ФИЛИПЧЕ

Филипче: Поскапува храната, наместо мерки за граѓаните владата на Мицкоски со нов дефокус

Деновиве во државата се случува тоа на што предупредивме и тоа уште пред неколку недели, а тоа е дека порастот на цените на енергенсите, на дериватите, на нафтата, на бензините ќе повлече поскапување на сите прво прехранбени продукти, понатаму на се друго во државата. Нафтата беше 71 денар сега е 95,5 денари и граѓаните веќе се жалат дека имаат проблем дека не може да наполнат ниту една кошничка, дека едноставно не може да се прехранат. Поскапени се основните прехранбени производи јајцата, месото, млечните производи, овошјето, зеленчукот, а знаеме дека кога тие продукти еднаш ќе поскапат назад цените нема да се вратат, вели претседателот на СДСМ, д-р Венко Филипче„За жал Владата не направи ништо не воведе ниту една мерка да им помогне на овие категории на граѓани. Гледаме како земјите во регионот се справуваат. Потребни се мерки како што ние и нашата влада имплементираше и воведуваше за време на справувањето со кризите, за време на ковид кризата, тогашната енергетска криза, кога почна војната во Украина, поради тоа што само со такви мерки директни кон одредени категории на граѓани посебно најзагрозените тие коишто сега најмногу се жалат што очекувано дека не можат да се прехранат, најсиромашните категории пензионери, социјалните случаи, семејствата со многу деца, најслабо платените работници, мораат да видат да видат некаква помош од државата. Еве на пример вчера го слушнавме хрватскиот премиер воведоа конкретни мерки. Освен што се ограничија цените на горивата на бензините, на гасот, одредени категории на граѓани добија помош - земјоделци, социјални случаи, рибари итн, тие на коишто најмногу им е потребно. Во нашите влади за време на соочување со кризита беа поделени 2 милијарди евра директна помош кон граѓаните и тоа беа овие најзагрозени категории на граѓани. Дополнително имаше помош за ученици, за студенти, за луѓе со посебни потреби итн. Што направи нашата влада, намали само ДДВ на горивата. Но не сака да се скрати од сопствените приходи од луксуз.Затоа што кога ќе намалите ДДВ на нешто на што цената веќе основата цена пораснала, вие не го намалувате приходот во буџетот, во најмала рака останува ист, значи има пари за луксузирање на владата а нема директна помош кон граѓаните. Дополнително оваа мерка само со намалувањето на ДДВ-то на горивата никако не ја чувствуваат како бенефит компаниите. Зошто, поради тоа што компаниите имаат поврат на ДДВ-то од горивата. Тоа значи дека тие тие пари колкав и процент да се ќе си ги вратат нив им претставува тежина основната цена на горивата која што зависи од светските берзи. Значи компаниите, меѓу кои транспортните и во другите сфери кои директно учествуваат на модифицирањето и растот на цените на сите други производи, практично немаат никаква помош. И единствено што може да се очекува е да има континуиран раст на цените кои што да ве потсетам уште крајот на минатата година почеток на оваа година, пред почетокот на војната во Иран практично беа во раст. Значи ова е само еден дополнителна причина зошто кај нас цените ќе растат. Апелирам, сметам дека владата мора да направи две работи, прво да ги прифати нашите мерки поради тоа што тие се тие мерки коишто реално ќе дадат некаков резултат и цените на горивата ќе се намалат, а ќе се стави на некој начин и пречка во дополнителниот раст на цените на храната. Да се намали освен ДДВ-то на горивата да се намали ДДВ-то на основните прехранбени производи на 0%, да се намали акцизата за 4 денари. Тогаш ќе има вистинско поевтинување на горивата од кои бенефит ќе видат и граѓаните, поради тоа што граѓаните сега не гледаат бенефит од намалувањето на ДДВ-то поради тоа што и покрај намалувањата на ДДВ-то цените пораснаа. Со намалување на акцизата цената на литар гориво ќе се намали. Од тоа директна бенефит ќе имаат и компаниите, нема да влијае тоа во дополнителниот синџир на раст на другите цени на коишто бизнисот влијае поради тоа што се случува со поголема цена на горивата. Понатаму, намалување на цените на патарините. Мора да им се олесни на луѓето во оваа тешка криза. Дополнително како втора работа на сето ова, посебни пакети мерки за посебни категории на граѓани, за социјално загрозените, луѓе се посебни потреби, најсиромашните пензионери, луѓе со ниски примања, семејства со повеќе деца. Се тоа што ние го правевме за време на кризите. Лесно е, нека види премиерот во архивите на владата има таму како работеле нашите влади за време на кризите и нека им излезе во пресрет на граѓаните. Се надевам дека ќе си ја надмине суетата и ќе сфати дека ниту има визија, ниту има капацитет да ја води владата. Кога укажавме дека овој буџет којшто го предлага оваа влада ниту е развоен, ниту има капацитет да се справи со евентуална криза. Како да предвидовме дека криза можеби ќе има. Дефицитот е веќе пораснат од предвидените 3,5 % е пораснат на 5,1 %, толку од предвидувањата и од менаџирањето на буџетот од премиерот поради тоа што очигледно е дека се нема капацитет оваа држава да се води како што треба“, вели Филипче.

Македонија | пред 2 месеци

Филипче заборави да спомене дека пари за вакцини се уплатени на компанија која тргува со овошје, вели Мицкоски

