Најнови вести

2 ден.

СДС нема кредибилитет да зборува за економија, СДС ја доведе државата на раб на банкрот после целиот криминал од епски размери , вели ВМРО-ДПМНЕ

ВМРО-ДПМНЕ преку соопштение реагира дека СДС нема кредибилитет да говори за економијата, обвинувајќи дека за време на нивното владеење биле потрошени значајни буџетски средства без реализирани инвестиции и капитални проекти.Од партијата во соопштението наведуваат дека тогашната власт ја довела државата, како што тврдат, до тешка финансиска состојба и ги оставила граѓаните со намален животен стандард и празни џебови.Во соопштението се посочува дека СДС континуирано спроведува политика и комуникациска стратегија преку која, според ВМРО-ДПМНЕ, се шират невистини и манипулации, меѓу кои и тврдења за можен банкрот, блокирани ИПАРД средства и негативни економски сценарија.ВМРО-ДПМНЕ тврди дека ваквите најави биле демантирани, и дека државата не само што не се соочила со банкрот, туку имало и зголемување на платите и почитување на колективните договори, стои во соопштението.Од партијата во соопштението додаваат дека актуелната влада спроведува мерки за подобрување на состојбите во клучни сектори како здравството, образованието и безбедноста, како и дека работи транспарентно и во насока на зголемување на животниот стандард на граѓаните.

Македонија | пред 2 дена

2 ден.

Инцидент во Кисела Вода: Маж двапати нападнат од повеќе лица, удрен и со кундак од пиштол

Во скопската населба Кисела Вода се случил сериозен физички инцидент во кој 36-годишен скопјанец завршил со повреди откако бил двапати нападнат од повеќе лица, при што едно од нив употребило и пиштол.Според информациите, случајот во СВР Скопје бил пријавен од Јавната здравствена установа „Св. Наум Охридски“, каде што бил донесен повредениот Р.Д. (36) од Скопје. Настанот се одиграл околу 00:00 часот на подрачјето на Кисела Вода, додека тој се движел со патничко возило „БМВ“.Во првиот момент, Р.Д. бил запрен од лице со иницијали Ј.А., кое го познавал, по што по вербална расправија следувал физички напад. Подоцна, кога повторно се вратил на истото место, бил нападнат уште еднаш – овојпат од Ј.А., како и од М.А. и Е.Н. Во текот на нападот, М.А. го удрил со кундак од пиштол.Од полицијата информираат дека по целосно документирање на случајот ќе бидат поднесени соодветни поднесоци.

Македонија | пред 2 дена

2 ден.

Мотоциклист изгубил контрола и излетал од коловозот во Куклиш

Во сообраќајна несреќа што се случила на 1 мај 2026 година околу 19:00 часот во село Куклиш, струмичко, тешко е повреден мотоциклист, соопшти МВР.Според пријавеното, З.А. (27) од селото управувал мотоцикл без регистарски ознаки кога изгубил контрола и излетал надвор од коловозот.Во несреќата тој се здобил со тешки телесни повреди, кои биле констатирани во Медицинскиот центар во Струмица.Увид на местото извршила екипа од Полициската станица Струмица.

Македонија | пред 2 дена

2 ден.

Му се заканувал со нож, па го удрил со дршка од секира - приведен 42-годишник во Џепчиште

Полициски службеници од Полициската станица Тетово на 2 мај 2026 година во 10:20 часот во село Џепчиште го лишиле од слобода А.А. (42) од истото село, соопшти МВР.Според пријавата, претходниот ден С.М. (63) од Џепчиште пријавил дека додека се враќал со трактор од нива, А.М. му се заканувал со нож, по што го удрил со дршка од секира.По настанот се преземаат мерки за целосно расчистување на случајот.

Македонија | пред 2 дена

2 ден.

Сообраќајна несреќа кај „Врановски Анови“ – тешко повреден пешак

Во сообраќајна несреќа што се случила на 2 мај 2026 година околу 18:50 часот на регионалниот пат село Извор – Општина Чашка, тешко е повреден пешак, соопшти МВР.Несреќата се случила во близина на местото викано „Врановски Анови“, кога патничко возило „фолксваген“ со скопски регистарски ознаки, управувано од Б.Н. (26) од Скопје, удрило во пешакот Р.Ѓ. (57) од Велес.Повредениот прво бил пренесен во Општата болница во Велес, по што бил упатен на Клиничкиот центар „Мајка Тереза“ во Скопје, каде му биле констатирани тешки телесни повреди.По насока на јавен обвинител бил извршен увид од увидна екипа на СВР Велес.

