УНГАРИЈА

Унгарија подготвува антикорупциски закон за деблокирање на милијарди евра од ЕУ

Унгарската влада следната недела ќе достави до парламентот нов сеопфатен закон за борба против корупцијата, со кој има намера да ги исполни критериумите на Европската Унија во областа на владеењето на правото и да обезбеди деблокирање на милијарди евра европски средства.Министерот за транспорт и инвестиции Давид Витези изјави дека законот ќе донесе поголема транспарентност во јавниот живот и ќе ги зајакне механизмите за спречување на корупцијата.„Ова е сеопфатен антикорупциски закон кој ќе ни овозможи да ги вратиме европските средства во земјата“, изјави Витези.Според него, со усвојувањето на реформите, Унгарија ќе може да искористи до 10 милијарди евра од европските фондови за закрепнување по пандемијата, наменети за транспортни проекти, обновливи извори на енергија, поддршка на малите претпријатија и изградба на станови за изнајмување.Предвидено е и проширување на надлежностите на унгарскиот Орган за интегритет, како и воведување поголема транспарентност во пријавувањето на имотната состојба на јавните функционери.Во меѓувреме, новиот унгарски премиер Петер Маѓар во мај обезбеди ослободување на 16,4 милијарди евра европски фондови, откако најави укинување на дел од реформите на претходната влада на Виктор Орбан, кои, според Европската Унија, негативно влијаеле врз демократските стандарди во земјата.

Свет | пред 2 часа

Унгарската влада ја поканува Хрватска во Вишеградската група

Унгарскиот премиер Петер Маѓар најави иницијатива за проширување на Вишеградската група, предлагајќи во неа да бидат вклучени уште неколку европски држави, меѓу кои и Хрватска.За време на посетата на Берлин и средбата со германскиот канцелар Фридрих Мерц, Маѓар изјави дека на состанокот на Вишеградската група, закажан за 23 јуни, ќе предложи покана за членство до Австрија, Германија, Хрватска, Словенија и Романија.„Да изградиме заедно силна Централна Европа“, порача унгарскиот премиер.Вишеградската група, позната како В4, е основана во 1991 година од Унгарија, Полска, Чешка и Словачка со цел зајакнување на регионалната соработка по падот на комунизмот.Политичкиот аналитичар Давор Ѓенеро смета дека евентуалното приклучување на Хрватска би можело значително да ја зајакне нејзината позиција во рамките на Европската Унија, но предупредува дека одлуката треба внимателно да се анализира.Според него, дополнителни дилеми создаваат различните надворешнополитички ориентации на дел од земјите поврзани со иницијативата, како и постоењето на други регионални формати, како што е Иницијативата на трите мориња, чиј основач е и Хрватска.Ѓенеро оценува дека потенцијалните придобивки од проширената Вишеградска група би можеле да бидат значајни, особено во контекст на новото позиционирање на Централна Европа и дистанцирањето од концептот на регионална соработка во рамките на Западен Балкан.Сепак, тој нагласува дека пред носење каква било одлука потребно е да се разјаснат бројни политички, безбедносни и енергетски прашања што би можеле да влијаат врз идниот развој на иницијативата.

Свет | пред 1 ден

Новата унгарска влада ја прекина блокадата: ЕУ ослободува 6,6 милијарди евра за воена помош за Украина

Новата унгарска влада, предводена од Петер Маѓар, ја прекина двегодишната блокада на исплатите од Европскиот инструмент за мир (EPF), со што Европската Унија доби можност да ослободи 6,6 милијарди евра наменети за надоместување на трошоците за оружјето испорачано на Украина.Со години, владата на Виктор Орбан го користеше правото на вето и ја блокираше работата на механизмот преку кој земјите-членки добиваат поврат на дел од средствата потрошени за воена помош за Киев. Поради блокадата, се создадоа заостанати исплати во вредност од над 40 милијарди евра.Одлуката на Будимпешта се смета за значителен пресврт во унгарската надворешна политика и сигнал за подобрување на односите со Европската Унија и НАТО.Европскиот инструмент за мир е вонбуџетски фонд преку кој на земјите-членки им се надоместуваат околу 40 проценти од трошоците за оружје и воена опрема испратени во Украина. Со повлекувањето на унгарското вето, веднаш се ослободуваат 6,6 милијарди евра, а се очекуваат и дополнителни исплати во наредниот период.Украинскиот министер за надворешни работи, Андриј Сибиха, ги повика европските партнери новоодобрените средства да ги искористат за набавка на системи за противвоздушна одбрана преку механизмите на НАТО.Покрај деблокирањето на военото финансирање, владата на Маѓар најавила подготвеност да го поддржи и отворањето на пристапните преговори на Украина со Европската Унија. Според извештаите, на ова му претходел напредок во разговорите за правата на унгарското малцинство во западна Украина.Во меѓувреме, Будимпешта постигна договор и со Европската комисија за деблокирање на 16,4 милијарди евра европски средства, кои беа замрзнати поради загриженоста за владеењето на правото и корупцијата за време на владеењето на Виктор Орбан. Средствата треба да бидат исплатени во следните месеци.