На прашањето како ги коментира критиките од страна на опозицијата дека не прават доволно за граѓаните, премиерот Хирстијан Мицкоски изјави дека во време на СДСМ како држава најлошо сме се справиле со ковид пандемијата и имавме најголем број на смртни случаи.„Ја гледав прес-конференцијата на претседателот на СДСМ вчера, таму тој се повика на мерките коишто биле преземени за време на ковид кризата и пандемијата, и правеше разлика и споредба на оваа мерка со тие мерки, и по што тие ќе останале запомнети, но заборави да кажа дека единственото нешто по коешто ќе бидат запомнети е фактот што како држава најлошо се справивме со ковид пандемијата, односно имавме најголем број смртни случаи по глава на жител, споредбено со сите европски земји.Заборави да ја спомне мерката неколку десетици милиони евра уплатени на Стабри компанијата од Хонгконг којашто наместо специјализирана за набавка на вакцини е специјализирана за трговија со јужно овошје. Заборави да кажа за бруталниот поткуп на изборите во 2020 година кога со уредби со сила на закон се менуваа закони во 5 до 12. Заборави да ја спомне и трагедијата во модуларната болница овде кога луѓе живи горе, бидејќи тие модуларни болници се дел од мерките што владата на СДСМ и ДУИ ги носеше во тој период.Заборави да кажа за сите оние провизии од тендери. Заборави да кажа како коленичеа на граница да добијат 5.000 вакцини донација од соседна Србија. Заборави да кажа како македонските граѓани во отсуство на грижа од страна на владата коленичеа во соседството да добијат и да аплицираат вакцина против ковид-пандемијата.И заборави три точки уште многу работи да каже. Тоа нема да го слушнете на лажните клеветнички пресконференции на опозицијата, но затоа ќе слушнете како конструираат и измислуваат. Но граѓаните гледаат, тие повторно ги навредуваат граѓаните мислат дека политиките на СДСМ и ДУИ од минатото може да ги споредуваат со политиките од оваа влада, а граѓаните тоа го гледаат и тоа го кажаат на претходните локални избори, а кога го кажат тоа на следните парламентарни избори“, изјави Мицкоски.

Македонија | пред 2 месеци

Филипче: Додека граѓаните плаќаат поскапо, владата ги штити бизнис интересите

Единствено нешто за што оваа влада се грижи се бизнис структурите блиски до власта кои што профитираат од овие високи цени на горивата и на храната, нагласи претседателот на СДСМ, д-р Венко Филипче, на денешната прес-конференцијата. Филипче укажа дека веќе е активирана спиралата на раст на цените на сите производи, најмногу на храната, а досегашните покачувања на цените ги чинеа граѓаните околу 4,5 милиони евра.И додека граѓаните плаќаат се поскапа храна и гориво некој остварува екстра профити. Ова не економска политика, ова е заштита на бизнис интересите на одредени компании на сметка на народот и тоа денес веќе на сите им е јасно“, рече Филипче.Тој порача дека сега е најважно да им се помогне на граѓаните, да се заштити животниот стандард а не бизнис интересите,  и да се преземат суштински мерки.Во овој момент треба да се заштити животниот стандард на граѓаните а не интересите на тие бизнис структури. Со ваков пристап оваа криза само ќе продолжи да го урнисува стандардот на граѓаните. Суштинските решенија мора да опфатат и мерки за долгорочно намалување на цените на храната комбинирано и со акцизите на цените на горивата.Луѓето немаат пари да ги прехранат семејствата“, рече Филипче.Притоа Филипче потсети дека во најголемите кризи, ковид кризата и енергетската криза, владата на СДСМ со конкретни мерки им помогна на сите граѓани и компании и покажа дека може, кога државата се грижи за стандардот на граѓаните да испорача мерки, да им помогне, но треба да се грижи за граѓаните а не за интересите на бизнис заедницата.Во ковид кризата владата на СДСМ имаше над 110 мерки донесени во пикот на кризата поделени во шест пакети со вкупна вредност од 1,2 милијарди евра со кои директно се ублажија последиците од кризата. Во енергетската криза во 2022 година обезбедивме пакет на мерки вредни 760 милиони евра. Не само субвенционирање на цената на струјата на над 600.000 домаќинства и 68.000 мали потрошувачи, туку и конкретна поддршка на ранливи категории на граѓани, за ученици за студенти, за пензионери, за граѓани корисници на социјалната помош, за граѓани со посебни потреби, за самохрани родители, домаќинства со ниски приходи, земјоделци како и поддршка на компаниите“, рече Филипче.

Македонија | пред 2 месеци

Филипче: Што следи Владата, како тоне стандардот на народот?

Претседателот на СДСМ, д-р Венко Филипче, на денешната прес-конференција, порача дека Владата на премиерот Мицкоски единствено што следи е како тоне стандардот на граѓаните, без притоа да се преземат реални мерки за намалување на цените на горивата и на храната. Филипче посочи дека власта не презема суштински мерки за справување со растот на цените во услови кога граѓаните ќе немаат пари да се прехранат.„Денеска нема други мерки, следела владата будно. Што следи? Како тоне стандардот на граѓаните? Тоа ли следи премиерот? Очигледно е дека оваа влада намерно избегнува суштински мерки како што се намалување на акцизите на ДДВ-то, нешто што навистина може да даде реално поевтинување на цените на горивата, како и намалувањето на ДДВ-то на храната“, рече Филипче.Тој додаде дека во оваа кризна состојба единствено со мерките што ги предложи СДСМ ќе се заштити животниот стандард, а  граѓаните реално ќе почуствуваат намалување на цените на горивата и на храната.„Само со мерката за укинување на ДДВ на храната ќе поевтинат околу 250 производи, а граѓаните ќе заштедат над 2.000. Тоа се вистински мерки и затоа владата мора апсолутно веднаш овие мерките ги прифати и потоа да подготви и пакети за помош на ранливите категории. Три недели ги остави граѓаните сами. Наместо навремена реакција, дозволи цените на горивата да ја активираат спиралата на раст на цените на сите производи, најмногу на  храната“, рече Филипче.Воедно, Филипче посочи дека се потребни и долгорочни решенија за стабилизирање на цените и конкретна поддршка за  најранливите категории и за земјоделците.„Суштинските решенија мора да опфатат и мерки за долгорочно намалување на цените на храната комбинирано и со акцизите на цените на горивата. Луѓето немаат пари да ги прехранат семејствата. Дополнително  треба да се подготват пакети со помош за најранливите категории на граѓани,  како и пакети за помош и на земјоделците“, рече Филипче.

Македонија | пред 2 месеци

Филипче до Мицкоски: Христијане, ние не клечевме на колена како тебе молејќи за власт и ветувајќи дека ќе го вратиш името

Денеска по пресот на премиерот Мицкоски на кој најави мерки за ублажување на последиците од ценовниот скок на горивата и ја обзнани владината одлука за намалување на ДДВ-то за горивата, набрзо на прес конференција излезе и лидерот на СДСМ.Венко Филипче рече дека мерките на Владата се фрлање магла и замајување на граѓаните.„Од мерката утре нема ништо да видиме. Ќе има нова пресметка на цената.Други земји забранија точење гориво на странци на пограничните пумпи. Сега пари од Буџетот одат за граѓаните од соседните земји. Ова не се економски политики. Премиерот не треба да ги повикува граѓаните од странство да доаѓаат да точат гориво во Македонија”, рече Филипче.Мицкоски на прес конференција обвини дека претходната Влада молела на колена за донација од вакцини во ковид-кризата.Филипче му порача дека тогаш цел свет имал проблем.,,Христијане, ние не клечевме на колена како тебе молејќи за власт и ветувајќи дека ќе го вратиш името”, рече Филипче.

