ФИЛИПЧЕ

Филипче: Време е за правда, Груевски мора да се врати и да одговара

Претседателот на СДСМ, Венко Филипче, изјави дека доаѓа време за вистина, правда и одговорност, оценувајќи дека политичките промени во Унгарија отвораат ново поглавје во однос на случајот со Никола Груевски.Тој истакна дека новата унгарска власт испратила порака дека повеќе нема да обезбедува засолниште за лица кои бегаат од правдата.„Ја поздравувам јасната и недвосмислена порака на новиот унгарски премиер Петар Маѓар од вчерашната прес конференција. Новата унгарска власт повеќе нема да обезбедува засолниште на луѓето кои бегаат од правдата. Маѓар експлицитно наведе дека Унгарија ќе ги испорача оние кои се кријат на нејзина територија и директно го означи Никола Груевски како криминалец. Ова е конечен крај на ерата во која Будимпешта беше безбедно засолниште за сите осудени корумпирани криминалци“, рече Филипче.Филипче побара од власта да одговори дали е поднесено барање за екстрадиција на Никола Груевски.„Бидејќи движењето ЗНАМ веќе честиташе на победата на новиот унгарски премиер, сега го поставуваме прашањето: дали оваа Влада на ВМРО и ЗНАМ има поднесено барање за враќање на Никола Груевски. Доколку нема, зошто нема? И дали по изјавите од новата унгарска власт ќе биде поднесено такво барање“, рече Филипче.Тој додаде дека правдата, иако доцни, на крајот секогаш стигнува.„Сега се поставува прашањето што ќе прави Никола Груевски кога повеќе нема заштита во Будимпешта – дали ќе остане таму, ќе замине во друга држава или ќе се врати за да ја отслужи казната“, изјави Филипче.

Македонија | пред 1 месец

Филипче: По падот на Орбан следат Вучиќ и Мицкоски

Претседателот на СДСМ, Венко Филипче, на денешната прес-конференција изјави дека победата на демократијата во Унгарија претставува почеток на крајот на автократските режими во регионот и најава за нов политички период.„Граѓаните на Унгарија јасно и гласно рекоа: ДОСТА Е од автократијата! Ова е голема, историска победа на демократијата над автократијата, на Европа над руското и кинеското влијание и на владеењето на правото над корупцијата“, истакна Филипче.Тој додаде дека оваа победа испраќа јасна порака и за регионот.„Историската победа во Унгарија испраќа јасна порака до целиот регион: времето на автократите завршува. Паѓаат автократските режими. Следен е Александар Вучиќ, а со него и Христијан Мицкоски. Регионот припаѓа на Европа, а не на Русија. Доаѓа време на правда и одговорност“, рече Филипче.Филипче оцени дека падот на режимот на Виктор Орбан има пошироки политички последици за регионот, поврзани со, како што рече, бизнис и политички релации.„Владата на Мицкоски ги стави стратешките интереси на Македонија во рацете на Орбан – не за државата, туку за свои лични и бизнис интереси. Телекомуникациите, енергетиката, медиумите – сè беше поврзано со кругот на Орбан“, изјави тој.Тој додаде дека со политичките промени во Унгарија ќе се отвораат и прашања за сите досегашни договори и врски.„Со падот на Орбановиот режим во Унгарија, наскоро може да дојде до целосно откривање на сите тајни бизнис комбинации меѓу Орбан и Мицкоски. Сега, сите овие договори ќе излезат на виделина. СДСМ ќе бара целосна истрага за сите бизнис комбинации меѓу Орбан и Мицкоски“, рече Филипче, додавајќи дека доаѓа време за вистина, правда и одговорност.

Македонија | пред 1 месец

Филипче: Орбан ја користеше Македонија како бизнис колонија преку Мицкоски

Претседателот на СДСМ, Венко Филипче, на денешната прес-конференција изјави дека, откако ВМРО е на власт, клучни сектори во државата биле ставени под влијание на кругот поврзан со Виктор Орбан, оценувајќи дека станува збор за политичко и економско користење на државата.„Од кога Мицкоски и ВМРО се на власт, Орбан ја користеше Македонија како своја приватна колонија за политички и финансиски интереси“, рече Филипче.Тој посочи дека телекомуникациите, енергетиката, медиумите и финансиите биле поврзани со истиот круг на влијание.Во делот на медиумите, Филипче наведе дека значителен дел од медиумскиот простор е под контрола на структури поврзани со Орбан.„Скоро 40% од медиумите, според истражувања на европски истражувачки новинари, се под директна контрола на луѓе блиски до Орбан. Преку бизнисмени како Петер Шац и Агнеш Адамик се контролираат медиуми кои се во служба на ВМРО и Мицкоски“, рече Филипче, додавајќи дека тие се користат за ширење лажни вести и анти-европски наратив.Во делот на телекомуникациите, тој истакна дека преку доделување лиценци е овозможено дополнително влијание.„Орбановата компанија 4iG доби лиценца за мобилен оператор во Македонија. Со тоа влегоа во 5G мрежата и добија можност да ги поврзат медиумите, платформите и инфраструктурата во единствен систем на контрола“, рече Филипче.Тој додаде дека влијание постоело и во енергетиката и инфраструктурата, преку, како што наведе, тајни договори и посредници, меѓу кои и фирмата „Статус Енерџи“, поврзана со унгарската Status Energy KFT и поширокиот инвестиционен фонд OPUS Global.Во однос на финансиите, Филипче изјави дека владата на Мицкоски добила кредит од една милијарда евра, кој го поврза со поширок пакет на влијание.„Една милијарда евра, кинески пари, под таканаречени пријателски услови, кои ќе ги отплаќаат идните генерации. Тоа доаѓа како дел од пакет за политичка и медиумска поддршка“, рече Филипче.Тој порача дека СДСМ ќе продолжи да бара одговорност и целосно расветлување на сите, како што рече, поврзани деловни и политички релации.