Свет | пред 2 дена

Унгарија по седум години би можела повторно да настапи на Евровизија

По седумгодишна пауза, Унгарија размислува за враќање на изборот за песна на Евровизија. Иницијативата ја покренал унгарскиот премиер Петар Маѓар, кој најавил дека ќе побара да се испита под кои услови земјата би можела повторно да стане дел од натпреварувањето.Унгарија последен пат учествуваше на Евровизија во 2019 година, по што се повлече од натпреварот.За време на неодамнешната посета на Виена, Маѓар за австриската телевизија ОРФ изјавил дека ќе го задолжи министерот или државниот секретар за култура да ги разгледа можностите за враќање на Унгарија на евровизиската сцена.„Нема причина Унгарија да не учествува на ова натпреварување“, изјавил Маѓар, додавајќи дека од неговото доаѓање на функцијата добива бројни прашања од јавноста за евентуално враќање на земјата на Евровизија.Официјално објаснување за повлекувањето на Унгарија во 2019 година никогаш не беше соопштено. Сепак, тогашните медиумски анализи и јавни дебати ја поврзуваа одлуката со конзервативните политики на владата на поранешниот премиер Виктор Орбан и нејзиниот критички однос кон ЛГБТК+ заедницата, која често се поврзува со евровизиската култура.Доколку иницијативата биде реализирана, Унгарија би можела повторно да се појави на сцената на Евровизија по пауза од седум години.

Свет | пред 5 дена

Автобус со млади спортисти удри во дрво во Унгарија: Загина возачот, 23 лица повредени

Возачот загина, а 23 лица се повредени во тешка сообраќајна несреќа што рано утрово се случила во југозападна Унгарија, кога автобус кој превезувал млади спортисти излетал од патот и удрил во дрво.Според информациите на унгарската полиција, несреќата се случила околу 5:20 часот во близина на местото Хирд. Од засега неутврдени причини, автобусот преминал на спротивната коловозна лента, по што излетал од патот и се забил во дрво.Во автобусот се превезувале 28 лица, меѓу кои 19 млади натпреварувачи од аеробик-секцијата на Спортското училиште во Печ, тројца тренери, шест родители и возачот. Тие патувале кон Будимпешта на натпревар.Сите патници биле пренесени во болница. Еден од младите спортисти се здобил со скршеница на бутната коска, повеќе скршени прсти, потрес на мозокот и други повреди. Потешко се повредени и двајца тренери, чии здравствени состојби се следат.Унгарскиот претседател Тамаш Шуљок ја нарече несреќата „срцепарателна трагедија“ и изрази сочувство до семејството на загинатиот возач, како и желби за брзо закрепнување на повредените.Полицијата спроведува истрага за утврдување на причините за несреќата.

Свет | пред 6 дена

Унгарија повторно ја одобри Парадата на гордоста, новата власт ја менува политиката кон ЛГБТК+ заедницата

Унгарија направи значаен пресврт во односот кон ЛГБТК+ заедницата, откако властите дадоа зелено светло за одржување на Парадата на гордоста во Будимпешта, која минатата година беше предмет на политички и правни спорови.Унгарската полиција соопшти дека нема да го попречува одржувањето на манифестацијата следниот месец, што се толкува како прв јасен сигнал за промена на политиките по доаѓањето на власт на новиот премиер Петер Маѓар.Според информациите објавени од „Политико“, полицијата ја одобрила манифестацијата „Будимпешта прајд“ за 2026 година, а истовремено издала ограничувања за неколку најавени контрапротести.Одлуката претставува значително отстапување од политиките на поранешниот премиер Виктор Орбан, чија влада во текот на минатата година воведе законски ограничувања што практично доведоа до забрана на парадата.И покрај тоа, градоначалникот на Будимпешта Гергељ Карачоњ успеа да пронајде правна можност за организирање на настанот, на кој присуствуваа повеќе од 100.000 луѓе, вклучително и европски политичари и активисти.Карачоњ ја поздрави новата одлука, оценувајќи дека таа покажува оти културата на слободата и покрај политичките притисоци успеала да опстане во Унгарија. Позитивни реакции пристигнаа и од европските зелени партии, кои ја оценија одлуката како охрабрувачки сигнал за демократијата и човековите права во земјата.Дополнителен поттик за промените претставува и неодамнешната одлука на највисокиот суд на Европската Унија, кој ја поништи анти-ЛГБТК мерката донесена за време на владеењето на Орбан.Годинешната Парада на гордоста во Будимпешта е закажана за 27 јуни.