Македонија | пред 2 месеци

(Видео) Филипче: Мерките за горивата се задоцнети и нема да донесат реално поевтинување

Претседателот на СДСМ, Венко Филипче, остро ја критикуваше најавената мерка на Владата за намалување на ДДВ за горивата од 18 на 10 проценти, оценувајќи ја како задоцнета и недоволна за да има реален ефект врз цените.Тој посочи дека граѓаните веќе подолго време се соочуваат со значителни поскапувања, а владината реакција доаѓа предоцна.„Оваа мерка е многу задоцнета и далеку од доволна. Цените на горивата веќе три недели растат, дизелот поскапе за вкупно 21 денар, а се очекува и ново зголемување“, изјави Филипче .Според него, намалувањето на ДДВ нема да се почувствува од страна на граѓаните, бидејќи новите поскапувања ќе го неутрализираат ефектот.Филипче оцени дека Владата со недели не презела мерки, дозволувајќи растот на цените на горивата да предизвика поскапувања и на основните прехранбени производи.„Маслото за јадење е над 100 денари, јајцата над 300, овошјето и зеленчукот над 100 денари за килограм. Еднаш зголемените цени повеќе не се враќаат назад“, нагласи тој .Лидерот на СДСМ обвини дека Владата избегнува суштински економски мерки и работи во интерес на бизнис-структури блиски до власта.„Ова не е економска политика, туку заштита на одредени бизнис-интереси на сметка на граѓаните“, рече Филипче .Тој побара итно усвојување на мерки предложени од СДСМ, меѓу кои намалување на ДДВ за горивата на 5 проценти, намалување на акцизите, укинување на ДДВ за основните прехранбени производи и намалување на цените на патарините.Според Филипче, само ваков пакет мерки може да донесе вистинско намалување на цените и да го заштити животниот стандард на граѓаните.

Македонија | пред 2 месеци

Да се намали акцизата на горивата, ДДВ-то на основните прехрамбени производи, цената на патарините, бара Филипче

Претседателот на СДСМ, Венко Филипче, најави дека партијата во текот на денот ќе поднесе пакет законски предлози со цел намалување на ценовниот притисок врз граѓаните, во услови на растечки трошоци за живот.„Ќе ги поднесеме нашите предлог-закони за намалување на акцизата на горивата, намалување на ДДВ-то за основните прехранбени производи и преполовување на патарините. Апелираме до оваа ненародна, корумпирана власт да ги прифати и да им излезе во пресрет на граѓаните“, изјави Филипче.Тој оцени дека Владата не презема соодветни мерки во време на економска криза и раст на цените.„Не растат платите, а наместо итни владини седници за помош на граѓаните, владиниот тим се шета во Брисел на прослави“, рече Филипче.Лидерот на СДСМ предупреди дека граѓаните се соочуваат со сериозен економски притисок, особено поради најавените поскапувања на струјата и растот на цените на основните производи.„Кога граѓаните утре нема да можат да ги платат надуените сметки за струја и нема да можат да обезбедат ни половина од потрошувачката кошничка, треба да се сетат дека премиерот бил на прослава на ЕПП“, додаде Филипче.

Македонија | пред 2 месеци

Ако не разбирате, премиерот работи на изолација на државата како што лаеше дека ќе го врати ФИРМ за да не бидеме НАТО држава, рече Филипче

Претседателот на СДСМ, Венко Филипче, остро го критикуваше премиерот и Владата, обвинувајќи дека наместо напредок кон Европската Унија, државата се води кон изолација и стагнација. Тој бара Бугарите да се внесат во Уставот.„Тој не зборува за пристапувањето на Македонија во ЕУ затоа што тоа не го интересира. Зборува за спроведени реформи, а се поставува прашањето – за кои реформи, кога ниту еден закон од областа на правосудството не беше донесен“, рече Филипче.Тој посочи дека единствените измени што биле направени се спротивни на препораките од оценската мисија, прашувајќи дали премиерот ќе зборува и за тие законски решенија.„Ако некој не разбрал, да преведам – премиерот работи на изолација на државата. Исто како што лаеше дека ќе го врати името – ФИРОМ, БЈРМ, со тоа да не бидеме НАТО држава. Манипулативниот ПР тим мора да внимава на секоја реченица“, изјави Филипче.Тој обвини дека, според него, станува збор за „организирана криминална структура“ која, како што рече, преку медиуми под контрола и со поддршка од странство, води антиевропска кампања.„Се создаваат намерни конфликти и се шират лаги за бугарска завера. Тоа е стар, веќе виден рецепт за задржување на власта, по цена на иднината на државата“, додаде лидерот на СДСМ.Филипче отвори и економски прашања, потенцирајќи дека Владата не дава одговор колку ја чини државата тоа што не се отвораат преговорите со ЕУ.„Дали некој пресметал колку средства би добиле граѓаните ако се отворат пристапните преговори?“, праша тој.Дополнително, предупреди и на геополитички ризици, посочувајќи дека евентуална промена на политичката сцена во Европа може да ја затвори вратата за проширување.„Кој ќе преземе одговорност ако следната година во Франција победи десница за која проширувањето не е приоритет? Кој ако Албанија стане членка пред нас и ни се наметнат нови услови?“, рече Филипче.Тој ја критикуваше и, како што рече, незаинтересираноста на премиерот за домашните проблеми.„Премиерот не е загрижен – тој е на самит на ЕПП на сметка на граѓаните, додека тука растат цените и се најавува поскапување на струјата“, додаде Филипче.

