Најнови вести

1 мес.

Се обидел да премине граница со туѓи регистарски таблички

Одделението за прекуграничен криминал, миграции, странци и реадмисија Гевгелија поднесе кривична пријава против Н.К. (57) од Валандово поради постоење основи на сомнение за сторено кривично дело „фалсификување исправа“.Според информациите, на 24 јануари 2026 година во село Казандол, полициски службеници од Полициската станица за граничен премин и граничен надзор Стар Дојран сопреле патничко возило „југо“ управувано од пријавениот. При извршената проверка било утврдено дека регистарската табличка поставена на возилото потекнува од друго возило.По целосно документирање на случајот, против осомничениот ќе следуваат соодветни законски мерки.

Македонија | пред 1 месец

1 мес.

Концесионери осомничени за противправна сеча, исечени над 290 кубни метри дрво

ОВР Македонски Брод поднесе кривична пријава против правно лице со седиште во село Ижиште и против Б.Б. (44) од Македонски Брод, како одговорно лице во правното лице, поради постоење основи на сомнение за сторено кривично дело „кражба“.Според пријавата, осомничените како концесионери на Шумско-стопанската единица „Стрмол-Латово-Коњарник“, врз основа на договор за сеча и дотур и склучени анекси, требало да извршат сеча и дотур на 1.500 кубни метри огревно дрво и 300 кубни метри техничко дрво.Дополнително, противправно биле исечени и однесени уште 291,19 кубни метри дрвна маса без приложени приемници за сеча и дотур. Со тоа, како што е наведено, била остварена противправна имотна корист во висина од 653.228 денари по редовен ценовник, односно 2.037.700 денари по оштетен ценовник.

Македонија | пред 1 месец

1 мес.

299300548_1509089779544340_5740019662609878792_n

Aгресивно се однесувал кон сестра му, па нападнал полицајци: Кривична за 27-годишник од Тетово

СВР Тетово поднесе кривична пријава против А.И. (27) од Тетово поради постоење основи на сомнение дека сторил кривични дела „загрозување на сигурноста“ и „напад врз службено лице при вршење работи на безбедноста“.Според пријавата, на 5 јануари 2026 година пред угостителски објект во Тетово, пријавениот агресивно се однесувал кон неговата сестра. Подоцна, во самиот угостителски објект, тој физички нападнал полициски службеници кои извршувале службени дејствија.Надлежните институции преземаат мерки согласно законските процедури.

Македонија | пред 1 месец

1 мес.

Протекоа лични податоци од PayPal, компанијата ветува целосен поврат на средства

Компанијата PayPal ја извести јавноста за безбедносен пропуст кој овозможил неовластен пристап до личните податоци на корисниците, а во одредени случаи довел и до неавторизирани трансакции.PayPal потврди дека поради грешка во кодот во рамки на апликацијата за кредити, позната како PayPal Working Capital (PPWC), дошло до протекување на чувствителни информации. Според наводите на компанијата, податоците биле изложени повеќе од пет месеци – во периодот од 1 јули до 13 декември 2025 година.Истрагата покажала дека напаѓачите можеле да пристапат до широк спектар лични информации (PII), вклучувајќи: име и презиме на корисниците; електронски адреси и телефонски броеви; деловни адреси; датуми на раѓање; броеви на социјално осигурување (SSN).Она што овој инцидент го прави посериозен е фактот што пропустот овозможил пристап до туѓи средства. PayPal призна дека „мал број корисници“ доживеале неовластени трансакции на своите сметки.Компанијата ги презела следните чекори:Поврат на средства: Сите корисници кои биле оштетени преку неавторизирани трансакции ќе бидат целосно обесштетени.Ресетирање на лозинки: На сите погодени корисници лозинките им се автоматски ресетирани.Заштита на идентитет: PayPal нуди две години бесплатен надзор на кредитната способност и услуга за обновување на идентитет преку сервисот Equifax.Иако безбедносниот пропуст е отстранет, експертите предупредуваат дека украдените податоци би можеле да бидат искористени за идни „фишинг“ напади (лажни електронски пораки кои се обидуваат да извлечат лозинки). PayPal апелира до сите корисници да бидат внимателни со сомнителни пораки, да не отвораат непроверени линкови и редовно да ги следат активностите на своите сметки.Компанијата нагласи дека известувањето не било одложено поради каква било полициска истрага и дека веднаш се пристапило кон санирање на штетата штом проблемот бил забележан.