Свет | пред 6 дена

Владата на Петер Маѓар најави демонтажа на медиумскиот систем создаден од Орбан

Новата унгарска влада, предводена од премиерот Петер Маѓар, започна сеопфатна реформа на јавните медиуми, кои со години беа обвинувани за политичка пристрасност и блискост со поранешната власт на Виктор Орбан.Веднаш по преземањето на власта, Маѓар нареди ревизија на работењето и финансирањето на државните медиуми, оценувајќи дека тие биле претворени во „фабрика за лаги“. Одлуката следува по објавувањето документи, снимки и сведоштва од поранешни вработени кои, според француската телевизија France 24, покажуваат дека уредниците со години наметнувале еднострано известување во корист на владата на Орбан и против неговите политички противници.Според анализата на унгарскиот институт „Републикон“, веќе во првата седмица по изборите бил забележан значителен пресврт во известувањето на јавната телевизија, при што поголемиот дел од прилозите добиле неутрален тон, за разлика од претходната практика.Новинари вработени во јавниот сервис, кои зборувале анонимно, велат дека долго време биле принудени да ги следат насоките на раководството, иако многумина не се согласувале со начинот на известување. Според нив, во последните недели таквите инструкции престанале да пристигнуваат.Промени се забележуваат и во приватните медиуми, кои важеле за блиски до Орбан. Телевизијата ТВ2, која е во сопственост на бизнисмени поврзани со поранешната власт, веќе ги замени водечките презентери и изврши кадровски промени во информативната редакција.По изборниот пораз на Орбан, вработените во државната новинска агенција МТИ покренале иницијатива за враќање на уредувачката независност. Иако раководството не ги прифатило нивните забелешки, дел од новинарите тврдат дека политичката цензура престанала и дека повторно се обработуваат теми кои претходно биле избегнувани.Петер Маѓар во текот на изборната кампања најавуваше враќање на независноста на јавните медиуми, чиј годишен буџет надминува 430 милиони евра. Тој повеќепати изјави дека ја поддржува слободата на медиумите и дека јавниот сервис мора да работи во интерес на граѓаните.Меѓународната организација „Репортери без граници“ со години предупредуваше дека за време на владеењето на Орбан јавните медиуми биле претворени во пропаганден механизам, а Унгарија беше рангирана меѓу најслабо пласираните членки на Европската Унија според медиумските слободи.Поранешни новинари сведочат дека политичкото влијание постепено се засилувало. Некои од нив останале без работа откако јавно се спротивставиле на цензурата или поставиле прашања кои не биле одобрени од раководството.И покрај првите промени, дел од новинарите предупредуваат дека последиците од долгогодишната политичка контрола нема да можат да се надминат преку ноќ. Според нив, ќе биде потребно време за целосно враќање на професионалните стандарди и довербата во медиумските институции.

Свет | пред 6 дена

Маѓар: За три недели го направивме она што Орбан не успеа за три години

Унгарскиот премиер Петер Маѓар денеска постигна договор со претседателката на Европска комисија, Урсула фон дер Лајен, за деблокирање на речиси сите европски средства за опоравок и кохезија наменети за Унгарија.Со договорот, на унгарската влада ѝ се овозможува пристап до 16,4 милијарди евра, средства кои беа замрзнати за време на владеењето на Виктор Орбан, пишува „Еуроњуз“.Фон дер Лајен го пофали Маѓар дека „во рекорден рок“ формирал влада и за само неколку недели започнал, како што рече, „долго одложувани реформи“.Таа најави дека на Унгарија ќе ѝ бидат исплатени 10 милијарди евра од европскиот Механизам за опоравок и отпорност, воспоставен по пандемијата.Покрај тоа, најавено е и ослободување на 4,2 милијарди евра од кохезиските фондови, како и дополнителни 2,2 милијарди евра од посебна транша во истиот пакет.„Верувам дека напорната работа конечно се исплатеше“, изјави Фон дер Лајен.Маѓар, кој победи на изборите во април и стави крај на 16-годишното владеење на Орбан, изјави дека неговата влада успеала за три недели да го постигне она што претходната власт не успеала за три години.„Потребни беа три недели за да се направи она што Виктор Орбан не успеа да го постигне за три години“, изјави Маѓар пред новинарите.Брисел ги замрзна средствата за време на мандатот на Орбан поради загриженост за корупцијата и состојбата со владеењето на правото во Унгарија.Сепак, за целосно ослободување на средствата, Унгарија и натаму ќе мора да исполни повеќе услови, познати како „супер-пресвртници“.

Свет | пред 6 дена

По 16 години власт на Орбан, голем пресврт во Унгарија: Одобрена Парадата на гордоста во Будимпешта

