Најнови вести

4 ден.

Трендафилов од протестот: Работници гинат на своите работни места, никој не презема ништо за нивна заштита

Претседателот на ССМ, Слободан Трендафилов, од протестот порача дека работниците денес се собрале за јасно да укажат на проблемите со ниските плати, непочитувањето на колективните договори, неплатената прекувремена работа и недостигот на социјален дијалог во земјава.„Денес сме тука не за да го слушнат тоа што сакаат да го слушнат, а ние да им кажеме дека платите се добри, дека се почитуваат колективните договори, дека се плаќа прекувремената работа, дека во Македонија е добро ако се работи 12-часовен работен ден за одредени колеги, дека е добро тоа што поднесуваат иницијативи во Уставниот суд затоа што сакаат да укинат колективен договор и дека е добро тоа што нема социјален дијалог.За жал, сликата во Македонија не е таква. Тие се обидоа да нè поколебаат, да нè откажат од работничката борба и на таков начин да покажат дека добро се живее во Македонија. Сакаат сликата за Македонија да биде 1% од народот на Македонија, кој има можност да си дозволи да замине во странство на продолжен викенд, и на таков начин да кажат дека сите се задоволни.Но, за жал, денес дојдовме да им кажеме дека, според нивните податоци, според податоците од Управата за јавни приходи, половина од работничкиот народ во Македонија живее со плата под 600 евра. Денес дојдовме да им кажеме дека една третина од вкупниот работнички народ во Македонија живее под прагот на сиромаштијата. Денес дојдовме да им кажеме дека тоа што го прават не е доволно.Денес дојдовме да им кажеме дека, додека ги потпишуваат колективните договори под притисок на синдикатите, а благодарение на протестите и штрајковите кои ги организиравме ние и вие заедно, денес водат борба за укинување на еден колективен договор кој ќе значи за една категорија работници минималец, а ќе значи за сите работници во следниот период исто така минималец.Во текот на вчерашниот ден беше истакнато дека тие планираат минималната плата да изнесува 500 евра до крајот на мандатот на оваа влада. Ние бараме минималната плата да се зголеми. Две години одбиваат да ја зголемат затоа што не сакаат да вратат работничко достоинство.За жал, голем број работници денес гинат на своите работни места. Наутро заминуваат на работа, а навечер не се враќаат. И никој не презема ништо за нивна заштита.Први мај живее, колку и да сакате да го умрете. Работничкото движење ќе живее, колку и да сакате да го умрете. Сојузот на синдикатите ќе живее, колку и да сакате да го умрете.80 години поминавме со комунисти, социјалисти, демократи и денес десничари, но клучно е што работниците во толкав број во 1946 година се собрале и го основале најголемиот синдикат во државата, кој од 1946 година бие битки со сите досегашни влади и ќе продолжи да го прави тоа“, порача Трендафилов.

Македонија | пред 4 дена

4 ден.

САД испратиле 6.500 тони воена опрема во Израел за 24 часа

Министерството за одбрана на Израел соопшти дека во последните 24 часа во земјата пристигнале вкупно 6.500 тони воена опрема од САД, меѓу кои има илјадници парчиња муниција и лесни оклопни возила.Според официјалните податоци, два товарни брода пристигнале во пристаништата Хаифа и Ашдод, додека дополнителна опрема била доставена и со неколку воени транспортни авиони. Во пратката се наоѓаат „илјадници воздушни и копнени проектили, воени камиони, борбени мобилни возила од типот JLTV, како и друга воена опрема“.По истоварот, опремата е транспортирана со камиони кон воени бази низ целата земја.

Свет | пред 4 дена

4 ден.

Студентите контра Вучиќ: „Ја нема таа кражба што ќе го спаси, избори за него сега значат политички крај“

Студентите од Електротехничкиот факултет во Белград остро реагираа на изјавите на српскиот претседател Александар Вучиќ, кој тврдеше дека актуелните анкети покажуваат сигурна победа на владејачката партија на евентуални предвремени парламентарни избори.Во својата реакција, студентите порачуваат дека реалната слика на терен е поинаква и дека, како што велат, „нема таа кражба со која може да се надомести моменталната разлика“, алудирајќи на падот на поддршката за власта.„Во јавноста се лицитира со датуми кога ќе има избори, кога ќе има митинг. Но, тоа ништо не значи. Тие датуми служат само за нивната машинерија да биде подготвена за брза мобилизација. А таа војска сѐ побрзо го напушта бродот што тоне, управуван од капетан со сомнителна рационалност“, наведуваат студентите.Тие додаваат дека доколку одлуките се носеле рационално, избори наскоро воопшто не би биле распишани.„Да беше рационален, а не е, избори немаше да има. Разликата не се менува со месеци и не може да се покрие. Ако сепак се одлучи на таков чекор, тоа ќе биде уште еден во низата ирационални потези за кои ќе се кае“, стои во нивната порака.Од друга страна, Вучиќ претходно изјави дека, според истражувањата, коалицијата предводена од Српската напредна странка би освоила мнозинство мандати, иако призна дека изборите секогаш носат неизвесност и дека би била тешка политичка трка.