Македонија | пред 2 дена

2 ден.

Двајца прилепчани пријавени за кражба на огревно дрво

ОВР Прилеп поднесе кривична пријава против Е.А. (45) и С.А. (37), двајцата од Прилеп, поради сомнение за сторено кривично дело „кражба“ на огревни дрва, соопшти МВР.На 15 јануари 2026 година, полициски службеници ги затекнале пријавените при вршење бесправна сеча на огревно дрво.По документирање на случајот е поднесена соодветна пријава.

Македонија | пред 2 дена

2 ден.

Судир меѓу „опел“ и велосипед во Виница – повреден 78-годишник велосипедист

Во сообраќајна несреќа што се случила на 2 мај 2026 година околу 17:10 часот во Виница, тешко е повреден велосипедист, соопшти МВР.Несреќата се случила на крстосницата од улиците „Крушевска Република“ и „Христо Узунов“ помеѓу патничко возило „опел“ со штипски регистарски ознаки, управувано од В.Л. (67) од Виница, и велосипед управуван од Ј.Ј. (78), исто така од Виница.Велосипедистот се здобил со тешки телесни повреди, кои биле констатирани во Јавната здравствена установа во Виница. По наредба на јавен обвинител бил извршен увид од увидна екипа на ОВР Виница.

Македонија | пред 2 дена

2 ден.

Малолетничка тешко повредена во несреќа со тротинет во Скопје

Во сообраќајна несреќа што се случила на 2 мај 2026 година во 14:55 часот на крстосница од улиците „Горно Лисиче“ и „Ѓорѓи Капчев“ во Скопје, тешко е повредена малолетничка, соопшти МВР.Несреќата се случила помеѓу патничко возило „хјундаи“ со скопски регистарски ознаки, управувано од С.Ј. (55) од Скопје, и електричен тротинет „шаоми“, кој го управувала 14-годишна девојка од Скопје.Малолетничката се здобила со тешки телесни повреди, кои биле констатирани во Комплексот клиники „Мајка Тереза“. По насока на јавен обвинител бил извршен увид од увидна екипа на СВР Скопје.

Македонија | пред 2 дена

2 ден.

Акција против дрога: МВР со приведувања во три градови

Во периодот од 2 до 3 мај 2026 година, полициски службеници на СВР Скопје на повеќе локации лишиле од слобода неколку лица кај кои биле пронајдени бела прашкаста материја и марихуана, соопшти МВР.Приведени се Б.Р. (23), Т.Ј. (19), И.Т. (36) и еден малолетник од Скопје, како и П.Б. (26) од Република Србија. По целосно документирање на случаите ќе следуваат соодветни поднесоци.Во одвоен случај, на 2 мај во 18:30 часот на крстосницата од улиците „Тризла“ и „Дабничка“ во Прилеп, полициски службеници од ОВР Прилеп ги лишиле од слобода Д.А. (27) и С.Л. (27), двајцата од Прилеп. При преглед на патничко возило „голф“ со кумановски регистарски ознаки, кое го управувал Д.А., а сопатник бил С.Л., била пронајдена марихуана. По документирање на настанот ќе следува соодветен поднесок.Во Тетово, на 2 мај во 21:20 часот на улицата „Илинденска“, полициски службеници од СВР Тетово ги лишиле од слобода М.И. (23) и А.В. (18), двајцата од Тетово.При преглед кај М.И. и во неговото возило „бмв“ со тетовски регистарски ознаки биле пронајдени и одземени две пакувања со зелена тревкаста материја и мобилен телефон. Кај А.В. била пронајдена банкнота од 500 денари со остатоци од зелена тревкаста материја. По целосно документирање на случајот ќе следуваат соодветни поднесоци.

Македонија | пред 2 дена

2 ден.

