Спикерот Гаши побара министрите да внимаваат како се однесуваат кон пратениците

Денеска, на брифинг со новинарите, претседателот на Собранието, Африм Гаши порача дека секој може да ги искажува политичките ставови без навреди.Пратениците се тие кои ги бираат министрите.„Собранието има надзорна функција врз Владата, пратеничките прашања се алатка за постигнување на тој ефект и мислам дека особено Владата треба да биде внимателна во Собранието како се однесува кон пратениците, а министрите на седницата за пратенички прашања знаат дека доаѓаат да одговараат на прашања, предупреди Гаши на брифинг со новинарите.Ова беше негов став по вчерашната кавга, кога министерката за финансии, Гордана Димитриеска Кочоска, од говорница ѝ рече на пратеничката на СДСМ Славјанка Петровска дека нема право да зборува за потрошувачката кошничка затоа што нема деца и семејство. Петровска реагираше дека министерката сакала да ја навреди и да ја омаловажи и дека го достигнала дното.Социјалните мрежи зовреа од осуди за кажаното од министерката за финансии.

Македонија | пред 1 година

Министерката Кочоска: Изразив жалење, немам намера да навредам, ова ќе помине

Гордана Димитриеска-Кочоска тврди дека немала намера никого да навреди од Собранието кога на пратеничката Славјанка Петровска и рече: „Врз основа на што вие ги ставате в уста мајките што имаат деца и како знаете вие едно повеќечлено семејство колку треба да троши? Јас сум мајка на два сина и многу добро знам колку треба да троши едно 4-члено семејство“. Таа смета дека темата се држи во јавност за дефокус, иако повеќе јавни личности, жени, побараа извинување бидејќи се нашле засегнати.„Веќе изразив жалење за целиот контекст, но и самите сте свесни дека народот има поважни теми од лажната тема која ја создаваат за дефокус. Немам намера никогаш да навредам никого. Ниедна туѓа навреда кон мене нема да ме вовлече да навредувам и да возвраќам со навреди. Ова се ќе помине, а за мене е најважно да останеме луѓе и да помагаме на луѓето, колку што можеме“, рече Димитриеска Кочоска.Таа смета дека СДСМ реагираат на ова за политички поени, по претходна координација.„За мене темата е затворена, се фокусирам на работата која треба да ја работам. Резултатите се јасни и видливи. Не исклучувам да продолжат со напади кон мене. Секој збор може да се искриви, ама секој резултат останува во историјата“, додаде министерката.Таа додаде дека со месеци била предмет на лажни соопштенија.

Македонија | пред 1 година

ЕУ му се заканува на Трамп поради царините: Ќе користиме „базука“, нашето најмоќно оружје

Европската унија соопшти дека е подготвена да го употреби своето најмоќно трговско оружје против Соединетите држави, откако претседателот Доналд Трамп се закани со огромни царини од 25 отсто и рече дека ЕУ е создадена за да ја „измами“ Америка.„Имаме инструмент против принуда (АЦИ) и ќе бидеме принудени да го користиме“, рече комесарот за земјоделство Кристоф Хансен во Париз по средбата со неговата француска колешка Ани Женевар на саемот „Салон де л'Агрикултура“.Механизмот што го споменува, т.н Трговската базука на ЕУ беше дизајнирана за време на првиот мандат на Трамп и првично беше наменета како пречка против Кина. Тој ѝ дозволува на Европската комисија да ја ограничи трговијата со услуги доколку оцени дека некоја земја користи царини за стоки за да ја принуди ЕУ да ја промени политиката. Тарифните закани на Трамп спаѓаат во таа категорија, сметаат европските претставници.Кога ACI беше изгласан во 2023 година, некои европски претставници го нарекоа „базука“. Неговата примена овозможува широк опсег на одмазднички мерки, вклучително и отстранување на заштитата на интелектуалната сопственост и ограничувањата за комерцијална експлоатација - што може да значи забрана за преземање софтвер и користење на услуги за стриминг.ЕУ, исто така, би можела да ги ограничи странските инвестиции или да го блокира пристапот до европскиот пазар за американските банкарски, осигурителни и финансиски компании. Сепак, и покрај своето искуство со воведување царини за стоки, ЕУ се двоуми да го прошири конфликтот во областа на услугите и интелектуалната сопственост.Забелешките на Хансен дојдоа еден ден откако Трамп се закани дека ќе воведе огромни царини од 25 отсто „на автомобили и сè друго“, предизвикувајќи бура од гнев во Европа. Политичарите јасно ставија до знаење дека е време за решителен одговор од Брисел.„Нема да дозволиме да бидеме исплашени, ниту со царини, ниту со закани за нашето законодавство“, рече Бернд Ланге, германски социјалдемократ кој претседава со Комитетот за меѓународна трговија на Европскиот парламент.„Европската унија не е создадена за да глуми никого“, му одговори полскиот премиер Доналд Туск во објавата на платформата „Икс“.Заканата на Хансен за употреба на инструментот против принуда (АЦИ) исто така беше значително посилна од претходната позиција на еврокомесарот за трговија Марош Шефчовиќ, кој за време на неговата неодамнешна посета на Вашингтон изјави дека примената на АЦИ е само хипотетичка можност. Трамп планира повторно да воведе царини за челик и алуминиум почнувајќи од 12 март, а уште пошироки мерки би можеле да стапат на сила веќе на почетокот на април. Во тој случај, ескалацијата би можела да биде брза.„Европската комисија мора брзо да реагира на трговската војна на Трамп“, изјави белгиската европратеничка Кетлин Ван Бремпт, потпретседател на Комитетот за трговија на Европскиот парламент. „Попуштањето на ваквото насилно однесување не е опција. Сега мораме да ги заштитиме европските компании и семејства од последиците на американските мерки“, додаде таа.Пред да се активира ACI, за што ќе биде потребна поддршка од 15 од 27-те земји-членки на ЕУ, првиот чекор на Унијата ќе биде повторно воведување казнени тарифи кои веќе беа воведени како одговор на првичните тарифи на Трамп - за мотоциклите Харли Дејвидсон, бурбонот Кентаки и сокот од портокал од Флорида. Овие мерки најверојатно ќе се прошират за да го одразат опсегот на новите тарифи на Трамп.Европските производители на автомобили имаат причина да бидат загрижени - не само затоа што европската царина од 10 проценти е четири пати повисока од американската, туку и поради тврдењата на Трамп дека даноците на додадена вредност од околу 20 проценти исто така претставуваат трговска бариера.Доколку Комисијата го исполни ветувањето за еднаква одмазда против САД, германскиот производител на луксузни автомобили БМВ може да биде првиот што ќе ги почувствува последиците. Нејзината фабрика во конзервативното упориште Спартанбург, Јужна Каролина, извезе речиси 225.000 возила минатата година.