Унгарската полиција одобри одржување на Парадата на гордоста во Будимпешта следниот месец, што претставува голем пресврт во однос на минатата година, кога властите, по налог на тогашната десничарска влада на Виктор Орбан, се обидоа да го забранат настанот.Политичката промена следува откако во април беше сменета националистичката влада на Орбан, која владееше 16 години, пишува „Гардијан“.Минатогодишната Парада на гордоста привлече големо меѓународно внимание откако партијата Фидес на Орбан усвои закон, прв од ваков вид во поновата историја на Европската Унија, со кој беше создадена правна основа за забрана на настанот под образложение за „заштита на децата“.Новиот унгарски премиер Петер Маѓар, кој минатиот месец убедливо победи на изборите, повеќепати изрази поддршка за еднаквоста и слободата на собирање, но досега не најави укинување на спорниот закон.Организаторите на Будимпештанскиот Прајд оваа недела ја известиле полицијата дека на 27 јуни планираат да ја одржат 31-та Парада на гордоста. Тие изразиле уверување дека настанот ќе се одржи, особено по пресудата на највисокиот суд на ЕУ дека анти-ЛГБТ законот на Орбан од 2021 година е дискриминаторски и спротивен на европските правила.Полицијата потврди дека дала зелено светло за одржување на парадата и соопшти дека не постојат причини за нејзина забрана. Воедно биле одобрени и три контрапротести, но со ограничувања и на оддалеченост од главниот настан.И покрај забраната, минатогодишната Парада на гордоста, според организаторите, собрала рекордни 200.000 луѓе и станала симбол на отпорот против политиките на Орбан.Важна улога во организацијата минатата година имал и градоначалникот на Будимпешта Гергели Карачоњ, кој го преименувал настанот во општински културен фестивал за да ја заобиколи забраната.

Свет | пред 6 дена

Новиот унгарски премиер не попушта: Забраната за украински производи останува

Новиот унгарски премиер Петер Маѓар соопшти дека забраната за увоз на земјоделски производи од Украина, воведена за време на владата на Виктор Орбан, останува во сила.„Владата ја повлекува намерата на Унгарија да се повлече од Меѓународниот кривичен суд и го забранува увозот на земјоделски производи од Украина“, напиша Маѓар на платформата Икс.Ограничувањата за увоз на украински земјоделски производи беа воведени од претходната влада поради вонредната состојба што беше прогласена во Унгарија по почетокот на војната во Украина.На 14 мај Маѓар објави укинување на вонредната состојба во земјата, по што се отвори прашањето дали претходната забрана за увоз од Украина и натаму ќе важи.Унгарскиот министер за земјоделство и прехранбена економија Саболч Бона изјави дека Министерството подготвува нов закон со кој ќе се обезбеди правна сигурност за заштита на унгарскиот пазар и домашните производители.Според најавите, новите мерки ќе се однесуваат на месни производи, замрзнат зеленчук и житарки.

Свет | пред 1 седмица

Поништена е набавката за унгарските електрични автобуси

Државната комисија по жалби за јавни набавки ја поништи јавната набавка за 150 електрични автобуси и 75 полначи, со што засега пропаѓа најавената набавка на унгарските автобуси „Икарус“ за Скопје.Од Министерството за транспорт информираа дека одлуката е донесена по службена должност, а најавија дека постапката повторно ќе биде објавена во најбрз можен рок, согласно со законските прописи.Засега нема официјално образложение зошто е поништена набавката.Одлуката доаѓа само неколку дена откако градоначалникот на Скопје, Орце Ѓорѓиевски, изјави дека тендерската постапка е завршена и дека испораката на автобусите треба да започне за околу еден месец, повикувајќи се на информации добиени од министерот за транспорт, Александар Николоски.Според планот, 100 електрични автобуси требаше да бидат наменети за Град Скопје, а останатите 50 за други општини низ државата.Како најповолен понудувач претходно беа избрани унгарската компанија Ikarus и австриската EVN. „Икарус“ требаше да ги испорача автобусите, додека ЕВН да ги постави станиците за полнење.Според тогашните информации, вкупната вредност на набавката изнесувала околу 47 милиони евра, а цената по автобус била околу 314 илјади евра.Планот предвидуваше првите 30 автобуси и 15 полначи да бидат испорачани во рок од шест месеци по потпишувањето на договорот, додека останатите возила да пристигнат во наредните 12 и 18 месеци.Автобусите требаше да имаат капацитет за најмалку 66 патници, моќност од минимум 300 kW и системи за автоматско греење и ладење, а договорот вклучувал и 10-годишно сервисирање и обезбедување резервни делови.

Скопје | пред 1 седмица

Експлозија во петрохемиска фабрика во Унгарија: едно лице загинато и неколку повредени

Едно лице загинало, а неколкумина се тешко повредени во експлозија што се случила во петрохемиска постројка на MOL во градот Тисаујварош, во источна Унгарија.Според компанијата, експлозијата се случила за време на повторното активирање на постројката „Олефин-1“, по што избувнал голем пожар. Пожарникарите успеале да го локализираат огнот, но интервенцијата продолжува.Унгарскиот премиер Петер Маѓар објави фотографии од густ црн чад што се издигал над фабриката и соопшти дека министерот за економија, Иштван Капитањ, и директорот на MOL, Жолт Хернади, се упатиле кон местото на несреќата.Според првичните информации, најверојатно експлодирал компресор при рестартирањето на постројката.Постројката „Олефин-1“ е дел од петрохемискиот комплекс на MOL и се користи за производство на етилен, кој понатаму служи за производство на пластика и амбалажа. Причините за несреќата ги истражуваат надлежните служби.

