САД

Рајт: Ормутскиот теснец ќе станува сè помалку важен за транспортот на нафта

Американскиот министер за енергетика Крис Рајт изјави дека значењето на Ормутскиот теснец за транспортот на нафта постепено ќе се намалува, бидејќи сè повеќе земји од регионот ги зголемуваат капацитетите на своите нафтоводи.Тој додаде дека Иран повеќе нема да може да ја користи својата контрола над теснецот како средство за притисок.Рајт оцени дека актуелната енергетска криза ќе биде привремена и порача дека од Иран зависи кога таа ќе заврши.Во интервју за CNBC, Рајт изјави дека Кина во иднина ќе стане поголем купувач на американска нафта, по разговорите меѓу американскиот претседател Доналд Трамп и кинескиот претседател Си Џинпинг.Според него, зголемените купувања на американска нафта би можеле да придонесат за поголем економски раст.Тој нагласи и дека Соединетите Американски Држави не сакаат да преземаат мерки што би довеле до намалување на производството на нафта и гас и додаде дека земјата ќе продолжи со извозот на дизел.

Свет | пред 1 седмица

Ројтерс: Тактиката на Трамп со закани и притисоци не успеа против Иран

Остриот преговарачки стил на американскиот претседател Доналд Трамп, кој во изминатата година му донесе отстапки од повеќе држави, во случајот со Иран засега не дава резултати, оценува Ројтерс во анализа.Според агенцијата, политиката на јавни закани, ултиматуми и навреди кон Техеран наишла на силен отпор и дополнително ги отежнала напорите за ставање крај на кризата што веќе 11 недели ја потресува светската економија.Аналитичарите сметаат дека иранското раководство не може да си дозволи да изгледа како да капитулира, особено по американско-израелските напади во кои беа убиени високи ирански функционери.„Ниту една влада не може да прифати да биде перцепирана како поразена“, изјави Роб Мали, поранешен американски преговарач за Иран.Трамп во повеќе наврати испрати остри пораки до Техеран, заканувајќи се со уништување на иранската инфраструктура и користејќи навредлив речник за иранските лидери.Во исто време, Иран продолжува да го контролира Ормускиот теснец, низ кој минува голем дел од светската трговија со нафта и гас, што му дава силна преговарачка позиција.Ројтерс наведува дека дел од експертите предупредуваат оти агресивниот пристап на Трамп може да има спротивен ефект и да го поттикне Иран дополнително да ги засили своите нуклеарни амбиции.И покрај тензиите, Белата куќа тврди дека американскиот претседател останува фокусиран на постигнување договор со Техеран.

Свет | пред 1 седмица

САД се заканија со воена интервенција поради блокадата на Ормускиот Теснец

Американскиот министер за енергетика, Крис Рајт, изјави дека очекува Ормускиот Теснец повторно да биде отворен „најдоцна некаде во текот на летото“, но предупреди дека САД би можеле воено да интервенираат доколку Иран продолжи да го блокира поморскиот сообраќај.Во интервју за CNBC, Рајт рече дека дипломатски договор со Иран би можел да биде постигнат во следните неколку дена, и покрај тензиите околу кревкото примирје меѓу Вашингтон и Техеран.„Ако Иран продолжи да ја држи светската економија како заложник, американската војска ќе го отвори Ормускиот Теснец со сила, иако тоа не би било лесна задача“, изјави Рајт.Тој нагласи дека преговорите остануваат прва опција за решавање на кризата.Изјавата доаѓа во време кога цените на горивата во САД повторно растат, а просечната цена на бензинот достигна 4,53 долари за галон.Рајт додаде и дека Соединетите Американски Држави го зголемуваат извозот на течен природен гас за да ги ублажат последиците од нарушеното снабдување поради кризата во Ормускиот Теснец.

Свет | пред 1 седмица

Белата куќа: Израел и Либан се согласија да го продолжат примирјето за уште 45 дена

Израел и Либан се согласија да го продолжат за 45 дена примирјето што на 16 април го прогласи американскиот претседател Доналд Трамп, соопшти Стејт департментот.„Прекинот на непријателствата од 16 април ќе биде продолжен за 45 дена со цел да се овозможи понатамошен напредок“, изјави портпаролот на Стејт департментот, Томи Пигот, пренесува Ројтерс.Од Стејт департментот разговорите меѓу Израел и Либан, кои вчера и денеска се одржаа во Вашингтон, ги оценија како „многу продуктивни“ и најавија дека страните повторно ќе се сретнат на 2 и 3 јуни.Оваа рунда разговори беше трет состанок меѓу двете страни откако Израел ги засили воздушните напади врз Либан, по ракетниот напад на либанската милитантна група Хезболах врз Израел на 2 март, три дена по американско-израелската војна со Иран. Минатиот месец Израел ја прошири и копнената офанзива во јужен Либан.

