Психолог од Струшката болница, избркана поради бременост – од стрес го изгубила бебето во седмиот месец

Психолог од ЈЗУ Општа болница Струга, воедно магистер по специјална едукација и рехабилитација и психотерапевт со 14-годишно искуство и бројни професионални обуки, останала без работа веднаш по откривањето дека е бремена. Како што објави „Сакам да кажам“, последицата од стресот што го претрпела била трагична – жената го изгубила бебето во 27-та недела од бременоста.Иако цели 23 години работела со договор на определено време, по 40 часа неделно, без прекин и без статусно решение, договорот не ѝ бил продолжен на 31 декември 2024 година – токму кога очекувала конечно вработување по ланските парламентарни и претседателски избори. На нејзино место бил примена друга, помлада кандидатка, а во исто време директорот на болницата вработил уште 65 лица од различни профили.Комисијата за спречување и заштита од дискриминација утврди дека над оштетената е извршена директна интерсекциска дискриминација – истовремено по основ на пол, возраст и бременост.Во пријавата доставила медицински докази од Универзитетската клиника за гинекологија и акушерство дека била во целосно уредна и безризична бременост.„Поради стресот што го доживеав од губењето на работното место, на 4 март 2025 година, во скоро 27 гестациска недела, го изгубив моето чедо. Јас сум здрава жена, со уредна бременост. Тортурата врз мене го направи своето“, напишала таа во пријавата.Директорот на болницата пред Комисијата не го негирал фактот дека на местото на избрканата е вработен друг психолог, ниту дека примил уште 65 лица. Сепак, под „морална и кривична одговорност“ тврдел дека никогаш не ѝ рекол да си оди дома затоа што е бремена.

Македонија | пред 3 месеци

Истрагата ќе ја завршат, ама него го нема: Македонија не успева да стигне до Артан Груби

Јавниот обвинител Љупчо Коцевски изјави дека истрагата во која е осомничен поранешниот прв вицепремиер Артан Груби е практично завршена и дека се чека единствено на неговата екстрадиција. Како што истакна во гостување во „360 степени“ на МРТ 1, сите докази се собрани, вклучително и финансиската истрага, но Обвинителството не располага со информација каде се наоѓа Груби, бидејќи тоа не е во нивна надлежност.Во однос на наодите од извештајот на Европската комисија, каде се нотира дека „корупцијата останува распространета во многу области и претставува сериозна загриженост“, Коцевски смета дека за ефикасна борба против корупцијата мора да се создадат вистински услови – истражители, истражни центри и форензичари кои ќе ја водат работата.На прашањето дали Обвинителството го дава максимумот, Коцевски тврдеше дека институцијата работи „повеќе од максимумот“, и дека јавноста добро ги знае сложените случаи со кои се соочуваат обвинителите.Посочувајќи ја реакцијата на министерот за внатрешни работи Панче Тошковски – дека МВР поднесува кривични пријави, а Обвинителството селективно постапува – Коцевски одговори дека таквата констатација е неточна.„Јавното обвинителство постапува неселективно. Доказ за тоа е и предметот за Кочани, каде работевме по пријави на МВР“, рече тој, додавајќи дека Министерството поднело околу 14.000 пријави, а вкупниот број од сите институции и граѓани надминува 20.000.Според Коцевски, Обвинителството работи на крајниот праг на своите капацитети.„Со околу 70 обвинители помалку од потребното, а претходно и со сто помалку, ние работиме во рамките на можностите – и повеќе“, нагласи тој.Коцевски се повика и на законската обврска: Обвинителството мора да постапува по секоја кривична пријава и да прибира докази врз кои ги носи одлуките.

Македонија | пред 3 месеци

Русија со жестоки напади врз Киев и повеќе украински градови – загинати и тешко оштетена енергетската инфраструктура

Русија синоќа изведе масовен комбиниран напад врз Киев и повеќе украински градови, користејќи дронови „Шахед“ и балистички ракети „Кинжал“. Според првичните информации објавени од „Kyiv Independent“, во главниот град загинала најмалку една личност, а седум се повредени.Нападите започнале околу 1 часот по полноќ, при што низ Киев одекнувале серија експлозии, а противвоздушната одбрана била активирана на повеќе локации. Градските власти потврдија дека биле погодени станбени згради и делови од критичната енергетска инфраструктура.Пожари и урнатини во повеќе населби во КиевГрадоначалникот Виталиј Кличко информираше дека пожар избувнал во неколку висококатници во централниот Печерски реон. Една од нив е зграда од 22 ката, оштетена на повеќе нивоа. Во Дњипровскиот дел од градот целосно изгорела деветкатница каде што една личност загинала, а спасувачките екипи продолжуваат да ги пребаруваат урнатините. Изгорела и гаража во истиот реон.Напади и во Киевската област – повредено 14-годишно детеВо регионот на Била Церква четири куќи се целосно уништени, а повредено е и 14-годишно момче. Активност на ракети и дронови е забележана и во Запорожје и Харковската област.Украинското Министерство за енергетика нападот го опиша како „масовен комбиниран удар врз енергетската инфраструктура“. Москва во последните месеци значително ги засили нападите врз енергетскиот систем со цел да ја воведе Украина во уште една тешка зимска криза.Нападите доаѓаат во момент на засилен притисок врз КиевЕскалацијата се случува додека САД го притискаат Киев да прифати нов мировен план што сериозно ги фаворизира руските интереси. Американскиот претседател Доналд Трамп пред само неколку дена изјави: „Зимата е студена и многу големи електрани беа нападнати, благо кажано.“Украинскиот претседател Володимир Зеленски само неколку часа пред нападите предупреди дека Русија нема намера да го намали воениот притисок, и покрај мировните разговори.„Мораме да бидеме свесни дека Русија нема да попушти. Во овие денови мора да бидеме внимателни и да реагираме на сите воздушни тревоги. Ако навистина зборуваме за крај на војната, тогаш не треба да постојат масовни ракетни напади врз Украина,“ порача Зеленски.Спасувачките служби и натаму работат на теренот, додека се очекува официјален биланс на штетите и евентуално нови информации за жртвите.

