознаки удрил во малолетник.По преземените мерки било утврдено дека возачот управувал возило иако имал активна заштитна мерка – забрана за управување со моторно возило од Б-категорија.По насоки на јавен обвинител, возилото е одземено, а по целосно документирање на случајот против него ќе биде поднесена соодветна кривична пријава.
Македонија | пред 1 месец
Во изминатото деноноќие, полицијата регистрирала седум случаи на семејно насилство во Куманово, Тетово, Скопје и Кичево, при што четири лица се лишени од слобода, информираат од Министерството за внатрешни работи.Во Куманово, во 10:15 часот, приведен е М.М.(32), кој подолг период физички ја малтретирал сопругата и ѝ се заканувал.Во Тетово се регистрирани два случаи. Во првиот, 31-годишна жена пријавила дека била физички нападната од сопругот И.М.(31), кој е приведен и задржан во полициска станица. Во вториот случај, 23-годишна жена пријавила психичко и физичко вознемирување од невенчаниот сопруг Ф.Р.(23), кој исто така е лишен од слобода.Во Скопје, полициски службеници извршиле разговор со А.С.(38), кој агресивно се однесувал кон својата партнерка и нејзината мајка. Дополнително, малолетник пријавил дека бил физички нападнат од својот згрижувач, додека 64-годишен маж пријавил дека бил нападнат од сопствениот син.Во Кичево, во раните утрински часови, приведен е Е.Б.(44), кој физички ја нападнал сопругата во семејниот дом.Од МВР информираат дека се преземаат мерки за целосно расчистување на сите случаи, по што ќе бидат поднесени соодветни пријави против сторителите.
Македонија | пред 1 месец
Денес посебен режим на сообраќај во Скопје поради трка во планинско трчање „Водно-Матка Треилс 2026“Со почеток во 07:00 часот со затворање на сообраќајот во три временски интервали од по пет минути (од 07:00 до 07:05 часот, од 08:00 до 08:05 часот и од 09:00 до 09:05 часот), ќе се одржи трка во планинско трчање насловена „Водно-Матка Треилс 2026“, со стартно-целна позиција во комплексот „Македонско село“ и траса на движење по дел од јавниот пат од комплексот „Македонско село“ – село Горно Нерези (кај џамијата) по што трасата продолжува по планински патеки.Од тие причини Единицата за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Македонија | пред 1 месец
Осумдесет и седумгодишна жена е пронајдена почината по пожар во дом на подрачјето на Шуто Оризари, информираат од Министерството за внатрешни работи.Случајот бил пријавен на 3 април 2026 година околу 10:50 часот во СВР Скопје, кога било пријавено дека во објект каде претходно избувнал пожар е пронајдена почината Х.М.(87) од Скопје.Според информациите од МВР, лекар констатирал смрт, а како причина се наведува задушување.Од страна на полициски екипи е извршен увид, а се преземаат дополнителни мерки за целосно расчистување на случајот.
Македонија | пред 1 месец
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