Свет | пред 1 седмица

Американски и нигериски сили ликвидирале висок функционер на Исламска држава

Американскиот претседател Доналд Трамп изјави дека американските сили, заедно со вооружените сили на Нигерија, спровеле заедничка операција во која бил убиен Абу-Билал ел-Минуки, за кого тврди дека бил втор човек во глобалната структура на Исламска држава.„Мислеше дека може да се крие во Африка, но не ни претпоставуваше дека имаме извори кои нè информираа за тоа што прави“, напиша Трамп на платформата Truth Social.Тој посочи дека операцијата била „внимателно испланирана и многу сложена“, додавајќи дека Ел-Минуки „повеќе нема да го тероризира народот на Африка, ниту да помага во планирање операции насочени против Американци“.Трамп ѝ се заблагодари и на владата на Нигерија за соработката во акцијата, оценувајќи дека со елиминацијата на Ел-Минуки „глобалната операција на Исламска држава е значително ослабена“.

Свет | пред 1 седмица

Трамп во Вашингтон планира нова градина за 250-годишнината на САД

Американскиот претседател Доналд Трамп најави изградба на нова „Национална градина на американските херои“ во Вашингтон, како дел од одбележувањето на 250-годишнината од основањето на Соединетите Американски Држави.Градината ќе биде сместена во паркот „Вест Потомак“ покрај реката Потомак, а во неа ќе бидат поставени споменици на основачите на државата, воени херои, верски лидери, борци за граѓански права, спортисти, уметници и познати забавувачи.Трамп повторно ја промовираше и идејата за изградба на 76 метри висок „Триумфален лак на победата“ во американската престолнина.Претседателот првпат ја најави градината уште во 2020 година, за време на говорот кај планината Рашмор, кога изјави дека проектот е одговор на „културата на бришење“ и обидите да се избрише американската историја.Во рамки на прославата на 250-годишнината од независноста на САД се планираат и IndyCar трка низ центарот на Вашингтон, како и UFC борба во близина на Белата куќа.

Свет | пред 2 седмици

Трамп: Само САД и Кина можат да дојдат до иранскиот ураниум

Американскиот претседател Доналд Трамп изјави дека само САД и Кина имаат технологија да дојдат до високо збогатениот ирански ураниум затрупан под урнатините на нуклеарните постројки по минатогодишните напади.Во разговор со новинарите во „Ер Форс Уан“, Трамп рекол дека Иран признал оти нема капацитет да го извлече материјалот.„Ми рекоа дека само Кина или САД можат да го отстранат“, изјави Трамп.Тој тврди дека иранските постројки биле „целосно уништени“ и дека Техеран првично се согласил САД да го преземат материјалот, но подоцна се повлекол.Иран и натаму тврди дека неговата нуклеарна програма има мирољубива намена, додека Вашингтон го обвинува Техеран дека сака да развие нуклеарно оружје.Трамп потврди и дека го одбил најновиот ирански мировен предлог, оценувајќи го како „неприфатлив“.

Свет | пред 2 седмици

Трамп по средбата со Си: САД и Кина се согласни дека Ормускиот Теснец мора да остане отворен

