Го заживуваме комплексот „Македонско село“ каде скопјани и останатите туристи ќе можат да избегаат од градскиот метеж, тврди Томовски

Претпоставувам дека новата тогашна власт-Социјалдемократскиот сојуз одлучиле она што го направила претходната влада да не функционира, како селото така и многу други објекти и многу други проекти коишто биле изградени, вели Ивица Томовски, директорот на СОЗР и член на ЦК на ВМРО-ДПМНЕ во рамките на своето вчерашно гостување на ТВ Алфа, зборувајќи за комплексот „Македонско село“.Според него, заради таквото неработење Буџетот на државата е оштетен за некои 30 милиони денари за тој период, дел по основ на ненаплатена кирија, дел по основ на осигурување на објектот и обезбедување на целиот комплекс. Имено ваквиот објект носи загуби со самото негово нефункционирање, а истиот е направен да ги збогати содржините на Скопје кои им се нудат не само на туристите, туку и на домашните посетители.„На моја иницијатива, на иницијатива на претседателот на Владата, Христијан Мицкоски, ние отпочнавме постапка за повторно да заживее селото, направивме проценка, од Бирото за процена самите тие направија проценка колку ќе изнесува таа закупнина месечно, го дадовме тоа на мислење во Секретаријат за законодавство, добивме од секаде позитивно мислење. Во моментов се припрема тендерската документација, очекувам дека во наредните пет, шест дена ќе биде објавена, објавата ќе биде во два весници еден на македонски еден на албански јазик, така да економските оператори кои се заинтересирани ќе можат да настапат“, јасен е Томовски.Тој појаснува дека за разлика од минатото, кога тоа не било случај сега клучот оди во рацете на економските оператори, притоа целиот комплекс е поделен на четири лотови за да има поголема конкуренција и да се има можност за различни комбинации на туризмот и угостителството во зависност од тоа со што се занимаваат и за што се заинтересирани повеќе операторите.„Во овие дванаесет автентични куќи коишто ја отсликуваат архитектурата на Република Македонија на мало, на едно место има капацитет од 120 до 150 сместувачки единици каде што може сериозни групи на туристи да се донесат. Има три ресторани, односно има еден автентичен ан, има еден ресторан „Антигона“ којшто е од модерен стил и има винотека односно кафе-бар каде што туристите ќе можат да одморат после ручекот“, презентира Томовски.Томовски во овој контекст, потсетува и на фактот дека со доаѓањето на новата власт 2017-2018 година, цената на паркингот била покачена од 30 на 100 денари, а после тоа е раскинат и договорот со тогашниот концесионер и оттогаш целиот објект е целосно затворен, без никаков повик и иницијатива за негово повторно заживување.„По предлог на претседателот на Владата, сите објекти коишто се останати, недовршени, а се од суштинско значење за граѓаните ќе ги преземе Службата за општи и заеднички работи да ги доврши, односно Владата да ги доврши за да бидат во функција. Исто за комплексот факултети односно за тие два објекти ние веќе имаме комуникација со министерката за образование, да направиме некаков пресек и стратегија како најбрзо да го отпочнеме и да го завршиме“, информира Томовски и за останатите паралелни проекти.

Македонија | пред 1 година

Републиканец предлага уставна промена која би можела да му овозможи на Трамп да освои трет мандат

Енди Оглс, републиканец од Тенеси, предложи амандман на американскиот Устав кој ќе му овозможи на Доналд Трамп трет мандат како претседател на САД.Конгресменот Оглс воведе заедничка резолуција за измена на 22-от амандман, со кој во моментов се забранува секој да служи повеќе од два мандата како претседател на Соединетите држави.Нејзината нова формулација ќе му овозможи на претседателот да служи три мандати, под услов само два последователни. Неговата цел е да му дозволи на Трамп да остане на власт по истекот на неговиот сегашен мандат, се вели во рекламата.„Овој амандман ќе му овозможи на претседателот Трамп да служи три мандати, осигурувајќи дека можеме да го задржиме храброто лидерство што очајно и треба на нашата нација“, рече тој.Сепак, измената на Уставот на САД е исклучително тешка, за која е потребна поддршка од две третини од Претставничкиот дом и Сенатот. Дури и поддршката на сите републиканци во Конгресот, која е далеку од загарантирана, не би била доволна.„Императив е да му ги обезбедиме на претседателот Трамп сите ресурси што му се потребни за да го поправи катастрофалниот курс што го постави администрацијата на Бајден“, рече Оглс.„Тој е посветен на обновувањето на републиката и спасувањето на нашата земја, а ние како законодавци и како држава мораме да направиме се што е во наша моќ да го поддржиме“, рече упорниот конзервативец кој го отслужува својот втор мандат во Претставничкиот дом.„Предлагам амандман на Уставот за ревидирање на ограничувањата наметнати со 22. амандман за претседателски мандати“, додаде тој.

Свет | пред 1 година

Томовски: Тендерот за обезбедување е со олеснети услови за 50%, зголемена конкуренција со заштеда на државниот буџет од 500,000 евра

„Она што го зачекав внатре во СОЗР беше општ хаос ни помалку различен од сите институции во државата. Ние како тим уште веднаш отпочнавме со промена на неколку неправилности, омаловажувања во делот на работниците. Скратување тендерски набавки, сите јавни набавки условите ги симнавме најмалце за 50% за со тоа да ја зголемиме конкуренцијата и намалиме цената“, истакна членот на Централен комитет на ВМРО-ДПМНЕ и директор на СОЗР Ивица Томовски во вчерашното гостување на телевизија Алфа.Томовски продолжи и додаде:„Јас бев свесен дека со таквиот мој чекор ќе паднам одма во очи на оние големи бизнисмени кои досега си ги добивале тендерите на максимална вредност, потплаќале некој во минатото што тоа нема да биде случај сега, ни во иднина додека раководам со таа институција“, вели Томовски.Томовски посочи дека како директор на СОЗР има за цел да го заштеди буџетот на државата.„Мојата цел како човек што е ставен на таа работна позиција е да го заштедам буџетот на државата. Со заштедување на буџетот на државата го заштедувам вашиот и мојот буџет и буџетот на граѓаните, а не на некоја приватна компанија“, укажа Томовски.Томовски во врска со тендерот за обезбедување истакна дека направил олеснување на условите за 50%.„Во врска со тендерот за обезбедување јас направив олеснување на условите за 50%, зголемена конкуренција и заштеда за државниот буџет од пола милион евра. Кога сме кај овој тендер во 2021 година имало само еден понудувач за обезбедување кој добил на максимална вредност“, дециден е Томовски.