Свет | пред 1 година

Мицкоски: На пат кон Турција ја добив оваа одлична вест

„На пат кон Турција и средбата со претседателот Ердоган денес, ја добив одличната вест која ја најавив и претходно, односно потврдата дека Македонија го достигна историски највисокото ниво на странски директни инвестиции“, вели премиерот Христијан Мицкоски и додава:„Во 2024 година, вкупните директни инвестиции во земјата изнесуваат 1 милијарда и 255 милиони евра, а растот во последниот 4ти квартал на минатата година од цели 400 милиони евра што за Македонија и регионот е најдобар економски резултат.На овој успех се радувам особено затоа што сите знаеме каков економски пустош и запоставеност во секоја област затекнавме. Ќе продолжиме макотрпно да работиме за секој еден граѓанин, и да ја развиваме економијата обезбедувајќи заедничка иднина. Само со работа, успеси и визија Македонија станува повторно ваша!

Македонија | пред 1 година

СДСМ: Кочоска да си даде оставка, министерка која понижува граѓанка не заслужува да води министерство

Пратеничката група на Социјалдемократскиот сојуз на Македонија и коалицијата, на денешената прес-конференција пред Министерството за финансии, побараа оставка од министреката за финасии после вчерашните дискриминаторски навреди упатени кон пратеничката на СДСМ, Славјанка Петровска.На прес-конференцијата, пратеничката Јована Треневска, нагласи дека министерка која понижува граѓанки не заслужува да води министерство.„Министерка која понижува граѓанка на оваа држава, која навредува пратеничка, која шири дискриминација, не заслужува да води министерство, не заслужува да седи во влада која тврди дека работи за сите граѓани. Затоа, денес сме тука, гласно и јасно да побараме – Гордана Кочоска мора да си поднесе оставка. Оставка ќе бараме секој ден додека не си оди од функцијата. Само така може да ги заштитиме граѓаните од идна дискриминација“, рече Тренчевска.При тоа посочи дека оваа осуда не смее да трае само еден ден, туку тоа ова мора да биде пресвртница во борбата за достоинство и еднаквост.„Вчера бевме сведоци на нешто срамно, нешто што не смее да помине како „обична политичка дебата“. Министерката за финансии, Гордана Кочоска, упати навреда која погодува длабоко – не само кон пратеничката Славјанка Петровска, туку кон секоја жена, секој човек кој некогаш бил дискриминиран, омаловажен или повреден. Кога министерка во оваа држава ќе се осуди да каже дека една жена не може да зборува за семејството само затоа што нема деца, тогаш тоа не е само навреда. Тоа е удар врз достоинството на сите нас. Тоа е ароганција, тоа е дискриминација, тоа е нечовечност“, нагласи пратеничката на СДСМ, Јована Тренчевска.

Македонија | пред 1 година

Две лица повредени, едно во потешка состојба - соораќајка на патот Струга-Дебар

На 27.02.2025 во 17.15 часот во Полициската станица Струга било пријавено дека на регионалниот пат Струга – Дебар, од крстосница за с.Пискупштина кон с.Луково, струшко, се случила сообраќајна несреќа помеѓу патничко возило „фолксваген голф“ со струшки регистарски ознаки, управувано од Џ.И.(51) од с.Делогожда, струшко и патничко возило „опел“ со скопски регистарски ознаки, управувано од Х.Н.(47) од Струга.Во несреќата со тешки телесни повреди се здобиле двајцата возачи и сопатничката Ф.И.(46) од с.Делогожда, струшко, од возилото „фолксваген голф“, а со телесни повреди се здобила уште една сопатничка од истото возило, И.Л.(73) од с.Делогожда, констатирани во Специјалната болница „Св.Еразмо“ во Охрид и Медицинскиот Центар во Струга.Извршен бил увид од јавен обвинител и увидна екипа од ОВР Струга.

Охрид | пред 1 година

Петрушевски: СДС да го осуди и исклучи од ЦО Филип Андов Сокол, од затворот Шутка направил хотел

„СДС да го осуди и исклучи од ЦО Филип Андов Сокол, од затворот Шутка направил хотел, тешки криминалци излегувале кога сакаат“ вели Бране Петрушевски, пратеник на ВМРО-ДПМНЕ и додава:Филип Андов Сокол кој е член на ЦО на СДС на Венко Филипче, поранешен советник на Заев и директор на Ковачевски е доказ дека во СДС ништо не е сменето, туку на функции се криминалци.Филип Андов Сокол како директор на затворот Шутка овозможил криминалци кои се во притвор за сериозни кривични дела да го напуштаат затворот и по 8 до 10 часа на ден.Криминалците кои Филип Андов Сокол ги пуштал во ниту еден случај не смееле да го напуштат притворскиот затвор.Овие криминалци биле изнесувани од затворот од страна на униформирани лица кои тајно ги транспортирале до местото до кое тие сакале, со службени возила и службени ресурси.Со Филип Андов Сокол државата буквално работела за криминалци.Доколку СДС не излезе јавно да се извини, да го разреши Сокол и да го осуди ќе покажат дека ништо не смениле, ниту имаат сила да сменат.

Македонија | пред 1 година

Прегазен пешак во Куманово

На 27.02.2025 околу 13.00 часот во СВР Куманово било пријавено дека на бул.„Трета македонска ударна бригада“ во Куманово, патничко возило „мерцедес“ со кумановски регистарски ознаки, управувано од Ќ.С.(22) од с.Опае, општина Липково, удрило во пешакот Т.Д.(91) од Куманово.Во несреќата со тешки телесни повреди се здобил пешакот, констатирани во Општа болница Куманово.Извршен бил увид од увидна екипа од СВР Куманово.

Македонија | пред 1 година

(Фото) Девојчиња исмејувани и наведувани на лажен „Инстаграм“ профил: „Криви заби“, „многу акни“

Девојчиња од Македонија се најдоа на мета на лажен „Инстаграм“ профил. Читатели кои го испратија до нашата редакција, велат дека истиот предизвикал вознемиреност кај родители. Првите објави се пред пет часа, а според нашиот читател, едно од девојчињата кои ги препознал на профилот е од Гостивар. Неофицијална и непотврдена информација која беше споделена со нас е дека едно од девојчињата е и ќерка на судија.Навредите се на лична основа, а најмногу од нив се однесуваат на нивниот изглед. Па така, меѓудругото на профилот (кој нема да го објавиме за да нема двојна виктимизација), на фотографиите од девојките стои: „многу акни, си бара прст во уста“, „криви заби, мора да е центар на внимание, се клешти на секоја слика“, „магарето од Шрек, можеш да пиеш кафе со нејзината неталентирана сестра“, „има што да се фати, дури премногу, татко и е месар па секој ден многу јаде од месото“.На профилот засега има пет фотографии од девојчиња, го следат шест лица, а следи 64 лица. „Скопје1“ ќе упати прашања до МВР дали до нив стигнала пријава од евентуалните жртви на овие навредувачки коментари.

