ЖЕРНОВСКИ

Жерновски со критики до власта по собирот за поддршка на Вучиќ во Куманово

Поранешниот функционер Андреј Жерновски преку објава на социјалните мрежи упати остри критики кон премиерот Христијан Мицкоски, министерот Тимчо Муцунски и владејачката коалиција, обвинувајќи ги за двојни стандарди по политичкиот собир за поддршка на српскиот претседател Александар Вучиќ во Куманово.Во објавата, Жерновски наведува дека доколку во Македонија бил организиран митинг за поддршка на бугарскиот претседател Румен Радев, власта, според него, ќе реагирала со обвинувања за мешање во внатрешните работи и загрозување на суверенитетот.„Ама кога во Куманово јавно се организира политички собир за поддршка на братот Вучиќ – тогаш молк“, напиша Жерновски.Тој оценува дека молчењето на власта е доказ за, како што наведува, дволична политика и селективен пристап кон прашањата за странско политичко влијание.Во својата реакција, Жерновски го отвора и прашањето за односот на власта кон различните етнички заедници во државата.„Ако 3.504 Бугари во нашата држава одеднаш се претставуваат како огромен ризик за државата и народот, тогаш како е можно 35.939 Срби во Македонија да не се никаква закана за македонскиот идентитет, јазик, култура?“, наведува тој.Според Жерновски, власта селективно шири страв и манипулации со цел, како што тврди, да ја оправда блокадата на европскиот пат на државата.„Кога им одговара – туѓ политички митинг е ‘братска поддршка’. Кога не им одговара – истото тоа е ‘национална катастрофа’“, напиша Жерновски.

Македонија | пред 4 часа

„Власта продава лажен патриотизам, со една рака мавта со знамето дека се Македонци, со другата краде колку што може да се украде“ , вели Жерновски

Секретарот за меѓународна соработка на СДСМ, Андреј Жерновски, гостувајќи во емисијата „24 Анализа“ ја обвини власта за, како што рече, „лажен патриотизам“, оценувајќи дека зад националната реторика се кријат манипулации и заштита на криминалот.Жерновски се осврна на повлечениот предлог за двојно државјанство, кој претходно беше најавен од премиерот Христијан Мицкоски.„Од патриот којшто е, ќе нè брани нас од двојни државјанства, утредента излезе премиерот со изјава дека ќе се повлече предлогот затоа што треба да се консултираат дали е според Уставот“, рече Жерновски.Според него, со тоа станало јасно „колку Бугари има во партијата, Владата и Парламентот“, по што документот бил повлечен.Жерновски оцени дека патриотизмот на владејачката партија е „пропаганда“, а дека преку лаги, манипулации и лицемерие се одржува политичката моќ.„Со една рака ќе мавтаат со знамето дека сме Македонци за да излеземе патриоти, а со другата рака ќе крадат колку што може да се украде“, изјави Жерновски, додавајќи дека СДСМ ќе се обиде да го спречи тоа.

Македонија | пред 4 дена

Како Мицкоски клечеше и лажеше дека ќе го поништи Преспанскиот договор така лаже и сега, вели Жерновски

На прес-конференција, членот на Извршниот одбор и секретар за меѓународна соработка на СДСМ, Андреј Жерновски, обвини дека ВМРО-ДПМНЕ и премиерот Христијан Мицкоски ги манипулирале граѓаните со ветувањата поврзани со Преспански договор.Жерновски изјави дека ВМРО-ДПМНЕ сега се обидува да ги негира своите претходни ставови и ветувања дадени додека беше во опозиција.Жерновски потсети на изјави на Мицкоски во кои, како што рече, ветувал дека ќе го менува Преспанскиот договор и нема да го користи името „Северна“.„Ако бидам премиер, никогаш нема да кажам Северна. Ако кажам Северна, нека ми го одземат мандатот“, потсети Жерновски на една од претходните изјави на Мицкоски.Од СДСМ тврдат дека актуелната власт дошла на власт со ветувања што не ги исполнила и дека денес води политика спротивна на пораките што претходно ги испраќала.Во обраќањето, Жерновски се осврна и на прашањето за двојното државјанство, обвинувајќи ја власта дека се повлекла од сопствените иницијативи и дека користи патриотска реторика за политички цели.„Не може намерно да се создаваат конфликти со Бугарија, а во позадина да се користат бугарски пасоши“, рече Жерновски.Тој додаде дека СДСМ ќе продолжи да ги отвора овие прашања во јавноста и најави дека предложениот закон за борба против корупцијата треба да придонесе за поголема одговорност и доверба во институциите.