МВР со акција на терен: 11 возачи уапсени - седум без дозвола, еден пијан, еден со забрана

Во текот на изминатото деноноќие, полициските службеници на територијата на целата држава лишиле од слобода 11 возачи поради различни форми на безобѕирно управување возило, соопшти МВР.Од нив, седуммина управувале возило без возачка дозвола – четворица во Скопје, двајца во Тетово и еден во кумановско. Во Дебар е лишено од слобода лице кое управувало возило и покрај активна забрана, додека во Битола е приведен возач кој бил под дејство на алкохол.Во Градско е регистриран случај на возење со брзина поголема од дозволената, а во Кочани е затекнат возач кој се движел во спротивна насока.По целосно документирање на случаите ќе бидат поднесени соодветни кривични пријави.Од МВР апелираат до сите учесници во сообраќајот да ги почитуваат правилата и прописите, да не управуваат возило без возачка дозвола, под дејство на алкохол или со изречена забрана, со цел зголемување на безбедноста на патиштата.

Македонија | пред 2 дена

2 ден.

Кузеска: 700 милиони евра нов долг за три месеци, дилетантот Мицкоски ја турка државата во финансиска бездна

Економскиот диелтант, Христијан Мицкоски и неговата ВМРО-ОКГ ја задолжува државата со невидено темпо и ја турка во финансиска бездна, вели Богданка Кузеска – портпаролка и членка на ИО на СДСМ.„Само за првите три месеци од оваа година, направен е нов долг од 700 милиони евра.Врз грбот на народот, врз грбот на идните млади генерации.За две години откако Мицкоски е на власт, јавниот долг е зголемен за огромни 2,3 милијарди евра и сега изнесува 10 милијарди и 774 милиони евра, историски највисоко.Да биде јасно: ова е чист, нов долг. Сè што е вратено е веќе одземено од пресметките – станува збор за нето задолжување, директно создадено од оваа неспособна и расипничка власт.2,3 милијарди евра нови долгови а во исто време: нема пари за повисоки плати за работниците, Владата одбива да ја покачи минимална плата од 600 евра, нема мерки за поскапувањата, граѓаните се оставени сами да се справуваат со сиромаштијата во криза.Задолжувања само за криминални тендери и богатење на ВМРО-ОКГ.Задолжувања за нивните организирани шеми за извлекување пари. За авиони, часовници, бизнис мрежи.Ова е криминална власт која не работи за граѓаните, туку за сопствениот бизнис интерес и богатење на грбот на народот.Граѓаните денес плаќаат со својот стандард, а утре ќе плаќаат и нивните деца. Овој долг ќе го враќаат идните генерации.Дополнително, буџетскиот дефицит за само три месеци изнесува 408 милиони евра – уште еден доказ за целосниот распад на јавните финансии.Приходите се реализирани со едвај 20%, што значи дека Владата не создава вредност, туку само троши и задолжува.Ова е директен демант на лажните тврдења на Мицкоски дека Македонија е „трета економија во Европа“. Реалноста е спротивна – економијата тоне, а граѓаните осиромашуваат.Економските политики на оваа Влада се промашени, а економскиот дилетантизам на Христијан Мицкоски ја чини државата милијарди евра.СДСМ предупредува: ова е опасен и неодржлив пат кој води кон финансиска бездна и неизвесност“, вели Кузеска.

Македонија | пред 2 дена

2 ден.

(Видео) Вознемирувачка снимка од Шибеник: Куче влечено врзано за автомобил

Во Шибеник се појави вознемирувачка снимка објавена на социјалните мрежи, на која се гледа куче врзано за автомобил додека возилото се движи, а животното трча по патот.Снимката ја објавила страницата „Šibenske šape“, од каде што најпрво биле споделени фотографии од кучето, за кое било наведено дека било пронајдено како талка низ градот со синџир. Подоцна е објавен и видеоматеријалот, кој предизвика бурни реакции во јавноста.Во објавата администраторите на страницата остро го осудија постапувањето, нагласувајќи дека станува збор за недозволиво однесување и повикаа надлежните институции итно да реагираат.Според информации на локални медиуми, инцидентот се случил утрото на пат над шибеничкиот кварт Видици. Сопственикот на кучето, според наводите, подоцна дошол по животното.Полицијата е известена за случајот и се очекува да спроведе истрага за да се утврдат сите околности на настанот.

Свет | пред 2 дена

2 ден.

