Ефто Пупиноски распали како никогаш досега: Патриоти полупијани вејат знаме, а потоа се креваат на српска шунд музика, ни нема спас!

По јавната полемика меѓу кавадаречкиот градоначалник Митко Јанчев, пејачот Спасен Силјаноски и музичарите околу изборот на гости за Тиквешкиот гроздобер, со свој долг и остар коментар се огласи и легендата на македонската музика, Ефто Пупиноски.Во својата објава Пупиноски порача дека темите за одбраната на националниот идентитет преку музиката тој ги отворал уште пред половина век, но секогаш останувал сам. „Сум реагирал, сум укажувал, сум нудел решенија, сум се впуштал во оган и во сите случаи сум останувал сам. Доживував навреди, сопки, клевети и казни, и ја добив етикетата ‘незгоден’,“ пишува тој.Пупиноски нагласува дека најсилната одбрана на националните интереси е создавање и промовирање песни на македонски јазик со национални обележја. „Има ли нешто повредно од тоа? Јас во културната ризница сум внел шест-седум такви песни, сите со милионски прегледи на Јутјуб. ‘Лихнида’ е балкански хит, ‘Туѓа си’ има над 15 милиони прегледи. А вие плаќате шунд од север,“ пишува тој.Тој обвинува дека клучниот проблем е во „македонската проклетија“ – недоволна почит кон сопствените вредности и комплекс на помала вредност. „Нашите патриоти полупијани го вејат знамето и пеат старински песни, а потоа се креваат и на српска шунд музика, плаќајќи им повеќекратно повеќе од македонските пејачи,“ вели Пупиноски.За градоначалниците, како што го спомна Јанчев, тој тврди дека им е важно единствено да ги задоволат вкусовите на гласачите: „Ги заболе за идентитетските и национални интереси – важно е утре да имаат гласачи за нив.“Според Пупиноски, друг сериозен проблем е неорганизираноста на македонската естрада. „Ние официјално во Македонија не постоиме – нема закон, нема синдикат, нема здружение кое ќе ги брани интересите на пејачите. Половина век зборувам дека треба да се организираме, а членството нема интерес,“ нагласува тој, додавајќи дека во западниот свет вакви здруженија функционираат повеќе од сто години.Пупиноски вели дека сите досегашни влади придонеле кон ерозијата на идентитетот, бидејќи медиумите се законски обврзани да емитуваат само 30% македонска музика. „Ало, уште ли не’ има? Уште ли преткаме?“ реагира тој.На крај, Пупиноски заклучува песимистички: „Ни нема спас, затоа што најголемиот проблем е чипот во главата на македонскиот патриот – чипот ‘македонска проклетија’.“Во објавата тој напиша и напомена дека е свесен оти ќе биде навредуван и напаѓан, но, како што вели, тоа е ништо во споредба со „проклетијата што Македонците ја носат од раѓање“.

Магазин | пред 8 месеци

(Фото) Меџити на турнир во Counter Strike 2 пред Скендербег

Во Чаир, пред споменикот на Скендербег, се одржа голем турнир во Counter Strike 2, настан кој привлече бројна млада публика.Првиот заменик премиер и кандидат на ВЛЕН за градоначалник Општина Чаир, Изет Меџити, истакна дека турнирот е многу повеќе од забава, оценувајќи го како силен сигнал за потенцијалот на младите во областа на електронските спортови.„Е-спортовите веќе не се само игра, тие се страст, професија и голема можност за меѓународна афирмација. Овој турнир, организиран на барање на младите, е само првиот чекор кон формирање на првиот клуб за електронски спортови во Чаир – клуб кој ќе биде прибежиште за таленти и референтна точка за сите што се воодушевени од е-спортовите,“ изјави Меџити.Тој додаде дека поддршката од Општината за младите нема да изостане и потсети дека голем број таленти од Чаир веќе имаат успеси на меѓународната сцена. Со отворањето на клубот тие ќе добијат нови можности да го претставуваат Чаир и Македонија на светско ниво.„Ние сме со младите и за младите. Чаир е дијамант, а овој дијамант свети со енергијата на нашата младина. Со клубот CS 2.0, Чаир станува епицентар на младинската иновација во е-спортовите,“ нагласи Меџити.Настанот беше претставен како почеток на едно ново поглавје за младите во Чаир – поглавје во кое традицијата и историјата се испреплетуваат со иднината и модерните визии, а општината се афирмира како центар на младинскиот развој во регионот.

Скопје | пред 8 месеци

(Фото) Погодено седиштето на ЕУ во Киев по руски напад: загинаа најмалку 10 лица, меѓи кои и дете

Европската унија денеска остро го осуди масовниот руски напад врз Киев, во кој според најновите податоци загинаа најмалку десет лица, а 38 беа повредени. Меѓу погодените објекти е и седиштето на Делегацијата на ЕУ во Украина.Руските сили ноќта изведоа комбиниран напад со дронови и ракети врз украинската престолнина, оштетувајќи станбени и други згради во седум окрузи. Според властите, меѓу загинатите има и едно дете.Украинскиот претседател Володимир Зеленски изјави дека нападот е јасна порака на Москва кон светот во момент кога американскиот претседател Доналд Трамп вложува дипломатски напори за прекин на војната.„Згрозен сум од уште еден ноќен, смртоносен ракетен напад врз Украина. Моите мисли се со жртвите и со персоналот на Делегацијата на ЕУ, чии простории беа оштетени во овој намерен напад,“ порача претседателот на Европскиот совет, Антонио Кошта.Тој нагласи дека Европската унија нема да се заплаши: „Руската агресија само ја зголемува нашата решителност да бидеме покрај Украина и нејзиниот народ.“И еврокомесарката за проширување, Марта Кос, остро ја осуди агресијата. „Силно ги осудуваме овие брутални напади – јасен знак дека Русија го одбива мирот и избира терор. Изразуваме целосна солидарност со персоналот на ЕУ, нивните семејства и со сите Украинци кои страдаат од оваа агресија,“ напиша таа на платформата Х.Нападот врз цивилна населба и европската делегација во Киев дополнително ја заостри меѓународната осуда кон Кремљ, кој и по речиси две години од почетокот на војната продолжува со масовни воздушни офанзиви врз Украина.