Македонија | пред 1 седмица

Жерновски: Секогаш кога на власт доаѓа ВМРО-ДПМНЕ, доаѓа и цензурата

Македонија забележа пад на Индексот за слобода на медиумите на „Репортери без граници“, паѓајќи од 42-то на 45-то место и се најде во групата земји со „проблематична“ состојба. Иако вкупниот резултат останува ист, земјата бележи влошување кај сите главни индикатори што ја мерат слободата на медиумите, вклучувајќи ги правните, политичките и економските аспекти. Андреј Жерновски од СДСМ вели дека секогаш кога на власт доаѓа ВМРО-ДПМНЕ со неа доаѓа и цензурата.„Нов пад, овојпат од уште три места и 45. позиција на Глобалниот индекс за слобода на медиумите според „Репортери без граници“.Втора година по ред Македонија назадува. Откако дојде Мицкоски на власт, првата година од неговиот мандат експресно паднавме за шест позиции, вторава за дополнителни три.Нема случајност во ова. Секогаш кога на власт доаѓа ВМРО—ДПМНЕ, со неа доаѓа и цензурата. Прво тивко, потоа системски- преку притисоци, фаворизирани медиуми, дискредитација на критичките гласови и создавање атмосфера во која новинарството треба да биде послушно, а не слободно.Ова не е нова приказна, туку веќе виден и препознатлив модел. Враќање на духот на времето на Никола Груевски, кога медиумите беа поделени на „наши“ и „непријателски“, а вистината зависеше од тоа кој ја контролира насловната страница. Денес, повторно се создава амбиент во кој власта не поднесува критика, туку нарачува со ништо заслужени аплаузи.А до пред само две години, Македонија беше пример за напредок. Во периодот кога владата беше предводена од СДСМ, државата направи историски исчекор во медиумските слободи. Се искачивме на 36. место — отидовме пред Словенија и Хрватска, членки на ЕУ. Не затоа што проблемите исчезнаа, туку затоа што постоеше политичка волја да не се гуши критичкиот збор. Колкава и да биде политичката цена која на крајот на денот се плаќа за тоа.Денес повторно тонеме. И не е случајно што паралелно со падот, растеше влијанието на “домашните” македонски медиуми на Орбан, односно политичките мегафони на власта.Македонија веќе еднаш ја помина оваа лекција. Живеевме во таков мрак, во кој добро знаеме каде и како завршивме.Сега на власт го гледаме истото сценарио од ученикот на Груевски. Со Мицкоски не губиме само места на листите, туку го губиме воздухот на слободата. А кога медиумите молчат, власта зборува сама со себе.И токму поради тоа што научивме колку скапо се плаќа молкот, научивме дека ова не е само битка за медиуми.Ова е битка да си ја вратиме демократијата, достоинството и правото вистината да не зависи од тоа кој е на власт.Без новинари што прашуваат, нема власт што одговара. Без слободни медиуми нема демократија. А таа не тоне одеднаш, туку изумира секој ден по малку… додека на крајот не ја снема“, вели Жерновски.

Коментари | пред 2 седмици

Жерновски: Владата на Мицкоски ја водат лажни патриоти со бугарски пасоши

Андреј Жерновски денеска обвини дека актуелната власт предводена од Христијан Мицкоски е составена од функционери со бугарски пасоши, оценувајќи дека станува збор за „влада на лажни патриоти“.Според Жерновски, граѓаните имаат право да знаат чии интереси ги застапуваат владините претставници – македонски или бугарски.Тој посочи дека предизборните ветувања на ВМРО-ДПМНЕ, поврзани со Преспански договор и односите со Бугарија, не биле исполнети и ги оцени како политички лаги.Жерновски ја критикуваше и иницијативата за закон за двојно државјанство, тврдејќи дека власта се повлекла кога станало јасно дека мерките би ги опфатиле и владините функционери.„Не може законот да важи за пратениците, а да не важи за министрите“, истакна тој.Претставникот на СДСМ оцени дека во владејачките структури има голем број функционери со странски пасоши, меѓу кои министри, пратеници, градоначалници и директори.Во обраќањето тој ја критикуваше и коалицијата меѓу ВМРО-ДПМНЕ и ЗНАМ, нарекувајќи ја „тендер коалиција“, и порача дека опозицијата ќе продолжи да бара одговорност и целосно разоткривање на вистината.

Македонија | пред 3 седмици

(Видео) „Веднаш да се врати Груевски во Македонија“, Жерновски бара да се спреми документацијата за враќање на експремиерот

Членот на Извршниот одбор на СДСМ, Андреј Жерновски, упати директен повик до Министерството за правда за итна постапка за екстрадиција на поранешниот премиер Никола Груевски, повикувајќи се на најавите од новата унгарска власт.„Доаѓа време на правда и секако на одговорност. По најновата изјава на идниот премиер на Унгарија Петер Маѓар, дека Унгарија нема да биде оаза на пребегнати криминалци, сакам да упатам директна порака до Министерството за правда – без одолговлекување и веднаш да се пристапи кон барање да се врати Груевски онаму каде го направи криминалот, а тоа е во Македонија“, рече Жерновски.Тој додаде дека правдата, иако знае да доцни, „секогаш стигнува“, испраќајќи и директна порака до Груевски, па цитираше негова изјава „Вистината е како шило, нели Никола?“.Изјавата доаѓа во контекст на политичките превирања по смената на власта во Унгарија и најавите на новиот премиер Петер Маѓар за поостар пристап кон лица кои имаат статус на азил, а се гонети во други држави.Од друга страна, македонските власти претходно посочија дека постапките за екстрадиција се веќе водени, но биле одбиени од унгарските институции, што значи дека евентуална нова постапка ќе зависи од одлуките на новата власт во Будимпешта.

Настани | пред 1 месец

Жерновски за поразот на Орбан: Прослава на улиците во Унгарија, крокодилски солзи во Белата барокна палата

Секретарот за меѓународна соработка на СДСМ, Андреј Жерновски, реагираше по изборниот пораз на Виктор Орбан во Унгарија, оценувајќи дека исходот има пошироко политичко значење и за регионот, но и за Македонија и ВМРО-ДПМНЕ.„Прослава на улиците во Унгарија, крокодилски солзи во Белата барокна палата!“, напиша Жерновски, алудирајќи на ВМРО-ДПМНЕ.Изјавата доаѓа откако опозициската Тиса предводена од Петер Маѓар оствари убедлива победа на парламентарните избори, ставајќи крај на повеќегодишното владеење на Орбан.Жерновски со оваа порака индиректно сугерира дека политичките промени во Унгарија ќе имаат одраз и врз политичките релации во Македонија, особено во контекст на долгогодишните врски меѓу Орбан и дел од домашната политичка сцена.