Манасиевски: СДС и Филипче лажно се претставуваат како проевропска опција, додека Европа ги демантира за секоја нивна лага

СДС и Венко Филипче самите си ја лепат етикетата проевропска опција, додека најдобри другари им се Онишченко, Борче Марковски и Миодраг Давидовиќ Дака, проруски бизнисмени, вели Валентин Манасиевски, член на ЦК на ВМРО-ДПМНЕ„СДС и Филипче се претставуваат како проевропска партија, а нивните лаги и манипулации постојано се демантирани од европски институции и европратеници.Ако навистина се проевропски, зошто Европа постојано ги демантира?Последен пример е и лагата за изјавата на европратеникот и известувач за Македонија, господинот Томас Вајц. СДС ја спинуваа неговата изјава, а тој веднаш ги демантираше и јасно посочи дека Македонија има голем напредок во Реформската агенда.Исто беше и со хистеријата што ја ширеа за ИПАРД средствата. И таа манипулација беше демантирана преку известување од Европската Комисија.Додека Филипче говори за национални интереси, неговиот сопартиец и член на ИО, Рубин Земон, јавно изјави дека Гоце Делчев е небитен и дека е мит. Тоа е директно омаловажување на еден од темелите на македонската државност.И откако ќе излажат, никому ништо, нема извинување, напротив продолжуваат да ја повторуваат истата лага мислејќи дека само така таа ќе стане вистина.СДС со Венко Филипче е истиот оној СДС со Зоран Заев“, додава Манасиевски.

Македонија | пред 2 дена

2 ден.

Русија откажува дел од воените паради поради безбедносни ризици

Руските власти во повеќе региони се откажуваат од традиционалните големи воени паради по повод Денот на победата на 9 мај, поради зголемени безбедносни ризици и страв од можни напади со беспилотни летала. Наместо масовни манифестации со прикажување на воена техника, годинава се најавуваат значително поскромни одбележувања.Според информации на независни медиуми, локалните власти во неколку градови веќе започнале со отстранување на сцените и инфраструктурата предвидена за парадите. Во некои региони се стопирани подготовки за централните плоштади, додека гувернерите се повикуваат на „безбедносни предизвици“.Во одредени области парадите се целосно откажани, а дел од традиционалните настани, како маршевите и јавните собири, се префрлени во онлајн-формат. Во други градови, вклучително и Санкт Петербург, програмата е значително скратена, без прикажување на тешка воена техника.Ограничувања и забрани за масовни собири и огномети се воведени и во повеќе регионални административни единици, што дополнително го менува карактерот на празничното одбележување. Централната парада во Москва, според најавите, исто така ќе биде со намален обем.Аналитичарите оценуваат дека ваквите промени се поврзуваат со зголемените безбедносни ризици и со способноста на украинските беспилотни системи за удари во длабочина на руска територија. Денот на победата традиционално претставува еден од најзначајните државни празници во Русија, но годинашните ограничувања укажуваат на изменети безбедносни околности и нови предизвици за организирање на големи јавни настани.

Свет | пред 2 дена

2 ден.

Кражба во куќа во Загреб: крадец фатен на дело од сопственикот, па се степале

На подрачјето на Чрномерец во Загреб синоќа се случила разбојничка кражба, кога непознат сторител провалил во семејна куќа на улицата Бјеник.Инцидентот се случил околу 23:10 часот, кога провалникот влегол во куќата и одзел пари и накит. Сепак, во една од просториите го затекнал 49-годишниот сопственик.Кога сопственикот се обидел да го задржи, сторителот го оттурнал и успеал да побегне од местото на настанот. Според полицијата, материјалната штета се проценува на неколку илјади евра.Полицијата во Загреб спроведува истрага со цел да се утврдат сите околности и да се пронајде сторителот на кривичното дело.

Балкан | пред 2 дена

2 ден.

Вучиќ: „Некои мислат само на својот џеб, јас на народот“

Претседателот на Србија, Александар Вучиќ, се огласи на социјалната мрежа Инстаграм, каде што испрати порака во која ја истакна својата позиција за, како што наведе, односот кон народот и јавниот интерес.Во објавата тој напиша: „Кметски души се грижат само за својот џеб, јас се грижам за нашиот народ“, без дополнително објаснување на контекстот или на кого конкретно се однесува пораката.Објавата е дел од неговата редовна комуникација преку социјалните мрежи, каде што често објавува политички пораки и ставови поврзани со актуелните општествени и политички теми.