Балкан | пред 4 дена

4 ден.

Уапсени седум лица поврзани со обидот за опожарување на синагогата во Скопје

Министерството за внатрешни работи го расчисти случајот со обидот за опожарување на верскиот објект на Еврејската заедница во Скопје на 12.04.2026 околу 04:50 часот.„Веднаш по добиената пријава, преземени се соодветни мерки и активности од страна на Секторот за борба против тероризам, насилен екстремизам и радикализам при Одделот за сузбивање на организиран и сериозен криминал во координација со СВР Скопје и Агенцијата за национална безбедност, при што во изминатиот период беа преземени повеќе оперативно- тактички мерки на подрачје на град Скопје.На 30.04.2026 од страна на Секторот за борба против тероризам, насилен екстремизам и радикализам во содејство со СВР Скопје и ОСПО, под раководство на надлежен јавен обвинител од ОЈО ГОКК, по претходно обезбедени наредби за вршење на претрес на дом и други простории, извршени се претреси на 13 локации на територија на Скопје, при што приведени се седум лица и одземени се предмети и електронски уреди поврзани со кривичното дело.По наредба на јавен обвинител, лицата се задржани за понатамошна постапка, по што од страна на Секторот за борба против тероризам, насилен екстремизам и радикализам при Одделот за сузбивање на организиран и сериозен криминал е поднесена кривична пријава против А.Љ (21) од Скопје поради основи на сомневање за сторено кривично дело „тероризам“ по член 394-б и А.Р. (38) од Скопје поради основи на сомневање за сторено кривично дело „тероризам“ по член 394-б од КЗ во врска со член 24 од КЗ, а од страна на судија на претходна постапка одредена им е мерка притвор“, информираат од МВР.

Скопје | пред 4 дена

4 ден.

Трамп им се закани на Италија и Шпанија

Американскиот претседател Доналд Трамп најави дека размислува за повлекување на дел од американските воени сили од Шпанија и Италија, како и за можна ревизија на военото присуство во рамките на НАТО, поради нивното противење на американската политика во однос на конфликтот во Иран.Тој во изјава за медиумите во Овалната соба ги критикуваше сојузниците, наведувајќи дека Шпанија и Италија не учествуваат доволно во заедничките напори поврзани со, како што рече, неутрализирање на иранската нуклеарна закана. Во истиот контекст, Трамп повторно ги нарече „т.н. сојузници“, изразувајќи незадоволство од нивната политика.Според официјални податоци, во Германија и други европски земји се распоредени десетици илјади американски војници, а дел од тие сили се стационирани и во Италија и Шпанија. Сè уште не е прецизирано колкав би бил обемот на евентуалното намалување.Американско-европските односи дополнително се оптоварени со разлики околу воените расходи во рамките на НАТО, каде што Вашингтон инсистира на значително зголемување на издвојувањата за одбрана. Шпанија, пак, останува на ставот дека ќе ги следи сопствените економски приоритети.Сето ова доаѓа во момент кога глобалниот конфликт околу Иран предизвикува раст на цените на нафтата и дополнително ја усложнува безбедносната и економската ситуација на меѓународно ниво.

Свет | пред 4 дена

4 ден.

Наместо во затвор, си се шетал: полицијата фати осуденик баран со потерница

Денеска (01.05.2026) во 10:40 часот, полициски службеници од Секторот за меѓународна полициска соработка - Одделение за потраги/Отсек за потрага по цел, по претходно добиено оперативно сознание, а во содејство со СВР Битола, го приведоа лицето Р.З.(57) од Битола.Лицето е барано со централна потерница по член 353 став 3 осуден на казна затвор.

Македонија | пред 4 дена

4 ден.

(Фото) ФФМ го промовираше новиот национален дрес изработен во соработка со Adidas

Фудбалската федерација на Македонија го претстави новиот дрес на македонската репрезентација, изработен од ADIDAS во рамките на програмата UEFA Kit Assistance Scheme.„Со гордост го претставуваме новиот дрес на македонската репрезентација.Симболика што ја претставува гордоста и единството на нашата земја, каде што секој бод носи спомен, а секоја линија, надеж.ФФМ и Adidas, едноставено, но кажува доволно.Стил, став и јасна порака кој си и што претставуваш кога ќе излезеш на терен.ФФМ е дел од програмата во рамки на UEFA Kit Assistance Scheme. Националните асоцијации користат ексклузивната ADIDAS „Locker Room“ услуга за дизајн, која нуди широк спектар решенија за креирање на тимска опрема“, велат од ФФМ.