Свет | пред 8 месеци

Украинските бранители предупредуваат: „Зад Донбас е отворен терен, таму нема одбрана“

Украинските сили во источниот фронт се соочија со едно од најголемите руски пробивања оваа година – напредување од околу 10 километри во близина на Покровск. Малата група снајперисти од 93. механизирана бригада добила наредба итно да се врати на боиштето за да помогне во одбрана на градот, кој бил на чекор до опколување.„Погледнав на картата и не можев да поверувам,“ изјави Стојников, наредник познат под прекарот Шепард. Украинците сепак успеале да ја стабилизираат ситуацијата и да повратат неколку населени места северно од градот. „Можеше да заврши многу лошо,“ додаде тој.Рускиот напад повторно ја истакна важноста на утврдените градови во Донбас. Според воениот портпарол Дмитро Запорожец, северниот дел на Донецката област е заштитен со „појас на тврдини“ – 45 километри урбани центри и мали населби, кои ја прават последната голема линија на одбрана.„Зад тоа има само отворен терен, без индустриски комплекси и без услови за изградба на стабилна одбрана,“ вели Запорожец.Русија постепено се приближува кон Костјантивка, град со 65.000 жители пред војната, и веќе се наоѓа на помалку од 10 километри од него. Доколку падне, ќе биде отворен патот кон Краматорск и Словјанск – најголемите украински упоришта во регионот.Хуманитарците опишуваат драматични сцени. „Последниве недели е многу поопасно,“ изјави Евгениј Ткачев, кој организира евакуации од Костјантивка. Руски дронови и лизгачки бомби редовно ги гаѓаат улиците и возилата, што го прави секое движење ризик.Слична е состојбата и во Краматорск, каде што живеат околу 100.000 цивили. Таму украинските инженери ископуваат длабоки противтенковски ровови и ги подготвуваат урбаните квартови за отпор. „Секоја куќа, секоја зграда може да стане точка на одбрана,“ нагласуваат од армијата.Локалната жителка Тетјана Лухова, која избегала од Донецк уште во 2014 година, повторно ја преживеа трагедијата – нејзината зграда во Краматорск беше погодена, а таа остана повредена од експлозијата. „Што значи да се предаде Донецката област? Не разбирам. Веќе еднаш избегав од Донецк. Не се вратив 11 години,“ изјави таа.И покрај притисокот и растечките загуби, украинските војници и цивили остануваат решителни. За нив, предавањето на Донбас не е само воено прашање, туку прашање на опстанок, идентитет и право на сопствен дом.

Свет | пред 8 месеци

Нема фотографија

Нови детали: Кавадарчанецот пред казино е убиен со клоци и боксови по глава, се обидел да се скрие внатре, но починал

Основното јавно обвинителство Кавадарци донесе Наредба за спроведување истражна постапка против три лица за убиството пред казино во истиот град. Тие се осомничени дека како соизвршители сториле кривично дело „Тешка телесна повреда со смртни последици“.Според обвинителството, двајца 27-годишници и еден 35-годишник на 27 август, околу 5 часот наутро, најпрво влегле во вербална расправија со жртвата во казино во Кавадарци. Набргу потоа излегле надвор, каде физички го нападнале оштетениот, удирајќи го со тупаници и клоци по телото и главата. Жртвата се обидел повторно да влезе во казиното, но изгубил свест. Од нанесените тешки повреди подоцна починал.Нема информации за мотивот, иако се шпекулира дека стнаува збор за финансиски обврски кои ги имале убиениот со другите лица.Во рамките на истражната постапка ќе бидат прибрани сите докази и ќе се изврши психијатриско вештачење на осомничените. Доколку се утврди дека постоела свест и намера да му го одземат животот на оштетениот, делото може да биде преквалификувано во убиство.Јавниот обвинител до судијата на претходна постапка поднесе предлог за определување мерка притвор за тројцата осомничени. Како причина беше наведена опасноста од бегство, а на тоа укажува и нивното однесување веднаш по нападот – наместо да се пријават во полиција, тие се повлекле во стан на еден од осомничените. Обвинителството оцени дека притворот е неопходен за непречено водење на постапката и за обезбедување на сите релевантни докази.

