ССМ

Мицкоски за протестот на ССМ: Тадиционални првомајски активности, демократско право е да се бараат подобри услови

Премиерот Христијан Мицкоски изјави дека денешните синдикални протести ги смета за традиционални првомајски активности, нагласувајќи дека правото на протест е демократско право кое Владата го почитува.„Дел од тие синдикати што денеска ќе ги видите на протести беа со мене на прес-конференции кога заеднички постигнувавме договори за поголеми права за вработените и повисоки плати.Така што, јас денешното нивно протестирање го класифицирам во групата на традиционални првомајски протести, кои, впрочем, и синдикатите треба да ги прават. Правото на секој граѓанин е да протестира и да се бори за повисоки права. Ние сме демократска држава, ова е демократска влада, така што ние тоа право го почитуваме“, вели Мицкоски.

Македонија | пред 1 седмица

Трендафилов со повик до работниците: Трудот на Први мај вреди 250%, пријавете во ССМ ако не ви платат

На крајот од обраќањето на протестот, претседателот на ССМ, Слободан Трендафилов, им порача на сите работници кои денес се на работа дека нивниот труд на Први мај треба да биде платен 250 проценти, нагласувајќи дека, доколку тоа не се испочитува, да се обратат до Сојузот на синдикатите на Македонија.„Да им се извинам на полициските службеници кои мораат денес да бидат со нас, за тоа што тие добија само 1.667 денари зголемување, односно усогласување на нивните плати.Да им се извинам и на новинарите кои во голем број денес стојат, иако и за нив е празник и неработен ден.И да порачам на сите кои ангажирале работници денес дека денешниот ден за работнички труд вреди 250%, и доколку не ви го платат тоа што сте дошле на работа, обратете се во Сојузот на синдикатите на Македонија.Почнувајќи од новинарите, почнувајќи од полицајците, почнувајќи од вработените во здравството и сите други вработени во приватниот сектор кои денес, поради нечовечкиот однос на газдите, мораат да бидат на работа“, изјави Трендафилов.

Македонија | пред 1 седмица

Трендафилов од протестот: Работници гинат на своите работни места, никој не презема ништо за нивна заштита

Претседателот на ССМ, Слободан Трендафилов, од протестот порача дека работниците денес се собрале за јасно да укажат на проблемите со ниските плати, непочитувањето на колективните договори, неплатената прекувремена работа и недостигот на социјален дијалог во земјава.„Денес сме тука не за да го слушнат тоа што сакаат да го слушнат, а ние да им кажеме дека платите се добри, дека се почитуваат колективните договори, дека се плаќа прекувремената работа, дека во Македонија е добро ако се работи 12-часовен работен ден за одредени колеги, дека е добро тоа што поднесуваат иницијативи во Уставниот суд затоа што сакаат да укинат колективен договор и дека е добро тоа што нема социјален дијалог.За жал, сликата во Македонија не е таква. Тие се обидоа да нè поколебаат, да нè откажат од работничката борба и на таков начин да покажат дека добро се живее во Македонија. Сакаат сликата за Македонија да биде 1% од народот на Македонија, кој има можност да си дозволи да замине во странство на продолжен викенд, и на таков начин да кажат дека сите се задоволни.Но, за жал, денес дојдовме да им кажеме дека, според нивните податоци, според податоците од Управата за јавни приходи, половина од работничкиот народ во Македонија живее со плата под 600 евра. Денес дојдовме да им кажеме дека една третина од вкупниот работнички народ во Македонија живее под прагот на сиромаштијата. Денес дојдовме да им кажеме дека тоа што го прават не е доволно.Денес дојдовме да им кажеме дека, додека ги потпишуваат колективните договори под притисок на синдикатите, а благодарение на протестите и штрајковите кои ги организиравме ние и вие заедно, денес водат борба за укинување на еден колективен договор кој ќе значи за една категорија работници минималец, а ќе значи за сите работници во следниот период исто така минималец.Во текот на вчерашниот ден беше истакнато дека тие планираат минималната плата да изнесува 500 евра до крајот на мандатот на оваа влада. Ние бараме минималната плата да се зголеми. Две години одбиваат да ја зголемат затоа што не сакаат да вратат работничко достоинство.За жал, голем број работници денес гинат на своите работни места. Наутро заминуваат на работа, а навечер не се враќаат. И никој не презема ништо за нивна заштита.Први мај живее, колку и да сакате да го умрете. Работничкото движење ќе живее, колку и да сакате да го умрете. Сојузот на синдикатите ќе живее, колку и да сакате да го умрете.80 години поминавме со комунисти, социјалисти, демократи и денес десничари, но клучно е што работниците во толкав број во 1946 година се собрале и го основале најголемиот синдикат во државата, кој од 1946 година бие битки со сите досегашни влади и ќе продолжи да го прави тоа“, порача Трендафилов.

