Сведоштво: Во ходникот на кардиологија, дознав дека инфарктот не убива – системот убива побавно

Скопјанецот Мартин Тасевски на социјалните мрежи ја споделува својата потресна приказна за корупцијата која вели ја видел во ходникот на болницата. Во објавата не се наведува за која кардиологија станува збор ниту се спомнуваат имиња на докторите.„Денес бев на кардиологија, па корупцијата не ја видов во некоја далечна канцеларија, туку пред мене во ходникот на болницата.Мајка ми со деменција, во тешка состојба, доживеа тежок инфаркт, инфаркт, со стент на кардиологија во многу тешка состојба. Јас и татко ми, очајни, само сакавме да ја видиме и да дознаеме нешто повеќе за состојбата на сопругата и мајката.Наместо збор, добивме студен ѕид. Арогантен одговор од доктор кој мисли дека е Богот Один, кој ни одговори на едно прашање само со „ДА и НЕ“ со свртен грб... Во одење, се разбира, нели, Один е во прашање.И додека се надвикувам со Один, кој исчезнува во далечините, пред нас влегува цело семејство. (чопор)Добро си викам, ништо повеќе и не очекував. Ние чекаме. Татко ми, културно, тивко. Понизно... (Прв пат го гледам таков, лицето никогаш не сум му го видел такво)Потоа ми приоѓа жена и ми шепнува: (Патем, ме гледа како р'жам и го губам трпението)„Во Жан Митрев однесете ја, фондот покрива. Ние сме презадоволни. Фала многу, си рековме пријатно, пријатно“И веднаш потоа, ја гледам како се јавува на телефон:„Здраво, тука комшиката од горе, пријателката ми е тука на кардиологија па сакав да прашам…“ (си бара врски)И тука сфаќаш...Ова не е само здравство. Ова е систем на „комшии од горе“, „некој што познава некого“, „јави се, среди, протуркај“(пошто ако оставиш на претпоставки од слепо црево ќе ти отиде човек)Ова е држава во која информацијата, вниманието и човечноста на Докторов или Богов Один, понекогаш не се право, туку привилегија...И потоа, се чудиме зошто луѓето се бесни. Зошто се расправаат. Зошто се случуваат инциденти. Не затоа што некој е роден лош, туку затоа што понижувањето со години се таложи во секој ходник, на секој шалтер, пред секоја врата што се отвора „за некој друг“.И на крај, најтешката мисла:Ние сакаме да покажуваме со прст кон „корупцијата“, а ретко се прашуваме колку пати и самите сме рекле:„Ајде, јави се кај некого.“„Знаеш ли некој внатре?“„Ќе се среди.“Можеби најголемата клетва што ја носиме не е од историјата, ни од империите, ни од Османлиите, туку од навиката да прифатиме дека редот мора да важи за сите еднакво.А, додека тоа го прифаќаме, секој од нас, ја одржува истата корупција што ја пцуе и вели: ,,ама на запад го нема ова.“, стои во објавата.

Коментари | пред 3 месеци

Лишен од слобода кумановец за издржување казна од 40 месеци

На 27.01.2026 година околу 00:15 часот, полициски службеници од СВР Куманово го лишиле од слобода М.С. (28) од Куманово.Тој бил баран по централна потерница врз основа на судска наредба за издржување казна затвор од три години и четири месеци поради сторени кривични дела „тешка кражба“ според член 236 од Кривичниот законик.Лицето е спроведено во Казнено-поправната установа „Затвор Идризово“ за издржување на казната.

Македонија | пред 3 месеци

Левица: Владејачкото мнозинство турка партиски активист како член на тело кое мора да биде стручно, независно и кредибилно,

Ја информираме јавноста дека на утрешната пленарна седница, при гласањето за составот на Комисијата за спречување и заштита од дискриминација, пратеничката група на Левица ќе гласа ПРОТИВ предлогот, поради бруталната партизација на оваа институција и тоа со нестручни кадри, олицетворено преку кандидатурата на Џихан Ахмед – кадар предложен од ВРЕДИ аминуван од ДПМНЕ, велат од политичката партија Левица.„Станува збор за кандидат кој не ги исполнува законските услови за избор - нема минимум седум години работно искуство во областа на човековите права, нема релевантно искуство, а на јавната расправа демонстрираше елементарно непознавање дури ни на надлежностите на самата Комисија, како и на основни меѓународни документи како Истанбулската конвенција, иако магистерските студии ги завршила во насоката за меѓународно право и односи.И покрај ова, владејачкото мнозинство свесно турка партиски активист како член на тело кое мора да биде стручно, независно и кредибилно, бидејќи од неговите одлуки зависи статусот на најранливите категории граѓани. Дополнително брутално исмејување во очите на јавноста е и тоа што кандидатката иако треба да приложи изјава дека не е носител на партиски функции (чија цел е осигурување на непристрасноста), таа уште официјално неизбрана, јавно му се заблагодари за поддршката на лидерот на ВРЕДИ - Изет Меџити!Со ваквото однесување, уште пред формално да биде избрана, таа самата ја урнисува секоја илузија за независност и непристрасност, и јасно демонстрира дека не доаѓа во Комисијата како заштитник на човековите права, туку како партиски пратеник на коалициските договори меѓу ДПМНЕ и ВРЕДИ.Ова е класичен пример за институционално заробување - орган кој треба да биде коректив на власта и заштитник на дискриминираните, се претвора во партиска испостава, пополнета со лојални, а не со компетентни кадри. Наместо експерти со докажано искуство, се инсталираат политички послушници без основно познавање на материјата, со што директно се загрозува правната сигурност и заштитата на граѓаните.Одговорноста за оваа брутална деградација на Комисијата ја сноси ДПМНЕ, која со гласањето ја легитимира и спроведува оваа партиска поделба на независните институции, продолжувајќи ја праксата на клиентелизам, непотизам и политичка контрола врз телата кои треба да бидат автономни“, се вели во соопштението.