Македонија | пред 1 година

Арсовска пак смени директор, четврта среќа: Хусини ќе раководи со „Дрисла“, наместо Јосевски

Градоначалничката на Скопје, Данела Арсовска повторно смени директор на јавно претпријатие, на осум месеци пред изборите. „Дрисла“ сега ќе го управува Самир Хуесини, дознава „Скопје1“ од свои извори. Лицето е непознато за јавноста, а Град Скопје втора недела молчи кој е човекот и која е неговата биографија.Хусеини е четврта среќа на Арсовска во ова претпријатие. Пред тоа, го раководеа Јане Мицевски кој по кавгата ВМРО-ДПМНЕ - Арсовска, беше разрешен. На негово место дојде Александар Кузинаков кој издржа и најдолго на позицијата, речиси две години. Директорувањето го презема Ненад Јосевски во август 2024, а неговата функција заврши со истекот на шестиот месец, по што е сменет.„Скопје1“ побара одговори од Град Скопје, зошто го разрешила Јосевски, кој е новиот кадровник Хусини, но и какво работно искуство има. Прашавме и која е поентата на честото менување на директори и колку ова штети на претпријатијата. Не добивме одговор.Крајот на јануари, Данела Арсовска направи петта смена на директор во Комуналнa. Новиот го поддржува УЧК, им ги чкрта лицата на Стево и Гордана, бојкотира „Кам“ и „Стокомак“, а го поддржува ДУИ.Во август минатата година, Арсовска назначи кадар на ДУИ и во „Паркови и зеленило“, каде за директор беше поставен Јетон Бучи, кој сака да се фотографира со сега избеганиот Артан Груби.Вчера, заменик-градоначалникот Александар Трајановски се повлече од функцијата, а од Град Скопје излегоа со информација дека тој бил разрешен уште пред три месеци. Вакви случаи имаше и во минатото. 

Скопје | пред 1 година

САД тврдат дека Украинците се обиделе да го убијат исповедникот на Путин во Москва

Руската Федерална служба за безбедност (ФСБ) денеска соопшти дека спречила обид на украинското воено разузнавање да го убие Тихон Шевкунов, кримскиот митрополит на Руската православна црква, во Москва. На ова тврдење нема веднаш реакција од Киев, објави Ројтерс.Шевкунов, кој со години во руските медиуми беше опишуван како „исповедник на Путин“ - тврдење што ниту го потврди ниту го демантираше - јавно се појавува со рускиот претседател Владимир Путин од крајот на 1990-тите, а Кремљ претходно изјави дека Шевкунов и Путин добро се познаваат.Во 2023 година, тој беше назначен за митрополит на Крим, станувајќи еден од највисоките функционери на Руската православна црква на полуостровот што Русија го анектираше од Украина во 2014 година.ФСБ во соопштението наведе дека уапсиле Русин и Украинец во врска со заговорот и дека е запленета импровизирана експлозивна направа. Дополнително наведуваат дека и двајцата осомничени го признале заговорот за атентатот.Тие додадоа дека двајцата мажи, за кои тврдат дека биле регрутирани од Украина преку апликацијата Телеграм, го планирале обидот за атентат од средината на 2024 година и имале намера да го убијат Шевкунов во Москва.Украина ја презеде одговорноста за серијата атентати во Русија од почетокот на војната во 2022 година, вклучувајќи го и оној на прорускиот украински блогер Владлен Татарски во април 2023 година и шефот на руските единици за нуклеарна, биолошка и хемиска заштита, Игор Кирилов, во декември 2024 година.

Свет | пред 1 година

Приведени три лица во тетовско за организирање борба со кучиња

На 27.02.2025 во 16.00 часот во с.Долно Палчиште, тетовско, полициски службеници од СВР Тетово ги лишиле од слобода А.М.(18) од с.Горно Палчиште, С.У.(50) од с.Долно Палчиште и Ј.И.(43) од прилепското село Дебреште, постапувајќи по претходна пријава дека организирале борба со кучиња.За настанот биле известени јавен обвинител и Агенција за храна и ветеринарство, кои излегле на местото и кои ги преземале кучињата за понатамошна постапка. Лицата биле задржани во полициска станица и по документирање на случајот, против нив ќе биде поднесена соодветна пријава.

Македонија | пред 1 година

Зеленски стигна во САД, на Трамп не му се верува дека го нарекол „диктатор“

Украинскиот претседател Володимир Зеленски пристигна во Вашингтон, каде подоцна во текот на денот треба да се сретне со американскиот претседател Доналд Трамп и да потпише клучниот договор за минерали, додека Киев работи на враќање на американската поддршка во борбата против руската инвазија, а Вашингтон ја менува политиката на казнување на Москва.Договорот за минерали за кој се преговара во последните денови ќе го отвори огромното минерално богатство на Украина за САД.Украина се надева дека договорот ќе го охрабри Трамп да ги поддржи напорите на Киев да ја врати територијата заземена од Русија. Договорот би можел да добие и поддршка од републиканците во Конгресот за нова рунда помош за земјата разурната од војна.Трамп се судри со Зеленски од далечина во последниве недели, критикувајќи го неговото справување со војната, нарекувајќи го „диктатор“ и повикувајќи го да се согласи со договор за минерали.Но, за време на заедничката прес-конференција со британскиот премиер Кир Стармер во четвртокот, Трамп рече: „Дали го кажав тоа? Не можам да верувам дека го кажав тоа“.Трамп, исто така, истакна дека со нетрпение ја очекува средбата со Зеленски и ја пофали украинската војска за нивната храброст.„Работиме многу напорно за да ја доведеме таа војна до крај. Мислам дека постигнавме голем напредок и мислам дека се одвива прилично брзо“, рече Трамп. „Или ќе биде релативно брзо или воопшто нема да го има“, додаде тој, без да даде детали.Британскиот премиер рече дека тој и Трамп разговарале за планот за мир кој бил „силен и праведен, кој помогна да се обликува од Украина, која е движечка сила во спречувањето на Путин да се врати за повеќе“.Стармер рече дека Британија е подготвена да обезбеди воен персонал на теренот како мировници „бидејќи само така мирот ќе трае“. Трамп ја избегна молбата на Стармер за учество на САД.Според договорот што Трамп и Зеленски се очекува да го потпишат во петок, Украина ќе придонесе 50 отсто од „сите приходи генерирани од идната монетизација на сите релевантни природни ресурси во сопственост на украинската влада“ во фонд за реконструкција во заедничка сопственост и управувана од Соединетите држави и Украина.Договорот не прецизира за какви средства станува збор, но се вели дека тие ќе вклучуваат наоѓалишта на минерали, нафта, природен гас и други материјали што може да се извлечат, како и друга инфраструктура, како што се терминали и пристаништа ЛНГ.