Македонија | пред 1 седмица

Започна првомајскиот протест на ССМ, работниците на улица: „За плата се бориме, не се молиме“

Пред Работничкиот дом во Скопје започна протестот на Сојузот на синдикатите на Македонија, организиран по повод 1 Мај – Меѓународниот ден на трудот. Голем број работници, синдикалци и граѓани се собраа со барања за повисоки плати, подобри услови за работа и поголема заштита на работничките права.Протестниот марш ќе продолжи кон Владата на Република Македонија, каде демонстрантите ќе ги испратат своите пораки до институциите.Низ толпата се истакнуваат бројни транспаренти со силни пораки: „За плата се бориме, не се молиме“, „Работниците го хранат капитализмот – тие ќе го срушат“, „Долу капиталот, ослободување на трудот“ и „Власта – слуга на капиталот“.

Македонија | пред 1 седмица

Синдикалците на протест, во Скопје посебен сообраќаен режим

Министерството за внатрешни работи соопшти дека ви централното подрачје на Скопје ќе биде воспоставен посебен сообраќаен режим поради протестот што по повод 1 Мај – Меѓународниот ден на трудот, го организира Сојузот на синдикатите на Македонија.Првомајскиот протест, треба да започне во 11 часот пред зградата на ССМ, односно Работничкиот дом, а ќе заврши пред Владата на булеварот Илинден.„Протестот е предвидено да започне пред зградата на ССМ на ул. ,,Мирче Ацев”бр. 4 со движење лево по ул. ,,Филип Втори Македонски”, десно по ул. ,,11 Октомври”, право по ул. ,,Димитрие Чуповски”, десно по ул. ,,Васил Главинов”, право по булевар ,,ВМРО”, лево по бул. ,,Илинден” до пред Влада.Од тие причини Единицата за безбедност на патниот сообраќај ќе преземе мерки за посебен режим на сообраќај по горенаведените сообраќајници во град Скопје“, се вели во соопштението од МВР.Од Министерството апелираат до граѓаните да ги почитуваат наредбите што ги издаваат полициските службеници по сообраќајниците по кои ќе се движат учесниците на протестот.Претседателот на Сојузот на синдикатите на Македонија, Слободан Трендафилов, на прес-конференција порача дека работниците треба масовно да излезат на улица и јасно да го изразат незадоволството од ниските плати, слабата заштита на работничките права и барањето за зголемување на минималната плата од 600 евра.

Македонија | пред 1 седмица

Трендафилов: Повеќе од половина од работниците во земјава со плата под 600 евра

Претседателот на Сојузот на синдикати на Македонија, Слободан Трендафилов, во својата објава на социјалните мрежи соопшти дека околу 260.000 од вкупно 530.000 работници во 2025 година примаат плата под 600 евра.Според неговите податоци, тоа значи дека нешто над 50 отсто од вработените имаат месечни примања под нивото кое, како што посочува, било барано како минимална плата.Трендафилов отвори и прашање за реакцијата на работниците во однос на нивниот животен стандард, посочувајќи неколку можни избори, меѓу кои протестирање на 1 Мај, неактивност или заминување на продолжен викенд.

Македонија | пред 1 седмица

ССМ: Каде се загуби работничката класа?

Сојузот на синдикатите на Македонија упати порака дека работничката класа претставува основа на секое општество, истакнувајќи дека токму таа ги создава вредностите, го движи производството и ја одржува економијата.Во објавата се наведува дека без трудот на работниците во фабриките, рудниците, на полињата, во канцелариите и во услужните дејности, не може да има напредок, развој ниту иднина.Сепак, се посочува дека и покрај својата клучна улога, работниците често се соочуваат со ниски плати, несигурни работни места, недоволна заштита и непочитување на нивните права.Од ССМ нагласуваат дека борбата за достоинствен труд, фер услови и социјална правда претставува обврска, а не само потреба, при што солидарноста ја оценија како најсилно оружје на работниците.Во пораката се потсетува и дека историските придобивки како пократкото работно време и платениот одмор се резултат на заедничката борба на работниците и синдикалното организирање.„Работничката класа не бара привилегии, туку правда, не бара милост, туку почит“, стои во објавата, во која се додава дека борбата е насочена кон поправедно општество за сите.По повод 1 Мај, од ССМ испратија порака: „За плата се бориме, не се молиме“.

Македонија | пред 2 седмици

ССМ: Работнички протест на 1-ви Мај за зголемување на платите

Сојузот на синдикатите на Македонија (ССМ) најави нов работнички протест на 1 Мај, Меѓународниот ден на трудот, со цел борба за зголемување на минималната и останатите плати. На прес-конференција во Работничкиот дом, претседателот на ССМ, Слободан Трендафилов, истакна дека протестот ќе започне во 11 часот пред Домот и ќе се одржи под слоганот „ЗА ПЛАТИ СЕ БОРИМЕ И НЕ МОЛИМЕ“.Трендафилов посочи дека половина од работниците во Македонија примаат плата под 600 евра, а минималната плата неодамна е усогласена без согласност на синдикатите, за само 1.667 денари. Тој ги повика сите работници и синдикати да се приклучат на протестот, нагласувајќи дека борбата за праведни плати е продолжение на традицијата од Чикаго и дека 1 Мај не е ден за скара и веселби, туку ден за изразување на работничката борба.ССМ најави дека членовите, нивните семејства и сите поддржувачи на зголемување на платите ќе бидат на улица заедно со останатите работници, повторно враќајќи ја традицијата на јавни протести по повод Меѓународниот ден на трудот.