Македонија | пред 3 месеци

Граѓански марш пред Владата во сабота поради загадениот воздух

Граѓанска иницијатива Стоп за усје најави марш што ќе се одржи оваа сабота, 31 јануари 2026 година, со почеток во 12:00 часот, како реакција на, како што наведуваат, долготрајниот молк на институциите и избегнувањето одговорност во однос на загадувањето на воздухот.Маршот ќе започне пред зградата на Владата, по што учесниците ќе се движат кон Собранието и Министерството за животна средина. Организаторите велат дека целта на протестот е да се побара право на чист воздух и конечно преземање конкретни мерки од надлежните институции.Според најавата, фокусот на маршот е ставен на загадувањето од индустриски капацитети, при што се посочува дека економскиот профит не смее да биде поважен од здравјето и животот на граѓаните. Како еден од симболите на протестот се споменува и загадувањето поврзано со работењето на УСЈЕ, за кое граѓаните бараат одговорност и построга контрола.„Излегуваме на улица затоа што здравјето на луѓето е поважно од било каков интерес“, порачуваат организаторите, повикувајќи ги граѓаните масовно да се приклучат на маршот.Маршот е најавен како мирен протест, а од организаторите апелираат до институциите да ја слушнат пораката на граѓаните и да започнат со итни и конкретни активности за намалување на загадувањето и заштита на јавното здравје.

Скопје | пред 3 месеци

(Видео) Стармер се пошегува со Макрон поради очилата за сонце, со реплика од филмот Топ Ган

Британскиот премиер Кир Стармер се пошегува на сметка на францускиот претседател Емануел Макрон за време на еден комичен настап во Лондон.Стармер на сцената стави пилотски очила за сонце, кои станаа препознатлив симбол на Макрон откако ги носеше минатата недела во Давос поради проблем со окото.Настанот се одржа во театарот „Dushess“, во рамки на емисијата „The Political Party Live“, каде премиерот учествуваше во интервју пред публика.Стармер го сподели видеото на својот TikTok профил, при што го означи и самиот Макрон, со коментар „Talk to me, Goose“, позната реплика од филмот Top Gun, која го популаризира токму овој стил на очила за сонце.Потегот на британскиот премиер предизвика смеа кај публиката, а тој додаде дека дури би размислил за носење такви очила и на идни средби. Сепак, се пошегува дека му се потребни неговите обични очила, бидејќи без нив не би можел ништо да види во парламентот.Макрон минатата недела ја изненади јавноста појавувајќи се на Светскиот економски форум во Швајцарија со очила за сонце, а француските медиуми подоцна известија дека ги носел за да го прикрие црвенилото на окото предизвикано од пукање на капилари.

Свет | пред 3 месеци

Русија и Украина во активен дијалог за нова размена на затвореници

Русија и Украина моментално водат активен дијалог за бројот на лица кои ќе бидат вклучени во новата размена и за организациските детали, соопшти руската комесарка за човекови права Татјана Москалјкова.„Во моментов се води активен дијалог во врска со бројот на лица кои ќе учествуваат во размената и организациските прашања. Се надевам дека оваа размена на затвореници наскоро ќе се одржи“, изјави Москалјкова за новинарите, пренесува TASS.Таа предложи и да се испита можноста за отворање контролен пункт помеѓу Русија и Украина за спојување на семејства и враќање на лица со истечени пасоши.Минатата година, Русија и Украина одржаа низа состаноци во Истанбул на 16 мај, 2 јуни и 23 јули. По последниот состанок, страните се согласија да продолжат со размена на тешко повреден и болен персонал, затвореници, како и тела на загинати војници и цивили.Трилатералните преговори меѓу САД, Русија и Украина ќе продолжат в недела, на 1 февруари во Абу Даби, јави порталот Axios, повикувајќи се на изјава на американски официјален претставник.

