САД

Иран ги засилува подготовките за продолжување на конфликтот

Институтот за воени студии оцени дека Иран веројатно се подготвува за обновување на конфликтот со САД и Израел, додека сè уште располага со значителни резерви на ракети.Вашингтонскиот институт наведува дека знаци за подготовки за нова војна се воените движења и вежбите за внатрешна безбедност што иранските сили ги спроведуваат последниве денови.Единицата „Мохамад Расул Олах“, која делува во рамките на Револуционерната гарда во провинцијата Техеран, во вторникот извела вежба што, според државните медиуми, имала цел „спротивставување на потезите на непријателот“.Иранската војска требало да одржи и вежби во пристаништето Махшахр, во близина на Персискиот Залив.Според проценките на институтот, Иран и понатаму располага со околу 70 проценти од своите предвоени ракетни резерви, а повторно воспоставил оперативен пристап до 30 од 33 ракетни локации долж Ормускиот Теснец.Во анализата се наведува и дека Техеран се обидува да ја заштити својата воена опрема преку преместување во земји за кои смета дека нема да бидат цел на американски напади.Во меѓувреме, мировните преговори се во застој, а иранските власти повторно порачаа дека нема да преговараат без гаранции против идни напади и без признавање на нивниот суверенитет над Ормускиот Теснец.Американскиот претседател Доналд Трамп предупреди дека примирјето на Блискиот Исток е „на апарати за одржување во живот“, додека Техеран порача дека САД ќе се соочат со нови порази доколку ја отфрлат дипломатијата.

Свет | пред 2 седмици

Си-Ен-Ен: Кризата во Ормускиот теснец влегува во опасна пат-позиција

Во најтешките денови на Кубанската ракетна криза, американскиот претседател Џон Ф. Кенеди приватно се прашувал која страна прва ќе попушти.Според анализа на Си-Ен-Ен, слична логика денес владее околу Ормускиот теснец, каде што Иран практично го ограничи нормалниот комерцијален поморски сообраќај, барајќи бродовите да минуваат низ ирански води и да плаќаат транзитни такси.Како одговор, САД вовеле блокада на иранските пристаништа, порачувајќи дека ако светот не може слободно да го користи теснецот, тогаш нема да може ниту Иран.Според анализата, двете страни веруваат дека времето работи во нивна корист и дека другата страна прва ќе попушти.Иран, и покрај тешката економска криза и инфлацијата, покажува подготвеност да издржи долгорочен притисок за да го зачува својот систем и влијание во регионот.Од друга страна, американскиот претседател Доналд Трамп тврди дека САД не чувствуваат голем притисок, иако нарушувањата во снабдувањето со нафта постепено влијаат врз светската економија.Си-Ен-Ен наведува дека постојат три можни сценарија: продолжување на пат-позицијата, дипломатски компромис или воено решение.Но, според анализата, ниту една од опциите не нуди брз и стабилен излез од кризата.Во текстот се посочува и дека заливските држави веќе почнале да развиваат алтернативни енергетски и транспортни рути за да ја намалат зависноста од Ормускиот теснец и од иранското влијание врз него.

Свет | пред 2 седмици

Иран: Нема повлекување, вооружените сили се подготвени

Иранските вооружени сили се на „највисоко ниво на готовност“ додека примирјето со САД останува крајно неизвесно, изјави портпаролот на иранската армија Мохамад Акрами Нија.Тој изјави дека морнарицата на Корпусот на чувари на исламската револуција го контролира западниот дел од Ормускиот Теснец, додека редовната морнарица е задолжена за источниот дел.„Иранската армија го спречи непријателот да оствари која било цел, а по оваа војна повеќе нема повлекување“, порача генералот.Акрами Нија тврди и дека американска воена опрема била уништена во бази низ Блискиот Исток, без да изнесе детали.Во меѓувреме, италијанскиот министер за одбрана Гвидо Крозето најави дека Италија ќе распореди два брода за деминирање поблиску до Персискиот Залив за побрза реакција доколку се создадат услови за обезбедување на Ормускиот Теснец.Крозето изјави дека бродовите прво ќе бидат распоредени во источниот Медитеран, а потоа и во Црвеното Море, како превентивна мерка.Тој додаде дека за каква било италијанска воена мисија во Ормускиот Теснец ќе биде потребно одобрение од парламентот.Според Крозето, околу 40 држави размислуваат да се приклучат на потенцијална меѓународна мисија за обезбедување на теснецот, додека 24 веќе начелно изразиле подготвеност за учество.Францускиот претседател Емануел Макрон најави нова иницијатива во Обединетите нации за создавање рамка за идна меѓународна мисија во Ормускиот Теснец.