Свет | пред 1 година

Јанкулоска не се откажува од целта да се казни прислушувањето: 750 дена без прекин биле снимани сите разговори

Ексминистерката за внатрешни работи, Гордана Јанкулоска, продолжи да го бара одговорот на прашањето – кој прислушуваше во Македонија, откако, Кривичен суд ја запре постапката оти на обвинетиот Сашо Мијалков и останатите им застареа делата. И овде, државата се жали дека Јанкулоска не може да тужи, бидјеќи и застарело тужбеното барање. Но одлуката дали е така, ќе ја донесе Граѓанскиот суд. На последното рочиште, исказ даде Јанкулоска, која раскажа како дознала дека е еден од најмногу прислушуваните функционери, за настанувањето на приказната „Жолти комбиња снимале“, но и за ефектите од прислушувањето.„Правите сознанија за незаконско прислушување во Македонија, во неофицијална форма ја добив декември 2014, јануари 2015 година на начин што тогашниот премиер Груевски ме повика во канцеларија во Владата и ме информираше дека до него пристигнале сознанија од тогашниот лидер на СДСМ, Зоран Заев, на која средба му посочил дека поседува аудио материјали од разговори на високи државни функционери. Во таа прилика било споменато и моето име и ми прераскажа муабет, усно, кој му бил прераскажан нему. Евидентно беше дека е разговор од моја комуникација – поради соговорникот, контекстот на муабетот, но не можеше да се добие впечаток во колкав обем е прислушувањето, немаше конкретен материјал“, рече Јанкулоска.Имало и други разговори на истата тема, со слична содржина. Јанкулоска кажа дека Заев сакал договор со Груевски за да преговара за нивно необјавување. Потоа, било информирано Јавното обвинителство од страна на Груевски. Тука настанува теоријата за „жолти комбиња“.„Според теоријата, се водеше постапка за шпионажа, дека тоа се одвивало од трета страна, дека станува збор за странски служби и дека не станува збор за долги години прислушување“, рече Јанкулоска.Од презентацијата на разговорите која ја правеше Заев пред медиумите, Јанкулоска добила впечаток, а смета дека тоа е впечаток и на јавноста – дека таа е најдолго прислушувана. Потсети на „пржинските преговори“, но и формирањето на СЈО. Ова, сега згаснато Обвинителство, го преземало предметот. Според неа, СЈО не сакало да и даде информација дали нејзините броеви биле директно прислушувани.„Јас барав од СЈО дали моите броеви кои ги користев тогаш, биле таргет, на директно прислушување. Од СЈО не добив одговор, доставив претставка до Народниот правобранител за да добијам одговор кој директно не го добив. СЈО до Народниот правобранител одговори дека ако СЈО добие податок ќе извести, помина период и не ме известија. По ова СЈО го покрена предметот „Таргет-тврдина“, рече Јанкулоска.Предметот за прислушувањето вината ја насочуваше кон УБК и Сашо Мијалков. Но не доби разрешница – застреа делата. Во делот на уништувањето Јанкулоска беше обвинета, па ослободена од вина. Додека траеле рочиштата настојувала на одговор колку долго била прислушувана.„Преку судот по писмен пат се обратив до обвинителот со оглед дека постои информација врз основа на која јас сум прислушувана. Обвинителот даде статус на оштетени на стотици лица, јас не добив. По оваа постапка а врз основа на изведените докази, а особено на исказите на тие што имале пристап до материјалите, а ме споменуваат како лице кое најдолго и најмногу било следено, јас пак се обратив до СЈО и побарав известување на бројот на комуникации и перидоот“, рече Јанкулоска.Одговор од СЈО никогаш не добила. Кога Обвинителството згаснува, првпат, одговор на ова прашање добива до Обвинителството за гонење организиран криминал и корупција.„Добив одговор, кога се следени броевите, колку денови, колку СМС пораки, колку аудио материјали. Зборуваме за над 750 дена во континуитет, 24/7, а во обем станува збор за 150.000 уникатни СМС пораки, 15.000 аудио разговори, некои траат и со часови“, објасни Јанкулоска, посочувајќи дека ова не се сите материјали.„Анализирајќи ги исказите на сведоците, особено на Ѓорѓи Лазаревски, се доаѓа до заклучок дека ова не е цел материјал, затоа што тој наведе, парафразирам: кога дознале дека има незаконско прислушување, селектиравме тоа што беше интересно“, додаде таа.Раскажа дека ефектите од ваквото прислушување кај нејзе се долгорочни.„Многу луѓе се воздржуваа, а и се воздружуваат од комуникација, се стесни кругот на луѓе, ми се промени животот. Материјалите не само што не беа повлечени од јавноста, тие се достапни и неконтролирано се шират. Се јавува автоцензура“, рече таа.Иако не постои правна пречка, според неа, јавна функција не може веќе да извршува.„Ако се земе во предвид дека кога се прислушувало јас ја извршував функцијата министер, не треба да се биде креативен за да се знае за какви разговори станува збор. Во нив има приватни разговори колку сакаш, тогаш имав политички ангажман, само по себе постоењето на овој обем на материјали, претставува ограничување за вршење на јавна функција или функција со јавно овластување“, рече Јанкулоска.Посочи дека ова особено поради тоа што разговорите биле вадени од контекст. Како пример ги посочи разговорите за убиството на Мартин Нешковски кој беше преставен како таа да прикрива убиство, а всушност конотацијата на муабетот е форсирање случајот да се заврши; потоа разговорите за убиството кај Смилковското Езеро за кои се правеа теории на заговор, но беше изречена истата пресуда;„Снимките беа вадени од контекст за политички цели“, рече Јанкулоска.Посочи дека во многу наврати добивала закани и посочи дека еден од тие е од терористите во Диво Насеље.„Доврлања, навреди, префрлања, негативни вредносни судови. Понижувачко однесување, ужасно! Добивав закани по пораки кога се презентираа снимките, бев на листата на непријатели објавена од терористите од Диво Насеље. Имаше слики со надгробни плочи. Дел од заканите се пријавени, а не само што немаше реакции, туку пријавувањето беше со јавен потсмев“, додаде Јанкулоска.Таа посочи дека разговорите ги чувствува и како закана за нејзиното семејство. На крајот на судијата му посочи дека ако државата не ја гарантира приватноста на поединецот и се грубо се прекршат човековите права, Граѓанскиот суд ќе треба да испрати порака дека не смее ова да се случи повторно.Предметот го суди судијката Кети Германова.