Свет | пред 3 месеци

Гинеколозите бараат предлог-законот за забрана на пушење и никотински производи да се усвои и доследно спроведува

Здружението на матични гинеколози денеска преку соопштение ја изразува својата силна и недвосмислена поддршка на предлог-законот за заштита од пушењето, со кој се предвидува целосна забрана за употреба на цигари и сите видови никотински производи во затворени простории, вклучително и електронски цигари и уреди за загревање тутун.– Како здравствени работници кои секојдневно работат со жени во репродуктивен период, бремени жени, родилки и парови кои се соочуваат со проблеми со плодноста, сметаме дека ваквата законска регулатива е неопходна, оправдана и во согласност со современите медицински докази. Научните податоци јасно укажуваат дека не постои безбедно ниво на изложеност на тутунски чад или аеросоли од никотински производи. Пасивното пушење претставува сериозен ризик по здравјето и е поврзано со кардиоваскуларни и респираторни заболувања, како и со зголемен ризик од малигни болести. Според Светската здравствена организација, повеќе од 1,3 милиони луѓе годишно во светот умираат како последица на пасивна изложеност на тутунски чад, при што најранливи категории се жените и децата, се вели во соопштението.Според Здружението, од аспект на репродуктивното здравје, изложеноста на никотин и тутунски токсини има докажано негативно влијание врз плодноста и кај жените и кај мажите. Кај жените, пушењето и пасивното пушење се поврзани со нарушена овулација, намалена резерва на јајце-клетки, хормонски дисбаланс и зголемен ризик од неплодност. Кај мажите, бројни клинички и епидемиолошки студии потврдуваат намален број на сперматозоиди, намалена подвижност и нарушена морфологија на спермата, како и зголемено оштетување на ДНК на сперматозоидите, што директно ја намалува можноста за зачнување и го зголемува ризикот од репродуктивни компликации.Оттаму наведуваат дека за време на бременоста, изложеноста на тутунски чад и никотин е поврзана со зголемен ризик од предвремено породување, ниска родилна тежина, интраутерина ретардација на растот и зголемена перинатална морбидитет и морталитет.– Никотинот и другите штетни супстанции лесно ја преминуваат плацентата и имаат директно негативно влијание врз развојот на плодот. Дополнително, изложеноста на новороденчиња и мали деца на чад и аеросоли од никотински производи е поврзана со почеста појава на астма, респираторни инфекции, воспаленија на средното уво и зголемен ризик од синдром на ненадејна смрт кај доенчиња. Посебно загрижува фактот што одредени никотински производи, како електронските цигари и уредите за загревање тутун, често се претставуваат како побезбедна алтернатива. Современите научни истражувања укажуваат дека и овие производи ослободуваат никотин, ултрафини честички и хемиски соединенија со потенцијално штетно дејство врз респираторниот, кардиоваскуларниот и репродуктивниот систем, а нивната пасивна употреба во затворени простории претставува реален здравствен ризик, стои во соопштението.Здружението на матични гинеколози нагласува дека целосната, недискриминаторска забрана за употреба на сите форми на пушење и никотински производи во затворени простории е клучна мерка за заштита на јавното и репродуктивното здравје.– Здравјето на жените, мажите, децата и идните генерации мора да има апсолутен приоритет. Ги охрабруваме надлежните институции да го усвојат и доследно да го спроведуваат предлог-законот без исклучоци, а јавноста да ја препознае оваа мерка како инвестиција во здравјето, плодноста и иднината на нашето општество, се вели во соопштението од Здружението на матични гинеколози.

Македонија | пред 3 месеци

Муцунски: Македонија сѐ уште не добила покана за Одборот за мир, анализираме дали е во наш интерес

Министерот за надворешна работи и надворешна трговија, Тимчо Муцунски синоќа истакна дека македонската владина делегација на Светскиот економски форум во Давос беше насочена кон активна комуникација со компаниите кои би помогнале за развивање на домашната економија.-Целта на нас како владина делегација на овој настан беше насочена кон следење на најновите трендови и активна комуникација со компаниите кои можат да ни помогнат во насока на развивање на домашната економија. Јас ги следев овие соопштенија кои опозицијата ги лиферуваше – или не знаат што е Давос, или сакаат да ја манипулираат јавноста за каков настан се работи. Нашиот фокус беше економија, трговија, бизнис, инвестиции. И мислам дека многу успешни плодови од овој настан ќе имаме во следниот период, рече Муцунски на вечерашното гостување на „Тема на денот“ на ТВ Сител.Тој потенцира дека македонската владина делегација во Давос имале повеќе значајни средби со претсавници на престижни компании, од кои се надева дека ќе донесат конкретен плод за нашите граѓани.-Тоа што јавноста го гледаше како слика од Давос беше повеќе политички пораки. На пример говорите на претседателот Трамп, на претседателот Макрон, доста популарен беше и говорот на канадскиот премиер, но тоа беше заради моментот и случувањата околу Гренланд. Настанот во Давос носи назив Светски економски форум. Самиот настан е конципиран како најголемиот ЏитТуБи влада со бизнис и БиТуБи бизнис со бизнис настан во светот. Целта е да се дискутира за трговија, за економија, за енергетика, за да се слушнат најновите трендови, но исто така владите да имаат можност за непосреден контакт со деловната заедница. Ние имавме повеќе средби кои се надевам дека ќе донесат конкретен плод за нашите граѓани. Средбата со ФорАјЏи, средбата со раководството на мултинационалната корпорација Филипс. Врз основа на таа средба токму денеска имав фолоу-ап комуникација со еден од главните потпретседатели на корпирацијата Филипс. Претседателот Мицкоски беше панелист на еден од најзначајните панели за енергетика каде што заедно беше главен говорник со американскиот секретар за енергетика Врајт, рече тој.Во однос на прашањето за недобивање покана на нашата држава во Бордот за мир, Муцунски нагласи дека се уште прават анализа дали ние и би имале интерес да пристапиме кон ваква организација.-Јас не мислам дека надворешната политика треба да ја третираме низ призмата на симболика, туку треба да ја гледаме низ призмата на резултатите кои се постигнуваат. Се работи за Борд за мир за Газа. Ние и по однос на ова прашање комунициравме со администрацијата во Вашингтон. Но, ние исто така нашето позиционирање по сите овие прашања треба да го гледаме низ призмата не само кои се нашите права, односно сликата да се биде тука, туку и потенцијалните обврски што би се очекувале од земјите кои членуваат во овој Борд. Комуницираме со Вашингтон по ова прашање. Прашањето за Газа не е меѓу клучните приоритети на македонската надворешна политика по однос на партнерството со САД. Ние низ призмата на праксата докажавме што значи да се биде во стратешки односи со оваа администрација, изјави министерот за надворешни работи.На прашањето дали македонската Влада има изградено пристап дали би прифатиле доколку Македонија добие покана на Одборот за мир, Муцунски одговори дека не треба да брзаме по однос на оваа прашање. Потенцира дека едно е да добиете права, а друго е какви обврски ќе се преземаат.-Едно е да добиете права, но друго е ќе повторам и какви обврски ќе се преземаат не само финансиски обврски, туку и обврски и од друга гледна точка и кој е нашиот интерес да учествуваме ви мировниот процес во газа како мала држава во срцето на Балканот. Комуницираме со администрацијата во Вашингтон и доколку донесеме одлука во било која насока, секако македонската јавност ќе биде своевремено информирана. Но, да бидеме внимателни. Немаме интерес да избрзуваме ние како држава во вакви релации. Во ова сложено време приоритетот на надворешната политика треба да биде домашниот интерес. Тука ќе повторам, мислам на бизнисот, на граѓаните, на студентите, на сите кои што имаат некој интерес којшто надворешната политика помага да се реализира, рече Муцунски.Министерот Муцунски најави дека  владина делегација предводена од премиерот Христијан Мицкоски ќе учествува на политички безбедносен форум во Минхен, каде што фокусот нема да биде толку многу економија и бизнис, туку политика и безбедност. Нагласи дека на овој форум приоритет ќе им бидат средбите од областа на политиката и безбедноста.