Македонија | пред 1 месец

ССМ: За три месеци животот поскап за околу 2.500 денари, тие минималната плата ќе ја усогласувале за 1.667 денари

Според Сојузот на синдикати на Македонија (ССМ), трошоците за живот за три месеци се зголемиле за околу 2.500 денари, додека усогласувањето на минималната плата во истиот период изнесувало 1.667 денари. ССМ предупредува дека ова значително ја намалува куповната моќ на работниците.„За три месеци животот поскап за околу 2.500 денари, тие минималната плата ќе ја усогласувале за 1.667 денари !Зголемувањето на вредноста на Синдикалната минимална кошница за трите месеци јануари, февруари и март 2026 година изнесува 2326,00 денари.Вредноста на Синдикалната минимална кошница за месец март 2026 година изнесува 67.818,00 денари, споредена со вредноста на Синдикалната минимална кошница за месец февруари 2026 год. која изнесува 67.382,00 денари е зголемена за 436,00 денари. Со изнајмен стан од 60 квадрати за месец март изнесува 83.193,00 денари.Дополнително, цената на ЕУРОДИЗЕЛ БС (Д-Е V) во истиот период на 05.01.2026 година изнесувала 64,50 (денари/литар) , а на 16.03.2026 година 92,00 (денари/литар) или за три месеци се зголемила за +27,50 (денари/литар)Дали животот на македонските работници ќе се подобри, ако ССМ престане да ја пресметува вредноста на Синдикалната минимална кошница и дали во тој случај македонските работници ќе бидат задоволни со висината на нивните плати како што се обидуваат да ја претстават состојбата владините претставници?“, велат од ССМ.

Македонија | пред 1 месец

Недозволиво е една третина од работниците да заработуваат под прагот на сиромаштија, велат од Меѓународната конфедерација на синдикати

Генералниот секретар на Меѓународната конфедерација на синдикати (ITUC), Лук Триангл, упати остра критика до македонската Влада поради непочитувањето на колективните договори и уназадувањето на социјалниот дијалог.По средбата со претседателот на ССМ, Слободан Трендафилов, Триангл порача дека е недозволиво една третина од работниците со полно работно време да заработуваат под прагот на сиромаштија и побара плати кои овозможуваат достоинствен живот наместо само дебати за минималецот.Тој предупреди дека во државата се кршат основните меѓународни конвенции за слобода на здружување и колективно договарање, нотирајќи дека законите постојат на хартија, но не се спроведуваат во пракса.Од своја страна, претседателот на ССМ, Слободан Трендафилов, обвини дека Владата врши директни напади врз синдикалното раководство за да ја замолчи борбата за повисоки плати. Тој децидно потврди дека ССМ нема да отстапи од барањата за итно зголемување на минималната плата, што треба да повлече раст на сите останати примања. Синдикалците потенцираа дека меѓународната заедница е веќе алармирана за притисоците врз работничките права во Македонија, што ја доведува во прашање суштинската демократија во земјата.

Македонија | пред 1 месец

(Видео) „Минималната плата мора да се зголеми во март, не затоа што некој ќе ни ја даде, туку затоа што ние како ја заработуваме, рече Трендафилов

Сојузот на синдикатите на Македонија (ССМ) организираше протест со барање минималната плата да изнесува 600 евра и линеарно зголемување на сите плати за 100 евра. Синдикатите се против законското усогласување на минималецот од околу 1.600 денари, оценувајќи дека тоа не ги покрива растечките трошоци за живот.Протестот започна пред Работничкиот дом и заврши пред Владата. Претседателот на ССМ, Слободан Трендафилов, изјави дека околу 160.000 работници примаат плата под прагот на сиромаштија.„Минималната плата мора да се зголеми во март, не затоа што некој ќе ни ја даде, туку затоа што ние како работници ја заработуваме“, рече Трендафилов.ССМ го отфрла усогласувањето од 1.667 денари, посочувајќи дека само во последните два месеца синдикалната минимална кошница се зголемила за околу 2.000 денари.Синдикатот најави и 24-часовен генерален штрајк кој ќе го опфати и приватниот сектор доколку не се прифатат нивните барања. Владата, пак, најави дека доколку нема договор меѓу синдикатите и работодавачите, ќе се донесе законско зголемување на минималната плата од околу 1.667 денари.

