СДС и Алексовска Стојановска да одговорат дали судијката ги финансирала или пак тие ја подмитувале со кирија за изнајмен деловен простор, прашува ВМРО-ДПМНЕ

„СДС го партизираше правосудниот систем во Македонија. СДС во Струмица ги бираше судиите кои после изборот, наместо по закон, судеа по партиска директива и тоа секој ден, се повеќе излегува на површина“, вели ВМРО-ДПМНЕ.„Блискоста на СДС со судиите се гледа и во примерот со судијката Даниела Алексовска Стојановска, која им отстапила дел од својот дом за партиски општински штаб.Се поставува прашањето дали со ваквиот гест, судијката Даниела Алексовска ја финансирала СДС, или пак додека СДС биле на власт ја поткупувале, односно ја подмитувале, нејзе со кирија?За ова одговори треба да дадат судијката Даниела Алексовска Стојановска, како и претседателот на СДС, Венко Филипче кои треба да кажат како е уреден односот за користење на просторот од страна на СДС во куќата на судијката во Ранковце.Треба да се даде одговор дали СДС плаќала кирија за закуп на дел од семејната куќа на судијката и ако плаќала, колку таа изнесувала? Исто така, треба да се одговори дали СДС киријата ја плаќале на сметка или на рака, во готово?Или пак, доколку СДС не плаќале кирија за изнајмување на просторот, истите треба да одговорат дали пријавиле донација од страна на судијката, во форма на отстапување на користење на деловен простор без паричен надоместок?Ова е сериозно прашање кое ја поткопува независноста на судството и ја покажува страната на тесната испреплетеност на судиите со политиката и за тоа што поскоро треба да се изјаснат и да дадат одговори СДС и судијката Алексовска Стојановска.Од друга страна пак, Судски совет веќе треба да почне да работи и да донесе одлука со која ќе ја разреши истоимената судијката, која полнолетен нарко дилер испратила во поправен дом, наместо да го испрати директно во затвор.Аргументите се многубројни и на очиглед на целата македонска јавност и Судски Совет веќе не може да се прави дека не ги гледа. Која и да било ситуација да е точна од овие поставени дилеми, сериозно ја поткопува работата и независноста и само поради тоа Даниела Алексовска Стојановска повеќе не смее да биде судијка.Народот очекува и веќе одговорност во Македонија мора да има“, се наведува во соопштението на ВМРО-ДПМНЕ.

Македонија | пред 1 година

Вицепремиерот Меџити се сретна со конгресменот Адерхолт: Партнерството со САД – Стратешки столб за Северна Македонија

Претседателот на Демократското движење и прв вицепремиер на Северна Македонија, Изет Меџити, оствари значајна средба со републиканскиот конгресмен од Алабама, Роберт Адерхолт.На оваа пријателска средба се разговараше за повеќе клучни прашања кои ги засегаат односите меѓу Северна Македонија и САД, со посебен акцент на зајакнувањето на стратешката соработка меѓу двете земји. Двете страни се согласија дека продлабочувањето на овие односи треба да остане заеднички приоритет.Првиот вицепремиер Меџити ја потврди непоколебливата заложба на Северна Македонија за европска интеграција, истакнувајќи дека земјата останува фактор на стабилност во регионот. Тој ја нагласи важноста на сојузништвото со САД како неопходна поддршка за развојот и безбедноста на земјата.„САД се нашиот главен стратешки партнер и нивната континуирана поддршка останува гаранција за иднината на Северна Македонија. Ја цениме силната и натпартиска посветеност на Соединетите Држави во поддршката на нашиот евроатлантски пат“, истакна Меџити.Конгресменот Адерхолт, од своја страна, ја потврди посветеноста на САД за зајакнување на партнерството со Северна Македонија и поддршката за нејзината интеграција во евроатлантските структури.