Македонија | пред 3 месеци

ВЛЕН: Камерите „Безбеден град“ ќе имаат исти толеранции како полициските радари

ВЛЕН во денешното соопштение нагласува дека толеранциите на камерите од „Безбеден град“ ќе бидат исти како оние на полициските радари: 6 км/ч до 100 км/ч и 8 км/ч над 100 км/ч.Според владиниот коалициски партнер, ова докажува дека фокусот е на превенција, а не на казнување. Толеранцијата важи само за помали прекршоци, додека не важи за кривични сообраќајни прекршоци, додаваат од таму.„Во врска со имплементацијата на системот, нагласуваме дека толеранциите на камерите ќе бидат идентични со оние што веќе ги применуваат полициските радари: толеранција од 6 км/ч за брзини до 100 км/ч и 8 км/ч за брзини над 100 км/ч. Ова јасно покажува дека целта не е казнување, туку спречување на прекршоци што ги загрозуваат животите на луѓето. Толеранцијата се однесува само на помали прекршоци и не се однесува на случаи на кривични сообраќајни прекршоци“, велат од ВЛЕН.

Македонија | пред 3 месеци

Муцунски: ЕУ е свесна дека постои проблем и работи на изнаоѓање решение, но не сме задоволни од динамиката

Говорејќи за протестите на превозниците кои втор ден по ред ги блокираат граничните премини во регионот, министерот за надворешни работи и надворешна трговија, Тимчо Муцунски, во емисијата „Тема на денот“ на Сител изјави дека проблемот е сериозен, но дека Владата веќе неколку месеци е во директна и активна комуникација со институциите во Брисел со цел изнаоѓање решение.„Овие правила не се насочени само кон нашата држава, туку се применуваат кон сите земји од Западен Балкан, земји кандидати и држави кои не се членки на ЕУ. Од септември активно комуницираме со Европската Унија по двете клучни прашања – и за превозниците и за тарифите за челикот“, истакна Муцунски. Тој нагласи дека Владата јасно укажала до институциите во Брисел дека евентуалната примена на овие мерки ќе има сериозни економски последици за државата и регионот. „Доколку се применат мерките за превозниците и тарифите за челичната индустрија, цената што ќе ја платиме ќе биде четири до шест пати повисока од средствата што би ги добиле од Планот за раст, дури и во најоптимални услови“, рече министерот.Муцунски оцени дека е неприфатливо земјите од регионот да бидат ставени во иста група со држави како Русија, Белорусија, Северна Кореја или Кина, кога станува збор за трговски рестрикции. Како што посочи, ова прашање е отворено и на највисоко политичко ниво, вклучително и преку директна комуникација со претседателката на Европската комисија, Урсула фон дер Лајен. „Европската Унија е свесна дека постои проблем и работи на изнаоѓање решение, но не сме задоволни од динамиката. Нашата обврска е да продолжиме со притисок, да нудиме конкретни решенија и да настапуваме координирано како регион“, нагласи Муцунски.Министерот додаде дека постои редовна координација со министрите за надворешни работи од Србија, Црна Гора, Албанија, Босна и Херцеговина и Косово, со цел усогласен регионален пристап кон институциите во Брисел.„Доколку Европската Унија е искрена во намерата за интеграција на регионот, нема да дозволи примена на мерки кои толку сериозно ќе ја нарушат економијата и ќе предизвикаат колапс на транспортот и синџирите на снабдување“, порача Муцунски.