Настани | пред 1 месец

Петрушевски: СДС е еднакво на ССМ, денешниот протест е измама, а не борба за работнички права

Пратеникот од ВМРО-ДПМНЕ, Бране Петрушевски, обвини дека зад денешните работнички протести стои СДСМ, а не Сојуз на синдикатите на Македонија, тврдејќи дека партиски луѓе ја организирале мобилизацијата на работниците од повеќе градови низ државата.Според Петрушевски, јавноста можела јасно да види дека наместо синдикатот, зад организацијата на протестите стојат структури поврзани со СДСМ, кои ги организирале работниците да дојдат на протест во Скопје.Тој наведе дека во Тетово и поширокиот регион работниците ги организирал Мирослав Павловски, за кого рече дека е истакнат член на СДСМ. Според него, работниците од Струмица и околината ги организирал Бранко Георгиев, поранешен раководител во струмичкото јавно претпријатие „Комуналец“ во период кога на власт била СДСМ.Петрушевски тврди дека работниците од Куманово и кумановскиот регион ги организирал Оливер Трајковски, за кого рече дека води штаб на СДСМ во Куманово и е вработен во јавното претпријатие „Чистота и зеленило“.„И сите овие, како и други од СДСМ кои се во организацијата на денешниот протест, наместо да ја зајакнуваат партијата која се движи кон пропаст, решиле да организираат протести на ССМ“, рече Петрушевски.Тој додаде дека барањата на работниците се легитимни и дека тие имаат право да бараат нивно исполнување, но оцени дека начинот на кој се организирани протестите не претставува синдикална активност и вистинска борба за работничките права.Според него, примерите од организацијата на протестот покажуваат дека постои „знак на равенство“ меѓу ССМ и СДСМ.Петрушевски истакна дека ВМРО-ДПМНЕ се грижи за граѓаните, но оцени дека, како што рече, „она што го прават СДСМ и ССМ е измама“.

Македонија | пред 1 месец

Добро утро, ние денеска се бориме за Вашите плати, што ќе правите Вие?, праша Трендафилов во пресрет на протестот

Претседателот на Сојузот на синдикатите на Македонија, Слободан Трендафилов, ги повика работниците да се приклучат на денешниот работнички протест во Скопје, со порака дека синдикатите се борат за повисоки плати и подобар животен стандард.„Добро утро, ние денеска се бориме за вашите плати, што ќе правите вие?“, порача Трендафилов во пресрет на протестот.Работничкиот протест, организиран од Сојузот на синдикатите на Македонија, е закажан за 14 март со почеток во 12:05 часот пред Работничкиот дом во Скопје, на улицата „Мирче Ацев“ во општина Центар.Според најавата на синдикатите, протестниот марш ќе продолжи по улиците „Филип Втори Македонски“, „11 Октомври“, „Димитрие Чуповски“, „Даме Груев“, булеварот „ВМРО“ и ќе заврши пред Владата на Република Северна Македонија на булеварот „Илинден“.Планирано е учесниците да застанат и пред Собранието и пред Стопанската комора, каде синдикатите ќе ги упатат своите пораки до институциите и работодавачите.Од ССМ велат дека протестот се организира поради долгогодишното незадоволство на работниците, бидејќи, како што наведуваат, платите не ги следат реалните трошоци за живот.Синдикатот тврди дека нивните барања за зголемување на минималната плата и на останатите плати биле игнорирани од Владата и работодавачите, што, според нив, дополнително го зголемило револтот кај работниците.„Кога Владата и газдите не слушаат, тогаш работниците и синдикатите ќе зборуваат на улица“, порачаа од ССМ.

Македонија | пред 1 месец

ВМРО-ДПМНЕ: СДС стои зад организацијата на протестот на ССМ

ВМРО-ДПМНЕ обвини дека СДС стои зад организацијата и логистиката на протестот што денеска го најави Сојузот на синдикатите на Македонија (ССМ).Од партијата тврдат дека постојат докази оти зад мобилизацијата на луѓе и организирањето превоз во повеќе градови стојат лица блиски до СДС.„По доказите дека за организирање луѓе и превоз од Струмица и струмичкиот регион е одговорен Бранко Георгиев, поранешен раководител во ЈПКД ‘Комуналец’ Струмица во време на СДС, се појавуваат нови факти дека СДС го координира и управува ССМ и на централно и на локално ниво“, велат од ВМРО-ДПМНЕ.Според нив, протестот формално е организиран од ССМ, но логистиката и техничката организација, како што тврдат, се водат од структури блиски до СДС.Како пример го посочуваат Куманово, каде според нив за организацијата на превоз за протестот бил задолжен Оливер Трајковски, кој, како што наведуваат, е шеф на штаб на СДС во населбата Зелен Рид и вработен во јавното претпријатие „Чистота и Зеленило“ во Куманово.Од ВМРО-ДПМНЕ наведуваат дека фотографии од претходни политички активности ја потврдуваат неговата блискост со функционери и кандидати на СДС на локалните избори во 2021 година.Партијата оценува дека наместо вистинска синдикална борба за подобрување на правата и платите на работниците, протестот се користи како средство за политички притисок.„Граѓаните и работниците заслужуваат искрена и независна синдикална борба, а не политички сценарија“, велат од ВМРО-ДПМНЕ, додавајќи дека јавноста има право да знае кој стои зад организацијата на протестот.