Македонија | пред 1 година

ЈО да отвори сопфатна истрага за сите злоупотреби со онколошка терапија и дали кризата е вештачка со цел изнуда на високи цени?, прашува ВМРО-ДПНМНЕ

„Мафијата на смртта која печали милиони на здравјето на граѓаните здравствениот систем го донесе пред колапс“, вели ВМРО-ДПНМНЕ и додава:Една иста мафија на смртта тргува со животите на најтешко болните пациенти, лица заболени од рак и од тоа прави бизнис и дебело профитира. А, од друга страна истите веледрогерии кои ги набават лековите, континуирано добивале и добиваат заштита од политички структури блиски до СДС и ДУИ.Проблемот со недостаток на терапија за тешко болните пациенти од рак на Клиниката за онкологија не нешто ново и нешто што се случува само сега. Првите два до три месеци од годината во секоја година до сега има недостаток на онколошка терапија, а секоја година една иста веледрогерија набавува лекови по енормно високи цени.Бидејќи секогаш има политичка заштита од структури во СДС и ДУИ, истата таа веледогерија, злоупотребувајќи ја болеста на луѓето со цел голем профит и знаејќи дека луѓето и последните пари ќе ги дадат за лек, вештачки креира криза со лекови.Мафијата на смртта, на чие чело е една иста веледрогерија и помогната и заштитена од политички структури блиски до СДС и ДУИ, за која човечкиот живот не вреди ништо, 30 години ровари во Онкологија и е виновна за смртта на голем број починати пациенти кои навреме не го добиле соодветниот лек.Го поставуваме прашањето, дали е точно дека веледрогеријата Пановски, блиска до СДС, го уценува со цени македонското здравство? А оваа е истата веледрогерија од каде што Ирина Пановска како директор на една од клиниките при клиничкиот центар во Скопје во време кога министер за здравство беше нивниот близок, Венко Филипче, набавуваше лекови од веледрогеријава каде што татко и, исто така, бил директор.Поставуваме уште едно логично прашање, дали е вистина дека оваа вештачки создадена криза е токму поради тоа што треба да се купат скапи лекови токму од Пановски, за кој постојат сомнежи дека се манипулира со цените на лекови?Оттука, бараме и ги повикуваме надлежните институции да покренат сеопфатна истрага за сите злоупотреби кои прават на Клиниката за онкологија со терапиите за болните од рак. Исто така, да се посочат сите одговорни без разлика дали се лидери на партии или поранешни министри, медицински лица или лица дел од фирмите и веледрогериите кои снабдуваат со вакви лекови и се богатат врз здравјето на најтешко болните пациенти.Исто така треба да се утврди и вистината за тесната поврзаност и политичка и бизнис спрега на Венко Филипче со моќните веледрогерии.ВМРО-ДПМНЕ повикува Јавното обвинителство да се охрабри и да ги стави на располагање сите свои капацитети за спроведување сеопфатна истрага со цел расчистување и изведување пред лицето на правдата на големите бизнис олигарси кои раководат со мафијата на смртта, која профитира милиони од болеста на луѓето.

Македонија | пред 1 година

Вучиќ: Кај нас има многу лудаци

Српскиот претседател Александар Вучиќ вчера ја коментираше најавата за генерален штрајк од Давос, каде што е на Светскиот економски форум. Тој рече дека ниту студентите не знаат кое од барањата не е исполнето.„Не ни треба насилство. Сакаме да разговараме со студентите, со сите, секогаш сме биле за дијалог и тие да ни објаснат кои барања не се исполнети“, рече Вучиќ од Давос.Вучиќ истакна дека во Србија има многу лудаци.„Гледам дека некои најавуваат дека утре (мислејќи на денес) нема да одат во теретана, дека лебот ќе го купат порано, дали тој ден ќе ручаат или вечераат... Во нашата земја има многу лудаци“, додаде Вучиќ.

Свет | пред 1 година

Трамп не е сигурен дека воопшто треба да потроши нешто за НАТО

Американскиот претседател Доналд Трамп изјави  дека не е сигурен дека САД воопшто треба да потрошат нешто за НАТО, велејќи им на новинарите дека САД ги штитат членките на НАТО, но тие „не нѐ штитат нас“.Трамп ги повтори своите претходни барања другите членки на трансатлантската алијанса да потрошат 5 отсто од својот бруто домашен производ (БДП) за одбрана, што е огромен пораст од сегашната цел од 2 отсто и ниво на кое ниту една земја на НАТО, вклучително и Соединетите држави, во моментов ги исполнува.„Не сум сигурен дека треба да трошиме нешто, но дефинитивно треба да им помогнеме. Ние ги заштитуваме. Тие треба да ги зголемат трошоците од 2 на 5 отсто“, им рече Трамп на новинарите по потпишувањето на извршни наредби во Овалната соба.Вашингтон финансира 15,8 отсто од годишните расходи на 32-члената воена алијанса од околу 3,5 милијарди долари. Тоа е најголемиот удел, веднаш до Германија, според анализата на НАТО за 2024 година. Индиректниот финансиски придонес на САД во алијансата, која ги вклучува САД, Канада и повеќе од 20 европски земји, вклучува воени сили, но не е дел од годишниот буџет на организацијата.Вкупниот буџет за одбрана на САД го надминува оној на другите членки на НАТО и изнесува 816,7 милијарди долари во 2023 година.Новиот државен секретар на Трамп, Марко Рубио, разговараше со генералниот секретар на НАТО Марк Руте во средата и ја зајакна посветеноста на САД кон алијансата, а двајцата, исто така, „разговараа за важноста да се има способни одбранбени сојузници и вистинско споделување на товарот“, соопшти Стејт департментот. во четврток.Претставници на НАТО и аналитичари веруваат дека НАТО нема да го послуша предлогот на Трамп за толку големо зголемување на трошоците за одбрана, но најверојатно ќе се согласи да ја надмине сегашната цел.Аналитичарите велат дека бројката од 5 проценти би била политички и економски невозможна за речиси сите членки. Сепак, новата цел најверојатно ќе биде договорена на самитот на НАТО во Хаг во јуни, поттикната од стравувањата дека Русија би можела да нападне земја на НАТО по Украина, но и поради инсистирањето на Трамп, изјавија официјални лица.Некои очекуваат договор за целта на воените трошоци од околу 3 отсто од БДП. Но, дури и тоа би било тешко за многу членови, кои едвај ја исполнуваат, или воопшто, целта за трошење од 2 отсто во овој момент, една деценија по таа цел. Осум членки на НАТО не ја исполнуваат сегашната цел.

Свет | пред 1 година

Секој електронски документ кој е изработен од државен орган може да се користи во печатена форма, рече Андоновски

Министерот за дигитална трансформација, Стефан Андоновски на новинарско прашање за „360 степени’’ истакна дека законот е јасен и тој гласи дека секој електронски документ кој е изработен од државен орган, може да се користи во неговата печатена форма, исто како и оригинален документ.“Претпоставуваме дека ќе постои отпор или незнаење кај одредени институции, затоа имаме двоен пристап, едниот со кој што ќе им објасниме на институциите како да ги прифаќаат документите, и второ, подготвуваме упатство за граѓаните како да си ги заштитат своите права, во случај да не можат, да знаат кој е начинот на кој што може да делуваат, дали на лице место или да го контактираат нашето министерство.” изјави АндоновскиМинистерот додаде дека оваа година ќе се направи напор и да се лиценцираат определен број на инспектори, и тие да бидат дел од сектор во рамки на министерството, а доколку има потреба ќе се формира и инспекторат.“Ќе биде потребно подолго време, што значи во текот на 2025 година ќе направиме напор да што побрзо лиценцираме определен број на инспектори. И тие да функционираат како сектор во рамки на министерството, доколку се појави потреба да нивните обврски се зголемуваат, тогаш ќе размислуваме и за посебен инспекторат, но ќе ги имаат во рамки на Министерство за дигитална трансформација сите надлежности кои што им се утврдени со новата систематизација, која што исто така стапи на сила на 1 Јануари, и веќе започнуваме со обука на кадрите.” заврши министерот Андоновски

