Промени тема
За нас
Нова вест Админ
site logo skopje1
иран
„Претрес“ на Жерновски: Поскапувања, политиката, лицемерието, Филипче, СДСМ...
„Претрес“ на Жерновски: Поскапувања, политиката, лицемерието, Филипче, СДСМ...

Најнови вести

1 мес.
236599609_2971828763130776_5941306926266456322_n

Тошковски најави имплементација на паметен зелен бран на скопските булевари

„Нема човек кој управува моторно возило во Скопје и кој што не ги гледа придобивките од системот Безбеден град. Го нема веќе дивеењето по улиците, ги нема ненормалните брзини, и тоа се гледа. Ја нема таа нетрпеливост. Бројките на сообраќајните незгоди се намалуваат, бројките на повредени лица се намалуваат, целта која сакавме да ја постигнеме и тоа како има одѕив од јавноста“, истакна меѓу другото министерот за внатрешмни работи Панче Тошковски во синоќешното гостување во емисијата „Клик Плус“ на ТВ 21.Министерот Тошковски посочи дека сите што живееме во Македонија, особено граѓаните во рамки на Скопје, Куманово и Тетово докажавме дека можеме поинаку и дека можеме навистина да ја реализираме онаа европска вредност со европски проект во Македонија.„Во тест периодот почнавме со констатирана бројка на прекршоци од над 100.000, имаше и деновиви кога бројката беше над 120.000. Денес имаме бројка на прекршоци која се движи околу 500, 600, 700 некој ден 800, но тоа е далеку драстично помала бројка на прекршоци од претходно. Овие прекршоци кои ги констатираме се недозволена брзина, минување на црвено светло и управување на моторно возило кое не е регистрирано. Тие прекршоци ги констатира моментално системот. Во иднина ќе констатираме и погрешно запирање и паркирање и тоа ќе биде констатирано како прекршок од страна на овие паметни камери“, појасни министерот, дополнувајќи дека не беше целта да се полни буџетот на државата туку да се спаси еден човечки живот повеќе.„Овој проект сум сигурен дека не само што ќе го среди хаосот туку ќе ни даде надеж дека навистина Македонија со напорна работа, посветеност, заеднички сите граѓани можеме да ја направиме да е многу поубаво место за живеење. Во рамките на Скопје е во фаза на имплементација паметен зелен бран, кој со неговата целосна имплементарција, проточноста на сообраќајот треба да се зголеми, односно да имаме околу 30% побрза проточност на возила, кога овој паметен зелен систем ќе биде имплементиран. Станува збор за систем со кој ќе бидат опфатени сите булевари во рамки на градот Скопје, со што и тоа како ќе се подобри проточноста на возилата. Интензивно се работи на имплементирање на ова решение“, дециден беше министерот Тошковски, дополнувајќи дека истражувањата за тајмерите на семафорите и искуствата покажале дека тие се повеќе штетни отколку корисни.

Скопје | пред 1 месец

1 мес.
media-library0mqu9voku8bq8ihODBh

СДСМ: Ако сѐ било по пропис со користењето на авионот зошто Владата не ги објавува листите со патници?

Доколку користењето на владиниот авион од било целосно согласно законите и прописите, тогаш зошто Владата упорно одбива да ги објави листите со патници? Што се крие од јавноста, прашува СДСМ.„Според Мицкоски, на Јадранско море прво отишол со комерицијален лет со семејството, па го продолжил одморот, па бил на вечера, поради што го прпошутил комерцијалниот лет за враќање па затоа морал да се враќа со владиниот авион од Сплит.Генералната декларација (General Declaration) е задолжителен документ во меѓународната авијација што се доставува за да се идентификува воздухопловот, неговиот екипаж и патниците и мора да се приложи за секој меѓународен лет.Еве, Владата нека ги објави документите, за да видат граѓаните кој се патувал со владиниот авион и колку тоа ги чинело.Граѓаните го плаќаат авионот. Граѓаните ги плаќаат летовите. Граѓаните ги плаќаат трошоците за екипаж, одржување и гориво.Затоа граѓаните имаат право да знаат:Кој сѐ летал со владиниот авион?Колку точно чинел секој лет?Особено што нема пари за плати, нема пари за 600 евра минимална плата, се кратат 3 милиони евра од пациентите со ретки болести, се кратат 40 милиони евра од земјоделците.Ако сѐ било законски – објавете ги списоците. Ако нема што да се крие – покажете ги документите.Јавноста заслужува одговор“, се вели во соопштението.

Македонија | пред 1 месец

1 мес.
839FC7A4-E1C3-4483-80B1-9AFE1BD533D4

Најчевска до Силјановска: Ајде Гоцо дај ни пресметка колку кошта одржувањето, сервисирањето на авионот?

Професорката Мирјана Најчевска преку објава на социјалните мрежи упати остри критики во врска со најавите за набавка на нов владин авион и изјавите дека користењето на службено летало е поекономично од комерцијалните летови.Таа ја оспори тезата дека летањето со владин авион е поевтино и побара јавно да се презентираат сите трошоци поврзани со неговото функционирање.„Ај престанете да се измотавате со тоа приватниот авион.Па уште и онаа нашата сенилна претседателка излегла и не убедува дека е поевтино да се лета со владиниот авион отколку со комерцијален лет.Ајде Гоцо дај ни пресметка колку кошта одржувањето, сервисирањето на авионот?Колку коштаат сите луѓе кои се ангажираат за ова одржување и сервисирање?Па пилоти на платен список?И стјуардеси?Посебно горивото и такците кои се плаќаат за користење на различни аеродроми?Ајде бре престанете да лажете и да ги расфрлате парите на граѓаните“, порачува професорката во својот статус.