Македонија | пред 4 дена

4 ден.

Тензии меѓу Иран и САД растат: Техеран обвинува за агресија и најавува воено зајакнување

Иранските власти ја заоструваат реториката кон Доналд Трамп и Бенјамин Нетанјаху, обвинувајќи ги САД и Израел за, како што наведуваат, агресија и погрешно прикажување на трошоците од конфликтот што започна на 28 февруари.Иранскиот министер за надворешни работи, Абас Арагчи, изјави дека Вашингтон ги преувеличува финансиските последици од војната и дека вистинските трошоци се далеку повисоки од официјално објавените процени. Тој додаде дека товарот од конфликтот директно паѓа врз американските даночни обврзници.Во меѓувреме, иранските правосудни и политички претставници нагласуваат дека Техеран не се откажал од можноста за преговори, но дека нема да прифати услови под притисок. Според нив, дипломатијата мора да се заснова на рамноправност и меѓусебно почитување, а не на закани и наметнување решенија.Иранскиот став дополнително се заострува и во однос на безбедноста во Персискиот Залив и Ормутскиот теснец, каде што властите најавуваат засилено воено присуство и развој на нови капацитети. Техеран испраќа порака до земјите од регионот да не дозволуваат присуство на странски воени сили, особено американски бази.Според иранските официјални изјави, контролата врз стратешките поморски рути се смета за клучна за националната безбедност, а најавите за ново вооружување дополнително ги зголемуваат тензиите во регионот.

Свет | пред 4 дена

4 ден.

Оксфам алармира: платите на шефовите скокнале 54%, на работниците паднале

Јазот меѓу платите на директорите и вработените драматично се продлабочува по пандемијата, покажува најновата анализа на организацијата Оксфам, објавена по повод Меѓународниот ден на трудот.Според податоците, платите на извршните директори на глобално ниво се зголемиле за 54 проценти во периодот од 2019 до 2025 година, додека реалните приходи на работниците во истиот период паднале за 12 проценти. Просечната плата на директор достигнала 8,4 милиони долари, што е значително зголемување во однос на 5,5 милиони долари пред неколку години.Анализата, која опфаќа 1.500 компании од 33 земји, покажува дека за да заработи сума колку просечен извршен директор, еден работник би требало да работи дури 490 години. Во меѓувреме, платите на највисоко платените директори во 2025 година растеле 20 пати побрзо од платите на работниците.Трендот е видлив и во Германија, каде платите на 25 директори од индексот ДАКС пораснале за 56 проценти, додека приходите на работниците остануваат под нивото од пред пандемијата.Дополнително, извештајот на Меѓународна конфедерација на синдикати и Оксфам покажува дека околу 1.000 милијардери колективно добиле 79 милијарди долари дивиденди во 2025 година – што изнесува околу 2.500 долари во секунда.Меѓу најголемите добитници се сопственикот на LVMH, Бернар Арно, и основачот на Inditex, Амансио Ортега, кои добиле милијарди долари дивиденди.Оксфам предупредува дека ваквата нееднаквост претставува ризик и за демократијата, повикувајќи на повисоки даноци за супербогатите, ограничување на платите на извршните директори и политики кои ќе обезбедат правични приходи за работниците.

Свет | пред 4 дена

4 ден.

Започна првомајскиот протест на ССМ, работниците на улица: „За плата се бориме, не се молиме“

Пред Работничкиот дом во Скопје започна протестот на Сојузот на синдикатите на Македонија, организиран по повод 1 Мај – Меѓународниот ден на трудот. Голем број работници, синдикалци и граѓани се собраа со барања за повисоки плати, подобри услови за работа и поголема заштита на работничките права.Протестниот марш ќе продолжи кон Владата на Република Македонија, каде демонстрантите ќе ги испратат своите пораки до институциите.Низ толпата се истакнуваат бројни транспаренти со силни пораки: „За плата се бориме, не се молиме“, „Работниците го хранат капитализмот – тие ќе го срушат“, „Долу капиталот, ослободување на трудот“ и „Власта – слуга на капиталот“.

Македонија | пред 4 дена

4 ден.