Македонија | пред 1 година

(Видео) Путин нагло го напушти владиниот состанок, погледнете снимка: „Извинете, итно е...“

Рускиот претседател Владимир Путин ненадејно го напушти состанокот на владата, наведувајќи дека станува збор за „итна потреба“ за „меѓународен телефонски разговор“. Седницата на Владата се пренесуваше во живо кога Путин се извини, но тој не откри со кого ќе разговара по телефон.Американскиот претседател Доналд Трамп претходно изјави дека планира да го повика Путин „наскоро“ по неговата инаугурација. Сепак, останува нејасно дали повикот веќе се случил или тоа е разговорот што го натера Путин да ја прекине средбата.Да потсетиме, Русија неодамна одговори на предупредувањето на Трамп дека ќе воведе царини и санкции за нив доколку Москва наскоро не „склучи договор“ и не стави крај на војната со Украина.„СТОП за оваа смешна војна која никогаш не би се случила кога би бил претседател“. Само ќе биде полошо, доколку не се договориме наскоро, нема да имам друг избор освен да воведам високи даноци и царини и строги санкции за сè што Русија ќе им продаде на САД и на другите земји“, напиша Трамп.„Време е за ДОГОВОР. „ВЕЌЕ НЕ СМЕЕ ДА СЕ ЗАГУБИ ЖИВОТ“, додаде Трамп.Заменик-амбасадорот на Русија во Обединетите нации, Дмитриј Полјански, за Ројтерс изјави дека тоа зависи од тоа што значи „договор“, а Кремљ рече дека не гледа „тука никакви нови елементи“.Русија, потсетува Би-Би-Си, веќе е убедливо најсанкционираната земја во светот, со многу малку важни институции и сектори кои сè уште не се под ограничувања од Америка и Европа. Меѓутоа, руските банки и воено-индустрискиот комплекс исто така се прилагодија и релативно успешно ги заобиколуваат санкциите.Заканата на Трамп не само што може да има штетни ефекти врз московската економија, туку може да ги зголеми тензиите меѓу Русија и САД и да ги отежни мировните преговори со Украина.

Свет | пред 1 година

Студентите на Правниот факултет со Србија му испратија порака на „Професорот Ноле“

Натпреварот на Новак Ѓоковиќ на Австралија опен беше следен во живо и на Правниот факултет во Белград, еден од многуте што е под блокада.Ѓоковиќ го загуби мечот поради повреда, но студентите на Правниот факултет имаа интересна порака за српскиот тениски професор.„Професоре Ноле, студентите те сакаат“, пишуваше на транспарентот истакнат во амфитеатарот, каде што беше закачено и српското знаме.

Спорт | пред 1 година

Штрајкот на училиштата низ Србија продолжува: Настава дефинитивно нема да има ниту во понеделник

Некои училишта во Србија го продолжуваат прекинот на наставата и во понеделник, а им се приклучуваат и просветните работници кои сакаат да ги поддржат блокадите на учениците и не се задоволни од договорот меѓу репрезентативните синдикати и Владата за зголемување на платите.Студентите повикаа денеска да се прекинат сите активности. Нерепрезентативниот Независен синдикат на наставници на Србија (НСПРС) очекува наставата да не се одржува со полн капацитет во повеќе од 80 проценти од училиштата, барем во поголемите урбани средини.Сосема други податоци имаат Министерството за образование на Србија, кои наведуваат дека наставата се одржува во 97 проценти од училиштата. И покрај ова, во училиштата се испраќаат просветни инспекции, а се добиваат и предупредувања за дисциплински постапки, како и за евентуално продолжување на учебната година и закана од полагање матура.

Свет | пред 1 година

Горан Ангелов-Ќосето не се извинува и ја одби понудата на судијата, адвокатот Пешевски: Горчина се ствара!

Пораката на судијата Илија Трпков до осудените за „27 април“, при носење на решението за амнестија на организаторите, дека треба да наведнат глава и да се извинат - беше дочекана со критика од лицата кои повеќе од седум години се по затворите. Но исто така, реагираа и адвокатите.Драган Пешевски, адвокат на Горан Ангелов, напиша „Јас и Горан Ангелов-Ќосето глава не наведнавме, нит па имаме намера. Понудата е одбиена "честити" суде!!!“.Потоа тој додаде:„Нека им е честита слободата на амнестираните организатори за 27ми април. Не навлегувам во анализа, ниту објаснувања за команданти и војници, организатори и извршители, не е тоа целта на постот. Целта на постот е горчината што се ствара верувам кај сите и кнедлата што се појавува во грлото кога ке видиме селективност во судница. Некои се очигледно поеднакви пред законот од други. Селективност имаме во судница по партиска припадност, посебно по висина на партиска функција. Јас учев дека правдата е слепа, ама оваа нашава изглеа ѕирка под превезот а мачот и е отапен!!!“.

Коментари | пред 1 година

Почна генералниот штрај во Србија

Во Србија денеска почна генерален штрајк, кој студентите во блокадата го најавуваа претходните денови. На штрајкот, покрај универзитетите низ државата и дел од основните и средните училишта, се огласија и многу компании, културни институции, ресторани, мали бизниси, организации... Синдикалците во државните претпријатија и градските администрации.За денеска во 14 часот е закажан протест „Да разговараме кој е толпа, а кој ѓубре“ во организација на Одборот за протест на адвокатите пред зградата на Српското претседателство. Протесни маршеви и блокади се организираат и во многу градови низ Србија.Денеска, согласно генералниот штрајк, протести и протестни прошетки ќе се одржат во Ниш, Врање, Лесковац, Владичин Хан, Власотинце, Лебане, Бабушница и Шврљиг.Во Лесковац се одржува прошетка наречена „Генерален штрајк“. Собирот е закажан пред Технолошко-техничкиот факултет во 11:52 часот.Во 11 часот учениците од Шврљиг закажаа собир во центарот на протестен марш до Гимназијата „Душан Тривунац Драгош“ за поддршка на наставниците и другите работници да се приклучат на штрајкот.Тие нагласуваат дека сакаат да дадат посебна поддршка и на наставникот Дамир Јоциќ, кој самиот ја прекина наставата во понеделникот и ги повикуваат сите жители на Сврљижана да престанат со сите активности во петок во 11 часот и да се приклучат на протестот.Во Владичин Хан протест ќе се одржи во центарот на градот во 12:00 часот, а во Врање во 16:00 часот кај Чико Митке.Протестен митинг ќе се организира и во Бабушница во 16 часот, во центарот, на платото пред Центарот за култура.Собир за поддршка на учениците и наставниците е најавен и во Либан, в петок во 11 часот пред зградата на Гимназијата, по што ќе следи прошетка до зградата на општината и оддавање почит на жртвите во Нови Сад.Предучилишната установа „Ракила Котаров Вука“ во Лазаревац во петок на 24 јануари 2025 година ќе влезе во еднодневен прекин на работа, а по најавениот штрајк работниците добија неофицијални информации дека СНС сака да ја смени директорката на градинката.Тие ги замолија сите сограѓани, соработници и родители да ја поддржат и споделат нивната објава и ги поканија да им се придружат утре во 12:30 часот, по блокадите на три локации во градот и говорите на матурантите и просветните работници пред Фонтана Рударска чешма, пред нивната предучилишна установа, објект „Детство“, на улица Даре Ранѓиќ, бр. 1.Протестите започнаа како резултат на несреќата на Железничката станица каде загинаа 15 лица.