Коментари | пред 1 месец

1 мес.
media-libraryd524afomg5hgerUWlm1

Тошковски: Истрагата за запленетите 40 тони канабис резултира со кривична пријава за 10 лица

Министерот за внатрешни работи Панче Тошковски, во телевизиско гостување објави дека Министерството за внатрешни работи поднесе кривична пријава до Јавното обвинителство за гонење на организиран криминал и висока корупција против 10 лица, за кои постојат основани сомненија дека се поврзани со нелегално производство и пуштање во промет наркотична дрога по член 215 од Кривичниот законик.Двајца од осомничените веќе се во 48-часовен притвор, а истрагата што ја води МВР во координација со Обвинителството е поврзана и со дрогата пронајдена во соседна Србија, за која постојат индиции дека потекнува од производствени капацитети за т.н. медицински канабис во државава.Министерот Тошковски во гостување во емисијата „Клик Плус“ истакна дека кривичната пријава е резултат на обемна истрага и преземени активности во изминатиот период.„Во оваа фаза од истрагата е поднесена кривична пријава за 10 лица за кои имаме основано сомнение дека се директно или индиректно поврзани со нелегално производство и пуштање во промет на произведената дрога“, посочи министерот Тошковски.Во рамки на контролите спроведени во производствени капацитети низ државата, одземени се околу 40 тони марихуана, за која надлежна комисија констатирала дека не била третирана согласно законските прописи.„Индициите што ги имавме за нелегално производство, третман и чување се покажаа како точни и затекнатата дрога, за која е утврдено дека не е третирана согласно закон, е одземена“, нагласи Тошковски.Тој потенцираше дека контролите покажале оти дел од компаниите работеле целосно законски и професионално, но кај дел се утврдени сериозни незаконитости, поради што марихуаната е одземена.„Се поставува прашањето каде ќе завршеле тие 40 тони дрога доколку не ги одземевме“, истакна министерот.Во однос на случајот со заплената во Србија, Тошковски нагласи дека постојат докази кои упатуваат дека дрогата влегла од Македонија и дека истрагата се води во тесна соработка со српските надлежни органи. Притоа, тој посочи дека суштинското прашање е и како таквата количина наркотична дрога влегла на територијата на Србија, имајќи го предвид начинот на функционирање на заедничките гранични контроли. „Согласно Договорот кој го имаме за One stop системот е така имплементиран да секоја гранична полиција на МВР, во рамки на граничната контрола го штити влезот во Македонија, односно излезот на Србија и влезот во Македонија. Македонските полициски службеници се на овој граничен премин и тука го контролираат влезот во Македонија. На влезот во Србија го контролираат српските полициски службеници. Значи не е прашањето како излегло од Македонија, туку како влегло во Србија. Тоа е во делот на министерството за внатрешни работи. Во делот на надлежностите на останатите институции ќе видиме, ќе покаже истрагата.“, потенцираше Тошковски.Паралелно, Владата го задолжи Министерството за здравство и надлежната комисија, во соработка со МВР и другите институции, да извршат контроли во сите лиценцирани производствени капацитети, со цел целосно утврдување на фактичката состојба и санкционирање на сите незаконитости.„Мора најбрзо што може да ја утврдиме фактичката состојба и да ја запреме хаотичната состојба што ја наследивме“, подвлече министерот Тошковски.Министерството за внатрешни работи ќе продолжи со засилени контроли и активности за расчистување на сите случаи поврзани со незаконско производство и трговија со дрога.

Македонија | пред 1 месец

1 мес.
media-libraryk1583qht0aud2b5xRZN

Замина д-р Марк Слоун: Ерик Дејн почина на 53 години

Американскиот актер Ерик Дејн, најпознат по улогите во сериите Вовед во анатомија и Еуфорија, почина на 53-годишна возраст, неполна година откако му беше дијагностицирана амиотрофична латерална склероза (АЛС), пренесува BBC.Според соопштението, Дејн ги поминал последните денови опкружен со семејството и блиските пријатели. Тој во април 2025 година јавно откри дека му е дијагностицирана АЛС – ретко невродегенеративно заболување кое ги зафаќа моторните неврони во мозокот и ’рбетниот мозок и постепено доведува до губење на контролата врз мускулите.Во интервју во јуни 2025 година, актерот зборуваше за првите симптоми, истакнувајќи дека најпрво почувствувал слабост во десната рака. По повеќемесечни лекарски прегледи и консултации со специјалисти, ја добил конечната дијагноза. До средината на 2025 година, тој изгубил значаен дел од функцијата на десната страна од телото.Дејн ја започна својата кариера во 1990-тите со гостински улоги во повеќе телевизиски серии. Во 2006 година се приклучи на актерската екипа на „Вовед во анатомија“ како д-р Марк Слоун, лик што го толкуваше до деветтата сезона. Подоцна имаше кратко појавување и во 17. сезона.По заминувањето од серијата, глумеше во „Последниот брод“, а во 2019 година ја презеде улогата на Кал Џејкобс во серијата „Еуфорија“ на HBO, во која се појави во првите две сезони и се врати на снимање во 2025 година за третата сезона.Покрај телевизиската работа, настапуваше и во филмови како „X-Men: The Last Stand“, „Marley & Me“ и други проекти. Во декември минатата година беше најавено дека подготвува мемоари за животот со АЛС, планирани за објавување во 2026 година.Дејн беше во брак со актерката Ребека Гејхарт, со која има две ќерки. Иако двојката поднесе барање за развод во 2018 година, постапката беше повлечена во 2025 година.Семејството побара приватност во периодот на жалост. Детали за комеморација или јавна почит сè уште не се објавени.