Свет | пред 3 месеци

САД започнаа директни преговори со Русија и Украина во обид да се обезбеди мировен договор

САД интензивно преговараат со Русија и Украина во обид да го финализираат новиот мировен план за ставање крај на војната, јавуваат американски и меѓународни медиуми. Американскиот министер за копнена војска, Дан Дрискол, синоќа пристигнал во Абу Даби, каде започнал средби со украинскиот разузнавачки врв и руска делегација.Според американски функционер и извори упатени во процесот, Дрискол веќе синоќа имал првични разговори со руските претставници, а преговорите продолжуваат и денес. Тој треба да оствари средба и со Кирило Буданов, шеф на украинската воена разузнавачка служба (ГУР), познат по водењето на најсложените украински операции од почетокот на војната.Напредок во Женева, нов предлог со 19 точкиСредбата во Обединетите Арапски Емирати следи по викенд-преговорите во Женева, каде што американската и украинската делегација постигнаа напредок и од почетниот контроверзен план од 28 точки произлезе нов предлог – скратен на 19 точки и, како што се наведува, „значително поповолен за Киев“.Првиот предлог на администрацијата на Доналд Трамп предвидуваше признание на руската контрола врз Крим, Донецк и Луганск, формирање демилитаризирани зони и низа геополитички отстапки кои предизвикаа остра реакција во Европа и делови од американскиот Конгрес. Најчувствителните точки сега се оставени како прашања што треба да ги договорат двајцата претседатели – Трамп и Зеленски.Буданов – клучна личност меѓу двете страниБуданов е еден од ретките украински претставници кои во текот на војната одржуваа отворени канали со Русија, што овозможи размена на илјадници заробеници и решавање дел од хуманитарните прашања. Тој е назначен како дел од официјалната украинска делегација за директни преговори со САД и Русија.Зеленски: „Некои чекори за крај на војната стануваат остварливи“Во обраќање до украинската јавност, претседателот Владимир Зеленски синоќа рече дека очекува „неопходните чекори за ставање крај на војната да станат реални“, но предупреди дека најкритичните точки од договорот допрва ќе се разгледуваат.„По Женевските разговори има помалку точки, повеќе не се 28. Многу важни елементи се земени предвид. Но ни претстои сериозна работа и директни разговори со претседателот Трамп,“ изјави Зеленски.Вашингтон: „Мора да бидеме сигурни дека Русија ќе прифати“Белата куќа останува воздржана, но внимателно оптимистична. Портпаролката Каролин Левит потврди дека за сега не е планирана средба меѓу Трамп и Зеленски, но истакна дека САД се „многу охрабрени“ од напредокот во Женева.„Мора да бидеме сигурни дека сите точки се целосно договорени – и со Украина, и со Русија. САД се ангажираат подеднакво со двете страни“, рече таа.Предизвиците допрва следуваатИако процесот е интензивиран и воден 24 часа дневно, според американските функционери, остануваат големи отворени прашања – од безбедносните гаранции за Украина, до територијалните прашања и идната улога на НАТО.За првпат од почетокот на војната, преговорите вклучуваат високо ниво претставници на трите страни, а исходот ќе зависи од тоа дали ќе се произведе рамка што истовремено е прифатлива за Киев, Москва и Вашингтон.

Свет | пред 3 месеци

(Видео) Судски пресврт по 4,5 години судење: Судот констатира судир на интереси кај вештакот во случајот на загинатиот Алек

Мирјана Радуловиќ, мајка на трагично загинатиот 17-годишен Алек Радуловиќ, за „Скопје1“ сведочи за долгата и болна судска одисеја што трае веќе четири и пол години, а сè уште нема првостепена пресуда. Нејзиниот син загина кога возач на автомобил му го пресекол патот, по што тој со мопедот починал на самото место.Според неа, најтешкиот дел од процесот бил моментот кога Судот во декември 2024 година решил предметот да го испрати на супервештачење. Тогаш, Радуловиќ добила сознанија кои, вели, предизвикале сериозни сомнежи за неговата веродостојност.Обвинувања за незаконски контакти меѓу одбраната и вештацитеРадуловиќ објаснува дека постоело основано сомнение оти адвокатот на одбраната имал недозволени контакти со супервештаците што го работеле вештачењето.„Како родител кој бара правда за своето дете, јавно укажав дека постои сомнеж во стручноста и независноста на супервештачењето. Кратко по мојата реакција, носителот на вештачењето, Јане Илијоски од Секторот за сообраќај во Град Скопје, доби дисциплинска постапка и беше суспендиран“, изјави Радуловиќ.Вештакот на суд молчел за суспензијатаНа рочиштето од 29 септември, Илијоски тврдеше дека Алек се движел со 70,2 km/h, но, како што вели мајката, се повикувал на низа претпоставки. Кога судот ѝ дозволил да поставува прашања, таа го запрашала и за неговата суспензија.„Прво избегнуваше да одговори, но по инсистирање призна дека е суспендиран поради медиумската изложеност. Судот го укори затоа што не го пријавил овој клучен податок“, вели Радуловиќ.Две недели подоцна таа добила тужба од Илијоски за наводна навреда по гостувањето во „Претрес со Ландов“.Гостувањето изгледајте го тука:Официјалните документи: вештакот навистина бил суспендиранНа последното рочиште, според неа, Обвинителството доставило официјални документи од Град Скопје и Агенцијата за администрација, со кои се потврдува суспензијата на вештакот. Одбраната на обвинетиот побарала одложување, тврдејќи дека доказите биле прибавени „нелегално“, но судот го одбил барањето.Напротив, според Радуловиќ, судот констатирал дека:вештакот е суспендиран,пред судот прикрил важни информации,против мајката води граѓанска постапка,што го прави необјективен и во судир на интереси.Поради тоа, судот реши да го отфрли супервештачењето на Илијоски, Леонардо Славески и Орце Доневски.„Не барам ништо повеќе од правда за Алек“„Како мајка која го изгуби своето дете, давам збор дека нема да застанам додека не се утврди објективната вистина. Овој процес трае предолго — 4,5 години. Секој што работи на случајот има должност да постапува чесно, транспарентно и професионално“, изјави Радуловиќ.Таа апелира и до Техничкиот факултет во Битола, кој ќе го изработи новото супервештачење:„Очекувам да постапат независно, стручнo и без никакви влијанија. Од нивната професионалност зависи дали конечно ќе се доближиме до вистината и правдата која ја чекаме предолго.“