Македонија | пред 1 година

Дали договорот меѓу САД и Украина ќе вклучува американски безбедносни гаранции?

Володимир Зеленски бара секој договор да вклучува силни безбедносни гаранции од САД, но завчера рече дека такви гаранции се уште не му се понудени.На прашањето на Би-Би-Си дали ќе се откаже од договорот доколку Доналд Трамп не му ги понуди гаранциите што ги сака, Зеленски одговори: „Ако не добиеме безбедносни гаранции, нема да имаме прекин на огнот, ништо нема да работи, ништо“.Трамп постојано нагласуваше дека САД нема да дадат безбедносни гаранции, тврдејќи дека тоа е одговорност на Европа. Но, тој додаде дека присуството на американски работници на украинска територија би значело „автоматско обезбедување“.На вчерашната прес-конференција со британскиот премиер Кир Стармер, Трамп рече дека е „отворен за многу работи“, но дека прво сака да постигне договор меѓу Русија и Украина пред да одлучи за безбедносните мерки што ќе му гарантираат.

Свет | пред 1 година

Зеленски е во Белата Куќа: Што носи договорот, а што не?

Сè уште не се познати сите клучни детали од договорот што Доналд Трамп и Володимир Зеленски ќе го потпишат денеска.Украинскиот премиер Денис Шмихал вчера изјави дека прелиминарниот договор предвидува формирање „инвестициски фонд“ за обнова на Украина. Фондот заеднички би бил управуван од Киев и Вашингтон „на еднакви услови“, при што Украина во него ќе инвестира 50 отсто од идните приходи од минералните ресурси на државата, нафтата и гасот, а средствата потоа ќе се користат за проекти во земјата.Зеленски го потврди постоењето на фондот, но за Би-Би-Си изјави дека е „прерано да се зборува за пари“. „Њујорк тајмс“ наведува, повикувајќи се на нацрт-договор, дека САД ќе поседуваат најголем можен удел во фондот според американскиот закон, но не мора и целиот фонд.Според извештаите, Вашингтон првично барал украински минерални ресурси во вредност од 500 милијарди долари, што Киев го одбил, а барањето подоцна било повлечено. Зеленски се залага договорот да вклучи силна американска безбедносна гаранција, но Трамп вчера посочи дека самиот договор може да послужи како форма на заштита за Украина.

Свет | пред 1 година

Мицкоски: Светот се менува и ние мора да го фатиме чекорот

Претседателот на Владата Христијан Мицкоски на седницата на Собранието посветена на пратенички прашања ги коментираше своите посети на Вашингтон и Минхенската конференција. Тој истакна дека во периодот се остварени низа контакти и тие контакти ќе се продлабочуваат, а Македонија мора да го фати чекорот со промените кои се случуваат во светот. Тој посебно се осврна на Минхенската безбедносна конференција и говорот на американскиот потпретседател Венс, за кој оцени дека е историски.„Според мене, говорот на потпретседателот Џеј Ди Венс беше инспиративен историски говор. Сакале ние да признаеме или не, тој говор, а и настаните кои следат, ќе го сменат светот. Дали на некој тоа му се допаѓа или не му се допаѓа, дали тие промени ќе бидат по теркот на очекувањата на поединци или не, не знам, но останува фактот дека светот менува. Новата американска администрација е предводник на тие промени. Наеднаш немаме офанзивна реторика во светот, без разлика дали станува збор за Украина, Израел, Газа, Блискиот Исток, други конфликти, гледаме дека реториката која сите сега ја прифаќаат и која е предвесник на тие промени, е мир. Така не беше до пред неколку месеци“, рече Мицкоски и посочи дека предолго време светот е заложник на двојни стандарди и на правилото големите прават што можат, а малите што мораат бидејќи долго време поединци беа безгласни и молчеливи, чекајќи милост.Мицкоски истакна дека потпретседателот Венс на Минхенската конференција на многу едноставен начин кажа дека не можеме да зборуваме за заеднички споделени вредности кога има двојни стандарди.„Нас ни е потребно еднаш за секогаш да се соочиме за вистината и со реалноста, да најдеме решение и да одиме напред. Тоа беше главната порака која ја кажа и според мене, оваа година Минхенската конференција беше токму таква. Понатаму да зборуваме отворено, следниот ден присуствував на обраќањето на претседателот на Украина, Володимир Зеленски, кој многу точно и прецизно рече, “да формираме заеднички безбедносни воени сили кои што ќе ја штитат границата на источното крило на Европа“. Не слушнав некој од публиката да рече ние даваме 10 илјадни војници. Никој не рече, ниту пак тие што претходниот ден негодуваа на реториката на потпретседателот Венс. Ниту пак кога зборувавме за обединување на Европа, не слушнав некој да рече во ред Европа ги отвора вратите. Не мора ние Македонија, еве ние имаме билатерални проблеми, еве на Украина да ѝ речеа повелете дојдете ве примаме сега во моментот“, рече Мицкоски и дополни: „светот се менува и ние мора да го фатиме чекорот со тоа како малку броен народ“.

Македонија | пред 1 година

Митева: Нема интенција за навреда во одговорот на министерката Димитриеска-Кочоска