Свет | пред 2 седмици

Политички судир во Унгарија, Маѓар одби да исплати милиони на Орбан и министрите: „Нема пари за грабеж на државата“

Новиот унгарски премиер Петер Маѓар одби да ја потпише документацијата за исплата на законски предвидените отпремнини за министрите од поранешната влада на Виктор Орбан, предизвикувајќи политички судир во Унгарија.Маѓар соопшти дека вкупниот фонд за отпремнини, вреден речиси една милијарда форинти или околу 2,6 милиони евра, нема да биде исплатен на поранешните функционери, туку ќе биде пренасочен во хуманитарни цели.Во објава на „Фејсбук“, тој директно го нападна Орбан.„Според неговата имотна состојба, Виктор Орбан, кој на хартија речиси ништо не поседува, би имал право на отпремнина од 38 милиони форинти, односно околу 105.000 евра, според закон што самиот го воведе – за пљачкање на нашата земја. Нема да ја добие“, напиша Маѓар.Тој ги повика и поранешните министри да не помислуваат да ги земат отпремнините.„Со оглед на состојбата во која ја оставија земјата, најмалку што можат да направат е да не земат десетици милиони форинти отпремнина“, порача новиот премиер.Изјавата дека Орбан „на хартија не поседува речиси ништо“ се однесува на долгогодишните критики во Унгарија дека поранешниот премиер официјално прикажувал минимален имот, додека луѓе блиски до него енормно се збогатувале.Особено често се споменува неговиот пријател од детството Лоринц Месарош, поранешен инсталатер на гас, кој од 2010 година, благодарение на државни договори, стана најбогат човек во Унгарија со богатство проценето на околу 3,1 милијарди евра.Месарош еднаш изјави дека за неговиот успех биле заслужни „Бог, среќата и Виктор Орбан“.„Фајненшл тајмс“ уште во 2017 година го спореди унгарскиот политичко-бизнис круг со руските олигарси, оценувајќи дека системот функционира како „неофеудален клиентелизам“.По критиките од новата власт, поранешните министри од Фидес соопштија дека отпремнините ќе ги донираат во Детскиот дом „Добар Самарјанин“ во Закарпатската област во Украина, каде живее бројна унгарска етничка заедница.Набргу потоа и Орбан објави дека својата отпремнина ќе ја донира на истата институција.Во писмо до директорот на домот, Орбан навел дека донира 38,8 милиони форинти.Истовремено, новата влада на Маѓар прави остар пресврт и во надворешната политика. Маѓар веќе го повикал рускиот амбасадор на разговор по масовен руски напад со дронови во близина на унгарската граница, што претставува значително отстапување од блиските односи што Орбан ги имаше со Москва.Дополнително, Маѓар предупреди дека олигарси блиски до Орбан префрлаат десетици милијарди форинти во Обединетите Арапски Емирати и други држави и побара замрзнување на тие трансфери.И власта и опозицијата во Унгарија сега се обидуваат да покажат грижа за унгарското малцинство во украински Закарпатје, но со сосема различни политички пораки и цели.

Свет | пред 2 седмици

Маѓар замина во Австрија, обидувајќи се да ги поправи односите по Орбан

Петер Маѓар денеска ја посети Австрија во рамките на својата прва регионална турнеја по преземањето на функцијата на 9 мај, со цел да ги подобри односите меѓу двете соседни земји.Маѓар во Виена беше пречекан од австрискиот канцелар Кристијан Штокер, а двајцата лидери изразија желба за нов импулс во традиционално блиските односи меѓу Австрија и Унгарија.Унгарскиот премиер предложи во септември да се одржи заедничка владина седница во Унгарија, што, според него, би испратило силна порака за новата соработка.И покрај позитивните пораки, односите меѓу двете земји остануваат оптоварени со долгогодишен еколошки спор поврзан со каменоломи на австриската страна од границата, каде што се ископуваат материјали што содржат азбест.Маѓар изјави дека илјадници семејства во Унгарија биле погодени од загадувањето и побара обештетување од Австрија.Новиот унгарски премиер победи на парламентарните избори во април со својата партија Тиса, со што стави крај на 16-годишното владеење на Виктор Орбан.На прес-конференцијата во Виена, Маѓар порача дека политичарите мора да бидат поблиску до граѓаните и оцени дека токму тоа е најдобриот одговор на популизмот и екстремизмот.„Политиката мора да се занимава со луѓето. Не се доволни само објави на Фејсбук и прес-конференции“, изјави Маѓар.