Македонија | пред 1 месец

Филипче: Падот на Орбан значи крај на политичката заштита на Мицкоски

Претседателот на СДСМ, Венко Филипче, оцени дека политичките промени во Унгарија и падот на режимот на Виктор Орбан претставуваат значаен момент со директни последици и за Македонија.Тој истакна дека, според него, се работи за крај на политичка и финансиска заштита на актуелната власт и отворање на прашања поврзани со досегашните релации.Филипче посочи дека изборниот исход во Унгарија претставува, како што рече, победа на демократијата и порака против автократските режими во регионот.Тој нагласи дека падот на Орбан ќе придонесе за разоткривање на, како што ги нарече, бизнис и политички врски и договори кои досега не биле целосно јавно познати.Во обраќањето, Филипче наведе дека повеќе сектори, меѓу кои телекомуникации, енергетика, медиуми и финансии, биле поврзани со одредени кругови во Унгарија, додавајќи дека тоа влијаело и врз медиумската сцена во земјата.Тој истакна дека СДСМ ќе бара целосни истраги и поголема транспарентност за сите поврзани економски и политички процеси, нагласувајќи дека граѓаните имаат право да знаат како се носеле клучните одлуки.Филипче додаде дека падот на Орбан отвора ново поглавје и потреба од детално расветлување на сите релации и договори поврзани со државни и приватни интереси.

Македонија | пред 1 месец

Филипче: Историска победа на демократијата во Унгарија – крај на автократските режими

Претседателот на СДСМ, Венко Филипче, порача дека изборниот исход во Унгарија претставува, како што рече, историска победа на демократијата и јасен сигнал за политичките процеси во регионот.Тој истакна дека граѓаните на Унгарија испратиле порака против автократијата, оценувајќи дека се работи за победа на Европа над руското и кинеското влијание и на владеењето на правото над корупцијата.Филипче нагласи дека промените во Унгарија имаат регионално значење и, според него, укажуваат на крај на автократските режими.Во обраќањето, тој посочи дека Владата на Христијан Мицкоски ги довела, како што рече, стратешките интереси на државата во врски со кругови поврзани со Унгарија, опфаќајќи области како телекомуникации, енергетика, медиуми и финансии.Филипче обвини дека во земјата постои медиумско влијание и дека дел од медиумите се користат за политички кампањи против СДСМ, додавајќи дека тоа претставува сериозен проблем за јавниот простор.Тој зборуваше и за економски и инфраструктурни проекти, како и за финансиски аранжмани, за кои оцени дека бараат дополнителна проверка и транспарентност.Во заклучокот, Филипче порача дека СДСМ ќе бара целосна истрага за сите поврзани бизнис релации и процеси, нагласувајќи дека граѓаните имаат право да знаат како се носеле одлуките поврзани со медиумите, енергетиката и инфраструктурата.Тој додаде дека, по политичките промени во Унгарија, се отвораат нови прашања за односот кон лица кои се наоѓаат надвор од државата, посочувајќи го случајот со Никола Груевски.Филипче порача дека, според него, доаѓа време на одговорност и потреба од целосно расветлување на сите процеси, и во Македонија и во регионот.

Македонија | пред 1 месец

(Видео) Филипче за Груевски: Ќе бега ли во Русија или друго место?

Лидерот на СДСМ, Венко Филипче, постави низа прашања за иднината на поранешниот премиер Никола Груевски, по политичките промени во Унгарија и најавите од новата власт во Будимпешта.„Сега се поставува што ќе прави Никола Груевски, кога нема повеќе заштитник во Будимпешта? Години наназад уживаше гостопримство. Ќе бега ли во Русија или друго место или ќе се врати да ја отслужи казната?“, изјави Филипче.Тој ја поздрави пораката од новата унгарска власт дека државата нема да биде засолниште за лица кои бегаат од правдата, алудирајќи на најавите на Петер Маѓар.Филипче упати директни прашања и до актуелната власт во Македонија.„Го поставуваме прашањето, има ли барање за екстрадиција од Владата на ВМРО-ЗНАМ за враќање на Груевски? Ако нема, зошто нема? И ако нема, дали денеска ќе поднесат барање за екстрадиција?“, рече Филипче.Прашањето за евентуална екстрадиција на Груевски повторно се актуализира по изборниот пораз на Виктор Орбан, чија влада му додели политички азил на поранешниот македонски премиер во 2018 година. Истовремено, Петер Маѓар, мандатор во Унгарија кој треба да состави нова Влада, рече дека Унгарија нема да биде засолниште на криминалци и потоа го спомена Груевски

Настани | пред 1 месец

Нема повеќе криење на Груевски во Будимпешта, вели Филипче по падот на Орбан

Лидерот на СДСМ, Венко Филипче, преку објава на социјалната мрежа Икс реагираше на изборниот пораз на Виктор Орбан во Унгарија, оценувајќи го како крај на, како што наведе, „недемократски режим“.„Вечерва Унгарија рече ДОСТА Е! Недемократскиот режим на Орбан падна – токму како што месеци наназад најавуваме“, напиша Филипче.Тој додаде дека со ова, како што тврди, ВМРО-ДПМНЕ останува без својот „единствен сојузник во ЕУ“, посочувајќи и на прашања поврзани со поранешниот премиер Никола Груевски.Во објавата, Филипче оди чекор подалеку, најавувајќи дека „паѓаат автократските режими“ и дека следни, според него, се Александар Вучиќ и премиерот Христијан Мицкоски.„Време е за демократија. СДСМ ќе ја врати власта во рацете на народот и Македонија конечно ќе ја врати на европскиот пат“, стои во објавата.Реакцијата доаѓа по убедливата победа на Тиса и нејзиниот лидер Петер Маѓар, што предизвика силни политички реакции и во регионот.