Свет | пред 1 месец

1 мес.

(Фото) Ќе се градат 40 пешачки и пристапни патеки во Скопје Север

Градоначалникот на Општина Бутел, Дарко Костовски сподели дека започнуваат со изградба на 40 пешачки и пристапни патеки во населеното место Скопје Север.„Денес започнавме со изградба на 40 пешачки и пристапни патеки до станбените згради со павер елементи во Скопје Север. Ќе се реконструираат пристапните влезови на станбените згради на улиците Боро Менков, Лазо Москов, Гоце Стојчевски и Костурска и ќе се надмине проблемот со поплавување на влезовите. радежната офанзива се одвива со силна динамика. Запазени се сите рокови и ветувања кон граѓаните. Еднаков рамномерен развој на сите населени места! “, истакна Костовски.

Скопје | пред 1 месец

1 мес.

Битолчанец во притвор: Чувал и препакувал марихуана во визба за продажба

Криминалистичката полиција при СВР Битола, до Основното јавно обвинителство Битола, поднесе кривична пријава против Л.Б.(29) од Битола поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори”.Имено, пријавениот подолг период нелегално набавувал поголема количина на марихуана, која ја чувал во визба од зградата каде живее во Битола и ја препакувал за продажба на наркозависници на подрачје на Битола.На 21.02.2026, со судска наредба, бил извршен претрес во домот и други помошни простории кај пријавениот, при што биле пронајдени и одземени марихуана и дигитална вага.Од страна на судија на предходна постапка на Л.Б. му била одредена мерка притвор во траење од 30 дена.

Македонија | пред 1 месец

1 мес.

(Видео) Протекоа снимки од серискиот убиец од Старо Нагоричане: Крупен маж се обидува да влезе во куќа на постара жена, се истражуваат пет убиства

Снимка од безбедносна камера објави Телма, на која се тврди дека се гледа осомничениот сериски убиец од Старо Нагоричане.Видеото трае две минути, а на него се појавува крупен маж со подолга јакна и качулка на главата кој се обидува да ја отвори вратата на куќата. Но таа е заклучена. Според изворите на Телма се работи за дом кој се наоѓа близу местото познато како Коински мост, а во куќата живеела сама повозрасна жена.На нив се гледа и дека се снимани на 23 јануари годинава во еден часот и 54 минути после полноќ.Овие снимки биле пријавени и во полиција, како што тврдат жителите на Старо Нагоричане, но полицијата не сакала да ги земе пред вид бидејќи камерите кои биле поставени на приватен објект по закон не биле пријавени, па затоа не можеле да ги земат како докази.Целиот текст прочитајте го на Телма.мк

Македонија | пред 1 месец

1 мес.

Пак дојави за бомби низ училишта во Скопје и Тетово

Министерството за внатрешни работи информира дека денеска (23.02.2026) биле примени дојави за наводно поставени експлозивни направи во неколку училишта во Тетово и Скопје.Веднаш по добивањето на пријавите, полициски службеници презеле соодветни мерки и активности, извршени биле проверки на посочените локации и направени се потребните безбедносни процедури.По извршените проверки, утврдено е дека станува збор за лажни пријави.Од МВР информираат дека продолжуваат активностите за расчистување на случајот и идентификување на лицата кои стојат зад дојавите.

Македонија | пред 1 месец

1 мес.

Трајкоска за апсењето на Груби: Ај сега да видиме што добила ДУИ

Активистката Жанета Трајкоска за апсењето на Артан Груби, вели дека е договорено и дека допрва ќе видиме што ќе добие ДУИ.„Артан Груби се вратил дома. Го уапсиле на граница, на Блаце, од каде што излезе да види нешто таму накај Косово пред повеќе од година.Сега нека дигнат 2 прсти тие што мислат дека нема некаков договор позади "враќањето на џедајот" на ДУИ во Македонија.Е до тука немаме доверба за ништо во државата. А и не дека ние сме криви за тоа! Државата ја урнисаа и "Боро и Рамиз" и нивните договори последните 25-30 години. Ја тебе војводо ти мене сердаре...ај сега да видиме што добила ДУИ....“, напиша таа.