Македонија | пред 3 месеци

Драма во Тетово: исчезнат маж пронајден мртов со прострелна рана во глава

Тетовската полиција попладнево пронајде тело на 42-годишен маж од Тетово, кој синоќа бил пријавен за исчезнат. Според првичните информации од Министерството за внатрешни работи, мажот бил пронајден застрелан во својот џип „Ауди Q5“ во атарот на селото Нераште.Случајот бил пријавен утринава во 2 часот, кога 33-годишната сопруга Б.Б. информирала дека нејзиниот сопруг А.Б. излегол од дома вчера околу 18 часот и не се јавувал на телефон. По неколкучасовна потрага, околу 16:15 часот полициски службеници од Полициското одделение Теарце забележале паркирано возило „Ауди“ со тетовски регистерски таблички во ниви кај Нераште.Во внатрешноста на возилото било забележано машко лице кое не давало знаци на живот. На предното стакло имало видлив отвор од проектил, а жртвата била облеана во крв во пределот на главата, со што, според МВР, постои основано сомневање дека била застрелана со огнено оружје.Екипа на Итната медицинска помош констатирала смрт на лице место. По наредба на јавен обвинител, извршен е увид од увидна екипа на СВР Тетово и било потврдено дека станува збор за исчезнатиот А.Б.Полицијата и обвинителството работат на расветлување на случајот, а засега не се соопштуваат детали за можен мотив или осомничени.

Македонија | пред 3 месеци

(Видео) Тетовчанка остана без дневна светлина – сосед изградил зграда до самиот прозорец, Општина Тетово тврди: „Документацијата е во ред“

Жителката на Тетово, Живка Велјановска, веќе месеци живее во просторија каде дневната светлина практично не постои. Причината – новоизграден објект подигнат буквално до прозорците на нејзината куќа, со што целосно е блокирана природната светлина.Велјановска за Телма вели дека институциите со години носат контрадикторни решенија. Иако општинската служба еднаш го одбила барањето за градба, подоцна донела спротивна одлука и издала дозвола. Новата градба сега е толку блиску што минималните законски растојанија меѓу објектите, според тврдењата на семејството, воопшто не се почитувани.„Во мојата соба нема ниту еден зрак природна светлина. Прозорците се целосно блокирани. Повикувавме инспекции, полиција, но никој не реагира. Ова е неправда и постојана борба со соседот“, вели Велјановска.Случајот е на разгледување во Управниот и Вишиот управен суд, но веќе шест месеци семејството нема одговор.Од Општина Тетово и Министерството за транспорт и врски велат дека документацијата е уредна и дека сите постапки се водат согласно Законот за општа управна постапка. Истрагата е сѐ уште во тек.Мештаните предупредуваат дека ова не е единствен пример и дека неконтролираното урбанистичко планирање веќе сериозно го нарушува стандардот на живеење во градот.

Македонија | пред 3 месеци

Аца Лукас најави нов концерт во Скопје во декември: Приходот ќе биде за семејствата на жртвите во Кочани

Српскиот фолк-изведувач Аца Лукас и неговиот менаџер Саша Митровиќ најавија прес-конференција на која, како што тврдат, ќе објаснат дека приведувањето на пејачот во Кавадарци имало „приватна позадина“, а не законска основа.Лукас изјави дека бил „само замолен“ да појде во полициска станица и дека и понатаму не знае зошто бил задржан.„Не бев уапсен. Бев замолен да одам во полиција и сè уште не знам зошто бев приведен. Сите документи беа регуларни и процедурата беше идентична со сите мои настапи досега. Очигледно некому му застанавме на жуљ. Кога некој ја користи функцијата која му ја дал народот за приватни пресметки, тоа е противзаконски, дегутантно и одвратно“, изјави Лукас.Менаџерот Митровиќ повтори дека уметникот имал уредни документи, иако МВР претходно информираше дека настапот бил одржан без дозвола за работа, дека во локалот се работело без фискални сметки, се прекршувал Законот за пушење и дека бројот на гости бил над дозволениот капацитет.Лукас и Митровиќ најавија дека на 20 декември ќе одржат концерт во арената „Јане Сандански“ во Скопје, а целиот приход, како што велат, ќе го донираат на семејствата на жртвите од трагедијата во Кочани. Дополнително најавија дека ќе ги подмират и сите трошоци кон државата.„Ова ќе биде само првата донација. Ќе продолжиме да помагаме во Кочани. И бидејќи веќе се најавуваме, може да бидете мирни – ќе ги имаме сите можни документи, дури и ‘тоалетна хартија’, за да не помислите дека нешто недостасува“, поентира Лукас.