Лозинките заминуваат во историјата: новиот систем за најавување нуди поголема безбедност

Британските безбедносни експерти препорачуваат постепено напуштање на традиционалните лозинки и премин кон таканаречени пристапни клучеви (passkeys), кои се сметаат за побезбедна и поедноставна алтернатива за најавување на дигитални услуги.Според насоките на Националниот центар за сајбер-безбедност, кој функционира во рамки на GCHQ, корисниците треба да почнат да ги користат овие клучеви како прв избор при пристап до онлајн-платформи. Ова претставува значајна промена во стратегијата, бидејќи претходно постоеле резерви поради технички предизвици.Во меѓувреме, технологијата е унапредена, па сега се оценува како поотпорна на сајбер-напади и полесна за користење. Наместо внесување лозинка, пристапните клучеви овозможуваат автентикација преку биометрија, како отпечаток од прст или препознавање лице, или преку безбедно зачуван криптографски клуч на уредот.Од Центарот нагласуваат дека овој пристап ги елиминира долгогодишните проблеми со паметење и управување со лозинки, а истовремено нуди повисоко ниво на заштита од фишинг и злоупотреби.Сепак, и покрај предностите, пристапните клучеви сè уште не се широко прифатени, па за сервисите што не ја поддржуваат оваа технологија се препорачува користење менаџери за лозинки и задолжителна двофакторска автентикација.Владата на Обединетото Кралство веќе најави дека ќе ги воведе пристапните клучеви во своите дигитални услуги како алтернатива на СМС-потврди, со очекување дека тоа ќе донесе значителни заштеди и ќе ја зголеми безбедноста на корисниците.

Магазин | пред 4 дена

4 ден.

(Видео) Нов напад со дронови врз нафтен терминал во Русија

Нафтен терминал во рускиот град Туапсе рано утринава бил цел на нов напад со беспилотни летала, при што избувнал пожар, јавуваат медиуми. Ова е четврти ваков инцидент во последните две недели.Според регионалните власти од Краснодарски крај, во гаснењето на огнот учествуваат 128 лица и 41 возило, а засега нема информации за повредени или загинати. Огнот зафатил дел од нафтената инфраструктура, а според неофицијални извештаи, најмалку два резервоара биле опожарени.Снимки објавени на социјалните мрежи покажуваат густ црн чад кој се издига над областа, додека дел од градот останал без електрична енергија. Некои извори наведуваат и прекини во интернет-врските.Украинската страна засега не го коментирала инцидентот, а информациите не се независно потврдени. Надлежните служби продолжуваат со интервенцијата и проценка на евентуалните последици врз животната средина.

Свет | пред 4 дена

4 ден.

Вучиќ: Косово не е целосно призната држава, членството во НАТО неизвесно

Претседателот на Србија, Александар Вучиќ, изјави дека се надева оти нема да дојде до прием на Косово во НАТО, коментирајќи ги иницијативите на поединечни американски конгресмени.Говорејќи пред медиумите по отворањето на тренинг-центар за дуално и доживотно образование во Машинското училиште во Панчево, Вучиќ нагласи дека Србија има соработка со Алијансата, вклучително и учество во заеднички вежби.Во исто време, тој повтори дека Косово не може да се смета за целосно меѓународно призната држава, бидејќи, како што посочи, не е признато од сите членки на Обединети нации.Изјавата доаѓа во контекст на засилени политички дебати околу можниот евроатлантски пат на Косово, прашање кое и натаму предизвикува поделени ставови на меѓународната сцена.

Балкан | пред 4 дена

4 ден.

(Видео) Уапсен 57-годишник во Катланово, пронајдена дрога и вага

На 1 мај 2026 година, во раните утрински часови, полициски службеници од Единицата за недозволена трговија при СВР Скопје извршиле акција во скопското село Катланово, при што лишиле од слобода лице на возраст од 57 години.При претрес во домот на осомничениот, извршен врз основа на судска наредба, била пронајдена марихуана, како и дигитална вага, информираат од МВР.Лицето е приведено во полициска станица, а по целосно документирање на случајот против него ќе биде поднесен соодветен поднесок.

Македонија | пред 4 дена

4 ден.

Манасиевски: СДС зборува за европски вредности, ги спинува европските функционери и го негира македонскиот идентитет, Филипче од фотелјата на Заев вели дека е спремен за уставни измени без гаранции