Балкан | пред 2 дена

2 ден.

(Видео) Снег во мај на планините северно од Атина

Снег, кој е почест за зимскиот период отколку за почетокот на мај, бил забележан во раните утрински часовина планината Парнита и планината Пентели, двете лоцирани на северните предградија на Атина.Поради снегот на Парнита, сообраќајот на возила е прекинат од висината на жичарницата.Температурата се спушти до само 8 степени Целзиусови, и иако нема снег во подножјето, на повисоките надморски височини има снежна покривка.Слична е ситуацијата и на Парнас, каде снегот се задржал. Пејзажот е впечатлив, но не наликува на пролет, бидејќи сè е покриено со снег.Посилен снег бил пријавен и во планинските делови на централна Грција и Пелопонез.

Свет | пред 2 дена

2 ден.

Запленети 440 килограми тутун кај Вуковар, две лица осомничени за нелегална трговија

Полицијата во хрватската Вуковарско-сремска жупанија запленила 440 килограми ситно сечкан тутун при претреси на домови и други простории во местото Оточа, врз основа на налог од Жупанискиот суд во Вуковар. Акцијата е спроведена поради сомнеж за сторено кривично дело недозволена трговија.Полицијата соопшти дека при претресите кај две лица, на возраст од 48 и 59 години, биле пронајдени и привремено одземени 60 ПВЦ вреќи со тутун, како и други предмети поврзани со кривичното дело.Според резултатите од истрагата, постои сомнеж дека осомничените во повеќе наврати неовластено продавале тутун. Полицијата најави дека против нив ќе биде поднесена кривична пријава до надлежното државно обвинителство поради сомнеж за недозволена трговија.

Балкан | пред 2 дена

2 ден.

Македонец осомничен дека крадел од џамии во Србија - полицијата го уапси

Во заедничка акција на полицијата од Нови Пазар и Бујановац, уапсен е 66-годишниот М.З., државјанин на Северна Македонија, кој се сомничи дека во период од три дена извршил кражби во четири верски објекти на територијата на Србија.Според информациите, кражбите биле извршени во периодот од 29 април до 1 мај, а мета биле џамии во Нови Пазар, Тутин и Сјеница. Осомничениот, според истрагата, ги кршел касите во верските објекти и ги одземал парите што се наоѓале во нив.При полицискиот преглед кај него биле пронајдени нож и електрошокер, поради што против него е поднесена и соодветна прекршочна пријава.На М.З. му е одредена мерка задржување до 48 часа, по што ќе биде изведен на сослушување во Основното јавно обвинителство во Нови Пазар, каде ќе продолжи постапката за расчистување на случајот.

Македонија | пред 2 дена

2 ден.

(Видео) Украински поморски дронови погодиле руски танкери кај Новоросијск

Украинските поморски дронови онеспособиле два руски нафтени танкери во близина на пристаништето Новоросијск на Црното Море, потврди украинската страна. Претседателот Володимир Зеленски соопшти дека станува збор за дел од поширока операција насочена кон руската таканаречена „флота во сенка“, која се користи за транспорт на нафта.Зеленски објави и видеоматеријал на кој се гледа приближување на поморски дрон кон еден од танкерите, наведувајќи дека двете пловила по нападот се надвор од употреба. Тој им се заблагодари на припадниците на украинската армија, разузнавачките служби и морнарицата за спроведената операција.Според украинските власти, целта на ваквите акции е да се намалат приходите на Русија од извоз на нафта, кои се сметаат за клучен извор на финансирање на воените операции. Во последните месеци, украински беспилотни системи повеќепати ги таргетирале руските енергетски и логистички објекти, вклучително и пристаништа и рафинерии.Киев најавува дека ќе продолжи со развој и засилување на капацитетите за далекусежни удари на море, во воздух и на копно. Украинските власти ги опишуваат овие операции како дел од стратегија за слабеење на руската воена и економска моќ и покрај предупредувањата за можни последици врз глобалниот енергетски пазар.

Свет | пред 2 дена

2 ден.