Свет | пред 1 месец

Филипче: Велигден дава надеж и сила за нови почетоци и подобро општество

Претседателот на Социјалдемократскиот сојуз на Македонија, д-р Венко Филипче, по повод големиот христијански празник Воскресение Христово - Велигден, упати честитика до припадниците од православната вероисповед. Филипче во честитката порача дека Велигден како празник што ја симболизира победата на животот над смртта, носи силна порака - и во најтешките моменти, светлината и надежта секогаш победуваат.„На сите верници од православната вероисповед им го честитам денешниот голем христијански празник, Воскресение Христово - Велигден.Велигден е симбол на спасението, празник кој го означува крајот на Христовите страдања - празник кој ни дава сила и носи надеж за нови и подобри почетоци, за справување со предизвиците. Победата на животот над смртта, што ја симболизира денешниот празник, е силна порака дека и во најтешките моменти, светлината и надежта секогаш победуваат.Овој голем христијански празник дава духовна сила и повикува на добрина, човечност и заедништво - вредности што се патоказ за праведно и солидарно општество.Со верба и со надеж за нови почетоци, да го надминеме секој предизвик и да создадеме иднина каква што заслужуваат нашите граѓани. Нека Велигден донесе добро здравје, душевен мир и благосостојба во секој дом.Христос Воскресна, навистина Воскресна! За многу години Велигден“, порача во честитиката, претседателот на СДСМ, Венко Филипче.

Македонија | пред 1 месец

„Вие не сте премиер, вие сте уредник на таблоид, на жолт печат“, Филипче го критикува Мицкоски за тендери и подгревање тензии

Претседателот на СДСМ и пратеник д-р Венко Филипче, на денешните пратенички прашања му порача на премиерот Мицкоски, дека наместо како премиер кој треба да ја води државата кон напредок, тој се однесува како уредник на жолт печат. Во репликата Филипче посочи дека Мицкоски не се фокусира на решавање на клучните проблеми, туку на тендери и на теми кои не се од интерес на граѓаните.„Вие не сте премиер, вие сте обично уредник на таблоид, на жолт печат. Тендери, тоа вас ве интересира сега, само вашите тендери на блиските луѓе до вас, бизнисот со струја. Се е тоа сега во овој момент, и никаква грижа за граѓаните, ниту за иднината на државата“, рече Филипче.Во репликата Филипче додаде дека политиките на премиерот Мицкоски водат кон продлабочување на поделбите и застој на стратешките процеси на државата.„Подгревање на меѓунационални, меѓуетнички тензии, блокирање на европскиот пат. Така држава не се води. Тоа луѓето што седат овде околу вас го знаат, тоа и го коментираат кога не сте тука. Да знаете, има неистомисленици со вас. Така што граѓаните гледаат, знаат како живееле во тоа време, знаат како живееле во ова време. На некој следен изборен циклус ќе го кажат својот глас. Ваква влада ние не заслужуваме“, рече Филипче.

Македонија | пред 1 месец

Филипче до Мицкоски: Не можете да ги убедите граѓаните дека фрижидерите не им се празни

Не можете да ги убедите граѓаните дека фрижидерите не им се празни, му порача претседателот на СДСМ и пратеник, д-р Венко Филипче, на премиерот Христијан Мицкоски во реплика на денешната собраниска седница за пратенички прашања од опозицијата. Филипче посочи дека СДСМ во најголемите кризи водеше грижа за граѓаните, а не како сегашната влада на ВМРО која што не се грижи за граѓаните, туку за своите тендери.Во продолжение е интегрален текст од репликата на претседателот Филипче:„Сакате да ги убедите граѓаните дека фрижидерот не им е празен. Не може ги убедите. Тие ќе го кажат гласот на следните избори -се слагам. Ако кажувате дека ги потсеќаме на нешто што било лошо, па не се жалете, тоа е добро за вас. Еве одлично е. Јас ги потсетувам како било во наше време, како е сега во ваше време. Еве во делот на одговорот во којшто вие не сте премиер, сте обично уредник на таблоид, на жолт печат. Тендери, тоа вас ве интересира сега, само вашите тендери на блиските луѓе до вас, бизнисот со струја. Се е тоа сега во овој момент, и никаква грижа за граѓаните, ниту за иднината на државата. Подгревање на меѓунационални, меѓуетнички тензии, блокирање на европскиот пат. Така држава не се води. Тоа луѓето што седат овде околу вас го знаат, тоа и го коментираат кога не сте тука. Да знаете, има неистомисленици со вас. Така што граѓаните гледаат, знаат како живееле во тоа време, знаат како живееле во ова време. На некој следен изборен циклус ќе го кажат својот глас. Ваква влада ние не заслужуваме“.