Македонија | пред 1 месец

Трендафилов: Добро утро на сите, освен на тие што се против зголемување на платите

Сојузот на синдикатите на Македонија утре, 14 март 2026 година (сабота), ќе ја предводи протестната поворка на македонските работници која ќе започне пред Домот на синдикатите.Главното барање на работниците е зголемување на платите.Од ССМ велат дека работодавците и Владата ги игнорираат нивните барања, што, според нив, резултира со сè поизразен работнички револт.Претседателот на ССМ, Слободан Трендафилов, утрово порача:„Добро утро на сите, освен на тие што се против зголемување на платите!“

Македонија | пред 1 месец

Трендафилов: Минималната плата од 1.667 денари е недоволна, излегуваме на протест

На денешната прес-конференција која се одржа во Работничкиот дом, Претседателот на ССМ, Слободан Трендафилов го најави новиот голем работнички протест за зголемување на работничките плати и упатувајќи повик за присуство на сите работници и на сите граѓани, изјави:На 14-ти март во 12 часот и пет минути од пред Работничкиот дом го започнуваме новиот голем работнички протест за зголемување на вашите плати, а за вашите плати треба да излезете заедно со нас да се борите затоа што другите нема да се борат. Тие сметаат дека ви ја даваат платата која вие ја заработувате, но вие ја заработувате вашата плата со вашата пот и со вашата мака. Сметаме дека 1.667 денари усогласување само на минималната плата е недоволно во овие услови во кои живееме затоа што трошоците за живот секојдневно растат, а особено заради тоа што вредноста на синдикалната минимална кошница за само два месеци е зголемена за 2.000 денари. Тие сметаат дека вие сте задоволни со ништо или дека сте задоволни со ронки, наспроти луксузот кој им го овозможувате нив и затоа ве повикуваме сите... Членовите на Сојузот на синдикатите на Македонија, работниците, членовите и на другите синдикати чии лидери не се борат за вашите плати да ни се придружите во сабота во 12 часот и пет минути од пред Работничкиот дом за да упатиме нова порака дека платите и минималната плата мора да се зголемат на сите. Дека платите во Македонија се мизерни покажуваат и податоците на Управата за јавни приходи кои покажуваат дека 160.000 работници живеат со плата под прагот на сиромаштијата. Сметаме дека треба да излезете заедно со нас... ако не ние сега, тогаш кој и кога“, изјави Трендафилов

Македонија | пред 1 месец

ССМ повика на протест в сабота: Да покажеме дека не се молиме и ќе се бориме

Сојузот на синдикати на Македонија најави организирање на протест на 14 март, кој ќе започне во 12:05 часот пред Работничкиот дом во Скопје и ќе продолжи пред Собранието, Стопанската комора и Владата.Барањето е за зголемување на платите на работниците преку зголемување на минималната плата на 600 евра и зголемување на останатите плати за најмалку за 6.000 денари или за разликата од сегашната минимална плата до зголемувањето на новата минималната плата !Ниту едно од работничките права не Ви е подарено, за секое од нив се имаме изборено.Ако не барате Вие, Тие мислат дека добро живеете и дека и тие 1.667 денари колку што планираат да ја усогласат минималната плата Ви е повеќе од доволно.Време е, на 14 март да покажеме дека не се молиме и дека ќе се бориме, а колку ќе дојдете, толку и ќе добиеме, затоа што нема простор за изговор, затоа што Протестот е во неработен ден за најголем број на работници.Ние се бориме, а Вие?“, објави Трендафилов.

Македонија | пред 1 месец

Трендафилов: 154.408 работници во длабока сиромаштија, имаат плата под 30.000 денари

Претседателот на Сојузот на синдикатите на Македонија, Слободан Трендафилов, денеска истакна дека над 154.000 работници во земјава примаат плата под 30.000 денари, што е под прагот на сиромаштија, и ги повика сите да се приклучат на протестот за зголемување на минималната плата на 14 март во Скопје.„154.408 работници имаат плата под 30.000 денари и имаат огромна причина да протестираат за зголемување на минималната платаСпоред податоците од Управата за јавни приходи во Македонија бројот работници кои примаат плата изнесува 503.031.Прагот на сиромаштија во Македонија изнесува 31.200 денари, а 1/3 од работниците во Македонија живеат со примања под прагот на сиромаштија, односно работат, а се сиромашни!Борбата на Сојузот на синдикатите на Македонија за зголемување на минималната плата значи директно зголемување на платите на овие 154.408 работници кои имаат огромна причина да се борат за зголемување на нивната плата и да излезат на протест.Ги повикуваме сите работници, нивните најблиски, ги повикуваме и овие 154.408 работници да се придружат на протестот кој ќе започне на 14 Март, во 12.05 ч, од пред Работничкиот дом во Скопје и кој ќе продолжи пред Собранието, Стопанската комора и Владата.ССМ излегува да се бори за зголемување на работничките плати, а работниците треба да излезат да се борат за својата плата затоа што зголемувањето на минималната плата значи зголемување на сите останати плати!“, вели Трендафилов.