Американскиот претседател Доналд Трамп изјави дека САД и Кина се согласиле дека Ормускиот Теснец мора да остане отворен и дека конфликтот на Блискиот Исток треба да заврши, по разговорите што ги имал со кинескиот претседател Си Џинпинг.Иако беа објавени малку детали од средбите во Кина, според „Ал Џезира“, двете страни постигнале согласност околу клучните прашања поврзани со безбедноста на поморскиот сообраќај и прекинот на војната во регионот.Сепак, Кина засега не покажува подготвеност за подлабоко вклучување во решавањето на кризата, иако околу половина од кинескиот увоз на сурова нафта поминува токму низ Ормускиот Теснец.„Имавме одличен престој. Тоа беше неверојатен период. Претседателот Си е неверојатен човек“, изјави Трамп пред новинарите во претседателскиот авион „Ер Форс Уан“ по заминувањето од Кина.Тој додаде дека за време на дводневните разговори не се разговарало за царините.„Тие плаќаат значителни царини, но не разговаравме за тоа“, рече Трамп.Американскиот претседател потврди дека разговарале и за Тајван, но нагласи дека не презел никаква обврска во врска со островот. Според него, Си Џинпинг „не сака да види војна“.Во однос на Иран, Трамп изјави дека сè уште е отворен за можноста Техеран да ја суспендира својата нуклеарна програма на 20 години, но истакна дека евентуалните гаранции „мора да бидат вистински“.Тој исто така тврдеше дека иранските залихи на ракети биле намалени за 80 проценти за време на конфликтот со САД.Трамп најави и дека по разговорите со Си ќе разгледа можност за укинување на санкциите против кинеските компании кои купувале иранска нафта.Во меѓувреме, иранскиот министер за надворешни работи Абас Арагчи соопшти дека имал „плодни разговори“ со индискиот министер за надворешни работи Субрахмањам Џаишанкар.Во објава на мрежата Икс, Арагчи порача дека Иран „секогаш ќе ја исполнува својата историска должност како чувар на безбедноста“ во Ормускиот Теснец и додаде дека „сите пријателски земји можат да сметаат на безбедна трговија“.Трамп по средбата со кинескиот лидер изјави и дека САД и Кина постигнале „многу одлични трговски договори“, меѓу кои и кинеска набавка на повеќе од 200 авиони „Боинг“ и стотици мотори од компанијата „Џенерал електрик“.

Свет | пред 2 седмици

Трамп: „Постигнавме одлични трговски договори со Кина“

Американскиот претседател Доналд Трамп изјави дека Вашингтон постигнал „многу одлични трговски договори“ со Кина, вклучувајќи големи нарачки за авиони и мотори, по разговорите со кинескиот претседател Си Џинпинг во Пекинг.Говорејќи пред новинарите во претседателскиот авион „Ер Форс Уан“ по заминувањето од Кина, Трамп ја опиша посетата како исклучително успешна.„Имавме одличен престој. Тоа беше неверојатен период. Претседателот Си е неверојатен човек“, изјави Трамп.Тој рече дека договорите вклучуваат кинеско купување повеќе од 200 авиони од „Боинг“, со дополнително ветување за набавка на уште 750 авиони, како и меѓу 400 и 450 мотори од компанијата „Џенерал Електрик“.„Ќе тргуваме во големи количини. Нашите земјоделци ќе бидат многу среќни поради овој договор“, рече американскиот претседател.Трамп додаде дека за време на дводневните разговори со Си Џинпинг воопшто не разговарале за царините.„Не разговаравме за царините. Тие плаќаат значителни царини, но тоа прашање не беше ниту покренато“, изјави тој.Американскиот претседател посочи дека со кинескиот лидер разговарале и за Тајван, но нагласи дека не презел „никаква обврска во ниту една насока“ во врска со островот.„Си не сака да види војна“, рече Трамп.На прашањето за идната продажба на американско оружје на Тајван, тој одговори дека одлуката ќе ја донесе „во наредниот краток период“.Трамп се осврна и на актуелните тензии со Иран, наведувајќи дека и понатаму е отворен за можноста Техеран да ја суспендира својата нуклеарна програма на 20 години, но истакна дека гаранциите „мора да бидат вистински“.На прашањето дали го одбил најновиот предлог од Иран, Трамп рече:„Го погледнувам и ако не ми се допаѓа првата реченица, едноставно го фрлам.“Тој исто така ги отфрли извештаите дека Иран и понатаму располага со значајни ракетни капацитети, тврдејќи дека иранските залихи на ракети биле намалени за 80 проценти за време на конфликтот меѓу САД и Иран.Трамп додаде дека по разговорите со Си Џинпинг ќе разгледа можност за укинување на санкциите против кинеските компании кои купувале иранска нафта.„Одлуката ќе ја донесам во наредните неколку дена“, изјави тој.