Свет | пред 2 седмици

Унгарија и Украина отвораат ново поглавје по заминувањето на Орбан

Министерствата за надворешни работи на Унгарија и Украина започнаа технички консултации со цел решавање на спорните прашања во билатералните односи, соопшти унгарскиот премиер Петер Маѓар.Тој изјави дека со доаѓањето на владата предводена од партијата Тиса се отвора можност за „ново поглавје“ во односите меѓу двете земји.Претходниот премиер Виктор Орбан често ја критикуваше Украина, обвинувајќи ја дека не ги почитува правата на унгарското малцинство.Според унгарските податоци, во регионот Закарпатје, во западна Украина, живеат до 100.000 етнички Унгарци.Маѓар изјави дека подобрувањето на нивниот статус, вклучително и образованието на унгарски јазик, е неопходен услов Будимпешта да даде согласност за отворање на првото поглавје во пристапните преговори на Украина со Европската Унија.Тој додаде дека, доколку се постигне договор, е подготвен да се сретне со Володимир Зеленски во Закарпатје на почетокот на јули.

Свет | пред 2 седмици

Будимпешта најавува крај на визите за странски работници

Унгарија ги затвора вратите за работници од земји што не се во Европската Унија(ЕУ).Новата унгарска влада се соочува со реакции од компаниите и од инвеститорите поради планот од следниот месец да престане со издавање визи за работници од земји надвор од Европската Унија, објави „Ројтерс“.„Нема да дозволиме странски работници да им ги земаат работните места на Унгарците и да ги намалуваат платите“, стои во програмата на Тиса.Центристичката партија Тиса на премиерот Петер Маѓар, која победи на изборите во април најави дека мерката има цел да ги заштити работните места и платите на унгарските граѓани.

Свет | пред 2 седмици

Маѓар против исплата на отпремнина за Орбан: „Нема да ја добие“

Унгарскиот премиер Петер Маѓар соопшти дека се спротивставува на исплатата на законски предвидената отпремнина за поранешниот премиер Виктор Орбан, што предизвика политичка полемика во Унгарија.Станува збор за отпремнина во износ од околу 39 милиони форинти (околу 105.000 евра), на која Орбан би имал право според важечките прописи по напуштање на функцијата, пренесува Index.hu.„Според неговата имотна изјава, Виктор Орбан, кој е без пари, би имал право на отпремнина од 38.801.013 форинти врз основа на законот што е усвоен поради ограбување на нашата земја. Нема да ја добие“, напиша Маѓар на Фејсбук.Тој додаде дека нема да потпишува документи потребни за исплата на отпремнини за членовите на заминувачката влада, со што, според медиумите, повеќе поранешни министри би можеле да останат без повеќемилионски бенефиции.Неколку членови на претходната влада веќе најавиле дека парите ќе ги донираат во добротворни цели, во детски дом во Закарпатија.

Свет | пред 2 седмици

Унгарија обезбедува 575 милиони литри гориво од државните резерви

Унгарија ќе обезбеди 575 милиони литри гориво од државните стратешки резерви за да обезбеди стабилно снабдување и контролирани цени на пазарот.Според одлуката објавена во службениот билтен, Владата ќе ослободи 150 милиони литри бензин и 425 милиони литри дизел поради нестабилноста на меѓународниот пазар на горива.Горивото од резервите ќе биде достапно до крајот на јуни.Во март, владата воведе ограничени цени од 595 форинти за литар бензин и 615 форинти за литар дизел со цел да го ублажи растот на цените за граѓаните и компаниите.Според унгарските медиуми, бензинските пумпи ќе можат да го продаваат горивото по регулирани цени само на домашни купувачи.Независните оператори предупредуваат дека проблемот не е физички недостиг на гориво, туку фактот што со регулираните цени работат без профит.Од енергетската компанија МОЛ, пак, тврдат дека снабдувањето со гориво во земјата останува стабилно и дека производството е доволно за сите партнери.Унгарскиот министер за економија и енергетика Иштван Капитањ изјави дека засега нема простор за промена на ограничените цени на горивата.

Свет | пред 2 седмици

Будимпешта остро го осуди рускиот напад врз Украина, во близина на унгарската граница

Петер Маѓар го повикал рускиот амбасадор Евгениј Станиславов на разговор по масовниот руски напад со дронови и ракети врз Украина, изведен во близина на унгарската граница.Станува збор за потег што во времето на владеењето на Виктор Орбан бил незамислив.Станиславов денеска претпладне пристигнал во унгарското Министерство за надворешни работи, а зградата ја напуштил по околу половина час.Маѓар соопштил дека неговата влада остро го осудува рускиот напад врз регионот Закарпатје и најавил дека министерката за надворешни работи Анита Орбан ќе го праша рускиот амбасадор „кога Русија и Владимир Путин конечно планираат да ја завршат оваа крвава војна“.На реакцијата од Будимпешта одговорил и украинскиот претседател Володимир Зеленски, кој на социјалната мрежа X му се заблагодарил на Маѓар за „сочувството и силниот став“.Се потсетува дека поранешниот министер за надворешни работи Петер Сијарто во повеќе наврати повикувал амбасадори на други земји поради изјави за Унгарија, но никогаш не го повикал рускиот амбасадор, дури ни по откривањето дека руски хакери во 2022 година упаднале во информатичкиот систем на Министерството за надворешни работи.Според извештаите, Русија во средата испукала најмалку 800 дронови кон 20 украински региони.Дел од дроновите биле лансирани од Белорусија, а поради нападите Полска превентивно подигнала борбени авиони, додека Словачка привремено ја затворила границата со Украина.Унгарските железници соопштиле дека нивни вработени во моментот на нападот се наоѓале на железничката станица во Чоп, по што биле евакуирани во засолништа и подоцна префрлени на унгарска територија.