Од ВМРО-ДПМНЕ преку соопштение обвинуваат дека СДСМ лажно се претставува како проевропска партија, додека, според нив, во пракса шири невистини и ги спинува изјавите на европските претставници.Пратеникот Бране Манасиевски на прес-конференцијата посочува дека лидерот на СДСМ, Венко Филипче, настапува без јасни црвени линии во однос на евроинтегративниот процес и е подготвен за уставни измени без гаранции.Во соопштението се наведува и дека член на Извршниот одбор на СДСМ, Рубин Земон, во јавен настап изнел ставови со кои, според ВМРО-ДПМНЕ, се релативизира значењето на Гоце Делчев за македонската државност, за што, како што велат, немало реакција од раководството на партијата.Дополнително, Манасиевски обвини дека СДСМ ги извртувал изјавите на европратеникот Томас Вајц, кој подоцна појаснил дека неговото интервју било дадено претходно и дека постои напредок во реформите.Од владејачката партија тврдат дека опозицијата со месеци ширела невистини и за средствата од ИПАРД програмата, посочувајќи дека од Брисел било потврдено дека тие не се блокирани и остануваат достапни.Според ВМРО-ДПМНЕ, ваквите постапки покажуваат дека СДСМ делува опортунистички, а не проевропски, обвинувајќи дека со своите ставови ја доведува во прашање и позицијата на државата во евроинтегративниот процес.

Македонија | пред 4 дена

4 ден.

Јокиќ по елиминацијата во првата рунда од НБА-плејофот: „Да бевме во Србија, сите ќе добиевме отказ“

Кошаркарот на Денвер Нагетс, Никола Јокиќ, беше искрен и самокритичен по елиминацијата на неговиот тим во првата рунда од НБА-плејофот, откако Минесота Тимбервулвс славеше со 4-2 во серијата.Во шестиот натпревар, кој заврши со пораз од 110:98, Јокиќ постигна 29 поени, со 10 асистенции и девет скока, но и четири загубени топки. По средбата, тој призна дека тимот не одиграл на потребното ниво.„Не завршивме добра работа, имаа дури 19 офанзивни скокови и многу загубени топки од наша страна. Мораше да играм подобро, особено во првите три натпревари. Тие беа подобриот тим во оваа серија“, изјави Јокиќ.Тој нагласи дека не размислува за заминување од клубот и јасно порача дека сака да остане во Денвер на долг рок.„Сакам да бидам во Денвер засекогаш“, рече тој.Сепак, центарот беше особено директен кога станува збор за оценката на сезоната, потенцирајќи дека тимот е далеку од посакуваното ниво.„Само што испаднавме во првата рунда. Мислам дека сме далеку од тоа што треба да бидеме. Тоа не е моја одлука, но сигурно – да бевме во Србија, сите ќе добиевме отказ“, изјави Јокиќ.Тој целосно го ослободи од одговорност тренерот, посочувајќи дека вината е кај играчите.„Не е негова грешка што не ја фаќавме топката. Нема за што да се обвинува тренерот, ние сме виновни. Имавме 54 победи и трето место, иако имаше повреди. Не сакам да барам изговори – не успеавме да одиме понатаму“, додаде Јокиќ.

Спорт | пред 4 дена

4 ден.

Бенет: Израел се соочува со сериозна криза

Поранешниот израелски премиер Нафтали Бенет упати остри критики за состојбата во земјата, оценувајќи дека Израел се соочува со сериозни безбедносни и институционални предизвици. Во серија телевизиски настапи, тој изјави дека „државата се распаѓа“, посочувајќи на, како што рече, недостиг од капацитет за задржување на територии што претходно биле освоени од израелските сили.Според него, дополнителен проблем претставува фактот што десетици илјади млади ултраортодоксни мажи не ја извршуваат воената обврска, иако државата издвојува значителни буџетски средства за таа заедница.Овие изјави доаѓаат по неговото ново политичко приближување со опозицискиот лидер Јаир Лапид. Бенет најави дека, доколку повторно дојде на власт, ќе преземе решителни чекори, вклучително и смена на функционери за кои ќе оцени дека не дејствуваат во интерес на државата.Тој истакна дека работата на државните службеници ќе се оценува според нивните резултати, а не според политичките околности на нивното именување. Притоа изрази загриженост и за функционирањето на полицијата, предупредувајќи на ризик од нејзина политизација и најавувајќи засилен надзор доколку повторно ја преземе премиерската функција.

Свет | пред 4 дена

4 ден.

Бритни Спирс може да избегне затвор: ѝ се нуди спогодба поради возење под дејство на алкохол

Поп-ѕвездата Бритни Спирс има можност да избегне затворска казна во случајот за возење под дејство на алкохол, откако обвинителството во округот Вентура поднесе прекршочна пријава. Првото рочиште е закажано за 4 мај, а според надлежните, најверојатно ќе ѝ биде понудена спогодба за несовесно управување со возило во присуство на алкохол.Овој вид разрешница е вообичаен во случаи кога обвинетиот нема претходни прекршоци, нема предизвикано сообраќајна несреќа и нема повредени лица, како и кога нивото на алкохол во крвта е релативно ниско. Спогодбата најчесто подразбира признавање вина и условна казна во траење од 12 месеци, задолжително посетување едукативни програми за ризиците од возење под дејство и плаќање парични казни и судски трошоци.Од надлежните истакнуваат дека ваквиот пристап е чест, особено кога обвинетиот покажува подготвеност за рехабилитација или лекување од зависности. Во тој контекст, портпаролот на пејачката потврди дека таа доброволно се пријавила во установа за лекување, а според извори блиски до неа, нејзините синови имале клучна улога во одлуката да побара помош.Инцидентот се случил на 4 март, кога нејзиното возило било пријавено за небезбедно и пребрзо возење. По запирањето од страна на полицијата, биле забележани знаци на намалена способност за управување, по што следеле теренски тестови и приведување. Пејачката била пуштена на слобода следното утро.