Свет | пред 1 година

Ѓоковиќ го предаде полуфиналниот меч на АО

Српскиот тенисер Новак Ѓоковиќ го заврши учеството на отвореното првенство на Австралија (АО), откако му го предаде мечот на Александар Зверев.По завршувањето на првиот сет, Ѓоковиќ се доближи до мрежата и му ја соопшти својата одлука на Германецот, очигледно неспособен да го продолжи мечот поради повреда.Двајцата тенисери одиграа 81-минутен сет кој Зверев го доби во тај-брејк (7:6), Во текот на сетот Ѓоковиќ се обиде да ја ублажи болката со апчиња, но овој пат тоа не му помогна.Раптурата на мускулот што ја доживеа на дуелот против Карлос Алкараз овојпат беше посилна од него.На крајот откако го предаде мечот, помал дел од публиката реши да го исвирка Новак, очигледно незадоволни од тоа што платиле билети само за еден сет.Ѓоковиќ потоа на прес-конференцијата објави дека ова би можело да му биде последен Австралија опен.

Спорт | пред 1 година

Според Захарова, Франција прави подготовки за судир со Русија

Марија Захарова, портпаролката на руското Министерство за надворешни работи, изјави дека францускиот претседател Емануел Макрон ја подготвува својата војска за судир со Русија, пренесува агенцијата „Анадолија“.Захарова го коментираше неодамнешното обраќање на Макрон до вооружените сили, каде што рече дека безбедносната линија на Франција оди „преку границите во Европа и Украина“.„Прашувате какви цели има Емануел Макрон… Јасно е дека Париз се подготвува за понатамошно соочување со нашата земја“, нагласи Захарова.„Таа посочи дека Франција со години ги зајакнува своите воени капацитети и дека во 2022 година Макрон ја објави својата намера да ги подготви вооружените сили за „војување со висок интензитет“ и да ја префрли економијата на „воена основа“. По ова, додаде таа, следеше нов закон за воено планирање, кој го удвојува францускиот буџет за одбрана.Захарова рече дека развојот на напредно оружје е во тек, а многу од оружјата се тестираат во Украина, што таа го опиша како „тест за хибридната војна на Западот против Русија“.Таа го критикуваше недостатокот на мировни иницијативи од Франција, велејќи дека тоа е дополнителен доказ за „воинствените намери“ на Франција.Тврди дека француската младина се подготвува за конфликт со Русија под превезот на доброволни мерки.

Свет | пред 1 година

Навистина историски ден: Доналд Трамп потпиша наредба пред камери што светската јавност ја чекаше повеќе од 60 години

Американскиот претседател Доналд Трамп им нареди на официјалните лица да развијат планови за декласификација на сите документи поврзани со трите најважни политички убиства во историјата на САД - атентатите на Џон Кенеди, Роберт Кенеди и Мартин Лутер Кинг Јуниор, јавува Би-Би-Си.„Многу луѓе го чекаа ова долго време, со години, со децении“, им рече Трамп на новинарите во Овалната соба во четвртокот додека ја потпишуваше извршната наредба за декласификација на документите, па додаде: „И сè ќе биде откриено“.Наредбата бара од високите службеници во администрацијата во рок од 15 дена да презентираат план за декласификација на документите. Експертите велат дека деталите во документите дополнително ја комплицираат официјалната верзија на приказната, според која еден куршум ги погодил и претседателот Кенеди и гувернерот на Тексас Џон Конали, кој го преживеа нападот додека се возеше во претседателската поворка.Џеферсон Морли, експерт за атентатот ЏФК, рече дека новите информации дополнително ја оспоруваат теоријата дека Ли Харви Освалд дејствувал сам и предвиде дека целосното објавување на сите редактирани документи може значително да го прошири знаењето на јавноста за случајот.Сепак, тој забележува дека можеби нема „непобитен доказ“ и дека ЦИА и другите безбедносни агенции ќе настојуваат да задржат одредено ниво на тајност.„Оваа приказна не е завршена“, рече Морли.За време на церемонијата на потпишување на наредбата во Белата куќа, Трамп побара пенкалото со кое го потпиша решението да му биде предадено на Роберт Кенеди Џуниор, син на РФК, внук на ЏФК и кандидат на Претседателот за министер за здравство.РФК Џуниор долго време изразува сомневање за официјалните верзии за атентатите на неговиот вујко Џон Ф. Кенеди, како и на неговиот татко Роберт Ф.Кенеди Сениор беше убиен во сала за танцување во Лос Анџелес од Сирхан Сирхан, Палестинец кој беше огорчен од американската поддршка за Израел. РФК Џунио разговарал со Сирхан во затвор и изјавил дека не верува дека Сирхан го убил својот татко, иако другите членови на семејството Кенеди го отфрлаат ова тврдење.Мартин Лутер Кинг Џуниор беше убиен од куршум од белиот националист Џејмс Ерл Реј. Членовите на семејството на Кинг тврдеа дека Реј не дејствувал сам, туку бил дел од поширок заговор.Претседателот Џон Ф. Кенеди беше убиен во Далас во 1963 година.Многу документи поврзани со истрагите беа објавени во текот на годините, иако илјадници сè уште се редактирани, особено оние поврзани со опсежната истрага за атентатот на ЏФК.Сепак, неодговорени прашања долго го прогонуваат овој случај, поттикнувајќи алтернативни теории за вмешаност на владини агенти, мафијата и други сомнителни актери - како и побизарни теории на заговор.Анкетите на јавното мислење во текот на децениите покажуваат дека повеќето Американци не веруваат дека Освалд бил единствениот убиец.Во 1992 година, Конгресот донесе закон со кој се бара објавување на сите документи поврзани со истрагата во рок од 25 години. И Трамп во неговиот прв мандат и претседателот Џо Бајден објавија низа документи поврзани со ЏФК, но илјадници - од вкупно милиони документи - сè уште остануваат делумно или целосно тајни.Трамп вети дека ќе ги декласифицира сите досиеја за време на неговиот прв мандат, но тој не го исполни ветувањето откако претставници на ЦИА и ФБИ го убедија да чува некои документи во тајност. Во денешната извршна наредба се наведува дека континуираната тајност е „неконзистентна со јавниот интерес“.„Како изјава за намери, добро е што претседателот го стави своето ветување на хартија. Тоа е важно“, рече Морли, поранешен репортер на Вашингтон пост, експерт за убиства на ЏФК и уредник на онлајн билтенот ЏФК факти.„Но, деталите и имплементацијата се клучни. Овој процес е само почеток. Воопшто не е јасно како точно ќе се спроведе ова“, додаде тој.Неодамнешното објавување на документи откри нови детали за околностите на атентатот, вклучувајќи го и опсежното набљудување на Освалд од страна на ЦИА.