Македонија | пред 1 година

Зеленски подготвен да ги стави чувствата на странаа: Ако тоа е единствената опција што ќе донесе мир, подготвен сум да седнам на маса со Путин

Володимир Зеленски е подготвен да седне на преговарачка маса со рускиот претседател Владимир Путин, доколку тоа е единствената опција што ќе донесе мир во Украина, изјави украинскиот претседател на британскиот новинар Пирс Морган во интервју објавено на 4 февруари, пишува Киев Индипендент.Зеленски рече дека Украина е подготвена да стави крај на „жешката фаза“ на војната и дека нејзината подготвеност воопшто да преговара со Русија претставува компромис.„Ќе разговараме со Путин... Дури и разговорот со Путин е компромис“, му рекол Зеленски на Морган.На прашањето како би се чувствувал седејќи спроти Путин на состанок, Зеленски ги оставил настрана своите лични чувства по ова прашање.

Свет | пред 1 година

Доналд Трамп го потпиша повлекувањето на САД од Советот за човекови права на Обединетите нации

Американскиот претседател Доналд Трамп во вторникот нареди прекин на американското учество во Советот за човекови права на ОН (HRC) и продолжи со суспендирање на финансирањето на агенцијата на ОН за помош на Палестинците (UNRWA).Овој потег се совпаѓа со посетата на Вашингтон на израелскиот премиер Бенјамин Нетанјаху, кој долго ја критикуваше УНРВА, обвинувајќи ја за антиизраелско поттикнување и нејзиниот персонал дека е „вмешан во терористички активности против Израел“.За време на неговиот прв мандат од 2017 до 2021 година, Трамп, исто така, го намали финансирањето на УНРВА, велејќи дека Палестинците мора да се согласат да ги обноват мировните преговори со Израел и повика на неодредени реформи.Првата администрација на Трамп, исто така, го напушти 47-члениот Совет за човекови права на ОН на средината на неговиот мандат поради, како што рече, хроничната пристрасност кон Израел и недостатокот на реформи.Работната група на Советот треба да поднесе извештај за состојбата со човековите права во САД подоцна оваа година, процес низ кој поминуваат сите земји на секои неколку години. Иако Советот нема правно обврзувачка моќ, неговите размислувања имаат политичка тежина, а критиката може да го зголеми глобалниот притисок врз владите да го променат курсот.Откако ја презеде функцијата за втор мандат на 20 јануари, Трамп им нареди на САД да се повлечат од Светската здравствена организација (СЗО) и од Парискиот договор за климата - исто така чекори што ги презеде за време на неговиот прв мандат.САД беа најголемиот донатор на УНРВА - обезбедувајќи 300 до 400 милиони долари годишно - но претходникот на Трамп Џо Бајден го прекина финансирањето во јануари 2024 година, откако Израел обвини десетина вработени на УНРВА за учество во смртоносниот напад на палестинските милитанти на Хамас врз Израел на 7 октомври 2023 година, кој ја предизвика војната во Газа.

Свет | пред 1 година

Можно е да одговараат и родителите на Васил: кој го купил возилото, како стигнало во негови раце, кој плаќал нафта

Обвинителството испитува кој му го купил возилото на Васил Јованов со кое на пешачки премин на усмрти 22-годишната Фросина Кулакова. Ова се прави со цел да се провери дали и колку помош добивал од неговите родители, кои би можеле да бидат осомничени во постапката. Доколку се утврди дека тие му помогнале, со тоа што иако немал возачка, му дале возило или пари за да може да го управува, би можело да се утврди одговорност.„Евентуално ако може да се стават тие дејствија во насока да му се става општо опасно средство со кое е извршено кривичното дело, тоа би подлегнало на некаква одговорност“, вели шефот на скопското Јавно обвинителство, Гаврил Бувевски за „Телма“.Тој кажа дека сега се е во рацете на полицијата која треба да утврди како Јованов дошол до автомобилот, од кого го купил и на кого е запишана сопственоста. Бубевски рече дека не знае кои факти ќе произлезат од испитувањето на тоа како возилото стигнало во рацете на Васил Јованов – од аспект дека можеби е доброволно дадено, а можеби и го земал без знаење на родителите.„Тоа сѐ треба да се испита. Возилото е на име на таткото. Доказниот материјал треба да го прибави МВР, а може и тие да направат анализа. Тие добија наредба од обвинителот што постапува“, вели Бубевски.