Македонија | пред 8 месеци

(Видео) Исповед на поранешна заложничка на Хамас: „Ги молев да не ме убијат“

Додека Израелците протестираат низ целата земја барајќи ослободување на преостанатите заложници од Газа, Дорон Штајнбрехер (32) ја раскажа својата голготa од 471 ден поминат во заробеништво на Хамас. Во интервју за Reuters таа истакна дека се надева сите заложници наскоро ќе се вратат дома.„Ги молев да не ме убијат,“ се присети таа, опишувајќи како секој миг минувал во страв за животот. „Сега е најважно да се вратат сите дома. Секоја секунда се во опасност – нема храна, нема вода, санитарните услови се катастрофални,“ додаде Штајнбрехер.Таа била држена во подземни тунели, без светлина и свеж воздух, каде не можела да разликува ден од ноќ. „Во еден од тунелите едвај можев да стојам исправено,“ опиша. Била подложена на постојан психолошки притисок – милитантите ја предупредувале дека ќе биде егзекутирана доколку се приближи израелската армија. Било забрането да покажува емоции, ретко ѝ било дозволено миење, а секој ден морала да моли за малку храна.И покрај тешкотиите, развила блиска врска со другите млади жени што биле со неа во заробеништво. „Во тунелите нè држеше само меѓусебната поддршка,“ раскажа таа.Штајнбрехер беше киднапирана на 7 октомври 2023 година, кога Хамас изведе напад врз Израел – ден кој остана најсмртоносен од Евреите од Холокаустот па наваму. Во нападот беа убиени 1200 луѓе, а 251 лице беше одведено во Газа.Таа во тоа утро се подготвувала за трчање во близина на својот кибуц Кфар Аза. Кога започнало ракетирањето, се скрила под кревет. „Влегoа вооружени луѓе и пукаа кон креветот – еден куршум замина само неколку сантиметри од мојата глава,“ раскажа. Откако еден од милитантите го кренал душекот, ја откриле и ја одвеле.Штајнбрехер беше ослободена во јануари годинава во рамки на договор меѓу Израел и Хамас. „Имав привилегија да се вратам дома. И тие што останаа ја заслужуваат истата шанса,“ изјави таа, мислејќи на преостанатите 50 заложници, од кои дваесетина се сè уште живи според израелските процени.Во меѓувреме, притисокот врз израелскиот премиер Бенјамин Нетанјаху расте. Додека демонстрантите секоја недела блокираат улици во Тел Авив и други градови, барајќи договор за ослободување на заложниците и прекин на војната, дел од крајно десните министри му се закануваат со уривање на владата ако конфликтот заврши без целосна победа.Израелската офанзива во Газа досега однесе над 62.000 животи, според здравствените власти во Газа, а во регионот владеат глад и хуманитарна катастрофа. Но, за Дорон Штајнбрехер пораката е јасна: „Сѐ што ми останува е да се молам сите да се вратат живи. Секој од нив заслужува повторно да биде дома.“

Свет | пред 8 месеци

(Видео) Ердоган ја покажа турската „Челична купола“ – нов систем за противвоздушна одбрана

Турскиот претседател Реџеп Таип Ердоган вчера официјално го инаугурираше интегрираниот систем за противвоздушна одбрана на Турција, познат како „Челична купола“. На церемонијата во објектите на компанијата Aselsan во Анкара, тој го опиша проектот како „прекретница за земјата и нејзината одбранбена индустрија“.„Ова е показател на силата на Турција. Во противвоздушната одбрана воведуваме ново доба за нашата татковина,“ изјави Ердоган, потенцирајќи дека најновата фаза на проектот вклучува 47 возила во вредност од речиси 400 милиони евра. „Овие системи ќе внесат доверба кај нашите пријатели, а страв кај непријателите,“ додаде тој.„Челичната купола“ претставува интегрирана мрежа која ги поврзува копнените и поморските платформи и сензори за воздушна одбрана, со цел заштита на турскиот воздушен простор. Владата не прецизираше кога системот ќе биде целосно оперативен.Турција и претходно настојуваше да ја засили својата воздушна одбрана, набавувајќи руски системи С-400 во 2019 година. Но тој потег предизвика остра реакција од САД, кои ја суспендираа продажбата на авионите Ф-35 на Анкара, што значително ги наруши одбранбените планови на земјата. Сукобите во Сирија и Украина, како и неодамнешните израелски напади врз Иран, дополнително ја поттикнале Турција да инвестира во домашен систем кој ќе обезбеди самостојна и поефикасна заштита.Покрај новиот систем, Ердоган најави и отворање на нови производствени погони на Aselsan во 2026 година. „Во следните 50 години, Турција ќе биде земја која не само што ги задоволува сопствените потреби, туку и предводи во светот со својата технологија,“ истакна претседателот.Турција со децении вложува во развој на сопствената одбранбена индустрија, особено по ембаргото за оружје наметнато од САД по турската инвазија на Кипар во 1974 година. Новата „Челична купола“ се смета за клучен чекор кон целосна воена самостојност на земјата.

Свет | пред 8 месеци

„Богородица е во храмовите, домовите, но најмногу во нашите срца, да ја надминеме духовната и морална криза и да се вратиме на вистинските вредности“

Претседателката на државата, Гордана Сиљановска-Давкова, по повод големиот христијански празник Успение на Пресвета Богородица упати честитка до поглаварот на Македонската православна црква – Охридска архиепископија, Архиепископ охридски и македонски и на Јустинијана Прима, г.г. Стефан, како и до сите православни верници.Во честитката таа посочи дека празникот е силен потсетник за мајчинството, безусловната љубов и семејните вредности.„Дозволете ми, Вам лично, на членовите на Светиот архијерејски синод и на целото свештенство и монаштво, како и на сите верници од православна вероисповед, да Ви упатам најсрдечни честитки по повод големиот христијански празник Успение на Пресвета Богородица. Искрено посакувам празничниот ден да го поминете во мир, хармонија, радост и среќа,“ стои во пораката на Сиљановска-Давкова.Таа нагласи дека култот кон Богородица е сведоштво за непоколебливиот дух и вера, но и за значењето на семејството. „Пресвета Богородица, како заштитничка на мајките и децата, има особено место во нашите храмови и домови, а најмногу, во нашите срца,“ додаде таа, потсетувајќи дека храмовите посветени на Богородица ги посетуваат и верници од други религии.„Очекувам да ја надминеме духовната и морална криза и да им се вратиме на вистинските човечки вредности. Нека ни е честит и вечен празникот,“ порача претседателката.