Свет | пред 1 година

Жесток петок во Србија: Се запира, целото општество стои покрај студентите, од доктори до актери, Вучиќ се заканува со откази, бизарни сцени и на РТС

На генералниот штрајк на повик на студентите се приклучуваат порталите на Јунајтед Медиа – Нова.рс, Н1, Данас, Радар, Спортклуб, ТВ Нова, како и весниците Нова и Данас. На повикот за генерален штрајк се приклучува и компанијата СББ со тоа што во петок на 24 јануари не врши комерцијални активности, вклучително и затворање на продавниците, како поддршка на студентите.Членовите на Коалицијата за слобода на медиумите најавија дека ќе ја поддржат акцијата на студентите со приклучување кон генералниот штрајк.„Го повикуваме нашето членство, како и другите медиуми и медиумски работници да го сторат истото“, стои во повикот.На списокот на медиуми кои нема да работат во петок е и редакцијата на „Истиномер“. Во штрајк ќе стапи и екипата на популарниот сатиричен портал Njuz.net. Како што наведуваат во објавата на Фејсбук, нема да има објави на нивната веб-страница, социјалните медиуми и каналот на YouTube во петок, 24 јануари 2025 година.„Се гледаме каде велат студентите“, велат од редакцијата.Студентите, кои повеќе од два месеци блокираа околу 60 факултети во Србија поради трагедијата на железничката станица во Нови Сад, во четврток повикаа на генерален штрајк во петок и добиваат се поголема поддршка од час во час.Во исто време, српскиот претседател Александар Вучиќ и владејачката Српска напредна партија повикаа на голем митинг во Јагодина што треба да го означи формирањето на „народно движење за пристојна Србија“, за разлика од се помасовните протести насочени кон борба за поправедно општество засновано на владеење на правото.Генерален штрајк во петок најавија синдикатите, угостителите, претприемачите и културните институции, а некои медиуми ќе известуваат исклучиво за него или ќе молчат 15 минути од 11:52 до 12:07 часот, кога 15 минути ќе се молчи за да им се оддаде почит на 15-те лица кои загинаа при уривање на настрешница на железничката станица во Нови Сад, ќе престане да се емитува медиумска содржина и објави на нивните портали.Студентите во блокадата ги повикаа граѓаните на Србија во петок целосно да ги прекинат сите активности, наведувајќи дека „генералниот штрајк“ треба да биде израз на општа граѓанска непослушност и граѓанска солидарност.Ќе штрајкуваат и бројни лекари. Лекарите од Клиничкиот центар на Србија денеска во 11:52 часот ќе им се придружат на студентите кои ќе го блокираат Булевар Ослобоѓења.Претходно 32 лекари од Универзитетската детска клиника „Тиршова“ испратија писмо до пленумот на студенти на Медицинскиот факултет во кое ја изразија својата поддршка.„Длабоко сме свесни за моментот во кој се наоѓаме сите и затоа ви се обраќаме со желба нашата поддршка да биде повеќе од само декларативна. Време е теоријата да се замени со пракса“, стоеше во него.Српскиот претседател Александар Вучиќ најави дека в петок ќе одржи голем митинг во Јагодина, на кој меѓу другото ќе покрене иницијатива за формирање на движење кое долго време го најавува. Иако претседателот „културно ги покани“ граѓаните на митингот, јасно е дека овојпат повторно се применува познатиот инженеринг на уцени и организирано носење луѓе. Вучиќ организира контрамитинг како одговор на студентските и граѓанските протести ширум земјата.Според информациите на порталот Нова.рс, во пракса се применуваат добро воспоставени методи кои СНС со години ги користи при организирање големи партиски собири. Многу вработени се под притисок да го максимизираат присуството. Овој пат на мета се вработени во центрите за социјална работа, кои се принудени да ги повикуваат пензионерите по општински канали, нудејќи им пари.Дневниот надоместок за присуство на конференцијата се движи од 2.000 до 4.000 динари. Како и досега, од одговорните за мобилизација се бара да направат и да достават списоци на оние кои доаѓаат, но и оние кои одбиваат.Извор од порталот Nova.rs тврди дека на некои дури и им се закануваат отказ.

Свет | пред 1 година

Остри тонови: Мицкоски ги потсети Бугарите да си ги исполнат обврските, ако сакаат Бугари во Устав

Премиерот Христијан Мицкоски нема никакви комуникации со Владата во Бугарија, а порача дека има желба да седне и да се види како би ги решиле прашањата кои ги блокираат европските интеграции на Македонија. Тој е дециден дека во тој момент ќе им порача на Бугарите дека ако договорите важат – тогаш сите треба да ги почитуваат. Кога го вели ова, Мицкоски веројатно мисли на фактот дека Бугарија не го почитува Договорот за добрососедство во делот каде се вели дека тие нема да ја блокираат Македонија на патот кон ЕУ.„Немам комуникација со претседателот на Владата на нашиот источен сосед. Со задоволство би реализирал една таква средба. Со задоволство би имал желба да седнеме, да поразговараме, да видиме какви се можностите и единствената моја порака ќе биде многу јасна и гласна, а тоа е ако договорите важат и треба да се почитуваат за нас треба да важат и да се почитуваат и за нив и дека билатералните прашања не треба да бидат дел од преговарачкиот процес“, рече Мицкоски.Порача дека ако за Македонија важи условот за Бугари во Устав, тогаш и за Бугарија важи почитување на Македонците во нивната земја, а со оглед дека ЕУ нотираше дека немаат никакви заложби за остварување на нивните индивидуални права. Ова значи дека Македонците се уште не можат да основаат здруженија со ваква цел.„Свесен сум за тоа што го направи Бујар Османи како министер за надворешни работи и Димитар Ковачевски како премиер. Јасно ми е дека прифатија нешто што не успеаа да го испорачаат. Сето тоа ми е јасно дека е проблем и дека сега секогаш ќе ни биде ставано тоа на маса како услов. Ако за нас тој услов важи тогаш треба да важат и за сите други оние договори што претходно се прифатени како што е Резолуцијата за почитување на човековите права, Договорот за добрососедство. Сето тоа треба да претставува обврска за сите страни“, рече Мицкоски.Пред четири месеци, Советот на Европа нотираше дека Македонците во Бугарија се обесхрабруваат да се идентификуваат, односно дека не постои свест за правата на малцинствата.„Додека Бугарија играше сè поактивна улога во промовирањето на правата на лицата кои им припаѓаат на бугарските малцинства во странство, вакви напори не биле забележани и во рамките на Бугарија. Како и во претходните циклуси, лицата кои се идентификуваат како Македонци ја повторија својата долгогодишна желба да бидат заштитени според Рамковната конвенција, но бидејќи властите не го прифаќаат постоењето на објективни критериуми за нив, овие лица не можат да уживаат пристап до индивидуалните малцински права. Нивните долгорочни обиди да регистрираат здруженија кои ја промовираат македонската заедница не беа успешни. Власите не гледаат објективни критериуми ниту за лицата кои се идентификуваат како Помаци односно етничките Македонци со исламска вероисповед кои во земјата и натаму се нарекуваат бугарски муслимани“, стои во извештајот на Советодавниот комитет.

Македонија | пред 1 година

Дали Европа е подготвена за Доналд Трамп?