Магазин | пред 3 месеци

По нападите на социјалните мрежи, Мицкоски со став за случајот Лукас

Премиерот Христијан Мицкоски, кој изминатиот викенд беше мета на критики и барања за извинување по приведувањето на српскиот пејач Аца Лукас во Кавадарци, изјави дека во моментот на интервенцијата воопшто не знаел дека случајот се случува. Тој нагласи дека законите се јасни и дека институциите ќе продолжат строго да го следат однесувањето на ваков тип естрадни изведувачи и нивните тимови.„Јас и не знаев дека тоа се случило, да бидам искрен. Ми се јавија луѓето од Кабинетот да ме информираат, пред неколку дена мислам дека беше. Претпоставувам дека некој сака да ја пренесе естрадата што таму ја има – овде. Но мислам дека не треба да му се посветува многу внимание. Јасни се законите, јасни се правилата, секој мора да ги почитува. Многу строго и внимателно ќе го следиме однесувањето на ваков тип естрадни уметници и нивни менаџери“, рече Мицкоски, одговарајќи на новинарско прашање на отворањето на Ресурсниот центар за поддршка на развојот на општините.Аца Лукас беше приведен во петокот вечерта во заедничка институционална акција, при што беа утврдени повеќе неправилности околу организацијата и реализацијата на настапот. МВР соопшти дека пејачот настапувал без соодветна дозвола за работа, во локалот не се издавале фискални сметки, не се почитувал законот за забрана на пушење, а бил затекнат и далеку поголем број гости од дозволениот капацитет.По приведувањето, менаџерот на Лукас и дел од неговите поддржувачи обвинија дека зад акцијата стои политичка мотивација и побараа премиерот и Владата да се извинат. Владата тоа го демантира.

Македонија | пред 3 месеци

(Видео) Незавршена војна: генерал Арсовски откри како бил игнориран планот за одбрана на Македонија во 2001

Најмладиот генерал во поранешната ЈНА и прв генерал на македонската армија, Митре Арсовски, во гостувањето во подкастот „Претрес“ откри непознати детали од воените анализи што претходеле на кризата во 2001 година.Арсовски објасни дека уште пред избувнувањето на конфликтот, тој имал изработено оперативни карти со прецизна проценка каде ќе започнат нападите и кои точки се најкритични за одбраната на државата.„Картата е слика на војната. Сè што нацртавме како ризични точки подоцна се случи. На делот кај Црн Врв и Скопска Црна Гора уште тогаш ги нацртавме албанските вооружени групи – не бегалци, туку луѓе во униформа кои се движат кон една клучна точка“, изјави Арсовски.Тој откри дека на една од брифинг-средбите претседателот Киро Глигоров го прашал што означуваат овие воени симулации на картите.„Му објаснив дека, ако не се реагира на време, прво на удар ќе бидат Солунска Глава, а потоа и други јазли што се клучни за опкружување на Македонија“, вели Арсовски.Според него, најголемиот проблем не бил во анализите, туку во нивното игнорирање.„Едно е да нацрташ карта и да напишеш заповед. Друго е извршувањето. Нè послушаа ли? Не. И затоа се случи 2001“, нагласи генералoт.Арсовски тврди дека конфликтот никогаш не бил целосно завршен:„Војната е завршена само кога ќе го совладаш непријателот и ти ги диктираш условите. Ние тоа не го направивме. Тоа остана незавршена војна – политички запрена, со оружје формално преземено.“Интервјуто го отвора прашањето за тоа дали државата навистина научила нешто од најтешките безбедносни моменти во својата историја и дали денес се прави сериозна проценка на ризиците кои генералите одамна ги предвидувале.Погледнете го цел поткаст каде се зборува за Тито, ЈНА, Вуковар...

Македонија | пред 3 месеци

(Фото) За коментар „Овој го учи да лаже како Мицко“, Спасен Силјановски навреди жена со „Го учам да е*е дрољи како тебе“

Пејачот Спасен Силјаноски повторно предизвика бурни реакции откако на фотографија со неговиот син, објавена на социјалните мрежи, возврати со навредливи коментари кон корисник кој саркастично праша дали го „учи детето да лаже за да стане премиер како Мицкоски“. Коментарот алудираше на политичката ориентација на пејачот и неговата јавна поддршка за актуелниот премиер.Силјаноски жестоко одговори:„Го учам да е*е безмилосно дрољи како тебе,“ напиша тој во јавен коментар.На реакциите кои следеа од други корисници, тој додаде дека само го „сведувал разговорот на нивото на соговорникот“, порачувајќи: „Ич не е жално.“Во друг коментар додаде: „Нема потреба од блок. Вакви злобни идиоти мора да се научат на памет.“Ова не е првпат Силјаноски да влезе во јавна вербална пресметка. Јавноста се’ уште го памети неговиот конфликт со градоначалникот на Кавадарци, Митко Јанчев, кој исто така беше тема на медиумски извештаи.Настапот на пејачот повторно отвори дебата за јавната комуникација на јавните личности и одговорноста што тие ја носат кога настапуваат на социјалните мрежи.

Магазин | пред 3 месеци

Адвокатка предупредува по првото судење за Пулс: „Фрази како ‘ќе стигнеме до вистината’ ја изместуваат улогата на судот

Адвокатката Сузана Јошевска-Анастасовска реагираше на воведната изјава на судијата на почетокот од судењето за случајот „Кочани“, во која тој рече дека „ќе се стигне до вистината“. Според неа, ваквата формулација може да создаде погрешна претстава во јавноста за улогата на судот и на одбраната во современата кривична постапка.Јошевска-Анастасовска потсетува дека со реформите од 2010 година, кривичната постапка во Македонија премина од модел на „утврдување материјална вистина“ кон модел што го става акцентот на фер-постапувањето, еднаквоста на странките и докажувањето на обвинението „надвор од разумно сомневање“.Според неа, изјави кои алудираат на „една апсолутна вистина“ може да ја збунат јавноста и да создадат впечаток дека одбраната е спротивставена на вистината или дека има негативна улога во процесот.„Судот не е орган што треба самостојно да ја бара апсолутната вистина, туку неутрален арбитер што ги оценува доказите на обвинителството и одбраната. Ако ова јасно се објасни, јавноста подобро ќе разбере зошто обвинетите имаат право на бранител и право да изнесат аргументи различни од оние на обвинителството“, вели таа.Адвокатката нагласува дека судот треба внимателно да ја формулира својата комуникација за да не создаде впечаток дека одбраната е „непријател на вистината“, туку да објасни дека сите страни во судницата се таму за да се утврди дали обвинението е правно одржливо.„Тонот не смее да имплицира дека одбраната е нужно зло кое мора да се толерира. Целта на постапката е фер и транспарентен процес, а не моралистичка потрага по апсолутна вистина", додава Јошевска-Анастасовска.