На вечерашната емисија „24 анализа“ на телевизија 24, гостуваше портпаролката на Влада и член на ИК на ВМРО-ДПМНЕ, Марија Митева. Таа ги изнесе своите ставови во однос на денешната седница за пратенички прашања во Собранието и нагласи дека одредени политички сили имаат за цел да го одвлечат вниманието на јавноста од клучните прашања преку создавање илузија за лична навреда во ситуација која, според неа, не содржи таква намера. Митева направи разлика помеѓу искрената политичка дебата и обидите за манипулација, нагласувајќи дека, како жена, ќе се залага за заштита на правата на жените. Таа ја опиша ситуацијата како одговор на провокативно поставеното прашање, а не како напад, изразувајќи сомнеж дека оваа конфузија е искористена со цел да се дефокусира јавноста од важни политички прашања.„Мислам дека треба малку пошироко да ги погледнеме работите. Јас во принцип ги следам пратеничките прашања, односно седницата за пратенички прашања од Собранието и сум присутна на тие седници, се разбира во делот кој што е определен, не внатре во седницата. Меѓутоа, сум таму и ги следам сите состојби од почеток до крај. Можам да кажам дека интенцијата на прашањето и одговорот беше со бурни прашања и бурен одговор, но не можам да се согласам дека, или барем јас не ја видов интенцијата за навреда во одговорот кој што го даде министерката за финансии. Зошто? Од причина што немаше начин на кој истото се однесуваше на она што подоцна СДСМ го искористи и спинуваше, за што многу добро знаеме и се потврди дека навистина се можеби, да кажам, мајстори за креирање на лажни вести“, вели Митева.Митева нагласи дека вчера беше направен обид за ширење неточни информации од страна на СДСМ, кои брзо беа исправени поради свеста дека не е можно да се создаваат соопштенија врз основа на поенти собрани преку социјални мрежи.„Знаете дека и вчера имаа еден обид да пуштат една таква лажна вест, за што веднаш потоа се корегираа затоа што сфатија дека преку поенти кои што ги собираат од социјалната мрежа Икс не може да се создаваат соопштенија“, истакна Митева.Митева увери дека кабинетот на министерката Димитриеска-Кочоска функционира професионално и дека денешниот одговор не бил насочен кон лична навреда или штета кон пратеничката Славјанка Петровска.„Сакам да потенцирам дека во рамки на функционирањето на министерката, во нејзиниот кабинет работат 25 луѓе, од кои 21 се жени, а 4 мажи. Никогаш досега не сум имала впечаток дека функционира на лична навреда, особено не кон жена, и ниту сметам и ценам дека денешниот одговор беше во насока на навреда и штета и лична навреда кон пратеничката Славјанка“, изјави Митева.Митева истакна дека реакцијата на навредата од страна на СДСМ не била непосредна, туку дојде со задоцнување од час и половина, што, според неа, укажува на тоа дека по кратката координација помеѓу пратениците на СДСМ, била формулирана и јавна реакција на изјавата на министерката Димитриеска-Кочоска.„Што беше многу интересно за мене? Кога ќе слушнете навреда кон вас, барем природно на секој еден од нас ни доаѓа да реагираме во истиот момент или можеби веднаш потоа. Реакција стигната после час и половина од одговорот кој што го имаше министерката за финансии, односно по паузата за ручек на кој што имаме информации дека доле следеле кратка координација помеѓу пратениците на СДСМ. И веднаш потоа се извади веста дека начинот на кој што тоа е кажано, тоа би значело“, кажа Митева.Митева истакна дека е свесна за реалноста на пазарот, како жена која веќе долги години се бори против политичките навреди, никогаш не би дозволила да се изрекува таква навреда. Таа ја оправда изјавата на Димитриеска-Кочоска како одговор на прашањето поставено од пратеничката Петровска, потенцирајќи дека ако се сака да се гледа како навреда, тогаш изјавата на Петровска може да се смета за првата таква навреда, бидејќи нејзиното значење за жените е исто така неважно.„Јас немам исто така деца, јадам грашок и точно и јас знам како се движат цените во маркетите. Верувајте ми дека никогаш не би си дозволила да како една жена која што секогаш во политиката ги критикувала навредите кои што се случувале а сме ги имале многу, да не искритикувам доколку станува збор за лична навреда со интенција. Во овој случај, одговорно тврдам дека, бидејќи бев таму, немаше интенција на навреда, туку имаше интенција на одговор на тоа зошто вие велите дека мене лично како жена не ми е важно колку време ќе поминам на шпоретот додека го правам грашокот, затоа што тоа беше дел од прашањето на пратеничката Славјанка Петровска. Можеби вас тоа не ви е важно, што ако сакаме да го гледаме како навреда, можеме да кажеме тука започна првата навреда, дека мене не ми е важно јас колку време поминувам за децата“, додаде Митева.Митева изрази сомневање дека постои тенденција за манипулирање со јавноста, со цел да се одвлече вниманието од клучните политички прашања, при што се создава илузија за жртва на навреда, иако во конкретниот случај не можела да препознае никаква интенција за такво нешто. Таа нагласи дека како жена, секогаш ќе се залага за заштита на правата на жените од навреди, но во оваа ситуација, според неа, не станувало збор за навреда.„Имам чувство дека се цели кон дефокус на јавноста од клучни прашања и постојано претставување како жртва на навреда во нешто во што немаше интенција. Доколку било кој навреди некого, особено жена како жена, секогаш ќе застанам во одбрана. Во овој случај јас не ја видов интенцијата за навреда, туку ја видов интенцијата на одговор на така поставено бурно прашање“, заклучи Митева.

Македонија | пред 1 година

Гордана Димитриеска-Кочоска: Немав намера да ја навредам лично Петревска, жалам што јавноста е манипулирана во тој контекст, а моите зборови погрешно разбрани

„Ја разбирам хистеријата која СДС и нивните ботови ја шират околу мојот политички дуел во сообранието со Славјанка Петровска. Замислете да не беа овие квалификации, редица навреди и лажни обвинувања што ги упатуваат кон мене која сум исто жена, што друго ќе се паметеше од денешната седница.Има луѓе на оваа политичка сцена кои ќе се паметат по безмилосните удари и самопроведувања од пајак возила, како и луѓе кои освен тоа што биле маши и папет кукли на вождот од Струмица се познати по запалени модуларни болници, во ист ден кога нивниот уличен пајташ Сокол се најде зад решетките од кои како директор заработувал пари.... но има и луѓе чии настапи ќе се паметат по глумење жртви, секогаш кога нема да можат да се носат со аргументите.Ноторен факт е дека Петровска изгради кариера од глумење жртва. Редицата причини за сожалување е долга. Секој нејзин настап е запаметен по тоа што по секој дуел се претставуваше како жртва за нешто. Но од друга страна денешната изведба на преставата жртва беше од истата говорница од која безочно напаѓаше и говореше за таткото на еден министер колега, или пак за синот на премиерот, иако и двајцата не се поврзани во никаков политички контекст. Таа госпоѓа немаше ниту мака иронично да се однесува, навредува, дофрла од место, а во моментот кога ќе се одговори нешто, тогаш таа прераснува во жртва.Што се однесува до моите зборови кон Славјанка Петровска која лично како жена сум ја бранела кога многу други ја напаѓале, беа извадени од контекст и се толкувани како лична навреда.Никогаш немав и ќе немам намера да ја навредам лично, ниту, пак, да ја сведам дебатата на личен контекст. Јас сум личност од која никогаш нема да слушнете лични навреди, и жалам што дел од јавноста е манипулирана во тој контекст, и жалам што погрешно беа разбрани моите зборови.Она што сакав да потенцирам беше дека почитта треба да се заслужи со дела и одговорност. Госпоѓата Петровска, освен што стана позната по низа политички гафови и неумесни постапки, беше и доследен поддржувач на политиките на СДСМ и ДУИ – политики кои ја доведоа државата до оваа состојба.Да потсетам, во времето кога госпоѓата Петровска беше министер, инфлацијата растеше, а не видовме ниту еден конкретен предлог од нејзина страна за подобрување на економската ситуација. Тогаш, кога беше на функција, тоа не ѝ пречеше, но денес зборуваме за состојба што е директна последица на тие политики. Државата беше доведена до работ на банкрот, стотици илјади граѓани се иселија во потрага по подобар живот, а над 600 илјади луѓе живееја во сиромаштија.Сето ова не сакаат да се слушне гласно, затоа Славјанка глуми жртва“, стои во фејсбук објавата на министерката Димитриеска-Кочоска.