Свет | пред 2 седмици

Трамп со нови остри пораки кон Иран: „Можеби ќе мора да исчистиме малку“

Американскиот претседател Доналд Трамп изјави дека го фрлил најновиот одговор од Иран бидејќи, како што рече, уште првата реченица била „неприфатлива“.Говорејќи во авионот „Ер Форс Уан“ на враќање од Кина, Трамп изјави:„Го погледнав. Ако не ми се допаѓа првата реченица, едноставно го фрлам“, додавајќи дека воведот во пораката од Техеран бил „неприфатлив“.Тој истакна дека Соединетите Американски Држави првично не биле за прекин на огнот со Иран, туку дека тоа било направено на барање на други држави.„Можеби ќе мора да направиме малку ‘чистење’, бидејќи имавме мал едномесечен прекин на огнот, ако така сакате да го наречете. Не бев баш за прекин на огнот, но тоа го направивме како услуга за Пакистан – прекрасни луѓе“, рече Трамп.Американскиот претседател додаде и дека САД го контролираат Ормутскиот теснец.„Ние го контролираме Ормутскиот теснец, а тие немаа никаква врска со тоа... многу добро се снаоѓавме на сите фронтови. Во суштина ги уништивме нивните вооружени сили“, изјави Трамп.Тој посочи дека кинескиот претседател Си Џинпинг „цврсто верува“ дека Иран не треба да поседува нуклеарно оружје и дека сака повторно да се отвори теснецот за пловидба.Трамп нагласи и дека би прифатил иранската нуклеарна програма да биде замрзната на 20 години, но само доколку постои „вистинска посветеност“ од страна на Техеран.

Свет | пред 2 седмици

Трамп ја напушти Кина без големи договори

Доналд Трамп ја напушти Кина по средбите со кинескиот лидер Си Џинпинг, при што ги пофали постигнатите договори, иако реакцијата на инвеститорите останала воздржана.Целта на посетата била Трамп да обезбеди конкретни економски резултати што би ја зајакнале неговата поддршка пред претстојните избори за Конгресот во САД.„Посетата беше неверојатна. Мислам дека произлегоа многу добри работи“, му рекол Трамп на Си за време на нивната последна средба во комплексот Жонгнанхај.Непосредно пред состанокот, кинеското Министерство за надворешни работи испратило порака дека американско-израелската војна против Иран „никогаш не требало да се случи“ и повикало на мировен договор.Трамп изјавил дека двајцата лидери „размислуваат многу слично“ кога станува збор за Иран, но Си не го коментирал тоа јавно.Американската страна очекувала Кина да изврши поголем притисок врз Техеран, но аналитичарите сметаат дека Пекинг нема намера да ја прекине поддршката за Иран, кој го гледа како важна стратешка противтежа на САД.Белата куќа како едно од клучните достигнувања го истакнала договорот за повторно отворање на Ормуски Теснец, преку кој порано минувала петтина од светската трговија со нафта и течен природен гас.Сепак, според аналитичарката Патриша Ким од Brookings Institution, „нема конкретни кинески ветувања дека ќе направат нешто поврзано со Иран“.Трамп изјавил и дека Кина се согласила да нарача 200 авиони од Боинг, што би била прва голема кинеска набавка на американски патнички авиони по речиси една деценија.Но, бројката била далеку помала од очекувањата на пазарите, кои шпекулираа со можни нарачки од околу 500 авиони, по што акциите на „Боинг“ паднале за повеќе од четири проценти.Во разговорите немало значителен напредок ниту околу продажбата на напредни чипови за вештачка интелигенција на Nvidia, иако на средбите присуствувал и директорот Џенсен Хуанг.Една од најчувствителните теми бил Тајван. Си Џинпинг предупредил дека „неправилен пристап“ кон прашањето може да доведе до конфликт меѓу САД и Кина.Американскиот државен секретар Марко Рубио изјавил дека американската политика кон Тајван останува непроменета, додека тајванскиот министер за надворешни работи Лин Чиа-лунг им се заблагодарил на САД за поддршката.И покрај ограничените конкретни договори, и Вашингтон и Пекинг оценија дека односите меѓу двете земји станале постабилни. „Мораме да се погрижиме тие да функционираат и никогаш да не ги расипеме“, изјавил Си Џинпинг.

Свет | пред 2 седмици

Цените на нафтата пораснаа по изјавата на Трамп дека Кина сака да купува американска нафта

Доналд Трамп изјави дека Кина е заинтересирана за купување нафта од САД, објавија британските медиуми.Трамп посочил дека за време на разговорите со кинеските претставници било отворено и прашањето за „Visa", која бара поголем пристап до кинескиот пазар на кредитни картички.Американскиот претседател повторно го повика Иран да постигне договор со Вашингтон.„Тие мора да постигнат договор“, изјавил Трамп, додавајќи дека најважно прашање е добивањето контрола врз иранскиот збогатен ураниум.Во меѓувреме, цените на нафтата пораснаа по неговите изјави и поради продолжените тензии околу Ормутски теснец, кој останува клучна рута за транспорт на енергенси.Цената на суровата нафта од типот Брент порасна за 1,7 проценти и достигна 107,6 долари за барел, додека американската сурова нафта WTI се зголеми за 1,2 проценти, на 103,3 долари за барел.Според Меѓународна агенција за енергија, протокот на сурова нафта и гориво низ Ормутскиот теснец во март и април бил намален за околу четири милиони барели дневно, што може да предизвика продолжени нарушувања на глобалниот пазар на нафта.

Свет | пред 2 седмици

Трамп: Го губам трпението со Иран

Доналд Трамп изјави дека го губи трпението со Иран, откако разговарал за војната со кинескиот претседател Си Џинпинг во Пекинг.Според соопштението на Белата куќа, Трамп и Си се согласиле дека Ормуски Теснец треба да остане отворен, откако Иран го затвори за поголем дел од бродовите по почетокот на американско-израелските напади на 28 февруари, што предизвика сериозни нарушувања во глобалното снабдување со енергенси.„Нема уште долго да бидам трпелив. Иран мора да склучи договор“, изјави Трамп, осврнувајќи се и на иранските залихи на збогатен ураниум.Тој додаде дека кинескиот претседател му ветил дека Кина нема да испраќа воена опрема за Иран.„Тој рече дека нема да дава воена опрема и тоа е голема изјава“, кажа Трамп.Според аналитичарите, Трамп се обидува да обезбеди кинеска поддршка за ставање крај на конфликтот, кој станува значајно политичко прашање пред американските меѓуизбори во ноември.

Свет | пред 2 седмици

„Иран бара алтернативи“ додека растат притисоците: Вашингтон и Техеран на раб на нова ескалација

Судирот на Блискиот Исток продолжува да се продлабочува, а Иран внимателно ги следи сигналите од Пекинг и состаноците на министрите за надворешни работи на БРИКС, барајќи „алтернативи“ во случај преговорите со САД да пропаднат, изјави иранскиот аналитичар Абас Аслани.Според него, непосредниот приоритет на Техеран е да „преживее“ во актуелната ситуација, паралелно настојувајќи да спречи Вашингтон да изгради поширока меѓународна поддршка за нов бран притисок врз Иран или чекори поврзани со Ормутскиот теснец. Аслани додаде дека Иран и понатаму ја потенцира дипломатијата како посакувано решение за кризата.„САД сакаа да ја искористат војната како карта за преговори со кинеската страна за да обезбедат отстапки. Сега бараат помош“, наведе Аслани.Во меѓувреме, Русија повика на „мирно решение“ за иранското прашање по разговорите меѓу шефот на руската дипломатија Сергеј Лавров и неговиот египетски колега Бадр Абделати, одржани на маргините на состанокот на БРИКС во Њу Делхи. Во соопштението се нагласува потребата од поголеми меѓународни напори за „одржливо долгорочно решение“.Паралелно со дипломатските пораки, теренската слика останува напната: Хезболах соопшти дека извел напади врз израелски сили на југот на Либан, но и врз цели на северот на Израел, наведувајќи дека дејствувал како одговор на, како што тврдат, прекршувања на примирјето и напади во подрачјето. Во исто време, се пренесуваат и информации за израелско гранатирање со бел фосфор на позицијата Џабал Али ал-Тахер.На дипломатски план, во Вашингтон почна и трета рунда директни разговори меѓу либанска и израелска делегација, со учество на американски претставници. Либанската страна, според наводите, ќе бара прекин на огнот, додека од израелска страна се посочува дека целта на разговорите е разоружување на Хезболах и постигнување мировен договор.Дополнително, претседателот на САД Доналд Трамп изјави дека кинескиот претседател Си му рекол оти Кина нема да го снабдува Иран со воена опрема и оти изразил поддршка за мировен договор.

Свет | пред 2 седмици

Строга изолација и 42 дена надзор: САД следат 41 лице поради можен хантавирус од крузер

Во Соединетите Американски Држави под здравствен надзор се 41 лице поради сомнеж дека можеби биле изложени на хантавирус, соопшти американскиот Центар за контрола и превенција на болести (ЦДЦ). Станува збор за лица за кои постои ризик од заразување поради контакт со случаи поврзани со појава на вирусот на крузер.На сите 41 лице им е наложено да останат дома и да избегнуваат контакт со други луѓе во текот на 42-дневен период на следење, што е мерка поврзана со можната подолга инкубација и ризикот од натамошно ширење.Лекарот од ЦДЦ кој ја координира ситуацијата, Дејвид Фитер, изјави дека потенцијално изложените лица припаѓаат на три главни групи: патници кои неодамна биле репатрирани и во моментот се наоѓаат во Небраска и во Емори, патници кои го напуштиле крузерот и се вратиле дома пред да биде забележана епидемијата, како и лица кои можеби биле изложени за време на патувањето, особено на летови на кои имало симптоматски случаи.Истовремено, Светската здравствена организација предупреди дека може да се очекува раст на бројот на случаи поради долгиот период на инкубација и блиските контакти меѓу патниците.Според информациите, појавата на смртоносен хантавирус (андски сој) била регистрирана на холандскиот крузер „MV Hondius“ во април годинава, за време на патување од Аргентина кон Зеленортските Острови. СЗО наведува дека инкубацијата може да трае од шест до осум недели, што ја зголемува потребата од внимателен надзор.Во меѓувреме, француската министерка за здравство Стефани Рист соопшти дека во Франција биле тестирани сите контакти на лицата позитивни на хантавирус и дека сите резултати биле негативни.

Свет | пред 2 седмици

Рубио: САД не бараат помош од Кина за Иран

Американскиот државен секретар Марко Рубио изјави дека на САД не им е потребна помош од Кина во однос на Иран, нагласувајќи дека Вашингтон и Пекинг сепак делат ставови по прашањето за Ормускиот теснец.Во интервју за NBC, Рубио рече:„Не бараме помош од Кина. Не ни е потребна“, додавајќи дека двете земји се согласуваат дека Иран не треба да развива нуклеарно оружје, ниту да се дозволи милитаризација на Ормускиот теснец.Тој истакна дека и САД и Кина се против воведување наплата за пловидба низ овој стратешки важен морски пат.Рубио додаде дека постои заеднички став околу потребата од стабилност во регионот, особено во контекст на глобалната енергетска безбедност.Тој исто така предупреди дека Иран не треба да се обидува да ги користи внатрешните политички поделби во САД за да изврши притисок во преговорите со Вашингтон.„Претседателот јасно порачува дека ако Иранците мислат дека ќе ја искористат внатрешната политичка ситуација во САД за да го натераат на лош договор, тоа нема да се случи“, изјави Рубио.

Свет | пред 2 седмици

Трамп: Кина ќе нарача 200 авиони од „Боинг“

Доналд Трамп изјави дека Кина се согласила да нарача 200 авиони од американскиот производител „Боинг“.Во интервју за „Фокс њуз“, Трамп откри и детали од разговорот со кинескиот претседател Си Џинпинг за Иран и Ормускиот теснец.Според Трамп, Си му порачал дека Кина нема да испраќа воена опрема во Иран и дека сака клучниот поморски пат да остане отворен.„Рече дека нема да испраќа воена опрема. Тоа е голема изјава“, изјави Трамп, коментирајќи го кинескиот однос кон Техеран.Трамп додаде дека Кина има силен интерес за стабилност во Персискиот Залив бидејќи од регионот увезува големи количини на нафта.„Рече дека таму купуваат многу нафта и би сакале тоа да продолжи“, наведе американскиот претседател, додавајќи дека Си „би сакал да го види отворањето на Ормускиот теснец“.„Претседателот Си би сакал да се постигне договор. Рече: ‘Ако можам некако да помогнам, би сакал да помогнам’“, додаде Трамп.Пекинг засега не ги потврди тврдењата на Трамп. Во соопштението на кинеското Министерство за надворешни работи не се споменуваат Иран или Ормускиот теснец, туку само дека двајцата лидери разговарале за „главните меѓународни и регионални прашања“, вклучително и Блискиот Исток, војната во Украина и Корејскиот Полуостров.

Свет | пред 2 седмици

Си Џинпинг: Односот меѓу САД и Кина мора да успее

Претседателот на САД – Доналд Трамп и неговиот кинески колега – Си Џинпинг денеска во Пекинг ја нагласија потребата од градење партнерски односи наместо ривалство, во обид да се стабилизираат глобалните пазари погодени од војната во Иран.Двајцата лидери покажаа блискост за време на средбата, а клучните прашања како Тајван и вештачката интелигенција остануваат во фокусот на дипломатските преговори.Си Џинпинг ја праша американската делегација дали двете суперсили можат да ја надминат историската законитост каде растечката сила се судира со доминантната.Според официјален Пекинг, односот меѓу САД и Кина е најважен во светот и истиот „мора да успее“.

Свет | пред 2 седмици

Трамп и Си се согласиле дека Ормутскиот теснец мора да остане отворен

Белата куќа оцени дека првиот ден од разговорите меѓу Доналд Трамп и Си Џинпинг во Пекинг поминал позитивно, а една од клучните теми бил Иран.Според американски претставник, двајцата лидери разговарале за важноста Ормутскиот теснец да остане отворен за непречен транспорт на енергенси.„Двете страни се согласија дека Ормутскиот теснец мора да остане отворен за да се обезбеди слободен проток на енергенси“, изјавил претставникот на Белата куќа.Тој додал дека Си јасно изразил противење на милитаризацијата на теснецот и на какви било обиди за наплата на премин низ него.Според истиот претставник, кинескиот лидер покажал интерес и за поголем увоз на американска нафта, со цел Кина во иднина да ја намали зависноста од овој важен поморски правец.Сепак, не било прецизирано дали Кина ќе го прошири своето учество во напорите за решавање на конфликтот со Иран.Освен за Блискиот Исток, Трамп и Си разговарале и за економската соработка меѓу двете земји, но детали за можни трговски договори засега не се објавени.Американскиот претставник потврдил дека на средбата било отворено и прашањето за фентанилот, а целиот прв ден од разговорите го оценил како „добар“.

Свет | пред 2 седмици

САД и Кина со различни верзии за средбата Трамп–Си

Белата куќа и Министерството за надворешни работи на Кина објавија значително различни извештаи од средбата меѓу Доналд Трамп и Си Џинпинг.Американската страна во своето соопштение главен акцент стави на разговорите за Иран, додека кинеската страна како клучно прашање го истакнала Тајван, тема што во американскиот извештај воопшто не се споменува.Во американското соопштение најпрво се нагласува економската соработка меѓу двете земји, а потоа се наведува дека Трамп и Си разговарале и за запирање на приливот на суровини за производство на фентанил во САД.Потоа следувале разговори за Иран и за Ормутскиот теснец.„Двете страни се согласија дека Ормутскиот теснец мора да остане отворен за да се обезбеди слободен проток на енергенси“, се наведува во американското соопштение.Според Белата куќа, Си изразил противење на милитаризацијата на теснецот и на какви било обиди за наплата на премин низ него, а покажал и интерес за поголем увоз на американска нафта.Во соопштението се додава и дека двете земји се согласиле оти Иран никогаш не смее да поседува нуклеарно оружје.За разлика од американскиот извештај, кинеското соопштение само кратко го споменува Иран меѓу другите меѓународни прашања, додека многу поголем простор му посветува на прашањето за Тајван, кое Си го нарекол „најважно прашање“ во односите меѓу двете сили.

Свет | пред 2 седмици

Иран не бил главна тема на средбата меѓу Трамп и Си

Иако се очекуваше војната во Иран да биде главна тема на разговорите меѓу Доналд Трамп и Си Џинпинг во Пекинг, таа тема добила изненадувачки мал простор во официјалните соопштенија.Според кинеското Министерство за надворешни работи, двајцата лидери „размениле мислења“ за состојбата на Блискиот Исток, но главниот фокус бил ставен на трговијата и прашањето за Тајван.Американскиот државен секретар Марко Рубио претходно изјави дека Вашингтон сака Кина да преземе поактивна улога во решавањето на конфликтот со Иран и да помогне Техеран повторно да седне на преговарачка маса.Од друга страна, Кина зазема повнимателен пристап и настојува да дејствува како тивок посредник зад сцената, избегнувајќи директно вмешување.Според претставник на Белата куќа, Трамп и Си сепак постигнале согласност околу едно клучно прашање – Ормутскиот теснец мора да остане отворен.„Двете страни се согласија дека Ормутскиот теснец мора да остане отворен за да се обезбеди слободен проток на енергенси“, изјавил американскиот претставник.Тој додал дека Си изразил противење на милитаризацијата на теснецот и на какви било обиди за наплата на премин низ него.Кинескиот лидер, наводно, покажал интерес и за поголем увоз на американска нафта, со цел да се намали зависноста на Кина од овој клучен поморски правец.Освен за Иран, двајцата лидери разговарале и за економската соработка и за прашањето со фентанилот, а Белата куќа првиот ден од разговорите го оценила како „добар“.