Свет | пред 2 седмици

Што се случува со крајот на војната во Украина?

Кремљ денеска порача дека Украина мора да ги повлече своите сили од Донбас и од териториите што Москва ги смета за дел од Русија, пред да може да има сериозни мировни преговори.Портпаролот на Кремљ, Дмитриј Песков, изјави дека украинскиот претседател Володимир Зеленски треба да нареди повлекување на украинските сили за да се „отвори коридор“ кон мировни преговори.„Војната може да запре во секој момент“, изјави Песков, доколку Киев ги прифати руските барања.Русија подолго време бара Украина да се откаже од окупираните делови на Доњецк, Луганск, Запорожје и Херсон, што Киев категорично го одбива.Во меѓувреме, американскиот претседател Доналд Трамп изјави дека нема никаков договор со Владимир Путин според кој Русија би го добила целиот Донбас како дел од евентуален мировен договор.„Не“, кусо одговори Трамп на прашањето дали постои такво разбирање со Путин.Тој сепак оцени дека војната се приближува кон крајот и додаде дека, доколку биде потребно, би отпатувал и во Русија за да помогне во постигнување договор.Рускиот министер за надворешни работи Сергеј Лавров изјави дека, и покрај позитивните сигнали од Вашингтон, во реалноста нема вистински напредок ниту во односите меѓу САД и Русија, ниту во мировниот процес.

Свет | пред 2 седмици

Пентагон подготвува набавка на повеќе од 10.000 евтини ракети

Пентагон денеска ќе објави рамковни договори што отвораат можност за набавка на повеќе од 10.000 евтини проектили сместени во контејнери, со почеток на испораките од 2027 година.Според Reuters, договорите се склучени со компаниите Андурил, КоАспајр, Леидос и Зоун 5 и се дел од програмата за „нискобуџетна муниција во контејнери“.Тестирањето на проектилите треба да започне уште во јуни годинава.Иако вредноста на договорите не е објавена, од Пентагон посочуваат дека тие поставуваат основа за идни договори за сериско производство.Американската војска подолго време поддржува вакви системи бидејќи овозможуваат мобилно и поевтино распоредување на ракети преку стандардни товарни контејнери.Паралелно е најавен и посебен договор со стартап-компанијата Кастелион за хиперсоничните ракети „Блекберд“.Планот предвидува најмалку 500 ракети годишно, а Пентагон бара средства за набавка на повеќе од 12.000 вакви проектили во следните пет години.Помошникот на американскиот министер за одбрана, Мајкл Дафи, изјави дека САД сè повеќе се свртуваат кон нови компании надвор од традиционалните воени добавувачи со цел да ја прошират одбранбената индустриска база.

Свет | пред 2 седмици

САД и Кина заеднички против наплата за премин низ Ормутскиот теснец

САД и Кина зазедоа заеднички став дека ниту една држава не смее да наплаќа такси за премин низ меѓународни водни патишта како Ормутскиот Теснец.Според Стејт департментот, позицијата била усогласена за време на телефонски разговор во април меѓу американскиот државен секретар Марко Рубио и кинескиот министер за надворешни работи Ванг Ји.Вашингтон соопшти дека Рубио го отворил прашањето за можноста и кинеските бродови да бидат обврзани да плаќаат такси, со цел Пекинг да изврши дополнителен дипломатски притисок врз Иран.Од кинеската амбасада во Вашингтон порачаа дека безбедноста, стабилноста и непречениот поморски сообраќај низ регионот се во интерес на целата меѓународна заедница.Иранските власти претходно ја претставија идејата за наплата како „безбедносна такса“ за бродовите што минуваат низ теснецот, додека американската администрација предупреди дека компаниите што би прифатиле такви плаќања може да се соочат со санкции.Во меѓувреме, стотици комерцијални бродови остануваат заглавени во Персискиот Залив, а големите транспортни компании предупредуваат дека транзитот низ Ормутскиот Теснец и натаму е сериозно отежнат.И покрај согласноста околу ова прашање, односите меѓу Вашингтон и Пекинг остануваат обременети со несогласувања, вклучително и околу санкциите поврзани со иранската нафта и безбедноста на поморските рути.Во тој контекст се очекува претстојната средба меѓу Доналд Трамп и Си Џинпинг да покаже дали оваа координација може да прерасне во поширока соработка.