Македонија | пред 1 година

Десет осомничени од затворот Шутка, меѓу кои ексдиректорот: пуштале затвореници на слобода иако не смееле, тврди Обвинителството

Јавен обвинител од Специјализираното одделение за гонење на кривични дела сторени од лица со полициски овластувања и припадници на затворска полиција постапувајќи по кривичната пријава поднесена од Одделот за внатрешна контрола, криминалистички истраги и професионални стандарди при МВР до судијата на претходна постапка при Основен кривичен суд Скопје достави предлог за определување на мерки на претпазливост спрема десет лица вработени во КПУ Затвор Скопје. Постои основано сомнение дека осомничените како соизвршители сториле кривично дело „Противзаконито ослободување на лице лишено од слобода“ и кривично дело „Злоупотреба на службена положба и овластување“, додека прво и десетоосомничениот сториле и кривично дело и „овозможување бегство на лице лишено од слобода“.„Првосомничениот злоупотребувајќи ја својата службена должност на директор на установата, во период од март до јули 2024, со намера да им овозможи корист односно противзаконска поволност на петмина осуденици и привремено да ги ослободи, дозволил и наредил осудените кои биле од висок безбедносен ризик во повеќе наврати да добијат и да се стекнат со поволности што согласно судските одлуки не им следувале. Постапувајќи спротивно на одредбите на законските и подзаконски акти за спровод на осудени лица, биле издавани наредби со кои се дозволило осудените лица да бидат спроведени до нивните домови и до други локации за приватни потреби, иако во Постапката за спроведување вон установа јасно е наведено дека спроведувањето на лица лишени од слобода од казнено поправната установа се спроведува единствено до суд, здравствена установа или друг орган.Ваквото противзаконско спроведување се вршело така што осудените лица доставувале молба до првоосомничениот кој со факсимил или потпис ги одобрувал молбите на осудените повремено да го напуштат затворот. Врз основа на потписот третопријавениот – командир на затворска полиција, кој бил задолжен за спровод, иако знаел дека таквиот вид на спровод е спротивен на закон и процедурите за спровод, изготвувал наредба за спровод на осудените лица која наредба била одобрена од првоосомничениот, а во неколку наврати тоа го сторил второосомничениот – затворски полицаец и личен возач на директорот. Одобрените наредби третоосомничениот ги предавал на останатите осомничени затворски полицајци, кои иако знаеле дека таков спровод на осудено лице е спротивен на законот и процедурите, го извршувале користејќи службени возила и службено гориво на установата и ги носеле осудените до определените места ослободувајќи ги да извршуваат приватни работи, а по 8 до 10 часа ги враќале назад во затворот. За извршената наредба на дел од осомничените затворски полицајци првоосомничениот им одобрувал прекувремени работни часови. Со ваквите противзаконски дејствија била предизвикана штета на Буџетот на РСМакедонија, за сметка на мала имотна корист за петмината осомничени.Десетоосомничениот пак, како затворски полицаец, непреземајќи должни мерки и активности при утврдување на бројна состојба на осудени лица, постапил спротивно на одредбите од Правилникот за овластувањата на затворската полиција, начинот на вооружување и вршење на работите на затворската полиција. Тој при вршење физички проверки за бројната состојба на затворените лица не пријавил дека одредена група на осудени лица сместени во импровизирани простории не се присутни, туку напротив, констатирал дека нема отсутни. Така, при ненајавен вонреден надзор од страна на Управата за извршување на санкции, било констатирано дека недостасуваат 11 осудени лица, а истите не биле пријавени дека не се присутни. Со непреземање на дејствија што му биле во надлежност, осомничениот сторил кривично дело „овозможување бегство на лице лишено од слобода“. За истото дело е осомничен и тогашниот директор на затворот кој бил должен да преземе соодветни мерки, во однос на просториите во кои биле сместени осудените лица, а кои не исполнувале законските услови. Со непреземање на дејствија и активности им овозможил на осудените лица да бидат сместени во импровизираните простории без посебен надзор како што налага Законот за извршување на санкции, со што создал и овозможил услови кои што довеле до нивно бегство.Јавниот обвинител до судијата на претходна постапка при Основен кривичен суд, ценејќи ги околностите, а заради непречено водење на кривичната постапка и обезбедување присуство на обвинетиот, поднесе предлог за определување на мерки на претпазливост како поблаги мерки за обезбедување присуство на осомничените и тоа: забрана за напуштање на живеалиштето, односно престојувалиштето, обврска на осомничените да се јавуваат повремено на определено службено лице или кај надлежен државен орган кој ќе го определи Судијата на претходна постапка, како и привремено одземање на патна или друга исправа за преминување на државната граница односно забрана за нејзино издавање, Забрана за приближување или воспоставување, односно одржување контакти или врски со определени лица – осомничените во оваа постапка, како и Забрана за преземање на определени работни активности – затворски полицаец, а кои се поврзани со кривичното дело“, велат од Обвинителството.

Македонија | пред 1 година

Тошковски: Го претвориле затворот во „Хотел промаја“, 8-10 часа спротивно на закон овозможувале на затвореници привилегии за приватни потреби

Министерот за внатрешни работи Панче Тошковски, вечерва гостувајќи во „Само интервју“ објави дека денес постапувајќи по наредба донесена од страна на судија на претходна постапка, изврши два претреси на две локации, во домовите на лица кои што се службени лица во рамки на затворот „Скопје“, поради постоење на основни сомненија дека сториле повеќе кривични дела со уште неколку други лица вработен во затворот.„Фрапантна фактичка состојба од аспект на информациите со коишто располагаме. Менаџерот на затворот и други лица вработени, затворот го доживувале како „трговец поединец“ здружение или приватно правно лице коешто се занимава со туристички услуги, заради тоа што незаконито им овозможувале на осудени лица за коишто постои висок безбедносен ризик да користат привилегии коишто не им следуваат по закон. Просто објаснето осум до десет часа им овозможувале спротивно на закон, според индициите, истите да бидат спроведувани од страна на затворската полиција до одредени локации како нивен дом или трети локации каде што истите уживале привилегии а притоа биле чувани од страна на затворската полиција и не во рамки на она што е дозволено со закон туку за приватни потреби. Какви се тие приватни потреби ќе утврдиме дополнително, но знаеме дека не е за да бидат достапни на органите на прогон, на институциите или слично, туку за нивни други приватни потреби, коишто не се законски основ согласно важечките закони.“, потенцираше министерот Тошковски.Министерот Тошковски објасни дека овие раководни лица го претвориле затворот во „Хотел промаја“ бидејќи дозволувале користење на незаконски привилегии кои им биле дозволени на одредени осомничени лица.„Буквално како трговско-угостителско друштво, затворските полицајци коишто се платени од граѓаните, ги пренесуваат од затвор до одредена локација, ги чуваат осум до десет часа на таа локација, па пак со службено гориво и возила, на трошок на македонските граѓани, ги враќаат во затворот. Тоа едниот дел од незаконитите дејствија кои се вршени. Со истрагата во моментот се опфатени 10 лица, со што тоа е само еден дел од незаконитостите коишто се опфатени. Денес извршени се претреси во домовите на две лица, при што тие се лишени од слобода и ќе бидат изнесени пред судија на претходна постапка.“, истакна министерот Тошковски.