Македонија | пред 3 месеци

Герасимовски со ансамблот „Орце Николов“: Македонската традицијата е дел од нашата програма

По повод 80 години постоење на Ансамблот за народни игри и песни „Орце Николов“, градоначалникот на Општина Центар, Горан Герасимовски, се сретна со раководството на културно-уметничкото друштво.На средбата се разговараше за тековните културни активности во општината и можностите за понатамошна соработка меѓу Општина Центар и ансамблот.„Со Ансамблот имаме одлична соработка. Во рамки на програмата за култура, ансамблот доби и финансиска поддршка за проектот „80 години волшебен свет на фолклорот“, со што продолжуваме да вложуваме во негувањето на народната уметност“, порача градоначалникот Герасимовски.Тој нагласи дека локалната самоуправа е силен поддржувач на културата и народното творештво.„Во изминатиот период значително ги зголемивме вложувањата во културата, а за 2026 година буџетот за култура изнесува 26 милиони денари. Преку бројни манифестации овозможуваме културни содржини што ги обединуваат граѓаните од сите возрасти. Културата е и ќе остане наш приоритет“, рече Герасимовски.

Скопје | пред 3 месеци

Песков: Грешка е што ја демонзираат Русија

Портпаролот на рускиот претседател, Дмитриј Песков, изјави дека Полска и балтичките земји поради некои причини се плашат од Русија и ја демонзираат, што според него претставува голема грешка.Тој нагласи дека постојат земји со кои Русија со векови има „дефицит на пријателски чувства“.„Да ја земеме на пример, Полска. Навистина имаме проблеми со Полска. Навистина имаме проблеми со Балтикот. Од некоја причина, тие постојано се плашат од нас и не демонзираат. Секој што таму ќе дојде на власт започнува да ја мрази Русија и Русите“, рече Песков во коментар за новинарот на Лајф, Александар Јунашев, пренесува ТАСС.Според него, таквиот став кон Русија е голема грешка.„Овие земји би можеле многу да научат од руската култура и интеракција со Русија“, додаде Песков.

Свет | пред 3 месеци

Ќе се тестират камерите на автопатот Охрид-Кичево

Секторот за внатрешни работи Охрид, денеска, во рамки на проектот „Безбеден град“ ќе спроведува активности за тестирање, калибрација и верификација на поставените уреди (камери) за сообраќаен надзор на подрачјето на Охрид, поточно на автопатската делница Охрид-Кичево, помеѓу селата Горенци и Требеништа и помеѓу Ботун и Ново Село, општина Дебрца. Предвидените активностите ќе се реализираат со почеток во 12 часот при што, на секоја локација со поставена камера постапката ќе се изврши еднократно и ќе трае од 15 до 30 минути.Aпелираме до сите учесници во сообраќајот на овој патен потег, да покажат разбирање за неопходноста од планираните мерки, да ги почитуваат привремените ограничувања и насоките на полициските службеници со цел, безбедно реализирање на планираните активности.

Македонија | пред 3 месеци

Тројца пешаци тешко повредени во три сообраќајни несреќи во Скопје, Куманово и Битола

На 26 јануари 2026 година, во три одделни сообраќајни несреќи во Скопје, Куманово и Битола, тројца пешаци се здобија со тешки телесни повреди.Околу 17:20 часот во Скопје, на крстосницата на ул. „Васил Ѓоргов“ и ул. „Шарски Одреди“, патничко возило „Фолксваген Фокс“ со скопски регистарски ознаки, управувано од З.А. (60) од Скопје, удрило во пешакот Б.К. (59) од Скопје. Поради ударот, пешакот се здобил со тешки телесни повреди и бил пренесен во Градската општа болница „Св. Наум Охридски“ во Скопје. На местото на настанот извршен е увид од екипа на СВР Скопје.Во Куманово, околу 19:25 часот, патничко возило „Даеву Тико“ со кумановски регистарски ознаки, управувано од М.Ј. (23), удрило во пешакот С.К. (67). Поради ударот, С.К. се здобила со тешки телесни повреди и била пренесена во Општата болница Куманово. Исто така, извршен е увид од екипа на СВР Куманово.Во Битола, околу 17:48 часот, мотоцикл удрил во пешакот С.Д. (76) на ул. „Смилевски конгрес“ и го напуштил местото на настанот. Пешакот се здобил со тешки телесни повреди и бил пренесен во болницата во Битола, а увид извршила екипа на СВР Битола.Сите случаи се под истрага и увидот продолжува, а повредените се на лекување.