Свет | пред 2 седмици

Инфлацијата во САД достигна највисоко ниво во речиси три години

Растот на потрошувачките цени во САД продолжи и во април, при што инфлацијата достигна највисоко ниво во речиси три години, покажуваат податоците на американското Министерство за труд.Според објавените бројки, потрошувачките цени во април пораснале за 3,8 проценти на годишно ниво, што е најсилен раст од мај 2023 година. Во март инфлацијата изнесуваше 3,3 проценти.Главен двигател на растот повторно беа цените на енергијата. Тие во април скокнаа за 17,9 проценти во споредба со истиот период лани, додека бензинот поскапе за 28,4 проценти.Раст е забележан и кај храната, чии цени се зголемија за 2,9 проценти на годишно ниво.Кога од пресметката ќе се исклучат храната и енергијата, таканаречената базична инфлација изнесуваше 2,8 проценти, што е исто така повисоко од март.На месечно ниво, инфлацијата во април сепак благо забави. Потрошувачките цени пораснаа за 0,6 проценти во однос на март, кога растот беше 0,9 проценти.Аналитичарите оценуваат дека високите цени на нафтата, поттикнати од конфликтите на Блискиот Исток, продолжуваат силно да влијаат врз американската економија и врз цените на горивата.Се очекува американската централна банка – Federal Reserve – да ги задржи каматните стапки непроменети уште подолг период.Според агенцијата Reuters, растот на инфлацијата може да претставува и политички проблем за американскиот претседател Доналд Трамп пред претстојните избори за Конгресот, бидејќи високите цени на горивата и животните трошоци остануваат едно од главните незадоволства кај граѓаните.

Свет | пред 2 седмици

Хегсет: САД имаат воени средства за отворање на Ормускиот Теснец

Американскиот министер за одбрана Пит Хегсет се соочи со остри прашања во Сенатот околу можноста за повторно отворање на Ормускиот Теснец.Демократскиот сенатор Кристофер Марфи предупреди дека високите цени на горивото сериозно ги погодуваат американските семејства и земјоделци.„Како ќе го отвориме повторно теснецот? На нашите гласачи ништо не им е поважно од решавањето на дивите цени на горивото“, рече Марфи.Тој праша дали на крајот ќе биде потребна дипломатија за да се убеди Иран повторно да го отвори теснецот.Хегсет одговори дека САД „сигурно имаат воени средства“ за отворање на Ормускиот Теснец, вклучувајќи операции на копно, поморски капацитети и поморска блокада.Марфи го прекина, тврдејќи дека такви информации не биле презентирани на затворените брифинзи во Сенатот.Во продолжение, Хегсет изјави дека долгорочно најпосакувано решение би било договор со Иран.„Лошиот актер тука е Иран, кој практично со пиратство го затвора теснецот“, рече американскиот министер за одбрана.Тој додаде дека блокадата влијае врз бродови од целиот свет, а не само врз американски пловила.