Коментари | пред 1 месец

Порбуваат да протнат усогласување на минималец за околу 1.600 денари, борбата продолжува на улица, вели Трендафилов

Претседателот на Сојуз на синдикати на Македонија, Слободан Трендафилов, соопшти дека ССМ ја напуштил седницата на Економско-социјален совет, откако, како што наведе, „на мала врата“ било направено обид за утврдување на усогласување на минималната плата за околу 1.600 денари.Трендафилов изјави дека ССМ нема мандат да учествува во, како што оцени, формално усогласување на минималната плата без реално зголемување што ќе го подобри стандардот на работниците.„Жалосно е што Владата, работодавачите и другите синдикати се на ист став – минималната плата само законски да се усогласи, а да не се зголеми суштински“, порача Трендафилов.Тој најави дека синдикалната борба продолжува и дека, доколку не се најде прифатливо решение, повторно ќе следуваат протести. „За жал, борбата повторно продолжува на улица, во средината на март“, истакна претседателот на ССМ.

Македонија | пред 2 месеци

Европска конфедерација на синикати: Загрижени сме од извештајот за притисоци и напади насочени кон ССМ

ETUC испрати писмо за солидарност до Сојузот на синдикатите на Македонија, осудувајќи го личното таргетирање и заплашувањето на синдикалните претставници и нивните семејства.Писмото упатено до Сојузот на синдикатите на Македонија, до Претседателот на ССМ Слободан Трендафилов и до членовите на ССМ ви го пренесуваме во целостПочитуван претседателе Трендафилов,Почитувани колеги,Во име на Европската Конфедерација на Синдикати (ETUC), сакаме да ја изразиме нашата целосна солидарност и силна поддршка на Сојузот на синдикатите на Македонија (ССМ), на раководството и на сите негови синдикални членови.Како членка на Европската Конфедерација на Синдикати (ETUC), ССМ е важен дел од Европското синдикално движење. Внимателно ги следиме случувањата кои ги пријавивте и сме сериозно загрижени од извештајот за притисоци и напади насочени кон ССМ и неговите синдикални лидери и синдикални претставници.Вашите напори и заложби за одбрана на работничките права, промовирање на фер минимални плати, обезбедување соодветно зголемување на платите и зајакнување на колективното договарање се целосно легитимни и се од големо значење. Тие ги одразуваат реалните потреби на работниците кои се соочуваат со зголемување на трошоците на живот и зголемена економска несигурност.Вашето залагање за пристојни услови за живот и работа е во сржта на синдикалното дејствување и е цврсто засновано на меѓународните и Европските стандарди на трудот.Особено сме загрижени од пријавите и извештаите за лично таргетирање и заплашување што несомнено има за цел влијание врз претставниците на синдикатите и нивните семејства.Ваквите дејствија се апсолутно неприфатливи и некомпатибилни со демократските принципи.Слободата на здружување, колективното договарање и правото на преземање синдикална акција, активности и чекори, вклучително и штрајк, се фундаментални права заштитени со Конвенциите на МОТ и Европските инструменти за човекови права. Овие права мора да се почитуваат и во Законите и во праксата.Европската конфедерација на синдикати (ETUC) цврсто стои на ваша страна.Ќе продолжиме внимателно да ја следиме ситуацијата и каде што е потребно да изразуваме загриженост на Европско ниво.Со целосна солидарност и поддршка,Генерален Секретар на ЕТУЦ Естер ЛинчиКонфедерален Секретар Теа Јарц

Македонија | пред 2 месеци

Петрушевски: ССМ бара исполнување на барања кои не биле испорачани 7 години од страна на СДС