Магазин | пред 1 месец

1 мес.
46489444_2227177410640257_739011773964746752_n

Забрана за тешки товарни возила на Стража, Попова Шапка и кон Дебар поради снег

Поради обилни врнежи од снег, од 06:50 часот воведена е забрана за тешки товарни возила на патните правци Тетово – Попова Шапка, Маврово – Дебар и Гостивар – Стража – Кичево.Дополнително, од 07:00 часот, поради сообраќајна незгода, воведена е забрана за движење на тешки товарни моторни возила на магистралниот пат А2 Кичево–Гостивар, во правец кон превојот Стража и обратно.Од 07:20 часот, на патот Скопје – Велес, пред првиот тунел, поради одрон сообраќајот се одвива по една коловозна лента.Според информациите од АМСМ, сообраќајот на останатите државни патишта се одвива непречено, по влажни коловози. Интензитетот на сообраќај надвор од градските средини е умерен, а на граничните премини нема подолги задржувања.Од 15 ноември 2025 година во сила е обврската за задолжително поседување зимска опрема во возилата, која ќе трае до 15 март 2026 година.АМСМ апелира на прилагодена брзина и внимателно управување, особено на делниците Катланово – Велес, Маврово – Дебар – Струга, Виница – Берово и Кочани – Делчево, каде е можна појава на одрони.Во рамки на сезонскиот режим, патниот правец Охрид – Ресен преку Галичица останува затворен за сите видови возила до 31 март 2026 година.

Македонија | пред 1 месец

1 мес.
media-library9qtpdb95l7f931bX0LS

Променливо облачно со врнежи од дожд

Времето денес ќе биде променливо облачно со повремени врнежи од дожд, додека на повисоките места се очекуваат врнежи од дожд и снег, а на планините претежно снег.Според прогнозата на Управа за хидрометеоролошки работи, врнежите ќе бидат поинтензивни во западните делови на земјата. Ќе дува умерен ветер од јужен правец, кој повремено ќе засилува.Во Скопје ќе преовладува променливо облачно време со повремени врнежи од дожд, проследени со умерен југоисточен ветер.Минималната температура ќе се движи во интервал од -2 до 5 степени, додека максималната дневна температура ќе достигне од 1 до 11 степени.

Македонија | пред 1 месец

1 мес.
media-libraryfo1403oel4rm6B1opg3

Мицкоски: Истрагата за дрогата оди до лица од опозицискиот блок и порано активни политичари, се ќе биде поткрепено со докази

Претседателот на Владата, Христијан Мицкоски во неговото гостување во „Само интервју“ на Канал 5 телевизија говорејќи за скандалот со дрогата истакна дека истрагата води до лица од опозицискиот блок, но и поранешни политичари, при што посочи дека сите ќе одговараат затоа што се ќе биде поткрепено со докази.Во однос на текот на досегашната истрага премиерот Мицкоски изјави дека има кривична пријава за 10 лица покрај оние двајца кои веќе се приведени и ова е само почеток, врз основа на информациите, додека за обвинувањата на опозицијата изјави дека одговорност ќе има кон сите, но опозицијата треба да е свесна дека истрагата води до нивни блиски и дека постојат докази за тоа.„Секогаш кога ќе ја прашате опозицијата тие тоа ќе ви го кажат без да имаат било каков аргумент, а власта од оваа страна која што зборува врз основа на аргументи и факти. Нема да зборувам, но мислам дека ќе дојдат до многу важни имиња кои се дел или поврзани со моменталната опозициската СДСМ, делумно со така наречениот Европски Фронт, но и поранешни политичари. Само тогаш да не биде дека тоа е политички реваншизам и хајка, затоа што се ќе биде поткрепено со докази. Затоа што да не биде тогаш „зошто моето семејство“, сите ќе бидат вклучени, бидејќи знаат да го напаѓаат моето семејство и семејствата на луѓето од Владата, треба да се свесни дека нивните семејства за кои постојат докази посебно во овој случај ќе бидат одговорни за многу работи“, потенцираше премиерот Мицкоски.Премиерот Мицкоски посочи дека сепак правдата ќе победи во случајот и тој кој се огрешил ќе одговара, но и не треба да заборавиме каква политика водеше владата на СДСМ и ДУИ во врска со одгледувањето на канабис, како и тоа дека се ова е последица на тие политики.„Сите забораваме колку пати претходната влада на СДСМ и ДУИ се обидуваше да го промени Законот за одгледување на канабис и да се дозволи извоз на цвет од канабис. Дури на најстроги празници свикуваа седници во Собрание. Еве самите гледаме што барале производителите. Не може вашата економска програма да се темели на производство на канабис, самото по себе е поразително“, изјави премиерот Мицкоски.Премиерот Мицкоски водено истакна дека еве сега со скандалот со дрогата гледаме како Али, Заев и Венко како министер за здравство ја развивале Македонија и дека ова се последици од тие политики, но ќе бидат казнети.