Македонија | пред 3 месеци

Пронајдено телото на петтата жртва од експлозијата во фабриката во Трикала

Тимовите за спасувањегo пронајдоа телото на петтата вработена која беше пријавена за исчезната по силната експлозија и пожарот што ја зафати фабриката за бисквити „Виоланта“ во централниот грчки град Трикала во понеделникот, при што загинаа пет работници.Според државната телевизија ЕРТ, телото е пронајдено на приземјето на фабриката, неколку метри од местото каде што беа пронајдени три од останатите четири тела, сите жени.Експлозијата се случи рано наутро во понеделникот, во производниот дел на фабриката, каде што 13 вработени работеле ноќна смена, соопштија официјални лица. Осум од 13-те работници успеале сами да го напуштат објектот, а три беа пренесени со амбуланта во болница за прва помош, уште три со сопствени возила, додека двајца останале на местото на настанот.Петмина вработени беа пријавени за исчезнати и подоцна беа пронајдени мртви по часови пребарување и спасување.Властите соопштија дека идентификацијата на жртвите ќе биде особено тешка и ќе се изврши преку ДНК анализа.Според првичните наоди на пожарникарската служба, најверојатниот сценарио за експлозијата вклучува истекување на гас користен за работа на индустриските печки во кои се печеле производите на компанијата.

Свет | пред 3 месеци

Црвен метео аларм на Крит: Силен дожд, грмежи и локален град предвидени во Грција

Денес се предвидуваат обилни врнежи, грмежи и локален град за делови од Грција, при што властите го ставија Крит на црвена тревога, по ажурираниот извештај за итни временски услови.Според прогнозата, се очекува облачност со дожд и грмежи на источните егејски острови, Додеканези, Киклади и Крит. Нестабилно време со локален дожд и изолирани грмежи ќе го погоди остатокот од земјата, додека слаби снежни врнежи се очекуваат во планинските предели на северниот копнен дел.Ветровите ќе достигнат 4 до 6 степени според Бофортовата скала, а во некои источни и јужни предели и 7 степени.Во среда, дождот и изолираните грмежи ќе продолжат на источните егејски острови, Додеканези и можеби Крит, додека облачноста и дождот постепено ќе се прошируваат кон западниот, централниот и северниот копнен дел подоцна во денот.

Свет | пред 3 месеци

Минатата година подигнати речиси 22 000 кубни метри отпад од диви депонии

Во текот на 2025 година, екипите на ЈП Комунална хигиена-Скопје подигнаа и транспортираа вкупно 21995 кубни метри отпад од стотици диви депонии лоцирани во сите скопски општини. Најголемо количество непрописно одложен отпад е отстрането во скопските општини Центар и Чаир.„Екипите на Претпријатието речиси секојдневно интервенираа на неколку локации каде што се одлага отпад на јавни и на сообраќајни површини, најчесто на  булеварот Никола Карев (Пластичарска улица), на аголот со улицата Максут Садик, веднаш крај детското игралиште, каде што континуирано се отстрануваа големи количества непрописно одложен кабаст, градежен и мешан комунален отпад.Воедно, во текот на минатата година, Еко-патролата на ЈП Комунална хигиена-Скопје врачи 607 записници за лица и правни субјекти затекнати при непрописно одлагање отпад. Најголем број записници – вкупно 227, се изготвени во скопската општина Чаир.ЈП Комунална хигиена-Скопје нема ингеренции на терен да ги санкционира прекршителите на Законот за јавна чистота и од тие причини апелира што поскоро на сила да стапи Закон за формирање комунална полиција, како најефикасен начин да се превенира загадувањето на животната средина и да се заштити јавното здравје“, се вели во соопштението од претпријатието.

Скопје | пред 3 месеци

Пронајдени две торби марихуана во Скопје – лишени од слобода две лица

На 26 јануари 2026 година, околу 15:30 часот, полициски службеници од Единицата за интервентна полиција при СВР Скопје лишија од слобода 37-годишниот Н.А. од Скопје. При преглед на неговото возило беа пронајдени две патнички торби со марихуана.Следниот ден, на 27 јануари, околу 00:10 часот, на ул. „Цветан Димов“ во Скопје, полициски службеници од истата единица го лишија од слобода 21-годишниот Е.Х. од Тетово, кај кого беше пронајдена марихуана.По целосно документирање на случаите, против двете лица ќе бидат поднесени соодветни пријави.

Скопје | пред 3 месеци

Бугарски професор со совет до македонските камионџии: Станете бугарски државјани, ништо нема да изгубите

Бугарскиот професор и академик Спас Ташев предизвика реакции со својот совет до македонските камионџии, предлагајќи им да се стекнат со бугарско државјанство за да ги избегнат проблемите со новите правила за влез и престој во ЕУ. Во објавата на социјалните мрежи, тој детално ја образложува својата позиција и дава препораки за возачите од Северна Македонија.„Ја гледам оваа вест во скопските медиуми и размислувам неколку работи:Тврдењето на медиумите дека станува збор за Македонија не е точно. Станува збор за Северна Македонија, која е само 36% од територијата на географскиот регион на Македонија. Само името Македонија создава збунетост и неосновани тврдења. Мора да се држиме до објективните факти.Граѓаните на Северна Македонија си избраа влада која не им служи на северномакедонските туку на српските интереси. Оваа влада сосема свесно ги блокира евроинтеграциите на Скопје за Белград да не оди пред неа. Во ваква ситуација, не гледам поента на протести, бидејќи сегашната ситуација е предвидена. Одлуката е таму да не се гласа за зависни политичари кои се инфилтрирале во ситеПознавам многу возачи од Северна Македонија (и онака живеев таму 4 години, а никогаш не сум прекинал контакт) кои имаат бугарско државјанство и без проблем ги возат камионите во ЕУ. Затоа би им препорачал на повеќе возачи од Северна Македонија да станат бугарски државјани. Ништо нема да изгубат, само ќе добијат, затоа што Скопје и неговите владетели нема наскоро да започнат европски преговори.Напишано од мене во т. 3 е еден спас. Но имам и идеја за групен спас на нашите браќа од северноМакедонци. Чекам ситуацијата да созрее и да почнам со реализација на оваа идеја.“, стои во објавата.