Македонија | пред 1 година

Советот на општина Охрид се вклучи во кампањата „Ги запознаваме ретките болести 𝟤𝟢𝟤𝟧“

По повод месецот на ретки болести, претседателот на советот на Општина Охрид Перчо Божиновски и советниците на Советот на Општина Охрид се вклучија во кампањата „Ги запознаваме ретките болести 2025“, која започна денеска и ќе трае до крајот на месец февруари.Со боење на дланките како симбол на пациентите со ретки болести кои имаат пристап до лекови, охридските советници испратија порака за поддршка и изразија надеж дека ќе се обезбедат подобри услови за лекување и третман на сите лица со ретки болести.Поддршка на кампањата даде и секретарот на Општина Охрид, Александар Китески. Инаку, Локалната самоуправа и оваа година активно ќе се вклучи во кампањата „Ги запознаваме ретките болести 2025“ со осветлување на општинската зграда, јавни објекти и локации во боите на ретките болести.

ОО | пред 1 година

Излезе од печат книгата „Охридските писатели во книжевната критика“

Во издание на општина Охрид, деновиве од печат излезе книгата „Охридските писатели во книжевната критика“, што ја приредија авторите Димитар Пандев и Славе Ѓорѓо Димоски.Оваа книга е единаесетто издание на едицијата „Охридско книжевно наследство“ и опфаќа избор на дневно-публицистичка и популаризаторска критика за охридските писатели. Во неа се нагласува високото место на писателите од охридскиот крај во македонската книжевност. Книгата има 298 страници и е објавена во тираж од 200 некомерцијални примероци.Промоцијата на изданието „Охридските писатели во книжевната критика“ ќе се одржи во рамки на годинешното издание на Прличевите беседи, на 6.02.2025 (четврток) со почеток во 11:30 часот во Спомен куќата на Григор Прличев. Промотор на книгата ќе биде Бранко Цветкоски.

ОО | пред 1 година

Градоначалникот Пецаков оствари средба со австрискиот амбасадор Памер

Градоначалникот Кирил Пецаков денеска оствари средба со амбасадорот на Австрија во Република Македонија, Мартин Памер.Амбасадорот беше придружуван од Петер Логар, проект менаџер на Програмата за поддршка на тиролската противпожарна бригада и Јоханес Пап, Заменик командант на Покраинската противпожарна бригада на Тирол, Сојузна покраина на Австрија.На средбата на која присуствуваа и претставници на Противпожарната единица од Охрид се разговараше за можноста за воспоставување на соработка, во делот на противпожарната заштита. Особено беше потенцирана потребата од активна волонтерска служба за противпожарна заштита, која треба да биде соодветно опремена за делување при поголеми пожари на отворено. Исто така, стана збор и за можни проекти кои би обезбедиле дополнителна опрема и обуки за противпожарната единица во Охрид.Градоначалникот изрази големо задоволство од посетата на австриската делегација и надеж дека од оваа средба ќе произлезе конкретна идна соработка.Во рамки на денешната посета, австриската делегација имаше средба и со вработените во ТППЕ Охрид, каде гостите имаа можност да се запознаат со техничката опременост, капацитетите и ресурсите со кои располага противпожарната единица. Беше остварена посета и на просториите кои ги користи доброволно противпожарно друштво „Ентузијаст“. Членовите на оваа волонтерската организација во текот на изминатиот период беа дел од многу значајни теренски интервенции за гаснење на пожари во Охридскиот регион.