Македонија | пред 1 месец

1 мес.
media-librarykt09nbfuitd7cWsWRC4

Мицкоски: Мекото ткиво на македонскиот идентитет се вика СДСМ, Венко ми викаше дека нема проблем со промена на Уставот

„Секој оној кој што не и мисли добро на Македонија и граѓаните ќе бара меко ткиво и тоа го наоѓа во опозицијата во моментот. Тоа го наоѓа во опозицијата, ги слушаме изјавите на челниците на опозицијата во Македонија, кои што никогаш до сега не извлекоа поука од погрешните политики што ги правеа и партијата ја доведоа на тоа ниво, на кое што ја доведоа. Нормално, тоа беше искомбинирано со многу криминал, неработење, неиспорака“, вели Христијан Мицкоски, претседател на Владата во вечерашното интервју во емисијата Само интервју на ТВ Канал 5. Премиерот Мицкоски се потсети на средбата со тогашниот претседател на СДСМ, Димитар Ковачевски каде што имал лидерска средба на која како што рече буквално го молел да не го прифати делот за историската комисија и условот за промена на Уставот да бидат дел од преговарачката рамка. „Јас не бев како сегашната опозиција, јас тогаш барав лидерска средба за да се изгради национален консензус. Дури се сеќавам како денес да беше таа моја последна средба со тогашниот претседател на Владата Ковачевски во Клубот на пратеници, кога го молев буквално да не го прифаќа ова. Дури му реков се што е на маса ќе прифатиме заедно, само немој делот со историската комисија и условот промена на Уставот да влезе во преговарачката рамка. Се друго ќе прифатиме, еве заедно ќе излеземе од овој состанок и подготвени сме ние како ВМРО-ДПМНЕ да прифатиме“, нагласи Мицкоски. Премиерот Мицкоски истакна дека со СДСМ имаат различни позиции и не можат да постигнат договор за национален консензус, бидејќи на средбата во Владата, лидерот на СДСМ Венко Филипче го информирал дека тој да може уште утре би го променил Уставот, потенцирајќи дека мекото ткиво кој што го има македонскиот идентитет се вика СДСМ. „Јас со претседателот на СДСМ имав една средба во Владата кога дојде, кога ја отворивме таа тема и тој јасно кажува дека има различни позиции и дека тој би го сменил Уставот кога би можел уште утре, за него тоа не е никаков проблем. И кога имаме такви различни позиции, јас не гледам како ние би можеле да најдеме консензус. Но, тоа е тоа меко ткиво кој што го има македонскиот идентитет се вика СДСМ. И ние треба да сме мудри и трпеливи, тие ќе измислуваат, напаѓаат со лаги, ние треба да сме концентрирани и јас да знаеме каде одиме“, дециден е Мицкоски.

Македонија | пред 1 месец

1 мес.
media-librarygl4i1774kbo67SMBwII

Новата епизода на „A Knight of the Seven Kingdoms“ поставува рекорд на IMDb

Серијата „A Knight of the Seven Kingdoms“ продолжува да докажува дека светот на Игра на тронови и понатаму е исклучително популарен. Овој спин-оф, од епизода до епизода, бележи високи оценки, а токму петтата епизода постави нов рекорд на сајтот IMDb.Епизодата наречена „Во име на Мајката“ стана најдобро оценета епизода од серијата, достигнувајќи оценка 9,8 од 10 на IMDb, врз основа на повеќе од 53.000 гласови. Со тоа ја надмина претходната, четвртата епизода „Седумте“, која има оценка 9,7.Со оценка 9,8, „Во име на Мајката“ се сместува меѓу највисоко оценетите епизоди на IMDb.Единствената епизода во историјата на телевизиските серии која има чиста десетка и натаму е „Ozymandias“ од завршната сезона на серијата Breaking Bad, пренесува порталот How to Geek.Серијата „Витез на Седумте Кралства“ е базирана на новелите на Џорџ Р. Р. Мартин „Приказни за Данко и Ег“, а Мартин е истовремено и ко-креатор на серијата заедно со Паркер.Првата сезона има уште една епизода, која ќе се емитува на HBO и HBO Max на 23 февруари. Серијата веќе е обновена за втора сезона, чија премиера се очекува во текот на 2027 година.

Магазин | пред 1 месец

1 мес.
media-libraryo3atpber2kltbOhFQP9

Пронајдено тело во фаза на распаѓање во Белград

Во стан во белградската општина Врачар е пронајдено тело во напредна фаза на распаѓање. Откритието следува откако соседите, загрижени поради несносниот мирис кој се шири од станот веќе неколку дена, решиле да пројават и да влезат во просториите.Според неофицијални информации, станарите на зградата одлучиле да преземат мерки поради интензивниот непријатен мирис. По отворањето на вратите, во станот било пронајдено телото. Засега нема официјални информации за идентитетот на починатата личност, ниту за причините и околностите на смртта.Полицијата и надлежните служби продолжуваат со истражување за да се утврдат сите детали околу трагичниот настан.

Свет | пред 1 месец

1 мес.
Telegram-4567543

Телеграм ги отфрлa руските тврдења: Странски служби немаат пристап до пораките

Апликацијата Телеграм ги отфрли руските тврдења дека странски разузнавачки служби можат да пристапат на пораките што ги испраќаат руските војници во Украина. Апликацијата наведе дека не открила никакви прекршувања на своето енкриптирање, пренесе Sky News.„Тврдењето на руската влада дека нашето енкриптирање е загрозено е намерна измислица, чија цел е да се оправда забраната на Телеграм и да се принудат граѓаните да користат државна платформа за размена на пораки“, соопшти компанијата.Претходно рускиот министер за дигитален развој, Максут Шадајев, тврдеше дека постојат „множество индикации“ дека странските разузнавачки служби ги користат податоците против руската армија.„Имаме директна потврда од агенциите за спроведување на законот дека, на почетокот на специјалната воена операција Телеграм се сметаше за релативно анонимен сервис, а нашата армија го користеше, сега постојат многу докази дека странските разузнавачки служби имаат пристап до преписката на Телеграм и ги користат тие податоци во контекст на воени операции против нашите вооружени сили“, изјави Шадајев на состанокот на Комитетот на Државната дума за информатичка политика.Тој додаде дека порано пристапот на странските разузнавачки служби до Телеграм бил епизодичен, а сега станал систематски.