Македонија | пред 8 месеци

СДСМ: Наместо лаги за Филипче, Бојан Стојановски да се покаже во Собрание: Нека гласа за минимална плата од 500 евра

„За една година власт ВМРО-ДПМНЕ ја доведе државата во најголема економска несигурност, Македонија се претвора во земја на сиромаштија и неизвесност. “ , вели Јовица Јанковиќ и додава:Инфлацијата е 4,8% основните трошоци се зголемени за 4.300 денари. Цените во Македонија достигнаа 60% од европскиот просек, додека платите остануваат далеку под нивото, само 35% од европскиот просек. Со ВМРО-ДПМНЕ граѓаните осиромашуваат.Ударот врз куповната моќ на граѓаните е резултат на неспособноста на владата на ВМРО-ДПМНЕ и дебаклот на сите нивни промашени економски политики. Бидејќи ВМРО-ДПМНЕ не испорача никаков резултат а разочарувањето кај граѓаните е огромно штанцаат невистини за Венко Филипче.Очигледно Бојан Стојановски одработува за нечии бизнис интереси штим зборува лаги во кои ниту тој самиот не верува. За катастрофалната економска состојба во која ја доведоа државата се знае кој е крив, тоа е ВМОР-ДПМНЕ и неспособната влада. А Бојан Стојановски може да докаже на дело дека навистина мисли на работниците и на граѓаните, во македонското Собрание.Еве, за почеток нека ги поддржи предлозите на СДСМ за:-зголемување на минималната плата на 500 евра,-укинување на ДДВ за храната и основните прехранбени производи,-континуирано покачување на платите во сите сектори.Понатаму, нека ги повика и неговите колеги од ВМРО-ДПМНЕ да гласаат за овие решенија и да побара од неговата влада да се откаже од луксузирањата со парите на граѓаните за папаја и манго. Ќе го направи ли ова Бојдан Стојановски и зошто не?

Македонија | пред 8 месеци

СДСМ ги објави кандидатите за градоначалници во уште 11 општини

Попладнево се одржа седница на Извршниот одбор на СДСМ, на која партијата донесе одлука и даде согласност за нови кандидатури за градоначалници во уште 11 општини низ државата.Кандидатите на СДСМ се:1. Бутел – Оливера Ливриниќ2. Велес – Маја Хеско3. Гевгелија – Миле Атанасов4. Делчево – Дејан Глинџарски5. Демир Капија – Лазар Петров6. Конче – Благој Илиев7. Кратово – Влатко Спировски8. Кривогаштани – Игор Каравиловски9. Македонски Брод – Ивица Стојковски10. Ранковце – Даниел Крстевски11. Старо Нагоричане – Далибор ТрајковскиОд партијата порачаа дека и со овие кандидатури се потврдува подготвеноста на СДСМ да понуди „силни, чесни, квалитетни и докажани личности кои ќе работат во интерес на граѓаните и за напредокот на општините“.

Македонија | пред 8 месеци

Полицаец од Интервентната единица под истрага за поткуп

Против виш полицаец од Единицата за интервентна полиција при СВР Скопје е поднесена кривична пријава поради сомневање за давање поткуп, откако, според МВР, посредувал кај колега на ГП Долно Блаце за да не биде евидентиран влезот на македонски државјанин во земјава.„Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција Скопје, во соработка со Одделот за сузбивање на организиран и сериозен криминал при МВР поднесе кривична пријава против А.Б. на работно место виш полицаец во Единица за интервентна полиција при СВР Скопје, поради постоење основи на сомнение дека сторил кривично дело „давање поткуп“ по член 358 став 1 од КЗ.Според документираните сознанија, пријавениот во текот на февруари и март годинава посредувал кај друг полициски службеник вработен на ГП Долно Блаце, односно понудил и дал поткуп со цел полицискиот службеник да не ја изврши својата службена должност, односно да не евидентира влез во државава на македонски државјанин на ГП Долно Блаце, така што од негова страна евидентиран е турски државјанин.Пријавениот е лишен од слобода и задржан во полициска станица, а од страна на Основниот кривичен суд Скопје изречена му е мерка претпазливост и забрана за вршење на дејност. Воедно ОВККИПС против А.Б. ќе поднесе и предлог за поведување на постапка за кршење на работниот ред и дисциплина.“

Македонија | пред 8 месеци

Министерот Алиу апелира: Граѓаните да пријават евентуални неправилности во врска со кардиолошките интервенции