Магазин | пред 4 дена

4 ден.

ЕУ ја суспендираше финансиската поддршка за Србија поради назадување на судството, медиумите молчат

Европската унија ги суспендираше средствата за финансиска поддршка за Србија во рамките на Европскиот план за развој, објави европската комесарка за проширување Марта Кос.Кос рече дека средствата ќе останат замрзнати сè додека, како што изјави, „Белград не ги реши проблемите забележани во функционирањето и независноста на судскиот систем“.,,Моментално ги суспендиравме сите исплати кон Србија според планот за развој , бидејќи повторно има назадување во судскиот систем, бидејќи повторно гледаме тесно грло во судскиот систем. Додека ова не се поправи, земјата нема да може да добие финансиска поддршка од ЕУ“, рече Кос.За оваа одлука голем дел од српските медиуми молчат.Кос ја објави одлуката наведувајќи сериозен „застој“ во независноста и функционирањето на српското судство“. Главната причина за суспензијата е серија контроверзни законски измени донесени од српската влада на почетокот на 2026 година. Овие реформи, насочени кон „централизирање“ на судството, беа широко осудени од локалните обвинители и меѓународните монитори. Критичарите тврдат дека новите закони го зајакнуваат влијанието на претседателот Александар Вучиќ врз судовите и ја ослабуваат независноста на Јавното обвинителство за организиран криминал. Според новите правила, наводно се прераспоредуваат десетици специјализирани обвинители, потег за кој ЕУ стравува дека ќе ги парализира случаите на корупција на високо ниво и организиран криминал.Комесаркатат Кос нагласи дека финансирањето од ЕУ е строго условено од владеењето на правото, демократските институции и независното судство. Нерегуларностите и насилството за време на локалните избори на 29 март 2026 година длабоко ја еродираа довербата во Брисел.Исто така, одбивањето на Србија да се усогласи со санкциите на ЕУ против Русија останува главна точка на триење, при што Брисел сè повеќе бара Белград да престане да „седи на две столчиња“. Континуираниот притисок врз независните новинари и репресијата врз активистите на граѓанското општество беа посебно наведени од Комисијата како доказ за влошување на демократската средина.Српскиот министер за надворешни работи, Марко Ѓуриќ, рече дека Србија планира да ги заврши сите технички процедури за интеграција во ЕУ до крајот на годината, но нагласи дека земјата нема да моли.

Свет | пред 4 дена

4 ден.

Земон се извини по изјавата за Гоце Делчев, вели дека бил погрешно разбран: Тие што ширеа говор на омраза ќе се соочат со законот

Поранешиот пратеник и лидер на ПОЕН, а сега член на ЦО на СДСМ, Рубин Земон, во поткаст на Коридор 8 изјави дека Гоце Делчев бил само мит кој ништо не направил за Македонија.По оваа изјава тој преку социјалните мрежи се извини појасни дека неговите зборови биле погрешно протолкувани. Земон нагласи дека немал намера да го намали значењето на Делчев, туку сакал да укаже на потребата од поголемо вреднување и на личности како Димитрија Чуповски и Крсте Мисирков во македонската колективна меморија.„Бидејќи гледам дека работата денес отиде во други димензии, сакам да објаснам дека во никој случај не сум помислил, ниту нешто сум направил за да ја намалувам вредноста, значењето и големината на великанот Гоце Делчев за македонската историја и неговата улога. Она за што говорев е повеќе за тоа што во нашата колективна меморија се запоставени Чупоски и Мисирков и дека и тие исто така треба да се на пиедесталот, особено за развојот на македонскиот идентитет. Тоа беше мојата дискусијата и тоа беше мојата поентата. Во никој случај не сум имал намера да се каже нешто против Гоце Делчев, којшто е на пиедесталот на македонската историја. Се извинувам на сите доколку нешто поинаку било разбрано или протолкувано.А тие што ширеа говор на омраза ќе се соочат со законот.П.с. Благодарам на сите што денес ми се јавуваа и ми даваа поддршка...“, напиша Земон.

Македонија | пред 4 дена

4 ден.