Коментари | пред 3 месеци

Игор Дурловски за Аца Лукас: „Ако сакаме да постоиме како држава, мора да престанеме да бидеме публика на туѓи режисери“

Оперскиот пејач Игор Дурловски остро реагираше по случувањата во Кавадарци, оценувајќи дека домашната јавна сцена сè повеќе се претвора во продолжение на балканските естрадни и политички пресметки, наместо во простор за заштита на сопствениот културен идентитет.Дурловски предупреди дека одредени регионални „естрадни центри на моќ“ не само што влијаат врз вкусот на публиката, туку се обидуваат директно да навлезат и во македонските политички процеси. Според него, тоа претставува сериозна опасност за културниот суверенитет на државата.„Ако државава сака да функционира со минимална самопочит, мора да воспостави строги и транспарентни правила за организацијата и настапите на странски изведувачи,“ порача тој, додавајќи дека тоа не е рестрикција, туку „елементарна културна самозаштита“.Дурловски предлага формирање стручно тело кое ќе утврди јасни критериуми, стандарди и обврски за концертни организатори и изведувачи, со цел да се спречи, како што вели, „деградација на нашата културна сфера во сензационалистичка придружна програма на туѓи интереси“.„Ако сакаме да постоиме како држава, мора да престанеме да се однесуваме како публика на настан чиј режисер никогаш не сме го избрале,“ напиша тој.

Коментари | пред 3 месеци

(Видео) Аца Лукас по приведувањето во Кавадарци: „Во станица ме држеа цела ноќ – ова беше политичка порака“

Аца Лукас се огласи по синоќешниот прекинат настап во Кавадарци, каде полицијата го приведе во станица поради, како што беше соопштено, непријавен и нерегуларен концерт. Пејачот во подолга изјава тврди дека целата акција била лично насочена кон него и неговиот тим.Според Лукас, настапот бил при самиот крај кога во локалот влегла полицијата и го прекинала концертот.„Не сум уапсен, отидов со сопствено возило. Во станицата ми рекоа дека настапот не бил регуларен, дека не бил пријавен, иако неколку дена претходно испратив копија од пасош – како што секогаш правиме,“ изјави тој.Пејачот вели дека целиот бенд бил на бина, но само тој бил собран во станица.„Имам сознание дека ова е направено лично и дека има врска и со луѓе од моето најблиско опкружување и со врвот на македонската власт,“ тврди Лукас.Тој додава дека, доколку имало неправилности, надлежните требало да реагираат пред настапот, а не пред „2000 луѓе и кусур“.„Ова е како да знаете дека некој доаѓа да убие некого, а вие да реагирате дури после тоа. Сè е јасно,“ порача пејачот.Според неговите зборови, во полициската станица поминал цела ноќ, без дозвола да се врати во хотел, а утрото чекал судија за прекршоци. Притоа, како што вели, полицајците во станицата биле коректни и дури му се извиниле.„Еден човек од судот ми рече: ‘Може ли да ви се извинам во име на македонскиот народ’. Нема потреба – народот е прекрасен. Проблемот е кој го води,“ изјави Лукас.Пејачот вели дека ќе размисли дали воопшто ќе настапува во Македонија „додека овие луѓе се на тие позиции“, бидејќи се чувствува небезбедно.„Ова нема да остане неразјаснето. Ќе објавиме сè кога ќе бидеме сигурни. Не се плашиме од никого,“ додаде тој.

Настани | пред 3 месеци

Осуден, но недостапен: Четврти ден полицијата трага по осудениот за несреќата кај Ласкарци

Осудениот за трагедијата кај Ласкарци, Ремзи Мифтари, четврти ден е недостапен за полицијата, иако има правосилна 10-годишна затворска казна и наредба за присилно спроведување во затворот „Идризово“.Од СВР Тетово потврдуваат дека уште пред четири дена ја добиле наредбата од гостиварскиот суд, но Мифтари не бил пронајден ниту дома, ниту на други локации за кои имале сознанија. Во тек се активности за негово лоцирање, но засега – без успех.Мифтари претходно ја избегнуваше казната со лекарско уверение за операција на кила на тестисите, со што успеа да добие одлагање. Но уверението истече, а тој ниту се појави доброволно во затвор ниту може да биде најден.Судот претходно му испратил покана за јавување на издржување на казната, а откако не се појавил во законскиот рок, затворот го известил судот и започната е постапка за присилно приведување. Паралелно, до граничната полиција е доставена забрана за негово легално излегување од државата.Според информациите, на ниту еден граничен премин не е регистриран излез на Мифтари, што упатува на тоа дека се крие во земјата.Мифтари, одговорен за превозот во компанијата „Дурмо турс“, заедно со сопственикот Дурмиш Белули, беше осуден на по 10 години затвор за несреќата кај Ласкарци, кога неисправен автобус полн со патници излета од патот. Во оваа трагедија загинаа 16 лица, а околу 30 беа повредени, дел со трајни последици.

Македонија | пред 3 месеци

Убиен водач на навивачката група на Партизан од Земун — Белград во состојба на зголемена безбедносна мобилизација

Млад маж, идентификуван како 23-годишниот Тадија Пантиќ од Земун, е убиен денеска околу 11:45 часот во Нов Белград. Според српските медиуми, двајца напаѓачи на скутер без регистарски таблички му се доближиле, се вратиле назад и пукале во него со рафален оган.Пантиќ бил погоден во главата и телото. Починал на самото место, зад трафика на булеварот „Арсенија Чарнојевиќ“, во близина на спортска обложувалница. Нападот го слушнале бројни минувачи, кои во паника се разбегале.На лице место брзо пристигнале екипи на Брза помош и полицијата, која веднаш го обезбеди просторот и започна увид. Подрачјето е покриено со голем број надзорни камери, кои веќе се анализираат.Според првичните информации, скутерот што го користеле убијците е пронајден подоцна запален на Вождовац.Семејството и пријателите на Пантиќ пристигнале веднаш по нападот. Неговата сестра, видно потресена, ги молела полицајците да ѝ дозволат да го види брат ѝ.Тадија Пантиќ важел за лидер на навивачката група на Партизан од Земун и претходно двапати бил мета на напади, кои ги преживеал.Поради убиството во Белград е активирана полициската акција „Вихор 3“, а интензивно се трага по напаѓачите.