Коментари | пред 1 месец

1 мес.

Жена измамена за 3.000 евра при посредување за работна виза за Германија

На 22.02.2026 во 20:00 часот во СВР Тетово, 32-годишна жена од Тетово пријавила дека била измамена од едно лице од Тетово за сума од 3.000 евра.Според пријавеното, во текот на 2024 година, таа се договорила со лицето да ѝ посредува за добивање работна виза за Германија и притоа парите му ги исплатила во неколку наврати. Како што е пријавено, услугата не била извршена, а кога стапила во контакт со него и си ги побарала парите, започнал расправија, а подоцна бил недостапен.Се преземаат мерки за расчистување и документирање на случајот.

Македонија | пред 1 месец

1 мес.

Уапсен малолетник кој возел кола во Тетово без возачка

На 22.01.2026 во 23:40 часот на бул.„Илинденска“ во Тетово, полициски службеници од Полициската станица за безбедност на патниот сообраќај Тетово лишија од слобода 16-годишник од Тетово.При контрола во патниот сообраќај, полициски службеници сопреле патничко возило „форд“ со тетовски регистерски ознаки, кое го управувал и по преземени мерки било констатирано дека лицето е малолетник и го управувал возилото без положен возачки испит.По наредба на јавен обвинител лицето е лишено од слобода, а возилото е одземено. По целосно документирање на случајот, против него ќе следува соодветна пријава.

Македонија | пред 1 месец

1 мес.

Малолетник фатен во казино, предаден на родителите

На 22/23.02.2026 во периодот од 19:00 до 00:15 часот на подрачјето на ОВР Гостивар, полициски службеници во содејство со Државен пазарен инспекторат и Трудов инспекторат извршиле акциска контрола во спортски обложувалници и казина.При контролата, во еден објект било затекнато едно малолетно лице од Тетово, кое било предадено на родителот.При контролата, во друг објект приведен е А.Л.(29) од Албанија затоа што престојувал непријавено на подрачјето.По целосно документиорање на случајот ќе следуваат соодветни пријави.

Македонија | пред 1 месец

1 мес.

Ангелов на работен состанок во Министерството за правда за измени на Законот за здруженија и фондации

На барање на директорот Стојанче Ангелов на Дирекција за заштита и спасување (ДЗС), денеска беше одржан работен состанок во Министерство за правда, посветен на најавените измени на Законот за здруженија и фондации, што директно ги засегаат доброволните противпожарни друштва во Македонија.„На состанокот беа разгледани можните правни импликации од предложените измени, со посебен акцент на правниот статус и функционирањето на доброволните противпожарни друштва (ДПД), нивната улога во системот за заштита и спасување и на потребата од усогласување на законската рамка со реалните теренски потреби и со европските практики.Притоа, Ангелов, заедно со тим од ДЗС и од претставници на ДПД, ја истакна важноста од заштита, унапредување и институционално препознавање на доброволниот сектор, како клучен партнер во справувањето со кризи, пожари и природни непогоди. Соработката помеѓу институциите и доброволниот сектор е еден од темелите за ефикасен и функционален систем за заштита и спасување во Македонија“, информираат од ДЗС.

Македонија | пред 1 месец

1 мес.

МНР апелира: Македонските државјани да го напуштат Мексико поради влошена безбедносна состојба

Поради влошената безбедносна состојба во Мексико, Министерството за надворешни работи и надворешна трговија апелира до македонските државјани кои се наоѓаат на територијата на оваа држава, истата да ја напуштат во прва можна и безбедна прилика. „Истовремено, се препорачува одложување на сите патувања кон Мексико кои не се од итен и неопходен карактер.Министерството ги става на располагање сите свои капацитети за асистенција на државјаните на Република Северна Македонија, преку 24-часовниот СОС дежурен телефон: +389 75 268 736, електронската адреса: globalsos@mfa.gov.mk, како и преку дежурниот телефонски број на Дипломатско-конзуларното претставништво на Република Северна Македонија во Вашингтон: +1 (202) 758-7798 или на е-маил адресата: washington@mfa.gov.mk. Министерството континуирано ја следи состојбата и навремено ќе ја информира јавноста“, се вели во соопштението.