(Видео) Објавена нова видеоснимка од обидот за атентат врз Трамп: Напаѓачот со пушка во раце поминал покрај обезбедувањето

Американската обвинителка Жанин Ферис Пиро објави видеоснимка на која се гледа како Кол Ален, осомничен за обид за атентат врз американскиот претседател Доналд Трамп, поминува покрај обезбедувањето и агентите на Тајната служба во хотелот „Хилтон“, каде што се одржувала вечера на Здружението на дописници од Белата куќа.Таа соопшти дека осомничениот бил присутен на истата локација и еден ден пред инцидентот, што дополнително се анализира во рамките на истрагата. Според нејзините изјави, објавениот материјал веќе е доставен до федералниот суд во САД и е дел од доказниот материјал во постапката.Ален се товари по три точки од обвинението, меѓу кои обид за атентат врз претседател на САД, нелегален транспорт на огнено оружје преку државни граници и употреба на оружје при насилен кривичен чин. Доколку биде прогласен за виновен, му се заканува доживотна затворска казна.Осомничениот бил совладан и уапсен, а еден припадник на Тајната служба е полесно повреден.

Свет | пред 4 дена

4 ден.

Родилки без породилно: „Секој месец исто – чекајте денес, чекајте утре, а некои од нас зависат од овие пари!“

„Денес е 29-ти, а многу мајки сè уште немаме исплата. Прашање е дали до крај на месец ќе добиеме, кога останува уште еден работен ден“ – ова е реалноста со која, според сведоштвата, се соочуваат бројни родилки во земјава, кои со месеци чекаат на исплата на породилното отсуство.Марија Јованоска во допис до нашата редакција укажува дека проблемот не е изолиран, туку се повторува секој месец, при што мајките се оставени без јасен одговор кога ќе ги добијат средствата.„Ѕвониме во фонд, од таму ни велат чекајте денес, чекајте утре, чекајте оваа недела. И така секој месец. Но дали некој се запрашал дали нашите бебиња може да чекаат?“, прашува таа.Таа нагласува дека дел од семејствата директно зависат од овие средства, но дури и кога тоа не е случај, станува збор за законско право, а не за добра волја.Дополнителен револт предизвикува, како што наведува, нерамномерната исплата. Додека дел од мајките веќе ги добиле средствата, други остануваат без никаква информација кога ќе им бидат исплатени.„По кој принцип се прави ова? Кој одлучува кој кога ќе добие? Што сме ние помалку од тие мајки што земале на 20 април?“, се вели во реакцијата.Во јавноста се поставува и поширокото прашање – како државата очекува зголемување на наталитетот, ако мајките не можат да сметаат ниту на редовна исплата на веќе загарантирани права.„Породилното не е ничија добра волја, туку наше законско право. Недозволиво е секој месец да живееме во неизвесност“, порачува Јованоска.Од Фондот за здравствено осигурување досега нема официјална реакција за овие наводи. Истовремено, директорот Сашо Клековски од крајот на февруари до почетокот на април нема одговорено на ниту едно наше прашањето доставено од нашата редакција

Коментари | пред 4 дена

4 ден.

YouTube воведува нова AI функција: „Ask YouTube“ менува сè во пребарувањето

Google продолжува со интеграција на вештачката интелигенција во своите производи, а најновата платформа што ја добива оваа надградба е YouTube. Новата функција под името „Ask YouTube“ ќе им овозможи на корисниците да поставуваат сложени прашања и да добиваат сеопфатни одговори што комбинираат видеа и текстуални објаснувања.Функцијата овозможува дополнително истражување преку поставување потпрашања, со цел подетално навлегување во одредена тема. При активирање, корисниците ќе можат да внесат сопствено прашање или да изберат од предложени барања, по што системот генерира резултати во форма на резиме и релевантни видеосодржини.Првичните тестови покажуваат дека алатката може да понуди структуриран преглед на теми, како историски настани, заедно со директни линкови кон видеа и временски ознаки за клучни делови. Сепак, како и кај други AI-системи, забележани се и одредени неточности во одговорите, што укажува дека функцијата сè уште е во развојна фаза.Со оваа новина, Google продолжува да ја проширува улогата на вештачката интелигенција во начинот на кој корисниците пребаруваат и консумираат содржини на интернет.

Свет | пред 4 дена

4 ден.