Враќањето на Доналд Трамп во Белата куќа значи и многу промени за Европа.Оваа промена во Белата куќа доаѓа во прилично неповолен момент за Европа, која се соочува со бројни економски и политички превирања. Трамп е убеден дека Европа со години ги користи САД и дека тоа мора да престане.Освен империјалистичката политика преку присвојување на Панамскиот канал и Гренланд, што ја засега и Европа, најважни најави за Стариот континент се оние за царината, НАТО и еколошките прашања.Трамп рече дека ЕУ и другите земји имаат загрижувачки трговски суфицит со САД. \„Европската унија се однесува многу, многу лошо со нас. Тие ќе мора да се соочат со царини. Тоа е единствениот начин да се постигне правичност“, додаде тој.И за време на неговиот прв мандат, Трамп воведе царини за европскиот алуминиум и челик. Овие нови закани за царини од Трамп предизвикаа загриженост во Брисел и меѓу владите ширум Европа. ЕУ соопшти дека се подготвени за договор.ЕУ, навистина, продава многу повеќе на Соединетите Држави отколку што увезува од САД. Во јануари 2022 година трговскиот суфицит изнесуваше 15,4 милијарди евра. Новите царини би можеле да бидат 10 проценти или дури и повисоки за некои стоки, како што се автомобилите.Економистот на Голдман Сакс, Свен Јари Штен, пишува Euronews, предвидува дека царините од 10% ќе го намалат БДП во еврозоната за 1%, при што Германија бележи пад од 1,1%, Обединетото Кралство 0,7%, а Шпанија 0,6%.Покрај фактот што повисоките царини ќе ги направат европските производи поскапи и помалку привлечни за американските купувачи, тарифите на Трамп за Кина претставуваат проблем и за Европа, имајќи предвид дека ризикува кинескиот извоз да заврши во Европа, што може да значи зголемување на царините за Европа на овој азиски џин. Ова би се заканило на целосна трговска војна со Кина.Трамп постојано ги повика членките на НАТО за недоволни трошоци за одбраната. Тој предложи САД да им помогнат само на сојузниците кои ќе ја исполнат целта за воени трошоци на НАТО.Трамп рече дека членките на воената алијанса треба да потрошат 5 отсто од својот БДП за одбрана - што е огромен пораст од сегашната цел од 2 отсто. Сето ова значи дека Европа повеќе не може, барем не толку како порано, да се потпира на САД за својата одбрана и безбедност. Ова важи и за Украина, каде се очекува значително намалување на американската поддршка за земјата.Генералниот секретар на НАТО Марк Руте денеска на панел на Светскиот економски форум во Давос изјави дека американскиот претседател Доналд Трамп е „во право“ и дека Европа троши премалку за одбрана.За геополитичкиот аспект на Трамп 2.0. во ерата во која влегуваме медиумите имаа разговор со надворешнополитичкиот аналитичар Денис Авдагиќ, кој вели дека прашањето за Гренланд, автономна територија на Данска, членка на НАТО и ЕУ, а воедно и трансатлантска држава, е загрижувачки проблем за Европа.„Иако Гренланд има опција да се одлучи за независност на референдум, во овој случај тоа е постојано повторувана изјава за преземање, без разлика дали со купување или на друг начин, иако повикот за одлучување на референдум би бил неточен за односите меѓу сојузниците, но тоа не би било преседан во случајот со Трамп, бидејќи тој исто така го поддржа Брегзит. Сето ова сериозно ја разнишува довербата меѓу сојузниците и поставува прашања за односите и нивната иднина, при што Европејците се многу внимателни“, вели тој.Тој посочува дека не може да биде прифатлив каков било „нетранспарентен напад врз демократијата, за кој со години зборуваме дека се случува од исток“.Враќањето на Трамп на сцена значи и промена за војната во Украина, а со тоа и за цела Европа.„Овде нештата се менуваат речиси секојдневно, последните изјави укажуваат дека ставањето крај на руската агресија ќе биде тешко за Русија, доколку тоа се случи под посредство на Трамп, бидејќи тој дејствува од позиција на моќ, а на Путин му треба проекцијата на моќта за неговиот живот, не е само прашање на имиџ за него. Сите оние кои очекуваат брзо разрешување, укинување на санкциите, тие се обложуваат на погрешна работа“, рече тој.Тој додава дека на Европа и треба мир во Украина.„Условите и исходот на хартија, кои ќе траат како што е договорено, се важни. Европа треба да биде дел од процесот, но и да инсистира Украина да биде главниот актер во донесувањето одлуки“, додава тој.Што се однесува до другите аспекти во кои доаѓањето на Трамп ќе се одрази на Европа, администрацијата на новиот американски претседател веќе најави дека САД по втор пат ќе се повлечат од Парискиот климатски договор, а со тоа ќе ги загрози глобалните напори за борба против глобалното затоплување.Ставот на Трамп е дека САД нема да ја саботираат сопствената индустрија додека Кина загадува неказнето. Аналитичарите сметаат дека оваа одлука ќе ги охрабри критичарите на зелените политики, но и ќе ги забави европските цели за намалување на емисиите на јаглерод.Отворено е и идеолошко прашање, имајќи предвид дека се очекува дека инаугурацијата на Трамп во САД може да доведе до раст на моќта на популистичките екстремно десничарски опции во Европа, кои веќе се во пораст, како што покажуваат неодамнешните примери.Ова е особено важно за предвремените избори во Германија. Како што заклучи Дојче веле, благодарение на Трамп, екстремната десница претставена од АфД се чувствува зајакната.Медиумите го прашаа Авдагиќ дали Европа е подготвена за Доналд Трамп?„И да и не. Европа се подготвуваше за преговори, бараше решенија, беше подготвена да направи отстапки. Од друга страна, континент кој навистина има неверојатни човечки и други ресурси. Затоа постои голема загриженост и тоа практично покажува дека американските претседателски избори ни се поважни од европските, а на првите не учествуваме, не гласаме. Тоа кажува се“, рече тој.Го прашаа и како ќе изгледа оваа Европа кога Трамп ќе ги спроведе сите свои одлуки, во која насока ќе се движи?„Постојат неколку можности, но се се сведува на фактот дека или ќе излеземе од ова како сојузници со Америка, со турбулентна фаза која сепак го издржа тој тест, или Европа оди по својот пат. Нема развод што не е болен, но обично е поболно за едната страна. Ако дојде до таков развод, тогаш сè зависи од нашата европска кохезија, која треба да зајакне од логиката на предизвикот, но живееме во свет во кој не е секогаш сè логично“, додава тој.