Свет | пред 2 седмици

Американската делегација во Кина без лични телефони и лаптопи

Американската делегација што допатувала во Кина заедно со Доналд Трамп применила исклучително строги мерки за дигитална безбедност, кои американските медиуми ги опишуваат како „дигитална блокада“.Членовите на делегацијата ги оставиле своите лични мобилни телефони дома, а наместо нив користеле основни модели без лични податоци и привремени лаптопи специјално подготвени за патувањето.Главната претпоставка била дека секој уред внесен во Кина може да биде изложен на надзор или компромитирање.Како потенцијален безбедносен ризик биле сметани дури и навидум безопасни активности, како полнење батерија на телефон.Според извештаите, ваквите мерки не се невообичаени при официјални посети на Кина.Се наведува дека и британски делегации при претходни посети применувале слични безбедносни протоколи за заштита на комуникациите и чувствителните информации.

Свет | пред 2 седмици

Вашингтон алармира: Иран е застрашувачки блиску до нуклеарно оружје

Американскиот министер за енергетика Крис Рајт изјави дека Иран е „застрашувачки блиску“ до развој на нуклеарно оружје.Рајт, за време на сослушување пред Сенатскиот комитет за вооружени сили, изјавил дека Иран е оддалечен само „неколку недели“ од збогатување ураниум до ниво потребно за изработка на нуклеарно оружје.„Станува збор за неколку недели до збогатување на тој ураниум до квалитет погоден за оружје“, рекол Рајт, додавајќи дека по тоа следува и процесот на вооружување, но дека Техеран е „прилично блиску“ до нуклеарна бомба.Според него, Иран располага со резерви ураниум збогатен до 60 проценти, додека за производство на нуклеарно оружје е потребно ниво од околу 90 проценти.Рајт истакнал дека и ураниум збогатен до 20 проценти претставува „многу загрижувачко“ прашање, особено поради големината на иранските резерви.Според CNN, повеќе претставници од администрацијата на Доналд Трамп ги користеле иранските резерви од збогатен ураниум како аргумент за воен притисок врз Техеран.Трамп, наводно, барал Иран да ги предаде резервите ураниум како дел од евентуален мировен договор.„Мудра стратегија е да се бара целиот збогатен ураниум од Иран“, рекол Рајт.„На крајот, целта е да се спречи и идното збогатување ураниум. За да имаме безбеден свет, мора да се стави крај на нивната нуклеарна програма“, додал тој.

Свет | пред 2 седмици

Си најави нова ера на „конструктивни, стратешки стабилни односи“ со САД

Кинескиот лидер Си Џинпинг најави нова ера во односите со САД, која, според него, треба да биде обележана со конструктивни и стабилни односи.Според соопштението на Министерството за надворешни работи на Кина, Си и американскиот претседател Доналд Трамп се договориле за воспоставување „конструктивен, стратешки стабилен однос“ како нова насока за билатералните односи во следните три години и понатаму.Американската страна сè уште нема објавено официјален извештај од средбата, но новиот термин, употребен за првпат, укажува на обид двете земји да ги направат односите попредвидливи и полесни за управување, и во соработката и во ривалството.Си објаснил дека „конструктивната, стратешка стабилност“ треба да значи позитивна стабилност заснована врз соработка, добронамерна стабилност со уредено натпреварување, како и трајна стабилност со предвидлив мир.„Тоа не е само парола, туку мора да биде дејствување насочено кон иста цел од двете страни“, изјавил Си Џинпинг.

Свет | пред 2 седмици

Кина им ги врати дозволите на стотици американски извозници на говедско месо

Кина обнови извозни дозволи за стотици американски погони за преработка на говедско месо, што се толкува како гест на добра волја во време кога во Пекинг се одржуваат разговори меѓу американскиот претседател Доналд Трамп и кинескиот лидер Си Џинпинг.Во текот на изминатата година повеќе од 400 американски погони за преработка на говедско месо, односно околу 65 проценти од сите што претходно имале дозвола, го изгубиле правото за извоз во Кина.Нивните дозволи, издадени од Пекинг во периодот меѓу март 2020 и април 2021 година, истекле и не биле автоматски обновени.Се очекува земјоделството да има важна улога во евентуален трговски договор меѓу двете земји, а обновувањето на дозволите се смета за прв официјален сигнал за можни елементи на конечен договор што се обликува за време на разговорите меѓу Трамп и Си.„Со ова Кина покажува добра волја во области кои не се од пресудно значење за трговските односи со САД“, изјавил аналитичарот Ксу Хонгџи од консултантската компанија „Консултанти за агробизнис“ од „Пекинг Ориент“.

Свет | пред 2 седмици