Македонија | пред 1 месец

Филипче до Мицкоски: Економијата не е добра, загубени 1.500 работни места, пад на производството и странските инвестиции

„Има пад на индустриското производство во однос на лани 6% а овој месец во однос на претходниот 13,9%. Намалени се странските инвестиции во однос на лани скоро третина. Се затвораат фабрики и работниците остануваат на улица. Близу 1.500 работници изминативе месеци се останати без своите работни места. Сите овие работи укажуваат дека економската состојба не е добра, дека граѓаните едноставно не можат да преживеат.“ рече претседателот на СДСМ, Венко Филипче денеска поставувајќи прашање до Христијан Мицкоски.Филипче посочи дека кризата со растот на цените започна со почеток на војната во Иран, но Владата не реагирала навреме.„Кризата со војната во Иран започна во последните денови на февруари. Апелиравме Владата да преземе навремено мерки. За жал тогаш во првите денови на кризата владата не реагираше никако. Пооследиците денес ги плаќаат граѓаните. Поскапена е храната за 5 до 10% основните прехранбени продукти, за над 200 до 300% се поскапени овошјето и зеленчукот, цената на горивата се зголеми за близу 40%.“ рече Филипче.Претседателот Филипче потсети дека Владата одбила клучни предлози на СДСМ, како зголемување на минималната плата на 600 евра и пакет економски мерки:„Го одбивте предлогот минималната плата да порасне на 600 евра, работниците се соочуваат со егзистенцијални проблеми. Законите за намалување на ДДВ-то на горивата, преполовување на цените на патарините не ги изгласавте, во ниеден момент цената на горивата не се намали.“ рече претседателот на СДСМ, Венко Филипче.

Македонија | пред 1 месец

Филипче: Фалат пари во буџетот за исплата на плати и пензии

Претседателот на СДСМ, д-р Венко Филипче, во гостувањето во емисијата „На Подиум“ на Ора24.тв, предупреди дека во буџетот недостасуваат средства за редовна исплата на плати и пензии, поради лошо поставените економски политики на владата на ВМРО.„Нашите анализи кои што потекнуваат од експерти во финансии, кои се реални прогнози, покажуваат дека ќе има огромен недостаток на финансиски средства за да се исплатат плати и посебно пензии, затоа што дупката во пензискиот фонд е 50%. Ние ја оставивме со 30%. За 20% се зголеми дефицитот од пари во пензискиот фонд, не знам како ќе иде исплатата на пензиите“, рече Филипче.Притоа, Филипче посочи дека  СДСМ уште кога се носеше буџетот предупредуваше дека е нереален и не може да одговори на кризни состојби.„Дали ќе се преброди една криза или не, зависи од однесувањето на владата. Ние предупредивме на почетокот на годинава, крајот на минатата година, кога се носеше буџетот, дека буџетот ниту е развоен, ниту може да издржи криза. Не е развоен, затоа што немаше доволно странски инвестиции. Тие се донесени на една третина. Во наше време беа милијарда и 200 милиони евра во 2024 година, како резултат на нашите политики, консекутивните тие години. Сега, на третина се донесени странските инвестиции“, рече Филипче.Тој додаде дека буџетот е лошо испланиран, со сериозен дисбаланс помеѓу приходите и расходите.„Огромна е разликата помеѓу приходната и расходната страна. Оваа влада мисли само на расходната страна затоа што тие можат да искористат. Како ќе ги соберат приходите? Уукажавме дека не е соодветно тоа е испланирано. Еве дојде криза, еве гледаме дека не можат ништо да направат, ниту пак имаат желба.Оваа влада не се интересира ниту за граѓаните, ниту за државата“, рече Филипче.

Македонија | пред 1 месец

Филипче: Дали ќе останеме слепо црево на Балканот контролирано од Русија преку прокси рускиот играч Мицкоски

Претседателот на СДСМ, д-р Венко Филипче, во интервјуото во емисијата „На Подиум“ на Ора24.тв, предупреди дека владата предводена од премиерот Мицкоски ја турка државата кон орбанизација и изолација, преку контрола на медиумите, врските со унгарскиот премиер Орбан и ширење на антиевропска реторика.Филипче посочи дека ВМРО тоа го спроведува со организирана кампања преку влијание врз одредени медиумски кои отворено промовираат провладини и антиевропски ставови.„Тоа е една кампања која што ја води ВМРО-ДПМНЕ изминатиот период, со нивната силна контрола на медиумите, над четириесет посто од медиумите контролираат. Една телевизија јавно се декларира преку нејзиниот директор или главен уредник, дека спроведува провладини политики контролирани од Унгарија. Отворено го кажува тоа. Ние сега имаме тука медиуми кои што шират провладина, а антиевропска реторика“, рече Филипче.Тој додаде дека ваквите политики на ВМРО се поврзани со моделите на владеење во Унгарија, што сериозно влијае врз оддалечување на Македонија од европскиот пат.„Гледаме како Европа го осудува Орбан, кој што има директна комуникација со рускиот претседател Путин. Оваа власт е ненародна и оваа власт мора да си оди, затоа што не е ова веќе прашање само на власт или опозиција. Ова е прашање на опстанок на државата. Затоа што, што ќе се случи кога утре Црна Гора и Албанија ќе влезат во Европската Унија? Што ќе се случи? Како граѓаните ќе реагираат кога тие земји кои што биле толку позади нас и во реформите и во сѐ, станат земји членки на ЕУ? А договорот за членство на Црна Гора веќе се пишува? Гледаме како Албанија ги затвора поглавјата. Што ќе правиме ние?“, рече Филипче.Притоа, Филипче посочи дека постои опасност од геополитичко оддалечување на Македонија од Европа.„Дали ќе останеме слепо црево на Балканот контролирано од Русија преку прокси рускиот играч, премиерот Христијан Мицкоски, за жал, и да бидеме слепо црево тука. Гледаме оттука какви се врските помеѓу Вучиќ и Орбан,  гледаме како соработуваат, и практично Србија е вклучена во кампањата за Орбан“, рече Филипче.

Македонија | пред 1 месец

Филипче: Земјоделството е пред колапс а власта нема ниту една антикризна мерка

Кризата ќе станува се потешка, состојбата во земјоделството е алармантна, а владата нема донесено ниту една антикризна мерка за помош на земјоделците, нагласи претседателот на СДСМ, д-р Венко Филипче, на денешната средба со земјоделци во неготинско Криволак. Филипче посочи дека поради високите цени на нафтата, драстично се зголемени цените на вештачките ѓубрива и сите трошоци што ги имаат земјоделците, што сериозно ја доведува во прашање одржливоста на земјоделското производство и егзистенцијата на земјоделците.„Ситуацијата е навистина алармантна. Во овој период кога растат цените на нафтата, земјоделците се соочуваат со сериозни предизвици. Прво, по прашање на нивната егзистенција, како земјоделци и семејствата кои што преку земјоделството ги издржуваат. И второ, поради негрижата на власта за овој сектор мора да знаеме дека може да се соочиме со сериозен недостаток на производство на одредени земјоделски култури, посебно житарици. Тоа значи дека во следниот период може да се соочуваме со дополнителен раст и на цената на лебот до крајот на годината“, рече Филипче.На средбата на која што се разговараше за актуелната состојба во земјоделството и проблемите, Филипче посочи дека секој сектор е погоден од промашените политики на власта, и најави дека СДСМ во следниот период ќе  предложи законски решенија за помош на земјоделците.„Ниски субвенции, ниска откупна цена на килограм произведено грозје. Сега нема никаква најава дека црните грозја, од сортите на црните грозја, ќе се откупуваат. Ниска субвенција и неисплатена за сточарите, висока производна цена поради висока цена на работната рака, водата, ѓубривата. Сѐ на се сметам дека оваа ситуација треба да биде сериозен аларм. Ние во следниот период, имајќи ги предвид нивните барања ќе предложиме неколку предлог закони, како што тоа го направивме лани, што за жал власта го одбија,а тоа беше за зголемена откупна цена по килограм грозје“, рече Филипче.

Македонија | пред 1 месец

Филипче: Мерките на Мицкоски се задоцнети и недоволни, сè е поскапено

Претседателот на СДСМ, Венко Филипче оцени дека мерките на Владата на Христијан Мицкоски се „задоцнети, недоволни и нема да имаат апсолутно никаков ефект“, бидејќи спиралата на поскапувања веќе започнала.„Кога ние предупредувавме дека мерките треба да се воведат навремено, како што тоа го направија многу земји во регионот, власта не нѐ послуша. Сега кризата ќе станува се потешка, а граѓаните ќе ја чувствуваат на својот грб. За жал, власта е тотално неодговорна и заинтересирана само за себе и своите бизниси“, рече Филипче.

Македонија | пред 1 месец

Филипче: Владата на Мицкоски ја загрози егзистенцијата на земјоделците

Претседателот на СДСМ, Венко Филипче, денеска го посети Криволак и разговараше со земјоделци, лозари и производители на житарици, констатирајќи дека ситуацијата е сериозно алармантна.„Во оваа временска ситуација, кога растат цените на нафтата, земјоделците се соочуваат со сериозни предизвици за својата егзистенција и за семејствата кои ги издржуваат преку земјоделството. Постојат ризици од недостаток на одредени култури, особено житарици, што може да предизвика дополнителен раст на цената на лебот до крајот на годината“, изјави Филипче.Тој посочи дека недоволното одржување на системите за наводнување, нечистите канали и неадекватната откупна политика создаваат тешкотии за земјоделците. „Ниска откупна цена, ниски субвенции и високи трошоци за работна сила, вода и ѓубрива – оваа ситуација треба да биде сериозен аларм“, рече Филипче.Тој додаде дека недостасуваат и средства од ИПАРД-програмата, што дополнително ги оптоварува земјоделците, и најави дека СДСМ ќе предложи законски решенија за поддршка на земјоделците, како што беше направено и лани со зголемување на откупната цена на грозјето, но што власта тогаш го одби.„Искрено се надевам, иако не верувам, дека од оваа власт ќе наидеме на разбирање и ќе се обезбеди помош за земјоделците“, заклучи Филипче.

Македонија | пред 1 месец

Филипче побара итно зголемување на државните резерви на нафта

Претседателот на СДСМ, Венко Филипче, побара итно зголемување на државните резерви на нафта, како клучен чекор за заштита на граѓаните од ценовни шокови.„Значи не само високи цените на светските берзи, туку и недостаток на количини на горива. Оттука апелирам на две работи. Апелирам владата да се свести, премиерот да почне да живее во реалноста тука кај нас, да престане вака дилетантски да ја води владата, да барем малку се замисли, помисли како живеат граѓаните и да ги прифати нашите предлог-мерки, пакет на мерки, сега, иако е касно, колку толку ќе имаат некој ефект. Да ги прифатеше пред неколку недели, немаше да има вакви ценовни шокови за граѓаните, ниту пак други продукти и други сегменти ќе беа во ризик да поскапат цените, како што е тоа случај сега. Освен ДДВ-то за храна, за горива, акцизите за горива треба и преполовување на цените на патарините. И второ, владата сериозно да ги разгледа опциите за зголемување на државните резерви на нафта“ рече Филипче.Претседателот Филипче додаде дека цените на горивата, како што се двата главни типа на нафта – Brent Crude и WTI, во периодот од 27 февруари до денес, пораснале драстично. Цените се пораснати за 50,72%, односно 63,67%“ и ова е директна причина за растот на цените на дизелот, кој кај нас пораснал за 34,5%, од 71 до 95,5 денари.„Предупредувавме, ќе повторам, од самиот почеток дека растот на цените ќе повлече раст на сè друго во државата. Од транспорт, бизнисот на компаниите, најмногу тоа што граѓаните веќе го чувствуваат, растот на основните прехранбени продукти. Тие беа и така високи, сега се дополнително се вивнаа нагоре, и со тоа, кај нас храната“, истакна ФилипчеПретседателот на СДСМ ја обвини Владата дека  не се справува со ситуацијата на време додека дилетантски да ја води државата.

Македонија | пред 2 месеци

Филипче: Кошничката е 68.000 денари, ниту 600 евра плата не би ја ублажила кризата

Граѓаните се оставени сами да се справуваат со кризата, ниту премиерот, ниту било кој во владата има желба и капацитет да им помогнат, нагласи  на претседателот на СДСМ, д-р Венко Филипче, на денешната прес-конференција. Филипче посочи дека со потрошувачка кошничка која достигна скоро 68.000 денари сега и 600 евра минимална плата не е доволно за заштита на стандардот на граѓаните.„Има зголемување, на минималната плата од 1.667 денари. Ништо со ова не се постигнува. Скоро 68.000 денари е потрошувачката кошничка. Ако имаме предвид дека претходно порасна цената на струјата, понатаму на парното, со ова зголемување ништо не се постигнува, сега ни она минимална плата која што ние ја предлагавме, а која власта ја одби од 600 евра, нема да им помогне на граѓаните“, рече Филипче.На прес-конференцијата, Филипче презентираше дел од движењата на цените пред кризата и сега, кои покажуваат драстичен раст.„Пред кризата, белиот сечкан леб од 500 грама беше 34, сега 47,5 денари во некои маркети. Зејтинот од 77,5 на 110 денари. Јајцата од 220 на 290 денари, брашното од 40 на 52,5 денари, млекото со 3,2% масленост од 67,5 на 82,5 денари. Драстичен раст на цените има на зеленчукот и овошјето. Доматите од 130 на 235 денари, домашните јаболка од 45 на 70 денари. Ова е доказ дека граѓаните се оставени сами да се справуваат“, рече Филипче.Тој додаде дека доколку владата ги прифатеше предлог- мерките на СДСМ навреме, немаше да дојде до вакво поскапување на горивата и на храната.„Да ги прифатеше пред неколку недели, немаше да има вакви ценовни шокови за граѓаните, ниту пак други продукти и други сегменти ќе беа во ризик да поскапат цените, како што е тоа случај сега. Освен ДДВ-то за храна, за горива, акцизите за горива треба и преполовување на цените на патарините“, рече Филипче.Притоа, Филипче посочи дека владата дополнително треба да ги разгледа опциите за зголемување на државните резерви на нафта.„Да не се соочиме во следните месеци, имајќи ги предвид укажувањата на светските експерти во оваа област, со недостаток на горива. Гледаме дека во Европската Унија се препорачуваат мерки за намалено користење на возилата, за работа од дома, така што апелирам владата сериозно да си ја фати работата, освен тендерите партиски што си ги делат, зашто видовме дека се експерти, нека се посветат малку и на тоа што има вистинска работа. Знам дека е тешко, не е едноставно, мислат дека треба да се грижат само за себе и тука се маестрални, но граѓаните имаат реални, вистински потреби“, рече Филипче.

Македонија | пред 2 месеци

Филипче: Владата да престане со криминалните тендери и да почне да работи за граѓаните

Владата да престане со криминалните тендери и да почне да работи за граѓаните, апелираше претседателот на СДСМ, Венко Филипче, на денешната прес-конференција.„Гледаме дека во Европската Унија се препорачуваат мерки за намалено користење на возилата, за работа од дома, така што апелирам владата сериозно да си ја фати работата, освен тендерите партиски што си ги делат, зашто видовме се експерти, нека се посветат малку и на тоа што има вистинска работа. Знам дека е тешко, не е едноставно, мислат дека треба да се грижат само за себе и тука се маестрални, но граѓаните имаат реални, вистински потреби,“ нагласи Филипче.Претседателот на СДСМ, ја обвини власта дека ги остави граѓаните сами да се справуваат со економските проблеми, без желба и капацитет да им помогне.„Ниту премиерот, ниту кој било во владата има желба, а јас сум сигурен дека нема ни капацитет да им помогнат на граѓаните, да конструираат мерки, да ги имплементираат за да се ублажат овие ценовни шокови. Повторувам, кризата ќе трае, допрва доаѓаат лошите ефекти од кризата, експертите предупредуваат и утре да заврши војната, кризата нема да заврши,“ рече Филипче.Тој предупреди дека ситуацијата е уште посериозна со недостигот на горива, што ќе доведе до уште поголеми проблеми.„Значи не само високи цени, туку недостаток на количини на горива. Оттука апелирам на две работи. Апелирам владата да се свести, премиерот да почне да живее во реалноста тука кај нас, да престане вака дилетантски да ја води владата, да барем малку се замисли, помисли како живеат граѓаните и да ги прифати нашите предлог-мерки, пакет на мерки, сега, иако е доцна, колку толку ќе имаат некој ефект. И второ, владата сериозно да ги разгледа опциите за зголемување на државните резерви на нафта,“ потенцираше Филипче.

