САД

Трамп: Иран се согласи да се откаже од нуклеарниот материјал, па се предомисли

Американскиот претседател Доналд Трамп изјави дека Иран првично се согласил да се откаже од својот нуклеарен материјал под услов тој да биде отстранет од страна на САД, но подоцна ја повлекол таа согласност.„Се согласуваат со нас, а потоа го повлекуваат тоа што го кажале“, изјави Доналд Трамп пред новинарите.Трамп додаде дека иранскиот контрапредлог подоцна го оценил како „парче ѓубре“ и рече дека не „губел време“ читајќи го.Според американски и меѓународни медиуми, разговорите меѓу Вашингтон и Техеран остануваат блокирани околу прашањето за збогатениот ураниум и иднината на иранската нуклеарна програма.

Свет | пред 2 седмици

Трамп: Имам најдобар план досега за Иран

Американскиот претседател Доналд Трамп изјави дека има „најдобар план досега“ за Иран и повторно порача дека Техеран не смее да поседува нуклеарно оружје.Одговарајќи на новинарски прашања во Овалната соба, Трамп рече дека неговиот план е „многу едноставен“.„Не знам зошто едноставно не го кажете јасно – Иран не може да има нуклеарно оружје“, изјави Доналд Трамп.Тој додаде дека со таквиот став „му се прави услуга на целиот свет“.Воедно, американскиот претседател го нарече „глупав“ иранскиот предлог до САД за завршување на војната, кој претходно го отфрли.

Свет | пред 2 седмици

Трамп: Засега не е јасно како би влегле во Иран по нивниот нуклеарен материјал

Американскиот претседател Доналд Трамп изјави дека размислува повторно да го активира краткотрајниот „Проект Слобода“, овојпат со пошироки цели што би ја надминале само придружбата на бродови низ Ормуски Теснец.Во телефонско интервју за Фокс Њуз, Трамп посочи дека конечна одлука сè уште не е донесена.Иницијативата првпат беше најавена минатата недела, но брзо беше ставена во мирување поради мировните преговори со Иран.Според Трамп, за време на разговорите, иранската страна му порачала дека САД треба да ја отстрани „нуклеарната прашина“ од иранските постројки, бидејќи наводно била закопана толку длабоко што самите Иранци не можеле да ја достигнат.Во разговорот со новинарот Џон Робертс, Трамп признал дека во моментов не знае на кој начин САД би можеле да влезат во Иран за да ја спроведат таквата операција, нагласувајќи дека тоа ќе биде предмет на понатамошни преговори.

Свет | пред 2 седмици

Иран и САД далеку од компромис, тензиите повторно растат

Иран и Соединетите Американски Држави меѓусебно ги отфрлија најновите мировни предлози за завршување на конфликтот на Блискиот Исток, додека тензиите меѓу двете земји продолжуваат да растат.Техеран го обвинува американскиот претседател Доналд Трамп за неразумни барања, додека Трамп порача дека иранските контрапредлози се „целосно неприфатливи“.Минатата среда Трамп изјави дека Иран „многу сака договор“, а Техеран потврди дека разгледува нов американски мировен предлог.Сепак, иранските медиуми вчера објавија дека властите во Техеран го одбиле американскиот план, оценувајќи дека тој би значел „капитулација пред претераните барања“ на американскиот претседател.Иран испратил сопствен предлог, кој според медиумските извештаи вклучува барање за исплата на воена отштета, итен прекин на американската блокада во Хормушкиот Теснец и гаранции дека нема да има нови напади.Трамп потоа на својата социјална мрежа „Трут соушал“ напиша дека го видел одговорот на Иран.„Не ми се допаѓа – ЦЕЛОСНО НЕПРИФАТЛИВО!“, порача американскиот претседател.Иранскиот претседател Масуд Пезешкијан изјави дека Иран нема да „ја наведне главата пред непријателот“, нагласувајќи дека отворањето дијалог со Вашингтон не значи предавање или повлекување.Портпаролот на иранското Министерство за надворешни работи, Есмаил Багаеи, денеска изјави дека иранската понуда била „великодушна и одговорна“, додека Вашингтон продолжува да наметнува „неразумни барања“.Засега нема знаци за приближување на ставовите, а ситуацијата во регионот останува напната.