Македонија | пред 3 месеци

Бугарските превозници реагираат на блокадите: економските загуби се огромни

Бугарските превозници се жалат дека претрпуваат големи финансиски загуби поради блокадите што ги вршат превозниците од Србија, Босна и Херцеговина, Црна Гора и Северна Македонија, кои протестираа поради проблемите со новиот систем за влез и излез од ЕУ.„Транспортерите од Бугарија поради блокадите мораат да користат алтернативни патишта до европските дестинации, кои минуваат низ Романија, што го продолжува нивното растојание за 500-600 км. Вчера, премините со Србија беа блокирани за тешки товарни возила во двата правци. Денес, по полноќ, сообраќајот беше ограничен за возила над 3,5 тони на нашите гранични премини со Македонија „Врашка Чука“, „Брегово“, „Стрезимировци“, „Ѓуешево“, „Делчево“ и „Златарево“, пишуваат бугарските медиуми.“Протестот е планиран за седум дена, но може да заврши порано доколку се одржи состанок со претставници на здруженијата и Европската комисија.Во бугарските медиуми се пренесуваат ставови на транспортни здруженија дека ситуацијата е „економски неодржлива“ за компаниите, а се најавуваат и разговори меѓу претставници на транспортниот сектор и бугарските институции за координација на мерките и евентуален заеднички настап кон Европската комисија, со цел да се ублажат последиците од новиот систем за влез и излез во ЕУ.Дополнително, бугарското Министерство за надворешни работи преку медиумите соопшти дека внимателно ја следи состојбата и дека „доколку ситуацијата ескалира, Бугарија ќе ги искористи дипломатските канали и контактите со Европската комисија за да се олесни режимот и да се најде решение за проблемите со новиот систем за влез и излез во ЕУ и примената на правилото 90/180 дена.

Македонија | пред 3 месеци

Што го предизвика пожарот во фабриката за бисквити во Трикала?

Истекување на гас е најверојатната причина за силната експлозија и пожарот што ја зафати фабриката за бисквити „Виоланта“ во грчкиот град Трикала, при што загинаа пет работници, според првичните наоди на противпожарната служба.Експлозијата се случила во 3:56 часот наутро, во производниот дел на фабриката, каде што работеле 13 вработени во ноќната смена.Од 13-те работници, осум успеале самостојно да избегаат од пламенот. Тројца биле пренесени со брза помош во болница, тројца пристигнале во болница со свои возила, а двајца останале на местото на настанот. Пет вработени – сите жени – биле пријавени за исчезнати и подоцна пронајдени мртви по часови пребарување.Пожарот целосно го уништил производниот дел на фабриката, главната производна единица на компанијата. Интервенциите продолжиле и во раните попладневни часови додека екипите целосно го гаселе огнот и останатите жаришта.Според истражителите, најверојатното сценарио е истекување на гас кој се користел за индустриските печки за печење на производите на компанијата. Искра од сè уште непознат извор можела да предизвика инстантно палење и експлозија. Службите најавија темелна инспекција на приклучните цевки што го пренесуваат гасот до печките.„Во овој момент сметаме дека е сигурно дека експлозијата и пожарот биле предизвикани од истек на гас во просторот“, изјави висок службеник на противпожарната служба за Катимерини.

Свет | пред 3 месеци

Минчев: Нема враќање на старите модели и партиските вработувања

Генералниот секретар на Движењето ЗНАМ за Наша Македонија во гостувањето на Топ Тема порача дека учество во Владата има една цел – да биде коректор на политиките и гаранција дека реформите ќе се спроведуваат во интерес на граѓаните и државата.„Во Владата влеговме со јасни услови. Првиот и клучен услов беше ДУИ да биде надвор од Владата - како главен кочничар на реформските процеси заедно со СДСМ“ - истакна Минчев.ЗНАМ има активна корективна улога во повеќе чувствителни области: вработувањата во јавната администрација, употребата на дигиталната алатка „Балансер“, примената на знамето на етничките заедници и заштитата на државните симболи.Партијата инсистира на строга примена на законите, транспарентни вработувања и целосно почитување на јавниот интерес.„ЗНАМ е коректор на начинот на кој се носат и спроведуваат одлуките во јавната администрација. Нема враќање на старите модели и партиските вработувања“ - нагласи тој.Како дел од Владата, ЗНАМ поддржува силен инфраструктурен и капитален инвестициски циклус, јасна динамика на изградба на автопатишта и реална децентрализација на општините со конкретни проекти за граѓаните.Во однос на националните прашања, Минчев потенцираше дека македонските национални интереси не се предмет на трговија.„Нашиот став за уставните измени и внесувањето на Бугарите стана државен став - без јасни европски гаранции нема уставни промени“ - заклучи МинчевДвижењето ЗНАМ останува доследно на Националната платформа за обединување и нема да дозволи отстапки што ја загрозуваат државата и националниот идентитет.