Македонија | пред 1 месец

1 мес.

Кавадарци ќе го претвора винскиот отпад во нови производи, вели Јанчев

Преку зелена и дигитална трансформација, Кавадарци ќе го претвора винскиот отпад во нови производи, ќе промовира циркуларна економија и гради екотуристичка понуда, која ќе ги поврзува винарниците, културните знаменитости и стопанствата. Ова го истакна денеска кавадаречкиот градоначалник Митко Јанчев на работилница во Кавадарци.„Денес во Кавадарци се одржува значаен настан посветен на идниот развој на нашата општина. Работилница за стратегија за еко-туризам на општина Кавадарци, на која покрај градоначалникот Митко Јанчев учествуваат и г-дин Армен Григоријан постојан претставник на УНДП во Македонија и г-дин Севак Ховханисјан лидер на тимот на Цивита.Преку Фондот за градски експерименти и процесот на зелена и дигитална трансформација, Кавадарци ќе прави чекор напред кон претворање на винскиот отпад во нови производи, развој на циркуларна економија и градење современа еко-туристичка понуда која ги поврзува винариите, културните знаменитости и локалните стопанства.Иако веќе препознаено како винска туристичка дестинација, денес ја презентираме финалната верзија на Стратегијата за развој на туризмот – документ изработен низ инклузивен процес со работилници, консултации и активна вклученост на заедницата и приватниот сектор.Оваа стратегија ќе овозможи нови работни места, збогатување на туристичката понуда и продолжување на престојот на посетителите.Продолжуваме заедно да го градиме Кавадарци како зелена, одржлива и иновативна дестинација“, вели градоначалникот Митко Јанчев/

Македонија | пред 1 месец

1 мес.

(Видео) По три часа во затворот во Шутка, Артан Груби со комбе однесен на распит во Обвинителството

По три часа поминати во истражниот затвор „Скопје“ во Шутка, ексвицепремиерот и поранешен министер Артан Груби е спроведен во Основното јавно обвинителство – Скопје на распит.⚡Сите вести за случувањта со Артан Груби следете ги тукаГруби претходно беше приведен на граничен премин, откако сам се врати во земјава по повеќе од една година престој надвор од државата. По него беше распишана потерница, бидејќи ја напушти Македонија два дена пред поднесување на кривичната пријава, иако се наоѓал на таканаречена „стоп-листа“. Сепак, граничен полицаец му дозволил да ја премине границата.Истрагата против него ја води скопското Обвинителство, а се однесува на сомнежи дека како раководител на владина седница го одобрил барањето на Државна лотарија за јавна набавка на ВЛТ-терминали, иако институцијата немала законско право самостојно да организира игри на среќа. Груби е осомничен за кривично дело „проневера во службата“.Постапката беше отворена по одлуката на Стејт департмент на САД да го стави на „црната листа“, поради основани сомнежи за вмешаност во коруптивни дејствија и влијание врз судски предмети поврзани со поранешниот директор на тајните служби, Сашо Мијалков.Со оглед дека истрагата е веќе завршена, а Груби сам се врати во земјата, можно е обвинителот да предложи поблага мерка од ефективниот притвор, како куќен притвор или други ограничувања. За тоа ќе одлучува судија на претходна постапка, кој ќе ја цени опасноста од бегство и можноста за влијание врз постапката.Груби беше прв вицепремиер во владината коалиција на СДСМ и ДУИ и министер за политички систем и односи меѓу заедниците, а во повеќе наврати ја водеше и Владата во отсуство на премиерот.

Настани | пред 1 месец

1 мес.