Министерството за здравство информира дека сите граѓани имаат можност да пријават сознанија за евентуални неправилности во врска со вршењето кардиолошки и кардиоваскуларни интервенции, преку алатката Пријавете неправилност, достапна на веб страницата на МЗ на следниот линк: https://zdravstvo.gov.mk/mk-MK/kontakt/prijavete-nepravilnost .- Транспарентноста во секој процес е наш приоритет, така што кон секоја пријава на каква било неправилност во здравствениот систем пристапуваме со максимална одговорност и постапуваме согласно законските процедури. Токму затоа потсетувам дека преку оваа алатка на веб страницата на Министерството, граѓаните можат да пријават и сознанија за евентуални неправилности во врска со кардиолошките интервенции. Министерството за здравство останува посветено на унапредување на здравствениот систем, а наш приоритет е здравјето и безбедноста на пациентите, истакна министерот за здравство, Азир Алиу.Пријавувањето е доверливо и по секоја пријава се постапува согласно законските процедури.Потсетуваме дека веќе отпочна со работа интерната комисија задолжена за изготвување прелиминарна анализа на кардиолошките и кардиоваскуларните интервенции во здравствените установи во државата. Наодите од анализата на интерната комисија ќе бидат во најскоро време доставени до стручната комисија составена од странски експерти.Истовремено, Министерството за здравство испрати допис до јавните здравствени установи да достават податоци за вкупниот број извршени процедури и операции за периодот јануари 2022 – август 2025 година за извршени интервентни кардиолошки процедури, како што се коронарографии и стентирања, васкуларни ангиографии и кардиохируршки/васкуларни операции.

Македонија | пред 8 месеци

Огромен скандал во Данска, откриени тројца Американци кои тајно работеле за Трамп: „Се подготвувале да го преземат Гренланд“

Данската влада ги отповика американските вршители на должност во земјата откако локалните разузнавачки служби открија дека најмалку тројца американски државјани работеле на „операции за влијание“ во Гренланд за да ја оддалечат земјата од Данска и да ја приближат до САД, објави DR.Разузнавачките служби, објави DR, открија мрежа во која најмалку три лица биле вклучени во операциите. Тие исто така објавија дека ги знаат нивните имиња и дека се блиски до претседателот Доналд Трамп, но одлучија да не ги објавуваат нивните идентитети за да ги заштитат своите извори. Сè уште не е познато дали работеле по директни наредби од Белата куќа или независно.Министерот за надворешни работи Ларс Леке Расмусен изјави дека „секој обид за мешање во внатрешните работи на Кралството е неприфатлив“.Создаде мрежа на контактиСе вели дека еден од мажите го посетил Гренланд за да присуствува на состаноци таму и да состави список на потенцијални сојузници и противници на плановите на Трамп за преземање на територијата. Тој, исто така, како што објавува ДР, ги повикал жителите на Гренланд да пријават случаи што би можеле да се искористат за прикажување на Данска во лошо светло во американските медиуми.Другите двајца мажи наводно работеле на изградба на мрежа на контакти со политичари, бизнисмени и лидери на заедницата за да ги спроведат плановите на Трамп. Парламентарната претставничка Аја Кемниц, исто така, коментираше за информациите.- Неприфатливо е што се обиделе да се инфилтрираат во гренландското општество на таков начин. На Гренланд е сам да одлучи каква иднина сакаат - рече таа.„Сериозен удар за односите“Расмусен рече дека состанок со импичираниот вршител на должноста ќе се одржи подоцна денес. Тој во моментов е највисок американски дипломат во Копенхаген, бидејќи нема амбасадор. Тој истакна дека целта на состанокот е да им се стави до знаење на Соединетите Американски Држави дека доколку има официјално мешање во политиката на Гренланд, тоа е кршење на меѓународните правила.Лидерот на Радикалната партија, Мартин Лидегард, исто така, го коментираше случајот. Тој оцени дека ова е сериозна и непријатна ситуација, „особено ако се покаже дека работеле по официјална наредба“.- Тешко е да се докаже, но исто така е тешко да не се сомневаме во тоа. Ова значи дека не можеме да ѝ веруваме на американската администрација. Тоа е сериозен удар за односите меѓу САД и Данска, но секако и на Гренланд и САД - рече Лидегард.

Свет | пред 8 месеци

Потресна објава на мајката на загинатата Ивона во „Пулс“: „Имам само солзи и молитви – чувај ми ја Ивона, мамо“

Стојка Иванова Антова, мајка на младата Ивона која го загуби животот во страотниот пожар во кочанскиот клуб „Пулс“ каде загинаа 62 лица, со емотивен статус го одбележа роденденот на својата мајка. Во објавата таа ја спои својата двојна болка – за мајката и за ќерката, кои, како што напиша, денес ги замислува заедно на „небото“.„Денеска е твојот роденден, мајко моја, а јас немам свеќи да запалам, ни торта да ти подарам. Имам само солзи и молитви – да стигнат до небото каде што си ти,“ напиша Антова.Таа со длабока тага потсети дека сега нејзината мајка е заедно со Ивона – „двете најголеми љубови“ што ѝ ги одзел животот. „Ве замислувам заедно – ти ја прегрнуваш мојата Ивона, ја милуваш по косата и ѝ велиш: ‘Не грижи се, мама ќе стигне еден ден…’“Антова додаде дека болката и празнината никогаш нема да исчезнат, но љубовта останува како мост меѓу нив. „Еден ден пак ќе бидеме заедно – и тогаш ќе ги прославиме сите родендени што ги пропуштивме. Ни на небото, ни на земјата нема сила што ќе ја скрши мојата љубов кон вас,“ напиша таа.Објавата ја пренесе дел од тагата и болката што сѐ уште ја носат семејствата на жртвите од трагедијата во „Пулс“, која остави неизбришлив белег врз целата јавност.