Свет | пред 1 месец

1 мес.
Cvetan-Tripunovski-13.11

Трипуновски: Никој во овој период нема да остане без финансиска поддршка, обезбедуваме фер и постепена транзиција

„Во Програмата за 2026 година воведовме посебна мерка, која во моментов е во фаза на доработка, со цел да бидат поддржани сите мали капацитети, истата е насловена како Мерка за директни плаќања на мали земјоделски стопанства“, истакна министерот за земјоделство, шумарство и водостопанство, Цветан Трипуновски во емисија на ТВ 24.„Да појаснам, земјоделец кој имал 2 декари лозов насад и ги пријавил минатата година, а со новите измени минималниот праг е 0,5 хектари, преку оваа нова мерка ќе добие транзициски период. Во наредните една до максимум три години ќе продолжиме да ги поддржуваме истите два декари, со цел земјоделецот да има време да одлучи дали ќе ги зголеми своите капацитети на 0,5 хектари или ќе одлучи да не ги проширува, по што нема да остварува право на субвенции“, нагласи министерот.Транзицискиот период ќе изнесува од една до три години, во зависност од секторот, бидејќи временската рамка е различна за различни производствени гранки.„Никој во овој период нема да остане без финансиска поддршка. Обезбедуваме фер и постепена транзиција, со цел малите земјоделци да се прилагодат на новите услови“, потенцираше министерот Трипуновски.

Македонија | пред 1 месец

1 мес.
Glavna-fotka-1

Француските супермаркети користат вештачка интелигенција за сузбивање кражби

Илјадници француски супермаркети започнаа со користење на вештачка интелигенција за сузбивање кражби, при што софтверот во реално време ги анализира движењата на купувачите за да открие сомнително однесување. Додека трговците тврдат дека оваа технологија значително ги намалила загубите, истовремено се отвораат сериозни прашања за приватноста и транспарентноста, бидејќи нејзината употреба во голема мера не е регулирана, пишува Euronews.Софтверот ги анализира снимките од надзорните камери во продавницата. Кога алгоритамот забележи сомнителни гестови, на пример ставање артикл во торба или повторувано допирање на производ без да се скенира на касата, автоматски испраќа кратка видеоснимка на персоналот на продавницата.„Така добиваме предупредување. Понекогаш може да се работи за едноставен, па дури и двосмислен гест. Сепак, системот најдобро ги препознава обидите за сокривање на производи, на пример кога рацете се движат кон торбите“, вели Нелсон Лопес, раководител на супермаркет во Монтреил. „Кога доаѓа до такво предупредување, сите сме претпазливи и го следиме видеото од камерите“, додава тој.Сопственикот на супермаркетот Арул Џудсон вели дека во првата година без вештачка интелигенција изгубил речиси 60.000 евра, а сега загубите се приближно преполовени. Во меѓувреме, аптека во Париз плаќа 200 евра месечно за надградба на своите камери со вештачка интелигенција, со што годишно заштедува околу 4.000 евра и избегнува трошоци за ангажирање на чувари.Употребата на оваа технологија моментално се наоѓа во правна сива зона. Франција нема посебен закон кој го дозволува бихевиоралниот надзор со вештачка интелигенција во комерцијални простории, а продавниците не се должни да ги информираат купувачите за нејзината употреба.Француското тело за заштита на податоците CNIL јасно соопштило дека ваквите камери масовно ги анализираат личните податоци и дека нивната комерцијална употреба е забранета без посебен законски рамки. И покрај тоа, францускиот софтверски стартап Veesion опремил помеѓу 2.000 и 3.000 продавници низ Франција.

Свет | пред 1 месец

1 мес.
media-libraryovbfifdsujns0Yx72Pr

Сиљановска-Давкова прими претставници на „Стоп за Усје“

Претседателката Гордана Сиљановска-Давкова прими претставници на граѓанската иницијатива „Стоп за Усје“, кои ги образложија нивните ставови врзани за влијанието на цементарницата Усје врз квалитетот на воздухот и здравјето на луѓето.Истакнувајќи ги своите барања, тие укажаа на потребата од воспоставување мерни станици со 24/7 мерење на загадувачките супстанци, целосна транспарентност на добиените податоци, како и усогласување со препораките на Светската здравствена организација за граничните вредности на ПМ10 честичките.Претставниците на граѓанската иницијатива „Стоп за Усје“ споделија компаративни примери од други држави каде што пропишаните параметри се пониски од македонските.Според нив, наместо да се ангажираат приватни акредитирани лаборатории за независни мерења, треба час поскоро да се забрза процесот на акредитација на државната лабораторија.За нив, неопходна е поголема институционална поддршка и очекуваат надлежните, доследно, транспарентно и неодложно да ги извршуваат законските обврски во интерес на заштитата на животната средина и здравјето на граѓаните.Претседателката, пред сè како граѓанка, ја сподели загриженоста за загадувањето на воздухот, почвата и водите, како едно од најгорливите прашања.Сиљановска-Давкова ги сослуша аргументите и истакна дека со внимание ги следи нивните активности насочени кон поздрава и побезбедна животна средина, како врвен национален приоритет.Таа потсети дека не случајно го именувала за член на Советот за безбедност, професор и научник од областа на метеорологијата и климатските промени, д-р Спиридонов.Соговорниците се согласија дека животната средина е заедничка одговорност и стратешка определба, оти е неопходен континуиран дијалог меѓу граѓанските организации, институциите и стопанските субјекти заради креирање одржливи и долгорочни решенија, како и дека Собранието треба, согласно Деловникот, да ги отвори портите за нив во расправата за законите од областа на животната средина и вршењето на надзорната функција.