Македонија | пред 1 година

За криминали во ЕСМ ќе одговараат 31 лице и 5 фирми, меѓу нив и Васко Ковачевски

По тримесечна истрага за случајот Адитив, основното јавно обвинителство за организиран криминал и корупција денеска поднесе обвинителен акт до Кривичниот суд. 31 лице и 5 фирми ќе одговараат за криминали во ЕСМ.Меѓу осомничените е и екс директорот на ЕСМ Васко Ковачевски кој сѐ уште е во бегство, а се бара и со меѓународна потерница.Во притвор е поранешниот директор на ЕСМ Васко Стефанов кој во текот на истрагата беше приведен на граничниот премин Табановце.Осомничените се товарат за незаконска набавка на адитиви тешка над 6,5 милиони евра од мала фирма сопственост на братучетка на еден од поранешните директори на ЕСМ.Несовесно работење, злосторничко здружување, злоупотреби при работењето и на постапка за јавен повик, перење пари се дел од кривичните дела за кои ќе се гонат во следниот период, а ќе се бара и конфискација на имот.Со обвинителниот акт обвинителството му предложи на судот одземање на движни предмети (телефони, електронски и мемориски уреди) што биле употребени при извршување на кривичните дела, додека со Посебен предлог се бара конфискација на парични средства и недвижен имот во сопственост на обвинетите и на трети лица, стои во соопштението од ОЈО ГОКК.

Македонија | пред 1 година

Грипот зема замав, еден починат и нови 3.035 заболени

Извештајот на Институтот за јавно здравје за периодот од 17 до 23 месецов покажува раст на заболените од грип. Пријавени се 3.035 случаи на заболени од грип или за 11,3 проценти повеќе во споредба со претходната недела. Пријавен е и еден смртен случај на Клиниката за пулмологија. Починатото лице било на 78 годишна возраст, кое било невакцинирано, и со хронични заболувања.„Сѐ уште сме во широка географска распространетост, но, со средна активност на вирусот на грип. Се очекува и според историските податоци, постепено намалување и да излеземе од овој период”, изјави д-р Драган Кочински, епидемиолог и раководител на Одделот за епидемиологија во ИЈЗ.Според анализата на ИЈЗ годинава имаме пријавено повеќе од 17.000 болни од грип, што се должи пред сѐ на некои на мутации на вирусот.„Тоа на што апелираме уште од почетокот на сезоната, е, почитување на општите мерки на превенција за респираторни заболувања воопшто, каде припаѓа и грипот. Избегнување контакт со заболени лица, избегнување простории каде што има голем број лица, често проветрување на просториите каде што се престојува, слоевито облекување, топло во ладните зимски денови и консумирање свежи продукти богати со витамини и минерали - овошје и зеленчук. Кога би се појавиле симптоми, тогаш да се избегнува контакт со други луѓе, да не ги доведуваат во ризик, да се остане дома, да се пијат многу течности и секако, доколку се чувствува влошување на симптомите, веднаш да се контактира матичен лекар или инфектолог“, рече д-р Кочински.

Македонија | пред 1 година

Спасовски: Недолична и дискриминаторска изјава, Кочоска јавно да ѝ се извини на Петровска

Координаторот на СДСМ, Оливер Спасовски бара јавно извинување од министерката за финансии Гордана Кочоска Димитриеска за, како што вели, дискриминаторската изјава кон пратеничката Славјанка Петровска.„Како координатор на пратеничката група на СДСМ, но пред сѐ како човек, најостро ја осудувам денешната неизмерно срамна, навредлива и дискриминаторска изјава на министерката за финансии, Кочовска, упатена кон колешката пратеничка, Славјанка Петровска.Во обид да избега од личната одговорност за сериозното влошување на животниот стандард на граѓаните, министерката Кочовска не се двоумеше да го покаже вистинското лице на ВМРО-ДПМНЕ, па така се впушти во лични навреди, коментирајќи го приватниот живот на Петровска.Ова е крајно недолично, дискриминаторско и понижувачко однесување кое не смее да има место во политичкиот дискурс, а особено не во македонското Собрание.Со оваа изјава, Кочовска уште еднаш го потврди лицемерното „демо-христијанско” однесување на ВМРО-ДПМНЕ - секогаш прибегнување кон дискриминација и омаловажување на жените кога нема аргументи. Зборовите на министерката претставуваат груб напад врз секоја жена во Македонија која се бори за свое место во општеството и политиката.Бараме министерката Кочовска веднаш јавно да се извини за овој недостоинствен чин. Истовремено, ја повикуваме целата јавност, сите граѓани и организации, да се спротивстават на ваквиот говор на омраза и да испратат јасна порака дека дискриминацијата и навредите врз жените нема да бидат толерирани”, напиша Спасовски.

Македонија | пред 1 година

Се умори јавноста Славица Петровска од СДС да глуми жртва, врати ВМРО-ДПМНЕ

„Јавноста одамна се умори од постојаните обиди на Славица Петровска да се претставува како жртва секогаш кога ќе биде повикана на одговорност. Наместо да даде конкретни аргументи и да се соочи со реалноста, таа секој пат користи истата стара тактика – глуми нападната и го пренасочува фокусот од суштинските прашања.Последниот случај е уште еден доказ за ова. Министерката за финансии, Гордана Димитриеска-Кочоска, зборуваше за реалните трошоци на едно четиричлено семејство, нешто што сите граѓани го чувствуваат на своја кожа. Но, наместо аргументирана дебата, Петровска повторно избра да игра на картата на жртвата, надевајќи се дека така ќе ги избегне суштинските теми.Граѓаните заслужуваат одговори, а не лажна емпатија и театралност. Време е Петровска да престане со оваа политичка манипулација и конечно да понуди нешто повеќе од лични повреди и празни фрази“СООПШТЕНИЕ НА ВМРО-ДПМНЕ

Македонија | пред 1 година