Македонија | пред 8 месеци

(Видео) Експлодира главниот нафтовод што ја снабдува Москва

Главниот нафтовод што ја снабдува Москва со нафтени производи експлодираше во Рјазанскиот регион на Русија, дознава Укринформ од извор во Службата за одбранбено-разузнавање на Украина (ДИУ).Според нив, вчера се случила силна експлозија на нафтоводот Рјазан-Москва, еден од главните правци за снабдување на рускиот главен град со нафтени производи.„Силна експлозија на дел од нафтоводот“Пожарникари и амбулантни возила биле испратени во рок од неколку часа за да го изгаснат пожарот, објавува Укринформ.Жителите пријавиле дека полицијата и други екипи се во областа на селото Божатково во Рјазанскиот регион, работејќи на отстранување на последиците од експлозијата и пожарот.Според украинските медиуми, од 2018 година, овој нафтовод е пренаменет за снабдување со бензинско гориво на Транснефт, кој исто така обезбедува гориво за руската армија.Поради инцидентот, протокот на нафтени производи кон Москва е суспендиран на неодредено време.

Свет | пред 8 месеци

Лефков: Сопругата на Апасиев лажела во својата биографија

Пратеникот на ВМРО-ДПМНЕ, Миле Лефков, денеска на прес-конференција изнесе обвинувања за сопругата на лидерот на Левица, Димитар Апасиев, во врска со нејзиниот ангажман во програмата „Еразмус+“.„Сопругата на Димитар Апасиев, која земала пари од владата на СДС преку програмата Еразмус+, лажела за својот ангажман на настанот во Грција за кој земала пари,“ изјави Лефков.Тој посочи дека во својата биографија Тамара Јованов Апасиева навела дека на овој настан во Грција била „лектор и учесник“, но, како што рече, официјалните документи покажуваат друго – дека таа била само учесник, а не и лектор.„Зошто сопругата на Апасиев имала потреба да лаже во својата биографија, и да си препише работи кои не ги правела?“ праша Лефков.Тој додаде дека останува нејасно дали ова било направено за да се земат повеќе средства или за, како што рече, „неосновано да се збогати биографијата“.„Димитар Апасиев, кој се претставува за јак правник, треба да каже дали тоа што неговата сопруга лажела во својата биографија е фалсификат или измама,“ изјави Лефков.Тој праша и што сè, според него, може да лажат Апасиев и неговата сопруга ако, како што вели, лажат дури и во една биографија.„Како може народот да му верува на Апасиев, кој пред камери едно зборува, а зад камери трупал европски пари од СДС во џеб?“ изјави Лефков.

Македонија | пред 8 месеци

(Видео) Филипче беше прашан чија е јахтата и дали Заев му дава насоки: Не сум ниту имотник во Дубаи, ниту сопственик на зграда во Дубаи, немам авиокомпанија

Претседателот на СДСМ, Венко Филипче, ги отфрли обвинувањата дека поседува недвижнини и луксузни добра во странство, нарекувајќи ги „конструкции и лажни вести пласирани од ВМРО-ДПМНЕ“.„Прво ме обвинуваа дека сум имал куќа во Нерези, па еден ваш колега снимаше – тоа не е вистина. Па дека имам поклон џип – исто така не е вистина. Па дека имам зграда во Дубаи и авиокомпанија – исто така не е вистина. Па дека имам јахта сега – што исто така не е вистина,“ изјави Филипче.Тој оцени дека станува збор за систем на политички ПР кој ВМРО-ДПМНЕ го гради преку свои медиуми и кампањи на социјалните мрежи.„Тоа не е само политички, туку општествен феномен – обид да се спушти комуникацијата под елементарно цивилизациско ниво, во калта. Јас тоа нема да го дозволам,“ рече Филипче, додавајќи дека иницијаторите на овие приказни се „кукавици, и политички и во секој друг поглед“.„Обично мантрата е – ‘ти си лопов, криминалец’. Но тоа не ме обесхрабрува, туку ме охрабрува да продолжам да се борам за државата,“ порача тој.На новинарско прашање околу јахтата за која беше прозван, Филипче кратко одговори: „Добро, ви одговорив на прашањето“.Тој додаде и политичка порака кон опозицијата: „Додека ВМРО-ДПМНЕ е на власт, противниците на Македонија мирно спијат. Тоа нема да го дозволиме, ќе ја вратиме државата на вистинскиот пат“.Филипче нагласи и дека поранешниот премиер Зоран Заев веќе не е активен во политиката. „Моите одлуки ги градиме заедно со раководството и тие се автентични одлуки на новото политичко раководство на СДСМ,“ истакна тој.

Македонија | пред 8 месеци

ВМРО-ДПМНЕ: Кандидатурата на Мециновиќ е договор на Левица со СДСМ и ДУИ

ВМРО-ДПМНЕ ја обвини Левица дека со кандидатурата на пратеникот Амар Мециновиќ за градоначалник на Скопје влегла во политички договор со СДСМ и ДУИ, со цел да се спречи победа на Орце Ѓеорѓиевски во првиот изборен круг.„Јасно е дека кандидатурата на Амар Мециновиќ е дил на Левица за помош на ДУИ и СДС, со математика Орце Ѓеорѓиевски да не победи уште во првиот круг. Затоа Левица не можеше да најде ниту еден друг кандидат и никој друг не се нафати за кандидат за градоначалник на Скопје, па затоа го кандидираа пратеникот Амар Мециновиќ,“ стои во соопштението на партијата.Од ВМРО-ДПМНЕ потсетија и на ставовите на лидерот на Левица, Димитар Апасиев, кој бараше од пратениците на ВМРО-ДПМНЕ што се кандидираат за градоначалници да поднесат оставки од собраниските функции.„Го прашуваме Мециновиќ, со оглед на тоа што Апасиев го бараше истото од нашите пратеници, дали и тој ќе си поднесе оставка од пратеничката функција бидејќи е кандидат за градоначалник на Скопје,“ се додава во реакцијата.