Македонија | пред 1 месец

1 мес.
media-library7oqc6lmk8e9h4iH0nng

ЕУ бара повлекување на руските воени сили од Белорусија, Грузија и Ерменија

Европската унија бара Русија да ги повлече своите воени сили не само од Украина, туку и од Белорусија, Грузија, Ерменија и сепаратистичката молдавска регија Придњестровје, наведува документ испратен од високиот претставник на ЕУ за надворешна политика Каја Калас.Документот бара и забрана за руско воено присуство, повлекување на нуклеарното оружје од Белорусија и демилитаризација на окупираните територии. Руски трупи се стационирани во Абхазија, Јужна Осетија, Придњестровје, Ерменија и Белорусија, од каде се организираше инвазијата во 2022 година.ЕУ исто така бара исплата на воена штета, укинување на амнестијата за воени злосторства и целосен пристап за меѓународни истражители. Брисел истакнува дека траен мир не е возможен без учество на ЕУ на преговарачката маса и без заштита на безбедносните интереси на Унијата.

Свет | пред 1 месец

1 мес.
svedska

Шведска испраќа моќен систем за противавионска одбрана на Украина

Шведска денеска објави дека Украина ќе добие нов пакет воена помош вреден 12,9 милијарди шведски круни, односно 1,42 милијарди долари, со нагласок на зајакнување на противавионската одбрана, соопшти шведското Министерство за одбрана. Ова е најголемиот поединечен пакет помош што Шведска досега го обезбедила, пишува The Kyiv Independent.Главен дел од пакетот е шведскиот систем за противавионска одбрана краток дострел, модуларно дизајниран и составен од артилериски и ракетни системи, пресретнувачи, средства за електронско војување, активни и пасивни сензори, како и системи за команда и контрола. Иако во соопштението не е наведено точното име на системот, во последните шведски изјави се спомнува системот Tridon, произведен од BAE Systems Bofors. Tridon е самоходен противавионски топ калибар 40 мм со далечинско управување, способен да се спротивстави на дронови, крстосувачки ракети, авиони и оклопни возила, и е во оперативна употреба од 2022 година.Оваа помош доаѓа во време кога Украина се соочува со недостиг на ракети за противавионска одбрана. Портпаролот на украинското воздухопловство, Јуриј Ињат, на почетокот на февруари изјави дека понекогаш недостатокот на проектили оставал некои украински системи без муниција. Истовремено, со доаѓањето на зимата, Русија ги зголеми нападите врз украинската енергетска инфраструктура во обид да предизвика прекин на снабдувањето со електрична енергија на национално ниво.Пакетот вклучува и муниција, меѓу која се артилериски гранати долгиот дострел, различни видови противавионска муниција калибар 40 мм и муниција калибар 120 мм за минобацачи, како и проширување на проектот за соработка со Украина на беспилотни летала со долг дострел.

Свет | пред 1 месец

1 мес.
media-library9pio81uhqi8m7QJUO5a

Трамвај удри во автомобил: Возачот бил под дејство на дрога и без важечка возачка дозвола

Возачот на трамвајот кој вчера учествувал во сообраќајна несреќа во Сараево управувал под дејство на дрога и со истечена возачка дозвола, јавува Klix.ba. Несреќата се случила кај Царев мост, во близина на Башчаршија, при што и возачот на трамвајот и возачот на патничкото возило се здобиле со полесни повреди.Полицијата по несреќата го тестирала возачот Н.К. (1987) од Сараево. Алкотестот бил негативен, но тестот за дроги покажал присуство на забранети супстанци. Исто така, утврдено е дека возачот немал важечка возачка дозвола бидејќи му истекла. Двете возила претрпеле материјална штета, а возачите биле пренесени во болница.Полицијата на Стари Град ќе покрене прекршочна постапка против Н.К., како и против правното лице КЈКП „ГРАС“ и одговорните лица во претпријатието.

Свет | пред 1 месец

1 мес.
media-librarya6nvn1m87gm83qfdsBe

Трипуновски: Нема намалување на средствата за директни плаќања

„Нема кратење во Програмата за директни плаќања. Во изминатите години, вклучително и за време на претходната власт, Програмата што се носела изнесувала околу 100 милиони евра. Никогаш при нејзиното донесување не изнесувала 140 милиони евра“, истакна министерот за земјоделство, шумарство и водостопанство, Цветан Трипуновски, во емисијата „Аргумент плус“ на ТВ 24.Тој појасни дека Програмата за 2018 година изнесувала околу 100 милиони евра, за 2019 година била во сличен износ, во 2020 година изнесувала околу 70 милиони евра, а во 2021 година околу 60 милиони евра.„Во 2024 година, кога сегашната Влада ја презеде одговорноста, беше наследена Програма донесена од претходната власт во износ од околу 98 милиони евра. Со ребаланс на Буџетот, износот беше зголемен на околу 115 милиони евра, а во декември беа обезбедени дополнителни средства, со што вкупната вредност достигна околу 137 милиони евра“, посочи министерот.Тој додаде дека најголем дел од средствата од Програмата за 2024 година биле наменети за исплата на заостанати обврски кон земјоделците.„Сегашната Програма од околу 98 милиони евра не значи кратење на средствата. Дополнителните средства во 2024 година беа обезбедени со цел да се исплатат наследените долгови од претходната власт“, нагласи министерот Трипуновски.Министерот потенцираше дека и во текот на годината, преку ребаланс на Буџетот, се обезбедуваат дополнителни средства за Програмата за директни плаќања, во насока на континуирана и навремена поддршка на земјоделците.