Петрушевски: Груби ќе се соочи со правдата за сторениот милионски криминал

Правдата го добива своето место. По година и пол бегство, денеска на граничниот премин Блаце уапсен е Артан Груби, поранешен прв вицепремиер и министер во владата на СДС и ДУИ, вели Бране Петрушевски, пратеник на ВМРО-ДПМНЕ„Артан Груби кој важи за олицетворение на криминалот и корупцијата предводена од СДС и ДУИ, конечно ќе се соочи со правдата.За потсетување на јавноста, криминалот на бегалецот од правдата, Груби достигна вредност од минимум 500 милиони денари или над 8 милиони евра, а има индиции дека оваа сума може да надмине десетици милиони евра, пари украдени од граѓаните.Дополнителен криминал на Груби заедно со неговиот другар Бајрами, тогашен директор на Државната лотарија освен што местеле милионски тендери, е исплаќање на аванси на деловни соработници.За целиот овој милионски криминал на Груби знаеше и СДС, но само за да не му пропадне коалицијата и да му потрае власта, молчеше и го одобруваше, со што стана соучесник.Груби крадеше, СДС молчеше и одобруваше.Сега е време на одговорност.Борбата против криминалот и корупцијата е приоритет за ВМРО-ДПМНЕ, таа ќе продолжи и секој кој се огрешил пред законот, порано или подоцна ќе се соочи со правдата“, вели Петрушевски.

Македонија | пред 1 месец

1 мес.

(Видео) Уапсени четири лица: осомничени за запаленото возило во Струмица чиј газда е вработен во МВР

На 21.02.2026 и 22.02.2026 полициски службеници од СВР Струмица ги лишија од слобода Д.Г.(19) од село Секирник, струмичко, Р.П.(38) од село Владевци, струмичко, А.Т.(26) од село Еднокуќево, струмичко и К.Г.(19) од Струмица поради сомнение дека се можни сторители на кривично дело поврзано со настанатиот пожар на паркирано возило „ланд ровер“, пријавено во Струмица.„На 22.02.2026, врз основа на судски наредби, извршени се претреси во домовите на Р.П., А.Т. и К.Г., при што во домот на Р.П. се пронајдени остатоци од марихуана, во домот на А.Т. е пронајдена кафеава грутчеста материја за која изјавил дека е хашиш, а во домот на К.Г. се пронајдени делови од облека за кои постои сомнение дека ги носел при извршување на кривичното дело.За преземените мерки е запознаен јавен обвинител и по целосно документирање на настаните следува соодветна пријава“, информираат од МВР.Автомобилот во јавноста се поврзува со поранешен инспектор во Министерството за внатрешни работи бил запален во Струмица, во близина на поранешниот објект „Симпо“.Според првичните информации, пожарот избувнал во вечерните часови, по што веднаш била повикана противпожарна екипа. Огнената стихија го зафатила предниот дел од возилото, кој е целосно изгорен.

Македонија | пред 1 месец

1 мес.

ДУИ за враќањето на Груби: Правдата мора да биде еднаква за сите, без двојни стандарди и политички влијанија

Демократската унија за интеграција (ДУИ) позитивно ја оценува одлуката на нејзиниот висок функционер и поранешен вицепремиер, Артан Груби, да се врати во државата и да се соочи со институциите. Од партијата сметаат дека со овој чекор се отвора можност преку транспарентна, правична и непристрасна постапка да се изнесат сите аргументи и да се разјаснат сите отворени прашања поврзани со него.Преку писмено соопштение, интегративците порачаа дека очекуваат правниот процес да се одвива според највисоките стандарди на владеењето на правото. Акцентот го ставаат на високата транспарентност во интерес на јавноста, но пред сè на целосното почитување на презумпцијата на невиност и заштитата на индивидуалните права.„ДУИ останува непоколеблива во ставот дека правдата мора да биде еднаква за сите, без селективност, без двојни стандарди и без политички влијанија. Само правична и професионална постапка ѝ служи на вистината, на институциите и на довербата на граѓаните“, се наведува во партиското соопштение.На крајот, од партијата нагласуваат дека поради високиот политички и јавен интерес за овој случај, раководството внимателно и будно ќе го следи процесот низ сите негови фази.

Македонија | пред 1 месец

1 мес.