Македонија | пред 8 месеци

„Скопје е запуштено, загадено, валкано и депресивно“ - деканот на Градежен ја објави кандидатурата!

„Нашето Скопје е запуштено, загадено, валкано и депресивно. Повеќе од кога и да е му треба јасна визија ослободена од корупција, култура наместо популизам и компетенција наместо импровизација. Скопје моли за шанса од оние што искрено го сакаат,“ изјави денеска професорот и декан на Градежниот факултет, Горан Марковски.Со ова обраќање тој и официјално ја објави својата кандидатура за градоначалник на Скопје, настапувајќи како независен кандидат поддржан од платформата „Независни заедно“.Марковски симболично ја започна својата кампања од Камениот мост, кој го нарече симбол на поврзување, заедништво и истрајност.Тој нагласи дека независните кандидати и граѓанскиот активизам се клучни за вистинска демократија, посочувајќи: „Без независни личности нема здраво општество ниту силни институции.“

Скопје | пред 8 месеци

Слушнав како премиерот дава насоки на градоначалници, тоа доведе Скопје да стане прљав град, нашите градоначалници ќе работат чесно, рече Филипче

Претседателот на СДСМ, Венко Филипче, остро ја критикуваше состојбата во главниот град.„Го слушав премиерот како дава насоки на градоначалниците. Сметам дека тоа доведе до тоа да Скопје стане еден страшно прљав, едноставно неубав град за живеење со нивната градоначалничка Данела Арсовска, од која во текот на мандатот се обидоа да се дистанцираат. Јасно е дека не им успеаја диловите, па затоа се скараа,“ изјави Филипче.Тој нагласи дека СДСМ ќе понуди поинаков пристап кон локалната власт и управувањето со општините.„Јас ќе ветам само една работа – дека градоначалниците ќе работат чесно, а дека јас лично и целата партија стоиме како гаранција за тоа,“ додаде Филипче.

Македонија | пред 8 месеци

Ќе коалицира ли СДСМ со ДУИ на локалните избори

Претсдателот на СДСМ, Венко Филипче, рече дека во првиот круг на локалните избори, нема да имаат коалиции со албански партии. Прашан дали разговараат со ДУИ за соработка, Филипче не негираше дека тоа може да се случи по првиот круг.„Во однос на коалициите, во првиот круг на изборите настапуваме со нашата коалиција, а во однос на вториот круг на изборите, ќе разговараме и со другите партии од албанскиот блок“, рече Филипче.Тој рече дека до почеток на следната недела, ќе ги презентираат кандидатите и за останатите општини, кои досега не се презентирани.„Избрани се најдобрите кандидати, кои кога ќе ја презентираат програмата, ќе можат да ја остварат. Ние настапуваме со наши кандидати, тие кои се најдобриот избор. Имаме големи планови за развој на големите општини и мирко планови за да се решат малите проблеми“, додаде тој.Посочи дека му е жал што власта не успеала да собере мнозинство во Собрание за да се донесат измените на Изборниот законик.„Сериозно ги загрозува независните листи, бидејќи може да им се случи, да се случи хаос. Власта не се обиде да собере бадентерово мнозинство“, посочи Филипче.

Македонија | пред 8 месеци

Премиерот нема што да прави, освен да обвинува за дестабилизација, рече Филипче и кажа дека немаат такво сценарио

Лидерот на СДСМ, Венко Филипче остро ги искритикува политиките на Владата, а потоа рече дека обвинувањата кои доаѓале од премиерот Христијан Мицкоски кој кажал дека има сценарија за дестабилизација направени од СДСМ и ДУИ се само оправдување на неуспесите.„Ништо од тоа не е вистина. До сега требаше да се случи некаква дестабилизација, бидејќи премиерот подолго време најавува. Тој нема никаков успех кој може да го презентира, нема добра политика, гледаме што се случува во економијата, запрен е патот кон ЕУ, тонеме во поделби во општеството како заслуга на политиката, нема напредок во земјоделството... Премиерот нема што да прави, освен да обвинува за дестабилизација. Такво сценарио нема, ниту планираме да има“, рече Филипче.Тој ја нарече власта на ВМРО-ДПМНЕ „антидржавна“ и „ненародна“.

Македонија | пред 8 месеци

Украинскиот блогер Сергеј Стерненко: „Ако Зеленски предаде територија, ќе стане политички – а потоа и буквален – мртовец“