Македонија | пред 3 месеци

Лавинска опасност од степен 4 на Пирин

На планината Пирин во Бугарија, на надморска височина од 2500 метри, наврнаа 35 сантиметри снег, а на поединечни места дебелината достигнува 50 до 60 сантиметри.Експертите од „Аваланш Бугарија“, кои ја следат состојбата на Пирин над Банско, предупредуваат на формирање на снежни плочи и акумулации на сите изложени површини во алпскиот и преодниот појас. Тие информираа дека постои голема веројатност за појава на лавини.Особено опасно е на патеката помеѓу планинарските колиби Бандерица и Вихрен, каде високата влажност и намалената видливост дополнително ја отежнуваат ситуацијата за движење.За денес е утврдено ниво на лавинска опасност од 4 степен во алпскиот појас, 3 степен во преодниот и 2 степен во шумскиот појас, при што се очекува овие нивоа да се задржат до 16:30 часот.

Свет | пред 3 месеци

ВМРО-ДПМНЕ: Филипче и Ахмети беа обединети во криминални шеми, а сега како опозиција се координирани против безбедноста и против граѓаните

Венко Филипче и Али Ахмети се синоним за криминал, корупција и негрижа за граѓаните и додека беа власт и сега додека се опозиција, велат од ВМРО-ДПМНЕ.„7 години СДС и ДУИ не направија ништо за државата и додека беа на власт државата беше оставена сама на себе, без систем, без одговорност, со многу криминал и корупција во секоја пора на општеството.Филипче и Ахмети ги поврзуваат многу афери и скандали.Ахмети зад себе има многу криминални афери вклучувајќи ги и скандалите со внук му Дрин Ахмети, како купување на трговскиот центар Соравија, концесијата добиена од државната ЕСМ за ископ на варовник и многу други.Филипче се поврзува со тешки трагедии и несреќи како пожарот во модуларната болница во Тетово, несреќите како онаа во Бугарија и онаа кај Ласкарци. Несреќи во кои поради неодговорноста и пропустите на Филипче загинаа 75 лица.Филипче и Ахмети повторно се обединети за свои цели и сопствена заштита. Пред 10 тина дена имале средба во Мала Речица каде се координирале за идно делување.Филипче и Ахмети се координирале и нивните пратеници гласаа против системот „безбеден град“,  против безбедноста на граѓаните во сообраќајот и нивните животи.Единствена грижа на Филипче е грижата за себе и како да остане во фотелјата на Бихачка, додека сите останати па дури и неговите сопартијци му се виновни за се.На конгресот на Филипче не присуствуваше една третина од делегатите доволно за да покренат барање за негова смена. Пратениците пак не му доаѓаат на седница што ја води Венко Филипче.Интересот на Филипче и Ахмети не се граѓаните, туку зачувување на нивните политички и бизнис интереси.ВМРО-ДПМНЕ останува доследна на политиките во интерес на секој граѓанин а не на поединци и политички елити, ВМРО-ДПМНЕ работи на заштита на човечките животи, безбедноста на граѓаните и безбедност на улиците“, се вели во соопштението.

Македонија | пред 3 месеци

ВМРО-ДПМНЕ: Колку милиони народни пари требаше да завршат во џебовите на Заев и Филипче со планот за преземање на болницата Жан Митрев?

Секојдневно на виделина излегуваат нови факти дека на СДС и Венко Филипче за време на 7 годишното владеење приоритет не им биле граѓаните туку сопствените лукративни цели и интересите на тесен круг луѓе блиску до врхушката на СДС како и бизнис зделките договорени со менторот Заев, велат од ВМРО-ДПМНЕ.„Во низата афери најскандалозен е случајот со планот на Филипче и Заев за преземање на болницата Жан Митрев кој во јавноста доби потврда и од самиот доктор Жан Митрев.Филипче и Заев имале точно разработен план како да ја преземат болницата Жан Митрев. Класичен модел на делување на кланот Заеви и Филипче преку притисоци, уцена, закани, злоупотреба на институциите и влијание врз судски постапки да остварат лични цели и огромен профит.За таа цел Филипче и Заев имале добро подготвен план за што говори фактот со зголемувањето на сумата од ФЗО која се префрла на Болницата. Сумата во 2020 година достигнала околу 11 милиони евра, што е скоро дупла за разлика од сумата одвоена за болницата во 2015 година.Планот за преземање на приватна болница не им поминал, што буквално би значело приватизирање на народни пари.Филипче да не молчи и да одговори дали навистина имал за цел со преземање на болницата Жан Митрев да си приватизира за лична корист, пари од народот?Колку ќе профитирале Филипче и Заев од зделката за планот што го скроиле и колку народни пари ќе завршеле во нивните џебови?ЈО да го истражи случајот со Клиничката болница Жан Митрев.ВМРО-ДПМНЕ останува посветена за заштита на јавниот интерес и борба против криминалот и корупцијата“, се вели во соопштението.

Македонија | пред 3 месеци