Свет | пред 3 месеци

Овие хороскопски знаци не се плашат да бидат различни — и токму затоа успеваат

Некои луѓе не се грижат дали се прифатени во општеството, ниту пак ги интересира мислењето на мнозинството. Тие знаат кои се, веруваат во себе и често одат спротивно од струјата. Иако околината понекогаш ги доживува како чудни, бунтовни или тврдоглави индивидуалци, токму овие знаци најчесто успеваат – затоа што не се плашат да бидат свои. Нивниот пат не е лесен, но е автентичен, а успехот што ќе го постигнат е целосно заслужен.ОвенОвните се родени водачи, без разлика дали некој им го признaва тоа или не. Тие нема да чекаат зелено светло за да тргнат, ниту ќе бараат потврда од другите. Нивната храброст и директност често ја шокира околината, но им ги отвора вратите кои другите и не се обидуваат да ги допрат. Иако можат да изгледаат импулсивни или тврдоглави, нивната сила лежи во иницијативата и самодовербата. Не се вклопуваат – затоа што не сакаат. И токму затоа постојано оставаат трага.ВодолијаВодолиите се визионери. Тие не се водат од туѓи правила, норми или воспоставени модели на однесување. Размислуваат однапред и често чувствуваат дека другите не ги разбираат. И навистина, на многумина им е тешко да го следат нивното темпо и оригиналност. Но Водолијата успева затоа што не се откажува од својата вистина. Во работа, љубов и живот генерално, тие привлекуваат можности што тешко се објаснуваат и градат успех под свои услови.СкорпијаСкорпиите не поднесуваат површни односи и лажни пофалби. Нив не ги интересира дали некому се допаѓаат – за нив важни се длабочината, интензитетот и сопствената вистина. Во секое поле од животот делуваат однатре кон надвор, без желба да се вклопат или прилагодат. Заради тоа често создаваат кариера или живот кој за другите изгледа фасцинантно. Не бараат туѓи мислења затоа што му веруваат на сопственото чувство, а нивниот успех доаѓа тивко – но со огромно влијание.ЈарецЈарците се познати по тоа што работат во тишина. Не им требаат потврди ниту признанија, а уште помалку ги интересираат краткотрајни трендови или туѓи очекувања. Тие знаат што сакаат и имаат трпение да го изградат, чекор по чекор. Нивната истрајност, дисциплина и силен карактер ги издвојуваат од другите. Иако некои не ги забележуваат веднаш, на крајот тие се токму оние што опстануваат – и успеваат – без ниту еден вишок збор.

Магазин | пред 3 месеци

Русија со остар одговор на мировниот план на САД: „Само воена победа може да ја заврши војната“

Високиот функционер на руската Државна дума и заменик-претседател на Комитетот за одбрана, Алексеј Журављов, остро го одби американскиот мировен план од 28 точки за запирање на војната во Украина, оценувајќи го како „отворена провокација“ и документ кој „никако не одговара на руските државни интереси“.Журављов за „Москва тајмс“ изјави дека спорот може да заврши единствено со „целосна воена победа“ на Русија и капитулација на Украина. Според него, Вашингтон има намера да ја задржи Украина како трајна стратешка закана за Русија.„Дури и намалена по територија и воена моќ, Украина би останала сериозна опасност за нас и би нè принудила да држиме значителни сили на западната граница“, рече тој. Според Журављов, заднината на американскиот план е пренасочување ресурси кон потенцијален конфликт со Кина, додека Украина служи како средство за исцрпување на Русија.Тој го отфрли толкувањето дека предложениот американски договор е усогласен со руските барања.„Чудно е некој да ги изедначува американските интереси со руските“, порача Журављов, додавајќи дека документот е создаден да ѝ користи на Америка, а не на Москва.Претседателот Владимир Путин потврди дека целосно го примил предлогот на 21 ноември, но истакна дека не постои реален дијалог бидејќи Украина не ги прифаќа условите. Тој нагласи дека Русија е подготвена да ја продолжи офанзивата, додавајќи дека е „задоволен од сегашната динамика“ на фронтот.Неименуван извор за „Гардијан“ навел дека Путин видел „атрактивни елементи“ во планот, но дека недостасуваат две суштински точки: правно обврзувачка забрана НАТО да се прошири кон Украина и уставна гаранција за нејзина трајна неутралност. Москва би прифатила членство на Украина во ЕУ само доколку воената интеграција е експлицитно исклучена, по моделот на Австрија.Според „Волстрит журнал“, мировниот план на претседателот Доналд Трамп предвидува:признавање на руската контрола врз Крим, Донецк и Луганск;формирање демилитаризирани зони;повлекувања на силите на одредени делови од фронтот;широка амнестија за сите инволвирани во конфликтот — со што би биле заштитени и руски функционери.Планот вклучува и идеја 100 милијарди долари замрзнати руски средства да се пренасочат за обнова на Украина под американска контрола, а Европа дополнително да обезбеди уште 100 милијарди долари.ЕУ остро реагираше, нарекувајќи делови од планот „скандалозни“, предупредувајќи дека тој го поткопува украинскиот суверенитет и ги легитимира руските територијални придобивки.Украинските власти порачаа дека единствен начин да се спречи идна агресија е со цврсти и обврзувачки безбедносни гаранции, а не со територијални компромиси.„Ниту едно решение донесено под туѓ притисок нема да биде прифатено,“ велат украинските функционери, нагласувајќи дека државата нема да се согласи на „губење достоинство“ по цена на наметнат мир.