Украинскиот воен блогер, активист и снабдувач со дронови Сергеј Стерненко преживеал четири обиди за атентат во последните седум години. Последниот напад, на 1 мај оваа година во Киев, го извршила 45-годишната Људмила Чимерска, која испукала најмалку три куршуми кон него. Еден куршум му го пробил бедрото, но тој успеал да преживее благодарение на телохранителите и брзата интервенција.Стерненко, кој има повеќе од два милиони следбеници на YouTube и над 850 илјади на Телеграм, е едно од најпознатите имиња меѓу младите Украинци. Тој е националист, поранешен лидер на улични протести, адвокат и клучен недржавен снабдувач на украинската армија со дронови. Од почетокот на руската инвазија, преку донации собрал над 100 милиони евра за набавка на беспилотни летала.„Знаев дека Русите ќе се обидат да ги убијат познатите Украинци. Да сум на нивно место, би направил исто,“ изјави тој за Times.Стерненко остро ја отфрла можноста Украина да отстапи територија како дел од мировен договор со Москва.„Ако Зеленски даде земја што не е окупирана, тој ќе биде леш – најпрво политички, а потоа и вистински. Тоа би била бомба под нашиот суверенитет,“ тврди блогерот.Според него, компромис со Русија е невозможен: „Ќе има само еден победник – Русија или Украина. Ако руската империја опстане во сегашна форма, таа секогаш ќе сака да се шири. Борбата ќе трае сè додека Русија не ја напушти украинската земја.“Иако е меѓу најпопуларните гласови во Украина, Стерненко често е во судир и со украинскиот политички естаблишмент, критикувајќи ја корупцијата во институциите. Неговите противници го обвинуваат дека избегнува фронтова служба, што тој решително го негира.Руски служби, пак, го гледаат како приоритетна цел, пред сè поради дроновите што ги обезбедува за армијата.Стерненко се вклучил во протестите на Мајдан уште како 18-годишник. Бил сведок на убиствата и насилството во Киев во 2013–2014 година, по што се приклучил на уличните судири во Одеса. Како лидер на локалната подружница на „Десен сектор“, бил сведок на крвавите настани на 2 мај 2014 година, кога во пожар во Домот на синдикатите загинаа 42 луѓе.„Главната цел тогаш беше да ја ослободиме Одеса од корупцијата и од прорускиот криминален уплив,“ вели Стерненко.Во мај 2018 година бил нападнат пред својот стан во Одеса. За време на тепачката, со нож убил еден од напаѓачите. Судиите пет години ја испитуваа неговата верзија за самоодбрана, а тој тврдеше дека е жртва на политички прогон од проруското судство. Во декември 2023 случајот беше затворен, а судот дури му го врати и ножот.„Свесен сум дека мојот животен век е ограничен. Затоа морам да направам нешто корисно за својот народ и за Украина,“ порачува Стерненко, човекот што во Украина важи за симбол на отпорот, но и за мета – и дома, и во Москва.

Свет | пред 8 месеци

Јанчев до Силјаноски: „Постои епитетот музичка ѕвезда и не може секој да го носи-нека каже колку публика може да донесе“

По критиките на пејачот Спасен Силјаноски за изборот на музичките гости на годинешниот Тиквешки гроздобер, градоначалникот на Кавадарци, Митко Јанчев, изјави дека манифестацијата одамна го надминала локалниот карактер и прераснала во настан од регионално значење.„Нека повели пејачот кој го стави на исто рамниште гроздоберот со ‘роштиљада’ и да каже во кој дел од програмата би се вклопил, а што е уште поважно, колку публика би донел во градот? Од каде би била таа публика, со оглед на тоа што на настанот во годините наназад доаѓаат гости не само од цела Македонија, туку и од соседни земји?“ – изјави Јанчев за Инфомакс.Тој потсети дека сите кавадаречки музичари кои ги споменал Силјаноски гостуваат редовно на гроздоберот, а општината секогаш им укажувала почит. „Сите кавадаречки музичари кои ги спомнува, гостуваат не само на овој, туку и на секој гроздобер кој се одржал во минатото и секогаш биле максимално испочитувани од општината, бидејќи ние во Кавадарци знаеме како да го цениме и поддржиме своето,“ додаде тој.Јанчев нагласи дека настанот има две сцени и секој изведувач настапува таму каде што може да ја исполни публиката. „Кога сме кај големата сцена на која годинава ќе настапи српската еворвизиска победничка Марија Шерифовиќ, и за време на чиј настап се очекуваат најмалку 50.000 посетители, нека одговори пејачот дали тој може да гарантира дека ќе донесе барем една петина од таа бројка,“ порача градоначалникот.Тој додаде дека гроздоберот не е само забава, туку има и сериозно економско значење за Кавадарци, бидејќи секоја поголема музичка ѕвезда носи повеќе гости и поголема корист за локалното население.„Затоа и постои епитетот музичка ѕвезда, и не може секој да го носи. Кога за настап на некој музички гостин дури и се организира превоз од други градови, кога доаѓа река од народ од сите краеви, а на плоштадите нема место да се фрли игла, недостојно е да се потценуваат тие ѕвезди со евтини, наводно патриотски приказни кажани поради чист популизам. Уште еднаш го повикувам пејачот кој се дрзна да ја навредува традиционалната кавадаречка манифестација, да дојде во општината и да ми даде одговор на прашањата кои еве и јавно му ги поставив,“ изјави Јанчев за Инфомакс.

Македонија | пред 8 месеци

Во чест на Иле - хуманитарна трка на Голак за човекот кој цела ноќ возеше повредени од дискотеката „Пулс“

На планината Голак на 6.септември ќе се одржи хуманитарна трка во чест на возачот на Итната медицинска помош, Иле Гоцевски, кој почина еден ден по големата трагедија во кочанската дискотека „Пулс“.Тоа ќе биде комбинација од планинско трчање и брзо одење на патека долга 11 километри.Настанот се организира во чест на човекот кој пожртвувано цела ноќ, 11 пати превезуваше повредени од Кочани до Скопје, со цел да спаси што повеќе животи.

Македонија | пред 8 месеци