Свет | пред 1 година

Трамп спрема царини: Европската унија се однесува многу, многу лошо со нас, тие ќе мора да се соочат со тарифи

Американскиот претседател Доналд Трамп вети дека ќе воведе царини за Европската унија. Трамп рече дека ЕУ и другите земји имаат загрижувачки трговски суфицит со САД.„Европската унија се однесува многу, многу лошо со нас. Значи, тие ќе мора да се соочат со тарифи. Тоа е единствениот начин да се постигне правичност“, рече Трамп.Трамп изјави дека размислува да воведе царина од 10 отсто за увоз на кинески стоки веќе од 1 февруари. Во претходните изјави за новинарите во Белата куќа, тој ја оправда оваа мерка со тврдењето дека Кина испраќа фентанил во САД преку Мексико и Канада. Овие изјави следеа по заканите на Трамп дека ќе воведе царини од 25 отсто на увозот од Мексико и Канада.Еврокомесарот за трговија Марош Шефчовиќ вчера му подаде рака на помирување на Вашингтон, само два дена откако американскиот претседател положи заклетва. Во интервју за Политико, Шефчовиќ рече дека Брисел е подготвен да соработува со новата администрација во Вашингтон - и покрај постојаните закани на Трамп дека ќе воведе царини за стоките од 27-члениот блок.„Многу внимателно ги следиме пораките што доаѓаат од Белата куќа“, рече Шефчовиќ во своето прво интервју по преземањето на функцијата во декември, говорејќи на маргините на Светскиот економски форум. „Нашата порака е јасна: подготвени сме за дијалог. Сакаме да ставиме пакет на соработка на маса и отворени сме да разговараме за сите прашања што ги мачат нашите американски партнери. На тоа можеме да изградиме соработка.Царинските закани на Трамп предизвикаа загриженост во Брисел и меѓу владите ширум Европа во време кога економијата на континентот е ослабена. Неговото ветување дека ќе воведе високи царини за Кина предизвика стравувања дека евтините кинески производи, кои инаку би завршиле на американскиот пазар, би можеле да го преплават европскиот.Изјавите на Шефчовиќ, во кои тој изразува подготвеност за отстапки, се надоврзуваат на планот на Урсула фон дер Лајен, претседателка на Европската комисија, која во вторникот испрати суптилна порака до Трамп. Иако не го спомна директно, таа посочи дека ЕУ има бројни можности, меѓу кои и зајакнување на соработката „не само со долгогодишните партнери со слични ставови туку и со сите земји со кои споделуваме интереси“.Фон дер Лајен веќе сугерираше дека еден начин да се одврати Трамп од новите царини може да биде зголемување на увозот на американскиот течен природен гас. Друга опција за стекнување наклоност кај Вашингтон би била купувањето американска воена опрема.Иако Трамп сè уште не ја исполнил својата закана дека ќе воведе универзални царини, откако ја презеде функцијата тој продолжи да ја критикува ЕУ, обвинувајќи ја за голем трговски дефицит меѓу двете страни на Атлантикот.„Воопшто не ги увезуваат нашите автомобили. Едвај ги купуваат нашите земјоделски производи. Тие земаат многу малку. Имаме трговски дефицит од 350 милијарди долари со Европската унија. Тие не третираат лошо, и затоа ќе мора да се соочуваат со царини“, им рече Трамп на новинарите во Белата куќа.Шефчовиќ, претставник на Европската комисија познат по својата смиреност, не дозволи да биде испровоциран. „Овој однос е толку важен и вреден што мораме да го зачуваме. Треба да се фокусираме на тоа како дополнително да го подобриме“, нагласи тој, истакнувајќи дека трансатлантската соработка сочинува повеќе од 40 отсто од глобалниот бруто домашен производ.

Свет | пред 1 година

Утре да ја земеме слободата во свои раце, студентите повикуваат на генерален штрајк во Србија

Цела Србија утре, петок, на протест, студентите повикуваат на генерален штрајк.„Утре мора да престане сé! Да ја земеме слободата во наши раце, вашето учество прави разлика“, се вели во повикот на студентите.Тие ги повикаа сите граѓани на Србија целосно да ги прекинат активности.На официјалната страница на Инстаграм профилот „Студенти на Технолошко-металуршкиот факултет“ е објавено што се подразбира под генерален штрајк, а има и насоки како граѓаните можат колективно да се придружат на штрајкот.Студентите ги повторија барања:објавување на комплетната документација за реконструкцијата на Железничката станица во Нови Сад, отфрлање на кривичните пријави против студентите кои се уапсени и приведени на протестите, како и запирање на кривичните постапки, процесирање на лицата одговорни за нападот на студентите и професорите, како и нивно разрешување доколку се утврди дека се на јавни функции, како и зголемување на буџетот за високо образование за 20 отсто.„Не одиме на работа, не одиме на часови, не ги извршуваме секојдневните работи. Да ја земеме слободата во свои раце. Вашето учество прави разлика. Под терминот „генерален штрајк“ овде се мисли на општа граѓанска непослушност“, велат студентите.Студентите блокираат повеќе од 60 факултети низ Србија, а поддршка фобија од наставниците, професорите, родителите, Адвокатската комора, од ректорот на Универзитетот во Белград, како и од познати спортисти и уметници.

Македонија | пред 1 година

Сведокот за убиството на Вања кој беше во бегство, се предаде на полицијата

Гоце Трајковски, лицето кое е осомничено за подметнување пожар во кафуле во Кисела Вода, а воедно е и сведок во предметот за киднапирањето и убиството на Вања Ѓорчевска, се предаде на полицијата, дознава „Скопје1“ од свои извори. Тој пред краток период, сам отишол во ПС Кисела Вода, а откако по него беше распишана потерница.Трајковски е сведокот кој водел истрага со таткото на Вања и заедно трагале по неа. Собирале и прегледувале снимки. Требаше да се појави на судењето на 15 ноември, но неговата мајка Кираца Трајковска која исто така беше сведок, кажа дека тој имал здравствени проблеми. Подоцна се дозна од Обвинителството, дека тој има и својство на осомничен за подметнување на пожар, бидејќи според податоците оттаму, на 13 ноември со уште три лица, запалиле кафуле кое било лоцирано во зграда во Кисела Вода.Трајковски беше еден од првите кои се вклучија во потрагата за 14-годишната Вања. На последното рочиште за убиството, Обвинителството предложи да не се чита искаазот и да се почека, бидејќи ќе успеат да го лоцираат Трајковски. Останува на судот да одлучи, кога ќе го повика на сослушување.

Македонија | пред 1 година

За грчкото МНР, изјавата на Мицкоски е провокација: Прашањето е решено, конечно и неповратно

Официјална Атина одговори на изјавите на Христијан Мицкоски, кој рече дека Скопје не го смета спорот за името со Грција решен.Мицкоски, велат од грчкото МНР, се обидува да го врати во преден план прашањата кое веќе е решено, како што знаеме конечно и неповратно“.Тоа е одговор на коментарите на Мицкоски на собирот на, како што пишуваат грчките медиуми „Северномакедонците“ во Њу Џерси.„Треба да почнеме да победуваме во Вашингтон, Брисел, Берлин, Лондон, Париз, Рим ако сакаме, конечно, македонското прашање да дојде до својата завршница. Нашето прашање не е решено. Тоа тлее со векови и сè уште постои“, рече премиерот.„Овој настан е провокација за Грција”, велат од Миинистерството за надворешни работи на Грција.„Грција потсетува дека натамошниот напредок на билатералните односи со Северна Македонија и непреченото продолжување на европскиот курс на соседната земја бараат целосно почитување на договорот од Преспа и, се разбира, воздржување од иредентистички прокламации и претензии кон соседните земји“, посочуваат од грчкото МНР.

Македонија | пред 1 година

Митева: Донесена е владината програма за 2025 година, која ја одразува нашата континуирана посветеност за градење на посилна, потранспарентна и просперитетна Македонија

„Како што влегуваме во 2025 година, моја чест е денеска пред вас да ја презентирам Програмата за работа на Владата за 2025 година, која, имено, беше донесена на 45-та владина седница. Би сакала да ги споделам со вас клучните столбови на оваа Програма и како тие имаат за цел да го подигнат животниот стандард“, вели портпаролката на Владата, Марија Митева и додава:Програмата за 2025 година е во функција на остварување на стратешки приоритети за 2024 - 2028 година, секој дизајниран да одговори на итните предизвици: од обновување на довербата во институциите, ефикасната борба против криминалот и корупцијата, владеење на правото.Се разбира, економското заживување на земјата е наш врвен приоритет, поттикнување на силен циклус на економски раст, подобрување на севкупната транспортна инфраструктура, зголемување на животниот стандард, подобар и поквалитетен живот за секого, се разбира создавање на квалитетни работни места, модернизирање на образовниот систем и забрзување на дигиталната трансформација на јавните услуги.Содржината на оваа Програма е поделена по тематски подрачја и е поделена по динамика по месеци за секој приоритет, што уште еднаш ја потврдува нашата посветеност на транспарентност и на предвидливост којашто можат да ја имаат граѓаните, да знаат што можат да очекуваат. Се разбира во минатото, многу од проектите беа одложувани, што уште еднаш потврдува дека оваа Програма има за цел да даде навремена испорака и мерливи резултати.Дозволете ми да почнам малку подетално, во првиот дел од Програмата кој се однесува на акти и материјали по кои одлучува Собранието, ќе набројам само неколку од над 120 предлог-законски решенија коишто се предвидени во оваа Програма. Би ги издвоила Предлог-законот за управување со движење на предметите во судовите, ќе се работи на Предлог-закон за судска и јавна обвинителска служба, целта е да го подобриме стручниот кадар во овие служби. Би сакала да го споменам и Предлог-законот за изменување и дополнување на Законот за спречување на корупција и судир на интереси.Во вториот дел пак, кој се однесува на работата на Владата и на акти и материјали коишто ги носи Владата, опфатот е поширок на сите сегменти, би го споменала делот на образованието како што се реконструкција на училишни објекти, годинашниот буџет е за 6 милијарди денари повисок од оној којшто беше во минатата година или вкупно е 38 милијарди денари. Зголемени се блок дотациите кон општините затоа што ќе се прави покачување на платите на вработените во образованието веќе од месец март за 7%.Повисоки плати од овој месец ќе добијат и вработените во високообразовните установи и тоа наставниот кадар за 14%, а ненаставниот кадар за 8%. Очекуваме дека ова јакнење на економската стабилност ќе биде стимул за дополнителна заложба кон поквалитетно образование.Сосема на крајот би сакала да потенцирам дека во Програмата за работа на Владата околу стотина активности се однесуваат на обврските од Реформската агенда за 2024-2027 година и Планот за раст на земјите од Западен Балкан, што уште еднаш ја потврдува сериозната заложба за реформи на оваа Влада коишто се однесуваат на препораките од Европската Унија.Продолжуваме со многу работа, нашата визија е јасна: држава во која системот функционира, просперитетна економија и влада која работи за граѓаните и на која граѓаните и веруваат“.

Македонија | пред 1 година

Апасиев стана редовен професор: Не ни сонував дека еден ден ќе стигнам до највисокото академско звање во кариерата

Лидерот на Левица и пратеник во Собранието, проф. д-р Димитар Апасиев, денес на социјалните мрежи ја објави Одлуката со која на 26.12.2024 е избран за редовен професор на Правниот факултет при Унивезитетот „Гоце Делчев”- Штип. Тој накратко го опиша неговото патешествие до ова звање и им порача на младите да не се откажуваат, да се борат нагласувајќи дека патетичноста е контрареволуционерна:„...и го задржува звањето редовен професор доживотно!Кога професорката Поленак, како тогашен апсолвент, ме одбра како демонстратор да и помагам при држењето на вежбите по Римско право, не ни сонував дека еден ден ќе стигнам до највисокото академско звање во кариерата. Мислев дека по напуштањето на „Јустинијан Први“, ќе продолжам со вообичаена правна работа во Велес или ќе се иселам во странство.Но, го послушав советот на проф. Шкариќ и конкурирав на УГД во Штип... Ме примија за помлад асистент, па се попишманија!? Па малце се тужевме и ги добив судски вмровските директори на тогашната Агенцијата за вработување. После станав и асистент.Па, дојде денот да докторирам. Се сменија законите, Грујо ни воведе докторски студии. Докторирав во првата генерација на УКИМ по новата програма, ама имав звање асистент-докторант.Правото ми беше многу бавно, па почнав да се бавам со политика... Ја формиравме Левица. Паралелно давав испити, пишував дисертација, држев настава и градев партија која сите ја исмеваа. Станував секој ден во пет и со превоз идев до Кочани, Струмица и Штип. Се будев во темница, се враќав во темница. Мислеа ќе се откажам. Ама, сѐ е до психата, батиња. Битно е да си го напраиш „филмот“. Ја си го напраив дека сум патувачки учител, како во антика.И така, едно пет-шест години. Од понеделник до петок. Со автобуси и комбиња до предавалните и амфитеатрите (btw, имавме и две сообраќајќи по патиштата). Ама не се откажав. Станав доцент. Потоа регуларно и вонреден професор, непосредно пред да станам пратеник. Еве сега, дочекав и редовен.*Наравоучение до младите: работата е едноставна, дечки. Да не се откажеш! Животот е Борба. Бори се. Патетичноста е контрареволуционерна.„VivatAcademia” - напиша на својот фејсбук профил претседателот на Левица, Димитар Апасиев.

Македонија | пред 1 година

СДСМ: Пациентите на онкологија немаат терапија, а Владата троши на авиони и мебел

Онколошките пациенти во Македонија седум дена се без биолошката терапија што им е неопходна за спас на животот. Според опозициската СДСМ оваа состојба е вистинска хуманитарна катастрофа и директен резултат на крајно аматерскиот и неорганизиран пристап на власта.,,Наместо решенија за пациентите, за граѓаните ја слушаме власта со изговори“, истакнуваат од СДСМ. Тие укажуваат на серија оправдувања кои доаѓаат од надлежните институции.системот.СДСМ го посочи прстот кон директорот на Фондот за здравствено осигурување, кој велат, ја оставил Клиниката за онкологија неподготвена за набавка на лекови.,,Клековски се правда дека една од причините за недостигот на биолошките лекови е укинувањето на дозволата на директорите да ги набавуваат овие лекови на реверс. Но, ако цела 2024 година не се земале лекови на реверс, што се чекало до сега?Ваквите изговори се недозволиви во услови кога е во прашање човечки живот. Дали власта знае дека животот на пациентите со метастатски канцер е загрозен и зависи токму од оваа терапија?“, прашуваат од партијата.СДСМ директно ги обвинува и премиерот Мицкоски и министерот Таравари за неспособност да управуваат со здравствениот систем.„Лекови од донации, а владата авион сака да купува и илјадници евра за шетање по странство да троши, пари на граѓаните.Граѓаните заслужуваат здравствен систем кој функционира превентивно, одговорно и во интерес на нивното здравје. Никој и ниту една влада нема право да го ризикува здравјето на граѓаните”, велат од СДСМ.

Македонија | пред 1 година