(Видео) Возило со експлозив удрило во атлетски клуб во Портланд, возачот загина

Возило наполнето со експлозив удрило во главниот влез на атлетски клуб во центарот на Портланд, во американската сојузна држава Орегон, соопштија локалните власти и потврдија дека возачот смртно настрадал и дека зградата во која удрило возилото е сериозно оштетена.Противпожарната служба на Портланд соопшти дека пожарникарите реагирале на пријава за возило кое удрило во главниот влез на атлетскиот клуб Малтнома нешто пред 3.00 часот по локално време, пренесува CBS News.Возилото се запалило по ударот, а кога пожарот бил ставен под контрола, полицијата го пронашла загинатиот возач.Мажот кој управувал со автомобилот не е официјално идентификуван, но полициски извори за локалните медиуми изјавиле дека станува збор за поранешен вработен во атлетскиот клуб.

Свет | пред 2 дена

2 ден.

Грција го суспендира EES системот за српските туристи од 1 јуни до 30 август, вели Српската конзулка во Солун

Од 1 јуни до 30 август новиот систем за влез во Европската Унија – EES (Entry/Exit System) ќе биде суспендиран за граѓаните на Србија, ќе се применува во ноќните часови и нема да влијае на дополнителни гужви, пишува Њузмакс Балканс.Според зборовите на генералната конзулка на Србија во Солун Јелена Вујиќ Обрадовиќ, иако нема да има официјален документ што би ја потврдил суспензијата на EES системот меѓу Грција и Србија, постојат ветувања и уверувања засновани на добрите односи меѓу двете земји, потврдила за ТВ Прва.Обрадовиќ истакна дека Грција најверојатно нема официјално да го суспендира новиот систем за влез во Европската Унија за граѓаните на Србија, но се очекува неговo запирање во текот на летото, со цел да се избегнат големи гужви на границите.„Од 1 јуни до 30 август ќе биде суспендиран за граѓаните на Србија. Ќе се применува во ноќните часови, но нема да влијае на дополнителни гужви“, наведе таа.Директорот на ЈУТА Александар Сеничиќ неодамна изјави дека Грција на српската делегација на состанок усно ѝ ветила дека во текот на летната туристичка сезона нема да дојде до целосна примена на EES системот на границите за државјаните на Србија.Тој наведе дека биле преземени конкретни чекори и одржани состаноци со грчките претставници, како и дека крајот на мај ќе има состанок на високо ниво во Атина, а претходно во Солун со директорот на граничната полиција, со цел договор за отворање на максимален број премини и проширување на ленти од шест на десет, како и дополнителни за автобуси, за да се забрза протокот на патници во шпицот на сезоната.EES е нов дигитален систем за контрола на влез во Шенген зоната кој подразбира земање биометриски податоци од патниците, како отпечатоци од прсти и фотографирање, со што се заменува досегашното печатирање на пасоши.

Свет | пред 2 дена

2 ден.

Шест месеци пред клучните избори во САД: расте политичката неизвесност

Соединетите Американски Држави се наоѓаат на шест месеци од клучните избори на средина од мандатот, на кои ќе се одлучува за рамнотежата на силите во Конгресот и за политичката иднина на земјата во текот на вториот мандат на претседателот Доналд Трамп, пренесува AFP. Политичките аналитичари оценуваат дека станува збор за избори со исклучително високи влогови, кои би можеле значително да ја променат насоката на американската политика.Според политолозите, демократите се обидуваат да ја вратат контролата над Конгресот, додека од нивната страна се упатуваат остри критики кон актуелната администрација и се тврди дека политиките на Трамп претставуваат сериозен ризик за демократските институции. Од друга страна, републиканците настојуваат да ја задржат тесната парламентарна предност за да продолжат со спроведување на својот политички и законодавен план.Во моментов, републиканците имаат ограничена предност во двата дома на Конгресот, а на изборите ќе се одлучува за сите 435 места во Претставничкиот дом и за дел од местата во Сенатот. Историски гледано, изборите на средина од мандатот најчесто се неповолни за партијата што ја контролира Белата куќа, што дополнително ја зголемува неизвесноста.Анкетите на јавното мислење покажуваат зголемено незадоволство од претседателот, при што дел од аналитичарите наведуваат дека неговата популарност е значително намалена. Економските предизвици, како и растот на цените на енергенсите, дополнително влијаат врз расположението на гласачите.Политичката атмосфера е дополнително оптоварена и со дебати околу имиграциската политика, како и со обвинувања меѓу двете партии за радикализација и недоверба. Истовремено, дел од истражувањата покажуваат дека значаен број граѓани се незадоволни и од двете политички опции.Една од клучните теми во кампањата е и прецртувањето на изборните единици, процес познат како „геримандеринг“, кој традиционално предизвикува политички спорови во САД. Во неколку сојузни држави веќе се спроведуваат или се најавуваат нови промени на изборните мапи, што дополнително ја зголемува неизвесноста околу исходот од изборите.По неодамнешна одлука на Врховниот суд, која се однесува на ограничувања при прецртување на изборните единици, политичките аналитичари предупредуваат на можен „изборен хаос“ и зголемена нестабилност во изборниот процес. Според експертите, конечниот исход од овие избори би можел да зависи од низа фактори што сè уште се во движење, што ја прави политичката слика во САД исклучително неизвесна.