Свет | пред 3 седмици

Маѓар: Четворица министри во новата унгарска влада добија право на вето

Унгарскиот премиер Петер Маѓар соопшти дека четворица министри во новата влада добиле право на вето при носење владини одлуки, наведувајќи дека причината е сложеноста на реформите и задачите што ја очекуваат земјата.Според Маѓар, министрите за здравство, правда, образование и финансии ќе имаат можност да стават вето на одлуки на владата поради, како што рече, „особено сложениот политички циклус“ и потребата од спроведување на промени и реформи.Новата влада официјално положи заклетва во унгарскиот парламент, со што и формално беше конституирана извршната власт.Претходно, унгарскиот претседател Тамаш Шујок на церемонија во Будимпешта официјално ги именуваше министрите во владата на предлог на Маѓар.Претседателката на парламентот Агнеш Форштофер потоа објави дека со именувањето на министрите, владата на Унгарија е и официјално формирана.

Свет | пред 3 седмици

Орбан до новата власт во Унгарија: Мора да разберете една работа

Поранешниот унгарски премиер Виктор Орбан испрати порака до новата власт во Унгарија, предупредувајќи дека земјата не смее да се откаже од својот „патриотски став“ и националниот суверенитет во односите со Брисел.„Новите луѓе мора многу јасно да разберат една работа: ако не се борите за Унгарија во Брисел, бриселските бирократи ќе ве прегазат. Откажувањето од нашиот патриотски став и предавањето на националниот суверенитет поради пари или политичко одобрување би било историска грешка“, напиша Орбан на социјалната мрежа Икс.Неговата реакција доаѓа ден по положувањето заклетва на новиот унгарски премиер Петер Маѓар, кој речиси еден месец по изборната победа официјално ја презеде функцијата.„Нема да владеам со Унгарија, туку ќе ѝ служам на својата држава“, порача Маѓар по заклетвата во парламентот.Неговата партија Тиса освои 141 од вкупно 199 пратенички места, со што стави крај на 16-годишното владеење на Орбан и неговата партија Фидес.Фидес од 135 пратенички места падна на 52, а дел од медиумите наведуваат дека партијата покажува знаци на внатрешен распад. Орбан и неколку клучни луѓе од Фидес одлучиле да не ги преземат своите пратенички мандати.Во меѓувреме, во јавноста се појавуваат нови обвинувања за корупција против Фидес, додека Маѓар најавува „промена на системот“, а не само промена на власта.

Свет | пред 3 седмици

Маѓар официјално ја презеде власта: „Ќе ја промениме политиката“

Петер Маѓар официјално стана нов премиер на Унгарија, најавувајќи нов почеток за земјата, според изјавите на претседателката на Европската комисија, Урсула фон дер Лајен.Проевропскиот конзервативец, кој на унгарската политичка сцена се појави пред само две години, стави крај на 16-годишното владеење на националистите на Виктор Орбан. Тој беше избран со 140 гласови „за“, 54 „против“ и еден воздржан глас, во парламент каде што неговата партија Тиса има 141 од вкупно 199 места.Во своето прво обраќање, Маѓар порача дека нема да владее со Унгарија, туку ќе ѝ служи на својата земја, остро критикувајќи го системот на Орбан и обвинувајќи го за корупција која, како што рече, ја лишила државата од клучни инвестиции во патишта, болници и училишта. Тој најави формирање независна институција за истрага на злоупотребите во изминатите две децении и враќање на незаконски стекнатите средства.Инаугурацијата беше проследена од десетици илјади граѓани собрани пред парламентот во Будимпешта, кои го следеа настанот на големи екрани. Дел од присутните изразија надеж за крај на корупцијата и враќање на слободите, како и подобрување на односите со Европската Унија.Маѓар се соочува со сериозни предизвици, меѓу кои економска стагнација и проблеми во јавните услуги, но неговите соработници најавуваат дека првите резултати од реформите треба да бидат видливи во краток рок.Тој најави и итни чекори за деблокирање на европските фондови, кои беа замрзнати поради прекршување на владеењето на правото, додека Унгарија се соочува со ризик да изгуби значителни средства од европските фондови за закрепнување.Маѓар веќе најави приклучување кон Европското јавно обвинителство, како и реформи за зајакнување на независноста на правосудството и медиумите.Во текот на церемонијата беше истакнато враќањето на европските симболи, вклучително и повторното поставување на знамето на Европската Унија над парламентот во Будимпешта, што, според новото раководство, симболизира нова ера на приближување кон Европа.

Свет | пред 3 седмици

Филипче му честиташе на Маѓар: Слободна Унгарија дава надеж за слободна Македонија!