Македонија | пред 1 месец

1 мес.
media-libraryqjecgs7lorms12274ma

Советот на Општина Центар не ја изгласа одлуката за техничка исправка на ДУП за дел од локалитетот Буњаковец 1

Советот на Општина Центар на денешната седница гласаше за недонесување на одлуката за техничка исправка на Деталниот урбанистички план за дел од локалитет Буњаковец 1, конкретно за ГП 13.1 и ГП 13.11, со локација кај поранешната печатница „Нова Македонија“.За недонесување на предлог-одлуката гласаа сите 23 советници. ,,Ние, како администрација, имаме обврска точката да ја ставиме на дневен ред и воедно да ги посочиме сите импликации. Советниците се тие што гласаат и ја носат одговорноста. Нема потреба од прозивки, медиумски пиар и театар. Овде станува збор за буџетот на граѓаните, а не за партиски интереси. Советот мора да носи одлуки во интерес на граѓаните, а не за дневнополитички калкулации“, рече градоначалникот на Општина Центар Горан Герасимовски Претходно, Комисијата за урбанизам на Општина Центар даде позитивно мислење за предлог-одлуката. Согласно законот за техничка грешка, исправката во донесен урбанистички план не подразбира никакви измени во планирањето или параметрите на планот туку станува збор исклучиво за корекција на грешка во техничкиот дел на исцртување на планот. Во конкретниот случај, градежната парцела во мал дел не била целосно затворена, односно оформена.

Скопје | пред 1 месец

1 мес.
media-library0mqu9voku8bq8ihODBh

Опозицијата со споредба: Хрватска, Словенија и Црна Гора имаат постари владини авиони

СДСМ реагираше на изјавите на претседателката Гордана Сиљановска-Давкова во врска со староста на владиниот авион, наведувајќи дека леталото не е најстаро во регионот и дека споредбите покажуваат поинаква слика.Од партијата посочуваат дека македонскиот владин авион е стар околу 20 години, додека владиниот авион на Хрватска е стар 27 години, словенечкиот 23 години, а црногорскиот исто така 27 години. Сите овие земји, наведуваат од СДСМ, редовно ги користат своите летала за службени патувања.Во реакцијата се наведува и пример од Соединетите Американски Држави, каде што, според достапни податоци, просечната старост на флотата на „Јунајтед ерлајнс“ изнесува 15,4 години, при што дел од авионите се стари и до 35 години и секојдневно извршуваат комерцијални летови.СДСМ оценува дека отворањето на темата за набавка на нов и поголем авион е несоодветно во услови кога, според нив, минималната плата во земјата е меѓу најниските во регионот и Европа. Според партијата, фокусот треба да биде ставен на економската состојба на граѓаните, а не на прашања поврзани со луксуз и комфор на функционерите.

Свет | пред 1 месец

1 мес.
media-libraryltqlv31qvt8g4kFoTUi

Аналитичар за можен напад на САД врз Иран: Трамп има трпение само кон Путин

Надворешнополитичкиот аналитичар Денис Авдагиќ во изјава за N1 Televizija оцени дека евентуален напад на Соединетите Американски Држави врз Иран денес не е невозможно сценарио, иако пред неколку години би било тешко замисливо.Тој потсети дека минатата година веќе бил изведен ограничен напад врз ирански нуклеарни постројки, што, според него, покажува дека постои подготвеност за таков чекор. „Ако се оди кон уништување на нуклеарниот и ракетниот потенцијал, тоа веројатно би траело со недели и би предизвикало голем хаос низ Блискиот Исток“, изјави Авдагиќ.Осврнувајќи се на улогата на американскиот претседател Доналд Трамп, тој нагласи дека доколку Трамп ги оствари поставените цели, прашањето може брзо да биде тргнато од дневен ред. Како пример ја посочи Панама, која, според него, престанала да биде тема откако биле постигнати посакуваните резултати. Во случајот со Иран, клучно прашање е запирањето на нуклеарната програма, а доколку на преговарачката маса не се отвори прашањето за опстанокот на режимот, можно е да се постигне договор.Авдагиќ оцени дека Иран има интерес за преговори, пред сè поради ослабената меѓународна и внатрешна позиција. Тој додаде дека Трамп нема многу трпение, „освен во случајот со Русија и Владимир Путин“, и дека кон останатите земји настапува поинаку. Како показател за зголемените тензии ја наведе и присутноста на американски воени бродови во близина на Иран.Во анализата се осврна и на испраќањето на медитеранската комесарка Дубравка Шуица на првиот формален состанок на Одборот за мир во Вашингтон, потег што наиде на критики, особено од Франција. Според него, најгласни ќе бидат земјите што не учествуваат на состанокот. Хрватска и Италија ќе имаат статус на набљудувачи, што, како што посочи, не е спорно и не претставува исто што и полноправно членство.