Сејф сити регистрираше 4910 прекршоци, најмногу за брзо возење и поминување на црвено

Во периодот од 16.02.2026 до 22.02.2026 од страна на системот „Безбеден град“ на подрачјата на градовите и Коридорите каде се поставени камери, регистрирани се вкупно 4.910 прекршоци.„Од вкупниот број на регистрирани прекршоци најголемиот број се за управување на возило со брзина поголема од дозволената 4.691, потоа за минување на затворен сигнал (црвено светло) 16 прекршоци што претставува намалување на 51.5% во споредба со минатата седмица кога беа регистрирани 33 прекршоци, а во првата недела од месецот беа регистрирани дури 163 прекршоци за минување на затворен сигнал, а за управување со возило со измината важност на сообраќајната дозвола констатирани се 203 прекршоци.Исто така, изречени се вкупно 117 мерки „забрана за управување со возило“, чиј број бележи намалување од 20.9% во однос на минатата седмица, а во првата недела од месецот беа регистрирани дури 288 мерки „забрана за управување со возило“. Од 117 мерки кои беа изречени изминатата седмица 16 се за „минување на црвено светло“, а 101 се за „брзо возење“, од кои 75 за брзина поголема од 80 км на час во населено место, 19 за брзина поголема од 10 км на час и седум за брзина поголема од 170 км на час во ненаселено место.Апелираме до сите учесници во сообраќајот да се почитуваат сообраќајните правила и прописи и сите заедно да придонесеме за посигурни и побезбедни патишта“, информираат од МВР.

Македонија | пред 1 месец

1 мес.

Поар во село Локвени, изгоре земјоделска механизација

На 22.02.2026, во Полициското одделение Ропотово е пријавено дека во село Локвени, општина Долнени, настанал пожар на настрешница сопственост на А.Т. (39) од Локвени.Од пожарот биле зафатени и изгорени околу 500 тони сено, 350 тони слама и земјоделска механизација.Пожарот бил изгаснат од екипа на Територијалната противпожарна единица Кривогаштани, а повредени лица нема. Увид на местото извршила увидната екипа на ОВР Прилеп.

Македонија | пред 1 месец

1 мес.

Мицкоски: Создаваме услови во кои знаењето ќе се претвора во иновација, иновацијата во производ, а производот во нови работни места

Денес е значаен момент за нашата држава. Со формирањето на Советот за иновации, научно-технолошки развој и претприемништво, ја потврдуваме нашата јасна и силна определба Македонија да се позиционира како земја на знаење, наука, истражување, иновации и модерна, конкурентна економија, вели Христијан Мицкоски.„Како Влада преземаме целосна одговорност да ја водиме оваа трансформација. Овој Совет не е само формалност, тој е инструмент на стратешка промена. Тој е механизам преку кој науката, истражувањето и дигитализацијата ќе станат двигатели на економскиот раст.Денес светот се менува со огромна брзина. Дигитализацијата, новите технологии и истражувањата го дефинираат напредокот на нациите. Нашата цел е јасна – да создадеме услови во кои знаењето ќе се претвора во иновација, иновацијата во производ, а производот во нови работни места и подобар животен стандард за граѓаните.Самата структура и состав на Советот, кој ги обединува клучните министерства и ресори, академската заедница и експертите од различни области, гарантира интегриран и стратешки пристап во носењето одлуки. Ова тело ќе обезбеди координација помеѓу образованието, науката, дигиталната трансформација и економските политики. Нашата цел е мерките да бидат конзистентни, транспарентни и ефективни, со јасни индикатори и мерливи резултати.На оваа прва седница го усвојуваме клучниот документ за следните четири години – Четиригодишната програма за поттикнување на иновациите, научно-технолошкиот развој и претприемништвото. Оваа програма не е само административен акт. Таа е визија за развој заснован на наука, истражување и дигитализација. Таа создава рамка за поддршка – од првата идеја, преку истражувачки развој и пилотирање, до целосна комерцијализација.Со оваа политика создаваме основа за отворање нови, квалитетни и добро платени работни места. Поддржувајќи ги стартапите, технолошките компании, истражувачките центри и иновативните мали и средни претпријатија, директно инвестираме во подобра економија – економија што создава вредност, извезува знаење и гради долгорочна стабилност.Во координација со Министерството за образование и наука, Министерството за дигитална трансформација и Министерството за економија и труд како креатори на политиките, Агенцијата за иновации, научно-технолошки развој и претприемништво – ИНОВА е главен имплементатор на програмата. Но успехот нема да биде резултат на една институција – туку на заедничка работа. Владата, ИНОВА, универзитетите, истражувачките институти, приватниот сектор и претприемачите мора да дејствуваат како единствен екосистем.Овој Совет испраќа јасна порака: Македонија избира економија базирана на знаење. Избираме инвестиции во наука и истражување. Избираме дигитална трансформација. Избираме нови работни места, повисока продуктивност и подобар стандард за сите граѓани.Време е идеите да ги претвориме во конкретни проекти, истражувањата во решенија, а визијата во реални резултати.Ви благодарам на посветеноста. Како претседател на Владата, силно верувам дека заедно ќе изградиме посилна, поиновативна и поразвиена држава, држава што создава можности за сегашните и идните генерации.“, вели Мицкоски.