Свет | пред 2 дена

2 ден.

Руските сили се приближуваат кон стратешкиот град Константиновка во Донецк

Руските сили постепено се приближуваат кон Константиновка, стратешки важен град во источниот дел на украинската област Доњецк, во обид да воспостават поцврсти позиции во близина на силно утврденото подрачје. Според највисокиот украински воен командант, градот е дел од таканаречениот „појас на утврди“, кој претставува клучна одбранбена линија на украинските сили на истокот на земјата.Началникот на украинската војска Олександр Сирски изјави дека украинските сили продолжуваат да ги одбиваат обидите за инфилтрација и зацврстување на руските единици во предградијата на Константиновка, при што во самиот град се спроведуваат и противдиверзантски операции. Украинските извори наведуваат дека руските сили се наоѓаат на околу еден километар од јужните периферии на градот, додека одредени делови се опишуваат како „сива зона“ без јасна контрола.Руското Министерство за одбрана соопшти дека неговите сили зазеле населено место северно од Константиновка, додека воени претставници во Москва претходно тврдеа дека се бележи напредување во поширокото подрачје околу градот. Во исто време, украинската страна наведува дека руските офанзивни дејства значително се интензивирале во последните недели, со десетици напади насочени кон различни позиции во секторот.Константиновка има значајна улога во одбранбениот систем на Украина, бидејќи се наоѓа во близина на важни сообраќајни правци кои ги поврзуваат поголемите градови во регионот, меѓу кои Краматорск и Славјанск. Пред почетокот на војната, градот бил индустриски центар со развиена металуршка и машинска индустрија, а денес претставува важна логистичка и одбранбена точка.Поради својата положба, Константиновка е постојано изложена на напади врз инфраструктурата и транспортните правци, особено по битките во поширокото подрачје околу Бахмут, кога станал важна заднинска база за украинските сили. Иако во самиот град немало долготрајни улични борби, тој континуирано трпи артилериски и ракетни напади.Паралелно со случувањата во Доњецк, борби се бележат и во североисточниот регион Суми, каде што руската страна тврди дека зазела одредени населени места, додека украинските сили ги негираат тие тврдења. Регионалните власти во Суми пријавуваат и нови воздушни напади, при што има и повредени цивили.Ситуацијата на истокот на Украина останува динамична, со постепени поместувања на линијата на фронтот и продолжени обиди за контрола на клучни урбани и логистички точки.

Свет | пред 2 дена

2 ден.

СДСМ: Мицкоски и ВМРО си формираа „свој синдикат“ во Армијата, чекор кон целосна партизација на институциите

СДСМ преку соопштение реагира по предупредувањата од Независниот синдикат на професионални војници дека во Министерството за одбрана е формирана, како што наведуваат, нова синдикална структура под влијание на власта.Од партијата во соопштението оценуваат дека станува збор за обид за воспоставување контролирана и партиски наклонета организација, наместо независно синдикално здружување.Според СДСМ, ова претставува уште еден пример на, како што велат, проширување на партиското влијание врз институциите, при што се споменуваат и други области како судството, обвинителството, полицијата и медиумите.Тие во соопштението наведуваат дека наместо заштита на правата на професионалните војници, се создава структура која, според нив, би била под влијание на власта.СДСМ бара целосна независност на синдикалното организирање во Армијата и нагласува дека војниците треба да имаат институционална заштита на своите права без политички влијанија.Партијата порачува дека ќе продолжи да реагира на, како што велат, секој обид за партизација на безбедносниот систем, стои во соопштението.

Македонија | пред 2 дена