Македонија | пред 2 месеци

Филипче тврди дека Шилегов одработува за ВМРО-ДПМНЕ, а и Шилегов тврди дека Филипче се договара со ВМРО-ДПМНЕ

Претседателот на СДСМ, Венко Филипче, обвини дека поранешниот градоначалник Петре Шилегов „процесно одработува за ВМРО-ДПМНЕ“ и придонесува за внатрешни поделби во партијата.„Не станува збор за поинакво мислење, тоа беше сослушано. Станува збор за процесно одработување за ВМРО-ДПМНЕ и за внатрешна поделба на партијата. По сите проверки дојдовме до тој заклучок, а Извршниот одбор одлуката ја донесе со консензус“, изјави Филипче.Тој нагласи дека единството на СДСМ е клучно во, како што рече, борбата против „криминалната и корумпирана власт“, додавајќи дека нема да дозволи партијата да биде поделена.„Нема да дозволам ВМРО-ДПМНЕ преку поединци да ја ситни и дели партијата“, истакна Филипче.Од друга страна, Шилегов возврати со остри критики, тврдејќи дека постои договор со кој СДСМ намерно се одржува во слаба позиција.„Очигледно постои договор СДСМ да биде во ваква состојба, да ги промашува темите и да дозволи ВМРО-ДПМНЕ да владее два мандата, за да не бидат предмет на истраги“, рече Шилегов.Тој оцени дека партијата е „целосно кадровски исцрпена“ и дека значаен дел од влијателните кадри веќе не се дел од неа.Шилегов го оспори и процесот за негово исклучување, тврдејќи дека е спротивен на Статутот.„Исклучувањето го врши општинската организација, а не Извршниот одбор. Го повикувам Филипче да дојде во Карпош и да разговара со членството“, изјави Шилегов.Тој порача дека ќе продолжи со својата политичка платформа и побара актуелното раководство да се повлече.„Ќе го замолам ова раководство да си замине и да ја ослободи партијата. СДСМ не е сопственост на една групација“, нагласи Шилегов.

Македонија | пред 2 месеци

Шилегов: Филипче ако сака да го спроведе моето разрешување, нека дојде во организацијата во Карпош

Поранешниот градоначалник на Скопје, Петре Шилегов, денеска изјави дека во согласност со партискиот статут, исклучувањето на член го врши општинската организација на која тој припаѓа и го повика претседателот на партијата, Венко Филипче, доколку сака да спроведе таква иницијатива, да дојде во организацијата во Карпош за да разговара со членството.„Ќе ја искористам можноста, ако сакаат да спроведат таква иницијатива, да дојдам во општина Карпош, ќе разговараме со членството таму, ќе се обидам да имаме сериозна дискусија, и за моето исклучување и за неговото отстранување. Што се однесува до тоа што завршија, тој заврши кај Петре Шилегов, нема да го дозволам ова. Сè што сум направил во мојот живот професионално, но уште повеќе политички, она што сум го направил за СДСМ и она што сè уште го правам, нема да дозволам да биде оцрнето од човек кој е избран за претседател без статут“, рече Шилегов.

Македонија | пред 2 месеци

Филипче: Нема да дозволам ВМРО-ДПМНЕ преку поединци да ја дели СДСМ

Претседателот на СДСМ, Венко Филипче, изјави дека нема да дозволи, како што рече, обиди за внатрешно разнебитување на партијата преку поединци поврзани со ВМРО-ДПМНЕ.Одговарајќи на новинарско прашање на денешната прес-конференција, Филипче оцени дека СДСМ се соочува со, како што рече, организирани обиди за внатрешна поделба.„Нема да дозволам да ја делат СДСМ, затоа што имаме работа со криминална и корумпирана власт која не може да го спречи падот на анкетите. Таков пад на ВМРО-ДПМНЕ досега немало, а ние бележиме раст. Единственото што можат да го прават е да се обидуваат да ја делат партијата одвнатре за да владеат како што сакаат. Тоа нема да го дозволиме“, изјави Филипче.Тој додаде дека, според него, вакви обиди биле присутни и во минатото, посочувајќи на политичките случувања во изминатите изборни циклуси.„Такви процеси имаше и во 2021 година, во 2024 имавме силна националистичка и, како што ја оценувам, лажна кампања, а во 2025 година самиот Шилегов посочи дека не работел за СДСМ. Има и други луѓе кои не работеле за партијата на изборите. Тоа влијаеше на резултатите, но јас тоа повеќе нема да го дозволам“, рече Филипче.Тој истакна дека пред СДСМ стои, како што наведе, сериозна задача поврзана со европската перспектива на државата, поради што, според него, е неопходно зачувување на единството во партијата.„Се бориме за опстанокот и европската иднина на државата и нема да дозволам ВМРО-ДПМНЕ преку поединци да ја дели оваа партија“, потенцираше Филипче.

Македонија | пред 2 месеци

Филипче: ВМРО-ДПМНЕ паѓа во анкетите, СДСМ расте

Претседателот на СДСМ, д-р Венко Филипче, изјави дека последните анкети укажуваат на значителен пад на поддршката за ВМРО-ДПМНЕ, додека, како што рече, СДСМ бележи раст.Одговарајќи на новинарско прашање, Филипче оцени дека граѓаните веќе ги препознаваат политиките на власта и се разочарани од нив.„Нема да дозволам луѓе да ја делат СДСМ, затоа што имаме работа со криминална и корумпирана власт која не може да го спречи падот на анкетите. Ваков пад на ВМРО-ДПМНЕ досега немало, а ние имаме раст. Единственото што можат да го прават е да се обидуваат да ја делат партијата одвнатре за да продолжат да владеат“, изјави Филипче.Тој додаде дека, според него, граѓаните повеќе нема да бидат подложни на, како што ги нарече, националистички и коруптивни наративи.„Убеден сум дека на следните избори ВМРО-ДПМНЕ нема да може повторно да ги доведе во заблуда граѓаните, ниту да ги прикаже национализмот и корупцијата како патриотизам. Тоа веќе не поминува, граѓаните јасно гледаат што се случува“, рече Филипче.

Македонија | пред 2 месеци

Филипче: Шилегов работи во корист на ВМРО-ДПМНЕ и ја дели партијата

Претседателот на СДСМ, Венко Филипче, изјави дека поранешниот градоначалник на Скопје, Петре Шилегов, работи во корист на ВМРО-ДПМНЕ и придонесува за внатрешни поделби во партијата.Одговарајќи на новинарско прашање, Филипче посочи дека не станува збор за различно мислење, туку за, како што рече, координирано дејствување.„Овде не станува збор за туѓо мислење, затоа што и тоа мислење беше сослушано. Станува збор за процесно одработување за ВМРО-ДПМНЕ и за внатрешна поделба на партијата. По сите проверки на информациите, дојдовме до тој заклучок. Извршниот одбор ја донесе одлуката со консензус, никој не гласаше против“, изјави Филипче.Тој нагласи дека зачувувањето на единството во СДСМ е клучно во, како што рече, борбата против корупцијата и криминалот, за кои ја обвини актуелната власт.„Нема да дозволам понатамошни поделби во СДСМ, особено во услови кога се соочуваме со криминална и корумпирана власт. Падот на рејтингот на ВМРО-ДПМНЕ е евидентен, додека ние бележиме раст. Единственото што можат да го направат е да се обидат да ја делат партијата одвнатре. Тоа нема да го дозволиме“, рече Филипче.Според него, обидите за, како што ги оцени, внатрешни раздорни процеси преку поединци, се насочени кон ослабување на СДСМ, но, како што потенцираше, партијата ќе остане обединета.

Македонија | пред 2 месеци

Филипче: Пораката од Брисел е јасна – Европа не сака „тројански коњи“

Претседателот на СДСМ, Венко Филипче, оцени дека изјавата на еврокомесарката Марта Кос, според која Европа не сака „тројански коњи“, претставува сериозно предупредување за земјава и за нејзиниот евроинтегративен процес.На денешната прес-конференција, Филипче истакна дека ваквите пораки укажуваат на загриженост во Европската Унија во однос на влијанијата од трети земји.„Имаме сериозна изјава и предупредување од еврокомесарката Марта Кос дека нема место за нови членки врз кои Русија и други држави имаат влијание и дека Европа не сака тројански коњи. Тоа е многу сериозна и силна порака. По предупредувањето дека овде владее ‘српски свет’ во извештајот на Европскиот парламент, ова е уште една ваква порака“, рече Филипче.Тој се осврна и на последниот извештај на известувачот на Европскиот парламент, Томас Вајц, посочувајќи дека во него се констатира недостаток на напредок во клучните области.„Во извештајот нема напредок во владеењето на правото, реформите во правосудството и борбата против корупцијата и криминалот. Слободата на говор е сериозно доведена во прашање. Оваа власт носи резолуции со кои ѝ се ограничува просторот на опозицијата да говори за одредени теми“, изјави Филипче.Тој додаде дека не може да се зборува за медиумска слобода кога, како што рече, значителен дел од медиумите се поврзуваат со интереси блиски до унгарскиот премиер Виктор Орбан.„Не може да има слободни медиуми кога однапред се најавува кој ќе биде нов директор на МРТ. Се поставува прашањето дали тоа ќе биде човек близок до премиерот Христијан Мицкоски, со што ќе се воспостави целосна контрола. Во меѓувреме, со кредит од една милијарда евра, чија намена не е доволно транспарентна, се отвораат сериозни дилеми“, посочи Филипче.Тој истакна дека сличен модел, според него, се применува и во енергетиката, инфраструктурата и телекомуникациите, каде, како што тврди, проектите се поврзуваат со компании блиски до кругови околу Орбан.„Ова е уште еден показател во каква насока се движи државата под водство на ВМРО-ДПМНЕ – кон систем кој е подложен на корупција и криминал“, заклучи Филипче.

Македонија | пред 2 месеци

Филипче: Цените растат, владата на Мицкоски не презема ништо 

Од денеска повторно има покачени цени на горивата во земјава и ова е второ сериозно покачување на цените на горивата, а владата не презема буквално ништо да го заштити стандардот на граѓаните“, нагласи претседателот на Социјалдемократскиот сојуз на Македонија, д-р Венко Филипче, на денешната прес-конференција. Филипче посочи дека сите земји од регионот веќе преземаа мерки за да им помогнат на граѓаните, само нашата влада не презема ништо.„Нема најава за никакви мерки коишто во оваа тешка криза ќе им помогнат на граѓаните полесно да живеат. Не прават ништо, не се грижат за граѓаните, се грижат само за сопствените бизниси и за сопствените тендери. И ова не е нешто ново, тоа го прават изминатите две години во континуитет“, рече Филипче.Притоа, Филипче укажа дека според проценките согласно потрошувачка на деривати, само за една недела, граѓаните платија 3 милиони евра повеќе само со покачувањето на цената на дизелот.„Со новото поскапување, неделно тоа ќе ги чини граѓаните повеќе 4,5 милиони евра, пари коишто ќе бидат одземени од граѓаните и компаниите.Иако премиерот Христијан Мицкоски најавуваше дека горивата ќе поевтинат и дека ќе се намалат некаде за 2,5 денари по литар тие поскапеа за 7 денари. И тоа не е ништо од премиерот, секој ден му е само една нова лага “, рече Филипче.На прес-конференцијата Филипче најави дека СДСМ во Собранието ќе поднесе пакет законски решенија за намалување на цените на горивата и на храната, како и законско решение за преполовување на цените на патарините.

Македонија | пред 2 месеци

Филипче: СДСМ поднесува пакет законски решенија за намалување на цените на горивата и храната

Социјалдемократскиот сојуз на Македонија ќе поднесе пакет законски решенија за намалување на цените на горивата и на храната, најави на денешната прес-конференција претседателот на СДСМ, д-р Венко Филипче. Тој посочи дека денешното поскапување на горивата  е второ сериозно покачување на цените на горивата, а владата не презема ништо за да го заштити стандардот на граѓаните.„Од денеска повторно има покачени цени на горивата во земјава.Иако премиерот Христијан Мицкоски најавуваше дека горивата ќе поевтинат и дека ќе се намалат некаде за 2,5 денари по литар тие поскапеа за 7 денари. И тоа не е ништо од премиерот, секој ден му е само една нова лага. Нема најава за никакви мерки коишто во оваа тешка криза ќе им помогнат на граѓаните полесно да живеат“, рече Филипче.Тој додаде дека сите земји во регионот веќе преземаа соодветни мерки со коишто им помагаат своите граѓани полесно да ја надминат оваа криза, само нашата влада не прави ништо, не се грижи за граѓаните, се грижи само за сопствените бизниси и за сопствените тендери.„Имајќи предвид дека апелиравме, имајќи предвид дека како и секогаш досега владата не одговори и нема намера да одговори, ние во Собранието ќе поднесеме пакет на закони со цел да им олесниме на граѓаните оваа криза полесно да ја надминат. Прво закон за намалување на стапката на ДДВ од 18% на 5% за горивата, понатаму намалување на акцизата за 4 денари, третиот закон е укинување односно сведување на 0 % проценти ДДВ за основните прехранбени производи и четвртиот закон е за преполовување на цените на патарините коишто нашите граѓани ги плаќаат возејќи по патиштата ширум државата“, најави претседателот на СДСМ, д-р Венко Филипче.

Македонија | пред 2 месеци

Филипче: Една година непребол, болка и тага – Кочани никогаш нема да ги заборави своите чеда

Лидерот на СДСМ, Венко Филипче, преку емотивна објава оддаде почит на жртвите од трагедијата во Кочани, потсетувајќи дека помина една година исполнета со огромна тага и празнина.„Алексова Стефанија, Атанасовски Мартин, Јорданова Сара, Стојанов Александар, Петров Александар, Минова Драгана, Алексова Сара, Џамов Јорданчо, Трајчев Иван, Ѓоргиев Џоко, Стевановски Филип, Коларов Александар, Величков Иван, Стојанов Андреј, Антова Ивона, Христовски Павел, Димитријев Диме, Насевски Никола, Наунова Надица, Јорданов Виктор, Тасева Стојковска Лепа, Алексов Александар, Минов Божидар, Милковска Кети, Златков Томас, Богданов Тоше, Тодоровски Тоше, Коцева Ана, Живков Адријан, Петрушов Гордан, Горгиев Игорче, Стојанов Томче, Стоименова Моника, Стојанов Стојанчо, Пројковска Николовска Сара, Шопова Марија, Ивановски Петар, Ѓорѓиев Александар, Марковски Матеј, Закова Бојана, Василков Ѓорѓи, Ѓорѓиески Андреја, Ивановски Филип, Стрезоска Марија, Ефремов Александар, Велков Игор, Соколова Стефанија, Велков Леонид, Панов Андреј, Иванов Димитар, Стоименов Спиро, Владимиров Јове, Андонов Ице, Тасевски Стефан, Величков Ѓорѓи, Христова Сања, Танески Дамјан, Спасова Моника, Лазаров Андреј, Карадакоски Александар, Гавриловски Александар, Стефанов Стојанче, Блажев Владимир Панчо.Вечна им слава.Нека почиваат во мир. Сочувство до семејствата“, напиша Филипче.

Македонија | пред 2 месеци

Филипче: Мицкоски вели работниците не мораат да одат на одмор, следно ќе каже не мораат да јадат

Претседателот на Социјалдемократскиот сојуз на Македонија, д-р Венко Филипче, во интервјуто за неделникот Фокус, посочи дека премиерот Мицкоски наместо да им помогне на граѓаните со конкретни мерки во овој период на ценовни шокови, тој им држи лекции како да живеат, само за да не ја покачи минималната плата.„Погледнете ги цените во маркетите, погледнете ја цената на струјата. Енормно поскапеа горивата.Што да прават луѓето? Мицкоски вели не мора да одат на одмор. Следно ќе каже не мора ниту да јадат.Ќе ве потсетам дека рече за луѓето што работат во државната администрација дека се одлично платени колку што работат. Тој ќе проценува колку кој работи, па тој ќе одредува кој колкава плата може да добие“, рече Филипче.Во интервјуто, Филипче порача дека власта мора да скрати од својот луксуз, бидејќи во буџетот има ставки од каде што може да се обезбедат пари за 600 минимална плата.„Мора да се скрати од луксузот на функционерите, од опремувањето канцеларии и купувањето мебел. Не може да има за нов авион за туристички патувања, во Сплит на море, Будимпешта и Белград кај нивните шефови, а работниците да немаат за леб. Не оди. Единствената дисторзија е во нивниот луксуз и во нивните џебови! Никаде повеќе. Ние дадовме конкретен предлог како со сегашниот буџет да се дојде до минимална плата од 600 евра за работниците, но и за работодавачите да не бидат оштетени, туку напротив, двете страни да бидат задоволни. Владата го одби предлог-законот“, рече Филипче.

Македонија | пред 2 месеци

Филипче: Веќе сега во буџетот недостигаат две милијарди евра

Изборите ќе се случат во оној момент кога нема да има повеќе пари во касата за нови тендери за Мицкоски и нему блиските, кога ќе престане можноста за дополнителни задолжувања, рече претседателот на Социјалдемократскиот сојуз на Македонија, д-р Венко Филипче, во интервју за неделникот Фокус. Филипче укажа дека и во моментов буџетската дупка е продлабочена.„Веќе сега во буџетот недостигаат две милијарди евра. Кога ќе пресушат сите ресурси – еве ни избори. Дали ќе бидат наесен или на пролет, сè зависи од брзината на распишување тендери и од брзината на добивање нови кредити со високи камати, кои ќе ги враќаат нашите внуци“, вели Филипче.Во интервјуто, тој додаде дека политиката на власта е очигледна - изолација, избори, мигранти за пари. Филипче посочи дека државата веќе се соочува со процес на политичка и меѓународна изолација, што според него е резултат на промашените и неодговорни политики на Владата.„Како што рековме изолација, избори, па мигранти за пари. Изолацијата е во тек, се спроведува. За американски визи сме ставени во група со земји од третиот свет, а Европската Унија директно вели нема понатамошно продолжување на преговорите додека не се донесат уставните измени. Од друга страна, Мицкоски вели дека нема разговори за тоа додека тој е на чело на влада “, рече Филипче.Притоа, Филипче предупреди и намерно создаваните конфликти со соседните држави од страна на владата на ВМРО, што дополнително ја турка државата кон изолација, но и кон нов изборен циклус со цел продолжување на владеењето на актуелната власт.„Намерно создавање конфликти со Грција и Бугарија. Вицепремиерот познат по своето директно учество во ширењето на руското влијание во Македонија, вели влегуваме заедно со Вучиќ во ЕУ, а тие објавија дека Србија застанала со евроинтеграциите поради донесување спорни закони во правосудството и не дека е стопирана, туку дека отишла наназад. Што ни следи потоа? Избори! За да се продолжи владеењето на овој режим уште четири години. Уште четири години тендери и луксуз. Да се обезбедат и правнуците. И, секако, тука е потребно да се обезбедат пари за тој луксуз, а тука доаѓа забранетата тема - мигранти, односно „економски работници“, нагласи Филипче.

Македонија | пред 2 месеци

Филипче: Мицкоски е чувар на фотелјата за враќање на вистинскиот газда во ВМРО - Груевски

Мицкоски е чувар на фотелјата во ВМРО, патот се чисти за вистинскиот газда на ВМРО - Груевски, нагласи претседателот на СДСМ, Венко Филипче, во интервју за „Фокус“.Филипче посочи дека начинот на кој ВМРО управува со партијата и јавноста се насочени кон заштита на лични и партиски позиции, а не кон решавање на вистинските проблеми на граѓаните.„Дали воопшто може да им се верува на луѓе кои за вистината велеа сечено-лепено?! Јасна им е веројатно на сите целта. Наместо Идризово, од аеродромот право кон Белата палата. Затоа Мицкоски, чуварот на фотелјата во ВМРО, ги отстрани сите потпретседатели на партијата. Патот се чисти за вистинскиот газда на ВМРО“, рече Филипче.Претседателот на СДСМ додаде дека целата стратегија на ВМРО, преку манипулации и засилена медиумска пропаганда, е насочена кон враќање на Груевски. „Ќе видат сами кога ќе почне целиот процес за укинување на пресудите и враќање на будимпештанскиот газда на ВМРО“, посочи тој.Во интервјуто, Филипче укажа  дека ВМРО затоа и го оцрнува СЈО со цел ослободување и враќање на Груевски.„Сите овде се запознаени со сè што се случуваше, со тоа што се случува сега, па и со овој случај. ВМРО го оцрни комплетно СЈО со една цел - ослободување и враќање на Груевски, по падот на Орбан во Унгарија. Катица ја пуштија порано за да учествува во црната кампања против СДСМ и повторно да се дојде до поништување на пресудите за Груевски“, вели Филипче.

Македонија | пред 2 месеци

Димитриевски: Интересот на Венко Филипче е ограничен само на неговата партиска фотеља

Претседателот на Движењето ЗНАМ за Наша Македонија и градоначалник на Општина Куманово, Максим Димитриевски, во гостување во емисијата „За или против“ на Алфа ТВ говореше за актуелните политички случувања, односите во владината коалиција, состојбите во правосудството и ситуацијата во опозицијата.Осврнувајќи се на состојбите во СДСМ, Димитриевски оцени дека опозициската партија се соочува со сериозна политичка и кадровска криза и дека значителен дел од нејзините активности се насочени кон напади врз Движењето ЗНАМ.Според него, актуелното раководство на СДСМ не нуди нова политичка визија, а партијата се соочува со внатрешни поделби и незадоволство кај дел од членството.„Интересот на Венко Филипче е ограничен само на неговата партиска фотеља. Наместо сериозна опозициска политика, СДСМ денес се занимава со внатрешни пресметки и лични интереси, поради што голем број чесни членови се повлекуваат или ја напуштаат партијата“ - изјави Димитриевски.Тој посочи дека дел од разочараните членови на СДСМ веќе се приклучуваат кон ЗНАМ, но дека движењето внимателно пристапува кон приемот на нови членови со цел, како што рече, да се изгради стабилен и принципиелен политички субјект.Димитриевски се осврна и на случајот со поранешниот вицепремиер Артан Груби, оценувајќи дека одлуката за домашен притвор претставува сериозен преседан кој дополнително ја поткопува довербата на граѓаните во правосудниот систем.„Ова е невиден преседан. Лице кое било во бегство и за кое постоела меѓународна потерница не смее да заврши во домашен притвор. На господинот Груби местото му е во истражен затвор, согласно принципите на владеење на правото и законските процедури“ - истакна тој.Според Димитриевски, ваквите одлуки ја нагласуваат потребата од сериозни реформи во судско-обвинителскиот систем и враќање на довербата на граѓаните во институциите.Во интервјуто тој се осврна и на можната реконструкција на Владата, посочувајќи дека засега не се разговарало за конкретни кадровски решенија, но дека Движењето ЗНАМ е задоволно од работата на своите министри, кои, како што нагласи, реализираат значајни реформи исистемски закони.Димитриевски порача дека ЗНАМ останува стабилен партнер во рамките на владејачкото мнозинство, со јасна политичка ориентација кон реформи, владеење на правото и заштита на државните интереси.

Македонија | пред 2 месеци

Филипче: Наместо мерки за граѓаните, власта сака да профитира од поскапувањето на горивата 

Владата наместо да донесе мерки со кои ќе ги заштити граѓаните од ценовните шокови од поскапувањето на горивата, дополнително сака да профитира врз грбот на граѓаните, вели  во интервјуто за неделникот Фокус, претседателот на СДСМ, д-р Венко Филипче. Тој посочува дека секогаш кога расте цената на нафтата, поскапува храната и сè друго, како продукти и услуги, а премиерот Мицкоски гледа само начин како да не им помогне на граѓаните.„Дополнително, владата како да сака да профитира врз грбот на граѓаните. Регулаторната комисија за енергетика, во екот на нафтената криза, го смени начинот на одредување на цените на горивата, односно, наместо секој ден, во зависност од движењето на цената на нафтата на светските берзи, да се одредува и цената на горивата на домашниот пазар, сега со измените тоа се прави еднаш неделно, на 7 дена“, рече Филипче.Тој додаде дека на овој начин, со новиот правилник и покрај тоа што цената на нафтата на светските берзи на почетокот на неделава се намали, треба да се чека цела недела за РКЕ да направи корекција..„Кога цената на нафтата на светските берзи бележи пад, како што се случи на почетокот на неделава, кога се движеше од 84 до 86 долари за барел, што е поевтино во споредба со цената од 96 евра минатата недела, да важеше стариот правилник, РКЕ ќе ја намалеше цената на горивата и граѓаните ќе купуваа поевтин дизел и бензин. Сега, поради ваквите штетни одлуки, граѓаните цела недела плаќаат поскапи деривати“, рече Филипче.По основ на оваа штетна и избрзана одлука како што кажа Филипче, ќе се соберат  околу три милиони евра повеќе за само седум дена.„Кој има интерес од ова поскапување? Каде ќе завршат овие пари? Ова се пари на граѓаните, кои и сега едвај го поминуваат месецот. Која влада, наместо мерки за помош на граѓаните, носи контрамерки за да им одмогне? Ете тоа ВМРО - од каде што може да зграби повеќе. Граѓаните не смеат да трпат заради погрешните и непромислени одлуки на власта“, рече Филипче.Во интервјуто тој посочи дека во името на СДСМ предложи неколку мерки за справување со ценовните шокови.„Прво, намалување на стапката на ДДВ од 18 отсто на 5 отсто при промет на сите енергенси: дизел, безоловен бензин, гасно масло, течен нафтен гас и метан. Намалување на акцизата за 4 денари. На овој начин директно ќе се намали цената на еден литар гориво. И во однос на цените на храната, предлагаме сведување на нула проценти ДДВ на основните прехранбени производи, за да се амортизира евентуален скок на цените на основните прехранбени производи. Зошто владата ги одбива?“, вели Филипче.

Македонија | пред 2 месеци

Филипче: ВМРО е таблоидна партија, fake news

Обвинувањата од ВМРО веќе на сите им се смешни, тие обвинувања од ВМРО се викаат лажна вест, fake news, измислена афера и црна кампања, посочи претседателот на Социјалдемократкиот сојуз на Македонија, д-р Венко Филипче, во интервју за неделникот Фокус, во однос на извештајотна ЦИА  и обвинувањата од ВМРО поврзани со  името на државата.Тоа воопшто не е обвинување, затоа што обвинување може да дојде од некоја релевантна страна, а не од таблоидна партија како ВМРО“, рече Филипче.Во интервјуто Филипче посочува дека тоа што го покажува документот на ЦИА, говори дека Киро Глигоров, како и СДСМ, секогаш мислеле на Македонија.Секогаш сме биле чувари на државноста. Во секоја ситуација што ја покажува сериозноста и државноста на СДСМ, а ВМРО  измислува како да го обезвредни тоа. Така е и со ова“, рече Филипче.Тој додаде дека постои уште еден документ на ЦИА што ВМРО  не го споменуваат, а се однесува на атентатот на поранешниот претседател Глигоров.Верувам дека многумина имале можност да го видат. Излезе во исто време кога и овој, само што ВМРО преку медиумите го презентира селективно, како и секогаш. Во тој документ пишува кој учествувал во атентатот врз Киро Глигоров. Можете да погодувате. Па, секако, ВМРО“, рече Филипче.

Македонија | пред 2 месеци

Петрушевски: Филипче предлага мерки кои ВМРО-ДПМНЕ ги предложи во 2022 година, Владата работи да имаме најевтини енергенси во регионот

Пратеникот од ВМРО-ДПМНЕ, Бране Петрушевски, реагираше на денешната прес-конференција на претседателот на СДСМ, Венко Филипче, оценувајќи дека предлага мерки кои, според него, ВМРО-ДПМНЕ ги предложила уште во 2022 година.„Неинвентивниот Венко Филипче денес на прес-конференција предлага мерки кои ние ги предложивме уште во 2022 година, кога бевме опозиција, а неговата влада одбиваше дури и да ги слушне“, напиша Петрушевски.Тој посочи дека мерките кои денес ги бара Филипче, според него, биле воведени уште во 2022 година со измена на член 92 од Законот за акцизите.„Она што денес Филипче го бара, уште во 2022 година, по силниот наш притисок, се воведе преку измена на член 92 од Законот за акцизите и се овозможи намалување на акцизата кога цените на горивата на светските берзи нагло растат“, наведе Петрушевски.Според него, тогашната влада на СДСМ планирала и нова „еколошка“ такса која дополнително ќе ја зголемела цената на горивата, но, како што тврди, ВМРО-ДПМНЕ како опозиција успеала да го блокира тој закон.„Врвот на лицемерието на Филипче и СДСМ е тоа што како власт го зголемија ДДВ за голем број прехранбени производи, за денес од опозиција наводно да бараат намалување“, додава Петрушевски.Тој оцени дека актуелната влада работи граѓаните да имаат меѓу најевтините енергенси во регионот и да се ублажи ценовниот шок и покрај притисоците од глобалните движења на цените.

Македонија | пред 2 месеци

ДДВ за горивата 5%, акцизата намалена за 4 денари и 0% ДДВ за храната, предлага Филипче кој соопшти итни мерки

Претседателот на СДСМ, Венко Филипче, на прес-конференција предложи пакет економски мерки со цел да се ублажат последиците од растот на цените на горивата и очекуваното поскапување на основните производи.Филипче оцени дека Владата не презема доволно мерки во услови на енергетска и економска криза предизвикана од случувањата на Блискиот Исток.„Гледаме како изминатите денови Владата не презема буквално ништо во однос на кризата која се случува на Блискиот Исток. Нема дебата, нема анализа, нема подготовки“, изјави Филипче.Тој посочи дека поскапувањето на горивата не е изненадување, имајќи предвид дека цената на нафтата на светските берзи во последниот месец пораснала за околу 60 проценти.„Денеска сме соочени со поскапувања. Од утре цената на бензинот расте од 74,5 на 79,5 денари, а дизелот од 71 на 85,5 денари. Ова е резултат на војната во Иран и растот на цената на нафтата на светските берзи“, рече Филипче.Тој оцени дека Владата требало да одржи повеќе вонредни седници за да го подготви системот за вакви ценовни шокови.Според него, покачувањето на цените на горивата ќе предизвика и низа други поскапувања.„Ќе поскапи струјата, ќе поскапат основните прехранбени производи. Тоа ќе биде ланец на настани кои ќе следат после поскапувањето на горивата“, изјави Филипче.Како решение, СДСМ предлага намалување на стапката на ДДВ за сите енергенси од 18 на 5 проценти, намалување на акцизата за горивата за 4 денари по литар, како и укинување на ДДВ за основните прехранбени производи.„Овие мерки директно ќе ја намалат цената на горивата на бензинските пумпи и ќе помогнат да се амортизира евентуалниот скок на цените на храната“, изјави Филипче.

Македонија | пред 2 месеци