Свет | пред 2 седмици

Американски воени авиони без дозвола влегле во австрискиот воздушен простор

Австриското воено воздухопловство два дена по ред ги активирало своите борбени авиони „Еврофајтер“ поради американски воени летала што без дозвола влегле во воздушниот простор на неутрална Австрија.За инцидентите, кои се случиле во неделата и понеделникот, информираше портпаролот на австриската војска, Михаел Бауер.Според информациите, во неделата два авиони од типот PC-12, што американското воено воздухопловство ги користи под ознаката U-28A, летале над Горна Австрија без потребни дозволи за прелет.Откако биле пресретнати од австриските „Еврофајтери“, американските авиони се свртеле и се вратиле кон Минхен.Сличен инцидент бил регистриран и во понеделникот, кога повторно биле забележани два американски воени авиони PC-12 во австрискиот воздушен простор.За разлика од првиот случај, каде што било потврдено дека не постоеле дозволи за прелет, за вториот инцидент сè уште не е познато дали леталата имале соодветни одобренија.Австриската војска засега не соопшти какви последици ќе има, но Бауер изјави дека прашањето ќе се решава по дипломатски пат.Авионот PC-12 е произведен од швајцарската компанија Пилатус Еркрафт, а американската армија го користи главно за извидување и надзор.

Свет | пред 2 седмици

Демократски сенатор го нападна Хегсет: „Повеќе се занимава со културни војни“

Демократскиот сенатор Крис Кунс го обвини американскиот министер за одбрана Пит Хегсет дека е „повеќе посветен на културните војни отколку на победа во вистинска војна“.За време на сослушување пред одбранбениот поткомитет на Сенатот, Кунс остро ја критикуваше политиката на Пентагон и одлуките на Хегсет во услови на тековни глобални конфликти.„Господине министре, изгледа дека понекогаш сте повеќе посветени на културните војни отколку на победа во вистинска војна“, изјави Кунс.Како примери ги наведе забраната на книги и отстранувањето содржини поврзани со DEI политиките – разновидност, еднаквост и инклузивност – од интернет-страниците на институциите.Сенаторот дополнително ја доведе во прашање и одлуката за смена на високи воени функционери.„Шокиран сум што среде вистинска војна го сменивте началникот на Генералштабот на копнената војска со 44 години служба и го разрешивте секретарот на морнарицата среде поморска блокада“, рече Кунс.Тој притоа мислеше на Ренди Џорџ и Џон Филан, кои минатиот месец ги напуштија функциите.

Свет | пред 2 седмици

Хегсет ќе го придружува Трамп на патувањето во Кина

Американскиот министер за одбрана, Пит Хегсет, потврди дека ќе го придружува американскиот претседател Доналд Трамп на претстојната посета на Кина.Посетата доаѓа во период на неизвесност околу примирјето со Иран и зголемени геополитички тензии.Запрашан за продажбата на оружје на Тајван, Хегсет изјави дека Трамп ќе ги донесе сите одлуки поврзани со тоа прашање.„Претседателот наскоро патува и јас ќе бидам со него, а тој ќе ги донесе сите одлуки поврзани со тоа“, рече Хегсет.Се очекува Трамп денеска да отпатува од Вашингтон за Пекинг.Во меѓувреме, иранскиот амбасадор во Кина изјави дека Пекинг може да одигра важна улога во намалувањето на тензиите меѓу САД и Иран.

Свет | пред 2 седмици

Трамп: Иранците ни рекоа дека ќе добиеме „нуклеарна прашина“

Американскиот претседател Доналд Трамп изјави дека е уверен оти Иран ќе престане со збогатување ураниум и ќе се откаже од каков било обид за развој на нуклеарно оружје.Во интервју за радио-емисијата „Sid and Friends in the Morning“ на WABC, Трамп рече дека лично учествува во разговорите со иранските претставници.„Сто проценти ќе престанат“, изјави Трамп, одговарајќи на прашање дали верува дека Иран може да биде спречен да развие нуклеарна бомба.Тој додаде дека Иранците му порачале дека САД ќе добијат „прашина“.„Јас тоа го нарекувам нуклеарна прашина, бидејќи тоа е соодветно име. И ќе ја добиеме“, рече американскиот претседател.Трамп истовремено нагласи дека Вашингтон нема потреба да брза кон постигнување договор со Техеран.„Нема ништо да забрзуваме, имаме блокада“, изјави тој.