Свет | пред 1 месец

1 мес.
media-librarykakf23r9n668dHud9Df

Андрија Милошевиќ предупредува: „Chicken Road“ е измама, го злоупотребуваат мојот лик со вештачка интелигенција

Играта „Chicken Road“, која на социјалните мрежи се рекламира како брз начин за заработка, според актерот Андрија Милошевиќ претставува класична измама. Тој јавно реагираше откако неговиот лик бил искористен за промоција без негова дозвола.Милошевиќ апелираше до граѓаните да бидат внимателни и да не наседнуваат на рекламите во кои се појавува неговиот лик.„Chicken Road е измама. Го користат мојот лик за промоција, а јас немам никаква врска со тоа. Ве молам, обрнете внимание“, напиша актерот.Тој појасни дека станува збор за злоупотреба со помош на вештачка интелигенција, при што неговиот лик се користи за реклама на игра што наводно носи пари. Милошевиќ истакна дека веќе ангажирал адвокат и се обидува правно да стави крај на, како што вели, оваа појава што трае подолг период.„Уште еднаш да објавам дека со помош на вештачка интелигенција се користи мојот лик за некаква кокошка што носи пари – не наседнувајте. Немам врска со тоа. Тоа е класична измама. Се обидувам преку адвокат да ѝ застанам на пат на таа појава. Веќе речиси три години не рекламирам игри на среќа, ниту имам намера. Споделете за да види што повеќе луѓе“, порача Милошевиќ.Актерот уште еднаш ги повика граѓаните да бидат претпазливи со содржини што агресивно се рекламираат на интернет и да не им веруваат на лажни препораки што го злоупотребуваат неговото име и лик.

Магазин | пред 1 месец

1 мес.
media-library8ge20cac0os82xj8TN2

Принцезата Ана во посета на затвор, без изјави по апсењето на Ендру

Членовите на британското кралско семејство денеска продолжија со своите јавни обврски, само неколку часа по апсењето на Ендру Маунтбатен-Виндзор. Неговата сестра, Anne, Princess Royal, ја посети казнено-поправната установа ХМП Лидс во Западен Јоркшир, без да дава изјави за медиумите.Седумдесет и петгодишната принцеза ја реализираше претходно планираната посета на затворот, додека кралот и кралицата на одвоени настани се соочија со прашања поврзани со Ендру Маунтбатен-Виндзор, на кои не одговорија.Два автомобила, од кои едниот наводно ја превезувал принцезата, пристигнале во затворот со полициска придружба околу 14:30 часот. Од кралската палата засега нема официјален коментар во врска со најновите случувања.

Свет | пред 1 месец

1 мес.
media-library2e9baqigp61uc7nGqE3

Трамп ја блокираше поддршката за договорот за Чагос, Британија не даде зелено светло за напад врз Иран

Американскиот претседател Доналд Трамп ја повлече поддршката за договорот на британскиот премиер Кир Стармер за предавање на архипелагот Чагос на Маврициус, откако Лондон не дал зелено светло за користење на британските воени бази во случај на американски напад врз Иран, објави „Тајмс“.Според весникот, Белата куќа разработува детални воени планови што би ја вклучиле базата на островот Диего Гарсија и воздухопловната база РАФ Ферфорд во Глостершир, каде што е стационирана американската флота тешки бомбардери за Европа. Долгогодишните договори меѓу Лондон и Вашингтон предвидуваат овие капацитети да се користат само со претходна согласност од британската влада.Обединетото Кралство сè уште не дало одобрение, поради правни дилеми и загриженост дека евентуална интервенција би можела да го прекрши меѓународното право. Според правните толкувања, држава што обезбедува поддршка за напад може да сноси одговорност доколку има сознанија за околностите на евентуален противправен чин.Уште во 2021 година, сегашниот министер за одбрана Џон Хили побара појаснување за правилата околу користењето на британските бази, при што беше нагласено дека секоја операција мора да биде во согласност со британското законодавство и со домашното толкување на меѓународното право. Во пресрет на војната во Ирак, тогашниот државен правобранител Лорд Голдсмит тврдеше дека употребата на сила е дозволена само во самоодбрана или при непосредна закана, став што подоцна беше ревидиран по резолуцијата на Обединетите нации.Трамп и Стармер разговарале за американскиот ултиматум поврзан со нуклеарната програма на Иран, по што американскиот претседател јавно го критикуваше договорот за Чагос. На својата социјална мрежа Трут Соушал, Трамп наведе дека САД можеби ќе мора да ги искористат Диего Гарсија и Ферфорд за да спречат потенцијален напад од „нестабилен и опасен режим“, кој, како што посочи, би можел да биде насочен и кон Обединетото Кралство.Британската влада претходно тврдеше дека договорот со Маврициус, проценет на околу 35 милијарди фунти, е неопходен од безбедносни причини и за да се избегне скапа правна битка околу суверенитетот врз архипелагот. Министерката за жртви Алекс Дејвис-Џонс изјави дека премиерот ќе го исполни ветувањето и повторно ќе го врати законот во парламентарна процедура, нагласувајќи дека националната безбедност останува врвен приоритет.Сепак, високи владини извори неофицијално признаваат дека договорот тешко може да продолжи без американска согласност, а актуелната ситуација ја опишуваат како „мрачна“, што дополнително ги комплицира односите меѓу Лондон и Вашингтон во чувствителен геополитички момент.

Свет | пред 1 месец

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања