Најнови вести

2 ден.

Макрон: Франција би можела да се приклучи на придружбата на бродови во Ормускиот теснец откако ситуацијата ќе се смири

Францускиот претседател Емануел Макрон го одби повикот за итна воена акција за повторно отворање на Ормускиот теснец, клучната светска рута за транспорт на нафта. Сепак, тој истакна дека Франција би можела да се приклучи на меѓународна мисија за придружба на бродови откако борбите во регионот ќе се смируваат, пренесува Euronews.На почетокот на седницата на Советот за одбрана во Париз, Макрон нагласи дека учество на Франција во „операции за отворање или ослободување на Ормускиот теснец“ е исклучено поради тековните борби. Протокот низ теснецот, преку кој се транспортира околу 20% од светската нафта, беше нарушен од Иран по нападите што на 28 февруари ги започнаа САД и Израел. „Ние не сме страна во конфликтот“, подвлече Макрон, практично одбивајќи го повикот на американскиот претседател Доналд Трамп за посилен меѓународен ангажман.Сепак, Макрон остави отворена можност Франција да се приклучи на меѓународни напори за осигурување на поморскиот сообраќај „по смирување на ситуацијата, односно по прекин на главните бомбардирања“. Тој додаде дека Франција е подготвена со други земји да преземе одговорност за систем за придружба на трговски бродови кои пловат низ теснецот.Елизејската палата соопшти дека Макрон за вторник попладне свикал нова седница на Советот за одбрана и национална безбедност за да се процени развојот на настаните во Иран и поширокиот регион. Претседателот повтори дека улогата на Франција е строго одбранбена: „Франција не го избра овој војна. Ние не учествуваме во него. Нашиот став е исклучиво одбранбен. Целите ни се јасни: да ги заштитиме нашите граѓани, нашите дипломатски и воени претставништва и нашите интереси во регионот“.Кризата во Ормускиот теснец предизвика глобална загриженост на енергетските пазари и меѓу бродарските компании, бидејќи нарушувањата на оваа рута ја загрозуваат снабденоста со нафта. Белата куќа соопшти дека нафтените танкери, иако во мал број, повторно почнале да минуваат низ теснецот.

Свет | пред 2 дена

2 ден.

Трамп: САД сè уште не се подготвени да го напуштат Иран, но тоа ќе се случи во блиска иднина

Американскиот претседател Доналд Трамп изјави дека САД сè уште не се подготвени да го напуштат Иран, но дека тоа ќе се случи „во многу блиска иднина“. Одговарајќи на новинарско прашање за планот на САД по повлекувањето на силите, Трамп оцени дека во случај на моментално повлекување за обнова на земјата би биле потребни „10 години“, пренесува Sky News. „Сè уште не сме подготвени да заминеме, но ќе заминеме во блиска иднина“, рече Трамп.Ова е најновата изјава што ја покажува нејасноста околу американските рокови за завршување на конфликтот. На почетокот на месецот, Трамп процени дека операцијата би траела „четири до пет недели“.Американскиот министер за одбрана Пит Хегсет истакна дека Трамп има „сè слобода во светот да зборува колку тоа би можело или не би можело да трае – четири недели, две недели, шест недели“.Гласноговорничката на Белата куќа, Каролина Ливит, потврди дека американската воена кампања, која е сега во третата недела, може да трае од четири до шест недели.

Свет | пред 2 дена

2 ден.

Стармер: Не смее да се заборави Украина поради конфликтот во Иран

Британскиот премиер Кир Стармер за време на средбата со украинскиот претседател Володимир Зеленски во Лондон нагласи дека „фокусот мора да остане на Украина“ и покрај тековниот конфликт во Иран. Примачувајќи го Зеленски во Дауннинг Стрит, Стармер посочи дека „Путин не смее да профитира од конфликтот во Иран, ниту преку цените на нафтата, ниту преку укинување на санкциите“.Средбата се одржува во момент кога американско-израелскиот конфликт со Иран влегува во третата недела, додека американскиот претседател Доналд Трамп продолжува со критики кон Обединетото Кралство и други земји за нивниот одговор на ситуацијата.За време на разговорите, двата лидери се договорија за ново одбранбено партнерство насочено кон спречување на напади со евтини дронови. Според соопштението од Дауннинг Стрит, партнерството ќе ја комбинира „украинската експертиза и индустриска база на Обединетото Кралство“ за производство и снабдување со дронови и други воени капацитети, со можност за поширока соработка со трети земји за зајакнување на меѓународната безбедност. Британија ќе обезбеди и 500.000 фунти за финансиирање на Центар за извонредност за вештачка интелигенција во Киев.Стармер потенцира дека поддршката на Обединетото Кралство за Украина останува непоколеблива: „Нашата решеност е несломлива. Јасно е дека на Блискиот исток се одвива конфликт, но не смее да се изгуби од видокруг што се случува во Украина и потребата за нашата поддршка“.Британскиот министер за одбрана Џон Хили додаде дека „се повеќе е важно да се потпреме на украинската експертиза и иновации“, додека Стармер истакна дека дроновите, електронското војување и брзите иновации на бојното поле се клучни за националната и економската безбедност, особено во контекст на конфликтот на Блискиот исток.Зеленски се заблагодари на Обединетото Кралство за поддршката, истакнувајќи дека „бевте со нас во текот на целата тешка зима“. Посетата на Лондон е дел од неговата турнеја по европските престолнини со цел да обезбеди понатамошна поддршка и да го одржи конфликтот со Русија, кој влезе во четвртата година, во центарот на вниманието на сојузниците.Украинскиот претседател нагласи дека Киев има „најголемо искуство во светот во спречување на напади со дронови“, користејќи евтини, масовно произведени дронови пресретачи за заштита на своето небо, а неговите воени експерти се испратени во Катар, ОАЕ и Саудиска Арабија за помош во одбраната од дронови лансирани од Иран.

Свет | пред 2 дена

2 ден.

(Видео и фото) Регистрирани две нови единки балкански рис на Шар Планина

На територијата на Националниот парк Шар Планина, неодамна на трап-камери беа забележани две нови единки балкански рис, со што вкупниот број на евидентирани животни од овој редок и загрозен вид се зголеми на пет. Новоидентификуваните единки се во добра здравствена состојба, што укажува на стабилизирање и постепено закрепнување на популацијата на рисот на Шар Планина, соопштија од националниот парк.Првите снимки на рисот на оваа локација беа направени уште во 2024 година, а на почетокот на 2026 година Националниот парк најави интензивирано следење на овој загрозен вид, како резултат на продлабочената соработка со Македонското еколошко друштво (МЕД). За потребите на мониторингот се набавени дополнителни фотозамки, а ренџерската служба продолжува со следење на присуството на рисот низ целата територија на паркот.Според проценките, во западниот дел од државата има околу 40 единки балкански рис. Присуството на овој вид се евидентира повеќе од две децении преку видеокамери поставени на десетици локации во националните паркови Шар Планина, Маврово, Пелистер, како и на Илинска Планина, Јабланица, Галичица и заштитеното подрачје Јасен.Ова е уште еден охрабрувачки знак за зачувување на еден од најредките и најзагрозените видови на македонската фауна.

Македонија | пред 2 дена

2 ден.

Службеник на Трамп поднесе оставка поради војната со Иран

Главниот службеник за противтероризам на американскиот претседател Доналд Трамп, Џо Кент, поднесе оставка, истакнувајќи дека Иран не претставувал непосредна закана за САД и дека не може да го поддржи војниот конфликт во добра совест.„Не можам да го поддржам војниот конфликт кој моментално се води во Иран“, напиша Кент на социјалните мрежи. „Јасно е дека овој конфликт беше започнат по притисок на Израел и влијателни групи во САД“, додаде тој.Во своето писмо на оставка, Кент ја истакнува поддршката за вредностите и надворешната политика на Трамп од изборите во 2016, 2020 и 2024 година, но нагласува дека досегашните војни на Блискиот Исток се „замка“ која однела многу животи и ја ослабила благосостојбата на земјата. Тој потсети на успешните операции во првиот мандат на Трамп, како ликвидацијата на Касем Солејмани и поразот на Исламската држава, кои покажале дека е можно да се употреби воена сила без да се влезе во бескрајни конфликти.Кент предупреди дека влијателни израелски претставници и американските медиуми создале лажни информации кои ја поткопале политиката „Америка на прво место“ и поттикнале расположение за војна со Иран. „Таа група убедила дека Иран претставува непосредна закана за САД и дека треба да се делува веднаш, со ветување за брза победа. Тоа е лага и иста тактика ја вовлече Америка во катастрофалната војна во Ирак, која однесе илјадници животи“, истакна тој.Кент, кој бил распоредуван во борбени мисии 11 пати и ја изгубил сопругата во војна предизвикана од Израел, нагласува дека не може да испрати нова генерација во конфликт кој нема корист за американскиот народ. „Сега е време за одлучни чекори. Претседателе, можете да го промените правецот или да дозволите да продолжиме кон пропаст и хаос“, напиша тој.Белата куќа засега не дала коментар на оставката, а веста ги изненадила и раководителите на американските разузнавачки служби. Кент е близок со директорката на Националната разузнавачка служба, Тулси Габард, која од почетокот на конфликтот во Иран не дава јавни изјави.

Свет | пред 2 дена

2 ден.

Русија ја поддржува Куба по заканите од Трамп

Русија денес ја потврди својата цврста поддршка за Куба, откако американскиот претседател Доналд Трамп изјави дека очекува да ја има „честа да ја преземе Куба“ и да може „да направи што сака“ со таа комунистичка островска држава.Иако не го спомна директно Трамп, руското Министерство за надворешни работи изрази загриженост поради растечките тензии околу „Островот на слободата“. „Русија ја потврдува својата непоколеблива поддршка за владата и народот на Куба“, се наведува во соопштението. „Остро ги осудуваме обидите за мешање во внатрешните работи на суверена држава, заплашувањето и користењето на еднострани незаконски мерки“, додаваат од Министерството.Претходно, Трамп ја засили економската блокада врз Куба и воведе нафтена блокада, што дополнително ја продлабочи кризата во земјата. Според медиумот New York Times, целта на САД е замена на кубанскиот претседател Мигел Дијаз-Канел. Американските преговарачи им сигнализирале на кубанските колеги дека Дијаз-Канел треба да замине, но следните чекори ќе бидат решавани од Кубанците.Кремљ соопшти дека е во контакт со кубанските власти и дека Русија е подготвена да ѝ пружи целосна помош на земјата. „Островот на слободата се соочува со големи предизвици, кои се резултат на долготрајниот трговски, економски и финансиски, а сега и американскиот енергетски ембарго“, наведува руското Министерство за надворешни работи.Русија додаде дека ќе продолжи да ѝ пружа потребна поддршка на Куба, вклучително и финансиска помош. Куба била близок сојузник на Москва децении по револуцијата во 1959 година, која го донесе Фидел Кастро на власт, и дури по распадот на Советскиот Сојуз, Русија продолжила да ја поддржува со финансиски и материјални средства.

Свет | пред 2 дена

2 ден.

(Видео) Хрватски државен секретар: Ова не се сцени од Иран, туку влезот во Лоњско поле

Жељко Вуковиќ, државен секретар во Министерството за заштита на животната средина и зелена транзиција, објави видео на својот Фејсбук профил кое наводно е снимено на влезот во Природниот парк Лоњско поле.„Ако сте помислиле дека ова се сцени од Иран, се излажавте. Ова е влезот во Природниот парк Лоњско поле“, напиша Вуковиќ. На видеото се гледаат големи количества смет, дел од кои гори. Од паркот кратко за медиумите објасниле дека спорното депониралиште пред влезот не припаѓа на заштитеното подрачје, туку е под надлежност на Градот Кутина.Лоњско поле е големо поплавно подрачје покрај реката Сава во централна Хрватска, едно од најголемите сочувани мочурливи пејсажи во Европа. Паркот е познат по богатата биолошка разновидност, особено по птиците, традиционалното сточарство и старите дрвени куќи, а игра значајна улога при поплави, бидејќи ја впива вишокот вода од Сава и го штити околното население.Вуковиќ порано објави и фотографии од сметот, предупредувајќи на сериозни проблеми во паркот. „Сите пет надзорни камери се избодени со огнено оружје, секојдневни закани кон чуварите на природата, ловочуварите, рибочуварите… Овие луѓе се принудени да носат сопствено оружје, бидејќи буквално се плашат за своите животи. Немa статус на службени лица и имаат речиси никакви овластувања“, истакна тој.Според него, ситуацијата во Природниот парк Лоњско поле е неодржлива: само пет чувари се одговорни за површина од дури 50.000 хектари, што е случај и со поголемиот дел од заштитените подрачја во Хрватска. Вуковиќ посочи дека неопходна е формирање на единствена ренџерска служба која би можела да воведе ред и да ја спречи ескалацијата на ваквите инциденти.

Свет | пред 2 дена

2 ден.

Продолжува прекинот на летови: Ситуацијата на Блискиот Исток останува нестабилна

Низа европски авиокомпании одлучија да го продолжат прекинот на летовите кон Блискиот Исток, вклучувајќи дестинации како Израел, Обединетите Арапски Емирати и Бахреин.Британската компанија „Бритиш ервејс“ соопшти дека ги продолжува ограничувањата на летовите кон овој регион поради нестабилност и несигурност во воздушниот простор. Летовите за Аман, Бахреин, Дубаи и Тел Авив ќе бидат откажани до 31 мај, додека летовите за Доха ќе бидат прекинати до 30 април, а потоа ќе се извршуваат по ограничен распоред. Рутата за Абу Даби ќе биде обновена на 25 октомври, како што беше предвидено. Летовите кон саудиските градови Ријад и Џеда и понатаму се извршуваат редовно.Францускиот авиопревозник „Ер Франс“ објави дека е принуден да го продолжи прекинот на летовите поради безбедносната ситуација на одредени дестинации и затворањето на делови од воздушниот простор. Летовите кон и од Дубаи и Ријад ќе бидат стопирани до 20 март, додека летовите за Тел Авив и Бејрут се откажани до 21 март.Немачката компанија „Луфтханза“ информира дека летовите за Тел Авив се прекинати до 9 април, а летовите за Ријад до 5 април. Одлуката е донесена поради значителни ограничувања во воздушниот сообраќај во регионот, додека летовите на компанијата „ИТА ервејс“ ќе продолжат според редовниот распоред.

Свет | пред 2 дена

2 ден.

СДСМ: Ристов во РКЕ, Мицкоски ја шири својата бизнис мрежа

СДСМ обвинува дека Христијан Мицкоски ја шири својата бизнис-мрежа во енергетскиот сектор преку нови позиции во клучни институции. Според партијата, поранешниот градоначалник од ВМРО-ДПМНЕ Ацо Ристов"], чија сопруга Данка Ристова е членка на Судскиот совет, е предложен за нов претседател на Регулаторната комисија за енергетика (РКЕ).Од СДСМ посочуваат дека Ристов, како и Мицкоски, имал бизнис со хидроцентрали, а нивната мрежа се протега низ сите делови на енергетскиот сектор – од производство и увоз на електрична енергија, до продажба и банкарство. Партијата нагласува дека Мицкоски ги поставува своите луѓе во институциите кои директно одлучуваат за цената на струјата и горивата, што, според СДСМ, на крајот го плаќаат граѓаните.„Ова е уште една алка во синџирот што СДСМ веќе го разоткри – почнувајќи од Адамовиќ, офшор структурите на Кипар, компаниите поврзани со енергетскиот бизнис, 'Руднап', РЕК Битола, Развојната банка, Божиновска и сега во РКЕ. Сите делчиња од својата мрежа Мицкоски ги намести“, се наведува во соопштението.СДСМ уверува дека ќе продолжи да ја разобличува, како што велат, „целата криминална мрежа – од Македонија, преку Србија, до Кипар и пошироко“ и дека сите ќе одговараат за незаконските дејствија. Партијата апелира граѓаните да бидат свесни дека високите цени на струјата и горивата се директна последица на ваквите бизнис-врски.

Македонија | пред 2 дена

2 ден.

СДСМ со ветување до ВМРО: Сите ќе одговарате!

СДСМ обвини дека ВМРО-ДПМНЕ се обидува да го дестабилизира одвнатре преку поранешниот функционер Петре Шилегов, по, како што велат, откривањето на бизнис-мрежи поврзани со лидерот Христијан Мицкоски во енергетскиот сектор.Од СДСМ тврдат дека ваквите напади се резултат на падот на поддршката на ВМРО-ДПМНЕ, што, според нив, се потврдува и во нивните внатрешни анкети. Посочуваат дека претходно биле насочени кон други поединци, а сега, како што велат, се користат различни методи, вклучително и притисоци и уцени.„Станува јасно дека најавената платформа е всушност платформа за рушење на СДСМ одвнатре“, велат од партијата, додавајќи дека ваквите обиди нема да успеат.Во соопштението се нагласува дека СДСМ нема повеќе да се занимава со Шилегов, туку ќе се фокусира на, како што наведуваат, мерки за заштита на животниот стандард на граѓаните и продолжување на евроинтегративниот процес на државата.Партијата најавува и продолжување на, како што велат, разоткривањето на криминално-коруптивни активности поврзани со ВМРО-ДПМНЕ и Мицкоски, со порака дека „сите ќе одговараат“ кога ќе се обезбедат услови за, како што велат, независно обвинителство и судство.Воедно, од СДСМ упатија критики кон Шилегов, оценувајќи дека може отворено да премине во ВМРО-ДПМНЕ наместо, како што тврдат, да дејствува прикриено против партијата. Според нив, граѓаните веќе препознаваат вакви сценарија и нема повторно да бидат доведени во заблуда.

Македонија | пред 2 дена

2 ден.

Шигеаки Мори, преживеан од нападот на Хирошима, почина на 88 години

Шигеаки Мори, кој како осумгодишно дете преживеа атомскиот напад на Хирошима и стана познат по емотивниот прегратка со поранешниот претседател на Соединети Американски Држави, Барак Обама, почина на 88 години, објавија денеска локалните медиуми.Мори почина во саботата во градската болница, пренесуваат весникот Asahi Shimbun и други локални извори. Тој стана познат по своите истражувања за судбината на американските воени заробеници во Хирошима, а на 6 август 1945 година силата на експлозијата го фрлила во реката.„Кога излезов од водата, видов жена како се тресе и доаѓа кон мене. Беше целата во крв, а од распуканиот стомак ѝ виселе органи. Го држеше со раце и прашуваше каде е болница. Побегнав плачејќи, оставајќи ја сама“, раскажал Мори во 2016 година пред средбата со Обама во Меморијалниот парк на мирот во Хирошима.Мори се присети и на ужасот кој го опкружувал: „Преживеаните лежаа околу мене. Јас бев дете, неспособно да помогнам, и бев принуден да бегам, газејќи преку нивните лица и тела.“Во 2016 година, Барак Обама стана првиот американски претседател кој ја посети Хирошима и оддаде почит на жртвите. Мори бил преплавен од емоции кога се сретнал со него: „Претседателот направи гест кон мене како да ќе ме прегрне – и ние се прегрнавме“, изјавил тој.Во нападот на Хирошима загинале околу 140.000 луѓе, вклучувајќи ги и оние кои подоцна починале од последиците од зрачењето. Три дена подоцна, САД фрлија бомба и врз Нагасаки, убивајќи околу 74.000 луѓе. Двете бомбардирања ја забрзаа предадата на Јапонија и придонесоа за завршување на Втората светска војна.

Свет | пред 2 дена

2 ден.

Русија планира масовно населување и големи проекти на окупираните територии на Украина

Руските власти планираат до 2045 година да преселат околу 114.000 граѓани на окупираните делови од Украина, покажуваат таканаречените „развојни планови“ за Донецк, Луганск, Запорожје и Херсон. Плановите се изработени од руската државна развојна корпорација VEB.RF и Единствен Институт за просторен развој.За таа цел, Русија развила 15 главни мастер-планови и 10 проекти за просторен развој. Според нив, населението би требало да се зголеми за 67.100 луѓе со реализација на мастер-плановите и дополнителни 46.700 преку проектите за урбанизирање. Се предвидува изградба на над 13 милиони квадратни метри нови станбени објекти, повеќе од 140 градинки, десетици училишта и околу 100 амбуланти и поликлиники. Плановите предвидуваат и изградба или реконструкција на над 3.270 километри патишта, речиси 430 километри железнички пруги со 19 станици, како и развој на марици за јахти и пристаништа, плус обновување на четири аеродроми.Во индустрискиот сектор се планирани 25 индустриски паркови, осум фабрики за машиноградба, 15 фабрики за градежни материјали и шест рударски и прерадбени погони.Русија исто така планира развој на туризмот на окупираните територии, со цел до 2044 година да привлече до 9,4 милиони туристи. Како потенцијално атрактивни дестинации се наведуваат Приморск и Геническ, а дополнително и Арабатска превлака, Мариупол, Кириловка, Скадовск и крајбрежјето на Запорожската област.Анализата проценува дека за реализација на сите проекти ќе бидат потребни околу 225.400 вработени.

Свет | пред 2 дена

2 ден.

Шилегов: СДСМ не е сопственост на една групација, па со неа да се пазарат за својата слобода

Поранешниот градоначалник на Скопје и поранешниот пратеник од редовите на СДСМ, Петре Шилегов изјави дека постои договор СДСМ да биде во сегашната состојба, упорно да ги промашува темите и да дозволи ВМРО-ДПМНЕ да освои два мандати, со цел да се избегнат евентуални истраги и кривични постапки.Шилегов оцени дека партијата е кадровски исцрпена и дека одлуката за иницирање на негово исклучување е спротивна на Статутот, бидејќи, како што рече, таквата постапка треба да ја води општинската организација.Тој го повика лидерот на СДСМ Венко Филипче да дојде во општинската организација во Карпош и таму да се разговара за неговото исклучување и за состојбите во партијата.Шилегов најави дека ќе продолжи со својата платформа и стратегија и побара актуелното раководство да се повлече за да ја ослободи партијата, која некогаш беше државотворна.„СДСМ не е сопственост на една групација, па со неа да се пазарат за својата слобода“, рече Шилегов.Изјавата доаѓа откако вчера, Извршниот одбор на СДСМ донесе одлука да иницира постапка за негово исклучување од партијата. За ова треба да расправа и да донесе одлуца Централниот одбор, најверојатно наредната недела.

Македонија | пред 2 дена

2 ден.

(Видео) Од „не ни треба никој“ до барање помош: Трамп во контрадикции

На социјалната мрежа X се споделува видеоснимка од американската телевизија CNN, на која се гледа како претседателот на Соединети Американски Држави, Доналд Трамп, за време на прес-конференција изнесува целосно спротивставени ставови за американските сојузници и стратегијата кон Иран.Монтажата од прес-конференцијата одржана на 16 март јасно ја прикажува реториката на Трамп. Од една страна, тој арогантно ја отфрла потребата од сојузници со порака дека „не ни треба никој“, додека веќе во следниот момент бара нивна воена помош за обезбедување на Ормускиот теснец поради ескалацијата на конфликтот со Иран.Во описот на видеото што се шири на интернет се наведува дека станува збор за монтажа на Си-Ен-Ен која покажува како Трамп во период од само еден час повеќепати си противречи. Во објавениот материјал неговите изјави се редат една по друга, создавајќи впечаток на конфузна надворешна политика. Во еден момент зборува за отворање на теснецот и вели дека „сакаме да дојдат и да ни помогнат“, а само неколку минути подоцна истакнува дека САД се најсилната нација и дека не им е потребна ничија поддршка.Овој краток исечок дополнително го нагласува веќе забележаниот образец на противречности во јавните настапи на Трамп. Потсетување доаѓа и од тимот за проверка на факти на Си-Ен-Ен, кој уште на 10 март укажа на слични недоследности во неговите пораки поврзани со војната, кога во рамки на исти говори преминува од засилени закани кон нејасно дефинирани стратешки цели.

Свет | пред 2 дена

2 ден.

Зеленски ја прифати помошта од ЕУ за поправка на нафтоводот „Дружба“

Украина се согласи на надворешна инспекција на оштетениот нафтовод „Дружба“, која ќе биде финансирана од Европска Унија, потврдија денеска од Брисел. Овој чекор доаѓа само два дена пред клучниот самит на европските лидери, каде што се бара решение за деблокирање на заемот за Украина во вредност од 90 милијарди евра, кој е блокиран поради вето од Унгарија.Политичкиот исчекор се случува во пресрет на состанокот на лидерите на ЕУ, на кој во фокусот ќе биде токму унгарската блокада. Европската Унија се обидува да обезбеди исплата на заемот договорен уште во декември, но ветото на Будимпешта сè уште го попречува процесот. Во заедничка изјава, претседателката на Европска комисија, Урсула фон дер Лајен, и претседателот на Европскиот совет, Антонио Кошта, наведоа дека ЕУ ѝ понудила техничка и финансиска поддршка на Украина, што украинската страна ја прифатила, додавајќи дека европските експерти се веднаш достапни.Унгарскиот премиер Виктор Орбан тврди дека нафтоводот, преку кој се транспортира евтина руска нафта, е функционален и дека украинскиот претседател Володимир Зеленски го блокира од политички причини поврзани со претстојните избори во Унгарија на 12 април. Зеленски, пак, изјави дека е под притисок од европските сојузници повторно да го отвори нафтоводот, што го оцени како лоша идеја, иако нагласи дека станува збор за негов личен став.Во писмо до европските лидери, Зеленски ги отфрли обвинувањата на Орбан како неосновани и посочи дека прекинот во снабдувањето е последица на руски напади врз нафтоводот и придружната инфраструктура кон крајот на јануари. Според него, пумпната станица Броди во источна Украина претрпела сериозни оштетувања, што го прави безбедниот транспорт на нафта невозможен. Тој додаде дека поправката би траела околу месец и половина, доколку не дојде до нови напади.Европските лидери нагласија дека поправката на „Дружба“ станала уште поважна поради нестабилноста на енергетските пазари, поттикната од конфликтите на Блискиот Исток, кои ја зголемија цената на нафтата над 100 долари за барел. Во меѓувреме, одлуката на Соединети Американски Држави да ги ублажи санкциите за руската сурова нафта предизвика критики од европските сојузници.И покрај неизвесноста, Брисел се надева дека новиот компромис ќе помогне да се надмине ќор-сокакот и да се овозможи брза санација на нафтоводот. Сепак, засега останува нејасно дали овој потег ќе биде доволен Виктор Орбан да го повлече ветото пред изборите во април.

Свет | пред 2 дена

2 ден.

Хезболах со ракетен напад врз израелски војници во јужен Либан

Хезболах соопшти дека испукал салва ракети кон група израелски војници во градот Киам, во јужен Либан.Во објава на социјалните мрежи се наведува дека израелските сили се наоѓале во близина на општинска зграда кога бил извршен нападот.Претходно во текот на денот, Хезболах информираше дека таргетирал друга група израелски војници, кои се наоѓале во шатор во пограничниот град Марун ал Рас, во областа Бинт Џбеил.Нападите доаѓаат во услови на зголемени тензии долж израелско-либанската граница, со ризик од понатамошна ескалација на конфликтот.

Свет | пред 2 дена

2 ден.

Иран дозволи транзит низ Ормут: дел од бродовите веќе поминаа

Иран одобри транзит на бродови од неколку земји низ Ормутскиот теснец, соопшти портпаролот на иранското Министерство за надворешни работи, Есмаил Багаеи, нагласувајќи дека премините се реализираат во координација со Техеран.Според достапните податоци за поморскиот сообраќај, низ теснецот веќе поминале бродови поврзани со Иран, Индија, Кина и Грција, со што делумно се нормализира протокот во овој клучен енергетски коридор.„Земјите во координација со Исламската Република Иран ги спроведоа своите бродови со поддршка на пилоти низ Ормутскиот теснец. Ова го покажува одговорниот пристап на Иран“, изјави Багаеи.Техеран ја презеде контролата врз теснецот по американско-израелските напади на 28 февруари, воведувајќи ограничувања за бродови поврзани со САД, Израел и нивните сојузници.Поради кризата, транзитот на нафта низ теснецот е намален од околу 20 милиони барели дневно пред конфликтот, на помалку од два милиона барели дневно, според Меѓународната агенција за енергија.Меѓу бродовите што успешно поминале е и пакистански танкер со нафта, како и индиски танкери за течен нафтен гас, кои пловеле по одобрени рути и под надзор на индиската морнарица. Индиските власти посочуваат дека безбедниот премин е резултат на дипломатски активности.Во Персискиот Залив, според податоците, се наоѓаат уште десетици бродови кои чекаат дозвола за транзит, додека ситуацијата ја следат и воените сили во регионот.Ирак исто така води разговори со Иран за обезбедување дозвола за премин на свои танкери, што укажува на продолжена дипломатска активност околу користењето на теснецот.Во меѓувреме, податоците покажуваат драстичен пад на поморскиот сообраќај – во периодот од 1 до 11 март низ теснецот поминале само 77 бродови, наспроти над 1.200 во истиот период минатата година.Американските власти засега немаат приговор за транзитот на одредени бродови, оценувајќи дека делумното отворање е важно за глобалното снабдување со енергенси.

Свет | пред 2 дена

2 ден.

Филипче: Нема договор со власта, единствениот е со членовите на СДСМ

Претседателот на СДСМ, д-р Венко Филипче, изјави дека нема никаков договор со власта, туку единствениот договор што го има е со членовите на партијата – за, како што рече, борба против криминалната власт и за европска иднина на државата.Одговарајќи на новинарско прашање, Филипче посочи дека е изложен на, како што наведе, секојдневни медиумски напади и дискредитации.„Ме прашувате за некаков договор. Гледате што ми прават секој ден – ме напаѓаат медиумски, ме споредуваат со убиец на деца, тврдат дека сум бил наркоман, ме поврзуваат со златни визи во Дубаи. Така ли изгледа договор? Нема апсолутно никаков договор“, изјави Филипче.Тој нагласи дека неговиот единствен договор е со членовите на СДСМ.„Имам договор со членовите на СДСМ дека ќе се бориме за европска и просперитетна Македонија и дека ќе се пресметаме со оваа криминална власт. Само тој договор постои и сите што се сега на власт ќе одговараат за тоа што го прават“, рече Филипче.

Македонија | пред 2 дена

2 ден.

Филипче: Нема да дозволам ВМРО-ДПМНЕ преку поединци да ја дели СДСМ

Претседателот на СДСМ, Венко Филипче, изјави дека нема да дозволи, како што рече, обиди за внатрешно разнебитување на партијата преку поединци поврзани со ВМРО-ДПМНЕ.Одговарајќи на новинарско прашање на денешната прес-конференција, Филипче оцени дека СДСМ се соочува со, како што рече, организирани обиди за внатрешна поделба.„Нема да дозволам да ја делат СДСМ, затоа што имаме работа со криминална и корумпирана власт која не може да го спречи падот на анкетите. Таков пад на ВМРО-ДПМНЕ досега немало, а ние бележиме раст. Единственото што можат да го прават е да се обидуваат да ја делат партијата одвнатре за да владеат како што сакаат. Тоа нема да го дозволиме“, изјави Филипче.Тој додаде дека, според него, вакви обиди биле присутни и во минатото, посочувајќи на политичките случувања во изминатите изборни циклуси.„Такви процеси имаше и во 2021 година, во 2024 имавме силна националистичка и, како што ја оценувам, лажна кампања, а во 2025 година самиот Шилегов посочи дека не работел за СДСМ. Има и други луѓе кои не работеле за партијата на изборите. Тоа влијаеше на резултатите, но јас тоа повеќе нема да го дозволам“, рече Филипче.Тој истакна дека пред СДСМ стои, како што наведе, сериозна задача поврзана со европската перспектива на државата, поради што, според него, е неопходно зачувување на единството во партијата.„Се бориме за опстанокот и европската иднина на државата и нема да дозволам ВМРО-ДПМНЕ преку поединци да ја дели оваа партија“, потенцираше Филипче.

Македонија | пред 2 дена

2 ден.

Се претставил како претставник на фирма за мебел, земал капар и исчезнал

Четириесет и седумгодишна жена од тетовско пријавила во полиција дека била измамена за 550 евра од лице кое се претставило како претставник на фирма за мебел.Според пријавата, на 16 март во 13:00 часот во СВР Тетово таа навела дека во текот на февруари преку социјална мрежа стапила во контакт со С.С. од скопското село Арачиново, со кого се договорила за нарачка на мебел.Откако се сретнале, му ги дала парите како капар, но услугата не била извршена, а лицето подоцна станало недостапно на телефон. Полицијата презема мерки за расчистување на случајот.

Македонија | пред 2 дена

2 ден.

Закани кон бивша девојка, натепани лица во Карпош и Центар, на штипјанец му се заканувале со пиштол... низа инциденти пријавени во МВР

Полицијата регистрирала повеќе одвоени случаи на закани и физички напади во Скопје, Гостивар и Штип, а за дел од нив веќе се водат постапки.Во Скопје, на 16 март во 22:20 часот, полициски службеници во Кисела Вода го лишиле од слобода И.Ј. (47), постапувајќи по пријава од неговата поранешна 35-годишна вонбрачна партнерка дека ѝ упатувал закани.Истовремено, на 16 март во 12:50 часот, Д.О. (46) од Скопје пријавил дека на подрачјето на Центар бил физички нападнат од две лица. Во друг случај, на 17 март во 02:30 часот, во Карпош бил приведен М.А. (59) затоа што агресивно се однесувал кон полициски службеници кои извршувале службени дејствија.Во СВР Штип, пак, В.Х. (42) од Штип пријавил дека по претходно недоразбирање од лицето С.П. му биле упатени закани со огнено оружје.Во Гостивар, полициски службеници извршиле службен разговор со И.Ф. (49) поради сомнение дека сторил тешка кражба од домот на С.С., при што украдените предмети биле пронајдени и вратени на сопственикот.Дополнително, во Скопје било пријавено и дека во периодот од февруари годинава до пријавувањето од црквата „Св. Великомаченик Ѓорѓи“ на подрачјето на Чаир бил одземен бакарен лим од кровот, при што сторителите се стекнале со противправна имотна корист од над 150.000 денари.Во сите случаи се преземаат мерки за расчистување и документирање.

Македонија | пред 2 дена

2 ден.

Семејна куќа изградена без дозвола во Трпејца, ловец фатен без дневна дозвола

Полицијата поднела две одвоени кривични пријави во охридско-кичевскиот регион – едната за бесправно градење, а другата за незаконит лов.СВР Охрид поднела кривична пријава против С.Т. (50) од Струга поради сомнение за „бесправно градење“. Според полицијата, таа како инвеститор на катастарска парцела во охридското село Трпејца, без правосилно одобрение за градење издадено од општина Охрид, изградила индивидуална семејна куќа. Врз основа на утврдената состојба, донесено е решение за отстранување на градбата.Одделно, ОВР Кичево поднело кривична пријава против А.З. (61) од Крушево поради сомнение за „незаконит лов“. На ловен терен во атарот на кичевското село Староец, тој ловел и пукал од лично огнено оружје – ловечки карабин „маусер“ калибар 7,9 милиметри, без да поседува дневна дозвола од концесионерот.

Охрид | пред 2 дена

2 ден.

Четворица државјани на Судан илегално ја преминале границата кај Стење

На 16 март 2026 година околу 16:30 часот во селото Стење, ресенско, полициски службеници од Полициската станица за гранични проверки и граничен надзор Стење затекнале четворица државјани на Судан.Станува збор за Б.И. (26), Х.М. (22), Ф.А. (23) и К.М. (22), за кои по извршените проверки било утврдено дека илегално ја преминале албанско-македонската државна граница.Тие биле приведени во полициска станица за понатамошна постапка, а по документирање на случајот ќе следува соодветна пријава.

Свет | пред 2 дена

2 ден.

Трагедија на патот Кочани – Виница: загина возач

Во тешка сообраќајна несреќа што се случила на 16 март околу 13:40 часот на патот Кочани – Виница, во атарот на Виница, загинал 65-годишниот З.П. од селото Истибања.Според полицијата, во несреќата учествувале патничко возило „фолксваген туран“ со штипски регистарски ознаки, управувано од Ј.Т. (59) од Штип, и патничко возило „мазда“ со штипски регистарски ознаки, управувано од З.П..Од здобиените повреди З.П. починал на местото, а смртта ја констатирал лекар од Итната медицинска помош. По наредба на јавен обвинител, телото е предадено на обдукција.Во несреќата со тешки телесни повреди се здобила сопатничката од „мазда“, Ж.П. (58) од селото Истибања, а со телесни повреди се здобиле Ј.Т. и неговиот сопатник Г.Д. (65) од Штип. Увид извршиле јавен обвинител и увидна екипа од ОВР Виница.

Македонија | пред 2 дена

2 ден.

Тетовец пријавен за насилство по напад по судско рочиште

СВР Тетово поднела кривична пријава против М.З. (46) поради сомнение за кривично дело „насилство“.Според информациите, на 11 март 2026 година на улицата „Илинденска“ во Тетово, по завршување на судско рочиште во Основниот суд во Тетово, на кое присуствувал заедно со Б.Џ., пријавениот физички го нападнал Б.Џ..

Македонија | пред 2 дена