ОО | пред 1 година

Мартин Гоџо е фаќачот на Чесниот крст за големит празник „Богојавление – Водици“

Во духот на традицијата и верата, Охрид го одбележа големиот и значаен празник за градот, Богојавление – Водици.По осветувањето на езерските води и положувањето на Светиот крст, најсреќен помеѓу стотината капачи беше Мартин Гоџо кој го фати Светиот крст.– Оваа година како што доликува ја имавме честа архиепископот г.г. Стефан да ја освети водата и да го положи крстот во Охридското Езеро. Голем број на претставници и државниот врв, претседателката на Македонија се присутни. Во Охрид секоја година е централната манифестација, но годинава по сите параметри беше и најпосетена и како што доликува на Балканскиот Ерусалим. Му посакувам многу здравје, среќа и успех на фаќачот на крстот Мартин кој по вторпат го фаќа крстот. Од Општина Охрид за фаќачот на крстот има икона и рачно изработен филигран традиционално како и секоја година, истакна градоначалникот Кирил Пецаков.На среќниот фаќач Дебарско – кичевската епархија го дарува со ланче со златен крст, а градоначалникот со рачно изработена икона и филигран во вид на крст.Прославата на големиот христијански празник Богојавление Водици продолжува на Градскиот плоштад со настап на Сузана Спасовска, Бојана Скендеровски, Миле Кузмановски и групата ДНК, со композиции од музичкиот проект „Македонијо во срце те носиме“ и со групно крштевање на Сараиште.Рано утринава градоначалникот Кирил Пецаков присуствуваше на осветување на водите од Охридското езеро во Пештани.

ОО | пред 1 година

Василичарски појадок во општина Охрид

Вера Рауник, Валентина Мургоска и Игор Петрески се најсреќни меѓу вработените во Општина Охрид. Тие ја пронајдоа паричката на заедничкиот традиционален појадок што се организира во општинската зграда по повод утрешниот празник Православна Нова Година – Василица.Појадокот беше организиран од минатогодишните кумови, Секретарот Александар Китески, Елена Јанковска – Цветаноска и Никола Прангоски.Новите и минатогодишните кумови беа дарувани со сребрени парички од страна на градоначалникот Кирил Пецаков.

ОО | пред 1 година

Прв координативен состанок за Богојавление – Водици

Градоначалникот Кирил Пецаков претпладнево го одржа првиот координативен состанок со Организцискиот одбор за подготовка на најмасовната културно- верска манифестација кај нас Богојавление- Водици. Очекувањата се дека и годинава празникот ќе биде одбележан на највисоко ниво со бројни посетители од земјава и странство.Во согласност со традицијата , Богојавленските чествуавања ќе бидат составени од два дела. Првиот дел е црковниот, за кој е задолжена Дебарско-кичевската епархија при МПЦ и вториот е граѓански и го координира Општина Охрид, а се однесува на целокупната празнична програма.На 19-ти јануари, богослужбите во охридските парохиски цркви ќе започнат во 7 часот наутро. Годинава Свети Литургии со почеток во 8:15ч. ќе се одржат во четири парохиски цркви; Успение на Пресвета Богородица – Каменско, Св. Никола-Геракомија, Св. Никола- Долна Влашка Мала и Св. Георгија- Горна Влашка Мала. Литијата кон градското пристаниште ќе се упати во 9:45 часот. Светиот крст во водите на Охридското Езеро ќе биде положен во 10:00 часот од градското пристаниште, а чинот на полагањето ќе го изврши Митрополитот тетовско –гостиварски Јосиф.Во сите парохиски цркви во Охрид веќе е започнато пријавувањето на капачите кои сакаат да бидат дел од настанот. До сега покрај охриѓани, своето учество го пријавиле и голем број верници од други градови на Македонија.Истиот ден во 12 часот на месноста Сараиште ќе биде организирано групно крштевање во Охридското Езеро. И годинава во организација на Црвен Крст ќе се одржи традиционалната крводарителска акција.Како дел од подготвителните активности и логистиката на настанот во недела на 12-ти јануари и покрај најавените снежни врнежи охридските нуркачи ќе спроведат чистење на дното од Охридското Езеро, на просторот каде ќе се одржува фрлањето на Светиот крст. Исто така, предвидени се и низа активности за уредување на пристаништето и крајбрежниот дел на Охридското Езеро, соодветно украсување на градот со зеленило и верски знамиња, како и низа значајни активности кои се поврзани со безбедноста на капачите и посетителите.Прославата за Водици во Охрид, продолжуваат на 20-ти јануари со уникатната манифесатција Денот на рибарите во чест на празникот Свети Јован Крстител.