Свет | пред 2 седмици

Пентагон: Војната со Иран досега ги чинела САД 29 милијарди долари

Американската воена операција против Иран досега ги чинела САД околу 29 милијарди долари, што е повеќе од првичната проценка од 25 милијарди долари што Пентагон ја достави до Конгресот пред две недели.Информацијата ја соопшти Џеј Херст, кој моментално ја извршува функцијата контролор на Пентагон, за време на сослушување пред Комитетот за буџетски издвојувања во Претставничкиот дом.Според него, проценките постојано се ревидираат поради новите трошоци за поправка и замена на опрема, како и поради оперативните трошоци за одржување на американските сили на терен.Американската телевизија CNN претходно објави дека проценката од 25 милијарди долари била потценета и дека не ги вклучувала трошоците за санирање на штетите врз американските бази на Блискиот Исток.Еден извор за медиумите изјавил дека реалната цена на конфликтот, доколку се пресметаат поправките и замената на оштетената опрема, би можела да достигне меѓу 40 и 50 милијарди долари.Американскиот министер за одбрана Пит Хегсет изјавил дека Пентагон ќе сподели дополнителни информации за трошоците „кога тоа ќе биде релевантно и потребно“.

Свет | пред 2 седмици

Иран: Доколку САД повторно нè нападне, ќе збогатиме ураниум до ниво на нуклеарна бомба

Иранскиот парламент ќе разгледува можност за збогатување на ураниум до 90 проценти во случај на нов американски напад, изјави пратеникот Ебрахим Резаи.Резаи, кој е портпарол на парламентарниот Комитет за национална безбедност и надворешна политика, навел дека тоа е една од клучните опции за кои ќе се разговара во Техеран.„Една од иранските опции во случај на повторен напад би можело да биде збогатување до 90 проценти. Тоа ќе го анализираме во парламентот“, изјавил Резаи.За работа на нуклеарни електрани обично е потребен ураниум збогатен меѓу 3 и 5 проценти, додека за производство на нуклеарно оружје се бара ниво од 90 проценти.Заканата доаѓа откако американските медиуми објавија дека американскиот претседател Доналд Трамп разгледува нови удари врз Иран со цел да ја ослабне неговата преговарачка позиција.Трамп претходно ја оправдуваше војната со тврдењето дека на Иран никогаш не смее да му биде дозволен развој на нуклеарно оружје.

Свет | пред 2 седмици

САД воведуваат нови санкции поради испораките на иранска нафта во Кина

Американската влада воведе санкции против три лица и девет компании, меѓу кои фирми со седиште во Хонг Конг и Обединетите Арапски Емирати, поради наводна помош на Иран во извозот на нафта во Кина.Одлуката на американското Министерство за финансии доаѓа неколку дена пред најавената средба меѓу американскиот претседател Доналд Трамп и кинескиот претседател Си Ѓинпинг, на која се очекува да се разговара и за кризата со Иран и повторното отворање на Ормутскиот теснец.Американските власти соопштија дека санкциите на Канцеларијата за контрола на странски средства се насочени кон лица и компании кои ѝ помагале на Иранската револуционерна гарда во продажба и транспорт на иранска нафта во Кина преку мрежа од параван-компании.Американскиот министер за финансии Скот Бесент изјави дека администрацијата на Трамп ќе продолжи да користи санкции за да го спречи финансирањето на иранската војска, оружените програми и регионалните сојузници на Техеран.„Министерството за финансии ќе продолжи да го отсекува иранскиот режим од финансиските мрежи што ги користи за терористички активности и дестабилизација на глобалната економија“, изјави Бесент.Американскиот Стејт департмент истовремено понуди награда до 15 милиони долари за информации што би помогнале во нарушување на финансиските механизми на Иранската револуционерна гарда.Меѓу санкционираните компании се „Хонг Конг Блу Оушн“, „Хонг Конг Санму“, „Оушн Алијанц Шипинг“ од Дубаи и „Атик Енерџи“ од Шарџа, за кои Вашингтон тврди дека учествувале во транспорт и продажба на иранска нафта преку таканаречената „сенковна флота“.На листата се најдоа и компании од Оман и Дубаи, како и фирми за кои САД тврдат дека склучувале договори вредни десетици милиони долари за купување иранска нафта.

Свет | пред 2 седмици

САД во борба против скапото гориво: Ослободуваат уште 53 милиони барели нафта од резервите

Американското Министерство за енергетика синоќа објави дека ќе ослободи дополнителни 53,3 милиони барели нафта од Стратешките резерви со цел да се стабилизира пазарот погоден од војната меѓу САД и Иран.Мерката е дел од поширок глобален план за намалување на енергетската криза и инфлаторните притисоци.Оваа испорака е дел од американската обврска на пазарот да пласира вкупно 172 милиони барели нафта. На глобално ниво, повеќе од 30 држави, под координација на Меѓународната агенција за енергија, планираат да ослободат околу 400 милиони барели.Од почетокот на конфликтот, цената на суровата нафта пораснала за околу 45 проценти, односно за приближно 30 долари по барел.Главна причина за кризата останува затворањето на Хормушкиот Теснец, низ кој пред војната минувале околу 20 проценти од светските испораки на нафта и гас.Според аналитичарите, дневно се блокирани меѓу 10 и 12 милиони барели сурова нафта и покрај алтернативните рути што ги користат Саудиска Арабија и Обединетите Арапски Емирати.Американските Стратешки резерви се најголемите резерви на нафта за итни случаи во светот и се одржуваат од 1975 година. Досега од нив на пазарот веќе биле пуштени околу 35 милиони барели.Минатата година глобалната потрошувачка на нафта изнесувала околу 103 милиони барели дневно, поради што ваквите интервенции се сметаат за неопходни за спречување дополнителен удар врз светската економија.

Свет | пред 2 седмици

Иран до Трамп: Не мисли дека ќе влезеш триумфално во Пекинг

Иран испрати остра порака до американскиот претседател Доналд Трамп пред неговото патување во Пекинг на средба со кинескиот лидер Си Џинпинг.Советникот на иранскиот врховен лидер, Али Акбар Велајати, порача дека Трамп не треба да го толкува моменталниот прекин на борбите како победа на САД.„Господине Трамп, немојте ни да помислите дека, користејќи го моменталното затишје во Иран, ќе можете триумфално да влезете во Пекинг“, изјави Велајати, а пренесе иранската полуофицијална агенција Тасним.Тој додаде дека Иран ги победил САД „на бојното поле“ и предупреди Вашингтон да не се однесува како победник ниту во дипломатијата.„Ве победивме на бојното поле, затоа никогаш немојте да мислите дека ќе излезете како победник и во дипломатијата“, рече Велајати.Изјавата доаѓа откако Трамп во понеделникот кажа дека едномесечното примирје меѓу САД и Иран е „на апарати“.И покрај формалниот прекин на огнот, во изминатиот период двете страни продолжија со меѓусебни напади и тензии во стратешки важниот Ормуски теснец.

Свет | пред 2 седмици

Би-Би-Си: САД тајно преговараат со Данска за нови бази на Гренланд

Соединетите Американски Држави водат интензивни и доверливи разговори со Данска за значително проширување на американското воено присуство на Гренланд, објави Би-Би-Си, повикувајќи се на повеќе извори запознаени со преговорите.Според информациите, Вашингтон сака отворање на три нови воени бази на југот од Гренланд, територија што има полуавтономен статус во рамки на Данска. Разговорите, наводно, значително напреднале во последните месеци.Ова доаѓа по контроверзните изјави на американскиот претседател Доналд Трамп, кој уште во јануари порача дека САД треба да го „поседуваат“ Гренланд за да спречат Русија или Кина да воспостават влијание врз островот. Тогаш тој рече дека тоа може да се направи „на лесен или на тежок начин“.Иако Белата куќа потврди дека има разговори со Данска и Гренланд, одби да открие детали. Сепак, американски функционери за Би-Би-Си изјавиле дека во Вашингтон владее оптимизам и дека преговорите одат во „вистинска насока“.Според извори вклучени во разговорите, американската страна предложила трите нови бази формално да бидат прогласени за суверена територија на САД. Главната цел на базите би била надзор на руските и кинеските поморски активности во стратешкиот северноатлантски коридор познат како „ГИУК јаз“, меѓу Гренланд, Исланд и Велика Британија.Една од потенцијалните локации е Нарсарсуак, каде порано постоела американска база и веќе има аеродромска инфраструктура. Аналитичарите сметаат дека и останатите бази би се граделе на места со постоечки пристаништа или писти, со цел да се намалат трошоците.Во преговорите, според Би-Би-Си, американските претставници не ја спомнувале можноста за насилно преземање на Гренланд, иако таквите закани претходно предизвикаа тензии меѓу Вашингтон, Данска и НАТО.Разговорите ги води Мајкл Нидем од Стејт департментот, кој има задача да најде решение што ќе ги задоволи амбициите на Трамп, но и данските „црвени линии“ за зачувување на суверенитетот.Во моментов, САД имаат само една база на Гренланд – Питуфик на северозападот на островот, која е дел од системот НОРАД за рано предупредување од ракетни напади. За време на Студената војна, Америка имала дури 17 воени објекти на Гренланд.Експерти за арктичка безбедност за Би-Би-Си велат дека Вашингтон можел да ги постигне своите цели и без јавните закани на Трамп, но истовремено предупредуваат дека секој безбедносен вакуум на Арктикот брзо би бил пополнет од Русија и Кина.

Свет | пред 2 седмици

Си-ен-ен: Трамп губи трпение, враќањето на големи воени операции е сѐ поверојатно

Американскиот претседател Доналд Трамп станува сѐ понетрпелив поради начинот на кој Иран ги води преговорите за прекин на конфликтот, а во Белата куќа повторно сериозно се разгледува можноста за враќање на големи воени операции, објави Си-ен-ен, повикувајќи се на извори блиски до администрацијата.Според телевизијата, Трамп е особено бесен што Ормускиот теснец и натаму останува затворен, додека во исто време смета дека поделбите во иранското раководство го блокираат секој можен напредок во разговорите за нуклеарната програма.Последниот одговор што пристигнал од Техеран, Трамп јавно го оценил како „целосно неприфатлив“ и „глупав“, по што дел од американските функционери почнале да се сомневаат дали Иран воопшто сака сериозно да преговара.Во самата американска администрација, според Си-ен-ен, се создале две спротивставени струи. Дел од функционерите, меѓу кои и луѓе од Пентагон, бараат поагресивен пристап и нови таргетирани воздушни удари со цел дополнително да се ослабне позицијата на Техеран и да се принуди Иран на отстапки.Од друга страна, дел од советниците и понатаму инсистираат дипломатијата да добие уште една шанса пред евентуална нова воена ескалација.Во извештајот се наведува и дека луѓе блиски до Трамп бараат Пакистан, кој посредува во комуникацијата меѓу Вашингтон и Техеран, да биде многу подиректен кон иранските власти. Во Белата куќа постои сомнеж дека пакистанските посредници испраќаат „ублажена“ верзија од пораките и незадоволството на Трамп.Регионални извори за Си-ен-ен тврдат дека Иран бил предупреден дека ова можеби е последна можност за дипломатски договор, но дека Техеран не покажува знаци дека е подготвен да попушти.Трамп вчера повторно се сретнал со тимот за национална безбедност во Белата куќа, каде се разгледувале сите можни сценарија. Според извори на телевизијата, конечна одлука за следните чекори се очекува наскоро, пред неговото патување во Кина.

Свет | пред 2 седмици

Доналд Трамп: Многу го почитувам кинескиот лидер

Американскиот претседател Доналд Трамп го пофали својот „одличен однос“ со кинескиот лидер Си Џинпинг во пресрет на нивната средба во Пекинг оваа недела.„Многу го почитувам, се надевам дека и тој ме почитува мене“, изјави Трамп.Говорејќи за своите планови поврзани со повторното отворање на Ормускиот Теснец, Трамп рече дека Си „би сакал тоа прашање да се реши“.Се очекува Доналд Трамп за време на посетата да се обиде да го убеди Си Џинпинг да го искористи влијанието на Кина врз Иран, за Техеран да прифати отстапки.Но, конфликтот меѓу САД, Израел и Иран, како и тензиите во Ормускиот Теснец, дополнително ги оптоварија односите меѓу Вашингтон и Пекинг и ја загрозија кинеската енергетска безбедност.

Свет | пред 2 седмици

Трамп води американски бизнис-елити во Пекинг на разговори со Кина

Илон Маск и директорот на Apple, Тим Кук, се поканети да му се придружат на американскиот претседател Доналд Трамп на претстојната посета на Кина, каде што ќе се сретне со кинескиот лидер Си Џинпинг.Според „Блумберг“, во делегацијата се очекува да бидат и директори на неколку големи американски компании и финансиски институции, меѓу кои Дејвид Соломон, Лери Финк и Џејн Фрејзер.Целта на посетата е постигнување нови деловни договори и економска соработка меѓу САД и Кина.Кинеската државна агенција „Синхуа“ потврди дека Доналд Трамп ќе престојува во Кина од 13 до 15 мај.

Свет | пред 2 седмици

(Видео) Трамп разочаран од Курдите: Само земаат, а не помагаат

Американскиот претседател Доналд Трамп изјави дека е „многу разочаран од Курдите“, зборувајќи за обидите за вооружување на населението во Иран.„Иранците сакаат да излезат на улиците. Немаат оружје, немаат пушки. Мислевме дека Курдите ќе дадат оружје, но Курдите нè разочараа. Курдите само земаат, земаат и земаат“, рече Трамп пред новинарите во Овалната соба.Тој додаде дека Курдите имаат „одличен углед во Конгресот“, но според него „жестоко се борат само кога се платени“.Си-Ен-Ен претходно објави дека Централната разузнавачка агенција работела на план за вооружување на курдските сили со цел поттикнување народен бунт во Иран.Трамп тврди дека уште од почетокот бил против таквиот план.„Реков дека тоа нема да успее. Не се согласував со тоа што го направија. Реков дека оружјето никогаш нема да стигне таму. И бев во право“, изјави Доналд Трамп.Според него, дел од испратеното оружје и муниција било задржано и никогаш не било испорачано.

Свет | пред 2 седмици

Трамп: Со Иран имав договор четири или пет пати, па се предомислуваа

Американскиот претседател Доналд Трамп изјави дека дипломатско решение за конфликтот со Иран сè уште е можно, иако, како што рече, иранското раководство постојано го менува ставот.На прашањето дали верува дека мирно решение е достижно, Трамп одговори: „Не, мислам... многу е можно“.„Имав договор со нив четири или пет пати. Потоа го менуваат мислењето. Раководството се многу нечесни луѓе“, изјави Доналд Трамп.Тој додаде дека повеќепати во бизнисот се соочувал со слични ситуации, кога договорите биле одложувани и менувани во последен момент.„Со тие луѓе ќе договорите работа, а следниот ден ќе ви испратат документ за кој му требаат пет дена да стигне, иако можел да стигне за 20 минути“, рече Трамп.Во изјавата тој алудираше и на внатрешните состојби во иранското раководство, тврдејќи дека „никој не сака да биде претседател“.Инаку, актуелен претседател на Иран е Масуд Пезешкијан, избран во 2024 година.

Свет | пред 2 седмици

Трамп: Сè уште верувам во договор со сегашното иранско раководство

Американскиот претседател Доналд Трамп изјави дека и понатаму верува оти САД може да постигне мировен договор со актуелното раководство на Иран.„Имате умерени и имате лудаци. Мислам дека умерените имаат поголема почит. Лудаците сакаат да се борат до крај. Тоа би била многу кратка борба“, рече Трамп.Тој направи споредба и со состојбите во Америка.„Како и нашата земја, и ние имаме лудаци. Ги нарекувам лудаци, ги нарекувам и глупави луѓе. Во Иран има умерени кои очајно сакаат договор, а потоа има и лудаци“, изјави Доналд Трамп.

Свет | пред 2 седмици

Трамп: Примирјето меѓу САД и Иран е „на апарати“

Американскиот претседател Доналд Трамп изјави дека примирјето меѓу САД и Иран е „на апарати за одржување во живот“.„Тоа ви е како кога доктор ќе влезе и ќе каже: Господине, вашата сакана личност има еден процент шанси да преживее“, рече Трамп за време на настан во Овалната соба.Примирјето што Доналд Трамп го објави на почетокот на минатиот месец, последните денови станува сè понестабилно, додека двете страни продолжуваат со размена на напади.

Свет | пред 2 седмици