Македонија | пред 1 месец

1 мес.

Груби сместен во стандардна притворска ќелија, без забелешки за безбедноста која му е гарантирана, вели директорот на затворот, Утковски

Директорот на Затворот Скопје, Бобан Утковски, за „Скопје1“ изјави дека Артан Груби бил спроведен во установата во 09:20 часот.„Од страна на припадници на МВР лицето е спроведено во 09:20 часот. По лекарски преглед е сместен во стандардна притворска ќелија со уште едно лице. Немаше поплаки, беше прегледан од доктор и е во добра здравствена состојба“, изјави Утковски.На прашањето дали Груби се пожалил дека не се чувствува безбедно, директорот одговори дека таква поплака не била поднесена.Утковски нагласи дека во затворот се почитуваат сите правила и прописи и дека безбедноста на Груби е гарантирана, како и за секој друг притвореник кој издржува мерка во истражниот затвор.

Македонија | пред 1 месец

1 мес.

Аргачи: Ве интересира зошто не капитулиравме? Бидејќи сме Иранци

Иранскиот министер за надворешни работи Абас Арагчи му одговори на специјалниот пратеник на претседателот на САД Доналд Трамп, Стив Виткоф, кој рече дека Трамп е љубопитен зошто Иран сè уште не капитулирал под притисок.„Ве интересира зошто не капитулиравме? Бидејќи сме ИРАНЦИ“, напиша шефот на иранската дипломатија во објава на Икс.Во неодамнешно интервју за Fox News, Виткоф вели дека Трамп го поставува прашањето зошто Техеран не „капитулирал“ и покрај тоа што тој го опишува како значајна американска поморска и морска сила распоредена во регионот.„Претседателот ме праша ова утрово и тој е – не сакам да го користам зборот фрустриран... бидејќи разбира дека има многу алтернативи, но... љубопитен е зошто не капитулираа.“Тој наведува дека Вашингтон очекува од Иран формално да изјави дека не тежнее кон нуклеарно оружје и да преземе конкретни чекори за да го докаже тоа.

Свет | пред 1 месец

1 мес.

Кривична за ексдиректорот на ЈЗУ Здравствен дом Куманово: Незаконски ангажирани 68 лица и 353.573 евра штета на буџетот

СВР Куманово поднесе кривична пријава против Ф.А.(43) од Куманово поради постоење основи на сомнение за сторено кривично дело „злоупотреба на службената положба и овластување“.Пријавениот, во периодот од 2020 до 2024 година, откако бил поставен како вршител на должност директор, а потоа именуван за директор на Јавна здравствена установа Здравствен дом Куманово, склучувал незаконски договори на дело и вработувал лица во установата, без претходно да добие одобрение од Министерството за здравство и без да обезбеди согласност за обезбедени финансиски средства од Министерство за финансии.На тој начин тој постапил спротивно од одредбите од Законот за работни односи и Законот за трансформација во редовен работен однос. Притоа, во истиот временски период ангажирал 68 лица со договор на дело, на кои незаконски им исплатил плати во вкупен износ од 21.744.788 денари или 353.573 евра на штета на буџетот на Здравствен дом Куманово.

Македонија | пред 1 месец