Левица бара разрешување на директорката Насковска: Се штитат поединци наместо децата

Скандалот со бруталното врсничко насилство во Ѓорче Петров ја вознемири јавноста до темел. Но, снимките и фотографиите кои ги видовме се уште погрозни од било каква претстава, а бидејќи градоначалникот Александар Стојкоски тврди дека ги видел - фрапантен е молкот на Општината после такви сцени, велат од Левица.„Случајот не започнал и не може да започне во реонскиот парк во Ѓорче Петров (впрочем, парк кој е практично во дворот на полициската станица и каде што треба да има чувар), туку таму ја достигнал својата најтешка форма. Во конкретното училиште изминативе години, под раководство на Насковска, постојани се натрупуваат проблеми. Советниците од Левица во континуитет укажуваа на алармантни состојби, многу мал дел познати и голем дел незнајни за јавноста. Наместо сериозна интервенција, следеа флоскули, формални одговори и повторливи изговори дека „се работи на случајот“. Во пракса ништо не се промени, а одговорноста никако не пристигнуваше.Па така, се создаде и впечатокот дека приоритет не е решавање на проблемите, туку хистерична заштита на раководниот кадар, односно Насковска. Токму затоа, денес имаме институционален молк кој е спротивен на сериозноста на случајот.Особено забележителен е двојниот пристап на Општината. Во друг случај, за друго училиште, градоначалникот Стојкоски без задршка јавно на медиумите им го посочи училиштето, генерацијата, паралелката, беа сите ставени на тапет и следеа итни разрешувања без спроведена постапка. Денес владее потполна тишина и тенденција монстуозниот случај да се заборави што побрзо.Се штитат поединци наместо да се заштитат децата!Во вакви околности, прашањето за одговорност не може повеќе да се одложува.Левица бара итна оставка од директорката Гордана Насковска. Доколку истата не ја поднесе, бараме нејзино итно разрешување.Ова не е политичко барање, туку институционален минимум. Кога во една установа се повторуваат сериозни пропусти, кога нема превенција и нема реакција, тогаш раководството мора да сноси последици.Паралелно, ја информираме јавноста дека советничката група на Левица иницира вонредна седница во форма на надзорна расправа, на која ќе бидат повикани сите релевантни чинители - директори, стручни служби и претставници од полициската станица и слично. Целта е без фасада, да се утврди каде системот потфрла и кои конкретни мерки ќе ги преземеме за растечкиот број на скандалозни случувања во општината“, се вели во соопштението.

Скопје | пред 4 дена

4 ден.

СДСМ: Мицкоски ветува „рамо до рамо со Црна Гора“ реалноста е дека Македонија е рамо до рамо со Србија

Христијан Мицкоски, шеф нa криминална група ВМРО, ветува дека „наскоро од Брисел ќе стигне вест дека Македонија е рамо до рамо со Црна Гора“, алудирајќи на пристапувањето на Црна Гора во Европската Унија во 2028 година, велат од СДСМ.„Реалноста е сосема спротивна.Европската комесарка за проширување Марта Кос вчера соопшти дека Европската Унија замрзнува околу 1,5 милијарди евра од Планот за раст наменети за Србија, поради сериозно нарушување на владеењето на правото, слободата на медиуми, демократијата, слободата на говор и односите со Русија.Мицкоски, наместо да ги исполнува европските стандарди, ја копира најлошата верзија на српскиот модел – моделот на автократот Александар ВучиќПаралелата е јасна и болна:• Слобода на говор и демократија – Мицкоски преку Собранието носи декрети за забрана на говорот за мигрантите, а граѓаните кои мислат поинаку ги нарекува „талог на општеството“, „медиокритети“ „лешинари“ „глодари“ и „мочуриште“. Опозицијата ја нарекува „болна“ и „мекотели“.• Слобода на медиуми – преку Орбан контролира 40% од медиумскиот простор, а со законот за финансирање на медиуми врши притисок врз независните медиуми. Македонија падна на листата на слобода на медиуми и влезе во загрижувачка зона.• ЕУ пат – наместо реформи, имаме политика на „тројански коњи“: блиски врски со Русија (Стојиљковиќ и Ноќните волци), кинески кредити преку Орбан, почесен конзул Адамовиќ со руски врски, криминал и корупција, без реформи во правосудството, злоупотреба и партиско поставување во судовите, обвинителство и полицијата.Исти бизнис партнери.Европа јасно кажа: без вистински реформи, без владеење на правото и без слобода на медиуми – нема пари и нема напредок.Затоа, поради политиката на Мицкоски, криминалот, корупцијата и обожавањето на „браќата“ Орбан и Вучиќ, Македонија многу повеќе личи на Србија (која ги губи средствата и интеграциите) отколку на Црна Гора која напредува кон членство во ЕУ.Мицковски може да си ги раскажува своите бајки колку што сака, како што вели, сме трета економија во Европа со празни фрижидери и паричници но граѓаните јасно ја гледаат вистината.Доаѓа времето на вистината, правдата и одговорноста“, велат од СДСМ во соопштението.

Македонија | пред 4 дена