Свет | пред 2 седмици

Цените на горивата експлодираат во Америка, американскиот министер за енергетика: Размислуваме за укинување на данокот

Американскиот министер за енергетика Крис Рајт изјави дека администрацијата на претседателот Доналд Трамп разгледува можност за привремено укинување на федералниот данок на гориво, со цел да се намалат цените на бензинските пумпи.Како што пренесува Си-Ен-Ен, Рајт нагласил дека Белата куќа поддржува „сите мерки“ што можат да помогнат во намалување на цените за американските граѓани.„Оваа администрација стои зад секој потег што може да ги намали цените на бензинските пумпи и да им олесни на Американците“, изјавил Рајт во емисијата „Мит д прес“ на телевизијата Ен-Би-Си.Министерот тврди дека администрацијата не седела со скрстени раце додека цените растат.Според него, веќе биле преземени неколку мерки, меѓу кои користење на стратешките резерви на нафта за зголемување на понудата, прилагодување на правилата на Агенцијата за заштита на животната средина поврзани со летните мешавини на бензин и барање до рафинериите да ги скратат редовните ремонти за да нема застои во производството.Сепак, Рајт одбил да прогнозира кога би можело да дојде до позначително намалување на цените, иако се приближува сезоната на летни патувања, кога побарувачката традиционално расте.Како клучен услов за стабилизирање на пазарот, министерот ја посочил ситуацијата во Персискиот Залив.„Во моментот кога пловидбата низ Ормутскиот Теснец повторно ќе стане слободна, цените на енергенсите ќе почнат да паѓаат“, изјавил Рајт.Минатиот месец тој за Си-Ен-Ен изјави дека Американците веројатно нема да видат цена на гориво под три долари за галон пред 2027 година, дури и ако теснецот се отвори порано.Таквата проценка предизвика реакција од Доналд Трамп, кој оцени дека изјавата на Рајт е „целосно погрешна“.Додека министерот предупредува на геополитичките и логистичките ризици, Трамп продолжува да тврди дека цените на горивата ќе паднат многу побрзо доколку се постигне договор со Иран.Иран практично го затвори Ормутскиот теснец по израелско-американските напади во февруари годинава, што предизвика нови потреси на светскиот пазар на нафта.

Свет | пред 2 седмици

Трамп бесен на Иран, доби одговор: „Всушност сме дарежливи“

Иран порача дека мировниот предлог што му го испратил на Вашингтон не е „претеран“, обвинувајќи ги САД дека и натаму поставуваат „неразумни барања“.Техеран вчера го одби планот на американскиот претседател Доналд Трамп за завршување на конфликтот, со образложение дека прифаќањето на таков договор би значело „покорување“ пред Вашингтон.Трамп веднаш реагираше на својата социјална мрежа „Трут соушал“, каде што иранскиот одговор го оцени како „целосно неприфатлив“.Портпаролот на иранското Министерство за надворешни работи, Есмаил Багаеи, денеска изјави дека Иран само се обидува да ги заштити своите основни права.Тој нагласил дека Техеран до Вашингтон испратил „великодушни и одговорни“ предлози за стабилизација на регионот.Според иранските медиуми, клучните барања на Техеран вклучуваат исплата на отштета за штетите настанати за време на воените операции, целосен прекин на американската поморска блокада во Ормутскиот теснец и гаранции дека повеќе нема да има напади, како и укинување на санкциите и запирање на економскиот притисок.„Нашето барање е легитимно: бараме крај на војната, укинување на блокадата и прекин на пиратството, како и ослободување на иранскиот имот што неправедно беше замрзнат под американски притисок“, изјавил Багаеи.Покрај економските и воените барања, Иран инсистира и на воспоставување нов безбедносен поредок во регионот.Багаеи истакнал дека слободниот поморски сообраќај низ Ормутскиот теснец и обезбедувањето стабилност во Либан се клучен дел од иранската понуда.„Тоа го сметаме за великодушен и одговорен предлог за регионална стабилност“, додал портпаролот.Во Вашингтон, пак, овие барања се доживуваат како обид Иран да ги диктира условите по серијата судири во Персискиот Залив, што администрацијата на Трамп засега категорично го одбива.Додека дипломатските тензии растат, состојбата во Ормутскиот теснец и понатаму останува на работ на нов конфликт.