Свет | пред 3 месеци

Австрија планира забрана за носење шамии во училиштата за девојчиња под 14 години

Австрија од следната учебна година планира да воведе забрана за носење шамии во училиштата за девојчиња под 14 години, најави министерката за интеграција Клаудија Плаколм. Предлог-законот наскоро ќе се најде на расправа во Парламентот, а мерката треба да се применува од учебната 2026/2027 година.Плаколм, членка на Австриската народна партија (ОВП), изјави дека носењето шамија кај девојчињата не претставува верски ритуал, туку практика што создава „чувства на срам“, води кон „нарушена слика за телото“ и ја намалува самодовербата.Ова е втор обид за воведување ваква мерка. Во 2019 година највисокиот суд ја поништи претходната забрана предложена од истата партија, оценувајќи дека е спротивна на уставните права. Но сегашната владина коалиција — составена од ОВП, Социјалдемократската партија и либералната НЕОС — верува дека новата законска рамка ќе помине, наведувајќи дека бројот на муслимански девојчиња под 14 години во австриските училишта се зголемил од 3.000 на 12.000.Според предлог-законот, доколку ученичка носи шамија и покрај забраната, наставниците најпрво се должни да разговараат со родителите. Во случај на повторени прекршувања, родителите може да се соочат со парична казна до 800 евра.Исламската заедница во Австрија ги критикуваше плановите, обвинувајќи ја власта дека собира политички поени наместо да се грижи за благосостојбата на децата. „Целта е да се профитира од антиисламското расположение“, порачаа од заедницата.

Свет | пред 3 месеци

Калајџиев: Штетата од политички монтираното обвинение за Кочани ќе ја платиме сите

Правниот експерт и универзитетски професор Гордан Калајџиев остро реагираше по повод обвинението за случајот со пожарот во дискотеката „Пулс“ во Кочани, оценувајќи дека процесот носи сериозни импликации.„Штетата од политички монтираното обвинение за Кочани ќе ја платиме сите!“, напиша професорот,На оваа тема, Калајџиев реагираше и пред два месеци:„Не е страшно што обвинителите згрешиле со „теоријата“ за верижна одговорност за пожарот во Кочани. Страшно е што не се работи за грешка туку за нарачка од политиката. Страшно е што сите правни авторитети се сложија дека тоа баш нема да може, а сепак си го тераат! Згора и се унапредуваат во кариерата. Уште пострашно е што судот нема храброст да не го прифати ваквото широко обвинение“, напиша професорот на социјалните мрежи.

Коментари | пред 3 месеци

AFP: Мировниот план на САД би ѝ дал на Русија територија колку еден Луксембург без борба

Спроведувањето на американскиот мировен план за Украина, во формата во која моментално се разгледува, би резултирало со тоа Русија да добие речиси 2.300 квадратни километри нова територија – површина речиси еднаква на Луксембург, пресмета француската агенција AFP, користејќи податоци од Институтот за проучување на војната (ISW).Според документот, Украина би се повлекла од речиси 5.000 км² во Донецка област и 45 км² во Луганска, додека Русија би вратила делови од Харквивската, Днипропетровската, Сумската и Чернихивската област, во вкупна површина од околу 2.770 км².AFP оценува дека планот фактички „би ѝ предал на Русија околу 20% од украинската територија, во замена за враќање на помалку од 0,5%“.Што предвидува планот?Во членот 21 од мировниот предлог стои:Крим, Луганск и Донецк се признаваат како де факто руски, вклучително и од САД.Во Херсон и Запорожје се замрзнува моменталната линија на фронтот.Русија би се повлекла од некои дополнително договорени области.Украинските сили би се повлекле од дел од Донецка област што сè уште го контролираат.Тој појас би станал демилитаризирана тампон-зона, меѓународно призната како дел од Руската Федерација, во која руските сили не смеат да навлегуваат.И двете држави би се обврзале дека нема да ги менуваат новите територијални граници со сила. САД би давале безбедносни гаранции за Украина—но тие престануваат да важат доколку Украина ја нападне Русија.Economist: Со сегашното темпо Русија би ја освојувала Украина повеќе од еден векСпоред пресметка на The Economist, ако руската офанзива продолжи со моменталното темпо, на Москва би ѝ требало до јуни 2030 година за да ги заземе Луганск, Донецк, Херсон и Запорожје — а уште 103 години за целосна окупација на Украина.Весникот наведува дека од мај годинава Русија освоила само 0,4% нова територија и притоа трпи „огромни човечки загуби“. Според нивната мета-проценка, руските жртви до октомври достигнале 984.000 – 1.438.000 луѓе, од кои меѓу 190.000 и 480.000 загинати.Зелeнски: Украина е пред „еден од најтешките избори во својата историја“Украинскиот претседател Володимир Зеленски изјави дека земјата се соочува со исклучително сложен момент.„Ова е еден од најтешките моменти во нашата историја. Украина може да се најде пред избор: или загуба на достоинството, или ризик од губење клучен партнер“, рече тој, алудирајќи на САД и нивниот мировен предлог.Зеленски посочи дека Киев ќе делува брзо, но и дека „националните интереси мораат да бидат зачувани“.„Ќе соработуваме мирно и конструктивно со Америка и партнерите. Ќе дадеме аргументи, ќе понудиме алтернативи, но нема да му дадеме на непријателот причина да каже дека Украина не сака мир“, додаде тој.