ОО | пред 1 година

Македонските карате репрезентативци на прием кај градоначалникот Пецаков

Градоначалникот Кирил Пецаков денеска ги прими петмината карате репрезентативци, Анастасија Смилевска, Дамјан Митревски, Козма Митревски, Тамара Ѓурчиноска и Сара Цикуш од КБС „КУНСУТО”-Охрид кои го освојуваат врвот на националните првенства и обезбедуваат учество во големите меѓународни карате сцени.На надежните млади спортисти градоначалникот им посака понатамошни успеси посочувајќи дека локалната власт во рамки на своите ингеренции ќе ги поддржува и следи нивните успеси.Охридските репрезентативци на Македонија, Анастасија Смилевска и Дамјан Митревски учествуваа на Светското првенство за кадети, јуниори и У21 кое се оддржа на 09-13.10.2024 година во Венеција, Италија.Тамара Ѓурчиноска учествуваше на Медитеранското првенство кое се оддржа во периодот од 20-22.09.2024 година во Олбиа, Сардинија, Италија.На Балканско Првенство за кадети, јуниори и У21 кое се оддржа во периодот од 08-10.11.2024 година во Сараево-Босна и Херцеговина учествуваа охридските репрезентативци: Анастасија Смилевска, Козма Митревски, Дамјан Митревски, Тамара Ѓурчиноска и Сара Цикуш, при што Дамјан Митревски стана Балкански вицешампион освојувајќи го второто место во категорија кадети борби -52 кг, а Анастасија Смилевска како дел од екипата кадетки го освоија 5-тото место.Анастасија Смилевска, освојувајќи го првото место на Плеј-оф турнирот за кадети, јуниори и У21 обезбеди учество на Европското првенство за кадети, јуниори и У21 кое ќе се оддржи во периодот од 07-09.02.2024 година во Бјалско-Бјала-Полска.Селекцијата за избор во карате репрезентација на Македонија и обезбедување на учество на Балканско, Медитеранско, Европско и Светско превенство е процес кој започнува со постигнување на резултат од прво до трето место на државно првенство на Македонија, а продолжува преку плеј-оф турнири на кои од прво до трето пласираните се натпреваруваат меѓусебно и само прво пласираниот обезбедува учество на Светско или на Европско Првенство. За учество на Балканското првенство се избираат од прво до петто пласираниот на државното првенство, а за учество на Медитеранско првенство се избираат од прво до трето пласираниот на државното изборно првенство.

ОО | пред 1 година

Екипите на Паркови и зеленило на терен во Охрид

Екипите на Паркови и зеленило на терен со извршување на своите работни активности.Шпаклање на улиците „Булевар Туристичка“ и „АСНОМ“, редовно одржување на украсни форми, плевење со чистење на ул. „Македонски Просветители“ и чистење на суви лисја во градски паркСечење на суви дрјва по добиено решение од Општина Охрид, по чиј налог потоа Ј.П. „Охридски Комуналец“ постапува.

ОО | пред 1 година

Привршуваат подготовките за најмасовната културно-верска манифестација Богојавление-Водици

Охрид се подготвува за одбележување на најмасовната културно-верска манифестација Богојавление-Водици 2025.Ј.П. „Охридски Комуналец“ активно вклучен во подготовките: денес е украсено градското пристаниште од каде ќе биде положен Светиот крст, а улиците во централното градско подрачје украсени со верски знамиња.Хигиената на локациите каде ќе се одвиваат празнувањата и богатата програма се одржува на највисоко ниво.

ОО | пред 1 година

Поради снежниот бран што го зафати Охридскиот регион, подигнувањето на комунален отпад е отежнато

Се известуваат граѓаните на Општина Охрид, дека поради снежниот бран што го зафати Охридскиот регион, подигнувањето на комунален отпад е отежнато.Многу локации кои се предвидени за подигнување на комуналниот отпад, се тешко пристапни за нашите специјални возила и оневозможено е нивното слободно движењеОд тие причини во овие неколку денови, подигнувањето на комуналниот нема да се реализира со интензитет и динамика која е предвидена согласно годишната програма за работаСе надеваме на разбирање од граѓаните и правните субјекти, а штом се стабилизира состојбата, подигнувањето на комуналниот отпад ќе се реализира согласно пропишаната динамика

ОО | пред 1 година

Ретроспектива низ фотографии од денешните активности за чистење на снегот

Од раното утро, па се' до вечерниве часови ангажирани на сите критични точки, централно градско подрачје, села и населби кои гравитираат на повисоки места, чаршија, плоштади, пешачки зони, тротоари, влезови од институции од посебен интерес, пешачки премини, и.т.н.„Благодарност до кафе-бар Инстинкт кој несебично со чај ги згреа вредните работници“.

ОО | пред 1 година

(Видео) Охридски Комуналец неуморно во справување со снежната бура

Вредно и неуморно од раните утрински часови, со сета расположлива механизација и човечки ресурси, во справување со снежната бура.

ОО | пред 1 година

,,Охридски Комуналец" со логистичка поддршка во акцијата на нуркачите за расчистување на охридското пристаниште

Ј.П. „Охридски Комуналец" кака дел од координативното тело за организација на празнувањата и активностите поврзани со големиот христијански празник Богојавление-Водици, денес логистички се вклучи во акцијата од Клубот за подводни дејности „Охрид“ кои го чистеа дното на Охридското Езеро кај градското пристаниште.Од дното на езерото нуркачите подигнаа поголема количина најразличен цврст отпад кој претставува опасност за капачите, а нашите екипи со несебичен ангажман го подигнаа, и покрај обврските кои ги имаа денес за расчистување на снегот од раните утрински часови

ОО | пред 1 година

Со снежните врнежи екипите на Охридски Комуналец веднаш на терен

Од утринските часови се мобилизирани дежурните екипи од сите оперативни работни единици и веднаш се излезе на терен. Се интервенира според „Програмата за зимско одржување на територија на општина Охрид", по претходно дефинирана динамика, приоритет и ситуацијата на терен.Со целокупната расположива механизација се расчистува снежната покривка од коловозите до населените места кои се наоѓаат на повисоките места ( с. Велестово, нас. Исток, с. Елшани, населба ,,Гоце Делчев" (Бараки), У.З. „Стар Град“), главните прометни сообраќајници и улиците во централното подрачјеВо расчистувањето со сопствена механизација и работници се вклучени и екипи на Ј.П. „Нискоградба"Веднаш се интервенира и по пешачките зони, тротоари и пристапни патеки од висок приоритетСнегот се отстранува машински, а во исто време се интервенира со абрзивни средстваЗа да се обезбедат неопходните услови за безбедно движење на возила и пешаци, екипите остануваат во мобилна состојба во текот на целиот ден со цел да се опфати и поширокото градско подрачје и населени места

ОО | пред 1 година

Пред најавениот снежен бран, апел до граѓаните да ги дислоцираат паркираните возила

Заради најавените снежни врнежи во следните денови во охридскиот регион, Ј.П.,,Охридски Комуналец” упатува апел до граѓаните на општина Охрид и приградските населби да ги дислоцираат моторните возила од коловозните површини во централното градско подрачје, У.З.Стар Град, тесни улици, потоа сите улици кои согласно категоризацијата се од највисок приоритет на интервенција, каде и движењето во зимски услови е отежнато.На овој начин ќе се овозможи непречено и успешно дејствување на ангажираната механизација и ќе се елминира можноста за оштетување на паркираните возила при чистење на снегот.Само со координирана акција и активно учество на сите чинители, снегот навремно ќе се расчисти и ќе се овозможи нормално движење на возилата и пешаците, а со тоа и нормално функционирање на градот.