Свет | пред 2 седмици

Преговорите меѓу САД и Иран без напредок, цените на нафтата растат

Барел сурова нафта од типот „Брент“ поскапе за околу четири проценти, откако повторно ослабнаа надежите за мирно решавање на кризата меѓу Иран и САД.Цената на нафтата сега се движи околу 105 долари за барел, што е највисоко ниво од средината на минатата недела.Иако за време на најжестоките тензии цената во одредени моменти надмина и 120 долари за барел, најновиот раст покажува дека пазарот и натаму е исклучително чувствителен на секоја негативна вест поврзана со преговорите.Аналитичарите предупредуваат дека високите цени на нафтата веќе со месеци директно влијаат врз секојдневниот живот на граѓаните, преку повисоки сметки за енергија, но и преку поскапување на основните производи поради растечките транспортни и производствени трошоци.Според експертите, цените би можеле дополнително да растат доколку не се најде трајно решение за кризата во Персискиот Залив, а дипломатските напори засега не даваат резултати.Најновиот бран поскапувања следуваше откако Иран го одби американскиот план за завршување на конфликтот.Американскиот претседател Доналд Трамп реагираше на својата социјална мрежа, оценувајќи дека иранскиот контрапредлог, испратен до Вашингтон, е „целосно неприфатлив“.Иако деталите од понудите не се јавно објавени, јасно е дека двете страни сè уште се далеку од компромис.Додека преговорите остануваат без напредок, светските пазари продолжуваат бурно да реагираат на секоја најава за можна ескалација на конфликтот.

Свет | пред 2 седмици

Трамп го отфрли иранскиот мировен предлог: „Целосно неприфатлив“

Американскиот претседател Доналд Трамп остро го отфрли најновиот мировен предлог на Иран за ставање крај на 10-неделниот конфликт на Блискиот Исток, оценувајќи го како „целосно неприфатлив“.„Штотуку го прочитав одговорот од таканаречените ирански претставници. ЦЕЛОСНО НЕПРИФАТЛИВ“, напиша Трамп на социјалните мрежи, без да открие дополнителни детали за содржината на иранскиот одговор.Иран предложи дел од резервите на високо збогатен ураниум да бидат префрлени во трета земја, додека остатокот ќе биде разреден. Сепак, Техеран категорично ја отфрлил можноста за демонтирање на своите нуклеарни постројки и побарал гаранции дека ураниумот ќе биде вратен доколку преговорите пропаднат.Полуофицијалната иранска агенција „Тасним“ демантира делови од извештајот, нагласувајќи дека Иран бара итен прекин на војната, укинување на американските санкции, ослободување на замрзнатите ирански средства и целосен суверенитет над Ормутски теснец.Иранските државни медиуми тврдат дека американскиот предлог е доживеан како обид за „капитулација“ на Техеран. Според нив, Иран побарал и воена отштета од Соединетите Американски Држави за штетите од конфликтот.Трамп, од своја страна, претходно предложи Иран да овозможи слободен премин низ Ормутскиот теснец, а Вашингтон постепено да ја прекине блокадата на иранските пристаништа и да отвори нови нуклеарни разговори.По неговата изјава, цената на нафтата повторно порасна. Суровата нафта „брент“ скокна за околу 3,5 проценти и надмина 104 долари за барел, додека американскиот долар зајакна во однос на водечките светски валути.Конфликтот меѓу САД, Израел и Иран започна на 28 февруари со американско-израелски напади врз ирански цели, по што следуваа ирански одговори против Израел и американски сојузници во Персискиот Залив, како и затворање на Ормускиот Теснец.Иако на 8 април беше постигнато привремено примирје со посредство на Пакистан, разговорите не донесоа траен договор, а последната размена на предлози повторно ги зголеми стравувањата од нова ескалација на кризата.

Свет | пред 2 седмици

Трамп се закани: Ако некој се приближи до ураниумот, ќе го разнесеме

Американскиот претседател Доналд Трамп изјави дека САД внимателно го надгледуваат иранскиот збогатен ураниум и дека се подготвени да реагираат доколку добијат информации за активности на локацијата каде што се чува.Во интервју за емисијата „Фул мејџр“, Трамп рече дека американските сили ја следат локацијата и предупреди на можен одговор.„Ако некој се приближи до тоа место, ќе знаеме и ќе ги разнесеме“, изјави Трамп.Тој додаде дека САД „во одреден момент“ ќе дојдат до иранскиот збогатен ураниум.Американскиот претседател говореше и за Ормутскиот Теснец, нагласувајќи дека САД не зависат од тој поморски правец и дека американското присуство таму е насочено кон помош на сојузниците во регионот.„Тоа го правиме за да им помогнеме на Израел, Саудиска Арабија, Катар, Обединетите Арапски Емирати и другите“, рече Трамп.Тој истовремено изјави дека САД моментално произведуваат повеќе нафта и гас од Русија и Саудиска Арабија заедно и дека очекува производството дополнително да се зголеми до крајот на годината.Во меѓувреме, ирански воен портпарол за државната агенција ИРНА изјави дека иранските сили се во „целосна готовност“ за заштита на нуклеарните постројки каде што се складира ураниум.Бригадниот генерал Акрам Нија изјави дека Иран смета оти постои можност САД да се обидат да го преземат ураниумот преку инфилтрација или воздушна операција.

Свет | пред 2 седмици

Иран испрати одговор на американскиот предлог за крај на војната

Иран денеска преку пакистански посредници испратил одговор на најновиот американски предлог за завршување на војната, објави иранската државна новинска агенција ИРНА.„Одговорот на Исламската Република Иран на најновиот американски предлог за завршување на војната денеска е испратен преку пакистански посредник“, соопшти агенцијата.Во извештајот се наведува дека во оваа фаза разговорите ќе бидат фокусирани на завршувањето на конфликтот во регионот, без дополнителни детали за содржината на иранскиот одговор.Тензиите на Блискиот Исток нагло ескалираа откако САД и Израел на 28 февруари започнаа напади врз Иран, по што Техеран возврати со акции против Израел и американските сојузници во Персискиот Залив, како и со затворање на Ормутскиот Теснец.Примирјето стапи во сила на 8 април со посредство на Пакистан, но разговорите во Исламабад не доведоа до траен договор.Подоцна американскиот претседател Доналд Трамп го продолжи примирјето без временско ограничување, со цел да се отвори простор за дипломатија и трајно решение на конфликтот.

Свет | пред 2 седмици

Револуционерната гарда му се закани на САД

Иранската Револуционерна гарда се закани со напади врз американски локации на Блискиот Исток доколку нејзините танкери бидат загрозени, објавија иранските државни медиуми. Предупредувањето доаѓа во момент кога Вашингтон го чека одговорот на Техеран на најновиот предлог за мировен договор, пишува The Guardian.„Секој напад врз ирански танкери и трговски бродови ќе резултира со силен удар врз американските центри во регионот и непријателските пловила“, порачаа гардиските сили ден откако американските сили, според наводите, нападнале два ирански танкери во Оманскиот Залив.Американскиот претседател Доналд Трамп во петокот изјави дека очекува ирански одговор на најновиот предлог на Вашингтон за мировен договор. Сепак, немаше јавна потврда дека Техеран испратил одговор преку пакистански посредници, а иранскиот министер за надворешни работи Абас Арагчи изрази сомнеж во доверливоста на американското раководство.„Неодамнешната ескалација на тензиите поттикната од американските сили во Персискиот Залив и нивните бројни прекршувања на примирјето фрлаат сомнеж врз мотивите и сериозноста на американската страна кога станува збор за дипломатијата“, изјави Арагчи во разговор со својот турски колега, пренесува иранската новинска агенција ISNA.Во петокот американски борбен авион пукал и онеспособил два танкери под иранско знаме, кои Вашингтон ги обвини дека ѝ пркосат на американската блокада на иранските пристаништа. Ирански воен функционер изјавил за локалните медиуми дека морнарицата возвратила на нападите. Инцидентот следел по ескалацијата претходната ноќ во Ормутскиот Теснец. Соединетите Американски Држави порачуваат дека контролата на Техеран врз клучната нафтена рута е неприфатлива.Вашингтон преку пакистански посредници му испратил на Иран предлог за продолжување на примирјето во Заливот за да се овозможат разговори за конечно решение на конфликтот кој започна пред 10 недели со американско-израелски напади врз Иран.

Свет | пред 2 седмици

САД укинале визи за 27 лица поради сомнеж за детска порнографија: Меѓу нив и работници на „Disney Cruise Line“

САД им ги укинале визите на 27 лица, претежно од Филипините, меѓу кои и вработени на бродовите на „Disney Cruise Line“, поради сомнеж за вмешаност во активности поврзани со материјали за сексуална злоупотреба на деца, соопшти CBP.Според наводите на CBP, операцијата била спроведена на осум крузери во пристаништето Сан Диего, а сите опфатени потоа биле вратени во своите матични земји.Агенцијата не прецизирала на кои бродови работеле, ниту дали меѓу нив имало патници, пренесува AP.„Disney Cruise Line“ соопшти дека има политика на нулта толеранција и целосно соработува со властите, со напомена дека поголемиот дел од вклучените не биле вработени во компанијата, додека оние кои биле – биле отпуштени.Групи за заштита на правата на имигранти и работници изразиле загриженост поради недостиг на информации за случајот и статусот на работниците.CBP навел дека за укинување на виза не е потребно подигнување на кривична пријава.

Свет | пред 2 седмици

Трамп: Од Венецуела изнесени 13,5 килограми високо збогатен ураниум

Американскиот претседател Доналд Трамп соопшти дека од Венецуела е изнесена залиха од 13,5 килограми високо збогатен ураниум од стар истражувачки реактор, во операција која заеднички ја спровеле САД, Обединетото Кралство и Венецуела.Американското Министерство за енергетика соопшти дека од Венецуела е отстранет ураниумот благодарение на „одлучното лидерство на претседателот Трамп“. Материјалот бил складиран во истражувачки реактор недалеку од главниот град Каракас.Меѓународната агенција за атомска енергија објави дека материјалот бил „безбедно транспортиран по копно и море од Јужна во Северна Америка“ по, како што наведуваат, сложена и чувствителна операција. Ураниумот потоа бил пренесен во комплекс на американското Министерство за енергетика во Јужна Каролина.Американската Национална управа за нуклеарна безбедност ја опиша операцијата како „победа за Америка, Венецуела и светот“. Администраторот Брендон Вилијамс изјави дека безбедното отстранување на целиот збогатен ураниум од Венецуела испраќа сигнал за обновена и стабилизирана Венецуела.Оваа операција доаѓа во период на значителна промена во односите меѓу Вашингтон и Каракас. По одлуката на Трамп од 3 јануари за приведување на венецуелскиот претседател Николас Мадуро, Белата куќа повторно воспостави односи со властите во Венецуела.Администрацијата на Трамп ја призна потпретседателката Делси Родригес и почна да ја отвора земјата за американски енергетски и рударски компании. Во последните месеци во Венецуела пристигнале и високи американски претставници, а повторно е отворена и американската амбасада.Бизнис круговите го поздравуваат почетокот на новата фаза на економски односи меѓу САД и Венецуела, која ги има најголемите докажани резерви на нафта во светот. Но продемократските активисти ја критикуваат администрацијата на Трамп поради приближување кон властите и маргинализирање на опозицијата.Трамп веќе неколку месеци се обидува да постигне сличен договор со Иран. Еден од неговите главни цели е Техеран да предаде околу 408 килограми високо збогатен ураниум, но досега тоа не е постигнато.

Свет | пред 2 седмици

Трамп: Русија и Украина договорија тридневно примирје од 9 до 11 мај

Американскиот претседател Доналд Трамп објави дека меѓу Русија и Украина ќе биде воспоставено тридневно примирје од 9 до 11 мај. Трамп ова го објави на социјалната мрежа „Truth Social“, наведувајќи дека за време на примирјето ќе бидат прекинати сите борбени активности и ќе биде извршена размена на по 1000 воени заробеници од секоја страна.„Задоволен сум што можам да објавам дека ќе биде воспоставено ТРИДНЕВНО ПРИМИРЈЕ (9, 10 и 11 мај) во војната меѓу Русија и Украина“, напиша Трамп.Тој додаде дека во Русија се одбележува Денот на победата, но и дека Украина била „голем дел и важен фактор во Втората светска војна“.„Примирјето ќе вклучува прекин на сите борбени активности, како и размена на 1000 заробеници од секоја земја“, напиша тој.Трамп тврди дека барањето за примирје дошло директно од него и дека цени што го прифатиле рускиот претседател Владимир Путин и украинскиот претседател Володимир Зеленски.„Ова барање директно го поставив јас и многу ценам што го прифатија претседателот Владимир Путин и претседателот Володимир Зеленски“, наведе тој. Трамп изрази надеж дека станува збор за почеток на завршување на војната.„Се надевам дека ова е почеток на крајот на една многу долга, смртоносна и тешка војна. Преговорите за завршување на овој голем конфликт, најголем од Втората светска војна, и понатаму траат и секој ден сме сè поблиску до договор“, напиша американскиот претседател.Засега нема официјална потврда од Москва ниту од Киев за деталите на примирјето ниту за размената на заробеници.

Свет | пред 2 седмици

Иран реагира на американскиот напад: „Тоа е разбојничко однесување“

Иранското Министерство за надворешни работи упати остро предупредување до САД, обвинувајќи ги за „авантуризам и разбојничко однесување“, по инцидент во кој, според Техеран, американски воен авион испукал врз два нафтени танкери кои пловеле кон Иран.Портпаролот на министерството, Есмаил Багаеи, преку објава на социјалната мрежа X упати жестоки критики кон Вашингтон, нарекувајќи ги американските потези резултат на „погрешни проценки и незаконска неодговорност“. Тој порача дека последиците од ваквите акции се веќе видливи на глобално ниво.Според иранските власти, американските постапки претставуваат одговор на наводната блокада на Ормускиот теснец, додека САД тврдат дека нивните мерки се реакција на иранските активности во регионот.Во меѓувреме, ситуацијата дополнително се усложнува со информациски и дипломатски конфликти, при што двете страни преку социјалните мрежи разменуваат обвинувања, што го отежнува јасното утврдување на состојбата на теренот.

Свет | пред 3 седмици

Ескалација меѓу САД и Иран: нови обвинувања и напади во Ормускиот Теснец

Иранскиот министер за надворешни работи, Абас Аракчи, ги обвини САД дека се впуштаат во „безобѕирна воена авантура“ секогаш кога се појавува можност за дипломатско решение, во време на зголемени тензии во регионот на Ормускиот Теснец.Во објава на социјалната мрежа X, Аракчи порача дека Иран „никогаш нема да се покори на притисок“, додека од Вашингтон пристигнуваат пораки дека примирјето сè уште е во сила и дека дипломатските напори продолжуваат.Американскиот државен секретар, Марко Рубио, изјави дека Иран треба да одговори на американските предлози, изразувајќи надеж дека понудата е сериозна. Во меѓувреме, претседателот Доналд Трамп преку социјалните мрежи порача дека секој нов напад ќе биде возвратен со уште посилен одговор, ако Иран не постигне договор.Ситуацијата дополнително се усложнува со нови инциденти во Персискиот Залив, каде што американската Централна команда соопшти дека биле онеспособени два празни ирански танкери кои, според нив, ја прекршиле блокадата.Од иранска страна, пак, се тврди дека САД извршиле напади врз танкери и крајбрежни области, додека Вашингтон ги обвинува иранските сили за ракетни и дронски напади врз американски бродови.Ормускиот Теснец, низ кој поминува околу 20 проценти од светската нафта и гас, останува клучна точка на глобалните енергетски и безбедносни тензии, при што секое нарушување на сообраќајот предизвикува нагли движења на цените на светските пазари.

Свет | пред 3 седмици

САД блокираат над 70 танкери поврзани со Иран

Американските воени сили спречуваат повеќе од 70 танкери да влезат во ирански пристаништа или да излезат од нив, соопшти американската Централна команда (CENTCOM).Според податоците на американската војска, станува збор за трговски бродови со капацитет за транспорт на повеќе од 166 милиони барели нафта, чија вкупна вредност се проценува на над 13 милијарди американски долари.Американскиот претседател Доналд Трамп на оваа мерка ѝ придава големо значење, опишувајќи ја како „челичен ѕид“. Тој смета дека силниот притисок врз иранскиот извоз на нафта може да го принуди Техеран на преговори, поради сериозното влијание врз иранската економија.

Свет | пред 3 седмици

Милијарди заработени на облози за нафта поврзани со најавите на Трамп

Американски и глобални регулатори истражуваат серија сомнителни трговски трансакции на нафтените пазари, вредни околу седум милијарди американски долари, кои се случиле непосредно пред клучни јавни најави на американскиот претседател Доналд Трамп поврзани со Иран.Според анализа на Reuters и податоци од берзите, станува збор за „short“ позиции, односно облози на пад на цените на нафтата, дизелот и бензинот, извршени на повеќе светски берзи во март и април.Трговците забележале невообичаена активност на 23 март, 7 април, 17 април и 21 април, при што секојпат цените на нафтата паднале веднаш по клучни политички најави или сигнали поврзани со Иран, што дополнително ја засилило сомнежливоста кај регулаторите.Американската Комисија за трговија со фјучерси на стоки (CFTC) и Министерството за правда на САД, според извештаите, веќе ги разгледуваат трансакциите, иако засега не е официјално потврдено дека е отворена формална истрага.Тргувањата се одвивале на големи берзи како Интерконтиненталната берза (ICE) и Чикашката трговска берза (CME), а дел од нив биле поврзани со најтечните нафтени деривати како „Brent“ и „West Texas Intermediate“.Експерти предупредуваат дека временската усогласеност на трансакциите со политичките најави може да укажува на можен пристап до внатрешни информации, иако засега нема докази за тоа кој стои зад овие тргувања или од каде потекнуваат.Случајот отвора нови прашања за транспарентноста на глобалните енергетски пазари и можната злоупотреба на чувствителни информации во период на зголемени геополитички тензии.

Свет | пред 3 седмици

Американски државјанин трипати приведен од имиграциски агенти

Американски државјанин од Алабама тврди дека во период од помалку од една година бил трипати приведен од федерални имиграциски агенти, иако секој пат покажувал документи со кои го докажувал своето државјанство.Станува збор за 26-годишниот градежен работник Леонардо Гарсија Венегас, кој во заедничка тужба наведува дека бил незаконски застануван, приведуван и апсен од страна на имиграциските служби во округот Болдвин, при што, според неговите тврдења, биле игнорирани неговите лични документи.Тужбата, поднесена пред федерален суд во јужниот округ на Алабама, ги оспорува практиките на американското Министерство за внатрешна безбедност, вклучително и овластувањата на имиграциската служба да влегува на приватни градилишта без налог, како и приведување лица без индивидуален сомнеж.Според судските документи, првиот инцидент се случил на 21 мај 2025 година, кога агенти упаднале на приватно градилиште каде што работел Венегас. И покрај тоа што им покажал официјален документ за државјанство, тој бил соборен на земја, врзан со лисици и задржан околу еден час, додека неговиот статус не бил проверен.Вториот случај се случил на 12 јуни 2025 година, кога бил приведен додека работел во недовршена куќа. Агентите, според тужбата, влегле без налог, повторно го игнорирале неговото тврдење дека е американски државјанин и го однеле на проверка, по што бил ослободен кога неговиот статус бил потврден.Третиот инцидент, според поднесокот, се случил на 2 мај годинава пред неговиот дом, кога бил повторно задржан, врзан и ставен во службено возило, иако повторно покажал документи за државјанство.Адвокатите на Венегас тврдат дека станува збор за образец на незаконско постапување и бараат судска забрана за понатамошни слични акции, како и надомест на штета.Американските имиграциски служби претходно изјавиле дека при нивните постапки немало неправилности и дека приведувањата биле дел од операции против лица без регулиран статус, додека случајот предизвика реакции и дебата за можни случаи на расно профилирање и злоупотреба на овластувањата.

Свет | пред 3 седмици

Рубио: Не разговарав со Мелони за повлекувањето на американските трупи

Американскиот државен секретар Марко Рубио изјавил дека со италијанската премиерка Џорџија Мелони не разговарал за можноста за повлекување американски војници од Италија.Изјавата следува откако САД објавија одлука за повлекување на 5.000 војници од Германија, додека американскиот претседател Доналд Трамп се закани со дополнително намалување на силите во Италија и Шпанија поради нивниот став кон војната со Иран.Рубио изјавил дека е „силен поддржувач на НАТО“, но притоа критикувал некои европски држави, особено Шпанија.„Одредени држави во Европа ни го ускратија користењето на тие бази во многу важна ситуација, што создаде непотребни опасности за САД за време на операциите против Иран“, изјавил Рубио.Тој додал дека САД преку НАТО можат „да ја проектираат својата моќ“ во други делови од светот во соработка со сојузниците.Во исто време, Рубио се обидел да го намали значењето на одлуката за намалување на бројот на американски војници во Германија.Тој посочил дека 5.000 војници претставуваат само 14 проценти од вкупниот американски контингент во таа држава и дека со ова бројката се враќа на нивото од 2022 година.

Свет | пред 3 седмици

Рубио: Чекам одговор од Иран за преговорите за завршување на војната

Американскиот државен секретар Марко Рубио изјавил во Рим дека САД денеска очекуваат одговор од Иран во врска со преговорите за завршување на војната.„Се надевам дека станува збор за сериозна понуда“, изјавил Рубио.Тој додал дека за САД би било „неприфатливо“ доколку се покажат точни извештаите дека Иран се обидува да воспостави нова агенција за контрола на поморскиот сообраќај и наплата на премин низ Ормутскиот теснец.

Свет | пред 3 седмици

Ирански функционер: „Наместо САД, треба да се викаат Држави на идиоти“

Иранскиот пратеник Ебрахим Резаи жестоко ги навредил САД во објава на социјалните мрежи, додека продолжуваат тензиите во и околу Ормутскиот теснец.„Со овој претседател и тој идиотски министер за одбрана, мислам дека наместо САД треба да зборуваме за СДИ – Соединетите Држави на идиоти“, напишал Резаи на платформата Икс.Тој додал дека американските поморски сили нема да можат да минат низ Ормутскиот теснец дури ни „со целата морнарица“, а Вашингтон го обвинил дека се однесува „како разгалено дете“.Коментарите следуваат по судирите меѓу иранските и американските сили. Двете страни меѓусебно се обвинуваат за кршење на едномесечното примирје поврзано со конфликтот што започна кон крајот на февруари.

Свет | пред 3 седмици

Иран со заканувачка порака до САД: „Ако видиш дека лавот ги покажува забите, немој да мислиш дека лавот се смее“

Портпаролот на Министерството за надворешни работи на Иран, Есмаил Багаеи, објавил предупредување на арапски јазик на социјалните мрежи по судирите меѓу иранските и американските сили во и околу Ормутскиот теснец.„Ако видиш дека лавот ги покажува забите, немој да мислиш дека лавот се смее“, напишал Багаеи на платформата Икс.Објавата следувала по размената на оган меѓу иранските и американските сили. Двете страни меѓусебно се обвинуваат за кршење на едномесечното примирје поврзано со конфликтот што започна по американско-израелските напади врз Иран кон крајот на февруари.Американскиот претседател Доналд Трамп изјавил дека три разурнувачи на американската морнарица биле нападнати додека минувале низ Ормутскиот Теснец.Од друга страна, иранската војска го обвинила САД за напад врз ирански пловила.

Свет | пред 3 седмици

ЕУ и САД блиску до договор за намалување на царините

Европска унија напредува кон постигнување договор со САД за намалување на царините до почетокот на јули, соопшти претседателката на Европска комисија, Урсула фон дер Лајен.По разговорот со американскиот претседател Доналд Трамп, таа изјавила дека двете страни се посветени на спроведување на трговскиот договор, се наведува во соопштението објавено на интернет-страницата на Европската комисија.Фон дер Лајен истакнала дека со Трамп разговарале и за состојбата на Блискиот Исток, при што двајцата се согласиле дека Иран никогаш не смее да поседува нуклеарно оружје, бидејќи тоа, според неа, би претставувало закана за регионалната стабилност и светската безбедност.Трамп, по разговорот со претседателката на Европската комисија, соопштил дека поставил рок до почетокот на јули Европската Унија да ги исполни своите обврски од трговскиот договор со САД. Во спротивно, Вашингтон ќе ги зголеми царините кон ЕУ.

Свет | пред 3 седмици

(Видео) Иранска телевизија објави снимки од нападите врз американски разурнувачи

Иранската државна телевизија објави видеоснимки за кои тврди дека го прикажуваат синоќешното лансирање ракети и беспилотни летала кон три американски разурнувачи во Ормутскиот теснец.Според иранските медиуми, нападот бил изведен за време на неодамнешниот судир во Ормутскиот теснец, еден од најважните поморски правци за светската трговија со нафта.Државниот медиум Прес ТВ објави дека иранските сили употребиле ракети и беспилотни летала против американските воени бродови. Засега нема официјална потврда од САД за наводите или за евентуални последици од нападот.Тензиите меѓу Иран и САД дополнително се зголемија по последните воени судири во регионот.

Свет | пред 3 седмици