Свет | пред 3 месеци

Орбан: Европа е на раскрсница – еден пат води кон мир, другиот директно во војна

Унгарскиот премиер Виктор Орбан изјави дека војната меѓу Русија и Украина ја довела Европа до „историска раскрсница“, предупредувајќи дека континентот се соочува со две можни насоки – една која нуди шансa за мир и друга која, како што рече, води „директно во војна“.Орбан повтори дека американскиот претседател Доналд Трамп „не се откажал“ од намерата да донесе мир во Украина и повика европските лидери да застанат зад неговата иницијатива.„Можеме да се вратиме од оваа слепа улица и конечно да се обединиме зад мировната иницијатива на претседателот Трамп, вклучувајќи ги и бриселските бирократи. Тоа би значело лидерите кои го поддржуваат продолжувањето на војната да признаат дека во последните три и пол години ги трошеле тешко заработените пари на Европјаните на конфликт кој не може да се добие на бојното поле“, рече Орбан.Според него, алтернативата е опасна.„Ако европските лидери што ја поддржуваат војната продолжат да испраќаат пари и оружје во Украина без поддршка од САД, тогаш го отвораат патот за европско-руски судир. Европа добро знае каде води тој пат – последиците отсекогаш биле трагични“, предупреди тој.Орбан нагласи дека Унгарија јасно избрала страна:„Не постои дилема за нас – го избираме патот на мирот. Така нѐ задолжи унгарскиот народ, а тоа го диктираат и моралот и здравиот разум“, изјави премиерот, додавајќи дека во таа насока испратил писмо до претседателката на Европската комисија.

Свет | пред 3 месеци

Зеленски назначи преговарачка делегација за разговорите со Вашингтон и Москва

Украинскиот претседател Володимир Зеленски назначи деветчлена преговарачка делегација која ќе учествува во разговорите со САД, Русија и другите меѓународни партнери, се наведува во указ објавен во саботата во Киев.Шефот на кабинетот на претседателот, Андриј Јермак, е именуван за главен преговарач, додека меѓу членовите на делегацијата е и Кирило Буданов, раководителот на украинската воена разузнавачка служба.Одлуката доаѓа еден ден откако Зеленски предупреди дека американскиот мировен план ја става Украина пред „многу тежок избор — или загуба на достоинството, или ризикување да се изгуби клучниот партнер“, алудирајќи на САД.Американската поддршка — важна за испораките на оружје и за обезбедување разузнавачки информации — останува од суштинско значење за способноста на Киев да продолжи да се спротивставува на руските сили.Високи украински претставници во наредните денови треба да се сретнат со американски претставници во Швајцарија за да разговараат за предложениот мировен план на претседателот Доналд Трамп. Точниот термин и локација на средбата сè уште не се соопштени.

Свет | пред 3 месеци

(Видео) Инцидентот со Аца Лукас стана политичка тема: Сопственик на српска ТВ го нападна Мицкоски, го вмеша и македонското знаме

Директорот на српската „Хајп ТВ“, Саша Мирковиќ, жестоко го нападна премиерот Христијан Мицкоски, обвинувајќи го дека стои зад приведувањето на српскиот фолк-пејач Аца Лукас во Кавадарци. Министерството за внатрешни работи претходно соопшти дека Лукас настапувал без соодветна дозвола, додека Мирковиќ спинувајќи го случувањето, вели дека наводната причина била – македонското знаме кое пејачот го носел на сцената.Инцидентот се случил доцна синоќа, кога полицијата го прекинала настапот на Лукас и го привела во станица. МВР официјално информираше дека организаторите не обезбедиле законски услови за настап и дека пејачот изведувал платен концерт без дозвола.Но Мирковиќ на ТикТок излезе со сосема поинаква верзија.„Лукас го привеле и му го прекинале настапот по наредба на премиерот Христијан Мицкоски, затоа што носел македонска, а не бугарска застава. Какво лудило е ова? Дали тој човек е Македонец или Бугарин? Пуштете го човекот да си оди дома,“ изјави тој.Мирковиќ тврди дека настапот бил „насилно прекинат“, а публиката, која купила влезници, останала без концерт.„Изигравате шерифи по Кавадарци. Зошто? Дали Мицкоски е нормален? Има ли некои пикопаценци околу него? Ништо не ми е јасно,“ продолжи Мирковиќ во својата видео-објава.Тој најави и прес-конференција на која, како што рече, ќе ги „разоткрие врските на луѓето од владата“.„Како што Мило се држеше до ’црната вдовица’, така и ти. И како што помина Мило на следните избори, така ќе поминеш и ти,“ му порача Мирковиќ на Мицкоски.На крај, му испрати поддршка на Аца Лукас:„Издржи, Ацо. Народот е со тебе. Те сака твојот брат.“Од Владата засега нема официјален одговор на обвинувањата, а МВР останува на првичната информација дека станувало збор за настап без дозвола.

Магазин | пред 3 месеци

Шут карта: Мицкоски планира промени во Владата, двајца министри под прашалник

На почетокот на следната година се очекува мала реконструкција на Владата, во која, според неофицијални информации, ќе бидат сменети најмалку двајца министри од актуелниот состав. Промените се очекуваат во Министерството за правда и Министерството за култура, каде премиерот Христијан Мицкоски е најнезадоволен од работата на министрите Игор Филков и Зоран Љутков.Информациите за можни смени кружат со месеци, но засега Владата официјално не потврдува дека се водат разговори или дека постои конечна одлука. Сепак, Мицкоски уште пред парламентарните избори најави дека ќе има реконструкција на владината постава по стабилизирањето на институциите.Лидерот на ЗНАМ, Максим Димитриевски, чија партија го предложи Филков за министер за правда, во гостувањето во подкастот „Претрес“ рече дека не слушнал за можни смени и изјави дека е задоволен од работата на Филков.И покрај тоа, незадоволството на премиерот од овој ресор е тема која периодично се отвора, особено поради недоволниот напредок во реформите во правосудството.Што се однесува до културата, смената на Зоран Љутков се смета за посигурна, поради низа критики и протести на негови колеги, уметници и културни работници. Последниве месеци Љутков интензивно преку јавни и спонзорирани објави ја промовира својата работа, но тоа не ги намали реакциите во секторот.Иако од Владата тврдат дека „засега нема договор за замени“, изворите во коалицијата велат дека одлуките ќе се конкретизираат по новогодишните празници, а реконструкцијата ќе биде претставена пред јавноста.

Македонија | пред 4 месеци