ОО | пред 1 година

И во празничниве денови работно, дежурните екипи на терен за одржување на јавната чистота во Охрид

И во празничниве денови работно, во служба на граѓаните и нашиот Охрид.Уште од раните утрински часови во првиот ден од 2025 година, дежурните екипи на терен за одржување на јавната чистота на градскиот плоштад и други фреквентни локации во централното градско подрачјеЗаради зголемениот број на туристи во текот на новогодишните и божиќните празници, дежурни екипи ќе интервенираат во зависност од наметнатите потреби.

ОО | пред 1 година

Се одржува јавната чистота на повеќе локации во Охрид

Согласно богатата програма која ја организира Општина Охрид по повод новогодишните празници, се одржува јавната чистота на повеќе локации каде се реализираат настаните.Секојдневно чистење на кејот и крајбрежниот појасЕкипите на Паркови и зеленило продолжија со чистење на обраснато зеленило на патот кон месноста Навис и во градски парк, како и чистење на обраснато зеленило кај касарната

ОО | пред 1 година

Светски Ден на борбата со ракот

Денеска се обележува 4 февруари, денот на борбата против ракот.Податоците се застрашувачки.Според последните податоци, годишно од рак умираат над 10 милиони луѓе во светот додека 40% од случаите би можеле да бидат превенирани. Затоа многу е важна превенцијата и раното откривање.СЗО алармира, до 2050 година бројот на новодијагностицирани случаи на рак ќе се зголеми за 77 отсто.Светската здравствена организација проценува дека секој петти човек во светот ќе заболи од рак, додека еден од девет мажи и една од 12 жени ќе умре од некоја форма на малигна болест.Ракот на белите дробови, дојката и дебелото црево се водечки локации на рак во однос на инциденцата и смртноста. Ракот на белите дробови е најчесто дијагностициран малигнен тумор и сочинува 12,4 отсто од сите нови случаи на рак и 18,7 отсто од сите смртни случаи од рак кај двата пола.Кај жените, најчесто дијагностициран малигнен тумор по ракот на белите дробови е ракот на дојката, кој сочинува 11,6 отсто од сите новодијагностицирани случаи.Нашата земја се соочува со сериозни предизвици во превенцијата и лечењето на овие пациенти: недостаток на терапија и персонал, лекови.

Македонија | пред 1 година

Болницата во Козле доби нова директорка

Министерството за здравство информира дека за нова директорка на УК за респираторни заболувања кај децата Козле е именувана проф. д-р Катерина Бошковска, која над дваесет години е дел од тимот на оваа установа.Д-р Бошковска е супспецијалист по педијатриска пулмологија.Во рамки на наставно образовната дејност е вклучена во активностите на катедрата при УКИМ и во последните пет години има објавено голем број научни трудови.Министерството се заблагодарува за досегашниот ангажман на претходната директорка д-р Каролина Симоновска.

Македонија | пред 1 година

153 години од раѓањето на великанот Гоце Делчев

Денеска се одбележуваат 153 години од раѓањето на големиот македонски револуционер Гоце Делчев.Централното чествување е во дворот на црквата „Свети Спас“ во Скопје, каде што цвеќе положи државниот врв.Чест оддадоа Претседателката Гордана Сиљановска Давкова, Премиерот Христијан Мицкоски и опозицискиот лидер Венко Филипче, како и бројни собраниски и пратиски делегации и претставници на здруженија на граѓани.На годинашното чествување нема официјална делегација од Бугарија.

Македонија | пред 1 година