На телевизија Канал 5 во емисијата „Само Вистина“ вечерва гостуваше пратеникот од редовите на ВМРО-ДПМНЕ, Бране Петрушевски кој на самиот почеток истакна дека ССМ за една година од Владата бара исполнување на барањата кои во изминатите седум години, за време на владеењето на СДС не биле испорачани.„За една година се бара нешто коешто не било испорачано изминатите 7 години, имале доволно време СДС да ги зголемуваат платите, да ја зголемуваат минималната плата, за да сега синдикатите бидат помалку незадоволни. Кога СДС беше на власт и кога ја зголеми минималната платата на 18.000, со законска измена во договор помеѓу работниците и работодавачите, ја зголеми само минималната плата но не и другите плати, тогаш ССМ на нивно барање иницираше амандман којшто ние го поднесовме за зголемување на сите плати, тогаш ние од ССМ добивме пофални зборови“, рече Петрушевски.Петрушевски објасни дека со доаѓањето на власт, Владата ги исполнила барањата на ССМ, со зголемувањето на платите во јавниот сектор, на здравствените работници, полициските службеници, социјалните работници, како и зголемувањето на платите за 11.000 вработени во администрацијата.„Таа обврска којашто сме ја презеле ние како тогашна опозиција за разлика од другите опозициски партии, ние штом дојдовме на власт ги испорачавме тие барања на ССМ. Линеарното зголемување на вработените во јавниот сектор го направивме секаде, ги зголемивме платите во образованието со колективен договор каде што зголемувањето ќе биде од 40 до 60% во рок од 4 години, ги зголемивме платите во високото образование за 14%, здравствените работници исто така ќе добијат од 40 до 50% повисоки плати, полициските службеници добија 10% зголемување, социјалните работници добија 20% поголеми плати, вработените во СОЗР 30%, последниот договор со УПОЗ и САДУ околу 11 илјади вработени во администрација добиваат 40% поголеми плати“, објасни Петрушевски и додаде:„Испочитувани се сите колективни договори коишто претходната власт ги потпиша на заминување и не ги почитуваше, во одбраната, во културата и сите други институции. Ние ги зголемуваме платите многу повеќе од она коешто тогаш беше барање на Трендафилов кога беше СДС на власт, сега одеднаш бара 12 илјади и прави протести и блокади каде што претходно не ги правеше. Дијалог се води на институционално ниво, затоа постои социо-економскиот совет каде што треба да седнат работниците и работодавачите, да се усогласат, да ги истакнат аргументите синдикатите кои се нивните барања“.

Македонија | пред 2 месеци

(Видео) 24 министри живеат на грбот на 530 илјади работници, вели Трендафилов од протестот пред Владата барајќи минимална плата од 600 евра

Претседателот на Сојуз на синдикати на Македонија, Слободан Трендафилов, од протестот пред Владата порача дека работниците нема да отстапат од своите барања и дека синдикалната борба ќе продолжи сè додека не се обезбеди достоинствен животен стандард.Тој истакна дека присуството на голем број работници пред Владата е јасна порака дека незадоволството е реално и дека институциите повеќе не смеат да го игнорираат гласот на оние што ја создаваат вредноста во државата. Според него, барањата на синдикатот не се политички, туку егзистенцијални и произлегуваат од потребата за фер плати и подобри услови за работа.Трендафилов нагласи дека Владата мора да покаже подготвеност за конкретни решенија, а не само за декларативна поддршка. Тој порача дека синдикатите се отворени за дијалог, но дека нема да прифатат одолговлекување и празни ветувања.„Работниците бараат правда, сигурност и плата со која може да се живее достоинствено. Нема да се повлечеме додека тоа не стане реалност“, истакна Трендафилов, додавајќи дека протестите се легитимен демократски инструмент за притисок кога институциите не реагираат.Од ССМ најавуваат дека синдикалните активности ќе продолжат и во наредниот период доколку не се постигне конкретен договор со Владата.

Македонија | пред 2 месеци

ССМ денес ќе ја блокира Владата: Не се откажуваме сѐ додека не се зголеми минималната плата на 600 евра

Сојузот на синдикатите на Македонија (ССМ) најави дека денес во 11 часот ќе ја блокира Владата со точно 21 синдикален претставник, во рамки на третата активност од втората фаза синдикални притисоци за зголемување на работничките плати.Претседателот на ССМ, Слободан Трендафилов, изјави дека бројот од 21 учесник е избран согласно Законот за јавни собири, како законски минимум за блокирање институција или сообраќајница.„Ќе бидеме 21 човек и затоа што некој кажа дека ќе ги заокружуваат луѓето што протестираат и ќе ги оцрнуваат. Не се откажуваме сѐ додека не се зголеми минималната плата на 600 евра и не се зголемат сите останати плати за најмалку 6.000 денари“, рече Трендафилов.Според него, блокадата е реакција на тоа што Владата и работодавачите не постигнале договор до 31 декември 2025 година за зголемување на минималната плата. Тој посочи дека, иако работодавачите биле подготвени да ги зголемат платите за најмалку 6.000 денари, побарале временски период да бидат ослободени од плаќање придонеси за задолжително социјално осигурување во износ од околу 3.000 денари по работник.Минатата недела ССМ протестираше пред Собранието на Македонија, а потоа и пред Стопанската комора.

Македонија | пред 2 месеци

ССМ утре со 21 синдикалец ќе ја блокира Владата: „Минимална плата од 600 евра или генерален штрајк“

Сојузот на синдикатите на Македонија (ССМ) најави дека утре во 11 часот ќе ја блокира Владата со точно 21 синдикален претставник, во рамки на третата активност од втората фаза синдикални притисоци за зголемување на работничките плати.Претседателот на ССМ, Слободан Трендафилов, изјави дека бројот од 21 учесник е избран согласно Законот за јавни собири, како законски минимум за блокирање институција или сообраќајница.„Ќе бидеме 21 човек и затоа што некој кажа дека ќе ги заокружуваат луѓето што протестираат и ќе ги оцрнуваат. Не се откажуваме сѐ додека не се зголеми минималната плата на 600 евра и не се зголемат сите останати плати за најмалку 6.000 денари“, рече Трендафилов.Според него, блокадата е реакција на тоа што Владата и работодавачите не постигнале договор до 31 декември 2025 година за зголемување на минималната плата. Тој посочи дека, иако работодавачите биле подготвени да ги зголемат платите за најмалку 6.000 денари, побарале временски период да бидат ослободени од плаќање придонеси за задолжително социјално осигурување во износ од околу 3.000 денари по работник.Трендафилов оцени дека одбивањето на ова решение, според ССМ, го чини државниот буџет најмалку 10 милиони евра месечно, односно околу 120 милиони евра годишно.Тој нагласи дека вредноста на синдикалната минимална кошница во меѓувреме се зголемила за 9.250 денари, што, според него, значи дека четиричлено семејство е посиромашно за истиот износ.Во однос на можен генерален штрајк, Трендафилов најави дека ССМ е пред донесување одлука за 24-часовен генерален штрајк во јавниот и приватниот сектор на територија на целата држава.„Секој работник ќе има право да дојде на работа, но да не ги извршува работните задачи и да ни се придружи на протестот. Колку повеќе излезат, толку повеќе ќе добијат“, изјави тој.Одлуката за евентуалниот генерален штрајк, како што посочи, ќе биде донесена по утрешната блокада, пред или по седницата на Владата. Синдикатите очекуваат Владата да ја искористи можноста и на седница да донесе одлука за зголемување на платите и за прифаќање на нивните предлози.

Македонија | пред 2 месеци

Трендафилов: Понудата за зголемување на платите е уште на маса, следниот пат нема да доаѓаме со понуда

Претседателот на ССМ, Слободан Трендафилов од денешниот протест пред Стопанската комора изјави дека понудата за зголемување на платите е се уште на маса, но и дека следниот пат нема да дојдат со понуда, туку со генерален штрајк кој чини многу повеќе од нивните работнички плати.„Добар ден на сите освен на газдите и на следачите. 21 човек сме затоа што не следат, затоа што ги заокружуваат луѓето и затоа што им се закануваат на луѓето да не дојдат на протестите. Одлучивме дека и во вторник Владата на две места 21 човек ќе ја блокираат. Тука сме кај газдите кај истите оние кои ги избркаа цели наши семејства во странство. Кај газдите кои одбиваат да ја зголемат минималната плата и кои одбиваат да ги зголемат останатите плати само затоаш то законот не се промени. Кај газдите кои се слепи послушници на владата, а владата веќе кажа дека си се договарала со своите вработени, па ги остави газдите да бидат виновни за идниот генерален штрајк и во јавниот и во приватниот сектор. Владата не им е пријател затоа што ги казнува, институциите ги даночат, им праќаат контроли и како што им кажуваат тие се договараат со своите вработени, а ги оставаатгаздите да се договорат со своите вработени. Проблем е што газдите кои се тука позади нас, не дозволуваат синдикално организирање во најголемиот дел на приватниот сектор. Ќе упатам порака и до работниците, само еден на 10 ваши колеги се бори за вашите плати, можете да замислите што ќе беше ако се боревме осум од 10 вработени“, вели Трендафилов.Трендафилов порача дека и покрај сите притисоци нема да се откажат.„Денеска сум информиран, дека било кажано дека сега сум господин. дека сега веќе не сум бил политички определен, но дека било кажано уште пострашно, дека сега ќе ги заокружувале луѓето кои доаѓале на протестите и бараат корка леб. Дека сега ќе ги објавувале како што го објавуваа моето семејство. Никој на никого не му должи ништо во оваа држава и никој на никого не смее да му се плаши“, изјави Трендафилов.Тој им се обрати на работодавачите, им понуди да си подадат рака и да ги зголемат платите на сите работници за најмалку 6000 денари„Да ја задолжиме државата од едниот џеб во другиот џеб да ги плаќа придонесите на тие вработени кои ќе добијат за најмалку 6000 денари зголемени плати. Понудата е уште на маса, следниот пат нема да доаѓаме со понуда, следниот пат ќе дојдеме со генерален штрајк кој ќе ги чини нив многу повеќе од нашите работнички плати. Само еден ден затварање на компанииите, институциите и државата, државата ќе ја чини многу повеќе од цело годишно зголемување на работничките плати“, додаде Трендафилов.

Македонија | пред 2 месеци