Претседателот на Социјалдемократскиот сојуз на Македонија, Венко Филипче, му упати честитка на новоизбраниот унгарски премиер Петер Маѓар, кој денеска положи заклетва и официјално ја презеде функцијата, ставајќи крај на повеќедецениското владеење на Виктор Орбан.Филипче оцени дека Унгарија добива нова демократска влада, нагласувајќи дека со тоа завршува, како што наведе, период на корупција, авторитарно владеење и ограничување на слободите.Во својата порака, тој истакна дека иако неговата политичка партија не споделува иста идеологија со политичкото движење на Маѓар, ги обединува борбата за демократија и против авторитарни режими.Филипче порача дека политичките промени во Унгарија претставуваат инспирација и за Северна Македонија, наведувајќи дека и во земјата постои борба против корумпиран и авторитарен модел на владеење. Според него, заедничка вредност е верувањето дека никој не смее да биде над законот и дека институциите мора да работат во интерес на граѓаните.Тој изрази надеж дека и Македонија ќе доживее период на политичка промена, во кој, како што рече, ќе има одговорност за злоупотребите на власта и за корупцијата.Во пораката, Филипче нагласи дека неговата визија е општество со слободни медиуми, слобода на говор, почитување на човековите права и европски вредности, додавајќи дека вистината мора да надвладее над пропагандата и дезинформациите.На крајот, тој му посака успех на новиот унгарски премиер и порача дека се надева на подобри односи и соработка меѓу двете држави, завршувајќи со порака за „слободна Унгарија и слободна Македонија“ и „да живее Европа“.

Македонија | пред 3 седмици

Маѓар официјално стана унгарски премиер

Петер Маѓар денеска положи заклетва како нов премиер на Унгарија, откако неговата партија Тиса убедливо победи на парламентарните избори и стави крај на долгогодишното владеење на Виктор Орбан.Проевропскиот конзервативец, кој на политичката сцена се појави пред само две години, беше избран во парламентот со 140 гласа „за“, 54 „против“ и еден „воздржан“. Неговата партија Тиса освои 141 од вкупно 199 пратенички места.Гласањето се одржа во отсуство на Виктор Орбан, кој претходно поднесе оставка од пратеничката функција.По изборната победа, проследена со прослави на улиците на Будимпешта, очекувањата од новиот премиер се големи. Маѓар вети „промена на режимот“, борба против корупцијата и прекин на, како што рече, нападите врз слободите за време на 16-годишното владеење на Орбан.Новата влада се соочува со сериозни економски предизвици, меѓу кои се стагнација на економијата и влошени јавни услуги. Маѓар најави брзи реформи со цел да се одмрзнат европските средства што ѝ беа блокирани на Унгарија поради проблеми со владеењето на правото.Минатата недела тој престојуваше во Брисел на неформални средби со претставници на Европската Унија, во обид да обезбеди исплата на средствата до крајот на мај.Маѓар најави и приклучување кон Европското јавно обвинителство, зајакнување на независноста на судството и медиумите, како и борба против корупцијата. Благодарение на двотретинското мнозинство во парламентот, неговата влада има простор за крупни политички и уставни промени.

Свет | пред 3 седмици

Унгарија отвори истрага против медиумски бизнисмен близок до Орбан

Унгарската полиција отвори истрага за злоупотреба на средства и перење пари поврзана со компании на еден од највлијателните медиумски бизнисмени во земјата, кој со години добивал профитабилни договори од владата на Виктор Орбан.Истрагата е покрената врз основа на информации од даночната служба, а засега се води против непознат сторител. Полицијата соопшти дека се проверуваат финансиски трансакции, како и договори за кои постои сомнеж дека биле преценети.Во рамки на постапката, замрзнати се банкарски сметки и запленети средства на дел од компаниите.Станува збор за бизнисменот Ѓула Балаши, сопственик на повеќе медиумски и маркетинг компании, кои повеќе од една деценија работеле на владини кампањи за Орбан. Неговите фирми стоеле зад клучни политички кампањи, меѓу кои и антимигрантските пораки и последната изборна кампања со наратив за „војна или мир“.Балаши потврди дека понудил да ги предаде своите компании и дел од инвестициите на државата, откако новата влада на Петер Маѓар ја презеде власта. Тој тврди дека нема што да крие и дека не сторил ништо незаконско.„Ѓула Балаши соработува со полицијата и сите надлежни институции и е достапен во секое време“, соопшти неговата компанија.Новата унгарска влада, предводена од Маѓар, најави остар пресврт и борба против корупцијата, вклучително и враќање на, како што ги нарекува, „украдените државни средства“.Само во периодот 2019–2021 година, компаниите на Балаши добиле државни договори вредни околу 295 милијарди форинти (приближно 960 милиони долари), најчесто преку Канцеларијата за национални комуникации, која ги водела владините кампањи.Истрагата доаѓа во чувствителен политички момент, непосредно пред новата влада официјално да стапи на функција, што дополнително го засилува вниманието околу можните злоупотреби во претходниот систем.

Свет | пред 4 седмици