Македонија | пред 2 месеци

Филипче: Мицкоски дилетантски ја води владата– граѓаните се оставени сами

Апелирам владата да се свести, премиерот Мицкоски да почне да живее во реалноста тука кај нас, да престане вака дилетантски да ја води владата, нагласи претседателот на СДСМ, д-р Венко Филипче, на денешната прес-конференција. Филипче посочи дека граѓаните очекуваат помош, и потребен е сет мерки за да можат да се справат со оваа криза и ценовни шокови.„Апелирам владата да се свести, премиерот да почне да живее во реалноста тука кај нас, да престане вака дилетантски да ја води владата, да барем малку се замисли, помисли како живеат граѓаните и да ги прифати нашите предлог-мерки, пакет на мерки, сега, иако е касно, колку толку ќе имаат некој ефект. Да ги прифатеше пред неколку недели, немаше да има вакви ценовни шокови за граѓаните, ниту пак други продукти и други сегменти ќе беа во ризик да поскапат цените, како што е тоа случај сега“, рече Филипче.Притоа тој додаде дека меѓународните организации веќе регистрираат раст на цените на храната во сите категории,  што ќе се прелее и во Македонија.„Организацијата за храна и земјоделство на Обединетите нации, ФАО, излезе со податоци за раст на цените на храната втор месец по ред. Ако имаме предвид дека поради проблемот со транспорт преку Ормутскиот теснец и транспортот е загрозен на вештачките ѓубрива за земјоделството, тоа значи дека во следниот период, тоа е дополнителен фактор, а сега е период на сеидба, кој што ќе влијае на зголемување на цените на храната. Индексот на цените на житарките се зголемил за 1,5%, во споредба со февруари,на растителни масла за 5,1%, најголем раст има кај шеќерот, чии цени се зголемени за 7,2%. Пораст на индексот на цени ФАО регистрира и кај месото и кај млечните производи“, рече Филипче.Воедно, Филипче укажа дека Европската Унија најаваува продолжен енергетски шок и можен недостиг на горива, а нашата влада се фали дека странски граѓани точат гориво во Македонија.„Нашата влада седи и чека, Мицкоски се фали дека странски граѓани точеле гориво кај нас, во ситуација кога Комесарот за енергетика на Европската Унија, Ден Јургенсен, најавува продолжен енергетски шок и можен недостаток на количини на горива насекаде во Европа. Значи не само високи цени, туку недостаток на количини на горива“, рече Филипче.

Македонија | пред 2 месеци

Филипче: Нема храброст кај Мицкоски да признае дека погрешил

Христијан Мицкоски нема храброст да признае дека погрешил, дека мерките кои ги предложивме се добри и дека требаше да се имплементираат веднаш, за да не се создаде спиралата на покачување на цените како резултат на растот на горивата, рече претседателот на СДСМ, Венко Филипче, на денешната прес-конференција.Филипче укажа дека само дел од мерките допрва ќе ги разгледуваат на владина седница, иако со недели беше укажувано на потребата од навремено делување.„Повторно го слушнавме денеска премиерот како доаѓа на нашето, тоа што го зборуваме повеќе недели, и од оваа партиска говорница, и насекаде по нашите канали за комуникација. Еве сега, допрва ќе ги разгледувале, дел од мерките коишто ги предлагавме во изминатиот период да се олесни економската и финансиската состојба на граѓаните“, истакна Филипче.Филипче нагласи дека Владата доцни со реакцијата и разгледува само дел од предложените мерки.„Како што укажувавме изминатите недели што треба да се направи, гледаме сега дека делумно премиерот допрва ќе разгледувал. Да ги прифатеше пред неколку недели, немаше да има вакви ценовни шокови за граѓаните, ниту пак други продукти и други сегменти ќе беа во ризик да поскапат цените, како што е тоа случај сега‘.“, потенцираше претседателот на СДСМ, Венко Филипче.

Македонија | пред 2 месеци

ВМРО-ДПМНЕ: Кризата на Блискиот Исток најмногу го погоди Венко Филипче, не можејќи да тера луди журки во Дубаи, изигрува партиски портпарол

ВМРО-ДПМНЕ реагира на прес-конференцијата на Венко Филипче, оценувајќи дека „глуми партиски портпарол“ и покрај конфликтот во Блискиот Исток. Од партијата посочуваат дека во земјата има посветена и одговорна Влада предводена од ВМРО-ДПМНЕ која активно ги следи состојбите и презема мерки за граѓаните.Според соопштението, намалувањето на ДДВ за нафтените деривати од 18 на 10% резултира со најниски цени на горивата во регионот, а инфлацијата се очекува да се движи меѓу 4 и 5 проценти. Од утре се очекува и намалување на акцизите за дизел за 4 денари, а за бензин за 2 денари по литар, а Министерството за финансии анализира и укинување на ДДВ за основните прехранбени производи.Од ВМРО-ДПМНЕ истакнуваат дека минималната плата продолжува да расте согласно законот и дека Владата е подготвена да преземе таргетирани и навремени мерки во предизвикувачкиот период.

Македонија | пред 2 месеци

Филипче: Мицкоски доцна ги прифаќа мерките на СДСМ – граѓаните веќе ја платија цената

Венко Филипче денеска ја критикуваше Владата и премиерот Христијан Мицкоски за бавната имплементација на економските мерки кои би ја олесниле финансиската состојба на граѓаните. Според него, мерките кои неговиот тим ги предложил порано, допрва ќе се разгледуваат, а граѓаните веќе ја почувствувале ценовната спирала предизвикана од растот на цените на горивата и основните продукти.Филипче истакна дека од 27 февруари цените на нафтата Brent Crude и WTI се зголемиле за 50,72% и 63,67%, додека дизелот во земјата поскапел за 34,5%, од 71 на 95,5 денари. Тој предупреди на драстичен пораст на цените на храната: бел леб од 34 на 47,5 денари, зејтин од 77,5 на 110, јајца од 220 на 290, брашно од 40 на 52,5, млеко од 67,5 на 82,5 денари, домати од 130 на 235 денари и домашни јаболка од 45 на 70 денари.Тој оцени дека минималното зголемување на платата од 1.667 денари не е доволно за да го ублажи ударот врз потрошувачката кошничка, која изнесува околу 68.000 денари. Исто така предупреди дека кризата ќе продолжи, со раст на цените на храната и можен недостаток на горива, повикувајќи ја Владата итно да ги прифати предложените мерки, како намалување на ДДВ-то за храна и гориво, преполовување на патарините и зголемување на државните резерви на нафта.Филипче оцени дека сегашното владеење е дилетантско и дека Владата треба да се посвети на реалните потреби на граѓаните, наместо на партиски тендери.

Македонија | пред 2 месеци

Филипче: Со Мицкоски ЕСМ има 100 милиони евра загуба годишно

Претседателот на СДСМ д-р Венко Филипче, во вечерашното интервју во централниот дневник на МТВ 1, предупреди дека втора година по ред државната енергетска компанија ЕСМ бележи огромни финансиски загуби, за што директно е одговорен премиерот Христијан Мицкоски.„Втора година по ред ЕСМ раководена од страна на премиерот директно, кој што пазете е енергетичар по струка, има 100 милиони евра загуба, што прават тие луѓе“, рече Филипче.Тој додаде дека со вакво темпо на работа и генерирање загуби, загрозено е работењето на ЕСМ.„Тоа претпријатие во 2027 година ќе биде знак прашање дали воопшто ќе работи.Планот за производство на струја не се исполнува. Планот за 2025 година на владата бил да се произведат 5.100 гигават часови струја, произведени се 2.400, точно половина. Како целокупниот хидроенергетски потенцијал во 2025 година на државата да не работел. Ете така се менаџира енергетскиот систем“, рече ФилипчеВо интервјуто Филипче посочи дека наместо домашно производство, власта  создава зависност од увоз на струја и мрежа на компании поврзани со министерката за енергетика Сања Божиновска.„Што е целта? Да се увезува струја преку фирми, мрежа на фирми во кои што главна е министерката за енергетика. Она работела во тие фирми, српските фирми кои што ги објавуваме ние секојдневно, на Адамовиќ, тоа се случува, граѓаните мора да знаат. Огромен грабеж на народни пари под превезот на една лажна патриотска политика, тоа се случува во државата“, нагласи Филипче.

Македонија | пред 2 месеци

Филипче: Мицкоски нема капацитет да води држава!

Мицкоски нема капацитет, желба ниту знаење како се води држава, нагласи претседателот на СДСМ, д-р Венко Филипче, во вечерашното гостување во централниот дневник на МТВ 1.Филипче посочи дека наместо мерки и помош за граѓаните, јавноста го слуша навредливиот речник на Мицкоски и дефокус од реалните проблеми во државата.„Што прави премиерот кога вие новинарите ќе прашате за нашите мерки? Не навредува со погрдни зборови. Опозицијата СДСМ и јас лично бевме нарекувани мекотели и талог на општеството. Срамота е да се користи таков речник. Човекот нема капацитет, ниту желба, ниту знаење како се води држава. Знае само да купува и продава струја, и тоа го прави се“, рече Филипче.Во интервјуто, Филипче посочи дека додека граѓаните едвај преживуваат, премиерот Мицкоски се уште не презема конкретни мерки.„До пред почетокот на кризата една минимална, две минимални плати не беа доволни за потрошувачка кошничка, сега три минимлани плати не се доволни. Луѓето имаат реален проблем, владата ништо не прави.Кога ќе преземе акција владата? Што треба да се случи? Повеќе од 40% има зголемување на цените на горивата, 10% поскапување на основните прехранбени продукти како леб, зејтин, овошјето и зеленчукот се поскапени  дури и до 200%,  зголемување на цената има на брашното и шеќерот, сè е поскапено во маркетите. Што треба повеќе да се случи?“ потенцираше Филипче.Притоа, тој додаде дека кризата допрва ќе се продлабочува, а товарот ќе падне врз грбот на граѓаните.„Ќе кажам една објективна анализа која што излезе пред два дена од состанокот на 27 министри за енергетика на Европска унија. Кризата допрва доаѓа. Ако утре запре војната во Иран, во летните месеци ќе има криза како што досега не сме виделе, не го кажувам јас тоа. Тоа го кажа после тој состанок еврокомесарот за енергетика. А владата повторно не прави ништо. Што прави? Посматра. Што посматра? Немаат капацитет луѓето не сакаат да ги слушнат нашите предлози“, посочи Филипче.

Македонија | пред 2 месеци