Коментари | пред 1 месец

Жерновски: Мицкоски лаже за ЕУ и ја краде иднината на младите

ленот на Извршниот одбор на СДСМ, Андреј Жерновски, упати остри критики кон премиерот Христијан Мицкоски, обвинувајќи го дека со своите политики ја оттурнува државата од Европската Унија и ја загрозува иднината на младите.„Добро рекол нашиот народ: кој лаже – тој краде. Зарем немате впечаток дека кога го кажувал ова, пред себе го имал ликот и делото на Христијан Мицкоски?“, изјави Жерновски.Тој обвини дека премиерот давал нереални ветувања за враќање на името, за нова преговарачка рамка со Европската Унија и за уставни измени со одложено дејство.„Лажеше дека ќе го врати името. Лажеше дека со Европската Унија договорил нова преговарачка рамка. Лажеше дека веќе идната година ќе станеме членка на Унијата“, рече Жерновски.Според него, Мицкоски намерно ја води државата во изолација.„Мицкоски не сака членство во Европската Унија и планира земјата и понатаму да ја држи во изолација. Неговата тактика гласи: грабеж одвнатре, изолација однадвор“, изјави Жерновски.Тој додаде дека ваквата политика, како што рече, значи задржување на криминалот и недостиг на одговорност.„Кога Мицкоски вели дека ќе чекаме со децении за влез во Европската Унија, тоа значи само едно – да продолжат криминалот и грабежот, а Македонија да остане во изолација“, рече Жерновски.Жерновски истакна дека, според СДСМ, националниот интерес на државата е членството во Европската Унија и НАТО, додавајќи дека идентитетот е веќе заштитен.„Ова е предавство на националните интереси“, порача Жерновски.

Македонија | пред 1 месец

(Видео) СДСМ преговара за „прелети“: Жерновски најави нов пратеник во групата на СДСМ, кој е тој?

Членот на Извршниот комитет на СДСМ, Андреј Жерновски, во поткастот „Претрес со Ландов“ најави дека партијата води разговори со пратеници за приклучување кон нивната пратеничка група во Собранието.Во разговорот со новинарот Кристијан Ландов, Жерновски посочи дека СДСМ е во процес на „окрупнување“, најавувајќи дека наскоро може да има нови пратеници во нивниот блок.„Колку што слушам, колку што читам, ние ќе се окрупниме денеска“, рече Жерновски, на што дополнително појасни дека станува збор за нови пратеници кои би се приклучиле.На прашањето колку пратеници се во прашање, тој одговори: „Засега еден мислам дека ќе биде, потоа два и така натаму“, посочувајќи дека процесот е во тек и дека се водат разговори и со поранешни коалициски партнери.Во дел од разговорот се отвори и темата за можни политички влијанија или мотиви зад ваквите трансфери, при што Жерновски ги отфрли наводите дека станува збор за „купување“ пратеници.На директно прашање дали евентуалните нови пратеници би можеле да дојдат од редовите на ЗНАМ, Жерновски не даде конкретен одговор, оставајќи простор за шпекулации.„Вие можете да сфатите како сакате, тоа е ваше право“, рече тој, без да ги потврди, но ниту да ги негира ваквите можности.Гледајте го поткастот тука:

Македонија | пред 1 месец

(Видео) „Во одредени моменти бев на нишан“ – Жерновски за првпат тврди дека пред да стане градоначалник бил таргет

Ексградоначалникот на Центар, Андреј Жерновски, откри дека во одредени моменти пред изборите каде беше избран за градоначалник на Центар, бил на нишан, за што, како што тврди, бил предупреден од луѓе од Министерството за внатрешни работи.Говорејќи во „Претрес со Ландов“, Жерновски посочи дека уште тогаш бил свесен дека ќе се соочи со сериозни притисоци и закани.„Мене ме повика една дама од амбасадата на САД на разговор... ми рече честитки за кандидатурата. Дали имате семејство? И кажав 'Да, жена и два сина'. Вика – 'спремни ли сте на се? Дали знаете дека можат да удрат на вас и на семејството?' И уште тогаш ми беше јасно што ќе се случува. Затоа не потклекнав, јасно ми беше што ќе се случува“, изјави Жерновски.Тој додаде дека по завршувањето на изборите добил конкретна информација дека бил цел.„И уште тоа, кога завршија изборите, добив дојава дека во дадени моменти на нишан сум бил“, рече Жерновски.На прашање кој му ја пренел таа информација, тој одговори:„Луѓе што се во МВР... тоа беше ужасно како притисок. Ова е прв пат, Ландов, ова е прв пат јас да зборувам за овие работи.“Жерновски посочи дека до денес не дознал кој стоел зад тие закани.„Допрва треба да дознаам... се откажав од тоа да испитувам, зашто ние бевме на власт, кој, како и зашто, кај ќе ме однесе тоа…“, изјави тој.Во разговорот, Жерновски зборуваше и за други притисоци, вклучително и малтретирање на неговото семејство. Одговара и зошто по речиси десетина години решил да зборува дека станал мета кога го бирале за градоначалник.

Студио | пред 1 месец

(🔴Во живо) „Претрес“ на Жерновски: Поскапувања, политиката, лицемерието, Филипче, СДСМ...

Во новото издание на „Претрес“ гостува Андреј Жерновски, член на Извршниот комитет на СДСМ и политичар кој има поминато низ речиси сите нивоа на власта – од локално до централно. Разговорот започнува од реалноста што ја чувствуваат граѓаните – континуираното поскапување на горивата, храната и основните производи, и одговорот на политиката на тие удари врз стандардот.Жерновски ќе одговара на прашањата за состојбата во СДСМ, позицијата и авторитетот на Венко Филипче, како и за внатрепартиските превирања и односите во опозицијата. Ќе се отвори и прашањето за политичката конзистентност – дали партиите зборуваат едно кога се на власт, а друго кога се во опозиција.Во емисијата ќе се анализира и надворешната политика, односите со регионалните лидери и позиционирањето на Македонија во актуелниот геополитички контекст. Ќе стане збор и за најавите за предвремени избори кои не се реализираа, како и за тоа дали станува збор за погрешни проценки или политички спин.Емисијата „Претрес“ со Андреј Жерновски, следете ја во живо:

Студио | пред 1 месец

Жерновски до Мицкоски: Зошто не го вративте името?

Директна порака до владејачката партија:Ветивте на народот враќање на името. Ветивте на народот дека ќе го поништите Преспанскиот договор. Нас нè обвинивте дека сме предавници. Но, еве веќе втора година сте на власт и никаков потег немате во тој правец, вели Андреј Жерновски – член на Извршниот одбор на СДСМ.„Зошто сега не го смените името? Зошто сега не го направите тој чекор? Излезете и покренете иницијатива во Собранието. Вие знаете тоа многу лесно да го направите, во еден ден – исто како што го сторивте со декретот за забрана на говор.Но кажете ѝ тогаш и на меѓународната заедница, на Европската Унија и на НАТО и кажете му на народот, додека летаат ракети кон Европа, дека Македонија нема да биде во НАТО, дека нема кој да нè брани и дека ќе бидеме сами.Кажете отворено дека повторно ќе бидеме БЈРМ, дека повторно ќе бидеме ФИРОМ. Ајде, de facto и de jure, меки ткива, мекотели.Нели за тоа ја баравте довербата од граѓаните. Нели тоа ви беше главното ветување пред гласачите.Продолжете до крај со изолацијата во која ја туркате земјата. Така многу полесно ќе можете да терате тендери, ќе си го заокружите целиот процес што сте го започнале.Така полесно ќе можете да го вратите Груевски, кога веќе работите во тој правец.Имате 58 пратеника, ги имате ЗНАМ, ги имате ВЛЕН, а богами, после лидерската средба ги имате и ДУИ ги имате, и Левица. Што ве спречува да го направите овој потег?Се имате. Закажете Собрание, слободно закажете седница. На народот кажете му да купи прачки, па со тоа да ги гаѓа авионите и ракетите кои, недај Боже, би дошле во правец на Европа.Тамам ќе добиете сигурно поддршка и од Русите и од Вучиќ, бидејќи и така и така работите во нивен интерес. Потоа, многу полесно ќе можете да криумчарите пет тони дрога – никој нема да ве спречи.Ајде, патриоти. Ајде, комити. Зошто не го направите овој потег“, вели Жерновски

Македонија | пред 2 месеци

Жерновски: Оваа власт не сака во ЕУ, таму нема 5 тони дрога и 161 тендер за семејна фирма

Ние имаме власт која не сака да бидеме во ЕУ, затоа што ако сте членка на Европската Унија, нема пет тона дрога да се криумчарат во вашата држава, нема 161 тендер за семејна фирма, нема премиер да даде свој советник да стане уставен судија и нема сопруга на гласач на ВМРО-ДПМНЕ да биде избрана за член на Судскиот совет. Тоа не постои во Европската Унија. Затоа ние никогаш нема да видиме конкретен чекор на патот кон ЕУ од оваа власт, рече Андреј Жерновски, член на ИО на СДСМ, во дебатната емисија „Анализа“, на 24 Телевизија.Жерновски се осврна и на најголемиот скандал со 5 тони дрога, кој го тресе регионот, а за кој владата и по месец дена сè уште молчи, нема конкретни одговори и прави дефокус на темата„Месец дена помина, ниту премиерот ниту никој од власта не дава одговор, која фирма го направи тоа, од каде се тие пет тони дрога, кој е превозник и дали може 5 тони дрога да поминат царина и полиција на граница без тоа да биде претходно договорено. Овие пет тони дрога за кои владата молчи на крај ќе дојдат до премиерот. ДМНЕ тврдат дека ќе дојдат до поранешен, ама јас велам ќе дојдат до актуелниот премиер“, рече Жерновски.

Македонија | пред 2 месеци

Жерновски ќе поднесе претставка до Судскиот совет: Како портпарол на Владата располага со информации за тековен судски процес

Членот на Извршниот одбор на СДСМ, Андреј Жерновски, поднесува претставка до Судскиот совет поради изнесните информации од страна на портпаролката на Владата на Мицкоски, Марија Митева. „Портпаролот на Владата, г-ѓа Митева, јавно соопшти „исход“ од судска постапка која сè уште е во тек.Признавањето како истата поседува информации дека „жалбата против претседателката е одбиена како неоснована“ е крајно сериозно и скандалозно, бидејќи второстепена одлука (од Виш управен суд) сѐ уште не е донесена.Понатаму, преку соопштение, во нов обид да манипулира со јавноста, повторно изнесе податоци поврзани со исходот од сѐ уште незавршената судска постапка, со што направи долнителен прекршок.Она што е уште поскандалозно е фактот дека конкретната судска постапка воопшто и не се води против Владата, туку против Претседателот на државата.Прашањето е едноставно:Како портпарол на Владата располага со информации за тековен судски процес во кој не се јавува како странка во постапка?Како истата располага со информации дека воопшто е донесена првостепена одлука, дека има жалба и дека истата е неоснована, во услови кога воопшто не е донесена второстепена одлука?Ова не се „гласини кои кружат во јавноста“. Тоа може да биде единствено информација добиена директно од самиот суд.Со ова само се потврдува влијанието и недозволивото мешање на извршната во судската власт, спротивно на уставните принципи на владеење на правото и поделба на власта.Поради сериозноста на ситуацијата, поднесувам претставка до Судскиот совет.Политичка и судска одговорност за овој скандал мора да има. И ќе има!“, посочи Жерновски.

Македонија | пред 2 месеци

Марија Митева со остра реакција кон Жерновски: „Тужбата е отфрлена, фактите се јасни“

Портпаролката на Владата, Марија Митева, со остра реакција се огласи во врска со изјавите на Андреј Жерновски и партијата СДСМ, оценувајќи дека станува збор за, како што наведе, „панична и хистерична реакција“.Митева посочи дека интегритетот на Жерновски во македонската политика, според неа, е компромитиран, алудирајќи на неговите политички трансфери низ годините. Таа обвини дека неговото позиционирање во партиските тела има единствена цел – создавање негативен наратив и фрлање, како што рече, „кал“ врз политичките противници.Во однос на наводниот „скандал“, Митева истакна дека станува збор за решение донесено пред речиси три месеци, со кое тужбата на Жерновски била отфрлена, а барањето за надомест на штета одбиено како неосновано. „Тоа е правната реалност. Сè друго е свесна манипулација со јавноста“, наведе таа.Портпаролката нагласи дека, за разлика од СДСМ, никогаш не манипулирала со граѓаните и дека нејзиниот јавен настап се темели на факти и личен интегритет. Според неа, актуелните реакции од опозицијата произлегуваат од страв од одговорност и одговори на, како што посочи, отворени прашања поврзани со криминал и корупција.Митева упати и прашање за случајот со 40 тони марихуана, барајќи одговори кој сè бил инволвиран и каде води постапката. Таа оцени дека јавноста заслужува факти и отчетност, наместо, како што наведе, политички театар.Воедно ги отфрли обвинувањата дека некој управува со судовите, тврдејќи дека таквите практики припаѓаат на минатото. „Ќе продолжиме да инсистираме на владеење на правото, институционална одговорност и целосна транспарентност. Граѓаните гледаат кој нуди факти“, порача Митева, додавајќи дека политиката мора да се води со интегритет, а не со конструкции и лаги.

Македонија | пред 3 месеци

(Видео) Портпаролката Митева ја предизвика јавноста да ја оцени дебатата со Жерновски

Портпаролката на Владата, Марија Митева, преку јавна објава повика граѓаните да посветат внимание на актуелните политички дебати. Во видеото кое таа го сподели вели дека ќе се воочи разликата помеѓу политичарите. Таа сподели дел од дебатата со Андреј Жерновски, член на Централниот одбор на СДСМ.„Знам дека многумина од Вас поради вакви дебати одбираат да не следат политика, но верувајте ми дека ова видео го заслужува Вашето внимание... Одвојте време, изгледајте го до крај, за да потврдиме уште еднаш дека со гооодини во Македонија многумина со празни флоскули без суштина и никакво познавање се дел од политичкиот пејсаж и врз основа на тоа се креира генерална перцепција за учество во политиката и градење доверба. Но, наша обврска е да покажеме разлика! *Имам една дилема: дали мојот соговорник му се обрати со "брат" на новинарот на самиот почеток?“, напиша Митева.

Настани | пред 3 месеци

Жерновски: Портпаролката Митева потврди дека Мицкоски управува со судовите

Денеска сакаме да отвориме една многу битна тема. Вчера се случи нешто што досега не е видено во Македонија, тоа е да претставник на владата и тоа портпарол со скандалозно признание фактички потврди она што СДСМ цело време го кажува тоа дека судската власт во нашата држава е директно под контрола на извршната власт, вели Андреј Жерновски – член на Извршниот одбор на СДСМ„Вчера имавме доказ пред граѓаните јавно на една дебата дека Мицковски го контролира судството.Портпаролката на владата има податоци за мојот процес против МНР, процес којшто сеуште не е завршен. Она имаше податоци за тоа каква е пресудата. Значи јас пресудата не ја дознав од адвокатите, не ја дознав од судот, туку ја дознав од владата на нашата држава којашто ги има податоците не само за предметот, туку каков е и текот на самиот процес.Ова се зборовите. „Само немојте како изгубената жалба против претседателката Силјановска“, односно „моите информации„, ја цитирам портпаролката, “говорат декави е изгубена жалбата“.Тоа значи дека владата на Мицковски има информации од судот за самиот процес. Ова всушност значи дека процесиците во судството, особено против владата, против органите, против министерствата, пресудите се донесени пред да биде воопшто разен самиот предмет. Ова е еден голем скандал ќе потенцирам.И ние нема да застанеме тука, ќе го отвараме до крај, затоа што очекуваме понатамошна истрага за тоа кој судија или кој од владата ги има овие информации. Даваме нон-стоп примери за тоа што се случува со судството.Ова вчера беше само една потврда за тоа што СДСМ го зборува цело време, но да повториме. Го сменија јавниот обвинител под притисок. Сопруга на градоначалник на ВМРО-ДПМНЕ е назначен за член на Судскиот совет. А вчера и завчера имавме можност да видиме дека и советникот на премиерот Мицкоски за правни работи станува сега и член на Уставниот суд.Треба ли уште докази за тоа што СДСМ го тврди цело време? Се разбира, Мицковски од собраниската служба им кажува што да прават, како да прават и на крај какви да бидат пресудите.Зошто служи сето ова? Зошто ја држиме денешната прес-конференција? За да укажеме дека овака се заплашуваат граѓаните, се заплашува опозицијата постојано и тоа со обвинителство, со тужби, со пресуди.Тоа за нас од опозицијата е секојдневие, а сега стана секојдневие и за оние што ги претставуваат синдикатите. Дозволете на крајот да ви кажам дека од името на СДСМ дека ова е модел кој со нас ни е многу добро познат. Ова е модел за заплашување и пресметка со опозицијата, но сега и пресметка со граѓаните.Не е само опозицијата во прашање. Безбедносни служби се користат и за следење на неистомисленици. Тоа ние од СДСМ најдобро го знаат.Пак ќе кажам сега го знаат и они од синдикатот. Служби за безбедност, обвинителство, судство. медиуми. Звучи познато, се разбира тоа се методите на секое владеење на ВМРО-ДПМНЕ. Исто како во времето на оној на којшто морам да му го споменам името и на којшто режим повторно почна да не потсетуваат овие денови. Тоа е режимот на Груевски.Затоа и авионот нонстоп оди до Будимпешта кај Груевски. Не е битно кој е пилотот. Битно е што контролорот на летање на владиниот авион е Никола Груевски. Така да од сега кога ќе слушнете Груевски како вели она на М веќе не мисли ниту на Мерцедес ниту на Мајбах. Денеска она на М е Мицкоски.За крај сакам да им порачам на граѓаните да не се заплашуваат од овие притисоци бидејќи ќе победиме. Режимите во едно се разликуваат и во едно се слични. Слични се во тоа што фактички тој режим исто завршува. Различен е стилот, различен начинот. Некои се поотворени, некои се позатворени, но исто завршуваат. Завршуваат победени од граѓаните“, додаде тој.

Македонија | пред 3 месеци

Митева до Жерновски: Не сте воопшто информиран за случувањата со владиниот авион, се е согласно правилникот, нема ниту една злоупотреба

Во емисијата „Само вистина“ на Канал 5 телевизија гостуваше Марија Митева, член на ИК на ВМРО-ДПМНЕ, која дебатираше на многу актуелни теми меѓу кои и за пласирањето невистинити и манипулации од страна на СДС за користењето на владиниот авион, потенцирајќи дека користењето било согласно правилникот за работа на Владата и дека нема злоупотреба на државниот воздухоплов. Притоа нагласувајќи дека Владата се залага за политики кои обезбедуваат стабилност, предвидливост и економски напредок.„СДС се служат со манипулации со невистинити во јавноста, со расфрлање на пердуви кои што не носат апсолутно ништо. Ако ја изгледал прес-конференцијата ќе знаел кои се причините, зошто и како е користен владиниот авион, дека истиот е согласно правилник за работа на Владата. Така да тоа се сите многу големи невистини кои постојано ги слушаме од СДС, можеме да ги видиме на дневните прес-конференции, но јавноста е доволно мудра за да заклучи зошто Владата носи определени политики, се залага за една политика која што значи предвидливост, стабилност за државата, економски напредок и ќе продолжиме во таа насока, а се надевам дека опозицијата вистински ќе се реформира. Апсолутно можам да кажам дека нема ниту една злоупотреба на користење на државниот воздухоплов“, рече Митева.Митева во емисијата упати остра критика до Андреј Жерновски за молкот од страна на опозицијата, во однос на случајот со запленетата марихуана, нагласувајќи дека токму одговорите за тоа кој е сопственикот и која е фирмата треба да се дадат од нивна страна.„Одговори многу даваме, но некако од вашата страна го слушаме молкот, до каде водат тие 5, не 7, туку 40 тони марихуана, кој е сопственикот, која е фирмата, чиј претседател на општински одбор бил и така натаму, одговорите некако треба да дојдат од другата страна затоа што кога ќе се отворат многу прашања кои што во минатото ја создале таа матна вода, а вие некако денес во таа матна вода пробувате да ловите, не успева таа тактика, мора да бидеме концизни и конкретни кога ги кажуваме работите, има факти, има институции, има податоци коишто со текот на времето се повеќе и повеќе излегуваат на површина“, вели Митева.

Македонија | пред 3 месеци

Жерновски: Советник на премиер за уставен судија е сигнал за потчинување на институциите

Членот на Централниот одбор на СДСМ, Андреј Жерновски, остро реагира на одлуката на премиерот Христијан Мицкоски да предложи свој советник за уставен судија, оценувајќи дека станува збор за политички сигнал, а не за административен потег.Според Жерновски, наместо јакнење на институционалните баланси, државата се соочува со обиди за нивно потчинување. Тој посочува дека Уставен суд на Република Северна Македонија има клучна улога во заштитата на уставноста и законитоста, како и во контролата на законите и одлуките на извршната и законодавната власт.„Кога премиер предлага човек од својот најтесен советнички круг за уставен судија, се отвора сериозен институционален проблем. Не станува збор за личниот квалитет на кандидатот, туку за принципот на поделба на власта“, наведува Жерновски, прашувајќи како ќе одлучува за уставноста на владините политики лице што до неодамна било дел од тимот што ги креирал.Дополнително, тој предупредува дека ваквите потези испраќаат загрижувачки сигнал кон европските партнери во момент кога внимателно се следи состојбата со владеењето на правото. Според него, наместо демонстрација на институционална зрелост и посветеност на реформите, се создава впечаток на ерозија на контролните механизми.„Кога контролорот ќе стане дел од контролираниот, демократијата престанува да биде систем – и станува фасада“, порачува Жерновски.

Коментари | пред 3 месеци

Жерновски: Мицкоски ја стави државата на црната листа на САД

Членот на Извршниот одбор на СДСМ, Андреј Жерновски, денеска на прес-конференција остро ги критикуваше политиките на Владата, оценувајќи дека одлуката на Соединетите Американски Држави за суспендирање на обработката на визи за македонските граѓани претставува сериозен политички сигнал и дипломатско предупредување.Жерновски изјави дека премиерот Христијан Мицкоски „го надминал Никола Груевски“ и, како што рече, „за жал ја ставил целата држава на црната листа на САД“. Според него, мерката не може да се третира како техничка пауза, туку како јасна порака дека Вашингтон внимателно ја следи состојбата во земјата и детектира сериозни проблеми.Тој нагласи дека митот за наводно „одлични и специјални односи“ со САД се распаднал, оценувајќи дека Македонија е ставена во ист контекст со земји од т.н. трет свет, што, според него, претставува тежок удар за меѓународниот углед на државата. Жерновски потенцираше дека земјата ја плаќа цената на погрешните политики кои водат кон затворање и изолација, што директно ја зголемува недовербата на граѓаните во институциите.Во своето обраќање, тој посочи дека недостигот од економска перспектива и реформска насока ги тера младите да ја напуштаат државата, бидејќи не гледаат иднина во сопствената земја. Според Жерновски, одлуката на САД е порака дека постои сериозна недоверба во капацитетот на институциите и дека се очекуваат реформи кои, како што рече, Владата не ги спроведува.Жерновски повтори дека СДСМ подолг период предупредува дека политиките на, како што ја нарече, тендерската коалиција ВМРО-ЗНАМ го загрозуваат стратешкото партнерство со САД и процесот на интеграција во Европската Унија. Тој како проблематични ги посочи и надворешнополитичките активности на најблискиот соработник на Мицкоски во Владата, Иван Стоилковиќ, поврзувајќи ги со групи блиски до рускиот претседател Владимир Путин.Дополнително, Жерновски предупреди дека во јавноста сè почесто се појавуваат поранешни дипломати и политички актери блиски до ВМРО-ДПМНЕ кои, како што рече, отворено ги напаѓаат Соединетите Американски Држави и го доведуваат во прашање стратешкото партнерство. Според него, паралелно се води и активна анти-ЕУ кампања, преку намерно продуцирање судири со Грција и Бугарија, со повторно отворање на затворени прашања, со цел да се оправда меѓународната изолација.На крајот, Жерновски оцени дека мерката на САД претставува јасен дипломатски аларм и индикатор за позицијата на Македонија на меѓународната мапа. Тој порача дека СДСМ ќе продолжи, како што рече, јасно и гласно да ја разоткрива „опасната агенда“ на власта и да се спротивставува на политиките кои го загрозуваат стратешкото партнерство со САД и европската иднина на државата.

Македонија | пред 4 месеци

Жерновски: Допрва ќе се видат врските меѓу Груевски и Мицкоски

Немам лошто мислење за ВМРО-ДПМНЕ, меѓутоа ако имате раководство како Груевски и Мицкоски, како да бидам мирен, погледнете го извештајот, се враќаме назад, истакна членот на ИО на СДСМ Андреј Жерновски, во емисијата „Само интервју“ на Канал 5 телевизија.-Видете ја изјавата на претседателката на државата дека не е време за реформи, бидејќи се случуваат војни, идентичниот став претходно кажан од Груевски, тоа не може да биде случајно, рече Жерновски.Тој додаде дека тоа е вадење на демиџ контрол од „извештајчето“, кое е катастрофално и потоа се случува уште понагласено влијание на Груевски, кое беше намалено.-Така да на конгресот на ВМРО-ДПМНЕ, Груевски нема да биде физички присутен, ама кадровски во ставови и психички ќе биде присутен, допрва ќе го гледаме тоа, додаде ЖерновскиТој посочи дека седум години откако дојде СДСМ на власт напредувавме чекор по чекор во слободата на медиумите и завршивме во 2024 година на 36 место, пред Словенија, која беше 42, а Албанија на 99 место. Само 6 месеци откако дојдоа на власт од 36 паднавме на 42 место.-Падот се должи на желбата на една власт да ги јавне медиумите. Допрва ќе гледаме сличности со Груевски, рече членот на ИО, Андреј Жерновски на Канал 5 Телевизија.

Македонија | пред 5 месеци

Жерновски се оженил на 8. септември: „Паметните мажи прават свадба на државен празник, за никогаш да не го заборават датумот“

На денот на независноста на Македонија, Андреј Жерновски, го кажал судбоносното ДА! Објави пост на ФБ со кој и ја честиташе годишнината на неговата сопруга Оле и напиша:„Паметните мажи прават свадба на државен празник, за никогаш да не го заборават датумот.Нека ни е вечна Македонија, нека е вечна љубовта, напиша тој“, напиша тој.

Скопје | пред 8 месеци

Жерновски прашува: Која земја не се замара со ЕУ? Одговорот ќе ве изненади

Поранешниот амбасадор на Македонија, Андреј Жерновски со иронија го привлече вниманието на фактот што Македонија нема амбасадор во Данска.„Која е земјата без амбасадор во Данска?Вчера, Данска официјално го презеде шестмесечното ротирачко претседателство со Советот на ЕУ, со две главни приоритети: безбедност и конкурентност. Задачата е доста тешка, како резултат на екстремната неизвесност и нестабилност со кои денес се соочува Европската Унија.Инаку, Данска повторно стана силен застапник на проширувањето, тврдејќи дека Украина само во рамките на ЕУ и НАТО може да биде безбедна и просперитетна. Да се потсетиме на историското наследство на Данска во однос на проширувањето: во 1993 година, данското претседателство со Советот на ЕУ заврши со самитот на кој се воспоставија Копенхашките критериуми, кои станаа библија за сите последователни рунди на проширување.Овојпат, Данска го поставува својот основен приоритет за проширување на ЕУ низ безбедносна перспектива. Мошне значајно е што го опишува проширувањето како „геополитичка неопходност“ и „единствениот начин ЕУ ефикасно да придонесе за стабилизирање на европскиот континент“. Но, нејзиното претседателство со Советот се соочува со предизвикот да го усогласи овој геополитички императив со пристапот на ЕУ кон проширувањето, базиран на заслуги и сопствената подготвеност на ЕУ за проширување.Сите земји кои се членки на ЕУ или се кандидати за влез во истата, имаат свој амбасадор во Копенхаген, освен една. Причината е едноставна- владата на таа земја има други приоритети и нема време да се занимава со небитни работи како што е, на пример, нејзиниот евроинтеграциски процес.Прашање:Која е таа земја?“ праша Жерновски

Македонија | пред 10 месеци

Жерновски: Македонија со ВМРО-ДПМНЕ стана тажна приказна во друштвото на Орбан

Од моето досегашно искуство на политичката сцена, ова е најлошото владеење што сум го видел, а верувам и општеството во Македонија, од времето на плурализмот – со најлоши перформанси. Сведоци сме на драматичен пад на квалитетот на владеење на сите нивоа – од централната власт, преку локалната, па сè до дипломатската мрежа, рече Андреј Жерновски, член на Извршниот одбор на СДСМ, на гостувањето во студиото 10 на 24 телевизија.Жерновски посочи дека и покрај тоа што ВМРО-ДПМНЕ ја има власта во своите раце со апсолутно мнозинство во Собранието, претседателска функција, влада и доминација на локално ниво, резултатите се – катастрофални.„Имаме целосен пад во економијата, социјалната политика, функционирањето на институциите, слободата на медиумите и надворешната политика. Тоа се реални критики, а не изолирани слабости“, нагласи Жерновски.Осврнувајќи се на состојбата со дипломатијата, Жерновски рече дека државата е во фаза на сериозна изолација.Имаме министер кој е најизолиран во историјата на плуралистичка Македонија – со 2-3 средби тука, на министри за надворешни работи. Верувале или не, за 365 дена имаме нула посети од министри од соседството – ниту еден сосед не дошол во посета. Нема никакви дипломатски иницијативи, визии, постулати. Немаме амбасадор во Данска – земја која за неколку дена го презема претседателството со Европската Унија. Немаме амбасадор ниту во НАТО. Ова не е интеграција, ова е изолација!“, рече Жерновски.Жерновски потсети дека во времето на СДСМ, земјата беше препознаена како позитивен пример и носител на стабилност во регионот.„Имавме активна дипломатија, добрососедски односи и јасна евроатлантска перспектива. Денеска, сме сведоци дека дури и еврокомесарката за проширување Марта Кос ја нарече Македонија ’тажна приказна’ на ЕУ. Тоа е сигнал до сите нас“, додаде тој.Жерновски истакна дека Македонија денес не е во друштвото на земјите кои напредуваат, туку дека сме дел од блок кој е отворено критикуван.„Меѓутоа, да бидам до крај отворен, ние сега сме во друштво на Орбан – во Унгарија. Антонио Милошевски, кој несомнено има искуство – какво и да е – во меѓународната политика, во домашните и меѓународни гледања на ситуацијата, отворено изјави дека нашите позиции кон ЕУ и НАТО се идентични како на Орбан. Од успешна приказна, Македонија под раководство на оваа влада стана земја без кредибилитет и визија. Од европска агенда, до коридори кои водат единствено до Будимпешта и Белград – тоа е реалната надворешна политика на ВМРО-ДПМНЕ“, рече Жерновски.

Македонија | пред 10 месеци

Жерновски од Службен весник дознал дека не е повеќе амбасадор: Трагикомично

Амбасадорот на Македонија во Романија, Андреј Жерновски, е отповикан од должноста. Тој за ова тврди дека дознал од објавата во Службен весник.„Уште не можат да ги преболат трите круга и поразот во Центар. Од објава во Службен Весник дознав дека сум отповикан од должноста амбасадор на нашата земја во Романија, без никаква претходно добиена информација, што е спротивно на основните процедури пропишани во Уставот и Законот. Трагикомично! По 192 дена откако ме вратија на “консултации” во државата, при што брутално е погазен Законот за Надворешни работи, оваа одлука ја дознав сосема неофицијално.Очигледно, партиското резонирање повторно е посилно од законите и дипломатијата“, објави Жерновски.Претходно, министерот за надворешни работи, Тимчо Муцунски, рече дека Жерновски бил поставен „на диво“ како амбасадор. На ова возврати Жерновски кој објави фотографија од предавањето на неговите акредитиви во романското Министерство за надворешни работи како доказ за неговата официјална амбасадорска функција.

Македонија | пред 1 година